السلام عليكم ورحمة الله وبركاته ..
كيفكم أعضـــاء ليلاس .. إن شاء الله بخير ..
متل ماشايفين من العنوان ^^ ..
حبيت قدملكم أكلة من مطبخنا الســوري ..
وإن شاء الله تعجبكم ^^ ..
:: المقـــادير ::
- كوســا
- لحمة مفرومة ناعمة
- ارز
- لبن
- توم (ثوم)
- ملح
- فلفل اسود
:: طريقة التحضير ::
ننضف الكوسا من جوا بس مو كتير .. نطالع فقط اللب ^^
بعد مانضفنا الكوسا .. نبدأ بمرحلة القلي بدكم تتحملو شوي
لأن قلي الكوســا بيتعب شوي >> فيس كره الكوسا
لازم يصير لونهم هيك .. ولازم يكونو بهالوضعية مشان الزيت ..
اللي جوا يصفي على مهلو ^^ ..
بعد ما منخلص قلي الكوسا .. نبدأ بتحضير الحشوة ..
نحمس اللحمة ونضيف م.ص ملح وم.ص فلفل اسود ..
وبقدونس وصنوبر حسب الرغبة ^^ ..
نبدأ مرحلة الحشو .. وهي احلى مرحلة >> فيس نصاب
بنوتاااتي بهالمرحلة بدكم تتأنو كتييير وبدهااا صبــــر طوييل جدا ..
بعد ماتحشو الكوسا وتخلصو بتصفوه بهالطريقة بالطنجرة (القدر) ^^ ..
نجي للطبخ .. نضيف على الكوسا مي وملح وقليل من الفلفل الاسود ..
ويوضع على النـــار لمدة نصف ساعه تقريبا .. اول مايغلي هدو النار عليه ^^ ..
في هذه الاثنـــاء قومو بطبخ الرز مع الشعيرية وكلكم بتعرفو الطريقه ^^ ..
وبعدين بصحن عميق نضع 3 علب زبادي وفصين توم ناعمين ..
ونخلطهم سوى ..
وتقدم الطبخة هكذا ^^ ..
طبعا طريقة طبخو بتختلف شوي .. بس ماميتي بتطبخو هيك ..
أطيب وأسهل >> فيس كره الاكلة للأبــــــد
وصحتيــــن وهنــــا على قلووبكم ^^ ..
23-03-11, 11:31 PM
|| المطبخ السوري || شيخ المحشي وصل
جديد مواضيع قسم الأطباق الرئيسية
العرض الشجري
