البارت الرابع والتسعين,,,,


/////////////////////////////////////////////
ظلوا بالغرفة واقفين قبال بعض فترة وكل واحد عيونه تقول حكي كبير ومو مفهوم...
نوف قطعت الصمت وقالت/تركي..
تركي بانفعال وغيره واضحين بصوته العالي/عبايتك وينها؟ها الشي بس اللي ابي افهمه؟
نوف بقهر ودفاع /انا مدري انه..
قاطعها بصراخ/ماتدرين عن شنو؟انه موجود بالبيت؟؟ليش من متى وانتي تشيلين عبايتك من عليك اصلا!!!
نوف بانفعال/لاتصارخ علي لو سمحت انا مو قاصدة اسوي ها الشي وربي فوق يدري,,,,ماتقولي وش الغرض اذا كنت فعلا متقصدة اسوي ها الشي؟
تركي بصراخ/مدري..مدري ولاابي ادري...اللي ابي افهمه عبايتك شلون تنزل من على كتفك برى ها الغرفة؟
نوف لزمت الصمت وحست انه بيجرحها اكثر ...هو صدق معصب بس هي بعد مالها ذنب...
يوم شافها ساكتة وماتتكلم قال بغضب اكبر/هو بروحه جالس وكلهم داخل فسري لي ها الشي ؟
نوف بصدمة/انت شاك فيني وفي اخوك ياتركي؟؟؟
تركي كانت الف علامة استفهام على وجهه بس ماقال شي..
رددت كلمته بصدمة مرة ثانية وهي تتمنى ينفي ولاياْكد بس لايظل ساكت/انت شاك فيني ياتركي؟
تركي بغضب/ابي افهم وش طلعك له بس!!!قلتيلي بذاكر شوي مع مرام ..ويوم نزلت ماشفت مرام ولاشفت احد غيرك وغيره؟
اجرح ياتركي اجرح...مقبولة منك يالغالي....اصلا الشره كله مو عليك...على اللي عاطيتك صدرها تجرح فيه ومو مبالية ولاهي قادرة تقولك شي وتدافع عن نفسها؟؟
اصلا كلامها كله ضايع جنب قمة غضبك وعصبيتك....
ارحمني يارب...انا ماسويت هالشي متعمدة ياربي وانت عارف بها الشي...
لاتخليه يظلمني بكلامه وظنه فيني!!!
/////////////////////////////////////////////////////
في بيت الجد كانوا نورة وياسمين ووضحى جالسين وام مشعل معهم,,,
نورة/يعني الليلة بتنقلون؟
وضحى/ان شاءالله؟
ياسمين/بعيده عن الشقة اللي قبل؟
وضحى/هاذي اقرب بكثير منها....بس تشرفونا بتشوفون..
ام مشعل/ان شاءالله بس تتغير الظروف سووا لنا عشى ونتجمع معكم فيها....
ياسمين/ان شاءالله....
نورة/جيبي الجوال بدق للسايق لاينسانا..
ام مشعل/وليه مستعجلين انتي معها؟
ياسمين/بنمر مشاعل ...اساسا نورة كانت مارتني وبنروح لها علطول بعدين غيرنا راينا وقلنا نمركم اول نسلم عليكم...
وضحى/احنا بعد بنصلي المغرب وبنمرها انتظرونا ونروح لها سوى,,,,
نورة/انا عندي جامعة وماابي اطول السهرة كثير,,,,
ام مشعل/ماغيرتي رايك ياوضحى وبتجين معنا؟
وضحى/لا ..وين لو كنت خفيفة جيت معكم بس مثلك شايفة مدري متى اولد اخاف اروح معكم وتبتلشون فيني...ان شاءالله بعدين الايام جاية ياام مشعل...
ياسمين/لحظة انتي وياها...وين تعزمون على بعض ان شاءالله؟
ام مشعل/خميس وجمعة بنروح المدينة....
وضحى/يصير افتن......
نورة/طبعا...
وضحى/بيمددوها لنهاية الاسبوع ماعليكم منهم مو بس خميس وجمعة؟
ياسمين/ياسلااام ياسلاااام...وان شاءالله اللي جالسين معكم ضيوف شرف ولا شسالفتهم؟؟
نورة/افا ياخالتي ماهقيتها منك صراحة لاتعزمين وماشكله لك نية تقولين وبتروحين سكاتي؟
ام مشعل/وخير ان شاءالله انتي معها كل وحدة عندها رجال وراها؟
نورة/انا ماوراي احد.....مابعد رحت بيته ومابيقول لي لا اذا قلت له بروح مع جدي وجدتي وخالتي..
ياسمين/ويجيك قلب تروحين بدوني وانتي ماكنتي تتنفسين الا فيني ومعي!!
وضحى/خلاص مو زوجتك ..خليها تتنفس براحتها بعيد عنك وازيدك من الشعر بيت انا مقترحة عليها تترك مشعل وماتروح فيه ؟
ياسمين/وان شاءالله تبونه يقعد معي!!!
ام مشعل/وان شاءالله ماهو اخوك؟
ياسمين/هذا اذا طلع الشارع من وين اجيبه انا يمديك تروحين وترجعين وانا مدري عنه أي شي؟؟؟
وضحى/لالالا بيظل معنا انا وخالد...
ام مشعل/لا ماراح اخليه باخذه معي بحتاجه هناك هو وسعيدان ابوي كبير ومايقدر يشيل عمره وماابي اخذ السايق وابتلش فيه مشعل وسعد مابيقصرون؟
ياسمين/حتى ياسمين اذا اخذتوها مابتقصر؟
ام مشعل/لاحبيبتي ياسمين وراها نواف؟
ياسمين/طيب واذا جابت الموافقة منه تجي معكم ولاماتجي؟
نورة بهمس/يركض نواف يعطيك الموافقة بعد صدقتك؟
ياسمين بهمس/وانا باخذها منه تصدقين السالفة لاجواز ولا فيزا بركب الطائرة وبروح ومو رادة له اصلا بقعد هناك ومو راجعة؟؟؟
/////////////////////////////////////////////////////
في سيارة عبدالله...
كان يسوق بسرعة خيالية......
وعبير مخلية الجو متوتر بينهم بكلامها..
عبير/شنو يعني بالله تقصد من ها الحركة؟
عبدالله/................
عبير/يعني هاذي ماتعني غير شي واحد...احتقار مباشر لي!!!شنو يعني مو مالية عينها وانا داخل تقوم تطلع كذا لزوجي!!!عبدالله مانبي نسكن هنا اذا تزوجنا انا مااتحمل كل يوم تطلع لك كذا!!!
ماكان يرد عليها كان سرحان لبعيد وماغير سكوته اللي يجاوب استفساراتها واسئلتها,,,,
عبير/الغريب بالموضوع زوجها تركي؟يبى انت ماتشوف مرتك شلون تقعد بالبيت ؟وين عبايتها؟وين حجابها؟اخوك بالبيت ولاطالع؟ولا الدنيا سايبة عندكم؟لايوم شافني طالعة اركض سوى روحه مهتم وجا وراي....
حبيبي انا مابعيد كلامي مو ساكنة بها البيت اصلا!!
عبدالله بقهر/ماراح تسكنين فيه...انتهينا؟
قالها وكان يقصد انك تسكتين مرة وحدة مو بس تسكرين الموضوع..
عبير بحقد/تلاقيها اللحين مسوية روحها المسكينة المظلومة واحتمال تقول بعد انك انت اللي متسبب بالسالفة وابوك وامك مايبي لهم شي ويصدقونها؟؟
انا مستغربة فيهم كيف يصدقونها ويبدوها عليك وانت ولدهم وهي الغريبة عنهم!!!
هذا وانت الطيب وكافيهم خيرك وشرك وشنو مايبون قلت لهم حاضر وعلى امركم,,,اخ بس لو انت مثل تركي عندك ذيك الشخصية كان حسبوا لك الف حساب وحسبوا لي معك...بس عيبك طيبتك.....
ناظرها وماعلق بشي....
عبير/انا اقول..
قاطعها بسرعة/عبير ممكن تسكتين شوي حاس اني متخربط ومو قادر اوصل لااي حل؟ابي هدوء شوي علشان اعرف اتصرف بها السالفة..
ناظرته شوي وبعدها قالت/ان شاءالله حبيبي,,,
/////////////////////////////////////////////////////////
دق جواله بذيك اللحظة وتفاْجا من اسم المتصل(امي يتصل بك)
رد بسرعة..
تركي/نعم..
ام تركي/انزل ابيك شوي..
تركي/خليها بعدين..
ام تركي بحزم/لا اللحين ضروري,,,
قفل الجوال واخذ مفاتيحه وطلع من الغرفة وتركها بروحها بعد ماطلع فيها قهره وغضبه وعصبيته ويمكن لو مااتصلت امه كان كمل بس اتصال امه انقذها,,,,,
نزل بسرعة وكانت امه وابوه جالسين معهم مرام..
تركي بضيق/في شي..
ابو تركي/أي في....امك قالت لي؟
ام تركي/تركي علامك انت العاقل يبى...
تركي بنرفزة/يمه..
ام تركي/احنا كلنا كنا سوى جالسين ومبسوطين لين جت النسرة وقالت ان اخوك بالبحرين انا نفسي تفاْجات عبدالله ماله بالعادة يروح ومايقولي اذا كنت ابي شي من هناك بس مشيتها وقامت نوف مع مرام يجهزون الاغراض علشان نطلع نشرب لنا قهوة برى لين يخلص ابوك شغله ونروح بيت اختك...


مرام/شالت نوف عبايتها بعد اصرار عبير ان عبدالله ماهو هنا ولو كان تركي ماهو هنا شالت هي بعد عبايتها وقالت لنوف تطلع الصينية برى بالوقت اللي انت كنت نازل فيه ..
كان يسمعهم وهو ساكت..
ام تركي/تركي..نوف ماسوت شي يخجل لاسمح الله بنت عمك ومن صغرها معنا وعارفينها زين وعارفين طبعها؟
ابو تركي/عسى بس مازعلتها ولا ضايقتها؟
تركي/للحين لا....
ابو تركي/ولا بعدين بعد....انت ماتعرف بنت عمك ولاماتعرفها؟انا حسابي مع مرة عبدالله بس يرجعون المشكلة كل ماادق لجواله مغلق...لكن وين بتروح مني اليوم تصفية الحساب وبعلمها قدرها زين..
تركي بغضب/لاخلها علي انا اللي باءدبها....
ابو تركي/انت روح لبنت عمك راضيها لو كنت مزعلها..
شال مفاتيحه وهو يمشي للباب وبيطلع /بعدين..
ام تركي/تركي...
تركي بضيق/لارجعت بشوف شسالفتها اللحين مالي خلق شي؟
///////////////////////////////////////////////////
كان يدورها وينتظرها تجي وماجات رغم انه متاْكد انها تدري انه بروحه وحسام مشى من زمان....
قرر انه يروح يشوف وينها فيه..
طلع يدورها يمين وشمال لين لقاها جالسة بالصالة وضامة ركبتها لعندها ومبين انها تبكي..
ناداها بهمس ورفعت راسها بسرعة ومسحت باقي دموعها...
تقرب منها وهو على كرسيه وقال بحنان/شفيك..
مشاعل/ولاشي...
فواز تقرب منها وعدلت هي جلستها,,,,
فواز وهو يمسك يدها/مو معقولة مافيك شي..
مشاعل/كنت انتظر حسام يطلع لاني مليت من القعدة بروحي وشوفة عينك محد وصل من اهلي لسه؟
فواز بثقة/بس حسام طلع من زمان يامشاعل؟
مشاعل بارتباك/ها.....
فواز/شفتي ان انتي فيك شي؟
مشاعل بارتباك اكثر/لا ..هو يمكن يوم طلع ماانتبهت له يمكن كنت فوق...
فواز/اممم...طب في احد جانا يوم كان حسام هنا؟
مشاعل بخوف/لا....
ظل يناظرها ثواني وحست بالخوف والارتباك ليش كذبت عليه ماتدري؟؟؟
توه بيتكلم ومبين ان لهجته كانت فيها شوية صرامة وعصبية/مشاعل..
قاطعته بسرعة وكانها كانت بتتكلم قبله/راشد,,,
ظل يناظرها وماقال شي,,,
كملت بنفس الارتباك والخوف/راشد كان هنا.....فواز انا صرت اخاف منه...مااشوفه الا بوجهي؟شلون يدخل ماادري؟شنو يبي بعد ماادري....
فواز/وليه ماقلتيله يجيني بالمجلس؟
مشاعل بخوف/انا كنت بالحديقة ومالقيته الا بوجهي....حاولت اصرخ وماحد سمعني...
فواز بغضب/ليش هو تحرش فيك؟
مشاعل/يمكن كان بيسويها وطلعة حسام منعته...
فواز/طيب وليه ماقلتيلي بمجرد شفتي حسام يطلع؟
مشاعل/راشد يبي شي....جياته هنا وراها شي يافواز؟
فواز تنهد/طبعا يبي شي....مو حضرتك حامل بولدي اللحين....في رايك اللي يبي يذبح الابو بيهمه ان الولد يعيش؟؟؟
مشاعل بخوف/يعني صدق هو ورى الحادث؟
تنهد وقال/أي...
مشاعل بزعل/وانت ليش ساكت له؟
فواز/ومن قال لك اني ساكت....انا قاعد اجمع اوراقه بهدوء تام..كل دليل ضده قاعد ينحط بملفه والى جيته هاذي انا قاعد اشوفها على مهل واشوف وش قاعد يسوي فيها..
مشاعل راشد بالنسبة لي انتهى وعلشان ارميه رمية مااندم عليها لازم اجمع له كل سيئاته ومواقفه السودة معي علشان لااندم اني انهيت حياته وهو عمي؟
مشاعل/طب لمتى ؟؟؟لين هو ينهي حياتنا انا وانت اكثر واكثر؟
فواز/هانت..ماباقي شي يامشاعل ......
رمت نفسها على رجله تبكي من الخوف من اللي جايها وقام يمسح على شعرها بحنان....
فواز/مشاعل للحين انا اقولك بيت اهلك احسن لك...
مشاعل بصراخ/ماابي اروح مكان ابي اموت عند رجلك؟خلاص افهمني لاعاد تفتح ها السيرة ثاني يافواز؟
///////////////////////////////////////////////////////
شي واحد بس كان يدور في بالها..
تركي وشكه فيها؟وها الشي اللي ماراح تسمح له ولاتغفر له عنه لو صار؟
والاهم من هذا كله هي اذا زعلت منه اللحين وين تروح؟
ها الشي اكيد من صالح تركي...لانه متاْكد مية بالمية ان ماعندها مكان تلجاْ له...
لابيت اخو ولابيت جد ولااي احد من العيلة كان يبيها قبل علشان يفكر ياخذها عنده بوقت ضيقها؟
كانت تمسح دموعها وهي تناظر بصورة تركي المعلقة على الجدار....
تركي يحبها...ويحبها بجنون بعد....وها الشي تعرفه هي ويعرفونه الكل....
هل معقولة يدخل الشك بقلبه عليها من ها الموقف؟وعبير وش مصلحتها اصلا تسوي كذا!!!
وعبدالله وش بيكون موقفه من اللي صار؟؟؟
منو بيوقف معي ومنو بيوقف ضدي ها المرة؟
تركي وش راح تكون نظرته فيني بالايام الجاية وياترى هذا الموقف صار من تخطيط عبير بروحها ولا معها احد؟؟
تركي بيصدق اللي صار وبتكون حياتي معه اشبه بالجحيم وسط شكه وغيرته؟؟وياترى هل هو سامع شي من قبل ولا واصله عني أي شي انا وعبدالله وكان يبي يصير ها الشي علشان يتاْكد؟؟
ياربي راسي بينفجر مو قادرة اركز بشي...
اصلا انا مو مصدقة الكلام اللي قاله لي تركي....
وين اروح اللحين؟لمنو اللجاء لغيرك ياربي,,,انت الوحيد اللي عارف بنفسي وبنفوس العباد..هونها يارب هونها...
///////////////////////////////////////////////////////
على كورنيش الخبر,,
جلسوا مقابلين بعض وكل واحد شايل بقلبه هم مو طبيعي,,,,
نواف وسالفة ياسمينته اللي تعقدت بينهم الامور بشكل اكبر واكبر وجرحه لها خلاها تبعد عنه بشكل كلي وتكرهه اكثر واكثر,,,
تستجيب لكل مطالبه وتعطيه كل شي يبيه بس كله ببرود وبدون نفس ومابينهم أي كلام ونقاش ,,,
تركي والسالفة اللي صارت له اليوم....نوف اكبر شي بقلبه مايتصور انه يجرحها ولايزعلها وهو يموت اللي يفكر مجرد تفكير انه يزعلها,,,,
شلون راح تصير الامور بينهم بعد اللي صار؟
اكيد انها اللحين زعلانة وجالسة تبكي...
غمض عيونه لايتخيلها تبكي ومتضايقة وهو السبب!!
شيسوي بنفسه بس,,,,
يوم شافها بها الثوب العريان طالعة واخوه جالس برى جن جنونه حس ان الدنيا كلها تدور فيه,,,
ماعرف شيسوي,,,,
قطع الصمت نواف يوم قال/تهقى بتتصلح الامور بيني وبينها؟
تركي بلامبالاة/قلت لها انك مابترد مرتك؟
نواف باالم/أي..
تركي/وبعدين؟
نواف بالم اكبر/قالت انه مايهمها اصلا انا وحياتي مانهمها بشي...
تركي/وليش قالتها؟
نواف بتنهيدة/لاني جرحتها وبمجرد اقول لها شي تعيد لي الكلمة اللي جرحتها فيها علشان اسكت وماطلب منها أي شي,,,,ماتتخيل حياتنا كيف صايرة....
حتى يوم كانت علاقتنا تجي بالاجبار كانت اهون الف مرة من انها تكون مثل قطعة جليد باردة مالها أي طعم!!
تركي/في النهاية انت السبب؟
نواف بضيق/مو عارف شسوي ولاشلون ارضيها؟اصلا انا ماادري وش اللي تحبه وشنو اللي تكرهه علشان افكر ازعلها واراضيها؟
تركي/ترى الجدار اللي بينكم اذا انترك فترة اطول بتتعب على ماتوصل لها يانواف...لاتترك المجال لها انها تبعد عنك اكثر واكثر,,
تنهد نواف وماعلق وسكت تركي..
نواف/افهم من كلامك انك بتروح الليلة تراضي نوف؟
تنهد تركي وقال بضيق/هي ماغلطت يانواف؟وكلام اهلي منطقي!!بس انا عميت عيوني وماقدرت اشوف شي ثاني..كل اللي كان في بالي انها كانت بثوب عاري قدام اخوي؟ماقدرت اشوف لاالصورة اللي قبل ولاالصورة اللي بعد؟
نواف/أي....
تركي/غيرتي اخذتني وانهديت فيها وانا متيقن انها زعلانة مووت مني اللحين ويمكن حتى لو توسلت لها ماترضى عني وهذا حقها بس انا ماقدرت امسك نفسي ولو شوي عنها,,,,
نواف/وش اللي مقعدك مدام تدري انك غلطان وانها مالها شغل بالسالفة قوم روح لها وراضيها؟
تركي/احس اني لسه متوتر وقاعد افكر كيف اذبح ذيك اللي ماتتسمى ,,
نواف/طب يمكن خطيبة عبدالله مالها شغل؟
تركي/اقولك قايلة لااهلي يعني السالفة كلها من تخطيطها؟وبعدين حتى لو مالها شغل هي يبيلها تاءديب يبيلها تاْديب انا احد يحط دوبه ودوب نوف لايمكن ارضى عنه ولازم اعرفه حدوده؟
نواف/تهقى ممكن تترك لك البيت وتطلع؟
تركي بضيق/نوف...تطلع وين تروح؟هالشي انا عارف انه بصالحي بس بعد يضايقني....اني احس ان ماوراها احد تلجاْ له لو ظلمتها انا يانواف؟
نواف/بس انت تحبها اكثر من أي شخص بها العالم معقولة ممكن تظلمها بيوم من الايام؟
تركي وهو يقوم قال بمرارة/وهذا انا ظلمتها اليوم؟
///////////////////////////////////////////////////////
سعد بهمس/تصدق؟
مشعل وهو ينزل راسه لمستوى سعد/شنو؟
سعد وهو ياْشر على احمد اللي ياكل همبرجرته/هذا بيطلع لنا ذهب؟
مشعل/شلون؟
سعد/اليوم بس قدر يجيب لنا خمسة وستين ريال على اساس انه يبي يروح البقالة....ولاحظ مو كل الاطراف عطوه مجرد اربعة اشخاص بس,,,تتوقع لو اجتمعت العيلة كلها كم بيقدر يجيب لنا,,؟
مشعل باعجاب/تتوقع انه يكون وسيلة دخل ممتازة؟
سعد/الا واثق ياعمي....
مشعل/طيب افرض انه راح بلغ عنا وقال ان احنا اللي قايلين له يجيب الفلوس؟شنو راح يكون موقنا...
سعد/.........
مشعل/طبعا هو بيقول للكل بما فيهم ابوه...تخيل نظرة نواف عنا؟؟؟وتركي وعبدالله والكل؟
سعد/لاتخاف هذا نحطه بجيبنا ونضمن انه مايقول لااحد؟
مشعل/لا ياعيوني انا ابي دراسة محكمة للخطة ماابي اسوي شي عشوائي واروح فيها بعدين؟
سعد/لاتطمن انا بجهز كل شي بس في مشكلة تواجهنا؟
مشعل/شنو بعد؟؟
سعد/هل في كل مرة بيقول ابي فلوس بيعطونا؟وشنهي بتكون الحجج في كل مرة؟
مشعل/زين انك فكرت بها النقطة قبل لانبدي مشروعنا..
احمد/بتجون تنامون عندي الليلة مثل ماوعدتوني؟
سعد/أي طبعا بس نخاف ابوك مايرضى؟
احمد/ماله شغل انتوا بتنامون بغرفتي مو بغرفته؟
سعد/أي كفو خلك كذا دايم قد كلمتك...
مشعل/اقول احمد انت منو تحب اكثر بابا نواف ولامشعل وسعد؟
احمد/العم مشعل والعم سعد؟
سعد/معناته بنبدي نحط النقاط على الحروف الليلة ونشتغل في مشروعنا الجديد؟
////////////////////////////////////////////////////////
في بيت ابو تركي...
ام تركي/نوف...
نوف من ورى الباب/هلا خالتي....
فتحت لها ...
نوف/تفضلي...
ام تركي/قومي نزلي قعدي معي شوي..عمك شوي وبيودينا لمشاعل...
نوف/يالله بس البس عبايتي...
انتظرتها عند الباب لين لبست عبايتها وطلعت معها ومشوا مع بعض لين الدرج..
رغم ان ام تركي جاية تفتح الموضوع معها بس يوم شافت باقي اثار دموع نوف على وجهها وسكوتها فضلت انها تسكت وماتتكلم,,,,
لين نزلوا تحت وكان المكان مثل ماهو ابو تركي ومرام وبس,,,
جلسوا وظلوا يسولفون عن مشاعل ومن هنا وهنا وهي بالها نصه شارد بللي طلع اكيد لانه ماله بالعادة يايكون فوق عندها ولا بالصالة ومدامه ماهو موجود يعني ماهو بالبيت!!
قطع عليهم سكونهم فتحة باب الصالة ودخول عبدالله وعبير منه,,,
وقف ابو تركي يوم شافهم وسلم عبدالله وجلس جنب ابوه اللي بعده واقف يناظر بعبير اللي بعدها بمكانها تناظر بابوه...
ابو تركي بعصبية/لاهلا ولاسهلا فيك....
عبير/ليش عاد ياعمي!!
ابو تركي بعصبية اكبر/شوفي يابنت الناس انا ها البيت طول عمره ماشي وعايش بالسليم وعلى اساس حب وتفاهم واحترام بين الكل ؟؟بتجين انتي وبتحطين وتشيلين وتفرقين ترى مابتقعدين هنا بيتي يتعذرك؟
عبير بانفعال/وانا بموت علشان اسكن هنا؟؟اصلا عبدالله بيفتح لي بيت باي مكان ابيه!!
عبدالله بعصبية/تكلمي عدل مع ابوي؟
ابو تركي/لاخلها تطلع اللي عندها علشان احنا بعد نطلع اللي عندنا؟
عبير/لاتقعد تهددني ترى انا وراي رجال...يسواكم كلكم,,
ام تركي/استغفر الله عليك...
عبدالله وقف وقال/عبير..
ابو تركي/لا خلها...خلني اشوف انا ناسبت منو؟حطيت يدي في يد منو؟
عبدالله/انتي هيه..احترمي حالك واعرفي انتي منو قاعدة تكلمين؟هذا ابوي ماهو باصغر عيالك؟
عبير/اشوف طلعت لك شخصية قدامه؟؟زين والله مالك بالعادة؟
عبدالله بصراخ/عبير انتي طالق؟؟

البارت الخامس والتسعين,,,



//////////////////////////////////////
ناظر الكل في عبد الله اللي كان معصب مرة وهو نادرا ماكان يعصب وسكتوا وهي قالت بذهول/شنو؟
عبدالله/اللي سمعتيه ياعبير انتي طالق...
عبير بانفعال/تطلقني!!!
عبدالله بصراخ/أي اطلقك...البنت اللي ماتحترم اهلي مالها مكان بقلبي ابدا ياعبير..
عبير بصدمة/ووين الحب؟
عبدالله/اهلي يابنت الناس ابدى عندي من كل شي بها العالم,,,هذولا تاج راسي واللي يضايقهم ويرفع صوته عليهم ومايحترمهم لايحلم اصلا انه يكون له مكان بقلبي,,,,
عبير بصراخ على نوف/كله منك انتي ياحقيرة؟
ابو تركي بصراخ/انتي هيه..البيت هذا له احترامه واذا انتي ماتعرفين شي اسمه احترام طلعي برى ولاتوريني وجهك مرة ثانية؟
عبير/وش دعوة انت لك كلمة من الاساس؟مو حضرة الاميرة العقربة هاذي خلت تركي يكتب البيت لها باسمها لين تتمكن منكم وتطردكم كلكم منه...
وقفت نوف بصدمة وماقالت شي...
كملت عبير بقهر وحقد/انتي اصلا وحدة بنت شوارع ومنتي مربية لفيتي ودرتي على عبدالله علشان ياخذك ويستر عليك ويوم ماقدرتي تلفين عقله رحتي لتركي والله اعلم شلون ورطتيه وخليتيه ياخذك ويضبك؟
ماكملت كلامها لان نوف كانت طاحت على الارض وكلهم صرخوا باسمها.....
/////////////////////////////////////////////////////////
في بيت مشاعل..
كانت جالسة ومعها ياسمين ونورة,,,,
نورة/معه احد اللحين فواز؟
مشاعل/أي موظفين الشركة جايين يتحمدون له بالسلامة..
ياسمين/ماعدتي عليه سالفة السفر علشان يتعالج؟
مشاعل بهدوء/لا
نورة/ليه ..اقنعك..
مشاعل/مدري بس حاسة ان فواز فيه شي...في ششي مخبي عني؟
ياسمين/مثل شنو؟
مشاعل/مدري بس احسه يقدر يتحرك..
نورة/ياساتر....واذا كان يقدر يتحرك ليش بذمتك بيكون كذا وضعه..خليك واقعية يامشاعل؟
مشاعل /راشد له دور بالسالفة ...انا متاْكدة من ها الشي....
ياسمين/وش اللي خلاك تفكرين كذا؟
مشاعل بهمس/امس تحرك وغطاني وانا جنبه؟لو ماكان يقدر يتحرك شلون بيسويها؟انا مااتخيل انا متاْكدة من حركته؟وراشد جيته لهنا وراها شي....وانا بموت من كثر ماافكر؟
نورة/قلتي له عن سالفة راشد واذا كان ورى الحادث؟
مشاعل/وراه...راشد ورى الحادث بس فواز مدري وش وراه يقول مايقدر يسوي شي الا اذا جمع كل دليل عليه..
نورة/ومطول وهو يجمع ادلته؟
مشاعل/مدري هو مبعدني عن ها السالفة وتعبت من كثر مااسئله؟
ياسمين/الله كريم....
نورة/بيت جدي بيروحون المدينة...
مشاعل/صدق!!وخالتي معهم ياياسمين..
ياسمين/أي..
مشاعل بضحكة/ومنتي معهم!!
ياسمين بنرفزة بزارين/لا ان شاءالله بروح معهم ..
نورة بخبث/واذا مارضى نوافك؟
ياسمين بتنهيدة/لاهو نوافي ولالي فيه بعد!!!
مشاعل بهمس/بذمتك ماحبيتيه؟؟
ياسمين مسحت دمعة وقالت بتنهيدة/لو سئلتين ها السؤال قبل فترة قلت لك أي احبه بس اللحين لا...انا مجرد اذكره والهمه الكوابيس بالليل ..مقدر احبه؟
///////////////////////////////////////////////////
خالد/دخلي برجلك اليمين....
وضحى/ههه ان شاءالله....
دخلت وسمت بالرحمن..
سكر الباب وراه....
وضحى بهدوء/ان شاءالله يجمعنا ها المكان مايفرقنا من جديد؟
شد على يدها وهو ماسكها/أي ان شاءالله...كثري منها ياوضحى..وادعي ان احنا نسعد بعض بقد مافينا,,,
وضحى/عن نفسي ياخالد نسيت الماضي وطويت صفحته وببدي من هنا حياة جديدة بتكون انت فيها كل شي..انت ابوي وانت اخوي وانت صديقي وحبيبي وكل دنيتي....وبنسى اللي صار لنا....
ضمها خالد لصدره بقوة وقال بحنان/وانا ياوضحى بكون دايم جنبك...بكون ابوك وامك وصديقك وكل شي...ماودي اهديك غير السعادة وبس...وابيك تسامحيني على كل تقصير يجيك مني!!
وضحى وهي تحضنه/مايجي منك قصور يالغالي....
خالد/بنظل واقفين ياام وليد تفضلي..
ناظرته وقالت بصدق/أي بس انا قايلة لك بتجيك بنت ماهو جايك وليد؟
ضحك عليها ومشاها معه لداخل..
وضحى/ليه تضحك؟انا اتكلم من جدي؟
خالد/خلاص ولاتزعلين ياام البنت؟
وضحى/وش بنسميها؟
خالد/بسميها وضحى طبعا..
وضحى/خالد اعقل عني!!انا اتكلم من جدي....
خالد وهو يضحك/وانا امزح معك,,,,تعالي قعدي بس يبى لاتتعبين ...
/////////////////////////////////////////////////////////
الليل رجع تركي لبيته ونواف لبيته وكل واحد فيهم ناوي يراضي اللي تاركها زعلانة وهو سبب زعلها,,,,,
وخلونا نبتدي بتركي...
دخل البيت وكان هادي جدا ومبين ان الكل نايم...
راح غرفته علطول.....
فتح الباب..
وكانت ظلمة وحس بنرفزة...يابتكون نايمة هنا يابتكون نايمة تحت بغرفتهم,,,,
يوم تقدم داخل مالاقها بالفراش وكان مرتب مثل ماطلع يعني انها ماهي هنا....
ترك بوكيه الورد اللي جايبه على الفراش وراح الحمام لقاه فاضي ..
طلع من الغرفة علشان ينزل غرفتها القديمة والا مرام بوجهه.
مرام/تركي
تركي/انتي لسه مانمتي؟
مرام/كنت انتظرك؟..
تركي/وليه بالله منتظرتني..
مرام/علشان اقولك ان نوف ماهي هنا؟
تركي بحزم/وينها فيه؟
مرام/بالمستشفى...
مرت لحظات صمت حاول يستوعب فيها وبعدها قال بخوف/وين؟
مرام/طاحت علينا وامي ماحبت تتصل فيك قالت اذا جا تركي قولي له اني بظل معها..
تركي/باي مستشفى هي فيه؟
مرام/بالمواساة....
تركي رجع اخذ مفاتيحه وجواله ومرام وراه تمشي..
مرام/ماتبي تعرف ليه هي طاحت علينا؟
وقف مكانه وكانه ينتظر تكمل كلامها وماطولت قالت بسرعة/عبير قالت عنها اشياء وجابت بسمعتها قدامنا...
تنرفز بقوة وشال مفاتيحه بسرعة وطلع للمستشفى...
بالمستشفى الجو كان هادي للغاية..
كانت نوف تحسب الوقت بالثواني...
ماكان فيها شي بس عمها وخالتها اصروا انها تبقى الليلة هنا علشان ترتاح.
كانت خالتها جالسة تقراْ بالجريدة عند الباب علشان لاتزعجها وهي كل تفكيرها بتركي وين ممكن يكون راح؟
هاذي اول مرة يطلع ومايقول لها وين بيروح؟اصلا هي اول مرة من تزوجوا يطلع بدونها..
سمعت صوت جوال خالتها ودق قلبها هذا اكيد تركي متصل يساْل عنها....
غمضت عيونها بسرعة على اساس انها نايمة لانها ماتبي تشوفه..
سمعت خالتها تقوله برقم الغرفة وتاْكدت انه هو....
دقايق بس وانفتح الباب ودخلت ريحة عطره قبله...
حست انها تبي تبكي...شكه فيها اليوم بعدها عنه حييل...
سمعت امه تقوله/تعبت شوي وجبناها واللحين هي نايمة..
تركي/السايق تحت رجعي البيت معه يمه..
ام تركي باصرار/لا ياتركي نوف امانتي وبظل معها لين تطيب..
تركي/يمه انا معها لاتخافين بدير بالي عليها..
شالت شنطتها وقالت/لاتحاول ياتركي بروح غرفة الانتظار شوي بس بكون هنا ماراح اطلع الا معها من ها المستشفى؟ولاتزعجها تراها نايمة ياتركي؟
طلعت وظل واقف مكانه ثواني وكانه متردد يتقرب منها ....
ويوم تقرب منها تنهد وباسها على جبينها وجلس جنبها ومسك يدها حست انه مضايقها وتبيه يبعد عنها ماقدرت تمسك نفسها اكثر وتكمل تمثيل انها نايمة...
لفت عنه للجهة الثانية وقال بهمس وخوف/نوف..سلامتك حبيبتي..
نوف بحدة/ممكن تتركني بروحي!!
فهمها انها ماتبي تشوفه وتبي تبعده عنها..
قال وهو يترجاها تلف له/نوف...تعالي ياقلبي ابي اتطمن عليك..
ماقاومت دموعها اكثر وقامت تبكي وقالت بحساسية/انا بخير..كثر الله خيرك..
تركي بضيق/نوفي..
نوف/لاتقول شي ياتركي الله يخليك...شكك فيني اليوم كفى ووفى..
تركي بدفاع/نوف اتركينا من ها السالفة اللحين وبعدين بنتكلم فيها سلامتك عندي بالدنيا اللحين..
نوف/ممكن تتركني ارتاح شوي بروحي ياتركي...
////////////////////////////////////////////////////////
ظلت واقفة عند باب الغرفة حق احمد تناظر باشكالهم التحفة وهم نايمين...
ماتدري ليش توقعت احمد مايتقبل احد من العائلة لانه حتى وضحى ولؤلؤة ماتقبلهم بس يا سبحان الله قدروا سعد ومشعل ياْثروا عليه....
الباقي ابوه....لازم يكون بينهم خيط تفاهم واستجابة ولابيضيع احمد..مالها غير تخلي مشعل يكون واسطة ويحبب احمد في ابوه ويقربه منه ودور نواف لازم تكلم نوف علشان تكلم تركي يكلمه...
تنهدت وهي تبتسم...واسطات كثيرة علشان تقوله انتبه على ولدك وقربه منك بس لانها ماتقدر تنطقها,,,
تنهدت وجت بتمشي بعد ماطفت انوار غرفة احمد ويوم لفت لقته واقف يناظرها ومتسند على الجدار..
ناظرته شوي ومشت بسرعة ..
مشى وراها....
دخلوا الغرفة وسكر وراها الباب.....
لفت له وصاروا قبال بعض...
ياسمين بسرعة/ترى احمد عنده ضيوف نايمين معه ..
نواف وهو يناظرها/أي...
ياسمين بارتباك/قلت اقولك لاتتفاجاء من وجودهم الصباح.....مارضى احمد يرجع معي الا وهم معه...
نواف وهو بعده يناظرها/و انا قلت شي اللحين؟
ياسمين/لا اقولك بس علشان لاتستغرب وجودهم...
قالتها وراحت قعدت عند المرايا...
جلس هو على حافة السرير..
ياسمين بدون مقدمات/امي بتروح المدينة مع جدي وجدتي..
نواف/أي..
ياسمين/بروح معهم؟
نواف/هذا قرار ولاامر ولاشنو بالضبط؟
ياسمين هزت كتوفها/سميه اللي تسميه؟
نواف/اذا تبين احجز لنا الاسبوع الجاي ونروح يومين..
ياسمين باعتراض/لا ماابي اروح معك ابي اروح مع امي...
نواف/وش الفرق بالله...يتراواللي المكان واحد..
ياسمين/انا ماابي منك شي...بس الموافقة..
نواف/واذا ماوافقت..
ياسمين بعناد/بحجز لنفسي وبروح.
نواف بحدة/سويها وشوفي وش يجيك.
تاْففت بقهر وماردت عليه....
وهو تنرفز وهو يطالع بالورد اللي جايبه..جاي يصالحها وماهو عارف وفتحت ها السيرة وماهو قادر يقول كلممتين على بعض....
نواف/تعالي هنا...
ياسمين/اذا جيت بتوافق!!
نواف/لاطبعا..
ياسمين بعناد/معناته مو جاية؟
نواف بحزم/سمعي الكلام وتعالي...
ياسمين/ماابيك .....افهمها...
ثارت شياطينه من ها الكلمة ووقف والشرر يتطاير من عيونه ويوم وصل لقبالها كان دمها ناشف اصلا...
نواف بحدة/عيدي الكلمة اللي قلتيها؟
ظلت ساكتة وماقالت شي ومسك يدها ورفعها بقوة ووقفت على رجلها وصارت قباله..
نواف/ليش ان شاءالله..
ياسمين بدفاع/انا تعبانة؟
نواف/وش االي متعبك ان شاءالله؟التنظيف ولا الغسيل ولا العيال اللي تصرخ وراك؟
ياسمين بهمس/انت...
سمعها وظل يناظرها شوي وبعدين فك يدها وقال لها بسخرية/على فكرة حتى انا ماابيك؟
وهو يمشي لسريره وهو يناظر بالورد اللي جايبه ويلوم نفسه أي صلح ذا يانواف أي صلح....انت تلعب على نفسك انت ماتعرف الا تخرب بينكم الجو ولا الصلح بعيد عنك...بعيد حييل...
//////////////////////////////////////////////////////
عند مشاعل كان الجو شبه خانق وهي اللي جابته لنفسها...
طاري ان فواز يتحرك ويمشي طاغي عليها ومسيطر على افكارها..
لبست ثوب نوم قصير وشفاف..ولااول مرة من تزوجت ....
تركت شعرها طايح وراحت جنب فواز...
عارفة انها قاعدة تلعب بالنار وان اللي تسويه بيحرقها قبل يحرقه بس قررت تجرب...
يوم دخلت كان مغمض عيونه نايم سوت روحها تبوسه وحطت راسها على كتفه وغمضت عيونها..
هي عارفة انه جالس لانها قبل تدخل انتبهت له وبس شافها جاية بها الثوب غمض عيونه...
ظلت تنتظر وتنتظر وتنتظر لين مضت اكثر من ساعة الاربع على جيتها...
اللي كانت حاطة راسها على صدره كان محترق صحيح بناره اول مرة يشوفها بلبس كذا...
وقاعدة بحضنه بعد..وها الشي اللي تعبه اكثر واكثر...
وش اللي تبين تسوينه فيني بس يابنت الحربي؟خليني بحالي تكفين...
قرر انه يقوم ويتركها نايمة هنا ويطلع هو للصالة
بس ماقدر...حس انه في شي يجذبه لها اكثر واكثر ويقربه منها,,,
صارت يده تمشي على جسمه وهو يتنهد بقوة ومو قادر يمسك نفسه بس لو غلط ها الغلطة راح ينكشف قدامها ومو وقته يسوي ها الشي مدامه بداه...
قربها من حضنه وحضنها بقوة وهمس لها/احبك موت..لاتتركيني انا ابيك..
ماكانت نايمة وكانت تسمع حتى تنفسه وكل ماتنهد طلعت هي روحها بس يوم حضنها ووقف احتارت اكثر....
ياليته سوى شي علشان يريحني....انا مااخذت منه شي وخلاني محتارة اكثر واكثر من قبل,,,
/////////////////////////////////////////////////////
صباح اليوم الثاني....
على كورنيش الخبر....
فارس وهو يمشي جنب نورة..
فارس/مابغيتي تتكرمين وتشربين معي فنجان قهوة؟
نورة/ويكون بعلمك ترى اكثر من ساعة مقدر اعطيك....
فارس سكت وناظرها وتقرب وهمس لها/اول مرة اشوف وحدة تشرط على زوجها كم يقعد معها؟


