لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (20) أدوات الموضوع انواع عرض الموضوع
قديم 07-01-12, 02:40 AM   المشاركة رقم: 2661
المعلومات
الكاتب:
اللقب:
عضو ماسي



البيانات
التسجيل: Jun 2010
العضوية: 170181
المشاركات: 1,486
الجنس أنثى
معدل التقييم: صدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييم
نقاط التقييم: 1281

االدولة
البلدSaudiArabia
 
مدونتي

 

الإتصالات
الحالة:
صدووود غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته ...


صبــــــــأح الخيــــــــــــر ياوجيه الخير..

كيفكـــــــــــم ..؟؟ان شاء الله تمــــــــــام..

احم احم أشوووف الطالبات موجودات..
وش قلنا ياعسووولات..الدراااااسة أهم فديتكم ...


دقائق وينزل البارت ..

كونوا بخيــــــــــــــــــــــر ...



الذين يشاهدون محتوى الموضوع الآن : 312 ( الأعضاء 112 والزوار 200)

صدووود, ‏دنيا الهيام, ‏عاشقة الخيول, ‏خيال حالمه, ‏حكايه}..+, ‏yoyo cute, ‏مون فلور Q8, ‏جوودي1, ‏الورد الثلجي, ‏حبك جنون+, ‏وجودي يكفي+, ‏وه يا حلاتي, ‏غلا وجداني, ‏ترضي غروري, ‏حلا الحياة+, ‏Miss Memo, ‏متربع في قوطي, ‏رشة عطر ~, ‏لمسه دافئه, ‏التائهة, ‏انثى, ‏سوزورا, ‏3noody, ‏ام غزل+, ‏بيشو89+, ‏onees, ‏sagrali, ‏رسولي قدوتي, ‏رصاصه+, ‏فلسفة جرح+, ‏القشراء, ‏حقلاوية, ‏الأميرة الواعية, ‏zenat, ‏رمزالوفإ, ‏لووك ات مي, ‏جلاديولاس بريده, ‏كيوت قيرل+, ‏همسات وردة+, ‏الوسن2, ‏جدااايل, ‏قصه مكتمله, ‏ليالي العز, ‏المراة المجهولة, ‏نسمات الحنين, ‏اوريا المستقبل, ‏جرح الذات+, ‏نونااااا, ‏تيماا, ‏الاميره روزي, ‏مملكة الانوثه, ‏Non-non, ‏منة الله, ‏سوالييف, ‏rosette_libre+, ‏الغيمة, ‏AL.Mas+, ‏Tbasma, ‏حلم يتحقق, ‏سوسو فله, ‏a_nvas, ‏p!nk rose, ‏dal3baby, ‏القلب يجبرني+, ‏زهرةالاقصى, ‏قماشه, ‏خطاكم انهى غلاكم, ‏بعثرة مشاعر, ‏&*لحن المفارق*&, ‏*سمر*, ‏سوسو1440, ‏صباح ويدلعونها غلا, ‏ريح المطر, ‏مانقو, ‏mona19999, ‏صاحبة الامتياز, ‏ريـفان, ‏رذاذ المطر+, ‏b8o0sh, ‏الهبه, ‏اتاوي, ‏عطر العبير, ‏الصمت البعيد, ‏ام لمو العسل+, ‏الدّانه, ‏waal200, ‏روح الهنوف, ‏azee36, ‏ثريا الشمال, ‏مدآمع, ‏مهياف+, ‏إبتسامه طفل, ‏دااااانه, ‏متى نلتقى؟+, ‏wild_angel, ‏ألم111, ‏ميلودي, ‏cerly, ‏أوفاز, ‏دلع الماسه, ‏فتاة الامواج, ‏صبااا, ‏زيزو28+, ‏hadis, ‏فرح سوريا+, ‏أنثى المطر, ‏la luz de la luna, ‏اليرنا, ‏بسمه حياه, ‏حويرش

لمعرفة المزيد إما غرام يشرح الصدر طاريه و لا صدود و عمرنا ما عشقنا


هلا وغلا عساني ما افقد وجودكم بقربي...


صبوووحتي تم التعديل ...

 
 

 

عرض البوم صور صدووود   رد مع اقتباس
قديم 07-01-12, 02:41 AM   المشاركة رقم: 2662
المعلومات
الكاتب:
اللقب:

البيانات
التسجيل: Apr 2010
العضوية: 161033
المشاركات: 17
الجنس أنثى
معدل التقييم: انثى عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
انثى غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

يعطيك العافيه صدود ..

من كثر مآ أنى متحمسه كل شوي أقول حلم حلم ^ــ^

اتوقع راجح اتصل على هادي أخووهآ ..

وبس يوصل هآدي بيكون غآزي أخفآها عنهم إن شاء الله ^ــ*


سؤال فيه بارت اليوم ..؟!

 
 

 

عرض البوم صور انثى   رد مع اقتباس
قديم 07-01-12, 03:07 AM   المشاركة رقم: 2663
المعلومات
الكاتب:
اللقب:
عضو ماسي



البيانات
التسجيل: Jun 2010
العضوية: 170181
المشاركات: 1,486
الجنس أنثى
معدل التقييم: صدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييمصدووود عضو جوهرة التقييم
نقاط التقييم: 1281

االدولة
البلدSaudiArabia
 
مدونتي

 

الإتصالات
الحالة:
صدووود غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 


السلام عليكم ورحمة الله وبركاته ...


صبــــاح \\
نبضة قلب فـــاقد..
يرتمي بحـــضن الأمــومة...

مســـــاء \\
ضحكـــات الطفــــولة..
تدفن ذكريات اليـــأس...

كيـــــــفكم الـــ ليلاااااااااااااس ..؟؟
أحبتــــــــــــــي في كل مكـــان..,,؟؟

عزيزاتي رغم تقصيري في البارت الماضي ..
لم تحرموني من تعليقاتكم الغالية..وتشجيعكم المستمر وروعة حروفكم..
فـــ شكـــــراً بحجم السماء لتواجدكن بالقرب مني..
وشــــــكراً لكل من سجل عشاني هنا او في الجوار..
راقـــية أنا برقيكم..

عـــذراً من الجميع لخطاء بسيط في البارت الماضي..
نبهوني عنه الغاليات..
أدرجت قصيدة لــ الأمير بدر بن عبدالمحسن..
وفي نهايتها كتبت مهرة حرب ..
عذراً لذاك الخطاء..خطاء مني أنا ..
عـــذراً يالبدر ..وعذراً مهرة حرب ..
وشكـــراً لــ الغاليات اللي نبهوني لغلطي..


العسولة اللي طالبتني بعدم تجاهل الردوود اللتي تطالب باضافة بارت ثالث في الاسبوع..
عفـــواً لم اتجاهل ذلك..
فأنا إعتذرت عن عدم قدرتي على تلبية الطلب..
أتمنى مراعاة ظروفي...



البارت الثالث والستــــــون ,,,



لمي ضفائرك الشقراء و ابتعدي
أخشى عليك اللظى الموار في جسدي

أخشى عليك معاناتي.. مكابرتي
تمزقي.. يقظة الآلام في سهدي

تشردي في بلاد الله أذرعها
خطوي جريح.. و قلبي نابض بيدي

يا زهرة بطيوب الصبح عابقة
إني أتيت و ريح الليل في كبدي

يا ضحكة بالصبا الممراح ضاخبة
أما رأيت خيوط الدمع في كمدي؟

و يا حمامة دوح تستريح على
فخ من الشوق.. إن لم ترحلي تصدي

حسبي و حسبك حلم في تنفسه
ما في العوالم من طيب و من رغد

عشنا على راحتيه نشوة ضحكت
لنا.. و ما ابتسمت قبلا على أحد

ما كان يوما و لا يومين موعدنا
بل كان عمرا و عشناه الى الأبد


المرحوم باذن الله تعالى .. غازي القصيبي ..


