المنتدى :
الحلويات
كيكة التمر بأضافة رائعة
مساء الورد
كيفكم ياقمورات
كيكة التمر من اكثر الكيكات المنتشرة بالنت وبطرق مختلفة
وانا اعجبتني هذي الكيكة اخذتها من منتدى اخر لان فيه اضافة رائعة ولا تكتشف بسهوله وهذا الي ابغاه وهذي الاضافه هي الموز وبما ان اولادي من غير المشجعين لهذه الفاكهة فتعمدت اعملها ولا يحسون بطعمها وكانت النتيجة مبهرة ورائعة جدا وحازت على ذائقتهم
والسر مدفون في بير بيني وبينكم لايدرون عنه
نجي للمقادير:
4بيضات
ملعقة صغيرة فانيليا
كوب ونصف سكر
كوب زيت
موزتين كبار او 3صغار
كوب تمر مفصفص ومقطع
كوبين دقيق
ملعقة كبيرة بكنج بودر
ملعقة صغيرة قرفه
نصف كوب عين الجمل مجروش
وهذي صورة الحلوين مع بعض
الطريقة:
أول شي كالعادة قبل ما نبدأ نشتغل نشعل الفرن ونجهز صينية مدهونة ومبطنة بالدقيق
ثم نبدأ نخفق البيض مع الفانيليا حتى يتضاعف حجمه ثم نضيف السكر
وبعدين نضيف الزيت والموز بعد ما نهرسه بالشوكة
وبعده التمر
وآخر شي نضيف الدقيق المخلوط مع البيكنج باودر والقرفة وإذا حبيته تضيفوا عين الجمل في الآخر
نحطه في الصينية وندخلها فرن على نار هادية ع الآخر لأن الخليط ثقيل ويبغاله يستوي على مهل
واستمتعوا بأحلى كيكة
بعد ماقطعتها
وسامحوني على التصوير لأني بأصور من جوالي
عوافي على قلوبكم
|
20-04-11, 05:21 PM
جديد مواضيع قسم الحلويات
العرض الشجري