نورة باحراج/انت تدري ان عندي محاضرات اليوم وعلى مااروح وارجع الجامعة ضاع الوقت..وانت قلت لي فطور وقلت لك لا فنجان قهوة وعلى الماشي بعد ووافقت!!
فارس/وفارس...وينه من برنامجك اليومي؟
نورة بدلال/مايكفي انه ماخذ تفكيرها طول اليوم؟
فارس/يالله وريني؟
ضحكت وقالت/وش اوريك...
فارس/ابي اللي تفكرين فيه طول اليوم يطلع واشوف صدق ولاتكذبين؟
نورة/امممم.....
/////////////////////////////////////////////
مشاعل برواق/غريبة جاي تفطرمعي!!
سكت عبدالله وماقال شي...
جلست جنبه....
وظلوا ساكتين....
مشاعل/عبدالله فيك شي...
عبدالله تنهد/ماكلمتي امي من امس؟
مشاعل بخوف/صاير شي بالبيت؟
عبدالله بهدوء/لا..
مشاعل/وليش تسال اذا كنت كلمت امي ولالا...
عبدالله/انا طلقت عبير امس يامشاعل؟
طاح فنجان القهوة منها وتكسر,,
مشاعل بصدمة/انت شتقول؟
تنهد وماعلق بشي....
مشاعل/ووين الحب ياعبدالله؟مو هاذي اللي تحبها وماتقدر تاخذ غيرها ورفضت كلامنا كلنا علشان تاخذها وقلت انا اشوف فيها شي انتوا ماتشوفونه؟
تنهد بالم وقال/الا اهلي يامشاعل.....ماابي الحب اللي بيذل اهلي....
مشاعل/وش اللي صار؟

البارت السادس و السابع والتسعين,,,,


//////////////////////////////////////
مشاعل بتنهيدة/أي بس ..
عبدالله بتنهيدة اكبر/احبها ويمكن مااكون مقتنع بطلاقي لها وانفصالنا عن بعض بس صدقيني يامشاعل هذا اللي لازم يصير...
انا اهلي عندي بالدنيا كلها ولاراح اسمح لااي انسان يهينهم ولايرفع صوته بوجههم وانا واقف اسمع واناظر...
مشاعل/زين اللي شفت بعيونك...صدقت اللحين لمى كنا نقول لك انها ماتناسبك.
عبدالله بضيق/ماحسيت انها قربي تبيني وتبي سعادتي!!نادرا اصلا ماكانت تدور على سعادتي..كل همها انتي ونوف وتركي ....


مشاعل/هي ماهي عاشقتك ياعبدالله مثل منت متصور...ها الاشكال يخبون العشق وراهم لغرض في نفسهم...
اصلا انا من قالت لي نوف عنها بليللة ملكتي انها ماتنفع لك وانها غير عنا صدقتها لاني عارفة نوف مو من النوع الشرير ولا اللي يبي يخرب بالعكس هي فاهمة الناس عدل...
تنهد عبدالله بعمق/نوف بالمستشفى يامشاعل وعبير السبب قالت لها كلام لايحتمل مدري شلون قدرت تقوله؟انا مو فاهم هي ليه تكرهها بها القدر وهم ماعرفوا بعض الا اللحين ومابينهم أي شي قبل,,,
انا منحرج من نوف حييل مو قادر احط عيني بعينها اللحين شبتقول ياترى عني شبتقول؟
/////////////////////////////////////////////////
احترم انها ماتبي تتكلم معه طول الليل وظل بعيد عنها ..
قاعد وعيونه عليها,,,,
مو شي سهل انه يشك فيها وهذا الشي هو حاس فيه وحاس انه ظلمها فشلون بعد تجي ذيك الادمية وتكمل وتقول عنها حكي مو زين..
ماهو قادر يرتب لها كلمات اعتذار تناسب وضعهم ولاهو قادر يحط عيونه بعيونها علشان يشوفها..
حاس انه غلط عليها وتمنى لو انه خفف شوي من عصبيته وانفعاله بذيك اللحظات..
لانه لو كان جاري عليها شي ماكان بيسامح نفسه ابدا...
اصلا هي لو مجرد طلعت من البيت كانت السالفة اكبر بس هي لان مالها حظ ماعندها مكان تروح له فااضطرت تقعد له بالبيت....بس حتى بالبيت ماتهنت جتها عبير وكملت عليها...
تنهد وهو يذكر الكلام اللي نقلته له مرام ويتخيل نفسية نواف باي مرحلة واصلة.....
وهو تفكيره كله بعبير وشلون ياْدبها ويوقفها عند حدها علشان يرد كرامة نوف؟؟؟
رجعه للواقع صوت امه تكلمه وتساله عن طلعتهم من المستشفى,,,,
//////////////////////////////////////////////////////
جلست الصباح وهي عيونها بالورد اللي كان على الطاولة وتناظر فيه وترجع تناظر بنواف اللي نايم ,,,
لمنو كنت جايب الورد امس يانواف ياترى؟؟؟لي!!! ضحكت على نفسها وهي تقول وها الشي طبعا من سابع المستحيلات,,,,,,
لمنو اجل؟
وهل يمكن انك تفتح معي صفحة جديدة,,,لا مستحيل انت البارح قالب لي حرب جديدة فيعني مالك نية اصلا تفتح صفحة جديدة,,
اساسا وش اللي بيني وبينك علشان تكون حياتنا كذا!!!!
ليش تكرهني ها الكثر وانا ماضريتك؟
انا كرهتك أي..كرهتك لانك نكبت فيني وماجيت بيوم كان المفروض يكون يومي ويومك ونرتبط فيه مع بعض وتكون اسمائنا جنب بعض؟
كرهتك لها الشي مو لغيره بس تراني احبك موووت والله العالم,,,
بس انت وكرهك لي سالفة ثانية...ليش تكرهني الله اعلم!!!
ليش حياتنا كذا مقلوبة جحيم ماعندي أي تفسير,,,
انت ولاانا السبب؟
وهل ممكن تتصلح ونعيش طبيعي مثل باقي الخلق!!!
وهل ريم بيكون لها دور بالايام الجاية ولا هي قاعدة تقحم نفسها بحياتك وانت فعلا ماتبيها؟؟؟
ليش وضعنا كذا مو قادرة افهم..وضحى وخالد قدروا يتجاوزوا اللي صار لهم وهم مصيبتهم اكبر منا واحنا اللي ماعندنا شي مثلهم محنا قادرين نعيش يوم بدون هواش ومشاكل؟؟
وينك ياشهر العسل وينك,,,,وينك يالهدنة اللي كنتي وينك....اه وش حلاة ذيك الايام بس ياليت لو يوم منها بس ينعاد!!
////////////////////////////////////////////////////
فواز بهمس/مشاعل...
مشاعل وهي فيها النوم/هلا..
فواز/كملي نومك ها انا بيمرني حسام وبروح المستشفى,,,,
فزت بسرعة وهي لسه النوم فيها/بجي معك ...
فواز بحزم/لا..
مشاعل/ليه...
فواز/لاني بكون مع حسام طول الوقت انتي كيف بتجين؟
مشاعل باصرار وهي تفرك عيونها /لابجي معك مو تاركتك بحالك...
فواز/نامي ياباب وانا بجيب لك حلاوة وشوكلاته وانا راجع طيب..
مشاعل/فواز انا مو بيبي تسكتني كذا بجي معك؟
فواز/ليه بتجين؟
مشاعل/ابي اتطمن عليك؟
فواز/انا بدخل قسم رجال هذا اولا..يعني كيف كل شوي تصفين سرى مع الرجال ماتقولين لي!!!
وبعدين مني بمطول حسام بيمرني ومو حلوة تجين معنا في نفس السيارة؟ولاابيك تركبين مع السايق بروحك؟
مشاعل/مو مشكلة ادق لعبدالله يجي يوصلنا المستشفى انا وانت!!
فواز باصرار وحزم/خلاص انتي نامي وانا مو مطول....
سكتت وبان عليها الضيق وتبسم لها علشان يراضيها
فواز/حبيبي..
رفعت راسها وهي متضايقة..
فواز/مافي بوسة من الصبح؟
عطته ظهرها وقالت بشهقة/انت ماتبيني!!
فواز حط يده على كتفها وقال/انا ماابيك؟افا من يقول كذا عاد!!!
مشاعل/انت توك تقولها يافواز...
فواز/حبيبي..انا ماابيك انا ماابي الدنيا اللي انت مو فيها..تقرب عاد وخلني اخذك بحضني شوي يالله لاتصير ثقيل كذا من الصبح؟
تقربت منه وقالت بهمس/تدري وش مشكلتي؟
فواز وهو يحضنها/شنو؟
مشاعل/اني مقدر على زعلك ولااقدر ارد لك أي طلب تبيه....بس تراني بظل زعلانة لاني مابجي معك الموعد وانت وضميرك عاد!!!
////////////////////////////////////////////////////
ظلوا طول الطريق ساكتين,,
حتى ام تركي احترمت صمتهم وماقالت أي شي ,,
وصلوا البيت وكان ابو تركي بالصالة جلست نوف معه شوي وسولفت معه وبعدها صعدت دارها علشان تتحمم...
لفت انتباهها بوكيه الورد اللي كان على السرير والظاهر انه من البارح...
يعني كان معزم يراضيها بجيته...
كانت عارفة ها الشي بس شوفة الورد اكدت لها اكثر..
طلعت لها ثياب ودخلت تتحمم...
وركب تركي ها اللحظات وقفل الغرفة...
ظل ينتظرها تطلع من الحمام .....
لين طلعت...
قام من السرير وراح لها..
هي طلعت من الحمام وشافته وظلت تناظر فيه وماقالت أي شي بس مشت عنه..
ناداها بهمس/نوف...
وقفت مكانها وهي عاطيته ظهرها وتقرب منها وصار وراها مباشرة ومايفصلهم أي شي...
مسكها من خصرها وقال بهمس وهو يقربها منه/الحمدلله على سلامتك يالغالية..
نوف ببرود/ممكن تفكني؟؟
تنهد وضمها له بقوة اكبر وتنرفزت هي بس ظلت ساكتة..
تركي/احبك...
نوف/.........
تركي/ادري انك عارفة ها الشي بس قلت اذكرك فيه..
نوف بحدة/تركي ممكن تتركني بحالي شوي!!
تركي بهدوء/طبعا لا..
نوف/ليه؟
تركي/لانك زوجتي وحبيبتي...
نوف بضيق/تركي انا فعلا مالي خلق أي شي فاذا سمحت اتركني اتنفس بهدوء وبعدها قول كل اللي عندك..
تنهد وقال وهو يلفها له/بس اذا بردت السالفة بيصعب الاعتذار...
نوف بتحدي/بكل الحالات اعتذارك مرفوض ياتركي؟
لاتفكر اني برضى عنك وانت عندك فيني ذرة شك ...
///////////////////////////////////////////////////
سعد/اقول ياسمين..
ياسمين وهي جالسة معهم/قول...
سعد/اللحين فطور وفطور وقوموا فطروا واخر شي صفيتي لنا اللي بالثلاجة كله وماكلفتي على حالك تسوين شي يشبعنا؟
ياسمين/هههههه قول الحمدلله..
مشعل/شنو يعني تبي ...لاتنسى وراك غذى؟
سعد/اخاف حتى الغذى بعد تقولين فتحوا الثلاجة وطلعوا اللي تبونه...
ياسمين/شدعوة سعيدان شايفنا بخيلين ولا شلون...يبى امر من أي مطعم تبي غذاك واحنا حاضرين؟
مشعل/احمد قول الصدق اختي تطبخ لكم ولا ماعندكم الا المطاعم....
سكت احمد وماعلق على شي......
بس نواف اللي توه داخل تكلم/لاوالله ماتطبخ ولاتطبخ الله يخلي لنا المطاعم بس!!!
قالها وجلس جنبها مباشرة ومايفصل بينهم شي وهي تضايقت..
مشعل مسوي فاهم/افهم من كلامك انك قاعد تشتكي منها..
نواف تسند وقال برواق/منو قال عاد انا راضي...
سعد/لالالا اذا مو راضي قول نسنعها لك..
نواف/وش بتسوي في مرتي ان شاءالله؟
مشعل/الخطة ب...
نواف باستفهام/شنو هاذي؟
احمد/لا تعلم لاتعلم..
نواف/ماشاءالله حتى انت تعرفها بعد!!
ضحكت ياسمين ولف لها نواف يناظرها بس بدون مايقول شي..
سعد/المهم بدل ها الضحك دبري لنا غذى يشبعنا عدل ولا بفضحكم وبقول بخيلين وماعطونا شي وخلونا بجوعنا..وانتي تعرفين بعد..
ياسمين/ان شاءالله..
احمد/نبي فرايديز ياسمين..
ياسمين/اتفقوا مابينكم وش تبون علشان كلكم من مكان واحد...
ناظرهم احمد بترجي..
مشعل/نفكر اللحين بهدوء ونسال معدتنا وش تبي تاْكل ونشوف..
بها اللحظات مال نواف على اذنها وهمس/قومي بدلي ثيابك؟
ناظرت بنفسها..كانت لابسة برمودا ابيض وبلوزة حمرة بس كانوا ضياق شوي...
ياسمين/لبسي مافيه شي..
نواف/ابدا بس انه لازق على جسمك...
ياسمين/متعودة اقعد مع اخوي كذا وين المشكلة؟
نواف/المشكلة في اني ماابيك تتعودين تلبسين كذا قدام أي احد؟؟
تحلطمت بكم كلمة مافهمهم بس قال بسرعة/توك معهم تضحكين ومحد قدك من كلمتك انا قلبت الضحكة والابتسامة الى نكد!!!
ياسمين بانزعاج/قول لنفسك ماتخلي الجو صافي ابدا لازم تغيمه بغيومك؟
نواف بهمس/اذا غرت عليك اكون خربت الجو يعني!!
ناظرته وقالت وهي تقوم من جنبه/مايناسبك اصلا تغار فلا تلبس ها الدور مرة ثانية!!!!!
/////////////////////////////////////////////////////
ام عبير بصراخ/على بالكم السالفة انتهت خلاص..
ام تركي/لاحوول الا بالله العلي العظيم يابنت الناس اذكري الله....ودخلي خل نتكلم داخل بهدوء..
ام عبير/مو داخلة..وبرفع صوتي كله خل العالم يسمعون ظلمكم يابيت الحربي..
ام تركي/اذكري الله يابنت الناس...
ام عبير/تاخذون بنتي وترمونها بالله مو حرام!!!لو هي بنتكم مارضيتوها لها....

