هاي بيرو
قبل كل حاجة عايزة أقولك قد ايه القصة جميلة جدااااااااااا
وأسلوبك وطريقتك بيعطوا للقصة طابع مميز وساحر
الفصل الثالث
كنت أنتظره بشوق عشان أعرف ردة فعل عبد الله
زعلت لما طلقها كان نفسي يغضب ويثور لكن يرفض يطلقها
لأن فعلا العواقب وخيمة
ردة فعل عائلتها كانت مشهد ممتاز
أبدعت فيه بجد
لكن ازاي واحدة ذكية زي همس مش تبقي فاهمة تأثير اللي هي عملته؟؟؟
وخالد ده
مش عارفه أوصفه بايه
هو حاجة من الاتنين
اما جبان ومش قادر يحارب للحصول علي مايريد ويترك خوفه يحدد مصيره
أو هو متوهم بحب همس وهو مش بيحبها...
اختاري يا بيرو لأن مفيش حل ثالث
ليال في الجامعة
وصفك لشعورها في أول يوم
الرهبة والسعادة بجد مذهلة يا بيرو
وصف دقيق بكلمات جميلة (شعرت بحماسة تعتريها...رغم خفقات قلبها التي تصاعدت كالطبول)
مش فاهمة هي عاملت عصام بقسوة كده ليه من أول مرة؟؟؟
زعلت أوي لما رجعت البيت وصدمت بقسوة أبيها بعد السعادة
هو له حق انه يكون قاسي معاها بعد اللي عملته لكن لكل شيء حدود برده
وصلنا ليوسف
شوفي بقي يا عبير أنا بحب أي شخصية اتعذبت في حياتها حتي لو طلع شرير
فانتي لو عارفة مصلحتك تخلي نهايته كويسة
أحسن والله .....
عجبني أوي وصفك لأم وسام وشخصيتها
مثال لما يجب أن تكون عليه الأم
لكن مش عجباني شخصية وئام" أصلي غيرانة" هههه
حمزة رجع وفي انتظار أعرف هل ده تغيير للأحسن ولا للأسوأ....

أكمل كلامي
الفصل الرابع
آآآآآآآآآه عليك يا يوسف
يا تري عملت ايه اللي مخليك دايما حاسس بالوحل؟؟؟
وآآآآآآآآآه منك يابيرو وعلي اللي بتعمليه فينا
شفت اللي بتعمله وئام كان لي حق انني أكرهها
عدنا لعائلة الكاتب
أنا معجبة كتير بشخصية حمزة
هي دي الأخوات ولا بلاش
بس كان نفسي يغضب من خالد أكتر من كده
حتي لو هو متفق معاه انه لا يصلح لهمس بس يبقي كان من الأول مش يبين لها انه بيحبها
صدقت فعلا يا عبير انه ضعيف وانه لن يستطيع احتواء شخصية همس اللي زي العسل
شخصية روووووووووووووووووعة ومميزة
أنا معجبة جدا بيها وبقوتها
وأنا مش زعلانة خالص علي عبد الله
ليها حق ترفضه بس كنت أتمني انها مش كانت توافق علي الزواج من الأول
أخوها محمد حسيته واقعي عن شخصية حمزة أو أحمد
الاتنين شخصيتهم مثالية جدا
لكن شخصية محمد حسيت ان أنا شفتها قبل كده
عجبني جدا جدا المقلب اللي عملته همس في مها
وضحت فيه جانب من شخصية همس المرحة الطفولية الجميلة
بس أنا زعلانة منك يا عبير عشان مشهد لقاء مها ب حمزة
مهما كانت علاقتهم هم لسه ما تزوجوا واحنا في بيئة شرقية وده مش بيحصل
ليال
ايه الحيرة دي يا بيرو؟؟؟
من بين عصام وحسين ودلوقتي وسام
طيب البنت هتختار مين ولا مين
هي قمر أوي كده كل اللي يشوفها يقع علي طول ههههه
بس عايزة أسأل
ليه حمزة مش فسر لأخته عن سبب عدم موافقته من زواجها من خالد؟؟؟
خليها تنساه بقي وتستمر حياتها
الفصل كله كان جميل
من الأول للآخر وأنا ملتصقة بالشاشة
تسلم الأيادي الساحرة بجد

لسه بأتكلم
الفصل الخامس
همس في ألمانيا
أخيرا همس قابلت جو
وان بيرو تسيبنا نفرح باللقاء
لاااااااااااااااااااااااااااا
لازم تعكنن علينا
يعني ايه بقي بذمتك انها شعرت بالنفور؟؟؟؟
أنا أفهم الخوف والفزع لكن نفور لييييييييييييه؟؟
وبعدين خلتيهم يدخلوا في بعض شمال
آه منك يا عبير آآآآآآه
بس بجد عجبني أوي جزء اسمها
وهو ينطق بالحروف وكأنه يتلاعب بكل حرف حتي ينهكه
يا سلام علي تعبيراتك اللي مفيش زيها
بالنسبة ل ليال
هي عندها عقدة نفسي؟؟؟؟
كل الرجاله معجبين بيها ودي مش بتطيق حد
وسام مش يستاهل اللي هي عملته ده
زعلتيني
فصة بجد ابداع
في فكرتها وفي شخصياتها المتعددة المختلفة
في أسلوبك اللي بيزيدها جمال
كل حاجة سحر بجد
في انتظارك علي ناااااااااااااار
عارفه انني طولت عليكي بس من شدة اعجابي بكل كلمة بتكتبيها
يا ساحرتي