ثبت عيونه بعيونها..
حواسه كلها تجمدت..
عضلاته وعروقه...

همس بضياع\ذ...ذيــــــاب ..؟؟؟!

رفع راسه له بسرعة وهو يطلع صوت خفيف من فمه..
وكانه يرد عليه بــــ ايه انا ذياب ...

أرتجفت يدينه المعقودة على ركبته..
وبألم نزل عيونه المصدومة من عيونها المتحدية..
بتظل تهزمه..
من أول ما رجعت لحياته أنهزم وانهزم..
هزمته في وحدتها وغربتها في بلد غريب عنها..
لا لغة لا بيت ولا هوية ..ولا احد يهتم فيها ويسـأل عنها..
بينما غربته كانت في بيت وأمان..
له هوية..له أم وأهل يسألون عنه ويهتمون لامرهـ..
له حيل وله قوة..
هزمته في أصالتها..
رغم كل شيء سواهـ فيها الا إنها كانت أصيلة..
سمت ولدها بالاسم اللي يبيه هو..
بعكسه لما حرمها من اسمها..
من أهلها من ابســـط حق وهو معرفة انها زوجته..


شاف ذياب يناظرهـ بــ براءة وحماس..
وراقب حركته ماسك أصابعها ويدخلها بفمه ..
وبصوت غريب عنه ناداهـ مرة ثانية..

غازي بتوسل\ذيـــاب..
نفس ردت فعله الأولى..
ناظره بسرعة..
ينتظر اي كلمة ثانية او لعبة..

مد يدينه يأشر له يجيه..
وبتصرف أستغربته على نفسها بقوة..
أرخت يدها من على ذياب..
وكأنها تبيه يرضي أبوهـ..
عادت وشدت عليه وثبتته بحضنها ..

تحرك ذياب بحضنها بعجلة طفولية وانزعاج...
وقف بشكل غير ثابت..
ومد يدينه لغازي...
مشى خطوتين ولما شاف غازي يتحرك يبي يلمه..
رجع يركض لهديل وطاح بحضنها وهو يضحك..

سواها مرة ثاني..ورجع لامه يركض قبل لا يلمسه غازي..
غصب عنها ابتسمت لهبال ولدها الغريب عليها..
أول مرة يلعب بهالشكل..

وقف مرة ثالثة وخلص نفسه من يدينها..
مشى لجهة غازي وهو يبتسم..
ينتظره يتحرك عشان يهرب منه مرة ثانية..
فهم غازي حركة ذياب العابثة..
وأدرك إنه يعتبر هالشيء لعبة..
نزل يدينه على ارجوله واعتدل في جلسته مقابل لهديل..
ومثل انه مايشوفه يقرب منه او ينتظرهـ..

طال ذياب في وقفته ولما كان بيفقد توازنه مدت هديل يدها اليمين..
وسمحت له يرتكز عليها ويظل واقف في مكانه..
وهو لما لاحظ سكون غازي مشى لعنده خطوتين سريعة..
وطاح بحضنه بعد مافقد سيطرته على نفسه..

ضمه غازي على صدرهـ بقوووة..
ولازال قلبه يرف بقووة لولدهـ..
وكانها المرة الأولى اللي يحضنه..
وهو من أول ماشافه الى الآن ضمه أكثر من خمس مرات..
بس هذي المرة كانت غير..
لأنه....لأنه ذيـــــــاب ولدهـ و ولدها...
دفن وجهه برقبة ولدهـ يشم ريحته..
ومن حركته ضحك ذياب بصوت عالي..
قبله على صدره وبطنه على وجهه وعيونه..
وبين لحظة ولحظة يحرك خشمه على رقبت ذياب
وذياب يضحك مبسوط...

نساها ..
نسى ولده كيف ولد وكيف وصل ليدهـ..
نسى السنين اللي مضت..
وكل مايكدر حياته وروحه..
مابقى في باله الا الطهر والبراءة اللي بين يديه..
كل شيء كبير وقاسي أندفن بضمه لذياب..
حتى وعيده لها بسبب هربها وتعذيبها له طول هالسنتين نساهـ..
ذياب يدمح لها كل غلطة وكل قسوة..

رفع عيونه لها وهزهـ شكلها..
لامه يدينها على حالها..حركتها الدائمة بوقت الخوف..
عيونها غاشيتها دمووع..
شفايفها ترتجف بعبرة..
تحاول تتنفس من دون صوت..
طاحت دمعتها على حضنها من دون ماتلمس خدها..
يدري وش اللي جرحها..
وش اللي أضعفها وألمها..

إنها تشوف ولدها بحضن المجرم..
يضحك ومبسوط..
وقفت بتعب..
وهمست بضعف\ماهو عشانك..عشانه..
صدت بوجها عنه..
توجهت لباب جانبي في الغرفة..
فتحته ودخلت لغرفة تبديل الملابس..
قفلت الباب مرتين..

أرخت بجسمها على الباب..
وحطت يدينها على فمها تمنع نفسها لاتشهق وتبكي بنحيب..
غصب عنها أختنقت بدموعها..
والعبرة حرمتها من الهواء..
مشت بعجز وجلست بزاوية الغرفة..
دفنت راسها بين ارجولها ..
وبكت بنحييييب..
وكل ماكتمت شهقاتها أختنقت أكثر..

أنسدحت على الارض من شدت التعب..
لمت نفسها بيدينها..
وعيونها ضايعة في الفراغ..
لقاها..!
بعد أيام وشهور وسنين من الوحدة والتعب لقاها..
لقاها ولازال يكسر بخاطرها..
يوجعها ويجرحها..
يتوعد يعاقبها..
ماتخاف منه..
خوفها من ذياب..
رغم انه طفل ماينلام..
اذا تعلق بأبوهـ..
ليه يحبه ويرتاح معاهـ..
لايكون بيوقف معه ويخليني..
لا يومه فديتك لا..
ما اقدر أعيش من دون هلي..
ولا اقدر أحفظ لك هلك..
ما اقدر أجمعك مع أبوك..
الله ماكتبه فديتك..
لاتخوني وتحبه..لا يلوي ذراعي بك يا ذياب..
لا تخليه يدفن أمك برماد هالمرة..
باندفن برماد ماهو تراب..

سمعت ذياب يبكي..
الجمود اللي صابها منعها تطلع وتشوفه..
بعد دقايق غاب صوته تأكدت انه نام مع ابوهـ..
نهرت نفسها لاتقولين ابوهـ ..لا تقولين..
غمضت عيونها ونامت على الأرض..

رافضة مقابلته لباقي الليلة..
ماراح يتركها بحالها..
وهي تعبانة ومابتقدر تواجهه..
وبقلب شقيان همست بزعل..
\الله يسامحك ياراجح..الله يسامحك..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سدح ذياب على السرير وغطاهـ من البرد..
حط حواليه وسادات تحميه لا يتحرك ويطيح..
ناظر في باب غرفة التبديل المقفول...
وهو متأكد من إنها مابتطلع منها..
بتحبس نفسها كحماية منه..
حمد الله على حركتها..
مايبي يأذيها ويزيد بقهرها..
يعرف نفسه انه مشتاق لها..
وبيضايقها بتصرفاته..

فتح البلكونة وقف عليها بثبات..
بينما داخله عواصف من المشاعر..
وأكثر مايغلب عليه هو الفرح..
عمرهـ ماحس برضا مثل مايحسه اليوم..
رجعت له بعد ما ذابت روحه بغيابها..
ومعها طفل يجبر الكثييير من كسورهـ..

