لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 11-04-11, 06:43 AM   المشاركة رقم: 31
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,170
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

كاتب الموضوع : غموض المنتدى : القصص المكتمله
افتراضي

 

.___ الجزء السابع عشـر ___..



طلع من غرفته ونزل الصاله وهو متوتر ع الاخر .. معقوله ولا حد بالبيــت

الا باب الصاله ينفتح ويدخل مشعل اللي كان مبهدل عــدل ..

شعره معفوس وازرت ثوبه مفتوحه ...

دخل سيده ولا كأنه شاف خالد وكان ناوي يروح فوق بس خالد مسكه من يده

خالد : شســالفــه ..؟!! .. محد بالبيــت ..؟!!

مشعل نفض يده من خالد وراح فوق غرفته ..

خالد : هــاااا ..!!؟؟

لحقه خالد لحد غرفته لقااه ماخذ جوالــه .. وفتح الكبت بكل قوته وطلع له كم ثياب وحطهم بشنطه الصغيره..

خالد بتوتر : مشيعل شصــاير فهمنــي ....

مشعل: قعده في هالبيت ماني قاعد .....

خالد بصدمه : ليــــــــــــش ..؟!!!

مشعــل وهو يفتح الدرج ويطلع اغراضه المهمه ويحطهم بالشنطه : بيت فيه سلووووم ... ماأقعد فيــه

خالد بتسأل : وشدخــــــــــــــل سالم اللحيــن ..؟!!! ماتفهمنــي

مشعل بغضب : مو لازم تفهم ... واللحيــن فكني واللي يرحم والديك ... مالي خلق نسمه الهوى

خالد : شنو أفكك ..؟!! أمي وسالم وجسووم ويــن ؟

مشعــل : تلاقيهم عند اللي مايتسمى بالمستشفــى

خالد وكأنه حد معطيه سطاااار : شنــــو ؟ المستشفــى ..؟!! من اللي بالمستشفــى ؟؟

مشعل وهو يشيل الشنطه : ريل أمــك .. سلوووم ..

خالد بذهووول وصدمه : لــيش ..؟!!

مشعــل وهو يوقف جدام خالد بشموخه وغروره : أنــا دخلته المستشفى على يدي .. ولو أشوف رقعت ويهــا لـ أخليه يشيلونه من البيت ع المقبره ..

خالد عقد حواجبه يحاول يفهم شسالفه قـال : لا تقــول ...أنــك

قاطعه مشعل اللي مقرب ويها من خالد ومعطيه نظره تحدي : اي ضربته ... كفرت فيــه ... علشــان يعرف انه أشكاله ماتمد يدهــا عــلي ....

قاطعه خالد بدفعه قويه خلته يطيح ع الارض وصرخ قايل : أنت شسويييــــــــــــــــت ...

مشعل اللي طاح بصوب وشنطته بصوب قال وهو يوقف بغضب : سويت اللي يربيــه .. هاللي مو متربي

خالد عطااه بكس خلاااااه ينسى الكلام وطااح فيه طق بعد ماطاح مشعل على الارض مره ثانيــه وهو يقول : يالحقيـــــــــــــــــــــــــر ...

أنت اللي مو متربي .....

مشعل كان يحاول يبعد خالد عنه بس مو قادر ...

خالد وهو يمسك مشعل من ثوبه ويرفعه يقربه منه : تـــــــــــدري لولاه كـــان أنت بـ أعدااااااااااااااااد الموتــى ..

مشعل وهو يدز خالد عنه : شقاعد تقول أنــــت ...

خالد وهو يوقف : تبرع لك بدمــــه يالغبــي ... فدااااااااااااااااااااااااك بدمه .. وانت تروح تضربه يالحقيـر

مشعل يحاول ينفي هالكلام : اللي تبرع لي بالدم جاسم .. مو سالم ... وسلووم بنفسه قايل لي هالكلام

خالد : يكوووووووون بعلمك جسووم أخر واااحد درى بالموضوع .. ولو ناطرينه لين يتبرع لك .. كان أفتكينــا من همومك .. وأخلاقك الزفت

مشعل وهو يوقف : خلووووووووود أحترم نفسك ..

خالد قاطعه : علم روحك شلون تحترم الغير علشــان النــاس تحترمك ... يــاأخي أستح ريال كبير كبر ابوووك .. تضربه ..

طالعه خالد بنظره احتقــار من فوق لتحت وطلــع من البيــت على المستشفــى



اول ماوصل المستشفى وسأل عن سالم وعرف مكانه راح سيده للمكـان اللي فيه سالم

الا وهو العنايه المركزه ..

لقى امه وجاسم وبو حمد ..

راح لهم وقال : ويـــنــه ..؟! عمي وينــه ..

ام جاسم رفعت ويهــا عليه بعد ماسكرت كتابه القرآن وعيونها مليــانه دموع ..

وبو حمد وجاسم طالعوا خالد مستغربين من طريقه دخوله عليهم ..

جاسم : داااخل بالغرفه ..

خالد : يصير أشوفه ....

بو حمد : اي يبه يصير .. بس لا تطول عنده .. حالته ماتسمح



دخل خالد عليــه وانصدمت اكثر لما شاف سالم متمدد على ذاااك السرير الابيــض ...

في هالغرفه الشبه ظلمه ..وصوت الاجهزه المزعج مسيطر ع الجو ..

والتنفس الاصطناعي اللي حاطينه له .. هذا غير الوايرات اللي تارسه صدره ..



قرب صوبه ومسك يده .. كانت اول مره يمسك خالد فيها يد سالم بهلـ حنــان ..

وكأنه مايبي يفقده ..

خالد همس له : عمــي ..!! عمي ...

سالم ماكــان يرد عليــه

خالد وهو يضغط على يده بس مو بقوى : عمــي .. سامحنــي .. مادريت الا اللحيــن .. بس لا تحاتي اخذت لك حقك من مشعلووه ..

سالم كان يرد عليه بالصمت ..!!!

خالد قعد يتأمله ملامحه ...



تعور القلب .. وتليــن أقسى قلب ..

معقوله مشعل قدر يضرب هالانســان .. شلون طاوعه قلبــه ..

دقايق مرت وخالد يتامل سالم ...جاته غصه .. دموعه على وشك الانهمــار

لكنه تدارك الوضع ومسحهم .. مايبي حد يشوفه يصيح ويزيدهم ..



ترك يد سالم بنفس الحنــان اللي مسكهـا فيهـا

وتأكد انه خدوده ناشفه تماما من أي دمعه .. وطلع لخاله وامه واخوه ..!!

خالد بصوت فيه غصه يحاول يخفيهـا : ليــش ماقلتولي ..؟!!

جــاسم : وأحنــا شفنــاك علشــان نقولك ..

خالد : ع الاقل أتصلتوا لي ..

قاطعه بو حمد : أتصلنـالك .. مارديت واخوك طرش لك مسج .. جيك على جهاز وبتعرف انه احنا كنا بنقولك

خالد بقهــر : المشكله عرفت من هالحيوان مشعــل ...

بو حمد وقف وقال : وين شفتــه ..

خالد : بالبيــت جاي ياخذ ثيابه مايبي يقعد بالبيــت الله لا يبــه ... يجيني شور ارجع له وادفنه بالبيــت أبرد خاطري بس ...

بو حمد اللي كان ينطر هالفرصه من يوميــن وده يدوووس ببطن هالمشعل قال : اقعد مع امك واخوك .. خلني انا اربيه ....



طلع من المستشفــى على بيت ام جاسم



وأول ماوصل لقى مشعل قاعد على الدري اللي جدام باب الصاله وحاط يده على راسه يحاول يخفي ملامحه بهلـ طريقه

بو حمد شافه ثاااار غضبه راح صوبه ومسكه من ثوبه ومشعل ماقاوم ..

وضربه ضـــــرب سنه بيوم ..

ومشعــل ماقــاااااوم كلــش ... بالعكــس دموعــه نزلــت .. ومع كل ضربه تزيـــــــــد ..

مو من الالــم ... لا ... بــل من النـــدم



لما طفت شوي نيــران الغضب اللي أشتعلت بخفوووق محمد

ومشعــل ماتلقى اي ضربه بعــد صرخ قــايل : لــــــــــــــــــــــــــيـــش ... لــيش ماقلتوا لي ...

بو حمد بغضب : لانك مورااااااااااضــي تسمع حــد .. يامــا قلنــالك هالريـــال أطيب منه ماافيــه ماكنت تسمع .. تجرحه بكلامك اللي مثل السم ..

وهالمره تضربــه ... هذي تربيتي لك يامشيــعـــل

مشعل رفع روحه بصعوبه من كثر الطق اللي جاله من خالد وخاله وقال : واللـــه مــاكـــنت أدري ..

قاطعه بو حمد : تدري بشنو ..؟!! أنت ماتحس أنت ؟؟ ماعندك قلب ؟؟ تكلم رد .. دافع عن نفسك .. وله ماتعرف تتفاهم الا بالضــرب ...

مشعل اللي كان يبكي بمرااااره مانطق بولا حرف ....

بو حمد كمل كلامه وقال : انا أبوك الله يرحمه وصاني أني ماأتكلم .. بس أنت مصختهــا وراح أقول .. علشان تحس شوي وتعرف انه هالريال اللي بغيت تذبحه سوى اللي مايتسوى عشــانك ..

مشعل ماكان يجيب

بو حمد : هالريــال اللي ضربــته .... كان بيدفع حيــاته علشــانك .. تذكر يومك صغيــر .. مو بغيت تروح فيها بحادث سيــاره ..

من اللي حمــاك وأندعم بدالك ؟؟ مو ســالم ... من اللي ترقد بالمستشفى أسبوع وكسر بريله ... ؟؟ مو ســالم ..!!

من اللي سدد كل ديووون أبوك بعد وفاته وبنى لكم هالبيــت وسجله بأسمكم .. انتوا وأمك .. مو ســالم ..؟!!

من اللي تبرع لك بدمه يومك بحــاجه ضروريه لدم .. وله كان رحت فيهــا مو ســالم ...

من اللي كان واقف معاكم على حياة ابوك بالحلوه والمره .. مو ســـالم ...

من اللي كان يرفض وبقوه انه أبوك يهاوشك وله حتى يضربك ... حتى لو كنت غلطان .. مو ســالم

تبي أكمل ولــه خلاص ..!!؟؟

مشعــل بغصه وصوته الباكي : وااااااااللــه العظيم ماكنت أدري .. واللــه .... أنــا أعتقد انه كــان طمعان فينــا من جذي مستحملنــا ...

بو حمد : بشنو يطمع ماتقول لي ؟؟ بشنو يطمع ... هالخير اللي عايشين انتوا منه كله حلال سالم .. مو أبوك

مشعــل : ألا أبــوي .. هذا حلال ابوي

بو حمد : حلال أبوك أبوك من وينه له حلال علشان يطمع فيه سالم ..؟ ماتقولي ..؟ صج انك منت كفو حشيمه ..

مشعل : نـــــدمت واللـه العظيم ندمت ...

بو حمد : بعد شنو ... بعد ماسدحت الريال بالطواااري .. الله العالم اذا بيعيش وله لا ...



مرت ثــلاث أيـــام على هالســالفــه ..

ومشعـــل متحسف على كل كلمه قالها جرح فيها سالم

ومتمنى لو انه يدى انكسرت قبل لا يمدها على سالم ..

وكل يوم يكون عنده بالمستشفــى ...



وثالث يوم .. فتح عينه سالم .. بس صحته لين اللحيــن مو منتضمه ..

مايسمحله بالكلام واايد علشــان صحته ..

كانوا الكل عنده يبون يتطمونون على صحته



ومشعل كان توه دااااش غرفه سالم وعينه بالارض ماله وي يشوف سالم

بس لازم يعتذر منــه ..

اول مادخل الغرفه كل العيون تركزت عليــه

وسالم طالعه بعينه بدون مايتحرك ... قلبه انقبض لما شافه .. ماوده يشوف مشعل

بعد ماضربــه ..



قرب صوبه مشعل ومسك يده وباسها وهو يقول : ســامحنــي ياعمــي .. أنــا أسف ( نزلت دمعه على يد سالم ) واللــــه أسف ياعمي يعلني ماعشت لهلـ يوم اللي امد يدي فيهــا ..

سالم مارد عليــه أكتفى بأنه ينظر له بس

مشعل كمل أعتذاره : عمــي واللـه أسف.. أنا أدري الغلط راكبني من راسي لـ ساسي .. بس واللــه واللــه راح أتغيــر ... ماراح أكون مشعل اللي تعرفــه راح أرجع مشعــل اللي أنت تحبــه .. ( صوته بلـ يالله بين من الدموع والخنقه ) ويحبــــك

سالم سحب يده من مشعل ..

مشعل تم على نفس الوضعيــه ماتحرك وهو منصدم انه سالم سحب يده منه .. يعني مو راضي عليــه

بس المفاجأه انه يد سالم جات على راس مشعل برفق وحنــان وقال بصعوبه : لا تصيــح يامشــ ـ ـ عـــ ـ ـ ل ماأحب أشوف دموعـ ـ ـ ـ ـك يبـه

مشعل غمض عيونه بندم فضيــع يقطع أحشــاءه

* يااااااااااااااا لله .. شكثر كنت قااااااااااسي على هالريــال .. شكثر كنت اجرحه وأغلط عليــه .. لهدرجه ماكنت اشوف هالطيبه .. لهدرجه كنت عمي ماأشوف ... *

سالم ببتسامه : مشعل يبه .. أقعد أبي أكلمك .. بقولك شغل ..

الا بو حمد يقول : استريح ياسالم مب زين لك الكلام

سالم لف صوب بو حمد وقال : تكفى يامحمد .. ماأقدر اكتم بقلبي أكثر مرده بيعرف .. وداام كلهم هني .. خلهم يدرون

جاسم وخالد طالعوا سالم بأصغــاء ومشعل سحب له كرسي وقعد قريب من سالم

قال سالم بعد ماكح بصعوبه : سمعوا .. أدري انكم بالبدايه كرهتوني لسبب واحد ... وهو اني أخذت أمكم بعد عدتهــا على طوول

جاسم قاطعه : ياعمــي احنــا

قاطعه سالم : خلني يبه أكمل ..

جاسم سكت ..

سالم : زواااجي من أمكم خلاكم تعتقدون .. أني السبب بوفاة أبوكم .. وخاصه اني كنت على خلاف مع مبارك الله يرحمه قبل الحادث بيوم ..



( قال لهم السالفه كلهــا .. بس أنتوا راح تعيشونهــا لحظه بلحظه .. )



رن تلفون ولقى المتصل ( صديق عمره )

مبارك بتنرفز : خير شبغيــت ؟!!

سالم : بروووك ... شووف أدري انك زعلان وواااصل حدك منــي بس أنا متصل أ ... أتأسف .. ماكــان قصدي واللــه هم اللي قالو لي بيسون خوش مقلب وشاركتهم ..

مبارك : بس ياسلووم المقالب مو جذي ... بغيت أطلق المره امس .. كله منكم ومن مقالبكم ..

سالم : شدعوه مو لهدرجه ...

مبارك بتنرفز : لو أنك سامع صوت ابراهيم بالتلفون جان قلت حرررررررمــه مو ريــال

سالم ماات ضحك : هههههههههههههههههههههه

مبارك : أي اضحك شعليك مو أنت اللي ولع البيت عندك أمس ..

سالم : المهم ماعلينــا .. أنا متصل أتأسف ... وأعزمك على مطعم ..

مبارك : اذا ابراهيمووه معاك ماني ياي

سالم :هههههه لا لا تحاتي مو معاي ..هالـ طلعه انا وانت وبس شرايك

مبارك : والله أنك عارف شلون تراضيني ... هههه زين زيــن أمر عليك وله تمر علي ؟

سالم : أفاا بس افااا انت تسوق وانا موجود .. ماتصير ذي ..

مبارك : ههه أنطرك

سالم : دقايق واكون عندك ..



ودقايق ألا سالم عند باب بيت بو جاسم ( مبارك )

نزل وطق الجرس الا مشعل فاتح البــاب وكان صغير حزتها

مشعل بفرحه : عمي سالم ..

سالم : هلا واللـه مشعل شلونك ؟

مشعل : بخير شلونك انت عمي

سالم : تمام ( يغمز له ) شرايك بـ دسكات السوني فله مو ..

مشعل : أتينن ..

سالم : جهزهــا لي ..بطلع مع أبوك شوي وراجع لك .. أوكي مو تنام

مشعل : لا بنطرك ..



الا مبارك جااي ..

سلموا على بعض وطلعــوا ..

وطول طريجهــم ضحك وسوالف وغشمره .. وصار اللي ماكانوا متوقعيــن

ماقدر سالم يسيطر على السيــاره بسبب السرعه القويــه ..

وأنتهت السياره وأحترقت بينما سالم ومبارك طلعوا من السياره من قوة الضربه

ترقدوا الاثنيــن بالمستشفــى كل واحد منهم فيه رضوووض ..

تعــافى سالم قبل مبــارك بشهــر .. بس بعد ماكان يترك رفيج عمره .. كان كله عنده متنقع ..



وفي يوم مبــارك

كان حاس انه يومه قريب قال لســالم اللي كان توه بشبابه طبعا منسدح على الكرسي ويطالع التلفزيــون يحاول يونس مبــارك

مبــارك بتعب : سالم تكفـى .. لا صار فيني شي .. أهلي أمــانه برقبتك ..( يكح بصوت عااالي ) وهيــا .. هيــا تكفى ياسالم .. من بعدي أنت ريلهــا

سالم قام من كرسيه معترض على كلامه وقال : لا تقول جذي .. مرتك لك .. وعيالك بعد لك .. وبتعيش لهم .. وأن شالله بتحضر عرسي بعد..

مبــارك : سالم ... هيــا توهــا صغيره مابيها تترمل وهي بعز شبابهــا .. أبيك تعوضهــا عني .. أبيها تنساني ياسالم .. طلبتك ..

سالم خاف على رفيجه : بروووك .. لا تقول هالكلام ..

مبارك : سالم .. عيالي يحبونك .. وماأبي يجيهم ريل أمه يبهدلهم .. عيالي معااك ضامن سعادتهم ....

سالم عصب من اسلوب مبارك :مبــارك الله يهداك بس ... مافيك الا كل عافيــه لا تدلع عارف حركاتك

مبــارك زاااد بكح وبطريقه خطره عليه

طلع سالم ينادي الدكاتره اللي جو لــه وحاولوا يهدونه ..

وألتقى بهيــا ( أم جاسم اللي كانت جايه تطمن على ريلها مثل كل يوم أخترعت لما شافت سالم مختبص ودخلت لقت ريلها يلفظ انفاسه الاخيره )

وسالم ماسك يد مبــارك .. وهيا تمسح على راسه وهي تيح من الخااااطر



مبــارك وهو يضغط على يد سالم : ســــــالم أهلـــي أمــــانـــه برقبتـــك .. أمـــــانــه

سالم يخفي دموعه بصراخ : مبــارك شقلنــا أحنــا ..

مبــارك يأس من سالم لف على هيــا اللي ميته صيــاح على حبيبهــا : حياتــي ... من بعــدي .. لا ترفضيــن سالم لا تقدم لـــج .. تكفيــن هذي وصيتي

سالم صرخ من كل قلبه بقهر : مبــــــــــارك .. خلاص عــاد ..

هيا حاولت تحظن مبارك لكن الدكــاتره مو معطينها فرصه لدرجه انهم أبعدوهــا عنه

اما سالم اللي للحيــن ماسك يد مبــارك

قال له مبــــارك : لو لي معزه عنــدك .. لا تتخلى عن أهلــي .. أنت ريل هيــا وأبوي عيــالي من بعدي .. طلبتـــ ـ ـ ـ ـ ـ ـ ـك



كانت هذي أخر كلمــات مبــارك







..___ نهايه الجزء السابع عشر ___..

 
 

 

عرض البوم صور غموض   رد مع اقتباس
قديم 11-04-11, 06:47 AM   المشاركة رقم: 32
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,170
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

كاتب الموضوع : غموض المنتدى : القصص المكتمله
افتراضي

 

.___ الجزء الثامن عشر ___..


وبعـد ماأنكشفت كل الاوراق .. وكل واحد عرف الســالفــه ..

صفت القلــوب تمــامــا تجــاه ســالم ..وبالاخص قــلــب مشعــل

اللي مافــارق ســالم من بعد هاليــوم .. طول وقته عنده ..

وان راح عنه .. ساعه ساعتيــن 3 بالكثيــر ويرجع لــه .. يحــاول أنــه يتغيــر للأحسن مـع ســالم ..

اللي صحته كل يوم تتحســن ...



.. كلهــا 3 أيــام ورجع ســالم البيــت متعــافي لكنه مايقدر يمشي بدون عكــاز لمده أسبوع ..



عــدت هالايــام بســرعه ...

وجــا اليــوم المنتظــر .. اليــوم اللي بيجتمع فيه يوسف مع حبه الاول والاخيــر

واللي راح تحقق أنتقــامهــا فيه أمــل من خــالد أكثر وأكثــر .. وتجتمع بيوسف اللي تحبــه ..

واليــوم اللي بينمحي فيه أخر أمــل لخــالد انــه حبيبته وبنت خاله .... ممكــن بيوم تكون لــه ...



هاليــوم كــان سعيــد لنــاس كثــار .. بس حزيــن لشخص واحد وأنتوا عارفيــنه ..



....



الصبــح الســاعه 6 .. كانت أمل قايمه اول وحده مو قــادره تنــام ..

خلاص اليــوم أخر يوم لهــا في هالبيــت ..

مستــانســه .. وزعلانه بنفس الوقت ..

مستانسه لانها بتجتمع بيوسف .. وبتنتقم من اللي حطموا قلب أختهــا وبالاخص خالد

وزعلانه لانها بتفــارقهم .. بتفارق كل اللي حبوهــا ..



وفـ البيــت اللي جنبهم .. خالد كان منسدح على سريره وعينه معانقه السقف ..

مــانــام ولا جاله النوم .. سهرااان لحد ماطلعت الشمس ..

خلااااص .. أمل ماراح تكــون لــه ولا راح تكون من نصيبــه ..

قلبه يعتصر من القهــر .. وحب أمل رغم كل اللي سوته .. كل ماله ويزيد ..

مشكلته مايقدر يمنع روحه من حبها .. مايقدر يكرهــا ..

ولا يقدر حتى ينســاهــا ..

ليــش كل هالكره فجــأه جاله منهــا شسوى هو علشــان كل هذا ..؟!!

ماضرهــا ولا أذاهــا بشي ... ليش تستلذ بتعذيبــه ..



بس .. هذي الدنيــا



لو كل واحد حب نصيبه .. مــاكـــان أنجرح قلب .. ولا بكت عيوون من الـحـب وعذابــه



تذكر أخر مره كلمهــا وجها لوجه ..

وشلون كانت تستفزه بفرحه .. وتستلذ بغضبه اللي يخفيــه



غمض عيونه بقهر وقال ( تبي تخطب لي ..!! لهدرجه هنت عليهــا .. لهدرجه كارهتني .... تدري اني أحبهــا وترفضني علشان واحد غريب ..

ليــش كل هذا ... ليش ..؟؟؟؟؟ )



مــر الــوقــت ويات الســاعه 11 الظهــر ..

وأم حمد متفقه مع أم جاسم وأم ريم انهم يجتمعون كلهم في هاليــوم ..

وبالمره البنــات يروحون مع بعض الفندق.... ويتجهزون حق العرس سوى ..



الكــل راح وأجتمعوا هنــاك بستثنــاء خــالد اللي رفض يروح

ورفض يروح حتى العــرس .. مو قــادر يتخيل مجرد تخيــل انه يشوف أمــل بجنب واحد غيره



عند دلال وأمل فوق بغرفتهم ..

كانوا متجهزيــن وكاشخيــن وكل وحده تنافس الثانيــه بالجمــال



تجمعوا الاهل كلهم تحت

وأول ماوصلوا أم ريم وعيالها راحوا سيــده المهــا والعنود والدانه فوق الغرفه عند دلال وأمل

فتحوا البــاب ودشوا الا أمل بخرعه : وووويع جذي يفتحون الباب ...؟!!

المها وهي تضحك : ووووي عدلي أسلوبج شنو ويــع .. لو يسمعج الريل بهل الاسلوب طلقج بالثلاث قبل العرس ..

ضحكوا كلهم

دخلوا سلموا على بعض

المهــا : ووواااااااااااي ياحضج أموووول .. متى يجيني الدور وأتزوج ..

دلال : الفــال لنــا كلنــا أن شالله ... هههههههههه

الدانه بغشمره : لا واللــه .. دلول بتاخذ مشعل .. وأمول خذت يوسفوووه .. ومهوووي بدون تفكير بتاخذ خلووود حبيب القلب .. انا من لي ؟؟

أمل سمعت ( خلووود ) التفتت بسرعه على الدانه لكن محد أنتبه لهــا

المهــا بحالميه : وهو حاس فيني علشــان تقولينهــا بوثوق بياخذنــي .. يلا كل واحد ونصيبه .. ( تطالع دلال ) بس دلول أف كورس مشعل بدون لا لف ولا دوران هههههههههه

دلال ماردت عليها وأكتفت بالضحك ...



وقعدوا يسولفون ويضحكووون وأول ماخلصوا كشخه البنــات

نزلوا الصاله بعد مالبسه كل وحده شيلتها لانه مشعل وجاسم و فهد ( ريل الريم ) وأبو ريم وسالم

تحت ولازم يتحجبون عنهم .. نزلوا وسلموا

وتوزعوا بالصاله اللي أنترست ..

واللي عباره عن صالتين مفتوحين على بعض .. صاله فيها الريايل وصاله فيها البنــات

مشعل من نزلت دلال وهو يطالعهــا ببتسامه عريضه .. وهي تحاول تخفي ابتسامتهــا .. لكنها مو قادره ..

ماتقدر تكاابر .. تقول بتنساه وبتكرهه بس من تشوفه تنسى كل اللي قالته

شكله يدل على انه يحبها صج .. مو لعب .. بس المظاهر خداااعه ساعــات



وأول ماقعدوا وتجمعوا البنــات أبتدت أمل تدور على خالد بعيونهــا ودهــا تشوفه ماتدري ليــش ..؟؟!!

مالقته بينهم .. تقول أكيد راح شوي وبيــرجع ...

أأأكــــيـــد ..!!؟



لكن الوقت راح وجااا وقت الغدى وحطووه ..

وخالد ماجــا ..

أمل لفت على العنود اللي كانت جنبهــا : عنوود ؟؟ خالد وينه ..؟!!

العنود : ماجى مع خالتــي مادري ليش ..

أمل بصدمه : مااجــى ....؟!!!!!!!!!!!!

العنود : لا .. ( شوي الا صوت دلال )

دلال : يلا صبــايــا الغدى جـاهز ..

قامت العنود وكل البنــات وأم جاسم وأم ريم وأم حمد وراح يتغدون

الا أمل اللي قاعده بمكــانهــا منصدمه ( شدعوه مــا جــى ..؟ ما بشوفه يعني ؟؟؟ لهدرجه ماوده يشوفني كلش ...)

قطعت حبل افكارها الريم : يالعرووس تعالي قبل لا يخلص عنج الاكل ..

أمل أبتسمت لها أبتسامه ماتحمل أي شعور وقامت وراهــا



بعد ماخلصــوا غدى وسولفوا شوي .. تجهزوا كلهم علشان يروحون الفندق ع 2 ونص جذي

ووصلت لأمل هداايــا شكثر من رفيجاتهــا اللي مطرشينهــا لها مع السيــاق ومايقدرون يجون هم بنفسهم ..

باقــات ورده جنــان شكلهم .. وكل وحده تقول الزود عندي

حطووهم لها بغرفتها ... وأمل قالت بتفتحهم بعد ماتطلع من الحمام لانها بتسبح

وأول ماطلعت من الحمام كانت حزت طلعتهم جاات خلاص .. بس هي قعدت تفتح الهدايــا لحد ماينادونهــا ويقولون لها خلاص بنطلع



فتحت أول هديه لقتهــا من حبيبتهــا نوف كاتبه لها على بطاقه صغيره

( مــبـــروك ياقلــبــي .. منه المــال ومنج العيــال .... بتوحشيني يالدبه .. أختج .. نوف )



والثانيه من نوره رفيجتهــا ( مبــروووووووووووك ياقلبي ألف ألف ألف مبروك .. الله يوفقج ان شالله ويهنيج .. ولا تحاتيــن جايه عرسج جايته ..)



والثالثه والرابعه و واااايد غيرهم ..

توهــا بتفتح وحده بعد الا العنود فاتحه البــاب : أموول يلا نزلي بنحرك اللحيـن

امل : جهزتوا خلاص ؟؟

العنود : ايوه .. يلا حركي روحج .. لا تأخرينــا ههههههه

أمل وهي تضحك : ان شاللــه . هههههههههههههه



طلعت العنود وقامت أمل لبست عبايتها وشيلتهــا ورجعت قعدت ع السريع تفتح وحده من الهدايــا عن خاطرهـا

وأأأأأأأأأأأأأأأأأأأأأأأأأأأأأأأأأأأأنصـــــــــــ دمت لما لقت باقة الورد هذي من خـــالد ..

( كانت عبــاره عن باقه مزيــج مابيــن الاحمــر والاصفــر ومنسقه تنسيــق حلــو .. وتدل على الحب والغيــره )

قرت المكتــوب بالبطاقه وهي مو مصــدقه عينهــا



قال لهــا (مبـروك .. ويهمني تعرفيــن .. أنــي متمني لج كل الخيــر معــاه .. أخــوج خــالد .. )



رجعت قرت البطاقه مره مرتيــن وثلاث ..

... كلمــات قليله .. بس .. أثرت فيها وايـــد .. معقــوله هالباقه من خالد ..



دخلت عليها أمها

أم حمد : أموول ..!!؟ يمه .. صار لي ساعه أنــاديج .. وانتي قاعده تشوفين الهدايــا لحقه عليهم يمه قومي بسرعه بنتأخر

قامت أمل وفتحت الدرج ع السريع وطلعت دفترهــا ودعست هالبطاقه فيه ع السريع

وطلعت وهي تقول : كاني خلصت .. كان ودي اشوف الهدايــا

أم حمد اللي تمشي جدامها : لاحقه عليهم يمه ..





راحوا كلهم الفندق وخصيصا فوق الغرفه اللي حاجزينها للعروس ..

واول مادخلت لقت الكوافيره و الممكيجه .. قاعديــن ينطرونهــا

وبالغرفه الثانيه اللي جنب غرفه أمل ... في ثنتيــن يمكيجون ويسون الشعر بعد

تمت أمل بروحهــا بهلـ غرفه وبلشووا فيهــا على أقل من مهلهم ..عندهم اليوم كله ..

أم الغرفه الثانيه اللي صارت زحمه ..

كان الوقت قصير وااايد عندهم ..

