المنتدى :
أريد حلا
تغير 180 درجه
بسم الله الرحمن الرحيم
اشكر بالبدايه اللي جاب دي الفكرة لانكم فتحتو لي مجال اطلع شويا من اللي بقلبي
وهذي اول مشاركة ليا عندكم
اتمنى تعلقو على حالتي
كنت اعرف واحد من سنة او سنة ونص ,
كنا اصدقاء بس ال8 شهور الاخيره حبينا بعض
كنا نحب بعض مرة ونموت فبعض , لدرجة انو كان حتى بوقت م يكون مع اخوياه يسحب عليهم ويجي يكلمني
كل حاجه كنا نتفاهم ونتفق عليها , بس مشكلة وحده كانت عندي , اللي هيا اي غلطه منو تاثر فيني وبقوة اقولو انا م ابغاك واحذفو من البيبي واحذفو من المسن وامسح رقمو
وهوا كان م يتحمل فراقي ثانيه
يجي على طوول يترجاني ويراضيني ويفهمني
وكنت ارجع واصبر ’ بس يعني كلام اقولو م ابغاك وبالاخير مالي غيرو
مرت 5 شهور واحنا على هذا الحال ورغم هذا نحب بعض مرة
بس بالشهرين الاخيره من علاقتنا , تغير كثير
م صار زي اول يهتم فيني ولا يكلمني
حتى كمان صار يصرخ عليا :(
ويقولي كلام م كنت اتوقعو يطلع منو
بس يراضي بكلمتين , وانا ارضى لاني احبو واعرف من غيرو حتعب كتير
مرت االايام وسافرت وطلعت من جده . المهم حسيت بالم غريب على جمب بطني , ف لما كلمتو قلت لو انو والله احس بالم غريب ببطني بس حسيتو م اهتم مرة , وعادي قال م تشوفي شر قولي لامك
انا عصبت هنا قلت خلاص مع نفسك ولا عاد تجي تقولي حبيبتي ولا هم يحزنون ومن جد م ابغاك
قالي ليه والله مو قصدي وانتي بكيفك بس انا احبك
المهم جا الليل ,وانقلب 180 درجه
قالي اسمعي ذا الكلام م ينفع كل شوي تجي تقوليلي م ابغاك لو غيري كان م تحمل ويالله احذفيني زي م تبغي
وفعلا حذفني :(
وانا اللحين مقتنعه اني مو غلطانه لانو كان يقهرني شي طبيعي اقولو م ابغاك
بس نفسي ارجع له
وللاسف بكيت له وترجيت له وانا عمري م سويت دا الشي لاحد غيره
وهوا عادي مو كاني جالسه ابكي قالي يالله انا معزوم بعدين اكلمك :(
وهذا هوا اللحين له شهر تاركني وانا مازلت احاول لاني اموت فيه
صدقوني م قدرت اتركه والله تعبت نفسيا كل يوم انام وانا ابكي
انا عارفه بتقووولولي انسيه وهوا الخسران وبتلقين غيره والكلام الكثير هذا
بس والله والله والله مو قادره :(
قولولي ايش اسوي :(
|