شكرا لك عزيزتي علي مجهودك ياليت تعدين تنسيق البارت الاخير لان الجزء الايسر مقصوص

ابشرري معااني ..
جرووحه تسلمين ياحلووه ..





.
.

‏>‏>تااابع البااارت <<





جواد : خذت رقم وسن من الجوال وخزنته عندي باسم *-سوووني -


كذا محد بيعرف أنها بنت أو ولد ..

وتحمست وأنا أكتب لها رساله ..




حنين : خذت عنوود جسار من حضني ..
.. وقالتلي أشوف تركي و أن المربيه تقول يبغي ينام على صدرك ..



.. سألتها وينها ؟
عنود : والله مدري أنا قابلتها فوق بوحده من الغرف مدري كانها بمكانها وإلا راحت ؟


حنين : خلاص أنتبهي لجسار الله يعافيك لين أجيك بأنوم تركي وأبدل فستاني ..





عنود : قبل لا أجي لحنين سحبت المربيه ودخلتها بغرفة الطعام ..
.. وقلتلها ماتطلع تنوم تركي وأذا نام بجيب لها جسار ..






وافي : الاستراحه نظامها مهيأ لأقامه الزواجات ..
.. لأنه كان فيه بالدور الثاني غرفه خاصه للكوافيره ..
.. وثانيه لأهل العريس وثالثه لأهل العروس ورابعه للخدم ..

وأهم حاجه جناح العرسان ..
.. كان عباره عن صاله متوسطه فيها طقم كنت ودوره مياه وغرفة نووم رئيسيه ومدخلين ..
.. واحد خارجي للعريس يطلعه للشارع العام على طول ..




وثاني داخلي يطل ع القاعه ..



.. أخذت مفتاحه من الإداره ..
وطلعت له .. سكرت اللمبات وفتحت الباب شوي أنتظرها تجي وأنا متوتر .. طولت ..






حنين : الله ياخذها هذي وين راحت ديانااااااااا ..

شهقت ويد سكرت فمي قبل لا أصرخ وأحد سحبني ..



وافي : شفتها تدور بفستانها كنها ورده ..
.. أنتظرت الفرصه المناسبه وسحبتها ..
.. بعد ماسكرت فمها لاتفضحنا ..
.. وبسرعه قفلت الباب وبعدت يدي عن فمها !





حنين : شفت وافي قبالي يطالعني ببتسامه باهته ..
.. وبعيونه نظره حزن ..
.. صح كسر خاطري بس يستاهل ..



وافي : أشتقت لك ..

حنين : تكتفت وميلت وقفتي وحركت شعري بقوه ..
.. عشان يبعد عن وجهي ..
نعم خير أعتقد مابينا كلام ..
*
وافي :أ غرتني وقفتها وحركتها بشعرها كلها دلع ..


وقهرني كلامها فعلا الحكي مايجيب فايده معها ..
.. وماينفع معها إلا الفعل ..

.. قربت منها حاولت أضمها ..
.. بس بعدتني بقوه ولفت بتطلع ..

.. جن جنوني لما بعدتني عنها بقسوه ..
.. أنا شاريها وهي بايعتني ..

.. شلتها ورميتها ع السرير وأنا ألهث من القهر ..
مسكتها بقوه من يديها وثبتها على صدرها وقلت لها :




.. أنا الوافي كان نسيتي ..
.. ماعاش من يردني من شي أبيه طيب وإلاغصب ..




حنين : بكيت ..
.. أه ياالقهر كل شي يبيه *ياخذه ..
.. ومايحسب حساب لأحد ..
.. همه نفسه وبس ..
.. راحته وبس وباقي الناس بالشيطان ..

همجي .. متخلف ..أناني ..



.. تنهدت بس أحبه ..
.. ربي بلاني بحبه ..
.. ماأقدر أدعي عليه .. ولاأضره بشي ..
.. شفته طلع من الحمام بكيت أكثر ..




وافي : آسف حنين بس أنتي أضطريتيني أسوي شي ماكنت أبيه ..



حنين تشاهق من البكي :
.. شسوي ألحين الكل بيدري رجعني البيت ..



وافي : وإذا درو تراي زوجك وببتسامة أمل :

.. أوديك بيتنا ؟
حنين : لاااا بيت أهلي ..
وافي وقف وبيأس : أنتظرك بالسياره ..


حنين : بس لا أحد يدري أخاف يشوفنا أحد ..
وافي بعصبيه : خير أن شاءالله جايك ع الحرام أنا ؟
لاتحديني أسحبك بيدك وأنزل لهم وأقول بنمسي ببيتنا ..



حنين : طيب أعصابك ..
.. بقولهم عيالي ماقدرو ينامون بالأزعاج وبرجع مع السواق ..
وافي : أنا بالسياره ..





عنود : كنت أنتظر حنين بفارغ الصبر ..
.. خايفه .. ومدري شصار وش ردت فعلها ..
.. أخاف تدري إني ورا السالفه ..
وتقول لتركي ..
.. وتجي على راسي
شفتها وفزيت لها ..


قلت ببراءه : وينك تأخرتي
نام تركي ؟

وتأملت تعبيرات وجها ..
.. شفت فيها خجل .. وأحمر وجهها وحاولت تبعد نظراتها عني ..
عرفت أنه صار شي ..
.. وإنها ماشكت فيني ..
.. تنهدت براحه ..





حنين : أنا بروح لبيبتنا عيالي ماقدرو ينامون هنا ..
عنود : أحسن والله ..




وافي : فرحت لماشفت حنين وعيالي بالسياره معي ..
.. حسيت بأنا عائله ..

.. وحسيت بالأبوه وإني مسؤل عنهم ..
.. أحساس حلووو ومشيت على أقل من مهلي ..




وصلتها البيت وطلعت معهم ..
.. *المربيه شايله تركي وأنا شايل جسار ..
.. أموت فيه هالولد يذكرني بأمه ..
.. ببتسامته وعنونه وشفايفه المنفوخه ..



طلعيت معهم وأناأحس بسعاده وقتيه ..
.. تخيلت أنا راجعين لبيتنا سوا ..



حنين : حسيت بفرحه ووافي شايل ولده ..
.. حسيت ان مسؤليتنا مشتركه وإني مو أنا الوحيده المسؤله عنهم ..







وداد : قلت لأمي إني بنام ببتي عشان ماتقلق علي ودقيت لعساف كذا مره مارد ..


عساف : إزعجتني وداد باتصالاتها ..
.. وأنا في الاسعاف منووم والغذايه فيني ..
.. مابي أرد وأقلقها علي أذا درت إني مو في الاستراحه ..






وداد : عارفه أنه سافهني ومايبي يرد علي ..
.. بس مقدر أتحمل أحس بمغص ..
.. ياربي ناديت نوره أختي وعلمتها ..



دقت لعبدالعزيز اللي ودانا ..*
والحمد لله وصلنا على آخر شي وجبت بنووته تجنن ..



دقيت ببشره مارد علي ..
.. بكيت ونوره تهديني ..





وداد : أكيد صار له شي تكفي دوروه آآآآهاااآآ ....


ودق جوالي اللي رميته لنوره وأنا أبكي ..
نوره : هلاعساف وينك و..
وداد : خطفت السماعه منها وأنا أبكي ...




عساف : يابنت الحلال تعوذي من الشيطان ..
.. هذا أناطيب وبعافيه بس كنت عند واحد من الشباب وجوالي ب
نسيته بالسياره ..



وداد بعبره : أبشر لك ببنت ..
عساف بفرحه : أحلفي صدق ؟
وداد رجعت تبكي :أ
.. انا بالمستشفى محتاجتك ..




عساف : أنا حولكم دقايق وأنا عندكم ..



وسن : طرت لجوالي بفرحه وانا اسمع نغمة رساله ..



قلت للبنات : ياحظي رسااااله.
فتحتها من رقم غريب وبسرعه نزلت تحت ..




‏.. حبي استعدي زواجنا بعد اسبوع حبيت أكون أول من يزف لك هالخبر الحلو ..
.. زوجك جوجو
‏ - لاتنسين سجلي رقمي -




جواد : دق جوالي برساله وأنا واثق ممن ..


فتحتها بحماس وابتسامه :
‏.. ياقلبي ضف وجهك من غير مطرود ..
.. وأمك ماقصرت وصلت الرساله ..
.. وكلنا متعادلين لأن كلنا مشينا كلامنا وسوينا اللي نبي ..
.. ومهرك في حساب أبوي ..
قالي بيرجعه لك بكره - بااااي -




جوادأنقلب وجهه : رميت سجارتي ودستها بجزمتي بعصبيه ..



.. وأتصلت عليها مت من القهر أكثر لما سفهتني وماردت ..

‏)‏)الباااارت الثاااالث عشر((





•
•




جواد : مع إني مانمت إلابعد صلاة الفجر ..
.. إلا إني طمرت الساعه سبع أخاف تفوتني قهوة الشيبان ..





‏> على القهوه <



أبو حمد : ها ياابو تراك .. جواد مابقى على سفره الإ ثلاث اسابيع ومايبي يرجع إلا بمرته ..



أبو تركي : والله ياابوحمد انا جاني غير هالحكي ..



أم تركي كلمتها أم حمد البارحه تقول نبي نهون عقب حنين ووافي ..



احمد .. اللي مواصل مانام نط بالسالفه *:
.. أنا ياخال أبي وسن عقب ما يخليها جواد ..




جواد والدم يفور براسه :
.. نزلت فنجالي وقلت علي حرام شرب الفنجال بين الرجاجيل كان خليت بنت عمي لأحد ..
.. ووالله يامن قرب لها لأخليه جسد بلاروح ..


وكلام الحريم مالنا دخل فيه ..
.. كنه ماكان والحكي بينا ياالرجال ..
.. وهي مرتي على سنة الله ورسوله ..



أبوحمد أستانس .. هوصادق ..


أبوتركي : بس حتى لو ..
.. البنت توها صغيره .. ومابيها تسافر لحالها في بلاد غربه ..
.. وأنت توك بعد صغير ..
.. خلها لين ترجع من السفر تكون كبرت شوي تصير أم تسع طعش وأنت أبوخمس وعشرين ..


.. يعني زينت العرس ..
.. بعدين حتى لو وافقنا مايمديها تجهز ..




جواد وهو مقهور : ياسلام هذا وافي وحمد ماخذين حنين ونوره وهن أم سبع طعش وش معنى أنا؟



تركي : سبع طعش تفرق عن خمس طعش وزود عليها سفر وغربه ..



جواد : قسم بالله لين مازوجتوني إياها لآخذ أجنبيه ومسيحيه بعد ..
.. ولاعاد تشوفون وجهي ولأهاجر بلندن وأخلي وسن معلقه ..




أبو تركي *:هد أعصابك جواد بشاورهم البنت وأمها ونشوف ..




جواد : ماني متحرك من مكاني لين تحددون موعد العرس ..



أبوحمد : ها ياأبو تركي طلبناك لاتردنا ..
.. وجواد تراه رجال وقد المسؤليه خلها تواسيه في غربته ..
.. وأن مامشى الحال رجعها لأهلها لين يرجع ..





أبو تركي : والزواج مايبي له قومه وجهازها ماجهزت ولاشي ؟


جواد :ي اعم الزواج أرقد عنه بسنع كل شي أنا ..
.. وجهازها تجهز من برا تراه أزين بعدين أنا أبيها بثيابها بس ..



حمد يكلم تركي بهمس : ول عليه الرجال أنهبل والله مايخلي الشيبان لين ياخذ اللي يبيه ..




أبوحمد : تكفى ياخوي لاتردنا ..
أبوتركي استحي من أخوه وبضيقه : توكلنا على الله شف لك موعد آخر اسبوع والله يعين ..




جواد : نطيت وحبيت راس عمي سعد ..
..انا ضغطت عليه عشاني عارف عمي سعد حبوب ومايحب أحد يزعل منه ..
.. وهوخايف إن أبوي يزعل عليه إذا رفض ..



وطيران فصلت جوالي من الشاحن وأرسلت لوسون :
‏ - حبي بدا العد التنازلي أنا رايح أحجز قاعه ادعي ربك إني ألقى حجز عشان ماأخذك سكيتي سيده من الكوشه للمطار -





وأنارايح العصر أشتري الشبكه استعدي بجي الأحد أشبكك ..





وداد : أنبسطت لماشفت عساف شايل بنته ..
.. بس وجهه ماعجبني شكله تعبان مدها لي عشان أرضعها ..



عساف : الحمدلله يارب ..
.. قربت من وداد وهي ترضع بنتنا غصب عني جلست جنبها وضميتها ..
.. وحطيت يدي على بنتي أمسح على راسها ..



نسيت ان مكان الغذايه بيدي لسا ماشلته ..
.. ومسكتني وداد بيدي وهي تشاهق بالبكي ..



وداد تبكي : عساف حلفتك بالله شفيك لك فتره تعبان ..
عساف : مابي إلا العافيه أنتي توهمين ..



وداد : نورررره ....
.. جتها نوره بسرعه شفيكم ؟



وداد : مافي شي خوذي بنتي وديها الحضانه ..




عساف : عرفت أنها بتستفرد بي عشان تحقق معي ..
.. خليها بالقلب تجرح ولاتطلع وتفضح ..
.. بس تفاجأت بها قطت نفسها على وبكت بقووووه ..




خلاص دودي لايوسوس لك الشيطان ..
وداد : أمااااانه أمااااانه تقولي شفيك ؟
عساف : ضعفت قدامها حيل ونزلت راسي وأنا أقول :



*
فيني الخبيث وبيبدون جلسات الكيماوي السبت الجاي ..
وداد:لااااااا لاأااااا كذااابين كذاااابين ..








عساف : شفتها انهارت بين يديني وتبكي ..
.. وتتكلم بهستيريا ناديت النيرس وعطوها إبره مهدئه ..






وافي : صحيت من النوووم الساعه وحده الظهر ..
.. بعد ماوصلت حنين ورجعت الاستراحه بس كدر علي جوادوه ..
.. وهو يقولي قم عندي لك خبر حلو ..




.. ماكنت منتبه إني مبتسم قبل لا أفتح عيووني لاني استرجعت سهرتي البارح مع حنين ..
.. *لو إنها ماطولت بس ردت لي شوي من روحي ..





جواد : الحمد لله تضحك وأنت نايم ؟
.. أول مره بحياتي أشوفك صاحي من النوم مبتسم .
.. العاده ساعه على بال ماتروق ..




وافي : مارديت عليه وأنا أقول بخاطري فيه أحد يصبح بوجه الحنين ومايروق ؟




جواد : دوم هالبسمه ان شاالله من زمان عن هالترويقه شكل أم جسار طالعت لك بأحلامك ..




وافي : ههههههه> وبخاطري أجل لوتدري ويني فيه البارحه !



حنين : أحس إني ضايعه مشتته أمي ونوره وعنود ..
.. يزنون علي أرجع لوافي ..
.. وابوي سلبي يقول براحتك ومانع أخواني يدخلوون بالسالفه ..
.. وأنا لمن وصلنا وافي بسيارته وطلع معنا شايل ولده هزني هالموقف حيل ..
.. وأثر فيني ليش أحرم عيالي من هالنعمه غيرهم يتمنون الأبو مايحصلونه وأنا أحرمهم منه وهوحي !
صدق إني أنانيه !




غير كذا أنا قاعده أعذب نفسي وأعاقبها قبل لا أعذبه وأعاقبه إيه أنا أحبه، أموت فيه ..




مستحيل أعيش بدونه أنا كنت بقوله وأحنا بالسياره برجع معك بس تراجعت بآخر لحظه ..




وداد : جلست بالمستشفى اسبوع مع أن ولادتي طبيعيه عشان سوء تغذيتي ..
.. وعساف أذا جاني أنهار أكثر
يااارب سترك بكره السبت موعد جلسته مو قادره أمسك نفسي ..
.. حتى بنتي أهملتها وما أدري وش سموها ..





طلبت أشوف عساف لأنه ماعاد يجيني كثير لما شافني أنهار إذا شفته ..



عساف : أنا خايف على ودادي ماتوقعتها بتكون بها الحاله توقعتها ..
.. *فرح بستانس حتى لو حاولت تغطي مشاعرها بس إطلاقا ماتوقعت ردت فعلها بهاالشكل..

وطالبه تشوفني يااارب افرجهااا علي ولكل من صاقت عليه ..









وسن : صحيت الساعه أثنين الظهر ..
.. وكالعاده بعد ماصليت وخذت تهزيئه من أمي على تأخيري للصلاه ..


.. طرت لجوالي المقفل وفتحته لقيت رساله وااو أكيد فتوو ياحبي لها ..


.. من انتهت السنه ماعاد شفتها وأمها مهاوشتها تقول اتركي رفيقة السوء هذي اللي من صادقتيها رسبتي لأول مره بحياتك ..





صح فتو لعااابه بس دافوره ..
.. وهالسنه جابت العيد رسبت بماده أبلا تماضر أصلا هي واعدتنا ترسبنا وفعلا قول وفعل ..
رسالة فتو :



‏> وسون لايفوتك عندنا طق بزواج واحد أظنه من جماعتكم العروس من التركي والعريس من الفواز .. ردي لي خبر<





وسن : رديت عليها قبل لا أفتح الرساله الثانيه ..



إيه عرفتهم هذي خالة جوادوه الزفت أصغر خالاته عاد تصدقين ماكنت ناويه أحضره بس عشانك بحضره وراح نتفق قبل ماندخل القاعه ..




وفتحت الرساله الثانيه فيما ترد علي فتو ..




جواد : أستانست وأنا اقرا رسالتها ..
.. عرفت إنهام قهوره ع الإخر بالرغم من انها مسويه واثقه وأنا داري إنها خايفه مني :




‏> جوادوه فكني من شرك ..
.. بلا حركات بزارين وتحدي وعناد ..
.. ياأخي ماأبيك تفهم عربي وألا أقولها لك بالهندي مو مستوى فهمك الهنود ..



جواد:هههههههههههههه
‏> حبي وسونتي الله أعلم من اللي مستواه أنزل من الهنود ..
.. الحمد لله حاملين ست توائم مرره وحده خخخخ وترا شري مايضر وش رايك نروح مع بعض نختار الشبكه ؟





عساف : خذو مني تحليل قبل مايعطوني الجرعه ..
.. ووداد صورتها هي وبنتي مافارقت عيني وكلامها اللي قطع قلبي للحين صداه باذني ..



عساف : ودادي ..
.. أنا جلستي الصباح .. وترا محد درا إلا أنتي ..
.. محد يدري متى تطوى صفحته بس بوصيك ببنتي خير ..
.. تراها أمااانه برقبتك ..
.. وأن بغيتي تزوجين بعدي خوذي رجال يخاف الله فيك وفي بنتي ..
.. وأن رفض تعيش معك خليها عند أمك .. إمك حنونه وما راح تأذيها لابفعل ولاقول ..


تنهدت وكملت ودموعي على خدي
أمي أحيانا قاسيه ..
.. وماتنتبه لكلامها أدري إنها بتحبها .. بس أخاف تجرحها بكلمه .. وأي شي تحتاجونه أنا عندي الفيلا اللي بالروضه .. وأرض بالشمال قيمتها بحدود أربع ميه ألف .. وسيوله بالبنك مية ألف وأسهم أوراقها كلها مع وافي ..

كانت تسمعني بهدوء ورفعت راسها بعد ماأنتهيت ..
.. وقطعت قلبي دموعها كل شي أتحمله إلا دموعها ..




وداد : والله ثم والله ثم والله ..
.. وعهد علي بيني وبين ربي .. ماأعرف أحد من الرجال بعدك ..
.. مايملى عيني أحد بعدك يا أبو الريم ..



عساف : دودي أنتي صغيره ..
.. وبنت وحده ماتكفي ..
.. تزوجي وجيبي لها أخوان وسند .. وهذي سنة الحياه والحي أبقى من الميت ..





وداد : وتشاهق بالبكي جعلني ماأقوم من مكاني أن جبت للريم أبو غيرك ..
.. وان شاالله بيشفيك ربي ويعافيك وترجع لنا ونربي الريم سوا ونجيب لها إخوان ..




عساف : ضميتها وأنا أودعها ..
.. حبها قطع قلبي وكلامها عذبني وريحني بنفس الوقت ..*



صحيت من أفكاري على صوت الدكتور وهو ويقول..
.. *بنأجل الجلسه وبناخذ تحليل مررره ثانيه ..



آه ياقلبي ذبحوني وأنا حي ..




جواد : رحت أنا وحمد ندور قاعه فاضيه ..
.. من العصر لحد أحدى عشر بالليل ومالقينا ..
.. لأنا بالصيف ومتأخرين بالحجز ..
.. حسيت باليأس ونمت بسرعه من التعب .. وطلعت الساعه سبع الصباح أدور ..*



وكنت ناوي أذا مالقيت أحط زواجنا باستراحه وبس ..
.. ومريت قاعه قلت هذي آخر وحده أن ما لقيتها فاضيه خذت استراحه ..




والحمد لله لقيت ..
.. لان العريس طلق عروسه قبل لايدخل عليها الله يكفينا شر هالقاعه ..


.. وبسرعه دفعت العربون وأكدت الحجز قبل سفري بثلاث أيام ..
.. أحس جبل انزاح من ظهري.
وسيده رحت لصحارى وإخذت الشبكه وطلعت ..




بشرت أبوي وعمي وكل هذا ووسونه مو مصدقه ..



*.. بخلي شبكتي بعد زواج خالتي ..
وقلت لنوره مرت أخوي عن موعد الشبكه وحجزالقاعه ..





‏> زواج خالة جواد <





وسن : استغربت أمي إني وافقت أروح معها لزواج أخت مرت عمي ..
.. بعد ماكنت رافضه بشده ..
.. لإني ناويه أعزم فتو وأسهر معها..



خذت لوازم الطق : بنطلون جنز وتي شيرت أصفر ..
.. وعبايه مزركشه ..
.. ومن براقع أمي ..
.. *لمادخلنا قلت لأمي بطلع فوق أشيك على لبسي وبسرعه دقيت لفتو أشوف وينها !




فتو : وسون حنا على وصول بدلي لين نجي ..



وسن : هااا بس لين الساعه أثنا عشر وبس ..
.. خاف تفقدني أمي ..
.. وترا بجلس وراكم مو معك أنتي وتروف في المقدمه ..




فتو *: أوكيك ..
.. بس ترا بتغنين برجع لك المايك ورا لين أتقهوى وأتحلى ..


وسن : وحله ببطنك .. *بطق بس أخاف تعرفني أمي وإلاخواتي !


فتو : لاا ياقلبوو محد عارفك والأصوات تشابه ..





*
جواد : شفت العريس يتلفت ويدور حمد أو أحد من خوالي ونطيت معهم ..
.. عارف إنه بيدخل وبيبلشني خالي فيصل أصب القهوه ..
.. لأن حمد ووافي بيدخلون ..
.. وموصيني أشرف ع القهوجيه ..
.. بس معصي بسبقهم للقاعه ..






وسن : شهقت وجع فتو ليش ماقلتي إنه بيدخلون رجال ..


فتو : ماسألتيني ..
وسن : لأن خواتها اللي قبل ماسوولهم زفه ..
.. فاماتوقعت يحطون لهذي بعد ..


فتو : خلك من الهرج الفاضي بس ..
.. قولي لي بأيش نرحب بالمعرس ..
.. أمه داسمتن شاربي عشان أطق فيه زين ..



وسن : شاسم المعرس :
فتو : فهد ..



وسن : أش رايك يامرحبا بالمقبلين ..
فتو : حلوو خوذي المايك ..


وسن : نااااااعم أنا حامض على بوزك والله لوتحبين راسي ورجلي ..


فتو تخبطها : وجع !
.. لسانك هذا مايفتر مايرتاح بالعه راديو ؟

وسن : تف تف قل أعوذ برب الفلق ..


وعطتني الخبله المايك وأنا ورا ..
.. عارفتها تبي تقز بالرجال وتفنجل ..




شفت مشالح وثياب بيض والفرقه بدت تطق بحماس
وأنا أغني بحماس :
.. يامررحبااااا بالمقبلين .. يامررحبااااا بالمقبلين ..

فهد وربعه ساااالمين .. فهد وربعه ساااالمين ..




*
.. وطارت عيوووني ورميت المايك على تروف ..
.. وقلبي كنه طبل من طبول فتوو ..


فتو : وجع ان شاالله خربتي الطق أنطقي غني ..



وسن : فتو تكفين بطلت جوادوه والله أن يعلم تروك علي ويمصع رقبتي ..


فتو : ألا ياعارفك أصلن مو متوقع وجودك ولا بالأحلام ..


جواد : وجع الله ان شاءالله وش بلاهن وقربت بهاوشهن ..


.. هي أنتي وياها وش هالطق
ياالله حطن شوط خاص بجواد أبي مدح يهز هزز ..


وتوني بروح لمحت معهن طقاقه بيضا قلت بخبث :


.. أبي البيضا ..
.. وهزت راسها بالنفي ..
.. أنا مدري من أي عائله هي بس كان هدفي أفشلها لأن هذا مو كارهاااا ..



.. وتوني بروح لاحظت إنها منزله راسها وعجبتني اللعبه ..
.. وحسيت بالمتعه واضح إنها من عائله ..



قالت اللي قدام ..

فتو : أنا أغني لك ولايهمك ..

جواد : تكتفت لاااا أبي هذي
وأشرت عليها ..


فتو : هذي طرما ..


جواد : مدري ليش مر ببالي موقف السوق ..
.. نفس الموقف ينعاد*
ماانتظرو ردي وغنو ..



جواد راعي الأوله...



.. ماتحركت من مكاني وجت سلطانه وسحبتي ..


سلطانه : خير وش عندك مسنتر معجب ..
.. قلت وأنا أقز البيضا ..
.. مدري قلبي قارصني ..

.. فجأه مدري ليش طرت علي ..


وسن : قلت سلوط وين وسن أبيها !
سلطانه : مدري سلمت عليها اول مادخلنا وماعاد شفتها !


جواد : لما وقف الشوط وهدا الجو شوي دقيت على جوال وسن وأنا واقف عند الطقاقات ..



وشفت شاشة جوالها تأشر ..
تخطيتهم وخذت الجوال بسكات اللي كان مقعد على طبل بجنبها ..



وصدددددددمه
*.. حصاني يتصل بك ...





.. دقيت من جوالها لرقمي طلع لي سووووني ..



.. التفت بالعن خيرها ..
.. بس أنسحبت بدون ماأحس ..
.. وسحبتني سلطانه بعد ماقامن الطقاقات يسبن فيني ويتهمني أتحرش فيهن ..




سلطانه : جواد أشفيك أنهبلت تبي تمشكلنا مع الناس ..


جواد : آه مو حاس باللي حوالي من القهر ..
.. أوريها الكلبه تبي تفضحنا لكن هين إن ما أدبتك ..



وسن : يالهوي يالهوي يالهوي .....
.. والله إن يلعن خيري تركي ..
.. حتى جوالي خذه ..
.. وش السوات كله من هالفتو ..
.. كنت حاسه أن أجلي قريب ..
.. بس أحسن شي أسوي نفسي عادي وأكمل الزواج عادي ..



.. وان قال لتركي شي .. قلت :
.. كذااااب وأمي شاهده ..
.. وبترزز بوجه العنود عشان تشهد معي ..




شلت العبايه وزدت الميك أب .. *طلعت علكه من شنطتي ونزلت أدور العنود ..
.. ورقصت عشان الكل يشوفني ومحد مصدق جوادوه الزفت ..







عساف *:فتحت غرفة وداد ..
.. وقربت منها شفتها نايمه وعاقده حواجبها شكلها تشوف كوابيس باحلامها ..

.. قربت منها وبوست يدها
وجبينها ..
.. تحركت منزعجه
وفتحت عيونها شوي شوي
وابتسمت لها ..
.. دودي دودو قلبي صحيتي ؟


وداد : يارب رحمتك أنا أحلم للحين وإلا صدق ؟
مسكت يده ونزلت دموعي لا إرادي ..



عساف : قلبي ليش هالدموع ..
وداد : شسوو فيك ؟


عساف : ماسوو شي شوفيني عندك .. مابي إلا العافيه ..
.. مريتك المغرب قالو لسا معطينك مهدي من ساعتين ..
.. وماراح تصحين ألحين ..
.. رحت لزواج خالتي ورجعت لك ألحين ..*
شخبارك ليش تاعبه نفسك ؟

حتى ريومه زعلانه عليك تقول أبي ماماا ..*



وداد : حطيت يدي على خده ودموعي تنزل ..
*
عسى الله يخليك لريومه .. وأم ريومه ..
عساف : سحبت يدها وبوستها أن شاءالله ..







جواد : آه ياالقهر زين بكره بالشبكه تشوفين ..
.. طيب ياوسن طيب ..






وافي : كنت جالس جنب عيال عمي .. محمد عن يميني وتركي يساري ..


دق جوال تركي وقطع سالفتنا ..


تركي : يابنت الحلال أقعدي وسعي صدرك ..
.. توك بدري وعيالك مابهم إلا العافيه ..



حنين : لااا المربيه تقول تركي عليه حراره ..
.. وماعندها خاف .. .تكفى بسرعه ..



تركي: *خلاص بارسل لك محمد آذا لبستي دقي عليه ..


محمد : قل لوليد وإلاعبدالعزيز أنا أبي أقعد ..


تركي : قم بس أنا أمرتك أنت مهوب عزيز ولاوليد ..




وافي : حنين اللي تبي الروحه ..

تركي : إيه ...


وافي : خلاص قلها تطلع بوديها ..
طالعوني أخوانها باستغراب ..

.. خير تراها مرتي .. وأم عيالي .. وإلا جلستها عندكم نستكم هالشي ..



تركي : لاياخوك حقك وأحنا مالنا كلمه عليها ..



وافي : عن أذنكم ..


شفتها طالعه تتلفت وعرفتها أخذتها من يدها ..

وركبتها سيارتي بدون لانتكلم ..



حنين : وافي بسرعه تكفى توتو عليه حراره ..
.. وماعنده خافض أخاف يتشنج ..



وافي : مسكت يدها وشبكت أصابعي بأصابعها ..
.. لا أن شاءالله مهوب جايه إلا العافيه ..







وسن : رجعنا من الزواج وعرفت أن حنوو مع تروك بالمستشفى ..‏

*
وااااي تعبانه ..
.. حذفت جزمتي كل وحده بجهه ..
.. بعد ماشوتها برجلي ورميت شنطتي ع التسريحه فصخت عبايتي ..

وبدلت فستاني ببجامة وداد ..
.. الله يشفيها أول مره اسمع عن إكتئاب النفاس سبحان الله !


تمددت على سريري وتذكرت جوالي ..
*> آه ربنا يجازي اللي كان السبب <

البااارت الرااابع عشر



•
•





وافي : دخلت على حنين لقيتها تبكي ..
.. قربت وجلست جنبها ومسكت يدها وبيدي الثانيه مسحت على ظهرها ..

.. لاتبكين ماعليه شر ..





*
جواد : قمت الظهر *..
.. أوووه تأخرت ..
.. رحت وضبطت نفسي ورجعت للبيت ..
.. خذت شور وتشيكت ..
.. وأنسدت نفسي عن الأكل الظاهر من الفرحه ..



بعد ماأنتهيت من اللبس ...
.. نزلت لأمي وخواتي استعجلهم
*
جواد : يمااااه تكفين تأخرنااا عجلو علي ..





نوره : الله يستر بس ضبطنا كل شي من دون مانقول لوسن ..
.. نبي نحطها أمام الأمر الواقع ..


.. الميك أب والتسريحه خلينا حنين تضبطه لها بما إنها فنانه فيه ..



والفستان لبسناها فستانها حق زواج خالة جواد ..
.. وفهمناها أن زميلتي من طبقه راقيه بتزورني وتشيكنا كلنا ،،




وسن : أوف منكم قلتلكم مانيب طالعه ..

.. ماحب الجلسه الرسميه ..
.. طالعت نفسي بالمرايه ورميت لنفسي بوسه .. ياااااختي علي أهبل بسم الله علي ..



هي النوررري لاتكون صديقتك حسووود تطسني بعين ..



نوره : بعد ماأنتهت وسن من كل شي ..
.. حمد دق لي يقول أهله جونااا فلازم نقولها الله يعيني ..



مسكتها وقلتلها السالفه بهدوء ..



وسن : يااااسلام والله وأنا أخر من يعلم ..
.. *نقلعووو عني بدق لفتووو نطلع وياهااا للملاهي ..
.. حرام تروح هالكشخه بلاش !




حنين : و من قال أنها بتروح بلاش !
بيشوفها جوادوه .. وإلاما يستاهل ..
وسن : طبعا مايستاهل وخذت جوالي بتصل لفتو ،.



نوره : دقيت لتركي وقلت له السالفه كلها ..

تركي :ي الله وسن انزلي للصاله جواد ينتظرك ..

وسن : ماهمتني نوره بطنشها بس ..
.. *شفت تركي وضاعت علومي كلها ..

.. ياربيه منه .. يخوف هيئته .. عيوونه الكبار .. حتى ترسيمته تخوف ..
.. بلعت ريقي .. ومغصني بطني ..
.. عرفت ان السالفه جد ..
.. قلت طيب ان شاءالله ..




حنين : كتمت ضحكتي لين طلع تركي بعدها انفجرت ههههههه ..
.. ناس ماتجي ألا بالعين الحمرا ..

وسن بعصبيه : اسكتي أنتي هالعين الحمرا ماتطلع إلا علي ..
.. وأنتي اللي مهيته رجلك وحارمته من عياله مخلينك على كيفك ..


حنين : حسيت بغصه بحلقي بس مابي أضيع فرحتي بوسن ..
.. خاصه أنها باقي لها اسبوع وشوي وتسافر وتتركنا ..


قلت بمرح : والله هالعين ماتطلع إلا ع البزارين أنزلي بس ..



جواد : من قالي تركي أدخل وأنا مضيع كل اللي بقوله لوسن ..

.. تنحنحت وسميت ودخلت ..
.. شفت آآآآه*ياقلبي .. ليتهم يخلوني آخذها اليوم ..

.. قربت وصافحتها .. وبلعانه بوست خدها وراسها ..

شربنا العصير .. وولبستها الشبكه ..
.. *لماجيت ألبسها العقد .. وبعد ماسكرته ماشلت يدي ..
.. قعدت أمرر يدي على رقبتها متعمد أحرجها ..
.. والكل يحسبني ماعرفت أسكره ..


*.. بغيت أصرخ من الألم لما الحيوااانه داست بكعبها اللي كنه مسمار على رجلي ..
.. وبسرعه بعدت يدي عنها ..
.. وأنا أحاول أضبط أعصابي ..
.. ووقفت وسحبتها بيدها ووقفتها معي ..

وناديت للعنود ....




عنود : نوره جواد يبي يجلس مع وسن شوي ..
.. أخليه يدخل بمجلس الحريم ؟



جواد : دخلنا بمجلس الحريم وقفلت الباب ..

وسن : هي أنت وش تسوي أفتح الباب ..
جواد : قربت منها ومسكتها من عضودها وهزيتها ..
*
.. شحاده وطقاقه .. !
.. طقاقه ياالطقاقه ..
.. ياالشحاده .. *آخر عمرنا عايله التركي تجي بزر وتشوه سمعتنا !
تحبين أقول لتركي !



وسن : شهقت بلانذاله جوادوه ..
جواد : أنتي ماتستحين تسوين هالحركات من ورا أهلك ..


وسن : تكفى جواد لاتصير نذل آخر مره ..

.. توبه والله توووبه ..


جواد بخبث : انزين وش المقابل .. عشان ماقول لتركي .. وأنتي عارفه تركي عسر مدري وش بيسوي لادرا ؟



وسن تكتفت :
خلص والمطلوب ؟
جواد : قربت منها وشديت على خصرها ..
.. طالعتها ببراءه سلامتك أنتي كريمه وأنا أستاهل ..


وسن : دفيته عني ووجهي قالب إشارات مرور ..
ابعد عني وقل شتبي بالضبط ؟
جواد وهويقرب أكثر :
ياحلوك فاهمتني ..
.. أبد طلب صغير قد عين النمله ..
وسن : اللي هو ؟
جواد بقوات عين : أبي نطلع .. نتعشى برا .. ونسهر مع بعض ..


وسن : طيررر بس لو تلحس السما بلسانك ..

جواد : أوكي ..
.. وطلعت جوالي بدق لتركي يتفاهم معك ..
.. ويشوف وش سويتي بفلوس الشحاده والطق !


وسن : سحبت جواله الله ياخذه بيذلني يعني ..
.. طيب طيب أنا موافقه ..



جواد : أيوووه كذا تمام بصلي المغرب وأجي آخذك .. بااااي ..

وأنا عند الباب بطلع وهي وراي تمشي تنتظرني أطلع فاجأتها برجعتي ..
وقبل لاتستوعب ضميتها بقوه ..
.. وبوست شفايفها وخربطت لها شعرها بسرعه وطلعت ..
.. وأنا منزل راسي وغترتي وأمسح فمي وبسرعه طلعت ..




وسن : من الصدمه تنحت وماتكلمت ..
.. ولاحتى تحركت وش سوى هالزفت السخيف .. استغفر الله شكله متعود يسوي هالحركات برا وجع أن شاء الله ..







عساف :زطلعت سيده من المستشفى لبيت عمي وأنا طايرمن الفرحه ..
.. وصلت وفتح لي تركي ولد أخوي قلت وين خالتك وداد؟ .. نادها لي ..



تركي بن حمد : خالتي عندها حريم ..

عساف : كلمها بأذنها قل أبوي يبيك بالمجلس ..
.. وربع ساعه وجتني ودادي ..
.. لماشافتني رمت نفسها بحضني وبكت ..




عساف : ودادي دودو أنا جايب لك بشاره ..
.. الحمدلله الورم اللي براسي حميد موخبيث ..
.. *وعمليته أن شاء الله ناجحه ..




وداد : أحلف ...
عساف : برب البيت ماجاك الإ الصدق ..
.. *الله جيبي ريمي أشوفها ترا أشتقت للريم وأم الريم ..





جواد : بعد ما أستأذنت من عمي إني أطلع مع وسن ..
.. دقيت عليها وسفهتني ..
.. أرسلت لها ...

*- وسون بدق دقة والثانيه على تركي أن مارديتي ..
وإلاأقولك أن مانزلتي بعد عشر دقاايق -


.. وبعد سبع دقايق شفتها طالعه بعبايتها ..





‏> في سيارة جواد <





جواد : حي الله أم تركي ..
وسن : هه مأمل الأخ ..


جواد : أكيد بأذن الله ..
.. عاد أنا سعودي أصيل ..
..ابي درزن مشكل .. وإلا أقولك درزن ونص ..
.. انتي توك صغيره وتقدرين تجيبينهم خلال ثمان طعشر .. سنه يعني يكون عمرك تقريبا ثلاث وثلاثين سنه ..

لاااا شكلي بشكهم درزنين كل سنه حبه ..




وسن : أنطر ياحمار لين يجيك الربيع ..
جواد : مسكت فرامل بقوه وبغا يضرب راسها بالزجاج الأمامي .. مسكت يدها بقوه من هو الحمار ؟
وسن بعصبيه : ياغبي بغيت تموتنا ..



جواد : من هوالحماااار أنطقي ؟
وسن بخوف : الشيطان أوووف زين !

جواد : أرتخيت ع المرتبه ..
.. ورفعت رجلي ورفست بها رجلها ..
.. مره ثانيه حاسبي على أمثالك اللي كنها وجهك ..


وشغلت ومشيت ..
وسن : أوف يقهر !




من دخلنا المطعم وهو يقزني .. ومافك يدي ..
.. وبكل برود يقول ترا زواجنا الاسبوع الجاي .. وبسافر معه ..


هه تحلم .. زواج مابي لين أتخرج من الجامعه ..
.. يعني بعد سبع أوثمان أوعشر سنين عاد على حسب شطارتي ..



جواد : أذا على شطارتك عزالله عنستي وخستي ما تزوجنا ..
.. أنا باخذك عمره بعد زواجنا وبعدها نسافر ..



وسن : لا يعني لا ..
.. مستحيل وليش مابلغتوني قبل ؟
.. الظاهر هذا زواج بنت الجيران مو زواجي ؟



جواد : المهم وصلك الخبر وأنا حجزت لنا وجوازك عندي ترا ..


وسن : لا والله !
.. من سمح لك انقلع بس ماني رايحه معك ..

جواد : يعني تبين أعلم تركي ..
.. ساعتها بيسحبك بثيابك اللي على ظهرك ويرميك عندي ..
.. فخليها تجي بطيب خاطر بدل الغصايب ..



وسن بثقه : مايسويها إخوي ..

جواد رفع الجوال :
.. تحبين نجرب ؟
وسن سحبت منه الجوال:
.. بلا سخافه أنا موافقه ..




جواد : إيوه كذا أنتي تمام ..





حمد : رحت لوافي بمكتبه أبي أكلمه بعيد عن البيت ..

وافي : حياك أبوتركي وش تشرب ..

حمد : أنا ماجيت أشرب ..
.. أنا جاي أشوف حل لمهزلتك أنت ومرتك ..
.. كل واحد أعند من الثاني .. وكل واحد مو راضي يتنازل .. وسالين بحياتكم والضحيه عيالكم هالمساكين ..



وافي تنهد ونزل راسه :
.. أرجوك حمد لاتدخل ..



قاطعه حمد :إ لابتدخل ونص ..
.. أذا عمي صبر عليك هالفتره كلها وأنت ماحركت ساكن ..
.. فماراح يسكت أكثر ..
.. ولولا معزت أبوي عنده كان ماسكت ..
.. أي أبو مايرضى يكون حال بنته كذا معلقه .. لامتزوجه ولامطلقه ..



قاطعه وافي بعصبيه :
.. خير وش معلقه هي زوجتي ..

حمد : طيب ليش ماترجعها ..

وافي تنهد : مو راضيه ترجع ..
.. أو تعطيني فرصه أراضيها .. وبيتي حلفت ماتدخله عقب مازعلتها ..



حمد .. وبنظرك .. بتخليها كذا .. أنت بجهه وعيالك ومرتك بجهه ..



وافي : طيب شور علي ياخوي وش أسوي ..

حمد : البيت كانها حلفت عنه أشتري لك بيت ثاني أو أستاجر ..
.. وكانها مارضت تعطيك فرصه خذها لو بالقوه ..
.. بعدين لاجت عندك تقدر تكسبها ..
.. ترا المره تعشق بأذنها قبل عينها ..
.. يعني كلمتين حلوين على شويت دلع لها .. تلاقيها ذابت ورضت ..


وافي : تعتقد تسامحني وأنا من خذتها وأنا أهينها ..

حمد : شف ياخوك ..
.. محد ذل مرته كثري ..
.. وريتها الويل ببداية زواجنا ..
.. مع إني كنت أحبها بس كنت طايش وصغير ..
.. وهي بعد صغيره ..

.. فكنت أحاول أثبت شخصيتي بأهانتي لها ..
.. وأني قادر أتحكم فيها ..
.. ولماشفتها قشت قشاشها وراحت لاهلها ..
..بغيت أنجن وهي ماجلست إلا ثلاث أسابيع راضيتها .. وليومك هذا مازعلتها ..



وافي : شورك وهداية الله ..







‏- زواج وسن وجواد -





جواد : رفضت يزفون وسن قدام هالعالم ..
.. مع إني من مؤيدين الزفه .. خاصه لمحارمي ..
.. عشان أدخل مع العريس ..
.. بس أنا خايف يطسون وسون بعين ..
.. أكيد هي أحلى وحده بالحفل وانقهرت مني لأني مارضيت لها تنزل عند الناس ..



حسيت بارتباك لما ناداني تركي أدخل ..


وسن : الله ياخذه جوادوه .. فشلني عند زميلاتي ..
.. قايله لهم بنزف ..
.. وكنت أبغى أحرهم لاشافو جوادوه حلو ..
.. لأن فتو الحماره قالت لهم أن جواد دب ..
.. بعدها صارو يعلقون على بدبابته ..




عنود : ياالله بنات المعرس بيدخل ..




وسن : تمسكت بنوره أختي لاتروحين ..



تركي : دخلنا كلنا ..
.. أنا وأبوي وعبدالعزيز ومحمد ووليد ..
.. بأصرار من وسن ..
.. بعد ماأكدت على وافي وعساف وحمد يشوفون الرجال ..



كسرت خاطري وسون بعدها صغيره ع الزواج والمسؤليه ..
.. والسفر .. قربت منها وضميتها ..
.. وحبيت راسها عشان ماخرب ماكياجها ..






جواد: مع إني جرئ ..
.. بس صراحه كنت جدا مرتبك لماشفتها ..


قربت منها .. وسلمت بيدي .. وحبيت راسها ..
وجلسنا..

.. استغليت فرصه أن صوت الزفه عالي وقربت من وسن وكلمتها بصدق ..



واااو وسون تجننين ..
.. *لله يصبرني لين نوصل للفندق ..
.. نزلت راسها بخجل واحمر وجهها ..
ضحكت بشويش هههههه وسون أول مره أشوفك مستحيه لازم ناخذ لك صوره ..



وسن : وجع قليل أدب ..
.. بلاااا فشكله ..
.. وابتسمت لأني تذكرت أبلا تماضر هذي كلمتها دايم ..




عزيز : جواد وش أنت قايل لأختي ..
.. وجها صار طماطه ..

وليد : ولأول مره بحياتها وسون مستحيه ..
.. يارب لك الحمد أخيرا .. حقق امنيتي أشوفها مستحيه قبل ماموت ..




أب وتركي : بس أنت وياه ..
.. وإلاطلعتكم برا هذي الوسن غلاي كله ..



وسن : يابعد قلبي يابوي ..
.. ياناس هالأبو عسل ..
.. مافي أحد بغلاه عندي بالدنيا ..




طلعو اخوانها وبقى تركي .. عشان يصور مع عنود ..

بعدين شوتتهم المصوره .. عشان تاخذ لنا صور خاصه ..


جواد : أوف متى تقضى هالعجوز الشمطا من التصوير ..
.. ابي نصير لحالنا .. بس حركاتها حلوه ..
.. خلها تستاهل هالوسن ..





جت عنود ونوره ..
.. ولبسوها عبايتها ..
.. وطلعنا بعد توصيات من أمها وأبوها وأخوانها كني باكلها ..

وابتسمت : إني باكلها تحسبني بخليها ..

وصلنا الفندق وطلبت عشا ..
.. وعلقت بشتي ..






نوره : مسكت حنين على جنب ..
.. بعد ماانتهى زواج وسن تقريبا ..
.. الله يوفقها ..
.. *بعد ماأتفقت أنا وحمد إنا نصلح بينهم ..
.. بالطيب أو بالقوه ..
.. وكنت مجهزه لحنين شنطة فيها ملابس جديده ..
.. وقمصان نوم جديده ..
.. مسكين هالوافي كاسر خاطري .. أكثر من حنين ..

وركبت الشنطه بسياره حمد ..
.. عشان ياخذها وافي ..



نوره : حنين بصراحه وضعك مايسر..
.. لاتخربين بيتك بنفسك ..
.. خلاص ماصارت زعله حتى مو راضيه تعطينه فرصه يراضيك ..


حنين : نوره أنتي ماتدرين ..
.. *وافي أهاني وذلني ..


نوره : ياحنين مافيه أحد أنهان وأنذل مثلي بداية زواجي ..
.. أنا خذت حمد وعمري سبع طعش..
.. *هوعشرين كان شاب طايش ..
.. عذبني تعذيب وذلني ذل ..
.. محد ذاقه .. - نوره ودموعها تصب من ذكرى ذيك الأيام -


كان يهيني قدام أمه .. وأخوانه .. وخواته ..
.. ومايتجرأ يسويها عند أبوه ..



كان يقومني الصباح قبل لايروح للجامعه ..
.. تخيلي أحد يرجفك وأنتي نايمه برجله عشان تمسحين جزمته ..

- وتشاهق بالبكي -



وإذاشرب مويه .. كب باقي المويه بوجهي ..

ومصروفي مايعطيني إياه بيدي ..
.. كان يرميه عند رجله عشان آخذه ..


ولمايشوفني أتزين عند المرايه ..
.. يسحبني من شعري .. ويضرب براسي فيها ..

.. لمن نجي ناكل ياكل هو .. بعدها آكل أنا ..


ولماحملت بولدي قبل تركي ..
.. وأنا ماصار لنا ست شهور من زواجنا ..
.. طرت من الفرحه قلت يمكن يتغير ..


صحيح فرح بالخبر ..
.. *بشر الكل .. بس ماوقف عن إهانتي ..


.. ومره دخل علي .. وأنا جالسه بالحوش .. ومعطيته ظهري ..
.. وماحسيت به لمن دخل ..
.. رجفني من ظهري بجزمته لين طحت على وجهي ..
.. وماقدرت أقوم من الألم ..
.. شدني بشعري ووقفني ..
.. وسحبني وراه ..
.. وأنا بنص الدرج أغمى علي ..
.. وماصحيت إلا وأنا بالمستشفى ..
.. عرفت من خالتي إني جاني نزيف .. وسقطت ..


.. انصدمت .. وسكت ماتكلمت ..
.. طلعت لبيتنا وجلست اسبوعين ..
.. وكل مايجي يزورنا أرفض أطلع له ..
.. وأهلي مادرو بالسالفه يحسبوني متأثره ع الجنين اللي طاح ..



صحيح كنت متأثره ..
.. بس بعدين فكرت إنها خيره ..
.. عشان مايكون بينا عيال ..
.. وأرجع لأهلي مثل ماكنت وأكمل دراستي اللي حرمني منها .. - تنهدت ..




وبعد اسبوعين ..
.. جاني أبوي .. قالي أطلع لحمد ..
.. عشان نروح بيتنا ..



حمد : يالله البسي عباتك .. وجيبي شنطتك .. والحقيني بالسياره ..


نوره :هه وأثق بعد اللي صار برجع لك ..


حمد : خير ياطير ..
.. وش صار يعني ..
.. الولد بداله ولد .. أمشي بس بلادلع ..



نوره : جلست ع الكنب ..

.. وحطيت رجل على رجل .. وقلت :
.. هذا مكاني ..
.. ورجعه لبيتك ماني راجعه ..
.. وطلقني ..

.. عصب علي ..
.. وقام يهذي بسب .. وشتايم .. ويتوعد ..
.. بياخذني غصب عني ..
.. وبيتروج علي .. وطلع وصفق بالباب بقوووه ..



جلست بعد الاسبوعين اسبوعين ..
.. وأنا تجيني الوسايط ...
بينا مره أبوه .. ومره أمه .. وأحيان عمتي ..
.. بس مارضيت .. وأذا جانا أودق على بيتنا ماأطلع ولا أرد عليه ..




.. وبعدها باسبوع كان عند أهله عزيمه كبيره ..
.. لواحد من التجار ..
.. وأهلي كلهم راحو إلا أنا ..
.. أهلي ماكانو يدرون عن حياتي شي ..
.. وتركي كان توه ماخذ العنود ..
.. بعدنا بكم شهر ..

.. وكان مدلعها حيل ...
.. هذا اللي خلا مرت عمي تحرص على استمرار علاقتنا ...


.. وماتبي حمد يطلقني ..
.. لأنها خايفه ع العنود ..
.. طبعا جلست بالبيت لحالي ..
.. أنا وجدتي المريضه وشغالتها ..



ولما صارت الساعه عشر ..
.. حسيت بصوت حاجه تطيح ..
.. بعدها طق قوي *عالباب الداخلي للفله ..

..طاح قلبي ..
.. ماكان فيه جوالات .. وبيت عمي سماعته تعطي مشغول ..
.. والشغاله خايفه وتبكي ..
.. وجدتي ماتدري وين الله حاطها ..




قربت من الباب ومعي سكين ..
.. وقلت بخوف مين :




حمد : أفتحي أنا حمد ..


نوره : رميت السكين من يدي ..
.. وسحبت نفس .. وقلت ماني فاتحه ..



حمد بعصبيه : افتحي لا أكسر الباب ..

نوره : فتحت .. لاني تذكرت أن أبوه عنده عشا مهم ..
.. وماهو ب جاي للديره إلاكان أهلي فيهم شي ..


.. فتحت الباب وانصدددمت ...



.. كان مبهذل .. فاتح جيب ثوبه ..ومالبس شماغ *..
.. وطلع له دقن وعوارض ..
.. أرتعت من شكله ..
.. وصرخت أهلي فيهم شي ؟
.. جاهم حادث ؟ .. ماتو ؟






.. وقبل لا أكمل تحقيق ..
.. رمى نفسه علي .. وضمني .. وبكى .. بكى مثل الطفل .. وقال :


.. أنا اللي فيني ..
.. أبيك، ..
.. لاتخليني .. نوارتي لاتخليني ..



.. وكنت أول مره اسمعه يدلعني ..
.. حتى أسمي ماكان يناديني فيه ..
.. كان يقول يازفته .. *يالوح .. وكانه راضي ..
.. ياهيه .. *يابنت ...




..المهم عرفت من سمعت كلامه إنه منتهي ..
.. ومستوي ع الآخر ..
.. بعدت عنه وجلست ..
.. جا وجلس جنبي ودموعه تلمع بعيونه ..




حمد : نوره ارجعي معي ..
.. خلاص مقدر أجلس بمكان وأنتي مو فيه ..
.. تعالي معي ..




نوره : حمد .. *أنا شفت منك بالست الشهور ..
.. *للي ماشفته بها السبع طعش سنه اللي عشتها ..
.. وأنا طول عمري ماحد هاني .. وماعندي استعداد أرجع للذل مره ثانيه ...



حمد باس يديني وقال :
.. وبرب البيت ماحد يهينك ..
.. ويدن تنمد عليك ياجعلها للكسر ..

.. أنا أهملت كل شي بعدك ..
.. جامعتي .. وأكلي .. وأهلي .. وشكلي ..
.. أرجعي وأن شاء الله ما تشوفين مني إلاما يسرك ..
.. ونجيب تركي وإخوانه ..




*
ومن هاك اليوم لليوم وأنا وياه سمن على عسل ..

وألحين يموت بتراب رجليني ..



الرجال إذا أخطا الدرب .. يبي له قرصت أذن ..عشان يتعدل ..
.. بس ماتهدمين بيتك بيدك ..





حنين : ياقلبي كل ذا بقلبك يالنوري ..
.. وأحنا ماندري ..


بس وافي بدري عليه ..
.. خليه شوي يتأدب ..
.. بعدها برجع له ..



نوره : يابنت حرام عليك ..
.. كل ذا وما تأدب ..
.. صارله سنه عنك ..
.. ومافي أحد أصبر منه ..
.. ولولا حبك كان تزوج ..





حنين : إي واضح هالحب ..

فزينا على صوت أمي وهي تقول أطلعو سيارات العيال برا ..




وافي : حرصت نوره على العيال ..
.. وقلت لها تاخذهم معها .. هي والمربيه ..
.. اللي طلعت ومعها توتو ..
.. أشرت لها تركب مع حمد ووقفت على سيارتي أنتظرها ..





قربت مني العنود تضحك وتغمزلي .. قالت أخاويك ؟



قلت : أنقلعي عندك رجل ..
.. أنا مسؤل عن أهلي ابس ..
.. وعدلت وقفتي لما شفتها شايله جوجو ..



قربت منها .. وخذته بيد .. وباليد الثانيه سحبتها لسيارتي ..
.. بعد مامديت جوجو لحمد أخوي ..




ركبتها وسكرت بابها بالقفل ...



حنين : طيب استنى آخذ العيال والمربيه ..
.. ضيقو على أخوك وعياله ..




وافي *:بابتسامه .. وانا أشبك يدي بيدها اللي مقدر أقاوم سحرها ..

عيالك بتشوفينهم عقب أسبوعين أنا شاء الله ..




حنين : وافي وين ماخذني رجعني للبيت ..
وافي : بصراحه جواد اليوم هيضني ..
.. أكون عريس عشان كذا بننام اليوم بالفندق ..
.. وبعديومين بنسافر أسبوعين عسل مع إني أتمنى إنها شهر ..



حنين : من سمح لك تخطط كل شي من راسك ماكن لي رأي ؟
وافي : ماقصرت فيك ..
.. سنه وأنا محروم وصابر ..
.. بس لحد هنا وبس صبري نفذ ..



وقطع كلامنا وصولنا للفندق ..




حنين : لما دخلت فعلا حسيت كأني عروس .:
.. الشموع والتورته فيها صور عيالنا والعصاير وبجنبها هديه مغلفه ..



دخلني ونزل ..

*
دخلت الغرفه وعلقت عبايتي ..
.. وعدلت الميك أب وسبحت بالعطر ..

طالعت نفسي بالمرايه وابتسمت باعجاب لنفسي كأني فعلا عروسه ..
.. فستاني سكري .. ممسوك بخيوط كرستال فضيه وقصة تحت الصدر ..ويتوسع شوي كل مانزل وطويل بذيل من ورا وتحت الصدر شك فضي ونفسه من ورا ..


.. الفستان جدا ناعم ومخليني أميره ..
.. ومحليه طولي وجسمي وبياض بشرتي ..
.. وزدت على شفايفي من روجي المشمشي ..
.. وعدلت ربطت شعري السكريه ونفضت شعري الكيرلي ..

وابتعدت عن المرايه لماسمعت صوت الباب ..





وافي : كنت بنادي عليها ..
.. بس لماسمعت صوت طق كعبها زادت معه دقات قلبي ..


.. وسحبت نفس ..
.. وتو بدخل طلعت بوجهي ..

.. ابتسمت لي بخجل ونزلت راسها ..
شرقت بريقي كح كح كح


حنين : أشفيك ....
وافي : غنيت لها وأنا أضمها :

ليله لو باقي ليله *.. *بعمري أبيها الليله
وأسهر في ليل عيونك *.. في ليله عمرفي ليله عمر



حنين : ضميته أكثر ..
.. ودفنت وجهي بصدره أجبه ياناس أحبه وأموت فيه ..

وافي : ضغطت عليها وأنا أقولها والله لأطلع دلعك علي ..
.. وحرتي منك ..*




حنين بدلع : ومن قال برجع معك بكره برجع لأهلي ،،

وافي : إيه هين ..
.. والله ماعاد تمسين ببيت أهلك سنه كامله عقابا لك ..




وكانت ليلة عمر فعلااااا

مرحبااااااااااااااااااااااااااااااااااااااااااااااااا اشكرس حبيبتي على المجهود اللي تيذلينه ......................وانا كنت من متابعينه بس سمعت ان الكاتبه وقفت عن كتابتها بس تفاجأت يوم شفتها يعطيس امية عااااااااااااافيه فى انتظارس بس لاتأخرين علينا ...................................................