لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 31-12-10, 07:40 AM   المشاركة رقم: 11
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


// × // // × // // × // // × //





قلت " سم عمي ! آمرني ؟ "


كان عمي طالبني بعد ما تغدينا وحسيت بنوع من الخجل وأني سبب في بعد عياله عنه بسبب وجودي في البيت وقلت هالكلام لمريم لكنها قالت كلامي فاضي وما له معنى !!!!!!!


عمي بهدوء " اسمعني وانا عمك ... أنا أعتبر نفسي مب عمك لا يعلم الله اعتبر نفسي بمثابة أبوك والبيت هذا ما يحتاج بيتك أي شيء تحتاجين له أو تبينه آمريني بس واذا أحد من عيالي ضايقك علميني ... تراك بنت الغالي وأنتي غاااااااليه مثله !!! "


حسيت بسعاده لما قال بنت الغالي يالله تمنيت أقابل أبوي وأمي وحسيت بضيق أنهم متوفين لكن الله يرحمهم بدعي لهم وعمي مب مقصر معي أبد .. ابتسمت لعمي وقلت " عمي أنت ما قصرت معي الله يخليك وعيالك هم أخواني وبالذات مريم ما في مثلها أخت كسبتها ... بس عمي انا خايفه أكون مضايقه تركي ولا .. ترددت في نطق اسمه مدري ليه يمكن كان اسمه رعب لي من ذاك اللقاء وأنا خايفه منه و... " !!!


قاطعني عمي من أفكاري وهو يقول " عشان كذا أنا أبي أكلمك اسمعني يا نجد أنتي بإذن الله قاعده معنا وخلاص من اليوم ولبكره هذا بيتك وعشان عيالي أنا خايف يضايقونك .. مع أن تركي صغير بس المشكله في محمد ولدي الكبير طلعاته ودخلته في البيت بتضايقك !!! "


" لذلك يا بنتي أنا فكرت أني أزوجك ولدي محمد .. واسمعيني لك أسبوع وأسبوعين وثلاث تفكرين براحتك اذا حبيتي الحمدلله فيعلم الله اني بستانس أن ولدي صار لبنتي وبنتي لولدي لكن اذا ما حبيتي فما راح أجبرك على شيء .. بالعكس بتظلين بنتي وأنتي الداخله وهو بكون الطالع !!!!!!!! "


انصدمت ما قدرت أفكر ما توقعت أن عمي يفكر يزوجني لولده محمد ... بغيت أندفع وأقول مستحيييييييييييل لكن ما بغيت أجرح عمي وقررت أطول شيء لين بعد أسبوع وأقوله أني ما أقدر ... !!!!


بس حسيت أنه بكسر شيء بيني وبين عمي خايف أخسره !!!!!!!!!!!!!! ليه يا عمي خيرتني هالخيار يعني راحتي ولا أنت !!!!! ما أبي أكسر بخاطر عمي بس مقدر أقبل في محمد لأمور كثييييييييره !!!!!!!!


طلعني من التفكير عمي وهو يمد يده وفيها خمس ميه ولحظتها اندفعت وقلت " لا عمي ما يحتاج وربي !!! "


لكنه قاطعني وقال " اسمعيني يا نجد لا تظنين أن أتصدق عليك ولا أحسن لك لا يا بنتي هذي من حلالك ... هذا من فلوس أخوي كانت بيني وبينه شراكه ومن وفاته وأنا أطور في الشركه اللي بيننا يعني أنت لك فلوس وحق فلا تخافين هذا من فلوس أبوك يعني حلالك ... !!! "


لحظتها انصدمت جد ما توقعت هالكلام وارتحت ومن قلب قلت " الله يخليك لي يا عمي أنت ما في مثلك !!! "


وقمت حبيت راسه لأني حسيت بطيبته وأصالته ... الحمدلله يارب .... !!!!!!!!!!!!!!!!!!!!!!!!!!!!!!!!






// × // // × // // × // // × //






كان كعادته غامض لكن عبقري !!! يتخذ الصمت أسلوب لكن يدهش من حوله !!! ببساطه تناقضات تعيش في شخص واحد هذا البوس بنظرهم كان انسان قلبه أبيض لكن مجرم بمعنى الكلمه ... !!!


كان يرسم الخطه اللي فاجئتهم العمليه ما كانت مغريه مب محل ذهب أو ملابس أو حتى سطو على سياره !!! بل على بيت شخص معين والأهم في الجريمه هو قتل صاحب البيت ؟!!


كان عمليه غامضه بكل نواحيها لكن ثقتهم في البوس كبيره كان يعرف كل خطوه ومتأكدين في شيء كبير ينتظرهم ابتسم الكل وبدء التجهيز للعمليه والخطط تدار بصمت .. !!!!!!!!!!!!!!!!!!!





// × // // × // // × // // × //




قلت بإستغراب " يبا وشو فيه عبدالإله متصل عليك ؟! "
أبوي قال بعدم اهتمام " ما عنده سالفه الله يهديه يتصل علي ألحين يقول أنه جاء المكتب ولقاني مشيت وكان يبي يكلمني بموضوع يخص تركي !!! "
قلت بإهتمام " يبا ليه وشو فيه ؟!!! "
أبوي بهدوء " يقول يبيني أطرد تركي أنه مب مرتاح له !! "
قلت بسخريه " وربي قايلك يبا مب بس أنا هذا عبدالإله نفس الشيء .. !! "


أبوي بعصبيه " اسمعني يا فيصل ترى قطع رزق الناس مب زين !!! انتبه تقطع أرزاقهم واحفظ هذا براسك أنت ما تدري عن حياة هالإنسان يمكنه يعيل عائله يمكن في ناس في رقبته بالله عليك لما أطرده بس لأنك أنت ولا غيرك ما ارتاح له ؟!!! وقتها كيف أواجه ربي ... !!!!!!!!!!! "


سكتت حسيت بصدمه من كلام أبوي صراحه ما فكرت ولا جاء في بالي وحسيت كلامه صح بس وربي مني قادر أبلع هالإنسان وقلت " يبا معك بس يعني انتبه منه يمكن يكون حرامي ولا شيء ما ندري حنا !!!! "


قال أبوي " لا تهتم أبوك مب غبي يلعب عليه أحد .. !! وتركي طلعه من راسك وأنا المسئول عنه !!!! "


ما ارتحت لكلام أبوي كثير أحسه طيب بزياده لكن بنفس الوقت كلامه صح صعب أنه يطرده ويظلمه لكني براقبه هذا اللي قررته بحاول أعرف كل شيء عنه واذا مسكت عليه شيء وقتها أعلم أبوي عشان يطرده ... !!!!!!!!!!!!!




// × // // × // // × // // × //





كانت المكالمه صدمه بالنسبه لي .. كل اللي صار صدمه بالنسبه لي من ساعات بس كنت أسولف مع أختي " منال " وبعدها بشوي راحت مع سواقها لبيت زوجها لكن الصدمه كانت لما تلقيت مكالمه منها استغربت ورديت عليها توقعتها نست شيء مثل عادتها لكن الصدمه كانت وهي تصرخ وتنطق اسم زوجها عبدالله أبومالك ... !!!!!!!!!!!!!!!!!!!


ما فهمت ايش ممكن يكون اللي صار معقوله صارت مشكله بينهم ما قدرت أفكر لكن رحت لها بسرعه لأنها كانت تصيح بشكل جنوني .. ولما وصلت ودخلت تمنيت أني ما دخلت لقيت الباب مفتوح وكل شيء مفتوح والشرطه في المكان ... كان صدمه ما بعدها صدمه لقيت منال منهاره وصايره مثل المجنونه ... !!!!!


وزوجها في فراشه مقتووووووووووول !!!!!!!!!!!!!!!!!!!!!!!!!!!!!!!!! ليش وكيف ومتى ما أدري كل اللي عرفته وحسب كلام عبدالرحمن أنهم عصابه معروفه تتصل وتبلغ عن الجريمه ثم تنفذها !!!


وهذا اللي صار تبلغ عبدالرحمن بالجريمه .. وتسلم المكان ولكن وصولهم كان متآخر لأنه كان مقتول .. !! أي إجرام اللي أشوفه وليش طييييييب !! حسب ما عرفت أن كل شيء ثمين في المكان انسرق !!!!


حسيت أفكاري مشوشه ما أقدر أصلا أفكر جلست على الكرسي في المستشفى وأنا أنتظر الطبيب يطلع ويبلغني عن حالة مريم ... بصراحه كنت تعبان أبي أغمض عيني وأرتاح وخايف أرتاح مدري أفكاري مشووشه .. !!!!!!!!!!!




// × // // × // // × // // × //





" لو أنا منك وربي أقبل فيه ونص !!! " كنت مصدومه من كلام أختي البتول وهي البنت اللي ما ينرد لها طلب من أمي .. ما توقعت هذا رايها كنت أبي أشوف وش تقول .. !!!


وقلت بإستهزاء " يا ليته خطبك وفكني وبعدين أنتي مجنونه ليه توافقيييييييين ؟!!! "
قالت البتول " انا بصراحه سمعت أمي وأبوي يحكون ويقولون أن تركي عنده فلوووووووووووووس كثيره يعني تخيلي يشتري لك كل شيء بالله وش يقعدك هنا !! لا شيء ولا حياه حتى تلفزيون ما عندنا إلا واحد مب صاحي ما يعرض إلا قنوات السعوديه وربي طفششششششششت !!!! "


سكتت فهمت ايش تفكر فيه مب الزواج لا هي طمعها في الحياه ما ألومها صدق بحياتنا ما حسينا بطعم الحياه لا تلفزيون لا شيء يعني أفضل شيء عندنا تلفزيون مثل ما قالت مب صاحي سيييء مررره لكن صراحه ما كنت أفكر كذا يعني عادي بالنهايه الحمدلله غيرنا يمكن ما عنده حتى تلفزيون شيء أحسن من لا شيء ... !!!!!!!!!!!!


بس كلامها استغربت منه أن تركي عنده فلوس ؟ كيف بعرف أبوي ويعني أبوي يبي يبيعني عشان فلوس تركي !!!! الله يسامحك يبا أنا بنتك وتبيعني لأي أحد لكن وربي ما راح أسكت هذا اللي قررته وتركي ما راح أتزوجه لو ايش ما يصير !!!!!!!!!!!!!!




// × // // × // // × // // × //





كنت أركض أبي أبعد عن المكان .. أحس بخوف خايف يلحقني .. !! وبديت أشوف شرطه وبعدين يرجعوني للدار وأشوفها ايه هيييييييي لا مستحيييييييييييل وعد ... وعد ... وعد !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!


قمت من النوم خايف !!! الحمدلله حلم .. كنت خايف من أنهم يلحقوني ويرجعوني للدار ولا ذاك المكان !!! تذكرت ناصر ايه حتى ناصر ما ابي أرجع له كان نذل ما يحب أحد بس يبينا نخدمه ونجمع له فلوس ... !!!!


كنت أمشي وأنا أحس رجولي تقطعني !!! مدري وين أنا فيه كنت في حديقه عامه شيء زي كذا حديقه في الشارع ومحد فيه قعدت أمشي وأنا خايف وشوي لقيت رجال جالس استغربت وقربت منه .. !!!


شفته يلتفت لي ويقول " مين أنت !!! "


قلت " أنا اسمي وليد ... !!!؟ "


همس وقال " وين أهلك يا وليد ويش مطلعك وأنا أبوك !!! لازم أوديك لهم أكيد خايفين عليك ألحين ... أسألني وربي أول ما كنت أهتم في ولدي لكني لما فقدته وراح مني صرت أتمنى أشوفه وأضمه لكن خلاص راح ومستحيل يرجع !!!! "


قلت " انا ما عندي أهل !!"


طالعني بإستغراب وقال " طيب تعال معي أوديك للشرطه !!! "


هنا صرخت بخوف وقلت " لا لا لا لا لا لا لا لا !!!!!!!! ما ابي الشرطه لا انا ما عندي أهل ما أبي الشرطه " ولحظتها مسكني وبدا يسحبني لكني رفضت رفضت وبديت أقاومه وأنا رافض أني أرجع لذاك المكان ما أبي مستحيل أقبل ... !!!!!!!!!!!!!!!!!!!!!!!!!!!!!!!!!!!!!!




// × // // × // // × // // × //

نهاية الفصل الرابع

 
 

 

عرض البوم صور ♫ معزوفة حنين ♫   رد مع اقتباس
قديم 31-12-10, 07:41 AM   المشاركة رقم: 12
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

أحـقـاد تـحـت الـرمـاد



الفصل الخامس




// × // // × // // × // // × //



"
قد نرسم لنا أحلام وطموحات ..
ولكن هناك من يسعى لتحقيقها
وهناك من يقف عند رسمها .. !!!
"




// × // // × // // × // // × //




بعد مرور ثلاث أيام ..


" الموقف صعب والألم كبير لكن تصبر وتذكر أن ربك مع الصابرين .. وأبومالك راح للرحمن الرحيم .. الله يرحمه ويسكنه فسيح جناته !! وأختك بإذن الله ترجع لك بأحسن حال .. !! "


كنت أحس بضيق لكن كلام أبوفيصل خفف علي التفت له وقلت" الله يخليك يا عمي .. أنت وعيالك ما قصرتم معي ووقفتكم ما راح أنساها أبد .. !! "
أبوفيصل بهدوء " أفى عليك أنت ولدنا منا وفينا ما يحتاج يا سعود وأنا أبيك ترجع لشغلك وتنسى اللي صار ما أقولك أنه شيء سهل لكن بإذن المجرمين بياخذون جزاتهم سواء في الدنيا ولا الآخره .. !! "


ابتسمت وقمت حبيت راس أبوفيصل لأن حسيت بشخص ممكن أسند نفسي عليه شخص قريب مني وبجد أبوفيصل دوم ما يقصر .. !!!!




// × // // × // // × // // × //




قلت بتردد " أنا موافقـ..ـه عمي " وأخذت نفس !! كنت خايفه متردده واستخرت وحسيت براحه شوي يمكن فيها خيره وبعد بالنهايه صعب أرفض طلب عمي خاصه مع اللي يسويه لي وأكيد وقتها بخسر عمي وأنا مب مستعد أخسر أحد من أهلي بعد ما لقيتهم .. !!!!


ابتسم لي عمي وقال " الله يسعدك يا نجد وربي يوم سعدي لما أزوج ولدي لبنتي وتأكدي محمد بشيلك بعيونه واذا ضايقك ولا زعلك في يوم ما يحتاج تعال لي لأني أعتبر نفسي أبوك وأبيك ما تعتبريني عمك بس إلا أبوك وأي شيء تحتاجينه آمري "


ابتسمت وقلت بهدوء " أنت ما تقصر يا عمي " وحبيت راس عمي واستآذنت منه .. !!!
الله يكتب اللي فيه الخير هذا المهم ومع أني مب مرتاحه لمحمد بعد الموقف اللي صار بيني وبينه لكن بالنهايه أنا ما أعرف خيره من شره .. !!!


لكن كنت خايفه من ردة فعل البقيه خاصه مرة عمي اللي شكلها مب متقبلتني مع أني أحاول أكسبها لكنها دائم أحسها تبي تجرحني !!! وخايفه بعد من ردة فعل مريم لأنها صارت بالنسبه لي مثل أختي وأعز وخايفه أخسرها لكن إن شاء الله ما يصير شيء من هذا واذا كان في خير في الموضوع الله يتممه .. !!





// × // // × // // × // // × //





كان واقف بغموضه يبتسم وهو يعلن مواقفته لإتمام ملكتهم !! وأنا كنت أقولها بإستسلام ايه استسلمت لأبوي لأنه صدمني أن الملكه بعد ثلاث أيام بس من خطبة تركي لي شافني أمس والملكه اليوم !!!


حاولت أعترض أصرخ لكن أبوي قال أنه ما عاد يقدر يدفع إيجار البيت وأنه صاحب البيت هدده يطرده خاصه بعد ما انطرد أبوي من شغله !!! لكن تركي خطبني ودفع مبلغ بساعدنا عشان كذا أبوي قبل فيه .. !!!


يعني باعني وأصلا مين يهتم فيني كلهم موافقين وكلهم ضغطوا علي عشان أقبل وأنا أستسلمت .. !!! لحظتها طلعت من أفكاري وقلت وأنا أحس بالألم وأنا أشوف نظرة أكثر انسان ممكن أكرهه " أنا موافقه !!! " حسيت أني لحظتها أعلنت الموت على نفسي أعلنت نهاية الحياه بس ايش الجديد في حياتي ما استانست وأبوي من يومه أصلا ما يهتم فيني وأكيد بوافق يبيعني لأي واحد يدفع .. !!!!!!!!!!!!!!!!!!!





// × // // × // // × // // × //





كنت أحس بعجز !! بضياع مب معقوله اللي يصير .. هذي العصابه تتلاعب فينا مثل ما تبي .. حاولت أمسكهم حاولت أوصل لشيء لكن ولا شيء هذا اللي وصلت له .... !!!


في البدايه توقعتها عصابة سطو على محلات وبديت أربط الأمور على هذي الفكره لكن ألحين كل شيء تغير الهجوم على شخص مثل أبومالك غريب ليش وايش ممكن يكون الدافع .. !!!


أول مره يهاجمون شخص في منزله والغريب وقتها زوجته مب في البيت هذا يعني أنهم يراقبون المكان كان يدرون أنه في هذا الوقت لحاله وحيد !! بس الغريب أبومالك مب غني عشان يهاجمونه إلا اذا كان في شيء ما فهمته .. !!!


معقوله يكون أبومالك شريك لهم !!!! مستحيييييل أبومالك معروفه سمعته الكل يمدحه .. وبعدين حسب ما شفت كل شيء ثمين ولا فلوس انسرقت من المكان يعني معقوله يكون هدفهم مال ؟!! بس مهما كان مو معقوله أبومالك يكون عنده فلوس كثيره في البيت لدرجه يقتلونه !!! أكيد في سر بالموضوع في شيء ما عرفته يمكن زوجته تساعدنا بس هي للحين ما صحت !! ما تنلام الله يعينها اللي صار شيء مب بسيط والله يسهل عليك يا سعود ... !!!!!




// × // // × // // × // // × //





كان كلام أبوي صدمه بالنسبه لي !! مب لأنها وافقت كنت متوقع أصلا توافق ولا يحصل لها تلقى الحلال والنعيم والعز هذا وترفض مستحيل !!! لكن ما توقعت أن الموضوع يصير بسرعه وخاصه أن أبوي ناوي بكره لما نروح الإستراحه ونجتمع مع أعمامي أنه يعلن خطوبتي لنجد والملكه بتكون الأسبوع الجاي وأما الزواج بعد شهر .. !!!!


كيف بتكون ردة فعل ندى لما تسمع بخطوبتي !!! يالله يا ما رسمت أحلامي وبنيت آمالي .. عندي طموحات وأفكار كثيره بس أحس كلها انتهت بسببها هذي الإنسانه دخلت حياتنا وهدمتها وهي أصلا لا هي منا ولا فينا .. !!!


كيف بتحملها ثلاث سنوات مدري .. !!! الله يعيين ويسهل خلاص هذا شيء وبصير ولازم أحمله وأرضى فيه وبالنهايه كلها ثلاث سنوات ويمكن أقل ويصير لي حلال ومال ووقتها كل اللي أتمناه راح يصير .... !!!!!!!




// × // // × // // × // // × //





كنت قاعد أقلب في الملفات أدور على سجل معين لكن ما قدرت أوصل له !!! من وصل هذا الإنسان وهو حاس علي المكتب ترتيبه للملفات سيء وكل شغله يرفع الضغط .. !!!


ما يحتاج أعرف أن هدفه يمسك رئاسة المصنع .. بس ما راح يحصلها أنا بقعد وبطول بس عشان ما يحصلها !!! شوي حسيت بشخص دخل للمكتب رفعت راسي ولقيته هو ما غيره " تركي " .. !!!!


قلت بعصبيه " وين السجلات تحطها أنا أدور على سجل مني محصله !!!!!!! ممكن أفهم كيف ترتب الملفات هنا ؟! "


قرب مني بغموض وقال " اليوم طلبني أبوفيصل وأحب أقولك أنك تلعب بعداد عمرك يا عبدالإله أنت تحاول تطردني من المكان لكن تأكد أسبوع واحد بس يكفيني عشان أبعدك من المصنع وأصير مدير .. !!! أنت تلعب معي وراح تخسر خساره كبيره ... !!!!!!!!!!!!!!! "


رمى هذا الكلام وطلع من المكتب انصدمت ايش يقول هذا المريض !!!!!!! يهددني لكن وربي ما راح أسكت ببلغ أبوفيصل وألحين .. وصدقني يا تركي أنت اللي راح تطلع من الشركه .. !!




// × // // × // // × // // × //




ضمتني مريم وهي تقول " أنا مستانسه أن أخوي بياخذك تدرين ليه !!! مب عشانه لكن أنتي أبيك تقعدين عندنا للأبد وربي يا نجوده أني مستانسه فيك كثيييييييييير وأحسك مثل أختي أنا من زمان وأتمنى تكون لي أخت مثلك !!!!! "


ابتسمت وقلت من قلب " وربي وأنا مريم !! ربي يسعدك أنتي بمثابة أختي وربي !!! "


ما توقعت هذي ردة فعل مريم هذي الإنسانه مختلفه عن أي شخص في هذا البيت أحسها قريبه مني بشكل خاص طيبتها تصرفاتها بجد أحس مثل أختي تذكرني بـ " بسمه " لكن بشكل أصغر .. !!!!


قاطعتني مريم من أفكاري وهي تقول " بس بصراحه ما توقعت أن أخوي معجبك لذي الدرجه ما صدقتي يخطبك وافقتي !!!!!! "
طالعتها بصدمه وقلت بسرعه " أنتي وش تخربطييييييييين !!!!! "


وقتها شفت مريم تضحك بقوه وهي تقول " وشو فيك نمزح !!! " ثم كملت " لذي الدرجه انحرجتي يلا مب مشكله منب قايله هالكلام مره ثانيه بس بيني وبينك ما ألومك محمد ينعجب وكذا فله و "


قاطعتها وقلت بعصبيه " هييييييييييه لا تألفين كلام لا معجبه ولا شيء بس يعني " سكتت ما لقيت تعبير أقوله
مريم تكمل عني بثقه " عارفه أنك قبلتي فيه لأنه أخوي .. من حبك لي قبلتي في أخوي عارفه ما يحتاج تشرحين !! "


ابتسمت عجبني كلامها وقلت " يسسسسسسسسلم لي عقلك يا شيييخه جبتيها !!! "



// × // // × // // × // // × //





كنت حاسه بالقهر بعد حفلة اليوم .. حسيت أن متعب ما يهمه إلا نفسه وصعب أني أحصل منه على شيء .. كان جالس يقلب في الملفات وكنت متردده أبي أكلمه أحاول معه يمكن أطلع بشيء .. !!!


قلت بتردد " متعب "
التفت لي وقال " نعم خير ؟! "
قلت بقهر " متعب أحسك مليت مني !!! متعب اذا ما تبيني خلاص مستعده أترك لك المكان !!! "


قال بسخريه " ليه في مكان ثاني يضفك ؟ "


حسيت لحظتها بمدى قيمتي حسيت بمعنى كلامه أني ولا شيء بالنسبه لي ولحظتها زاد كرهي لمتعب ولبسام ولكل رجال في الحياه !!!! عرفت أني رخيصه أنا خليت نفسي كذا .. !!!


قلت بعصبيه " رضيت أقعد عندك وفي النهايه ولا شيء طلعت منه !!! حسافه ليتني رحت عند غيرك كان أحسن !!!!!! "
التفت لي وقال " مب جديده عليك يا بنت الحرام تروحين للي يدفع أكثر !!!!!!!!! "


لحظتها حسيت بطعنه في داخلي ومديت ايدي كنت أبي أضربه .. !! مب هو بس لا !!! كنت أبي أضربه هو وبسام وكل شخص !!! حسيت الكل نهش فيني الكل قضى علي حسيت أني كنت بدون قيمه وصرت ألحين أقل من كذا ... !!!!!!!!!!!!!!!!!!


لكن متعب مسك ايدي وقال بعصبيه " يا حلوه لو تمدينها مره ثانيه أكسرها لك وأرميك مع هالباب لا تختبريني !!!!!!! تراك ما هميتيني وربي اللي جابك يجيب غيرك !!!!!! "


ودفني وترك المكان !!! ولحظتها أنا انهرت حسيت أني مو عايشه في حياه !!! عايشه في جحيم كيف كنت راضيه وساكته كيف خليتهم يدمروني !!! الله لا يسامحه !!! هو السبب النذل والله ما راح أسامحه !!!!!!!!!!!!!!!!!!!!!!!!




// × // // × // // × // // × //




أبوفيصل قال " ممكن تفسر لي المكتوب في هذي السجلات !!! أنا وثقت فيك يا عبدالإله لكن ما توقعت هذا الشيء يطلع منك ... أنت بالذات ما توقعت وثقت فيك وعطيتك مسئولية المصنع كامله !!! كنت تبي تتقاعد بعد ما شبعت في الفلوس اللي سرقتها كنت خايف تنكشف وأكيد جمعت اللي يكفيك !!! حسبي الله ونعم الوكيل .. اسمعني تاخذ أغراضك ومستحقاتك كامله وأنت مفصول من الشركه !!! "


كان عبدالإله واقف مصدوم من اللي يسمعه ما يقدر ينكر شيء السجلات تثبت أنه كان يسرق كان يطلب مبالغ كبيره لشراء أجهزه للمصنع لكنه في الحقيقه يشتري أجهزه بسعر أقل .. !!!!!


والباقي من الفلوس كان في جيبه هذا اللي ذكرته السجلات ما لقى كلمه يقولها ولا شيء ممكن يبرر حس أنه اللي حط نفسه هنا بهذا الموقف وعرف أن تركي سبب كل شيء !!!!!!!!!!!!!!!!!!!!!





// × // // × // // × // // × //





كان واقف بخبثه بدهائه وكان يرسم لهم الخطه يوضح لهم أسباب هجومهم على أبومالك والهدف الرئيسي والهدف الأكبر لهم كان الكل مصدوم لكن منبهر من تفكير البوس .. !!!


لحظتها ابتسم البوس بخبث وقام من مكانه وهو جالس يفكر كيف يبدء يغوص بشكل أكبر لازم يرسم لشيء كبير شيء مميز عشان يوصل للهدف اللي رسمه الهدف الأخير بالنسبه له ... !!!!!!!!!!!!!!!!!!!




// × // // × // // × // // × //

 
 

 

عرض البوم صور ♫ معزوفة حنين ♫   رد مع اقتباس
قديم 31-12-10, 07:41 AM   المشاركة رقم: 13
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

// × // // × // // × // // × //




" اسمعني يا ولد أختي أنا رجال أبي أشغل بتشوف لي شغل ولا كيف .. !! "
كنت حاس بالضيق بالقهر قلت " خالي الشخص اللي وعدني بالوظيفه الحين يمر بظروف صعبه نسيبه متوفي ولا هو وعدني بوظيفه لك لا تشيل هم كلها أسبوع وأرجع أكلمه بالموضوع !! أتمنى تفكني من ازعاجك وربي مب حل هذا كل ما أدخل تكلمني بنفس الموضوع !! الوظيفه الوظيفه خلاص قلت لك بإذن الله بجيبها لك لا تهتم !!! "

طالعني خالي بسخريه وقال " وش رايك تجي تضربني مب أحسن ؟!؟ ما أقول غير حسافه فيك لكن وش أنتظر من واحد دخل أمه السجن !!!!!!!! "

في كل يوم يجرحني يحسسني بالذنب ليه وش سويت له !! ألحين أنا سبب دخول أمي السجن ربي يسامحه بس والله حسافه فيه !!! تمنيت ألقى أهلي وياليتني ما لقيتهم كنت ماخذ لهم صوره غير عن كذا لكن شكلي غلطت !!!!!!!!!!!!



// × // // × // // × // // × //



كنت أمشي بعد ما شريت أغراض وللحين أفكر بزواجي من " تركي " هذا الإنسان اللي ما كرهت أحد مثله .. !!! وأبوي اللي باعني برخيص بس خلاص لازم أضحي عشانهم .. !!!!

أنا مطلوب دايم مني التضحيه .. !! كنت أفكر ولما وصلت للباب انتبهت لبيت الجيران كان في شخص واقف عندهم كان هو ما غيره " تركي " كنت أشوفه واقف عندهم .. !!!

كان واقف يتكلم وكنت أسمع كلامه " اسمعني يا خاله هذا ايجار البيت ادفعيه لصاحب البيت وأي شيء تحتاجينه ما يردك شيء آمري مثل ما قلت لك أعتبريني ولدك وانا بإذن الله اللي أقدر عليه بسويه "

أم مشعل " الله يسعدك يا ولدي وربي أنت ما تقصر !! ربي يخليك لكل غالي طول عمرك وافي طول عمرك وافي يا ولدي !!! "

انصدمت من اللي شفته معقوله تركي كذا ؟! ولحظتها شفته يلتفت لي وحسيت بخوف وبسرعه دخلت البيت وسكرت الباب .. كنت مستغربه ما توقعت أن هذا الشيء يطلع من تركي .. !!!

جارتنا أم مشعل مسكينه توفى زوجها وولدها مشعل توه صغير وتزوجت من بعده وزوجها يسكنها عندها ولا شغل ولا عمل وقاعد في البيت وبس يضربها يا ما كان يطردها في آخر الليل من البيت وهو أصلا بيتها هي اللي ماخذته ايجار من صاحبه ومع ذلك ما رحمها زوجها ولدرجه أن مشعل هرب من البيت وصار يجي بين فتره وفتره لأنه زوج أمه كان يضربه .. !!!

بس استغربت تصرف تركي ما توقعت أنه طيب !! معقوله طيب ما أظن مني مقتنع ولا مرتاحه له لكن مب مشكله بسلامته أنا ما لي دخل فيه ..!! حلوه ما لي دخل فيه وأنا أصلا بصير زوجته حسيت بضيق من الكلمه !!!!



// × // // × // // × // // × //




كان جالس بصمت بغموض غريب في بيته كان يحس كل شيء يمشي مثل ما هو يبي مثل تخطيطه .. كان يدري أنه يخاطر بالكثير لكن هذي الأشياء تستحق أنه يخاطر .. !!!

عبدالإله ببساطه قضى عليه تخلص منه .. ووعد بنفذ انتقامه فيها وبياخذ حقه والباقي قله !! بقدر يوصل لهم بتخلص منهم جميع بلا استثناء .. !!!!

طلع من تفكيره وهو يسمع صوت بكائها ايه هي ما غيرها أول انسانه أنتقم منها .. تقدم بهدوء لغرفتها كانت تتألم بضعف بعجز مب قادره تتحمل الألم لكنه كان يستمتع لألمها .. كان يحس أنه مازال في كثير عشان يأخذ حقه .. !!!

والخطوات تمشي بهدوء ... !!!!!!!!!!!!!!!!!!!!!!!!!!!!!!!!!!!!



// × // // × // // × // // × //



كل شيء تغير في حياتي اللي صار ما توقعته .. ببساطه الشخص اللي توقعت بكون سبب رجوعي للدار أو حتى لمصلحة الأحداث كان هو مصدر السعاده بالنسبه لي ايه ببساطه مرت ما يقارب الخمس سنوات كانت حياة نعيم ورخاء .. !!!

العز كله شفته في بيته هذا الإنسان فقد ولده ماجد وكان يبيني أكون مكان ولده شاف فيني ولده خاص أن زوجته بعد ما ولدت ولده صار حسب كلام الطبيب صعب تولد مره ثانيه لأنه بكون خطر عليها .. !!!

عرفني على عائلته زوجته وبنته مناير وصارت عائلتي زوجته هي أمي ومناير هي أختي بصراحه ما قدرت أتقبل المسمى أبوي ولا أمي !!! ولا قدرت أعتبرهم بمثابة أب وأم لي لأني تعودت أني بدون أب وأم لكن مناير قدرت أتقبلها بالعكس صارت أقرب إنسانه لي في العائله .. !!!

وعشت بسعادة خمس سنوات مع أن أقارب العائله ما تقبلت أن أبوماجد يدخلني وينسبني له مكان ولده ماجد وأنا في الحقيقه مب ولده !!! لكن ما أحد قدر يغير رايه وعشت بسعاده حسيت أني خلاص بعيش حياتي وبديت أنسى الماضي .. !!!!!!!!!!!!!!!!!!

زوجته واللي هي تعتبر بمثابة أمي توفت قبل سنه لكن هذا ما يغير الشيء الكثير بالنسبه لي بالعكس مناير صارت أقرب لي هذا التغيير الوحيد وكانت أخت بمعنى الكلمه !!!!!

لكن رغم كل هالسعاده ما تمت كل شيء تغيير في النهايه .. تلقيت تلفون منه هذا الإنسان اللي في حياته ما تقبلني وكان دائم يحاول يجرح فيني " بسام " واللي زاده كرهه أن أبوي خطب لي أخته والمسمى عمي ما قدر يرفض أخوه لكن هو بسام ما كان متقبل أني أخذ أخته خاصه أنه يعرف حقيقتي وأني مب ولد أبوماجد ... !!!

رديت بدون اهتمام " نعم وش تبي ؟! "
بسام " اسمعني أنا ألحين في بيتكم اذا تبي شرف أختك ما يضيع ألحين تجي فاهمني وربي صبري ما راح يطول !!!!!!!!!!!!!!!!!!!!!! "

وربي انصدمت وقتها كنت مب في البيت ما توقعت بسام حقير لهذي الدرجه وبتوصل جرأته أنه يتعرض لمناير اللي هي أصلا بنت عمه !!!!! حسيت أن أعز إنسان عندي بضيع .. الماضي بتكرر مستحيييييييييييييل ... !!!!

وصلت للبيت وفتحت الباب ودخلت وركضت أصرخ " منااااااااااااير !!!!!!!!!! " وحصلتها في الصاله طايحه كانت تنتفض نفس الموقف يتكرر من جديد حسيت الماضي يرجع قربت منها ضميتها قعدت أناديها خايف أفقدها !!! ياااارب ما تروح مني .. !!

شوي والتفت لقيت الحقير النذل " بسام " واقف يبتسم وبعصبيه رحت مسكته ودفيته على الأرض وصرخت " يا نذل هذي بنت عمك ما فيك أصل ولا فصل ياخي تبي تنتقم مني وشو دخل بنت عمك في الموضوع !!!!!!!!!! الله ياخذك يالنذل !!!! "

ورحت لمناير أناديها كنت أتمنى ترد علي وشوي التفت إلا أبوماجد اللي يعتبر أبوي يدخل وأشوف الصدمه في عيونه والخوف لحظتها قمت عن مناير ورحت بقوله لكن تكلم بسام وقال " هذا يا عمي ولدك اللي خذيته مكان ماجد ونسبته لك !!! هذا النذل ابن الحرام اعتدى على بنتك تخيل بنتك اللي عاش معها وهي تعتبر مثل أخته !!! يا ما قلت لك يا عمي عيال الحرام ما تآمن عليهم كيف تبيه ياخذ أختي وهو معتدي على اللي تعتبر بمثابة أختك !!! "

انصدمت ما عرفت أتكلم تقدم أبوي لمناير بخوف كان يناديها وأنا وقفت انصدمت ايش يقول هذا ليه كذا لييييييييييييييييييييييييييييييه حسيت الدنيا تظلم ما عرفت أدافع عن نفسي حسيت أني مقدر أقول شيء !!!!

فجأه صرخ أبوي وقال " مين سوى فيها كذا !!!!! مييييييييييين !!! "

تقدم بسام وقال " ما غيره يا عمي ولد الحرام !!! "
قاطعته بعصبيه وأنا أحس أني بصعوبه أنطق " وربي كذاب نذل !!!!!!!!! "
قاطعني بسام وقال " عمي .. الخدامه كلمتني بالتلفون وبلغتني بكل شيء "

أبوي لحظتها قال بخوف " بسام خلنا نودي مناير المستشفى .. يلا !!! "
وقال بسام " سم عمي سيارتي جاهزه يلا بسرعه !!! "

أنا هنا تقدمت كنت أبي أقول أني بروح معهم لكن أبوي التفت لي وقال بعصبيه " لا تتحرك خطوه وحده ولا والله لأذبحك سامعنيييييييييييييي !!!!!!!!!!!!! "

وقفت بخوف ولا تحركت معهم وراح عمي مع بسام يودون مناير المستشفى .. كنت أنتظرهم بخوف وأحس بأني بموت !!! بس اللي مضيق صدري أنه أعز انسانه واللي اعتبرتها أخت لي تدمرت بسببي ليتني ظليت أمشي في الشارع وأعيش فيه كان ما ضريت أحد !!!

مر الوقت وفجأه انفتح الباب كان أبوي وبسام .. كنت خايف ولما شفت المسدس بيد أبوي دريت أنه ناوي يقتلني لحظتها تقدمت وأنا أحس بالدموع على عيوني وقلت " وربي يبا هذا بسام النذل مب أنا والله !!!!! "

قال بسام بعصبيه " اسكت يا وليد الحرام اسكت !!!!!! عمي بنادي لك الشغاله واسألها هي اللي بلغتني بكل شيء صار قالت لي أن هذا ولد الحرام يحاول يعتدي على مناير أنا انهبلت وجيت بسرعه ولقيته يحاول فيها وهي تقاومه !!!! "

كنت واقف مصدوم من كلامه ولما نادى الشغاله قالت كل شيء قاله لحظتها حسيت أني خلاص بموت كل شيء انتهى خسرت كل شيء وطحت في الأرض وأنا أصيح وأقول " والله ما سويت فيها شيء هذي أختي يبا وربي صدقني أنت ربيتني صح أنا مستحيييييييييل أخونك !!! "

لحظتها شفت أبوي يفك أزرار ثوبه ويطالعني بحقد ويصرخ فيني " يالنذل يا ولد الحرام جبتك من الشارع ولميتك في بيتي ونسبتك لي وعديتك ولدي وعيشتك مع زوجتي وبنتي وآخرتها تخوني في بنتي !!!!!!!!!!! تخوني في أختك هذي أختك يا تااااااافه يا نذل !!! "

ولحظتها فقد أعصابه وقعد يضربني بعصبيه وأنا استسلمت له ما قدرت أقاوم كنت أحس بالضرب في كل مكان وحسيت بالموت والدنيا تظلم وكنت أشوفه يرفع المسدس يبي يقتلني حسيت كل شيء انتهى خلاص .. !!!!

لكن لحظتها وقفه بسام وقال بخبث " اصبر يا عمي لا تنسى حنا عندنا سمعتنا ما نبي نخسرها بسبب هذا النذل !! أنا بخلص عليه وبقتله بطريقتي وبدون محد يدري ولا يصير شيء لسمعتنا !!! "

طالعني اللي اسمه أبوي وقال " خذه وريحني منه الله ياخذه ما أبي أشوفه اقتله يا بسام تسمعني أقتله !!!!!!!!!!!!! "
بسام بإبتسامه " وربي أقتله يا عمي لا تشيل هم !!! "
ولحظتها شالني بسام مع اللي اسمه أبوي في سيارة وحسيت بالدنيا تظلم فيني ولا عرفت وين رحت له .. !!!!!!!!!!!!!!!!!!!!








// × // // × // // × // // × //


نهاية الفصل الخامس

 
 

 

عرض البوم صور ♫ معزوفة حنين ♫   رد مع اقتباس
قديم 31-12-10, 07:44 AM   المشاركة رقم: 14
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

أحـقـاد تـحـت الـرمـاد


الفصل السادس



// × // // × // // × // // × //


"
كنت أقف بهدوء لأحدق في الظلام
لا أعلم ماذا كنت أنتظر ولكن ؟
نعم هناك رأيته وشعرت أنه الأمل المتبقي !!!
"



// × // // × // // × // // × //



يمكن افضل اللحظات هي اللي نقضيها في الإستراحه كل العيال يجتمعون ولكن هذي المره ما تمنيتها أبوي بعلن زواجي من نجد أنا خلاص رضخت للموضوع وصار عندي تقبل له لكن ؟!

كنت خايف من ردة الفعل اللي بتصير وندى ايش بتكون ردة فعلها أتمنى تفهم موقفي وأن اللي أسويه مب سهل بضحي بحياتي وسعادتي ألحين لكن بعدين بكسب كل شيء ووقتها بس راح أكسب ندى وأسعدها لأنها بتعيش بعز ونعيم .. !!!!!



// × // // × // // × // // × //



كانت الحفله اليوم استثنائيه وقررت أكون الملكه ايه قررت أسحقه بطريقتي !!! وهذا اللي صار صرت ملكة الحفله وهو كان ضايع معي وببساطه قدرت أخليه يشرب ويشرب حتى ما صار يستوعب شيء .. !!!

على ما يقولون " سكر حتى الثماله " ابتسمت وقربت منه وهو كان طايح في الأرض من التعب ويتكلم كلام غير مفهوم ابتسمت له وهمست بهدوء " اليوم أنت خسران يا متعب ولما تقوم لا تفكر تدورني لأني مستحيل أرجع لهذا المكان ".. !!!!

هذا كان قراري خلاص تجرأت وتركته !! وربي كرهت هذي الحياه حسيت أني رخيصه ما لي قيمه يوم أرضى أكون كل ليله مع رجال !!!! مهما صار مستحيل أسمح لأحد يوصلني لا متعب ولا غيره وأما بسام حسابي معه قريب .. !!!!!!!!!!!!!!!!!


// × // // × // // × // // × //



كنت مب مرتاحه للنظرات اللي أشوفها حسيت أني غريبه وما قدرت أتأقلم معهم يمكن وجود مريم ريحني شوي خاصه أن زوجة عمي ما اهتمت ولا التفت لي ولا كأني أصلا موجوده .. !!!

لكن مريم كانت تسولف وبجرأه وتحاول تدخلني الأجواء وشوي سحبتني للبنات وتعرفت عليهم بس ما أدري ما قدرت أرتاح لهم يمكن بس وحده حسيتها طيبه كان اسمها ندى ارتحت لها حسيتها تحكي اللي في قلبها ولا تجامل .. !!



// × // // × // // × // // × //



" ايش تقول يا عبدالإله كيف يطردك !!! مستحيييييييل أبوي يظلم أحد !!! "
عبدالإله " هذا اللي صار طول عمرك وبصراحه مدري وش أقول بس تركي هو السبب في كل شيء وصدقني هذا الإنسان ما وراه خير يا طويل العمر وأنا أتوقع أنه طماع ويبي يسرق حلالكم !!! "
قلت بعصبيه " يخسي هو وغيره ولا تهتم وربي ترجع لشغلك ومكانك !! وأبوي أكيد عنده سوء فهم ولا مستحيل يظلم أحد لكن هذا تركي حسابه عندي وربي !!! "

هذا كان آخر كلامي مع عبدالإله وبعدها رجعت للبيت وأنا مستغرب كيف ممكن الوالد يطرد عبدالإله أصلا كيف يشك فيه وهو اللي معنا من عمر وسنوات وعشان مين عشان هذا اللي ما يتسمى تركي !!!!!!!!

طلعت من أفكاري على صوت أبوي كان يسلم ابتسمت ورديت السلام وقلت " هلا والله يبا كيفك " .. !

ابتسم لي وقال " بخير ... بس حاس عندك سالفه وش بغيت ؟! "
ابتسمت لأبوي لأنه فاهمني وقلت بهدوء " بصراحه يبا اليوم جاني عبدالإله والرجال والله حالته لا تسر لا عدو ولا صديق .. يبا أنا أعرفك مستحيل تظلم أحد بس ما أدري وش صاير فيك من جاء تركي وأنت متغير ليه كذا يعني معقوله تصدق تركي وتكذب عبدالإله وهو اللي يشتغل عندنا من سنوات !!!!!!! "

طالعني أبوي وقال " يا فيصل مب الموضوع أكذب مين ولا اصدق مين !! عبدالإله كان بمثابة ولدي وكنت أحترمه لكن تركي ما جاء يقول شيء من راسه جاب لي أوراق وتأكدت منها أن عبدالإله كان يسرقنا !! أنا مسامحه ولا شايل بخاطري عليه بس فكرة أني أرجعه للشغل مستحيل وبعدين اترك عنك تركي لاغيرني ولا شيء بس أنت حاط نفسك فيه كأنك تبيه يغلط عشان أطرده !! قلت لك كم مره لا تخاف لا تركي ولا غيره يقدر يلعب علي .. !!! "

كلام أبوي ما كان بعده كلام بس بعد أنا مستحيل أرتاح لتركي وقررت أني من بكره أصير أراقب تركي عشان أعرف كل شيء عنه وأريح نفسي من هالتفكير .. !!!




// × // // × // // × // // × //



كانت أعصابه منتهيه كان مصدوم كيف طلعت من الشقه كيف تجرأت ولا وسرقت كل شيء يسوى في الشقه !! بكل جرأه تحدته واللي يتحداه يندم كثير كان يقول في نفسه " وربي غير أوصلك يا مرام ووقتها بتندميييييييييين كثييييييييييير !! "

ما كان همه الفلوس لأنه بدل الألف عنده عشرة وبدل العشره مية ألف بس ما يحب أن أحد يكسر كلامه كان متعود على الأمر والبقيه عليهم التنفيذ كيف تتجرأ مرام وتكسر هذي القاعده .. !!!!!!!!!!!!!!!!!!!!




// × // // × // // × // // × //




حسيت بضيقه التفت للساعه لقيتها 12 مب على العاده أقوم هذا الوقت !! بس للحين زواجي من تركي شاغلني وأفكاري كثيره تاخذني وتجيبني .. !!! قمت بهدوء وكنت أبي أروح أشرب لي مويه وأرجع .. !!

مشيت بهدوء للمطبخ وشربت لي مويه وبعدين جيت برجع لكن توقفت سمعت صراخ أبوي استغربت ايش اللي صاير !! قربت من الصاله وسمعت وقتها كلام تمنيت ما أسمعه أبد ... !!!!!!!!!!!!!!!!!!!

أمي " يا سالم وشو فيك تعصب علي خفف صوتك لا تقوم البنات !!! بعدين أنا وش قلت ما قلت شيء ياخي رجع البنت لأخوك أنا بصراحه خايفه من عقوبة الله !! وفلوس أخوك ما لنا حاجه فيها رجعها له خله يرجعها لأهلها "
أبوي بعصبيه " أقول اسمعي أنا مب ناقص ولا فاضي لك وتراني سكت لك وشكلك ما تفهمين الكلام لا تخليني أطلقك وأرميك وأخذ بناتك ولا عاد تشوفينهم !!! خلاص يكفي وعد بتتزوج من تركي وبنفتك منها بالعكس بنكسب من وراها كثير من تركي ومن أخوي بعد اللي ماراح أقوله أني بزوجها عشان يظل يرسل لي الفلوس .. !!! "

أمي هنا قالت بقهر " ياخي خف ربك في البنت تراها مب بنتنا مب بنتنا !!!!!!!!! كيف نزوجها وهي مب راضيه أصلا وربي أني خايفه من أن البنت تعرف كل شيء وقتها تدعي علينا دعوة مظلوم "

أنا سمعت مب بنتنا وحسيت الدنيا تقفل فيني انصدمت ايش تقول هذي مين تقصد معقوله أنا !!! مدري ربطت الكلام ولقيت أنه أنا أكيد تعاملهم معي غير كنت مستغربه ولا أعرف ليه !!!!!!!! هم مب أهلي مستحييييييييييل كيف أنا من أجل أمي مين أبوي !!!!!!!!!!

بقوه اندفعت للصاله وقلت وأنا حاسه نفسي بصيح " أنا مب بنتكم أجل بنت مييييييييييييييين بنت ميييييييييين !!!!!!!!!!!!!!!!!!!!! "

طالعتني أمي بصدمه وقالت " أنتي بنتنا وشو فيك وعد ايش تقولين !!! "

حسيت بقهر وقلت " سمعت كل شيء عرفت ليش ما تعاملوني مثل خواتي لأني مب بنتكم !!!!!!!! كنت أحس أني غير وأقول لا أكيد أنا أتخيل هذولي أهلي مستحيل يظلموني كنت أتمنى بس رضاكم أشوف تعاملك أنتي يما غيري معي ايه غير بس كنت أقول هذي أمي أمييييييييييي !!!! "

حسيت بالدنيا تسود في عيني وقلت من قلب " حسبي الله عليكم تعيشوني بكذبه طول عمري لييييييييييش طيب ليييييييييش أنا كنت أشوف نفسي بنتكم كنت أشوف فيكم أحسن الناس ماأرضى فيكم كنت بس أبي رضاكم بس ما طلعتم أهلي أنتم ما أعرفكم أنتم مب أهليييييييييييييييييييييييييييييييييييييييي !!! "

قاطعني أبوي بعصبيه وقال " ايه منت بنتنا أنتي بنت من الشارع ما ندري أصلها من فصلها !!! اسمعيني هالكلام ما يطلع لتركي منب مستعد يهون الرجال راح تتزوجينه وبتفكينا وما فرق سواء كنتي بنتنا ولا لا بالعكس استانسي أني ضافك في بيتي وأنتي مب بنتي !!!!!! "

قلت بقهر " حسبي الله عليك حسبي الله عليك وربي ما أسامحك وربيييييييييي ما أسامحك .. !!! عيشتني بكذبه " والتفت لأمي وقلت بقهر " تدرين أنا متحسفه على كل مره ناديتك فيها بأمي بيما بأي شيء لأنك ما تستاهلين !!!!!! حسبي الله عليكم وربي ما راح أسامحكم "

ورحت بقهر لغرفتي أخذت العبايه ولبستها وبقهر طلعت من البيت كنت أسمع صوت اللي اسمها أمي تناديني بخوف واللي اسمه أبوي يصرخ لكن ما اهتميت كنت أبي أطلع أبي أروح وبس الوقت متآخر ما يهمني .. !!!!!!!!!!!!!!!




// × // // × // // × // // × //




ما عرفت ردة فعلها حاولت أسأل ألمح لكن ما تجرأت خاصه أن أبوي محذرني أذكر ندى مهما صار وأني أنساها ألحين لين تنتهي فترة زواجي من " نجد " هالإسم اللي صار سبب في همي وضيقي صرت أنطقه كثير وفي كل مره أحس بالضيق يجي معه مب من الإسم لا بالله منها هي !!!!

تذكرت مكالمة فيصل وربي مرات أحسه إنسان فاضي يبي يراقب شخص يشتغل عندهم في الشركه ويقول أنه شاك فيه ومب مرتاح له .. !!! الله بس يعيين ويسهل .. !!!



// × // // × // // × // // × //



كنت جالس في المستشفى وأنتظر .. الوقت يمشي الدقائق تمشي الثواني تمشي ولا جديد .. تذكرت كلام أبوفيصل وأنا كنت مقرر من بكره أرجع الدوام وأبومالك الله يرحمه وأختي ربي يشفيها وتصحى وترجع .. !!

بس كنت أبي أقابل عبدالرحمن واسأله وش صار بالتحقيق وبعد عمر لي فتره عنه وهو من عرف اللي صار عزاني ولا عاد أتصل أكيد أنه ما يبي يزعجني بس أنا وعدته ولازم ألحين أوفي بوعدي له وأجيب شغل لخاله .. !!!



// × // // × // // × // // × //




رجعت وأنا حاسه بضيق .. بس درت في الحاره ورجعت ما أدري أحس أفكاري متشتته .. ما كنت عارفه أحس أني بحلم أكيييييييد أني بحلم مستحيل اللي يصير مستحيل أتقبله !!!

كيف أعيش طول هذي السنوات مع ناس مب أهلي ولا حسيت !!! مع كل تصرفاتهم وأنهم ما يعاملوني مثل خواتي بس ما جاء في بالي أنهم مب أهلي !!! يعني معقوله ساره والبتول ومها مب خواتي !!! اللي عشت معهم ونمت بينهم مب خواتي ما يصيرون لي .. !!!!

طلعت من أفكاري على صوته اللي يتسمى أبوي وهو معصب كان يطالعني ويقول " اسمعيني أنا هالمره بسكت لك لكن من اليوم ما لك طلعه من هذا البيت !!! انتي بتتزوجين تركي وبعدها خلاص ما لي دخل فيك !!! ولاتظنين لأنك مب بنتي بتتصرفين على كيفك لا أنتي شايله اسمي وأنا مسئول عنك ولا تفكرين تطلعين برا هذا البيت بدون أذني !!! "

سكت كان بخاطري أصرخ فيه وأقول " أنت وش دخلك مب أبوي !!! " بس سكت وباستسلام رحت لغرفتي رميت نفسي في الفراش وأنا أحس بالضيق كنت أبي أنام يمكن أقوم ويطلع حلم وكله كذب !!!!

بس حسيت في أحد دخل التفت ولقيتها البتول !!! حسيت بالخوف شلون أعاملها هي مب أختي خلاص معقوله كانت تعرف كل شيء وساكته وطلعتني من أفكاري وهي تقول " وعد وش صاير ليش أبوي معصب عليك أنا حاولت أعرف السالفه بس ما أحد قال لي !!! "

قلت بضيق " البتول أنتي تدرين أني مب أختك !!! "
البتول قالت بدون اهتمام " شكلك فاضيه وشو تحسين به !! كيف مب أختي "
قلت باستسلام " ايه يالبتول أنا من الشارع سمعت أبوي يقول كذا يقول ما أعرف أصلي من فصلي "

شفت البتول تطالعني وقالت " وعد وشو تحسين فيه تستهبلين كذا صدق أنك فاضيه !!! "
لكني قلت " وربي يالبتول ما أمزح هذا كلام أبوي " وكملت وأنا أحس الدموع بتنزل فيني " تخيلي يالبتول أنا مب أختكم أنا اللي عشت وفرحت معكم وكنا نلعب وحنا صغار وكل حياتنا كانت كذب !!!!!! أنا مب أختكم أنا ما لي أهل .. !!!!!!!!!!!!!!!!!!! "

طالعتني البتول ما عرفت ايش تفكر فيه ثم شوي طلعت من الغرفه بدون لا تكلمني مدري خسرتها خلاص انتهت حياتي هنا شكلي بتزوج تركي وخلاص أعيش معه وأنساهم واسمي بس يظل مرتبط فيهم ... !!!!!!!!!!!!!!!!!!!


// × // // × // // × // // × //

 
 

 

عرض البوم صور ♫ معزوفة حنين ♫   رد مع اقتباس
قديم 31-12-10, 07:45 AM   المشاركة رقم: 15
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 


// × // // × // // × // // × //



حسيت وقت الدوام طول ما كان بنتهي .. !!! ابتسمت وانا اشوفه يمشي لسيارته هذا اذا كان أصلا ينفع تتسمى سياره !!! كانت سياره منتهيه وسيئه وعلى ما يقولون رايحه فيها .. !!!!

مشيت وراه بذكاء ما كنت أبيه يحس أني أراقبه .. مر يمكن ربع ساعه ونوصل لأحد الحارات كانت حاره واضح أن أهاليها حالتهم الماديه سيئه شفته يوقف سيارته عند بقاله وينزل وقتها كنت بعيد شوي وانتظرته خفت أقرب ويكشفني .. !!!

شوي وأشوفه طلع من البقاله ويمشي استغربت وين بروح برجوله !!! مشيت ووقفت سيارتي عند البقاله ونزلت وبديت أمشي وراه كان يبعد عني شوي وخفت أنه شك ولا شيء وشفته يدخل لشارع ضيق كان ضيق بشكل كبير ولا ينفع تدخل فيه سياره .. !!!

وبديت أشوف الحاره تصير أسوء وأسوء في حال البيت كانت هذي طرق ضيقه بشكل ما تنفع تدخل فيها السياره تتبعته وشوي شفته يوقف عند باب ويتلفت حوله ويفتح الباب ودخل .. !!!

شكله هذا بيته التفت ولقيت أنه البيت سيء وحالته واضح أنها سيئه .. حسيت أني ظلمته شكلي استعجلت شكل الرجال مسكين بس هذا يخليه بعد يطمع اللي مثله بطمع يكسب فلوس وحلال .. !!!

وطلعت من أفكاري وأنا أسمع صوت وأشوف أحد موقف عند بابه يضرب الباب كانت بنت متغطيه إلا وجهها .. كنت أشوفها تتلفت حولها بخوف .. استغربت وش جابها له أكييييييييييد أن وراه شيء قلتها هذا تركي وراه مشاكل !!!

وشوي الباب ينفتح وأشوف تركي يدخلها وقررت أني أظل شوي أراقب يمكن أمسك عليه شيء .. !!!!!!!!!!!!!!!!!!!!!!!!!!!!



// × // // × // // × // // × //



عبدالرحمن " والله مدري وش أقولك يا سعود للحين ما وصلنا لشيء هذي العصابه ما تخلي وراها دليل لكن تأكد وربي غير أوصلهم ووقتها بيوصلون للقصاص"
قلت بهدوء " الله يقويكم يا عبدالرحمن وربي للحين يعني مستغرب وش اللي سواه أبومالك عشان يلقى هذا اللي صار .. !!! وربي كان رجال مشهود له بالخير لكن وش تقول هذا يومه والله يرحمه "
عبدالرحمن " على ما قلت يومه والعصابه هذي أصلا هدفها السرقه بغض النظر عن الشخص !!!! "

ابتسمت لعبدالرحمن وقلت له " الله يقويك .. يلا أنا استآذنك بروح لشغلي وخاصه اليوم عندي موعد مهم مع مريض .. !!! "
عبدالرحمن بابتسامه " الله يوفقك وانتبه لنفسك "

وربي شيء يقهر أمثال هالناس تقتل وتسرق عشان ايش فلوس ؟! كلها فلوس حرام وش الفايده من فلوس ما تعبت فيها مب حلال لك !! يعني الواحد مهما قفلت فيه الدنيا يقدر يشتغل بس مب يسرق !!!!!!!!!!!!

كان عندي موعد اليوم مع عمر حصلت لخاله شغل وبالمره قال أنه يبي يكلمني بموضوع مهم .. الله يجعله خير يااارب .. !!!


// × // // × // // × // // × //



خلاص قررت قراري .. ما كنت راح أتراجع ما أبي أعيش في هذي الدوامه .. أنا من غير شيء مني طايقه هذا الإنسان اللي اسمه تركي كيف لو بعد حياة نعيشها مع بعض اكتشف أني لقيطه ما لي أصل ولا فصل مني مستعده أتحمل نظراته .. !!!

قررت أروح له وأقوله عن كل شيء واذا كان بطلقني خلاص براحته وبترك هذا البيت وبروح للمكان اللي مفروض أكون فيه لا أهل لا عائله لا شيء عندي لأن مستحيل أبوي يرضى أني أطلق راح يطردني من البيت أكيد لأني مب بنته أصلا .. !!!

واذا وافق يستمر بحياته معي .. بستمر معه وبعيش وبرضى بالواقع بالعكس يمكن يكون فيه خيره بزواجي منه لكن ما أتوقع في أحد يرضى في انسانه مثلي !!! مب مشكله أنا قررت أروح أواجهه واللي يصير يصير .. !!!!!!!!!!!!!!!!!! "



// × // // × // // × // // × //



قمت من النوم وأنا أحس بنوع من الراحه .. وبصراحه للحين ما صدقت أن العزيمه انتهت كنت متوتره مره لعزيمة الإستراحه وأني بشوف الكل لكن الحمدلله يعني استانست شوي مع أن بعد ما عرف الكل خبر خطبتي لمحمد حسيت الجو توتر لكن الحمدلله يعني تعرفت على بنات وحريم بعضهم فيه الخير وتحس أنه طيب .. !!!

ندى منهم لكن مدري حسيتها متضايقه فيها حزن مدري وشو سببه مدري ولا حبيت أتدخل خاصه أني للحين ما أعرفها زين لكن واضح أنها حبوبه .. الله يسعدها .. حسيت أني مقبله على حياة جديده لكن للحين انا مرتاحه بس بعد الملكه ثم الزواج مدري كيف بتصير حياتي .. !!!!!!!!!





// × // // × // // × // // × //



" وهذي الوظيفه حصلتها لخالك يا عمر في شركه ممتازه نوعا ما يعني أعرف مديرها وقدرت أتوسط عنده وبعين خالك فيها سكرتير " .. !!

ابتسم لي عمر وقال " الله يسعدك يا سعود وربي أنك ما تقصر "

قلت له بحماس " يلا قلي وشو موضوعك حسيت في بشارة خير عندك "

عمر بإبتسامه " كل الخير وربي يا سعود شكلك وجه خير علي .. بصراحه قدرت اقنع خالي بنروح لأمي يقول بخليني أشوفها بس من بعيد !!! ومع هالوظيفه أكيد ما راح يرد لي وعلى كلامه هالأسبوع نروح "

ابتسمت وقلت بفرح " وربي تستاهل يا عمر الله يسعدك والحمدلله أن خالك فيه الخيييير .. !!! "

شفته يطالعني بضيق وقال " وربي مب طيبه فيه يا سعود لكنه بيدفعني فلوس وبخليني أشوف أمي !!! "

طالعني سعود بإستغراب وقال " يدفعك فلوس ؟!!! وشو يحس فيه خالك"

قلت باستسلام " بسلامته يا سعود وربي ما همني أنا مجمع فلوسي لي فتره كل ما استلمت راتبي وبعطيه اياه كامل المهم عندي أشوف أمي !!! "

تذكرت أن عمر يشتغل في مدرسه الله يسعد راعي هالمدرسه تقبل عمر رغم أنه من الدار وما رفض بالعكس رحب فيه أذكر عمر قال لي عنه وأنه رجال طيب الله يوفقه ويوفقك يا عمر .. !!!

قلت بابتسامه لعمر " وسع صدرك واذا بغيت شيء آمر تراني أخوك يا عمر "

قال عمر بابتسامه " أشوفك تلمح وتقول أخوي !! مع أن اللي مثلك ما ينفع إلا يصير أبوي بس انت ما تبي تكبر نفسك !!! "

ضحكت وابتسمت له وقلت من قلب " الله يسعدك يا عمر وربي سواليفك ما يمل منها الواحد ... !!! "




// × // // × // // × // // × //




كان يطالعني بصدمه وقال " وعد وش جابك عندي !!!!! "
قلت بهدوء " بغيتك بموضوع مهم "
قال بضيق واضح " أدخلي .. !!! "

لما دخلت التفت حولي لقيت بيته مب مره مثل بيتنا ويمكن أسوء حسيت بضيق وشلون ببدء الكلام معه كنت خايفه منه خايفه بعد ما يعرف الحقيقه يمكن يسوي فيني شيء .. من يومي ما أرتاح له بس مدري .. !!!!!!!!

طالعني وقال بعصبيه " بعدين تعالي كيف ما تغطين وجهك مب قايل لك أهم شروطي وجهك تغطينه !! "
قلت بتردد " أنا آسفه بس !! "
قاطعني " بلا بس بلا كلام فاضي وربي يا وعد ترى هالكلام ما يمشي معي .. المهم وش بغيتي يعني جايه هالوقت أصلا وش طاري عليك تجيني يعني لا شفتك مهتمه حتى أني شاك أصلا أنك مغصوبه تتزوجيني !!!!!! "

يالله هذا الكلام يمكن لوسمعته أول كان صرخت وقلت لك ايه أنا ما أبيك ويمكن وقتها تكون الرجل الشهم اللي يطلقني ويتركني لكن ألحين مدري هل حياتي معك فيها خير ولا لا .. !!!

طلعت من أفكاري وقلت باستسلام " تركي أنا بقولك شيء مهم !! "
تركي بهدوء " خير وش عندك ؟! "
قلت " تركي أنت لازم تعرف حقيقتي تعرف كل شيء .. !! وربي يا تركي أنا ما خدعتك ولا شيء أنا توني عرفت كل الحقيقه وشفت أني لازم أقولك ما يهمني بتطلقني ولا بتخليني كل شيء راجع لك " تنفست شوي حسيت أني مب قادره أكمل خايفه خايفه بشكل غير طبيعي !!!

شفته يطالعني بصمت ثم يقول " وش فيك كأنك بتموتين ... هدي وتكلمي ولا تخافين !! وبعدين ايش حقيقتك يعني ؟؟! مني فاهم ؟!!!!!! "
قلت وأنا متوتره " تركي أهلي مب أهلي أنا مب بنت سالم !!! أبوي سمعته يقول كذا وأنا لقيطه ما لي أصل " سكت وغمضت عيوني استسلمت خلاص ما يهمني ايش يصير .. !!!

كنت خايفه كنت أنتظر أنتظر أنتظر اسمعه يطردني ويمكن يرمي علي كلمتين لكني ما سمعت شيء وفتحت عيوني بصعوبه وشفته يناظرني بغموض يناظرني بصمت حسيته مصدوم من كلام يمكن مب مستوعب .. !!!

فجأه قام بعصبيه وقال بقهر " كيييييييف منتي بنتهم أجل من بنته !!!!!!!!!!! مستحيييييييييييل مب هذا اللي رسمته في راسي مب هذا !!!!!!!!! "

استغربت من كلامه وشو يخربط هذا !!! وحسيت أني ضايعه وحسيت بالخوف ايش يقول هذا !! هل بخليني ولا بتركني ما عرفت ولا شيء .. !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!



// × // // × // // × // // × //


نهاية الفصل السادس .. !


 
 

 

عرض البوم صور ♫ معزوفة حنين ♫   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أحقاد تحت الرماد, أحقاد تحت الرماد ، للكاتب : aljeneral .., القسم العام للروايات, الكاتب : aljeneral .., شبكة ليلاس الثقافية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:41 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية