لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 12-06-11, 12:05 PM   المشاركة رقم: 16
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

تكملة
البارت الثالث عشر
بالمستشفى(عند مشاعل)
بعد ماوافق ابومشاعل على العمليهـ
طلبت مشاعل ريما قبل ماتسوي العمليهـ
وبعد ماجت ريما
مشاعل بحزن:ريما اني صار فيني شي
ريما:فـ...
مشاعل قاطعتها:وقالت بحزن وعيونها كلها دموع
اذا قدر الله وصارت الليله وفاتي
ابيكـ تتزوجين خالد وبعيونكـ تحطينهـ
وتخلين البسمه ماتفارق شفاته مثل مافارت شفاتي
وابيكـ تكونين مثلي بروحكـ تفدينهـ
وتنسين حبي له وتنسين كل اللي فاتي
وتنسين اني احبهـ وابيكـ تحبينهـ
تحبينهـ لوربع حبي له ياغناتي
وابيكـ لو لحظهـ ماتخلينهـ
وابيك تجيبين منه صبيان وبناتي
وابي اول بنت على اسمي تسمينهـ
عشان تتذكريني ويتذكريني بالخير ياغلاتي
وانتبهي لو لحظه تعذبينهـ
وقبل ماودعكـ اوعديني تنفذين وصاتي
اللي بتسعديني قبل تسعدينهـ
ريما طاحت دموعها وانربطـ لسانها ماتدري وش تقول
تقول ماراح انفذ وصاتكـ!!
او تقول ماراح تموتين !!
ودخلت الممرضهـ وقالت لـ ريما:ياريت تطلعين اللحين موعد العمليهـ
ريما قامت من مكانها بعد مابكت
بالم وحزن على صديقتها اللي الله يعلم بتعيش ولا تموت.!
ــــــــــــــــــــــــــــــــــــــــــــــــــ ـــــــــــــ
ببيت ملاك
اركضت لغرفتها وسكرت الباب خوفا من اخوها
بغرفة اخوه
قاعد يقلب الصور
اخوها(ناصر)
ناصربتفكير شيطاني:اووووووووووووووووه البنت قطعهـ اثركـ مب هينهـ يا ملاكـ.!
وبعد مادقق بصور
ناصر:مصورتها بحمام بيتنا ليكون ذي صديقتكـ اللي جتنا اليوووووم اثرك تصادقين بنات مثل كذا
بس ليـــــــــــــه مصورتها!!
ببيت ام عبدالعزيز
قاعده بصالهـ بعد ماسكرت المكالمهـ من ام زوجها
دخل عبدالعزيز مبتسم
باس راس امهـ وجلس جنبها
عبدالعزيز:هاه الغاليهـ شلونها
ام عبدالعزيز:بخير
عبدالعزيز:الحمد لله على كل حال
ام عبدالعزيز:تدري من اللي اتصل علي اليوم.؟
عبدالعزيز بفضول:من؟
ام عبدالعزيز:جدتكـ
عبدالعزيز بتعجب:جدتي؟!وليهـ متصلهـ؟! وش اللي ذكرهم فينا؟!
ام عبدالعزيز:جدكـ توفى وكتب نص حلالهـ لـ ابوك!!
عبدالعزيز بعزة نفس مثل ابوه(الله يرحمهـ):ابوي مات وجدي متبري من ابوي خلي حلالهم لهم
ام عبدالعزيز:هذا حقكـ ياعبدالعزيز لاتخليهـ يضيع
عبدالعزيز:يمهـ صحيح حنا محتاجين بس مانذل نفسنا عشان فلوس!!خل فضلتهم لهم
ام عبدالعزيز:من قال انكـ تذل نفسكـ هذا حلالكـ مافيه مذلهـ ومن قال انه فضلهـ نص حلال جدكـ!!واللحين جدتكـ متعنيهـ ودورت(بحثت) عن رقم البيت دواره عشان يعطوننا فضلهـ .!!كاني غاليهـ عليكـ خذ حلالكـ يا عبدالعزيز
على اقل يردون شوي من سنين الفقر اللي مرت علينا
عبدالعزيز بهدوء:طيب يايمهـ لو مو انكـ غاليهـ علي كن ما اخذ حلالهم!!
بـ المستشفى(بغرفة ياسمين)
بعد ماطلعو ابوخالد وام مشعل
وبقو بالغرفهـ صالح وياسمين.!
ياسمين وهي تبكي:صالح تدري من انا؟
صالح بنفس شينهـ:اختي من ابوي
ياسمين بنبرة صوت حزينهـ ودموع تتزايد:ايه اختكـ وحبيبتكـ!!
صالح بتعجب:وش تقولين انتي مجنونهـ
ياسمين وهي تبكي بشده:انا حبيبتكـ اللي بنسمي ولدنا عل ـي على اسم ابوناّ!!
واللي بنسمي بنتنا شريفهـ على اسم امكـ!!
تذكرت ولا اذكرك بعد
صالح منصدم وملامح وجه تغيرت:وش تقولين انتي؟وبعدين من انتي عشان تقولين هالكلام
ياسمين بألم وحزن شديد:انا حبيبتكـ اللي بتخطبني وانا اقولكـ اصبر انا اللي تحبني وتفديني بروحكـ يا حبيبي مدري يا اخوي.!
صالح تغيرت ملامح وجهـ الى ملامح حزينهـ:ما اصدق انا طلعت احب اختي!!
ياسمين وهي تبكي:الا صدق صدق اني حبيبتكـ واختكـ صدق اني وصلت للمسشفى بسببكـ
صالح عيونهـ امتلت دموع وهو للحين منصدم
ماقدر يصدق انهـ حبيبتهـ تكون اختهـ
لكن كل كلام ياسمين صح.!
ماقدر يرد بالكلام
وكان رده دموع حــــزن والم
ياسمين قالت وهي تبكي بشده بألم وحزن
:
كنت احسبك حيل مني قريب
لكن طلعت قريب بس بشكل ثاني
كنت اعتبرك اغلى حبيب
واكتشفت انك احد اخواني
ـــــــــــــــــــــــــــــــــــــ
ماقدر يستحمل صالح وطلع يركض
ــــــــــــــــــــــــــــــــــــــ
وقالت ياسمين بجنون وبصوت عالي
ــــــــــــــــــــــــــــــــــــــــــــــ
ياليت اللي سمعته يخيب
وياليت اللي قالي هالخبر ماجاني
ليتني مت اوجاني مية عيب
ليتني ماعطيته الحب وعطاني
ليتني ماحبيته واصبح شخص غريب
اوحبيته ومن بعد حبي خاني
ع الاقل تكون اخف تعذيب
ليت قبل حبي له الموت خذاني
ليت الحب ماغزاني ولا رحب بي احلى ترحيب
آه ياحب انا منك حزناني
يارب صبرني ياللي الـ دعوات خلقك مجيب
يازمن ليه طبعك اناني
غيري فرحان وانا عايش بتعذيب
قصة حبي شي عجيب
اغرب قصه حب شفتها بزماني
آه لو تتحقق الاماني
واكون ماحبيت ولاكان لي حبيب
ـــــــــــــــــــــــــــــــــــــــــــــــ
ياسمين قعدت تبكي تصارخ بشكل جنوني وتضرب نفسها وتقول
ياسمين:انا احب اخوي!!احب اخوي
وظلت تضرب نفسها وتبكي بشده وتقول
:يارب ودي اموت ودي اموت
جلست تضرب راسها على سرير المستشفى وتبكي
