المنتدى :
الحلويات
كيكة البرتقال على طريقتي
الســلام عليكم ورحمة الله وبركاته
.
....
حيا الله الجميع
اليوم جايبه لكم طريقة كيكة برتقال ماعمري ذقت كيكة برتقال بلذاذتها وطرواتها
اكيد بتقولون وش فيها زود طريقتك
هي بسيطه وفيها اضافه حلوه تميزها
هالطريقة تنفع تسوينها كب كيك او صينيه كامله او مفتوحه من الوسط تطلع لذيذه بكل حالاتها ونكهة البرتقال فيها معتدله وتفتح النفس
ندخل على المقادير :
/ كأس دقيق منخول
1/كيس كريم كراميل [ هي هذ الاضافه اللي تميز الكيكه ]
1/ ملعقة كبيرة بيكنج باودر
ربع ملعقة صغيره خميرة فوريه
رشة ملح
4/ بيضات
1/كاس سكر
برتقالتين
بشر برتقاله
نص كأس زيت
ملعقه صغيره فانيليا
نأخذ المقادير الــ 5 الاولى ونخلطها مع بعض
بعدين نسخن الفرن على درجة 180 لمدة ربع ساعه
نبدأ نبشر برتقاله ونخفق البيض مع بشر البرتقال والفانيليا الى ان ينفش
بعدها نضيف السكر
ثم الزيت
بعد كذا نعصر البرتقالتين ونحطهم بالكوب ونزيد ماء الى ان يصير كوب كامل
ونبدأ نضيفه بالتناوب مع خليط الدقيق حتى نحصل على خليط قوامه مثل الصوره ونصبه في صينية
ندخلها الفرن ونتركها حتى تنضج اخذت معي 45 دقيقه
وهذي بعد ماخلصت وقطعتها لكم
سامحوني ماجملتها لاني كنت طالعه لاستراحه وعلى عجل
ان شاء الله تضيف لكم هالوصفه شيء جديد وتجربوها وتعجبكم
حبي ومودتي لكم
|
21-05-11, 06:07 AM
جديد مواضيع قسم الحلويات
العرض الشجري
