دخلت وولدها بيدها لقت نوف واقفه قدام المريه وتمشط شعرها دخلت من غير ماتتكلم ولا كلمه نزلت المشط من يدها ولمت شعرها واستدارت لها بعد ماحطت ولدها على الاراض وجلست عنده وهي تحرك اللعبه قدامه رمقتها بعين غضبا نه .. الحين صرنا لحالنا تكلمي
مازالت تناظر لولدها .. وش اقول ؟؟
بعد ماكانت جالسه نص جلسه .. ساره لاتسوين نفسك غبيه لاني اعرفك اكثر من نفسي قولي وش الي صار بينك وبين نايف خلاك بهالحاله
تكلمت بحزم علها تتركها بحالها ,, ماصار شي واظن اذا صار يحق لي احتفظ فيه لنفسي
.. لا مايحق لك
مطت شفتها وخزتها بحراره .. وليش ان شالله
او مئت باصبعها .. لانك ماانتي راضيه تشيليني من تفكيرك وحاطتني عقبه بينك وبين زوجك
صارت عيونها على استعداد تنهمر منها الدموع بسرعه .. لاتقولين زوجك ماحب اسمع هالكلمه
.. بس هذي الحقيقه نايــــــ ــــف زوجــــ ك رضيتي ولا مارضيتي
.. نوف انا ماقدر اتكلم اتركيني ساكته على الي بقلبي
رحمتها وحست فيها ..طيب قولي لي هو زعلك
تتابعت شهقاتها .. لااااا
..طيب ليش البارح متضايقه ؟؟
حطت ظهرها على السرير الي وراها وقعدت تاكل باظافرها ولاردت لكن نوف حاولت تلمس الجرح .. متضايقه لانه سافر ؟؟؟؟؟؟؟؟؟؟؟؟
ابعدت اصبعهاعن شفايفها ..ليش تقولين كذا ؟؟
.. لان حالتك البارح تقول ان وراك شي
..ومالقيتي الا هالتفسير
.. مافي غيره
.. نوف انا ماعاد اقدر افكر احس روحي بتطلع ودي ارتاح من هالعذاب
..طيب ارتاحي ن ماسكك انتي الي معذبه نفسك
..انا ماقدر اعيش مع واحد كنتي تفكرين فيه وبعدين لاتنسين انه اخو نواف
.. ياساره فكري بعقلك نواف الله يرحمه وانتي ماراح تقعدين من غير زواج وانا الف مره قلت لك انا ماعدت افكر فيه نايف ذكرى راحت بحالها واذا انتي ماانتي متاكده من هالشي ماانتي اختي الي اعرفها
بيحت سدها بعد كلام نوف وبدت تسرد الي داخلها كانها تنقش شوك من صدرها .. قالي لازام نشوف حل لحياتنا وطلب مني افكر
.. معاه حق الرجال طلع يفهم اكثر منك
نزلت يديها بحضنها وقعدت تفركهم ببعض .. واعتذر مني
بصدق فرحت لانها هالمره ماغطت محاسنه بعيوب مختلقتها عليه .. معناه انه يبي يبدا حياه جديده
.. بس انا متصاعبه الموضوع
.. صدقيني ماانتي احسن من ظروفه لايغرك انه رجال انتي اكثر وحده تعرفين وش كثر يحب اخوه لكن هذا النصيب لا ارادتك ولا ارادته هذي مشيئة رب العالمين وانتي مؤمنه وتعرفين ان الانسان ماله الانصيبه
هزت راسها بتأمل ..النصيب الي فرق بينك وبينه النصيب الي جمعني فيه النصيب الي خل زوج لطيفه يتزوج حبيبة ناصر
..طبعا موكل شي نتمناه ناخذه المهم وش ربي يكتب لنا انا لو كنت ادري ان ناصر راح يكون بيوم من الايام كل شي بحياتي ماكنت بكيت يوم تزوجته وانتي ياساره وفقي هالعذاب وافتحي يدك للحياه وعيشي وارضي بالي انكتب لك صدقيني راح ترتاحين احنا دايم اكثر شي يعذبنا اعترضنا
..آآآآآآآآآآه يانوف تعبت تعبت
حطت يدها على راسها .. سلامتك من التعب ارمي كل شي ورا ظهري واهتمي بنفسك وبولدك
..تظنين اقدر اعيش معاه
.. ساره انتي تشوفين انه ماينعاش معاه
حطت راسها بالاراض .. ببداية حياتي معاه لكن الحين بجد حسيته تغير مع اني احسه يتصرف بطبيعته
.. هذا المطلوب واعتبري الي شفتوه بدايه زي أي بدايه تكون صعبه لكن مع الوقت كل شي يصير سهل

لمست نوف الجرح الملتهب وضغطت عليه لين اوقفت النزف ساره صارت تفكر بشئ من الجديه بحياتها معاه ونهاية عذابهم
.................................................. .

بعد ثلاث ايام

سافر فهد وامه وبقت نوف وساره
نايف من بعد لقاءه بساره قطع أي اتصال
ابو سلمان اليوم اوبكره راح يطلع من المستشفى ناصر يومين ويرجع ياخذ نوف

جاهزين للزياره ونوف متمدده جنب امها وهي تحس بألم بظهرها
..اخ يمه ظهري يعورني
..سلامات وش فيك يايمه
.. مدري من قمت الصبح احسه بينكسر
.. اجل لاتروحين لابوك اذا كنتي تعبانه واذا ارجعوا خلي سلمان يوديك للمستشفى
..من هنا لين رجعتهم اذا ماخف راح اروح
طلعت ساره للصاله لقتها متمدده .. نايمه انتي ووجهك وسلمان برى يستنانا
.. اتركيها اختك تعبانه وماتقدر تروح
تغيرت ملامحها .. خير وش فيها ؟؟
..بلا كثر اسئله مو تقولين سلمان برى روحي له قبل يمشي ويخليك
مشت بسرعه ..اوه الواحد مايقدر يسئل
حركت نوف يدها ..اقول روحي بس بلا هذره زايده

.................................................. ............

قربت لباب غرفته حست بشي من الخوف ونفضه بجسمها في شي اربكها وغيرها تنفست بعمق قبل يفتح سلمان الباب ويلتفت بسرعه لها هي ونوره .. خليك يانوره نايف هنا ؟؟؟؟؟؟


البـــــــــــــــ الاخــــــــــير ـــــارت
عمــــري زهر بس للأســف صار ذبلاااان
وكــــل البحــور بكبرهــاا ماسقتــــني








قربت لباب غرفته حست بشي من الخوف ونفضه بجسمها في شي اربكها وغيرها تنفست بعمق قبل يفتح سلمان الباب ويلتفت بسرعه لها هي ونوره .. خليك يانوره نايف هنا
وقفت مبهوته من الي سمعته رجعت نوره لكراسي الانتظار وهي واقفه بمكانها .. ليش واقفه انتي ادخلي!!
>> اخر شي توقعته انها تلقاه عند ابوها ماقدرت تنكر بنفسها استغرابها من انقطاعه طرى على بالها انه راح ياخذها الحين مالها عذر راح ترجع معه غصبا عنها ابوها راح يطلع من المستشفى خيارها الثاني ترفض الرجعه وتنهي كل شي لقت نفسها واقفه وخاضعه لنظراته المتفحصه كشفت الغطا عن وجهها .. السلام عليكم
كان رده ورد ابو سلمان واحد .. وعليكم السلام
وهي مبتعده عن مكانهم اشر لها على مكانه .. تعالي يابنتي اجلسي عندي >>قربت بخطوات متباطئه لين وصلت لاابوها وجلست معه بنفس السرير .. وشلونك اليوم يبه
.. الحمدلله والدكتور يقول ان شالله بكره اطلع
نايف كان ساكت مافي مجال للكلام >يمكن لو كانوا بغير وضعهم كان سلمت عليه لكن الي صار بينهم خنق أي تعبير حتى الفرح والحزن ماقدر يحدد هل فرحت ولا زعلت لانها شافته كان ابو سلمان يسولف مع ولده وهم كل واحد منزل راسه للاراض وسارح لين تكلم ابو سلمان .. وان شالله مطول عندنا يانايف
تنحنح وعدل جلسته .. لاوالله ياابو سلمان انا فضيت نفسي حوالي اسبوعين راح اروح لجده لان ابوي يبي يشوف متعب وبعد بكره راح نسافر
.. حقه ياولدي بس الله يهداه مدري وش حاده على هالبعد
قعدت تحرك براسها الي سمعته هل فعلا هذي رغبة ابوه ولارغبته هو احتارت فيه
.. خلاص هو تعود على المكان والناس بس يمكن يجبرونه اخواني ماراح يقعد هناك وهم هنا عارف بدر تخرج وتقريبا حصل وظيفه ومها راح تتزوج وتجي بعد والدور على الباقين
.. الله يجمع الشمل غربتنا اشغالنا عن ديرتنا
مارد سلمان وظل محتفظ بالي عنده لين يأكده اما ساره فكانت تستمع لكلامه الي فيه هيبه لصوته لتفاصيل لاول مره تحاول تدقق فيها وقف بعد مده .. انا استئذن ودي اروح ارتاح تروحين معي
رفعت راسها بسرعه .. وين ؟؟
.. انزلك لبيت ابوك واروح للفندق
بلعت ريقها ونطقت بصعوبه تحسه ينتظر منها الاجابه .. لا راح اروح مع سلمان >> خافت من مواجهه ثانيه ونقاش يزيد عليها
..براحتك >> وطلع من عندهم وهي سارحه بهالانسان الجديد الي اول مره تعرفه وتكتشف الجانب الثاني منه دخلت نوره ووهي ماكانت معهم متلخبطه احاسيها شعور غريب يكتسحها لين رجعوا للبيت دخلت للغرفه بعيده ان أي نظره او كلمه او استفسار عرفت نفسها تتلخبط من القاء بينهم
كانت تهرب من أي كلمه يمكن تبي القرار يكون نابع من داخلها بدون اقناع اوضغط من احد

ويوم جديد تبع الي قبله الكل استقر باحساسه الا ساره الى الان تصارع نفسها وتجاهد حيرتها وعقلها يأيد قلبها لكن شي من خارجها ينهاها


نحن ضحايا الايام نحن من ترى قوتها من خلالنا


اليوم الي انتظره الجميع
استرد البيت روحه زغردت لحضوره الجدران ابتهجت ارضه وزهت بخطواته عليها
جلس بينهم يشوف الشوق له بعيونهم الضاحكه .. نورالبيت برجعتك ياابو سلمان "الحمدلله على سلامتك
..الله يسلمك "البيت منور فيكم
جلست نوف ملاصقه له .. اقول يبه هذا كأنه غزل
اخذت قطعه من الحلا قدامها ودقعتها بفمها بسرعه .. خليهم مشتاقين لبعض
سحب سلمان صحن الحلا وابعده .. بس راح تفنجرين من كثر مااكلتي
نهته امه .. سلمان وش فيك على اختك ماصارت قطعة حلا الي اكلتها
.. يمه الله يهداك بيذبحها الاكل
..مالك شغل انت ماتقدر غير على
حب ابوها ينغزها بكلمه .. عشان تعرفين قيمة نايف
وقفت الاكل بحلقها عجزت تبلعها اخذت فنجان القهوه بسرعه علها تنزل نطت بسرعه قبل يجي كلام ثاني لكن سمعت سؤال ابوها .. باي وقت راح تسافرون
بلعت ريقها ماتدري وش سبب تغيير حالها من ذكره .. مدري ماقال لي
قالت كلامها وراحت ولحقتها نوف دخلت الغرفه وجوالها يدق طبعا توقعت اتصاله او احساس عندها انه هو توقعها طلع صح قعدت لحظات تناظر للرقم وجامده بدون حراك مسكت نوف الجوال وشافت الرقم لكن لانه بدون اسم سئلتها .. تعرفينه ؟؟
عيونها صارت تروح وتجي بالمكان واخيرا ثبتت على اختها .. هذا هو"""
.. ردي عليه ياساره يمكن يبي شي ضروي
تهدج صوتها وارتجف فكها .. خايفه يانوف خايفه
ارتفع صوتها بعد مانقطع صوت الجوال .. لا انتي اكيد ماانتي صاحيه وش الي يخوفك راح ياكلك يعني
ارتمت على الكرسي .. ياناس فاهموني
حطت وجهها بوجهها ويديها على جوانب الكرسي .. انا فاهمتك زين انتي داخلك شي خايفه انه يصير تشجعي ياساره ربك بيرحمك وانتي ماتبين ترحمين نفسك
عيونها تبرق بلمعة دموعها الي وقفت بمحاجرها .. وش قصدك
.. قصدي انك ماانتي لاقيه لنفسك مبرر ترفضينه بس مصره على تفكيرك الغبي
اشرت على نفسها .. انا غبيه يانوف !!
.. أي غبيه اجل وش تسمين تصرفاتك تعترضين على القسمه وضعيفه لان دموعك الي تعزينها تنزل على شي مايسوى
.. انتي تشوفينه مايسوى اني اعيش مع نايف بالذات
.. نايف رجال مثل غيره ويمكن من خيارهم والحين صار زوجك قمة الغبا انك تضيعينه >>مرت عليها ذكرى بعدها عن ناصر ولان صوتها .. اسئليني ياساره انا ماراح اغشك
مسكت يدها تستعين فيها على القومه .. خلاص اذا اتصل راح ارد عليه
مازالت بذكرياتها .. سبحان الله ياساره كأن الزمن يعيد نفسه بيوم من الايام تحاولين تقنعيني اتقبل وضعي واليوم انقلبت الادوار >>
ابتسمت كأن داخلها شي شع بومضه حلوه من ذكرى اختها كل شي يتغير والايام تمضي وتغير اشياء فينا
انتفضت من صوت جوالها .. هذا نايف
جلست وحطت رجل على رجل .. عارفه من بيدق عليك غيره ردي عليه
ضغطت الجوال بين ايديها برهه وبعدين تجراء اصبعها وضغطت زر الرد وردت .. هلا
فز لانه ما توقع انها اترد .. السلام عليكم
زمت حواجبها كانها خايفه من خبر ينزل عليها .. وعليكم السلام
دخل معها بالموضوع مباشره .. تجهزي بعد العصر راح امر اخذك
مصر على مواجهتها وهي حذره منها او ماعندها قدره خلاص تخشى قربه وتربكها نظرته.. ووين ؟؟
اعتقد انها راح ترفض اذا عرفت الوجهه الي راح ياخذها لها .. مشوار ساعتين وراجعين لاتخافين
يمكن كلمته خوفتها زياده وحست عنده نيه تخافها .. يعني ضرررروي
..اكيد ضروري
ماعندها الا حل واحد ونوف تراقب تعابير وجهها الي تنشد وتلين .. خـــ لاص استناك
..طيب بعد العصر امرك سلام
..سلام
قبل تقطع الخط بينها وبينه ..ااا لحظه خلي متعب لاتاخذينه
ردت مثل الطفل المطيع تبي تخلص المكالمه وتخلي جهدها للمواجهه .. طيب

انتهى بينهم الكلام وسكرت التلفون واخذت نفس وصدت لنوف وقبل تسئل نوف .. تتوقعين وين بيوديني !!
..ليه هو راح ياخذك
جلست على الارض على السجاده بنص الغرفه رجولها ينتفضن .. يقول تجهزي بعد العصر باخذك مشوار
..وانتي ليش خايفه
.. مااني خايفه بس ماني مستعده لنقاش مثل نقاش ذاك اليوم
.. انتم لازام تتناقشون لين تستقرون على حل
.. نوف صدق انتي ودك اني اعيش معاه
وقفت وهي تعرف مغزاها من هالسؤال .. افــــــا ياسويره تشكين بحبي لك
مشت لها بسرعه .. لا يانوف انا عارفه حبك لي بس ...
حطت يدها على فمها .. لابس ولاشي خليك من هالكلام الي لايودي ولايجيب واسمعي اذا سمعته منك راح ازعل عليك واذا كنتي تحبيني فكري بحياتك واذا تشوفين نايف مافيه عيب كملي حياتك معه ساره ترى والله مليت من كثر ماعدت لك الكلام

...............................................

في خلوه مع الغوايه واتباع للشيطان بغرفتها مافي عين تشوفها ولا اذن تسمعها نست من لايسهو ولاينام "همست بصوت هادي .. الحين !!
سكتت تسمع كلام الطرف الثاني خافت من الفكره فكره مجنونها لكن مقابلها مغري مبلغ ممكن يجيب لها اشياء كثيره تتمنى تمتلكها ردت عليه .. طيب خلها بالليل
رد عليها يقنعها تسمعه وفعلابدا الكلام يدخل راسها فعلا عطله والناس نايمه وقت الصباح انسب وقت ممكن تتسحب فيه ومااحد يحس فيها
.. خلاص بس مو اليوم خلها بكره
ابتسمت وهي تسمع اجمل كلمات الغزل الي حرمت عليها اصطنعت الخجل وهو الي مايعرفها ولاتعرفه .. تسلم حبيبي اوكي على اتفاقنا بكره >>
اخيرا بدت تلقى مورد تغتني من وراه زين لها الشيطان طريقها ماراح اخسر شي بالعكس راح اربح واذا فكرت بيوم اتزوج ماراح اخاف لاني مطلقه ؟؟؟؟؟؟؟؟؟؟؟؟؟



.................................................. ...

.. خلصتوا من تجهيز الغرفه؟؟
نزلت كم جلابيتها على ذراعها ام بدر افرحها وجود نايف بين اخوانه ماكانت سيئه من الاول لكن موت نواف غير فيها اشياء واشياء مشت متوجهه يمه ..اي ياابو نايف خلصنا جهزنا كل شي حتى سرير متعب وخليت مها تبخر الغرفه
لف لها وهي تجلس بجنبه ..الله يعطيك العافيه
.. الله يعافيك بس وش طرى هالفكره عليكم
..والله نايف ا تصل فيني وقال انه بيجي يجلس عندنا اسبوعين
.. زين ماسوى والله نايف له وحشه وبالمره نشوف متعب الي ماشفناه ابد
.. الله يجيبهم بالسلامه " مها تجهزت
.. تقول لين تجي ساره وتروح معها
.. بس ساره راح تجلس اسبوعين وماظن انها تكفيها
.. مادامت عندها تساعدها واذا رجعت الله يسهل عليها بس ياابو نايف ماكأن شهر ونص ماتكفي للتجهيز
.. تكفي ياام بدر الرجال صبر عليها ماقصر مانبي نزودها معه
.. صادق والله رايته بيضا فهد له وقفات ماتنسي
.. الله يوفقهم

.................................................. .....................................

واستسلمت نفسي وقالت توبه !!
والوقت خلاني اعيد حسابه


لابسه وتنتظر بسرعه ردت على جوالها بعد مكالمه مااستغرقت ثواني ..اطلعي انا عند الباب
.. طالعه
طلعت وركبت بدون كلام سوى الركبه الي يشترك فيها الاثنين حرك ومشى ولاتدري وين
جنبه كان يحاول يلاحظ أي شي عليها لكن على غير عادتها ساكنها مو واضحه عليها خوف حتى انفاسها الي يوصله صوتها كانت مستقره هاديه تدل على هدؤ نفسها وطول الطريق وهو يتوقع تسئله عن وين رايحين لكن خيبت ظنه وصل لمكانه الي يقصده انتبهت انه فتح الباب ونزل ولا تكلم .. انزل !!
نزل راسه للشباك ..اي انزلي
عرفت المكان بس ماتدري ليش جايبها مشت وراه لين صار بنص السوق عند اول محل ملابس حالفه اشر لها عليه ..ادخلي>> دخلت وقفت ماتدري كيف تبدا عرفت انه يبيها تشتري لنفسها ملابس .. يالله اختاري الي يعجبك
..بس انا ماطلبت منك
.. انتي ماطلبتي بس قلتي انك محتاجه اغراض وانا ماخليتك تشترين
.. بس فلوسي بالبيت
حرك يده باستفهام .. أي فلوس
لفت عنه ومسكت فستان لونه اسود معروض وراها ..الفلوس الي عطاني اياه ابوك " مهري
..مهرك !!مومشكله خليه بعدين الحين خوذي الي تبين بسرعه
استدارت ماهي عارفه منين تبدا او ش تشتري قربه لخبطها .. ماشفت شي يعجبني
استغرب منها متوتره تدور على نفسها عيونها ماتركز بالملابس حواليها .. انا طالع لين تخلصين >> اشر على الفستان الي مسكته اول مادخلت .. اذا تبين هذا دوري لون غير الاسود >>
استراحت وهو يطلع فعلا فتحت عيونها على كل شي في المحل اشترت لكن موكل الي تبيه كان يدخل المحلات وهي تتبعه كل شي يتوقع انها تحتاجه لكن ماكانت تاخذ كل شي كانت تشتري بس تادية عمل حتى محلات الاطفال كان هو الي يشتري كل شي مضى مشوارهم سريع قرر مايطمع باكثر من كذا يمكن قبل كم يوم ماكانت راحت لو يسحبها تقدم كونها تطلع معه كانت تتعامل برسميه لكن احسن من التعامل بعدوانيه


.................................................. .................................................. ..

دارت بالغرفه وحضنت نفسها كأنها تحضن الي يسكن فيها ..ماني مصدقه يانوره اخيرا
فرحت من فرحتها وجلستها وجلست معها .. وليش ماانتي مصدقه قولي الحمدلله
رفعت كفها ونظرها للسماء .. اللهم لك الحمد والشكر
.. مدري وش بتسوي ساره بس تدري
تنفست بسرعه .. اكيد بتفرح " بس ناصر دقيت عليه مايرد
.. المفروض تقولين لخالتك
.. والله صادقه الفرحه نستني عطيني جوالي اكلمها وبعدين اكلم ساره مااقدر استنى لين ترجع
اخذت الجوال من جنبها وعطتها اياه .. انتي كلمي ام ناصر واتركي لي ساره
.. اوكي




.................................................. ........

بعد ماخلص بعض شغله نزل لامه وابوه تحت كلمته امه .. متى راح تجيب نوف ؟؟
.. يمكن بكره ان شالله اروح اجيبها
تكلم ابوناصر يسئله .. وشلون ابو سلمان
.. الحمدلله تحسن وطلع من المستشفى
رفعت ام ناصر جوالها وابتسمت .. الطيب عند ذكره " الــو
كانت تتنفس بسرعه .. هلا خالتي وشلونك
.. هلابك يايمه الحمدلله بخير انتي وشلونك وشلون اهلك
.. الحمدلله بخير
.. زين الحمدلله "بس وش فيه صوت يرتجف انتي تعبانه
.. لالا ياخاله مافيني الا العافيه
.. اجل وش فيك ؟؟
ناصر كان يتابع المكالمه ومستغرب ماتدري كيف تقول .. خالتي ناصر عندك ؟؟
.. أي عندي وش فيك تبين شي
.. طيب ليش مايرد على جواله
ابعدت الجوال عن فمها وسئلته .. نوف تقول انك ماترد على جوالك
عقد حواجبه وتحسس جيوبه .. الظاهر ناسيه فوق " ليش وش عندها
رجعت لنوف .. يقول ناسيه فوق " وش فيك يانوف صوتك ماهو طبيعي
.. صدقيني ياخاله مافيني شي بس من الفرحه
ابتسمت ام ناصر ابتسامه مجهوله تنتظر نوف تكمل .. خاله اليوم انا رحت للمستشفى >> ام ناصر كانت تستناها تكمل وقلبها يرقع بقوه .. وقالت لي الدكتوره اني حامل >> بدون شعور منها شهقت ووقفت تحس قلبها وقف من الفرحه وصارت يدها ترتجف .. صدق والله يانوف ترى قلبي مايتحمل
.. أي ياخاله كنت شاكه والدكتوره اكدت لي
كان ناصر وابوه جالسين ورافعين ارقابهم لها وينتظرون كلمه يفهمون منها السالفه لكن ام ناصر ما بينت لهم شي لين سكرت الجوال وجلست
سبق ابو ناصر .. وش فيك ياام ناصر وش فيها البنت
.. اصبر خلني اخذ نفس
.. تاخذين نفس !تركضين انتي ؟؟ قولي وش فيك وقفتي قلوبنا
.. نوف يابو ناصر نوف
.. يابنت الحلال تكلمي عارف انك تكلمين نوف وش فيها
قبل تقول كلمتها ناصر كان قابض الكنب بيده ويتمنى تخلص هالسالفه وتتكلم .. نوف حامل
كلمه ماقدر على غيرهامن كثر فرحته ..صدق يمه !!
.. صدق ياوليدي اخيرا راح اشوف عيالك الف مبروك
.. الله يبارك فيك يمه
ابو ناصر بردته الفرحه ولاانتبه انه ساكت لين باركت له ام ناصر .. الله يبارك فيك " متاكده ياام ناصر
.. وش فيكم تبوني اكذب نفسي قوم ياناصر كلمها وتاكد وريح ابوك
مارد راح يركض على الدرج وتركهم يهنون نفوسهم

.................................................. ...................................

.. هاه تجهزتي ؟؟
.. لاوالله استنى لبكره راح تجي ساره عشان اسحبها معي
.. يعني نايف راح يجيكم
.. أي بكره " بس ماادري راح يكفيني الوقت
.. ياحبيبتي انتي ماشالله عليك جاهزه ماينقصك غيري انا راضي فيك كذا بس انا خليت لك شهر ونص عشان مايقولون مشفوح
..ههههههه والله انك فاضي " انت الحين وش قاعد تسوي
.. ابد والله انا ماعندي شي اسويه غرفتي وهالعجوز كل يوم طاري على بالها سالفه وجارتني وراها للسوق
.. عاد هذي امك لازام ترضيها
..اكيد يامها امي لو تطلب عيوني مااقول لا
.. اول مره احس انك تتكلم بجديه
.. الا امي مافيها مزح
.. فهد ترى اغار
ضحك عليها .. لاعاد انتي شي ثاني
.. تسلم بس لاتصدق انا لايمكن ازعل من اهتمامك باامك
.. مشكوره حبيبتي " يالله امي تناديني طول اليوم جالسه لحالها اكيد خطرت ببالها فكره جديده
..اوكي سلم عليها
.................................................. .............................


أحسب السالفه ‘‘ نظرهـ ’’ و احسب ان الغرام ’’ اعجاب ‘‘
........................ الين ان صرت بـ غ ــيآبـهـ / اضيق بـ داخل ثيابي






خلصت تسوق واخذها يشربون شي وهو يدري اان مالها رغبه لكن صار يستمتع بالوقت الي يجلس معها ويكتشف خفاياها الي اعماه عنها الحزن والانتقام حطت اغراضها على الاراض وجلست ساكته تفرك عيونها تحس بشوية صداع .. ساره اذا محتاجه شي احنا ماطلعنا اشتري الي تبين
ابعدت يديها عن عيونها .. انا ماكنت ابي شي من الاساس كثر الله خيرك ماقصرت
ضايقته باسلوبها مايبي يحس انه يسوي شي مو لازام يسويه وهالرسميه باسلوبها بنت حواجز كثيره تمنعه من الوصول لها قبل يناقشها بطريقتها قرر يكتسبها .. ها فكرتي بالي قلت لك !!
.. انا من زمان مفكره فيه بس كل مافكر بطريقه القى نهايتها مسدوده مادري وش هي
ناظر لها ببرود .. وش الطرق الي فكرتي فيها
.. اني اعيش واربطك فيني ولا اتركك افتح على نفسي باب انت تعرفه
طبعا فهم قصدها .. يعني تخافين تنغصبين على واحد غيري
.. هذا انت فاهم " الحل الوحيد انك تتركني زي ماانا وتتزوج الله يوفقك
قرب جسمه منها وحط يديه على الطاوله ..مافكرتي انا نعيش مع بعض عادي ونكمل حياتنا مع بعض
مااعترضت على كلامه وسكتت بس اخرجها من الصمت اتصال نوره .. هلا نوره
.. مطوله ماتجين ؟؟
ناظرت له وهو يراقبها تتكلم وواضح انها مستحيه من وجوده .. ماظن "ليه ؟؟
.. عندي لك خبر حلو
.. والله وشو
.. نوف
.. وش فيها ؟؟
.. نوف حامل
دفعت الطاوله من حركة جسمها وابتسمت واعتلت وجهها الفرحه .. والله متى عرفتوا
.. بعد مامشيتي راحت للمستشفى
.. طيب انا جايه بعد شوي
.. لا لا خليك ليش تجين
.. زين يالله سلام
حطت الجوال فـالشنطه .. يالله خلنا نروح
..خير وش الي خلاك مبسوطه وتورينا ابتسامتك الي اول مره نشوفها
ماحست بقوة ملاحظته الا اليوم بالاول الفستان الاسود الي ماخلاها تاخذه لانها دايم تلبس اسود او لون غامق وتعليقه على ابتسامتها .. وش فيك سرحتي
..مافيني شي " يالله خلنا نروح
.. ماقلتي لي وش قرارك
فكرت وفكرت وطلع معها كلام ماتدري كيف طلع .. اذا قلت لك خلنا نفترق راح تكنسل السفر وتتركني عند اهلي وتروح لجده لحالك
مافهم لايش راح ترمي وفكرة الفراق اوجعته بس بغاها تكمل .. لا اظن اذا هذا قرار بعد مانرجع
..طيب تسحلي اطلب منك طلب مع اني وعدتك مااطلب منك شي بعد ماجبتني هنا بس مادامنا رايحن لجده ولك حق انك ترفض

مقدمه طويله وتمهيد لشي ماقدر يفهمه ..خير وش تبين ؟؟
قعدت تلف طرف شيلتها على اصبعها .. من زمان نفسي اروح عمره
ابتسم لها طهر نقاء حتى بطموحاتها وامانيها اشر على عيونه حركه مفاجئه منه شرحت صدرها .. من عيوني ""
انكسر قضيب من القضبان المتعامده داخلها ودخلت منه كميه اكبر من الامل والتفاؤل .. مشكور " والحين ياليت توديني للبيت
..صح ماقلتي لي وش الخبر الي فرحك
ربطت نقابها ونزلت تلم اغراضها .. اختي نوف حامل
سبحان مقلب القلوب ما شكل له هالخبر الافرحه من فرحتها الشحيحه .. مبروك ان شالله
وقفت تعدل عبايتها .. الله يبارك فيك

زارني في وحشتي مقدار من الانس وابتسمت لااحزاني الايام لتنفرها مني فهل هي مهاجره ؟؟



.................................................. ....


..الف الف الف مبروك حبيتي
.. الله يبارك فيك " فرحان ياناصر
.. فرحان !! فرحان كلمه ماتعبر عن الي داخلي انا الاراض ماهي شيلتني من الفرح راح اصيرابو لطفل انتي امه
انتبهت لربطه لها بفرحته الغامره ..ماتتصور وش كثر مبسوطه شفت الفرحه بعيون امي وبصوت امك وبصوتك شي حلو انك تصير مصدر فرح لغيرك
.. طيب نوف ماسئلتي الدكتوره اذا تقدرين تسافرين
هزت كتفها ..مدري والله ماجا على بالي اسئل
.. خلاص اذا جيت نروح ونسئل
..واذا كان يضر
.. راح اخليك لين تولدين حتى للجامعه ماراح اخليك تروحين
ضحكت عليه .. مو لهالدرجه اشوف حوامل يروحون ويجون عادي
..ماعلي من احد المهم اهتمي بنفسك والي ببطنك
..ان شالله "انت متى تجي
.. بكره باذن الله


.................................................. ...



<<حلقت الطائره على اكتاف الغيوم لتحمل معي حيرتي وضياعي وتحط بي في محطة الايام الجديده >>

بلقاء صامت تلاقوا اخذها للمطار هي ومتعب وصلوا وسافروا والكل في بيت ابو نايف يستناهم بفارغ الصبر

ناصر رجع لنوف

فهد اخيرا بدا بتجهيزات زواجه

سلمان تاكد من تحقيق حلمه بالنقل لكن فضل يضل صــــامت على ماعنده

عبدالله "هدى " لطيفه " حد دخول هدى بحياتهم من اشياء كثيره كانت نقاط سواد تشوه جمال حياتهم

نــــــــــوال ؟؟؟؟؟؟؟؟؟؟؟؟؟؟؟؟؟؟؟؟؟
.........................



انقطع صوتها وغاب وعيها بعد ضربات الارجل الي تهاوت عليها من كل جهه" كانوا وحوش بشريه تضرب وتضرب عشان يشفون غليلهم منها" وطت روسهم بالارض بفعلتها "ولطختهم بعارها" ولوثت سمعتهم" شافها واحد منهم بعيونه تركب بسيارة رجال غريب سحبها على الشارع قدام الناس صارت ضحية نفسها وجا دورها انها تحاسب على ذنبها بحق نفسها وحق غيرها لكن للاسف ماكنت بس هي الوحيده في العار لكن سحبت بجرمها ناس مالهم ذنب ودفعوا ثمن خطاء ماارتكبوه
امها كانت تدور حولهم وتحب يديهم يرحمونها تمنت الموت بلحظه ولامت نفسها على سكوتها لين تمادت وانزلقت بمتهاهه الخارج منها مولود والداخل فيها مفقود توالت عليها الضربات بكل جزء بجسمها غرقت بدمها وغابت بعالم ثاني مااعتوقها لين اتركوها جثه هامده بدون حركه الا انفاس متقطعه تنبئ انها مازالت في عداد الاحياء


.................................................. .................................................





..ودي اروح معكم بس متردده
.. وليش متردده
..اخاف يقولون اني تغيرت عشان زواج عبدالله
..لاتخلين الكلام يأثر عليك راح يقولون مره مرتين لكن بيحسون مع الايام انك تغيرتي من داخل وهذا الي انتي تبين تثبتينه لهم
..احس انها خطوه جريئه اني اروح معك لاهل عبدالله بكيفي وهو كان يجبرني اروح لهم
.. لازام نكون قد التغيير ولا مانعتبر نفسنا تغيرنا
سكتت تفكر بكلام هدى .. خلاص راح اروح معكم
ابتسمت هدى لها .. أيوه خليك قويه ترى الانسان لازم يكون قوي
.. انا مدري وشلون اشكرك على الي سويتيه معي
.. لاتشكريني ولاشي هذا قرارك انتي
دخل عبدالله عليهن جالسات ويتكلمن مع بعض احيانا في اشياء نظن انهامستحيل ماننتبه الا انها صايره وقفت هدى قدامه .. اهلين
.. هلا فيك >>ناظر جنبها على لطيفه ..هاه وش قلتي تروحين معنا ولا لا
هزت راسها بحرج ..راح اروح
فرح لكن مابينها وفضل يكتم حتى فرحته.. طيب هدى حطي لي الغدا بتغدى وانام
..من عيوني
تفرقوا وهي بمكانها ماتحركت لين رجعوا اجتمعوا على غداهم
.................................................. ........................


وصل قبلهم ومتعب معه عطاه ابوه وطلع لغرفته عشان ساره تاخذ راحتها بدر الي راح يستقبل نايف وساره في المطار دخل نايف تتبعه ساره المنظر كان موجع المفروض هالدخله لنواف لكن هذا القدر والي صبرهم ان متعب يجي وامه وعمه معه وقفت ام بدر تستقبلهم بحراره .. هلا والله يالله حيهم نور البيت
قرب نايف وسلم عليه .. الله يحييك ياخاله وشلونك
..بخير جعلك بخير >>وقربت لساره الي ظلت واقفه .. هلابك يايمه "اقلطي ليش واقفه مافي احد
مشت شوي شوي وصلت لابو نايف وسلمت عليه .. هلا بالغاليه ام الغالي >كان فيه عبره تختلط بصوته حس بلومها وحس انه ظلمها حبت راسه .. وشلونك ياعمي
..الحمدلله "اجلسي يابنتي ارتاحي
جلست جنبه شارده سارحه مرتبكه ..مشكور
ام بدر لاحظت توترها ترتجف ووجهها متغير نفضه بكامل جسمها ..نزلي عباتك يابنتي مافي احد
..لاياخاله كذا مرتاحه
بنفس الوقت دخلت مها تركض سلمت على نايف وشافت ساره وقفت لها ظنت ساره انها مااخذه على خاطرها منها بسبب اخر لقاء بينهم حضنتها .. سارونه اشتقت لك
ساره ماردت مجرد ابتسامه بارده مرت على شفايفها جلست تفرك يديها ببعض من الاحراج ما فاته ابدا شحوب وجهها الي زاد وفكها يرتجف يحس عيونها راح تغفو وهي تبلع ريقها وجه عيونه لمها .. مها هاتي لساره مويه
نطت مها مبسوطه لاهتمامه الواضح وقالت ام بدر اقتراحها .. قومي يابنتي اذا تعبانه ارتاحي بغرفتكم
صوت صفير براسها من كلمتها ومغص يطوي احشائها وعوار بقلبها ماعادت تقدر تقعد هذا الي مافكرت فيه انها تكون معه في غرفه وحده " وقفت بشوية ارجحه لكن قدرت تكون قويه شوي >>مع دخلة مها وبيدها كاس المويه .. وديها يامها لغرفتها ترتاح
.. يمه ماتقهوت
نهرتها امها على هبالها .. البنت تعبانه وانت تفكرين بالقهوه "ساره ماهي ضيفه متى مارتاحت تتقهوى
مدت لها كاس المويه واخذته ..تسلمين ياخاله "الظاهر دخت من الطياره
..ماعليه يابنتي روحي ارتاحي وخوذي راحتك البيت بيتك وانا الحين ارسل شنطتك مع الشغاله" وخلي متعب عندي انا ومها احنا راح نهتم فيه
مسكت يد مها وطلعت للغرفه معها وصلتها ورجعت جلست معهم سئله ابوه .. وش فيها البنت يانايف متغيره ماهي ساره الي اعرفها
.. صدق يانايف ناحف جسمها ووجها اصفر
تلعثم بالكلام بس قدر يطلعه .. ساره تعبت وسوت عمليه وبعدين طيحة ابوها اتعبتها زياده
نفضت ام بدر راسها .. الله يعينها هالبنت انا اتعاطف معها كل شي يمشي عكسها
ضايقوه بكلامهم عنها كان ملاحظ لكن ماكانت كذا وهم بالشرقيه كانت مرتاحه نسبيا لكن فجئه انقلب حالها جلس معهم شوي وطلع لغرفته يشوف وش فيها


.................................................. ........
ماتدري انك غير ومواصلك غير

وان العيون بدون شوفك ضريره


وصل لمكانه يسبقه قلبه وشوقه طلبها وطلعت له لايحتاج لقائهم من يعرف عليه :ناصر ونوف :
قابلها ومسك يدها .. تدرين يانوف ساعات احس اني بحلم
.. لا حقيقه انا ماكنت مصدقه نفسي بس احس فيه داخلي
ضغط يدها .. صدق تحسين فيه ؟؟
.. سبحان الله شعور ماينوصف "الحمدلله الي خلاني اجربه
..طيب متى تبينا نرجع ؟؟
..مدري براحتك انا وعدتك بس يطيب ابوي ارجع وانا عند وعدي
.. طيب وش رايك اليوم
.. بكيفك بس لو بكره احسن ودي اروح للمستشفى
.. ليه فيك شي
حركت يدها بسرعه ..لالا بس عشان اتطمن واسافر وانا مرتاحه
..خلاص اروح ادور لي مكان ارتاح فيه واجي المغرب اخذك للمستشفى "بس اااا ناصر امي دايم تسئل عنك ودها تشوفك
ابتسم ..تدرين قصرت بحقها بس ان شالله بعد مانرجع اشوفها " دايم امي تقول لي ماتتذكرها بس انا احسها زي الحلم
..الله ياناصر تقول عنك كلام حلو احب اسمعها وهي تتكلم عنك
.. يعني ماتعرفيني لين تتكلم عني
هزت كتفها ..لا بس امي تعرف كيف توصف اعجابها " ان شالله اليوم تشوفها وتتعرف عليها
..ان شالله المغرب القاك جاهزه

..................................................

دخيلك لا تشجعني أسولف وأكسر الكتمان
تعبت من السكوت اللي تعود يسكن بذاتي
عليم الله مافيني شبر يضحك فرح وأشجان
وأنا لو جيت ابضحك لك أجيك أضحك بدمعاتي
أبكتب لك وبالخط العريض وريشه الفنان
أنا الخسران توقيعي وانا الخسران بصماتي
أكمل لك عن الضيقه اكمل لك عن الأحزان
تأكد لو بكمل لك تصيح وتطلب سكاتي


دخلت الغرفه وحذفت عباتها ورمت نفسها بلبسها الي كان عباره عن بلوزه بالوان فاتحه رغم بساطتها وتنوره سوادا عاديه لبس عادي جدا لكن كان ينعكس على لون بشرتها ويعطيها زهو ثاني مدت جسمها وغمضت عيونها حيلها مهدود ورجفه صابتها من الاحساس بالغربه حطت يدها على صدرها وارخت الثانيه جنبها
ماحست بالباب ينفتح قعد يتاملها مغمضه وعاقده حواجبها ومميله رقبتها لااول مره يشوفها بلون فاتح قرب نزل بجسمه وسحب يدها كانت بارده فتحت عيونها ببطئ وسحبت يدها من يده ابطئ ..وش فيك
تطالعه وهي مرتخيه ماتعدلت حتى .. مدري احس اني خايفه
لااول مره تكلمه عن شعورها براحه بدون ماتببني جدار عالي على الي يسكنها ..من ايش
.. للحظه حسيت كل شي فيني تلخبط ماني عارفه وشلون اوصف هالشعور
.. لازام تشدين حيلك واوديك للمكان الي وعدتك
غمضت بنشوه .. ان شالله "بس متى راح نروح ومتعب وشلون نخليه
.. بعد مانرتاح يعني يومين ثلاثه ومتعب راح اخليه عند مها وام بدر
لفت للجهه الثانيه وناداها ..ساره
لفت له ببرود وبهمس ردت ..نعم
..ودي تفتحين قلبك وتقولين وش الي داخلك
زلقت دمعه على خدها .. قلبي مليان وعقلي مشتت مااحسب نفسي ضعيفه لهالدرجه انصدمت بنفسي وحسيت اني خاينه
..ليش تقولين انك ضعيفه ووش الخيانه الي سويتيها
تدافعت دموعها واختنقنت وقعدت ماتدري كيف ترد ماتبي تقول انها ضعفت قدامه وخانت نواف ونوف بغفله استرقها قلبها منها وفتح بابه للحياه والي كانت متجسده بنايف كمل وهي تسمعه .. لاتعذبين نفسك نواف اخوي لكن مضطر اني ارضى بوضعي
.. لا يانايف لاتغصب نفسك علي انت من حقك تعيش حياتك
.. بس انا حياتي معاك
رصت عضودها بكفوفها تمنع رجفتها من صوته الهادي وهزت راسها بعنف وهي مغمضه عيونها بشده .. اتركني لحالي يانايف ماابي اسمع شي زياده
مارد ووقف بعد ماكان جالس على سريرها وطلع وخلاها

.................................................. ............................


دخل وسلم عليها ماتغيرواجد عن خبرها .. وشلونك ياخاله
.. الحمدلله ياوليدي زين الي شفتك ماتغيرت واجد ياناصر
.. اسمحيلي ياخاله قصرت معك
.. ماتقصر يايمه المهم جيت وشفتك
.. ومن اليوم ورايح ارح تشوفيني دايم راح ازوك
..حياك الله يايمه البيت بيتك
.. تسلمين ياخاله
.. والحين ارخصي لي راح اخذ نوف مشوار
.. مرخوص ياولدي وانتبه لنوف
..ان شالله ياخاله توصين على شي
.. سلامتك ياوليدي
..الله يسلمك يالله يانوف
اخذ نوف وبعد اطلع من المستشفي طبيعي انه ماراح يرجع معها للبيت ظل مع بعض يتسامرون بمكان مكشوف يحدثون القمر عن فرحتهم عن اجمل لقائتهم عن الالم والحرمان والبعد والغيره واشياء كثـــــــــــــــيره مرت عليهم تعدوها بصعوبه لكن دروس ماتنسي يظلون يستفيدون منها العمر كله

.................................................. ................


جلست مع مها المغرب يسولفون عن تجهيزات عرسها وعن حمل نوف وعن بعض التطور الي لاحظته على نايف
.. يعني انتي ملاحظه انه متغير
فرت الفنجان بيدها .. أي مدري وش الي غير حاله في شي قلبه ماني عارفته
..المهم انه تغير
نزلت الفنجان عن الطاوله .. الي محيرني وش اخرتها معه
..شوفي ياساره كلام العقل الكل اتفق عليه والكل قاله لك فكري انتي وحكمي عقلك راح تلقين نفسك مرتاحه ومريحته
كتفت يديها وحطت رجل على رجل .. انا بالفعل بديت افكر
.. انا متاكده ان قلبك مال له ولا ماكان عقلك فكر فيه
سكتت ماردت عليها جاء نايف وابوه من برى وجلسو .. وش اخبارك الحين ان شالله احسن
.. الحمدلله ياعمي من ارتحت راحت الدوخه
.. وين متعب ؟؟
.. مع خالتي ام بدر ونجود
قام ..طيب انا رايح لهم
انسدح نايف على الكنب عندهم كلمته مها .. اذا تبي تنام روح لغرفتك وارتاح
.. مرهق بس ماودي انام الحين
جلست تسولف مع ساره بصوت واطي وهو حضن الخداديه وانسدح على جنبه لين دخلت جود تركض وبيدها كاس مويه صرخت فيها مها .. هي انتي لاتكبين على الاراض
وقفت وشافت نايف الي دايم تستنصر فيه ..مالك دخل
.. جود اعقلي لااقوم اعلمك العقل
ابعد الخداديه عن وجهه.. لاتصرخين عليها
اشرت عليها ..ماشفتها غرقت الاراض بالمويه
قابلتها بثقه ..نايف قال لاتصارخين علي
وقفت رايحه لها ..يعني تخوفيني
من شافتها قربت لها كبت المويه بوجهها بسرعه وهربت >>ضحكتها المفاجئه طلعت رغم انها حطت يدها على فمها من منظر مها يوم شهقت وتجمدت واقفه بمكانها مسكت ملابسها تبعدها عن صدرها ..حسبي الله على شيطانها من تشوف نايف تتغير >>كانت تهتز ودموعها ماليه وجهها
.. وانتي اعجبك المنظر
حاولت تسكت لكن صورتها قدامها تسكت شوي وبعدين تنفجر من جديد نايف رافع نص جسمه ويشوفها لاول مره تضحك من قلبها ضربتها مها على يدها ..بس خلاص
حركت كفها ومسحت دموعها .. خلاص خلاص بس شكلك يموت من الضحك
ناظرت لنايف .. وانت مبسوط اختك تكب المويه علي وزوجتك تضحك
استقعد وحط الخداديه بحضنه ..خليهم يستانسون تهمني وناستهم >> فهمت قصده بس ظلت تمثل العصبيه .. انا اوريك انت وياها
هدت شوي وقامت من عندهم .. انا رايحه لغرفتي
وخلتهم بنقاشهم عنها

.................................................. ........


.. ساره ماهي مرتاحه !!
.. الله يعينها صعب الي شافته يمكن لانك رجال ماراح تحس فيها بس انا حاسه ومقدره شعورها
.. بس انا لاحظت ان نايف بدا يتقبلها مع اني كنت خايف يظل رافضها
..الحمدلله اذا رضا انها تشاركه بحياته راح يقدر يخليها تميل لها
..اخاف اني ظلمتها وظلمته
..لاتخاف يابو نايف نايف قد المسسؤليه الي حملته بس اصبر عليهم شوي
.. ياليت اتطمن عليهم ويرتاح ضميري من ناحيتهم
كان يفكر بطريقته وظغطه عليها ويئنبه ضميره بعد ماشافها ماتخيل ابدا توصل لهاالمواصيل لكن امر الله وكان هو السبب

.................................................. ..................



دخل للغرفه مايدري كيف راح تكون ردة فعلها لقاها معطيته ظهرها على السرير ولايدري نايمه ولا صاحيه غير ملابسه احتار هل يدخل وينام عادي ولا يدور له مكان ثاني ينام فيه واذا احد شافه تنهد واقدم على الخطوه الي ماتوقع يوم يقدم عليها رفع طرف اللحاف ودخل حست فيه لكن مافتحت عيونها خافت يشوفها راقبها مده لكن ماتحركت ماصدق انها تكون نايمه تركها براحتها وترك الامور تمشي على طبيعتها ونام لاوال مره وهي بجنبه
ظلت متجمده بمكانها وخايفه تنفضح كتمت نفسها لكن ماطالت حالتها لانها حست فيه انه فعلا نام شوي ارتخت عيونها وهدت نفسها ودخلت في سبات

الايام تتبعها الايام

ساره انفتحت صحيفة قلبها الي تحمل جمل غير مفهومه كانت تتغير لكن ببطى نايف رضى بالقليل ولاقدر يلومها ولايلوم نفسه الي استحلتها واسكنتها صارت اقرب له من نفسه خصوصا بعد العمره صار بينهم شئ من السكينه والطمانينه


نوف تكللت فرحتها بحملها ونتيجة صبرها مع امتحان الايام كانت مرضيه جدا

فهد اقترب اليوم الي انتظره

سلمان يعمل في الخفا

لطيفه صقلتها الاوجاع حتى طهرت نفسها

هدى مهمتها ترضي عبدالله وترضي نفسها وفعلا كان عمل متقن

مها فهد الصبور انسان ملك من مشاعرها الكثير رغم انه ماقدر يغيرها

نوره الام الحنونه والزوجه المحبه والابنه الباره ستبقى نوره الخجوله






جلسوابينهم بعد مارجعوا من العمره الي استغرقت منهم يومين

.. تقبل الله منكم
ردومع بعض.. منا ومنك
تكلمت مها.. شفت ولدك يبه ابيه ياخذني معاه ورفض
نجود على قل كلامها ردت عليها .. خير ان شالله قاطه وجهك رجال مع زوجته اذا تزوجتي خلى فهد يوديك
توسعت عيونها من الي قالته .. ماشالله منين طلع لك اللسان ولا تعرفين بس تردين على
.. انتي ترفعين الضغط
..ان شالله المره الجايه اخذكم كلكم حتى ام بدر
..تسلم ياولدي الله يجزاك خير " عسى ماتعبتي ياساره
..لا الحمدلله "ومشكوره ياخاله على تعبك مع متعب
.. متعب ولدنا وهذا بيته وبيتك
.. اقول سارونه اليوم بالليل راح نروح للسوق ولازام تروحين معي
.. مدري تعبانه اليوم يامها
.. لا مافيك الاالعافيه ارتاحي وبعد العشا نروح
ناظرت لنايف كأنها تستاذنه لاحظت مها حركتها .. نايف ماراح يعارض لا تعذرين فيه
احرجتها وسكتت وكملت مها .. صح يانايف !!
ابتسم لمها .. صح "بس مع من بتروحون ؟؟
.. للحين مدري بس يمكن اطلب من بدر يودينا
..خلاص ياساره روحي معها
وهي توقف .. زين

...............................................
ضمتها لصدرها الفرحه اكبر منها ناصر استقر مع زوجته والحين ينتظرون الفر حه تكتمل بطفلهم
.. الف الف مبروك يانوف
..الله يبارك فيك ياخاله
سمعته من وراها وهو متوجه لها .. بس شوي شوي ذبحتي البنت من كثر ما حضنتيها
التفتوا مع بعض له وضحكوا على كلمته .. الله يهداك ياابو ناصر فرحانه بشوفتها
وجهه كلامه لنوف .. لاتصدقينها ترى فرحانه بحفيدها
.. زين سلم قبل تشيشها علي
مشت له نوف بعجل وحبت راسه .. وشلونك ياعمي
.. الحمدلله يابنتي وشلونك انتي وابوك
.. الحمدلله بخير "ابوي يسلم عليك
.. الله يسلمك ويسلمه " مابغيتي تجين اشتقنا لك
..تشتاق لك العافيه "حتى انا والله مشتاقه لكم انتم اهلي الي مااستغني عنهم
دخل ناصر بيده شنطه صغيره نزلها على الارض وتوجه لاامه وابوه وسلم عليهم .. راحت عليك ياناصر بالاول نوف والحين ولدك
وهو يجلس بين نوف وامه .. الله لي يبه وش نسوي دوام الحال من المحال
حطت يدها على رجله .. نوف والي ببطنها غالين من غلاته
رفع يدها وحبها .. الله يخليك لي يالغاليه " بس عاد شوي شوي عليهم من الدلع ترى اغار
.. هههههههه اول مره اشوف واحد يغار من زوجته وولده
..انا غير اذا كانوا بيقاسموني حنانك
.. ماعلينا من هالكلام الحين بعد ماتولد نوف ويجي الولد تكلم "ان شالله ماتعبتي من السفر
..لا الحمدلله ياخاله الله سهلها
.. طيب روحي ارتاحي لاتظغطين على نفسك بداية الحمل لازام ترتاحين وماتتحركين واجد
ضحك ابو ناصر على حماسها وحرصها .. خلي البنت بكيفها متى ماتعبت تروح ترتاح
.. وش يعرفها ياابو ناصر لازام تهتم بنفسها " خذها فوق لغرفتها ياناصر
.. هذي طرده يمه
وهي تاشر بيدها له يقوم .. أي طرده بس قوم
وقفت نوف ..لا ياخاله خليه انا اروح لحالي الحمدلله مافيني شي
.. روحي يايمه بس لاتشيلين شي او تعبين نفسك
ابتسمت .. ان شالله >>ومشت من عندهم
كلمها ابو ناصر .. لاتضايقينها بنصايحك ترى تمل
..ماعليك يبه امي ونوف متفهامات
.. وهذا ولدك رد عليك "نوف تدري اني ابي مصلحتها
.................................................. .........................


هــــــمس الشفايف كل مانظرته يــذوبني حيل

اشوف فيه جمال الورد الي تعشقه عيوني


في غرفة مها بعد مارجعوا من السوق الاغراض مبعثره قدامهم ويرتبونها جلست على السرير
..والحين روحي قيسي الفستان الي شريتيه ودي اشوفه عليك
وهي تضغط على رجولها .. تعبانه "اصلا لو ماضغطتي على ماكنت اخذته
..انا ابفهم ليش ماتبين تشترين !! انتي بكل الاحوال راح تشترين ولقيتي فستان مناسب وين المشكله
.. مالي نفس لاي شي حتى للسوق مالي نفس اروح بس عشان خاطرك
.. طيب روحي قيسيه اذا يحتاج تعديل
..لا لا يامها شكله مظبوط
وقفت وسحبتها من يدها ..قومي ولا البسك انا ودي اشوف الاحمر عليك متخيلته عليك روعه "بسرعه روحي البسيه وناديني اشوفه
قامت تتمايل من الم رجولها وتسحب الكيس الي فيها الفستان وتوابعه معها
دخلت لبسته وتاملت نفسها قبل سنه هذا المقاس ضيق عليها لبست الجزمه ونادت مها جتها تركض من غرفتها ..هاه وش رايك ؟؟
صفرت من شدة اعجابها .. ماشالله يجنن عليك ياساره "اشوف لفي شوي >>طرت عليها فكره مجنونه لازام تنفذها
استدارت تستعرض قدامها .. بس كنه واسع من الخصر"يحتاج تضبيط >>كانت كذبة من مها عشان تنفذ خطتها
..بالعكس احسه زين
..لالا اسمعي اشري عليه عشان تضيقينه " انا رايحه اكمل ترتيب اغراضي
تركت جوالها عند ساره بدون ماتنتبه لها ونزلت تركض قبل تنزله انبسطت يوم لقت نايف جالس مع بدر وقفت على نهاية الدرج وأومت بيدها ..نايف تعال ابيك بسرعه
اشر على نفسه مستغرب من عجلتها .. انا !!
حركت يديها تستعجله ..اي انت تعال بسرعه
وقف ومشى لها وهي سبقته لنهاية الدرج ..خير وش عندك؟؟
..نسيت جوالي بغرفتك ودقيت على ساره الباب مافتحت
..طيب !!
.. مدري شكلها كانت تعبانه وخايفه صار لها شي وكأني سمعت صوت متعب يبكي
عقد حواجبه في شي مافهمه بالموضوع .. خلاص انا اشوفها
ومشى اما هي بعد ماقفى عنها قبضت يدها ومدتها بسرعه بانتصارورجعت تهرول لغرفتها هنا انتهت خطتها


قبضت فستانها من الخصر ماهي مقتنعه بكلام مها ناظرت لنفسها في المرايه وميلت جسمها تناظر خصرها بسرعه رفعت راسها مع فتحت الباب السريعه وتراجعت وراى ولانها كانت لابسه عالي وفستانها طويل مدت يديها تحاول تتوازن قبل تطيح لكن قرب الباب لها سمح له انه يلحقها قبل تطيح على ظهرها ومسك يدها الي رصت على يده بدون شعور "توازنت اخيرا ووقفت متصلبه اخذت راحتها ونست انه ممكن يدخل اما هو كان يناظرها من فوق لتحت فستان مبين تفاصيل جسمها ناعم رغم فخامته ولونه الاحمر القاني واللمعه الموزعه على صدرها تعكس نقاء وجهها واكتافها العاريه ونحرها اشياء اول مره يشوفها اخيرا انتبه كأنها استباح شي حرام عليه وترك يدها الي كان يمسكها .. وين متعب ؟؟
من لخبطتها نسته .. هاه ااا مع ام بدر
عرف حيلة مها وخطتها المتقنه دخلته عليها على حين غفله منها >>اما ساره كانت تفرك بكفها على رقبتها تغطي خجلها قرب وصار على جنبها وسحب ماكانت تجمع شعرها فيه انطلق بمجرد ما افلته على اكتافها وكسى ظهرها ووجنها حست بصقيع دخل زياده على البرد الي حسته بوجوده .. كذا احلى >>تاملها شوي وطلع بسرعه يهرب منها

اما هي تراجعت ورى وجلست على الكرسي وراها وابعدت شعرها عن وجهها بيديها الي ترتجف حاولت تهرب من الموقف ووقفت بسرعه ودخلت تبدل



.................................................. ......................

العلاقه تحسنت لكن صعب تنسى بسهوله حمدت ربها ماكنت نهايتها مثل نهاية نوال عار يشع على جبينها طول العمر تواردت الافكار براسها " اول من وصل هدى الي لحقت نفسها في الوقت المناسب ومع انها اخر وحده توقعت انها تمد يدها لها وتسحبها من الضياع وبعدين هي رغم خسارتها تمتمت بصوت هادي .. الحمد لك يارب "اخيرا نوال خسرت كل شي حلو " حست بعبدالله يجلس مقابلها ويكلمها .. وين وصلت ؟؟
فتحت عيونها لعل الهوا ينشف دموعها الي اوشكت على النزول .. لجده
نزل الورقه الي بيده .. جده قريبه ماهي بعيده ماله داعي تروحين بافكارك وانتي تقدرين تروحين لها
زلة لسان صعب ترفض عرضه او تقوله سبب مقاطعتها .. بعدين افكر
.. على فكره نايف كان يجي او يتصل كأنه منقطع له مده
.. مدري عنه الحين مشغول بشغله وزوجته وولد اخوه
.. طيب انتي روحي له للبيت
..سمعت انه سافر لجده
.. طيب براحتك انا طالع انام قوموني العصر
.. ماتبي غدا
.. اذا قمت العصر


.................................................. ...........
الهم شيد في حشايه طبوبه
حتى لذيذ النوم مااتهنا به



اخذت بكفها من المويه الي تجري قدامها ورشتها على وجهها وقعدت تشوف نفسها في المرايه عظت على شفتها واستعدلت بوقفتها وحطت يدها تحسس خدها اخذت الشباكه من المغسله ولمت شعرها فيها بسرعه استدارت على صوت الجوال ماكان جوالها قربت انتبهت لجوال مها عندها فـ الغرفه قربت ورفعته كان المتصل فهد اخذته وطلعت فيه من الغرفه دقت الباب لكن مافتحت فتحته والقت نظرها ماشافتها رجعت لغرفتها واخذت شرشف الصلاة وانزلت تحت بحذر توقعت تلقى احد من العيال اقتربت لمكانهم شوي شوي حست ام بدر ونجود وسمعت صوت مها انتفضت والجوال يدق مره ثانيه بين يديها بهدؤ .. مها مها
سمعت مها صوت الجوال وعرفت ان ساره نزلت فيه .. تعالي ياساره مافي احد
نزلت حافيه والشرشف على اكتافها ماانتبهت لوجوده الابعد ماتوسطت من الصاله مدت الجوال لمها .. جوالك
اخذته وطلعت برى اشرت ام بدر على المكان الي جنب نايف ..اجلسي جنب زوجك وانا خالتك
بلعت ريقها وقربت له وجلست معه على نفس الكنب وهي ترتجف .. لو سمحتي يانجود خلى الشغاله تجيب متعب
.. خليه ترى امينات مامنهم خوف
..ادري بس ماودي يتعود عليهم
.. والله معك حق يابنتي " قومي يا نجود هاتيه " وان اسمحولي باروح انام
قامت نجود تجيب متعب وام بدر راحت تنام فضى المكان الامنها هي وياه فجئه وهو ساكت ماعنده كلمه يعبر فيها عن فرحته بقربه حطت يدها على الكنب تستعين فيها على القومه وقبل ترفعها ثبتها .. وين رايحه ؟؟؟
جلست ولفت راسها للجهه الثانيه عنه وهو مازال ضاغط على يدها ومثبتها ..تبين تهربين صح ؟؟
عقدت حواجبها وبلعت ريقها .. من اهرب منه
.. لا تسوين نفسك غبيه" مني "ترى انا اعرفك وادري انك تحاولين تبعدين عني
حاولت تسحب يدها من تحت يده .. اتركني الله يخليك لايجي احد يشوفنا
.. ساره لازام ترضين فيني مثل ماانا راضي فيك
تهدج صوتها ..لاالمكان ولا الزمان يسمحون للكلام>>
التفت وبيده الثانيه مسح على خدها قبل تبعد نفسها عنه كانت مها واقفه وتشوف كل شي انتفض جسمها ونظراتهم تحاصرها خلصت يدها من مسكته وراحت تركض لغرفتها تمنت هاللحظه الاراض تنشق وتبلعها من صعوبة الموقف
ونايف جالس مثل ماهو ومها واقفه بمكانها محرجه من نفسها كانت تظن امها ونجود موجودات لكن فاجئها وجود نايف وساره لحالهم
دخلت نجود ومتعب بيدها وتلفت .. وين ساره
تنحنحت مها وتكلمت بصعوبه .. طلعت لغرفتها
..طيب راح اطلعه لها
استوقفها نايف .. هاتيه انا اوديه >>عطته نايف اخذه ورقى فوق لساره

.................................................. ..........



على صوت الاجهزه وريحة المطهرات ترقد وتعيش نص مع الاحياء ونص مع الاموات وامها مقابلتها وحاطه يدها على خدها على امل انها تفتح عيونها او ترمش صار حلمها انها تكلمها تقول أي شي بس ماتسكت السكوت يخوف خذفت دمعتها على خدها تعلن عن حسرتها وقفت عند راسها ومسحت على شعرها .. سامحيني يابنيتي انا الي ضيعتك سكت لين ضعتي وضيعتينا معاك>>انتهى كلامها
و بدا الصمت يعلن سيادته من جديد ويخيم لا يهزمه الاصوت الاجهزه التي تحرض اعضائها على الحياه



بالامس كنت الجاني كنت من يكسر القلوب ويستعذب تفريق المحبين واليوم من صنع يدي اصبحت المجني عليه
.................................................. .......


.. اانا متأكده ان وراك شي ياسلمان ادفع نص عمري واعرفه
..وش تتوقعين ؟؟
صكت اسنانها تصطنع الغضب .. لاتكون متزوج على
..هههههههههههه واذا كنت متزوج وش راح تسوين
..اقطعك بايديني
..لا تخافين انا معي نوره ماراح اناظر لوحده ثانيه
صار وجهها احمر .. سلماااان صدق وش مشغلك
.. ماراح اقولك لين يتم كل شي وصدقيني يانوره راح تنبسطين من المفاجئه الي محضرها لك
هزت كتفها .. ياخبر اليوم بفلوس بكره ببلاش
.. استني لين يصير ببلاش وان شالله ماراح تنتظرين واجد
.................................................. .

أشتقت لعيونك وصوتك ونجواك
اشتقت لظروفك لوهي عنيده


دفع الباب الي كان شبه مفتوح ودخل كانت جالسه على الاراض ومستنده على السرير وسارحه والغرفه اضائتها ضعيفه ماانتبهت انه دخل لين
شغل الاضواء شافته واقف يناظر لها بعيونه الف تعبير مابين رحمه ولوم لنفسه واحساس بالذنب "لمت نفسها وابعدت عيونها عنه "جلس مقابلها .. ساره مافي شي يخليك تسوين بنفسك كذا
نزلت عيونها على يديها مالامته مثل كل مره خطفته بنظرها بسرعه .. يمكن المشكله فيني انا
هز راسه وابتسم واقترب زياده .. انتي انحرجتي من مها ولا مني
اهتزت شفتها بين بكا وابتسامه مخنوقه ..الاثنين
ضغط يدها .. لاتكبرين السالفه الموضوع ما يستدعي منك كل هذا
ضغطت علي يديها وقفت وهو بمكانه .. خلاص ودي انسى
رفع جسمه وصار وراها .. احسن لك لاتفكرين بأي شي يروح
التفت له ورفعت عيونها بأمل .. ياليت اقدر مافكر انا مافي شي متعبني الا انا مااقدر انسى
حط يده على كتفها .. الايام عليها تنسينا وعلى الامل نعيش وننتظر المستقبل
مشت لمتعب ورفعته من مكانه وحطته بسريره .. تدري ان النسيان صار حلم انام واصحى عليه
وتحركت تنوي البعد عنه مسك يدها وهي ماره من جنبه .. انا ابيك ترمين كل شي ورا ظهرك مثل مااحاول انا ارميه ماراح نغير شي الا اننا نعذب انفسنا
وقفت وهي تسمع لكلامه .. كلام جديد "لكن اسمه كلام سهل نقوله لكن صعب نطبقه
لفها له بيديه .. مثل ماقدرتي تعانديني عاندي الماضي واكسريه وعيشي للايام الجايه
..انت الين كثـــــــــــير الايام هي الشي الوحيد الي كسرني وخلاني امشي في طريق مابي امشيه
ضحك عليها صارت واضحه بالنسبه له ..وانا طبعا هالطريق
رغما عنها ضحكت على نفسها ضحكه صغيره ..اكيد
.. بسألك سؤال " وش رايك ترجعين معي للرياض ولا تبين تروحين لااهلك
.. ماراح اخسر اذا رجعت معك واذا تشوف نفسك ماراح تخسر ارجع معك لين نرسي على بر
خلصت نفسها منه وراحت تبدل ملابسها عشان تنام وتستقبل يوم جديد يمكن يكون احسن من اليوم


اصبحت ملكك لاملك نفسي وغدوت الدنيا الجديده في نظري انت المينا الذي رسوت عليه انتظر بواخر المستقبل تحملني معها لاياما آمل ان تكون سعيده



تتخطانا الايام ونختطاها ونتدوال معها والايام دواليب تدور وتدور ونحن معها صعودا ونزولا

سلمان اخيرا افصح عن سره واعلن قراره

نوره وفهد ايام قليله تفصلهم عن الاجتماع الابدي

نوف وناصر استقروا بحياتهم وتخطوا بقوه كل الصعوبات

نايف وساره هــــــــــــــــــدؤ ومسيره الى الامام لكن بهون خوفا اوحذرا

ام سلمان "ابو سلمان " ام فهد "ام ناصر "ابو ناصر " الفرحه الي يشوفنها بعيون عيالهم تكفيهم وهذا هو قمة سعادتهم







.................................................. ....



شــــــــــــــــــــــــــهر مر

شهقت من فرحتها ودها تطير بين السما والاراض وتحلق وترجع من مكان ماجت اخيرا قربت رجعتها للاراض الي انولدت وتربت فيها ..صدق ياسلمان راح نرجع للرياض على طول
حس انه قدر يفرحها ويعوضها .. اكيد حبيبتي
..الله ودي اسابق الطيور واروح هناك لبيتي واهلي ودي بنتي تربى هناك صحيح عشت هنا ايام حلوه بس هناك الماضي كله
.. لايمكن انسى صبرك معي انتي يانوره نعمه من الله
..سلمان ترى ماقدر على هالكلام "ماقلت لي قلت لامك وابوك
.. قلت لهم فرحت وانا اشوفهم فرحانين باقي نوف وساره بس ماراح اقولهم لين نطب هناك
قبضت يدها وهزتها .. يالله راح ابدا تجهيز اذا كان السفر خلال ثلاث ايام "بس وشلون قدرت تسكت كل هالمده
..ومن قالك اني سكت انا قلت لفهد
..فهد لا يالخايس ولاقال لي
.. فهد احط سري عنده وانا مرتاح لايغرك هباله تراه بير ماله قرااااار

.................................................. ..............


اخذ الي بيدها وسحبها من مكانها .. انتي وش قاعده تسوين ؟؟
..شوفة عينك ارتب غرفتي
.. نوف انا ماقلت لك لاتلمسين شي الشغالات يرتبونها
.. ماحبهم يدخلون غرفتي
.. خلاص خليها زي ماهي انا راضي
.. بس انا ماراضى نصوري يدخل الغرفه وهي مكركبه
زم شفايفه وهز راسه .. انتي تعرفين تمسكيني من اليد الي توجعني
.. اكيد ولا مااصير نوف
..لا تدخلينا بموضوع ثاني بحركاتك اتركي كل شي وتجهزي بس بعد العصر عندي لك مفاجئه ماتتخيلينها
..مفاجئه !!وش هي؟؟
.. اجاوبك العصر
كانت راح تتكلم وتناقشه حط يده على فمها .. ماراح اقول لين تشوفين بعينك ولا ماتصير مفاجئه
.................................................. ..................................................


رجع من شغله لقاها واقفه في المطبخ ..السلام عليكم
تركت الي تشتغل فيه .. وعليكم السلام
.. وش المناسبه اشوف واقفه في المطبخ وش عندك ؟؟
هزت كتفها .. كنت احاول اطبخ
..اهااا وش نتيجة هالمحاولات ؟؟
ميلت راسها .. فاشله طبعا
..طيب اتركي الي بيدك الحقيني لغرفتي ودي اقولك شي
بلعت ريقها الى الان يركبها الخوف اذا حست انه راح يوجهها .. قل الي عندك هنا
رجع بعد ماستدار عنها .. ساره ترى ماانتي بعيده عن يدي لابغيتك
اقشعر جسمها اول مره يقول هالكلمه ويربكها .. طــيب وش تبي مني
رجع لها .. تجهزي اليوم راح نروح مشوار مهم>> ومشى شايل شنطته وتركها تنتفض بمكانها وتسئل خوفها لمتى ترافقني اذا كان هو الامان نفسه وهو الشجره الي اتضلل فيها
نار بعده لكن قربه جمر حرارته الهاديه تذوب اللحم وتخترق العظم
.................................................. ..............................

وقفت لابسه عبايتها مع امها وابوها واخوانها لفت تتأمل البيت بعد ما ودعت غرفتها خنقتها دمعه تغطت لااحد يلاحظها .. يالله يابدر شيلوا الشناط انت واخوك مابقى وقت
شال هوومشعل كل منهم شنطه والشغاله ومها شايله شنطتها بيدها ومشت معهم للسياره سكروا باب بيتهم ومشوا للمطار


.................................................. ............

هالطريق تعرفه وتذكره ولايمكن تنساه سئلته على امل انه يأكد ظنها وخوف انه ينفيه .. وين موديني؟؟
مركزعلى طريقه ولا عطاها رد يبرد قلبها ..دقايق وتعرفين
.. انا اعرف الطريق هذا زين واعرف وين يودي انت راح توديني لبيت ابوي
.. لاتستعجلين ياساره يمكن ظنك يطلع بغير محله
اكدت لها وعيونها تراقبه ومقدمه جسمها .. انا متأكده انا رايحين هناك بس وش السبب
..مدامك عرفتي وين رايحين راح تعرفين السبب اذا وصلنا
..ياربي ليش الطريق صاير طويــــــــــــل
سكوته اجبرها على السكوت والتأمل لين وقف قدام الباب "جمدت بمكانها اضواء البيت مفتوحه وسيارة سلمان موجوده " اخذ يشوف ردة فعلها الي عجزت تعبر عنها وبعد مده .. ليش جايبني ؟؟
سحب المفتاح .. انزلي اهلك يستنونك داخل
حطت يدها على صدرها .. اهلي !! هم هنا ؟؟
..اي هنا
فتحت الباب ودفعته ونزلت بسرعه قبل تعدى داخل البيت استوقفها المجلس مفتوح والشغاله طالعه منها ركضت لها ..
عرفت منها ان امها وابوها وسلمان موجودين فيه
وقفت على الباب ماهي مصدقه الي تشوفه انتفضت من صوته وراها .. في احد ؟؟
حركت راسها .. هاه لا ادخل >> ودخلت تسبقه
طاحت على امها وابوها سلمت عليهم وسلمت على سلمان .. هلا والله ببنيتي
..هلابك يبه ليش ماقلتوا انكم جايين ؟؟
.. وش رايك بالماجفئه ؟؟
كشت عليه .. وانت ليش ماقلت ؟؟
..انتي غبيه "وشلون تصير مفاجئه صدق الحريم ماعندهم صبر
سكتت وهي تسمع ابوها يرحب بنايف .. حياك الله ياولدي اقلط وانا عمك
وقف سلمان يستقبله .. اشغلتنا هالخبله "تفضل يانايف
زاد فضلك وسلم عليه وعلى ابوه وعلى طول توجه لاام سلمان وقرب لها وحب راسها .. وشلونك ياخاله
.. بخير جعلك بخير ياوليدي >>ام سلمان تكن لنايف معزه خاصه
..ام سلمان دايم تسئل عنك
التفت لها وابتسم ..تسئل عنها العافيه وانا ابعد اعزها واعتبرها ام لي
..تسلم ياوليدي والحين زاد غلاك
..ياسلام على الدلع لانه زوج ساره يعني
.. عاد السوري هي اخر العنقود الغلا كله لها
رفعت عيونها وشافته يناظر لها وقفت كثير وحضنت امها .. الله يخليك لي يمه
..هي انتي يالدبه ذبحتي امي
اخذت يده ساره وحبتها .. وين ياحسره هذاك اول الحين جلد على عظم
كل هذا كان نايف يتابعه .. قومي ياساره جيبي القهوه " الا على فكره وين نسيبي ؟؟
.. ههههههه نسيبك دخل مع الشغاله عند خطيبته
التفت لنايف ..وش رايك يانايف اخذت العمه وفكيتنا منها خذ بنت اخوها مره وحده بس عشان ماغشك طالعه عليها بكل شي
اخيرا تكلم بثقه وبصوت ثابت .. مادامها طالعه على عمتها اكيد ماراح نلقى احسن منها اصلا ميزه انها تشبه ساره
ابتسمت رغم تحفظها لكلامه الهادئ وقامت تجيب لهم القهوه



وهي داخله من باب البيت الداخلي وقفت بسرعه .. اخ عميا ماتشوفين
فتحت عيونها .. نوف !! متى جيتي
سلمت عليها ومشت داخل .. قبل شوي بس شفت سيارة نايف ودخلت على طول
.. شفتي جايين من قبل الظهر ومااحد قالي!!
..حتى انا ماعرفت الا لين وصلت" الانوره وين ذلفت من جيت ادورها مالقيتها
من وراهم سمعوا صوتها .. سمعت احد يحش فيني
مع بعض مشوا لها .. نوره " وينك ندورك من جينا
.. بلاكذب انتي وياها انتي من جيتي مقابله زوجك وانتي توك جايه
حكت نوف راسها .. اوووه ماعلينا وش اخباركم "وش عندكم جايين الحين " انتي قلتي قبل زواج فهد بااسبوع او اقل
ضربت يديها ببعض .. انا ماقلت لكم
مطت ساره شفتها .. متى شفناك عشان تقولين لنا
..صدق ما قلت لكم ؟؟
صرخت نوف قهرتها ببرودها .. نــــوره خلصينا وقولي
..هدي اعصابك العصبيه ماهي زينه لك "خلاص اقولكم " احنا ماراح نرجع للشرقيه
بصوت واحد ..وشلون ؟؟
.. سلمان دبر نفسه ونقل هنا على طول
..صدق نوره ياوليك لو كنتي تكذبين علينا
..هههههه والله ماعاد حنا راجعين
حركت نوف يدها ..لحظه فهميني احس اني ماني قادره افهم
..نوف كانك بعد الحمل صايره غبيه مايبي لها فهم خلاص راح نجلس هنا على طول
..احلفي مااصدق يعني بتجلسون بالرياض على طول
هزت راسها بتاكيد وضربت بيدها ..على قلوبكم
وقفت ساره بسرعه ..الله ياخذكم نسيتوني القهوه دقايق اوديها وارجع لا تسولفون لين اجي >>


وراحت تركض للمطبخ نزلت القهوه عندهم وقبل تطلع سمعت سلمان .. تعالي وين رايحه قهوينا
انغاضت منه صاير يستفزها رجعت لهم وقلبها مع سوالف نوره ونوف شالت الدله وبدت من يمينها بابواها وبعدين مدتها لنايف وسلمان وعلى الطرف الثاني امها تحس انها مراقبه وقفت شاليه الدله بيدها انتبهت له يهز فنجان قربت له لكن واجهها .. خلاص " عن اذنكم انا رايح
..وين ياولدي ؟؟
.. اسمحلي ياابو سلمان بس ابوي واخواني جايين الليله ولازام اروح اجيبهم من المطار واوديهم للبيت
..اذا كان كذا معذور ياولدي الله ييسر لك
.. يالله اسمحولي >> وطلع

اما ساره نزلت الي بيدها وطلعت من المجلس ناويه تدخل لكن وقفت وهي تسمع صوته من وراها .. وقفي ياساره
وقفت وهي معطيته ظهرها والتفت براسها اشر لها بيده تجي مشت له بأدب .. نعم !!
.. الله ينعم عليك بس ابي اقولك اني راح ارجع اخذك بدري
ناظرت له باستفهام .. ليش ؟؟
.. اهلي راح يجون وماودي تتاخرين عليهم
هزت راسها بتفهم وابتسمت .. طيب
قرب براسه لها وهمس ..ايوه خليك شاطره ومطيعه " وخليك دائما مبسوطه الفرحه عليك احلى
اكتفت باابتسامه تعلن عن رضاها .. سلام
ومشى وتركها تفكر فيه كل يوم يثبت له انه انسان يستاهل انه يكون له مكان في القلب رغم كل شي قدر يصنع لنفسه مساحه في قلبها ويخترق كل الحواجز
في بيت نايف البيت لااول مره يمتلي ويعج فيه شئ من الحياه ابو نايف ونايف وام بدر ونجود وجود وحتى متعب كان بين يدين ام بدر
وصلت مها وساره وبيديهم صياني القهوه ولوازمها نزلت مها الي بيدها على الطاوله لكن ماقدرت ترفع نفسها وهي تسمع كلام ابوها الي يوجهه لنايف .. اتصل على عبدالله وخله يجيب لطيفه وولدها من جيت ماشفتهم
فكت شفايفها وناظرت لنايف الي حنى رقبته للاراض .. يبه هي تدري انك هنا وماتحتاج عزيمه عشان تجي
ناظر لها بعتب وزعل عليها ..مها الي تتكلمين عنها هذي اختك واذا هي تغلط مايمنع انها بنتي واشتاق لها هي وولدها
رفع عيونه لمها وحط اصبعه عند شفته عاذر مها وعاذر ابوه ومايدري كيف يرد .. ماعليه يبه مها ماتقصد تزعلك ولطيفه عليها حق انها تجي من نفسها
استغرب من لهجتهم عمرهم مااخذوا منها موقف على أي شي تسويه متااكد ان وراهم شي ثاني .. نايف انا كنت اظن انك اعقل منها لكن الظاهر لطيفه مسويه شي كبير وانا لازام اعرفه
ناظ بجسمه بسرعه يبي يتدارك الموضوع .. لالا يبه ماسوت شي بس احنا عتبانين عليها لانها مقاطعتنا
ارتخى وكمل بهدؤ .. اجل عتبك لين اروح مادمت انا هنا لاام تتصل وتقول لها تجي ولا اروح لها واذا رحت تقاطعوا بكيفكم انا مابي اخسر خساره جديده > ولف براسه لجهه ماتقتحمه عيونهم لكن ابدا ما خفى عليهم هروبه اسرعت منها خطوتها له وحبت راسه ورمت نفسها قدامه .. الا زعلك ياابونايف وعلشان خاطرك اذا ماجت انا اروح اجيبها بس انت ترتاح وماتزعل مني
مسح على شعرها . الله يرضى عليك ويوفقك
مسكت يديه وركزت بعيونه .. أي يبه تكفى تدعي لي

موقف موجع رغم التحفظ على الكلام والحذر من الضرب بكلام قاسي
كانت واقفه وتشوف وتسمع وتحلل وتربط الامور ببعضها تحركت من سكونها وجلست جنب ام بدر الي ايضا كانت ساكته وتترقب نهاية هالمشهد .. اشوف جبتي القهوه انتي وزوجة اخوك وحطيتناها قدامنا
وقفت وضحكت .. ابشر ياابو نايف الحين اقهويك بس اذا طلعت ماهي زينه ترى ساره الي سويتها
..ساره مايطلع من بين يديها الاكل شي زين
.. تسلم ياعمي >>ورجعت لصمتها وتراقب نايف الي فجئه توقف عن كل شي مهما حاول يندمج معهم كانت تاخذه فترات من الصمت طوووويله تاكدت ان لطيفه لها دخل بالموضوع







.................................................. ........

ليت العمر شريط تسجيل ويـنـعـاد
واعيد اجمل مامضى من ذكرياتي



.. اتصل على نايف يقول ابوك هنا ويبي يشوفك
بسرعه التفت لهدى الي تعرف خفايا هالسالفه .. ابوي
..اي طالب يشوفك ضروري
ابعدت ريان عن رجلها .. ومتى راح توديني لهم
..براحتك الوقت الي يناسبك
خووووف من المواجهه وقلق انها تنفضح ولقاء مع مها ونايف .. خلاص اشوف متى الوقت الي يناسبني واقولك
تعود على اسلوبها ماتتحمس لشوفة اهلهااو فيه سر ورا اتناعها عنهم وهو ماشي .. يعني ماتبين تروحين اليوم ؟؟
سكتت شوي ..لــــــــــ لا
تركهم وطلع بسرعه استدارت لهدى تستنجد فيه تبي من يشجعها ويعينها الحمل الي طبق على صدرها .. تتوقعين قالوا له مها ونايف
.. وش فيك تغير وجهك لو كانوا قالوا له راح يجي هو بنفسه "مااعتقد يقولون له اقل شي يخافون عليه من الصدمه
احتقرت نفسها تهرب من اقرب الناس لانها اذنبت بحقهم وخسرتهم بغبائها الي كانت تعتبره قمة الذكاء خسارتها لايمكن يعوضها احد عنها ن
افاقت من دورتها حول نفسهاا ..الهروب ماراح يحل المشكله انا لازام اواجه مصيري ودي اصير شجاعه هالمره



.................................................. .......
تكفا ياقلبي لايجي منك العيد
لاتروح لدرب الهوى ان كان نادوك
تبغىآ السلامه خلك لحآلكـ بعيد
لاتنخدع في حكيهم ولايغروك





وقف مقابلها وركز بعيونها ووجه سؤاله لها .. ابي منك قرار اخير
ابتعلت ريقها من رهبة الموقف .. وش تبيني اقول لك
...تعرفين زين وش ابي وتعرفين اكثر ان اساليب الهروب ماعاد تنفعك
لفت بجسمها عنه هروبا منه وسئلته سؤال يمكن ينسيه الفكره الي تخافها .. موقبل لا تقول لي وش بينك انت ولطيفه
ثبت كل مامنه فعلا نجحت انها تحد من الحاححه .. مابينا شي
التفت يوم حست انها كسبت الجوله لصالحها .. انت تو قلت عرفتني زين يعني تدري ان هالكلام مايمشي على " لطيفه لها علاقه بالي كنت تسويه فيني
.. وليش حكمتي عليها ؟؟
.. فكرت كثير مافي شي يجبرك عليه الا اذا ان فيه كذبه وصلتك عني ومااظن فيه احد له مصلحه الا لطيفه
.. لطيفه مالها مصلحه لاتظلمينها
.. لا انا ماظلمتها بس اذا كان ظلمها بس لي انا راح اسامحها علشان متعب وعلشان ابوه الله يرحمه وووو
ابتسم لانه عرف ليش سكتت ..كملي
راوغت بذكاء .. ماعندي شي اكمله راح اترك الماضي اسامحها علشانكم لكن حب مااقدر احبها لانه الشي الوحيد الي ماقدر اتحكم فيه ولو كنت اقدر اتحكم فيه ولو كنت اقدر ما سلمتك نفسي
اخيرا نطقت الكلمه الي يتمنى تقولها صحيح زل لسانها فيها لكن اكيد مفرده من مفردات قلبها الي تحرص على انها تدفنها
شخص بعيونها الي تتهرب .. يعني اعتبره قرارك الي كنت انتظره
حاولت تشيل نفسها وتترك لها المكان تحركت بعجله لكن سرعتها ما شفعت له عند يده الي قبضت عضدها الصغير سحبها عنده و؟؟؟؟؟؟؟؟



اليوم فقط سأبدا رحلتي معك واكون نصفك وتكون نصفي وتكمل معي طريقي الذي لم يبدا الا ويدي بيدك
فامسكني حتى لا اعود للضياع وكن بجواري لا اريد ان اخاف طموحي الامان بين احضانك واملي الحب الذي لم اجده الا برفقتك
ودعنا نجعل من الماضي حطاما حتى لايحطمنا
دعني اغفو قريرة العين ثم انام ملئ جفوني ثم احلم باني اعيش واقعي




.. فهد امي تبيك توديها للسوق
تافف بضجر منها تحجج بامها عشان تروح معهم .. امي ولا انتي ؟؟
قربت له .. يعني انا مااني اختك
.. اختي على عيني وراسي بس متزوجه رجال طول بعرض مايقدر يوديك !!
.. سلمان من جا هنا وعنده ضغط بشغله ومايفضى
.. وقلتي سواقي الخاص يوديني
.. انا مابي شي بس ميلاف تبي فستان لزوج خالها
.. الظاهر انتي وبنتك غاويات تمشورني
..يالله عاد فهودي ولا كلمتين باذن امي تقلب عليك الدنيا وانت تعرف ام فهد
..لا والي يرحم والديك الا امي مااني ناقص تجهزي وانا اوديك من عيوني
..ههههههههه تسلم عيونك يالله انا جاهزه
.................................................. .


وعت بعد مده مالت على جنبها وقفت حركتها وهي تشوفه نايم معها بسرعه نفضت الغطا عنها وقامت تذكرت الي صار تحسست وجهها وحطت يدها على فمها وهي تسترجع الي صار حطت يدها على طرف السرير وجلست عليه وفركت وجهها بيديها لعلها تغير الحقيقه

حس بحركتها فتح عيونه وشافها معطيته ظهرها ومتوتره مد يده ومسك يدها الي حاطتها وراها حست به وانتفضت من لمسته وسحبت يدها من تحت يده خلاص ماعاد ينفعها الهروب ورجعت تفرك شعرها بتوتر جلس وزحف قريب منها .. ساره لاتحسسيني بالذنب
ابتلعت ريقها المر وصارت تحرك يدها على ركبتها .. شوفي انا ماراح اتكلم لين اعرف هذا كره ولاشي ثاني !!
همست ببكا ..لا لا يانايف انا مااكرهك
حط يده على كتفها .. وانا هذا الي يهمني وراح اكتفي فيه الحين
..مافهمت !!
.. الله ياساره ذكاك الي وصل لكل شي عجز يفهم اني عاذرك ومادام انك ماتكرهيني هذي خطوه اعتبرها تطور كبير وللايام راح اترك الباقي>>
كلامه ريحها نوعا ما وبدت فعليا تحس بالاستقرار لانها لقت انسان يفهمها والغريب ان نايف هو هالانسان
عقبه كبيره تخطاها معها وقدر يحتوي بعثرتها

................................................


وقفوا كلهم يراقبونها تشمي لهم كانها تقترب من الموت توسطهم نست من قلقها انها لازام تسلم استنكر ابوها التغيير الي طرى عليها لكن مامنعه انه يخفي شوقه لها .. ماراح تسلمين على ابوك يالطيفه
اهتز داخلها شي بعنف وألمها كلماته كوت قلبها ارتجفت واقتربت منه وحطت يدها ورى كتفه وسلمت عليه .. اشتقت لك يبه
غورقت عيونه وهو يحس برجفتها ومن المجهول الي يلفها والسر الي تخفيه .. لو كنتي مشتاقه ماتستنين لين اطلب منك تجين لي "كان ودي تزوريني من نفسك
ابعدت نفسها عنه .. سامحني يبه
والتفت لاخوانها كان اول من وقع نظرها عليه مها الي تطالعه بعين العتب والحزن لكن تجرأت وراحت لها وسلمت عليها بدون ماتكلمها كملت سلامها على اخوانها كلهم ..اجلسي يالطيفه حياك الله يابنتي
جلست وسطهم تحس بينهم بالغربه مع ان المفروض يكون العكس سمعت ام بدر تكلم ريان أي ظل واقف عند الباب ..تعال ياريان سلم على جدك
مد ابو نايف يديه له وهو انطلق له وسلم عليه وجلس بحضنه ..وشلونك ياوليدي
ابتسم له ..بخير
..عساك دايم بخير "تعالي ياجود خوذيه وديه لمتعب يلعب معه
تحركت وسحبته من يده ..زين "يالله نروح نلعب مع متعب
مشى معها بدون اعتراض
..وين عبدالله ليش مانزل معك
ناظرت له بخجل .. يقول عنده شغل وبيمر بعدين
..زين " وش اخبارك وليه متغيره يابنتي
عظت على شفتها مقهوره من نفسها حس فيها وبان الالم عليه من حالها .. بخير يبه لاتخاف عليه
.. وشلون ماخاف وانا اشوفك وحده ثانيه قولي يالطيفه علميني انا ابوك وانا الي ارفع الظيم عنك
ابكى قلبها بالي قاله ودمعت عينها .. قلت يبه مافيني شي لاتشيل همي
..بكيفك بس لاتنسين اني ابوك وان لك اخوان مايخلون حقك يضيع


.. عبدالله مايظلم احد لاتظلمه يبه >>التفت لمصدر صوته وهو ينزل على الدرج وساره تتبعه
وسهام عيونه متوجهه لها شهقت من الخوف "حانت ساعة الصفر واظهار السر قدام ابوها .. وانت وش عرفك يمكن بعد ماتزوج تغير عليها
.. لا هي تغيرت قبل يتزوج عبدالله وانا اضمنه انه ماراح يظلمها "لطيفه تغيرت بعد موت نواف
وجه سؤاله لها .. صدق كلام نايف
هزت راسها بسرعه وبقلق .. صدق
ماصدق الي سمعه لكن مضطر يعديه ويغلق هالسالفه الي يتمنى ينساها ويمزق اوراقها
موقف انتهى نهايه غريبه مجرد قفل على التفاصيل مضت وقت قصير معاها ماعاد المكان يتسعها بينهم اتصلت على عبدالله وجا واخذها

"""""""""""""""""""""""""""""""""""""""""""""" """"

بـــــــــــعد اسبوعـــــــــين


وقفت قدام مرايتها وناصر وراها يروي عيونها بمنظرها الي يشرح الصدر بفستانها ومكياجها الناعم .. وش رايك فيني ؟؟
..راح تغطين على العروس بكبرها
.. مو لهالدرجه " بعيونك بس
.. انتي يهمك غيري
..اكيد لا انت الوحيد الي يهمني رايه
..طيب يالله قبل اغير رايي
شالت عبايتها بسرعه .. يالله " خالتي تروح الحين ولابعدين
.. لا امي تروح مع ابوي
..خلاص اجل مشينا


..............................................


طلعت من المشغل لقته ينظرها بسيارته فتحت الباب وركبت جنبه بهدؤ تغيرت صفة العجله واشياء كثيره تغيرت فيها الايام الي عاشتها خلقت منها ساره ثانيه تحمل اشياء جديده تعلمتها من الحياه .. ياليت توصلني للقصر بسرعه لاني تاخرت
كتف يديه على السكان ولف راسه لها .. وليش تقولينها برسميه ؟؟
سكتت ورى هالكلام كلام ثاني ..ماراح اوصلك الابشرط
فتحت عيونها مستغربه ..وشو!!
..عطيني يديك
ناظرت ليدها الي بحضنها وترددت واخيرا رفعتها وبسرعه رجعتها ضحك عليها .. عطيني يدك يالخوافه
رفعت يدها من جديد ومدتها له ومن ورى السكان طلع علبه فيها الاسواره الي شراها لها مع فهد فتح العلبه ومسك معصها ولبسها اياها واخذ يدها وحبها ..امانه كانت معي استمني عليها نايف لين احطها بيد ســـــــــــــــــــاره
التفت بسرعه قدامه وحرك المفتاح وشغل السياره



.................................................. ............................




اعتلت الرؤؤس لاعلى الصاله الي انخطفت اضؤاها"وطلعت من يمين الطريق يرافقها نور الكشاف ويزيد بريقها الي يعكس على فستانها لين توسطت الطريق ظلت واقفه وبين يديها مسكتها تحمل انقى الالوان واجملها وعيونها تترقب يسار الطريق" نزلت نظرها وهي تشوفه متوجه لها على مرئ من عيون المعازيم ارتفع صوت الزغاريد والتصفير وصلها اخيرا حب راسها ومسك يدها .. الف مبروك
حطت عينها بعينه ..الله يبارك فيك >> نسوا عيون الناس الي تراقبهم

ياعيون الكون غضي بالنظر اتركينا اثنين عين تحكي لعين

اتركينا الشوق ماخلى حذر بلاخوف بنلتقي ونلتقي بعيونها

وعيونها احلى وطن


لمح لمعه بعيونها تحذره من دمعه ناويه على الانحدار هو يعرف زين سبب سقوطها .. اليوم ماهو للدموع

رفعت راسها فوق .. ماراح انساه العمر كله

..مها الي يعيش بقلوبنا مانعتبره مات والدلليل انه حاضر معنا بفرحنا

بلعت ريقها وفتحت عيونها على وسعها وناظرت للاراض تحتها

نزلت رجولهم اول عتبات الدرج ووابتدت القصيده الي راح يمشون عليها


=============
الليلة الفرحـة ملـت واسـع الكـون
وهلت مزون الغلا عذب ماها
الليلـة لشمعـة حيـاتـي يـزفـون
وتكحلون عيونكم من حلاها
والطفلة اللي جت تمشي على الهـون
تهدي لها عطر الورد وشذاها
ورود حـب و كـل وردة لهـا لـون
وعلـى محياهـا الـبـراءة تبـاهـا
واذا سئلتوا نور عيني من تكون
وكيف املكـت قلبـي وذاب بهواهـا؟
اليوم لاطلت عليكم تعرفون
منهي و وش سر الغـرام و غلاهـا؟
تمون لو تطلب نظر عيني تمون
تزعل علي الناس و اكسـب رضاهـا
الغالي الي تطلبه مني يمون
روحـي و قلبـي و المشاعـر فداهـا
وتحط عروق قلبي لها غصون
واصدق شعور الحب يـروي ضماهـا
الزينـة اللـي حيـرت كـل مزيـون
تمشي وكل الزين يمشي وراها
ما الومكم لـو مـن حلاهـا تغـارون
الله وهبها الزين والله عطاها
وش تذكرون بزينهـا و وش تخلـون
من راسها حتى موطى حذاها
ما كنت احسب ان المشي ذوق و افنون
لين اقبلت عروسنا ترتب خطاها
وليل الجديل اللي تمايل علـى امتـون
وغطا نحرها بالظلام وكساها
و الضحكة اللي تحتها الـدر مكنـون
والبسمه الي تنرسم في شفاها
متميزه بالزين عن من سواها
لطلتـك كـل الحـضـور يتـحـرون
ويبغون شمس الصبح ترسـل سناهـا
طلي وخليهم لزينك يشوفون
يااجمل "سنيني ومصدر ضياها

وصل ويده بيده وامه ونوره يستقبلونه بالزغاريد كمل طريقه معها لين وصل للمنصه ولفوا اثنينهم ووبروق من الفلاشات تلمع وتحاصرهم من كل الجهات

فهد الولد اليتيم الي تربى على يد عمه اليوم اصبح رب اسره
فهد الشخص الي يظهر الاستهتار ويضمر معاني ذات قيمه
فهد الابن الاخ الصديق القريب واليوم الزوج ................

جلس وترك يدها واستقبل ضحكات امه الي تخفي دموعها ورى دموع دفعتها فرحتها بشوفته اليوم مع زوجته باركت له وحب راسها
ابعدت عنه وافسحت لنوره المكان تعبر له عن فرحتها ..الف الف مبروك
كان يشوف الفرحه المختلطه بالدموع بعيونها ويسمع السعاده الممزوجه برجفه بصوتها ..الله يبارك فيك
استمرالكل يبارك ويهني




هـــ

نـــ ا

كــــ


في نهاية القصر التفت بعباتها وغطت عيونها اخنتقت بمكان ضاعت فيه ناس قلوبهم صافيه نبذوا الكره والحقد مثل مانبذوها

المفروض تكون حاضره اخت العروس وقريبة العروس لكن للاسف مالها مكان بينهم حطت مكانها ذكـرى لاخت ضاعت منهم وهي موجوده

لطيفه اتخذت المؤخره لانها من اواخر الحاضرين اوال المغادرين

للاسف هذا اختيارها ومافي احد ممكن يعاقب عنها الا لطيفه """""""""""""""""""""""""""""""""""""""""""""" """" """""""""""""""""""""""""""""""""""""""""""""" """" """"""".







شهــــــــــــــــــرين


ابتسم وهو يشوفها تدفع عربتها وتتوجه له وبعيونها اجمل معاني السعاده الي حست عيالها عايشينها .. وشلونك الحين؟؟


اخذ حبته وحطها بفمه ..الحمدلله ياام سلمان

..اهتم بصحتك ترى مالنا غنا عنك

تنهد ولف لها يحاكيها عن احساسه .. الموت حق علينا مهما طالت ايامنا هو نهايتنا والحمدلله الي طمني على عيالي وشفتهم مرتاحين بحياتهم

اعتلى وجهها ابتسامه .. الله يطول بعمرك " انا اكثر ما خفت على ساره بس الحمدلله تطمنت عليها وعلى اخوانها

.. حنا وش نبي الا سعادتهم عسى الله يوفقهم

الآن هذا هو قمة مايبتغون

هذا هو ابو سلمان وام سلمان


.................................................. ..............
والي خلقني ماالاقي مثيلك
حتى مثيلك لو الاقيه ينعاف



رجعوا من مشوارهم مبسوطين وهو ماسك يد بنته رفعت الغطا عن وجهها والتفت وهويراقبها تكلم يحب يشوف خجلها الي يلازمها مهما

طالت عليه المده .. ماشالله عليك انتي كل ماكبرتي تحلوين

احمر وجهها ونزلت الغطا ..سلمان وش ناسبة هالكلام

قرب منها وشال ماتستر فيه وجهها ...هههههههه انا مدري متى تقتنعين اني زوجك ومن حق اقول الي ابي

اتركته واقف وهربت عنه ضحك عليها ونزل على بنته ورفعها بسرعه ولحقها


العلاقه العفيفه الحب المرصع باجمل المعاني

هذا هو سلمان ونوره

...........................................

رجعت من السوق شايله اغراض ملت المكان وابوناصر متعجب منها بقدر ماهي مره متزنه لكن عند هالنقطه ضيعت كل العقل

.. وش هذا ياام سلمان ترى يقولون واحد الي ببطن نوف مو عشر

.. واذا كان واحد مانشتري له !!

..اشتري بس بالمعقول "بعدين انتي ماتدرين بنت ولا ولد

اشري باصابعها ..انا جبت اغراض الاثنين

..صدق حريم ماتفكرن الاباللبس والاكل

مطت شفتها تستخف بكلامه .. اجل وش تبيني اهتم فيه طفل مايعرف الا الاكل واللبس

..لا انا باهتم بتربيته وراح اربيه مثل ماربيت ابوه واذا كانت بنت انا واثق ان نوف راح تكون ام امينه وتقدر تربيها مثل ماتربت


كلن على همه سرى وانا على همي سريت

هذا هو ابو ناصر وام ناصر
...........................


على نفس الطريق الي مشوا بد قبلي العشاق

مشيت اسابق الخطوه وامني القلب باحبابه






.. صادقه خالتي انت صاير ماتفهم

اعجبها ردها تلعب على ام فهد مثل الطفل .. والله ماحد فهمني الاانتي اما هذا واخته الله يعيني عليهم

..وش تسوين ياخاله عيالك لازام تتحملينهم

ناظرت لفهد الي فاتح فمه محتاله من الدرجه الاولى وضحكت على شكله كملت ام فهد .. صادقه يابنيتي انا ابقوم اصلي وادعي الله يهديه

..الله يقبل منك ياخاله ولاتنسيني من دعواتك

من اتركتهم ام فهد اطلق رجليها للهوا وهي تضحك عليه لكن لحقها قبل تبعد وضحك بانتصار ..منهو الي مايفهم

عفست وجهها من الم مسكته ..ااااا ماحد انا انا >

..متاكده ماهو انا >>وزادضغطه على يدها

..متاكده >>وصرخت بصوت عالي >> خالتي تعالي شوفيه

تركها بسرعه ونزل يدينه وحس الا وهي تركض وهو يركض وراها

هذي حالتها تعرف تمتص حالات الغضب الي بدون مسبب الي تكتسح ام فهد

هــــــذا هـــــــو فهــــــــــــــــد وهذه هي مــــــــــــــــها
.......

انفتح الباب قدامها غمضت عيونها تكره النور وتكره الاصوات وتكره الناس وتكره نفسها طلعت من المستشفى بعد تطو قمته انها تفتح عيونها وترفع ظهرها طلعت كومه من اللحم والعظام الرخيصه لايوجد من يثمنها ثلاث شهور رقدت بالمستشفى ماشافت احد الا امها
نزل السواق وحملها بكرسيها وحطها بالسياره تعيش باقي ايامها في سجن بنت قضبان بيديها

هذه هي نــــــــــوال
,,,,,,,,,,,,,,,,,,,,,,,,,,,,,,,,,,



أحبــكـ ..
من هنا حتى طلوع الفجر .. حتى النور..
صحيح إنك قدر محتوم .. بس أجمل مقـــاديري..

بعد خمـــــــس شهـــــور


دفع الباب ودخل قرب منها ومسك يدها .. الحمدلله على سلامتك

حست بلمسته وسمعت صوته .. الله يسلمك

مسح على شعرها وهمس بصوت هادي ..خفت عليك ولادتك كانت صعبه

زمت شفايفها ورفعت يدها تمسح العرق عن رقبتها .. المهم شفته بعيوني ولمسته بيدي >>مدت يدها على السرير الصغير وتحسست وجهه

الملائكي وناصر وقف ولف للهجه الثانيه وحط يده على يدها .. تعرفين وش اتمنى ؟؟

رفعت عيونها الكلام صعب عليها وكمل .. اتمنى يصير عنده اخوان يشيلون معه الحمل لثقل حمله واخت يفتح قلبه له ويحسسها ان عندها عزوه تستند عليها ودي يجرب الي انحرمت منه

زينت وجهها احلى ابتسامه ..ان شالله " خالتي وينها ماشفتها

ضحك من طاريها ..هههههههه غصب خليتها تروح للبيت تقول ودي اجلس عندهم ونروح للبيت مع بعض

..الله يعطيها العافيه مااتركني ولا لحظه ولافقدت امي وهي موجوده

اليوم يوم ميلاد جديد لهم

هذا هو ناصر ونوف

...................
كافي الليالي زود همٍ وهوّجاس
الوقت راح وباقي العمر مطروّد
من صاررع الدنيا على غير مرواس
لابد ما تخذلـه خـلان وعضـوّد
ومن لايعذر الناس مايبخص الناس
للطيب حدا والردى ماله حدود


..يالله يا ريــــــــان تاخرنا

طلع يركض ورفع شنطته على ظهره .. الحين اجي >> وانطلق لامه حط يده على كتفها .. مع السلامه

رصت شفايفها على خده .. مع السلامه ان شالله اشوفك رجال وافتخر فيك

تركها وقبل يطلع لمحها طالعه من غرفتها وتضحك له ركض لها وقبل ينط عليها .. بطنك كبير

نزلت بجسمها ..ههههههههه عشان اختك نايمه فيها

..خلاص قولي لها تطلع عشان العب معها

.. راح اقول لها >>صفقت بيدها ..والحين بسرعه رح لاابوك قبل يزعل منك

لوح بيده وهو يركض .. مع السلامه

قربت لها تحسدها على عزيمتها تقوم بواجبها على اكمل وجه لازام تقوم مع عبدالله رغم تعبها من الحمل ..روحي ياهدى ارتاحي انتي تعبانه

..مشكوره يالطيفه على تعبك معي

..انتي الي بديتي بالطيب وتستاهلين مثله

استقرت الاوضاع وكل منهم عرف حقوقه وواجباته "الدنيا ماتؤاخذ بالقوه" وماجزا الاحسان الا الاحسان

هذا هو عبدالله ولطيفه وهدى

...............................

من لمس هـ الجرح غيرك
ومن طعن صدره علشانك
ومن رضى بشرك وخيرك
لاجل يتنفس حنانـــكــــــ


تمتت بصوت هامس .. مطرنا بحمدالله وفضله اللهم اجعله صيبا نافعا >> واقفه تراقب قطرات المطر تتبعثر على الاراض والضوء يتكسر

عليها نفحة هوا بارده دخلت عليها من الشباك لفت شالها على صدرها وشعرها المربوط تمردت نها خصلات تتراقص طرب من صوت

المطر وريحته استنشقت من ريحته وخزنتها برئتها حست بدفا يطيح على ظهرها والتفت تعرف من راح تشوف وراها ابتسمت وهي تشوفه

يحط بالطوه على ظهرها .. ليش قمتي من السرير وانتي مريضه ؟؟؟

باصبعها ابعدت ماتبعثر من شعرها لورى اذنها ..ماقدرت اقاوم ريحت المطر وصوته على الاراض "وبعدين الحمدلله خفت الحراره

مشى من وراها وسكر الشباك ..ولو عشان ماتنتكسين >>ومسك يدها وجلس معها على السرير

..ان شالله هالسنه باينه سنة خير

..الحمدلله " ساره متى تختفي نظرة الخوف من عيونك

..لاتلومني يانايف الي شفته بحياتي خلاني مأأمن للايام "بس صدقني هالخوف معك يوم عن يو يتلاشى ويختفي

..على فكره عندي لك خبر مدري بتفرحين منه ولا لا >> كمل .. انا بعت هالبيت

.. بعته !!ليش ؟؟

.. لاني شريت بيت غيره "وبعشر ايام راح ننتقل هناك

..طيب وش السبب ؟؟

..خلاص هالبيت ماعاد اقدر اسكن فيه

قدرته وواقفته الراي .. مايهم المكان المهم اننا مع بعض

..اوكي مادام هذا رايك "اسمعي الخبر الثاني

..ابوي اشترى بيت هنا وراح يجي

..كنت متوقعه لانه بعد ماتزوجت مها وتوظف بدر صعب يقعد بعيد عنكم " اخيرا راح نلتم بعد هالغربه

..الغربه ماهي غربة الاماكن الغربه بالارواح

نزلت راسها على كتفه وظلت تستمع لطرقات المطر على زجاج غرفتها وهو يحتضن صمتها ويلقى له وطن داخلها ويدفيها بقربه لانه مالقى لبرد عمره دفا الا دفاها

هذا هو نــــــــــــــايف وســـــــــــاره



تفرقت اوراقي وجف حبري ولم تنفع ضرباتي عليه صعبا ان اشعر ان النهايه تقتحمني الآن سألملهما وانضم لصفوف القرائ وابحث عن من يمتعني بنقشات دقيقه ورقيقه تملئ فراغي الذي سايتسع مساحته بعيدا عنكم

هذه هي

ليه عمــــري مالقــى لبردهـ دفا الادفــــاكي


تــــــــــــــــــــــــــمت


واسدلنا الستار على اخر فصولنا امنيتي بعده هذه التجربه ان اعيش في ذكراكم

لا إله إلا الله الحليم الكريم لا اله إلا الله العلىالعظيم
لا اله إلا اللهرب السماوات السبع و ربالعرش العظيم* *‏اللهم إنا نسألك زيادة في الدينوبركة فيالعمر وصحة في الجسدوسعة في الرزق وتوبة قبل المووشهادة عند الموتومغفرة بعدالموت وعفوا عند الحسابوأمانا من العذابونصيبا من الجنة
وارزقنا النظر إلى وجهكالكريماللهم ارحمموتانا وموتى المسلمين واشفي مرضانا ومرضى المسلمين
اللهم اغفر للمسلمين والمسلماتوالمؤمنين والمؤمنات الأحياء منهم والأموات
اللهم ارزقني قبل الموت توبة وعند الموت شهادةوبعد الموت جنةاللهمارزقني حسن الخاتمه
واخيــــــــــــــــــــرا
لااقول لكم وداعا ولكن الى لقاء قريب

وكل عام وانتم بخير
رمـــــــــــــضان مبارك علينا وعليكم


اختكم في الله

ذكــــ نجديه ــــرى

وبجي وصلنا لنهاية القصه..

ان شاء الله تعيبكم..

واتمنى لكم قراءة ممتعه..