أتعبتني يا زين وأوجعت راسـي..!!
.
.
لو كنت داري عنك وشلون قاسي
ما كان دليتك على القلب تشريـه
أتعبتني يا زين وأوجعت راسـي
مره تتل القلـب ومـرار تكويـه
وأظن قلبي مـا بقالـه كراسـي
بالله عليك ترجعه فـي كراسيـه
والعين بعدك ما تـذوق النعاسـي
ودي يباع النوم في السوق واقضيه
البس لباس الحـزن كنـه لباسـي
والهم صاحبكم على الدوم كاسيـه
بالعمر سابح ما لقيـت المراسـي
ودي على برك نلاقـي مارسيـه
واغنم سنيني معك من قبل يأسـي
ما ودنا في الهم والحزن نقضيـه
العود الأخضر لو ينوشه يباسـي
ما عاد نقـدر يـا وليفـي تثنيـه
أبـيك تفهمنـي بكـل الحواسـي
لا راح عمر العبد من عاد يعطيه
اسمع كلامي وافهمـه بالقياسـي
والقاف من شانك تراني مسويـه
حرب المحبة كل أبوهـا مآسـي
وأكثر قصيد أهل الهوا من مآسيه
وأخاف من مابي يزيد الحماسـي
وأنسى أقلك شي من قبـل ناويـه
لاتستمع في الهرج من كل ناسـي
الكذب واضح كل ماجاك راعيـه
ولحبكم ماني مع الوقـت ناسـي
ولو مر وقت وقت ماني بناسيـه
الشعر يشهد من طباق وجناسـي
وفي الشعرتشهد يا حبيبي معانيـه
.
.
27-03-11, 10:38 PM
أتعبتني يازين وأوجعت رأسي!
جديد مواضيع قسم الشعر والشعراء
العرض الشجري
