البارت الواحد والأربعين,,,,,,,,,,
//////////////////////////////////////////////
جمد مكانه من الصدمة,,,,,,,,,
موقف ماعمره تمنى انه ينحط فيه!!!
تمنى انه يكون جالس يحلم وكل اللي صاير مجرد حلم ثقيل بيصحى منه باي لحظة!!
فرك عيونه مرة وثنتين وثلاث...يبي يفتحها ويلقى شي غير عن اللي هو قاعد فيه..جو مختلف تماما,,
بس مالقى غير وضحى اللي كانت تمسح دموعها بين دقيقة والثانية وهي ماتحركت من مكانها والصدمة مبينة على وجهها,,,,
حاول انه يتحرك ماقدر...حتى لسانه ماقدر يحركه شوي...
قام من مكانه بعد معاناة طويلة وركع تحت رجلها وماعرف شيقول ولاشيسوي,,
كان يناظر بدموعها وهو حاس ان في مصيبة جايته...ياليتها لو ماقالت اسمه كانت بتخف السالفة اما انها تقول اسمه وبالكامل وشنو الشي اللي هو فاقده وموجود عندها فالقضية ماتحتاج توضيح اكثر!!!
قال بحشرجة بالموت اطلعت منه/وضحى....
ماقوت ترفع راسها بذيك اللحظات.......
اصلا شتشوف فيه ولاشتسمع منه؟
كذبة جديدة بيكذبها عليها؟ولارواية قدر يئلفها بلحظات!!!
مسحت دموعها بقسوة وكانها تقوله انت ماتهمني؟
خالد/اسمعيني!!
هي بها اللحظة ماكانت ترن بااذنها غير كلمة وحدة بس,,,كلمة البنت اللي قفلت الخط قبل ثواني(قولي له بالمكان المعتاد)؟؟
يعني ماهي مرة وحدة اللي بينك وبينها ياخالد؟يعني انت من زمان تخوني وانا مصدقة حبك الزايف!!
خالد بعذاب/وضحى اسمعيني,,,
قامت من مكانها وهي مو قاوية تقوم اصلا وحست الارض تميد فيها يسار ويمين,,,,
كل اللي قدرت تقوله,,,/خالد لو سمحت اطلع برى....ماابي اشوفك بحياتي خلاص...انا توقعت انك تنسى السالفة اللي بينا من امس ويطير الزعل بس ماتوقعت بها الحقارة ؟
خالد باعتراض/لا...وضحى..لا اسمعيني بس....
تركته مكانه يتنهد وهي دخلت الحمام وقفلت الباب وراها علشان تسمح لدموعها تطيح براحة وبعيدا عن كل كبرياء العالم,,,,
////////////////////////////////////////////////////////////////////
كان الجو بالمطعم اشبه بنار على تنور,,,
ياسمين وعيونها اللي كانت بالارض ودموعها اللي قربوا يطيحون ونواف اللي كان يشتعل بناره ومقهور انه ماقدر يمسك نفسه عنها
ولؤلؤة واحمد ياكلون بهدوء وهم يسولفون مع بعض وكانهم متناسين وجود نواف وياسمين,,,
همس لها/ترى انا اخترت لك الاكل على ذوقي!!
قالت له بنفس الهمس وهي بعدها عيونها بالارض/والمطلوب طبعا من اللي جاية من شرق اسيا انها تاكل وتنفذ الاوامر,,,,؟؟
تنرفز من كلمتها وكانها تسد عليه باب الصلح اللي هو ناوي عليه,,,,
نواف اخذ له قطعة من اللحم ومد يده بياكلها بنفسه بس هي لفت وجهها عنه وقالت بهمس/اسفة انا مو متعودة على اللحم؟؟مو متعودة غير على الاندومي!!!!!
حط الشوكة بصحنه بعصبية خلت لؤلؤة واحمد يسكتون ويناظروهم.........
لؤلؤة/انا باخذ احمد وبنطلع ناكل برى....وانتوا اخذوا راحتكم؟
ياسمين بنرفزة وفكرة انها تظل معه بروحها مخوفتها ومضايقتها/قعدي بس قعدي قالت بتطلع!!يكون يعني منتي متعودة على اخوك واساليبه الراقية بالتعامل؟
نواف بعصبية/نعم!!!عيدي عيدي ماسمعت!!!
ياسمين بحدة/لاسمعت وا ذا ماسمعت بسمعك ثاني ماعندي أي مانع؟
لؤلؤة مسكت يد احمد وطلعوا من الغرفة,,,
ونواف ثارت شياطينه وقال بعصبية/بالله!!!
ياسمين بحدة/ابي اروح بيتنا!!
نواف/وانا مو قايم من هنا غير لمى تاكلين ونخلص؟
ياسمين/قلت لك عزيمتك بكبرها ماابيها؟
نواف تسند على كرسيه وقال برواق/وماراح تطلعين غير لمى تخلصين اكلك؟
ياسمين بنفس الهدوء تسندت وقالت/طيب ماعندي مشكلة نقعد لليل..لانه يكون بعلمك انا مافي مثلي اثنين في العناد؟
///////////////////////////////////////////////////////////////////
دخل تركي البيت وتوه بيفتح الباب وكان صوت شهقات نوف وبكيها ينسمع من على باب الصالة,,
تنهد شوي ووقف يسمعها....ياترى وش فيها ,,ليه تبكي بها الحرقة؟معقولة حصه مزعلتها؟ومتشفقة على سعود وعياله ومارد عليها يوم تكلمه؟
غمض عيونه بالقوة ودخل.....
كانت امه تمسح على شعرها اللي انفكت عنه الشيلة ونوف بعدها بحضنها....
نوف من بين بكيها/ليه يسوي كذا!!!
ام تركي/ماعليك منه خل يولي!!
نوف ببكي حار/بس انا اخته مو عدوته؟حرام والله حرام....
ام تركي بتاْنيب/نوف يمه...كلنا نحبك...لاتوقفين حياتك علشان واحد مايعنيلك شي والمفروض انه فعلا مايعنيلك؟
تنهدت نوف بالقوة وكملت بكي..
تركي وهو يمشي قدام وضحت الصورة عنده...يعني سعود بالسالفة...طيب انا اوريك فيه يانوف...بتشوفين وش يسوي تركي علشانك وعلشان ياخذ بحق دموعك؟
دخل وسلم طبيعي وكانه مايدري ان نوف هي اللي بحضن امه..وبس سمعت صوته نقزت مرة وحدة ولبست شيلتها وعدلت قعدتها,,,,
تركي/السلام...قالها وقعد قبالهم....
ردوا عليه وظل يناظرهم...
تركي/خير في شي صاير؟
ام تركي/سلامتك...
تركي وهو يناظر بنوف اللي لسه باقي دموع بوجهها اللي كان احمر من كثر بكيها/نوف في شي...احد مزعلك؟
نوف بهدوء وهي تتذكر كلامه عن حبه لها/لا...
ام تركي/بس سعود.....
نوف/خالتي...
ام تركي/تركي ماهو غريب يايمه...
تركي /وش فيه ها التعبان بعد!!
ام تركي/مر على نوف قبل شوي.......ويبيها تروح معاه بكرة المحكمة علشان تسوي له توكيل باسمه.....
ظل تركي ساكت وماقال شي حس ان السالفة ناقصة يعني وش يقول....
ام تركي/قول شي ياتركي ليه ساكت؟
تركي بعد تنهيدة وهو يناظر بنوف/هذا حلالها واحنا المفروض نظل بعيدين عن السالفة؟علشان لاناْثر عليها بقرارها..
نوف/قراري اتخذته بكرة بيني وبينه بتكون محكمة....بس انا ماتوقعته جاي بس علشان كذا يعني قلت يمكن انه يبي يسال عني ؟يشوفني حية ولاميتة؟قاصرني شي؟سعيدة ولامتضايقة؟
كانت تتكلم بانفعال وهي عارفة ان تركي الوحيد من بين ها العالم اللي بيوقف معها وبينصفها...
تركي بحدة/وان شاءالله انتي مضيقة خلقك علشانه حضرة جنابه!!
نوف /لاياتركي هذا اخوي ولازم يضيق خلقي اذا صارت علاقتنا كذا!!!
قام تركي وهو كل شياطين العالم بوجهه ونوف تناديه....
/////////////////////////////////////////////////////////////////////
فارس كان واقف وفكره شارد لبعيد..
محمد وهو جنبه/فارس علامك؟من دخلت نورة وانت مومعي اصلا!!!
فارس /مدري شقولك يامحمد؟
محمد/........
فارس/حاس ان السالفة فيها شي؟يعني ليه قالت ها الكلام؟
محمد/تهقى احد قايل لها انكم مغصوبين على بعض؟
فارس/هذا اللي ابي اعرفه؟
محمد/غريب...تصدق كل مرة اجيب لها طاريك وانها بتكون زوجتك كانت تسكت وماتعلق بس اليوم تكلمت؟يعني شكلها السالفة توها ...
فارس/ابي اشوفها يامحمد ابي اسمعها؟
محمد/شلون؟
فارس/مدري...بس نورة عندها شي ولازم اسمعه؟
محمد/شي مثل شنو؟
فارس بضيق/محمد توك سامعها تقول ان انا وهي ارتبطنا بسالفة ماعاد ينفع فيها الحكي!!!وان زواجنا مو برغبتنا واحنا انغصبنا عليه؟ابي افهم ليه قالت كذا!!!
محمد/ادخل اسئلها؟
فارس/قدام امي وامها وتكبر؟؟لالالا ابيها بروحها؟
محمد/شلون؟
فارس/وانت ليش موجود مو علشان تدبرني!!
محمد/وشلون ادبرك؟
فارس/محمد كل الكلام اللي انقال من نورة واللي بنقوله ماابيه يطلع لااحد ثالث غيرنا ....وانا شاكر لك خدماتك بس انت علاقتك فيها اقوى من علاقتي فيها وبتتكلم معك اكثر مني!!!
محمد/طيب زوجني اياها وانت انسحب من السالفة وشرايك؟
كشر فارس بوجهه وهو يستعرض بطيفها اللي كان موجود..
محمد/ول ول ول...مرت دقيقتين وهي بعبايتها وتصارخ ودخلت بالك علطول؟؟؟
فارس بشرود/ماهي دقيقتين اللي تتكلم عنهم يامحمد...هذا حلم وعمر انا عايشه من زمان بس توني اشوفه بالحياة....
محمد/طيب مو انا وانت نشبه بعض كثير.....ليه ماتشوفها انت على انك انا!!!!ماراح تحس؟
////////////////////////////////////////////////////////////////////
سعد/اعترفي منو كنتي تكلمين؟
مشاعل/وليش اعترف بعد!!منو قال لك اني بكذب,,كنت اكلم فواز؟
مشعل/ياسلاااام؟وش قلة ها الحيا والمصاخة؟وليه تكلمينه بالله!!!
مشاعل/يااخي هذا زوج المستقبل عادي لو كلمته وبعدين البابا عارف...
مشعل بالمصري/يياختي عليكي انتي والبابا بتاعك؟؟ده عارف ومش عامل حاجة؟؟يالهوي!!!
مشاعل/هههههههه امال ايه ياعم!!
سعد/الا الصدق مشاعلوا يقولون اللي بتاخذينه كداد يعني فليساته وااااااااااااااااااااااااااجد..
مشاعل وقفت/الللهم صلي على النبي...تف تف تف في عين الحساد...
مشعل بصدمة/منو ذولا الحساد ان شاءالله!!
مشاعل/انت وخويك؟
سعد بتاْثر/تن تن تن..هاذي يعني موسيقى حزينة..اللحين الكلام,,,انا وخويي عيونا حارة؟
مشاعل تجاريهم/لاابدا...ماهي حارة الاكبريتية؟
مشعل/خلاص زعلنا بنروح بيتنا!!
سعد/مو قاعدين لاتحاولين...
مشاعل حطت رجل على رجل/عندكم ابو تركي وتركي انظروهم بكيفكم الا فوازي هذا خلوه على جنب؟
مشعل بغمز/تحبينه؟؟؟
مشاعل مسوية مستحية مرة وهي تتكلم بنعومة/أي والله اموووت عليه؟
ابو تركي من وراهم/منو هذا اللي تموتين عليه!!!
///////////////////////////////////////////////////////////////////////
نورة وهي طالعة من المجلس ,,,
محمد....محمد...
كانوا محمد وفارس بالمطبخ ووقف قلب فارس..
محمد/تخبى يالله هاذي فرصة كاهي جاية؟
فارس/ماني حرامي علشان اتخبى؟؟بعدين انا ابي اسمع كلامها...
محمد وهو يهز راسه/انا بالمطبخ نوير وش بغيتي؟
نورة تقربت من باب المطبخ وفارس نكس راسه لاشعوريا علشان يشوفها كيف كانت لبستها وتنهد بارتياح يوم شافها مغطية وجهها..
نورة/خالتي تقولك؟
محمد قاطعها/ماني مسوي شي؟
نورة/بسم الله عليّ روح انت وامك وتفاهموا انا مالي!!!
محمد مسوي زعلان/يرضيك يانوير امي مايملي عينها السايق كل شي فوق راسي؟
نورة بنحاسة/مو لان شكلك انت والسايق سوا صارت ماتفرق بينكم ابدا!!
ضحك فارس من قلب وماقدر يمنع نفسه و نورة استحت وسكتت...
فارس بصوت عالي يسمعها لانها كانت برى باب المطبخ وهو قاعد على الطاولة داخل/معك حق هو مايفرق عنهم بشي؟
نورة/.............
محمد/نورة لاتفهمين غلط ترى هذا مو خويي ولا..
نورة/المهم تعال لاامك انا بمشي؟
محمد/وين؟
نورة/وانت وش دخلك؟
محمد/كله لسانك متبري منك انتي!!الله يكون بعونك يافارس اذا رجعت وشفت ها البنية؟
نورة بشوية حدة/لو سمحت لاتجيب طاري فارس!!
هي كانت معصبة وماتبي تسمع اسمه ولاطاريه وفارس وقف قلبه على باله انها تدافع عنه وماحس على عمره الا وهو واقف قبالها ويقول لها بهمس/تحبينه!!!تحبين فارس؟؟
رفعت راسها بتغسل شراعه وسكتت يوم شافت الشبه الكبير بين محمد وبين اللي واقف جنبه؟؟؟
///////////////////////////////////////////////////////////////////
أي دموع اللي ذرفها خالد ذيك اللحظات مايدري....
أي مشاعر جته وخلت كل رجولته تطيح مرة وحدة بعد مايدري!!!
كل اللي عرفه انه ظل فوق الساعتين واقف عند باب الحمام يكلمها ويترجاها تسمعه وتسامحه وهي مالها أي صوت غير شهقاتها ودموعها اللي ماوقفوا وكانها تعاقب نفسها على جريمة مااقترفتها!!!
ماقدر غير ياخذ نفسه ويطلع من البيت يمكن انها ترحم حالها وتطلع......
اول ماصار بسيارته ومشى من قدام الشقة دق على عبدالله...
عبدالله/هلا والله...لقيتهم!!
خالد وهو يمسح دموعه/ربك فوق ياعبدالله اراد انه يفضحني عندها؟
عبدالله بذهول/وضحى درت عن اللي سويته؟؟شلون؟
خالد كان يبكي بذيك اللحظات..
عبدالله/منو قال لها؟
خالد/ماهي راضية تسمعني!!
عبدالله بانفعال/خالد احلف!!تبيها توقف تسمعك وتقول لك كمل كذبتك؟؟؟اكيد مابتوقف تسمعك؟انت جرحتها جرح ماممكن تسامح فيه ياخالد انت خنتها فاهم وش معنى الخيانة ياولد الناس؟
خالد بتعب/انا ماكنت اقصد اسوي ها الشي واجرحها؟
عبدالله بصرامة ماتناسبه/خالد انت خنتها باارادتك لاتكذب على نفسك وعليّّ!! انا كنت معك ؟؟
خالد بتنايب/أي بس..
عبدالله/تحمل...كل شي بيجيك منها تحمله؟
خالد/............
عبدالله/انا مااقول الا الله يطلع ها الولد من سالفتكم على خير؟
وقف قلب خالد وقال بصوت خايف وكانه يتذكر/وش تقصد ياعبدالله؟؟؟وضحى ممكن تسوي شي في الولد ولافي نفسها ويتاْذون؟
عبدالله/انت ماتسمع عن السوالف اللي تصير؟اذا واحد خان زوجته وش تسوي في نفسها؟خالد انت كنت تحبها وجرحتها..
خالد بدموع/واحبها!!والله بعدني اموت على التراب اللي تمشي عليه؟عبدالله صدقني احبها....
عبدالله/مدري شقولك...
خالد/كلمها ماهي راضية تسمعني!!قول لها لاتسوي في نفسها ولا في وليد شي....انا احبهم وبظل احبهم وها الغلطة والله ماراح تتكرر؟
/////////////////////////////////////////////////////////////
كان تركي يمشي بعصبية وهو ناوي الشر على سعود وماوقف لكلام نوف وصوتها اللي كان يناديه وبس صار عند الباب الخارجي,,,
كانت يد نوف ماسكة الباب واليد الثانية على كتف تركي....
لف لها بسرعة ويوم شاف دموعها انكسر قلبه اكثر واكثر,,,,
نوف بترجي/تركي...تكفى لا ياولد عمي!!
تركي وهو لاف للجهة الثانية/نوف تركيني..
نوف بهمس/علشاني...مو الي شان عندك؟
ناظرها وعيونه كانت تقول كلام كثير ماتحملت نوف تشوفه وغمضت عيونها وهي ماهي قادرة تتحمل اللي تشوفه بعيون تركي..
تركي بهمس/لك كل الغلا والشان يابنت عمي بس لازم كل واحد بالعالم يدري انك مو قليلة وان في ناس وراك ماتحب تشوف دموعك...
نوف بتنهيدة/خلاص...انا ماابي يصير بينك وبينه شي....
تركي/طب ليه ابي افهم ليه؟
نوف/لان في شي بسويه..وبيعقد الامور زيادة...انا عارفة....تركي خلاص انسى السالفة؟
تركي ظل يناظرها بدون مايقول شي....
نوف/انسى السالفة طيب...ماابيك تسوي شي ولاتعرض نفسك لااي كلمة علشاني!!
تركي وهو شاد على يدها اللي فوق كتفه/علشانك انتي مو رايح له!!بس صدقيني نويت له على نية شينة والله وغلاة ها الدموع على قلبي ماراح اعديها له ابدا!!انتي تنزل دموعك وانا موجود يانوف لاوالله مابعد جابته امه هذا اللي يبكيك وانا مكتف يديني واناظر؟
حصة من وراهم/والمناسبة؟؟معقولة نخوة عيال عم لبعض وبس!!!
//////////////////////////////////////////////////////////////////
نواف وياسمين ظلوا على عنادهم في المطعم وكل واحد بس يناظر في الثاني وحتى لؤلؤة واحمد تمللوا وهم ينتظرونهم برى لانهم قعدوا فوق الساعتين ونواف وياسمين كل واحد اعند من الثاني,,,...
بعد صياح احمد اللي كان واقف قبالهم وتملله نواف مسك جواله ونظارته ووقف...
وابتسمت ياسمين في داخلها بس قالت بتخليها لبعدين,,,
يوم دفع الحساب ومشوا وهم نازلين كانت جنبه وقالت بنتصار/منو فينا تنازل وانكسر راسه؟
لف لها بغضب وموعاجبه اعتزازها بنفسها/خير؟لايكون مفكرة بس انك انتصرتي؟؟
ياسمين بتحدي/ليش عندك شك؟
نواف باحتقار من ورى قلبه/لعلمك قمت لان المحلات فتحت ولازم اخذ لك شيلة ثانية غير هاذي وماابي ااْجلها ؟
ترك يدها ومشى عنها وهي تمت تناظر فيه وتحركت بسرعة علشان تلحق على عمرها وتركب ورى لانها مستحيل تقعد جنبه,,,,
بس خاب املها يوم شافتهم رايحين للشاطى مول,,,,
وتأْففت....
وقفت جنب لؤلؤة وهمست لها/انا اسفة على اللي صار بس..
قاطعتها لؤلؤة/انا اللي اسفة...ودارية بتجيك ايام اصعب بس تراه قلبه طيب..انتي بس حاولي تتجنبين عناده وبتاخذين منه كل اللي تبيه؟يعني انتي عارفة تجربته مع ريم و..
ياسمين بسرعة/ريم؟؟؟هو ليه طلقها يالؤلؤة؟
17-02-11, 06:35 PM
جديد مواضيع قسم القصص المكتمله
العرض العادي