وهي تضرب نفسها ناظرت دريشهـ(نافذه) بالغرفهـ قامت من السرير وقعدت تمشي مثل السكرانهـ
ولما وصلت لدريشهـ تبي تنتحر!!
ببيت ام صالح
بعد مادخل عبدالله البيت مشى كنهـ مافيه احـ~ـد
مالاحظ ان فيهـ وحده غريبهـ جالسهـ
مالاحظ ان شوق حبيبتهـ جالسهـ
مالاحظ ام صالح وساره ومها ومرام .!
لكن شوق لاحظتهـ وقالت بتلقائيهـ وهي مصدومهـ
:عبدالله!!
ساره استغربت لما سمعت شوق وقالت بتعجب:وش قتلي؟
شوق وهي للحين مصدومه فـالت بتوتر:ماقلت شي
ساره:الا قلتي شي قلتي عبدالله؟!
شوق بتوتر اكثر:هاه لا ماقلت شي شكلك تتوهمين
ساره:وش اتوهم ما اتوهم انتي تعرفين عبدالله؟
بالمستشفى(عند ريما وخالد وام مشاعل وام خالد وابو مشاعل)
ام مشاعل تبكي على بنتها اللي الله اعلم بحالها
وابو مشاعل عيونهـ كلها دموع لكنهـ مانزلها ماوده يضضعف زوجهـ اكثر من هي عليهـ
وام خالد تهدي ريما اللي ماوقفت بكى من بعد ماطلعت من مشاعل
اما خالد مابكى!!
لكن بداخلهـ يبكي وبشده!!
كان جالس جنب امهـ اللي جالسسهـ جنب ريما
ويفكربمشاعل!!
يفكر كيف قسى عليها
يفكير كيف صار بـ هالقسوه
وتذكر لما قالهـ صالح(لاتندم على من حبيتهـ وخلاكـ اندم على من حبكـ وخليتهـ)
وكل مايتذكركلام صالح
يتعذب بداخلهـ!!
بشقة ام عبدالعزيز
بعد ما اقنعت ان ام عبدالعزيز عبدالعزيز انهـ يأخذ حلالهـ
راح لغرفتهـ وجلس يفكر ويقول بنفسهـ
:فرصتكـ ياعبدالعزيز تخطب مرام مهر وبتجيب وتكاليف زواج وبيصير معكـ
بس خوفي انها نستني ونست حبي لها!!وخوفي انها تزوجت!!
لا مومعقولهـ مرام تنساني هي واعدتني انها ماتنساني وما تتزوج غيري
وانا وعدتها اني اجمع مهرها واخطبها وبنفذ الوعد يا مرام
(نعرفكم على عبدالعزيز هو يحب مرام من وهو صغير وهي تحبهـ وواعدها بزواج واللي ماخلى زواجهـ بمرام يتم
خساره ابوه بسوق هو يدري ان لوخطب مرام بمهر قليل!!وتكاليف بسيطهـ بيوافقون اهلها لكن عزة نفسهـ امنعتهـ ولما نقل من بيتهم انقطعت اخباره هو وامهـ وابوه)
بغرفة ملاكـ~ـ
سامي(اخوها) يطق(يضرب) باب غرفتها
سامي:افتحي
ملاكـ ماترد!!
سامي:مو سوي لكـ شي
ملاكـ بخوف:لا بتسوي اخوي واعرفكـ
سامي بعصبيهـ:ترا اذا مافتحي بعلم ابوي وامي!!
ملاكـ بخوف اكثر:طيب طيب هذاني فتحت
وبعد ماقامت ملاكـ وافتحت الباب ودخل اخوها
جلست ملاكـ ع السرير وجلس جنبها
ناصر:من اللي بصور
ملاكـ بتوتر:مدري صديقتي عطتني الصور!!
ناصر وهو يحط عينهـ بعين ملاكـ:وتكذبين بعد تحسبيني غبي ما اعرف حمام بيتنا!!
ملاكـ تغير ملامح وجهها وقالت بنبرة حزينهـ:وربي مو قصدي انشر صور البنت
ناصر بحده:اجل وش قصدكـ
ملاكـ:بس بهددها واخليها تبعد عن صديقتي ساره وبس وتصير ساره لي وحدي واستانس (انبسط)معها
ناصر بفكر شيطاني:طيب انتي استانسي(انبسطي)مع ساره وانا استانس مع البنت!!
عند(ياسمين بالمستشفى)
ابوخالد:ركب ام مشعل بسياره
ورجع دخل المستشفى عشان يروح لدكتور ويطلع ياسمين
وشاف صالح طالع وهو يركض
خالد بـ استغراب قال بصوت عالي:صااااااااااااااااالح صاااااااااااااااالح
ومالقى رد
وكمل مشي ووهو يقول ببنفسهـ:وش فيه ذا!!
ببيت ابوصالـح
شوق بتوتر:لامااعرفهـ
ساره:الاتعرفينهـ اجل ليهـ قلتي عبدالله
شوق احتارت ماتدري وش تقول وقالت:قومي واقولكـ
ساره:طيب
عند(فيصل)
فيصل وهو يتصل على هيفاء قال بقهر:اوووه ليهـ ماترد ذي احرقت جوالها وماردت
والله لااوريكـ يا هيفاء!!
ببيت ابوصالح
بعد ماقامو شوق وساره
وجلسو بجلسهـ جانبيهـ
ساره:هاه قولي لي كيف عرفتي عبدالله
شوق بكذبهـ:ابوي الله يرحمهـ كان دايم يحكي لي عنهـ ومره وراني شكلهـ
ساره بتعجب:من ابوكـ عشان يحكي لكـ عن عبدالله؟
شوق:ابوي هو ابوكـ!! انا اختكـ يا ساره من ابوكـ
ساره فرحت فرح لاتوصف لان ياسمين وشوق طلعو خواتها
ساره بفرحهـ:احلفي!!وربي ماتدرين شقد فرحت لما عرفت انكـم خواتي!!اناكنت اخاف يكونن خواتي اللي من ابوي نحيسات بس الحمدلله صار عندي احلى خوات شوق وياسمين
شوق استغربت من ردة فعل ساره اللي مفروض تكون ترد بكراهيهـ
وماردت من كثر ماهي مستغربهـ
ساره حظنت شوق بقوه
وفجأه!!
جو مها ومرام
مها بنظرة استحقار:وش مقعدكـ مع اخت الـ استغفر الله بس
مرام:ساره قومي ترا ذولي بيخربنكـ ذولي مايستحن وحده حامل بالحرام والثانيـ.....
ساره قاطعتها وقالت بحده:اللي تقولين عنهن مايستحن يطلعن خواتي!!
بالمستشفى(عند مشاعل)
طلع الدكتور متوجهـ الـ اهل مشاعل
واول ما شافت ريما وام مشاعل الدكتور راحو ركض لهـ
ام مشاعل:هاه وش صار ببنتي
ــــــــــــــــــــــــــــــــــــــــــــــــــ ـــــــ
ياترى وش بيصير بياسمين معقولهـ تنتحر!!
معقولهـ احد بيمنعها!!ومن اللي بيمنعها ابوخالد اللي توه يدخل المستشفى !!ولا الممرضات اللي ماراح يدخلن غرفة ياسمين لان حالتهـ تعتبر مافيها شي ولا الدكتور اللي مشغول!!ولا امها اللي جالسهـ بسياره!!
.
.
.
يـاترى مشاعل بتموت!!واذا ماتت وش بيصير !!
.
.
.
ياترى وش بيصير بصور سوسن اللي صارت مثل اللعبهـ بيد ملاكـ واخوها؟!
.
.
.
ياترى وش بيصير بعد ماعرفو مها ومرام ان شوق اختهم؟!

 
 

 

عرض البوم صور ♫ معزوفة حنين ♫   رد مع اقتباس
قديم 12-06-11, 12:05 PM   المشاركة رقم: 17
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

البارت الرابع عشر
بالمستشفى(عند مشاعل)
طلع الدكتور متوجهـ الـ اهل مشاعـل
واول ما شافو ريما وام مشاعل الدكتور راحو ركض لهـ
ام مشاعل بخوف :هاه وش صار ببنتي
الدكتور:لا الحمد نجحت العمليهـ
ام مشاعل بعد ماسمعت كلام الدكتور حست براحهـ وفرحهـ لاتنوصف
فرحت ان بنتها الوحيده الغاليهـ
بتعيش سليمهـ 100%
بدون أي اضرار ناتجهـ عن العمليهـ
اما ريما من كثر الفرحه اللي فرحتها عجزت تعبر عن فرحتها اللي ماتنوصف!!
وعبرت عنها لما لمت ام مشاعل بقووه
وما استحت من الدكتور او من أي احد من اللي في الممر
اما ام خالد حست ان الله استجاب دعائهـ طول الطريق بسياره وبالمستشفى
قالت بفرحهـ وهي رافعهـ ايدينها:الحمد لله ياااااارب
اماابو مشاعل فرحـ:ة فرحه مابعدها فرحه لان بنته
اللي كان ممكن
تموت!!
او تعيش بـ اضرار
لكن الحمد عاشت بدون اية اضرار !!
قال وهو بقمة فرحه :اشكرك ياااارب
اما
خالد ماتكلم ولا حتى كلمة ولا ابتسم ولا عبر بأي شي
لكنه فرح بقلبهـ!!
بالمستشفى(عند ياسمين)
وقعدت تمشي مثل السكرانهـ
ولما وصلت لدريشهـ تبي تنتحر!!
خاب ظنها لما لقت الدريشهـ(النافذه)عباره عن حدايد مثل حدايد السجن مايقدر احد يدخل بينها
تغيرت ملامح وجهها وتجمعت دموعها في عينها من جديد طاحت دموعها
وحست ان الدنيا ضاقت عليهـا رغم وسعها
حست ان مافيه احد حولها رغم كثر اللي حولها
مسكتـ حديده بيد وحديد بيدها الثانيهـ وجلست تهز فيهم و تبكي وتقول بصوتها التعبان من كثر البكى
ياسمين:ودي اموت يااااااارب
وظلت تبكي بشده وتكلم نفسها وتقول
ياسمين:ليهـ بين كل البشر حبيييييت اخوي !!
قعدت تتلفت يمين ويسار بشكل غريب!!
اتجهت نظراتها الـ ابره موجوده قريب بس السرير وجاتها افكار شيطانيهـ وغريبهـ
ومشت متجهـ للإبره اللي بتنهي حياتها فيها!!
ببيت (ملاكـ)
بغرفة ناصر(فيصل)
بعد ما اتفق هو واختهـ بشي الله يعلمهـ
واخذ جوال اختهـ وراح لغرفتهـ وقفل الباب على نفسهـ
جلس على السرير وقعدت يقلب بصور و ارسلهن من جوال اختهـ الى اللاب توب حقه
سكر صفحه كان يشوف فيها فلم!!
وسكر اللاب توب
واخذ جوالهـ
ورجع مره ثانيهـ يتصل على هيفاء
وبعد عدة رنات!! ردت هيفاء بسبب اصرار ام عبدالمجيد على انهـ ترد لانها حسبت ان المتصل يكون احد من اللي بالمستشفى
ولما ردت هيفاء
ناصر(فيصل) بسرعه بالكلام:الووو هيفاء ترا ان سكرتي المكالمهـ لاتلومين الا نفسكـ
هيفاء حست بخوف لايوصف لما سمعت صوت فيصل اللي اسمه الحقيقي ناصر
انربطـ لسانها ماعرف وش تقول توترت كثير وتوترت اكثر لما شافت ام عبدالمجيد تناظرها بخوف
قال بتوتر
هيفاء:هلا هند كيفكـ
ناصر(فيصل)تعجب لكن بعد مافهم ان عنده احد:شوفي ترا مكالماتكـ وترجيكـ لي للحين محتفظ فيهن واي طلب اطلبهـ منك وماتنفذينه تلقين المكالمات منشوره بالانترنت وبين جولات الناس
وسكر المكالمهـ
هيفاء خافت وبين على ملامحها هـ الشي وقالت بتوتر اكثر :يلا مع السلامهـ هند
وكانت ام عبدالمجيد متعجبهـ من هيفاء!!
هيفاء بقمة خوفها :هذي هند تسأل عليهـ
ام عبالمجيد بشكـ:اها
ببيت ام صالح
ساره قاطعتها وقالت بحده:اللي تقولين عنهن مايستحن يطلعن خواتي!!
مها بـ استهزاء:ههههههههههههه ضحكتيني وانا ماودي اضحكـ
مرام:ساره ليكون اثرن فيكـ بنت الـ
قاطعتها شوق وقالت وهي بقمة عصبيتهـا:ما اسمح لكم تقول عني وعن اختي كذا
مها قالت بـ استهزاء:انا ماقلت الا الصدق وبعدين لاتلعبين على اختي وترمين نفسكـ علينا
شوق جت تبي تتكلم لكن قاطعتها ساره وهي معصبه
وقالت بحده:شوق اختي غصبن عنكـ وكنك مو مصدقه اتصلي على ابوخالد ويفهمكـ
مرام:ساره عيب ترفعين صوتكـ على اختكـ الكبيره
ساره قالت وهي بقمة عصبيتها:مابقى الا انتو تعلمون العيب
والتفت الـ شوق :شوق ياالله امشي
مها بعصبيهـ:وين تمشي ماتتحرك من هنا االا وهي برا البيت مابقى الا هالاشكال يدخلون بيتنا
ساره طنشت مها ومسكت يد شوق
لكن مها وقفت شوق بيدها!!
بشقة ام عبدالعزيز
قاعده تجهز الاغراض عشان بيسافرون بكرا
وبعد ماجهزت الاغراض جلست تبي ترتاح!!
ابحرت بعالم افكارها
فكرت بولده عبدالعزيز
وفكرت وش بيصير بالقريهـ
وفكرت بـ ام صالح وتذكرت سر ممكن يكون مهم وممكن يكون مو مهم!!
بالمستشفى (عند مشاعل)
بـ ع ـد مده غير طويلهـ جدا
اذن لهم الدكتور بدخول الـ مشاعل كل هم راحو عند مشاعل ماعدا خالد!!
دخلت اول وحده ام مشاعل ركضت لبنتهـ ولما شافتها قالت بنبره حزينهـ وعيونها كلها دموع
ام مشاعل:خوفتينا عليكـ يا بنتي
مشاعل ناظرت امها بنظرة خوف ووزعت نظراتها بباقي الغرفهـ ورجعت نظرتها لـ امها
ام مشاعل بشكـ:وش فيكـ يمهـ
مشاعل بصوت واطي:مافيني شي
ريما شكت ثمن قالت بمرح عشانه تبعد جو الكآبه اللي بالغرفهـ : ميشو وش فيك ساكتهـ
مشاعل:وش فيكم مافيني
ابو مشاعل:مشاعل يا ابوك وش فيكـ
ام خالد:خلاص خلوها على راحتها
بالمستشفى(عند ياسمين)
ومشت متجهـ للإبره اللي بتنهي حياتها فيها!!
ولما وصلت عند الابره مسكتها ورفعتها!!
اسمع صوت الباب ينفتح !!
تركت الابره وطاحت الابره بالارض
ارجعت لسرير وجلست فيه
دخل ابوخالد وشافها جالسهـ على السرير
وشاف شكلهاوعيونهـا اللي متغيره من كثرة البكي
ابوخالد تغيرت ملامحه الهادئه الـى ملامح متعجبه وقال:وش فيكـ يابنيتي(بنتي)
ياسمين بنبره حزينهـ:مافيني شي
ابوخالد:قومي غسلي وجهكـ
ياسمين ماردت
ابوخالد مد يده لها يالله قومي
قامت ياسمين بمساعده من ابوخالد
ووداها لحمام اللي بنفس الغرفهـ وغسلت وجهها
بالمطار
طلع تلفونهـ قعد يدور بالاسماء اتصل على خالد
عبدالمجيد:الووو
خالد:هلابك وينكـ يا شيخ ماتتصل ولا شي!!
عبدالمجيد:شوف تعال للمطار انا موجود هناكـ
خالد بتعجب:وش تقول انت ووش مطاره
عبدالمجيد:تعال وافهمكـ كل شي وانتبهـ تعلم احد اني كلمتكـ او اني بالمطار!!
خالد:طيب
بعد ماسكر خالد المكالمهـ راح لغرفة مشاعل
فتح الباب ودخل قال وهو صاد عن مشاعل
خالد:الحمد على السلامه
مشاعل:الله يسلمكـ
خالد:يمه ارجعي مع عمي انا بروح اقضي مشوار بسيارتي
ام خالد:طيب
وطلع خالد من الغرفهـ
ببيت ام صالح
لكن مها وقفت شوق بيدها!!
شوق:بعدي يدكـ عني
مها بـ استهزاء:واذا مابعدتها وش بتسوين
شوق مسكت يد مها وابعدتها ومشت
ومشت وراها مها وقالت
مها:اذا كلمتكـ بنت الاصل والفصل ماتمشين وتخلينها يا بنت
قاطعتها ساره بعصبيهـ:مهااااااااا تراك زوديتها
ومشت ساره ومعها
مرام بـ استحقار:ساااره ترفعين صوتكـ على اختك عشان ذي
ساره:مثل ماذي اختي ذي اختي
جت ام صالح بعد ماسمعت ضجتهم
اسكتو الكل لما شافو ام صالح متجه لهم
ام صالح بتسأؤل:وش فيكم تصارخون
ساره بنفس شينهـ:مافينا شي بس بنتكـ مسويه لنا سالفهـ
ام صالح:وليه تسوي سالفهـ
مها:يمهـ تشوفين(وهو تأشر على شوق قالت بـ استحقار)ذي تقول لساره انها!!
بالمستشفى(عند ياسمين)
بعد ماغسلت وجهها ولبست عباتها
وطلعت من الغرفهـ وصلها ابو خالد للسياره اركبت بالمرتبه الثانيه جنب امه
وركب ابوخالد وحركـ السياره
ام مشعل:ياسمين يابنيتي وراك اغمي عليكـ وش سمعتي بالجوال
ياسمين بنبره حزينهـ:ماسمعت شي
ام مشعل:قولي وش فيكـ يابنيتي انا امكـ
ياسمين تجمعت الدموع بعيونها:مافيني شي
ام مشعل حظنت ياسمين
وياسمين بكت بحظت امها !!
عند صالح
بعد ما ابعد عن المستشفى بمسافهـ بسيطهـ
جلس على الرصيف بشارع وكل السيارات اللي تمر تعطيه نظرة تعجب
وبعد دقائق مر ابوخالد من عند صالح!!
شافهـ وماقدر يوقف لانهـ بين السياره!!
ابوخالد قعدت يضرب بوري عشان يتحرك اللي قدامهـ عشان
يروح عند صالح
وللأسف صالح انتبهـ لسياره ابوخالد
وقام من مكانهـ وركض
وبعد مده ابوخالد جاء للمكان اللي فيه صالح ومالقاه
مايدري وش يسوي يمشي ويخلي صالح!!
ولا يدور(بيبحث)عن صالح
ولا وش يسوي !!
ببيت ابوعبدالمجيد
هيفاء اخذت جوالها واتصلت على امها بطلب من ام عبدالمجيد
هيفاء:الوو
ام خالد:هلا
هيفاء:يمهـ وش صار على مشاعل
ام خالد:الحمد لله انجحت العمليهـ وهي اللحين بخير!!
هيفاء:يمه عطيني اياه بكلمها
ام خالد:طيب
ام خالد عطت الجوال مشاعل وقالت:هذي بتطمن عليك
هيفاء:هلا مشاعل خوفتينا عليكـ
مشاعل:هلا بكـ
هيفاء:مافي شي يوجعكـ
مشاعل:لا الحمد لله (وقالت بمزحه)بس كسر رجل راس
هيفاء:ههههههههه
ام عبدالمجيد قالت الـ هيفاء:عطيني اكلمها
هيفاءالـ مشاعل:خوذي ام عبدالمجيد بتكلمكـ
ببيت ام صالح
مها:يمهـ تشوفين (وهو تأشر على شوق قالت بـ استحقار)ذي تقول لساره انها اختنا!!
ام صالح بتعجب:وش تقولين انتي!!
ساره:يمهـ تعالي معي وانا افهمكـ
مها:وش تفهمينها!! تفهمينها ان هالبنت واختهـ بنات شقق!!
ماكملت مها كلامها الا وكف جايها من شوق
شوق بقمة عصبيتها:حنا بنات شقق ياالحقيره
مها:تضربيني ياكلبهـ لاتجين للبيوت المحترمهـ روحي لبيوت الناس
ما امداها تكمل جملتهـ الا وكف ثاني جاي من ام صالح
ام صالح عصب وقالت بحده:وش هالكلام يامها
كان الكل متعجب ومنربطـ لسانهـ مايدرون وش يقولون !!
مها والدموع متجمعه بعيونها:تضربيني عشان ذي
ام صالح بقمة عصبيتها:واضرب عشره من اشكالكـ يالله روحي عن وجهي
مها اركضت وهي تبكي ولحقتها مرام
شوق:مالهـ داعي تضربينها عشاني ياخالهـ
ام صالح:هي قلت ادبها وتستاهل
شوق اسكتت ماتدري وش تقول!!
ساره:بالعكس تستاهل اكثر من كذا
ام صالح:هاه يا ساره وش تبين تفهميني!!
عند غاده
قاعده تكلم اختها غدير
غاده:بليز غدير تعالي بكرا عندي بالبيت مشتاق لك حيل
غدير:طيب بقول لابوي يجيبني عندكـ بكرا
غاده:ابيك تجيبين اغراض من غرفتي بكرا
غدير:طيب بس وش هي الاغراض
غاده:جيبي الصندوق اللي بغرفتي وجيبي المفتاح حقهـ وياويلكـ تفتحينهـ!!
غدير:طيب وين المفتاح طيب
غاده:بالدرج اللي جنب السرير
غدير:طيب غدو يلا مع السلامهـ
غاده:وراك مستعجلهـ
غدير:لابس فيني نوم
غاده:طيب باي
غدير:باي
مع ماسكرت غدير المكالمهـ راحت لغرفة غاده
جابت المفتاح من الدرج وراحت لصندوق وقتلهـ الفضول وافتحتهـ
لقت قلب حب مكتوب فيه مشعل ولقت ساعات وهدايا!!
عند صالح
كان صالح يركض مو حاس بنفسهـ
وفجأء وهو قاعد يركض بوسط الشارع
جت سياره مسرعهـ متجه لصالح !!
وللأسسف السياره كان مافيها بريك(فرامل)!!
ببيت ام مشعل
كان مافيه احد بالبيت الا مشعل
كان قاعد بغرفتهـ ويفكر ويقول بنفسهـ
مشعل:عجزت انساك ياغاده!! عجزت احب غيركـ!!
بس وش ذنبها اللي تحبني
وش ذنبها تكون ضحية حبكـ يا غاده!!
ــــــــــــــــــــــــــــــــــــــــــــــــــ ـــــــــــــــــــــــــ
هالمره مو حاط توقعات اخليكم تتوقعون وتعلقون على راحتكم

 
 

 

عرض البوم صور ♫ معزوفة حنين ♫   رد مع اقتباس
قديم 12-06-11, 12:06 PM   المشاركة رقم: 18
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

الـبـاـارت الخاـامس عششر
جت سياره مسرعهـ متجه لصالح !!
وللأسسف السياره كان مافيها بريك(فرامل)!!
صالح رفع راسهـ ووالتفت لسياره شافها مسرعهـ
باقصى سرعتها بقى صالح بمكانهـ ماتحركـ ولا حركه
ولا حس بخوف من السياره اللي متجهـ له ووممكن تنهي حياتهـ
لكن كان احساسهـ ان هالسياره هي اللي بتريحهـ
من هالدنيا
من عذابهـ
من اقوى صدمهـ بحياتهـ!!
رفع ايدينهـ وصار شكلهـ مثل الصليب
تجمعت الدموع بعيونهـ وبيودع اهله قبل ما يسلم نفسهـ للموت!!
يودع امهـ وواخوانه و خواتهـ وحبيبتهـ!!
قال بنفسهـ وهو يتألم
(يمه سامحيني مها مرام ساره سامحوني عبدالله سامحني
يااااااسمين حبيبتي سامحيني!!)
وبعد ماتذكر ياسمين!!
مر عليه شرييييطـ ذكرياته معها
طاحت دموعهـ قال وهو يتألم بشده
:يالله ياموووووت خذني!!
عند غدير(بغرفة غاده)
لقت قلب حب مكتوب فيه مشعل ولقت ساعات وهدايا!!
انصدمت وقال بنفسها معقولهـ اختي غاااااااااده ..........!
تجمعت دموعها وتركت قلب الحب المكتوب فيهـ مشعل بالانجليزي
ركضت لغرفتها والقت بنفسها على السرير مسكت وسادتها وجلست تبكي
على حال اختها...............و على حالها!!
ببيت ام صالح
ام صالح:هاه يا ساره وش تبين تفهميني!!
شوق بتوتر وخوف:مافيهـ شي ياخالهـ ساره بتفهمكـ سبب اللي سوتهـ مها
وخلاص انحلت المشكلهـ
ساره بحده:لاشوق تكذب!! يمها انا بفهمكـ ان(وبعد ماتدراكت الوضع وحست بغضبها)
ان ان مها هي الغلطانهـ
ام صالح احتارت بينهم وقالت بتساؤل:اجل ليه مها تقول ان شوق تقول انه اختكم!!
ساره تداركـ الوضع :شوق مثل اختنا يايمهـ ومها مارضت باالاخوه وحتى لو هي مب واقع وسوت هالسالفهـ
ام صالح بعصبيهـ:هالمها ذي بوريها شغلها زين اجل سوت هـ السالفهـ عشان شوق قالت انها مثل اختكم
شوق بـ احراج:لامالهـ داعي
ام صالح بعصبيه اكثر:هي غلطت ولازم تدفع ثمن غلطها
شوق:خلاص انتي ضربتيها يكفي وخلاص السالفهـ انتهت
ام صالح بقمة عصبيتها:لا مايكفي والسالفهـ ما انتهت لازم اعلمها عشان ماتعيدها مره ثانيهـ
ما اقول الاياحسافة تربيتي فيها
مشت ام صالح متجهـ للدرج عشان تروح لمها
شوق جت بتلحقها عشان توقفها لكن ساره وقفت شوق وقال بصوت واطي لكنهـ مسموع لشوق
:خليها
بالمستشفى(عند مشاعل)
بعد ما سكرت الجوال من ام عبدالمجيد!!
قعدت تناظر اللي حولها بنظرات غريبهـ
حست انهم كلهم يحبونها!!
حست ان فيه احد واقف معها!!
حست انها مالكه الدنيا بقربهم لها
لكنها تذكرت انسان
مايحبها!!
موواقف معها
مو قريب منها
تجمعت دموعها مثل أي مره تتذكره!!
لكنها هالمره قوت نفسها وماضعفت ومانزلت دموعها
قالت بنفسها
:لي متـى ياخالد ببقى احبكـ لي متى ابقى اسيرة حبكـ
خلاص انا بنساااكـ وش ابي بحبكـ دام كل اللي حولي يحبوني!!
بالمطار
بعد ماوصل خالد للمطار
انصدم لما لقى عبدالمجيد واقف عن\ بوابة المطار
ومعه طفل مايتعدى عمره الشهور!!
نزل عشان يساعده بحمل الشناطـ
ولما وصل لها مسكـ الشنطنهـ وقال :االحمد ع السلامهـ
عبدالمجيد:الله يسلمكـ
خالد وهو يرفع الشنطهـ ونظراتهـ على الولد:الا من هالولد!!
عبدالمجيد:ولدي!!
خالد بشكـ وتفكير شيطاني:ولدكـ بس بالحلال ولابالحرام!!
عند صالح
طاحت دموعهـ قال وهو يتألم بشده
:يالله ياموووووت خذني!!
لكن الموت رفض ياخذه!!
والسياره لفت عنهـ ومن شدة سرعة السياره
كانت ممكن تنقلب لكن الحمد لله كان السواق متمكن من السياره
وبعد ما وقف السواق السياره بمسافهـ شبهـ بعيده!!
لان مافيهـ بريكـ بسياره !! وبصعوبهـ قدر يوقفهـ
نزل السواق من السياره ومشى لين ماوصل عند صالح اللي جالس على ركبهـ ويبكي ويقول
لييييه ماخذتني ياموت!!
السواق(حمد):مجنون انت بغيت تموت نفسكـ
صالح وهو يبكي قال بنبره حزينهـ:لييييييه ماخليتني امووت!!
حمد:مجنوووووووون انت تبي تنتحر مافيه شي بـ هالدنيا يسوى عشان تنتحر عشانهـ!!
صالح وهو يبكي بشده:ودي اموووووت وارتاح!!
حمد:شكل سالفتكـ طويلهـ(وهو يمد يده لصالح) قوم فضفض ترا بترتاح
بسيارة ابوخالد
بعد مادور ابوخالد صالح ولا لقاه ويأس انهـ يلقاه
قرر يوصل ياسمين وام مشعل لبيتهم ثمن يرجع يدور(يبحث)مره ثانيهـ
ابوخالد:هاه ياام مشعل تبون اوصلكم لبيتكم
ام مشعل:ايه بس قبل خذ شوق من بيت ام صالح كن مافيهـ كلافه
ابوخالد:وش دعوى مافيهـ كلافهـ البيوت جنب بعض
ام مشعل:تسلم يا ابوخالد
ابوخالد:الله يسلمكـ(وبعد سكوت)هاه ياياسمين عساكـ بخير
ام مشعل:ظلت تبكي لين نامت بحظني!!
ابوخالد:الدكتور يقول لي صيرو حولهـا ولاتخلونها ابد و.....
ام مشعل قاطعتهـ:احطهـ بعيوني بس الدكتور ماقال وش اللي خلاها كذا
ابوخالد:محد يعرف الا ياسمين عاد انتي حاولي تسحبينها بالحكي لين تعرفين
ام مشعل:ان شاء الله
بالمطار
خالد بشكـ وتفكير شيطاني:ولدكـ بس بالحلال ولابالحرام!!
عبدالمجيد بقمة عصبيتهـ:وشش تقوول انت!!ترا هالكلمهـ قويهـ وماتوقعتكـ تقول انت بذات ياخالد
صحيح اني سافرت للغرب لكن ماتغيرت وانا مثل ما انا عبدالمجيد
لكني تزوجت وحده من اهل الكتاب واظن ديننا ماحرم هالشي
خالد قاطعهـ وقال بتبرير لكملتهـ اللي اصدمت عبدالمجيد:اعذرن ياخوكـ بس شفتكـ معكـ طفل وبدون امهـ والشيطان لعب براسي!!
عبدالمجيد:معذور ياخوك بس تقول أي كلمة ثمنها قبل واعرف معناها
خالد:عبدالمحيد زلة لسان سامحنا بس ماودكـ تفهمني وش سالفة هالطفل
عبدالمجيد:بعدين افهمكـ اللحين خلنا نركب السياره
خالد:طيب
وحمل خالد الشنطهـ وركبها بشنطة السياره(الدبة)
وعبدالمجيد ركب يمين مكان السواق
وبعد ماحط خالد شنطة عبدالمجيد بشنطة السياره( الدبة) ركب
خالد وهو يسكر الباب:هاه يلا فهمني
ببيت ابوحمد(بغرفة غاده)
غاده منسدحهـ على السسرير وغارقهـ بأفكارها بختها بنفسها بدلال بـ....................حبيبها!!
لين سمعت الباب ينفتح وعلى طول مثلت انها نايمهـ لانها مالها خلق ابوحمد
دخل ابوحـمد فسخ شماغهـ وحطهـ فوق الكنب القريب من السرير حس انهـ مخنوق فتح ازررة ثوبهـ
حس انهـ مرهق بشكل لايوصف ودي يبعد هالـ ارهاق والتعب وماكان شي يقدر يبعد هالتعب الا النوم
الفى بنفسهـ على السرير وماقعد دقايق الا وهو نايم بسبب التعب اللي فيـــــهـ
غاده بعد ماتأكدت انهـ نام ماقدرت تتحمل صوت انفاسهـ وريحتهـ
قامت من السرير بهدوء وطلعت من الغرفهـ
احتارت ماتدري وش تسوي !!
حست بملل لايوصف
قررت تروح لدلال عشان تسلي نفسها
راحت لغرفتة دلال وقبل ماتطق الباب سمعت دلال تقول(حبيبي وش فيكـ تأخرت!!)
وبعد ماسمعت جملة دلال قررت الانسحاب!!
احتارت وش تسوي بـ هالبيت الكبير!!
فكرت تتصل على اختها لكنها حست ان اختها نايمهـ قالت بنفسهـا(يااااااارب تكون غدير مو نايمهـ طفشت )
اخذت جوالها واتصل على (اغلى مافي حياتي)اختها اللي تستحق لقب اغلى مافيه حياتي وبجداره!!
وبعد عدة رنات ماردت غدير حست الملل رجع لها مره ثانيهـ نزلت لصالهـ اللي بدور الارضي
شغلت التفلزيون على امل انها تبعد هالملل!!
ببيت ام صالح
وصلت ام صالح لغرفة مها
وقبل ماتدخل عليها لـ تسمعها كلامها القاسي على مها سمعت مها وهي تقول(هالحقيره تكذب على اختي وتقول انها اختنا كيف ليكون امي حملتها وحنا ماندري (وقالت بـ اهتمام) او ان ابوي متزوج على امي!!)
دخلت ام صالح لـ مها وهي بقمة عصبيتها وحزنها لانها سمعت ان اغلى انسان اغلتهـ وحبتهـ وعشقتهـ
يكون متزوج عليها حتى لو انها تدري ان كلام مها يقول مجرد كلام لكن
هالكلام مجرد سماعـهـ
يحزنها
يقهرها
يغضبها!!
وياترى وش بتكون ردت فعلها لوكان الكلام
حقيقهـ!!
ـــــــــــــــــــــــــــــــــ
تكملة البارت بعدين

 
 

 

عرض البوم صور ♫ معزوفة حنين ♫   رد مع اقتباس
قديم 12-06-11, 12:07 PM   المشاركة رقم: 19
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

البارت السادس عشر
دخلت ام صالح غرفة مــ_ـها وقالت بعصبيهـ
ام صالح:ليــــه تسوين بشوق كذا عشانها قالت انها مثل اختكم (وبعصبيهـ اكثر)وبعدين وش هالكلام اللي تقولينهـ ابوكـ متزوجـ...
قاطعتها مها وقالت بنبرة صوت حزينهـ:يمهـ كذاابهـ وربي ماقالت كذا!! حتى سااره قالت لي اسألي ابوخالد كنكـ ماصدقتي
ام صالح تنهدت ثمن قالت :تراكم تعبتوني!!بس مهما كانت السالفهـ ماتقولين هالكلام انا ماربيتكـ كذا
ماظنيتكـ يابنيتي يامها تقولينـ كذا وانا اللي اقول ذي بنتي مها العاقلهـ
(وكنها تتذكر)و اللحين انتي كيف تبي تتحملين مسؤولية زوج وعيال وانتي عقلكـ عقل بزر(طفل)
مها وهي تتجمع دموعها قالت بنبرة صوت حزينهـ:يمه وربي لاحط عبدالله بعيوني!!
ام صالح ماردت عليها بس تأفأفت وطلعت
ببيت ام مشعل
بعد ماراح ابوخالد لبيت ام صالح واخذ شوق اللي ودعت ساره بلمهـ اخوه!!
ام مشعل وهو تنزل من السياره:جزاك الله الف خير يا ابوخالد
ابوخالد:وياك ان شاء الله
نزلت ام مشعل من السياره ونزلت بعدها شوق
ونزلت ياسمين اللي اصابها صداع قوي من كثر البكي اللي بكتهـ
بسبب اقوى صدمهـ بحياااااااتها!!
مسكت شووق يد ياسمين وساعدتها على المشي لانها لاحظت ان ياسمين دايخهـ ويالله تحمل نفسها
دخلو ياسمين وشوق وام مشعل البيت ولقو مشعل جالس بصاله ويطالع التلفزيون عشان ماوده يفكر باللي تحبهـ وبـ...............غاده!!
اعطى نظره سريعة لياسمين ورجع نظره لتلفزيون ولاحظ انها تعبانـهـ وقال بمرح:وش فيها الاخت؟؟
ياسمين ماردت عليهـ كنها ماسمعت شي وكملت مشي مع شوق اللي تساعدها بالمشي
ياسمين وهي تحاول تبعد يد شوق:بعدكـ يدكـ لاتلمسيني ما ابيكـ
شوق بتعجب:سوسو وش فيكـ
ياسمين كملت مشي ولحقتها شوق اللي اصرت انها تساعد ياسمين بالمشي رغم رفض ياسمين
ام مشعل ردت على مشعل
ام مشعل:اغمي عليها ببيت ام صالح ووديناها بالمستشفى ويقولون مافيها شي بسـ...
قاطعها مشعل وهو مصدوم ومنقهر :من اللي وداها المستشفى (وقال بعصبية)وليهـ ما علمتوني كنهـ مافيه رجال وراكم
كن مالكـ ولد يمهـ ولا شايفني مب رجال
ام مشعل بهدوء:الا رجال ياوليدي بس عمكـ ابوخالد لانهـ كان ببيت ام صالح (وقالت بتعجب وكنها تتذكر)الا وش جاب ابوخالد لبيت ام صالح!!
مشعل بشكـ :يمهـ هالبيت وينهـ!!
ام مشعل:بيتهم قبال مسجد****و.....و....
قاطعها مشعل وقال بعد ما تأكد من شكهـ :يمهـ تدرين ان ذا البيت بيت مرأة ابوي!!
ام مشعل بصدمهـ:مرأة ابوووووكـ!!(وقالت بـ ارتياح)بس الحمد لله طلعت مراة كامله والكامل الله(قالت بخوف)بس خوفي تقلب علينا اذا عرفت اني ضرتهـ!!
بغرفة ياسمين وشوق
ياسمين انسدحت على جنبها بسريرها ومعطيه شوق ظهرها قالت: روحي دوري لك مكان تنامين فيه!!
شوق بـ استغراب وتعجب من كلام ياسمين:وش تقولين انتي!!
ياسمين قالت بحده وبصوت عالي:اللي قلتهـ يلا خوذي وسادتكـ وشي تلفين به جسمك عن برد المكيف وروحي نامي بأي مكان ولا قمت انا عشان تفتكين مني
شوق بـاسغراب وتعجب اكثر:طيب طيب بروح انام عندي امي
ياسمين:وياليت تظلين تنامين عند امي
طلعت شوق من الغرفهـ بعد ما اخذت وساده وبباطنيهـ بدون ماترد على ياسمين
لانها متسغربهـ من كلامها واسلوبها اللي ماتعودت عليهـ!!
ياسمين قامت وقفلت الباب وليتها ماقفلت!!
نزلت شوق بالدور الارضي لقت مشعل وام مشعل يسولفون
قالت وهي تمشي بمرح:اليووم بنام عندكـ ياست الحبايب لان ياسمين هانم اطردتني؟
ام مشعل ابتسمت لكن مسرع ماراحت الابتسامه لما تذكرت حال ياسمين وقالت بخوف
ام مشعل:ليه خليتيها لوحدها؟
شوق:هي اطردتني
ام مشعل بخوف اكثر: واذا اطردتكـ اقعدي معها لاتخلينها الدكتور موصي ابوخالد ان مانخليها ولا لحظهـ روحي لها قبل ماتسوي بنفسها شي
شوق راحت تركض لغرفتها وهي خايفهـ ومستغربهـ بنفس الوقت
وصلت لغرفتهـا جت بتفتح الباب لكنها لقتهـ مقفل طقت(ضربت) الباب كم مره مالقت ولا رد
زاد خوفها على ياسمين ورجعت تطق بشكل قوي
واخـيـــــــــــرا ياسمين تكلمت وريحت شوق اللي بقمة خوفها على ياسمين
ياسمين بنبرة صوت تعبانه وحزينه بنفس الوقت:وش تبيييييين!! مو انا طردتكـ ليه جايهـ!!خلووووووني لوحدي ما ابيكم ماابيكم!!
شوق بخوف:وش فيكـ ياسمين !! افتحي الباب!!
ياسمين:اوووووه انتي ماتفهمين قلتكـ خليني لوحدي
شوق والدموع تتجع بعيونها بسبب حال اختها اللي مايسر:طيب قولي لي وش فيكـ
ياسمين وهي تبكي:مافيني شي مافيني شي
شوق بخوف اكثر ورأفة على حال اختها:طيب ليه تبكين(والدموع تطيح من عيونها)وربي بكاكـ يوجعني!!
ياسمين وهي تبكي بشده قالت بصوت عالي :شووووووق ارجوووووك خليني لوحدي
شوق بكت بألم على حال اختها لكنها مسحت دموعها ووسات ياسمين لانها ماودها تضعف وتضعف ياسمين اكثر من ماهي ضعفانهـ
قالت وهو تحاول ماتبين نبرة الحزن بصوتها:طيب اوعديني ماتسوين بنفسكـ شي
ياسمين:اوعدكـ!!
شوق جت بتمشي لكنها لقت ام مشعل ومشعل متجهين لغرفتها هي وياسمين
شوق:حاولت اخليها تفتح لي لكن مارضت
ام مشعل بخوف على ياسمين :ياقلبي عليكـ يابنتي
مشعل:خلوها انا بكلمها
شوق:طيب
راح مشعل لغرفة ياسمين وطق الباب وقال بصوتهـ الرجولي الخشن:ياااسمين افتحي الباب
ياسمين بصوت مبحوح:وش تبووووون ماتفهمون انتم خلوووووني
مشعل بحده:تبي تفتحين الباب ولا كسرتهـ!!
بسيارة خالد
خالد وهو يسكر الباب:هاه يلا فهمني
عبدالمجيد وهو يحط ولده بالمرتبهـ الثانيهـ ويرجع يعتدل بجلستهـ قال بحزن ورومانسيهـ بنفس الوقت :قبل سنهـ حبيتها وصرنا احلى حبايب وصارت احلى مابدنيتي اموت فيه وتموت فيني تفديني بروحها وافديها وبعد شهر من حبنا قررنا نتزوج لكنا امها ارفضت لاني مسلم وبعد شهر قدرنا نتزوج وقعدناثلاث شهور بدون مشاكل وكنا عايشين بسعاده وفرح وحب لين جت امها وخالها واخذوها لما كنت برا البيت رجعت للبيت مالقيتها انجنيت دورتها بكل مكان مالقيت لها أي اثر
وقعدت اربع شهور ادورها لين يأست اني القاها قعدت اربعة شهور ثانيهـ وانا متعذب متألم بفراقها كانت اغلى ماعندي كانت مالية حياتي فصلت من الجامعه حسيت اني مقدر اكمل !! وبعد شهر!!
لقيت ولد بشقتي ومعهـ ورقه مكتوب فيها انه ولدي!!
وبعد ماصارت مب زوجتي حسيت اني مالي شي بذيكـ البلاد
اخذت ولدي وحجزت اول طيارة وجيت هنا
خالد وهو متاطف مع عبدالمجيد قال بشكـ:وش يضمنكـ انهـ ولدكـ؟؟
عبدالمجيد:سويت تحليل الـDNAوثبت انهـ ولدي
خالد:بس لييييييهـ فصلت من الجامعهـ ؟؟حرام عليكـ تضيع تعب ابوكـ وتعبك وحلمك ومستقبلكـ عشان حب؟!!
ببيت ام صالح
مها وهي تتجمع دموعها قالت بنبرة صوت حزينهـ:يمه وربي لاحط عبدالله بعيوني!!
مرام وده تنهي النقاش عششان مايطور ويصير نقاش حاد
قالت:يمهـ متى بيملكون مها وعبدالله
ام صالح:خلينا نعلن الخطوبهـ لناس اول والملكه بعد اسبوع والعرس لاحقين عليهـ
مرام:والله حركات بصير حماتكـ يامها وبسود عيشتكـ هههههههه
مها ماردت لانها مشغولهـ بأفكرها بـ عبدالله اللي تحبه وتموت فيهـ واللي بيصير زوجها
ام صالح:وانتي يامرام مب ناويهـ توافقين على احد الخطاب االي يخطبونكـ
مرام تذكرت حب الطفولهـ عبدالعزيـ~ـر تذكرت وعودهم وهم صغار تذكرت كلام عبدالعزيز(ماراح اتزوج غيركـ)
فكرت هل عبدالعزيز تزوج هل عبدالعزيز حب غيرها قالت بنفسها:اكيد هو يقول كنا صغار وما نفهم وشو حب ونساني!!
قطع حبل افكارها صوت مها وهي تهزها :هيييييييييه وين رحتي امي لها ساعة تكلمكـ لين ملت وراحت(قالت ووهي تغمز)اللي ماخذ عقلكـ يتهنى به
مرام قالت وهو للحين تفكر:تظنين عبدالعزيز للحين يحبني!!
مها بتعجب من السؤال قالتهـ مرام فجأة:هاه (قالت بهدوء)تبين الصراحهـ انتم كنتو صغار وماتفهمون الحياة ومومعقولهـ لعب اطفال يتحول لحب كبار
مرام تجمعت الدموع فعينها:من قال لعب اطفاال هو واعدني ان مايتزوج غيري
قامت مرام وركضت والحقتها مها وتقول بنفسها
مها:وش فيها هذي!!
عـ ن ـد ساره
ساره تفكر كيف تقول لامها عن السر اللي مخبتهـ
متردده ان تقول لامها خايفهـ امها يصير لها شي ويضل ضميرها يأنبها طول عمرها!!
فكرت وفكرت
قالت بنفسها:خليني اقول السالفهـ بتدريج حبه حبهـ!!
صعدت الدرج لقت مرام تركض
ساره:مرام وقفي ابيكـ
مرام التفت لساره والدموع متجمعهـ في بعيونها قالت بنبره حزينهـ:وش تبون فيني انتي واختكـّ!!
(امام بيت ابوعبدالمجيد)
ابوخالد اتصل على ام خالد وقالت له انها فـ البيت وان هيفاء ببيت ابوعبدالمجيد عشان يروح يجيبها
ابوخالد يتصل على هيفاء
ابوخالد:يالله انا عندي الباب اطلعي يابنيتي
هيفاء:طيب
ثواني:وطلعت هيفاء وركبت السياره وحركـ ابوخالد
عند صالح
حمد(اخودلال):شكل سالفتكـ طويلهـ(وهو يمد يده لصالح) قوم فضفض ترا بترتاح
قام صالح ومشى مسافهـ بحكم بعد السياره
اوصلو لسياره
ركب حمد صالح سيارته
وحمد ركب وحركـ
حمد:هاه قولي وش فيكـ
صالح بصوت تعبان:مافيني شي
حمد:فضفض ترا بترتاح يا اخوكـ
صالح بنبرة صوت حزينهـ:قلت لك مافيني شي
حمد:طيب اخليكـ براحتكـ بس متى مابغيت تفضفض انا جاهز اسمعكـ
وبعد خمس دقائق سكووووت
حمد:وش رايكـ تتعشى معي
مالقى رد من صالح وقال
حمد:هاه تتعشى معي
صالح :منسده نفسي
حمد:طيب عشاني تراني ميت جوع واذا ماكلت ماني ماكل
حمد مالقى رد
حمد:هاه يعني نقول السكوت علامة الرضا
صالح ساكت ماتكلم
حمد:وش فيكـ ياخوكـ ماتتكلم الظاهر بكـ شي كايد
حمد بعد مالقى رد وقال
حمد:شكلي بقعد اكلم نفسي
صالح:اعذرني مااقدر اتكلم
وبعد سكوت
صالح قال ودموعهـ متجمعه بعيونه:التني مت قبل مااحبها!!
حمد:اهاا اللحين فهمت الظاهر حبيبتكـ زعلانهـ عليكـ ويمكن السالفهـ سالفة خيانهـ!!
صالح ودموعهـ يطيحن:ياليتها زعلانهـ ويااليتها خاينتني
حمد بتعجب:هو فيه شي اشد من الخيانهـ !!
صالح وهو يبكي:فيييييه فيييييييه
حمد:طييب لاتبكي قوي نفسكـ مافيه شي يستاهل دموعكـ
حمد اخذ منديل(فاين او كلينكس) ومده لصالح وقال:يالله مسح دموعكـ
اخذ صالح المنديل ومسح دموعهـ
جوال حمد يرن رد حمد على المكالمهـ.......................!
ببيت ام صالح
مرام التفت لساره والدموع متجمعهـ في بعيونها قالت بنبره حزينهـ:وش تبون فيني انتي واختكـّ!!
ساره:تعالي ابيكـ بسالفة
جت مها وهي تركض وقالت
مها:وش تبين فيها
ساره طنشت مها وقالت لمرام:تعالي ابيكـ
مرام:طيب
ساره فكرت شلون بتقول لمرام عن مرأة ابوها وشلون بتقنع مها ووش درت فعل ام صالح!!
معقولهـ تكون ردة فعل ام صالح ...............!
بالمستشفى(عند مشاعل)
جاء ابو عبدالمجيد واخذ ريما
وبقىت بالمتسفى عايلة ابو مشاعل
ام مشاعل قررت تنام عند بنتها
وابو مشاعل راح لدكتور عشان يتطمن على حالة بنته اكثر
بسيارة خ ـالـ~ـد
خالد:بس لييييييهـ فصلت من الجامعهـ ؟؟حرام عليكـ تضيع تعب ابوكـ وتعبك وحلمك ومستقبلكـ عشان حب؟!!
عبدالمجيد سكت مايدري وش يقول
مايدري شلون يبرر!!
بعد مدة بسيطهـ من السكوت
جاء صوت لكن مو صوت خالد ولا صوت عبدالمجيد.!
صوت ولد عبدالمجيد اللي مسميهـ على ابوه(سلطاـان)
التفت عبدالمجيد الـ ولده اللي يبكي بشده وبصوت حاد
حمل عبدالمجيد ولده وحطهـ فوق فخوذهـ وجلس يهز فيهـ على امل انه يسكت لكن ماسكت
خالد:وش فيهـ ولدكـ
عبدالمجيد:مادري شكلهـ جوعان اللحين اذا وصلنا للبيت اوكلهـ!!
خالد التفت لعبدالمجيد وناظرنظرة تعجب:واذا اسألوكـ من ذا الولد و بتقولهم
عبدالمجيد ببرود:ولدي!!
خالدبأنفعال :تحسبهـ بيتقبلون هالولد على طول اللحين كيف بيتقبلون سالفة انكـ رجعت وفصلت من الجامعهـ عشان يتقبلون سالفة انك متزوج مو مسلمهـ وجايب منها ولد وانت عارف ابوووكـ مب سهل اقناعهـ؟!!
عبدالمجيد:ادري ان ابوي صعب اقناعهـ وادري ان السالفهـ قويهـ بس وش تبيني اسوي تبيني اتبرأ من ولدي يعني!!
خالد بهدوء:خل كل شي بتدريج مو كل شي مره وحده اول علمهم انكـ رجعت بعدين وانك فصلت من الجامعهـ بعدين علمهم بولدكـ
عبدالمجيد بهدوء:يصير خير بس(وهو يأشر على ولده)ذا وش اسويبهـ
خالد:جيبهـ لبيتنا ومتى مابغيت تعلم اهلكـ بولدكـ تعال خذه
عبدالمجيد:طيب
ببيت ام مشعل
مشعل بحده:تبي تفتحين الباب ولا كسرتهـ!!
ياسمين ماردت لكن بعد ثواني افتحت الباب
ياسمين ارجعت لسريرها ولفت على جسمها الباطنيهـ الخفيفهـ وانسدحت
مشعل دخل وقفل الباب جلس على السرير وقال بـ مرح
مشعل:هاه سوسو قول لي وش فيكـ
ياسمين ماتدري وش تقول
تقول انها حبت اخوها
تقول ان حبيبها اللي بانيهـ لهـ ولها حياة كله سعاده وفرح وحب طلع اخوها
تقول ان الانسان اللي حبتهـ طلع وهم وسراب حقيقي.!
مشعل بروح اخوه:سوسو ليه ساكتهـ انا اخوكـ فضفضي
ياسمين تغيرت ملامح وجهها الى ملامح اكثر حزن من قبل وبكت غصبن عنها
بكت بألم بعذاب بحزن
مشعل حس انهـ ماراح يقدر يأخذ ويعطي معها فقام وقال:طيب اخليكـ لوحدكـ واوعديني انك تقولين لي وش فيكـ
ماردت عليه ياسمين لكنها دفنت راسها بالوساده وجلست تكمل طريق عذااااابها الطويـــــــــــــــــــــــــــــــــــــل!!
مشعل طلع من الغرفهـ بعد ما اخذ المفتاح معهـ
مشعل الـ شوق:شوق روحي نامي عندها ولاتخلينها ولا لحظهـ
شوق: ان شاء الله
راح مشعل واخذ امهـ معه عشان يستفسر عن ياسمين بشكل اكبر
شوق دخلت على ياسمين لقتها تبكي كسرت خاطرها ماقدرت تسوي شي
راحت لها وقالت بنبرة حزينه:ياسمين ارجوكـ لاتبكين قطعتي قلبي
ياسمين رفعت راسها من وسادتها ومسحت دموعها وقالت لششوق بنبرة صوت تعبانهـ:مالكـ دخل فيني!!ولاتكلميني مب محتاجهـ شفقهـ منكـ!!
شوق بصدمه من كلام ياسمين تجمعت الدموع بعيون شوق لان ياسمين جرحتها بكلام ماعمرها فكرت ان ياسمين تقولهـ وقالت
:وش فيكـ ياسمين انا اختكـ حبيبتكـ وصديقتكـ انا كاتمهـ اسراركـ تقولين مالكـ دخل فيني
ياسمين قالت بصوتها المبحوح من كثرت البكي:أي اخت أي حبيبه أي صديقهـ أي اسرار تقولين عنها!!
شوق بتعجب وخوف على ياسمين:ياسمين وش فيكـ كذا!!نسيتي اختكـ شوق نسيتي اسرارنا نسيتي انكـ ماتخبين عني شي حتى كلامكـ مع حبيبكـ تقولينهـ ليـ!ـ!ـ
ياااسمين بعد ماسمعت كلمة حبيبكـ تذكرت حبيبهـا او اخوها!!
ورجعت تبكي مره ثانيهـ
وشوق انسدحت بسريرها ومثلت النوم
قعدت ياسمين ساعتين وهي تبكي وشوق تبكي وتتألم على بكاء ياسمين المؤلم الموجع المحزن!!
وبعد ساعتين النوم غلب ياسمين وناااامت وبعدها شوق ارتاحت واقدرت تناااااااااااام!!
ببيت ام صاـالح
ساره طنشت مها وقالت لمرام:تعالي ابيكـ
مرام جت مع ساره وجلسو بجلسهـ جانبيهـ
اما مها رجعت لغرفتها
ساره:مرام اانا سمعت ابوي الله يرحمه يقول قبل مايموت(انا ماودي اظلم لولوه وعياله بعد موتي مثل ماظلمتهم بحياتي)
انالما سمعت الكلام وماصدقت وقعدت افكر محتاره هل الكلام صدق ولالا!!
لين ام خالد اكأدت لي يعني لنا اخوان من ابونا رضينا ولا مارضينا
ادري ان سالفه مثل ذي صعب تصديقهـ لكن الحقيقهـ ان لنا اخوان من ابونا
وابيكـ تفهمين مها السالفهـ لانها مب راضيه تفهم
مرام مصدومهـ من كلام ساره اللي قالتهـ بسرعهـ لانها خافت تقاطعها مرام وماتقول اللي ودها تقولهـ
مرام:انتي صاحيهـ!!ابوي متزوج على امي!!نسيت ان ابوي يموت بالارض اللي تمشي به امي!!نسيتي قصص حبهم!!
نسيتي كيف شكل ابوي الله يرحمهـ كيف كان يحكي لنا قصة حبه مع امي وهو بقمة ساعدتهـ!!
ساره:لامانسيت بس هذي الحقيقهـ ابوي متزوج على امي وله عيااال
سمعت ام صالح جملة ساره الاخيره وقاالت بحده وعصبيهـ:ساااااااااااااااااره وش هالكلام اللي تقولينهـ!!
امام بيت ابوعبدالمجيد
عبدالمجيد راح لشنظة السياره(دبة السياره) عشان ينزل اغارضهـ
وخالد كان يلعب الولد ويقول:ياحليلكـ ياسلطان يا ولد عبدالمجيد
وفجأء سمع صوت رجولي حاد
ابوعبدالمجيد:وش تقول ياخالد ومن ذا الولد!!
ببيت ابوخالـ~ـد
بغرفة هيفاء
جوال هيفاء يرن من رقم كلمها اكثر من عششر مرات!!
بس ماردت!!
لكنها قالت بنفسها:ليه اهرب منهـ خلنيي اصير قويهـ وارد عليهـ
وياليتها ماصارت قويهـ!!
ردت على المكالمهـ
ناصر(فيصل):هيفاء هيفاء ردي علي
هيفاء سمعت صوت يرعبها يخوفها يضعفها!!
ردت بعد ماقوت نفسها وقالت بصوت واطي:هااه
ناصر(فيصل):شوفي ابي صديقتك اللي ضربتني بسوق تجيبنها لي بأي طريقهـ
هيفاء تذكرت ياسمين وتذكرت وش سوت بياسمين وقالت بخوف:حراام عليكـ وش سوت فيكـ ياسمين
ناصر(فيصل):واسمها ياسمين بعد!!
هيفاء وهي تقوي نفسها لكنها بقمة خوفها وضعفها:مستحيل اخليكـ تلمس شعره من ياسمين!!
ناصر(فيصل):يعني افهم من كلامكـ انك مب جيبتها!!يعني اجيبها انا من بيتها الـ قبال ........وجنب.......
هيفاء خافت بشكل لايوصف على نفسها وعلى ياسمين وقالت بنفسها:شلون اعرف بيت ياسمين
تغيرت ملامح وجها هيفاء من خوف الى رعــــــــــــــــــــــــــــــــــــــــــــــــ ــــــــــــــــــــــــــــب
قالت وهي بشدة ضعفها وخوفها على ياسمين:طيب خذني بدالها!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
انتهى البارت
اذا مالقيت ردود تبرد القلب ماراح اكمل
ويااااليت اللي بيرد يحط التعليق والتوقعات للبارت

 
 

 

عرض البوم صور ♫ معزوفة حنين ♫   رد مع اقتباس
قديم 12-06-11, 12:07 PM   المشاركة رقم: 20
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

القسم الاول من البارت السابع عشر
ـــــــــــــــــــــــــــــــــــــــــــ
قالت وهي بشدة ضعفها وخوفها على ياسمين:طيب خذني بدالها!!
ناصر(فيصل)فكر من هي تقدر تلبي رغباتهـ!!
من هي اللي يقدر يتحكم فيها على كيفهـ
يوديها شمال تروح شمال يوديها جنوب تروح جنوب!!
وقال بعد سكوت بنبرة صوتهـ المرعبهـ لهيفاء :طيب بس بشرط!!
هيفاء طاحت دموعها غصبن عنها ماقدرت تتحمل ان احد يتسلى فيها
كفايهـ تسلى بمشاعرها وش بيتسلى فيهـ بعد!!
معقولهـ يتلسى بـ...........................!
قالت وهي تبكي بنبرة صوت حزينهـ:وش هو شرطكـ
ناصر(فيصل)بذات النبره المرعبهـ:تنفذين اللي اقولكـ...
قاطعتهـ هيفاء وهي تبكي بشده قالت:وانا عندي شرط!!
ناصر(فيصل):وتتشرطين بعد!!(وقال بحده)قولي شرطكـ
هيفاء وهي تمسح دموعها قالت بنبرة صوتها الحزينهـ:اوعدني ماتسوي شي بياسمين!!
ببيت ام صالح
سمعت ام صالح جملة ساره الاخيره وقاالت بحده وعصبيهـ:ساااااااااااااااااره وش هالكلام اللي تقولينهـ!!
ساره توترت انربط لسانها ماتدري وش تقول!!
تقول ان الانسان اللي عشقتهـ ام صالح سنين متزوج عليها!!
تقول ان كل كلام الحب والعشق اللي سمعتهـ طول هالسنين كذب!!
تقول ان ابوصالح اكثر من عشرين وهو متزوج عليها!!
ام صااالح وهي بقمة عصبيتها وحزنها قالت بنبرتها الحزينهـ والغاضبهـ:سااااااره تكلمي
ساره اول مره تشوف امها بـ هالعصبيهـ وبـ هالحزن خافت وتوترت ماقدرت تصفصف كلام قالت وهي بقمة توترها:يمهـ اب ابوي متزوج عليكـ!!
ام صالح بعد ما اسمعت جملة ساره اللي خلتها
تعصب
تنقهر
تبكـــــــــــــــــــــــــــــــــــي!!
قالت ودموعها متجمعهـ بعيونها:سااااره وش تقولين انتي!!قوولي الصدق!!
جلست ام صالح على ركبها وطااااحت ام صالح عند رجلين ساره وهي تبكي وكررت كلمتها:قولي الصدق!!
ساره ماقدرت تتحمل تشوف امها بـ هالضعف
ماقدرت تتحمل تشوف امها طايحهـ عند رجلينها!
وركضت ودموعها تطيح صعدت الدرج وراح لغرفتهـاقفلت الباب والقت بنفسها على السرير وكملت بكاءها!!
ام صالح وهاتناظر مرام وعيونهـ مليانهـ دموع:مراااام ساره تكذب!!علي ماتزوج علي ما تزوج علي
مرام ماقدرت تتحمل وانهارت وبكت وضعفت ام صالح اكثر من ماهي ضعفانهـ
مرام وهي تبكي:يمهـ سـ سـاره تكذب مستحيــــــــل ابوي يتزوج عليكـ
ام صالح وهي بشدة ضعفهاوحزنها
حزنها على ان اغلى انسان بـ هالدنيا طلع يخونها
حزنها على الانسان اللي عطتهـ كل شي
حبها مشاعرها حتى عضو من اعضاء جسمها عطتهـ
قالت وهي تبكي:كنت اسمعهـ يكلمها واكذب سمعي
سنين وانا شاكهـ وكنت اقدر اعرف بسهولهـ بس ماودي اعرف ماودي!!
ماودي اعرف انهـ خانني
ماودي اعرف انه راح لغيري
ظليت سنين اوهم نفسي واحط مبررات تااافههـ!!
انا ماكنت مقصره معهـ
ليه يتزوج ليييييييهـ!!
والله اني ماقصرت ماااقصرت
ليهـ يخدعني ويقول انهـ يحبني!!
لو يحبني ماتزوج غيري!!
اكيد هو مايحبني مايحبني!!
طيب ليهـ مات ولا قال لي انهـ مايحبني وانهـ يحب غيري!!
ليتني مت ولاسمعت هالكلام من بنتي
ليتني ظليت اكذب نقسي
ليتني ماحبيتهـ!!
ليتني مت!!
ليه اعيش وانا داخلي ميت!!
مرام وهي تبكي بشده:ارجووووووووكـ يمه بس
خلاص قومي غسلي وجهكـ الدنيا ماتسوي!!
ام صالح بذات نبرتها الحزينهـ:ايه ماتسوى!!
لانهـ علي(ابوصالح) مو موجود فيها!!
نزلت مها من الدرج وهي مبتسمهـ قالت بمرح:والله حركات ابوي!ّ!
سمعت اصوات واطيهـ توجهت لها
كان معها صورة ابوصالح وهو بعز شبابهـ
شافتهـ مها بغرفة امها واخذتها بتوريها مرام
وليتها مااخذتها
جت عند مرام وامها
انصدمت تغيرت ملامح وجها وقالت بخوف:مرام وش فيها امي!!
مرام وهي بشدة حزنها:ابووووووكـ طلع متزوج علي امي!!!
مها بعصبيهـ:اكييد هالكلام قالتهم لكم ساااره هالحقيره
والله لااذبحها....بتسوي شي بأمي ذي ...لله لاييوفقها!!
ركضت مها لأمها وحظنتها وقالت:يمهـ ساره تكذب لاتصدقينها!!
ام صالح ماردت وبقت دموعها تنزل بدون ماتحس!!
مرام:مها قومي نوديها لغرفتها!!
قامت مها من حظن امها وليـــتها ماقامت!!
طاحت صورة ابوصالح!!
شافتها ام صالح وقالت وهي تبكي بشده وتكلم الصوره:
تخوني بعد عشرة سنين
وانااللي حبيتكـ بكل مافيني
وسكنتك داخل القلب والعين!!
وحبيتكـ حبن ماحبهـ احدن من العاشقيني!!
تجننت بحبكـ وصرت مثل المجانين
وصرت داخل قلبي مثل السجيني
وبقى حبكـ يمشي بقلبي مثل مايمشي الدم بالشرايين
وتالي تخوني وتخليني اكثر الونيني
اكثر ونيني على طعنتن ما تساوي طعنة دونكـ الفين
ياحبيبي قلي حابب توصل لوين!!
تبي تموتني حزن تراكلنا ميتين
بس انت بالقبر مرتاح وانا بـ هالدنيا حزيني
حزينن على طعون اغلى الغالين!!
اللي حسبتهـ وافي وطلع ابوقلبيني
ام صالح مسكت صورة ابوصالح ووقطعتها وقالت بجنون:ليييييييييهـ ليييييييييييهـ!!!
مها خافت على امها وبنفس الوقت عصبت على ساره قالت وهي بقمة عصبيتها:والله لاواريكـ ياساره!!
امام بيت ابوعبدالمجيد
ابوعبدالمجيد:وش تقول ياخالد ومن ذا الولد!!
خالد توتر لما سمع صوت عمهـ توتر مايدري وش يقول
يقول ذا ولد ولدكـ!!
يقول ذا ولد امه مب مسلمهـ!!
ابوعبدالمجيد بحده اكثر:تكلم ياخالد!!
خالد ماتكلم؟! انربط لسانهـ
لكن اللي تكلم عبدالمجيد!!
عبدالمجيد:يبهـ ذا ولدي!!
ابوعبدالمجيد انصدم صدمهـ قويـــــــــــــــــــه
لما شاف ولدهـ !!
وانصدم اكثر من جملتهـ!!
قال وهو للحين منصدم :وش تقول انت!!ووش جابكـ!!
خالد تدخل لانـهـ خاف ان عبدالمجيد يتسرع!!
وبنفس الوقت وده يهدي الوضع!!
خالد حمل الولد ومده لعمهـ وقاال:عمي خذ احمل حفيدك!!
ابوعبدالمجيد بـ استغراب:حفيدي!!
ابوعبدالمجيد قال لـ خالد بحده:مانب حاملن ولدن ماندري من امهـ !!ولاندري هي مسلمهـ ولاكافره!!
عبدالمجيد بهدوء:يبهـ لاتعقد االموضوع!!عادي وش فيها اذا تزوجت
قاطعه ابوعبدالمجيد وقال بعصبيهـ:وش فيها!!قل وش اللي مافيها!!تزوجت وصار لك ولد بدون علمنا !!وماندري من هالبنت اللي تزوجتها!!وتقول وش فيها بعد!!
عبدالمجيد:يبهـ صحيح البنت مب مسلمهـ.....
ما امداه يكمل جملتهـ الا وكف قوي جاي من ابوه!!
ابوعبدالمجيد قال وهو بقمة عصبيتهـ:ايا الخسيس تتزوج وحده كافره صدق اني غلطت يوم سفرتكـ لبلاد الغرب قلت ذا بيجي ومعهـ الشهاده ويرفع راس ابوه اثركـ تبي توطي راسي يا عبدالمجيد
عبدالمجيد:يبهـ الشرع ماحرم هالشي واظنكـ عارف ان الزواج من اهل الكتاب جايز
ابوعبدالمجيد:وتراددني بعد (وقال وهو بقمة غضبه)انقلع عن وجهي لابارك الله فيكـ

عبدالمجيد وهو يحس بـ الاهانهـ:يبهـ..
قاطعه ابوعبد المجيد وهو بقمة عصبيتهـ:لاتقول يبهـ خلاص انت مانتب ولدي ولااعرفكـ
رووووووووح استانس مع الكافره!!
خاالد كان ساكت طول الوقت لكن اللحين لازم يتكلم
عشان ماتكبر السالفهـ
خالد بهدوء :عمي كل شي ينحل بـ الهداوه
ابوعبدالمجيد اعطى خالد نظرة غضب:وش هداوتهـ ذا خلى فيني هداوه كفايهـ سوا كل شي بدون علمنا وفوق كل ذا تصير زوجتهـ كااااافره!!
عند هيفاء
هيفاء وهي تمسح دموعها قالت بنبرة صوتها الحزينهـ:اوعدني ماتسوي شي بياسمين!!
ناصر(فيصل):بوعدكـ اذا تأكدت انكـ بتوفين بودعكـ وتجيني!!
هيفاء رجعت دموعها وتجمعت بعيونها وقالت:اوعدكـ اوعدكـ
ناصر(فيصل):ياليت تسرعين بتنفيذ الوعدقبل لا ارجع بقراري و.....
قاطعتهـ هيفاء وتقول بخوف:بكرا بكرا بجييكـ!!
بـ قرية****
عبدالعزيز وهو معصب:يمهـ وش تقولين!!
ام عبدالعزيز:اللي قلتهـ ياوليدي البنت مالها احد امها وابوها توفو وجدتكـ الدكتور يقول ان حالتها ماتسر وجدتكـ من امس وهي توصيني على البنت وتبيني اقولكـ!!
عبدالعزيز:يمهـ نسيتي اني انا ومرام لبعض!!انا ماني متزوج الا مرام!!
ام عبدالعزيز:ياوليدي ياعبدالعزيز تزوجها هي ومرام الشرع حلل اربع!!
ببيت ام مشعل
بغرفة ياسمين وشوق
ياسمين قامت من النوم مرعوبهـ وهي تبكي وتقول بصوت عالي:لالالالا
شوق قامت من النوم بسبب صراخ ياسمين وراحت لسريرها وقالت وهي بقمة خوفها على ياسمين:ياسمين وش فيكـ
ياسمين:ليـهـ صار اخوي ليـــــــــــه!!
شوق استغربت من كلمة ياسمين وقالت
:ياسمين وش تقولين!!
ياسمين وهي تبكي قالت بصوت عالي:صالح صالح!!
ــــــــــــــــــــــــــــــــــــــــــــــــــ ـــــــــــــــــــــــــــــــ
انتهى القسم الاول

 
 

 

عرض البوم صور ♫ معزوفة حنين ♫   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتب تعبت اصبر, ليلاس, القسم العام للقصص و الروايات, اصبر, تعبت, شكل ثاني, طلعت, قريب, قصه مكتملة, كنت أحسبك, كنت أحسبك حيل مني قريب لكن طلعت قريب بس بشكل ثاني كاملة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:20 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية