المنتدى :
الشعر والشعراء
ياذا البريد اليوم ويش انت جايب؟؟
.
.
الغايب الـي له عـدة ايـام غايـب
يالله عسى ماني لها الغيبه اسباب
اخاف مـن فرقـا بليـا سبايـب
الظلم شين وخص به ظلم الاحباب
ياذا البريد اليوم ويش انت جايـب
فتحت صندوقك وفيك الرجا خاب
بين الرسايل وين خـط الحبايـب
سألت صندوق الرسايل ولا اجاب
وسالت دموعي فوق خدي سكايب
دمع العيون انهل بالحال سكـاب
وراي ماابكي من كلامه عجايـب
المرهف الحساس كساب الاعجاب
ليا تكلـم رحـت بالحـال ذايـب
اذوب لو ما كنـت للغيـر ذواب
وليا سكت قمت اتسائل واجـاوب
وراه يسكت يمكن اسكوته اعتاب
وليا زعل شبـت بقلبـي لهايـب
تقول يلهب داخل القلـب لهـاب
وليا ضحك اونس نسيم الهبايـب
يداعب احساسي وفيه الغـلا ذاب
يحكم بقلبي حكم طفـل ٍ بشايـب
وحيده الي جابه الله بعـد شـاب
واكون ممنونه وبالحكـم طايـب
الا ان حكمه يشتمل بعد وغيـاب
.
.
اهداء لكل من غااب عناا ...
الله يرجعهم بالسلااامه ..
ياااااااااااارب
|
05-06-11, 07:50 AM
جديد مواضيع قسم الشعر والشعراء
العرض الشجري