ابو تركي وهو واقف عند الباب/اثنين ومااتفقوا وين المشكلة يابنت الناس؟
ام عبير/وين المشكلة بعد!!!وماعرف ولدكم انه مايتفق مع بنتي الا بعد ماحملت؟
ناظروا ام تركي وابو تركي في بعضوسكتوا..
ام عبير/طبعا مابتردون....بس يكون بعلمكم عنده لين صلاة المغرب يجي ويصلح كل شي لابينا وبينكم المحاكم وفضيحتكم مو بس بالشرقية والله لااخليها توصل شمال وجنوب,,,,
//////


البارت السابع والتسعين,,
///////////////////////////////////////////
ام عبير/اشوف مارديتوا ولاقلتوا شي؟
تركي من وراها/وش تبينهم يقولون يعني؟
لفت له وكانت ناوية تتكلم وتغسل شراعه بس قال لها بحدة وهو ياءشر على الباب/يالله روحي سوي فضيحة بكيفك ولمين ماتبين...يشرفنا تكون فضيحة بنتك على كل لسان لان ولدنا ماهو بضاره شي بالاول وبالاخير هي مرته ومحد ضر نفسه غيرها ومحد بينفضح غيرها؟
ساد الصمت المكان لثواني ورجع قطعه تركي بشماته مرة ثانية/ماتبين تروحين..من هنا الباب ياام عبير....
واختاري بتبدين فضيحة بنتك من الشرق والا الغرب؟
ابو تركي/تركي...
تركي/يبى ها الاشكال مايمشي معهم الذوق!!! لاهي ولابنتها...
اقول روحي بللي مايحفظك واذا فكرتي تطبين ها اللبيت مرة ثانية فتاْكدي ان الشرطة بتجي بعدك علطول لانك بتكونين اقتحمتي بيتنا عنوة وبدون رضانا....
وياليت تبلغي بنتك المصون اذا هي لها بالفضيحة خل تفضح نفسها لان اللي كان ماخذها مو مستعد يرجعها ويكسب فيها اجر...الاجر اللي من ورى بنتك مانبيه؟
ام عبير/طيب..طيب..
طلعت من بيتهم ومازادت على ها الكلمة..
ابو تركي باعتراض/يبى كان خليتها تدخل ونتفاهم؟
تركي بضيق/هي لو كانت جاية تتفاهم كانت تفاهمت بس يايبى هي ماعندها أي سالفة وجاسة تشوشر الجو ليس الا...
مجنونة تفضح بنتها لو كان ها الشي صحيح؟
وبعدين احنا ماسئلنا عبدالله يمكن انها تكذب والاكيد انها تكذ ب ولا ليش طلعت كذا وكانها خسرت الجولة؟
//////////////////////////////////////////////////
دخل غرفة النوم وسكر وراه الباب ورفعت راسها تشوفه وهي جنب الدولاب...
ويوم شافته رجعت تناظر بثيابها...
وقف وراها علطول وقال بهمس/اعتقد من حقي اني اشوفك لابسة ثياب..
قاطعته بانفعال/خلاص هذا انا ببدل ماله داعي تطول وتعرض؟
مسكها من خصرها وتنهدت بقوة..
نواف بهمس/انتي ليه دايم كذا كهرب وتبين تشطين باي احد يكلمك؟
ياسمين بدفاع/لان كلامك مو معقول ابدا!!
نواف برواق/أي كلام فيهم؟
ناظرته بدون ماتتكلم...عارفة انه يبي يطول ويعرض بدون مايعطي اسباب ويبي يختلق سالفة من العدم علشان يضلون مع بعض لكن على منو يانواف مو على ياسمين....
ظلت ساكتة عنه وهي تشيل ثوب وتحط ثوب...
نواف/تعالي هذا الثوب ماشفته عليك؟
ياسمين بلامبالاة/ولاحتشوفه بعد!!!
نواف باعتراض/ليه!!
ياسمين/كيفي..
نواف/أي بس انا زوجك؟
ياسمين/وانا قررت اني اخلي لي لبس موحد معك بالبيت!!
نواف/ليش ان شاءالله؟
ياسمين/بس علشان اخلص من وجع الراس معك؟
نواف/اممم يعني انا اجيب لك وجع راس؟
ياسمين/لااسم الله عليك خيالك...
نواف/زين قلتيلي علشان لااجيب لك هدية من دبي وانا جاي..
وقفت مكانها وبعدها لفت له وقالت/متى بتروح دبي؟
نواف ببتسامة خبيثة/بعد بكرة؟
ياسمين تخصرت/مع منو؟
نواف/مع الشباب؟
ياسمين/ياسلاااام ياسلاااام...يعني انت تروح دبي مع الشباب محد يقولك لا؟انا اروح مع امي وجدي المدينة فيها سين وجيم؟
نواف/اها يعني وصلنا للي مضايقك...انك تروحين المدينة؟
ياسمين/أي طبعا بتضايق انت حضرتك مقرر تروح مع الشباب ورافض اني اروح مع امي تبي تتركني هنا بحالي!!
نواف/واذا ظليتي بحالك انتي تخوفين ماتخافين؟
ياسمين/لاحبيبي موقاعدة....
نواف/لابتقعدين..
ياسمين/مو رادة عليك.....
نواف/لاوالله وبموت اذا مارديتي عليّ!!
ياسمين/خلاص لاتخليني انطق انا ماابي اكلمك..
نواف بخبث اكبر/المهم جهزي لي ثياب حلوة تعرفين البنات هناك غير شكل.....
/////////////////////////////////////////////////////
ظلت بروحها بعد ماطلع فواز وهي زعلانة..
وش اللي خاشه عني ها الرجال ياترى!!!


وليه مايبيني اروح معه الموعد؟سالفة تصفين سرى مع الرجال ماهي منطقية ولاهي داخلة بمخي اصلا لان حسام بيمشيه بسرعة بس السالفة وراها شي ثاني!!!!
دق جرس الباب ورفعت راسها ..ماتدري ليش حست بالخوف بها اللحظة وتوها بتقول للشغالة لاتفتح الباب الا وبراشد بوجهه؟
جمدت مكانها وماعرفت تتحرك...ضحكة راشد بوجهه بس خلتها تلبس عبايتها على السريع وتحط الشيلة على راسها...
راشد وهو يناظرها/شدعوة عاد ماشفتك قبل؟
مشاعل بحزم/اطلع برى؟
راشد/لوقلتيها قبل لاادخل كنت ماتعبت حالي ودخلت...بس اني دخلت خليني ارتاح شوي وبعدها اطلع....
مشاعل بحزم اكبر وهي توقف/قلت لك اطلع برى؟
راشد بخبث وهو يتقرب منها/ليش؟؟؟لان فواز ماهو هنا؟ولالانك خايفة ياام محمد؟أي صحيح شلون حمود ولد الغالي؟انتي باي شهر اللحين اكيد ماصار لك كثير,,يعني نزلته مابتطول صح؟
مشاعل/.........
راشد بهمس/انا ابي اعرف وافهم شي واحد وش تبين بفواز وهو بح..خلاص مامنه أي امل؟
مشاعل/مالك شغل فيني!!واطلع برى بيتي!!!
راشد/هو جابرك تجلسين معه؟علشان اللي في بطنك صح؟
ولايهمه بنزل اللي في بطنك..وانتي بتاخذين حريتك كله ولاتجلسين مع واحد مقعد مايقوم ولايتحرك تخسرين شبابك علشانه وهو مايستاهل !!!!
مشاعل في بالها (ياربي ساعدني وش بيسوي هذا!!انا مو عارفة اتصرف؟شسوي بس؟تعال يبى..تعالي ياتركي...تعال ياعبد الله)
راشد وهو يتقرب منها/وين سرح الحلو ها....
مشاعل/لاتتقرب مني لاصدقني بيكون اخر يوم بحياتك؟
راشد بخبث/ليه....مايعورك قلبك ان فواز خلاص ماعاد ينفع؟طب انا موجود وانا بحل اشكاليتك وبدون مايدري فواز ولاغيره شقلتي!!!
غمضت عيونها لاشعوريا علشان لاتسمع حكيه بس تمنت انها ماتغمضهم لانها عارفة اللي قاعد يدور بذهنه بذيك اللحظات؟؟؟
/////////////////////////////////////////////////
بغرفتهم كانت جالسة ومعها كوب قهوة ولاب توبها قبالها....
توها بتمد يدها تشيل كوبها الا ويد تركي تشبك فيها بدل قهوتها..
رفعت عيونها له لانها ماانتبهت لدخلته..
تركي بهمس/يعني من زين الاكل علشان تشربين لي بهاالقهوة؟
ماردت عليه ولااخذت كوب القهوة حتى تشرب منه وظل هو ماسك يدينها بين يديه...
تركي بحنان/مابتحنين علي!ادري اني غلطان بس فهمي انا ليه انفعلت وعصبت!!!
ماقالت شي بس تنهدت...
تركي/بتسمعيني اذا تكلمت وقلت لك اللي عندي!!
نوف/قول..
تركي تنهد وشد على يدها اكثر وقال/نوف انا احبك...عارف انك تدرين بها الشي واني اذا قلت لك اني احبك بطريقة ماممكن تتصورينها يمكن ماتصدقيني حتى!!بس انا فعلا احبك حب غريب...ابي اتملكك..ابيك تكونين لي لوحدي...مجرد يجي طاريك بمكان حتى لو بالخير اتضايق!!!
نوف انا ابيع الدنيا واشتري لحظة فرح ورضا لعيونك...لاتفكرين اني ابي اضايقك او ازعلك لا ..ها الشي مستحيل يصير...
بس لحظة اللي شفتك واقفة قدامه كذا خلتني اكون مثل المجنون...افهمي شعوري الله يخليك...
نوف/أي بس هذا ماهو عذر ياتركي؟
تركي/عارف انه مو عذر...
نوف/اصلا مو معقولة في كل مرة تحط حبك المجنون هو السبب اللي خلاك تتصرف أي تصرف...
تركي تنهد/معك حق..بس هذا اللي عندي...ادري ماهو عذر مثل ماقلتي ومافيني اكذب عليك واقولك أي شي ثاني بس انا اغار موووت يانوف...تنهد وسكت....
نوف/..................
تركي/................
نوف/..........
ظلوا ساكتين فترة بعدها تركي قال/بعدك تعبانة؟
نوف بلامبالاة/انا مافيني شي......لاتكبروها....
////////////////////////////////////////////////////////
عبدالله وقف وقال بصدمة/مستحيل!!!
ابو تركي بحدة/شنو المستحيل بالضبط؟
عبدالله/يبى انا مادخلت عليها كيف بتحمل مني بس!!!
ابو تركي بتشكيك/عبدالله لاتقط بلاك على بنت الناس اذا انت غلطان!!!
عبدالله/يبى والله العظيم اني مالمستها....انا ماعندي أي مانع اذا كان كلامها صحيح انها تسوي أي تحاليل تثبت اني انا ابو اللي في بطنها؟
ابو تركي/حط وحدة من خواتك بموقفها بترضاها لها!!
عبدالله/يبى مستحيل انا مو كذا!!وش اللي بيخليني اطلقها لو كان اللي تقوله صحيح؟انا مااخذتها الا وانا مقتنع فيها بس يوم شفت تعاملها كذا قررت اتركها...
اساسا ها الثلاثة اسابيع اللي عشتهم معها كانت تحت المجهر والاختبار مثل مايقولون ,,
يبى انا مو بزر علشان اتصرف تصرف مو مسؤل..
ابو تركي/وماتقولي هي شنو مصلحتها من ها الكلام؟
عبداالله/والله ماادري..
ام تركي/واضحة مايبيلها...
سكتوا عبدالله وابوه..
وكملت ام تركي/تبي ترجع عبدالله لها باي طريقة وقالت تبتدي معه باقوى شي ممكن يخلينا نرضخ لهم!!
عبدالله بنرفزة/مستحيل ارجعها...انا مدري شلون كنت اعمى بذاك الوقت وماكنت اشوفها على حقيقتها؟اصلا حتى لو تكون حامل صدق مااردها!!
ابو تركي/عبدالله مو كذا الرجال تتكلم وتتفاهم؟
عبدالله/تصرفها هذا وحده بس كفيل بانه يخليني اكرهها اكثر من أي وقت!!معقولة تتبلى علي!!وهي عارفة اني مالمستها ولاصار بينا أي شي؟طب ليه تكلمني وتقولي انها تحبني وانها اسفة وان الامور بترجع حلوة بس مو تسوي كذا..والله انها صغرت اكثر من أي وقت مضى بعيوني!!!
////////////////////////////////////////////////////
ماتدري صوت منو بالضبط اللي باعد راشد عنها وخلاه هو اللي يجمد بمكانه؟
صوت فواز اللي كان واقف ولا حسام اللي كان جنبه ولا الشرطة اللي معهم ولا اعضاء هيئة الامر بالمعروف ولا شنو بالضبط؟
الشرطي/راشد السديري انت موقوف باكثر من امر..
رجل الهيئة/التهجم على بيت يخلو من الرجال والاختلاء بامراءة هاذي مارح تنفذ بجلدك منها ابدا!!!
الشرطي كمل/هذا غير عن انك مسؤل عن الحادث اللي صاب الاخ فواز السديري ومعنا كل الادلة والشهود وصاحب السيارة اللي تاْجرته بلغ عليك وتعاون معنا وعطانا كل شي فما لك أي حجة تنكر....
راشد بصدمة وقف مكانه وماقال شي....
كمل الشرطي/بنتغاضى طبعا انك مختلس مبلغ كبير من الشركة بدون وجه حق وبتزوير باوراق الشركة؟
حسام بشماتة/اقول راشد لاتتعب نفسك وتعين محامي لاتخسر ترى القضايا حولك من كل جهة ومابتطلع يعني مابتطلع؟
تقدموا لعنده شرطيين ومسكوه معهم وقال وهو يمشي بترجي/فواز...
مالف فواز له علشان لايشوفه باخر لحظات بينهم كذا منكسر وهو اللي دايم ماخذ الدنيا طياشة ,,
طلع الكل بمافيهم حسام وظل هو وهي بروحهم؟
هي للحين ماتدري وش اللي صار ولاشلون ادخلو ا ولااي شي..
كل اللي قاعدة تشوفه فواز وبس!!
وفواز واقف ...صدق على عكازه علشان الجبيرة لسه برجله اليمين بس انه واقف تماما ومافيه أي شي؟؟
ماتدري ليش حست بالضيق والانهيار...
يخدعها؟فواز جالس يخدعها؟
يعني ماكان عنده موعد ولا هو مريض اصلا ولافيه أي شي؟
فواز بهمس/مشاعل؟
مشاعل وهي تمسح دموعها واحساس الجرح طاغي عليها/بروح بيت ابوي يافواز مثل ماتبي .....
فواز بصدمة/شنو؟
مشاعل بخنقة/مو هذا طلبك من يوم ماتزوجنا!!هذا انا بنفذه لك اللحين؟؟
////////////////////////////////////////////////
وضحى/وش عندك قالب المخدة اليوم
خالد بعيارة/مريض؟
وضحى بدون تصديق/لا...اسم الله عليك؟
خالد/شوفيني اكح...مو قادر..كح..كح..كح...
وضحى/لالالا..خسارة عاد انا مسوية ايسكريم المانجو اللي تحبه يالله باكله بروحي؟
خالد/متى مداك تسوينه؟
وضحى/البارح يوم تنام انت قمت سويته؟
خالد/ياسلااام وش له تنوميني وتقومين بالله!!
وضحى/انا لانومتك ولاقمت عنك..انت نمت وانا ظليت اتقلب اتقلب ماجاني نوم قمت واشتغلت فيه وظليت سهرانة شوي وبعدها نمت!!!
خالد/طب وش رايك تجهزينه على مانشوف لنا فلم نشاهده.
وضحى/مو على اساس انك مريض؟
خالد/طب والمريض مايحتاج فترة نقاهة؟
وضحى/ماقلنا شي.....صحيح بكرة لؤلؤة بتسافر..
خالد/خلاص يعني مصرة لاتسوي عرس ولاشي..
وضحى/ابدا....الله يوفقهم ان شاءالله..مدري ليه احس اني بضيع بدونها تعودت عليها دايم جنبي....
خالد/تعالي هذا انا فاتح حضني لك...وانا وين رحت عاد انا بعد جنبك؟
وضحى/ادري انك جنبي بس هي اختي وطول عمرنا مع بعض؟
خالد/قولي الله يوفقهم ان شاءالله..الا هو كم باقي له ويتخرج...
وضحى/سنة ونص....
خالد/تمام تمام,,,يعني مو طويلة غيبتها...
وضحى/لا...الا مانت ناوي تروح لمشاعل الليلة؟
خالد/كنه قال فواز انه عنده موعد اليوم...يعني اكيد بيرجع تعبان وماله خلق قلت خليها لبكرة نزورهم وش رايك انتي!!!
وضحى/مابعد رايك راي ياعمري...على فكرة خالتي اتصلت تقول اليوم ماسمعت صوتك ورى ماكلمتها؟
خالد/امي الله يهداها يكون اليوم انتهى وانا ماكلمتها؟توها الناس تو بداية اليوم؟
///////////////////////////////////////////////////
نوف/فيني اروح عند نورة شوي؟
تركي/مو قبل ماتصدقين كلامي!!!
نوف/تركي انا محتاجه ابتعد عنك شوي...اذا تسمح....الحركة اللي انت سويتها ضايقتني بغض النظر عن الاسباب وعن وجهة نظرك انت!!!
انا ابي افكر بعيد عنك...
يمكن اكون تناسيت السالفة وشلتها من بالي خلاص بس بعد ابي اظل بعيدة عنك شوي...
وجودك قبالي علطو ل يذكرني فيها...بس لو بعدت شوي ورجعت ممكن تكون الامور بينا اسهل...
ركع تحت رجلها وقال بهمس/يعني افهم من كلامك انك شلتي السالفة وصفيتي الامور بعقلك خلاص..
نوف/أي..
تركي/طيب ابتسمي خليني ارتاح؟
نوف/اذا رجعت بعدين ببتسم لك وبسوي كل شي اللحين اتركني اروح..
تركي/طب اوصلك..
نوف/لاارتاح انت باخذ السايق علشان بعدين بنمر على مشاعل....
تركي/طيب براحتك بس ها وعدتيني انك نسيتي كل شي يعني الليلة اذا جيتي ابتسامة طويلة عريضة..
ابتسمت له وهي قايمة من كرسيها وهي تهز راسها ولبست عبايتها ونزلت..
تنهد بارتياح..اصعب شي عنده زعل نوف وضيقتها....
تعال انت ليه تاركها تروح مع السايق صدق ماعندك مخ روح وصلها بس قالت لك ارتاح يعني ارتحت وكاْنك ماصدقت خبر؟
شال مفاتيحه بسرعة علشان يلحق عليها..
كلمت السايق وقال لها انه برى لانه توه راجع من مشوار وقالت له لايدخل لانها بتطلع له علشان يوصلها..
طلعت من البوابة وقبل لاتفتح باب السيارة استوقفها صوت تعرفه..لفت الا هي عبير واقفة تكلمها...
عبير/اشوف طالعة بدون محرمك وينه عنك؟
نوف/ممكن ماتحطين لسانك بلساني!!اذا سمحتي يعني!!
عبير/ياماما تكونين خوفتيني يعني؟
نوف/انا مو رادة عليك..
عبير بحقد/انبسطتي اللحين يوم تركني عبدالله..
نوف/أي...تدرين ليش لانه مو هذا مستوى عبدالله ابدا!!
عبير/أي مقيولة انا عارفة ليش انتي شمتانة فيني لانك تحبينه وتبينه بس هو مااخذك صح؟
نوف بشماتة/أي والله كيف عرفتي!!بس عرفتي متاْخرة حييل اني احب عبدالله واموت فيه بعد؟بس القدر رماني على تركي؟شفتي شلون؟
سكتت عبير يوم شافت تركي وابتسمت وقبل لاتمشي قالت/هذا لانك مو بنت حلال..اللي ماخذك شيخهم كلهم وانتي تبين اخوه؟
نوف/اقول روحي بللي مايحفظك..
مشت عبير ويوم ركبت نوف السيارة شافت تركي واقف بمكانه وعلامات وجهه كلها متغيرة ....

