// × // // × // // × // // × //



" قد تمر السنوات فيتناسى البعض الجرح ..
ولكن البعض الآخر يظل الجرح محفور داخله ..
فلا يتناساه وإن مرت السنوات .. "


بعد مرور عدة سنوات على ما سبق ذكره ؟!



// × // // × // // × // // × //




كان جالس ينتظر بهدوء وترقب .. كان مزاجه متعكر من لحظة تلقيه الإتصال كان رافض أي إتصال يخصها .. !! ومستحيل يستقبلها في بيته .. لا يمكن يرضى في هذي البنت اللي ما يدري عن أصلها من فصلها .. !!


بعد شوي رجع له المدير الشاب كما يحب أن يطلق عليه .. كانت له نظره ثاقبه في الناس ومن مظهر المدير شعر فيه نوع من الذكاء المميز وحصوله على الإداره كان بإستحقاق .. رغم أنه بالنهاية مجرد إدارة دار رعاية .. !!!


ابتسم وقال " وألحين وش المطلوب مني ؟! "
المدير " اسمعني أبومحمد أنت لك التصرف باللي تبي .. لكن البنت وصلت لعمر يحق لها معرفة الحقيقه الكامله عن أهلها وعن أمها وأبوها .. !! لذلك أنا طالبتك بالحضور لأنك عمها فأنا أحب أنها تعرف الحقيقه منك وبعدين يفضل بصراحه أنك تاخذها هذي بنت أخوك مهما صار .. !! "
قال بسخريه واضحه " بنت أخوي أجل ؟! نلعب على نفسنا يا أستاذ زياد ؟! البنت هذي مب بنت أخوي ولا أعترف فيها وبعدين أخوي قال لي أنه يشك في زوجته وكان يشك في بنته وأنا بصراحه مني مستعد أخذ بنت منب متأكد أنها بنت أخوي ولا لا .. !! "
سكت زياد وقعد يفكر ثم قال بغموض " للآسف يبدو لي يا بومحمد أنك ما تعرف شيء .. !! وشكل لازم أوضح لك الكثير من الأمور .. !! "





// × // // × // // × // // × //




كان الجو صاخب والكل مستانس .. سهره ولا حتى في الخيال وكل واحد يختار البنت اللي تعجبه .. بس طبعا هو كان له الإختيار الأول ويحق له لمكانته الإجتماعيه وكذلك لنفوذ أهله وحتى الطبقه الماديه اللي يصنف معها ببساطه إنسان سبيشل بنظر الكل رغم غروره وعنجهيته لكن الكل ما يرد له طلب مب حب فيه لكن طمعا ً في صحبته لما يملكه .. !!


كان ينظر لها نظره خبيثه وابتسم بتلذذ وقال " هذي البنت لي .. واللي يقرب منها بتكون نهايته على يدي .. !! " خلاص اختار الكل ينفذ وبعدها استكمل الحفل وهو يطالعها بخبث وهي كانت نظراتها غامضه تماما ً .. !!!!





// × // // × // // × // // × //





قام من نومه مفزوع وهو يسمع الباب ينطق بقوه .. حس بخوف التفت للساعه وشاف الوقت متآخر .. وحس أن فيه مصيبه تنتظره وقام من الفراش بتوتر وراح يفتح الباب وكانت الصدمه .. !!


شاف بنته المختفيه لها شهر بس كان منظرها مرعب .. !! كان الدم يغطي وجهها وكانت تمشي بشويش وهي تهمس بصعوبه .. كانت صدمه له اللي يشوفه وفجأه طاحت بنته منهاره قدام عيونه .. !!!





// × // // × // // × // // × //




كانت مكالمة خاله هي البلسم بالنسبه لها .. كأنها كانت النور وسط الظلام اللي عايش فيه .. ببساطه أمل جديد انزرع أخيرا ً وصل لخاله أخيرا بيلتقى أمه .. صدمته الحقيقه اللي سمعها في الدار لكن المهم قدر يوصل لخاله وهنا الأهم بنظره .. !!


كانت يرتقب اللحظات في المطار وهو ينتظر خاله يطل عليه من أي مكان والشوق يغلبه يتمنى يشوف أمه معه .. مشتاق لها مع أنه أصلا ما شافها بس يحس بشوق وبحب يبي يضمها يعاتبها يبي يعرف كل شيء منها بالتحديد .. !!




// × // // × // // × // // × //




كان لحضوره هيبه طاغيه .. كان الكل يحترمه ويقدره مب فقط لأنه إبن مدير الشركه لكن عقليته وأسلوبه المميز يفرض على الكل إحترامه كان عقليه مميزه بمعنى الكلمه .. رغم إتسامه ببعض الغرور .. !!


كان يتقدم لمكتب أبوه لما شاف شخص غريب يطلع منه .. الغريب فيه كان منظره هذي الأشكال ما يشوفها عند أبوه .. كان منظر شخص فقير بس فيه نوع من الغموض اللي يحسه في نظراته .. !!


ما اهتم تقدم لمكتب أبوه وابتسم وهو يشوف أبوه يقلب في الأوراق .. كعادته أبوه دائما ما أحد ينافسه بالشغل .. يكون مركز بشكل واضح من نظراته بس مع ذلك ما يهمل عائلته كان يوفق بين العمل والعائله بشكل مميز .. !!


ابتسم وقال " ماشاء الله يبا أشوفك مركز .. !! "
أبوفيصل بإبتسامه " هلا في بكري هلا والله فيصل .. أكيد أركز هذا حلالي وحلاكم من بعدي لازم أكون منتبه ومركز لكل شيء .. !! "
قال فيصل بحب " الله يخليك لنا يالغالي وربي ما نسوى بدونك .. !! "
أبوفيصل " لا تقول كذا وأنا أبوك أنتم نور البيت الله يخليكم لي .. والدنيا حياة وممات وإذا صار لي شيء أنت رجال البيت من بعدي "
فيصل بإبتسامه " ربي يحفظك ويخليك لنا .. !! " ثم كمل " إلا يبا لاحظت في شخص طلع من مكتبك بس حسيت الشخص غريب أول مره أشوفه وبعدين ما ارتحت له .. !! "
ابتسم أبوفيصل وقال " هذا ياولدي .. ولد شباب يعني يمكن بعمرك يبي يتوظف والولد مؤهلاته بسيطه لكن حسب نظرتي أحس الولد عقليته مميزه وبعدين ارتحت له"
فيصل " يبا بدون مؤهلات كيف تعينه معليش يبا !! وبعدين أصلا ما له مكان " وكمل بإستهزاء " إلا اذا نخليه يصلح القهوه والشاهي والأمور هذي "
أبوفيصل بهدوء " فيصل في ناس بالحياه ممكن ما حصل على فرصة تعليم بغض النظر عن الأسباب ... انت صغير عشان تحكم على الناس أنا لي خبره في الحياه وأقدر أحكم على الصالح من الطالح والفاهم من اللي ما يدري عن شيء .. مب مدحا ً في نفسي لكن هذي خبرة الحياه وأنا أبوك .. !! " وكمل أبوفيصل بإبتسامه " صدقني يا فيصل أنا شايف كثير في هالولد وفي كثير ناس عباقره لكن يمكن ما درس .. !!! "
قال فيصل بإستهزاء " أجل كان ما درست دام الموضوع كذا "
قال أبوفيصل بدون اهتمام " أقول وانا ابوك رح لشغلك واتركني في شغلي ولا تشغلني .. !! "
ابتسم فيصل وقام حب رأس أبوه وقال " تآمر طال عمرك .. !! "