لانه ما شالله واايد اللي هنــاك

( أم جاسم , أم حمد , أم ريم , دلال , العنود , المها , الريم , الدانه )

فستغلت الفرصه المهــا وخذت الريم وأم جاسم وام ريم معاهــا وراحوا الصالون ..

علشان يخلصون بسرعه .. وبصدفه لقوا أهل المعرس هنــاك بنفس الصالون اللي راحوا له هم





مـــر الوقت ... ورساله خالد مافارقت بال أمل ..

طول الوقت تفكر فيــه .. كم كلمه قالها بالبطاقه لخبطت كيانهــا





جــات حزت العــرس والصاله مشتعله

وخاصه صوت الطق كل ماله ويعلى .. كانوا الفرقه اللي جايبينهــا روعه ..

وكل البنــات قاموا يرقصــون والضحك والونــاسه مسيطر على الجــو ..

لحد ماجــات حزت زفه العروس ..

كانت أمل متوهقه بعمرهــا ترجف من راسها لريلهــا مو مصدقه أنهــا أنحطت بنفس موقف ريم ..

صوت الاغــاني يعلى كل ماقربت صوب الكوشه وكل العيــون عليهــا

هذا غير المصوره اللي تصورهــا وبهدلتهــا بالفلاش اللي كل دقيقه طالع بويهــا ..

ووحده ثانيه جايبينها تصور بالفيديــو ..

تمت على هالحال لحد ماوصلت بأمان للكوشــه .. زين ماأغمى عليهم بنص الطريج ..



عدت ســاعه وأمل ماغير توزع أبتسامات كل ما لفت لصوب لقت وحده تطالعها وتبتسم ..

شوي ألا زفت المعرس هنــي زااااااااااااااادت دقات قلب أمل ..

وهي تشوف يوسف يتقدم بخطوات بطيئه تجاهــا .. وقفت وابتسامه الخجل على شفايفهـا وتحاول تلتهي بأي شي بس ماتشوفه وتسيح من الحيــا

وصل يوسف جنبهــا والابتسامه شاقه ويهــا شق ..

خذت نظره خاطفه سريعه على يوسف وصدت ..

وهي تطالع الشبــاب اللي يضحكون ويرقصون .. ومشعلليــن الجو ..

واخوها حمد ضايع بينهم ..



ومــن بين هالشبــاب كــان خــالد .. أيــوه خــالد الكل حوله كان يرقص بحمااس والضحكه على شفاته

الا خالد واقف وهو مبتسم أبتسامه كانت غامضه بنسبه لأمل مو فاهمه معنــاهــا هل هي فرحه أم حزن ..

أما بالنسبه لكم فأكيد واضحه .. معقوله يفرح في هاليــوم ؟؟!! مستــحيــل



ومشعل وجاسم يبونه يرقص معاهم مــاكو أمــل ....

لحد ماطلعوا الشبــاب

عطى خالد نظره لأمــل خلت الدم بعروقها يتيبس وهو طالــع



مــر وقت العــرس ..

وتزوجوا يوسف وأمل .. راحوا فوق الغرفه اللي حاجزينهــا للعروسيــن ..

دخلــوا وكل واحد بدل ثيــابــه واول ماطلعوا مايمديهم يقعدون مع بعض شوي الا العشــا واصــل

قعدوا تعشوا ومع شوي ضحك وسوالــف وغشمره من يوسف

ودخلــوا ناموا على طووول من التعــب ..

واليــوم التــالي ..


راحوا يوسف وأمل بيتهم ( الا وهو ) بيت بو راشد

لانهم راح يسكنون هني حالهم حال راشد ومرتــه أول مادخلــوا كانوا هيــام ومنــال وأسمــاء بستقبالهم

هيام بفرحه وهي تشيل شنطه أمل عنهــا : هــلا وااااااااااااااللــه تو ما نــور البيـــت ياقلبــي

أمل بخجل : منــور بأهلــه ..

منال وهي تسلم على أمل بالخد : هلا واللـه بمرت أخوي ... الله يعينج عليــه صراحه

يوسف بغشمره : منول شدعوه من أول أبتدينــا تشويه صور هههههههههههههه

أسماء ببتسامه : حياااج .. البيت بيتج ..



أمــا يوسف فقال : عن نفسي أستأذن بروح أكمل أمور تسجيلي بالشركه ورااااجــع بالمره تعوديـن عليهم حياتي ..

أمل أرتبكت لما درت انه يوسف بيروح وبيخليها معاهم .. بنفسها اول مره تقعد معاهم كلهم ..

طلع يوسف بعد ماحط شنطت أمل وشنطته بالصاله

دخلت أمل وحولها البنــات .. طبعا هي ماتعرف تسولف معاهم فستغلت سالفه انها تعرف هيام علشان تسألهــا : ألا هيووم .. خالتي وينهــا ؟ أبي أسلم عليهـا

هيام : تنطرج بالصــالــه ..

راحت أمل الصــاله وألتقت بأم يوسف (( أم راشد )) وباست راسهــا وهي تقول : شلونج خالتــي ..

أم راشد ببتسامه : بخيــر .. شلونج انتي ؟

أمل : أنا زينه الحمداللـه ..

أم راشد : أقعدي يمه ليش واقفه ..

قعدت أمــل .. وبتدت أم راشد تسألها عن اخبــارهــا ..



شوي الا شوق جااايه الصاله ركييييض : وين أــمــي ؟؟!!

أسمــاء : تعالي يمه سلمي على مرت عمــج ..

شوق : انزيـن ... ( جات باست أمل على خدها ورجعت تسأل ) أـمي ويـن ؟

أم راشد : عمج راح بيخلص شغله وراجــع ..

شوق بحزن : ليش ماسلم أـلي ؟!! سلم أـليكم كلكم ألا أونــا ..

أمل أستانست عليهــا قالت لهــا : تعــالي حبيبتـي .. قعدي جنبي ..

شوق راحت قعدت جنب امل

أمل بحنــان : أنتــي شسمــج ..

شوق بخجل الاطفــال وبرائتهم : شوق ..

أمــل : اللــــــــــــه .. حلــو أسمج ... من مسميــج ..؟!!

شوق : مودري ..؟؟

أمــل : يصيــر أخذه ..؟

شوق بسرعه : لااا ..

أمل بتسأل ممزوج بحنانهـا : لــيــش ؟؟ أنــا عاجبنــي اسمج ..

شوق : موبي أعطيج .. تدليــن ( تدريـن ) ليش ..؟

أمل : لـيش ..؟

شوق : لانـه أـمي يحب أسمي واااااايد .. من جذي مابعتيج( بعطيج ) أسمي علشان لا يحبج أنتي أكثل ( اكثر ) منـي اونـا ..

أمل وهي تضحك : ههههههه فديتهــا ( تطالع أسمـاء ) بنتــج ؟

أسمــاء وهي تضحك : ايــوه بنتــي ..

امل : يحليهــا أتيــنن .. ( ترجع تكلم شوق ) كم عمــرج ..

شوق وهي تحرك كتفها بمعني مادري : مووودري .. ( تكلم أمها ) ماما .. كم أ ـملي ( عمري ) أونـا ؟



ماتوا من الضحك على برائتهــا ..



وبين السوالف والضحك دخل راشد ..

راشد : الســلام عليكم

كلهم : وعليكم الســلام

أسمــاء : شفيك راجع مبجر اليــوم .. ؟؟

راشد : اخوي ومرته بيجون اليوم البيــت وماأستقبلهم مايصيــر ..

أم راشد : أخوك ومرته وصلوا من زمــان .. هههههه

راشد دخل وهو يضحك : المهم أنــي وصلت .. وله شرايج يامرت أخوي ؟؟

أمل أبتسمت بخجــل بدون ماترد ..

راشد وهو يقعد جنب أمه : هــاا .. كملوا سوالفكم شكنتوا تقولون ؟؟



كبدايــه تعارف بين أمل وأهل يوسف كــانت جيده جدا .. وتبشــر بخيــر ..

بس ماتــدري شمخبيــه لهــا الايــام بهذا البيــت ..



..___ بعـد مرور شهـر___..




الظهــر .. أسمــاء وأم راشد بالمطبخ .. ومعاهم منــال

يسون الغــدى ..

أم راشد بغضب : منووووول .. أنا قلت لج يبي الملــح مو السكــر .. حركي روحج ... شكلنا مابنتغدى الا العصــر

منال وهي تدور بالمطبخ : يمــا مااادري وين حاطته انتي الملــح ... كــانــي كــانــي لقيتــه هــاج ..( تعطي امهــا الملــح )

أم راشد تكلم أسمــاء : خلصتي يابنتي السلطه ؟؟!

أسمــاء : لا يمه.. قاطعه أقطع البصــل ...

أم راشد بغضب : شفيكم تشتغلون شوي شوي .. اللحيـن بيجون العيــال يبون أكل .. وأنتوا سنه ليـن تخلصـون ( جات على بالها أمل ) منوول .. مرت أخوج هذي وينهــا ؟؟ مندعسه بدارهــا تنطر الغدى يزهب علشان ترعى وتاكل ... شنو خدم أبوهــا أحنــا روحي ناديهـا .. واايد دلعنــاهــا ترى ..

خل تجي تشوف لها صرفه هنــي

حطت اللي بيدها منال وطلعت من المطبخ وهي تتحلطم .. نفخت راسها امهـا بالصراخ

راحت غرفه يوسف و أمل وطقت البــاب فتحت لهــا امل اللي كانت تنظف الغرفه

منال : أموول أمي تقول لج نزل ساعدينــا بالمطبخ ..

أمل : زيــن اللحيـن بنزل بس اخلص الغرفه ..

منــال بهمس : ترى واااصــل حدهــا .. خلصي بسرعه ..

أمل رفعت واحد من حواجبهــا بلا مبــالاه وقالت : لما أخلص أنزل اساعدكم ..

منال : اوكي ..

راحت عنهــا وسكر أمل البــاب بغضب ..

طلعت روحهــا أم راشد كل يوم طالعه لهــا بشغلــه ..

كملت تنظيف الغرفه بعد ماشغلت المسجل وحطت على أغنيــه اليسا ..

* ليه ؟ أسمع كلام

وأحلم معاه

وأتشد لي



فجأة الغرام يطلع كلام عشمني بيه

ومين عارف أكيد قابل غرام تاني ومن تاني أوام حبيت

وليه؟

أرضى بعزاب ئلبي الي داب من عشئي لي

.أيام جميلة في عمرنا وهانت عليه

حرام ينسى الي كان بينا وينساني ،

وأنا بس بفكر فيه

بستناك

وبتمنى أعيش العمر كلو حبيب معاك
............. ألـخ *



قعدت تدندن على ألحــان الاغنيــه .. و تمايل معــاهــا وهي تنظف الغرفه بينمــا تحت

اشتعلت أم راشد وقالت : شنو تنظف غرفتها بعديـن تنزل .. خل تهد اللي بيدهــا وتنزل أحسن لهــا ....

وله والله لا اروح لها أنــا

أسماء : يمه خلاص هدي اعصابج ليش معصبه جذي .. البنت قالت بتنزل ..

ام راشد حطت اللي بيده وراحت فوق غرفه يوسف وأمل وفتحت البــاب بكل قوتهــا وهي تقول : بدل هالرقص اللي ترقصينه هنــي نزلي ساعدينــا محنــا خدم أبوج .. مخليتنــا نطبخ لج ..

أمل ألتفتت عليهــا وقالت بصدمه : خالتي الحيـن ليش هالكلام .. قلت لج بنزل اللحيــن خلاص بنزل ...

أم راشد بغضب : لا تعلين صوتج علي وجدامي يلا المطبخ

أمل فتحت عينها على كبرهــا ( شتبي ذي ) : متى عليت صوتي .. اخلص تنظيف الغرفه وأنزل ..

أم راشد : لا تقعديــن تقلين ادبج علي .. بتنزلين بالطيب وله انزلج بالغصب ..؟؟؟

أمل ( متسببه ذي ؟؟؟ ) : يــه خالتــي .. شفيج الله يهداج مفوره علي شسوي اللحيــن ؟

أم راشد : أملووه نزلي دام النفس عليج طيبه ..

أمل بقهــر : زيــــــن .. خلاص بنزل .. أأأأأف ..

طلعت من الغرفه ونزلت المطبخ قبل ام راشد وألتقت بأسماء ومنال بالمطبخ

أسماء راحت صوب أمل وقالت : أستحمليهــا حبيبتي هي شوي دمهــا حــار وبسرعه تعصب بس والله طيبه

أمل بغضب : دمهــا حـــار بس مو علي ..

منال تأشر لهم انه امها جات

راحت أمل فتحت الماي وقعدت تغسل الصحون

دخلت أم راشد المطبخ وهي تتحلطم : واللـه أحنا نتعب ونكرف وناس ترتاح فوق بداارها مادري خدم عندها أحنــا وله يوسف جايبها لنــا علشان نخدمهــا ..

أسماء اللي كانت واقفه جنب امل بس هي تقطع البصل والخضرى .. وأمل تغسل الصحون قالت بهمس : استحمليهـا عشاني

أمل قعدت تغسل ودموعهـا تنزل على خدها وتمسحهم .. بسرعه

أم راشد شالت الجدور اللي مو محتاجينها من فوق الفرن وحذفتهم بالمغسله علشان تغسلهم أمل ..

بس الطريقه اللي حذفتهم فيها أم راشد كانت قويه حيل وطشرت الماااي على وي أمل ...

أمل صرخت : شفيـــــــــج أنتي ..؟

أم راشد بغضب : فيني اللي فيج .. أهووو غسلي بس وانتي ساكته .. هذا اللي ناقص أخر عمري تجيني ياهل تعلي صوتها علي



كمل الشغل بالمطبخ ورجعوا بو راشد وراشد ويوسف من الشغــل .. وهيام رجعت من المدرسه وراحت تبدل ثيابها سيده علشان تنزل تتغدى وتنــام

وأمل ومنال واسماء وام راشد للحيـن بالمطبخ

يوسف بدل ثيابه ونزل المطبخ دخل وهو يشم ريحته الاكل : يه يه يه ... لا لا .. شكلنـا اليوم بنتغدى خوش غدى ..

( باس راس امه وهو يقول ) هاا شطابخه لنــا اليــوم ؟؟

أم راشد من دون نفس : مجبوس لحم ...

يوسف : وأنــا اقول شنهي هالريحه الحلوه اثاريها مجبوس ..

الا صوت امل قطع كلامهم وهي تنثر قطرات الماي اللي بيدها بالمغسله : خلــصت ..

وطلعت من المطبخ ركض على غرفتهــا ..

يوسف بتسأل : شفيهــا ..

أم راشد : مافيها الا كل خيــر .. روح أقعد بالصاله بحط الغدى اللحيــن ( تكلم منال وأسماء ) يلا يمه حطوا الغدى ..



حطوا الغدى وقعدوا كلهم ..

ويوسف قاعد ينطر أمل تنزل بس مانزلـت ..

يوسف بتسأل : أمل وينهــا ؟؟!!!!

أم راشد وهي تاكل : تلقاها مندعسه بغرفتهــا ...

منال طالعت يوسف بنظرات فهم منها يوسف انه امه مهاوشه امل

قام وراح لها

فتح الغرفه لقى أمل متكوره على روحها فوق السرير ودافنه ويها بين ريولهــا وتصيــح

سكر البــاب وراه وقعد جنبهــا وهو يقول بهمس : حيــاتــي شفيــج ..

أمل وهي مازالت على نفس وضعيتها بصوت مخنوق : مافيني شي ...

يوسف : الا فيج شي .. ( يرفع ويهــا ) أفــااا .. ليش هالدموع ذي كلهــا ؟؟ تدرين أني ماأحب اشوف دموعج ..( مسح دموعهـا بصبعه وهو مازال ماسك ويهــا ) شفيج ياقلــبي .. حد مضايقج ؟ حد مزعلج بشي

أمل بقهر وهي تصيح : يوسف أمك شفيها علي .. ماسويت لها شي علشان تكرهني جذي .... كل شوي مهاوشتني وله مهزئتني

يوسف ببتسامه : اللحين زعلتي علشان امي هاوشتج .. يمكن غيرانه منج ليش انج خذيتي منها ولدهــا

أمل بنفس القهر : بس مو جذي ... تبي ولدها خل تاخذه حلال عليهــا .. مابي منها شي خل تخليني بحالي

يوسف وهو حاط عينه بعينها : تاخذ ولدهـا ؟ يعني ماتبينــي ..؟؟ أفــااا .. خلاص عرفت قدري اللحيـن ..

أمل بعصبيه : يوسف مو وقت تدلع .. أنا من جذي منبطه جبدي وانت تتدلع ...

يوسف بضحكه خفيفه : زين خلاص ياقلبي لا تعصبين .. تدللي شتبيني اسوي ؟؟!!أضربهــا ؟ أذبحها ؟؟

أمل بتنرفز : أووووووووه يوسف لا تقعد تستعبط علي واللـه مـ ـ ـ ـ ـ ق ـهوره ( وغرقت بنوبه من البكاء وهي تخفي ويها بيدها )

يوسف قربها لصدره وحظنهــا وهو يطبطب عليهــا : لااا .. أمولــه خلاص عاد .. ماعليج منهــا يمكن غيرانه منج لا أكثر ولا أقل

أمل : ماعندهــا سالفه صراحه .. كاهو راشد تزوج ماسوت بأسماء مثل ماتسوي فيني

يوسف : راشد غير وانا غير .. أنا المدلل ..

قعدت تصيح أمل ويوسف يهديهــا ولما هدت كليــا رفعت راسها عن صدرته ومسحت دموعهــا

يوسف وهو يكمل مسح دموعــها عنهــا : يلا أشــوف أبتســامه ؟؟ يلا .. ترى ازعــل ..

أمل أبتسمت ..

يوسف: أيـــوووووووه .. جذي ابيج .... وماعليج منهـا اللحيـن أنزل واتفاهم معاهــا .. ماأرضه انه أي أحد يزعل أمولتــي ..

قام وهو متجه صوب باب الغرفه

يوسف : يلا تعالي خلـ ننزل نتغدى .. مابنزل بروحي

قامت أمل وقالت : أنزل جذي .. بريحتي هذي .. ثيابي كلها ريحه طبــاخ فشله ..

يوسف وهو يتسند على الباب ويتكتف : اوكي بدلي ثيابج .. وله تدريـن شلون دخلي سبحــي وكشخي وتعدلي بنطلع نتغدى برى شرايج ؟

أمل ببتسامه : حلــو ..

يوسف بخبث : حلو بس ؟؟؟؟

أمل : تسلميلي ...

يوسف يطالع السقف : زيــن أشـ هديتــي ؟؟!!!

أمل ببتــسامه : غمض عيـونك ولا تفتحهــا الا لما اقولك بأمــــــــاااااانــه

يوسف وهو يضحك غمض عيونه : هــااا كاني غمضتهــا ..

أمل : صبر شوي ..



يوسف وهو مغمض عينه يسمع حركه بالغرفه .. وأخر شي سمع صوت أمل تقول له : افتح عينك

فتح عينه لقاها داشه بالحمــام ومطرشته بوسه بالهوى : باااي ..

دخلت وسكرت البــاب عليهــا

يوسف وهو يضحك : أموووووووت فيهـا هالبنــت ..



بيـت بو حمد

العصــر



..كـانــوا كل واحد بغرفته يجهــز لسفــر لانهم كــانوا ناويـن يسافرون الامـارات اسبوع ويردون ..

وبـاجر راح يروحون ..

جهـزت دلال شنطتهــا وشنطــت حمد ... وأول ماخلصت نزلت الصاله بسرعه وهي مستانسه

دلال : يمه ... يمــــــــه .. يمــــــــــــــه ..

أم حمد اللي قاعده بالصاله تشرب شاي من بعد الغدى : هــاا يمــه .. كاني بالصـالــه ..

دلال جات وقعدت جنب أمه : يمه أبي أتصل على أموول ..

أم حمد تأشر على التلفون : كاهو التلفون جدامج تستأذنين بعد علشان تتصلين على أختج ..

دلال : لا مو جذي قصدي .. انا أقصد ابي اتصل لها ع الجوال .. ماأبي اتصل ع البيــت وترد علي أم راشد ..

أم حمد : أأي .. فهمت .... روحي أخذي جوالي بتلاقينه فوق التلفزيون بدااري .. بس لا تطوليــن تخلصين رصيدي .. وبالمره عطيني أكلمهـا أشتقت لها والله

دلال قامت وهي رايحه فوق : أن شاللــه يمه ..



دخلت غرفه امهــا شوي شوي لانه أبوهــا كان نــايم ماتبي تزعجه .. خذت التلفون وطلعت بالممر وأتصلت على جوال أمل

امــل ردت على طول بفرحه : أألـــوووو يمــه ...

دلال : أنا دلال مو أمي هههههههههه

أمل : دلول يادبه أشتقت لج .. ههههههه شلونج ..؟

دلال : أنا بخيــر ... شلونج انتي .. وشلون حبيب القلب ..

أمل تتنهد : آآه الحمداللـــه ... لحد الحيــن ( تساسرها علشان لا يسمعها يوسف ) .. بس أمه مرويتني الويــل ..

دلال : وووي .. صراحه انا ماحبيتها من اول ماشفتهـا الله يعينج عليهـا .. بس سمعي لا سوت لج شي لا تتردديــن تتصلين لنـا ..

أمل : لحد اللحيـن بس تسب وتهاوش .. لا مصختهـا بوقفها عند حدهــا .. شكلها ماعرفتنــي عدل ..

دلال: ايوه هذي أمول اللي اعرفهـا ههههههه ( بتسأل ) انتي وين اللحيـن ..؟ أسمع صوت سيــاير حولج ..

أمل : طالعيــن أنا ويوسف .. تغدينــا برى واللحيـن بيمشينــي ..

دلال بحالميــه : ووووااااااي أمووول قولي أأميــن ..

أمل : آآميـــن ..؟؟ ليش

دلال : يكون مشعل صااادق بحبه لي ويخطبنــي عما قريب

أمل : فال الله ولا فالج .. انتي ماتيوزيــن

دلال : والله أمول شكله يحبنــي ..

أمل : حبج برص انتي ويااه ..

دلال : المهم المهم .. امي تبي تكلمج نطري شوي أودي لها الجوال ..

أمل : أوكــي ...



نزلت دلال الصاله وعطت أمهــا التلفون

وقعدت جنبهـا



أم حمد : أول يمه .. أمل شلونج ياقلبي شخبارج ؟ مرتاحه عند ريلج .. محد مضايقج

أمل وهي تضحك : بل بل يمه وحده وحده علي وين اجاوب على كل هالاسئله .. هههه .. شخبارج انتي

أم حمد : أنا بخير يمه هههه شخبارج انتي

أمل : عال العــال .. ( تسوي روحها زعلانه ) يمه ..

أم حمد : عيونهـا

أمل : تسلم لي عيونج .. بتسافرون بااجر وتخلونــي ؟؟ ماأكسر الخاطر انــا ..

أم حمد : ووي يمه لو بيدي خليتج تجين معانـا .. بس ريلج عند شغل مايقدر يهد اللي بيده ويسافر ..

أمل تعلي صوتها شوي علشان يسمعها يوسف : لا بيهد اللي بيده ويسافر .. مع على كيفه ..

يوسف مارد وأبتسم بس ..

أم حمد : ههههههههه ياحليلج يابنتي .. أشتقت لحسج بالبيــت ...

أمل : اذا تبيني اجيج اللحيـن أجيج ..

أم حمد : حيــاج يمه البيت بيتج ..



وقعدوا يسولفون شوي وسكرت من عندهـا

يوسف وهو يوقف عند مطعم : يلا نزلي ياقلبي ...

أمل : يوسف .. ليش مانسافر مع أهلي ..... أنا بشهر العسل ماسافرت وقلبته علي أمك بصل ..

يوسف : تدريـن أنه شغلي مايسمح لي أسافر .. ألا بأوقات محدده ..

أمل : زين انت ولد صاحب الشركه .. خل ابوك يعطيك أجازه .. يه ..

يوسف : أنا من زمــان كنت معارض فكره اني اشتغل عند أبوي علشان سالفه الواسطه ذي .. أبي اشتغل حالي حال غيري من الموظفيــن ..

أمل وهي تتكفت : أأف .. والله قهــر .. بيروحون الامــارات وأنــا لا ....

يوسف : لا عطوني اجازه لج مني أفر فيج دول الخليج ونرجع .. واذا تبين الولايات المتحده بعد ..

أمل بستهزاء : هيهيهيهييههيههييهيهيهيهيه صدقتك ..؟ بتقول لك أمك أقعد بتقعد ...

يوسف رفع واحد من حواجبه بستنكاار : شقصــدج ؟؟

أمل ( ووي أنا شقلت ) : هــااا .. لا .. بس .. أنــا .. أنـا ..

يوسف لما شافها أرتبكت وقامت تلخبط بالكلام قال : نزلي .. نزلي بس ..

أمل تفشلت ونزلت وهي ساكته ..



( ياربي أنا شقلت .. أكيد بيقول قصدهــا اني سكاان أمي .. واااااي ياربي شلون قلتهــا اكــيـــد عصب .... )



قطع كلامها صوت يوسف اللي واقف جنبهــا : بطولين وانتي واقفه هني ..

أمل : هــااا ..؟

يوسف ( شفيها .. مو على بعضها كلش ؟؟ ) : أمشي يلا خل ندخل ...



مشت أمل جنب يوسف ودخلوا المطعم وهي منحرجه ع الاخــر





نهـايه الجزء الثامن عشر

 
 

 

عرض البوم صور غموض   رد مع اقتباس
قديم 11-04-11, 06:50 AM   المشاركة رقم: 33
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,170
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

كاتب الموضوع : غموض المنتدى : القصص المكتمله
افتراضي

 

.___ الجزء التاسع عشر ___..





رجعوا يوسف وأمل البيــت بعد ماطلعوا من المطعم .. ويوسف نفسيه كلش ... واصله معــاه

دخل وراح سيده الغرفه يبدل ..

أما أمل وقفتها منال

منال : تعالي أمووووول .. برويج شغله .... شريتها لج اول امس ونسيت اعطيج اياهــا ..

أمل اللي قلبها مع يوسف تبي تروح تراضيه بس منال مامعطتها فرصه : اوكي اللحيـن بجي بروح حق يوسف شوي ..

منال وهي تمسكها من يدها وتسحبها : لاحقه على حبج .. امشي ....



ودتهــا غرفتهــا دخلتها وسكرت البــاب ..



فتحت كبتهــا وطلعت كيس كبير .. وحطته ع السرير

وقالت وهي تدور بالكيس عن شي ..: أمممم .. وينه ..( تطالع امل بنظره سريع وترجع تطالع الكيس ) قعدي ليش وااقفه

أمل بقلبها ( أبي اروح حق يوسف لا يزعل علي من صجه .. ومنول موقفتنــي ... لو يطلع شي سخيف صج صج ماعندها سالفه )

قعدت امل على طرف السرير

الا منال مطلع بجــامه نوم عباره عن بنطلون وقميص بلون الوردي على القميص بالنص خروف شكله كيوت لونه ابيض ..

أما البنطلون فيه خرفاان نفس نوع الخروف اللي ع القميص .. بس صغاار ومنثرين على كل البنطلون

ومدته لأمل : هــااااج .. شرايج ؟؟!!!

أمل بفرحه وهي تاخذ البجااامه : يااااااااااااااااي حلــو.. ( تحظن منال ) مشكوووووره فديتج ...

منال : ماله داعي لشكر .. أصلا انا شريت منها لي ولج وحق هيووم .. علشان نطقم في يوم ..

امل وهي تبتعد عنها شوي علشان تشوف البجامه قالت بقلبها ( مع انه امهم قشره ونحيسه بس عيالها قمه بالطيبه )

دخلت عليهم هيام : امووول ...

أمل ألتفتت على هيام : هــلا ..

هيام : شمسويه حق يوسف.. متكدر وحالته لله ..

أمل قامت وقفت : وووي نسيته .. ( حطت البجامه وطلعت من الغرفه )

منال بتسأل : شفيه يوسف ..؟

هيام : مادري رحت له أبي أكلمه بشغله صرخ علي وقال لي مو متفيق لج ... غريبه .. شكله متهاوش مع أمل ..

منال : وانا اقول شفيه دش سيده غرفته بدون لا يسلم ولا غيره حتى ماأخذ امل معااه ..؟!! الله يستر بس ..



بغرفه يوسف وأمل


دخلت عليه أمل لقته قاعد على الكرسي اللي بالغرفه ويقرى جريده ..

سكرت البــاب وقربت صوبه بخطوات بطيئه : يوسف ..

يوسف بدون مايطالعها : همم ..؟

أمل بتسأل كله غباء : أنت زعلان ؟ .... علي ..؟

يوسف وهو يسكر الجريده ويحطها على الطاوله اللي جدامه : لا مو زعلان .. وليش ازعل أصلا .. كل اللي قلتيه اني سكــان امي ..

بس هذا .. فيها شي يزعل ؟؟( يهز راسه ) ماأظن ..

امل : انا ماقلت انك سكان امك ..؟!!

يوسف ببتسامه كلها سخريه : لا واللـه ..؟؟ ( يعيد عليها كلامها ) .. لو قالت لك أمك اقعد بتقعد .. شمعناتها ذي الجمله ؟

أمل : أنك تسمع كلام أمك .. وماتعصي كلامهــا ...؟

يوسف ( تستهبل ذي وله شكلها جذي ؟؟ ) : واللــه ..؟؟

أمل قعدت جنبه على الكرسي القريب منه ومسكت يده وهي تقول : اسفه يوسف .. ماكنت أقصد شي بكلامي ... كنت معصبه و زليت بلســانــي ..

يوسف طالعها بنظرات ما فاهمت معناها

امل تهوس على يده : فديتك يوسف .. أأأسفه والله اااسفه ... لا تطالعنــي جذي عااد ..

يوسف : وأسفه ذي وين أصرفهــا ؟؟

امل بدلع : يلا عاد لا تقعد تتغــلــى علي .. ( ببتسامه خجل ) ماأقدر على زعلك ...

يوسف بغى يغمى عليه .. بس مازال مسوي روحه معصب : أفكــر ...

أمل قامت وقالت : شوف .. انا تأسفت .. اذا طلعت من هلـ غرفه وأنت للحيـن تتغلى .... أنســى اني اراضيك مره ثانيه ولا اكلمك حتى ..

يوسف مسكها من يدها وخلاها تقعد مره ثاني : رضيـــنــا خلاص ... بس لو عدتيها ثاني مره ... لا تلومين الا نفسج ..

امل بدلع : تهدد ؟؟

يوسف يسوي روحه يفكر : أعتبريها تهديد .. تنبيه .. أأأنذااار المهم انــها اخر مره تتكرر فيها هالجمله مفهووم ؟؟

أمل : مفهووم ياقلبي ..

يوسف : ياااااانــاس بيصير فيني شي اليوم من هالكلام الحلــو .. اللي مايطلع الا اذا زعلت ..

خلاص عيل .. بزعل كل يوم علشان اسمع هالكلام ..

أمل : ماتقدر أصلا .. حدك ( تأشر بصبعها ) دقيقه .. وترضى بعدهــا ..

يوسف يغمز لها : يااااوااااااثق ,,,,,



اليــوم التــالي ..



كــانوا الكــل متجهزيــن لروحت المطــار من الظهــر علشــان لا تطوفهم الطيــاره

وعلى فكره اللي بيسافرون هم ( أهل أم جاسم , وأهل بو حمد , وأهل أم ريم (( بستثنـاء ريم لانهـا متزوجه وقاعده عند ريلها )) )

امــا خـالد .. فبـعــد أصرار قوي منه .. رضت ام جاسم انه مايجي معاهم .. لانه كان رافض يطلع من الدوحه

يقول ماله خلق شي ..



أول ماحطت الطيــاره في الامــارت الشقيقــه ..

نزلوا .. كلهم مستــانسيــن ..

وسيــده ع الفنــدق يحطون شنطهم وأغراضهم وبعد مايرتاحون شوي

يبتدون هيــااااتــه ..



حجــزوا لهم جناحيـن

جناح لشبــاب ( جـاسم , سالم , بو حمد , مشعل , بو ريم)

وجناح للبنــات ( أم جاسم , أم حمد , أم ريم , دلال , العنود , دانه , المهـا + خدامه أم حمد )



أمـا حمد على حسب مزااجه يرقد عند البنات وله الشبــاب

الوضع عادي عنده ..



اول ما حطوا اغراضهم ورتبوهــا

طلعـوا هجووم ع الاســواق يتشروون ..

اول ماوصلـوا السوق ..

نزلوا الشباب ودشوا أول وبعدها نزلوا البنات ورااهم ..

ومــاخلــوا شي ألا وشرووه ..



من ملابس وأكسسورات وعطورااات ..

اما الشبــاب شروا لهم عطور وملابس .. ومشعل اخذ له كابــات شكثر له وحق خالد

وسط هالدواره قعدوا يتأملون المجمعـات والاســواق التجاريه الراااااائــ ع ــه



وكل شي تطيح عيونهم عليه .. وبعد هالتعــب من هاليــوم الطويل شروا لهم اكل وهم راديــن الفندق

وتجمعوا بجنــاح البنــات ..

كـانوا طالبيــن من هارديز .. وأشكالهم من الجوع جنهم في سباق من يخلص أول ..

خلصــت دلال وقامت وهي تقول : الحمــداللـه ..

أم جاسم : ووي يمه .. على وين ماكلتي شي ..

دلال : لا عمتي بسي شبعت ..

بو حمد : خليها ياهيــا تدلع ماعليج منهــا ...

أم حمد : تبين أغطي سندويجج واحطه لج بالثلاجه اذا تبين تاكلينه بعديــن ؟؟

دلال ببتسامه : لا يمه شدعوه .. خلاص بسي شبعت .. وأصلا بروح انــام بعديــن ..

العنود : أحلااااا ... على اللي يبون ينامون خفاف هههههه

دلال طالعتها بنظرات وراحت عنها المطبخ .. كانت عيزانه تروح الحمــام فختصرت الطريق وسيده المطبخ عشــان تغسل يدهـا



بالصاله اول ماقامت دلال الا مشعل : الحمداللـه ..

أم جاسم : هووو ..؟ يمه مشعل ؟؟ كليت انت الحيـن ؟؟

مشعل وهو يوقف : مسوي رجيم قاسي الله يسلمج هههههه

ضحكوا كلهم

سالم : يعني هذا أكل ولدج .. ماتعرفيــنه ..

مشعل : كاهو عمي قال لج .. هذا أكلي بعد شسوي ... ههههه



عطاهم ظهره وهو متجه للمطبخ ..الا أم جاسم : يمه الحمام ( الله يعزكم ) من ذاك الصوب مب من هني

مشعل توهق قال : لا .. بروح اخذ لي عصيــر

أم جاسم : أاهـاا .. روح يمه روح



بالمطبخ دلال كانت تنثر قطرااات المــاي اللي بيدهــا

وسحبت لها كم حبت فاين ومسحت يدها أستدارت بتطلع الا مشعــل : الســلام على أحلا بنت بالوجود ..

دلال أخترعت : مـ ـ ـ ـشـ ـ ـ ـعـ ـ ـ ـ ل ؟؟

مشعل وهو يوقف جنبها علشان يغسل يده : أأأي مشعل .. خرعتج ؟؟؟

دلال تبتعد عنه ماتبي توقف قريبه منه : شعندك جااي تغسل يدك هنـي ؟؟ ليش مارحت الحمــام ..

مشعل سحب له فاين ومسح يده : أنا جيت هني علشان اشوفج واكلمج .. طول الوقت مع البنات وامج وامي .... مو معطيني فرصه أتكلم معاج ..

دلال جااا في بالها كلام أمل ...( مايحبج ..؟ ماااتفهميــن ..)

طالعته بنظرات قهــر والود ودها تصيـح بس متمالكه روحها لأخر درجه ..

مشعل بستغراب : شفيج تطالعيني جذي ..؟؟!!!!! ( بصوت هادي ) .. ماعلينــا ... حياتي شلونهـا ؟؟

دلال أستجمعت قواها وقالت بصوت وااطي بس كله حزم : مانــي حياات حد ..؟ ورجاءا كلمني بأحترام ..

مشعل قرب صوبها شوي وهو حاط يده بمخباه : يتغلى الحلو ؟؟

دلال بغضب : مشعــل ... ماله داااعي تكمل هالتمثيليــه .. انا عارفه انك مستغل فرصه اني أحبـك و قاعد تتسلى بمشاعري ..

( غرقت عيونها بالدموع بس بدون ماتنزل دمعه ) حرااام عليــك

مشعل بصدمه : أنــا ؟؟؟

دلال بغضب أكبر من اللي قبله بس مو بصرااخ : أأي انت .. مااني لعب بيدك ..تتسلى فيها ولما تمل منها تبدلهـا أنا حبيتك وماكنت أبي منك شي

الا انك تبادلني هالحب ..( بخنقه ) تروح تلعب علي ..

مشعل بستـغراب سيطر على ملامحه : شقاعده تقولين انتي ... متى لعبت عليج يادلال ...أنــاااا ....

دلال على صوتها شوي بس هم مو بصراخ : أنت شنــو ... أنت ماعندك لا أحترام ولا أدب ولا أخلااااق .. خســاره والله أني حبيتك ..

نزلت دموعهــا على خدها مسحتهم وطلعت من المطبخ سيده على غرفتها

وخلته بحالته ذهوول وصدمه



دخلت غرفتهـا شوي الا العنود داااشه عليهم

تبي تناام .. سمعت صوت أنينهــا وهي متغطيه كلها بللحــاف ..

جات بسرعه صوبها وقعدت على السرير جات بالتشيل اللحاف عن ويها بس دلال مسكته بكل قوتها : خليني بروحي ..

العنود وقف قلبها لما سمعت صوت دلال الباكي سحبت اللحاف بكل قوتها الا تشوفها

وشافت ويها غرقان بالدموع وصاير حمر

العنود بخوف : دلول شفيج ..؟؟

دلال وهي تخش ويها بيدها : مافيني شي

العنود : الا فيج بتقولين .. وله أنادي خالتي ..

دلال بغضب : مافيني شي شفيييج .. أبي انام خليني

العنود وهي تمسك يد دلال وتوخرها عن ويها : شوفي ويهج شلون صاير من الصياح وكل هذا مافيني شي ..

دلال قامت حظنت العنــود بقوه وقعدت تصيح

العاده تطيح بحظن أمل وتبجي .. بس أمل اللحيـن بعيده عنهــا

ماعندها من تشكي له ..

العنود وهي تحظن رفيجتها وبنت خالتها وأغلى الناس لها : حبيبتي شفيج ..

دلال : أحبــه .. وهو يلعب علي ..

العنود عرفت على طول انه مشعل : يلعب عليج ؟؟؟؟

دلال : أمول قالت لي ... سمعته وهو يتكلم عني ويقول انه مايحبني

العنود : بس تصرفاته كلها تبين العكس ؟؟ شلون يلعب عليج وانتي وحده من أهله .. ولا بعد بنت خاله اللي دووم معاه ..

دلال : مادري .. سأليه ..( أبتعدت عنها )..

العنود : يمكن سؤ تفاهم .. يمكن امل سمعته بالغلط .. ليش حكمتوا على طول انه يلعب .

دلال وهي تمسح دموعها : امول سمعته وهو يتكلم علي مرتيــن ..



اليــوم التــالي ..

بالدوحه ..



كانت أمل نــايمه .. غرقاااانه بالنوم

ماوعت الا بـ بــاب الغرفه ينطق شوي ويكسرووونه

فتحت عينها بتعب الا أم راشد دااااشه ..: هييييه انتي الـ ساعه 11 ونص ... لين متى بتمين نــايمه .. يلا قومي بسج نوم

امل بتعب : أن شالله خالتي اللحيـن بقوم .. تعبانه شوي

ام راشد : مافيج الا كل خيــر .. يلا قومي

أمل وهي مغمضه عيونها (( آآآآف ))..

أم راشد بصرااخ : قووومي ماتسمعيــن ؟؟ ( راحت صوب المكيف ) انا بعرف شلون اقومج ..



طفت المكيف .. وشغلت الليــتــات ... وراحت صوبها وسحبت للحاف : يلا قومــي ... لج 5 دقايق واشوفج بالصاله

أمل قامت قعدت وهي معصبه : خالتي شفيج .. صبح وليل صراااخ .... 24 ساعه تبيني أشتغل .. يوسف جايبني مرته وله خدامه لج

أم راشد بغضب : لا تطوليـن لسانج .. لا أقصه لج ..

أمل بغضب : ماعاااش اللي يقص لســان ... أنا أحترمتج وااايد .. لانج كبر يدتي .. بس أشوفج تعودتي كل يوم تصارخين علي ... صدعتيني تراج

أم راشد فتحت عينها على كبرها : كبر يدتج .. يللي ماتستحيـن .... ( راحت صوبها ومسكتها من ثيابها وهي تقول ) قووومي بالزين لا أربيج

أمل قامت وقفت وقالت بغضب : أووووووووه .. مو عيشه هذي ..



دخلت عليها هيام : شصـاير شهلـ صراخ

أم راشد : تعالي شوفي مرت اخوج اللي ماتحترم لا كبير ولا صغيــر ... أمحق تربيه ربوج اياها أهلج مثل ويهج

امل : عن الغلط خالتي ..

قاطعتها : لا غلط ولا بطيخ ... يلا ذلفي غسلي ويهج ونزلي تحت بتنظفين معاي الحوش الحيـن

أمل وهي متخصره : واللــه ؟؟ واللي يقولج ماني منظفه الحوش .. بشوف شبتسويــن

أم راشد توها بتروح تسنعها بكم طراق الا هيام مسكتها : خلاص يمه .. اللحيـن بتنزل تنظف الحوش معاج وانا بساعدكم

أم راشد : لج 5 دقايق وتنزلين وله صدقيني امج دااعيه عليج لا أدفنج هني يامسودت الوي



وطلعت وخلت امل تحترق بنار غضبها

جات صوبها هيام ومسكتها وهي تحاول تهديها : خلاص أموله فديتج .. أستحمليها .. كسبيها بالطيب ..

أمل بصراخ وصوتها راح من كثر ماتصارخ : تعــبااااااانه واللـه تعبـانه شفيكم انتوا ؟؟ ... وهالمره هذي ماتفهم .. أنا أهلي ماسووا فيني اللي تسويه عيوز النار ذي

هيام ( عيوز النــار ؟؟!!!!!!!!! )

أمل شالت روحها ودخلت الحمــام تسبح وهيــام طلعت من غرفت امل

وهي تقول : لا حول ولا قوه الا بالله ... الله يعين أمول على امي اذا بتقعد ترد عليها كل مره

عزت الله راح يصير الصراخ شي بنتعود عليه ..



وأول ماخلصت سبوح نزلت الصاله الا ام راشد تنطرهـا



طلعت بالطيب قبل لا تبدى بالصراخ أم راشد

وأبتدت تغســل الحوش اللي شكبــره بمساعده هيام اللي نظفت شوي وتعبت ودشت دااخل

.. وأم راشد ماغير تصب المــاي

..وحاطه لها كرسي وقاعده تطالع أمل اللي أنكرفت كرااااف اليهـــد ..



أبتــدوا بغسيل الحوش السـاعه 11 ونص وخلصــوا 1 ..

.. والضحيــه ... (( أمــل )) ..

أول ماخلصوا تنظيف دخلت دااخل ودموعها على خدهـا ..

خلاص ماتقدر تستحمل أكثر .. هذا وااايد عليها ماتقدر تسكت أكثر ..

اللي يصير لها أفور ..

دخلت غرفتها ومسحت دموعهــا وهـي تنطر يوسف يفتح باب الغرفه ويدخل عليها ..

شوي الا ام راشد فتحت الباب وهي تقول : ارتاحي 5 دقايق ونزلي جهزي الغدى ع السفــره .. أسماء تعبانه ..

أمل بغضب فجرته بويها : مااني مسويه شي واللي تقدريـن تسوينه سويــه ..

ماني خدامه عندج .. أظن عندج بناتج يساعدونج ..... فكيني واللي يرحم والديج .. زهقتيني عيشتي

أم راشد : والله لا صرتي راعيه البيت .. يمكن تنسمع كلمتج ... أنا راعيه هالبيت وكلمتي اللي تنسمع ... مو عاجبج الباب يوسع جمــل

أمل راحت صوبها ودزتهــا برى الغرفه ورضخت الباب بكل قوتها وهي تقول : قــطـــع ... الله يلعن الســاعه اللي رضيت فيها اعيش ببيت وااحد مع هالنسره

أم راشد وهي تضرب الباب ضربه وحده طلعت من قلبها : هييييييين ياأمول ... خل يوصل يوسف أن ماكرهتج عيشتج ماكون هند ..



أمل راحت ورمت نفسها على السـرير .. وهي تقول بصوت أشبه بلـ همسه ودموعها على خدهـا

: لو أني رضيت بخــالد ماكان صار لي كل هذا .. ماكانت سوت فيني عمتي مثل ماتسوي هالعيـوز .. كانت بتحطني بعينهــا .... وخالد ماكان بيقصر علي بشي راح يدللنــي ويحفظ كراااامتــي مو مثل يوسف ... مايقدر يقول (( لا )) حق أمه ... ( طلعت أأأأأه من قلبها ) .. آآآآآآآآه يـاخــالد ... صج ماعرفت قدرك (( بنــدم فضيــع قالت )) .. أأبيـــك ..



تمت على هـالـ حاله وهي تصيح لحد مادخل عليها يوسف اللي منهد حيله من الدوااام ..

وشافها تصيــح وكان عارف من قبل لا يدخل انها متهاوشه مع امه لانه أمه ماخلت ولا بقت عليها قالت كل الي بقلبها

يوسف : السلام عليكم

قامت أمل اول ماسـمـعت حسه وقالت وهي تصيـح : شوف يوسف ياأنـا ياأمك بهلـ بيــت ... خلاص تعبت طقت جبدي ماأقدر استحملهـا أكثر ..

يوسف وهو يهز راسه : خلاص ياقلبي بكلمهـا لج اليــوم ..

أمـل بهستيريه : وين تكلمهــا كل يوم بكلمها بكلمها بكلمهـا .. ولا شفت شي .. أذا انت ماتقدر تقول لها شي أنا مو مجبوره أستحملهـا ..

يوسف قرب صوبها يبي يحظنهــا بس أمل دزته : لاااااااااا تمسكنــي ... مابيك تمس شعره منــي ...... خلاص أنا عفت العيشــه هنــي ...

كرهت اليوم اللي شفتك فيه وعرفتك .. كرهت الساعه اللي جذبت فيها على روحي وقلت ....(( غرقت بنوبه بكــااااء ماقدرت تكمل كلامهـا ))

يوسف قرب صوبها وحظنهــا لما حس بألمهـا وضعفهـا ..

هو متأكد انه امه السبب بس مايقدر يسوي شي .. هذي امه مايقدر يصارخ عليهــا

حاول يهديهـا بس مافي امل كل مالها وتزيــد ..

قعدهـا على السرير وطلع من الغرفه نزل تحت حق أمه .. لقاهم يتغدون ..



بو راشد : تعال يبه أكل ... بسم الله ..

يوسف : مابي أكل .. شبعــان .... أبي الوالده بكلمة راس ..

ام راشد بلا مبالاه : اذا عن هالعقربه اللي تصيــح دااخل ... مو متفيقه لكم اللحيــن ..

يوسف بغضب خفيف : يمــه ... ابيج بسالفه ..

أم راشد طالعته وردت تاكل : لا خلصت أكل يصير خيــر .. ( تأشر لها بيده ) روح .. روح لها دااااخــل طب طب عليهـا وراضهـا وأنا يامــك .. بالطقاق

رضيت وله انرضيت

يوسف مارد عليها أكتفى بهلـ كلمه : نــاطرج .. بالصــاله



أول ماخلصت اكل راحت له الصاله لقته قاعد ينطرهــا

جات وقعدت وهي تقول : خيــر شبغيــت ..

يوسف وهو يحاول يتمالك أعصابه : يمه ماصــارت .. كل يوم والثــاني مهــاوشه هالمسكينه ..

قاطعته أم راشد : وسجيــنه أن شالله .. وسجينه .... شحنتك علي وهدتك .. وله بتبــدي مرتك على أمك ..

يوسف : يمه أنا مو قصدي جذي .. البنت ماسوت لج شي علشــان كل يوم والثاني نجره وهواش ...

حرام عليج يمه .. البنت ماتستحمل ..

ام راشد بستهزاء : والله ..؟؟ من صجك ؟؟ وووي أنا وايد قاسيه وعليه .. جرحت مشاعرهــا ( تتكلم بجد ) هذي سوسه .. عقرب رمل ..

تتمسكن لمـا تتمكــن ... دااااشه على طمع .. شافتك ساكت وماتقول شي قالت خل أخذ اللي وراااه واللي جدااامه .. أأي مو أنت مدمغ ..

قصت عليك بكم كلمه حلوه صدقتهــا ..

يوسف بغضب: يمـــه ؟؟ .. اللي عندي عندهــا .. هي مو بنت فقر علشان على قولتج تطمع فيني ....

عندها خير اكثر من الي عندي وعندج .. وبعديـن هذا مو موضوعنـا ..

يمه تكفين طلبتج عدلي معاملتج معاهــا .. أحبهـا يايمه حرام عليج .. والله البنت بتطفش والسبه سلوبج ..



ام راشد : حبتك القراده قول أميــن ..؟ انا اللي أعدل معاملتي معاهـا .. خل تعدل هي معاملتهـا معاي .. وليش ماتصير مثل اسمـاء .. أسماء لو أهزءها من اليوم لباجر ماتقول شي ...

يوسف : ومتى أصلا هزئتيهــا .. وله ليش انها بنت رفيجتج .. مدللتهـا وذيج ماتعرفين امها .. ذليتيهـا ؟؟

أم راشد : مو شغلي .. انا مرتك ذي مو بالعتهــا .. مو مرتاحه لهــا شوفت ويها ترفع لي الضغط والسكر .. وشكلي بتجيني الجلطه منهـا ..

يوسف يحاول يتكلم بهدوء : يمه تكفيـن .. أنــا لازم أســافر باجر .. ويمكن ماأرد الا بعد 3 .. وله 4 أيــام .... تكفيــن أستحمليهــا .. عشاني

لو لي معزه عندج ..

أم راشد : اذا خايف عليها مني .. ودها عند أهلهــا أنا مو فاتحه بيتي ملجأ ..

يوسف : أهلهــا مسافريــن .. وله كنت بوديهــا بدون ماتقوليــن ..

أم راشد : والله لا عدلت ألفاظهــا افكر اعدل معاملتي معاهـا

يوسف : الله يهديج يايمه ...

أم راشد على طول قالت : وليش الله يهدينــي شايفني مينونه جدامك ؟؟ الله يهدي مرتك هالسوسه ..

يوسف بغضب وهو يوقف : أدعيلج بالهداااايــه حراااام .. سويت شي غلط ... يانــاس أحبهــا وأنتي بطفشينهـا أوووووووف .. أستغفر الله العظيم ..



راح عنهـا ودخل غرفته لقـهـا للحيـن تصيح بس بهدوء



يوسف قعد جنبهـا وهو يقول : خلاص ياقلبي .. كلمت الوالده وأن شالله خير ... أنتي عاد أستحمليهــا .. عشاني

أمل وهي تصيح بهدوء: أستحملتهـا وايد يوسف ماأقدر أكثر .. اليوم لو هيام مامسكتهـا كان ضربتنــي .. شنو أنا ماعندي اهل ..

وله ليش أنه أهلي مسافرين قالت تستفرد فيني والله لو يدرون اهلي عنهـا قطعوا لسانها هالطويل ..

يوسف تنهــد تنهيده طويله وقالت : شوفي حياتـي .. أستحمليهـا بس هالفتره عشاني وأنا بحاول معاها عشان اطلع لنا بيت بروحنـا ..

أنتي تجنبيهـا .. حاولي ماتحتكين فيها

أمل : أنا أتجنبها وهي تتعمد تأذيني .. تتعمد تسبني كل يوم والتــالي

يوسف بترجي: بس هالفتره .. عشاني .. ع الاقل بس لين أرد من السفــر ..

مايمديه يكمل جملته الا أمل : بتســافــر ؟؟؟؟

يوسف : أي ياقلبي .. توه اليوم الوالد قايل لنــا .. حاولت معاه بس ...

قاطعته : لاا اااااااااا .. ماتروح وتخليني بروحي مع أمك .. بتذبحني هذي .... ودني عند خالتي ..

يوسف بترجي : أمـل .. عشــااانــي طلبتج ..

أمل : لاااااااا .. والله ماأقعد عندهـا وانت محد .. هذا وانت بالدوحه جذي لو تسافر بتذبحنــي .. مااابي ..

ماأقعد هني بروحي معاهـا ودني عند خالتي موزه

يوسف : خالتج مســافره وين أوديج لهـا

أمل : جذاب .. أصلا خالتي قالت مابتسـافر ...

يوسف ( انــا جذاب ؟؟؟!!!! ) : أشـ مصلحتي انـي اجذب عليج ... خالتج مسافره ... واذا مو مصدقتني قومي لبسي وبوديج بيتهـا وتأكدي من نفسج

 
 

 

عرض البوم صور غموض   رد مع اقتباس
قديم 11-04-11, 06:52 AM   المشاركة رقم: 34
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,170
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

كاتب الموضوع : غموض المنتدى : القصص المكتمله
افتراضي

 

بالامـارات ..



كانوا بالألعــاب يتسلون .. وصوت ضحكهم مــالي المكــان ..

دلال والعنود وحمد والدانه والمهـا.. مـاخلوا لعبه الا ولعبوهـا ..

بينمـا مشعل كان يراقب دلال من بعيــد ويفكر بكلامهـا

"" ماله داااعي تكمل هالتمثيليــه .. انا عارفه انك مستغل فرصه اني أحبـك و قاعد تتسلى بمشاعري""



مشعل بقلبه (( انـا اللحيـن ألعب عليج يادلال ...؟؟ أنــا .. أبي أفهم بس من اللي دخل هالفكره براسج ..

وعلى أي أســاس .... ماراح يعدي هاليـوم الا وانا عارف .. ليش تغيـرت 180 درجه تجــاهـي ...

لا تسوي لي مثل أمل وترفضنــي .. مثل مارفضت امل خـالد .. ))



وبعد ماتعبـوا من اللعب .. راحــوا السينمــا ... يحضرون فلم ...

شافوا فلم أجنبي كوميدي منــاسب لهم كلهم .. يعني للعوائل

ودخلوا اصفوا البنات جنب بعض والشـبـاب جنب بعض وأبتــدى الفـلــم

شوي يضحكون .. وشوي يهدى المكــان تمـامــا .. وعلى هالحــال لحـد ماخلص الفلــم



طلعـوا من الفلــم وهم مستــانسيــن

البنــات يمشون جداام والشبـاب وراهم

الدانه وهي تمشي جنب المها: شفتـي مهووووي الاشقــر .. يااااااقلبي عليه يهبــل ...

المهــا : لا والله .. بو شعر بني أحلا ....

الدانه عقدت حواجبها وقالت : لا.. بو شعر بني دفش .. أما الاشقر رومنسي .. فديته ..

المها : الا خديه .. هههههه

الا دلال دخلت معاهم بالسالفه : لا الاشـقـر ولا بو شعر بني .. بو شعر أسود ذاك الابيض افتح واحد فيهم أحلاهم ..

الدانه بدون قصد قالت : ألا بو قميـــص برتقالي وكاااب أسود ونظــاره شمسيــه .... ويبتدي اسمه بالـ ( م ) وينتهي بالـ ( ل )



مشعــل سمعهــا لانه كان قاط اذنه عندهم من اول ماتكلموا .. أبتسم لما سمع هالجمله ..

معنــاته أنهـا تحبه ... ( YaS..!!? )

دلال طالعتها بدون ماترد عليها وصدت ..



وأول مارجعوا الفندق ..

وكلا راح جناحه .. البنات قرروا انهم يبقون بالفندق لانهم تعبوا من الدواااره ..

من الصبح وهم يدوروون .. واللحيـن الساعه 3 ...

فقرروا يبقون بالفندق يرتاحون شوي وبالليل يطلعون ..



أمـا ( أم حمد , أم جاسم , ام ريم ) لما شافوا انه البنات نو وي يطلعون من الفندق

طلعوا هم بعد ماارتاحوا شوي .. راحوا يتشروون ... على راحتهم ..





اول مافضى الجنــاح منهم ..

أحتلــوا البنــات وشغلـوا المسجــل وأبتدوا يرقصــون ويغيرون جــو ...

مرت فتره مو طويله وايد وهم يرقصون وصوت ضحكاتهم تعلى ..

الفرح كان مسيطر على الجــو .. شوي ألا الـبـاب ينطق ..

أخترعوا كلهم ..



المهــا وهي تبند المسجل : أمبي ؟!!

الدانه تتلفت عليهم : وووي من اللي جايــنــا اللحيـن ؟؟

العنــود : واحنا شدرانا وحده منكم تروح تشوف من ..



كلهم : روحي أنتــي ..



العنود ماعجبها الكلام وهي متخصره : لا والله ... أنا اخااف يمكن حد بيخطفنـي ..

دلال : وووي من زينج يخطفج .. ناقص يفقد حاسه السمع من صراااخج ...

العنود : هيهيههيهيهيهييهه ياثقل دمج .. انا ماراح اروح ... كيفكم

( وترمي روحها على الكرسي وهي متكتفه )

الدانه : يمكن خالاتي جاايــن ....

دلال : هم يمديهم يروحون عشان يردون ؟؟



(((( تزيد الطقاات على البــاب )))))



المهــا وهي تضرب ريها ع الارض : حد يشوف من ...

العنود : وليش ماتروحيـن انتي .. انتي اكبرنــا ..

المها طالعتها بنظرات والشرار يطير من عينهـا وقالت : أأف زيــن ..





راحت صوب البــاب مايمديها توصل ألا كلهم ورااهــا ..



المهــا : دامكم بتجوني جذي وله جذاك ليش قاعدين تدلعون من مساعه

دلال وهي تحظنهـا من خصرهــا : نحتمي فيج .. علشان لا طلع حرامي وله شي .. ياخذج انتي

المهـا وهي تدزهـا : ويع .. مالت عليكم اقول .. ( تعلي صوتها عشان يسمعها اللي يطق البــاب ) مـــــن ؟؟؟!!

مشعــل : أأنـــــــا مشــعــل ..



دلال وهي تنااااقــز : ووااااااي مشعـل .. لحقوني .. واااي وااي

العنود وهي تسكتهـا : بس بس .. سكتي فضحتيني .. تلاقينه سمعج .. وكل هذا ماأحبه حبج برص اقول ..

المهـا : يلا ذلفوا ع الغرف تحجبوا ( تكلم الدانه ) وانتي بدلي ثيابج ..



راحوا كلهم تغطوا ولبسوا شيلهم ..

وفتحت المهـا البـاب

مشعل اللي كان متسند على طرف الباب : سنه لين تفتحووووون ...؟!!

المهـا ببتسامه : خير مشعــل ؟؟ بغيت شي ..

مشعل : والله قالوا لي أقعد عندكم ليــن يردووون .. خايفين عليكم ..

المهــا تلاشت الابتسامه تدريجين ( بيقعد عندنــا ؟؟ عزت الله كتم على نفسنا ) : أ .. أوكي حيــاك ..



دخل مشعل وعينه تتنقل بأرجــاء الجناح يدورهــا ..

قعد وهو يقول : الا .. الباقي وين ..

المهــا : دااخل يجيبون شيلهم لحظه اناديهم ..



راحت داااخل ..

فتحت الغرفه الا تلاقيهم مختبصيــن ..

المهـا وهي تسكر البــاب : بيقعد عندنا لين يردون خالاتي ...

دلال بصدمه ممزوجه بفرحه : حلللفــي ..؟

المهـا : أأي شعليج تشققتي من الفرح ... والله ماعرفنالج يوم تكرهه يوم تحبه ..

العنود وهي تدزهـا : تحبه ماعليج بس تكابر ..

دلال وهي ترد لها الدزه : أي احبه فيها شي ...

المهـا : المهم ماعلينا قاعد ينطركم برى .. خلصوني وطلعوا ..

الدانه لبست جلابيه وقالت : مهووي ذي زينه ؟؟

المهــا وهي رافعه واحد من حواجبهـا : لا والله ؟؟ مرصصه .. عليج وااايد ضيقه .. بدليها بدليهـا

الدانه : زيـن ..



طلعوا البنات الصاله وسلموا وقعدوا ..

وكل وحده تطــالع الثانيــه ..

ومشعل ماغير يطالع دلال وله يتصدد ...



عم الهدوء المكــان طلعت الدانه وسلمت على مشعل وقعدت جنب خواتهـا ..

مشعل وهو ينقل نظره بالجنــاح ..: أمممممم ... حلو المكــان ..

محد رد عليه ..

مشعل طالعهم .. وقال : زيــن ... شغلوا التلفزيون وله اي شي ... قبل لا ادخل صوت الاغاني حاشره الفندق بكبره .. واللحيـن هدوء

المهــا برتباك : اغـاني ..؟؟ أي أغــانــي ..؟ متى شغلنـا أغاني ..؟؟

مشعل طالعها بنص عين وقال : زيـن شغلوا التلفزيون .. وله حاطينه زينه ؟؟؟

المهـا : اوكي زيـن ..

قامت شغلت التلفزيـون وردت قعدت

توه بيعلق مشعل الا جواله يرن .. شاف المتصل لقااه خــالد

مشعل : هلا والله بالغــالي ..

خالد : هلا والله مشعلووه .. أشتقت لك يالخايس ..

مشعل ببتسامه : اللي يشتاق يسب ..؟؟هههه ماعلينــا شلونك وشلون الدوحه وأهلهــا ..

خالد : والله ياخوي الدوحه مو شي بدونكم... قاعد بروحي بالبيت مجابل أربع طوف .. زين ماأستخف ..

مشعل : زيــن تعال لنا الامارات والله ونااسه خلوووود ((( نقز قلبها مها لما سمعت اسمه ))) ..

خالد : لا لا .. مالي خلق اسافر .... أجيكم ليش ..؟ اكدركم

مشعل : لا خلوود لا تقول جذي .. ألا بتونسنــا ... وبيني وبينك مكـان مبين ....

خالد : توه جسوم يقولي نفس الكلام .. يلا هانت يوم وترجعون ..

مشعل : طير زيــن هههه نبي نستانس .. نغير جو .. تبينا تعال لنــا ..

خالد : أمحق اخوي .. والله قلت حق جسوم يوم وترجع قال لي أبشر ...

مشعل : يصرفك .. هههه زين دامك متملل وطفشان ليش ماتروح حق الربع ..

خالد : نصور اربع وعشرين ساعه مجابلني أذيت الريال ..

مشعل : هههههه

خالد : ع العموم سلم على اللي حولك .. وخاااااااصه الحب ..

مشعل : ههههه والله لو اني مو عارف انك تستعبط كان رجعت على اول طياره ع الدوحه ونحرتك ههههه

خالد ضحك : ههههههه يلا سلام ..

مشعل : مع السلامه .. ودير بالك على روحك .. اكل زيـن وتحلف عدل .. لا يصيدك برد .. نصايح الوالده ههههههههااى

خالد ضحك من قلبه وقال : اوكي .. يلا اقلب ويهك ترااك خسرتنـي ..

مشعل : يامال القح .. للحيـن انت على بخلك ههههه

خالد : ومابتغيــر .. فمان الله هههه

مشعل : فمان الكريم .. ههه



سكر خالد من عند مشعل اللي قدر يخفف عليه هالـ هم اللي متربع بقلبه ..

يفكر من بقى ماكلمه ؟؟!! مابقى حد .. لف عليهم كلهم من كبيرهم لصغيرهم ..



اليـوم التــالي بالدوحه



سـافر يوسف بعد ماتطمن على امل اللي ماتبيه يروح ويخليهـا مع أمه ..

نزل أمل بخطوات بطيئه متثاقله لحد الصاله

وقعدت تشوف التلفزيــون .. ألا شوق جايتهــا ..

قعدت جنبهــا وهي تقول : أـمتـي .. أـمتــي ..

أمل وهي تحط يدها ورى ظهر شوق وتقربها صوبها : عيون عمتج ..

شوق : أـمتــي .. تجين تلـ أ ـبين مـ أ ـاي كوله ( كوره ) بالحديقه ..؟

أمل ببتسامه : لا فديتج .. تعبانه اللحيــن خليها وقت ثاني

شوق تحوس بشفاشفها : أأأمممم .. زيـن .. بلوح ( بروح ) اقول لأعمتي هيام ..



راحت شوق وخلت أمل اللي عينها بالتلفزيون بس عقلهـا .. بعيد عنه

تفكر باللي ممكن يصير لها بهلـ كم يوم اللي بيفارقها فيهم يوسف ..

سندت راسها على الكرسي وتنهدت : آآآآآه .. الله يستــر بس ...



شوي ألا أم راشد نازله ومعاها أسماء

وصوتها واصل قبلها : شوي شوي يمه .. شوي شوي .. تعبانه واايد ياحبيبتي ؟؟

أسماء اللي تعبانه حيل : أي يمه ...

ام راشد نزلت الصاله وشافت أمل وقالت وهي تتحاشها : روحي يمه السيــاره وانا يايتج .. الحيــن .. بنادي منوول بس ..

أسماء كملت مشي وهي تعبانه بينما راحت ام راشد فوق

أول ما أختفت ام راشد قامت امل بسرعه لأسماء : حياتي شفيج ؟؟ عسى ماشــر

أسماء ببتسامه على ملامحها الناعمه : تعبانه شوي فديتج .. بروح المستشفى أشوف أشفيني ..

أمل ببتسامه : ماتشوفين شر ياقلبي ..

أسماء : الشر مايجيج ( ببتسامه زاده ملامحها نعومه ) ماأوصيج على شوق .. حطي بالج عليها أذا ممكـن ..

أمل : ووي فديتج لا توصين شوااقه مثل بنتــي ..

أسماء وهي تبوس أمل بالخد : تسلمييييييــن .. ( تخفض صوتهـا) ماتستـاهليــن اللي تسويه فيج خالتــي ...

أمل ببتسامه باهته: نصيــب ... اللهم لا أعتراض ..



الا أم راشد نازله اللي ماأبتعدت وايد ..

وشافت أمل وقالت وهي تطالعها بأحتقــار : أمشي يمه أمشي .. ( تعطيها مفتاح السياره ) هــااج روحي ركبي ..

أمل تطالع أم راشد بنظرات تحدي يعني ( مو خايفه منج ) ..

طلعت اسماء وأم راشد مازالت تطالع أمل بنظرات ..

أم راشد بصوت عالي : منوووووول .. يلا بسرعه نزلي ..... ضغطي قرب يرتفع من هالمنــاظر اللي اشوفها جداامي ..

أمل وهي تلعب بخصله من شعرهـا : نفس الحــاله .. ( تبتعد عنهـا ) أأف ياربي أبي هوووى أختنقت ... ( وقعدت بدلع على الكرسي وهي تحرك راسها محاوله انها تبعد شعرهـا عن ويها ) .. أأأف ..

أم راشد بغضب : نفختي بنــار جهنم قولي اميــن ..

أمل طنشتهـا وخذت الريموت وقعدت تفرفر بالتلفزيون وهي تغني : طبيعي منك يغــارون طبيعي كلهم يشكون .. وشي عادي لا تستغرب أذا حتى بعد يبكـون .. ( تطالع أم راشد وتصد عنهـا ) جميل ودوم ساحرهم .. من أولهم لأخرهم .. تراااك انت بتجنننهم .. وفتان الهوى مجنون ..

أم راشد بأعلى صوتها : منوووووووووول ويهد ...

نزلت منال وهي تعدل شيلتهـا : كاني كاااااااااانــي ... لا حول ولا قوه الا بالله على طول صراااخ .. كاني جيــت ..

أم راشد : ناطرينج .. بالسياره ....

وطلعت ولحقتهـا منال اللي قالت لأمل : بــاااي قلبوو ..

امل : باي حبيبتــي .





..___نهـايه الجزء التاسع عشر ___..

 
 

 

عرض البوم صور غموض   رد مع اقتباس
قديم 11-04-11, 06:54 AM   المشاركة رقم: 35
المعلومات
الكاتب:
اللقب:
VIP
ملكة بوليود


البيانات
التسجيل: Jan 2008
العضوية: 62121
المشاركات: 14,170
الجنس أنثى
معدل التقييم: غموض عضو على طريق الابداعغموض عضو على طريق الابداعغموض عضو على طريق الابداع
نقاط التقييم: 279

االدولة
البلدIndia
 
مدونتي

 

الإتصالات
الحالة:
غموض غير متواجد حالياً
وسائل الإتصال:

كاتب الموضوع : غموض المنتدى : القصص المكتمله
افتراضي

 

.___ الجزء العشريـن ___..



بيت بو جاسم



الســاعه 10 الصبح




اللي مافيه حد غـيــر خــالد اللي تملل من مجــابل الطوفه والتلفزيون وله النت ..

شال روحه ودخل سبح وتعـدل وكشخ

لبس ثوب أبيض وغتره بيضه ونظــاره شمسيه وسحب جواله وسويج السياره وهو طالع



يبي يغيـر جو .. تعب من كثر التفكيــر فيها وهي ولا مفتكره فيــه ..

عطااهـا أكثر من اللي تستــاهلــه .... باعته لازم يبيعهـا ..

نسيته لازم ينساهــا ..

الدنيــا مابتوقف عندهــا .. اللي خلقهــا خلق مليــون غيرهــا ..

وأكيــد راح ينساها في يوم ..؟؟ بس متـى هاليــوم ..؟؟ يااهو محتــاج لهلـ يوم كثيــر ..



هالافكــار كانت تدور براس خالد وهو يشغل السيــاره ماايــدري وين بيروح بالضبط .. بس المهم يطلع ..

حط على صوت الخليــج كانوا حاطيــن أغنيه .. لفـايز السعيــد



شفت ياقلبي



شفت ياقلبي وش جاك

من حب لي باعك وراح

انت تهدي له حبك وهو

للآسف رد هداياك بجراح




خالد سمع اول مقطع من الاغنيه وغير الموجه وهو يقول : كللللللش مو وقتك يافــايز مو ناقص أذكرهــا .. وانا أبي أنساهـا



لقى أغنيه لعبدالمجيد .. عجبته ... دام انه مافيها كلمات تعور القلب



عسى الله ما يجيب عتاب

ولا بعد وهجر وغياب

عسانا مانتفارق يوم

عسى دايم نكون احباب



من الدنيا وش المطلوب

سوى راحة فكر وقلوب

وخل في هواه تذوب

وهو مثلك في حبك ذاب



عسى تسلم وتبقى لي

فرح دنياي يالغالي

في قربك يا هنيا لي

تهنيت وزماني طاب






بيت بو رااشد



الساعه 10 ونص



كانت أمل قاعده بالصاله متملله .. حدهــا .. تبي حد تسولف معااه

منال محد طلعت مع أم راشد وأسمــاء .. وهيــام قاعده تلعب مع شوق .. وهي مالها خلق تروح تلعب ..



راحت فوق غرفتهـا وسكرت البـاب بملل واضح وقعدت على سريرهـا وأتصلت على نوف

من زمان ماكلمتهـا علاقتها معاها تغيرت 180 من عقب السالفه اللي صارت لها بالمدرسه

أتصلت على البيت محد يرد ..

خذت جوالها وأتصلت لها على الجوال .. رن شوي بعدها ردت نوف بصوتها النــااعمه

نوف : ألووو ..

أمل : هــلا والله ..

نوف بستغراب : ألـو ؟؟ من ..

أمل : شدعوه فديتج ماعرفيتني ..

نوف : من معاي ؟؟

أمل قالت دامها ماعرفتني خل أستعبط عليها شوي : قلبج وعقلج ودنيتج كلهــا .. من أكون ؟؟

نوف ماتحب هالحركات قالت : صج ماعندج سالفه ... باي ( وسكرت بويهـا )



أمل ضحكت وردت أتصلت



نوف بملل : ألوو ..من ؟؟

أمل بمياعه : شدعوووه عااد .. نسيتيني ..؟؟

نوف بتنرفز خفيف : بتقولين من أنتي وله أسكر ..

أمل : أمممم .. لحظه أفكر ..

نوف : اووه .. ( سكرت )



امل ردت اتصلت بس نوف ماردت عليهـا



طرشت لها مسج ..( نوفووه يالدبه أنــا أمل .. ههه .. )



دقايق الا نوف متصله

نوف وهي تضحك : ههههه يالخايسه ... خرعتيني

أمل وهي تضحك : مو مبين .. هههه

نوف : هههه شلونج .. شخبــارج ..

أمل : الحمدالله .. تمام ... شلونج انتي ..

نوف : أنا فــااااااايــن .. هــا شخبار عروستنا ..؟ أن شالله متهنيــا ؟؟

أمل تتنهد : ألا منغثه وأنتي الصــاجه ..

نوف بخوف : ووي ليش ؟؟ لا يكون طلع نحيس ونكدي ..

أمل : ياليــت ..

نوف : يهاوشج كل يوم ..

أمل : مستحيـل يسويها أصلا ..

نوف بخرعه : لا تقولين يطقج ..

أمل : فال الله ولا فالج .. أمه قشره بشكل أأووف .. ماتتخيلينه ..

نوف : ووي .. شسوتلج

أمل : تصدقين من أفتح عيني لين أنام .. وهي كارفتني ألا امل سوي جذي ألا امل غسلي ذي .. بهدلتنــي ..

نوف : وريلج وينه عنــها ليش ماتقولين له يوقفها عند حدها ..

أمل : مايقدر يقول لا لهــا .. وشي أكيد ماراح يبديني عليهــا ... وموقادر يوصل لحل وسط .... بس وعدني يطلعني ببيت بروحي اول مايرجع من السفر

نوف : ليش هو مسافر اللحيـن ..؟

أمل : أأي .. عنده شغل برى .. مسافر هو وابوه واخوه ..

نوف : ووي عيل ياأختي كسبي أمه .. لا تستفرد فيج في غيابه

أمل : مااااقــدر والله ماااقدر .. لا حاولت أصير طيبه معاها تطلعني من طوري .... تصدقين خلتني أغسل حوووش شكبره يركض فيه الخيـل ويتعب بعد .. بروحي .. ساعدتني هيووم بنتها فديتها شوي وتعبت ..

نوف : الله يعينج صراحه .. بس هم بعد انتي كسبيها بالطيب ولا نرفزتج عدي للـ 50 وبتهديــن .. أسألي مجرب ههههه

أمل : ههههههه المهم ماعلينــا .. انتي وينج ..؟ أسمع صوت عالم حولج ..

نوف : مع أختي بالسوق نتشرى .. قلت لها أبي ملابس يدااد .. قالت لي أوكي .. وأتفقنا نطلع اليوم

أمل بتسأل : شيووم أختج عندها ولد اللحيـن صح ؟؟

نوف : أأي ولد وبنت ...

أمل ببتسامه : شسماءهم ..

نوف : نووف ونوااف ههههه

أمل وهي تضحك : مسميه عليج

نوف بغرور زائف : من قدي ..

أمل : كم أعمــارهم ؟؟

نوف : نوف توها شهريـن .. ونواف 3 سنيـن ..

أمل : ياحليلهم .. عقبالج ..

نوف : لا أنا خليني على صوب .. عقبالج انتي سمي علي وله اذبحج ..هههه

أمل : لا وي تبيني أعقد البنت ههههههه

نوف : ووي شفيه أسمي .. نووف .. مو أمل ههههههه

أمل : هههههه فديتج يالدبه أشتقــت لج ..

نوف : أنــا اكثـ .......

( الا تسمع صوت صرخه من نوف)

أمل : ألوووو .. أألووووووو ... نووووف ..

نوف ماترد عليهــا





بالطرف الثاني عند نوف

اللي طااحت كيسها كلهم اللي ماسكتهم .. مع الجوال ..

بسبب أصطدامهـا بشــاب ..



الشــاب بسرعه شال الكيس يساعد نوف : أأأسف أأسف .. أختــي .. والله أأسف ماأنتبهت لج ..

نوف وهي تشيل كيسها : عمي انت ماتشوف تمشي وعينك بالارض ...

الشاب لما لقط كم كيس قال : ماأنتبهت لج والله .. أأسف ..

نوف وهي تاخذ جوالها اللي طااح زين ماتكسر : زيــن زيــن خلاص فكني ..

الشــاب قعد يتأملهــا .. (( شايفها من قبل هالبنــت بس وين ؟؟؟ ..))

نوف وهي تسحب كيسهـا منه: قلنــا لك خلااااااصــ ..... ( أسكتت لمــا شافت ملامحه .... وووي هذا من وين طلع )

الشــاب مد يده يعطيها الكيس : تفضلي أختي .. والسموحه ..

نوف مدت يدها وهي ترجف وخذت الكيس : لا .. لا ..ماصــ ــ ـ ـ ـار شي ..

الشاب أبتسم : عن أذنج ..



راح وخلاهــا تراقبه لحد ماراح ..

نوف وهي حاطه يدها على قلبها : أمبي .. هذي ثاني مره أشرشحه فيهــا .... الحيـن شبيقول عني ..( ألتفتت تشوف المكــان اللي راح منه مالقته ) ..

أأمبي فشله ..

خذت جوالها وأتصلت على أمل اللي متحرقصه ماتدري شفيها

نوف : الووو أموووووووووووووووووول

أمل بخرعه : شفيج ..؟ شصاير .. شفيج تصارخيــن ..

نوف : لحقي علي يالدبه ... توني داااعمه ولد عمج مادري عمتج مادري خالتج مادري خالج ..

أمل : لحظه .. لحظه .. لحظه .. شوي شوي .. وين صفيتي لي ذولا كلهم ... من بالضبط ؟؟؟..

نوف اللي توترت ع الاخر : أمووووول ماأقدر أتكلم .. قمت أرجف والله ... أمبي فشله ..

أمل : أأي شفيــج ؟

نوف : لحظه أمول .. والله مو قادره أتكلم قمت ارجف .... سمعي صوتي شلون صاير.. ( تاخذ نفس ) بسكر وبرجع أتصل لج ..

أمل : أتصلي مو تنسين .. لا تخليني على ناار مادري شفيج ..؟

نوف : اوكي أوكي .. يلا باي ( سكرت حتى ماعطت امل تقول لها مع السلامه )



حطت امل جوالهـا جنبها وأفكــار وااايد يات في بالها

( شفيها نووف ..؟؟؟ لا تطقع لي بس ولا تتصل .. لها 10 دقايق ماأتصلت بتصل أنا )

الا تسمع صوت أم رااشد حااشر البيت تحت ..

أمل وهي ترجع شعرها اللي مخليته مفتوح على ورى : الله يستــر ..



نزلت الصاله لقت الابتسااامه شاااقه حلج أم راشد شق ..

أم راااشد وهي تيبب : كللللللوش .. مبروووك مبــرووووك يابنتــي ألف الف مبروك ..( تبارك لأسماء )

أمل بتسأل : شسالفه ؟؟

أم راشد بفرحه : أسمــاء حامل ..

أمل بصدمه ممزوجه بالفرح : حــامل ..؟ مبروووك

راحت لأسماء وباستها على خدها وهي تقول : مبروك أسوومه ..

أسماء بحيا : الله يبـارك فيج ..حبيبتــي .. عقبــالج

دشت عقبهم منال : السيــاره مافيها بتروول ... بروح أصب بترول وبرجع زين يمه ..

أم راشد : زين يمه روحي .. ( ساعدت أسماء عشان تقعد بالصاله )



أم راشد وهي تقعد جنب أسماء : .. يلا عــاد نبي ولد .. يكون أخو لشوااقه ....

أسمــاء : أن شالله ..

ألا هيام جاايه الصاله : شسالفه أسمع صوت يبــاب ..؟؟

أم راشد : مرت أخوج حااااامــل ...

هيــام بفرحه : من أمــل ؟؟؟!!

أم راشد طالعت أمل بنظرات خلت الدم بعروق أمل يغلي وصدت عنهــا : لا وووي .. أسمااء مرت راشد ..

هيام راحت صوبها وباستها : مبروووووووووووووك يلا عاد أبي ولد ..

أمل كانت تطالعهم والابتسامه مرتسمه على شفايفهــا ..

بس أم راشد ماتقدر تخلي هالابتسامه تدوم : وأنتي متى أن شالله ؟؟؟؟؟

أمل بتسأل كله غبـاء : متى شنو ؟؟

أم راشد : أبي أشوف عيال ولدي ؟؟!!!!!

أمل أنحرجت وقالت : اللي الله كاتبه بيصير ..

أم راشد بلهجه تقهر : ياااخوفي تحرميني من عياله ولا أشوفهم ....

أمل كانت بترااددها كالعاده بس تذكرت كلام نوف لها وعدت للخمسين مايمديها توصل الـ 30 الا أعصابها هدت

وقالت : لا أن شالله خالتــي .. بتشوفينهم وأنتي بتربينهم بعد

(( قالت بقلبهــا : لو تموتين جدااامي ماخليتج انتي تربينهم .. ناقصه عيالي يطلعون مثلج ))

أم راشد ( مو طبيعيه اليوم وراااهــا شي ... وله هذا مو حجيهـا .. الله يستر من هالعقربه ): أن شاللـه ... أسماء من أول شهر حملت وجابت شوااقه ..وأنتي بتكمليــن شهرين ولا شفنا شي ..

أمل بأبتسامه بالغصب أنرسمت على شفايفها: مو مستعيليــن ..

أم راشد : مو بكيفكم أبي أشوف عيال يوسف ...

أمل وهي تقوم : يصير خير أن شالله .. ( تكلم أسماء ) عن أذنج فديتج .. بروح أريح شوي .. مصدعه

أسماء : اذنج معاج ياروحي ..



راحت امل وركبت ع الدري بسرعه وسيده على غرفتها وسكرتها

وهي تقول : انا شللي خلاني أطلع من الاســاس ... يعني لازم تقط علي كلام يغثنـي ؟



أنتبهت على جوالها اللي كان يرن

راحت قعدت وردت الا نوف

أمل : ألوو ..

نوف بتسأل : شفيج تغير صوتج ..؟؟

أمل : لا ولا شي ... انتي اللي شفيج وقفتي قلبي عليج ؟؟

نوف بحالميه : وووواااااااااااااي ياأمــل .. شفته .. شفتــه ياأموووول ..

أمل : من ؟؟؟ اللي شفتيه ؟؟

نوف : مادري شيصير لج بالضبط .. بس اللي شفته بالمستشفى ؟؟ اللي قلتي لي انه أخو مرقد بالمستشفى ؟؟؟ عرفتيه ؟؟

أمل : خــالد ..؟؟

نوف : مادري والله شسمه .. بس يعذب والله يعذب .. عذاااااااب ..وسيييييييم مملووووح .... دعمته وعطاانــي أكياسي.. بس والله باقنــي ..والللله

أمل عرفت على طول انه خالد : بااقج ؟؟ شدعوه مايسويهــا ..

نوف : ألا سوااااهــا وعيني عينك بعد ..

أمل بصدمه : واللــه ؟؟ وأنتي شدرااج ؟؟ في شي نقص عندج ؟؟؟؟

نوف : أأأي .. ياأمــل ... دورت بين ضلووعي مالقيت قلبي .. خطف قلبي معااااااه ..من نظره وأبتسامه ... باق قلبي بدون ماأنتبه

أمل بغيــره : مالت عليج.. على بالي عندج سالفه ..

نوف : يااااي ياأملووه .. عليه نظراات تذبحه .. وصوت يدوووخ ... وابتسامه تذووووووووب الصخر ..

أمل بغيره أكبر : زين أشـ شريتي من السوق ؟؟

نوف بلا مبالاه : خلينا من السوق .. خليني أفضفض لج ..



في هاللحظه تحت بالصاله عند أم راشد اللي عصبت

أم راشد لهيام : شفتي ..؟ شفتي مرت أخوج .. قاعده تقط نغزات علي .. ويلوموني لا قلت ماأطيقها ..

هيام بنفاذ صبر : اللحيـن شقالت هي يايمه ... بتروح ترتــاح شوي ..

أم راشد تقلد طريقه كلام أمل : " برووح أرتــاح شوي (( ترص ع الكلام )) مصــدعه " شقصدهــا ؟ مصدعه مني ...

هيام : يمه انتي الحيـن بتخربين فرحتج بأسووم جذي .. خلاص عديها هالمره ..



السـاعه 1 الظهـر

فوق عند أمل اللي كانت توها طالعه من الحمام الله يعزكم سبحت

وطلعت تنشف شعرها القصير من المــاي ..

وشغلت الاستشواار علشان تنشفه .. وبالمره تستشوره ..

ولما خلصت من شعرهـا لفته وكحلـت عيونهـا وحطت لها قلوس شفاف

وراحت خذت عبـايتهـا ولبستهـا ولفت شيلتها لانهـا أتفقت مع نوف انهم يتغدون برى

وأول ماصارت نوف عند باب البيت

شالت شنطتهـا وطلعت لقتهم كلهم ( أم راشد . منال . هيام . اسماء . شوق ) يتغدون

كان ودها توصل لباب الصاله بدون حنه ورنه

بس هالشـي مستــحــيل



أم راشد : على وين أن شالله ؟؟

أمل ببتسامه مصطنعه : بروح أتغدى برى مع رفيجتي ؟؟

أم راشد : وشفيه غدااانــا مايعجبج ؟؟ وله بنت الشيخ ماتاكل أكلنـا ..

أمل ( أبتدينـا... اللهم طولج ياروح ) : لا خالتي شدعوه .. طبااخج أينن .. بس متواعده مع رفيجتي وهي برى تنطرني اللحيـن

أم راشد : شلون تطلعيـن بدون ماتعطيني خبر ..؟ وله عشان ريلج محد خذتي راحتج ..

أمل الابتسامه اللي غصب أنرسمت أنمسحت وقالت بحزم : أولا .. أنا ماأسوي شي بدون ماأخذ شور يوسف .. وثانيـا هو بنفسه قايل لي اذا بطلع وله شي عادي ... عشان ماأتمــلللل ..

أم راشد بستهزاء: والله؟؟ ماقـالي ..؟ سمعيني أنتي ...البيت هذا بيتي أنا مو بيتج انتي ويوسف .. أذا بتطلعين تاخذين شوري قبل

يمكن عندي شغله أبيج تسوينهـا ..

أمل طالعتهـا بنظرات وقالت : عن أذنج ..



طلعت وسكرت البــاب



ام راشد : روحه بلا رده ..



ركبت السياره الا نوف

نوف : هلا والله تو مانورت السيـاره .. شفيج تأخرتي

أمل بتنرفز وهي تسكر الباب : أم يوسف .. يننتني لازم تغثني كل يوم ... أنا مادري ليش ماتحبني هالمره ..

نوف تكلم السايق : روح الستـي

أمل : لالا نوف .. مالي خلق زحمت الستي ..

نوف : احنا بنروح نتغدى هناك .. وبعدها بنروح الكورنيش نتمشى شرايج ؟؟

أمل وهي تتسند : أوكي ..

نوف تكلم السايق : الستي ..( تلف على أمل ) شفيج متضايقه ومالج خلق شي ... كل هااي عشان ام ريلج

أمل : تصدقين فيني الصيحه .. مو متعوده على هالمعامله .. احاول أحترمها وأقول عيب أصارخ بويها مهما كان كبر امي .. بس هي تطلع الواحد من طوره .. تعاملني جني خداامه

نوف :ووي لا تصيحين ولا شي .. أحقريها لحد مايرجع ريلج ولزمي عليه يطلعج ببيت بروحج مو عيشه هذي صراحه ..

امل : وهذا اللي بسويه أصلا .. العيشه مع امه تقصر العمر ..

نوف بغشمره : قولي آآميــن ..

أمل : أميــن ؟؟ ليش ؟؟؟؟

نوف : الله لا يرزقني بأم ريل قشره مثل اللي عندج ..

أمل ببتسامه : تطنزيــن

نوف : أأي والله .. جد ... من وصفج لهـا أحسها نكديييييييييييه بشكل الله لا يبليني بوحده من نفس طينتهـا ..





أول ماوصلوا الستي راحوا مطعم ( آلي فرانس كافيه )

وقعدوا وطلبوا لهم ..

نوف طلبت شوربـا .. وعصير فراوله وأمل شوربا وعصير برتقال

نوف وهي تشرب العصير : اللحيـن هذا غدى ..؟؟

أمل : تبين طلبي لج .. أنا مالي نفس أكل ...

نوف تحاول تغير حالت رفيجتها : أموول يلا عاد شفيج منكده على روحج ... شيليها من بالج ع الاقل اللحيـن بس

أمل : قلبي ناغزني والله ... حااسه بيصير شي اليوم بس شنو مادري .. الله يستر ..

نوف : والله ماعندج سالفه .. شوفي نخلص غدى نروح السينما بعدييين نروح الكورنيش

أمل : لا لا .. نوفووه ماأبي ...الستي زحمــه .. زحمه .. أهل الدوحه كلهم هني

نوف : عيل اللاند ..

أمل : يعني اللاند أحسن من الستي .. اثنينهم نفس الحاله ..

نوف : نبي نتمشى شوي ..

أمل : الكورنيش من زمان مارحته ..

نوف : انا مليت منه

أمل : تقولين كلام بعديـن تغيرينه

نوف : أوكي خلاص.. لا تزعلين نروح الكورنيش ونطب بالبحر نسبح عشانج بس

أمل : فديتج هههههه



وبـعد ماخلصـوا أكـل ..



وأشتروا لهم كم شغله على طريجهم

راحوا الكورنيش كان الجو روعه مو بــارد ولا حــار داافي

وفي هوى خفيف يـرد الروح

قعدوا يتمشــون نوف تسولف وأمل مو معاهـا عينها معانقه البـحـر



وتفكـر بحالهـا اللي تغيـر بلمح البصـر .. وين كانت وويـن صـارت

أمل البنت المدللـه اللي عمرهـا محد صرخ عليهـا من أهلهـا ..

تطلع لها أم ريـل تصبحها بصرااخ وتمسيهـا بصراااخ

تفكـر شلون كــانت تـرسم حيــاتهـا مع يوسف .. وشلون بتــكــون ..

حبــته ..؟؟ لا لا .. اللي كاانــت تحس فيه تجــاه يوسف مــاكــان حب .. كان أعــجــاب ..

وفكــره أنتقــامهـا من خـالد وخطــبته لهــا .. خلتهـا تتعـلق بيوسف اللي أذا خطبهـا ووافقــت عليــه

راح تحطم وتدوس بهلـ طريقه على قلب خـالد .. مثل ماداس هو وأخوه على قلب أختهــا ..

أعتقــدت انهــا تحـب يوسف .. وأنه هو فــارس الاحلام ..

لكـن طلع العكس

يوسف انسـان طيب وعاشقهـا .. ومستحيــل يرفض لهـا طلب ..

لكــن الشي اللي مو عاجبهـا فيه .. أنه ينفذ كلام أمه بحذافيره ..

ومستحيــل يقول لهـا ( لا ) بالعربي سكــان أمه ..



تنهــدت تنهيده طويله وقالت بقلبها( آآآآآه يــاخ ـالد .. هذي حوبتك كل اللي يصيـر فيني بسبـابك ... )

قطع حبل أفكـارهـا الطويل صوت نوف : ألوووووووو..

أمل ألتفتت عليها بسرعه : هممم ..

نوف : وين وصلتــي ؟؟

أمل صدت عنهـا وقالت : معــاج ..

نوف : الا مو معــاي كلش ...

أمل طالعتهـا وأبتسمت بدون ماترد..





مر الوقت بسـرعه البـرق وصـارت الساعه 8 ونص بالليـل

ركبت أمل السيـاره ومعـاهـا نوف
وصلت نوف .. أمل بيتهـا وعلى ماوصلت كان الساعه 9 وردت هي البيت

 
 

 

عرض البوم صور غموض   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أصعب دروس عمري, أصعب دروس عمري للكاتبة : l7'9t '3ram .., القسم العام للروايات, الكاتبة : l7'9t '3ram .., شبكة ليلاس الثقافية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t154076.html
أرسلت بواسطة For Type التاريخ
Untitled document This thread Refback 09-01-11 08:35 AM


الساعة الآن 12:36 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية