مرااااحب ي الغــــٓـواالي ..

اعذروووني .. الارساال عندي مررره مزفت !!
مممم اتوقع عشآن العواازل بالبيت !


ماااعليناا ..


.. بالنسبه للباارت مااقدرت احدد يووم بعينه
لاني كل مااحددت يووم سبحااان الله
الا يجي لي ظررف وااجله !!


بس غالباا الاثنين ينااسبني لكن مو ضروري انزله بذاات اليووم


.. اليووم بأذن الله في باارت ..
التقيكم بحوول الله الليله ..

السلاام علييكم



.. حبيت اووضح نقطه لٓكم جميعاا*
ولٓ زاارا خااصه لانهاا سالت عن هالنقطه ..
وحلوو انها سالت ..*
عشاان اقوولكم عن المووقف اللي شفته وسجلته هناا ..



>> [ *بس ياختي ابوهـ عاجز مره عشان ام عزيز توكله وتشربه وتقوده ؟؟؟
يعني حتى لو عميان بيقدر يتصرف بروحه.يعني شكلها تتعامل مع طفل وتخاف عليه يضيع والا يصير له شي .. ؟؟ ]



- انا بصرااحه هالمووقف صاار قداامي*
ونقلته لكم مثل مااشفته ..
مع شوويه تبديل بالاحووال ..
قريب زوجي اعمى ..*
وزووجته سبحاان الله تقولوون هي عيوونه !
مع انه يسمع ويتكلم ماشااء الله ..
بس مايشووف ..
كانت اذا جا الاكل ..
ماا ادري هوو من بااب الرحمه والعطف او المحبه او ايش بالظبط .. مع انه يقدر يعتمد على نفسه في الاكل ..

كاانت زوجته تجهز له اللقمه وتحطهاا بيده ..
وترفع يده لفمه ..
واذا شررب لبن تمسح الاثر عن شنبااته بكفهاا ..
وهوو يااخذ يدهاا اذا جت تمسح له ويبوسهاا ..
بصراااحه تأثرررت من المووقف اوول ماشفتهم ..
وحسيت بقشعرريرره بجسمي كله ماادري لييش ..
والموووقف مرره ببااالي رسخ ..
سبحااان من يسخر الانسااان للانساان ..
وحبيت انقله هناا .. وووبث ..



.. يالغواالي بخااطري اعلق على ردوودكم وحده وحده ..
بس النت عندي ولااا شي .. مرره مززفت ..




يالله بسم الله ...



[ 7 ]
____




.. انتهى العشاا على خيرر ..
والضيووف سروو ومابقى الا الاهل ..
وريااض خذ له شور وبدل ملاابسه ونزل*
بعد ماخلاا عبوودي عند غناادر فووق ..


[ ريــٓـاض ]
________

والله يبه ماامدااني احضر العشاا
على طوول من المطاار سيده هناا ..
ولقيت الرجاجيل قاالطين واستحيت اطلع اسلم عليهم وانا بالبدله ..

قالهاا وهو يتعشاا وابووه واخووه مقاابلينه بفررحه ..
ابو فيااض / مااعليه يااولدي اهم شي انك وصلت بالسلاامه ..
وان شاء الله ماعااد لك رجعه هنااك ..

/ لا يابووي بحوول الله بستقر هنا خلااص ..
قالهاا وهو يبعد صينية العشاا عنه ويقووم يغسل .. وبعد ماارجع .. جلس جنب امه اللي مكتمه وسااكته وباين عليهاا الضيق ..
شاالت ريم العشاا وهو لف يده حول اكتااف امه ..*
كاانت مغطيه فمهاا بطررف شيلتهاا ..
عادتهاا لازعلت ..
بعدت يده عنهاا بهدووء .. وصدت عنه ..
لاحظ ابو فيااض زعلهاا وابتسم بخااطره ..

ذا الحررمه زعلهاا رغم انه بصمت الا انه كاايد ..

تنحنح ووجه سؤاااله لهاا ...
/ عسى ماشرر يٓ ام ريااض ..
*ووش فيتس ماانتيب اخت شماا اليووم ..

/ ماانيب ام ريااض ولا ام فياض
.. انا ام الريم ..
لانهاا زعله على عياالها



ضحك بخفه ..*
/ هههه اجل اهناا زعلةٍ كاايده*
فيااض و يمديه يزعلتس ..
بس بعد *ريااض
اللي مامدااه يغط رجله !!


/ لخصته بطررف عينهاا ولووت فمهاا ..
/ انشد وولدك وشهو جاايبٍ معه !


نااظر لولده بحيرره واستفساار ..
وهو عررف ان ذي اللحظه الحااسمه ..
تنحنح وهو يووجه حكيه لترف ..

/ قوومي جيبي عبوودي من فووق ..

/ ووش دخل عبوودي بزعل امك !!
ثم عبودي سرى مع خوااله !!

ريااض بتأزم وموااجهه /
عبدالله بن ريااض
مهوووب ....
عبدالله بن فيااض ..

/ وووش !!
ووش تقوول ؟؟
انت لك ولد !!
اجل انت معررس مادرينااا !!


كمل ريااض بمحااوله يهدي ابووه /
يبه الله يرضى عليك ..
انتظرر بقوولك ..

اناا كانت تدرسني دكتورره لعييينه ..
وعندهاا *ان كل العررب زبااله ..
وبديت اتقرب لهاا واتلحلح عندهاا وامدحهاا
ابيهاا تنجحني بمادتهاا ..

وبعد شهر من علاااقتي معهاا
انصدمت انهاا تطلب مني اتزوجهاا ..!!!
وقاالت اني غيررت نظرتهاا عن كل العررب ..

وبما اني باخر سنه خفت ارفض وتستلعن علي ..
قلت يالله ..*
آخذهاا كم شهر لين اتخرج ..
بعدها اطلقهاا وارجع ديررتي ..
واافقت واتفقت معهاا ان ماافي عياال مدة سنتين ع الاقل ..
وهي واافقت ..

قاطعه ابووه //
وتاااخذ كاافره !!

/ لا يبه هي وعدتني انهاا بتسلم عشااني ..
وانا من داخلي فعلاا كنت مصمم اعلمهاا الاسلاام ..

.. وبعد ماتزوجتهاا بست شهورر
جت وقاالت انهاا حاامل ..
ولا يمكن تتخلى عنه لانه ذكرى مني .،
واناا ماقدرت اجبرها تنزله واغضب ربي
خااصه انه بيدخل الرابع ..

وبعد ماجاابته*
لاحظت انه غيرر الاطفاال ..
قلت يمكن انه اعمى .،
وكشفنا على النظرر بس طلع سليم ..
وتركت الامر عاادي*


وبعد ماكبر شووي حول الثلااث سنواات ..
لاحظت ..
اني ااشر له مايتجااوب معي ..
يجي للاخطاار ماينتبه لها ولا يباالي ..
راجعت المستشفى وقالو سليم ..!
بس حولووني لطبيب نفسي *قاالو لي ..
احتمااال انه تووحد !!


مااصدقت ..

قلت يمكن الولد غبي ..*
او مااعنده تركيز ..
او اي شي .. الا انه تووحد !!

تنهد .. وكمل ..

بديت ابحث عن المررض هذا واعرااضه*
لحد ماتأكدت انه فعلاا مصاب بالتوحد ..
وامه قاالت اناا معيده ولي طلاابي وعملي ..
ومااقدر*اربيه ..
خذه انا متناازله عنه وطلبت الطلااق ..




تو ابووه بيهااجمه الا نزلت عليهم غناادر
مثل العاااصفه .. وتلهث .. وتبكي ..

/ يبه يمممه رياااض تعااالو فوووق
عبووودي مااات ..


نط ريااض بخفه وقلبه يررقع
بدوون مايسالهاا ووش فيه وركض له ..

دخل لقااه وجهه دم وجسمه متصلب ..
ويهذي بكلماات ما سمع وشهي ..

فيااض توجه للسيااره يشغلهاا بدوون لايشوف
الولد وش فيه ..
شااله ابووه بسررعه وهو يضمه لصدره
ويسمي عليه ..
وغناادر منهااره تمااما من الخووف والمنظر اللي شاافته ..
لحقت ريااض وهي تبرر بصرااخ ..

/ ما سوويت له شي !
بس خذت المفتااح منه وقلت له لاتزعجني ..
ماادريت الا وهو يخبط رااسه بالجداار بقوووه
جيت ابعده .. وتشنج علي ..
وووو... حسبته ماااااااااات ..
الا هووو ماااات ،. اكيييد مااات ..


ضمتهاا ريم بقووه تطمنهاا
بعد ماومرتهاا امها انها تضمها وتسمي عليهاا من الرووعه
وهي خذت برقعهاا وعباتهاا
ولحقت عياالهاا ..

البيييت كله انقلب قلق و خوووف ..
ودعاااء ان الله يحفظه ..


•
•


ضااايق صدرهاا ..
بلحالهاا وماعندهاا احد تسهر معه ..


[ ديمـــــه ]
_______


.. ناادت الشغااله ( ايمي ) تسهر معهاا ..
بعد ماجاابت سواالف السهرره ..

شاالت الشاال من عليها وفكت شعرهاا ..
/ الله ايمي شعرررتس يهبل ..
طووووويل و حلوو اهب عليتس ..


ايمي اللي لها اربع سنواات عندهم /
كووولي ماشااء الله ..
بئدين شأر اناا كولوو تيح ..

/ ماشااء الله ..
حتى انتي ايمي تخاافين من العيوون هههه

اسمعي تكفييييين بقص شعررتس ..

ايمي وهي تلبس حجابهاا /
لااااا اناا مابي شأر اناا سوا انتي بوووي ..
ماافي كوويس كداا

/ اوووف ايمي ..
وش تبين بالشعورر ..
اسمعي ..
ووش رااايتس .. نااخذ سياارة عزيز ونقحص شووي ..

/ ووسو نقهص !!
/ ههههه يعني نفحط ..
يعني سورررعه سوررررعه اووووووووووء ...

بشهقه / هيء لاااااا
بئدين بااباا ازيّز سووي قرقر اناا ..

/ لااا لاا مااعليتس
انتي بوجهي ..
هااتي يدتس بس ..

برووح اجيب من ثيااب سعوود ونلبسهاا
ومفتااح السيااره سررقت السبير اللي عند امي ..
يـ الله عااد ايمممي ..
والله لاغسل عنتس الموااعين بكرره ..
ايمي باستغلاال /

هاات كمسين ريااال اوول ..

/ عماااا خمسين ..
لو راايحه مع تااكسي ب 10 رياال يفرفر بي للي ابي ..
اذلفي بس .. معي عشررين رياال*
تبينهاا والا والله لادبر لتس مشكله بكرره
اخلي عزيّز والا مسااعد يذلفوونتس لديررتس ..

/ قاامت تحلطم وهي تااخذ العشررين مجبره*
و تلبس الهدووم والشمااغ ..


•
•


.. النقااش بينهم كاان حااد ..
لكل منهم هدف ويبي يووصل له ..


[ اخواان مرريم ]
____________


سند / ياابن الحلاال خلها تنقلع ..
مااصدقناا تنخطب من وااحدن سنع ..
هم و بيطيح عنااا ..


هيثم / والله ماتااخذ فياااض وهو راادني عن اخته ..

سند / انطم بس ..
مهووب على كييفك ..
انا اخوهاا الكبير .. وامر علييك و عليهاا

هيثم / لااا يااشيخ !!
هالحين صررت اخوو كبيرر وتاامر وتنهى ..
وانت مثل الفقع مانشووفك الا في المناسباات ..

خل اوامررك ونهييك علئ اهل حرمتتك اللي
مبلط عندهم ..

رمى السبحه من يده وهو يفز يبي يضررب اخووه ..
كل كلمه و الثاانيه جااب سيررة حرمته واهلهاا ..
تصاادمو الاثنين وسند يضررب بقووه وهيثم يحاااول يبعده عنه ..
لحد مادفــــٓـه هيثم بقووووه لين طااح على ظهرره ..
طلع وتركهم مذهوووولين وراااه ..

ماحااولت مريم تسااعده و تقوومه ..
وجهت كلامها له وهو في طيحته ..

/ اسمع يااااسند ..
علمٍ جاااك و تعداااك انت واخوووك ..
ماهووب علئ كيفك ولا كيييفه ..
واللي تبيه هيااا بيمشي ..
وهي تحمل نتيجة اختياارهاا ..

عطته قفااها وهي تخطااه راايحه لغرفتهاا ..
اخوانهاا ماابينهم أُلفه ولاا تفااهم ..
والوااحد يدورر الزله على الثااني ..
وسااره لاهييه بعياالها ورجلهاا
وهياا اللي تخبط مااتدري ووش تبي ..
تحس تعبهاا وتضحيتها بعمرهاا رااح بدوون مقاابل ..



قفلت بابهاا وقعدت على سجادتهاا
تشكي الحااال لربهاا
هو القاادر على تبديل الاحوااال .. سبحاانه ..


•
•


.. الموضووع تم التعامل معه طبياا
ابره مسكنه ومغذي ..
وقالو له يتووكل .. مااله الا هالاسعافاات البسيطه ..
بعد ماضمدو جبهته المتضرره من ضربه لها بالجدار ..



[ ريــــــاض ]
_________

.. كان مررره منهك ..*
والتعب معميــــه ع الآخر ..
نزل فياض اخووه في بيته ..
وخذ سيااره اخوه لان فياض عنده غيرهاا ..


امه بجنبه ضاامه ولده اللي ناايم
وتسمي وتقراا عليه *وتنفث ..
وتحب رااسه بررحمه و حناان بعد الحااله اللي شاافته فيهاا ..

.. اقصى امنياااته بس ..
يحط ولده بحضن امه ..
ويحط رااسه هو وينااام مرتاااح لو ليله ..


.. حس برااحه وهو يلف على حاارة اهله ..
كلهاا دقاايق ويرمي جسده و يرتااااح من الهم ..


.. فجــــــــٓأه .... مسك فرااااامل عن السيااره اللي طلعت بووجهه ..
نزززل بيلعن خيررر هالبزر اللي ساارق سياارة ابووه
ويلعب في اروااح النااس ..
هو توه ماااصدق الرووح ترجع لولده ..
وذا يبي يحصده هو وامه وولده !!!!


.. فتح الباااب بغضب و جنوووون ..
و تله من يــــــــده بقووووه ... وبعده وهو ينثني للدركسوون يسحب المفتااح ..


/ انـــــزل يااااااغبي ..
والله لاعلمك كييييف تلعب باروااح العاالم ..

.. بسهوووله سحبه من مكااانه ونزله يوااجهه ..
لكن .. الصــــــــدمه ...
صوووت بنت !!!!!!!!
اللي تبكي بنت !!!

التفت للي جنبهاا ..
والا الشغاااله شاايله اللثاام وتبكي بعد ..

سألهاا /

.. من انتــي بنتـــــه !!

ديمه بخوووف ..
/ مااالك دخل .. هاات المفتااح وانقلع ..

/ المفتااح ما اسلمه الا لابوووتس والا اخووتس ..
خلهم يشوفون تربــــية بنااتهم الحمد لله والشكرر ..

/ اقووولك هاات وماالك شغل فيني ولافي اهلي ..
قسم لو ماذلفت لاصررخ والم عليييك العاالم ..

.. تركهاا والتف لجهة الشغااله يحقق معهاا ..
واللي من الخووف خرت العلوووم كلهاا ..

/ ديمٓـــــــه ناصر الفيااض !!
يعني بنت عمي الاطرررم !!

هالفااالتــــه بنت عمي نااصر اللي يطهر الارض اللي يمشي عليهاا !!
رجع لهاا بقررف ..
*هو محتاار كيف يوصلهاا ..
.. ضربهــــا على كتفهاا بقـــــووه
خلتها تتراجع شوووي .. بس مابردت شي من اللي فيه ..

تمتم لهاا ..

اركبي معي وراا انتي والشغااله وانكتمي ..
امي معي لاتسمع صووتس تعرفتس ..


.. من جد خايفـــــه تعرف ..
لان هذي حــــارة عمانهاا واكيد جيراانهم بيعرفونهاا ..
خفضت صوتهاا بخووف /

هاات المفتااح برجع *ارجع السيااره قبل يقوومون اخوااني
بيت اهلي قريـــب في الحااره اللي وراا ..
لا تفضحنــــي وتسووي لي مشااكل ..

.. بنفس الهمس /

تووتس تنشدين عن الفضــــــاايح !!
ورى ماافكررتــــي فيهاا قبل تطلعين من بيت ابووتس ..
لو حدووتس شبااب بتاالي هالليل وخذووتس معهم ..
وووش بتسوين !!
وابووتس و اخواانتس وين يودون وجيههم من النااس !!


.. مااقد فكررت ان الامور بتووصل لهالدرجه ..
هذي مهوب اوول مره تسووق السيااره ..
بس هالمرره ابعدت عن حاارة اهلهـــا ..ه

.. تطمنت لان معه حرمه ومعهاا ولد ..
يعنـــي عائلــه ولا يقدر يسوي لها شي ..


.. مشت ورااه بقهرر ..
شكله عنيـٓـــد ومانوووى يجيبهــٓـا لبر ..
الله يسترر لا يفضحهاا عند اخوانهاا ..

قبل لا تفتــح البااب للتفتت له ..
نزلنناا قبل ماتنزل الحررمه اللي معك ..


رد بقهر منهاا وقررف /
صاااحيـــه انتي ..*
تبين امي تعرفتس ..

.. سكتت لانهٓــا في وضٓــٓع انجبـــرت عليه ..
وركبت ورى هي و شغاالتهم ايمـــي ..

.. وهو برر لامه .. انهم مرااهقين من الحااره اللي جنبهم ..
بيوصلهم لاهلهم ..
وصلهاا بسياارتهم ورجع على رجليــٓه رغم التعب اللي فيه ..


•
•

.. اوووف ..
قالهاا من قلب اول مااسمع ان المنااقصه رست على تااجر كبير
وله خبرره اكثر .. و معه شركااء قوويين ..
مهووب مثل مؤوسسته المبتدئه ..



[ طٓــــــارق ]
_________


.. يالله .. هاللقمه ما انكتبت لي ..
.. ياعل في الامٓٓــر خيــره ..
مع آني كنت اتمناهااا ..

.. قررت زوااجي باوول الصيـــف ..
بلاا تأجيـــل بلااهم ..

.. وقررت يكوون زوااجنا قبل زوااج اختهٓـــا ..
عشاان لاحد يطلع لي بحجه والا عله نأجله عشانهاا ..
مريت عمي وحددت معه كل شي حار بحاار ..
*العصر برووح ادور على قاااعه واخلص امورري ..
وافتك من هم ذاا العررس ..




.. توو دخلت البيٓـــت الا وعنوود وامي يبكوون ويتحسبوون ويدعوون ..
ارتعت .. ماادري هو مووت والا حاادث والا ايش !!


/ وش فيكم !!
ابوووي فيــــه شي ..
والا احد من خوانـٓــي والا ووش !!


ام سلماان وقفت /

قليل الخاااتمـٓــه ..
اللي مايثمٓــر فيه العطاا ..
يبي يعررس على اختك !!
حسبي الله علييه حسااب نووح على قوومه ..
حساابٍ يورده المهاالك ..


تنهد .. متووقع يسمع هالخبــر بيووم ..
سال /

ونجوود وينهـٓـاا الحين ؟؟

/ مااتدري لهاالحين ..
مااقدرناا نقولهاا ..
متقهوويه معنا العصر مادرت ..
حسبي الله عليــٓه ...

./ *انتم ووش درااكم !!
من قاالكم !!

/ سوويره مرت سلماان
بس والله لين الله مد بعمري لاخطب لسلووم*
وازووجه اللي ازين منهاا واصغر من شينة الحلااياا ..

.. وانت الحمد لله تووك على البر ..
طلق بنتهــــم وخلهاا تقعد على كبوودهم ..



.. لو هم قاايلين طلقهاا في غير هالوضع
كاان هاان الامر عنده ..
والموضوع سيااان عنده ..

اصلاا هو استعجل بالزوواج ..
لازم يكون تجاارته ويثبت نفسه بالسووق ثم يدور ع العرس ..
بس الحين لااااااا......


.. هي مالهاا ذنب ..
وهو مااله بسوااالف الحريم
وقاالت فلااانه و علاانه ..


رد عليهاا وهو قاايم يبي يطلع بناام /

انا حجزت القااعه وطبعت البطاقاات وحددت العررس ..
وبكرره بطلع اشووف الاثااث ..
تصبحوون على خيـٓـر ..
قالهاا ونيته بياخذ غفووه لين يأذن العشاا ..



.. تركهم ورااه مقهوررين ..
*الغيض والغضب يااكلهم ..

..
•
•


.. من قدهااا ..
.. اليوووم تحدد زواجهـــــا وبتبدا تتجهز ليووم احلامهاا ..

في ورقه مخفيه بجيب تنورتهاا كاتبه كل الاغرااض*
اللي بتبداا فيهاا من اليووم ..

من المغررب لحد مايسكر السوووق يمديهاا تخلص شغلاات كثيرر ..
.. لفت الجلاال عليهاا وكبرت تصلي ..
وريم اللي تستعجلهاا قد لبست عبايتهاا ..


.. وبالركعه الاخيــــره عجزت لاتكمـــل صلاتهاا*
او تركز فيهــــاا ..
صوووت عاالي وهوااااش ودعاااوي وتحيسسسب ..
قطعت صلاتهاا وهي تحط يدهاا على قلبهاا ..


/ يااارب ستـــرك ..
مصيبـــــه اكيــٓـــد ..
بس في من .!!

اوول ماطراا عليهاا طاارق ..
لان ابوهاا مع اخوانهاا في حووش الرجاال ومعهم عياال عمهاا ..
ماافي غيررره طـــــــاارق ..... لا يكووون مــــــــــاات .. !!


.. عرفهاا فيٓـــاض اوول ماادخلت ..
وعرف انهاا جااايه لشر ..

طلــع من حووش الرجاال وتبعهاا في حووش الحرريم وهو يحااول*
يشووف ووش تبي قبل مااتدخل لاهلـــه ..!


.. عند الباااب وقفت وصوتهاا يلعلع /

حسبي الله علييييكم يال فياااض
تسااان مااجاناا منكم الا الشر والحرر ..

.. ولدكم لامن خيرره ولا كف شرره ..
و بنتكم البووومه تبي تفني عمر ولدي قبــل حله ..
لكن والله ماااتهنى به ..
وان يطلقهااا قبل يدخــــل عليهاا ..


.. كلهم وقفوو مصدوومين من الهجوووم العنيييف !
فيااض وامه وريـم و تــــرف و نجٓـــوود ..


.. وقفت نجوود بخجل بعد مانزلت ترمس القهووه اللي بيدهاا/
يممــــــــه الله يهديتـــس ..
ووش فيتــــس .. طاايرة بالعجه .. لاسلاام ولا كلاام ..
على طووووول هواااش ..
وووش فيــــتس !!!


ام طارق بانفعاال ماكانت تدري ان نجود فيه لين تكلمت/

ياالضعيفــــــه رجلتـــٓس معـــرس وكلن دااري الا انتـــي ..
يـ المهبوووووووولـــــــه ..


عيونهاا المصدوووومه انتقلت لفياااض..
عله يكذب امهااا ..
امهاا داايما تستعجل في نقل الاخباار بدون ماتتاكد من صحتهاا ..


.. وبعنــــــااد وتحدي لمع في عيوونه لامهاا /

.. ايه ابشررررتس ..
خطبـــت و اعطيت ..
وابتملك قريــــب واعرس ..
بـــــااركي لي يـ ام سلماان ..


•
•

*

غمضت تسترجع احدااث الباااارحه ..

.. ليله نشفت الــــدم بعروووقهــــا ..
مااصدقــــت ترجع صااغ سليــــم مثل مااهي الإن ..
ولو ان مووقف عزيز منهااا*
اووجع قلبهاا ..
مااتووقعت بيووم تشووف منه اللي سوااه ..




[ ديمـــــه ]
_______


.. اول ما اقبل ريااض على حاارتهم ..
حب يلعب باعصابهاا و يوريهـــا كيف نتاايج التهـــور ..
عكس اتجااهه وطلع من الحـــٓاره ..

صرخت بخوووف /

هذاات بيتنااااا قريــب *.. ليييش طلعت من الحااره !

رد بلكااعه/

آبد .. بنروووح نتكي في الثمااامه شوووي ونررجع ..
ولا تخااافين مااحد بيدري عناا ..

.. صررخت بهستيريااا /
يامجنوووووووووون رجعنــــــي ..
والله لاصـــٓـرخ واقوول للشررطه انك خااطفني ..

/ هه خااطفتس واناا على سياارتكم !!
حلوو .. لا قاابلتي شرطي بلغـــي عنـٓـي ..
ووقتهاا اخواانتس يجووون ياخذون مفاتيحهم مني ..
ويعرفوون كيٓــف وصلت لي ..


.. كل الحيوااانات اللي بنظرهاا قبيحه قالتهاا له ..
وكل الالفااظ اللي لسانهاا يعرفهاا سبته فيهاا ..


.. ياحمااار يا*ياااغبي ياا......
.....ياااا ......

الله يااااخذك ..


وآخـٓـر شي رحم حالهاا وقرر يرجعهاا
بعد ماخذ مليوون ميثاااق عليهاا ماتعيد هالحركااات ..
نزلت تفتح بااب الكراج وهو دخل السيااره بهدوووء ..



*واوول ماافتح *بااب السيااره عشاان ينزل *..
وقبل لاتمد يدهااا تااخذ المفتااح ..


فتح باااب الفيلاا و .....
طلع بووجهه عبدالعزيز ..*
اللي فقد الســـــياااره ولا فقدهــــاا هي و الشغاااله !!



•
•



شاافهاا طاايرره من الفـــرح ..
وهي تتشمت بردة فعل امه و خوااته عنود و لميااا ..


[ سلمـــــان ]
_________


.. يدري انهاا هي اكبر اغلاطــــــه ..
هو رجل وسيــــم و جنتـــــل ..
*يحب الانااقه و المووضه ع الحررمه ..
والحركاات اللي تحسسه انهاا شاابه وعايشه عمرهاا ..


وهي رغم جمالهاا المتوااضع جدا بشرتهاا الالحنطيه ومتانتهاا ..
الا انهاا داافنه نفسهاا اكثرر ..

هو مايطالبهاا بالجماال لان هذا شي من عند ربــــي ..
لكن حااله حاال اي شااب ..

.. يبي لبـــس مرتب و نظيف وشيك ..
يبي شعــــر منسق يغريٓــه ..
يبيهاا تلبس القصيرر والبنطلوون والفسااتين*
وتصير كانهاا مجمووعة زهورر .. كل يووم بلوون وشكل و فتٓـــنه اكثر ..
يبي كلامهاا شبااابي والفاظهاا تنااسب عمرهاا ..

.. مهووب كل شي عيـــب و حــــرام واستحـــي ..
ليٓـــش ماتكوون مثل انااقة نجٓـــود رغم انهاا اصغر منهاا !!
الا ان اللي يشوفهـــم سوى يقوول ام وبنتهـــا ..


.. قميــــص يخط وراهاا اذا مشت مااتو اللي يلبسوونه ..
شعرهاا ملووم مااعمرره شااف الشمــــس ولا شم نسمة هـــوآ ..
وجهاا *ربــــي كماا خلقتنــــي ..
خاالي من اي اضافـــــات ..


*وفــــــوق همـٓه هم حكيهاا اللي يجيـــب المرض ..
تعيشه جوو العجااايز مجتمعيـٓـن اذا تكلمت ..
ويتمنى تســٓكت بــــس ...


.. زوااج فياااض نبهه لها التقصيــر اكثر ..
.. هوو شاااب وله متطلباااات ...
وبين له ان له مخـــــرج من الهم اللي يشووفه كل يووم ..
بيتزووووج وعذررره يررد حررة امه واختــه اللي بيضحي علشاانهم وبيتزووج ..


.. لكن اللي نفسسه فيهاا من زماان قبل لا يتزووج*
مااعاد له حيــــله عليهــــا ....

التفت بسخرريه لهااللي تغنٓـــي من انااشيد
قنااة المجد للاطفاال .. اللي حافظتهاا اكثر من عيالهاا ..
وهي تدورر بالمبخررره فالبــيت ..



/ باااااركي لي انااا بعــــد ..
عرســـــي قبل *عــــــرس فيــــاض ..
!!!!


.. طااحت المبخٓـــــره من يدهاا
و تناااثر الجمر*على السيرامييك واطرااف السجااااااد ..



•
•


.. تركتهم تحت *وطلعت لفووق ركض ..
فيهاا قهر و شر وحره تبي تفرغهاا فيه ..


[ تـــرف ]
_______


.. دخلت لغرفتهم وقعدت تنفش بشنطة ندى
وهي ماتشووف قدامها من الدمووع ..
.. خذت الجواال بيد تنتفض من الغضب والقهر وقلبهاا يدق بقووه من الحرره وقووة الحكي اللي مجهززته له .. بس خل يررد عليهاا ..



اتصلت مرره وثنتيين وثلااااث ولاارد ..
ما يأسست بتعلق علييه ليمن يررد ..

اما هوو فكاان بساابع نوومه ..
وصووت الهزااز ع الكوومدينه ازعجه مع صووت الضررب على غرفتـــه ..

رمــٓى المفـرش وقاام بطووله لمن زااد الضرب ع البااب ..
فتح القفل مرتااع والا هي عنوود تبربر وهو متنح ماستووعب ووش تقوول ..

ثواااني وبداا عقله يجمع ويرتب ويفهٓــم ..
عنوود / امي راحت لـ آل فيااض ..
تبي تقوولهم انك بتطلق بنتهم وبتعرس وو....

ماخلااهاا تكمل قااطعهاا /
/ وابووي ووين !
من وداهاا

/ ابووي مااادرى وهذاا اللي اناا خايفه منه ..
.. ورااحت مع سوااق خاالتي ..

/ لبس ثووبه ع السرريع وطلع ..
تذكر جوااله ورجع يااخذه الا وع الشااشه 7 مكالماات لم يرد عليهاا ..

وقبل لا يفكر يتصل او يقفل جوااله ويأجل اتصااله دق لثاامن مرره ..
ورد على طوول .....


/ هلااا ..
/ اسمع .. انت وامكـ..
نسبكم ماايشــرفناا ..
ولا انيب ميته عليكـ ولا بنتحر لا طلقـــت..
واصلاا من قبـٓـل لاتجي امكٓ كنت بطلبه ..
لانكـ ...

قاطعهاا بصووت ثقييل وهو عااقد حوااجبه /
وووش طـٓــــلااقه ..
تعووذي من الشيطٓٓـــاان ..
واللي صاار بيتصلح ..
انتي عاارفه امـٓـي عجله الله يهديهاا ..
وفيااض رجاال ومن حقه يااخذ اربع
وحناا مالناا دخل فيهٓٓٓــم ..

/ لنـــا والا مالنــاا ..
اناا خلااص طاابت نفـــسي من ذا العرس ..
ولانيب.....

وبصووت قووي قاطعهاا /
بــٓس اناا ماابعد طاابت نفسي منٓــــه..

/ مهووب على كيفكـ..
بكيفٓٓـي اناا يااولد امــــٓكـ..

.. ماابغى يعيــد ويزيد في الكلاام ويكثرر ويكبرر ..
سكر السمـــاعه فوجهها ..
**

ثوااني واتصلت ..
حرتهٓــاا ماابعد برردت ..
وتبي تستفزه عشاان يطلقهاا ..
لانهاا بهذي اللحظه مااعاد تشووف الا جنوونهاا وشياطينهاا ..


.. فتح الخط وسكت ..
وهو يتنهد ويتعووذ من ابليس ..


/ انهٓــــــاارت وهي تشووف انه مطنشهاا
و مستحقرهاا ولارد على حكيهـــا وهواشها ..
../ رد اخيرا ..
بقى شي بعد مااقلتيه ..
اناا بسكرر ..

/ اللــٓـــه ياخــــــــذك و يريحنــــي منكـ..
/ بتندميـــن على كل اللي قلتيـــه ..
*والله لاتندمين قد شعــر رااسك يااترف ..


وسكر السمااعه وراا الجواال بالمرتبه اللي جنبه بقهرر .. ووعيٓــٓد .. هييييين بس ..



*



[ قريبـــا نلتقـــي .. ]*

السلـآم عليكم ..

ترف
يآقيبي يآترف ..
مآدري منين تلـآقيهآ .
...من هالجمآد طويرق المزيون <خآقه
ولـآ من ه القلب اللي مآيجي ع الكّيف ..
ولـآ من ه العجوز المشتبه ..
ولـآ من كلـآم النآس اللي مآيخلص ..

الله يعينهآ ع مآجنى ـآ لسآنهآ وغضبهآ مع طآرق ..
مو بعيده يطق فوقهآ مره بهدف رضى ـآ آمه ..
وبهدف تربيتهآ ..؟!
وتبريد(ن ) لحرت فيآض وسوآته بآخته .<<اللحين يقول مآعلينآ منهم نشوف بعدين !

وبخصوص العجوز الشمطآ <<حآقده
آتوقع فعلتهآ هذي مهب مآره مرور الكرآم على ـآ آبو العيآل .
يآمآ بيطلقهآ ..ولـآ بيربيهآ بمره فوق كتوفهآ ..
وتهديده ووعيده مهب مآر ب سلـآم ..


ديمه ..
آتوقع عبدالعزيز مشبعها ضرب لين عضت الـآرض ..
وآقولآ بعآلي الصوت تستآهل ثم تستآهل ثم تستآهل ..
آجل بنت تدآبتس بتآلي هاليول
بسيآره .؟!
وين حنى ـآ فيه .؟!
وريآض آتوقع صآرت برآسُه .. ومستحيل هالموقف يعدي من غير توآبع ..؟!

فيآض ...نجود ..هيآ ..

الله يعينك يآفيآض على ـآ مشآكل النسوآن ..
بس بقوآ لك بصريح العبآره بتندم آشد الندم
على ـآ ه الزيجه ..هيآ آنسآنه آنآنيه قلبهآ مآيعرف
إلـآ نكرآن الجميل ...وحب الذّت ..فقط ثم فقط ثم فقط ..
بتتحسر بعديّن على ـآ الجوهره اللي عندك ..
وخليه درس لك ..
ونجود آتوقع بتكسر التوقعآت ..وبتتسلح بالقوه ..
وتقوله تزوج غير مآسوف عليك ..
وآنت الخسرآن ....وآنآ لي بيت معززه مكرمه فيه ..وبجلس عند عيالي..
وآنت لـآ تقصر آفعل مآبداء لك ..؟!

سلمآن ..
بسرآحه آنت اللي المفروض تطق ثلـآث فوق الللي عندك ..
رحمتك سرآحه ..
آكره صنف النسوآن ببيتك ..زين
منك اللي متحملهآ للـآن ..
آتوقع برآسك ندى ـآ ..؟!
بالتآكيد هّي ...








بالنهآيه يآم الوسن يآعضيمه يآمبدعه يآآنتي ..
آستمري وإلى ـآ الـآمآم يالغلـآ ..
تحيآتي ...*

هلا وغلا ام وسن
فياض
محتاااره فيه شخصيته خبيثه وبنس الوقت دام نجود ماتحبه له حق يزوج
سلمان
رحمممممته من العجيز اللي عنده يارب تعوضه بوحده اخر شياااكه
رياض
حاسه انه بيحب ديمه وبصير شي بينهم
طارق
الله يعينه على امه
ترف
ياحبي لها معن شخصيتها ما برزت بالحيل عكس ماتوقعت فالبدايه انها البطله
نجود
الله يعينك على ما بلاك
ساااره
ليت تطورين من نفسك وتشتغلين على حالك وتتركين المسلمين
وسلامتكم