لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


وما على الدنيا من بعدك حسوف .. مشاعل عبدالوهاب

ماعلى الدنيا من بعدك حسوف لــ تحميل الروايه على " تكست أو ورد " لــ تحميل الروايه على " pdf أو utf.8 "

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 08-01-11, 12:01 PM   المشاركة رقم: 1
المعلومات
الكاتب:
اللقب:

البيانات
التسجيل: Jan 2011
العضوية: 210857
المشاركات: 9
الجنس أنثى
معدل التقييم: مشاعل عبدالوهاب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
مشاعل عبدالوهاب غير متواجد حالياً
وسائل الإتصال:

المنتدى : القصص المكتمله
Flowers وما على الدنيا من بعدك حسوف .. مشاعل عبدالوهاب

 


ماعلى الدنيا من بعدك حسوف


لــ تحميل الروايه على " تكست أو ورد "

مكتبة القصص والروايات المكتملة للتحميل ..

لــ تحميل الروايه على " pdf أو utf.8 "

مكتبة القصص والروايات المكتملة بصيغ تدعم الأيباد والهواتف الذكية ..


..
..
..




بـقلم= في غيابك موتي دنا(مشاعل)

بـسم الله الرحـمن الرحـيم

صبـــاحكم//مســــائكم ,خير

الـيوم راح انزل لكـم اول روآيـــه لي[ماعلى الدنيا من بعدك حسوف]

راجـيه منكم الدعم الكــآفي لإكمـال مسيرتي في عــآلم الروايات

لخـوضي اول تجربـــــة به وانا انشرها بكل قوة قابله منكم

النقد والمـدح واشكر كل من دعمني وشجعني لهـذا
جـمعت مشـــــآعري للتتفجر برآكين وتتوج قصة حُب خالدة

على مر العصـور ..

الحـب الطـاهر والعفيف دفء الحب اللذي لابد ان يكون

حزيـنــــا وفرح‘ـــا على الغـالب..

حيـــــاة اشخاص تتغير بـكلمة الى الاحسن والى الاسوء احيان

هذه الروايه احداثهـا من اعماقي وافكاري ومشاعري

انقلها لكم خـــــالدة مخلـــدة للزمـن..

//ارجعوا لكل من اراد النقل ان يضيف اسم الكاتبه //

ولا احـلل ولا ابيح كل من نسبها بـأسمه ولانقلها بدون ذكر المصدر

ترقبوني~

 
 

 

عرض البوم صور مشاعل عبدالوهاب   رد مع اقتباس

قديم 08-01-11, 12:03 PM   المشاركة رقم: 2
المعلومات
الكاتب:
اللقب:

البيانات
التسجيل: Jan 2011
العضوية: 210857
المشاركات: 9
الجنس أنثى
معدل التقييم: مشاعل عبدالوهاب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
مشاعل عبدالوهاب غير متواجد حالياً
وسائل الإتصال:

كاتب الموضوع : مشاعل عبدالوهاب المنتدى : القصص المكتمله
افتراضي

 



الجزء الــأول
صـوت زجـــاج يتكسر ابـواب تتسكر بقوة
اعصـاب متوترة اصوات متفرقه متعالية
ســب شتــم من شتى الانواع
جــالسة في الزآوية في غرفتها وساده اذنينها بأيدينها
وتصــآرخ وهم من شدة مااصواتهم عالية ماراح يسمعونها
مـاقدرت تتحمل كل ويوم تتجـاهل هالاصوات
لكن بلا جدوى نزلت تركض لدرجة انا كانت بتوقع
مع الدرج وقـفت وكلهم يتكلمون مااحد لمهـا
ضياء بصوت عالي شبه صراخ:خلالالالاص كل يوم كل يوم بس حرام عليكم
الجـميع وجــه نظره لها دقيقة او ربما اقـل ورجعوا يكملون نقـاشهم او ان صح التعبير هواشهم
طلعت تركـض في الحـوش وقـفت قبــال بـــاب الشآرع
فكــرت مجرد تفكير مثل كـل يوم وش بصير لو طلعت
مع هـالباب ولا رجعت كانت تفكر تفكر ولكن اليوم
شي غريب اليوم تنفيـــذ ....
طلعت مع بــاب الشآرع وهمت بالركوض الين ادركت انها ابعدت عن حارتهم
وصـلت حـــارة ماتعرفها وضيعت حارتهم حست بهالحظة بـالخوف
قررت تمشي لم شـافت ان الدنيا اوشكت انها تعتم
مشت ومشت ومشت
وصلــت حـــــــــارة كل البيوت الي فيها فخمة فلل
وبينـما هي تمشي سمعت صوت الاذان اذان المغرب
وهي واقفه بن الشـارع انفتحت البوابتين الي على يمينها ويسـارها
اقتـربت م البوابة اليمنى كـان الرجــال كبير في السن شوي
والايسـر كان اشـب قـالت لهم انها ماتدري وين بيتهم
جـاها الرجال الايمن:وش فيــك يابنتي
ضياء:ان طلعت من بيتنـا واخواني يتهاوشون ولا دليت بيتنا
الايسر:وش اسمك يــابنتي
ضياء: ضياء !! وانتوا من
الايسر: ههه انا ابو سعود
الايمن:وانـــــا ابو فهـد
ابو سعود:تعالي ادخلي معي البيت
هنا همت بصراخ لالا اخـــاف مابي اروح معك
ابو فهد:تعالي معي زوجتي جوه تعالي
ضياء:اخـــــاف ؟؟
ابوسعود:لا تخـافين يـابنتي تعالي
في هذه الحالة ماكـآن عندها اي خيار دخلت بيت ابو فهد ال كان من جوا كبير وفخـم
تفـاجـأت لانها اول مره تدخل بيت زي كذاماتشوفه ماتشوفه الا في المسلسلات
تقـدمت لهم حرمة كـان عمرها متوسط لاكبيره لا صغيرة ومسكت راسه وتمسح على شعرها بكل حنان
الحرمة:من هالاموره يابو فهد
ابوفهد:هذي ياام فهد ضياء
ام فهد:هلا ضياء انا اسمي ام افهد
ضياء اكتفت بأبتسامة ماضنت ام فهد انه لقاها في الشارع لان شكلها وشعرها كان مرتب وباين عليها بن ناس ام فهد:يـاقلبي يـاابو فهد شرايك ناخذها عندنا
ابوفهد:وين ناخذها فيه
ام فهد:ناخذها ونربيها وهي شكلها مؤدبه ومربية
ابوفهد عصب من كلامها:لالا و ش تقولين انتي
ام فهد:الله حرمني من العيال خلني اربيها زي بنتي
ابوفهد:خلينا نسألها
ام فهد:اكيد بتقول لا وتبغى اهلهـا
ابوفهد:لاطبعا ماني موجه لها السؤال مباشرة
توجهوا ابوفهد وام فهد لـ ضياء الي كانت جالسة بالصالة ابوفهد:ضياء انتي ساكنه مع مين
ضياء:اخواني وخواتي
ابو فهد:وكم اخوانك وخواتك
ضياء:خمسه وانا السـادسه ثلاث اود وبنتين
ام فهد:وين امك وابوك
ضياء:امي ماتت وابوي تزوج وحده شرانية وهي ساكنه معنا بالبيت
ابوفهد:وابوك حي
ضياء:لا مــــــات من زمـــآن
ابوفهد:وليش هي للحين عندكم مادامه مات
"ضياءترفع كتوفها بمعنى"مدري
ابوفهد بحنان:طيب انتي تبين تسكنين معنا ولا معهم
ضياء:معكم هناء في بيتكم
ام فهد:ايه واروح انا وياك السوق اشتري لك كل
الي تبينـه
ضياء:خلاص ولاعاد اروح لاخواني ويطقوني
ام فهد:ايه هاه شقلتي
ضياء:ايه احســــن وتصير انت ابوي وانتي امي
ابوفهد:ايه موافقة
ضياء:مـوافقـــــة ههههه
ابوفهد:طيب كم عمرك ياضياء
ضياء وتحسب على اصابعها:9سنـــوات
ام فهد:ياربي شكلك اصغر من كذا
ابو فهد:تدرسين!!!؟
ضياء:لا يوم ماتت امي ابوي ماخلاني ادرس ويوم مات درسني اخوي بعدين فصلني
ام فهد:انا مدرسة وبخليك تدرسين معي بنفس المدرسة
ضياء وتصفق:والله بصير اروح المدرسة
فــرحت الطفـلة وفـرح ابو فهد وام فهد
ضيـــاء انتست لعـائلة ابوفهد
وصآرت بنتهم عاشت حياة في الحلم ماحلمت انها تعيشها درست وتعلمت وصار له ام واب احن منهم في الكون ماقدرأت مثلها طيبة موطبيعية واستغربت ان في هالدنيا بشر طيبة كذا طول عمرها عايشه مع ذئـاب ذئـاب بشرية من جميع الجنسين المذكره والمؤنثه ولكن اللحين كل شي تغير كل شي اجمالي تغير في حياة ضياء صار الحلم عندها زائر كانت تتمنى تحلم بس عشان تهرب من الواقع المر مع صغر سنها والان اصبح الحلـم بالنسبة لـ ضيـــاء مجرد زائر يمر عليها بين الليـــــــالي كبرت ضياء واضافت الضياء على بيت ابوفهد وزوجته اصبح عمرها الان مرت عشر سنوات كلها فرح على ضياء واهلها ام فهد وابوفهد ونست ايامها الي كانت تعيشها في بيت ابوها
خلونـا نتعرف على بـيــت ابوفهد وام فهد
ابوفهد "سعد"جـدا لا ينجب اولاد
ام فهد"منى" انسانة طيب الدنيا كله فيها
ضيــاء الي انضمت لهم من عشر سنوات19 سنة فــاتنة وجميـلــة اصبحت من طفله صغيرة الى ملكة جـمـال
ضياء:يـمه اليوم ابي اروح بيت عمي خالد"ابوسعود"
منى:بــراحتك يـــابنتي
ضياء:اوكي اجل بـابـا وين؟
منى:ابوك بشركة هلك نفسه شغل
ضياء:والله موزين له عنده ظغط وسكر
منى:عجزت وانا اقوله وهو مو صغير وكل اكبر زادت امراضه
ضياء:خله يجي وانا اتفـاهم معه
منى:انشوف اذا بتــأثرين فيه ياضياء
ضياء:بأثر انا تأثيري قوي
منى:ههههههههه طيب يام تأثير قوي
ضياء:ههه يله انابروح اجلس عالنت لين يجي بابي
×××××××××××××××
كــل الدنيا تغيرت الا هالمكان مثل ماتركته ضياء زي ماهو ماتغير في كل زاويه تعم الفوضى والاضطراب والاصوات المتعاليه والشتائم الي تزادد بين افراده يوم عن اخر
محمد:سـاااااره ساااااااااره ومرض
ساره بجلالها:تبن فيوجهك وش تبي
محمد:حط ي الغداء جعلك الغده
ساره:وعقارب جده وابها وجيزان ونجران
محمد:انتي بتروحين ولا وشلون
ساره:لا وش بتسوي بتقوم تظربني
نزلت مع الدرج تركض وهجمت على ساره وترفس فيها
جميله:اذا قالك محمد شي تقولين طيب جعلها ماتطيب جروحك
سارة:اقول خري عني الداشره يااخت الداشر
محمد نط من مكانه:وش قلتي انتي ماكفاك ضرب جميله
دخل تعبـان زهقـان من الشغل وفاقع من الحر:بس بس ازعجتونا اله يبلشكم باعماركم
جميله:تركي شف تسبني وتسب اخوي محمد
تركي:مالت عليك انتي واخوك
محمد:بدال ماتدافع عن شرفنا تقول هالكلام
تركي:هههه اي شرف هي وش قالت محمد كبر عقلك ولاتقربها تراها مرت ابوك
محمد:ابوي مات وكلاه الدود
تركي:ياسلام يعني اذا مات واكله الدود خلاص ماتصير زوجته
سارة:انا وش الي مقعدني عندكم بروح لاهلي
محمد:انا الي استغرب اهلك وشلون خلوتس تجلسين هنيا
جميله:يله روحي ضفي عفجس الله يضفس من الدنيا
تركي:انا لله وانا اليه لاراجعون
ورقـى وغرفته وسكر على نفسـه الباب
في غــرفة سلطان وزوجته ندى
ندى:انا ماالوم ضياء يوم انها انحاشت
سلطان:انتي وهل موال وش تيني اسوي
ندى:طلعني من هالبيت مابيه خلاص طفشت جميله من جهه سوير من جهه محمد من جهه ليلى من جهه خلاص باموووت
سلطان:اصلا سوير اخوها اليوم بيجي ياخذها ونفتك منها ومن بزارينها
ندى:واخوانك العلل
سلطان:ليلوه وبتتزوج بعد كم شهر وجميله احقريها اصلا هي ماتجيك الااذا جيتيها
ندى:اسمع اذا راحوا سوير ويلوه غرفهم باخذها
سلطان:وش بتسوين بها
ندى:اممم غرف عيالي طبعا
سلطان:وعيالك نايمن في الشارع كلهم بغرفهم
ندى:لا حلا غرفتها صغيرة ورائد مايبي هالغرفة يقول اصوات الي بشارع تزعجه
سلطان يبي يفتك منها:على هالخشم بس خليني انوم لو ساعه
ندى:نوووم العوافي يابعد قلبي
×عـــائلة ضيـــاء الاصليه ×
سلطان الاخ الاكبر متزوج وعنده بن وولد
ندى زوجته عصبية ومغورة ومتعجرفة
عيالهم حلا10 سنوات+رائد 11سنة
تركي موظف في قطاع عام
عمره 27سنة متنرفز من حالة اهله
ليلى 26سنة مدرسة في مدرسة ابتدائية بتتزوج بعد اربع شهور
محمد24سنة طــآآآيش صايع ضايع عربجي
جميله 22سنة دم ضروسها سارة زوجة ابوها
سارة زوجة الاب28سنة مدرسة في مدرسة خاصة
عيالها جود 14سنة
عبدالملك 12سنة
لولوة 8سنوات
وهــذا هو حــال بيت سلطـان واخوانه هواش ×هواش
حيــأة ممله كل انسان في وادي والثاني في وادي مافيه حب تفاهم محبه عطف حنان
كل هالمشــاعر الانسـانية خـاليه منه

سعدون اخو ساره جاي ياخذها:مبغيتي تتركن ذا البيت النحس
سارة:والله فرقـاهم عيد
جميله تطل عليها من الشباك وفي يدها"جيك"مويه وتكبه وهي تقول:روحــه بلا رجعه انشــاء الله درب يسد مايرد جعل ذا المويه تروح ولاترجع مثلك
سعودن:لوسمحتي ادخلي وعن الفضايح
جميله:مالك دخل انت خذ اختك ال..وفارقوا
سعدون عصب من الكلمة الي قالتها:ساره خليني اروح اادبها
ساره تشده:خلها هاذي قليلة ادب وماتستحي
ليلى:جموول ادخلــي وجع والله لوشافك محمدوه قطعك
جميله وتدخل راسها:اليله عيد الليله عيد فكه وفارقنا وجه سوير كلووووش
. . . . . . .
ندى تكلم اختها في الجوال:اسمعي المهبل وش يسون كله عشان سوير راحت
منال:ماينلمون لو اني منهم بسوي حفلة
ندى:لاتستبعدين يسونها ترى
منال:ههههههه الله يكون بعونك
ندى:ايه والله اتلله يصبرني عليهم
اترككـم لحد هنـا اشوف ارأكـمـ وانتقـادتكم

 
 

 

عرض البوم صور مشاعل عبدالوهاب   رد مع اقتباس
قديم 08-01-11, 01:27 PM   المشاركة رقم: 3
المعلومات
الكاتب:
اللقب:

البيانات
التسجيل: Jan 2011
العضوية: 210857
المشاركات: 9
الجنس أنثى
معدل التقييم: مشاعل عبدالوهاب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
مشاعل عبدالوهاب غير متواجد حالياً
وسائل الإتصال:

كاتب الموضوع : مشاعل عبدالوهاب المنتدى : القصص المكتمله
افتراضي

 


الجــــــــــــــ الثـــآني ــــــــــــزء

ابوفهد:السلام عليكم
ضياء:وعليكم السلام الله يهداك يبه اتعبت عمرك بهالشغل
ابوفهد:وش اسوي وانا ابوك
ضياء:الحين روح خذ لك شاور واجيبلك كاس مويه بارد وتريح تبي تتغداء
ابوفهد:لامالي نفس ابي الفراش بس
ضياء:براحتك يبه ترى بروح بيت عمي خالد
ابوفهد:كيفـــــك يـامي
××××××
ملاك:ريماس جهزي كل شي اليوم بنسوي حفلة
ريماس:ليش ومن بيجي غير ضيو
ملاك:ضياء وغدير وامجاد
ريماس:ماشاء الله مااسرع عزمتيهم
ملاك:وش وراي خليني امتع نفسي
سعود:هلا
البنات:اهلييييين
ريماس:هلا سعود شلونك
سعود:بخير ابوي جاء
ملاك:نوو ماوصل بابا
سعود:بـــــــابـــــــا
×××××××××
حلا:ماما ابي شنطة جديدة
ندى:وشنطتك وش فيها
حلا:صدقتي شاريه شنطة جديدة
ندى:اف ومن شاريتها صديقتك
حلا:تقول ابوها جايبها لها هدية من لندن
:ههههههههه يله وريني كيف بتجيبينها لها
ندى:الحمد لله والشكر مجنونه
جميله:والله مالمجنون الا انتي وبنتك لندن مره وحده عاد
ندى:ولايهمك اجيبها لك لوانها في الصين
جميله:ارخص ارخص في الصين
ندى:لو سمحتي ياجميله لاتدخلين بيني وبين بنتي وتحطمينها
جميله حست انها سوت شي غلط ومالقت شي يبرر موقفها غير السكوت
××××××××××
الســـــاعة سبع المغرب في بيت ابو سعـود
خلوني اعرفكم على عايلة ابوسعود
خالد ابوسعود"خالد" رجل اعمال
ام سعـود "منيرة" ربة منزل
سعود 24سنـــــة يشتغل مع ابوه وعمه
ملاك 19 سنــــــــــة
ريمـاس 18سنــــــة
××××××××××××
ملاك:كان ماجيتي يالدووبا
ضياء:هههههه لاتنصبين قلت لك بجي
ريماس:ايوه قلتي بس تاخرتي
جت عندهم ام سعود:ماشاء الله عليك ياضياء تهبلين ملكة جمال
ملاك:اي والله ملكة جمال
كـانت ضيـاء من سكنت عند ابو فهد وام فهد وهي تتردد عليها كلمة ملكة جمال لجمالها الطبيعي السـاحر
ضياء:تسلمين ياخالتي عيونك الحلوة
ام سعود:امك بالبيت!؟
ضياء:اي بالبيت
ريـمـاس تعالي ترى اختي الفاضلة عزمت غدير وامجاد
ضياء:الله يحيهم ههه
بعـد ســــــاعة
ملاك:وصلوا غــدير وامجاد
امجاد:السلام عليكم
الكل:وعليكم السلام
غدير:ماله داعي اسلم عليكم امس شايفتكم
ضياء:لا والله هههههه جديدة ذي
××××××××××××××××××××××
في مكــان مزدحم والناس من مختلف الاعمار والاجنسيات "الســـوق"
في محمل ماراح اذكر اسمه
جـالس يقــايس مع الزبـــاين وهو مخنوق كان نفسه بوظيفة احسن من كذا لكن الشكوى لله هانت عليه نفسه سعودي مواطن اشتغل مع الهنود والزيود لولا المشاكل الي صارت له مع عمه واخذ نصيب ابوه من الورث كان الحين متخرج ومتوظف في احسن قطاع خاص ولاانه مبتعث خارج السعودية يدرس ويرجع باحسن شهادة ويفرح قلب امه وحيدها وضناها في هالدنيا وهذا حاله ويتحلطم "حتى سواقين اليموزين مرتاحين اكثر مني" كـان وسيم طويل واسمر وشعره اسود على شهاب وحواجبهـ عراض وشفايفه رسمها دقيق وعيوانه الناعسه الوسيعه بنفس الوقت صعب احد يشوفه وماينغرم فيه وكل جنس حواء تدخل المحل تسأله "انت سعودي" واذا جاها الجواب"ايه نعم" فعلا مايصدق بذا الجمال ويشتغل هنا ولبس العمل الي لابسه زايده وسـامه وشخصية ورجولـة وهيبة اكثر
×××××××××××××××××××××××
ضيـاء كانت جالسه في المطبخ وطلع الكـاتوا من الكرتون الي هي جايبته من "سعد الدين" وبينما هي في المطبخ انفتح باب المطبخ الوراني ومع انوه صوت المسجل عـالي ماسمعته
××××××××××××××××××××××
دخل المطبخ وشـافها شعرها اسود وكان مجعد فكرها ملاك لانها مجعده شعرها ماانتبه ان شعر ملاك قصير وهي اطول من التجعيد جاها من وراء ظهرها وحط يده على كتفها
سعود:يالدوبا ولاتعطي ولاتقول تفضل
ضيـاء سكتت ماعرفت وش ترد عليه
سعود:وش فيك انطرمتي حسيتي بتأنيب الضمير ويهزها :ملاكوه
ضياء:سعود انا مو ملاك
سعود وخر يده بسرعة وجسمه يقشعر خوفا:اسف اختي اعذريني فكرتك ملاك اختي وطلع بسرعه
ضياء تتنهد بقوة:الحمد لله ماصار شي اعظم من كذا ولا شاف وجهي
×××××××××××××××××××××
سعود طلع من المطبخ مرتبك وقلقان :ياربي من ذي معقولة غدير بنت خالتي لطيفة ليش ماتكون هي من يوم انها صغيرة وهي اجمل بنت شفتها
×××××××××××××××××××××××
ريماس:ضياء ليش تاخرتي كل عشان كم قطعة كيك
ضياء:لا بس جلست ادور الصحون
ريماس:شوفيها ملاك مطلعتها لك
ضياء:اه قصدي مالفيت الملاعق
ريماس:فيه احد يأكل كيك بملعقه
ضياء:يووووه ريماس الشوك الي هي هي
ريماس:اوكي لاتعصبي ترى ماصار شي
مرت الحفلة بسرعة ضحك وسوالف بنات
ماتعمقت كثير في شخصيات غدير وامجاد لان لهم مشاهد لاحقه في الاجزاء القادمه خلونا نروح لضياء الي كانت مشغولة البال وملاك مذيتها قومي ارقصي قومي ارقصي قامت رقصة شوي علشان تسكتها وبعدين جلست راحت امجاد وبعدها بدقـايق راحت غدير مابقى غير ضياء
ملاك:ضياء نامي عندنا الليلة
ضياء:لا والله تدرين الوقت متأخر بعدين الجامعة مابى عليها شي اليوم الخميس والجامعة السبت بروح بكره الصبح لسوق انا وامي من الصبح عشان ناخذ راحتنا
ريماس:يوه ياسمجك ياضياء
ضياء:والله مره ثانية بجد ابوي تعبان ومحتاجني جنبه
ملاك:على هواك بس ترى انتي وعدتيني
ضياء:وانا عند وعدي
ريماس:اوك مع السلامة
ضياء:مع السلامة
××××××××××××××
محمد:السلام عليكم
ليلى+جميله:وعليكم السلام
محمد:البيت صخه اليوم وش بلاكم
جميله:حسافه ساره وراحت من نتهاوش معاه
محمد:ندوووه وينهااا
جميله:اووه هذيك ماتعطي احد وجه والله لوتسب بها من اليوم لبكره سافهتك
محمد:والله من جد سوير لها فقده
ليلى:الحين لها فقده
محمد:لهواشها وضربها بس موب لسواد عيونها
جميله:حتى ازعاج بزارينها فقدناه
تركي وينزل مع الدرج ويتمغط:والله الحين بيتنا يسمونه بيت
ليلى:صراحه وانا اشهد ذا الحين صار بيت
تركي:اتحداكم تو حلمت بوحدة منهي
جميله:ســـــآآآآرة
تركي:ماعــاد انا تركي احلم بسوير
محمد:ضيــــــآآآء
تركي:عليــــك لــمبـــة ياابو حميييد
ليلى:وش حملت فيها
تركي:اننا لقيناها وهي غنية وطلعتنا من ذا البيت
ليلى:الله واعلم وين اراضيها هي حيه ولاميته
محمد:على كل ذا السنين مالقينها
جميله:وش نسوي الشرطة وماساعدتنا
ليلى:يالله يارب اذا كـانت حية ترجعها لنا واذا كانت ميته تغفرلها وترحمها ترنا نحبها
الكل:آميـــن
انتظر ردودكــمـ احبتي بشــوق

 
 

 

عرض البوم صور مشاعل عبدالوهاب   رد مع اقتباس
قديم 10-02-11, 12:30 AM   المشاركة رقم: 4
المعلومات
الكاتب:
اللقب:

البيانات
التسجيل: Jan 2011
العضوية: 210857
المشاركات: 9
الجنس أنثى
معدل التقييم: مشاعل عبدالوهاب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
مشاعل عبدالوهاب غير متواجد حالياً
وسائل الإتصال:

كاتب الموضوع : مشاعل عبدالوهاب المنتدى : القصص المكتمله
افتراضي

 

الجـــــــــ الثـــــالـــث ــــــــزء

رجعـت البيت ولقت امها وابوها نـاموا

خذت لها دش عالسريع وبدلت وراحت لفرشها

محـاوله النوم كانت تفكر بأشياء كثيرة سعود واهلها

لو اهلي لقوني وش بيصير معقولة اترك امي منى

وابوي سعد وارجع هناك عند محمد وجميله وليلى

وسارة وعيالها يالله تغيروا الحين مفتقديني

يارب ودي اشوفهم لو بالحلم

ودي اعرف شعورهم في غيابي للحين وهم طقاق

بين بعـــض حاولت ضياء النوم لكن ماقدرت

ناظرت الساعة 2الليــل قامت وفتحت اللاب حقها

ودخلت المسن لقت متصلين واجد

لكن مابغت تكلم اي احد منهم دخلت قروب تلهي

عمرهــا بس بعدين قالت لا فـ دخلت

الشــات ولو اول مره تدخل هالموقع

اكتبت اسمها "
دلــع آنثى"

دلع انثى :هـــاي

كذا شخص:هاي,اهلييين,توك جديدة

بعد الاسئلىة الي مالها داعي

جاء واحد يكلمها عالخاص واسمه

"شيـخ الشباب"

شيخ الشباب:هلا

دلع آنثى:هلابك زود

شيخ الشباب:ايش اسمك؟؟

دلع آنثى:تبي الصدق

شيخ الشباب: ياريت والله

دلع آنثى:حصــــة

شيخ الشباب:آهـــا عاشت الاسامي ياحصة

دلع آنثى:يسلمووو

شيخ الشباب:استـأذنك اللحين برجع بعد نص ساعة

دلع آنثى:تيتو ياقلبي

دخــل واحد التشات جديد بأسم"مزيون"

مزيون:مرحبا

دلع آنثى:مرحبتين خيو

مزيون:ممكن نتعرف؟

دلع آنثى:عاتي مافي مشكلة

مزيون:معك فيصل من تكونين؟

دلع آنثى:ســـارة

مزيون:موب تو حصـــــة انا شيخ الشباب يا سارة

ضياء:يمه وش ذا الورطه

دلع آنثى:هه هه هه على بالك تخوفني

مزيون:لا بس اقولك اذا كنتي بتخفين فيني

دلع آنثى:اولا هذا مو من طبعي وانا اول مره ادخل شاتنق

مزيون:احلفي اول مره

دلع آنثى:اي والله العظيم

مزيون:كم عمرك بالله

دلع آنثى:19

وبعـد سوالف وسوالف كثيرة

مزيون:ممكن ايميلك

دلع آنثى:اووكي

..........
@hotmail.com



طفت ضياء اللاب بعد ماحست بأرهاق شديد

×××××××××××

الصبـــاح في بيت سلطان واخوانه

تركي:ليلى ليش ماسويتني فطور

ليلى:يوه تركي ترى منيب فاضيتلك

محمد:الحين دوامك ليش مايعطونك اجازة

تركي:وش يدريني رح اسألهم انتي هيه

ليلى:لي اسم لو سمحت

تركي:مافيه فطور اخلصي علي ترى وراي دوام

ليلى:سبق وقلت لك من كم ثانية لاء

تركي:ياحليلك ياسارة من رحتي وحنا ماعاد قمنا ناكل

××××××××××××××

الساعة 11الظهر

ضياء:نازله بعبايتها وامها تنتظرها تحت

منى:يله جهزتي

ضياء:ايــــــــه يمه يلا

وصلوا السوق ودخلوا محمد عشان يشترون لضياء

قمصـان للجـامعة

×××××××××××××××

رجعنـــا للمحـاسب الوسيم حقنـا كان جالس في المحل ومعاه

جوال واحد لبناني معه في المحل (بلاك بيري)

هو:اف اكره ذا الجوال احسه غبي

اللبناني:ليش شو عملك

هو:مدري شلون قايل عندي ايميل خلاص ماله داعي

اللبناني:بضيع وئق متل هلق

هو:احسه بس شكله وذا البيوت حقته الملونه

والحين هابين فيه هبه كلن معه ذا الجوال يقالهم

مطورين الحين

اللبناني:اجو زبــاين راح ئوم الهون

هو كان منقرف من عمره ليش يعني من الصبح انا

اجي ادوام في محمل ملابس مااحد يجي في ذا الوقت

وبذا اللحظة دخلت ضياء وامها

وهو جـالس يطالع ضياء عالرايحه والجايه

واشر للبناني يروح وهو يجي بداله

هذي حركه يسونها اذا جت حرمه حلوة



هو:بغتي شي اختي

ضياء:ابي قمصان بيضاء

هو:ساده ولا مقلمه

ضياء:الثنتيـــــــن

هو:اوك فيه هنا تشكيله جديدة واصله

ضياء:طيب وريني هي

هو:انتي بجامعة ولا مدرسة

ضياء:جامعة

هو:اها اول سنه لك

ضياء:ايه اول سنة

هو:هههه لازم تكشخين وتصير رسمي

ضياء:هههه ضروري اول يوم

هو:هذي هي التشكيله بس تبغي ابيض

ضياء:اذا فيه لوان ثانية

هو:من جميع الالوان

ضياء ودها تسأله سؤال بس متردده

وهي حست انها تمردت بعد دخولها الشات امس

ضياء:انت ,سعودي

هو:ههه اي سعودي

ضياء:سعودي سعودي

هو:اي لو اقلك عايلتي ماتصدقين

ضياء:ايه

بعـد ماشرت ضياء وخلصت راحت لامها

في المحل الثـــاني وهي طالعه ياحزركم

نست حــاجة نروح عنها ونرجع لها بعدين

×××××××××××××

دينا:والله بصراحة ابرك لك ياسارة

سارة:صح من يوم تركت هالبيت احس براحه نفسية بس عيالي

دينا:وش فيهم عيـــالك عايشين احسن عيشة

سارة:اوكي بس لازم يشوفون اخوانهم انا مااقدر

اقطع صلتهم فيهم زي ماانا ابي واهلي يبون

دينا:عيالك ياحبيبتي اخوانهم ماراح ياخذونهم غصبن عنك

سارة:اكيد ولا ايش هي الدنيا فوضة

ترن ترن

دينا:يله بروح حصتي

سارة:رتى بعدك انا عليهم خبريهم

دينا:صــــــار ياعمري

××××××××××××××××

سعود:ريماس

ريماس:نعم

سعود:امس غدير جت حفلتكم

ريماس:ايه جت ليش تسأل

سعود:فضول بس

ريماس:اقلك وش الطاري

سعود:ايش كانت لابسه

ريماس:وش تبغى بلبسها

سعود:ابدا اقلك فضول

ريماس:فضول والله اني مو مصدقتك

سعود:ماحد قلك صدقي

ام سعود سمعت ولدها يتكلم عن بنت اختها

وفرحت "اكيــد نــاوي يخطبها"

×××××××××××××

ونرجع مره اخرى للمحـاسب الوسيم

بعد ماخلص من محاسبة ضياء

انتبه للبطـاقة الهوية الي طايحه على الطاولة

وقراء الاسم الي فيها وعرف انها لضياء

يوم تطلع الفلوس من بوكها وطآحت منه

وطلع عشـان يدورها بس مالقها

ورجع للمحل

اللبناني:وين رحت ياخيي

الوسيم:لا ولاشي بس رحت اقضي شغله

اللبناني:ايه شو عليه
س\من هو المحاسب الوسيم مجهول الهوية
س\بطــاقة ضيــــــاء

خـالص ودي لكـم

 
 

 

عرض البوم صور مشاعل عبدالوهاب   رد مع اقتباس
قديم 10-02-11, 12:32 AM   المشاركة رقم: 5
المعلومات
الكاتب:
اللقب:

البيانات
التسجيل: Jan 2011
العضوية: 210857
المشاركات: 9
الجنس أنثى
معدل التقييم: مشاعل عبدالوهاب عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
مشاعل عبدالوهاب غير متواجد حالياً
وسائل الإتصال:

كاتب الموضوع : مشاعل عبدالوهاب المنتدى : القصص المكتمله
افتراضي

 

الجــــــــــــ ـالـــرـابـــــ ع ــــــــــــزء

ضياء رجعت البيت وهي تشوف ملابسها الجديدة

وتتخيل بكرة اول يوم لها بالجامعة

وهي تفتح بوكها عشان تغيره

اكتشفت فقدان بطـاقتها وتذكرت انها نستها بالسواق

×××××××××××××××

الصبــــــاح اليــــومـ التالي

طلعت ضياء متكشخه على اخر شياكه ركبت مع السواق

وراحت الجامعة ودخلت فصخت عبايتها

وجلست تدور في الجامعة تكتشف عن مقر

جديد سوف تنتمي لـه

وشافت ملاك

ملاك:اهلين ادق عليك ماتردين

ضياء:والله ماسمعته

ملاك:المهم شفتي البنات الي بقسمنا

ضياء:لا ماشفتهم

ملاك:تعالي اعرفك عليهم

ضياء:ياشيخه خلهم يفارقون

اوه نسيت اقلكم حاجة ضياء مش اجتماعيه مع الناس

ملاك:يابنت الحلال تعرفي عليهم وربي طقيت معهم صحبة

ضياء:اف مااحب حركات البزران ذي بليز

ملاك:بتجي غصب عنك

×××××××××××××××××
جميلة كانت جالسه بالبيت لاشغل ولامشغله

فضى عليـها ممااحد عندهـا لبست عبايتها

وطلعت تدور في الشوارع<مهبوله اللهم ياكافي

××××××××××××

بعـــد انتهى الدوامات

طلعت ضياء وقالت لسواق انه يمر عالسوق

ودخلت وراحت للمحل

ضياء:السلام عليكم

اللبناني:وعليكم السلام

ضياء:اخوي انا امس جيتكم ونسيت عندكم حاجة

اللبناني:دخلك شو هي الحاجي

ضياء:بطاقة هوية

اللبناني:انا ماشفتا وهلق مافيه حدا انتظري نص ساعة

بكونو العاملين اكتملوا وبسألون

ضياء:اوكي انا برجع بعد نص ساعة

وهي تطلع وتعطي ظهرها الباب الا دخل المحاسب الوسيم

اللبناني:وينون باقي العاملين

هو:جاين وراي ليش

اللبناني:هي مره بدها بطاقة مابعرف شو

هو:بطاقة هوية

اللبناني:ايه قلت الها تمر بعد نص ساعة

هو:وينها هي الحين

اللبناني:مابعرف بلكي بالكفيتيريا

وطلع المحـاسب الوسيم يركض خوفا انها راحت

××××××××××××

اما ضياء الي كانت جالسه في المقهى

وقالت "خلني امر كوده وصل"

وراحت المحل توها دتخله الا هو وراها

ضياء:لو سمحت

اللبناني:اهلين مدام اجيتي

ضياء:لقيت البطاقة من فضلك

هو:اختي !!!!

ضياء:نعم ...\

هو:تفضلي هذي هي بطـاقتك

ضياء:اي مشكوره اخوي

هو:العفو ماسوينا الا الواجب

×××××××××××××××××××××××

هلا والله

منى:هلا بالحلا بنت في هالدنيا كلها

ضياء:لسى ماوصل ابوي

منى:لا والله هاه كيف ا لجامعة معاك

ضياء:تمام احس مافي شي تغير علي

منى:الحمد لله جت ملاك

ضياء:ايه اول ماجيت لقيتها

منى:ههه تعرفتي على بنات

ضياء:الي مع ملاك تمشي وتسال خلق الله

منى:وانتي ياحبيبتي لازم تكونين اجتماعيه مع الناس

ضياء:ابشري طال عمرك

منى:هههه يله روح غيري ملابسك الحين وارتاحي شوي لين يجي ابوك

ضياء:اوكي\\

×××××××××××××××××

ملاك:والله انها هالبنت فللللله

ريماس:وضيوو

ملاك:باردة ذا الانسانة اقلها تعالي اتعرفي لا مابي

ريماس:اساسا هي طبعها كذا

ملاك:ايــــــــه

×××××××××××××

س\في الجزء الجـاي راح اكشف لكم منهو

الـمحاسب الوسيم

آتمنى آلااقي ردود

 
 

 

عرض البوم صور مشاعل عبدالوهاب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ومآعلى آلدنيآ من بعدك حسوف .. مشاعل عبدالوهاب
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:07 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية