كاتب الموضوع :
Rehana
المنتدى :
الاقتراحات والطلبات والمواضيع الجانبية
رد: عشاق الروايات الرومانسية في ضيافتنا
اقتباس :-
المشاركة الأصلية كتبت بواسطة Rehana  |
-متى بدأت تقرأين الروايات الرومانسية؟
من زمااان
من وانا عندي يمكن 16 سنة
يعني بقى لي 7 سنين
- هل تذكرين اول رواية قرأتيها؟ وماهي؟
طبعا ودي حاجة تتنسي
كانت رواية بين السكون والعاصفة
كانت رواية قديمة عند خالتي الله يرحمها لأنها كانت بتحب النوع ده من الروايات لما كانت صغيرة ولما توفت خالتي, اخدت ماما أشيائها واحتفظت بيها عندنا وبعدها بكام سنة كنت بأدور فيهم لقيت الرواية دي ومش قادرة أقول لك كانت قديمة قد ايه
قراتها وعجبتني وبعدين بدأت أقرا النوع ده
- هل يوجد رواية معينة ترغبين بقرائتها ولم يكن الوقت يساعدك؟
ان كان عليا عايزة أقرأ روايات كتييييييييير كل الروايات عايزة أقراها لكن دايما الوقت مش بيساعدني
وخصوصا أيام الثانوية العامة
- هل تبحثين عن رواية معينة ولم تجديها حتى الآن؟
كان فيه رواية قرأتها مرة وانا في الكلية مع واحدة صاحبتي ولكن ما كملتهاش ونسيت اسمها تماما
فاكرة عنها كل حاجة لكن ناسية اسمها ومش عارفة ألاقيها
وكل فترة وفترة أقعد احاول واغير في كلمات البحث
لكن بدون أمل
- من تحبين من الكاتبات لروايات الرومانسية؟
فيوليت وينسبير حبيتها جداااا بعد أول رواية قرأتها لها
كانت رواية شهر عسل مر وبعدها بقيت ادور على كل رواياتها ولما خلصت العربي قرأت كل رواياتها بالانجليزي وكمان جيسيكا ستيل باحبها جداااا ولين غراهام كمان وان كان معظم رواياتها اللي قراتها بالانجليزي
وكنت حبيت برضو عدد من روايات آن ميثر
وحبيت كاي ثورب وروبرتا لي
- من أي دار نشر تحبين القراءة منها؟
مش يفرق معايا نهائي
انا ماعرفتش عن دور النشر دي الا مؤخرا
انا الرواية اللي تعجبني ملخصها بأقرأها
- هل لديك مكتبة خاصة لروايتك؟ اذا لديك اذكري بعضاً منها؟
انا عندي مكتبة ضخمة جدااااااااااا
انا باحاول احتفظ بكل الروايات اللي بأشتريها وحتى الروايات اللي بأنزلها على الكمبيوتر برضو بأحتفظ بيها
أنا الروايات عندي اكتر من كتبي الدراسية ههههههه
بعضا منها ؟؟؟؟
أنا هأقول لك شوية صغيرين عشان لو قلت لك كل اللي عندي هنقعد لبكرة ههههههه
عندي اميرة الخيال , لن أكون لعبتك , دقات على باب القدر, غرقت في بحر الشوق ,الشريدة ,شهر عسل مر, لم أعد طفلة , الهدية ,صديقان وشيء ما ,رجل المواقف ,الحب لعبة ,وانتصر الحب أخيرا,زهرة الثلج , حبيبتي كاذبة , ضائعة في الحب , امرأة للبيع ,السر الدفين , لن أحترق بنارك ,رماد الحب , حلم ضاع من يدي ,غلبها الحب ,دموع الورد
كفاية كده دول
- في ليلاس هناك روايات مصورة ومكتوبة ، فايا منهم تحبين؟ ولماذا؟
زمان كنت بأحب الاتنين عادي
لكن دلوقتي النت بقى مستفز وما أقدر أقرا الروايات المصورة وبقيت باحب اوي الروايات المكتوبة
-هل تعرفت على منتديات ليلاس من خلال الروايات؟ اذا كان كذلك اذكري لنا قصة تعرفك؟
أيوة تعرفت على ليلاس من خلال الروايات
لكن الحقيقة مش عشان الروايات العربي
انا كنت باشتري دايما الروايات وكنت فاكرة ان مفيش ناس كتير بتقرأها هههههههه
لكن كان فيه رواية وأظن انها شهر عسل مر لكن مش متاكدة بالضبط وحبيت أقراها بالانجليزي وجيت أعمل بحث عن اسمها بالانجليزي اول اسم كان ليلاس
دخلت ولكن كان لازم الواحد يسجل عشان نحمل الرواية فزعلت منه وكرهته أوي ومش رضيت أسجل لكن كل ما ادور على اسم رواية بالانجليزي كان دايما بيطلع لي ليلاس في الأول
قلت مابدهاش هأسجل وخلاص وبعد ما حملت عدد كبير من الروايات الانجليزي قلت اعمل جولة في المنتدى وماتتصوريش مفاجاتي لما لقيت أقسام كاملة عن الروايات اللي باحبها ومن ساعتها ما خرجتش