البارت الثامن و التاسع والتسعين...



//////////////////////////////////////////
نوف بانفعال/مستحيل ارجع الليلة البيت؟
نورة/غلط....لازم تتواجهون وتتكلمين معه؟
نوف/انتي ماتعرفين تركي ..مجرد نظرات الشك بعيونه كفيلة انها تخليك تكونين مجرمة وانتي ماسويتي أي شي؟
نورة/ولو انتي قلتي كلمة ومتاْكدة من انها بتنرفزه..ماله داعي تبعدون وكل واحد يشيل بقلبه وتكبر السالفة؟يااختي افضل حل انكم تتواجهون وكل واحد يقول اللي عنده؟
نوف/شتبيني اقول يعني!!
نورة/اللي عندك؟
نوف/وشو اللي عندي؟
نورة/طبعا تنكرين الكلام اللي قلتيه وتبررين موقفك بانها غايظتك وكنتي تبين تجارينها وتقهرينها؟
نوف/واذا ماصدق واقتنع بكلامها هي؟
نورة/بتكون مشكلته مو مشكلتك يانوف...
نوف/مدري...احس اني بحيرة يانورة ..
نورة/انتي اتركي الامور طبيعية ولاتكبرينها..يمكن يكون هو ماهو مكبرها وانتي تهوسين بعمرك على الفاضي...
نوف تنهدت/انتي ماتعرفين تركي.....
نورة/شلون مااعرفه..اعرفه واعرفه زين بعد....بنتغاضى عن انك مانزلتي من السيارة وتكلمتي معه لانك براي نفسك ماقلتي شي يستاهل كنتي تجاكرينها وبس!!وانهي القضية على ها الراي ولاتخلينه يشك بانك بيوم من الايام كنتي تبين عبدالله وتحبينه لانها اذا كبرت على ها الشك ماراح تصغر ابدا يانوف صدقيني؟
نوف/ادعيلي يانورة تكفين انا ماابي اخسر تركي...انا ماعندي غيره بالدنيا...والله ماقلت ها الكلمة من قلبي قلتها من قهري من ها الانسانة مدري ليه حاطة دوبها من دوبي وتكرهني كذا!!
نورة/لانك انتي اللي كنتي الوسيط بينها وبين عبدالله واكيد هو الغبي قال لها ان انتي قلتي انها ماتناسبه فكرهتك وضمرت لك الشر؟
نوف تنهدت وماقالت شي....
نورة/....قولي شي..
نوف/ادق عليه اللحين؟
نورة/لا اتركي الامور طبيعي ولاتحسسينه انك مسوية جريمة ...اذا رحتي البيت تفاهمي معه؟
/////////////////////////////////////////////////////////
كانت تمسح دموعها وبيدينها ثياب قليلة جالسة تشيلهم من الدولاب..
فواز بانفعال/مشاعل اسمعيني..
مشعل/بعد عني لو سمحت...ماابي اشوفك ولااسمعك كفاية شفت كثير وسمعت اكثر يافواز...
فواز برجا/مشاعل..
مشاعل بانفعال/انت مو تبيني امشي من هنا واروح بيت ابوي؟هذا انا بحقق لك طلبك وبسوي اللي تبيه..
فواز مسك الثياب اللي عندها ورماهم بالارض ومسك يدها بقوة ويده الثانية ماسكة العكاز..
فواز بالم/انا احبك ولايمكن اسمح لنفسي اني اتخلى عنك؟
مشاعل/بس انت قلت لي اروح بيت اهلي ولانسيت؟
ظل يناظرها وماقال شي..
كملت بعبرة مخنوقة/لو قلت لي ها الشي لازم تكون حاط في بالك اني بوافق وبروح!!اي حب واي تخلي اللي تحكي فيهم بس يافواز!!
فواز/مشاعل....كان لازم انتي..
مشاعل بالم/كان لازم تخدعني وتخبي عليّ!!
فواز/اذا انتي صدقتي اني تعبان يامشاعل الكل بيصدق ومحد راح يشك....لكن لو انتي بان عليك الراحة والفرح مهما حاولتي تخبين ماراح يصدق احد والكل بيكون بشك ومابينطوي الحادث عدل ومابقدر اتاْكد من راشد ونيته ..
مشاعل/يعني انا كنت المخدوعة بالقضية لين توصل لهدفك؟طب منت وصلت لهدفك وكاهو بيد العدالة خلاص انا انتهى دوري بالمسرحية ماله داعي ابقى هنا؟
فواز/انتي كنتي باقية هنا لانك شفقانة علي وعلى وضعي يامشاعل؟
مشاعل بدفاع/لايافواز..انا ماعمري شفقت عليك..انا واثقة انك بخير وبتكون بخير وكنت راضية اظل جنبك لو مهما صار ومايهمني أي شي وانت عارف ها الشي....
انا حبيتك واخترت حياتي واني اكون معك باي حال انت تكون فيه....
فواز/خلاص انتهت السالفة اعتبري اني رحت مستشفى ثاني وتصحح الوضع وانسي اللي شفتيه وسمعتيه وخلينا نفتح صفحة جديدة؟
مشاعل بالم/انت كذبت عليّ فاهم شنو يعني كذبت علي....انت ماعندك ثقة فيني يافواز....انا كنت وسيلتك..
فواز/مشاعل والله ماكنتي...اساسا الحادث انا مدري عنه أي شي...بس السايق بالمستشفى قال لحسام انه كان يشوف ها السيارة تلاحقنا من مشينا وكان راشد معها وبعدين انفصلوا فقررت اشوف راشد وش بيسوي وهل بيصر على علاجي ولالا...وانتي كنتي املي الوحيد ياتروحين وبيقطع هو أي امل من صحتي وبتنكشف كل نواياه ولاتبقين وانتي حزينة مثل ماكنتي وبعد تاءكد له ها الشي...صحيح ادعيتي الامل والقوة والثبات وسالفة حملك ماكانت على البال بس انتي سهلتي علي بها السالفة مسكته متلبس باكثر من شي علشان ما اندم اني تخليت عنه ورميته ها الرمية؟؟
//////////////////////////////////////////////////////
وضحى /اقول خالد..
خالد وهو يغير بالمحطات/نعم...
وضحى/بشنو تذكرك ها الصورة؟
خالد/أي صورة؟
وضحى/لف وشوف...
لف لها وكان بيدها البوم صور تناظر فيه وابتسم يوم شافها..
خالد/هاذي ليلة ملكتنا...
وضحى/يااني كنت كارهتك ذيك الليلة بشكل موب طبيعي ابدا..
خالد وهو يضحك/هههه ادري وكل ماشفتي ها الصورة تذكرتي..
وضحى/كنت تجي تجلس جنبي شوي وترجع امك تاءشر لك وتروح تجلس عندها وخواتك ياءشرون لك تجي جنبي وترجع جنبي ويضيق خلق امك وتروح لها من جديد..
خالد/ههههه
وضحى/كنت سوبرمان على غفلة؟
خالد جلس جنبها وقام يقلب معها بالالبوم..
خالد/هاذ ي تذكرينها يوم نروح المغرب....
وضحى/أي يوم تقعد تتفلسف حضرتك واخر شي سرقونه من فلسفتك اللي مسوي فيها فاهم كل شي؟
خالد/هههههه..
وضحى/طب اتحداك تذكر ها الصورة وين اخذناها...
مسك خالد الالبوم وقال.../بحر...انا راكب لنجة وسط البحر؟..وين هاذي تصدقين مو ذاكرها..
وضحى/يالله اذا ذكرتها لك اللي تبيه...
خالد/امممممممم..مدري...كل الاماكن فيها بحر وش ها الصورة الصعبة؟
وضحى/أي بس مو كل بحر بحر في بحر يرد الروح؟
خالد/لاوالله؟
وضحى/معناته خسرت؟
خالد/طب قولي وين؟
وضحى باعجاب/هاذي ببحرنا...بكورنيش الدمام اول ماخطبنا يوم العيد يوم نركب اللنجة ماذكرتها؟
اقولك مو كل بحر بحر...هذا بحرنا...
خالد/انتي كيف تذكرين وانا انسى!ابي افهم؟
وضحى/صل على النبي...
خالد/اللهم صلي وسلم عليك يانبي...ترى عيوني باردة ماهي بحارة لاتخافين,,,,
وضحى بدون مقدمات/خالد انا احبك..
خالد بضيق/اوووف..
وضحى بذهول/شنو؟
خالد/ليش قلتيها توني بقولها؟؟كل مااجي بقولها تسبقيني انتي وتقولينها قبلي!!
وضحى وهي تضحك/واذا قلتها بعدي وش بيصيرب العالم يعني!!
خالد بزعل/بتقولين غاشها منك؟ابي انا اقولها قبل ها المرة؟
وضحى/خلاص ماراح اقولها اصلا...
/////////////////////////////////////////////////////////
حصة/هلا تركي..
لف لها/هلا..
حصة/وش جالس تسوي هنا بروحك...
تركي/.......
حصة/ليش وين نوف اجل؟
تركي بهدوء/مع نورة؟
حصة/وبس ماتعرف تقعد بالبيت ها البنت ابدا!!!
تركي بضيق/امك داخل..
حصة/وش دعوة ماتبينا نسولف مع بعض؟
تركي بضيق اكبر/ماني رايق لااحد ياحصة؟
حصة/ماكنت تبيها تروح كان منعتها بعد ليش خليتها تروح وانت متضايق؟
تركي/حصة ياتمسكين لسانك وتظلين ساكتة ولاتدخلين لان انا فيني براكين بفجرها بوجه أي احد قبالي!!
حصة /خلاص يبى مو قاصرة انفعالاتك علي بدخل...
دخلت البيت وكانت امها جالسة ومعها مرام..
حصة/السلام....
ام تركي/وعليكم السلام...
حصة/وش فيه ولدك معصب وشايط الدنيا على راسه؟
ام تركي/أي ولد؟
حصة/تركي في غيره مضيقة خلقه بنت العم العزيزة؟
ام تركي/ليش تركي ماهو بغرفته فوق؟
حصة/لاكاهو قاعد وضايق خلقه برى واي احد يكلمه ياخذ جزاته...
ام تركي/يو....وش فيه هذا بعد...
مرام/كانت عبير واقفة تسولف مع نوف يوم طلعت نوف وكان تركي واقف وراها بس وش اللي قالوه مدري؟
ام تركي/عبير!!
مرام/أي يمه يوم يجيبني السايق طلعت نوف علشان بتروح مدري وين وكانت عبير وراها تكلمها وشفت تركي طالع بس انا دخلت ومدري وش اللي صار..
ام تركي/لاحول الله ولاقوة الا بالله...وهاذي متى بنخلص منها بس ومن مشاكلها؟
حصة/مدام دخل فيها تركي تطمني بتخلصين قريب...ان شاءالله يسجنها ولدك ماعنده أي مانع!!
/////////////////////////////////////////////////////////
الليل بغرفة ياسمين ونواف,,,
دخل وكان توه راد من برى وكانت جالسة بروحها على الاب توب ولابسة قميص احمر قصير..
نواف/السلام..
مارفعت راسها بس قالت/وعليكم السلام...
جلس قبالها ثواني وماشالت أي اهتمام له..
نواف بضيق/نام احمد...
ياسمين/أي....
نواف/....
ياسمين/على فكرة اذا تقدر قبل لاتروح دبي تجلس معه ترى يقول يبي يقولك شي يوم سئلته قال اسرار بيني وبين ابوي...
نواف/يصير خير..
رفعت راسها وقالت بنرفزة/دبي اهم من ولدك؟؟
ابتسم بدون مايعلق..
رجعت تناظر بالاب توب....
وسكر عليها الشاشة وهو يناظرها/انا جيت؟
ياسمين وهي تناظره/واذا!!
نواف/معناته كل الاهتمام يفترض يتوجه لي انا!!
ياسمين حطت رجل على رجل وتسندت وارتفع الثوب اكثر وهو يناظرها..
ياسمين/على فكرة ماجهزت لك اغراض لدبي..
نواف برواق/ليه!!
ياسمين/لان كل واحد يخدم نفسه بنفسه..مو انت اللي بتسافر وبتروح وبتتونس انت شوف وش تحتاج وشنو اللي يناسبك؟
نواف/أي وبعد؟
ياسمين/ولاقبل حبيت اقولك بس.....
نواف بهمس/تعالي...
كانها ماصدقت خبر قامت له بسرعة ووقفت قباله وهو يناظر فيها من فوق لتحت...
مسكها من خصرها وقال بهمس/هذا الثوب اللي من زمان قلت لك البسيه!!
ياسمين بهمس/أي..
نواف/ليه لبستيه!!!
ياسمين بهمس ويدها تلعب بشعره/علشان اذا رحت دبي تكون ذاكره..
ابتسم لها وجلسها بحضنه وقال/من صدقك انتي!!انا عندي مزيونة هنا وش ابي بمزايين دبي؟
ياسمين بثقل/قول لنفسك؟؟وش موديك هناك اصلا!!
نواف بهمس/مو رايح انا امزح معك....
لفت له لانها كانت عاطيته ظهرها....
وصار وجههم قبال بعض....
وظلوا يناظرون في بعض...
تبي تقوله احبك بس ماهي عارفة..تبي تقوله عذبني بقد مافيك وسوي اللي تبيه بس بعد لسانها مو مطاوعها...انا فدوة لك وحلالك وكل اللي بتسويه راضية فيه يانواف لاني احبك مو لانك مابتروح وبتتركني,,لا انا من زمان وانا احبك واغليك مهما سويت ومهما قلت...كان الكلام على لسانها بس ماطلع...
قرب وجهه منها وهي بعد تقربت منه بسرعة...وكلمة حبيبي تجهزت علشان تطلع لان ها اللحظات ماهي مقيدة عندهم باي قيد ويقولون فيها اللي يبون بكل صراحة وبدون خوف من بعض,,,
////////////////////////////////////////////////////////
كانت بقمة الخوف من تركي ومن اللي بيجيها منه..
ماراح تعدي السالفة على خير ابدا...
هو من كل شي يغار فمابالك انها تقول انها تحب عبدالله؟هذي جريمة ماراح تنغفر لها ابدا...
يوم ترجع البيت كانت سيارته موجودة بس ماشافته لانها دخلت فوق غرفتهم وبدلت وظلت تنتظره..
كل الاشياء الممكنة انه يسويها مرت في بالها..
دخل الغرفة بعد دخلتها بساعة واكثر..
اخذ له شاور ودخل السرير علشان ينام....
نوف/تركي...
تركي بدون مايناظرها/نعم...
نوف/شفيك؟
ناظرها وماقال شي بس نظراته كانت كافية انها تقول اللي عنده..
نوف بتردد/احس انك مو طايقني!!
تركي/تصبحين على خير..
نوف مسكت بكتفه وقالت برجاء/لاتنام خلينا نتكلم ون..
تركي بحزم/نوف....نامي!!
نوف بتنهيدة وارتباك/ليه؟؟
تركي/نامي وبدون أي نقاش لاني ابي انام وراي بكرة دوام؟
نوف/بس ياتركي...
تركي بعصبية/خلاص قلت نامي لازم تطلعيني من طوري قبل ننام يعني!!
جمدت مكانها...صحيح يعصب وتشوفه شايط على الكل بس مو عليها ...صدق غيرته وكلامه امس نرفزوها بس اللحين تحسه كارهها ومافي مجال لااي شي يشفع لها...
بلعت ريقها وتركت كتفه وكتمت صيحتها بقلبها...
لف عنها للجهة الثانية وتغطى وعطاها ظهره..
وظلت هي تناظر فيه وهو صاد عنها وماهي قاوية تقول أي شي....
/////////////////////////////////////////////////////////
فواز/صدقيني هذا كل شي...
مشاعل/..............
فواز بالم/هذا عمي ويعز عليّ اني ارميه بالسجن يامشاعل..
مشاعل/وانا زوجتك؟
فواز/انتي مو بس زوجتي يامشاعل؟انتي حبيبتي وصديقتي وكل شي بها الدنيا...ادري اني عذبتك معي وتعبتك وخربت عليك شهر العسل وليلة العرس بس والله ماكان هذا اللي كنت مخطط له؟كنت مخطط على فرحة مابعدها فرحة كنت بخليك تكونين اسعد زوجة بالعالم بس النصيب حال بيني وبين اني احقق اللي ابيه!!بس بعده الطريق مفتوح يامشاعل بعوضك عن كل الايام اللي راحت صدقيني....
مسحت دموعها وقالت بحسرة/حتى غرفة النوم مادخلتها يافواز لاني كنت بدخلها معك!!عز علي اركبها وادخلها بدونك؟
حتى البيت ماجلست غير بها المجلس معك وبالصالة والمطبخ والحوش باقي البيت ماشفته ولافيني حيل اشوفه بدونك....كنت راسم معي كل خطوة بها البيت واتفقنا نشوفه سوى باول يوم؟؟
عشت ايام مرة مااقدر اقولك عنها أي شي يافواز...عشت بخوف ورعب من الايام اللي جاية....شيبت وانا توني باول يوم من عرسي!!
ضاقت فيني ارض الله بعد اللي صابك...تمنيت يصيبني انا ومايصيبك انت...
كنت احبك وبعدني احبك...بس مدري ليش كذبت علي وخليتني اكون مخدوعة طول ها الوقت حتى مافكرت ترحم دموعي...
فواز انا لازم ابعد عنك شوي...
ابي ارتاح شوي وبعدها يصير خير,,,,
فواز ماقال شي بس عيونه كانت تقول الكثير ..
تنهد بقوة...
ترحل وتحسبني لارحلت اقدر على النسيان,,
وانا اللي لاطرا طاري رحيلك ضيعت شتاتي,,
دخيلك بساءلك لارحت منهو فيننا الخسران,,
انا ولاانت جاوب قبل ماتكتب بي اهاتي,,
انا اللي من عرفتك والسما قوس وغلاك الوان,,
وارضى تعزف اهزوجة فرح لاجتك خطواتي,,


وصوتك غيمة احييت جفافي والوصل هتان,,
وحزن عمري يموت بضحكتك ياكل سماتي,,
تعرف انك غلاي وراحتي وان التعب لابان,,
يموت ان جيتلك يللي هواك اجمل حكاياتي,,
وتعرف اني على بساط انتظاري اجمع الاحزان,,
واكبلها اذا وصلك اخذني من متاهاتي,,
انا من قبل اعرفك مالقيت لها العمر عنوان,,,
سوى حزن وامل ضايع وياْسي هو مداراتي,,
انا من قبل مااعرفك كنت اقول ان الغلا حقران,,
واقول ان الهوى كذبة قناعاتي كما الاتي,,
قليل اللي صدق واللي يخون بها الزمن كسبان,,,
كثيراللي يمرون وقناعاتي قناعاتي,,,
وحبيت وعرفت اني بحكمي كنت اناالغلطان,,
وصرت انت القناعات وجنتي واتجاهاتي,,
دخيلك مابقى فيني شعور يحتمل خذلان,,,
دخيلك لاتخليني اسير لياْس راياتي!!
//////////////////////////////////////////////////////////
اليوم الثاني سافر الجد والجدة وام مشعل للمدينة والكل عرف ان فواز بخير ومايحتاج أي عملية ومجرد كسر برجله بيطيب منه مع الايام وانه مقرر بس تنشال الجبيرة يسافر هو ومشاعل ويقضون شهر عسل....
/////////////////////////////////////////////////////////
بالليل كان الكل طالع الكورنيش يتعشون هناك بسلامة فواز اللي كان معهم....
عدا خالد اللي كانت وضحى تعبانة وقرروا انهم مايجون,,,,
***بالكورنيش
كان الكل سوالف ووناسة مع بعضهم...
حصة/اقول نورة؟
نورة/هلا..
حصة/ماشاءالله فارس اخذ على الجماعة بسرعة تقولين صحبة وربع من زمان؟
نورة/ماشاءالله عليه هو اجتماعي وبسرعة يدخل..
نوف/عكسك يعني؟
نورة/أي....تذكرون روان ومها ..متى فتحت عليهم وهم معنا من سنتين...توني اللحين..مدري ليش فيني ها الطبيعة مو بسرعة اخذ واعطي مع الناس؟
ياسمين/وحشة لاامي وجدي وجدتي ...
نوف/طبعا..والاهم عندك ام مشعل....
ياسمين/وكانت تبي مشعل وسعيدان بعد زين مااخذوهم؟
مشاعل بغمز/تركوهم عندك مفضين الجو لك انتي ونواف باشا؟
ياسمين/قلبي وجهك انتي بعد...قالت مفضين لك الجو....
نورة بهمس/صار شي من البارحة؟
نوف بضيق/ابدا...جلس الصباح وطلع للعمل وبس رجع جلس تحت وماتكلم معي كلمة وحدة حتى قدام الكل وبالسيارة كان يكلم بجواله وكانه يقطع علي أي امل اني اتكلم معه بروحنا ونتفاهم؟
نورة/نوف اذا تبين لنفسك راحة البال لازم تكلمينه اللحين وتتفاهمين معه قبل تبرد السالفة...
نوف/طب شسوي...ماهو راضي يعطيني أي فرصة اتكلم معه؟
نورة/قومي تحركشي فيه كاهو قاعد يشوي بروحه؟
نوف/استحي لو بيتقرب احد منه وانا معه؟
نورة/بابا انتي زوجته اذا ماتدرين؟
نوف بضيق/ياربي...والله العظيم ماقلتها وانا قاصدتها كنت ابي اغايظها واجاريها وبس!!!

احمد/ياسمين..
ياسمين/نعم....
احمد/ابي اشتريلي من دربي...
ياسمين/وش تبي من دربي عاد كاهم يشوون وبنتعشى؟
احمد بعناد/ماابي....
ياسمين/طب قلت للبابا..
احمد/البابا يسولف مع فواز وفارس وماعطاني وجه..
ياسمين/طب روح لمشعل وسعد..
احمد/راحوا بعيد ماشفتهم...
ياسمين/طب قوم يالله....
مشت معه لدربي واشترت له اللي يبيه.... وكان يمشي بدون ما يناظر بللي حوله ومر واحد على دباب بسرعة ومسكت يده بقوة ومالت على جنب وصارت وسط شباب واقفين... ووقفت منحرجة من انها دخلت فيهم بس هي كانت تبي تمسك احمد لايتاءذى....
ياسمين بارتباك/اسفة...
مسكت يد احمد علشان يمشون... بس مسكتها يد اقوى منها ويوم لفت كانت نيران تطلع من عيون نواف اللي كان يجرها بقوة..
نواف بهمس/انتي وش جالسة تسوين؟
ياسمين بدفاع/كنت مع احمد وجايين ن..
نواف بحدة/ووقفتك قبال ها الشباب هاذي شتسمينها بالله!!
ماتدري ليش دمعت عيونها قدامه..هذا شفيه علطول يدخل بشره بدون مايفهم الموقف..
بعدت يدها عنه ومشت بسرعة لجهة البنات..احمد/بابا..
لف وجهه له..
احمد/خالة ياسمين جت تشتريلي من دربي وبعدها مسكتني لان دباب كان يمشي هنا بسرعة ....

**********بشقة خالد...
خالد/اجهز لك شي تاكلينه؟
وضحى بتعب/لا
خالد/طب اسوي أي شي..
وضحى بتعب/لا
خالد/طب
وضحى بتعب/خلاص تعال اجلس ياخالد ماابي شي..
خالد بخوف/بتولدين؟
وضحى بخوف/ماادري..
خالد بارتباك/طب وش يالمك؟
وضحى وهي تبكي/ماادري..
خالد/أي شسوي اللحين....
ظلت تبكي بصمت لثواني وهي تتاْلم بعدهاقالت/خالد..
خالد بحنان وخوف/ها..وش تبين...كل اللي تبينه وتحسين بيخفف عنك بسويه؟
وضحى بتعب/ابي امي...
سكت ثواني وبعدها قال/طب بدق عليها..
وضحى برجا/بس بسرعة الله يخليك احس اني تعبانة ومو عارفة شسوي؟
خالد/ورى مانروح المستشفى ياوضحى..
وضحى/ماابي اروح اول بدق على امي وبسئلها يمكن يكون الشي عادي واكون ورطت روحي بروحتي المستشفى ويولدوني غصب...تعرفني اخاف من المستشفيات..
قام يدور جواله وحمد ربه انه مالقاه بالصالة علشان لو رفضت امها تجي ماتسمع الرفض...
قام الغرفة وشال الجوال ودق على امها...
خالد/الو..
ام نواف/هلا خالد..
خالد/هلا خالتي شلونك..
ام نواف/بخير انت شلونك ووضحى شلونها..
خالد/والله وضحى تعبانة وودها تكلمك..
قاطعته بسرعة/بتولد؟
خالد/مدري مارحنا المستشفى لسه بس قالت تبي تكلمك وتسئلك وبعدها بتروح..
ام نواف/خالد انا رايحة عرس اللحين بس اطلع بدق لك وبسئلك طيب...وديها المستشفى مدامها تعبانة وبالتاسع اكيد بتولد...!!
سكر بوجهها وحتى ماقال مع السلامة وطلع وقال لوضحى/امك مسافرة ياوضحى..
وضحى/البارحة كانت موجودة يوم نروح للؤلؤة نودعها...
خالد/الصباح سافرت....انا اقول خل نروح المستشفى وبعدين نشوف وش يقولون؟
////////////////////////////////////////////////////
وقفت عند البحر بعد مابعدت عنهم...
كان المكان فاضي والجو مظلم وماانتبه نواف الا بطولها يطيح مرة وحدة على حافة البحر ..
ركض بخوف ناحيتها..كان لاحقها بيكمل هواشه معها بس مايدري ليش طاح قلبه يوم سمع صوت شهقاتها وبكيها اول ماصار وراها..
حس بخوف وبربكة..
بهمس قال/ياسمين..
ماردت عليه وزاد بكيها..
ارتفع صوته اكثر وهو يكلمها وبانت فيه لهجة الخوف/ياسمين وش فيك؟
رفعت راسها تناظره والدموع بعيونها وجمدوا فيها معقولة يكون هذا هو نواف اللي تو قبل دقايق يهاوشها جايها وهو خايف عليها؟؟
تنهدت وماقالت شي..
قال برقة اكبر/علامك!!متعبك شي؟ليه تبكين؟
وش تحس فيه بس يانواف وانت تعيش كذا!!توك مهاوشني على شي انا ماسويته!!اللحين جايني وخايف علي بعد!!
ماقالت شي بلسانها بس عيونها ولسان حالها كانوا يقولون,,,
ماهي غريبة اذا في خاطرك تجرح,
قلبي تعود على النسيان وجراحه,,
سودت وجه الغلا ويحق لك تفرح,,
والراحة!!ابشرك ضاعت الراحة,,,
مليت اجمع طموحي وحضرتك تطرح ,,
والقلب بساْل دخيلك وين مفتاحه,,
ان قلت تعبان قلبي جد ماامزح!!
الهم دمر حصون القلب واجتاحه,,
جيتك مثل ادمك في جنتي امرح,,,
وانت وش انت اكيد بتكون تفاحة!!
ماكنك الا البحر وماعرفت اسبح,,,
غدار طبع البحر ومافيه سباحة,,
وماكنك الا طعوني وطعنتك تذبح..
في ذمتك شفت واحد حب ذباحه!!
وشلون احبك وانسى اغلاطك واسامح..
مو كل شي لاتكسر تقدر اصلاحه!!
خسران ادري لاني ماعرفت اربح,,,
ياخلف الله على قلبي وافراحه...
مافيه داعي لعذرك ماابي تشرح..
مادام قلبك خذا من جرحي ارباحه,,
ابعد طلبتك وانا في خير راح اصبح,,
ان رحت عني تكون اعصابي مرتاحة,,




البارت التاسع والتسعين,,,,
//////////////////////////////////////
نوف/تركي...
لف لها وهو يقلب بالشوي اللي كان عنده بدون مايقول شي..
نوف بهمس/ممكن اسولف معك شوي؟
تركي بحدة بدون مايناظرها/امشي من هنا المكان كله رجال واذا تبين تسولفين عندك بيت تسولفين فيه؟
نوف بارتباك/ادري عندي بيت بس انت ماتكلمني بالبيت...
تركي مايصير وضعنا كذا لازم نتكلم مع بعض..لازم نحتوي المشكلة علشان نحلها مو تظل حاقرني طول الوقت ومالك خلقي ولاتقولي نامي وانت تكون برى الغرفة؟
تركي مو كذا تنحل الامور لازم نتكلم؟
تركي بعصبية/وبرايك هنا بتتكلمين عن مشاكلك؟؟قدام الكل؟
نوف برجا/مافي احد معنا خل نسولف واذا جا احد سكتنا؟ولا قوم نمشي وننهي ها السالفة والله مو قادرة حتى انام الليل؟
ناظرها بحدة وماقال شي...
ويوم حست انه مامنه امل يقول شي ولايكلمها...
تنهدت بقوة وقامت عنه ومشت لعند البنات....
تنهد هو بعد...
رغم انه متاءكد ان ماكان بينها وبين عبدالله أي شي لانه سئل عبدالله وحلفه يوم يسمع عبير وهي يتكلمون وقال له عبدالله ان عبير دايم تقول ها الكلام له لان نوف كانت رافضة فكرة ارتباط عبدالله بعبير وعلشان كذا عبير حطت نوف في بالها وصارت تترصد لها فعرف هو ليه نوف مكروهة من قبل عبير...
يعني نوف قالتها علشان تغايض عبير وزين سوت فيها بس هو مو قادر يتقبل ها الشي كلمة انها تحب غيره مو سهلة عليه ابدا وهو الغيور,,,
لازم اول يعاقبها شوي علشان ماتفكر تقول انها تحب غيره ولو بالمزح !!!
////////////////////////////////////////////////////////
سعد/مشاعل فواز يبيك..
مشاعل//يالله جاية...
سعد/لاقومي مثل قبل شوي قلتي جاية وانا اللي تفشلت يوم مارحتي كاني انا ماناديتك؟
مشاعل/طب قمت...
كانت تبي تتهرب من مواجهته بروحهم وحتى مع وجود الاخرين بس مضطرة تروح..
هي مقفلة جوالها علشان ماتكلمه وهي معهم بس فواز عنيد ومايرضخ بسرعة ناداها وسطهم علشان تجيه,,,,
قامت له ومشت ورى سعد وكان فواز واقف بروحه بعيد عن المجموعة تقريبا....
راح سعد بعد مافواز شاف مشاعل وتقرب منها وظلت هي متضايقة....من وجودها معه بروحهم..كذبته شي لايمكن تسامحه عليه بسهولة؟
فواز بهمس وهو يوقف قبالها/الف مرسال بيني وبينك؟ليه تسوين فيني كذا عاد!!
مشاعل بدون ماتناظر فيه/بغيت شي؟
فواز بهمس اكبر ولهفة/بغيت اتطمن على قلبي...مرتاحة بالجلسة...مبسوطة..تبي تقوم..تبي شي....
تنهدت...حنانه ودلعه لها فوق كل شي دايم يعيشونها اميرة بس لا هو كذب عليها من اول يوم بزواجهم وعيشها برعب ونفسية سودة ومافكر يخفف عليها ابدا مصيبتها....
فواز بهمس وهو يرفع راسها له/حبيبي....
مشاعل بضيق/فواز...انت كيف تحرجني قدام اهلي اليوم وتقول ان احنا بنسافر شهر عسل؟
فواز ببراءة/ليش السفر فيه احراج؟اول مرة ادري؟
مشاعل بعصبية خفيفة/انا قايلة لك اني ابي ارتاح بعيد عنك كم يوم؟كيف تقول بنسافر ؟كذا مقدر ارد بيت اهلي؟بيقولون انك بتسافر كيف اتركك بروحك؟
فواز/قلت لك لمى نسافر بتركك ترتاحين بروحك؟
مشاعل بسخرية/لاوالله!!وكيف تجي ذي؟
فواز/حبيبي اذا صرنا بروحنا بنصفي امورنا صدقيني وبنتفاهم اكثر مع بعض..
مشاعل/احنا اللحين ساكنين بروحنا محنا قاعدين مع احد يعني السفرة ماهي حجة يافواز؟
فواز بتنهيدة/وش اللي بيرضيك يابنت الحربي فهميني!!والله بسويه لك ولو كان غالي!!اي شي تبينه...انا مستعد له...ومستعد اعتذر لك اللحين وسط اهلك كلهم واقول اني حاضر لااي طلب تبينه؟
مشاعل/ماله داعي..السالفة بيني وبينك وهم مالهم شغل فيها يا فواز؟
فواز/يعني بنرضى ...
مشاعل وهي تمشي/اذا رحنا البيت بنتفاهم مع بعض...
فواز/طب فتحي جوالك علشان اقدر اقولك اللي ابيه منك كل شوي بدل مااحط بيني وبينك مراسيل؟
مشاعل/طيب....
/////////////////////////////////////////////////////
بالمستشفى....
خالد/ابي افهم طيب وش السالفة طالعين داخلين..
الممرضة/بتصعد غرفة الولادة؟
خالد بقلق/ليش؟
الممرضة بسخرية/سؤالك غريب!!يعني حتكون راحت هناك ليه؟؟
خالد بخوف/بتولد اللحين؟
الممرضة/اه...
خالد/بشوفها قبل..
الممرضة/مفيش مشكلة ...
دخل وقلبه مقبوض عليها..اصلا هو محتاس بعمره مو عارف شيسوي...
وضحى بتعب/خالد...
تقرب منها بسرعة وهو من كثر ارتباكها مو قادر يتكلم...
وضحى ببكي/خالد احس اني بموت....
خالد بفزع/اسم الله عليك..
وضحى بتعب اكبر/والله ياخالد حاسة ان روحي بتطلع...الالم فظيع مايمكن تتصوره..
خالد ظل يناظرها بالم وبدون مايقول أي شي...
وضحى وهي تمد له يدها/خالد..
مسكها وقال بالم/ها..
وضحى/لاتتركني ...
خالد تنهد..
وضحى برجا/تكفى ياخالد....لاتتركني...انا ماعندي غيرك بها الدنيا...تكفى لاتتركني بروحي اموت...خليك قربي....
صار يمسح دمعة منها ودمعة منه...
قال بهمس وصوته خايف عليها/انا احبك ياوضحى وبكون دايم معك وجنبك....
وضحى/ادخل معي لاتتركني اموت بروحي؟
خالد/اسم الله عليك من الموت ..لاتقولين ها الكلمة ابدا ياوضحى..ماعليك الا العافية ان شاءالله..بتولدين وبتقومين بالسلامة وبنربي اللي جاي لنا مع بعض....
وضحى بتعب/ان شاءالله...
دخلوا ممرضتين بها اللحظة وحس خالد بالخوف...
وضحى/خالد سامحني على كل شي ...كل شي صار بينا..
خالد/انتي ماغلطتي معي ياوضحى...وجهك دوم ابيض....انتي اللي سامحيني يابنت العم؟
/////////////////////////////////////////////////////////
نواف/ياسمين...
لفت عنه وهي تمسح باقي دموعها....
نواف بهمس/تبين نروح البيت ولانكمل هنا....
ياسمين بهدوء/براحتك انت سيد الموقف والكلمة كلمتك دايم....
تنهد وقال وهو يحط يده فوق كتفها/ياسمين...روقي والله مافي شي يستاهل تبكين؟
ياسمين بتمتمة/أي صح..
نواف بتنهيدة/ادري اني عصبت وانفعلت بس انتي تعرفيني كهرباء اذا شفت محارمي واقفين جنب اجانب..
ياسمين بانفعال/في شي اسمه تساْل وتشوف ليش هي واقفة؟؟؟
مو تتهم بكيفك وبدون أي دليل عندك؟
نواف/خلاص روقي..
ياسمين بعصبية اكبر/يكون بعلمك بس انا كنت رايحة مع ولدك لانك ماعطيته وجه يوم يجيك وكان جوعان؟؟وصرت قربهم يوم مسكته لايتقرب من الدباب؟
تنهد نواف وقامت هي من مكانها ومشت عنه وهو يناظر فيها.....
دايم ظالمها ومزعلها ..وش يسوي في نفسه...؟
ياسمين ماتستاهل منه ابدا ها المعاملة؟؟لازم يتغير مثل ماهي قاعدة تتغير...البارحة كانوا اروع اثنين ليه قلب اليوم معها بس؟؟؟ ////////////////////////////////////////////////////////
رفعت جوالها تقراْ المسج اللي واصلها من فارس وابتسمت يوم شافته...
فارس(احبك)
يوم نزلت الجوال عن عينها جت عيونها بعيونه لانه كان واقف قبالها صدق بعيد شوي بس عيونه عليها واشر لها بيده وكانه يبي رد على الكلمة اللي قالها....
رفعت جوالها وكتبت له وارسلت وهو محترق يبي يعرف وش كاتبة
جاه المسج وقراءه(أي وش المطلوب مني يعني)
ضحكت يوم شافت تعابير وجهه اللي انصدمت يوم قرت المكتوب وهو اللي كان متاْمل على شي ثاني...
رجع يرسل لها(صيري كريمة وبادليني شعوري)
نورة(مقدر اهلي جنبي)
فارس(بذبحك اذا صرنا بروحنا وش ها الحكي)
ماردت عليه وقامت تضحك وهو يناظرها...


فارس(تعالي شوي خل نتمشى بروحنا)
نورة(لاخلينا كذا)
فارس(شوي بس عمتي نورة...تكفين..)
نورة(وكم تعطيني عليها)
فارس(اللي تبينه)
قامت ولبست صندلها...
ومشت صوبه...
يوم اقتربت منه قال بهمس/مابغيتي تشرفينا؟
نورة/عليك الف ريال؟
فارس/كم ساعة بتظلين معي؟
نورة/خلاص انتهت الشوفة؟
فارس/ول....لحقت اشوفك انا علشان تقولين لي انتهت الشوفة؟
نورة/انت اول شي ماحددت كم تبي اجلس معك؟
فارس/خلاص اللحين احدد
نورة/لاياماما انتهى العرض محد قال لك ماتقول بدري؟
فارس/طب انتي امشي وخلينا نتفق على عرض ثاني؟
نورة/لاماابي امشي خلينا واقفين هنا؟
فارس بهمس/وش عندك انتي اليوم متصاحبة مع العناد وصايرين ربع؟
نورة بهمس وعيونها تناظره بخبث/لاني اخاف منك لاصرنا بروحنا!!خلنا كذا قدام الكل احسن؟
فارس تنهد وقال بخبث اكبر/معناته بروح اقرب السيارة اذا انتي مصرة على ها الموقع ماتغيرينه؟
نورة مشت شوي عنه وقالت/خلاص انتهت اليوم الزيارة اشوفك بكرة ان شاءالله؟
فارس وهو يضحك/من صدقك خفتي مني!!انا مااخوف كثير يابنت الناس؟
نورة/ابدا...بس اللي يعرفك يقول غير ها الحكي...اقول وش رايك تروح انت وتجهز لي عشاي قبلهم ترى ميتة جوع؟
فارس/أي من عيوني؟
نورة/مو من عيونك وتجيبه لي حتى قبل ماينضج؟
فارس/افا هذا العشم فيني يعني؟
نورة/ومعاه ميرندا فراولة اذا سمحت؟
فارس/على امرك يابنت الناس؟
نورة/الا صاير خوش رجال ومامنك اثنين؟
فارس بخبث وهو يغمز بعيونه/لاني انا اللي بوصلك البيت الليلة؟
/////////////////////////////////////////////////////////
عبير/وين بابا عبدالله؟
الشغالة/طلع...
عبير/وين راح؟
الشغالة/كلو طلع مافي احد هنا..
عبير/يعني طلعوا مع بعض كلهم؟
الشغالة/أي...من زمان؟
عبير/وماتدرين وين راحوا؟
الشغالة/لامايدري..حتى مشاعل وفواز يروح معهم؟
عبير/حتى ذاك المكسر بعد خذوه معهم!!!طيب ياعيال الحربي طيب...حربنا ماانتهت بعد وبنشوف بالنهاية من يربح فينا؟
الشغالة/وش يقول ماما عبير..
عبير/طبعا محد غيرك بالبيت؟
الشغالة/يس مدام...
عبير/الغرف مفتوحة..
الشغالة/يس مدام..انا ينظف غرف كلو قبل شوي؟
عبير/حلو وحتى غرفة نوف وتركي مفتوحة؟
الشغالة/انا يقفل لان بابا تركي يقول بس يخلص تنظيف يترك مفتاح تحت الابجورة علشان هو مايبي غرفة مفتوحة؟
عبير/الابجورة اللي تحت غرفتهم بالممر؟
الشغالة/يس مدام..
عبير/خلاص روحي سويلي عصير برتقال وانا بمر شوي فوق باخذ شي من غرفة عبدالله وبنزل طيب...
الشغالة/يس مدام...
مشت الشغالة وراحت المطبخ وسكرت الباب وشالت التلفون ودقت لتركي...
تركي/الو..
الشغالة/بابا تركي مدام عبير يجي البيت قبل شوي هي فوق,,
تركي/طيب انا جاي....بس لاتتركينها تطلع سمعتي حاولي تتباردين معها...انا مو بعيد...
الشغالة/طيب بابا...
سكر منها وقال لاابوه يجيب نوف معه لانه مشغول وجايه اتصال ضروري ومشى عنهم,,,,
عبير اخذت راحتها بالتفرج فوق..
دخلت غرفة ام تركي وابو تركي ..
ودخلت غرفة نوف وتركي وقولبت بثياب واغراض نوف لين شبعت..حتى غرفة مرام دخلتها...
رجعت غرفة نوف وتركي وقامت تقلب بالدروج لين شافت البوم فيه صور لنوف وشالته معها وهي تبتسم ابتسامة نصر,,
نزلت بعد اكثر من ساعة من ركبتها ونادت على الشغالة...
جتها الشغالة عند الدرج..
عبير/محد رجع منهم..
الشغالة/لا لسه....
عبير/طيب خذي هاذي مية ريال وماتقولين لااحد اني جيت هنا وماتفتحين فمك بكلمة طيب...
تركي وهو عند الباب/والله كريمة حييل يابنت الاوادم..مية ريال عاد؟يتراواللي اللحين هم نفسهم مايقتنعون بهذا المبلغ ويبون الاكثر,,,,
جمدت مكانها يوم سمعت صوته ولفت لجهة الباب اللي كان واقف فيها وانتبهت انه مو بروحه وان امها وابوها معه ومعهم شرطيين بعد!!
الشرطي/اخت عبير جتنا مكالمة تفيد انك داخلة البيت بالعنوة وجاية تسرقين من البيت؟
عبير بصدمة/انا!!!
الشرطي الثاني/ولقيناك متلبسة بالجريمة فعلا!!!
عبير بترجي/يبى..
ابوها/سود الله وجهك من بنت يوم انك سودتي وجهي كذا!!!
تقرب تركي منها وقال بحدة/عطيني شنطتك؟
عبير بدون أي تفاهم عطته اياها وهي واقفة مكانها مصدومة
فتحها وهو يقول/مااعتقد انك دخلتي البيت وطلعتي منه خالية؟؟؟
شاف البوم الصور حق مرته وطلعه قدامهم ويوم ماشاف شي غيره رمى اغراضها على الارض وقال لها وهو يرمي شنطتها فوقهم باحتقار/شيلي اغراضك شلت الشي اللي يخصنا؟
عبير بدفاع للشرطي/انا ..هذا بيت زوجي و..
الشرطي بحدة/ابوك ورانا ورقة طلاقك؟واهل ها البيت مبلغين عليك انك داخلة وتسرقين اغراضهم وهم ماهم هنا وزين ان الشغالة قدرت تكلمهم....
تركي/اتركوها عندكم شوي لين ترجع مرتي اللي هي صاحبة القضية من المكان اللي هي فيه ونشوف هي وش ناوية عليه وش بتسوي وهل بتتنازل ولالا؟
ابو عبير برجا/ياولدي ياتركي...
تركي/قلت اللي عندي حضرة النقيب محمد تقدر تعتبر ان الاخت بالتوقيف من ها اللحظة؟
//////////////////////////////////////////////////////////
والله انك وهقتيني ياام مشعل بروحتك؟؟؟ماتدرين شقد انا محتاج لك بها اللحظات ..صحيح ام تركي وام سعد فيهم الخير والبركة ولو بكلمهم ماهم بمقصرين بس الليلة كلهم طالعين ومو عارف ادق لهم...
ياربي سهلها ان شاءالله....
وضحى تعبانة مرة وشكلها مايوحي ابدا بالخير؟
تنهد وغمض عيونه وهو يتذكر بداية حياته معها من ليلة الملكة الى قبل اللحظات اللي جابها فيها المستشفى...
الايام السعيدة اللي مرت عليهم...
سفراتهم...هواشهم...غيرتهم على بعض...حبهم لبعض...غيرة امه منها وتعامل وضحى البسيط معها بدون أي حساسية,,,
خلافاتهم الكثيرة واللي دايما تكون عن امها اذا التقوا مع بعض؟
تنهد وهو يذكر امها...اقول لها وضحى تعبانة تقولي لاطلعت من العرس بكلمها؟؟؟صدق ماكنتي تنلامين في كرهك لها ياوضحى ورفعة ضغطك بسبتها؟
مر على باله اليوم اللي كانوا راجعين فيه من شهر العسل يوم تلبس الثوب الازرق اللي كان شاريه لها من هناك,,,مر عليه الليلة اللي تهاوشوا فيها على الفلم اللي بيشاهدونه قبل اللي هي اختارته ولاهو اختاره,,,,وناموا بدون مايشاهدون واحد منهم,,,,
مر على باله فطور الصبح اذا جهزته له وراحت تنام وتركته يفطر بروحه قبل الدوام ويروح بعدها يطفي عليها المكيف ويشغل الانوار عقابا لها علشان ماتتركه بروحه,,,
مر على باله ريحة القهوة من فجر الله بايام الشتاء اذا جت تصحيه للدوام,,,
مر على باله عدد المرات اللي تزاعلوا مع بعض فيها وفي كل مرة يتزاعلون وتروح بيت اهلها يركب لها غرفتها ويراضيها...
ماكانوا يطولون بزعلهم..اصلا الزعل ماهو زعل عندهم الا عناد ومكابر وبسرعة يرضون...
مر على باله مجموعة الثياب القصير ة اللي اشتروها ذاك اليوم وقالت له انهم خاصيين جدا ومابتلبسهم الا اذا زعل منها علشان تراضيه فيهم,,,
كل بسمة مع بعض مرت على باله..كل ضحكة.,,كل هوشة ..كل كلمة...
معقولة ترجع له وضحى بعد مادخلت ها الغرفة ولاهو خوف متملكة من تعبها ولانها حالة اول مرة يمر فيها حاس انه فقدها ومابترجع وحاس بالخوف عليها؟ ؟
/////////////////////////////////////////////////////////
في سيارة فواز....
كان جالس جنبها والسايق قدام..
فواز بهمس/وش فيه حبيبي ساكت؟
ماردت عليه...
تنهد وحط يده فوقها وقال باصرار/اذا سافرنا بعطيك الوقت الكافي انك تكونين بعيدة عني وتختارين حياتك اللي انتي تقررينها صدقيني؟
مشاعل/ابي اعرف لمتى كنت ناوي تكذب عليّ
تنهد وماقال شي..
قالت وهي تناظر بالنافذة/لو ماكان راشد جا بذاك اليوم ماكان ضبط معك الموقف ..فماكنت راح تقولي صح؟
فواز/..............
مشاعل بحسرة/يعني عادي يمر الشهر والشهرين والثلاثة وانا بعدني مثل الاطرش بالزفة ومدري عنك؟
فواز/لوميني...عاتبيني بقد مافيك...ادري اني استاهل اكثر..بس حبي لك كان اكبر من أي شي يامشاعل..
كان لازم انتي تصدقين لانك اقرب شخص لقلبي علشان الكل يصدق...لو عرفتي بيبان عليك الارتياح....
غمضت عيونها وماعلق بشي...
فواز/وين تبيني احجز لشهر العسل؟
مشاعل بدون نفس/مو فارقة عندي...ماراح اكون مبسوطة.
فواز/مشاعلي...
مشاعل/انت قلت بتتركني بروحي افكر على راحتي هناك وماراح تضغط علي باي شي....
تنهد وقال/طبعا وانا عند كلمتي.....
بس ابيك تعرفين شي واحد....احبك وبظل طول عمري احبك يامشاعل وماراح افرط فيك يابنت الحربي....
ماتساويك كنوز العالم عندي مهما وصلت....
/////////////////////////////////////////////////////
بغرفة نواف وياسمين..
نواف بارتياح/والله صايرين مشعل وسعد حالات انقاذ لنا هنا مدري نتاْجرهم طول السنة ونرتاح من احمد؟
توها بترد عليه وبتقول وانت ليه ماتصير ابو مثل العالم والناس وتتقرب من ولدك بدل ماتحط بينك وبينه حواجز!!
بس مسكت حالها وسكتت لان الجو بينهم مقلوب اصلا...
صحيح هو اللي بدى بهوشته وشكه فيها وانفعاله بس يوم شافها عند البحر تبكي قلب مية وثمانين درجة وصار شخص لطيف معها ويدور بس رضاها....
بدلت ثيابها وغسلت وجت دخلت الفراش ومالقته قالت يمكن انه هنا ولاهنا وماشغلت بالها فيه...
تسندت على السرير وغمضت عيونها وبعد مضي اكثر من عشر دقايق سمعت حركة بالغرفة وفتحت عيونها وكان نواف دخل وقفل الباب...
شال شماغه وتقرب منها وعطاها كيس باسكن..
ناظرت فيه بدون ماتقول شي....
نواف /قلت يمكن ماتعشيتي زين وتذكرت اني اكلت حقك اللي بالفريز...ويمكن يكون خاطرك تاكلينه خل اقوم اخذ لك واحد قبل يسكرون...
ياسمين/...........
نواف تسند جنبها وفتح الاسكريم..وحط الملعقة فيه بياْكلها..
ياسمين بهدوء/نواف..
نواف برواق/هلا..
ياسمين/وش الطاري؟
نواف بتهرب/شنو؟
ياسمين/يعني ليش قاعد تدلعني؟
نواف بتهرب/ماادلعك من يقول؟
ياسمين ناظرته وهو مقرب منها الملعقة علشان تاكل..
وقالت بنرفزة/ماابي....تدري ليش لانك حتى اذا جيت تصحح غلطتك تخربها زيادة؟
جت بتقوم بس يده مسكتها بقوة وسحبها عنده..
ياسمين بعناد/اتركني...
نواف بهدوء وهو يناظر فيها/تدرين ليش تطلقنا؟
ناظرته بدون ماتقول شي وخففت من سحبتها لنفسها ورضخت لمسكته..
كمل كلامه وهو يناظرها/كانت تخوني.....
ياسمين بذهول/شنو؟
نواف/طبعا ماوصلت خيانتها الا للمكالمات بس!!!
كنت بالدوام ومكلم البيت اتطمن عليها وعلى خواتي من قبل لاتتزوج وضحى,,,,
وردت وانتهت مكالمتنا,,,
ماكان التلفون خاص فيني بروحي...
ورجعت مكتبي وجاني اللي معي بالمكتب قبل لااكون انا مديرهم ويكون لي مكتب خاص فيني...
والظاهر مفكر انه بيدق على بيته ودق على اعادة اخر رقم وردت هي..وهو كان مشيته مش ولابد وصار ياخذ ويعطي معها وهي متجاوبة معه بدون أي خجل ولاحيا وكان حاطه سبيكر علشان يسمعني انه بطل وانه بسرعة يشبك مع أي وحدة يكلمها...
كنت حاس اني بموت بمكاني منها ....
انتظرت كم يوم علشان ابريها ولاامسك عليها شي..
وظل كل يوم يكلمها وهي عطته رقم جوالها علشان تقدر تكلمه حتى اذا طلعت.....
واجهتها بالامر وانكرت بالبداية بس يوم سمعت التسجيلات اللي سجلتهم بينها وبينه حاولت تعتذر وتتاءسف بس ماعاد لها مكان بقلبي ..الحرمة اللي فكرت تكلم واحد يتحرش فيها بالتلفون واخذت وعطت معه ممكن يطلع منها أي شي..ومااستغرب حتى انها تطلع معه...تطلقنا وهي بعدها تبيني ارجعها وتقول انها نادمة...خلتني اكره كل البنات بظني ان البنات كلهم ممكن يكونون صورة سيئة مثلها...
من قبلها كنت كاره صورة الحريم من امي اللي بمجرد طلعت من العدة يوم ثاني تزوجت وتركتنا كلنا في بيت ابوي بدون حسيب ولارقيب...انا كنت اكبرهم وانا بثالث متوسط ووضحى بسادس ولؤلؤة برابع ابتدائي ...ماحسبت هذولا ممكن شيسوون ولاشنو بيعيشون..
صحيح عمي الله يخليه ماتركنا بس اني كرهتها وش اللي بيصير لو انك انتظرتي نكبر ولاحتى اقنعتي ها الزوج ان عيالك صغار وانك بتتركينهم معك لين يكبرون وبعدها يشوفون حياتهم؟
عرفتي ليه انا طلقت ريم وهل من المعقول بعد اللي سوته ممكن اردها ولالا؟
ياسمين بذهول/واحمد...
نواف وهو يتنهد/بعد ماطلقتها بكم يوم وصلني انها حامل وظلوا اهلها رايحين جاين علشان اردها...انكرت ان اللي ببطنها ولدي....هاذي صار ينخاف منها...
انتظروا لين ولدت وسوووا التحاليل اللازمة واتضح انه ولدي....
اول يوم كتبته باسمي وبس..مابعد شفته اربع سنوات لين يوم خطبتك وشرط عمي اني اجيبه معي...
ياسيمن/تكرهه علشان امه؟
نواف/.....
ياسمين/بس هو ماله شغل؟
نواف/هذا اللي صار...ماقدرت احبه وهي امه....
ياسمين بخوف/نواف....باليوم اللي المفروض كانت ملكتنا فيه ليه ماجيبت؟
نواف تنهد وقال/كانت ولادة احمد بذاك اليوم وضاقت فيني ارض الله ذاك اليوم وحسيت اني لو اخذتك بظلمك معي ماراح اكون فاضي لك وبتحسين انتي بالنقيصة ليش اني مابقعد معك ولااكلمك...اصلا انا ماكنت عايش بالدنيا ذيك الايام...كانت اصعب ايام علي...ماحولي احد...سر خبيته عندي ومحد عرف فيه ولاعنه ماكنت عارف شلون اتصرف ولا شسوي؟
////////////////////////////////////////////////////
نوف/هذا احنا صرنا في بيتنا فينا نحكي؟
تركي وهو يشيل شماغه/في شي؟
نوف /قبل كل شي ليه ماجيت معنا ومشيت قبلنا؟ليه خليتني ارجع معهم!!!انا صايرة ثقيلة معك ولا..
قاطعها بحزم وقال/كان عندي مشوار ضروري ولازم اقضيه...
نوف/..............
تركي/نامي..
نوف/بصراحة بصراحة ياتركي....انت تكرهني؟
تركي بتنهيدة/نامي يانوف...
تقربت منه وقالت بهمس/تركي...انا مااقبل اعيش ها الوضع ابدا....يوم انك حسيت نفسك غلطان اصريت اني اسمعك وسمعتك..وانا قلت شي ويوم جيت ابرره لك مارضيت تاخذ مني أي شي...قولي وين العدل فيها؟
تركي بتنهيدة وهو يناظرها/نوف..روحي ارتاحي؟
نوف بعناد/خل الليلة تكون الفصل بينا؟
تركي بقلق/شنو يعني الفصل؟
نوف بصرامة/يانكمل ....يانوقف؟
ناظرها بدون مايقول شي....
نوف/لايكون صدقت الكلمة اللي قلتها عن اخوك؟
تركي بانفعال/لاطبعا وواثق تماما انه لابينك ولابينه أي شي....
نوف/أي...بس ماتحس ان تصرفاتك ماتتناسب ابدا مع شعورك؟يعني انت مو مصدق وتصرفاتك تقول العكس؟
تركي بتعب/نوف...
نوف ببكي/لاني ماعندي احد قاعد تتعامل معي كذا!!لاني ماحولي احد ممكن ألجأ له غيرك قاعد تعيشني بها الجو الكريه؟
تركي بهدوء/نوف...
نوف ببكي وانفعال اكثر/أي هذا الواقع ياتركي....لو كان عندي احد ممكن ألجأ له ماكان وضعنا كذا وكل يوم بينا مشكلة ووجع راس واحنا تونا ببداية حياتنا!!!وين الحب اللي انت تتكلم عنه؟هذا هو؟ياليت ماتزوجنا وظليت تحبني بجنون مثل قبل ؟
مسكها من يدها وحضنها بقوة لصدره وقال بهمس/مجنونة اذا تفكرين اني مااحبك يانوف..
نوف ببكي/وشو تسمي اللي قاعد يصير بينا؟
تركي بهدوء/قاعد ارتب حياتنا بدون الناس اللي توجع لنا راسنا وتدخلنا بمشاكل وزعل ياقلبي؟
نوف/وش تقصد ياتركي؟
تركي/بتعرفين...
/////////////////////////////////////////////////////////
ظل جالس على ها الكرسي اكثر من ثلاث ساعات كاملة من سمع عن خبر ولادتها وانها جابت بنت...
جته مثل الصدمة من ها الكلمة...
بنت!!بنت!!!
وين احلامه بانه اللي جاي وليد!!!ليش ماجابت وليد؟
استنى ياخالد...هي صار لها فترة كل يوم تقولك انها بتجيب بنت واختار اسم للبنت اللي بتجي وان وليد بيجي بالمرة الثانية ..بس ليش انت مااخذتها بجدية ؟؟؟
ليش اعتبرت الموضوع مزحة وماصدقتها!!
انا ماابي بنت ياوضحى ابي وليد؟بنتك هاذي خليها لك انا مابنيت احلامي وطموحاتي على ان اللي جاية لي بنت مو وليد؟؟؟
قام من كرسيه وطلع لبرى المستشفى بدون مايتخذ أي اجراء او يسوي أي شي..
يوم وصل لباب السيارة وفتحه ..رفع راسه ودق قلبه...
وضحى....ياترى وش صار فيها وهل هي بخير ولا ......
سكر باب السيارة وخوفه على وضحى كان اكبر من أي شي قرر يتطمن عليها من الاستقبال اللي فوق ويطلع بدون مايقابلها علشان لايضطر يشوف ها البنت ولاحتى يبارك لها لانه مايبي الا وليد؟؟؟
دخل المستشفى وراح فوق عند قسم تنويم النساء والولادة ..
خالد/بغيت اسئل عن اسم وحدة ولدت قبل ثلاث ساعات تقريبا..
الممرضة/منو؟
خالد/وضحى.....وضحى عبدالرحمن
المرضة/لحظة شوي........الاسم مو موجود؟
خالد بانزعاج/شنو يعني مو موجود؟
الممرضة/يمكن انها ماصعدت غرفة هنا لسه....انت كنت تحت وقالوا لك انها صعدت؟
خالد بخوف/انا قالوا لي انها ولدت؟
الممرضة/ولدت أي...بس ماصعدت...يمكن انها لسه تعبانة ولا بغرفة الولادة ولا فيها شي؟
خالد بخوف/شنو....يعني ماولدت وخلاص؟
تنهد ومشى بخوف لتحت...

البارت المئه,,,


////////////////////////////////////////
**بسيارة فارس,,
نورة باعتراض/فارس مايصير كل الناس نامت حبيبي واحنا لسه بالسيارة.؟
فارس بعيارة وهو ماسك يدها/قوليها مرة ثانية؟
نورة بدلع/وش اللي اقولها؟خاف ربك صار لنا فوق الساعتين جالسين بالسيارة لو تمر دورية اللحين اكيد بيمسكونا وبيشكون فينا!!!
فارس/اذا بيخلونا نبات سوى خلهم يمسكونا؟
نورة/فارس انت ملاحظ ان احنا ماعندنا سالفة وبس كذا جالسين نتعير على بعض؟
فارس برواق/وانتي ليه شاغلة بالك يانوير خلنا نتعير وش ورانا؟
نورة بنرفزة/اسمي نورة؟
فارس ضحك وقال يستفزها/نوير..
نورة/مو رادة عليك...
فارس/لاتحاولين منتي معصبة مرة...
اول مرة شفتك تردين على سعد يوم يناديك بها الاسم كنتي مولعة وعجبتيني موت...
نورة/ياسلاااام...
فارس باعجاب/أي والله...
نورة/صدق متفرغ...واذا تبي السلامة على عمرك لاتعيدها ثاني لاني مااحب ها الاسم...
فارس/معناته اذا انتي رايقة مستقبلا وحبينا ننرفزك علطول نقول ها الاسم وتشبين فينا!!
نورة/مو رادة عليك..
فارس/ههه يكون ماعرفنا نقاط الضعف حقك للحين...
نورة/اترك يدي لو سمحت بنزل بيتنا!!
فارس/مو سامح وش بتسوين؟
نورة/بصارخ بقوة..
فارس/يعني بما ان احنا واقفين عند بيتكم مافي أي مشكلة لو صارختي لان امك وابوك يدرون انك معي وان احنا بالسيارة وشغالتكم مستحيل تقوم وراعي المشاكل سعيدان ماهو هنا؟
نورة/ياربي على ها الرجال اللي مايخاف...اتركني بنزل نعست..
فارس بجدية/نورة..
نورة/هلا..
فارس/بما ان فواز الحمدلله بخير وقادر يمشي وبكرة هم مسافرين ورى مانحدد عرسنا الشهر الجاي؟
/////////////////////////////////////////
ناظرت بالارض فترة طويلة,,,كل استفساراتها اللي كانت شاغلتها شافت اجوبتها منه بلحظات,,,
طيب وبعدين ياياسمين...وش راح يصير؟؟
بعد ها الاعترافات من نواف وش راح يصير بينكم!!!وش راح يكون موقفكم من بعض؟؟وليه هو اعترف اصلا!!!
رفعت راسها ولقته يناظر فيها بهدوء وبعيونه كلام كثير بس قال بهدوء/مو مصدقتني!!
ياسمين بدفاع/انا ماقلت شي؟
نواف/اشوفك سكتي وماعلقتي بشي ابدا!!
ياسمين/شتبيني اقول؟
نواف/أي تعقيب...
ياسمين/احمد...
نواف باستغراب/احمد؟؟؟وش له بالاحداث يعني!!
ياسمين/مدري...بس اذا ظل وضعك معه كذا بتخسره وبيضيع منك للابد يانواف...
احمد واقع...احمد شايل اسمك ومسؤل منك....ماهو ماديا بس..لا...انت مابينك وبينه أي كلمة غير السلام وصراخه عليك وخوفه منك وبس!!!
تنهد وماقال شي....
ياسمين/نواف لاتعتبره تدخل مني بحياتكم انت وولدك..انا فعلا مالي شغل بس انا ابي له الزين..
انا عشت وانا محرومة من ابوي صحيح بس كانوا حواليني كثير عوضوني غيابه...
بس احمد معك ماهو محروم منك وماحوله احد يعوضه..واذا ظل مع مشعل وسعد راح فيها؟
مسك يدها بدون مايناظرها وقال/ياسمين انتي تحبينه!!
ياسمين بصدق/مافي شي يخليني اكرهه؟
نواف بثبات وعيونه بعيونها/بس هو ولدي وانتي تكرهيني فيعني اكيد بتكرهينه؟
تنهدت وناظرته بنظرات تمنى انها تتشجع اكثر وتنطق اللي فيهم وتترجمهم لكلام منطوق بس انها سكتت...
نواف شد على يدها اكثر وقال بتشجيع/صح ولاانا غلطان!!
ياسمين بتحدي/انت تكرهني!!
انقلب السحر على الساحر وهو اللي ظل محتار وماهو عارف شيجاوبها فيه وكانه بلجنة امتحان صعب...
الاجابة كانت جاهزة على طرف لسانه..اي احبك...بس كبرياء نواف يظل كبرياء نواف ومايتغير ولابيتغير حتى رغم اعترافاته لها,,ظل ساكت وهي ظلت ساكتة,,,,
وكل واحد فيهم معتبر انه الطرف الثاني هو اللي لازم يبتدي بالتصريح عن مشاعره ومن كثر عنادهم ومكابرهم ابتسموا لبعض بدون مايقولون شي؟
/////////////////////////////////////////////////
كانت يده تلعب بشعرها وهي بحضنه,,
تركي بهمس/قولي شي ليه ساكتة؟
نوف غمضت عيونها وقالت بهمس/ماابي اقول شي..
تركي/ليه!!!
نوف/ شايف وش صاير بحياتنا كل يوم سالفة وزعلانين من بعض ومدري شنو؟
تركي بحب/اوعدك ان احنا نكون احلى اثنين وش تبين بعد؟؟
نوف بدلع وهي تضحك/حدد وين احلى اثنين بالضبط؟ بالشرقية ولاالسعودية ولاالعالم!!!
نزل راسه لمستواها وصاروا قبال بعض وقال لها بحب كبير وهو يهمس/بقلب تركي...
نوف بحب وهمس/وماراح اكون الا انا فيه؟
تركي بهمس/مستحيل تسكنه غيرك؟
نوف/توعدني؟
تركي ظل يناظرها بحب بدون مايقول أي شي...
نوف بتكرار/سئلتك ياتركي...توعدني مايكون في قلبك الا انا!!
تركي /لامااوعدك؟
جت بتقوم كااعتراض على كلامه ومسك راسها بيدينه وبعدهم لازقين ببعض..
تركي/على هونك وين بتقومين...
نوف باعتراض/تقول ماراح اكون بقلبك لحالي!!
تركي/أي طبعا بيشيل قلبي غيرك...بيشيل عبدالرحمن ومحمد ولاتبين عيالي منو يحبهم ان شاءالله؟
نوف/اذا بتحب حصة مو مشكلة بس عبدالرحمن ولامحمد لا..
تركي/أي حصة؟
نوف بضحكة/حصة بنتنا....
تركي/ومنو قرر يسميها حصة ان شاءالله؟
نوف/انا!!
تركي/ليه؟
نوف/على اسم عمتها وين المشكلة؟
تركي/المشكلة ان ابوها ماعنده خبر فما هو موافق!!
نوف/أي اذا وصلت يصير خير اذا اعترضت؟
///////////////////////////////////////////////////////
في المستشفى,,
خالد بخوف/شنو يعني انا ..
الدكتورة/وضع طبيعي ومايخوف..
ارتفع الضغط عندها وهي تحت الملاحظة...
خالد/ومتى بتودوها غرفتها؟
الدكتورة/بس يستقر وضعها؟
خالد/وكل شي تمام بس الضغط اللي مرتفع انتي متاْكدة؟
الدكتورة/فيك تدخل تشوفها اذا بدك؟
خالد مارد عليها ودخل على الغرفة اللي اشرت عليها..
وكانت وضحى نايمة والتعب مبين عليها...
جلس وقت طويل بدون مايقول أي شي وبعدها قام وطلع يكمل الاجراءات اللي تركهم وكان ناوي يطلع عنهم,,,,
/////////////////////////////////////////////////////////
شربت المويه اللي كانت متحججة فيهم انها نازلة تشربهم!!
فواز بهمس من وراها/شربتي المويه وبعد!!
مشاعل لفت له وقالت باعتراض/ماابي انام في الغرفة؟
فواز/ليه؟
مشاعل/ماابي كرهت ها الغرفة وماابي حتى ادخلها؟
فواز تنهد بتعب وقال/طب وين بتنامين؟
مشاعل/انت روح نام وراك حارق دمك عليّ انا بدبر اموري....
فواز/مشاعل...مسويتني بزر وراك ادور من مكان لمكان...يالله عاد استقري ماصارت ..وراك بكرة سفر وتعب الرحلة طويلة وابيك ترتاحين هنا علشان لاتتعبين بكرة؟
مشاعل/انت قلت بتتركني بروحي؟
تقرب منها وحضنها بيده وقال بهمس /هناك بتركك بروحك..هني لامو تاركك بروحك؟
مشاعل/وش الفرق؟
فواز/الفرق ان عطرك الليلة حلو وابي انام جنبك علشان اظل اشمه طول الليل؟
مشاعل بسرعة/خلاص بروح احط غيره علشان لات..
رد بسرعة وهو يضحك/أي هاذي مشاعل الشريرة اللي اعرفها....
استحت وناظرت بالارض ومشاها معه وطلعوا الغرفة,,,, ,,,,,
///////////////////////////////////////////////////////
ام تركي/عبدالله
لف لها وظل ساكت,,,
ام تركي بحنان/شفيك يمه...
عبدالله بتنهيدة/ولاشي...
ام تركي/متضايق علشانها...
عبدالله بتنهيدة تعب/متضايق على قلبي اللي حبها ومو راضي يصدق فيها..
ام تركي/ادري يمه انك انصدمت بس صدقني انتوا مو مناسبين لبعض...وكذا اريح لبالك يمه....
عبدالله/عارف يمه عارف...اساسا محد جبرني اطلقها منكم وانا طلقتها بارادتي....
ام تركي/طيب ليه مكدر خاطرك..
عبدالله/يمه لاتحاتين هي فترة وبتعدي ان شاءالله...تنهد وكمل وبشيلها وبشيل كل ذكرياتها من بالي وببتدي حياة صافية عنها..
ام تركي/أي هذا عين العقل يمه... شفت يوم تجي تتبلى عليك؟؟هذا وانت تحبها وهي المفروض تكون تحبك؟بس شنقول يمه...الله يعطيك على قد نيتك ويريح بالك ويسعدك ان شاءالله....
عبدالله/أي يمه كثري منها...
ام تركي/كلمك اخوك تركي..
عبدالله/أي..
ام تركي/طب انت وشرايك...
عبدالله/مدري..
ام تركي/انا معه يمه...سافر لك اسبوع ولااسبوعين غير فيهم جو وانسى كل شي وارجع وانت فاتح صفحة جديدة...
عبدالله/يصير خير ان شاءالله....
/////////////////////////////////////////////////////
صباح اليوم الثاني,,,,
مشعل/احلى شي بالدنيا ان بكرة العيد
احمد/علشان نجيب فلوس كثير..
نواف/أي هذا اللي هامكم بس تجميع الفلوس...
سعد/بالله اذا ما الواحد جمع فلوس وش له عايش من الاساس؟
مشعل/انا معك اصلا الدنيا بغير فلوس مالها معنى؟
نواف/ماشاءالله هذا وانتوا بعدكم بمتوسط شلون تكبرون شويتين بعد وتصيرون تشتغلون؟
مشعل/انا وظيفة باقل من عشرين الف ريال مو متوظف؟
سعد/وانا كذلك..ومن شروطها اني اداوم على كيفي باي وقت واكون مدير ولي تذاكر اسافر أي مكان و..
نواف/اقول احمد يابابا روح شوف ياسمين ليه طولت ...
احمد/ليه بابا وين بنروح؟
نواف/وين تتوقع بنروح؟
احمد/مدري..
نواف/بنروح لعمة وضحى نزورها؟
مشعل وسعد بصوت واحد/ولدت؟
نواف بفرح/أي..البارح جابت بنت..
مشعل بحسرة/خسارة..
سعد بحسرة اكبر/راحت علينا نروح معهم المستشفى؟
نواف بذهول/تروحون شتسوون ان شا ءالله؟
مشعل/نلعب باعصاب خالد علشان يعطينا ...كل شوي ونقوله بس تولد عليك عشى..وبس تولد عليك خمس مية وبس تولد تودينا وتجيبنا وتعطينا...وهو بيكون خايف ورايح فيها من الخوف فعلطول بيوافق على كل طلباتنا؟
سعد/اقول نواف متى بتحمل ياسمين؟
نواف/علشان تنظمون اموركم من اللحين للنصب والاستغلال؟
/////////////////////////////////////////////////////
فواز/نروح المستشفى اول ولابيتكم اول قبل المطار؟
مشاعل/وليه المستشفى بعد!!ماخبري اذا لك موعد تاخذني معك؟
فواز/بنروح لخالد ومرته؟
مشاعل فزت/لاتقول وضحى ولدت؟
فواز/بلى....
مشاعل/وكيف انت تدري وانا اللي خالد خالي ماادري؟
فواز/اسم الله علي...مو حضرتك كنتي تتحممين يوم يتصل خالد فيك ومارديتي عليه فااتصل فيني وبلغني وانا قلت له اني ببلغك....
مشاعل/وش ها الحظ...بسافر ووضحى ولدت وبكرة العيد؟
فواز بهمس/لاتخافين مابتروح عليك العيدية؟
مشاعل بحلطمة/شلون مابتروح؟هناك انا وانت بس!!هني كلهم بينسون اني موجودة..الواحد قدامهم وهم يسوون مايشوفونه كيف بعد يسافر يخسر؟
فواز/يبى والله بعطيك ضعف المبلغ اللي انتي تاخذينه كل سنة؟
مشاعل بخبث/أي بس انا كل سنة مبلغي يكبر اكبر من السنة اللي قبل..
ابتسم فواز لانها بدت تروق شوي وتاخذ وتعطي معه...
مشاعل بجدية/فواز...
فواز/هلا..
مشاعل/وين بنسافر؟
فواز/بتشوفين لارحنا المطار...
يالله لانتاْخر ولاواحد من المشاوير مابتشوفينهم...
/////////////////////////////////////////////
في المستشفى...
دخل بعد تردد كبير من انه يشوف البنت معها بس قلبه كان عليها وكان لازم يشوفها ويتطمن انها بخير,,,,
يوم سمعت صوت خطواته دق قلبها ولفت له بهدوء والتعب باين عليها..
تقرب منها وباسها على جبينها...
خالد بهمس/الحمدلله على سلامتك..
وضحى بتعب/الله يسلمك..
خالد/شلونك الحين..
وضحى/الحمدلله..كل اللي يجي من رب العالمين خير,,,
خالد/ماعليك باس ان شاءالله....
ظل الصمت ثالثهم بعد ها الكلمة لفترة دامت اكثر من ربع ساعة...
وضحى بخوف/شفتها؟
خالد بلا مبالاة/كان الاهم عندي اني اتطمن عليك انتي..
وضحى بتعب/انت ماتبي تشوفها صح؟
خالد بنرفزة/وضحى وش له ها الكلام عاد؟
وضحى تنهدت وماقالت شي....
خالد/اجيب لك شي تاكلينه..
وضحى بدون نفس/لا....
خالد/مايصير انتي تعبانة والدكتورة تقول لازم تاكلين علشان تطيبين....
وضحى/كلمت نواف ياخالد..
خالد/كلمتهم كلهم وكلهم يسلمون عليك...
وضحى/هي بخير..
خالد/........
وضحى/ابي اشوفها ياخالد انا ماشفتها...