تنهد بســـلام وهو يشوف حاله اليوم..وكيف يختلف عن حاله امس..
وتذكر انه أمس وبمثل هالوقت كان يكلم البرد..
ويحكي له عن فقدانه لها..
لقاها بفصل الشتاء..
دفنها بالشتاء..
والله أنعم عليه ورجعها له بفصل الشتاء..

بــرد الشتاء زعلان وش فيه زعلان
ظني فقد مخــلوق في الأمس موجود

حتى أنت تشكي مثلنا كأنك أنسـان
بس انت وضعك غير في صوتك رعـود

برد ومـطر والصوت في جم الألـحان
لـحن حزين وسبته شخـص مفقود

القلب عقبه عايش وقت حـرمان
لو هو على كيفه تمنـى له يعـود

يابرد فيك أعـتاب وأحساس ولـهان
وأنا من شعورك مع الضيـق موعـود

ليلك طويل وداخلك عدة أزمـان
يلقى بها العاشق متاهات وسـدود...

همس بانتصار\لقيتها يــ الشتاء..
ودع همومك دخيلك..

قفل البلكونة وأبعد نفسه عن باب غرفة التبديل بالإكراهـ..
انسدح جنب ذياب وضمه له..
وهالمرة كانت ريحت هديل الطاغية عليه..
شم ريحتها بولدهـ..
وهذا خلاهـ يتمناها اكثر..
همس لولدهـ وهو يبتسم\تقول ماهو عشاني سمتك ذياب..!
أمك صادقة..ولا صادقة..؟؟!

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛

شالت عبايتها وطلعت من الغرفة بسرعة..
انصدمت فيه واقف قدامها..
ابتسمت بمحبة\صباح الخير..اممم توصلني ولا اروح مع عمي..؟؟
راكان ببرود\لا خذي مفتاح السيارة وروحي بنفسك..
غادة بفشلة\راكان حبيبي ماصارت كل هذا زعل..
راكان\تدرين..مافيه أحد يستاهل ازعل عشانه..ولو كنتي أنتي..
أنتظرك في السيارة..
طلع من الجناح وطنش مناداتها له..
تنهدت بزعل..
هي غلطانة..وهو غلطان..
تدري انها مقصرة بحقه وحق نفسها..
لبست عبايتها وطلعت من الجناح وقفلت الباب..
جلست جنبه في السيارة وألتزمت الصمت..
مهما كبرت مشاكلهم او أختلفوا بالرأي..
المفروض مايجرح بكلامه وتصرفاته..
يتجاهلها ويرمي كلامه من دون إهتمام..
وصلت لشركتها..
نزلت بهدوء وقفلت الباب..

دخلت مكتبها تهدد حالها لا تبكي أو تزعل..
مثل ماقال ماأستاهل زعله..حتى هو مايستاهل ازعل عشانه..
بعد فترة من التفكير قررت ترخي الحبل ..
فتحت لابها وكتبت رسالة طويلة ومن دون ماتراجعها أرسلتها على إيميله..
اذا كنا كل ماتواجهنا بنوجع بعض..
مافيه مشكلة نحاول نحل الوضع كــ شركاء بالعمل,,

بعد ساعتين وصلها الرد رسالة مماثلة..
ومثل ماتوقعت هي الغلطانة ولازال هو الصح..
قفلت الجهاز بعصبية بعد ماكتبت ردها الأخير..

ليه مايفهم بأنه من حقي أثبت الشركة وبعدها يصير خير..
الأطفال ربي بيرزقنا ان شاء الله..
بس اذا حملت راح اتعب وبيتعطل شغلي..
غلطت لما وقعت العقد الأخير..من دون ما استشيره وأخبره..
بس كنت اعرف ردت فعله..
بيرفض اوقع العقد..
غمضت عيونها بزعل..
راكان ماقصر معي..
هو اللي فتح الشركة وساعدني فيها..
أروع مشروع هو سعى لي فيه واهداني اياهـ..
وحصلنا على مكافئة كبيرة لنجاحنا..
أنشغلت عنه كثير..وهو قدر انشغالي..
كان لازم احترم وعدي له بعد آخر مشروع..
مااوقع على شيء لبعد سنة ونص..
وأكتفي باللي أشتغل فيهم ألحين..
بس بعد ما اقدر اوقف التعاقد لان هذا بيسيء لـ الشركة..

فتحت جهازها مرة ثانية وأرسلت رد من عدة كلمات..
راح أفسخ العقد معهم ..
كله ولا زعلك يا ابو علي..

أرسلت الإيميل..
وراسلت المحامي يتصل بالمتعاقدين وينهي العقد قبل بدايته..
أرتاحت لانها ارضت راكان..
وتضايقت بسبب العقد..

ولما وزنت الأمور أكتشفت إنها مرتاحة اكثر من اول..
رضى راكان اهم من رضاها..
وهو أبد ماقصر معها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نزلت الدرج بهدوء..
وهي تفكر وين ممكن يكون..
طلعت من غرفت التبديل وماكان له أثر ..
دارت في البيت وقلبها يخفق بقووة..
مالهم اثر..لا بالمطبخ ولا الغرف ولا الصالة..
فتحت الباب الرئيسي وهي تظنه مقفوول ..كان مفتوح ..
شهقت بصدمة..
ليه راح وخلا الباب مفتووح..
ليه ماقفل علي يمنعني لا اهرب..
المفروض يقفل الباب..ليه ماقفله..؟؟!
ذياب وينه؟؟وين ولدي وينه؟؟
ياويلي ياذياب خذاك وراح..
ناظرت من الطاقة ماشافت السيارة..
كرسي ذياب مو موجود..
دارت في مكانها بخوف..
تحاول تدفن الصوت اللي يصرخ داخلها..

خذاهـ وراح..
مثل ماحرمته من ولده بيحرمني منه..
بيقهرني فيه مثل ماقهرته..
جلست على ركبها بضعف..
وبالموت قدرت تتنفس..
تكفى لاتسويها..
والله مالي حيل على فراقه..
كفاية هلي ياغازي..
حرمتني ويتمتني..
يكفيك ظلم..تكفى لا تاخذهـ..

ذياب ياابووي وين بالقاك..؟؟
وين بالقاااك يووومه وين..؟؟

ياليت عيوني مانامت..
ياليتني ماوثقت فيه ولا تركتك له..
ياليتني طلعت له ويسوي فيني اللي يبي بس ماياخذك مني..
عساني الموت يوم ضيعتك..
عسى ربي مايسامحنيييييييي...

بلحظات حست إنها كبرت سنين..
وبتشيب بأي لحظة..
كل هذا من الخوف..
ماتبي تفقد ولدها..
ماتقدر تعيش بوحدة وغربة..
مالها حيل على الدنيا من دونه..
لا أم ولا اب..لاأهل ولا عزوة..
مالها غير ذياب..
وان خذاهـ فهو كمل جميله وتمم واجبه..
بكت باستسلام\كملت جميلك ياغازي ووجهك أبيض..
يافخر أخوك فيك وبإنتقامك..عز الله انك كفيت ووفيت..
ألا ليت لي أخ مثلك ويعذبك ويقهرك..
ياليت لي من ينتقم منك ويعذبك بيدينك..

طاحت على جنبها وهي تضرب أرجولها على الأرض وتبكي بانهيار..
شدت على شعرها بقهر وهي تصرخ باسمه..
أنرسمت حياتها قدامها..
لوحة سوداء ..
وذياب ماله اثر فيها..
علا صوت نحيبها وغطى على المكان..

ماسمعت الباب لما انفتح ولا شافته واقف قدامها وذياب بكرسيه..
ماوعت عليه يناديها ..
ولا حست فيه يضمها ويحاول يهديها..
كانت بغير وعي ..
فاقدة وهي صاحية..

صرخت بين بكاها\أخذ ذياب وراح...
قهرني يووووبه قهرني..
اخذ ولدييييييييييييييييييييي .. آآآآآآآآآآآهـ ..

عرف سبب انهيارها..وندم على خروجه وماهي معه..
شال ذياب من كرسيه ولمه على صدرها..
ماحست فيه ولا أدركت وجودهـ..
صوت بكاهـ اختلط بصوت نحيبها..
رفعها بحضنه ولمها بقوووة ودفن وجها بصدر ذياب..
ثبت ارجولها اللي تضرب الأرض بأرجوله ومنعها تحركها..
قبلها على شعرها وهو يقرأ عليها..
ماتجرأ يفكر بتفكيرها..
ولا تعمد يخوفها..
مسك شعرها ورفع وجها له..
لازالت مغمضة عيونها وتنادي أبوها..
هديل بإعياء\يوووبه...!
آآآآهـ خذاه مني..راح ..تركني لحالي..
ياربي شوفه ياربيييي ..كل يوم يذبنحي كل يوم..

غازي بحدة\هديل اصحي..شوفي ولدك بحضنك أصحي..
والله ماتركتك ولا سرقته منك..
أوعي على نفسك..شوفيه يبكي يبيك تهدين..
خوفتيه خلاص ياقلب ذياب وابوه اهدي..

تمسكت فيه\رووح جيبه..
تكفى قله يرجعه لي..والله أموت من دونه..
قله مابقى فيني روح..خذاهم كلهم مني..
لاياخذهـ..خله يرجعه لي تكفى مسفر خله يرجعه...

فتح عيونه بقوووة من ذكرها لاسمه..
اسم الشخص اللي أرقه اليلة الماضية..
وهو يفكر كيف كان حاضن ذياب ويقول انه ولده هو..
وبأي حق يحضن ولده وهو لا..
وهديل الحين متمسكة فيه وترتجيه من غير وعي يرجع ولدها ويفزع لها..
وهي تظنه مسفر..
شد يدينه عليها بقووووة..
وأخفا وجها بصدرهـ..
ضربته بيأس تحاول تبتعد عنه وتتنفس..
وهي لازالت تنادي ذياب..
ماسمح لها تبتعد عنه لأنه كان بحالة غياب..
يفكر فيها وفي مسفر..

رفعها من حضنه بقوووة وصرخ فيها..
غازي بوعيد\وش علاقتك بمسفر..؟؟!
ماردت عليه لأنها كانت فاقدة وعيها..
هزها بقهر..
ماكن لها ردت فعل..
وجها تعبان من الصدمة والخوف..
رفعها بعد ماجلس ذياب على الأرض..
نيمها على كنبة في الصالة ...

رجع لذياب شاله بهدوء وجلسه بحضنه قريب منها..
وهو يحس بشيء يكتم على روحه..
مناداتها له باسم مسفر أشعل نار بقلبه..
شكلها كانت تعتمد عليه ولا ماطلبته يرجع ولدها..
يعني حتى هو كان يدري إنها حية..
وهو الوحيد اللي لعبت عليه وأوهمته بموتها..
إصحــــي ..
إنتي بس إصحــــــي..

رفع راسه وركز عيونه عليها يراقب ملامحها..
عيونها الغايبة عنه..
شفايفها المجروحة ..
جمالها زاد بكثييير عن أيامها معه..
كان الذبول والحزن طاغي عليها بأيامه..
واليوم تغيرت كثير..
كبـــرت عن أول..
حتى جسمها تغيــر..
ماهو على خبرهـ..
راقبها بتمعن بكل جزء منها..

وقف بسرعة يمنع نفسه من مراقبتها بهالشكل..
وغطاها بجاكيته وطلع من الصالة...
أشياء كثير لازم يعرفها..
وهي لازم تعرف كل شيء ..

بس هي مابتطيع ولا بتقوله اللي يبيه..
لازم يجبرها تتكلم وهو بيستمع لها..


أخذ ذياب معه المطبخ وشال الأكياس اللي جابها معه..
جلسه قدامه وطلع صحن صغير..
وهو يسولف مع ذياب..
غازي بحب\عاد مدري انت تاكل كبسة ولا مشاوي..
بس خلها سيريلاك وش رايك..؟؟
طبخة سريعة..شوي مويا وخلاص..

سمى بالله وبدأ يأكله بإهتمام..
وبين كل لقمة والثانية يمسح فمه..
وبعد لحظات مسك ذياب الصحن وضربه على غازي..
غازي بتعجب\هههههههههه وش بلاك عصبت؟؟
لايكون طالع لامك..أمس كانت بتقسم راسي نصين..
وماخلت شيء الا وضربتني فيه..

كان رد ذياب شهقات عالية ويصفق بيدينه..
ناظر غازي وراهـ وشافها واقفة مستندة على الباب..
وعرف سبب فرحة ذياب..
عقد حواجبه وصد عنها يناظر ولدهـ..
نزله على الأرض وسمح له يروح لها..

نزلت بجسمها ورفعته لها بشووق..
ضمته لها وهي تشم ريحته الغالية عليها..
همست له بشووق\وحشتني ياروحي..وين رحت وخليتني..
ماقدرت تكتم شهقتها..
لازالت تحس برجفة قوية بعظامها..
الخوف من فقدانه أضعفهـــــا...
هز كيانها وثقتها بكل شيء..

حست فيه يحط يده على كتفها ويمشيها معه..
جلسها على كرسي وجلس قريب منها..
ولما حس فيها هدت مد يده ورفع وجها له..
غازي بحنية\ليه أنهرتي كذا..؟؟
هديل بألم\خفت تاخذه مني وتروح..
غازي بصدمة\وأتركك..؟؟تظنين أني ممكن اتركك؟؟
هديل بتعب\أنا ادري إنك بتقهرني فيه..
بتحرمني منه وبتعذبني عشانه..
غازي \أعذبك..!
هديل بحسرة\انا اعرفك..وادري انك بتحرمني منه..
انت قاسي كثييير..وتكرهني أكثر..
حرمتني من أمي وهي أغلى مني على قلبي..
فكيف ماتحرمني من ولدي عشان تعذبني..
قلي بالله عليك ما أكتفيت..؟؟
الى الحين ما أرتاح أخوك بقبرهـ..؟؟
بعدهـ يطلبك تنتقم له وتدفني حية..؟؟
قلي وش ذنبنا يوم أنخلقنا بنفس الكوكب مع اخوك..؟؟
هذا قدرنا وهذا مصيرنا..
كم تمنيت يكون لي اخ مثلك..
ماهو لطيبتك ولا دينك ولا قلبك..
عشان شيء واحد بس إنه ينتقم لي منك ..
يكون قاسي مايرحم..
يظلم ويطغى ولا يحسب لآخرته حساب..
اليوم خذيت من عمري أكثر من السنين اللي مضت..
حركتك فيني اليوم شابت بشعري..
الثقة والقوة اللي عانيت بسنين غربتي أبنيها..
دمرتها بقسوتك اليوم...
أخذته عشان ترعبني وتربطني فيك..
غازي يهز راسه\ماقصدت اللي في بالك..
كنتي نايمة أخذته معي لمحل براس الشارع..
مستحيل أتركك او أحرمك منه..
هديل بصد\ليه ماقفلت الباب علي..؟؟!
لو قفلته كنت باتطمن وأتاكد إنك راجع..
ليييه ماقفلته علي ليييه؟؟
تركته مفتوح تقولي روحي خلاص ولدي معي مالك أهمية..

وقف وقرب منها ..
لصق فيها ورفع وجها له..
غازي بهمس حنون\والله ما اقهرك فيه ولا احرمك منه..
أوعدك ما اهددك بذياب ولا أوجعك فيه..

غمضت عيونها وصدت عنه ..
طلعت من المطبخ وراحت لغرفتها فوق..
قفلت الباب وكملت بكاها المتعب..
تبي ترتاح وتطمن انه رجع لها..
بس رجفتها وخوفها لازال مسيطر عليها..

مابيهددني فيك..
مابيقهرني ويجبرني اعيش معه عشانك..
كذاااب..بيأخذك مني..
أعرفه..واعرف قسوته..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

صرخ بصوت عالي ينادي على عمامه..
وهو شايل هديل بحضنه..
عبدالله بصوت عالي\ألحقوووا ألحقووا..
محمد مفجوع\وش بلاك هاه..؟؟وش فيها..؟؟
أخذ هديل من يدين عبدالله وفتح فمها يناظر جواته..
بس البنت كان شكلها طبيعي جداً..
مفتحة عيونها الصغيرة وتناظره..
محمد\عبييد وش فيها اختك؟؟
عبدالله\مافيها شيء..انت وش تسوي فيها؟؟
محمد بعصبية\وش بلاك تصارخ..؟؟
عبدالله\ايه تذكرت..إلحق جدتك خرفت..
محمد\هـــاهـ ..؟؟!!
عبدالله\اقولك جدتك خرفت إسمع وش هي تقووول..
محمد جلس جنب جدته وهديل في حضنه..
محمد\يومه وش فيك ..؟؟
الجدة بغضب\وين علي أخوك؟؟
محمد\اا .. وين أبوك ياعبيد؟؟
عبدالله\مدري وينه...
الجدة\محمد يا أنا يا هذا السكني في البيت..
محمد بصدمة\تقصدين عبدالله..؟؟
الجدة\هذا ماهو بعبدالله هذا من العياذ بالله ..
عبدالله يمثل الصدمة\يالهوووي .. ليه تجرحين يا جدة أبوي..؟؟
الجدة\بأرجع بيتنا الأولي..ليه جيت هنا ليه طعتكم..
محمد رمى عبدالله بفنجال قهوة..
بس عبدالله هرب منه وجلس بعيد عنهم..
محمد بحنية\ليه جعلني فداك وشهو مسوي زعيم قطاع الطرق..؟؟
الجدة\يقول يبي يدرسني في الامية..؟؟
ويضحك على شكلي اذا جيت أحل الواجب..أتبطح في الصالة..
محمد وغصباً عنه ضحك\هههههههههههههههههه ياويلي ويلاااااه ياجدة..
بتلبسين مريول الإبتدائي وتسوين جديلتين وتلبسين سبورت ..
عبدالله\ههههههههههههههه لا لاتنسى لما تجيب النتيجة وفيها هذيك الطماطة اللي وش كبرها..
وتقول لجدي حسين وقع ياولدي جبت العيد..
محمد يمسح دموعه\ههههههههههههه بس خسارة ماهو بماسطها بالعقال مثل ماسوى فينا وفي أبوك..
عبدالله مبسوط\أبوي كان يجيب طماط..؟؟
محمد\ههههههههههههه لا انا اكثر واحد جبت طماط..أبوك جاب طماطتين بس في الثنوي وبعدها اعتدل..
عبدالله\رح ياعمي الدووب جعلك مدري وشهو على هالخبر اللي يشرح الصدر..
وأخوك كل يوم وهو يخرط علي..انا كنت الاول وانا كنت الشاطر...
أتاري به طماط يالبيه يالورطة..خلني اكشفه على حقيقته..
الجدة\عنبوا غيرك دعيتك تهاوشه وجيت تضحك معاهـ..
محمد وهو يضحك\عبيد ياللي ماتستحي وش مجلسك هاهـ..؟؟
ماعندك اليوم إختبار..قم إنقلع مدرستك قـــم لا أشوتك..
عبدالله\على خبري يقولون ان الحريم لهم وجهين..
ونذلات ويقلبون بسرعة..اتاريك حتى أنت ابو وجهين..
محمد\اعقب يالنتفة..انقلع..فكي ياجدة حلفت فكي خليني أذبحه..
الجدة\ومن اللي ماسكك يالدووب..قم أفغصه..
عبدالله\ههههههههههه ابعد عنها يا ابو حمييد تراها معصبة من قلب جدت أبوي..
يالله تاخرت على السكوول..وعع ياكرهي لــ الدلوعين قال وشهو قالوا سكول..
ياليت المدرس ماحلف علي ولا كان بالجوتي على خششهم..
محمد\تكفى يا عبييد عذبتهم بلا حق..خلهم براحتهم بزارين وبكره يتعدلون..
عبدالله يرفع حاجب بزعل\لا ماعندي عيال يتدلعون..
يرجعون لــ الصراط المستقيم راضين ولا باكين..
انا وقطاع الطرق ناوين نربيهم..قال ياي قال..

قام طالع وهو ينشد بصوت عالي..
شنطتي ياشنطتي لا ربوع ولا خميس..
وصليني حصتي من ورى ذيك الطعوس..

محمد\ههههههههههه يالفراعنة تكفى..اذكرها ناقتي ياناقتي..
عبدالله بغمزة\كلن يغني على ليلااااهـ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

نزلت غازي على الأرض..
وجلست جنب رشا المشغولة بالـ الاب توب...
تراقبها تقرأ بتمعن وماحست فيها جالسة جنبها..
أم غازي بهدوء\وش اللي شاغلك كذا..؟؟
رشا تبتسم لها\اممم أقرأ عن النوم اللي صايبني..
يومه هالمرض بيفتك فيني وانا ساكته له..
ام غازي\الله يشافيك يومه..عاد إنتي حاربيه..واسمعي كلام الطبيب..
رشا بتعب\والله علاجي منتظمة فيه..
وكل شيء يقوله أسويه..
أم غازي بعتب\لا تحلفين يارشا..؟؟
مرضك ماهو بس عضوي..مرضك نفسي بزيادة..
رشا بزعل\أدري يومه..وصدقيني أنا احاول أتفوق عليه..
ماهو عشاني كثر ماهو عشان راجح وغازي..
يومه الى اليوم مااحس اني عايشة مثل الناس..
ابي ارتاح وأعيش برضا..
ام غازي تضمها\حن حواليك ياقلبي..
إتركي خوفك وإنسي كل اللي صار وإدفنيه بالماضي..
هذا غازي قدامك..كل يوم يكبر ويتعلق فيك..
بكره يجيلك عيال وتلتهين فيهم..
شوفي عالية ولدت وأنشغلت عن غازي..
ماصارت تطلبه كل كم شهر..
وهذا بيكون حالك حتى انتي..
لما يجيلك ولد أو بنت بتلتهين عن غازي..
رشا تبكي\لا يومه..والله ما اهمله ولا ألتهي عنه..
ليه ما احد يفهم غازي وش يكون لي..
غازي هو أنا يومني صغيرة..
هو أنا يومه..أنا..
أم غازي بحنية\أنا ماقلت بتهملينه يا قلبي..
ولا بتنسينه..بيظل بكرك وفرحتك الأولى..
ياوجدي عليك ياسعووود..كيف أنت جرحتها..
رشا بتعب\لا هو ماجرحني..
بكاني ايه..صدمني ..عيشني بوحدة..
بس حبيته يومه..وحبيت ولده أكثر..
عمري ما بانسى هدية سعود لي..
ولا بانسى حلاوت مرارهـ..

أم غازي بحنين\تدرين زوجت سعود كيف ماتت..؟؟!
رشا بصمت هزت راسها بالنفي..
أم غازي بهدوء\ماتت من حب ابوها لها..
ومحاولته يكفر عن غلطه بحقها..
كان يظن إن سعود ماهو بكفوو لها..
وإنه مقلل من شانها وقاهرها..
او يتقول عليها ويهينها بسبب تزويجها له بطريقة تقلل من قدرها..
أخذها من بيت سعود اللي بالكويت بالغصيبة..
وسعود كان هنا في السعودية..
حالتها كانت صعبة والحمل ماهو ثابت عندها..
طاحت من يدين أبوها لما ضربته سيارة..
عاشت في العناية حية وميته..
وغازي ماكان له أي امل يعيش في بطنها..
ولما كانوا بيسوون لها عملية يطلعونه مارضت..
وسبحان الله كل علامات الحياة ظاهره عليه..
يتحرك في بطنها وينبض قلبه ..
وفي اليوم اللي أدركوا ان حالتها مابتتحمل أكثر..
سووا لها العملية بموافقة سعود..
هو ماكان له اي خيار ثاني الا يوقع او يشوفها تموت وهي حامل..
طلعوه من بطنها وهي ماتت بعد يومين..

يارشا حن لما نحب احد وبتملك..
نضيق عليه الكون..
بكثرة إهتمامنا..بخوفنا وملاحقتنا له..
واذا غلطنا عليه..
نندم ونبكي وننهار..
ونرجع نبيه ينسى كل شيء ويشفع لنا حبنا له..
نضيع من دونه..
وعشان نرضيه نعاقبه عشان نعاقب أنفسنا..
أبو لين عاقبها عشان يعاقب حاله..
حرمها من سعود عشان يحس انه انصفها ..
ولما كان مرجعها لسعود برغبت انه يرضيها..
خذاهـ الحادث وخذاها الموت..
خفي من حبك على غازي..
بعض الحب يذبح يارشا ويقتل..
حبك مابيذبح غازي..
أخاف إنه يذبحك أنتي..

رحمت حالها وهي تبكي ومخبية وجها بحضنها..
وتردد إنها تحبه وتبي له الخير..
أدركت ام غازي ان رشا بتنام في أي لحظة..
سدحتها على الكنبة وغطتها وبلحظات نامت رشا من غير وعي..

رفعت راسها لــ الخادمة والتلفون بيدها..
اخذته منها وردت بصوت هادي..
أم غازي\ألوو......
غازي\ياجعلني فدوة لراعية الصوت..
أم غازي بشهقة\.............غـ...غــازي..؟؟!
غازي بشوق\إيه غازي يابعد روحه...
أم غازي تبكي\توهـ يحن قلبك على أمك..
توك تذكرت إنها حية ماراحت مع من راح..؟؟
غازي\يومه حرمت نفسي منك مثل ماحرمتها من امها وهلها..
حرمت نفسي من الديرة والربع عشانها..
عل وعسى ربي يهونها علي ويريحها..
أم غازي\تجرح امك بغيابك..لاتكلم ولا تسأل..من تعاقب مـــن؟؟
غازي\أخبارك كلها عندي..وكل يوم أتطمن عليك وعلى حالك..
انتي رشا وشوق..
أم غازي بحسرة\مابينفع مهما عاتبتك..كفاية اللي فيك وزيادة..
طمني عنك..أنت بخير..؟؟
غازي\عاتبي وإزعلي..تشرهي علي وتغلي..
أجيك بعذري وشوقي..
أم غازي\تقول إنك محرم على نفسك الديرة..
وين بتجيني..؟؟وين اشوفك وأنت محرم على نفسك أمك؟؟
غازي بحنين\جايك يومه..راجع لديرتي وهلي..
أم غازي بفرح\أحسك مبسوط ياغازي..
غازي يتنهد\تؤمنين بالله..؟؟!
ام غازي\لا إله الا الله..محمد رسول الله..
غازي\يومه الميت يرجع حي..؟؟
أم غازي بخوف\مايرجع الا بقدرة القادر..وبقوله كن فيكون..
غازي\وربي جبر قلبي يومه..
جبر حالي وحالك وحالنا جميع..
جابر المكسوور جبر خواطرنا يا أم غازي..
ام غازي\.........................هديل..؟؟!
غازي\إيـــــه يومه هديل..هديل حية ماماتت..
حيـــة يومه..تصدقين إنها حية؟؟
ام غازي تبكي\غازي..ياولدي البنت ماتت من سنتين..
ماتت وأنت اللي دفنتها..ماتت وعزيناها عن هلها وعن الناس..
إرفق بحالك وحالي فديت ترابك ياغازي إرحم حالك..
غازي خاف عليها\يومه صلي على النبي وإسمعيني..
اللي دفنتها ماهي هديل..هديل حية..رجعت ومعها لي هدية..
رجعت برضا ربي رجعت يومه..
ام غازي تبكي\أحرقت قلبها وهي حية..عذبتها وذوقتها المُر..
خل الميت بقبرهـ..وأنت إرجع وربك يعدلها..
غازي....تكفى طمني عليك..لاتجن وتستخف..
هديل ماتت يا أمك ماتت..
هديل بشوق\لا يومــــه انا حية مامت..
أم غازي شهقت\..........................................
هديل بغصة\سامحيني على كذبتي..
سامحيني لأني عذبتكم بموتي الكذاب..
أم غازي بصوت مبحوح\هـــ ....هديـــــــــ..........ـــل..!!
هديل بنحيب\آآآآآآآآهـ ايه والله العظيم هديل والله العظيم..
ما أندم الا على دموعك انتي وبس..وغيرك ماله عندي إهتمام..
مهما بكوني مايوفوني عذابي..بس انتي إسمحي لي خطاي..
أم غازي تبكي\روحي يا بنت قلبي عساني ما اذوق حزنك..
ياعسى ربي يجبر بخاطرك ويهدي سرك وقلبك..
هديل يا أمي والله إني كرهته..وغضبت عليه وهجرته..
سامحيه..سامحي الظالم يالمظلومة..
هديل بمحبة\يومه ماتبين تفرحين أكثر..؟؟
أم غازي\لا والله يافرحتي برجوعك تسوى عيوني المركبة..
ولو رجع سعود من قبرهـ مافرحت هالكثر..
رجوعك بيخلينا نكفر ذنوبنا ونقابل ربنا وهو راضي علينا..
هديل بزعل\مالك ذنب على رقبتي..أنتي مالك ذنب..
أم غازي\ذنوب الموت كثير يا هديل كثيير..
هديل\خذي هذا وكلميه تراهـ أزعجني...
ام غازي بعصبية\بعدهـ على طبعه..والله ما أخليه هالمرة يضايقك ولا يضرك..
تبين أجيك..جيتك واخذتك منه ورجعتك لأمك وهلك..وياعساه مارضى ولا طاب حاله..
ويييينك..؟؟هديل أنتي تسمعيني..؟؟
وصلها رد غريب..
شهقات خافته وصوت ضرب على السماعة..وبعدها صرخات ضاحكة وشهقات..
ركزت سمعها تحاول تفهم وش اللي صاير وهديل وين راحت..
سمعت غازي من بعيد يتكلم..
غازي بحنية\كلم جدتك..ماقلت كل الجوال يا ابوي..

حطت يدها على قلبها وشدت عليه بقوووة..
بعد ماعرفت من الأنفاس المتحشرجة له..
ومن اللي يضرب السماعة ويصارخ فيها..
بكت بصوت عالي وهي توقف وتجلس..

ياقلبي عليك يا هديل..
يافديت حسك وحسه..
يارب تفتحها بوجها من أوسع ابوابك..
والله ضاقت بعيني الدنيا بعد موتها..
يارب لك الحمد والشكر كما ينبغي لجلال وجهك وعظيم سلطانك..
سبحانك لا إله الا أنت إني كنت من الظالمين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛

شد على يدها بقوووة وعرف إنه ألمها لما حاولت تسحب يدها منه..
وهذا خلاه يشد عليها أكثر..
ياسمين بألم\سلمان يدي..وجعتني..
سلمان بحقد\بأكسرها..وعيونك هذي بأفقعها ..
إستحي على وجهك ولا اشوفك تناظرين ولد عمي بهالنظرات..
ماتستحين على وجهك ياقليلة الأدب..
ياسمين مصدووومة\أنت إش عم بتقول..؟؟
سلمان\إحمدي ربك إن الناس موجودين..ولا كان صار شيء مايعجبك..
ياسمين بقهر\لا قوم أضربني قدامهم ..
سلمان\قصري حسك وإنقلعي من قدامي..
من أول ماجلسنا كل شوي معلقة عيونك بهادي..
ياسمين\سلمان لاتغلط أكثر..وتتبلاني..مافيها إشي نظراتي..
سلمان بقهر\قومي إنقلعي عند البنات..وحسابك في البيت..
ياسمين بوعيد\طيب يا سلمان حسابك إنت في البيت مو أنا..
وكلامك راح أطلعه من عيونك..

وقفت وأبتعدت عنهم..
جلست جنب سارة تحاول تحبس دموعها وتخفي رجفت يدينها..
سارة مبسوطة\هلا هلا..كرشها ابو الشباب..تستاهلين..
ياسمين بعصبية\جب مع أخوك..
سارة\ههههههههههههه والله سرقت كلامنا ولك إش مالك يابنت عم بتعيطي علينا وت از بربلم وت از مسكل كبير ولا صغير..
وير ذس .........امم الفزعة يا وغدة..
غادة\هههههههههههه ياسمين يا حلووة وش فيك معصبة..؟؟
ياسمين\مثل ماقالت سارة كرشني..
غادة\ههههههههه عادي عادي تصير في أرقى العائلات..
ياما أنكرشنا صح السوري..؟؟
سارة\يب يب..يتم كرشنا بين الفينة والفينة..
بس ماعليك منه أبوذيل هذا ذايب فيك يالهبلاء..
بيجيك مثل القطوو يعننه مسكين..عاد انتي شوفي شغلك وطلعي عيونه قليل اللللأدب..
غادة بتأييد\ايه شوفي ياقلبي انا مثلك كرشني زوجي كرشة محترررررررررررمة..
أخر كلام بينا كان ايميلات..وسااافر تخيلوا بعلي سافر مع ابوي من دون مايقول مع السلاااااامة يا حبي..
بس دواااهـ عندي إن ماعلمته أصول التكريش الحقيقي ما أكون غادة الوغدة..
ياسمين\وأنا كمان أريد أكرش سلمانوووهـ...
سارة\تعالوا فديتكم توكم ماعرفتوا لفن التكريش..انا عندي خبرة وأعلمكم ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

عندما تــــغار المـــرأة تبكــــــــــي ..
وعندمــــا يغــــار الرجـــــــل يصمـــــــــت ..

غازي بخبث\صوفي تسلم عليك...وتعتذر لأنها ماحضرت الإجتماع..
هديل بهدوء\الله يسلمها ولا يسلمك..
والإجتماع ماله داعي تحضرهـ خلاص أنا أحضر بالنيابة عن نفسي..
غازي برضا\تأكدت إن الأسهم لك..
كنت شاك بهادي أخوك..بسلمان..باي شخص حــــي..
بس الاموات ماطرى في بالي يمتلكون أسهم..
هديل بغرور\وصرت أملك أسهمك غصب عنك..
غازي يهز راسها\كيف تشترين شيء هو ملك لك..
الشركة بكل مافيها لك انتي..
هديل\شـــكراً ما ابي منتك..
ما ابي الا الأسهم اللي أنا اشتريتها...
غازي\امممم طيب وكيف قدرتي تشترين كل هذي الأسهم..؟؟
هديل بمكر\انت صدق مفتكرني كنت وحيدة وياسة من الحياة..
كان لي أصحاب..مسكوا بيدي بأوقات صعبة..كانوا لي عون..
ولولا الله ثم هم ماحصلت على الأسهم..
غازي معقد حواجبه\وممكن نتعرف من يكونون أصحابك..؟؟
هديل بجمود\لا..مو ممكن..
غازي\يعني ماهي بس صوفي اللي ساعدتك..؟؟
اعجبها حالته وهو يحاول يستجوبها..
وهي في محل قوة وتقدر تتحكم بالوضع..
هديل\صوفي صديقتي..وأصحابي غيــر ..

لاحظت عصبيته وشكل حواجبه المعقودة بقوووة..
قررت تترك المكان له وتهرب لغرفتها..
شالت ذياب وطلعت بسرعة..

طلعت من الغرفة وتجاهلت مناداته لها..
بأي حق يسأل..بأي حق يستفسر..
والله ما أجاوبك على شيء..
خلك بهمك وتفكيرك..حرام ما أطمنك على حالي..
ولا أريح قلبك بفترة غيابي..
عيش بحسرتك وضيمك..
هذا اللي زرعته واليوم بتحصدهـ..
والله لا اقهرك على ماتعرف اخباري..

دخلت غرفتها ونيمت ذياب بسرير صغير أشتراهـ غازي من يومين..
تضايقت من وجودهـ وأدركت إنه يبيهم يطولون هنا..
هي تدري بقدرتها على الهرب منه..
بس أوراقها صارت معه..
لازم تحتال عليه وتاخذها منه..
هو يستاهل الغدر كثير..

تطمنت لما تذركت وجود اماكن كثير دلتها عليها صوفي..
بإمكانها تتخبى فيها ولا يلقاها لحتى تهرب من ايطاليا..
رغم إن سالفة الهرب ما تريحها..
بس هي خايفة من نذالته وقسوته...
رجع لهله..
وأنا بأرجع لهــلي...
ماهو احسن مني..ولاهو أرحم مني بامي وأبوي..

فزت بخوف لما سمعت صوت الباب يتقفل بحدة..
ناظرت فيه برعب وهي تشوف إنسان كريه على قلبها واقف قدامها..
عرفته هذا هو..
هذا غازي اللي ذبحني وعذبني..
هذا اللي أغتـ....... وقهرني...
رجع الجلمووود..
رجع القاسي الحقير..

تراجعت بخوف وهي تشوفه يقرب منها..
حاولت تتكلم وتهديه..
تدري انها أغضبته بكلامها ونرفزته..
بس لا مايحق له يهاجمها او يجبرها على شيء..
لا لا..كل شيء لازم يكون له حد..

غازي بحدة\من اصحابك..؟؟
هديل بهدوء\ماتعرفهم...تعرفت عليهم هنا..
غازي\أسماء..أبي أسماء..
هديل\ماتخصك أسمائهم..وهم أصحاب وفيين وطيبين..
غازي يهز راسه بتفهم\اممممم يعني مايخصني..؟؟
هديل بثبات\إيه مايخصك...