حتى هو المنتدى الوحيد اللي سجلت فيه
- هل فكرت بتنزيل رواية سواء كانت مصورة اومكتوبة في ليلاس؟
انا كان نفسي أنزل رواية مصورة لكن للأسف مش باعرف الطريقة
وما لقيت حل غير انني انزل روايات مكتوبة
لأنني بجد كنت حبيت ليلاس والعضاء وكنت عايزة أشارك فيه باي شكل
وبعدين تطورت وبقيت بانزل مواضيع في قسم المرأة والزينة وبعدين كنت قرأت رواية بالانجليزي وحبيتها وقلت أعرض عليكوا اترجمها
فاكرة يا ريحانتي؟؟
كنت خايفة كتييييير لتقولي ان ترجمتي وحشة او مش انفع او حاجة تحبطني لكن انتي كنت زي العسسسل ودلتيني على قسم الترجمة
- هل في عائلتك من يعشق الرويات الرومانسية؟
لا نهائي
ماما بتقول لي ان خالتي الله يرحمها كانت بتحبهم وهي صغيرة بس أما كبرت عقلت وهي مش عارفة انا لسه ماعقلتش ليه لحد دلوقتي هههههههه
-هل تفضلين ان تكون روايتك بين يديك او تقرأيها على الجهاز؟
انا في البداية كنت احب أوي أقرا الرواية ككتاب لكن بعد كده تأقلمت على القراءة من على الكمبيوتر خصوصا بسبب أقسام عبير الأحلام والرومانسيات العربية عشان مش ليهم كتب أشتريها لكن لو هيخيروني ان كل الروايات يجيبوها لي كتاب ولا على الكمبيوتر هاختار الكتاب .
- هل تقرأين الروايات من خلال الجوال؟
لا دي لسه ماتأقلمتش عليها
حاولت فترة لكن ما قدرت وما استمتعت بيها
- ماهي اول رواية قرأتيها في ليلاس و آخر رواية؟
اول رواية عربي كانت أظن عمري بين يديك بس مش متأكدة
وصعب أقول لك آخر رواية لأنني لسه بأقرأ بس اظن ان آخر واحدة كانت لماذا تبعديني عنك
ده غير روايات عبير الأحلام ورومانسيات عربية
- متى تحبين القراءة ؟
بالليل
بأحس انني خلصت كل اللي عليا وعايزة أقعد أستمتع كده ههههه
ولما يكون مزاجي رايق ومش ورايا حاجة
لكن لما اكون مضايقة ما احب أقرأ
- هل تعرفت على اعضاء عاشقين للروايات رومانسية؟ اذا كانت الاجابة بنعم اذكريهم؟
ياااااه
من اكتر الحاجات اللي حببتني ب ليلاس هو وجود ناس كتيييير زيي لأنني كنت باحس انني غريبة اوي في البيت ههه
أول واحدة تعرفت عليها كانت حسن الخلق في مسابقة عن عبير وأحلام وبعدين بنات كتيييير زي وردة من الماس و اعتمادات للاسف دول مش عادوا بيدخلوا دلوقتي
وبعدين دخلت روايات عبير الأحلام وتعرفت على بنات كتييييييييييير وكتيييييييير
- هل لديك اصدقاء خارج ليلاس عاشقين لروايات الرومانسية؟
كان عندي
انا كنت الأول في كلية بعيدة عن البيت وكنت في مدينة جامعية وهناك لقيت مجموعة بتحب روايات عبير واحلام زيي وكنا بنقعد نتبادل الروايات لكن بعد كده انا نقلت كلية تانية وبقيت لوحدي
- اذكري 10 روايات او خمس روايات نالوا اعجابك لدرجة رغبتك بقرائتهم من جديد؟
بين السكون الوعاصفة - بس ده لسبب عاطفي اكتر من اعجابي بيها هههه
دليلة
الشريدة
اسوار الذهب
سلسلة توايلايت
دمية وراء القضبان
حبيبتي كاذبة
رحلة الى السراب
حمراء الشعر
رجل المواقف
الأمان في الحب
خلف أسوار الذكريات
النجوم البعيدة
بقايا همس
سيجوفيا موطن احلامي وأشجاني
- هل أنت راضية عن اقسام الروايات الرومانسية؟
جداااااااااا
واتمنى انها تزيد وتزيد وتزيد
حابة انها فيها جميع الأنواع وحبيت فيها التواصل بين الأعضاء
- هل لديك كلمة توجيهة لليلاس وعشاق الروايات الرومانسية؟
شكرااااا
في ليلاس حسيت انني جزء من شيء كبير وجميل وحسيت بالتواصل
- ماهو رأيك بالموضوع؟
كبييييييييير ههههه
انا شخصيا عجبني جداااا
وحلوة الأسئلة كتير
|
يسلموووووا ريحانتي على التوريطة دي
من زمان ما تورطت هههه
انا حبيت جدا الأسئلة وفكرتوني بايام جميلة
ياريت بس ما اكون زهقتكم باجاباتي الطويلة
مووووووووووواه
|
27-12-12, 10:42 PM
جديد مواضيع قسم الاقتراحات والطلبات والمواضيع الجانبية
العرض العادي
