صباح الخير و مساء الرضا من الرحمن
كيفكم يا غاليات عساكم بــ خير
جيت و جبت معاي فطوري المعاد << يعني مافيه فناتك ^ــ^
يـــ الله استلموا ...
..
..
..
.~. الطبق الرئيسي .~.
مرقة لحم + رز << لا يغركم مو أنا مسويته
طبعا ما يحتاج أقول المقادير و الطريقة لإن أكيد تعرفونه
..
..
..
.~. تشريب = ثريد .~.
مرقة اللحم + خبز تنور <<< من يدين ماماتي حلوه اللبن
.~. مقادير العجينة .~.
طحين ,, ماء ,, ملح ,, شوية سكر ,,ملعقة صغيرة خميرة
الطحين و الماء أمي مالها مقدار معين على حسب الصحن اللي تعجبن فيه
يخلطون مع بعض عدل و تتركينه شويات بعدين تعيدين عليه ...
..
..
..
.~. شوربة عدس .~.
.~. المقادير .~.
عدس ,, ماء ,, بصل مفروم ,, طماطه مبشورة ,, ظرف شوربة ماجي ,, بهارات + فلفل + ملح
.~. الطريقة .~.
أول شيء نفوح العدس بــ روح و الماي يكون على حد العدس لا يزيد و لا ينقص
تحمس البصلة بــ شوية زيت ,,و نضيف عليها الطماط المبشور + البهارات و الفلفل و الملح ,,نضيف شوية ماي
و بعدين ظرف الماجي ,, بعدين العدس المسلوق ,, و نخليه على نار هادية فترة لما تشوفون أن العدس خلاص
ذاب ,, اللي ما تحب الشعيرية مع الشوربة ممكن تستبدلها بــ مكعب ماجي ...
..
..
..
.~. سمبوسة ماش .~.+ .~. كبة لحم + جبن .~.
.~. المقادير .~.
ماش ,, بصل مبشور ,, بطاطس مقطع مربعات صغيرة ,, ملح و بهارات ,, عجينة سويتيز
.~. الطريقة .~.
يسلق الماش لغاية بــ ماي فاتر ,, بــ هذا الوقت نحمس البصل بــ شوية زيت ,, و نضيف عليه مكعبات
البطاطس و نضيف ماي ,, و نخليه لـ غاية ما يلين البطاطس ,, بعدين نضيف عليه الماش ,, و البهارات
و الملح و الفلفل و مكعب ماجي للي تحب ,, و نخليه على النار لــ غاية ما يذوب حيل و يصير لين ...
و من ثم نحلف العجينة الصراحة طعمه خطير و أحسن من سمبوسة الجبن او الخضار ...
.~. الكبة بــ نفس طريقة الكل ما فيها شيء غريب .~.
..
..
..
.~. صينية التوست بــ الدجاج .~.
.~. المقادير .~.
دجاجة مسلوقة و مقطعة لــ قطع صغيرة ,, فلفل أخضر بارد ( الرومي ) ,, بصل شرايح ,,كزبرة
بقدونس ,, مكعب ماجي ,, بهارات و فلفل و ملح ,, و اللي تحب تضيف جزر ,, توست ,, جبن
كأسات ,, مكعب ماجي ثاني ^ــ^ ,, كريمة ,, جبن موزيلا ...
.~. الطريقة .~.
يحمس البصل لــ غاية ما يتشقر + مكعب الماجي ,, يضاف له الفلفل الرومي و الخضرة و الدجاج و البهارات
و الملح و الفلفل << و حلاتة لــ كان الفلفل زايد ,, و نخليهم على نار هادية و على الرحة ...
بــ هالوقت نجيب بايركس و نصف فيه التوست ( نشيل الأطراف ) بعد ما ندهن كل وحدة بــ روح بــ شوية
جبن ( إذا كان واجد يطلع طعمه مو حلوووو ~ــ~ ) ,, نحط الحشوة على كل توسة بــ روح ,,بعدين
نحط طبقة ثانية من التوست نفس الاولى و يكون مدهون عليها شوية جبن ,, على الوجه نحط الكريمة + مكعب
الماجي ,, بــ الأخير نرش جبن الموزيلا ,, و ندخله الفرن لــ غاية ما يتشقر من فوق ...
..
..
..
.~. لفايف دجاج .~.
بــ نفس الحشوة اللي فوق بس بــ عجينة السويتيز و على الوجه نفس الشيء كريمة و مكعب ماجي و جبن الموزيلا ...
..
..
..
.~. شعيرية البطاطس .~.
.~. المقادير .~.
كيس شعيرية ,, بطاطس مكعبات ,, بطل مبشور ,, كوب شبنت ,, ملح + بهارات
.~. الطريقة .~.
تسلق الشعيرية بــ شوية ملح ,, بــ هذا الوقت نحط البصل بــ شوية زيت لــ غاية ما يتشقر و بعدين نضيف عليه
مكعبات البطاطس و ربع كوب ماي لــ غاية ما يذوب البطاطس ,, نضيف الشبنت و بعدين نضيف البهارات و الملح
و يقلب على نار هادية شويات و بعدين نضيف الشعيرية بعد ما نصفيها من الماي ...
..
..
..
.~. معكرونة عادية .~.
..
..
..
.~. كيكة القليمروز .~.
.~. المقادير .~.
بسكويت ,, ظرف دريم ويب ,, قيمر ( قشطة ) ,, ظرف كريم كراميل ,, فواكه مشكلة ,,
عصير كوكتيل ..
.~. الطريقة .~.
نخلط المقادير مع بعض ( كريم كراميل + دريم ويب + قيمر ) ,, نصف البسكويت و نقعه في عصير
الكوكيتل و بعدين نحطه في بايركس و نضيف عليه طبقة من الخلطة ,, نحط طبقة ثانية من البسكويت المنقع و
بعدين طبقة ثانية من الخلطة ,, بــ الأخير نزينه بــ الفواكهه المشكلة ...
بقى من الخلطة ضفت عليها كاكاو و البسكويت نقعته بــ حليب ...
..
..
..
.~. جلي و مهلبية .~.
ما يحتاج الطريقة ^ـــــ^
..
..
..
.~. لــ الأمانة أنا سويت الحلو و صينية التوست و اللفايف و الشعيرية بس .~.
.~. و ساعدت ماماتي بــ لف الكبة و السمبوسة ^ــ^ .~.
..
..
..
20-08-11, 06:28 PM
جديد مواضيع قسم ركن المطبخ
العرض العادي