// × // // × // // × // // × //




كنت جالس مع أمي ونسمع لكلام أبوي كان مناديني أنا وأمي .. وأنا بصراحه كنت متحمس أبي أطلب منه يخطب لي بنت عمي وقلت لأمي ووافقت لكن أبوي طلبنا في موضوع وصرت متوتر وتوقعت أن أمي قالت له لكن انصدمت من كلامه كان موضوع ثاني لا .. كان مصيبه يقولها لنا .. !!


" اسمعوني أنا عارف اللي أقوله مب سهل لكن لازم تفهميني يا منيره وأنت يا محمد .. أنتم يمكن ما تعرفون سالفة أخوي تركي الله يرحمه مع زوجته وكل اللي صار .. وكل اللي تعرفونه أن له بنت وحيده المهم كل هالسنوات البنت محد قبل يعتني ويربيها ولذلك صارت في دار ايتام .. لكن اليوم اتصل فيني موظف منهم بصفتي عمها وأني أكبر أخواني وصار لازم تعيش معي صعب أتركها هناك .. !! "


كمل أبوي بصعوبه " لكن في شيء محد يعرفه إلا أنا وأخواني .. أخوي تركي كان شاك في حرمته وفي الأخير كشفها على حقيقتها لأنها حملت .. وهو كان عقيييم .. يعني حرمته كانت تخونه وبنته بنت حرااااااام .. !!!!!!!!!!!!!!!!!!!!!!!!! "


" ولما كشفها على حقيقتها حاولت تنكر وتتهرب وأخوي وقتها ما قدر يتحمل وكان بقتلها لكن زوجته قتلته قبل لا يقتلها .. ووقتها تم الحكم عليها بالقصاص وتنفذ الحكم منها وبصراحه لا أنا ولا أعمامكم قدرنا نعترف بالبنت وفي نفس الوقت ما قدرنا نقول أنها مب بنت أخوي لأن هذي تعتبر فضيحه لنا وبتكون سمعتنا بكل لسان لذلك سكتنا عن الموضوع وقدرنا نستر على أنفسنا ولكن الكل رفض يربي بنت أخوي لذلك تكفل فيها دار الأيتام .. !! "


" لكن البنت كبرت وصار عمرها 19 ولازم تعرف الحقيقه وموظف الدار استدعاني أكثر من مره وكنت أحاول أتهرب لكن ألحين واجهني أنه لازم أنا أبلغها بالحقيقه وأنه مفروض أتكفل برعايتها وبصراحه أنا وافقت وراح أجيب البنت عندنا هنا تعيش .. !!! "


انصدمت من كلام أبوي يعني بجيب لنا بنت حرااام تعيش بينا !!!!!!!! استغفرالله العلي العظيم حسيت بالدم يغلي فيني مدري وش أقول كان كلام أبوي صدمه صحيح كنا نعرف أن لعمي تركي بنت لكن ما سألت ولا فكرت أنها ما تعيش معه وأنها في دار لكن الموضوع صار أكبر من كذا بكثير .. بس أبوي كيف يرضى يجيبها للبيت وهي بنت حرام مب بنت أخوه .. !!!!


قالت أمي بعصبيه " فهد وش الكلام الفاضي هذا .. من جدك تتكلم ؟! تبي تجيب لي بنت حرام في بيتنا نربيها وليش .. أصلا كيف تاركينها تشيل إسم عايلتكم وهي مب بنت أخوك كيف ترضونها .. !!!! "


أبوي قال بعصبيه " وش عرفك أنتي .. !!! مجنونه نحكي ونقول أنها مب بنت أخونا والله تروح سمعتنا ونصير على كل لسان وبعدها مين يتزوج بنتك !! مين برضى فيها أصلا بعد ما يعرفون سالفة بنت أخوي وزوجته الخاينه .. !!!!!!!!!! "


قالت أمي بعصبيه " طيب يا فهد وليش أنت تشيل هم بنت مب بنت أخوك ولا تصير لنا .. !!! ياخي ارمها عند أخوانك خلهم يربونها مب بس حنا نشيلها عندنا ونتحملها لأن أمها ما خافت ربها وخانت زوجها "


قال أبوي بهدوء " أنا أكبر أخواني وبعدين .. " سكت حسيت أنه يفكر كيف يبلغنا ثم كمل " أنا أبي أزوجها لك يا محمد .. !! "


هنا بس تأكد أنها مصيبه مب معقوله اللي أسمعه أبوي يزوجني !!! كان كلامه صدمه بمعنى الكلمه كيف يرضاها أبوي علي لذي الدرجه أبوي مب مهتم فيني ولا يزوجني على كيفه كأني مب رجال ولا لي كلمه .. !!!


قلت بعصبيه " والله تخسى أتزوجها بنت الحرام !!! "
وأمي قالت " والله ما باقي إلا هي لا يا فهد أنت كذا بجد انهبلت ولا عاد باقي فيك عقل .. !! "
قال أبوي بعصبيه " أنتم مب فاهمين شيء .. !!! أنتم على بالكم الثروه اللي أنا عايش فيها كيف تتوقعون كله تعبي !!! لا أغلبها ثروة أخوي تركي الله يرحمه وكنت مسئول عنها بحكم أن بنت أخوي صغيره وقتها وأنا أكبر أخواني .. !! ألحين يحق لها تاخذ كل حلالها وهي مب منا ولا فينا .. !! وأنا مستحيل أرضى تاخذ حلال أخوي.. ولأني تعبت وأنا أشتغل في حلال أخوي مستحيل أسمح حتى لأخواني ياخذون الحلال مني عشان كذا قلت أن محمد يتزوجها عشان نضمن أن الحلال يظل لنا وبعدين تظل سمعتنا مثل ما هي والموضوع ما راح يطول .. !!! "


قلت بقهر " يبا كلامك على عيني وراسي لكن أتزوجها ليش أتحملها .. !!! أنا وش ذنبي عشان أتحمل البنت .. أنا ألحين كنت أبي أكلمك تخطب لي بنت عمي ندى .. وآخرتها تزوجني أنت لبنت من الشارع .. !!! وأقعد أصبر عليها طول عمري .. !!! "


قال أبوي بهدوء " ومن قال أنك بتصبر عليها طول عمرك !! كلها ثلاث سنوات بالكثير وكل شيء ينتهي .. !! "
قلت بإستغراب " كيف ثلاث سنوات ؟! "


كمل أبوي بهدوء " البنت مريضه في القلب .. قلبها ضعيف وما يتحمل ومن صغرها كان قلبها مريض لكن العمليه مستحيله كانت وحتى ألحين مستحيله لأن قلبها ما يتحمل وأي عمليه ممكن يكون نهايه لها وعلى كلام الموظف أن الدكتوره في آخر فحص لها قدرت لها ثلاث سنوات بالكثير ممكن تعيش وبعدها ما تتوقع أن قلبها بتحمل أكثر .. وطبعا البنت تدري أنها مريضه في القلب بس ما تدري أنها ثلاث سنوات وتودع وعلى كلام الموظف لازم أنا أبلغ البنت "


" يعني أنت تزوجها ثلاث سنوات بالكثير وأنا أبوك ويصير حلالها كله لك ومنك لي عماره أسجلها بإسمك .. يعني ووشو تبي أحسن بعدها تتزوج ندى بنت عمك وتستانس في حياتك وكذا نرتاح من هالهم ويندفن .. !!!! "


حسيت بالإنهزام من كلام أبوي وحاولت بشكل أخير وقلت " طيب زوجها تركي !! "
طالعني أبوي بنظره وقال " تستهبل أنت !!! أنا أتكلم جد وتقول زوجها تركي هالبزر ما تعدى 16 والبنت كبر أختك مريم عمرها 19 وما راح يتزوجها غيرك فاهمني وأنتي يا مره لا تقعدين تقلبين وجهك .. اقنعي ولدك ولا ما راح ارضى عليه .. !! "


ببساطه انتهى النقاش هنا استسلمت لأبوي وأمي ووافقت أتزوج البنت .. حسيت بضيق في صدري متى تنتهي الثلاث سنوات وتموت وأرتاح !! خايف ندى تروح مني وتصير لغيري وربي وقتها ما راح اسامح بنت الحرام .. !!!!


وقتها قمت بطلع أشوف لي مكان أحاول أريح لأن صدري كان ضايق وكان آخر ما قاله أبوي لنا بالموضوع أنه ما نبلغ لا مريم ولا تركي بالسالفه وبس نقولهم أنها بنت عمنا ولا نعلمهم بالسالفه أبد .. !!!!!



عائلة أبومحمد ..
أبومحمد فهد .. أم محمد منيره
محمد .. 27 سنه
مريم .. 19 سنه
تركي .. 16 سنه





// × // // × // // × // // × //

// × // // × // // × // // × //



" حينما تستمع لدقات الساعه المتردد صداها في المنزل الفارغ ؟
أنت تدرك حينها أن الحياه ما هي إلا دقات بسيطه وبعدها تكون النهايه ؟
ببساطه هي تلك الحياه لحظات وللمرء الخيار إما بإستغلالها أو أن لا يستغلها !
هو حديث دار في نفسي فأحببت أن أكتبه حسنا نقطه آخر السطر . "




// × // // × // // × // // × //




أنا وأمي وأخواني مريم وتركي كنا ننتظر وصول أبوي مع الضيفة الجديدة واللي هي زوجتي المصون .. !!
طبعا أخواني ما يعرفون شيء للحين .. وكل اللي يعرفونه عنها أنها بنت عمي تركي وبس .. وحتى موضوع زواجي منها ما راح نتكلم فيه إلا بعد فتره بحيث أبوي يقولها أنه يبيها تاخذ راحتها هنا ويبيها تظل في بيته ولا يخسرها فالحل الوحيد يكون زواجي منها ؟! لكن للحين ما كنت مقتنع بالموضوع ولا راح أقتنع أصلا كيف ممكن أتقبل بنت غير ندى بنت عمي ومستحيل أحب غيرها .. !!!


بصراحه كنت أتمنى أنها تموت لأنها بتكون سبب كل عذابي في الثلاث السنوات القادمه .. وهمست لحظتها من قلب " يارب تموت بسرعه وأرتاح وأتزوج بنت عمي ندى .. !!!!!!!!!!!!!!!!!!!!!! "




// × // // × // // × // // × //




سألت عمي عن أمي وأبوي وكان متردد لكنه علمني بصمت قصتي وأنه أبوي وأمي متوفين .. !!
وأنه من صدمتهم بوفاة أمي وأبوي ما قدر أحد يعتني فيني من أهل أبوي اما عن أهل أمي فحسب كلام عمي أنه ما لها أهل وكلهم متوفين .. ورغم أني حزنت لفقدانهم وانصدمت لكن كيف أهل أبوي يتخلون عني .. !!!


لكن عمي حسيته طيب وأعتذر لي طول الطريق عن أنه تخلى عني وأنه من زمان يبي ياخذني وحسيت لأول مره بالأمان وحسيت أن حياتي بتكون مريحه عند بيت عمي .. !!!


وكنت متحمسه ألتقى فيه وتمنيت عنده بنت مثلي عشان تصير أختي وأحكي لها وتحكي لي .. !!




// × // // × // // × // // × //



ابتسم تركي وقال " الله يعطيك العافيه طال عمرك وثقتك هذي كبيره .. !!"
أبوفيصل " أنا واثق فيك يا تركي وهذي الوظيفه مب سهله لكن أنت بنظري بتكون قدها .. هي بدايه يعني يمكن ما تعجبك لكن شوي شوي بتوصل لشيء أكبر بإذن الله .. !! "
تركي بهدوء " لا طال عمرك بالعكس أنا أعتبر الوظيفه هذي كبيره وإن شاء الله أثبت جدارتي .. !! "
قال أبوفيصل بإبتسامه " ألحين أتصلت بـ " عبدالإله " المسئول عن الجرد والحسابات في المصنع وهو ياخذك هناك وتشوف الشغل كيف في المصنع وتبدء العمل واذا نجحت في الفتره التجريبيه بثبتك في الوظيفه "


ابتسم له تركي وطلع ولحظتها حس أبوفيصل بإرتياح لأنه كان خايف من تقاعد " عبدالإله " وخاصه هو المسئول عن جرد الحسابات في المصنع والمراقب هناك لكن تركي شاف فيه النظره الدقيقه للأرقام بعد ما قيمه ببعض الأسئله ويحس أنه ممكن يخلف عبدالإله على نهاية السنه .. !!




// × // // × // // × // // × //




جائت لحظة اللقاء انفتح الباب ولحظتها الكل قام وأنا قمت بصعوبه ما كنت أبي أقوم حاس كل هموم الدنيا على راسي كأنها جبال على ظهري .. ولما طلعت من تفكيري كان أبوي يدخل وعلى وجهه ابتسامه و... شفتها وراه وبصراحه استغربت البنت كانت متغطيه بالكامل ما توقعت أنها بتكون كذا .. يعني صحيح حنا عندنا أهميه للعبايه لكن ما توقعت وحده مثلها تهتم .. !!!
بس لحظتها فكرت وقلت في نفسي " أكيد تبي تتغطى عشان تبين أنها البنت الصالحه اللي خايفه ربها ولا هي عقرب وأكيد مثل أمها والعرق دساس .. !!!!!! "


قدمها أبوي وهمس " هذي نجد بنت أخوي الغالي تركي وهي غاليه بنت غالي وهي بعمرك يا مريم .. وأبيكم جميع تشيلونها على راسكم ولا تقصرون عنها بشيء ترى هي من ريحة أخوي الغالي .. !! "


وعرفها علينا جميع وجلست بيننا وأنا ما طولت شوي استآذنت وطلعت على أساس عندي شغل بس أنا كنت متضايق مره من الموضوع ومني طايق أشوفها حتى لو متغطيه .. من أحس بوجودها أو حتى أسمع اسمها " نجد " أحس بالدنيا ضايقه علي .. وربي خايف تضيع مني بنت عمي وقتها ما راح أسامحها لأنها بتكون سبب تحطيم حلمي .. !!




// × // // × // // × // // × //




كنت راجعه للبيت بعد ما شريت الناقص في البيت من أغراض .. وكنت أمشي بدون استعجال لأني أصلا مب متحمسه أرجع للبيت .. كرهت البيت وكرهت أبوي ما صرت أحبه .. لكن مو ذنبه كله من ساره .. !!!


ماتت وانا شلت كل شيء على راسي .. استغفرالله.. وشو أحس فيه أنا بعد هذا كلام أقوله عن أختي وهي محتاجه ألحين الدعاء " الله يرحمك ويسامحك " وشوي حسيت نفسي أصدم بشخص وفقدت توازني لكنه مسكني .. !!


عصبت وقلت " ياخي أنت ما تشوف "
لكن سمعت صوت هادئ وغامض " أنا اللي ما أشوف ولا أنتي يا بنت سالم .. !! "


لحظتها رفعت وجهي له .. ايه ما غيره الإنسان الحقود وأكره انسان ممكن أقابله " تركي " انسان ما أدري وش تفكيره ولا أدري شيء عنه لكن هو حقود كان يكره أبوي بدون سبب وكثير صارت بينهم مشاكل وتقدم لي " تركي " لكن أبوي رفضه ومن يومها تركي حقده صار أكبر على أبوي .. وارتحت أنه رفض لأني خفت أخذه انسان لا يمكن أحد يقبل فيه مريض وحقود .. !!!!!!!!


قلت بعصبيه " لا تطري أبوي على لسانك !!! "
قال بإستحقار واضح " أبوك أصلا محد يتشرف يطريه ألحين !!! وبعدين وشو علامك ما تتغطين ولا يمكن للحين صغيره !!! "


طالعته بعصبيه وتركته كنت أكرهه في كل لحظه .. بس كلامه حسسني بالغلط !! أنا بحياتي ما تغطيت وأمي أصلا ما كانت تهتم فيني عكس ساره والبتول !! ليه ساكته عني ولا قالت لي بيوم تغطي عكس أبوي يقولي ويعصب لكن امي ما كانت مهتمه فيني بيوم لييييييييييه .. !!!!!!!!!





// × // // × // // × // // × //




كانت الحفله كالمعتاد صاخبه ممتعه لهم وبنظرهم لكن هي كانت جالسه لحالها بعيد عنهم وهي حاسه بضيق ما توقعت في يوم تكون كذا أو حتى تصير لكن ألحين ما يهمها أصلا هي في النهايه بنت حرام .. !!!!!


يعني هذا المتوقع منها ولكن ... كل ما تذكرته تمنت تقابله وتقتله هو السبب في كل شيء كان يخدعها طول لحظات حياتهم وللحظات حست أن السعاده فتحت أبوابها لها لكن كله كان خداع وكذب ونفاق .. !!


ابتسمت بضيق وشوي جاء لها متعب اللي كانت تشوفه طوق النجاه وبرفعها من حياة الكذب والنفاق لحياة الملايين والفلوس لكن حتى لو كان صاحب فلوس وأملاك هي في النهايه لا شيء بالنسبه لها مجرد وحده يستانس فيها ثم راح يرميها لكن لا مب على كيفه .. راح أخذ منه اللي أبي وبعدها أنا أرميه بكيفي .. !!!


ابتسمت له وتقدمت له بكل خداع وهي تتمنى في كل لحظه تقرب منه تطعنه لأنها تشوفهم كلهم نفس الشيء منافقين مخادعين وببساطه أشخاص يفتقدون للسمات البشرية ... !!!!!!!!





// × // // × // // × // // × //





كنت في غرفتي بعد اللقاء الأول وارتحت لهم لعمي اللي حسيت أنه يبي يعوضني عن كل شيء وحسيت بطيبته اللي ما شفت مثلها بحياتي وحتى مريم حسيتها مثل أختي يعني أظنها بعمري وحسيتها طيبه من قلب وكذلك تركي الصغير حسيت كأنه بكون أخوي وسند أعتمد عليه أما أخوهم الكبير حسيته مب مرتاح لوجودي حتى أنه طلع رغم أنه قال مشغول بس ما اقتنعت وحسيت أني السبب .. !!!


وزوجة عمي ما حسيت أنها مرتاحه لي بس تجاملني عشان زوجها لكن مب مشكله راح أكسب قلبها وقلب الجميع كنت واثقه وهذا من الكلام اللي تعلمته من بسمه وهنا رجعت ذاكرتها لكلام بسمه " نجد تذكري إن بغيتي تكسبين أحد تكلمي معه دايم بالكلمه الطيبه وتذكري كلام الرسول صلى الله عليه وسلم ) الكلمه الطيبه صدقه . رواه البخاري ومسلم ) ومهما قابلوك الناس فيه قابليهم بالخير "


ابتسمت مشتاقه لـ " بسمه " وبأحاول أزورها في أقرب وقت لكن ألحين لازم أتعرف على أهل البيت بشكل أكبر وأحاول أني أكسبهم وبتردد قررت أروح للصاله وأنا خايفه أني أضعف وما أقدر أكسبهم




// × // // × // // × // // × //




قلت بعصبيه " يأخي أنت تراني من غير شيء ما أحب الدخان ولا ريحته .. !! "
محمد بعصبيه وهو يرمي السيجاره في الأرض . آسف طال عمرك .. ما درينا حضرتك حساس لذي الدرجه .. !! "
قلت بإستهزاء " ايه حساس ولا أقعد أخذ من هالدخان في صدري لين أطيح من هالأمراض !! "
محمد بهدوء " ليتني أمرض ولا أتزوجها ياخي مني طايقها .. !! "
ابتسمت له وقلت "يعني فرقت يا محمد تتزوج بنت عمك ذي ولا بنت عمك الثانيه كلهم بنات مثل بعض الله يهديك بس .. !! "
محمد " بلاك ما تدري يا فيصل أنا يفرق عندي لأسباب بس أهمها أنا أحب ندى بنت عمي .. كنت معها وأنا صغير ألعب وأستانس يعني تقدر تقول تربينا مع بعض مرات في بيتهم نقعد ومرات بيتنا .. وربي مني قادر أخذ غيرها لا من بنات عمي ولا من غيرهم .. !! "
قلت بإبتسامه وأنا أحاول أكتم الضحكه " أفى عليك يا محمد وسع صدرك وأنا أخوك والله ما عاشت البنت اللي تجيب راسك .. والله طلعت رايح فيها وغاطس كلك بالحب "
طالعني محمد وقال " يأخي تدري أحس حسوفه اللي يسولف معك ويشكي أنت أصلا ما لك إلا الشغل وحبك الشغل وشكلك آخرتها بتتزوج شغلك !! "
قلت " ايه الشغل اللي يعطيك وتعطيه مب حرمه تاخذ ولا هي تعطيك شيء .. !!! "
محمد بعصبيه " يأخي الكلام معك فاضي .. تبي شيء أنا بمشي .. !! "
قلت بإستعجال " إصبر ياخي وين تروح الحين يجون الشباب .. اقعد عشان تغير لك جو .. !! "


لكنه ما سمع لكلامي وطلع .. شكله زعل لكن مب مشكله أعرفه محمد ما يشيل بخاطره بس هو مكبر الموضوع يعني يضيق صدره عشانه بتزوج من وحده غير اللي يبيها مب كلهم حريم بالنهايه ما فرقت والله شيء عجيب .. !!!




// × // // × // // × // // × //




كنت ضايق مب فاهمني فيصل أصلا ما يقدر يفهمني وهو ما يعرف السالفه كلها .. كان صعب أقوله أن اللي بتزوجها مب بنت عمي هذي بنت حرام لأن مهما كان هذا عرضي مستحيل أقوله حتى لأعز أصحابي .. !!


حسيت بالضيق وأنا حاس ما في مكان أروح له .. لكن اللي يصبرني أنها ثلاث سنوات وأرتاح من الهم بتمر كلها وتصير لي ملايين ويصير الكل يحسب لي حساب !!! .. بس صعب وربي صعب أصبر على انسانه ثلاث سنوات وأنا مني متقبلها أصلا ... !!!!! حسيت أن أفكاري متناقضه وما أقدر أفكر صح !!!





// × // // × // // × // // × //





كنت حاس بنوع من الرسميه الزايده .. يمكن الحواجز أنا اللي سببتها لكن لحظتها ما كانت مستعد لتبرير منهم أو أي كلام !!! ابتسمت بألم حسيت أني قسيت زياده بس بالنهايه أصلا اللي كان يربطني فيهم زوجتي لكن خلاص .........!!!!!!!!!


ابتسم أبوفيصل وقال " يا سعود لا تفكر أنك الوحيد اللي ضايق ترى هذي بنتنا لا تنسى أنك مثل ما فقدت زوجتك حنا فقدنا بنتنا !!!!!!!! لكن هذي الحياه بغض النظر عن اللي صار وش تبي نسوي ؟! الله ما ينسى حق أحد واللي تسبب باللي صار ربك راح ياخذ حقنا منه .. !!! "


وكمل بهدوء " ولا تتوقع أن اللي بيننا انتهى بالعكس أنا أبيك ترجع تزورني تراك غلاتك من غلاتها وربي أنت بمثابة ولدي ولا أحب أشوفك ضايق !! وسع صدرك وابيك تروح معنا نهاية الأسبوع للبر ناوي أطلع لها مع عيالي وأخوي حمد وعياله .. ولا تحاول تتهرب ولا تصرف الموضوع لاني ما راح اقبل اعذار ولا صدقني بطلع من هنا شايل بخاطري عليك .. !!! "


حسيت أن أبوفيصل قفل بوجهي كل الأبواب وصدق كنت ناوي أتهرب وأعتذر عن الروحه لكن قلت بإستسلام " مب مشكله بروح معكم وبجيب أختي منال وبعد تقنع زوجها يجي معنا .. !!! "


ابتسم أبوفيصل وقال " هذا الكلام اللي يسر الخاطر ... وبصراحه كلنا نحتاج نغير لنا جو وتتحسن نفسياتنا .. !!! "





// × // // × // // × // // × //




كنت حاس بنوع من الضيق ما في شيء قدرت أوصله اللي يصير شيء غير طبيعي هذي عصابه محترفه بس اللي أبي أعرفه ايش الهدف اللي يبون يوصلون له كل ما أحاول أفكر ما أوصل لشيء لكن مستحيل أخليهم وربي أوصلهم للقصاص بيدي .. !!!


ناس مريضه وما تخاف الله .. !!!!!!!! يتصل ويعلمني عن مكان وزمان جريمه بنفذها على محل مجوهرات !! وبحكم وظيفتي لا يمكن أتساهل بالمواضيع اللي كذا وصدق نفذ الوعد التافه وصلنا للموقع لكن محلات المجوهرات كثيره هناك كان صعب وخاصه في الليل أننا نسيطر على المكان ومع كثرة الناس ما توقعت توصل الجرأه لأنهم ينفذون الجريمه لكن صارت .. !!!!!!


تلقيت اتصاله بتنفيذ الجريمه وبعد التفتيش في المحلات وصلنا للمحل المقصود وتم سرقته بالكامل وقتل صاحب المحل كان اللي صار إجرام بمعنى الكلمه والمصيبه بدون ما نقدر نتحرك أي شيء مع أننا نعرف مكان والوقت للجريمه .. !!!!


لكن وربي أوصله هو وعصابته بس كيف أبغى خيط لو بسيط عشان أوصلهم وبعدها نهايتهم على يدي والقصاص بصير لهم واذا ظن أنه ممكن يتلاعب فينا فهو غلطان لأننا راح نوصل له مع عصابته بالكامل ... !!!!!!!!!!!





// × // // × // // × // // × //





كنت أحاول أنام أحس بضيقه في صدري للحين بالي مشغول مدري ليه أمي بحياتها ما اهتمت فيني .. !!! يمكني حساسه زياده عن اللزوم بس كل ما أفكر ألقى أنها ما تهتم فيني لا الحجاب علمتني ولا قالت لي أصلا شيء أنا لبست العبايه من نفسي لكن ما فكرت أتغطى عكس أختي سـاره أول .. !!


حسيت بغصه وأنا أذكر اسمها وحسيت بضيقه وربي مشتاقه لها هي كانت تحبني صح أنها تطاق معي كثير لكن كانت مثل أمي وهي اللي ربتني بحياتها أمي ما اهتمت فيني بس ساره كانت تهتم ليييييييه يا ساره سويتي كذا ليه أنتي عمرك ما كنتي كذا .. !!!


شوي وحسيت في ضرب على الباب وحسيت بنفسي أتجمد من الخوف كنت عارفه أنه أبوي لكن هالمره حسيت صوته غريب وخفت قمت أشوف وش فيه وبكل ارتباك فتحت الباب وشفته جالس بالصاله يبكي .. !!!


وكان يقول بألم " ساره راحت يا وعد راحت بنتي !!! تخيلي يا وعد ساره اللي كانت هنا بالبيت تمشي وتسبب مشاكل وأزعل منها ثم تجي تقول سامحني يبا ... راحت ليه طيب تروح أنا مسامحها قولي لها ترجع !!! "


قلت بألم " هي راحت للي أحسن منا كلنا .. لـ الرحمن الرحيم .. وما لنا إلا ندعي لها ربي يرحمها ويغفرلها وبعدين يبا حنا فيه ونبيك معنا ما نبي نخسرك !! "


قال أبوي بهدوء غريب " صدقتي باقي عندي البتول ومها بس خايف عليهم يصير لهم مثل ساره !!! "


لا هنا حسيت بغصه بحلقي مو معقول كذا أبوي يقول البتول ومها وأنا ايييييييييييييييييش ليه كذا وربي ما عدت أتحمل حسيت بدموعي تنزل وجلست مع أبوي وقلت بألم " يبا وأنا مني بنتك "


ولحظتها جلست بالأرض كنت مقهوره وقلت وأنا أطلع كل اللي بداخلي " أنت وأمي بحياتكم ما حسستوني أني بنتكم ليه كذا أنا وشو سويت وشو ذنبي !!! كل ما يصير شيء كان يطيح على راسي وبحياتي ما حسيت فيكم تهتمون فيني كأني مو بنتكم !!! مدري أنا مسويه شيء يخليكم تكرهوني !!!!!! أنت وأمي بحياتكم ما ذكرتوني !!!!!!!!!!! "


ما انتبهت لحظتها لأمي يوم جت الصاله وحسيتها مصدومه من كلامي ومدري كنت أتخيل ولا لا بس كأنها كانت زعلانه وقالت بعصبيه " ياوعد روحي غرفتك وخلي عنك الدلع الفاضي هذا أنتي بنتنا ... !!! ويلا بلا كلام فاضي !!! "


بكل استسلام قمت وأنا مقهوره وأبوي كان ساكت ولا قال شيء أصلا حسيت أنه مب معنا ويمكنه سكران بعد مع أنه كان هادي .. !! وأول ما دخلت غرفتي انسدحت بالفراش وأنا مستسلمه للتعب .....





// × // // × // // × // // × //

// × // // × // // × // // × //


"
كنت أقف وسط الطريق وأتلفت حولي أبحث عن إجابة عن مكان عن أفكار .. !!
لكن لا شيء لا أحد وبدأت أشعر بالأماكن تبتعد من حولي وظل ذلك التساؤل يدور في داخلي
من أكون ؟؟!!
"



// × // // × // // × // // × //



قمت بصعوبه وأنا أحس بالتعب وبتلقائيه التفت أدور ساعة .. وانصدمت أن الساعه كانت 9 الصبح .. !!! كيف نمت كل هذا الوقت مب على عادتي أبد بس يمكن الراحه اللي حسيتها في الفراش !! أول مره أحس للنوم طعم بس حسيت بضيق أن صلاة الفجر راحت علي وأنا متعوده أصليها في وقتها .. !!!

قمت وتوضيت وصليت وبعدها جلست على الفراش مني عارفه ايش أسوي كنت خايفه أطلع وأشوفه بوجهي من جديد هذا الإنسان اللي اسمه محمد أنا مب ناقصني يرمي علي كلام أمس انعزلت بغرفتي حتى أني أعتذرت من عمي أروح معهم الإستراحه لأن هم عادتهم حسب ما عرفت كل خميس يروحون الإستراحه ويجتمعون وأنا قدرت أقنع عمي أني تعبانه وأبي أرتاح .. !!!

بس نمت بدري العشاء حتى قبل لا يجي عمي وعياله لكن قومتي متآخر !! بس هم أكيد فيه ألحين لذلك خايفه أطلع و... لحظتها انقطعت أفكاري لأن الباب انفتح بدفاشه روعتني لكني بعدين ابتسمت لما شفت مريم وقلت بهدوء " هلا مريم !!! "

مريم قالت بإندفاع " شوفي يمكني فيني دفاشه شوي لا تاخذين بخاطرك أنا اعتبرتك اختي وبتعاملك معك فرررررررررررررري مررره ... وبصراحه ريحتيني أنك قايمه خفت تكونين نايمه وبعدها عاد نصير أمام مشكلة أن ممكن تكونين من نوع النوم الثقيل وهذا النوع من الناس أصعب شييييييييييييييء تقومه اسأليني تركي نومه ثقيييييييييييل احس اذا انفجرت قنبله حوله ما حس بشيء وربي شيء غير طبيعيييييي !!!! "

استغربت يوم سكتت وكانت تطالعني بغرابه خلتني أتوتر ثم ضحكت وقالت " بس كنت أختبرك أشوف فاهمه وش أقول وبعدين يقولون الصمت المفاجئ يثير الانتباه يعني تعرفين ابي تركزين معي ميه الميه المهم ما احب اتكلم كثير وأزعجك وعارفه أني مزعجه بس يعني تعاااااالي الفطور تحت جاهز وننتظرك !! "


وكانت بتطلع لكني قلت " مريم .. !! "
التفت لي وقالت " هلآ "
قلت وأنا متردده " أخوانك تـ..حت ؟! أتحجب ولا كيـ..ف ؟!"

طالعتني وضحكت وقالت " لا محد فيه تعالي بس ولا تسوين فيها لا في تركي ولا محمد أصلا محمد من يومه كل خميس يفطر برا !! وغالبا يكون مع خويه فصييل !!!! "

لحظتها بدون شعور قربت من مريم وضميتها لأني ارتحت لها بمعنى الكلمه وحسيت لحظتها أني كسبت أخت جديده بتكون سند لي فرحت فيها وحسيت أن يكون لي عائلة شيء خاص مميز لا يمكن يتعوض .. !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!





// × // // × // // × // // × //




أبوفيصل " وليه ما يبي يجي معنا !! يعني هالجمعه نحتاج لها كلنا .. ولا ولدك له راي ثاني ؟! "
أبومنصور " وشو دعوه يا راشد كانك ما تعرف عبدالرحمن .. حبه للشغل ما ينتهي وبعدين حسب كلامه في قضيه صعبه بيده وما يقدر يتركها ألحين لكن بحاول أقنعه حتى لو يلحقنا يعني مب مشكله خاصه أنا بنقعد أسبوع ولا ؟! "
أبوفيصل بهدوء " إلا يا حمد .. واذا ما اقتنع علمني أكلمه .. مب على كيفه ياخي قله عمه مشتاق له وكلنا مشتاقين له .. زمان عنه يعني الشغل له حق عليه بس نسى الكل بسبب هالشغل .. !!! "
أبومنصور " إن شاء الله لا تشيل هم غير أخليه يجي .. !!! "



// × // // × // // × // // × //




كنت جالس أنتظر آخر مريض ... بصراحه ما أنكر أنك تسمع للمرضى من كل مكان وكل شخص يشكي لك مشاكله هو تعب يمكن اضافي لك لكن لما تستمع لمشاكل الناس تشعر أنك مب أسوء الناس .. !!!

مهما ضاقت ظروفك ودنياك تأكد أنت تظل أفضل من غيرك والحمدلله على كل نعمه ... طلعت من أفكاري مع دخول المريض وبهدوء قمت ومديت يدي أرحب فيه لكني وقفت مصدوم .. !!!!!!!!!!!!!!!

ما صدمتني ملامح الحزن لا !!! ملامحه شخص أعرفه متأكد هو ما غيره وقلت بتردد " عمر ؟! "

لحظتها اقترب مني وضمني وعرفت أنه هو " عمر " ما غيره .. يالله اشتقت له كثييييييير ضميته أكثر !! حسيت أنه لقاء أخوي الصغير بعد وقت طويل من الفراق .. !!!

ومب أي انسان .. انسان غالي !! كل ما تذكرت كيف انسحبت من الدار حسيت أني غلطت خاصه عمر كان غالي عندي ... شفته يصيح وهو يضمني استغربت وش اللي صاير حسيت في شيء ولا كيف قدر يوصلني وليه ؟! أكيد في موضوع كبييييييييييييير ... !!!

جلس على الكرسي وقال من قلب " والله مشتاق لك يا سعود ... ما تدري كيف تعبت عشان أوصلك !!! "

سكتت وظليت أستمع له لأني حسيت أنه محتاج لإنسان يسمع له ... !!!

كمل عمر بألم " ما أدري وش أقول يمكن تستغرب ليش دورت عليك !!! كنت قبل فتره أبي أبشرررك أني عرفت الحقيقه وفهمت كل شيء لكن ألحين .... مدري وشو أقول أصلا !!! "

وكمل بقهر " تخيل يا سعود من قبل كم سنه عرفت كل شيء !!! وقتها كنت خلاص أقدر أطلع من الدار وعرفت قصتي والحقيقه اللي ما كنت أعرفها ... !!!!!!! "

قلت بإستغراب " قصتك ؟! "

كمل بضيق " سعود أنا معروف مين أهلـ ... سكت ثم كمل بضيق واضح .. قصدي أمي هي المعروفه مين هي .. لما ارتكبت جريمتها مع أبوي !! هي انحبست وقتها في السجن لأنها حامل فيني لين ولدتني .. !!! "

" وبعدها هي طلعت من السجن لما تنفذت عقوبتها .. وأنا أخذوني لدار الأيتام !!!! أنا ما صدقت لما عرفت أن هذي قصتي ووقتها حسيت أنه ما في أحد مثلي كل السعاده صارت عندي !!! لا تستغرب يا سعود !!! تدري ليه لأن طلعت عندي أم تخيل يا سعود الشعور اللي بحياتك ما حسيت فيه فجأه تحس أنه موجود ولا وتعرفه ويمكن عايش قريب منك !!!!!!!! "

وكمل بهدوء " حاولت أوصل لشيء يخص أمي أو عائلتها وما قدرت ومرت سنه كامله يا سعود وكل يوم أتقطع مية مره بس كان عندي أمل أن بلتقي في أمي وكنت كل يوم قبل لا أروح أرقد تدري ويش أسوي يا سعود أروح أطالع السماء وأقول يااارب أنها تطالعها مثلي ألحين .. !!!!! "

وكمل بألم " وربي يا سعود لا يومي يوم ولا نهاري نهار !!!!!!! بس كنت أبي أعرف شيء عنها لو حتى أنها بخير ... وبعدين قدرت أعرف القاضي المسئول عن القضيه ومع أنه كان تقاعد بس قدرت أوصله وربي ما صدقت يوم وصلت له وكلمته وعرف القضيه وقال أنه يذكرها زين وقدر يجيب لي رقم خالي .. !!! هذا تدري متى يا سعود ؟؟؟ بعد ثلاث سنوات يعني قبل كم شهر بس قدرت أحصل رقم خالي وما تدري وشلون الدنيا وقتها ما وسعتني وأن تعبي ما ضاع فاضي لا !!!!!!!!!!!!!!!!!! بالعكس أنا وصلت لأهلي ولأمي ... !!! "

وهنا لاحظت الدموع بعيونه بغيت أتكلم لكنه قال بألم " وربي لما دقيت كنت خايف مدري وش أقول !!! ما صدقت لما سمعت صوت خالي وسألته وطلع هو ولما علمته مين أنا استانس فيني ورحب فيني وقال أنه راح يأخذ أقرب طياره لعندي ... لأنه في الشرقيه ويالله يا سعود قعدت أنتظر الأيام تمر أبي بس أشوف خالي وأضمه بس أبي أحس فيه وأحس بأهلي حولي !!! "

" ولما جاء بسافر بلغني وانتظرته في المطار .. ولما وصل عرفته يوم ناداني " عمر " وقتها حسيت ما في شيء بالدنيا بفرحتي وربي ضميته وحسيت أني آخيرا لقيت أهلي وتحمست أسأل خالي عن أمي .. !!! "

ولحظتها سكت وقال بقهر " تخيل يا سعود يومها يقول لي خالي لما سألته عن أمي وعن أحوالها قالي أنها بخير من دوني وأنه لازم ما أدور عليها عشان لا أخرب حياتي ويكفي أني سبب سجنها ؟!!!!!!!!!!!!!!!!!!!!!!!!!!!!!!!!!!!!! ليه انا وشو دخلني يوم انسجنت ؟؟؟؟؟؟ مب هي اللي رمتني في الدار ما بغتني تركتني وعاشت حياتها ؟!!!!!! يقول أنها مستانسه وتزوجت وعندها عيال طيب وانا اييييييش !!!!!!!!!! "

" وربي يا سعود ما أبي أخرب حياتها بس أبي أشوفها مره وحده بس مررررررررررررره أبي أحس فيها والله مشتااااااااااااااااق لها حييييييييييل !!!! طيب مو لازم أشوفها بس أبيه يسلم عليها لكن يقول لي ابعد عنها ولا تخرب حياتها خلها تستانس أكييييييييييييييييييد لازم تستانس أما أنا مب لازم بالطقاق مين أكون ولد حرام أبوي مب معروف مين يكون !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!! "

على آخر كلامه كان يصرخ وأحسه يفرغ كل غضبه ولحظتها انهار صار يبكي مثل الطفل وبكل ألم قربت منها وضميته وقعدت أهديه وأقول له " لا تزعل يا عمر قوي قلبك ولا تنسى ربك سبحانه ما يرضى بالظلم وحقك بتاخذه وأمك بتشوفها وأنا بظل معك ليييييييييييييين تشوفها !!!!!!!!!!!!!!!!! "



// × // // × // // × // // × //




كل فرحه بديت أحسها فيها راحت .. أبوي تغير تعامله معي وأمي بعد وبديت أحس أني بستانس لكن اليوم أبوي جاء وقالي أن تركي خطبني !!!!!! وأنه موافق ورفض يأخذ رايي .. أنا مستحيل أقبل فيه !!!!!!!!!!!!

أكثر انسان أكرهه وحاولت أقول لأبوي لكنه ما اهتم ونفس الشيء أمي كلمتها وقلت لها لكنها قالت أن الموضوع بيد أبوي .. !!! كنت حاسه بالضيق والقهر مو معقوله ليه أبوي أول رفضه وألحين وافق !!!!!!!!!

أنا متأكده أن أبوي صار يبي الفكه منا بسبب اللي صار لساره لكن مب كذا يغصبني على أكره انسان !!!! كنت حاس بالضيق وخايفه أكلم أبوي ويعصب ثم يرجع للشراب مثل أول لأنه تركه لكن اذا عصب يهددنا أنه بشرب ووقتها ما في أحد يحط حرته فيه إلا أنا كالعاده .. !!!




// × // // × // // × // // × //




كنت راجع وأنا مبتسم أن خططي تمشي بالطريق الصح كل شيء ممتاز .. وأيام وأنفذ كل شيء أبيه .. مشيت بهدوء للمكتب ورفعت المجلدات وأنا مستانس أني قريب بطير عبدالإله .. !!!

وسبحان الله طلعت من أفكاري على صوته وهو يقول معصب " وين حضرتك رايح !!!!!! أنت داري دوامنا لين 5 المغرب وأنت أشوف مختفي من الظهر يا أستاذ ولا يعني تحسب عشانك جاي توصيه من أبوفيصل بتلعب بحلاله على كيفك !!!!!! لا هنا نظام يتطبق على الكل الصغير والكبير !!!!!!!! "

طالعته بإبتسامه وقلت بهدوء " أخوي عبدالإله أبوفيصل لما أرسلني هنا كان يبيني أتعلم منك يعني بصير مسئول عن المصنع فيحق لي أطلع متى ما أبي وأرجع متى ما أبي ولا أحد يحق له يسألني عن الوقت !!!!!!!!!! "

طالعني بعصبيه وقال " والله تخسى تصير مكاني فاهم وصدقني يوم ثاني ما تقعد هنا !!! انا الحين رايح لأبوفيصل وأخليه يطردك لأن أمثالك حسافه فيهم الخير !!! أجل تبي تاخذ مكاني !!!!!!!!!!!!!!! "

ابتسمت له بخبث وشفته يمشي وهو رايح لأبوفيصل وابتسمت لأن كل شيء أخطط له يمشي صح ميه الميه ونهايتك بدت يا أستاذ عبدالإله .. !!!!!!!!



// × // // × // // × // // × //




كانت منال مثلي مصدومه من قصة عمر وحسيتها بتصيح أعرفها أختي قلبها ضعيف .. قلت " لا تضيقين صدرك أنا بس حبيت أقولك السالفه !!! لكن تصيحين فلا وسعي صدرك بإذن الله كل شيء بصير بخير .. وبعد ما أبي أبومالك ياخذ بخاطره علينا ويقول تجي مرتي عندك وتقلبها حزينه !!!!!! "

منال بإبتسامه " لا يا سعود أنت تعرف أن عبدالله مب كذا !! بعدين بجد يا سعود شيء يكسر القلب الله يساعد هالـ عمر مدري يعني بجد شيء ما يقدر يتحمله أحد !!! طيب وانت ايش بتسوي له ؟!! "

قلت بهدوء " تخيلي خاله جايه يبي يجيبله شغل ؟!!! يعني يجرح في الولد ثم يقوله رح دور لي شغل ... على كل أنا هديت من عمر وقلت له بجي بكره أزوره وغير أقنع خاله وأوصل لأمه وبعدها أشوف هل أمه بتقتنع تقابله ولا ايش الوضع ... والله مدري لكن بإذن الله الأمور تتسهل وأقدر أرسم السعاده على وجهه وربي ما تدرين قد ايش هالولد كان ولازال يعني غالي علي وربي أحسه مب بس أخوي الصغير لا يمكن مثل ولدي !!!! "





// × // // × // // × // // × //