قرب منها بسرعة ومسكها قبل تهرب منه..
ثبت راسها على صدره وهو موثقها..
غازي بهمس\لأي مدى وصلت صحبتكم...؟؟!
ماقاومته ولا صرخت وحاولت تبتعد عنه..
هديل\صحبة وبس...
غازي\اسم واحد..ابيه..؟؟
من يكون؟؟؟
هديل برعب\خلاص ابعد عني..قلت لك مجرد أصحاب..
وأنت ماتعرفهم..صوفي عرفتني عليهم..
هزها بقوة وصرخ فيها\شادة الظهر فيـــه..؟؟
وليه عطاك قيمة الأسهم..؟؟وش له بالمقابل..؟؟
ضربته على خده بقوووة\تحسب إن كل الناس مثلك..
إنتهازيين وتافهين..بقت هذي ماحملتني إياها..
بقت الخيانة الزوجية يا الزوج العزيز..
إرمني بالخيانة وتفوق على نفسك...
بس تدري حتى لو كان عرض اللي في بالك مقابل فلوووسه..
يمكن يسويها...وإن سواها فلنفسه..
بس انا ما اسويها..ماهو عشانك..ولا عشانه..
ولا عشان اهل وعرض وعزوة وفضايح ..
عشان ربي وديني..عشاني أخشى ربي واحطه بين عيوني بكل شيء..
وإنت يا شبه الرجال بتظل على تفكيرك وعقليتك اللي ماتناسب أحد غيرك..
وألحين إطلع برا..إطلع من حياتي وإتركني أعيش..
عش وخل غيرك يعيش..

مع كل كلمة كانت تنطقها كان يفقد أعصابه أكثر..
رماها على فراشها بقوة وهي قاومته بقوة أكبر..
تحسفت وندمت لما استوعبت عصبيته..
مافادتها كل محاولات الضرب والصد..
بكت بخوف ورجاء..
ماتبي أيام الذل ترجع لها..
ماتبيه يهينها مثل أول..
لما كانت بحكم جارية ..وملك يمين..
صح زوجته بس أبداً ماتغير الحال..
لازال يعاملها مثل أول..

لمت يدينها على رقبته بقوووة وضمته لها..
همست بأذنه بصوووت مبحوح حزين..
هديل برجاء\لاتداوي الجرح بجرح ياغازي..
جرح على جرح يبطي عــــــــلاجه ...


الى الملتقى باذن الله تعالى فجر الثلاثاء ...

كونوا بخيــــــــــــــــــــــــــر ..


صدووود’’’

 
 

 

عرض البوم صور صدووود   رد مع اقتباس
قديم 07-01-12, 03:42 AM   المشاركة رقم: 2664
المعلومات
الكاتب:
اللقب:

البيانات
التسجيل: Sep 2011
العضوية: 229193
المشاركات: 53
الجنس أنثى
معدل التقييم: متى نلتقى؟ عضو بحاجه الى تحسين وضعه
نقاط التقييم: 12

االدولة
البلدSaudiArabia
 
مدونتي

 

الإتصالات
الحالة:
متى نلتقى؟ غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

[COLOR="Navy"]لاااااااااااا يا غويزي الله ياخذك انت مثل ما انت ما تتغير ووين اللي كان بيموت من الحب وين اللي كان يكذب ويقول انه ذابحه فراقها

اشوووف لما حصلتها راااح الحب كله ورجعت لحالتك القديمه تبي تذلها بعد تبي تعذبها
تبي تبين لها انها ماتقدر عليك حسبي الله عليك يالظالم
يا قلبي ياهدوووله شكلتس بتشوفين العذاااب من الجلمووود
بس ان شاءالله انك تروحين لاهلك ويتعذب هو لانه اكيد رااجح اتصل في ابوها
لانه مسافر اكيد انه رايح لهديل
عساني اشووفك متعذب يا غويزي
عساني اشوفك تتمنى شوفتها وماتقدر
اجل تغااار يا القاسي عساها تترك ووتتزوج غيرك وتشوف الغيره وشلووون
حبيبتي صدووووووووووووود الله يعطيتس العااااافيه مبددددددددددعه
تدرين كان ودي اعلق على كل شي بالبارت بس ماقدرت قهرني غويزي علني افقده
[/CO

 
 

 

عرض البوم صور متى نلتقى؟   رد مع اقتباس
قديم 07-01-12, 03:44 AM   المشاركة رقم: 2665
المعلومات
الكاتب:
اللقب:

البيانات
التسجيل: Feb 2011
العضوية: 215059
المشاركات: 71
الجنس أنثى
معدل التقييم: ام لمو العسل عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
ام لمو العسل غير متواجد حالياً
وسائل الإتصال:

كاتب الموضوع : صدووود المنتدى : القصص المكتمله من وحي قلم الاعضاء
افتراضي

 

صباح الخيرااات
صدوووود وبعدين الي متى وغازي يعذبهاوقسم جاااني اكتئااااب هذاهوماتغيرالمفروض يعوضهاصدوود لاتكرهيني في غازي تكفين مانبي نرجع لنفس العذاب اللي عشنااه في البارتات الاولى
يارب يلقاهاراجح بسرعه كنت بالبارت اللي فات مبسوطه بلقاهم وعشت احلام ورديه وكان عندي امل ان غازي يتغيرويتحكم باعصابه بس هذاهوزي اول صددود تكفين تكفين لاتصيرالبارتات الجايه زي كذانبي شوية سعاده ومشاعروكذا

 
 

 

عرض البوم صور ام لمو العسل   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أماغرام, ماعشقنا, مسفر وغازي, اما غرام, اما غرام يشرح الصدر طاريه والا صدود وعمرنا ما عشقنا, اما غرام،غازي وهديل،انتي اطهر ذنوبي،احبك عنهم كلهم, الحرمان, الصدر, الكاتبة صدود, حصري, روايات مميزة, روايات من وحي الاعضاء, رواياة اما غرام, روايات كاملة, رواية مميزة, رواية خليجية, رواية صدود, صدووود, غازي وهديل, غرامي و صدودي, هديل وغازي, هديل وهادي, وعمرنا, طاريه
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t160662.html
أرسلت بواسطة For Type التاريخ
طھط­ظ…ظٹظ„ ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ ظƒط§ظ…ظ„ط© pdf - ط§ظپط¶ظ„ ط§ط¬ط§ط¨ط© This thread Refback 18-03-21 08:41 PM
ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ pdf - ط³ط¤ط§ظ„ ظˆط¬ظˆط§ط¨ This thread Refback 28-07-20 10:37 PM
طھط­ظ…ظٹظ„ ط±ظˆط§ظٹط© ط؛ط§ط²ظٹ ظˆظ‡ط¯ظٹظ„ ظƒط§ظ…ظ„ط© pdf - ط³ط¤ط§ظ„ ظˆط¬ظˆط§ط¨ This thread Refback 19-07-20 09:52 PM
ط±ظˆط§ظٹط© ط§ظ…ط§ ط؛ط±ط§ظ… ط¹ظ„ظ‰ Pdf This thread Refback 30-09-17 08:51 PM
Untitled document This thread Refback 07-07-17 07:21 AM
Untitled document This thread Refback 14-11-16 03:53 PM
ط§ظ…ط§ ط؛ط±ط§ظ… ط¨ط¯ظˆظ† ط±ط¯ظˆط¯ - Rocket Tab This thread Refback 09-06-16 09:41 PM
Untitled document This thread Refback 21-07-15 03:22 AM
Untitled document This thread Refback 26-10-14 08:16 PM
Untitled document This thread Refback 11-10-14 02:05 PM
Untitled document This thread Refback 10-10-14 01:34 AM
Untitled document This thread Refback 19-09-14 03:05 PM
Untitled document This thread Refback 03-09-14 09:41 AM
Untitled document This thread Refback 01-09-14 09:04 AM
Untitled document This thread Refback 30-08-14 08:18 PM
Untitled document This thread Refback 17-08-14 10:49 PM
Untitled document This thread Refback 14-08-14 03:03 AM
Untitled document This thread Refback 31-07-14 05:42 PM
Untitled document This thread Refback 27-07-14 01:21 PM
Untitled document This thread Refback 20-07-14 09:59 PM


الساعة الآن 02:10 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية