"البـارت الـسـادسـ عـشـر"
,,,,,,,,,,,,,,,,,,,,,,,,

غاليه وهي تغمز بعينها قالت:أشوف الوضع رومنسي بينك وبين مسيو خالد
عهد بحياء:الله لايغير علينا
غاليه ببتسامه خبيثه:والله أخوي مو هين وين ألي تقول ماراح أقدم له شي حتى يصرح بحبي
عهد برومنسيه :ومن قالك ماصرح تصدقين إذا قلتلك مايمر دقيقه إلا يقولي أحبك
غاليه صفرت بعدين قالت ببتسامه:عقبالي يارب
دخل خالد على كلمة غاليه وقال بهدوء:عقبالك شنو
غاليه ببتسامه:يمه منك كيف دخلت ماحسينا فيك
خالد وهو يجلس في كنب مقابل عهد وغاليه قال:ماحسيتي من كثر هذر ألي جمبك والله
عهد بصدمه:أنا
غاليه بضحكه مرحه:لا يقصدني أنا الحين البنت صار لها ساعه تمدح فيك وأنت تكرش فيها
خالد ببتسامه ساخره:صدق أنكن يالبنات مخفات الواحد يضحك عليكم بكلمتين تصدقون
عهد فتحت عيونها على الآخر وقالت بدون شعور:مخفات
خالد ببتسامه:أي مخفات وإلا على بالك أني ماأدري أن عمليتك نجحت
غاليه بصدمه:دريـــــــــــت
عهد حست وجهها أحترق من الحياء وقالت بتلعثم:من قالك
خالد ببتسامه ساخره:قالتلي أفعالك تصدقين أنك ممثله فاشله مع مرتبة الشرف
غاليه بهدوء:وهذا الشي مايفرحك
خالد بعصبيه:يفرحني لو جت حرمي الوصون وقالتلي مو تتعامل معي بهالحركه الغبيه
عهد بندم:آسفه ماكـ
خالد قال بعصبيه:بس مابي أسمع منك شي وعلى العموم أنا أخذت حقي لعبت عليك مثل مالعبتي علي
غاليه حست أن الموضوع تحول لموضوع شخصي بينهم لذلك أطلعت من عندهم بهدوء
عهد بنبره مقهوره:وش قصدك بكلامك
خالد قام واقف وتقدم منها ونزل راسه لمستواها وحط جبينه على جبينها وقال بسخريه:قصدي الليله الممتعه ألي قضيتها معك ياحلوه
عهد دفته بيديها وهي تقول بصراخ:أنا أستاهل
خالد بعد عنها وقال ببتسامه مستهزئه:أكيد تستاهلين يومك فكرتي تلعبين بخالد
عهد قامت واقفه وقالت بصوت مخنوق:أنا مالعبت فيك أنا كنت أبيك تحبني بعيوبي
خالد بعصبيه:أحبك بعيوبك سوى أكرهك أو أحبك هالشي مايعطيك الحق بالكذب علي
عهد بدى صوتها يتأثر بالبكي وهي تقول بقهر:حتى لو كذب هالشي مايعطيك الحق تلعب بمشاعري
خالد مسكها مع عضديها وقال بعصبيه:مايعطيني الحق وألي كنتي تسوينه فيني مو لعب بالمشاعر تثيريني وإذا قربت منك بعدتي حتى ماخفتي من ربك
عهد ودموعها على خدها قالت بقهر:يآآآآه مجروح ياولد العم نسيت جرحك لي نسيت كلامك لمشاري عني كل هذا وماتبي تنجرح يآآخي أنت ظالم بشكل
خالد صار ينفضها ويقول بعصبيه:مهما ً صار مايحقلك تلعبين بمشاعري
عهد دفته عنها بعنف وقالت بصوت مخنوق:خلصنا أنا جرحتك وأنت جرحتني ماله داعي نزيد في التجريح
خالد بسخريه:بهالسهوله تقولين خلصنا لا يابنت العم ماخلصنا تونا أبتدينا
عهد بعصبيه تناسب هدوئها:وش تبي مني أكثر من ألي أخذته مابقى عندي شي أعطيكياه
خالد ببتسامه ساخره:لاباقي ياعيوني والباقي أكثر من ألي راح
عهد بنهيار:أرحمني الله يرحم والديك ماني قدك والله وماني قدك
خالد بنبره حاده:ويومك منتي قدي ليه تلعبين معي
عهد جلست على الكنب وحطت يديها على وجهها وقالت بصوت باكي:كنت غبيه والله غبيه
خالد وقفها وضمه لصدره وصار يمسح على ظهرها وقال بهمس:لاتبكين دموعك ماراح تغير شي كل موقف سخيف سويتيه فيني بتدفعين ثمنه
عهد بعدت عنه وقالت بصراخ بين شهقاتها:أنت شنو أي دم عندك
خالد ببتسامه:دمي يجري بعروقك يابنت العم والمثل يقول البادي أظلم وأنتي البادي
عهد توجهت لغرفتها وهي تقول بقهر:أعلى مافي خيلك أركبه ياولد العم
خالد أبتسم بتحدي وقال:بنشوف أخرت عنادك يابنت العم

ْْْْْْْْْْْْْْْ

في بيت أبويوسف

جمانه سمعت طق على باب الجناح وكان باب غرفتها مازال مسكر عليها فتوجهت تجرب يمكن هالعناد فتح الباب وبالفعل كان الباب مفتوح فطلعت وسألت من يطق الباب وكانت نوره
جمانه بعد مافتحت الباب:هلا نواره
نوره ببتسامه:وينك مانزلتي اليوم مو عادتك
جمانه وهي تصك الباب قالت ببتسامه ساخره:العنيد مقفل الباب علي
نوره وهي تجلس قالت بسخريه:فيه وحده تتكلم عن زوجها كذا
جمانه ببتسامه:خليك منا وبشريني عنك
نوره ببتسامه:بلعبه على نار هاديه
جمانه وهي تضحك قالت:منتي هينه يأم ناصر
نوره بنبره حزينه:تدرين أن عادل بيخطب على ضي
جمانه بصدمه:من جدك
نوره بقهر:أي منجدي والمصيبه بيخطب في بنت عمي
جمانه بنبره حاده:مع أحترامي لخوك لكن هذا تصرف الضعيف من الرجال ألي يربي مرته بمره ثانيه
نوره بقهر:روحي قولي له هالكلام يمكن يصحي قبل لا يدخل النار برجوله
جمانه بقهر:مسكينه ضي تلاقيها من حزنها على ولدها وإلا من جرحها من زوجها
نوره بنبره حزينه:تدرين أن ضي ماعارضت زواجه
جمانه بعصبيه:عشانها هبلا على بالها أنها الحين تكفر عن فعايلها فيه ماتدري أنها تجني عليه وعليها
نوره بقهر:أقهرتني برودها عمر ضي ماكانت بارد مثل الحين
جمانه بنبره مقهوره:كله من تحت راس مرح الله يسامحها مدري وش الفايده ألي تستفيدها من خراب البيوت
نوره بألم:يجيلها يوم كما تدين تدان
جمانه بسخريه:من كان يصدق عادل ألي يشرق بس ضي يخطب غيرها
نوره بنغزه:وألحقي عمرك أنتي لايتزوج عليك عناد
جمانه بضحكة سخريه:خله يجرب يسويها لكون ذابحته ومقطعته وراميه لحمه للقطط
نوره بضحكه رغم حزنها قالت:ألي يسمعك يقول تموت فيه
جمانه بغرور:حبيبتي أنا جمانه أعاف ماأنعاف
نوره بيأس:مامنك فايده غرورك بيوديك في داهيه
جمانه ببتسامه:قلتلك خليك مني ومن هالعناد ألي ياجننته ياجنني وقوليلي كيف ترتيبك لزواج وليد بكره
نوره بجد:بسألك جمانه وأبيك تجاوبين بصراحه
جمانه ببتسامه:تفضلي
نوره بنبره تحمل الجديه والحده قالت:لحين تحبين وليد
جمانه ضحكة بألم وقالت:حبي لوليد مرض مزمن مثل مرض السكري ماله علاج لكن له مسكنات وليد ماعاد هو لي ولا أنا له
نوره بقهر:دامك عارفه هالشي ليه ماتتقربين من عناد تراك الخسرانه
جمانه بألم:أنا وعناد مستحيل نستمر مع بعض أنا جرحته بحبي لغيره وهو جرحني بتهمه محد يستحملها والجروح جت في صميم القلب
نوره بعصبيه:أنا مدري وش هي التهمه لكن ليش مادافعتي عن نفسك بدل سكوتك
جمانه بحزن:مدري يمكن ماحبيته يقرب مني أو ماحبيته ينسيني حبي لوليد أو حبيت تمثيل دور المظلوم أو يمكن حسيته مو مصدقني وأختصرت الموضوع بسكوتي أو يمكن حبيت تمثيل دور المظلوم صدقيني ماأدري ليه سكت
نوره بقهر:مافيه مبرر يخليك ترضين بتهمه مالك ذنب فيها
جمانه ببتسامه متألمه:ألي يدري يدري وألي مايدري يقول كومة عدس
نوره بعصبيه:تدرين أنك سلبيه في كل شي دافعي عن حقك حتى حبك ماقدرتي تدافعين عنه
جمانه ودموعها بدت تنزل على خدودها قالت بصراخ:كيف أدافع عن حقوقي وأنا ماقدرت أدافع عن أمي أي ضعيفه وجبانه وخبله
نوره بستغراب من كلام جمانه قالت:أنتي وش تقولين
جمانه مسحت دموعها بكف يدها وقالت بصوت مخنوق:أنسي كل شي قلته لك
نوره بهدوء:بنسى بس ياليتك ماتضيعين الباقي من حياتك زي ماضيعتي أولها
جمانه عضت شفايفها بقهر وقالت بغصه:أنا مثل بالع الموس مايقدر يبلعه ولايقدر يطلعه
نوره قامت وقالت بهدوء:قومي صلي لربك ركعتين وأدعي أن ربي يفرج همك
جمانه حطت راسها بين كفوفها وقالت بألم:بصلي وأدعي ربي يخلصني من هالحياه
نوره هزت راسها بأسى وطلعت من غير لاتتكلم تدري أن جمانه في حالة يأس وأي كلام الحين ماراح يفيد

ْْْْْْْْْْْْْْ

في يوم زواج وليد

بدر بعصبيه:وبعدين معك الحلاق مايقدر يشوف شغله من كثر حركتك
وليد بغضب:بدر أقلب وجهك عني
بدر بقهر:بقلب وجهي بس أنت أركد خلنا خلص باقي على المغرب ربع ساعه
وليد بغيض:ياخي أنا حر ودي أتأخر لك عندي شي
بدر أخذ نفس وقال بقهر:كيفك أنا طالع وإذا خلصت دقي علي أجي آخذك
وليد بهدوء:أجلس عشر دقايق وأخلص ونطلع سوى
بدر بسخريه:صدق أنك مزاجي
وليد غمض عيونه ورخى راسه على كرسي الحلاقه وقال بهدوء:خلص شغلك
بدر هز راسه بسخريه وقال:خلص ياعلي شغلك قبل لايرجع يقلب على وجهه الشين

ْْْْْْْْْْْْْْْْْْ

في القــــاعــه

رفيف بكمال أناقتها قالت بتوتر:شكلي حلو
روان ببتسامه:قمر وربي قمر
رفيف بهدوء:أبي أنزف للقاعه
روان بصدمه:من جدك أنتي
رفيف بنبره جاده:أي من جدي
روان بستغراب:طب ليه عمر محد أنزف من عايلتنا للقاعه تحت
رفيف بقهر:أبي أشوف أحلى أنا أو جمانه
روان بعصبيه:رفيف أصحي مافيه مقارنه بينك وبين جمانه وبلاش تحطين جمانه معايق لحياتك
رفيف بقهر:أدري أن جمانه أحلى مني بس أبي أشوف حب وليد لسى باين بعيونها أو راح
روان بسخريه:ريحي عمرك جمانه ماحضرت ولا راح تحضر
رفيف بصدمه:معقوله ماتحضر
روان بقهر:أي معقوله ماراح تحضر كيف تحضر زواج من كان خطيبها
رفيف بعصبيه:يعني مازالت تحبه
روان بغضب:رفيف طلعي جمانه من راسك عشان ماتخربين حياتك

ساره وهي داخله قالت ببتسامه:السلام عليكم
روان ببتسامه:وعليكم السلام
ساره وعينها على وجه رفيف المحمر من الغيض والدمع ألي متحجر في عيونها قالت:مالها عروسنا
روان بعصبيه:تتطلع
ساره قربت من رفيف ألي جالسه على الكنب وقبلتها على جبينها وقالت بهدوء:أنسي كل شي وعيشي هاليوم بكل تفاصيله
رفيف بصوت مخنوق:أن شاء الله
روان بنبره عاديه:من جاء تحت
ساره ببتسامه:قولي من ماجاء الكل جاء ماشاء الله القاعه أنترست من المعازيم
رفيف بهدوء:أهل عناد جو
ساره بهدوء:أي جو إلا جمانه
روان بقهر:رفيف خلك من ألي جاء وألي ماجاء وفكري بنفسك
ساره وهي بتطلع قالت بهدوء:شيلي جمانه من راسك

روان بعصبيه بعد ماطلعت ساره قالت بعصبيه:عاجبك الحين يوم بينتي غيرتك من جمانه
رفيف بقهر:بس مابي أسمع شي
روان بقهر:ترى محد جبرك على هالزواج
رفيف بعصبيه:روان أطلعي مابي أشوف أحد
روان طلعت وهي تغلي من القهر دام رفيف بدت حياتها بالتفكير بحب جمانه لوليد معناها خراب حياتها

ْْْْْْْْْْْْْْْْْْ

في بيت أبو يوسف

جمانه ماخلت شي مكانه من القهر العطورات كلها تكسرت والسرير مقلوب فوق تحت ودها تروح تشوف من حلت مكانها تستاهل حبيبها أولا وتبي تشوف شكل رفيف وهي عروس ياما قالت لها نفسي أشوف شكلك وأنتي عروس
لكن عناد منعها من حضور كل هذا ماتدري ليه سوى كذا حب تسلط أو غيره
تعبت جمانه من التفكير فقررت تاخذ شور يزيح الهم عنها

دخل عناد الجناح وكان راد من الدوام عشان يبدل ملابسه ويروح للزواج لكنه صدم من شكل الجناح المقلوب فأسرع بخطواته لغرفة جمانه وفتح الباب بعصبيه
جمانه طلعت من الحمام"أكرمكم الله"بروبها وكانت واضعه ملابسها على السرير المحيوس ولما خلعت الروب عشان تلبس فتح الباب بقوه فطارت عيون جمانه ناحيت الباب
عناد صدم من منظر جمانه وهي عريانه وفجأه خطر في باله الرساله الأولى وفلمح البصر توجهت عيونه لمكان حساس من جسم جمانه وصار يبحث بعيونه عن حبت خال في هالمنطقه لكن ماحصلها
جمانه أخذت روبها بسرعه ولبسته وهي تقول بغضب:من سمحلك تدخل
عناد تقدم ناحيتها وسحب الروب عنها رغم مقومة جمانه وقال بقهر:وين حبت الخال ألي فوق".............."
جمانه حست كأن أحد كب عليها مويه بارده من كلام عناد فقالت بعصبيه:تدري أنك وقح
عناد ضحك ضحكة قهر وقال بين ضحكاته:تدرين أن غبي غبي غبي
جمانه سحبت روبها منه وهي تقول بعصبيه ممزوجه بحياء:من يومك غبي
عناد صار يضحك بشكل هستيري حتى دمعت عيونه من كثر الضحك
جمانه حكمت الروب عليها وصارت تطالع في عناد وهو يضحك ولاشعوري أبتسمت من ضحكاته ألي ماتعرف سببها
عناد مسح دمعه وقال بسخرية مقهور:عمري ماكنت غبي بس بسببك صرت قمة الغباء
جمانه بستغراب:أنت شارب شي
عناد جلس على السرير وقال بقهر:من تكون أو من يكون هالحقير ألي يستخفبي
جمانه أخذت ملابسها عن السرير وتوجهت لغرفة التبديل ولبست لبسها وكان عباره عن برمودا جينز مع توب لونه أبيض مرسوم عليه فراشه بالأسود وتركت شعرها منثور على ظهرها
عناد رفع نظره لها وهي طالعه من غرفة التبديل وقال ببتسامه مستهزأه:تدرين لأول مره أدري أنك بهالجمال الموجع حرموني من هالجمال
جمانه بسخريه:ممكن توفر غزلك لغيري وتعطيني مقفاك بنام
عناد توجه ناحيتها ومسك وجها بيده وطبع بوسه على شفايفها وأنهاها بعضه قويه على الشفه التحتيه
جمانه بصرخة ألم:وجع ياقليل الأدب
عناد مسح على شفتها بصبعه وقال ببتسامه:من يوم شفتك في بيت أبوك ونفسي أسوي هالشي لكن ماقدرت إلا الحين
جمانه دفته بعيد عنها وهي تقول بعصبيه:بلا قلة حياء وأنقلع عن وجهي
عناد بهدوء:بنقلع لاتخافين بس لي حساب معك بصفيه
جمانه بقهر:مابيني وبينك كلام وطلاق بتطلق
عناد ببتسامه ساخره:لايكون على بالك يوم بستك ماراح أطلق بطلقك لاتخافين
جمانه بعصبيه:وأنت لاتحسب أن بوستك أثرة فيني مجرد حشره جت على شفتي وطارت
عناد ببتسامه ساخره:ماهميتيني ولايهمني شعورك ناحيتي كل ألي يهمني أسوي ألي براسي وبس
جمانه بغيض:تدري أنك مغرور وقـ
سكتها عناد بكف على فمها بظهر يده من قوته دمت لثة جمانه
عناد بنبره حاده:هذا درس لك عشان تحاسبين على كلامك معي
جمانه بغيض:ماراح أحاسب على كلامـ
سكتها كف ثاني على وجهها وكان أشد قوه من الأول وقال عناد بعصبيه:قسم بالله لعيد تربيتك من جديد يابنت السكير
جمانه ودموعها متحجره في عيونها قالت بشموخ:بنت السكير أحسن منك بمليون مرهـ
جاء كف ثالث من عناد لكنه خفيف وقال ببتسامه:كل غلط منك بيقابله كف مني
جمانه حطت يديها على وجها وقالت بصراخ:أطلع أطلع
عناد ضحك وقال بين ضحكاته:بطلع يابنت السكير وراي زواج حبيبك لازم أحضره
جمانه أنهارت على الأرض وصارت تبكي بصوت هامس وجسمها يتحرك من البكي
عناد طالع فيها لدقايق بعدين طلع وترك جمانه خلفه منهاره

ْْْْْْْْْْْْْ

"البـارت السـابعـ عشـر"
,,,,,,,,,,,,,,,,,,,,,,,

يوسف ببتسامه:ألف مبروك
وليد بهدوء:الله يبارك فيك
يوسف بضحكه:ياخي أبتسم ترى الأبتسامه صدقه
وليد وعينه على عناد ألي توه داخل القاعه قال بنبره حاده لاشعوري:كيفي مابي أبتسم لك عندي شي
يوسف جاء بيرد لكن عناد قطع الحديث بينهم وهو يقول ببتسامه:ألف مبروك
وليد وهو يسلم على عناد قال بهدوء:الله يبارك فيك
عناد حس بنظرات وليد له صح وليد ماتكلم لكن عيونه قالت الكثير والكثير وأبتسم بسخريه لسخافة الموقف
فيصل وهو يحط يده على كتف عناد ألي مازال واقف قدام وليد وكلا ً منهم عينه على الثاني
فيصل ببتسامه:حيالله أبوناصر
عناد صد ناحيت فيصل وقال ببتسامه:الله يحيك ومبروك الزواج
فيصل ببتسامه:الله يبارك فيك
عناد ببتسامه:إلا وين فهد من زمان عنه
فيصل بضحك:وفهد من يشوفه من البيت للدوام ومن الدوام للبيت
عناد ببتسامه:لايكون اليحن في البيت بعد
فيصل وهو يأشر على فهد ألي يسولف مع بدر وفواز وقال:شوفه هناك
عناد ببتسامه:أجل عن أذنكم بروح لهم
فيصل ببتسامه:خذني معك
توجه عناد وفيصل لفهد وبدر وعين وليد مازالت على عناد يحس بنار داخله لمجرد التفكير أن حبيبته ملك هالرجل مافيه شي يعيبه لاشكل ولا رزه ولاهيبه كل الموصفات الجميله له نصيب منها صعب حد يعاشره يكره فكيف زوجته
يوسف ببتسامه:وين سرحت
وليد ببتسامة مجامله:وين بروح يعني
يوسف بسخريه:أنت أدرى
وليد بعصبيه مكتومه:يوسف خل عنك الف والدوران وألي في بالك تراه مو في بالي
يوسف ببتسامه ساخره:وأنت وش عرفك ألي في بالي
وليد بقهر:يوسف قوم أنقلع عن وجهي
يوسف ضحك وقام وهو يقول:بقوم قبل لاتنسى نفسك
وليد طالع فيه بحده وقال بين أسنانه:يوسف فارق

ْْْْْْْْْْْْْْْْْْْ

في قسم النساء

روان بنبره حاده:أستعدي ترى وليد بيدخل الحين
رفيف بخوف:مو كنه بدري
روان ببتسامه:مو بدري ويالله أبتسمي ورمي كل شي وراك الحين
رفيف بتوتر:طب وين أمي مايصير يدخل علي وأنا بروحي
روان وهي تعدل الطرحه على شعر رفيف قالت:بتجي الحين بس تكفين لاتخلين شبح جمانه يخرب حياتك
رفيف بلعت ريقها وقالت:أن شاء الله
دخلت أم فهد وهي تقول ببتسامه:روان بسرعه أطلعي
روان قبلت جبين رفيف وطلعت من الباب الثاني وكان في نفس دخول فهد
فهد قرب من رفيف وقبلها على جبينها وقال ببتسامه:مبروك ياعيوني
رفيف بحياء:الله يبارك فيك
فهد بصوت عالي:أدخل يافيصل
دخل فيصل ومعه وليد
فيصل قبل رفيف على جبينها وقال بقهر:مبروك عليك
رفيف حز بخاطرها طريقة فيصل وقالت بهمس:تكفى فيصل ترى حدي خايفه
فيصل ببتسامه ساخره:توك ياخوك على الخوف
فهد بنبره هاديه:فيصل بعد خل طريق للعريس
فيصل بعد عن رفيف وقرب منها وليد ألي قلبها على جبينها وقال بهدوء:مبروك
رفيف قلبها صار يضرب داخل قفصها الصدري من الفرح والخوف فرح بحبيها ألي ياما حلمت فيه وخوف من شبح جمانه
وليد جلس جمبها بكل هدوء وعينه معلقه على الفراق قدامه
فيصل بهدوء:ماوصيك على رفيف
وليد رفع عينه لفيصل وشاف الخوف بعين فيصل فقال ببتسامه:لاتوصيني على بنت عمي
فيصل حس بشوي راحه من كلام وليد
فهد ببتسامه:يالله نستأذن عشان تاخذون راحتكم
أم فهد ألي أول مره تتكلم قالت بحنان:مبروك والله يسخركم لبعض
وليد بهدوء:الله يبارك فيك

طلع الكل وبقى العرسان

وليد رفع عينه على رفيف وصار يتأملها فرق شاسع بينها وبين جمانه
جمانه نظراتها حاده مخيفه ورفيف نظرتها هاديه مع أن عيونها مو ناعسه
جمانه جمالها موجع ورفيف جمالها ناعم يحسسك بالراحه وأنت تتأملها يمكن تكون تملك الجاذبيه أكثر من الجمال نفسه
جمانه تملك الشموخ والغرور ورفيف تملك التواضع والطيبه
رفيف بهدوء خجول:بتطول تطالع فيني
وليد وده يسكر أذانه مايبي يسمع صوتها النقيض لصوت جمانه الناعم المخملي
وليد نزل عيونه وقال ببتسامه مجامله:وأحد يشوف هالجمال ومايطالع فيه
رفيف أحمرت خدودها من الخجل
قطع الجو عليهم دخول المصوره عشان تاخذ لهم صور تذكاريه

ْْْْْْْْْْْْْْْْْْْْ

تحت في القاعه

غاليه:يالله يمه خالد ينتظرنا برى
أم مشاري:شوفي أختك وينها
غاليه:هذي هي ومي جايين
في ببتسامه:مشينا
أم مشاري وهي تلبس عبايتها:أي مشينا يالله بسرعه ترى خالد مايحب ينتظر
مي بخبث:عمتي بروح معكم
أم مشاري:ليه وين أمك
مي ببتسامه:أمي راحت من بدري تقول تعبانه
في ببتسامه:أجل بتنامين عندنا
مي بقهر:لا مقدر أمي رافضه
غاليه بقهر:خلن عنكن الكلام ويالله بسرعه ألبسن عباياتكن
أم مشاري وهي جاهزه قالت:إلا وين عهد
في بسخريه:يعني وين بتروح هالعمياء تلاقينها ماسكه طاوله وجالسه عليها مدري ليه جايه معنا
غاليه بعصبيه:وأنتي وش حارق رزك
أم مشاري بعصبيه:لا أزين تماسكن بالشوش
غاليه وهي بتمشي:أنا بروح أقول لعهد ونطلع سوى
أم مشاري وهي بتطلع:وأنتن بسرعه ألبسن

غاليه راحت تقول لعهد
مي بخبث:بسرعه خل نخلص ونطلع قبل الساحره عشان تاخذ تهزيئ محترم من خالد
في ببتسامه:منتي هينه
مي بقهر:أجل تبيني أخليه لها
في بخبث:وش رايك نسوي مقلب خفيف
مي ببتسامه:ليش لا بس وشهو
في ببتسامه خبيثه:بنخبي عباة العمياء مع عباة غاليه وبكذا بيتأخرون يدورون عليها ومحد بيحس أنه مقلب إذا لقوها مع عباة غاليه
مي ببتسامه:يالله خل نسبقهن قبل لايجن قبلنا عند الأمانات

طلعن في ومي بعد مانفذن مخططهن وعطن صاحبت الأمانات ميتين عشان ماتتكلم ولبسن عباياتهن وكانت مي لابسه عباة كتف مع لثمه وفي لابسه عباة راس مع نقاب ومغطيه عيونها

ركبن في ومي السياره وقالت مي بهدوء:السلام عليكم
خالد بهدوء:وعليكم السلام
أم مشاري:وين عهد وغاليه
في ببتسامه خبيثه:مدري عنهم

مرت عشر دقايق وماطلعن غاليه وعهد
خالد بعصبيه:في دقي على غاليه
في طلعت جوالها من شنطتها ودقت على غاليه وكان جوال غاليه مقفل
في ببتسامه:جوال غاليه مقفل
خالد بنفاذ صبر:دقي على جوال عهد بسرعه
في ببتسامه ساخره:عمرك شفت عماء معه جوال
خالد ضرب يده على الدركسون وقال بنبره حاده:في ثمني كلامك
في أسكتت تعرف خالد مهما ً كان مايرضى بالغلط

بعد عشر دقايق ثانيه طلعن عهد وغاليه وركبن ورى مع في ومي
خالد بعصبيه:كان نمتن داخل
غاليه بهدوء:ماتأخرنا برضانا
خالد سكت وحرك السياره وقالت مي بدلع:خالد ماعليك أمر مررني بيتنا
خالد بهدوء:أن شاء الله
عهد حست بنار الغيره تاكل في قلبها مهما ً كان هذا زوجها وماتحب حد يدلع عليه فكيف إذا كان حبيبها ومن تتدلع عليه حاطه عينها عليه
عهد كان مكانها بين في وغاليه فقربت راسها من مرتبة خالد وقالت بهمس:خلود حبيبي ممكن أطلب طلب
خالد أبتسم وقال بهدوء:آمري ياعيون خلودي
عهد ودها تصرخ من الفرح أن خالد مافشلها فقالت ببتسامه:أبي آيسكريم
خالد ضحك بصوت عالي وقال بين ضحكاته:كل هالترجي عشان آيسكريم

مي ماتت من القهر فحبت تخرب على عهد الجو فقالت بألم:آآآآآآآآآي بطني
أم مشاري صدت ناحيتها وقالت بخوف:وش فيك
مي بتألم:بطني ياعمتي يألمني
أم مشاري بخوف:يمه خالد مر المستشفى
خالد بهدوء:ماله داعي هذا أحنا وصلنا بيتهم تاخذ مسكن ويروح الألم
في بقهر:الحين المستشفى ماله داعي الآيسكريم له داعي
خالد بنبره حاده:فـــي
في أسكتت وهي تغلي من القهر ومي ماتقل عنها قهر

خالد وقف عند بيت عمته وقال:يالله هذا هو بيتكم
نزلت مي وهي تغلي من القهر ومابقى دعوه شينه مادعت فيها لعهد

أم مشاري بعتاب:وش بيضرك لوديتها المستشفى
خالد ببتسامه:دلع بنات يمه وأنا حدي تعبان
أم مشاري:الله يستر لاتزعل عمتك
خالد ببتسامه:عمتي تعرف بنتها وتعرف دلعها ماراح تزعل
غاليه بتعب:خالد أسرع شوي أبي أنام
خالد ببتسامه:بمر محل أخذ آيسكريم ونروح للبيت
عهد ببتسامه:خلاص مو لازم خل نروح للبيت
خالد بنفس الأبتسامه قال:حاضرين كم عهوده عندنا
عهد بدلع رباني:وحده
خالد ضحك وقال:والله لايحرمنا هالوحده
في بقهر:ممكن تسكتون ترى راسي مصدع
خالد وهو يدخل السياره من بوابة البيت قال:يالله أنزلي وروحي نامي

نزل الكل من السياره وتوجه لغرفته

ْْْْْْْْْْْْْْْْْ

في بيت أبويوسف

جمانه رتبت الجناح ولبست قميص قطن لحد الركبه وعليه رسومات قلوب ومسكت شعرها بشباصه وملت من القعده وتوجهت لمكتب عناد وصارت تحوس فيه وطاحت عينها على الاب وفتحته وكان بدون باسورد وصارت تحوس في الملفات وصدمة من ملف مكتوب عليه أسمها وفتحته وصارت تقرآ محتوياته
جمانه بقهر:الحقير يحاول يوقع بأبوي
دخل عناد وأنصدم من مكتبه المفتوح فأسرع بخطواته ناحيته وطارت عيونه على جمانه ألي جالسه على الكرسي وماسكه الاب تطقطق فيه
عناد بصرخه:وش تسوين
جمانه قامة واقفه من الخرعه وقالت بخوف:ماسوي شي
عناد تقدم منها وسحب الاب ناحيته وشاف الملف المفتوح وطالع في جمانه بنظرات مرعبه وقال بغضب:من سمحلك تدخلين هنا
جمانه بتلعثم:مـ مـ محد
عناد مسكها مع شعرها وقال بعصبيه:ويوم محد سمحلك ليه تدخلين
جمانه بألم:توبه توبه ماراح أعيدها
عناد شدها بشعرها أكثر وقال بعصبيه:الحين توبه بعد شنو بعد ماشفتي هالملف
جمانه حطت يدها على فمها وقالت بألم:والله ماراح أتكلم
عناد بسخريه:وتبيني أصدقك صح
جمانه أنزلت دموعها على خدها وقالت بألم:والله والله ماأتكلم
عناد بخبث:تبيني أصدقك
جمانه بتوتر:أي
عناد فك شعرها ومسكها مع يدها وجلسها على الكنب وجلس جمبها وقال ببتسامه ماكره:تروحين لبوك وتجلسين عندهم أسبوع بحجة أنك تعبانه وبتريحين عندهم وطبعا ً أنا كل يوم بمر عليك
جمانه بقهر:مقدر مقدر أساعدك على القبض على أبوي
عناد بين أسنانه:بتساعديني غصب عنك
جمانه قامة واقفه وقالت بعصبيه:ماراح أساعدك وسو ألي تبي
عناد وقف معها ومسكها مع عضديها وشد عليها بقوه وقال بغيض:بتنفذين غصب عنك يابنت السـ
قطع كلامه يد جمانه على فمه وهي تقول بقهر:بس بس
عناد حط عينه في عينها وكانت عيونها متحجر الدمع فيها ومعطيها جاذبيه وفتنه غير طبعيه
جمانه نزلت عيونها لما حست بنظرات عناد تحولت لشي تخاف منه أكثر من الضرب والأهانه
عناد مسك يدها ألي على شفايفه وطبع بوسه خفيفه في باطنها وقال بهدوء:ماراح أطلب منك شي بس قسم بالله لوفتحتي فمك لتشوفين شي ماشفتيه بحايتك
جمانه ببتسامه:أوعدك ماراح أتكلم
عناد قرب منها وطبع بوسه على خدها وقال بهمس عند أذنها:بخلص موضوع أبوك وبعدها بطلقك
جمانه بفرح:صدق بتطلقني
عناد بعد عنها وقال بهدوء:أي صدق
جمانه تجرأت هالمره وباسته على خده وقالت بخجل:مشكور
عناد بصوت ثقيل:جمانه أطلعي عن وجهي
جمانه مسكت يده وباست باطنها وقالت ببتسامه:بطلع
عناد مسكها بيده ألي كانت بين يديها وقال بصوت هامس:أعذريني أنتي ألي جنيتي على نفسك
جمانه بستغراب:جنيت على نفسي بشنو
عناد شالها بين يديه وقال ببتسامه:الحين بتعرفين
جمانه عرفت بشنو جنت على نفسها فصارت تضرب صدر عناد بيديها وهي تقول بعصبيه:فكني فكني
عناد ببتسامه جانبيه قال:هذاك أول
جمانه بعصبيه:وين راح قرفك مني مو أنا الشاذه في نظرك
عناد وهو يحطها على السرير قال ببتسامه:ماقلنالك هذاك أول
جمانه قامت واقفه على السرير وقالت بعصبيه:قسم بالله لوقربت مني لذبحك
عناد ضحك بقوه وقال بين ضحكاته:قويه يابنت تذبحيني
جمانه برجاء:الله يخليك أتركني
عناد وهو بيطلع قال ببتسامه:هذا درس لك عشان ماتقربين مني خلك بعيد تراي رجال وأنتي أمرأة طاغيه في الجمال
جمانه رمت نفسها على السرير وأتنفست براحه بعد ماسكر عناد عليها الباب

ْْْْْْْْْْْْْْْْْْْ

في قسم يوسف
يوسف مسك نوره مع يدها قبل تدخل غرفة التبديل وقال بقهر:وين رايحه
نوره ببتسامه:بروح أبدل ودي أنام حدي تعبانه
يوسف بغيض:وبعدين معك لمتى هالبرود
نوره بسخريه:أنا البارده يايوسف حرام عليك
يوسف بحده:يعني تعاقبيني يانوره
نوره بعصبيه:ومن أكون أنا عشان أعاقبك
يوسف ببتسامه:لا شكلك ماخذه في خاطرك علينا
نوره بنبره حاده:يوسف فك يدي
يوسف ضمها لصدره وقال ببتسامه:آسفين والله آسفين
نوره بصوت مخنوق:الحين تقول آسف وبكره تنسى وترد لعادتك
يوسف بعد وجهها عنه وقبل جبينها وقال ببتسامه:لايصير قلبك أسود
نوره ببتسامه:قلبي يحبك ومايقدر يصدك
يوسف رد ضمها وهو يقول ببتسامه:الله لايحرمني هالقلب

ْْْْْْْْْْْْْْْْْ

في بيت أبومشاري

خالد بعد ماصك الباب قال بعصبيه:حركاتك ألي سويتيها في السياره مابيها تتكرر
عهد ببتسامه:أي حركات
خالد قرب منها ومسكها مع عضديها وقال بين أسنانه:لاتسوين نفسك غبيه علي
عهد ببتسامه:حشاك ياقلبي
خالد ضغط على عضديها وقال بقهر:عهد لاتلعبين معي
عهد بألم:خلاص ماراح أقرب ناحيتك
خالد فكها وقال بنبره حاده:يالله أنقلعي لغرفتك
عهد وقفت على روس أصابعها وباسته على جبينه وقالت ببتسامه:مشكور ياقلبي أنك مافشلتني عند بنت عمتي
خالد فتح عيونه على الآخر وقال بعصبيه:قلتلك لاتلعبين معي بس شكلك مصره
عهد وهي تضحك قالت:وفيه أحلى من العب معك
خالد أبتسم بسخريه وقال:عهد لاتلعبين بالنار تحرق أصابعك
عهد وهي تلعب حواجبها قالت ببتسامه:نويه النار لعبتي ماتحرق أصابعي
خالد أخذ نفس وقال:بنشوف يابنت العم
عهد وهي متوجه للغرفه قالت ببتسامه:أوكـ ياولد العـ
قطعت عهد كلمتها لأن خالد شالها بين يديه وصار يدور فيها بالغرفه وهو يقول ببتسامه:يعني واثقه من نفسك
عهد بخوف:نزلني تكفى
خالد بنفس الأبتسامه:لا ياروحي دامك تبين تلعبين معي تحملي ألي يجيك
عهد حطت يديها ورى راسه وراسها على رقبته وصارت أنفاسها الخايفه تلفح رقبته
خالد في نفسه"طب ياعهد نلعب معك وبنشوف من الكسبان ومن الخسران"
ْْْْْْْْْْْْْْْْ

في الفندق

رفيف أخذت شور ولبست قميص حرير لحد الركبه توب لونه سكري مع روب طويل بنفس اللون وجففت شعرها ونثرته على ظهرها وحطت من عطرها المفضل وسمت بالله وطلعت لوليد ألي جالس برى

وليد رفع نظره لها وقال بهدوء:ليه واقفه تعالي تعشي
رفيف قربت منه وجلست في الكنب المقابل له وقالت بخجل:ماودك تاخذ شور
وليد ببتسامه:بلى بس بعد العشاء
رفيف بدت تاكل بهدوء عكس وليد ألي كان يراقبها بدون لاياكل
رفيف ببتسامه خجوله:ليه ماتتعشى
وليد ببتسامه:تعشيت من جمالك
رفيف خدودها أحمرت من كلام وليد
وليد وهو قايم:بقوم آخذ شور

ترك وليد رفيف وهي طايره من الفرح كيف يقولون يحب وهو ماخلى كلمه حلوه ماقالها لكن يارفيف هل قال لك أنه يحبك أو قال أنتي عمري قلبي حياتي كل هالكلامات ماقالها
رفيف بقهر:يووووووه أحسن شي أقوم أشيل الأكل بدل هالتفكير

وليد بعد ما أخذ شور لبس بيجامه برمودى لونها رصاصي ورمى نفسه على السرير

دخلت رفيف الغرفه وأنصدمت من شكل وليد ألي نايم على بطنه وحاط يديه تحت راسه وشكله رايح في نوم عميق

فضربت الأرض برجلها بقهر وقالت بهمس:واضح أنه يحبك
وليد بصوت فيه النوم قال:وش فيك معصبه
رفيف بحياء:ماني معصبه
وليد رفع ظهره على السرير وقال ببتسامه:واضح مانك معصبه
رفيف قربت منه وجلست على طرف السرير من الناحيه الثانيه وقالت بهدوء:للحين تحب جمانه
وليد سكت لثواني بعدين قال بهدوء:ليه تسألين عن شي ممكن جوابه يجرحك
رفيف بقهر:يعني تحبها
وليد بنبره حاده:إذا تبين حياتنا تستمر لاتجبين سيرة جمانه لابخير ولا بشر وحبي لها مالك دخل فيه
رفيف بعصبيه:وين مالي دخل فيه ناسي أنك زوجي
وليد بعصبيه:أدري أني زوجك وكل حقوقك بتاخذينها غير هالكلام ماعندي
رفيف بصوت مخنوق:أنا مابي من هذا كله شي كل ألي أبيه قلبك
وليد أبتسم بألم وقال:نامي يابنت العم نامي
رفيف بقهر:أنا وين والنوم وين
وليد سحبها بيدها ألي محطوطه على السرير وضمها لصدره وقال بهمس:تراك ماتهونين علي
رفيف أستكانت في صدره ياما حلمت بهالصدر وهذي هي فيه خلها تمتع فيه وتأجل كل شي لبكره

ْْْْْْْْْْْْْْْْْ

في أبو يوسف

عناد ببتسامه:حيالله عزام
عزام ببتسامه:الله يحيك
عناد صب فنجال لعزام ومده عليه وقال ببتسامه:سم
عزام وهو ياخذ الفنجال:سم الله عدوك
عناد جلس وهو يقول:بشر أن شاء الله لقيت وظيفه
عزام ببتسامه:ياخي أنت مغبر وظيفتي محصلها قبل أرد من أمريكا
عناد ببتسامه:وأنا وش يدريني عنك لاتزورنا ولا حتى تدق علينا
عزام بضحكه:عاد أنت عندك مصدر كل حياتي بس شكلك ماتدري
عناد ببتسامه:إذا قصدك بنت أخوك فعزالله ماعرفنا عنك شي
عزام ببتسامه:ياحبي لها هالبنت إلا وينها من زمان عنها من يوم أخذتها وأنت قاطعها عنا
عناد وهو يضحك:زوجتي وكيفي مابيها تشوف أحد غيري
عزام وهو يطلع جواله من جيبه قال ببتسامه:ماقلنا شي بس ترى لنا حق فيها
عناد وهو قايم:بروح أناديها لك
عزام:لاتروح بدق على جوالها
عناد جلس وسمع عزام كيف يضحك وهو يكلم جمانه

بعد عشر دقايق دخلت جمانه وكانت لابسه تيور ميد كاروهات بين الأزرق والسماوي مع بلوزه نص كم لونها سماوي وشعرها ماسكته ذيل حصان وحاطه روج وردي مع كحل أسود وماسكارا

عزام وقف وهو يقول بحنان:حيالله القاطعه
جمانه رمت نفسها بحضنه وقالت بشوق:أنت القاطع وإلا ماصدقت على الله تخلص مني
عزام وهو يجلس ويجلسها معه قال ببتسامه:أستغني عن الهواء ألي أتنفسه ولا أستغني عنك
جمانه ببتسامه:طمني عنك يانا مشتاقه لسوالفك
عناد وهو قايم قال:أخليكم على راحتكم

بعد ماطلع عناد مسك عزام يد جمانه وقال بحنان:بشريني عنك أن شاء الله مرتاحه مع عناد
جمانه ببتسامه:مرتاحه فوق ماتتصور وعناد مافيه أحسن منه
عزام وهو يضحك قال:الحين أنتي تتكلمين عن عناد وإلا عن حد ثاني
جمانه ودها تصرخ وتقول خذني معك مابي أجلس هناء دقيقه لكن دام عناد وعدها يطلقها فهي بتنتظر وعده
عزام ببتسامه:ياهووووه نحنو هناء
جمانه صحت من سرحانها وقالت ببتسامه:خلك مني وقولي أنت وش أخبارك
عزام بهدوء:أنا تمام بس أبي منك طلب
جمانه ببتسامه:أطلب مو طلب واحد مليون طلب
عزام بنبره جاده:أبيك تكلمين سماهر بخطبها
جمانه بصدمه:من جدك
عزام بنبره حاده:وفي هالأمور لعب
جمانه بنبره جاده:بس سماهر ماتصلحلك
عزام بهدوء:وأنا مابي غير سماهر
جمانه ببتسامه:طب وش معنى سماهر بالذات
عزام ببتسامه:مو لازم تعرفين بس تبين تساعديني أو لا
جمانه بنبره عاديه:بكلمها وبقولها بس ترى سماهر لسانها طويل وأتوقع أنك جربت بنفسك
عزام ببتسامه:أنتي كلميها وبس ولسانها حله عندي
جمانه ببتسامه:شكلك ناوي على نيه شينه
عزام ببتسامه جانبيه:لانيه ولاهم يحزنون بس كلميها اليوم وردي علي خبر
جمانه ببتسامه:ولايهمك

"البـارتـ الـثـامـنـ عـشـر"
,,,,,,,,,,,,,,,,,,,,,,,

في مجلس أبومشاري

أبوطلال بهدوء:حنا جايين نخطب بنتك في لولدي عادل
أبومشاري بدهشه:عادل
أبوطلال بقهر مخفي:أي عادل وياليت تردون علينا بسرعه لأن الولد مستعجل
أبومشاري وعينه على عادل قال بنبره جاده:ليه بتتزوج على أم عيالك ياعادل
عادل ببتسامه متوتره:ياليت تعفيني من الجواب ياعمي
مشاري بقهر:أعذرني ياعادل لكن أختي ماتاخذ واحد متزوج
أبومشاري بعصبيه:مشاري
مشاري بنفس القهر:أعذرني يبه لكن في أختي وتهمني مصلحتها
أبومشاري بنبره حازمه:وأنا أبوها وأدرى بمصلحتها وتراها جاتك ياعادل ولو تبي تملك الليله حياك
أبوطلال بحراج:لاياخوك شاور البنت وإذا وافقت يصير خير
أبومشاري بحزم:كلمتي وحده مالها ثاني وفي جت عادل
عادل قام وحب راس عمه وقال ببتسامه:دامك موافق يالغالي أجل بمكلك الليله
الكل فتح عيونه على الآخر وهم يطالعون عادل وعمه
أبوطلال بعصبيه خفيفه:إلا وش رايك تدخل عليها الليله بعد
عادل بضحكه:والله إذا عمي وافق ليش لا
خالد بهمس مقهور لعناد:قسم أنه مو صاحي ولد عمك
عناد ببتسامه ساخره:من يومه وهو مجنونه ومتهور
مشاري حس الدم يغلي بعروقه من هالموقف الصخيف كيف أبوه يقدم أخته هديه لواحد متزوج
أبومشاري بأمر:جيب المملك الليله وترى عشاكم عندي الليله كلكم
عادل حب راس عمه مره ثانيه وقال بحترام:عزالله ماقصرت ياعمي
أبوطلال بقهر:مبروك يابوك
عادل توجه لبوه وحب راسه وقال ببتسامه:الله يبارك فيك
قام الكل يبارك لعادل بستثناء مشاري ألي عيونه حمر من كثر القهر

ْْْْْْْْْْْْْْْْْ

في بيت أبو يوسف

جمانه كلمة سماهر وطلبت منها تزورها في البيت لأن عناد رفض يخليها تروح لبيت أبوبدر

سماهر وهي تنزل نقابها قالت ببتسامه:ماشاء الله جناحك روعه
جمانه ببتسامه:من ذوقك حياتي
سماهر جلست وجمانه راحت تجيب القهوه
جمانه بعد ماحطت القهوه على الطاوله وصبت فنجال لسماهر قالت بتوتر:سماهر لو يجيك خطيب الحين توافقين عليه
سماهر بمرح:ياليت بس هو وينه
جمانه ببتسامه متوتره:عمي عزام
سماهر ضحكت بقوه وقالت بين ضحكاتها:عادي مالقيتي إلا عزام دوري غيره يمكن أصدقك
جمانه ببتسامه:أنا أتكلم من جدي
سماهر نزلت فنجالها على الطاوله وقالت بنبره هاديه:عزام ماغيره
جمانه ضحكت وقالت:أي عزام بشحمه ولحمه
سماهر أخذت فتره تفكر بعدين قالت بنفس الهدوء:أنتي رشحتيني له صح
جمانه ببتسامه:لا هو ألي أختارك
سماهر غمضت عيونها بعدين ردت فتحتهم وقالت ببتسامه:والله مانتي هينه ياسماهر ألي طيحتي عزام
جمانه ضربتها بخفيف على كتفها وقالت ببتسامه:سماهروه خلي الخبال عنك وقوليلي موافقه على عمي
سماهر ببتسامه:وليه موافق أكيد موافقه أقل شي ألقى بيت يضفني بدل ماني أدوج من بيت لبيت
جمانه بعصبيه:وش هالكلام يعني موافقتك على عمي هروب من حياتك مو لعمي بذاته
سماهر بنبره حزينه ممزوجه بسخريه:ليه هو أنا أعرف عمك عشان أوافق عشانه حتى ماعندي أحد ممكن يسأل عنه
جمانه بقهر:نفسي أفهم كيف تفكرين أنتي
سماهر ببتسامه:مو لازم تعرفين أهم شي بلغي عمك موافقتي
جمانه بقهر:كيفك بس ترى عمي دمه حامي وعصبي ومايتحمل مره تردده
سماهر ضحكت وقالت:خايفه علي من عمك وإلا خايفه على عمك مني
جمانه بنبره جاده:خايفه عليكم كلكم شخصيتك من الشخصيات ألي عمي مايحبها وشخصيت عمي من الشخصيات ألي تقضي على شخصيتك
سماهر ببتسامه:لاتحاتين ولاتفكرين في شي ألي ربي كاتبه بصير
جمانه بجد:ماودك تفكيرن وتصلين الأستخاره قبل
سماهر وهي ترشف من فنجال القهوه وقالت ببتسامه:كلمتي كلمة رجال ماتتثنى
جمانه ببتسامه:بنشوف كلمتك يارجال وين بتوديك

ْْْْْْْْْْْْْْْْْْْ

في بيت قديم مهجور في حي من أحياء الرياض القديمه

تراجعت بخطواتها لورى بعد ماأنفتح الباب
الرجل:خير
منى وهي تحكم الثمه عليها قالت:عمر صح
الرجل ببتسامه:صح
منى بخوف:أنا من طرف خلود
عمر ببتسامه:هو أنتي ألي تبين تقتلين الضابط
منى بتوتر:أي أنا
عمر ببتسامه خبيثه:وليه بتين قتله
منى بعصبيه:هذا شي ما يخصك كل ألي مطلوب منك تخلصني من عناد مقابل ميئة ألف
عمر ببتسامه وهو يمد يده:وين الفلوس
منى مدت يدها بضرف وقالت:هذي خمسين ألف وبعد ماتخلص لك نفسها
عمر أخذ الضرف وقال ببتسامه:ولايهمك خلال يومين وتسمعين بخبره
منى وهي راده لسيارتها قالت:أتمنى ماتطلع كلام من غير فعل

ْْْْْْْْْْْْْْْْْ

في بيت أبو مشاري

في بعصبيه:حرام عليكم تزوجوني واحد متزوج
أبومشاري بعصبيه:صوتك مابي أسمعه ويالله وقعي
في بخوف وقعت ويدها ترجف تعرف أن أبوها مازال شايل عليها بسبب عهد وهذا زاد كرها لعهد مليون مره وقررت تعجل بخطتها عشان تدمر عهد للأبد
أخذ أبومشاري الكتاب وطلع وقلبه يعوره أنه ضغط على بنته لكنه يشوف أنه سوى ألي في مصلحتها عادل رجل ماعليه كلام حافظ دينه ودنياه وعمر المره ماتظر المره إذا كان الرجل كفو وهو يشوف أن عادل كفو
مرح وهي تضم في:ألف مبروك ياقلبي
في وهي تبعدها عنها قالت بعصبيه:على أيش تباركيلي
مرح بعصبيه:بفهم على شنو لامه بوزك أنتي ترى ماحد يخطبك غير عادل أحمدي ربك عليه
في بعصبيه:أطلعي برى مابي أشوفك
مرح وهي بتطلع قالت بقهر:بطلع

في رمت نفسها على السرير وصاتر تبكي وهي تحط اللوم كله على عهد

ْْْْْْْْْْْْْْْْْ

في بيت أبوبدر

أبوبدر بعد مارمى شماغه على الكنب جلس وقال ببتسامه:تدرين من كان عند عم بنتك
منيره وهي جالسه في كنب مقابل لبوبدر:وش يدريني
أبوبدر ببتسامه:كان عنده أبوسلطان وعزام يخطبون
منيره بفرحه:لاتقول يخطبون سماهر
أبوبدر ببتسامه:إلا يخطبون سماهر وعمها عطاهم إذا البنت وافقت
منيره بفرح:الله يجعله من نصيبها عزام رجال
بدر وهو داخل:السلام عليكم
الكل:وعليك السلام
بدر جلس في كنب منفرد مقابل لبوه وقال ببتسامه:لايكون خربت جوكم
أبوبدر ببتسامه:أن شاء الله نخلص منك قريب زي ماخلصنا من سماهر
بدر بستغراب:خلصتو من سماهر ليه وين راحت
أبوبدر:هي ماراحت لكنها بتروح أن شاء الله لبيت عزام
بدر بصدمه:عزام وش دخله
منيره بفرح:عزام خطب سماهر عقبالك أن شاء الله
بدر ضحك بقوه وقال بين ضحكاته:ياخسارت تخطيطي
أبوبدر:أي تخطيط
بدر وهو قايم قال ببتسامه:سلامتك يالغالي والله يعين عزام على بلواه
أبوبدر بعصبيه:يحمد ربه ألي جاب سماهر له
بدر وهو بيطلع قال ببتسامه:أي هين
منيره بصدمه:هذا وش رده لطبعه الشين
أبوبدر ببتسامه:بطبيع مايجوز عن طبعه
منيره:الله يهداه

ْْْْْْْْْْْْْْْ

في بيت أبو طلال

في جناح عادل وضي

ضي ودموعها على خدها:كيف هنت عليك
عادل وهو جالس على الكنب قال بهدوء:ومن قال أنك هنتي علي أنتي زوجتي وأم ولدي وزواجي سبق وعلمتك فيه
ضي وهي تنتفض من القهر قالت بصوت مخنوق:ماتوقعت كلامك صدق
عادل بسخريه:متعوده على عادل طوله عمره كلام من غير فعل
ضي جلست على ركبها على الأرض قدامه ومسكت كفوفه بيدها وقالت برجاء:تكفى قولي أنك تكذب علي
عادل سحب يديه منها وقال بنبره حاده:لا ياضي صدق مو كذب
ضي حطت راسها على رجوله وصارت تبكي بصوت مسموع وهي تقول بين شهقاتها:الله يسامح الله يسامح
عادل يحس دمعها جمر ينزل على رجوله فحط يده على عضديها وقفها وقف معها وسحبها لصدره وصار يهمس في أذنها بقول:لاتبكين عمري البكي مايرجع شي
ضي طاحت غشيانه بين يديه فشالها عادل بسرعه لسرير وبدى يرش عليها عطر لكنها مافاقت فبسرعه لبس عباتها وخذها للمستشفى وهو يدعي من قلبه مايفقدها توه يصحى من غيبوبة وفاة بدر يوم حس أنه ممكن يفقدها

ْْْْْْْْْْْْْْ

في بيت أبووليد

ساره ببتسامه:ماشاء الله وجهك منور يارفيف
رفيف بحياء:ساره
ساره وهي تضحك:يووووه الوجه صار طماطم
رفيف وعينها على وليد ألي جالس جمب أمه وماسك يدها قالت بهدوء:بتعزمون جمانه على العشاء الليله
ساره بنبره حاده:رفيف أنسي أن جمانه كانت بيوم خطيبة وليد
رفيف بهمس حزين:كيف أنسى وأنا أشوفها في عيون وليد
ساره بقهر:أنسيها أنتي عشان ينساها هو
رفيف بنفس الحزن:ألي أيده بالماي مو مثل ألي أيده بالنار
جنا وهي داخله قالت بفرح:هلا والله بالعرسان
وليد قام لها وفتح يديه وهو يقول ببتسامه:هلا بروح وليد
جنا رمت نفسها في حضنه وقالت بحب:تصدق وفقدتك
وليد حبها على جبينها وقال ببتسامه:قولي غير هالكلام
جنا بعدت عن وليد وقالت بزعل:يعني تشك في غلاتك عندي
وليد سحبها بيدها لصدره وهو يقول بضحك:ماعاش من يشك في غلاتي عند جنو حبيبتي
جنا ببتسامه بعد مابعدت عن حضن وليد:أي هذا الكلام الزين
رفيف حست بغيره من معاملت وليد لجنا فقالت بنبره فيها غيره:ماودك تسلمين علي وإلا السلام لوليد بس
جنا توجهت ناحيتها وسلمت عليها وهي تقول ببتسامه:أفا زعلت علينا بنت العم
رفيف ببتسامه ممثله:محد يقدريزعل منك يالغاليه
وليد وهو بيطلع:يالله عن أذنكم بصلي العصر وبروح للشباب في مجلس عمي فهد
أم وليد بحنان:مانبي غير سلامتك ياوليدي

طلع وليد يصلي العصر ويدعي ربه ينسيه حبه لجمانه

أم وليد وهي قايمه:يالله قومن صلن أنتن بعد ترى صلاة العصر وقتها قصير
ساره ببتسامه:بنقوم يالغاليه الحين

ْْْْْْْْْْْْْْْْ

في بيت أبو يوسف

خلصت جمانه من صلاة العصر وجلست تنتظر عناد يرد من الصلاه تدري مستحيل يطلع للجناح من نفسه عشان كذا أرسلت له مسج تقوله إذا خلصت من الصلاه تعال أبيك

دخل عناد الجناح وشاف جمانه جالسه على الكنب ومشغوله في جوالها فقال بهدوء:السلام عليكم
جمانه ببتسامه:وعليكم السلام
عناد جلس في الكنب المقابل لها وقال ببتسامه:غريبه طالبتني اليوم
جمانه بلعت ريقها بعدين قالت وعينها في عين عناد:خالتي عازمتني على العشاء الليله وأبي أروح
عناد بنفس الأبتسامه:أي خاله فيهم
جمانه بتوتر:خالتي أم وليد
عناد وهو يرفع واحد من حواجبه قال:وش المناسبه
جمانه أبتسمت وقالت:تصدق أنك ذكرتني بعمي عزام
عناد ببتسامه:ليه
جمانه بنفس الأبتسامه:ترفع حاجبك بنفس طريقة رفعت عمي عزام
عناد ضحك وقال:بس
جمانه ضحكت وقالت ببتسامه:لحد الحين هذا ألي أكتشفته
عناد قدم ظهره لقدام وقال وعينه عليها:وفيك نفسك تكتشفين الباقي وإلا أنقطع نفسك
جمانه بحياء:يمكن أي ويمكن لا
عناد ببتسامه:وضحي مافهمت
جمانه تغير الحديث بقول:بتخليني أروح للعشاء عند خالتي
عناد وهو قايم:بتروحين لأني معزوم وأنا بوصلك بنفسي
جمانه قامت معه وقالت ببتسامه:مشكور
عناد وهو يأشر على خده قال ببتسامه:تعالي بوسيني من هناء عشان أحس بشكرك
جمانه تقدمت منه وباسته على خده بخفيف وقالت بنبره جاده:هذي بوست شكر يعني لايروح فكرك لبعيد
عناد وهو يضحك قال بين ضحكاته:وأنتي لايروح فكرك أني ممكن أفكر في وحده قلبها كان ملك لغيري
جمانه حست بجرح من هالكلمه فقالت بقهر:الحب ماهو حرام إذا كان في أطار الحلال يعني أنا يوم حبيت وليد كان خطيبي وشي طبيعي أي بنت تحب خطيبها
عناد بسخريه:حب عن حب يفرق وأنتي مو كنتي تحبينه لا كنتي تعشقينه ومازلتي
جمانه بعصبيه ممزوجه بتحدي:وبحبه لآخر يوم بعمري
عناد بضحكه ساخره:حبيه زي ماتبين شي مايهمني لأن كل الباقي لك معي شهرين وأنا ماأعتبرك زوجه أنتي مجرد أداه بستخدمها للقبض على عبدالله الـ مروج المخدرات
جمانه بعصبيه:أبوي أشرف منك ياراعي الخدم
عناد عطاها كف وقال بين أسنانه:عيدي هالكلام وشوفي وش بيصير فيك
جمانه وهي حاطه يدها على خدها قالت بتحدي:بعيده في كل مره تتكلم فيها عن أبوي
عناد مسكها مع شعرها وقال بعصبيه:قسم بالله أن عتي هالكلام لتتمنين الموت ماتحصلينه
جمانه وهي تتألم:طول عمري أتمنى الموت وماأحصله ماجبت شي جديد
عناد دفها بعيد عنه على الأرض وقال بسخريه:تربيت سكير وش أتوقع منك
جمانه بعصبيه:لاتقول تتكلم عنه كأنك شريف
عناد ضربها برجله على بطنها بخفيف وقال بعصبيه:هالمره خفيفه المره الجايه بترجعين دم بسببها
جمانه تكورت على عمرها وصارت تبكي بصوت مسموع
عناد قال بسخريه:هذا أنتي تعاندين وطولين لسانك وآخرتها تقلبينها مناحه
جمانه ماردت عليه لأنه أساسا ً طلع وتركها

ْْْْْْْْْْْْْ

في بيت أبومشاري

في جناح خالد

طلعت عهد من غرفتها وحصلت خالد جالس على الكنب ولاب قدامه يطقطق فيه
عهد بهدوء:ممكن أتكلم معك
خالد رفع عينه لها وقال ببتسامه:وش هالذرابه تستأذنين
عهد جلست في الكنب المقابل له وقالت ببتسامه:لأني أبيك في موضوع مهم
خالد سكر الاب وقال ببتسامه:يالله قولي الشي المهم ألي عندك
عهد بلعت ريقها بعدين قالت بنبره جاده:أبي أقول للكل أن أشوف
خالد ببتسامه خبيثه:روحي قولي من ماسكك
عهد بتوتر ممزوج بقهر:خالد لاتزيدني ترى ألي فيني مكفيني
خالد بنبره حاده:يومك عارفه أن هالشي غلط ليه تسوينه من البدايه
عهد بدت دموعها تنزل على خدها وقالت بصوت مخنوق:طلبتك خالد لاتزيدها علي وشوفلي حل
خالد قام وجلس جمبها ومسح دموعها بصبعه وقال ببتسامه:لاتبكين علينا يالبزر خليها يومين أكون لقيت حل
عهد ببتسامه:صدق
خالد ببتسامه:صدق ولو كم عهوده عندنا
عهد ببتسامه:قلتها لك من قبل وحده بس
خالد باسها على خدها وقال ببتسامه:وأنا قلتلك الله لايحرمنا هالوحده
عهد ببتسامه خجوله:ممكن أسألك سؤال
خالد ببتسامه:أسألي بدل السؤال مليون سؤال
عهد وعينها على يديها المشبوكه في حضنها:تحبني
خالد ببتسامه:طب ليه تسألين وعينك تحت أرفعي عيونك وسألي عشان أجاوبك
عهد رفعت عيونها له وقالت بحياء:تحبني
خالد ببتسامه:أكذب عليك لو قلتلك أي لكنك زوجتي وغاليه علي
عهد حست بسكين أنغرزت في قلبها من رده وحست بأهانه لأنها سألت قبل ماتتأكد من الجواب
خالد وهويرخي جسمه على الكنب قال بهدوء:ترى الحب مو أساس الحياه أهم شيئ الأحترام
عهد قامت وتوجهت لغرفتها وهي تتمنى الأرض تبلعها من كثر الخجل
خالد يتبعها بنظراته وعلى وجهه أبتسامه خبيثه
ْْْْْْْْْْْْْْْ

في بيت أبو جمانه

خلود وهي تخبي المخدرات مع عبدالوهاب في المخزن قالت بخوف:ماتشوف هالكميه كثيره
عبد الوهاب ببتسامه:وإذا كثيره ترى حكهما واحد وبعدين لاتخافين لو صار شي عبدالله هو ألي بياكلها مو أحنا
خلود بنفس الخوف:وإذا أمسكنا وحنا نروج بعد هو بياكلها
عبد الوهاب وهو يضرب يديه في بعض عشان يوخر الغبار منها قال ببتسامه:وبعدين معك حنا مانوزع إلا في بيته يعني ماعلينا خوف
خلود وهي طالعه مع عبدالوهاب من المخزن قالت:إلا وش صار مع عمر
عبد الوهاب ببتسامه:أزين شي أن عناد أخذ هالبنت عشان تخلصنا منه هالمنى ونرتاح
خلود بخوف:بس إذا نكشفت بتقول حنا ألي دليناها على عمر
عبد الوهاب وهو يقفل باب المخزن قال بسخريه:وين دليلها
خلود بتوتر:مدري بس أنا خايفه من هالموضوع
عبدالوهاب:أهم شي ماتحس بشي ولا تكشفك أنك تروجين مخدرات
خلود بهدوء:من هالناحيه تطمن ماعندها أي فكره
عبدالوهاب وهو بيطلع قال:أجل أنا بروح عشان أشتري كم قزازة وسكي تغيب هالدلخ ونقدر نشتغل على راحتنا
خلود بهدوء:روح والله يستر لاننكشف
عبدالوهاب:حتى لاقدر الله وأن كشفنا مستحيل أدخلك في السالفه تراك أختي إلا نسيتي هالشي
خلود بسخريه:أختك من أمك ولا أحد يدري أني أختك غير أمي الله يرحمها
عبدالوهاب بحنان:يكفي أنا أدري أنك أختي
خلود نزلت دموعها على خدها وقالت ببتسامه:الله لايحرمني منك
عبدالوهاب ببتسامه:ولا منك يالغاليه

"الجـزء التـاسـع عـشـر"
,,,,,,,,,,,,,,,,,,,,,,,

في المستشفى

طلع الدكتور من عند ضي وكان عادل واقف في الممر ولما شاف الدكتور توجه له بسرعه

عادل بخوف:طمني
الدكتور ببتسامه:ألف مبروك المدام حامل
عادل بصدمه:حامل
الدكتور بنفس الأبتسامه:أي حامل وهي بخير والجنين بخير
عادل أستوعب الموضوع وأشرق وجهه بالأبتسامه وقال:ممكن أشوفها
الدكتور:تقدر بس هي نايمه الحين
عادل بتسآؤل:طيب ممكن أعرف سبب دوختها
الدكتور:سوء تغذيتها وهي الحين تاخذ مغذي وياليت تنتبه لأكلها
عادل بقهر:حاضر يالدكتور
بعد ماراح الدكتور دخل عادل ع\د
لى ضي وكانت نايمه والمغذي مشبوك في يدها فقرب منها وباسها على جبينها وهمس في أّذنها بقول:والله أحبك
ضي بصوت خفيف:عادل
عادل ببتسامه:ياعيون عادل
ضي وهي تفتح عيونها قالت بتعب:أنا وين
عادل جلس معها على السرير ومسك يدها وقال بحنان:في المستشفى ياقلبي
ضي وهي ترفع ظهرها على المخده قالت بتعب:وش صار
عادل ببتسامه:ماصار شي ياقلبي مجرد دوخه بسيطه
ضي عادت لها ذكرى الموقف فنزلت دمعه من عينها يتيمه مثل ماهي يتيمه
عادل مسح دمعتها بأصبعه وقال بهدوء:عمر الدمع ياقلبي مايغير شي
ضي بصوت مخنوق:لكنه يخفف من الحزن
عادل ضمها لصدره وقال بحنان:تكفين ضي بلاه الحزن مو عشاني عشان ألي ببطنك
ضي ضلت لثواني ساكنه في صدر عادل بعدين بعدته عنها وقالت بعيون دامعه:صدق أنا حامل عادل
عادل أحتضن وجهها بين كفوفه وقال ببتسامه:صدق ياقلب وعيون عادل
ضي رمت نفسها في حضنه وصارت تبكي بصوت مسموع
عادل وهو يمسح على ظهرها قال بحنان:بسك قطعتي قلبي

ْْْْْْْْْْْْْْْْْ

في بيت أبويوسف

عناد دخل غرفة الجلوس وكان في الغرفه يوسف وأمه وجنان وأمل
عناد بهدوء:السلام عليكم
الكل:وعليك السلام
أمل ببتسامه:هلا بالقاطعه ألي من يوم تزوج ماعاد نشوفه
عناد وهو يجلس جمبها قال ببتسامه:والله ماقاطع غيرك قبل كنتي كل يوم ناطه عندنا لكن الحين ماعاد نشوفك إلا في السنه حسنه
أمل وهي تضحك قالت بعياره:الحين أنا ألي مجي وألا أنت ألي كل يوم أسأل عنك يقولون أنك مرابط فوق
عناد ببتسامه ساخره:ويومي غالي عندك وش مانعك لاتطلعين فوق يومي مرابط فيه
أمل وهي تهمس في أذنه قالت بخبث:أخاف أجي في وقت غلط
عناد ضحك وقال ببتسامه:أنتي وحضك
يوسف وهو ينزل جواله على الطاوله ألي كان يطقطق فيه قال:إلا من بيروح لعزيمة أبووليد
أم يوسف:أنا بروح معك
جنان:وأنا بعد بروح معك
يوسف ببتسامه:ومن قالك أنك بتروحين من الأساس
جنان بقهر:وليه ماروح أن شاء الله
عناد بهدوء:خليه عنك أنا باخذك معي
أم يوسف بنبره حاده:لايكون بتاخذ جمانه
أمل بقهر:وليه ماياخذ جمانه ترى أم وليد خالتها
عناد بنبره هاديه:أي باخذها
يوسف همس في أذن أمه لأنه كان جالس جمبها بقول:طالبك يمه لاتتدخلين بينهم
أم يوسف وهي قايمه قالت بهدوء:بقوم أتروش قبل الصلاه
يوسف بعد ماطلعت أمه قال بهدوء:عناد لاتخلي الماضي يخرب حياتك أنسى وأغفر زله غير مقصوده
عناد وعينه على الأرض قال ببتسامه ساخره:هذا أنت قلتها ماضي والكلام في الماضي نقصان في العقل
أمل وهي تهمس في أذنه بقول:وجهك مايقول ماضي ياولد أختي
عناد وهو قايم قال ببتسامه:جنو قومي جهزي حالك لأني بعد صلاة المغرب بمشي على طول
جنا ببتسامه:ولايهمك بخلص قبل حرمك المصون
عناد ببتسامه:والله حرمي عادي يأخروني لكن أنتي ياويلك تتأخرين لودقيقه بعد الصلاه
جنا بضحكه:أي جمانه لها الدلال وجنو لها التكريش
أمل ببتسامه:ومن يستاهل الدلال أكثر من جمانه
يوسف وهو قايم قال ببتسامه:أقوم دام السالفه أنقلبت تغزل في حرم الأخ
عناد بضحكه:لايكون غرت
يوسف ببتسامه:ومن شنو أغار
أمل وهي تقوم وتاخذ شنطتها في يدها قالت:يوسف الله يعافيك وصلني معك لبيتي
يوسف وهو متوجه للباب قال:يالله ترى الصلاه مابقى عليها شي

ْْْْْْْْْْْْْْْْْ

في بيت أبومشاري

في غرفة في

في وهي جالسه على السرير قالت بحقد:معك بكره بس وتجيبين لي خمس آلاف ريال عشان نخلص من هالعله عهد
مي وهي جالسه على الأريكه مقابل السريرقالت:كثير مقدر
في بعصبيه:أجل خلي عهد تتهنى بخالد
مي بقهر:وأنتي ماعندك غير هالخطه ألي بتكلفنا هالمبلغ
في وهي تضرب بيدها على السرير قالت بغضب:تراي بدفع مثلك وإذا الخطه مو عاجبتك دوري غيرها
مي بخوف:عاجبتني بس أخاف ننكشف
في بحقد:لاتخافين لأن الخادمه أول ماتنفذ المطلوب منها بتهرب من البيت ومعها المبلغ يعني مستحيل ترد مره ثانيه
مي بقلق:فرضا ً كشفوها وش بيصير فينا
في نزلت من السرير بعصبيه وهي تقول:تراك غثيتيني ألف مره أقولك محد كاشفنا
مي بقل حيله:خلاص عطيني يومين أقدر أدبر المبلغ
في بعصبيه:وش يومين قلتلك بكره أبي أحرق قلب هالعله مثل ماأحترق قلبي
مي قامت وقالت بعصبيه:شايفتني موظفه أقدر أدبر لك هالمبلغ في يوم
في قربت منها ومسكتها مع كتوفها وقالت بعصبيه:بيعي طقم الألماس هذا أنا ببيع حقي
مي بصدمه:من جدك مقدر أمي بتكشفني
في بعصبيه شديده:قولي أنك تاركته عندي وأنا بقول الخادمه سرقته مع طقمي
مي وهي ترص على أسنانها:خلاص ببيعه والله يستر من خطتك
في أبتسمت بخبث وقالت:لاتخافين محد كاشفنا

ْْْْْْْْْْْْْْ

في بيت أبو يوسف

أمل طلعت لجمانه قبل لاتروح لبيتها تبي تسلم عليها لكنها أنصدمت من منظر جمانه بعد مافتحت لها الباب
أمل بعصبيه:بالله عليك هذا شكل وحده بتروح لعزيمه
جمانه وهي تصك الباب قالت بسخريه:ومن قال أني بروح للعزيمه
أمل طالعت فيها بنظرات حاده وهي تقول:تصدقين يبي لك كف يصحيك من هالخبال ألي أنتي فيه
جمانه وهي تأشر على الكنب:أجلسي وبعدين قولي كل ألي عندك
أمل مسكتها مع يدها وقالت بعصبيه:أقول أنتي ألي تعالي معي خلني أعدلك قبل لايجي عناد وأنتي بهالشكل
جمانه ببتسامه ساخره:ومن قالك أن عناد بياخذني
أمل وهي تمشي فيها للغرفه قالت:هو قال بنفسه أنه بياخذك
جمانه بصدمه:هو قال
أمل بقهر:أي قال ويالله خل نخلص ماباقي على الصلاه إلا ربع ساعه
جمانه مشت معها وفي داخلها تقول"غريبه ليش وافق لوين بتوصل ياعناد حيرتني معك"

ْْْْْْْْْْْْْْْْْْْ

في بيت أبو وليد

رفيف وهي تطالع في شكلها في المرايه:وش رايك فيني
ساره ببتسامه:قمر وأحلى من القمر بعد
رفيف بغيره:تتوقعين بكون أحلى من جمانه
ساره بقهر:وأنتي وش عليك من جمانه تراها ماهي ظرتك عشان تغارين منها
رفيف بعصبيه وعيونها متحجره بالدمع:وين ماعلي منها وهي ماخذه قلب زوجي
وليد وهو داخل قال بعصبيه:رفيف
رفيف وساره توجهت أنظارهم لوليد ألي شكله كان معصب
ساره ببتسامه مرتبكه:عيني عليك بارده وش هالحلى
وليد وعينه على رفيف قال بشبه أبتسامه:عيونك الحلوه
ساره ببتسامه:يالله عن أذنكم
رفيف بخوف:دقيقه بطلع معك
وليد بنبره حاده:ساره أطلعي وخذي الباب معك
ساره طلعت من الغرفه وصكت الباب وهي تدعي بقلبها مايثور على رفيف
وليد بعصبيه:وبعدين معك
رفيف ودموعها بدت تتمرد عليها وتنزل على خدودها قالت بصوت مخنوق:والله غصب علي
وليد قرب منها ومسكها مع عضديها وقال بين أسنانه:قسم بالله لو سمعتك تجبين طاري جمانه ليكون أخـ
رفيف وهي حاطه يدها على فمه قالت برجاء:تكفى لاتقولها وأنا أوعدك ماراح أجيب سيرتها مره ثانيه
وليد أخذ نفسه وقال بعد مابعد يدها عن فمه:ماراح أقولها ويالله خل ننزل تحت
رفيف وهي تمسح دموعها بأصابعها قالت ببتسامه:من عيوني
وليد صد عنها وهو يقول بضيق:تسلم العيون وصاحبتها
رفيف حست بضيق من طريقته في الكلام ألي باين فيها الضيق لكنها أكتمت ضيقها ورسمت على وجهها أحلى أبتسامه ونزلت معه

ْْْْْْْْْْْْْْْْ

في بيت أبو يوسف

دخل عناد البيت راد من صلاة المغرب وكانت أمه وجنان في الصاله وكل وحده عباتها جمبها
عناد ببتسامه:السلام عليكم
الكل:وعليك السلام
عناد وهو يجلس جمب أمه قال بهدوء:جاهزين
أم يوسف بسخريه:كلنا جاهزين إلا زوجتك
عناد أخذ نفس بعدين قال ببتسامه:خلها تتدلع يحقلها
أم يوسف بسخريه:الله يهنيك بقايا قلبها
عناد ضغط على شفته علامة القهر وقال بنبره تحمل العتب:الله يسامحك يالغاليه
أم يوسف بعصبيه:دام الموضوع قاهرهك طلقها وريح عمرك
جمانه أدخلت هي وأمل على هالكلمه
أمل بنبره مبطنه بالعصبيه:فايزه وش هالكلام
جمانه ببتسامة مقهوره:شكلي ماشرف أكون حرم عناد
أم يوسف بقهر:والله أنتي ألي خليتي نفسك ماتشرفين تكونين زوجه لعناد ولاغيره
أمل بعصبيه:لعناد الشرف يوم أخذ جمانه
عناد بهدوء رغم الغضب ألي باين على وجهه قال:يمه بتروحين معي وإلا بتنتظرين يوسف
أم يوسف بهدوء:لابنتظر يوسف
عناد وهو قايم:يالله مشينا
أمل ببتسامه:تقدر توديني لبيتي في طريقك
عناد ببتسامة مجامله:ليه يوسف ماهو موديك
أمل وهي تضحك:لا سحبت عليه وتعرفها عصبي
عناد وهو بيطلع:تعالي معي
طلع عناد وتبعه كلا ً من جمانه وجنان وأمل

أمل وهي تدف جمانه قالت بهمس:أركبي قدام
جمانه بخجل:مقدر أستحي
أمل سفهتها وركبت ورى مع جنان وهالحركه جبرت جمانه تركب قدام
عناد حرك السياره وكان ماسك مقود السياره بشكل يدل على مدى غضبه

ْْْْْْْْْْْْْْْ

في بيت أبوطلال

دخل عادل وهو ماسك ضي مع خصرها وكانت مرح جالسه في الصاله ألي نازل عليها الدرج
مرح وعينها على عادل وضي قالت بحقد:حمدالله على السلامه
ضي بتعب:الله يسلمك
مرح وهي تقوم واقفه قالت بنفس الحقد:خلها ياعادل أنا بوصلها
عادل بنبره حاده:خلك مرتاحه أنا أوصل زوجتي
مرح بعصبيه ممزوجه بحقد:أشوفك نسيت فعايلها نسيت بدر ألي مات بسببـ
قطع كلامها صرخه قويه من طلال وهو يقول:مـــــــرح
مرح صد ناحيت طلال ألي كان نازل مع الدرج وشافت في عيونه غضب عمرها ماشافته
مرح بتلعثت:سم
عادل كمل خطاه هو وضي لفوق وتجاوزو طلال ألي كانت عيونه مركزه على مرح
طلال وهو يقرب من مرح قال بغضب:ياخساره
مرح بخوف:طلال لاتفهمني غلـ
سكتها كف قوي من طلال على خدها وقال بعده بعصبيه:لك عين تتكلمين
مرح ويدها على خدها قالت بعصبيه:تضربني ياطلال
طلال بنفس الغضب قال:وأكسر راسك لو ماتسنعتي
مرح شالت النقاب عن وجهها وقالت بغرور:إذا ماخليتك تترجاني عشان تشوف هالوجه ماكون بنت أبوي
طلال بسخريه:صدق عين المحب عمياء
مرح وهي تتجاوزه طالعه لفوق قالت بقهر:طيب ياطلال
طلال ظرب بيده على الجدار ألي جمبه وطلع من البيت عارف أنه بيرد ومايلاقي حبيبته ورفيقت عمره لكن لابد من الحزم معها مهما ً كان مقدار حبه لها مستحيل يتحمل طبعها الشين مع أخوه

ْْْْْْْْْْْْْْْْ

عند بيت أبووليد

وقف عناد السياره عند بوابة النساء عشان جنان وجمانه ينزلون
نزلت جنان وتبعتها جمانه وهم عند الباب قبل مايطقون الجرس أنفتح وطلع معه وليد
جنان تراجعت بسرعه للخلف لكن جمانه ظلت واقفه مكانها وعينها معلقه على وليد
وليد طالع في المرأه الواقفه قدام الباب مباشره وحس بها قلبه قبل لاتعرفها عيونه
وليد قال بهمس ممزوج بشوق ويده مازالت ماسكه بطرف الباب :جمانه
جمانه غمضت عيونها وقالت بألم:أي جمانه ياوليد
وليد رفع عيونه لشخص ألي وقف خلف جمانه مباشره وشاف في عيونه مزيج من الغضب والسخريه والغيره
عناد من بين أسنانه قال:مطول
جمانه حست كأن أحد كب عليها مويه ساخنه أحرقت كل جسمها هذي أخرت أخلاقك ياجمانه واقفه تكلمين خطيبك السابق وقلبه مع كل نبض يعزف بأسمه وزوجك حليلك موجود وماحسيتي فيه
وليد أبتسم برتباك وقال:بعدو خلوني أطلع تراكم واقفين قدامي
جمانه تراجعت للخلف ووقفت جمب جمانه حتى أبعد وليد عن الباب فدخلت بسرعه ماتبي عناد ينفرد فيها تدري لوذبحها محد بيلومه ألي سوته خيانه علي ومستحيل رجال يتحمل هالشي

عناد مسك يد جنان قبل تدخل وهمسه في أذنها بقول:ياويلك لو طلع ألي صار
جنان بهدوء:أن شاء الله

توجه عناد للباب الرجال وهو يضرب برجوله على الأرض دليل على غضبه لهنا وبس ماعاد فيني أتحمل أكثر

ْْْْْْْْْْْْْْ

جنان بغضب مكتوم:ماتوقعتك بهالوقاحه
جمانه والدمع متحجر في عيونها قالت بهمس:تكفين جنان لاتتكلمين في الموضوع وإذا راحمه أخوك بريحه وريح نفسي
جنان بسخريه:لايكون بتنتحرين
ساره وهي تقطع حديثهم بقول:هلا والله
جنان وهي تسلم عليها قالت ببتسامه:هلافيك ياقلبي
جمانه أمسحت دمعه تمردت من عينها قبل لاتشوفها ساره ألي مشغوله بالسلام على جنان
ساره وهي تتوجه لجمانه قالت وهي فتحه يديها:يانا مشتاقه لك
جمانه رمت نفسها في حضن ساره وصارت تبكي بدون صوت أشتاقت لهالحضن ألي ياما بكت عليه وشكت له
ساره وهي تهمس في أذن جمانه:عزالله نحاشو الحريم من شكلك
جمانه بعد ماهدت نفسها بعدت عن ساره وقالت ببتسامه حزينه:مايهمني أحد أهم شي شفتكم
ساره وهي ماسكتها مع يدها قالت ببتسامه:أقول تعالي معي تعدلي قبل لاتتدخلين على الحريم
جمانه بهدوء:وجنان بتخلينها واقفه
ساره ببتسامه:لاياعيوني بدخلك الغرفه ورد لجنان
جمانه توجهت مع ساره لغرفه جانبيه عشان تعدل الميك آب ولما وصلتها ساره لها ردت لجنان ألي مازالت واقفه عند باب المدخل
ساره ببتسامه:أسفه طولت عليك
جنان ببتسامه:لاطولتي ولاشي
ساره بنفس الأبتسامه:يالله خل ندخل
دخلت جنان مع ساره غرفة مجلس النساء

جمانه خلصت من تعديل شكلها بعدين طلعت من الغرفه وكان في وجهها رفيف
جمانه ببتسامه:هلا والله بالعروس
رفيف وهي تسلم عليها قالت بوقاحه:غريبه جايه توقعتك ماتجين
جمانه ببتسامة ثقه:وليش مجي
رفيف وهي تطالع في جمانه من فوق لتحت قالت بحقد:قلت يمكن زعلانه للحين على وليد
جمانه بنفس الأبتسامه:وليه أزعل وليد الله يوفقه وأنا رزقني الله برجال الكل يحسدني عليه
رفيف بنبره صادقه:يعني خلاص نسيتي وليد
جمانه بغرور:ماكان بيني وبينه شي عشان أنساه
رفيف بقهر:طيب ليه هو ماينساك زي مانسيتيه
جمانه بنبره حاده:هذا السؤال روحي سأليه زوجك ولوسمحتي بعدي عن طريقي بروح أسلم
رفيف بعدت عن طريق جمانه وهي تحس بنار الغيره تحرق قلبها يعني جمانه عايشه متهنيه مع زوجها وهي عايشه مع جسد بدون روح يعني جمانه تكسب حب ثنين وهي تطلع خسرانه

ْْْْْْْْْْْْْْْْ

في بيت أبومشاري

عهد بملل:يعني لورحنا للعشاء ماكان أحسن
غاليه ببتسامه:الحين من متى تحبين العزايم
عهد وهي تتربع على الكنب قالت ببتسامه:مو حب في العزيمه بس أحسن من هالملل
غاليه بخبث:وش رايك بدل محنا جالسين كذا نقوم نسوي جوي رومنسي لزوجك
عهد وهي تلم فمها قالت بقهر:بيعبرني تراه لاشاف الجو الرومنسي
غاليه وهي قايمه واقفه قالت ببتسامه:أنتي قومي خل نقلب جناحك ونخليه عالم ثاني
عهد بسخريه:يابنت ريحي عمرك مهما ً سويت ماراح يغير شي من شعور خالد ناحيتي
غاليه بقهر:بالله عليك كيف بيتغير شعوره ونتي بارده كذا
عهد قامت مع غاليه وقالت بتوعد:بسوي ألي تبين لكن والله لو خالد تمسخر علي لكفخك
غاليه وهي تضحك:يابنت لارايح يتمسخر ولاشي بس تعالي أنتي ترى ماباقي شي ويجون

توجهت عهد مع غاليه لجناحها عشان تنفذ مخطط غاليه وهي خايفه من ردت فعل خالد تخاف يتمسخر عليها
ْْْْْْْْْْْْْْْْ

بعد العشاء في بيت أبووليد في مجلس الرجال

عناد وهو قيام:يالله أستأذن منكم
فهد وهوقايم معه:وين يارجال تونا بدري
عناد ببتسامه:بدري من عمرك وراي دوام بعد ساعه
فيصل وهو يقوم معهم قال ببتسامه:الله يعينك على هالدوام
عناد ببتسامه:الله يعين
طلع عناد ومعه فيصل وفهد لأن وليد كان برى مع يوسف
يوسف وهو يشوف عناد وفهد وفيصل متوجهين ناحيتهم قال بصوت عالي:على وين
عناد وهو متوجه ناحيتهم مع الشباب قال:بمشي بتخاويني وإلا لا
يوسف وهو يحط يده على كتف وليد قال ببتسامه:لابسهر مع العريس
عناد وعينه على وليد قال بهدوء:يالله السموحه منك بسري
وليد ببتسامه:مسموح يالغالي
عناد طالع في وليد لفتره بعدين قال ببتسامه:ترى عشاك بكره عندنا
وليد بنبره جاده:مالك لوا لكني مسافر الفجر
عناد بنفس الأبتسامه:دامك مسافر نخليه لرديت أن شاء الله
وليد ببتسامه:لامني رديت نتفاهم
عناد بصرار:مافيه تفاهم عشاك أول ماترد عندنا أن شاء الله
وليد ببتسامه:ولايهمك يابو ناصر
عناد وعينه على فهد:يالله أترخص منكم
الشباب:مسموح

ْْْْْْْْْْْْْ

عند النساء
جنان ببتسامه:جمانه عناد برى
جمانه وهي قايمه قالت ببتسامه:يالله خالتي أترخص منك
أم وليد وهي ماسكه يد جمانه قالت بحنان:وين بدري
جمانه وهي تحبها على راسها قالت ببتسامه:بدري من عمرك يالغاليه
أم يوسف:خذوني معكم أكيد يوسف ماهو ماشي إلا الفجر
أم وليد:خله يسهر وأنتي أسهري معنا
أم يوسف وهي قايمه قالت:والله أني تعبانه بروح أنام
أم وليد وهي قايمه معهم:بسمحلكم تروحون بس توعدوني بزياره
أم يوسف:هالمره جيناك والمره الثانيه أنتي تعالي لنا
أم وليد وهي طالعه معهم للباب قالت:ودي لكني مقدر أطلع عشان أبووليد
أم يوسف:سيري علينا فترة العصر وردي المغرب
أم وليد ببتسامه:خيرأن شاء الله

طلعت جمانه وجنان وأم يوسف لعناد ألي ينتظرهم بالسياره

بعد ماركبو قال عناد ببتسامه:أشوفك خاويتينا وخليتي ولدك
أم يوسف ببتسامه:ولدي بيسهر للفجر وأنا مافيني حيل على السهر
عناد كمل الطريق وهو ساكت وجنان وجمانه يسولفون بهمس في العزيمه

ْْْْْْْْْْْْْْْْْ

في بيت أبومشاري

رد الكل من العشاء وكانت الصدمه للكل وجود مرح في البيت بدون عيالها

أبومشاري بخوف:عساء ماشار يابوك
مرح ودموعها على خدها قالت بعصبيه:طلال ضربني
أبومشاري قال بعصبيه:ضربك
مرح وعينها على أبوها قالت بقهر:أي ضربني وطردني من البيت
أم مشاري بغضب:من يكون عشان يمد يده عليك
مشاري بعصبيه:أمسحي دموعك والله لاخذ حقك منه
أبومشاري بنبره حاده:والله لو كلمته لتندم خل طلال علي
خالد وجهه أحمر من الغيض:وين نخليه وهو ضاربها وطاردها من البيت فهالليل
أبومشاري بعصبيه:والله لوحد منكم تعرض له ليندم وأنا أعرف آخذ حق بنتي ماني منتظرك أنت وياه تاخذونه لي
أم مشاري وهي ضامه مرح ألي بدت بالبكاء بعد كلام خوانها وأبوها قالت بعصبيه:خله يفارق مانبي نتفاهم معه واحد مد يده عليها مانبيه وبنتي ألف واحد يتمناها
أبومشاري بعصبيه:صكي فمك يامره ولاتتدخلين في هالموضوع

فوق فتحن غاليه وعهد الجناح لما سمعو الصراخ
غاليه بخوف:وش صاير
عهد بنفس الخوف:مدري الله يستر
غاليه وهي تنزل:بروح أشوف وش صاير
عهد برجاء:تكفين طنيني لاتخليني قلقانه كذا
غاليه وهي نازله صادفت في وهي طالعه وكان على وجهها أبتسامة شماته
غاليه بخوف:وش صاير
في ببتسامه:أختك متهاوشه مع طلال وطاردها من البيت
غاليه بصدمه:شنو
في وهي تتجاوزها قالت بشماته:تستاهل هذا ذنبي
غاليه سفهت كلام في ونزلت بسرعه لتحت وشافت مرح تبكي في حضن أمها وأبوها وأخوانها واقفين وعلامات الغضب على وجيهم
غاليه ألتزمت الصمت وأكتفت بالنضر فقد تخاف تتكلم يثور أحد فيها
أبومشاري بأمر:قومي نامي وبكره لي تفاهم مع ولد عمك
مرح وهي تمسح دموعها قالت بصوت مبحوح:أن شاء الله
طلع خالد لفوق قبل الكل ودمه يغلي من القهر كيف يتجرأ طلال ويمد يده على أخته

عهد لما شافت خالد طالع مع الدرج ردت بسرعه لجناحها قبل لايوصل
دخل خالد الجناح وكان النور مسكر والشموع ماليه المكان بشكل مرتب
خالد فتح النوره ونادى بصوت باين فيه العصبيه:عهد عهد
عهد طلعت بسرعه لخالد وقلبها يرجف من الخوف لأن نبرة خالد نبرة واحد معصب حيل
عهد بتلعثم:هلا
خالد رفع نظره لها وصدمه شكلها كانت لابسه فستان ليلكي بسيور كرستال وصدره عاري حيل وهو ضيق على جسمها وشعرها متروك على ظهرها وبعض الخصل محتضنها خدها ومكياجها ناعم مبين نوعمتها
عهد حست بخجل من نظراته فقالت بخوف:وش صاير تحت
خالد تقدم منها ومسكها مع عضديها وطبع بوسه خفيفه على جبينها وقال بهدوء:ماصاير شي
عهد بنفس الخوف:وصوتكم ليش كان طالع
خالد وهو يتجازوها للغرفه قال بعصبيه:قلتلك ماصاير شي ويالله طفي هالشموع ونامي
عهد وهي تكش على وجهها قالت في نفسها بقهر"مالت علي نحسه من يومي"

ْْْْْْْْْْْْْْْْْْْْ

وصل عنادبأهله للبيت ونزلو كلهم وكانت جمانه آخر من نزل لأن جوالها طاح من يدها في السياره وطولت أدوره
عناد وهو واقف عند الباب قال بعصبيه:لانامي أحسن
جمانه وهي تصك الباب قالت بهدوء:جوالي طاح مني
عناد وهو يتقدم منها قال بعصبيه:أقول يالله داخل
جمانه لفت لاشعوري لأنها سمعت صوت سياره مسكت بريك عندهم
عناد سوى نفس جمانه رفع نظره للسياره ألي مسكت البريك عندهم وفي لمح البصر أطلق صاحب السياره رصاصات بشكل عشوائي عليهم وجت رصاصه في كتف عناد ورصاصه في بطن جمانه
وبسرع حرك كل هذا صار خلال ثواني معدوده
جمانه صرخت صرخه قويه أول ماجت الرصاصه في بطنها وطاحت على الأض
عناد ماحس بأصابته لأن جمانه كانت من صوب في الأول وبسرعه جلس يهزها
عناد بخوف:جمانه جمانه
جمانه:.............
عناد شالها بين يديه وحطها في السياره وأنطلق فيها للمستشفى

وصل عناد المستشفى بجمانه وتم نقلها لغرفة العمليات
الممرضه:لوسمحت ممكن تروح معي للدكتور شكلك مصاب
عناد وعينه على غرفة العمليات قال بألم:بعدين
الممرضه:لازم الحين وإلا بتفقد الوعي من كثر مانزفت من الدم
عناد توجه للغرفه معها عند الدكتور وكانت أصابته خفيفه لأن الرصاصه أخترقت اللحم بدون لاتوصل للعضم وبعد ماخلص العلاج طلع مره ثانيه يوقف قدام غرفة العمليات رغم أعتراض الدكتور لأنه لازم يرتاح لأنه نزف دم كثير

عناد صار يمشي في الممر وكل شوي يضرب بيده على الجدار وهو يردد بعصبيه:من المقصود ياجمانه أنا وإلا أبوك من المقصود يحرقون قلب أبوك عليك وإلا يكسروني بسببك من هالحيوان ألي تجرأ يأذيك وأنتي زوجتي وقدام عيني

دخل عادل يركض وشاف عناد مركي بظهره على الجدار وشكله تعبان
عادل بخوف:وش صاير
عناد بتعب وألم:من قالك أني هناء
عادل وعينه على كتف عناد الملفوفه قال بعصبيه:مو مهم من قالي المهم وش صاير
عناد بغضب:تكفى ماني فاضي أشرحلك خلني أتطمن على جمانه بعدين أقولك ألي تبي
عادل بخوف:وينها جمانه
عناد بنفاذ صبر:وينها يعني في غرفة العمليات
عادل ألتزم الصمت وقف ينتظر معه وهو كل شوي يسترق النظر له لايتعب أكثر
طلع الدكتور من غرفة العمليات بعد ساعتين
عادل بهدوء:بشر يادكتور
الدكتوربهدوء مهني:أدعو لها حالتها صعبه وبصراحه الرصاصه جت في الأمعاء وهالشي سبب في تلف بعضها
عناد بعصبيه:حنا مانقولك أشرح لنا وش سوت الرصاصه أنت قول هي بخير وإلا لا
الدكتور بنفس الهدوء:خلال أربعه وعشرين ساعه يبين هي بخير أولا
عادل بخوف:يعني ممكن ماتعيش
الدكتور:هذا أحتمال كبير بس مافيه شي صعب على رب العالمين
عناد بغضب:هو الموت على كيفك تحدده
عادل وهو ماسك عناد ألي يتنافض من الغضب قال بهدوء:مشكور دكتور
تركهم الدكتور بهدوء وعناد دف عادل عنه وطلع من المستشفى

رواية رائعة تسلم ايدينك ...........

واعجبتني شخصية عناد مره بس جومانة تقهر المفروض تحاول تنسى وليد او على الاقل ماتبين شي لعناد مهما كان هو رجا مايرضى ان حرمته تحب غيرة ....

ورفيف لازم تشيل جومانة من مخها علشان تقدر تكسب وليد صح راح تتعب بس ماعلية تحمل ...

اما في ودي اكفخها تكفيخ ليت عناد يتولاها يوم بدل الضعيفة جومانة وجهه تنفخ من كثر الكفوف...

واتوقع ان عناد بعد مايحاول انة يكشف اللي اطلقوا النار على جمانة راح يعرف ان ابو جمانة مالة دخل في تجارة المخدرات .ز

نجي لضي وعادل اتوقع انة ماخطب اخت فرح الا علشان يفتح ضي على مرح وخبثها وبعدين يطلقها ....