المنتدى :
الشعر والشعراء
درايش الدور ..!!
( قلبي تصدع ).. وبيت العمر مهجور
والذكريات وعدتني وخذلتني
لوحت ( طول الجروح ).. بغصن مكسور
لين العصافير ملت وعبرتني
انا ( قديم الحزن ) ومعتق اشعور
لو الليالي عطتني , ماعطتني ..!!
مليت امني سواد ايامي بنور
اكذب واقول المقادير انصفتني
لا والله .. الا كملت وكلي قصور
بعدّت الاوهام لكن قربتني
( عولت )علي الحنين وكان مشكور
ودورت بالامنيات ومعجبتني
روحي حمامه علي درايش الدور
لان الابواب بالامس انكرتني
دايم اجيهم .. بنفس الخطؤوه ازور
لو اتنكر عن خطاي عرفتني !
من قصر وطول عمره كان معذور
جميله ان طال عمري فوق متني
بقيت في مابديت ( بـ قلب مبتور )
والمؤلم ان البدايه واحشتني ..!!
|
10-07-11, 03:43 PM
جديد مواضيع قسم الشعر والشعراء
العرض الشجري
