كاتب الموضوع :
اسطورة !
المنتدى :
القصص المكتمله
رد: الموت ما هو أنك تكتفن بترابك ! الموت أنك تحب حي ويفارقك ، للكاتبة : }{!Karisa!}{
هلاا يا الحلوات سوووري على التاخير هذا البارت وصل
-
-
البارت الخمسون:
قبـل سنوات
ايمان بتنهد نظرت من جديد لشهادته الدرجات لاخر شهر و تاففت: بابا راح يقتلني
نوف بضحك :هههههههه ليش ما تغيرت درجاتج؟ دايما سيئه
ايمان وهي تبوز: بس اول مره ارسب بماده اوووف
نوف ضحكت: قلت لك ادرسي بس حضرتج رحتي للمطعم
ايمان: فواز حبيبي قلبي عزمني و ما قدرت ارفض
نوف: ما راح يوديج بداهيه الا هالاكل و فواز
ايمان ضحكت :ههههههههههههههه
نسيبه طالبه هاديه و مسالمه و ما ينسمع لها صوت قربت منهم: ممكن اجلس معكم
ايمان بابتسامه : اكيد تفضلي نسيبه
نسيبه بالعاده كانت تجلس لحالها لما يكون وقت الفرصه ووقت الاحتياط وحتى في النشاط كانت تفضل تكون انعزاليه نادرا ما ينسمع صوتها فقربها من ايمان في مثل هذا الوقت كان مثير للاستغراب، خصوصا انها كانت جالسه بهدوء تسمع لحديث ايمان و نوف من غير نقاش بعد دقائق
وقفت نوف وسالت: ايمان اشتري لك شيء من المقصف؟
ايمان: 2 بطاط جيبس 1 سنكيرز 3 كيت كات 4 بيبسي
نوف بمقاطعه: بسسسسسسس انتي متى ناويه تسوين رجيم؟؟؟
ايمان: بالعيد هههههههه
نوف ضحكت و مشت بعيد بمجرد ما ابتعدت نوف ايمان التفتت لنسيبه: نسيبه شنو فيج؟
نسيبه بعيون خايفه: مافيني شيء
ايمان وهي تهز راسها: تقدرين تقنعين الكل بان في شيء بس انا لا ، في شيء مضايقج ؟ احد قايل لج شيء؟؟
نسيبه بسرعه بدت ترتجف و نزلت دموعها: ههنننننننننند.......هندددد
ايمان بمجرد ما انذكر اسم هند عقدت حواجبها: شنو مسويه هذي الحقيره؟؟؟
نسيبه: هند بتموتني ياا ايمان
ايمان بضحك: ههه تموتك؟ شنو هذا الكلام اكيد تمزيحين ياا نسيبه شنو تموتج ؟ الدنيا فوضه
نسيبه: والله ياا ايمان احلف لج هي قالت ان دخلتي بطوله التنس راح اذبحج و هددتني بعد ما انقبلت ان ما سحبت الطلب حتى تدخل هي راح تذبحني
ايمان بقهر: هو بكيفها لا يكون بتطلعين من البطوله نسييييبه هذي فرصه عمرج
نسيبه: انا خفت و قررت اطلع بس ابوي رفض قال ان هذا مستقبلي و مستحيل اطلع منه علشان سبب غير مقنع باجر اخر يوم للانسحاب و انا خايفه
ايمان بضحك: ههه كلام ابوج صح يا نسيبه .. لا تخافين هند تسوي مكائد و تتوعد وااايد بس في الحقيقه تقول ولا تسوي
نسيبه: بس يا ايمان انتي بالذات تعرفينها من اللي تسويه فيج ظنيتج بتحسين فيني ..
ايمان: قلت لج تتكلم وايد و ما تسوي شيء ثقي فيني و لا تطلعين من البطوله
نسيبه بابتسامه: مشكوره يااا ايمان.. كلامج طمني كثير
ايمان ابتسمت و سار الموضوع تمام و انقبلت نسيبه و انرسل اسمها مع المرشحين للبطوله وحست ايمان بفرح لانها ما طلعت و حققت مرادها ....لكن هذا كان ماظنته بس....
بعد يومين
صراااااااااااااااااااااااااااااااااااااااااااااااا ااااااااااااااااااخ :اآآآآآآآآآآآآآآآآآآآآآآآههههههههههههههههههههههههه ههههههههههههههههههه
صرخه عاليه جدا من صوت معروف انسمع من الطابق السفلي كل اللي كانوا في الصفوف طلعوا ركض للسلم اللي كانت منه الصرخه و ايمان انصعقت من المنظر على الارض كانت متمدده نسيبه اللي كان راسها ينزف دم و واقفه ماهو بعيد عنها هند تصرخ: الحقووا على نسيبه ما ادري شنووو فيها
وحده من المعلمات ركضت و صارت تهز بنسيبه اللي كانت مثل الجثه الهامده و تصرخ: نسيبه نسييييييبه ردي علي .... ايش صاار ياا هند؟؟؟
هند وهي تذرف دموع برئيه: ما ادري .. ما ادري... كنت رايحه اصور اوراق ابله الرياضيات و لما كنت برجع الصف شفتها على الارض و صرخت
ايمان من غير لا تحس بنفسها : ياااااااااا حقييييييره ذبحتيهااااا يااا حقييييييييره !!!1
االبنات مسكوا ايمان قبل لا تضرب هند: اتركوني اذبحهااا هذي اللي ذبحتها هي
هند بتمثيل متقن: اناا اذبحهاااا انااا جرام عليج يا ايمان... حرام عليج
ايمان استمرت تصرخ و تصرخ بس ما كان في رد لان نسيبه انقلت للمستسشفى و صابها ارتجاج بسيط في الدماغ اضافه الى كسر في الحوض يمنعها من مزاوله اي رياضه طول عمرها و لما صحت ما ذكرت ابدا شنو اللي صار فاعتمد الكل على شهاده هند انها سقطت رغم اعتراض ايمان و تاكيدها انها السبب ... لكن محد صدقها و حتى لما طلبت ايمان من نسيبه تقول الحقيقه بخوف رفضت وايمان فهمت ساعتها ان نسيبه تعرضت للتهديد وهو اللي منعها من انها تقول الحقيقه ايمان يومها حست ان هند ماهي اللي تهدد و ما تنفذ مثل ما كانت تقول .. لكن وحش ما يحط اي خوف في وجهها في سبيل تحقيق اي شيء تبيه..حتى لو كان انها تذبح هذا الشخص اللي في طريقها
-
-
الوقت الحالي :
ايمان فتحت عيونها وحست بشيء ناعم يحيط فيها و سقف ملون ماهو سقف السجن اللي كانت فيه، رمشت بشكل متتالي وبعدها حركت راسها لنواف اللي كانت عارفه انه جنبها بعيون حنونه تاملت وجهه البريئ: ظنيتك راح تتخلى عني..........بس يظهر اني كنت غلطانه..
سحبت نفسها من السرير من غير لا تصحيه و مشت للحمام بمجرد ما تلاقت عيونها بوجهها في المرايا اثار الضرب اللي تسببوا فيها المسجونات اللي كانوا معها بتنهد اخذت تغسل وجهها حتى تغطيه بالمكياج ..
بمجرد ما اخذت المشط حتى تسرح شعرها اللي كان منفوش تذكرت تمشيط ايمان الصغيره اليوم اللي قبله وكلام نواف اللي يقهر عن هند بعد...... لثواني مر في بالها كلام نسيبه من قبل
((((نسيبه: بس يا ايمان انتي بالذات تعرفينها من اللي تسويه فيج ظنيتج بتحسين فيني ..
ايمان: قلت لج تتكلم وايد و ما تسوي شيء ثقي فيني و لا تطلعين من البطوله )))
ايمان تذكرت تهديد هند لها انها راح تاخذ نواف منها حتى تقهرها و تحدتها ، ايمان حركت عيونها من جديد لنواف اللي كان مازال غاط في النوم : لا......... كل اللي سويته فيني مستعده انساه و ما اخسر ضد هند ....لان من بين كل الناس اللي آذووني و دمروني هند هي الوحيده اللي ما اقدر اسامحها...
ايمان مشت بخطوات واثقه لغرفه لملاابس و طلعت لها فستان..
نواف صحى بعد ما شبع من النومه الطويله اللي اخذها و رفع جسمها بصعوبه بسبب التعب تامل حوله و عرفه انه في جناح ايمان وماهو في جناحه لكن الشيء اللي حطمه كان غير ، على التسريحه كانت ايمان لكن ماهو باي شكل معتاد
كانت لابسه فستان بنفسجي ضيق طويل صحيح لكن له فتحه لاعلى الفخذ و فتحت صدره واسعه و مسويه شعرها ويفي و حاطه وردتها الحمرا و ميك ابد بنفسجي ناعم و قلوس فوشي و حركت عيونها له و بابتسامه تسحر : صباح الورد
نواف فتح فمه بذهول من منظرها و صوتها اييمان ابتسمت و مشت لعنده: ايشفيك مصدوم
نواف وهو يرمش بعيونه: ايمان؟
ايمان بدلع: يا روح ايمان انت
نواف بضحكه: ههه انا اكيد احلم
ايمان نزلت على ركبتها وحضنت نواف : وهذا حلم
نواف تنح من تصرفها وحضنها : بصراحه ان كان هذا حلم فاتمنى ما اصحى منه ابدا..
ايمان: بس ماهو حلم يا نواف... انا رجعت لك... رجعت لك بعد ما عرفت اني ما اقدر اعيش من غيرك وانك الانسان الوحيد اللي يحبني بحق....... احبك يااا نواف
نواف ما عاد فيه يتحمل سحبها معه للفراش و قبل اي شيء :انا ما علي صلاه
نواف بصدمه:هااا
ايمان بدلع: سوري يا نواف
نواف بوز : الحين تقولين لي...
ايمان وهي تمثل الحزن: سوووري حبي... ما كنت اقصد ازعلك
نواف بتنهد وهو يبعد عنها : انا اللي اسف عمري... ما تمالكت نفسي بعد ما اخيرا اشوفك رجعتي لي
ايمان بدلع: انا طول عمري معك.. بس انت اللي رحت بعيد
نواف بعيون خبيثه: يااا سلام... نسينا اللي سويتيه فيني؟؟ وحركاتج اللي تعرف الضغط
ايمان : ونسيت انك تركتني لحرمه ثانيه
نواف بتافف: رجعنا للموضوع هذا
ايمان: انا ما رجعت انت اللي رجعت للموضوع و ثانيا خلاص انا ما عاد فيني ابتعد عنك
نواف وهو يبوسها : يا حبي ياا ايمان
ايمان ابتسمت على تصرفات نواف البرئيه رغم كل القوه اللي كان يملكها وكل الشر و الخبث و الدهاء اللي عنده كان عند ايمان طفل صغير تقدر تتحكم فيه بسهوله، و بغضبه و بذاكرتها : حبيبي نواف... ايش رايك نسافر
نواف استغرب عرضها المفاجأ و قبل لا يتكلم كملت: كبدايه جديده ..شهر عسل جديد
نواف ابتسم و باسها من جديد: اكيد يا عمري......
ايمان ابتسمت بدلع وهي تقول في نفسها: اول شيء لازم اسويه هو اني ابعدك عن المكان اللي فيه هند
نواف بتنهد: بس للاسف ما اقدر الحين..
ايمان: ليش؟؟؟
نواف: انتي ناسيه ان بكرا ملكه عواطف؟
ايمان بتنهد: يعني شنو ما اسافر معك..
نواف: انتي تعرفين اني علشانك اروح القمر ركض ...بس يا ايمان.. عواطف اكيد محتاجه لي...وبكرا ملكتها و عرسها في الوقت نفسه
ايمان: شنو ماني فاهمه؟؟؟
نواف بتنهد: احمد يقول ان بما عواطف مطلقه و مشاري متزوج مافي داعي ابدا لعرس كبير.. حفله ملكه صغيره في فندق و ياخذ حرمته معه ..
ايمان: فهمت... بس ليش ما تم تبليغي على الاقل اتجهز
نواف ببابتسامه: هذا انا قلت لك يعني ما عندك عذر تكونين حلى و ارقى وحده في الحفله
ايمان: وانت عندك شك في هذا الشيء
نواف: لا طبعا ...
ايمان وهي تسحب نفسها منه: يالله تحرك و بدل علشان ننزل نفطر
نواو هو يطير حاجبه: بتنزلين كذا؟؟
ايمان وهي تنظر لشكلها: ليش فيه شيء
نواف : طبعا فيه شيء.. فخذك كل ظهر و صدرك بعد..
ايمان بدلع لانها نجحت في اثاره غيرته: بس مافي احد غريب عادي مافي الا امك و ابوك وخواتك
نواف: حتى لو ما كان في احد هذا اللبس لي انا وبس
ايمان وهي تغمز له: و لك هذا ايااا روح ايمان ..
نواف:انتي ناويه تجبين خبري وشكلي بسوي شيء...........
ايمان بسرعه هربت ودخلت غرفه التبديل وهي تضحك: سووروي
-
-
-
|
02-01-13, 09:43 AM
.gif)
رد: الموت ما هو أنك تكتفن بترابك ! الموت أنك تحب حي ويفارقك ، للكاتبة : }{!Karisa!}{
من جد روعه وتسلملي ادياتك ياقلبوووو صراحه الروايه جناااااااااااااان بس حبي لاتطولي علينا وتبين الصراحه انا كنت اقراها في منتدئ ثاني بس سجل بهذا عشانك
جديد مواضيع قسم القصص المكتمله
العرض العادي
