لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 31-12-10, 08:33 AM   المشاركة رقم: 31
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

// × // // × // // × // // × //



كنت جالسه أفكر لين طلعت من أفكاري على صوت الجوال استغربت وابتسمت إﻻ استانست ما صدقت اسم راكان له فتره جواله مقفل وباندفاع رديت وقلت " وييييييييييينك راكان وربي مشتاقه لك .. !! “



راكان بابتسامه " هلا عهد .. سامحيني بس انشغلت في موضوع مب مهم .. عهد أنا ما عاد فيني أتحمل بجي أخطبك اليوم موافقه ؟! “



عهد بألم " ﻻ راكان أنت مجنون .. !!! اصلا كيف عرفتني وبعدين أنا مخطوبه لسعود وخلاص وافقت .. !! “

راكان باندفاع " اسمعي أنا بقول أن اختي صديقتك ومدحتك لي ومن هذا الكلام .. !!! “



عهد بتردد " والله مدري راكان أبوي صعب وﻻ أظن يقبل وانا بصراحه ما اقدر على زعل أبوي وصعبه اوافق عليك دون سعود بقول لي ليه موافقه عليك بالذات .. !!! “



راكان " ما عليه أتقدم ونشوف وش يصير .. !! “









// × // // × // // × // // × //





منصور بابتسامه " اشلي تدرين انتي ما في منك أنا مستانس معك كثيييير .. بس تعرفين ﻻزم أروح لأهلي وبكره بكون موعدنا الليل نفس هالوقت .. !! “



أشلي ابتسمت وقالت " حسنا عزيزي وأنا ﻻ أستطيع منعك من الذهاب لأهلك رغم أنني أود ذلك "



ضحك منصور من كلامها وقال " لذي الدرجه تحبيني ؟! “

اشلي بابتسامه " وهل عندك شك بذلك يا عزيزي .. !! “



ابتسم لها منصور وقام يتجهز وطلع من الإستراحه وبعد وقت ليس بالطويل دخل تركي للإستراحة وابتسم وهو يشوف أشلي وقال بابتسامه " كيف مستانسه معه .. !!! “



أشلي باستحقار " أنت تعلم أني أتمنى قتله في كل لحظه .. أنه إنسان مريض ولكن أظني قد اقتربت من تحقيق ما أريد .. !! “



تركي بابتسامه " ﻻ تخافين الاوراق اللي عطيتيني وبعد اذا سويتي كل اللي اقولك عليه باخذ حقك وحق أمك من هذا النذل أبوفيصل يكفي ما سوى فيكم .. وصدقيني بعطيك فلوس تغنيك عنه وعن اشكاله وﻻ بعد فلوس من حلاله هو .. !! “



أشلي ابتسمت بحقد وقالت " فقط أود أن أعرف أنت ما هي مصلحتك من ذلك كله .. أنا أريد الإنتقام ممن حطم قلبي أمي وقلبي ولكن أنت هل لك سبب من ذلك ؟! “



تركي " عدة أسباب بس يكفي تعرفين أن الفلوس أهمها لأن الفلوس اللي معه أصلا مب له وﻻزم ترجع لصاحبها برضاه وﻻ غصبا عنه … !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!! “





// × // // × // // × // // × //





تقدم محمد من العياده كانت المشرفه على حالة نجد دكتوره لها سمعة ممتازه والكل يثني عليها .. كان متحمس يكشف شيء من مرض نجد ويعرف وش الموضوع بالضبط وكان يبي يقول لها كل شيء مهما صار ما يبي يكون ظالم حتى لو كانت بنت حرام .. !!!!!



ابتسم وهو يسمع اسمه وتقدم لمكتب الدكتوره كانت محتشمه وواضح أنها تفرض احترامها وبهدوء القى سلامه وردت عليه ثم قال " دكتوره شذا أنا بصراحه زوج نجد .. مريضتك اللي تعاني في قلبها .. “

// × // // × // // × // // × //

الدكتوره شذا " المريضه نجد هذي الإنسانه ﻻ يمكن تروح عن بالي … ماشاء الله تزوجت والله أنها تستاهل كل خير .. بس وينها ليش ما جت معك .. !! “



قلت بهدوء " صراحه يا دكتوره شذا انا جاي بسألك عن مرض نجد وكيف يعني أتعامل معه وكيف أتعامل معها "



الدكتوره شذا " اسمعني اخوي … بصراحه نجد مريضه مب دايم تلقى مثلها يعني أول شيء مرضها كان معها من وﻻدتها .. كان أمل أنها تعيش وهي صغيره صعب لكن ربي كتب لها الحياه ولحظتها بدأت معاناتها مع المرض لكنه مع نجاتها وحياتها بعد كم سنه خف عليها وصار سهل التعايش معه .. !! “



وبعد نجد كانت إنسانه قويه مؤمنه متحديه .. بحياتها ما اشتكت أو تألمت كانت تقاوم وتتحمل والحمدلله عاشت مثلها مثل غيرها لكن اللي بصراحه مدري وشو صار لها بعد ما عرفت أنه قلبها ما يتحمل أكثر من ثلاث سنوات .. !!! “



سكتت حسيتها تنتظر مني جواب .. وش أقولها أن نجد ما تدري عن شيء بعدين قلت بتساؤل بدون ما اهتم للجواب اللي تنتظره " طيب وش الأدويه اللي مفروض تلتزم فيها لاني مني شايفها تلتزم بدواء معين ؟!؟ "



قالت " بصراحه في بعض الأدويه وصفتها لها بس ما في دواء معين يعني تلتزم فيه بس أدويه في حال سائت حالتها وهي عارفتها بس ما قلت لي وضعها كيف الحين ؟ هل هي مستانسه .. !!! “



ابتسمت وقلت " ايه مستانسه وباحسن حال .. المهم ما اطول عليك دكتوره شذا أنا وراي اشغال بس حبيت استفسر في هذي الامور .. !!! “









// × // // × // // × // // × //





{ قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ } [الزمر:53]



بكت تألمت وحست نفسها ضعيفه وين كانت عن ربها .. لما قرت الآية حست بلذه براحه نفسيه .. ايه عرفت ربها وأن المتعة الحقيقيه هي في لذة الإيمان وهي قمة السعاده لمن بحث عن السعاده لكنها كانت ضائعة في طريق مظلم ما له بدايه وﻻ نهاية لكن على الأقل هي قدرت ترجع للطريق الصحيح .. !!!!



غمضت عيونها ثم فتحتهم كان هذا آخر صباح لها اليوم بتنفذ فيها حكم القصاص وتغمض عينها عن الحياة كانت مستانسه أنها قدرت ترجع لربها وتتمنى يغفرلها .. !!



عرفت أن الايام اللي قضتها في السجن تغنيها عن أي يوم كانت خارج السجن ايه لانها كانت مسجونه في الدنيا وهواها يبتغي الدنيا ولكن الآن تحررت من سجن الدنيا صارت تطمع في الآخره .. !!!



ابتسمت رغم كل الخوف كانت تشعر بنوع من الراحه لأنها رجعت للطريق الصحيح وكانت من قلب تقول " الحمدلله يارب اني رجعت للطريق الصحيح "





سبحان الله وبحمده .. سبحان الله العظيم ..











// × // // × // // × // // × //









كنت أفكر وش أسوي أبلغها بكل شيء وأن حياتها يمكن ما تستمر أكثر من ثلاث سنوات ؟!؟



وﻻ مب مهم وربي مني داري .. الغريب هي أصلا ما تكلمني في مرضها أبد .. يعني طلعت صدق مريضه ومتصبره !!! ﻻ يكون عشان كذا خايفه مني ﻻ حول .. وربي مدري وشلون بكمل حياتي معها أخاف تمرض علي فجأه وﻻ أدري وش أسوي والله مشكله .. !!!



حسيت أفكار كثيره تاخذني وتشوش فيني .. لكن ألحين بروح الشغل وبعدها أشوف الحل أبلغها وﻻ وش أسوي .. !!!!





// × // // × // // × // // × //





كنت أحس بنوع من الضيق اذا فتح لي موضوع أهلي ما أحب أتذكرهم أبد .. يكفي اللي جاني من اللي اسمه أبوي بس بالنهايه راح يعرف كل شيء .. مستحيل يظل الموضوع مخفي عنه بعدين أصلا هو بالنهايه بتركني وبروح لها بنت عمه !!!!!!!!!!!!



طلعت من افكاري وانا اسمعه يكلمها !!! وربي ما عدت أتحمل له كم يوم يكلمها لمتى بصبر عليه متى بس ارتاح من هذي الحالة .. !!!



تقدمت بعصبيه ولما شافني شفته يسكر ويطالعني باستغراب ويقول " وشو فيك ؟! “



قلت " وربي ما فيني يا فيصل يعني تحسبني بدون قلب حرام عليك تكلمها قدامي وتضحك يعني هي زوجتك ما قلت شيء وهي اللي بتاخذها في النهايه وﻻ تبيني بعد ما قلت شيء بس تقعد تكلمها قدامي وتضحك ومستانس كاني ما لي قلب يعني وربي ما عاد فيني !!!!!!!!!!!! “



كنت منهاره من كل شيء حولي وفوق ذا برود هذا الإنسان يكبر علي كل شيء كان بارد بشكل غريب شفته يطالعني مستغرب ثم يقول " وشو فيك يعني وشو تبين مني ؟! البنت ترى لها فتره ما اكلمها عادي وهي زوجتي انتي قلتيها واذا يضايقك محد قالك تتسمعين علي .. !!! “



ثم كمل " بعدين تراني أطفش من هالحركات والكلام .. أنتي عارفه كل شيء عني وﻻ كان رفضتي محد أظن غصبك علي .. !!! “



بغيت أضحك من كلامه محد غصبني ؟! أصلا غصب بختاره وﻻ كنت بقعد عندهم وهذا اللي اسمه ابوي مستحيل يصبر علي هو أصلا يبي يرتاح مني لكن وش أقول حسبي الله ونعم الوكيل .. !!!



طلعت من افكاري وانا اشوفه يطلع من الشقه .. حاولت ألحقه لكنه طلع شكلي بخسره واذا خسرته بتكون هذي النهاية أكييد .. !! حسيت بالتعب وبالألم مدري وش أقول وش أفكر حسيت كل شيء حولي مشوش وبالتعب يتملكني لين طحت !!!!!!!





// × // // × // // × // // × //



كنت متضايق كثير مدري وشو فيني كنت أبي أتزوجها ولما تزوجتها استانست بس مدري بديت أطفش أو يمكني بديت أميل لنوره .. !!



شغلت السياره بضيق كانت أفكار كثيره تاخذني وتجيبني وربي مدري وش بسوي بس شكلي بخلص كل شيء بيني وبين وعد وأرتاح أنا صراحه خايف أنكشف وخاصه منصور ما أضمنه ووقتها أبوي مستحيل يسامحني وﻻ حتى عمي وبتفرقون وبتصير مشاكل في العايله .. !!!!



أجل بتوكل على الله وبنهي كل شيء بيني وبينها شكل حبي لها بس نزوه ومليت منها خلاص .. !!!!!!!!!!!!!!!!!!!!!!!!!!!!!





// × // // × // // × // // × //







قلت بهدوء " بصراحه مني مرتاح لراكان وﻻ أضمن أنه يخون .. !! صحيح أننا نراقبه بكل خطواته بس بعد ما نضمنه معنا .. يعني اللي مثله ما يرتاح لهم الشخص ويكفي أنه قتل ناس يعني !!! “



زيد " معك ياعبدالرحمن وﻻ ألومك بس ﻻ تخاف حنا نراقبه وخله يظن أنه بخدعنا وقتها بكون غلط غلطه كبيره وبنمسك فيه .. !! “



قلت " بس أنتظر عمليتهم الجايه عشان نمسكهم جميع .. !! المهم تنتبهون لكل شخص منهم خاصه أننا عرفنا المكان اللي هم فيه ألحين لأن يمكن اذا طول الوضع نهاجمهم ونمسكهم ونخليهم يعترفون بكل شيء .. مع أني أتمنى نمسكهم وهو في احد عملياتهم خاصه مع كلام البوس أنه يجهز لعملية كبيره ما ابي يضيع منا قبل ﻻ نعرف كل شيء واذا في شخص يدعمهم وﻻ وش وضعهم .. لأن ما أتوقع الموضوع بس سرقه في شيء أكبر من كذا .. !!!!!!!!!!!! “





// × // // × // // × // // × //





نهاية الفصل الرابع عشر

 
 

 

عرض البوم صور ♫ معزوفة حنين ♫   رد مع اقتباس
قديم 03-01-11, 11:21 AM   المشاركة رقم: 32
المعلومات
الكاتب:
اللقب:

البيانات
التسجيل: Jun 2010
العضوية: 174056
المشاركات: 12
الجنس أنثى
معدل التقييم: ms_q8 عضو بحاجه الى تحسين وضعه
نقاط التقييم: 10

االدولة
البلدKuwait
 
مدونتي

 

الإتصالات
الحالة:
ms_q8 غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

روعه الروايه ‏..
يعطيج العافيه ‏
بانتظار التكمله

 
 

 

عرض البوم صور ms_q8   رد مع اقتباس
قديم 06-01-11, 07:16 AM   المشاركة رقم: 33
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة ms_q8 مشاهدة المشاركة
   روعه الروايه ‏..
يعطيج العافيه ‏
بانتظار التكمله







يعـــآإفيك ربي ..
الليلة بـ إذن الله في فصل جديد رآح ينزل ..

نوو^_^وورتي ..



 
 

 

عرض البوم صور ♫ معزوفة حنين ♫   رد مع اقتباس
قديم 07-01-11, 11:36 AM   المشاركة رقم: 34
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

أحـقـاد تـحـت الـرمـاد
الفصل الخامس عشر


// × // // × // // × // // × //




"


الحياة مجرد دقائق معدوده والمرء ليس إلى عابر سبيل .. !!


هناك من يترك الدنيا بالذكر الطيب فيظل محفور بين قلوب الناس .. !


وهناك من يترك الدنيا ويخلف وراءه الشر فلا يذكر بين الألسن إلى بكل شر .. أنت لك الخيار في النهايه أين تريد أن تكون ؟






"




// × // // × // // × // // × //






طالعني باستغراب حسيت كلامي مب عاجبه لكن ما اهتميت حسيت بضيق وأحس براسي مصدع مدري وشو فيني هذي الفتره أحس نفسي مب طيب .. !!!


محمد باستغراب " ياخي وش فيك يا فيصل الحين تتزوج البنت ثم تقول طفشت منها ؟!!! الزواج لعبه برايك يعني وﻻ ايش ؟؟؟؟؟ ياخي خف ربك مب من أول قلنا لك ﻻ تترك بنت عمك وقلت ﻻ عادي بتزوج تبيها ومدري ايش وألحين طفشت منها ياخي وربي أنك ترفع ضغط الواحد .. !!!!!! “


قلت بضيق " ياخي مدري صدقني انا نفسك ضايع .. أول كنت ابيها لكن الحين ما عاد لي نفس فيها !!! وبعدين بالنهاية برجع لبنت عمي يعني ما فرقت .. البنت بطلقها وبرجعها لاهلها وبعطيها فلوس تكفيها وش تبي بعد أظن كذا أوفيت حقها وﻻ أظلمها .. !!!! “


طالعني محمد وقال " ﻻ يا شيخ بالله عليك ؟ بعد ما تزوجتها طفشت وبترجعها وبتعطيها فلوس هي شيء تشتريه وتبيعه ياخي ماش أنت ما عاد تعجبني صحيح أنك خويي لكن الغلط غلط والصح صح ما توقعتها منك يا فيصل على كل هذا موضوع يخصك !!! واذا على الصدق زواجك من هذي البنت كان اساسه غلط وﻻ تاخذها مسيار على اي اساس ؟؟؟؟ بس وش اقول الله يهديييك بس .. !!! “


طالعته وسكت حسيت الكلام ما ينفع يمكنه صادق مدري أحس راسي مشوش علي وصداع وافكاري تروح يمين ويسار ومني قادر أركز أبد .. !!!!!!




// × // // × // // × // // × //








مرت هذي الفتره علي براحة نوعا ً ما حسيت أن محمد طيب ويمكن فكرتي عنه في البداية كانت غلط .. !!!


وحتى عمي ما يحتاج ما في مثله وبعد مريم هذي أختي اللي مافي مثلها وتركي نادر ما اشوفه واعتبره بمثابة أخوي الصغير يمكن مرة عمي هي اللي مب متقبلتني ودايم ترمي كلام علي واتمنى مرات كثيره أني أرد لها الكلمه بثلاث لكن أفكر في محمد وعمي ما أحب أضايقهم واقلب البيت مشاكل فاتحمل منها وهي بالنهاية تظل بمثابة عمتي ويمكن أمي ؟!


ياني اتمنى اشوفها .. حتى صور ما في وسألت عمي وقال ما نحتفظ لها بصوره بس شفت صورة أبوي كان واضح شموخه وعزته ياني تمنيت أقابله أحضنه أضمه .. بس ربي ما كتب أني ألتقي فيهم بإذن الله بكون اللقاء في الجنه يااااارب .. !!!


طلعت من افكاري على صراخ مريم وهي تقول فوق راسي " وين وصلتي شكل للحين عقلك في ماليزيا ايه ما الومك .. !!! “


قلت بخوف " وربي خوفتيني فجأه تصارخين فوق راسي !!! “
طالعتني من فوق لتحت ثم قالت بنوع من الاستهبال " ياي يالجبانه !!! خلي قلبك قوي .. !!! “


طالعتها بصمت ثم قلت بتساؤل " مريم انا بصراحه في فكرة ابي اسويها بس مدري عمي وﻻ محمد بوافقون !! “


مريم بتساؤل " وش ناويه عليه ؟! “


قلت " بصراحه ودي أقدم أوراقي وأشتغل في الدار .. يعني انا عشت هناك وأعرف كل شيء هناك وأعرف الحرمان اللي يعيشونه الأطفال هناك يعني تخيلي لما تحسين انك بدون أهل بدون أحد فاقده لكل شيء في الحياة مجرد انسانه أو شخص ﻻ يمتلك الهويه … وربي ألم معاناه فقدان حرمان !!! ودي أقدم لهم شيء لأني لقيت شعور الحنان شعور العائله أبي أحسسهم فيه !!! “


طالعتني مريم بنظرات غريبه !! وقلت بخوف " وش فيك كلامي فيه غلط وﻻ شيء ؟! “


مريم بابتسامه " اوخس حسيتك كذا مدري وشلون بس احسد اخوي عليك تدرين لو اني رجال كان تزوجتك !!!!! “


حسيت كلامها يخوف قلت بخوف " وش تخربطين انتي !!! صايره ترمين خيط وخيط !!!!


طالعتني بابتسامه وقالت " استهبل بس يعني وربي كلامك عجبني بشكل ما تتوقعينه بصراااااحه انا بعد ودي اسوي شيء تدرين احس حياتي كذا ما فيها شيء صح أني أدرس بس ما لي طموح ما لي شيء في الحياة افكر فيه بس ابي اخلص واجلس في البيت ويمكن انتظر الزواج !!! “


طالعتها باستغراب وقلت " ليه بالعكس ﻻزم يكون لك طموح واهداف لان الحياة بدون طموح واهداف ما لها معنى !!! “


قالت " وشو اهداف هي مباراه كوره !!! “
قلت بملل " مدري انتي غبيه وﻻ تستغبين !!!!! اهداف يعني حلم تبين توصلين له "
قالت " ﻻ ما لي شيء ابي اوصل بس استااااااانس طول عمر "
قلت بهدوء " ﻻ لازم يكون لك هدف معين ترسمين لك احلام وتقاتلين عشان تحصلين عليها !! ما اقولك ﻻ تستانسين بالعكس حلو انك انسانه ما تشيلين هم وموسعة صدرك بس ﻻزم لك اهداف وطموحات وترسمين لشيء وش تبين مثلا بعد ما تخلصين دراستك !!! “
طالعتني بتفكير ثم قالت " صراحه مدري ما لي شيء افكر فيه بس ابي اخلص وارتاح يعني .. !!! “


ابتسمت وحسيت بمتعه في الموضوع لأن بصراحه بسمه كانت دايم تحث أن أكتب طموحاتي واهتماماتي واحلامي وحتى كانت تحفزني اني اقرى في الكتب والروايات وأنها تفيد وتطور الشخص مع أن آخر فتره لي في الدار تحطمت وانهارت كل طموحاتي لعدة اسباب وصرت سلبيه بشكل كبير لكن عائلتي جددت لي الأمل .. !!!


طلعت من افكاري على صوت مريم وهي تقول " هيييييي وين وصلتي شكلك رحتي بعيد طيب تعالي انتي وش هدفك وش تبين يعني تصيرين "


قلت بتحدي وإصرار " انا قررت أبي أصير مربيه في الدار أدرسهم أزرع فيهم الأمل والطموح والتحدي والإصرار !!!!!!!!!!! “






// × // // × // // × // // × //










كنت واقفه أطالع الشمس بضعف بألم هذي المره الأخيره وكل شيء ينتهي .. “ يارب اغفرلي وارحمني برحمتك .. !! أتذكر لحظات حياتي وكل لحظه مرت .. مريت في ناس في أشخاص البعض أثر فيني بالإيجاب والبعض هدم حياتي .. !!!!


انا خلاص كل شيء بحياتي انتهى هذي هي اللحظه الأخيره .. !!! ابتسمت بضعف وهنا رجعت ذاكرتي للماضي ولذكريات منه ..:



كنت حاسه بملل هذي الفتره يراقبوني كثير عشان ما أهرب وبعد انفصلت عن صاحبتي تهاني يبون يبعدونها عني .. لكن مب على كيفهم هذي مثل أختي ومستحيل أبعد عنها … !!!!!!


كنت أمشي أدور وين ممكن أحصلها .. !!! خايفه أنهم ينقلونها لمكان ثاني وﻻ عاد أشوفها .. وبينما أمشي وأشوف فيه مربيه قاعد تهاوش بنت شكلها ضعيفه .. !!!
وبنوع من الدفاع تقدمت وقلت للمربيه " هييييه وش فيك تهاوشينها عشانها ضعيفه تتقوين عليها … تطاقي معي أنا ما اخاف وﻻ اهتم فيك !!! “


داريه أنه تهور لكن ما اهتميت وشفت المربيه تطالعني باحتقار وتبعد عنا ابتسمت والتفت للبنت وقلت لها " ﻻ تسكتين عن حقك خليك قويه مثلي وصدقيني الكل بخافك أما تظلين ضعيفه ما ينفع هذا الكلام .. !!! “


طالعتني وضمتني وقالت " شكرا انتي طيبه "
حسيت بنوع من الخجل وقلت " ما سويت شيء .. وش اسمك ؟ "
طالعتني بحب وقالت " انا اسمي نجد .. أنتي وش اسمك ! “
قلت بابتسامه " أنا أختك مرام أي شيء تبينه أنا مستعده له يا نجد اعتبريني اختك الكبيره ﻻ تهتمين في أحد "


مرت ايام وانا وياها تمام .. وتهاني اختفت ما عاد شفتها وآخر ما سمعت أنها تزوجت وكنت أتمنى ألتقي فيها لكن ما أنكر هذي الإنسانه اللي اسمها نجد كان طيبه وحسيت فيها انسانه تحتاج من يوقف معها لكن كل شيء انتهى يوم تفرقنا .. !!!!


بسببي ورطتها في مشكله كبيره حاولت أهرب هي ما قدرت وأنا قدرت وقعدت كم أسبوع برا لكن خفت أنها تنضرب بسببي فرجعت للدار ولقيتها من جد انضربت بسببي ووقتها تلقيت اهانات وضرب ولكن تحملت بس ما عاد شفتها أبداً وﻻ أدري وش صار فيها لأن بعدها هربت وﻻ رجعت مره ثانيه للدار إلى وانا كبيره .. !!! “









حسيت بالألم بالضيق .. كل من عزيته وأغليته يتألم بسببي ويختفي ياني تمنيت ألتقي في تهاني وبعد نجد كنت معتبرتهم مثل أخواتي ويمكن أكثر .. حسيت بالألم بالضعف بالإستسلام .. !!!


ولحظتها ذكرت قول الله تعالى {وَمَن يَقْتُلْ مُؤْمِناً مُّتَعَمّداً فَجَزَاؤُهُ جَهَنَّمُ خَالِداً فِيهَا وَغَضِبَ ٱللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً} [النساء:93].




انهرت في مكاني كيف كيف قتلته أنا وش كنت أفكر فيه !!! حسيت بالخوف بالرعب ودعيت من قلب أن ربي يغفرلي .. !!! حسيت بنفسي بموت وأن كل لحظه تقربني أكثر للموت ما كنت خايفه من الموت لكن كيف أقابل رب العالمين وأنا قتلت نفس .. !!!!!


لكن بعدها ذكرت قوله تعالى قال تعالى
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ } [الزمر : 53]


دعيت من قلب .. يارب اغفرلي وارحمني برحمتك .. يااااااارب .. !!! كنت منهاره ومستسلمه وكنت خايفه خايفه .. !!!!!!!!


قال تعالى {يٰأَيُّهَا ٱلَّذِينَ ءامَنُواْ كُتِبَ عَلَيْكُمُ ٱلْقِصَاصُ فِي ٱلْقَتْلَى}
[البقرة:178].




أن الحياة مجرد لحظات فما يعلم المرء منا متى يفارقها .. ولكن التساؤل المطروح دائما ً وقد يكون تكرر على الجميع منا ماذا علمنا للآخره ؟ نعم ماذا عملنا فهناك من يفارق الدنيا بالخير وهناك من يفارقها بالشر .. جعلنا الله جميعا ً ممن يفارق الدنيا بالعمل الصالح والخاتمه الحسنه ولكن لينتبه المرء على كل دقيقه يقضيها فالمرء منا محاسب على كل لحظه ودقيقه وساعه ويوم وسنه يقضيها أين كانت ومع من من الناس وبخير هي أم غيرذلك .. !!!




// × // // × // // × // // × //




متعب بسخريه " أجل نفذ فيها القصاص !!! هذا جزاتها وجزاة كل شخص مثلها … تقتل انسان ؟! على بالها ما في قانون ﻻ وفوق كذا وش تنتظر من هذي الأشكال اللي تبيع شرفها ما وراها خير .. !!! “


ثم كمل متعب بسخريه " ايه تمنيت أكسر راسها لكن خلاص راحت !! المهم أبيك تشوف الشخص اللي عطيتك عنوانه وأبيك تكلمه بالموضوع أبي كل شيء يصير بهدوء .. أخوي أبيه يختفي من هذي الحياة .. أبوي ما فيه يتحمل تعب ويمكن في أي لحظه يموت أنت تعرف .. بس اذا عاش أخوي ما راح أكون بخير لأن وقتها بتصير مشاكل ما لها أول وﻻ آخر أبيك تخلصه بحادث سياره عشان ما أحد يدري .. يعني يصدمه يسوي فيه شيء ويخلص أبي كل شيء بصمت يصير … !!!!! “




// × // // × // // × // // × //




كنت جالس مع أبوي وعمي في المجلس مدري ليه طالبيني وأشوف أبوي يطالعني ويقول لي بتساؤل " ها يا فيصل نتمم الأمور على ما اتفقنا أن الزواج بعد شهر وهذا هو الشهر خلص .. من ناحية نوره جهزت وأظن انت بعد جاهز يعني نتمم الأسبوع الجاي ؟ حنا حجزنا صالة وكل شيء بس باقي نوزع الدعوات ومن هذي الأمور "


ابتسمت وبثقه هذي المره قلت " بإذن الله يبا .. “ والتفت لعمي شفته يراقب بتوتر وقلت " بإذن عمي حمد بنتك بتكون بعيوني وبحطها على راسي "


ابتسم لي وقال " الله يخليك يا فيصل هذا العشم فيك ياولد أخوي وما يحتاج ولد أبوك وأبوك من عمره وهو طيب وأصيل .. !! “


ابتسمت وقمت حبيت رأس أبوي وعمي واستآذنت منهم عشان أروح لأمي وأهلي وأبلغهم .. دخلت الصالة وكانت أمي جالسه تقلب في مجله من مجلات الموضه كعادتها ابتسمت وقلت " هلا بالغاليه " وحبيت راسها …


ابشرك يما كل شيء تم وبإذن الله مثل ما اتفقنا الاسبوع الجاي الزواج "


ابتسمت بسعاده وقالت " وآخيرا بحتفل فيك يالغالي وبإذن الله بكون زواجك أفضل زواج وبخلي الحريم كلهم يحكون فيه "


ابتسمت أعرف أمي تحب هالسواليف وقلت " مب مهم يما المهم يكون زواج على مستوى وبس "


وقمت من مكاني بطلع فوق أشوف مهند وبالمره عهد !! هذي البنت مدري وش فيها صايره مب طبيعية طول الوقت بغرفتها ؟!


وصلت لغرفة مهند أول ودخلت وكالعاده يلعب في السوني وكان متحمس وابتسمت له وقلت بحماس " مهند وش رايك ألعب معك " طالعني بنظره وقال " عادي يلا "


حسيت أننا بعدنا عنه يعني أنا وعهد يمكن نتحمل لكن مهند صغير وبدل ما ننتبه له ونهتم فيه تركناه وغرقنا في احزاننا من فراق أختي وما صار بعدها من أمور .. !!!!


حسيت بألم وبحب جلست ألعب مع مهند وأفكار كثيره في راسي تدور .. !!!






// × // // × // // × // // × //






راكان بتردد " عبدالرحمن بالله ﻻ تحاول تسحبني مره ثانيه ترى البوس مب غبي .. ذكي ويفهم كل شيء واذا شك فيني صدقني بتخلص مني ويقدر يفلت منكم .. !!! “


طالعته وقلت " سامحني راكان بس كان عندي تساؤل ما قدرت ألقى حل أمثل من كذا وبعدين ﻻ تهتم ألحين نروح ونتركك .. البوس يشتغل لنفسه وﻻ في أشخاص يدعمونه وأكبر منه "


طالعني وقال بعد فتره " بصراحه مدري لكن ممكن في ناس يدعمونه لأنه لما نسرق يبيع بضاعتنا وبدون ﻻ أحد ينتبه فأكيد في شخص يهتم في أمر البضاعة ويمكن يكون هو من يشتغل عنده البوس مدري صراحه ما أقدر أقولك شيء أكيد .. !!! “


ثم كمل " اسمع أنا من أعرف جديد ببلغك ﻻ تهتم وأنتم بعد تتجسسون لكل شيء يصير ….!!!









// × // // × // // × // // × //






استغربت البنت هذي اختفت وين مدري ؟! فجأه بدون سبب وﻻ شيء ما عاد شفتها .. حاولت أتصل عليها لكن ما في رد غريييبه ؟! يكون عند تركي علم في الموضوع .. !!!


بتردد اتصلت على تركي ولما سمعت صوته قلت " هلا تركي أنا منصور "


قال " هلا وغلا ياطويل العمر سم آمر !! ؟ "
قلت بتردد " تركي تعرف لي وين أشلي اختفت ما شفتها اليوم وتاركه رساله تقول ما تقدر تستمر معي وش السالفه ؟؟؟؟؟؟؟ "






// × // // × // // × // // × //

يتبع ..

 
 

 

عرض البوم صور ♫ معزوفة حنين ♫   رد مع اقتباس
قديم 07-01-11, 11:38 AM   المشاركة رقم: 35
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 



// × // // × // // × // // × //








كنت متردده .. راكان ناوي يتقدم لي على كلامه الليله بس مدري خايفه أبوي يرفض أصلا أكيد برفض في النهاية أنا مخطوبه لسعود ؟ فـ على أي أساس برفض سعود وعشان شخص ما يعرفه !!!!
بس انا ما اتمنى سعود مع معزتي له لكن كأخو لأنه زوج أختي لكن ما أقدر أتخيله زوجي مستحيل أخذ زوج أختي بس وشلون أقول لأبوي ما أتوقع يتقبل كلامي .. !!


كنت محتاره ما أعرف وش أسوي يعني رضاء أبوي كبير عندي بس مب على حساب أني أتزوج سعود لكن اذا رفضت سعود وقبلت راكان كيف بقتنع أبوي بعد يمكن يحسب أن بيني وبين راكان شيء .. !!!!!!!!!!!!!


مدري أفكار تاخذني وأفكار تجيبني وأنا أحس نفسي بجد ضايعه مدري وش أبي أو كيف بوصل للي أبي .. !!!




// × // // × // // × // // × //




كنت أطالع البحر وأتذكر مواقف من حياتي .. كل ما أنتظر باب ينفتح لي وﻻ شيء .. أشوفه يتقفل في وجهي .. أنا مب مستغرب رفض سعود اللي مثلي مين يتقبله .. !!!


حسيت بضيق وأن الدنيا كاتمه علي مدري وش أبي وﻻ وش راح أسوي ﻻ طموح راسمه وﻻ شيء في بالي .. حاس الدنيا مظلمه بعيوني !!








// × // // × // // × // // × //






وصلت للبيت وأنا أحس بالتعب .. اليوم تعبت من الشغل وكثرته وإلى لقيت أمي جالسه بالصاله وكانها قاعده تنتظرني تقدمت لها بحب وقلت " هلا في الغاليه هلا في أم محمد "


طالعتني أمي بنظره وقالت " ما بغيت تشرف "
طالعتها باستغراب وقلت " شكل عندك موضوع .. !!! “
قالت " ايه .. أشوف أن بنت الناس لعبت براسك ومستانس بحياتك معها .. !!! “


فهمت هنا أن أمي متضايقه من نجد وشكلها بتقلبها مشكله فقلت أحاول أهديها " يما مهما كان ﻻزم أحترم ترى البنت وربي ضعيفه وبعدين تعبانه يعني وش أسوي برايك .. !!! “


قالت بعصبيه " اللي مثلها ماينحرم وش تنتظر من وحده عرقها دساس !!! هذي أمثالها ما تآمن لهم .. !!! “


محمد " يما وش ذا الكلام افى عليك أخبر عقلك أكبر من كذا بعدين ما يهمنا وش البنت في النهاية أنتي عارفه وضعها وهدي ﻻ تسمعنا وتخرب المواضيع كلها .. “


طالعتني وقالت " ايه خايف على مشاعرها أكيد ما ترضى عليها زوجتك هذي "
هنا حسيت أن أمي ﻻ يمكن تتقبل مني كلام أي كان فقمت حبيت راسها وقلت " الله يخليك لي يما تراك أمي وﻻ تظنين ﻻ هي وﻻ غيرها يجي مكانها .. أنا أحترمها لأن ما شفت من البنت غلط ومهما كان ربي ما يرضى الظلم .. وأنا مني حاب أظلم البنت معي وﻻ تنسين أن البنت مريضه ويمكن كلها ثلاث سنوات وأنتي .. “ قلتها بضيق " عارفه وش بصير "


وقمت حبيت راسها وطلعت فوق يعني صراحه أمي مدري وش فيها معصبه نفسها على شيء مب مستاهل .. !!!! يعني شايله على البنت وهي ضعيفه .. والله مدري وش أقول .. !!!


يوم وصلت لقيت مريم جالسه وتطالع في التلفزيون وقلت بتساؤل " وين نجد ؟! “


مريم قالت بدون اهتمام " مدري عنها يمكن بالغرفه تلقاها !! “


مشيت للغرفه ودخلت ولقيتها قاعده تكتب في دفتر ويوم سلمت طالعتني وابتسمت وردت السلام وقفلت الدفتر .. ذكرت أني ملاحظ هذا الدفتر دايم معها وتكتب فيه شكله زي مذكراتها أو كذا صراحه جاني حماس أخذه في يوم وأقراه طلعت من أفكاري على صوتها وهي تقول " امم محمد أنا بصراحه ودي أقولك موضوع !!! “


قلت بتساؤل " هلا آمري "
طالعتني بتردد وقالت " انا بصراحه محمد ودي يعني أني أقدم أوراقي وأشتغل في الدار .. !! “
طالعتها باستغراب وقلت " ليه ؟! “
طالعتني بهدوء وقالت " يعني بصراحه انا عشت هناك وحسيت بمعاناة الأطفال يعني ودي أشتغل وأقدم له شيء وأقضي وقت وأستفيد !! “


قلت بنوع من الملل " معليش نجد بس ماله داعي شغلك وبعد في الدار وش لك في هذي الأمور .. فلوس وعندك وكل شيء عندك !!! “


طالعتني بصمت ثم قالت " مو عشان الفلوس ابي اشتغل واستانس "
قلت بضيق " نجد شغل ما في انسي هالموضوع لا في الدار وﻻ غيره أي شيء تبينه أنا مستعد أعطيك اياه .. !!!! “


طالعتني وقالت بهدوء " محمد ﻻ تردني ما أبي إﻻ اشتغل هذا طموحي أبي أسوي شيء في حياتي طلبتك !!! “


قلت بعصبيه " نجد قلت لك خلاص يعني خلاص مب لازم أعيد كلامي وﻻ أنتي بس تبين مشاكل وﻻ تعرفين كيف تبدينها .. !!! “


قالت " خلاص اسفه " وطلعت من الغرفه وربي ترفع الضغط يعني فوق شغلي وكل ذا وجايه تزيد علي بكلام فاضي أجل تشتغل وﻻ وين بتشتغل في الدار ما بقي إﻻ هي هذا اللي كان ناقص .. !!!!!








// × // // × // // × // // × //










كنت حاس بنوع من الضيق مدري وش رجعني وجيت لها كنت قاعد بالشقه وهي رايحه تسوي الشاي ولا كلمتني من جيت بس تطالع .. !!


لازم أبلغها أن كل شيء بيني وبينها بنتهي لكن المشكله متردد مدري أتركها وﻻ كيف .. !!!!


حاس بالضيق وبالقلق مدري وش أسوي .. أفكار تاخذني وأفكار تجيبني !!!


طالعتها وهي تجيب لي الشاي وصبت لي وجلست ساكته .. فكرت أقولها ألحين وﻻ كيف .. حاس صداع كثييير براااسي .. !!!! وياخذني ويرجع مدري وش فيه له فتره هذا الصداع في راسي .. !!!!






// × // // × // // × // // × //




ما صدقت طلع الصبح ورحت أقدم كنت رايحه للدار بسألهم عن كل هذي الأمور يعني كيف الوظيفه وكيف أقدم .. صح أن محمد رفض بس أنا مني مستعد أتخلى عن حلمي كنت أفكر أكلم عمي بعدين أحس هو بقدر يقنع محمد .. !!!!


بالمره أروح أشوف بسمه .. بس خايفه يدري محمد ويتضايق خاصه أني ما قلت لأني عارفه برفض كل ما أطلب منه ياخذني لبسمه يأجل الموضوع .. !!!


لكني بلغت زوجة عمي وقالت براحتك مب مشكله .. وأنا بقنع محمد بكل الموضوع لما أحس أن الموضوع سهل واقدر أتوظف في الدار وبكلم عمي عشان يقنعه .. !!!!




// × // // × // // × // // × //




كنت جالس في المكتب وإلى التلفون يرن .. رفعته بضيق من كثرة الشغل وقلت " هلا ..! “


وأسمع صوت أمي تقول " هلا فيك ياولدي وشلونك بشرني عنك " ابتسمت لها وقلت " هلا في الغاليه أنا بخير يما .. بس خير وش الطاري متصله مب على العاده .. !!! “


قالت بتساؤل " ﻻ بس حبيت أسألك زوجتك أخذت أذنك أنها بتروح للدار ؟! “


قلت باستغراب " وليش تروح ﻻ قولي لها ﻻ تروح وﻻ تفكر حتى !! اذا رجعت من الشغل نشوف ويصير خير "


قالت باستهزاء " وش أقلها البنت راحت خلاص وقالت لي أنها ماخذه أذنك .. !!! “


قلت بضيق " وش تقولين كيف راحت هي علي كيفها تروح متى ما تبي !!!!! “
قالت باستهزاء " الله العالم رايحه لمين تعرف بنت حرام ما ترتجي من وراها خير يمكن في أحد تبي تقابله هناك وﻻ شيء "
هنا ذكرت بسمه وتحذير أبوي لي وقلت بعصبيه " وربي لأربيها مب على كيفها تطلع بدون شوري .. خلاص أنا رايح لها قبل ﻻ توصل هناك .. !!!!!!!! “






// × // // × // // × // // × //






كنت اطالع التلفزيون وأشرب في الشاهي وكل ما أشرب فيه أحس براسي يصدع أكثر .. !!!!!
حسيت باعصابي تفلت وقلت بعصبيه وأنا أدف الشاهي " وش أنتي تحطين بالشاهي ممكن أفهم أنا من أشرب الشاهي ذا وراسي يصدع لي شهر وراسي كل ما له يلعب فيني أكثر "


طالعتني بصمت وهي ساكته وحسيت أعصابي بتفلت وقلت " هي وش فيك ما تسمعين !!!! أحاكيك .. شكل أهلك مب عارفين يربونك ويبدو لي أنك ما تفهمين على كل اسمعي يا بنت الناس أنا طفشت منك وﻻ عاد لي فيك بطلقك وبرسل لاهلك وأظن كم ريال يسكتونك ويكفون … !!!! “


قالت بنوع من الاستهزاء " مب على كيفك متى ما تبي تطلقني ومتى ما تبي تتزوجني .. !!! أنا سكت لك بكيفي لكن مب يعني تهيني وتسوي اللي تبي .. !!!! وأصلا اذا انتي ما تبيني ترى ما هميتني لا تحسب أني متزوجه حب فيك أنا عندي اللي يغنيني عنك وبعزني أكثر منك .. !! “


وعطتني ظهرها ومشت وحسيت أعصابي قفلت فقمت بعصبيه وأنا ناوي الشر ما توقعت هذي الإنسانه تافهه ونذله لذي الدرجه بكل وقاحه تقول أن عندها أحد تحبه وربي ما يصير لها خير .. !!!


لكن من قمت وأنا حاس نفسي بديت أنهار مب قادر أوقف على رجولي حاس بتعب بضعف طالعتها بعصبيه وصرخت فيها " يانذله وش تحطين في الشاهي يالخسيسه !!!!!!! “


التفت لي وطالعتني من فوق لتحت وقالت " وش فيك لذي الدرجه ضعيف ما أحط شيء بس حبة مخدرات عشان أخليك بيدي وألعب فيك مثل ما أبي .. !!! “


انصدمت وش قاعده تخربط هذي قلت " وعد وش تقولين ليه هذا الكلام وش تخربطين أنتي .. !!! “
طالعتني باستهزاء وقالت " الغبي اللي مثلك ما يحس .. !!! من أول يوم تزوجنا وأنا أحط لك حبوب في الشاهي أبي أخليك تصير ضعيف وما تقدر على شيء !! أجل تحسبني موافقه عليك بكيفي ؟! ﻻ أنا وافقت عشان أخذ حق غيري منك .. !!! “


طالعتها بصدمه كنت أحس بتعب وقلت بصراخ " انقلعي عن وجهي عزيتك وأنتي من الشارع ورفعت قيمتك !!! أنتي منافقه نذله انقلعي عن وجهي اطلعي برا شقتي "


طالعتني من فوق لتحت وقالت " اذا فيك خير اطردني أما الكلام هذا خله لنفسك .. !!! “


وبصعوبه قمت وكانت معطيتني ظهرها وركضت أبي أمسكها وناوي أقتلها .. حاس نفسي منهار ومب قادر لكن قبل لا أوصلها حسيت بشخص يدفعني بقوه على الأرض .. !!!!!


وحسيت بالدنيا تسود في عيوني .. كل شيء مظلم وأحس نفسي أتنفس بصعوبه وأسمع أصوات … !!!


والله وطلعتي مب هينه ياوعد قول وفعل .. وصدقيني اللي وعدتك فيه بتم "


طيب وش بتسوي فيه ؟! “


وﻻ شيء بس انه صاير بيدي وكذا أرتاح منه وأدمره بطريقتي .. “


ممكن أفهم ليه تبي تسوي فيه كذا .. وربي أحسه طيب مدري ليه أنت تبي تسوي فيه كذا "


ما شفتيه كان يبي يرميك وبرجع لبنت عمه اصحي .. هذي الأشكال ما وراها خير ما عليك منه أنا بأمسحه بدمره بخليه يتألم ويتمنى الموت وﻻ يشوفه .. !!! “


كان كلام كثير مين هذا الصوت مب غريب قلت بضعف " وعد .. وعد قوميني !!! أنا تعبان "


وأحاول أفتح عيوني ومني قادر حسيت بشخص يقرب مني ويقول بهدوء" وشلونك ياولد أبوفيصل وشلونك يافيصل .. !!! “


فتحت عيوني بصعوبه ولما شفت الشخص وقفت أفكر أفكر وانصدمت مستحيل اللي أشوفه قدامي كان " تركي " واقف يطالعني بسخريه ووعد جمبه تطالع فيني بخوف وش اللي يصير أنا بحلم وﻻ ايش .. !!!


قلت بخوف " وش جابك أنت .. أنتي هذا حبيبك يانذله .. !!! “


وجيت بقوم وﻻ تركي يحط رجله علي ويقول باستحقار " وربي لأربيك ياولد أبوفيصل تحسب أنه عز أبوك بنفعك وربي راح أدمرك وراح أعلمك مين تركي تحسب أني غبي عندك !!! عارف عنك كل شيء وداري من أول أنك تلحقني وفاهم كل شيء وأنت كنت مثل الغبي ما تدري كيف خططت ورسمت .. وربي أنك طحت بيدي وﻻ راح يفكك مني ﻻ أبوك وﻻ غيره .. !!!!!!!!! “


غمضت عيوني بخوف !!! يارب أنا أحلم وﻻ ايش من هذا الإنسان وش جابه وش يبي مني حسيت بالظلام يغطي المكان وكنت حاس بالخوف كيف وصلت ووش صار حسيت كل شيء ينسحب مني مني قادر أفكر صح .. !!!!!!!!!!!!!!!!!!!!!!!!!!!!!!!!!!!!!




// × // // × // // × // // × //






كنت حاس بأعصابي منتهيه .. كيف تروح من ورا ظهري على كيفها متعودة على حياتها أول في الدار ﻻ حسيب وﻻ رقيب .. لكن خايف تقابل بسمه وتقولها ذيك شيء وربي ما خططنا صح .. المشكله أبوي وش بقوله لين خرب كل الموضوع .. !!!


حسيت بنفسي معصب وتمنيت أني أوصل وأمنعها تقابلها ﻻ يمكن تقابلها وﻻ كل شيء بخرب والموضوع بنتهي .. !!!!






// × // // × // // × // // × //






ابتسمت لبسمه وقلت لها " وربي مشتاقه لك كثييييير ما تدرين لي فتره وأنا أبيهم يجيبوني وﻻ نسيتك بس محمد منشغل والكل ينشغل سامحيني "


ابتسمت لي وقالت " ﻻ عادي المهم اني أشوفك مستانسه وبأحسن حال .. !!! “


ثم قالت لي " ها بشرني كيف حياتك مع اهله شكلك مستانسه مره معهم "
ابتسمت لها وقلت " وربي مستانسه كثيييييييير .. !!! “


طالعتني بحزن استغربته قلت " وش فيك بسمه ليش تطالعيني كذا .. !!! “


بسمه قالت " شكلك قويه دايم يا نجد شكل ما أثر فيك خبر مرضك !! وربي انك تكبرين بعيني كل يوم "


استغربت كلامها وقلت " مرضي ليش يآثر فيني أنتي داريه هذا من زمان وانتهى يعني تعودت معه والحمدلله ألحين صرت أحسن من أول بكثير وﻻ صار يآثر فيني "


طالعتني باستغراب وقالت بخوف " عمك ما قال لك .. !!!!!!!!! “
استغربت وش تقول " يقول لي ايش "
شفتها تطالعني بخوف متردده حسيت أن في موضوع كبير وقلت بخوف " بسمه ممكن أعرف وش فيه وش الموضوع اللي ما قاله عمي لي ؟؟؟؟؟؟؟؟؟؟؟؟ "










// × // // × // // × // // × //




نهاية الفصل الخامس عشر

 
 

 

عرض البوم صور ♫ معزوفة حنين ♫   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أحقاد تحت الرماد, أحقاد تحت الرماد ، للكاتب : aljeneral .., القسم العام للروايات, الكاتب : aljeneral .., شبكة ليلاس الثقافية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:13 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية