المنتدى :
الشعر والشعراء
أقدر أنساك ؟
أنساك ! من هو قال لك أقدر أنساك؟
والله لو النسيان حاجه بسيطه
من غبت ماغابت عن البال ذكراك
واللي مضالي دوم ارجع شريطه
ياكنزي اللي ضعت وشلون أبلقاك
ودي أجيك ومالقيت الخريطه
ابحرت أ
دور
عن
وصالك
ولاماك
واتعبت مركب لوعتي في محيطه
تومي به الأمواج منا ومناك
الجو مظلم والعواصف نشيطه
مفروض قبل تلوع قلبي بفرقاك
تجيه وبعلم المفارق تحيطه
واللي جمع كل الحلا في محياك
ماأغليت مثلك فوق ظهر البسيطه
تدري قلوب عداي ياالترف وعداك
مثل الحجاره وألسنتهم سليطه
هذي القصيده للشاعر:سليمان الغفيلي
|
22-03-11, 05:35 PM
جديد مواضيع قسم الشعر والشعراء
العرض الشجري
