لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-03-11, 11:15 AM   المشاركة رقم: 71
المعلومات
الكاتب:
اللقب:

البيانات
التسجيل: Sep 2010
العضوية: 193770
المشاركات: 11
الجنس أنثى
معدل التقييم: JnjoOon عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
JnjoOon غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

الرواية جدا جدا مشوقة ننتظرالبارت الاخير

 
 

 

عرض البوم صور JnjoOon   رد مع اقتباس
قديم 23-03-11, 11:17 AM   المشاركة رقم: 72
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة nsamir مشاهدة المشاركة
   بارت رائع و مشوق - سلمت يداك

سعدت بشفاء فيصل و ربنا ييسر له تحسين نصورته أمام أهله

اختفاء تركي غريب

أما نجد فحزنت عليها كتير - الله يعينها

فرحت لوعد كتير بأنها طلعت بنتهم بالرضاع

في انتظار البارت الأخير







تسسسسسسسسسلللمي عالمرور ..
نووو^_^ووورتي ..


 
 

 

عرض البوم صور ♫ معزوفة حنين ♫   رد مع اقتباس
قديم 23-03-11, 11:18 AM   المشاركة رقم: 73
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة JnjoOon مشاهدة المشاركة
   الرواية جدا جدا مشوقة ننتظرالبارت الاخير





تسسللمي عالمرور ..
نووو^_^ووورتي ..


 
 

 

عرض البوم صور ♫ معزوفة حنين ♫   رد مع اقتباس
قديم 23-03-11, 11:18 AM   المشاركة رقم: 74
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

اقتباس :-   المشاركة الأصلية كتبت بواسطة ALJeNeRaL مشاهدة المشاركة
  
بسم الله الرحمن الرحيم

الفصل الآخير بإذن الله بيكون يوم الخميس ... مب الخميس القادم ﻻ اللي بعده بإذن الله صحيح الوقت متآخر ولكن حتى أضع كل الأفكار أوصل جميع الخطوط وأختم الروايه بإذن الله بشكل مميز ...







هذا كلام الكاتب من كم يوم ..


 
 

 

عرض البوم صور ♫ معزوفة حنين ♫   رد مع اقتباس
قديم 01-04-11, 12:01 PM   المشاركة رقم: 75
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : ♫ معزوفة حنين ♫ المنتدى : القصص المكتمله
افتراضي

 

أحـقـاد تـحـت الـرمـاد


الفصل الأخير




// × // // × // // × // // × //



نقطة النهاية ؟! هي من الأمور التي تسبب ألم نعم النهاية دائما ً حينما نسمعها فنحن تتجه أنظارنا لمعنى الفراق الوداع النهاية نعم ولكن كذلك لكل بداية يجب أن توجد تلك النهاية … حسنا وصلنا لتلك النهاية .. ولكن المهم أن ﻻ نقف عند حدود تلك النهاية بل أن نذهب لما أبعد من النهاية ؟!



// × // // × // // × // // × //




في الحياة يمر المرء بمواقف عدة وقد تسبب بعض من هذي المواقف في تغيير وجهة نظره في عدة أمور وقد تمر بلا تآثير ما أتمناه أن يكون لهذي الروايه مرور خاص ﻻ تمر دون فائدة هناك رسالة بين جنباتها نعم هؤﻻء الفئة تنادي .. تصرخ .. تطالب … يريدون العيش فقط بهدوء كما نحن بلا أن نحملهم ذنوب غيرهم .. بلا أن نضعهم في قفص الاتهام بسبب أخطاء أشخاص آخرين …

ﻻ يحق لنا معاقبة الناس بذنوب غيرهم … ببساطه نحن بأيدنا القرار نحن أفراد المجتمع نستطيع إحداث التغييرات الكثيره وصنع الكثير متى ما أردنا ذلك هؤﻻء الفئة ﻻ يختلفون عنا بشيء ... لست أطالب الكثير ولكن فقط ما أتمنى حقا ً أن ﻻ نراهم يتلقون عقوبات غيرهم أن ﻻ ينظر لهم المجتمع نظرة المذنب أو المجرم ؟! هم أطفال ﻻ يعلمون شيء عن الحقيقة ولكنهم يصدمون بنظرات المجتمع ولماذا ومن أجل ماذا ؟!

من أجل خطأ اقترفه شخص ما … يجب علينا أن ندرك أنه ﻻ يحق لنا معاقبة أطفال بذنب غيرهم هم أطفال فقط لندعهم يكونون من أفراد المجتمع لندعهم يبدعون هم ﻻ يقلون عن أقرانهم فقط افتقدوا لذلك الشعور نعم شعور الأهل شعور الأسرة شعور يشعر به الكثير وربما كذلك البعض ﻻ يقدره بالشكل الكامل … هؤﻻء الفئة افتقدته لم تشعر به يوما ً وربما لن تشعر به يوما ً وبدل أن نحاول أن نعوض عنهم ذلك الشعور ننظر لهم تلك النظرة التي تشعرهم بأنهم " مجرمين " وبأي ذنب ؟! ﻻ شيء فقط غيرهم يخطأ والضحية هم … !!!!!!!!

رسالة لمن يعمل في الدور لتعلم أنها أمانة والله لتسأل عنها والأمانه حمل ثقيل ﻻ يستطيع أي كان حمله نعم لذلك عليك أن تحرص على كل ما تعمل فأنت محاسب أمام الله في هذي الأمانه ….

هنا نقف وهنا ينتهي الحديث لن أتحدث فلم يعد لدي شيء لكن هم لديهم لذلك سأترك دفة الحديث بيدهم ليتحدثون كيفما يشائون وكيفما يرون .. !

// × // // × // // × // // × //



ينتظرني لقاء صعب .. اتصلت على محمد من شوي أبي أبلغه بوصولي لكن شكله نايم لأنه ما رد … الله يعيين ما ألومه الوقت المتآخر وأكيد هو نايم ومرتاح في بيته وبين أهله … استغربت من كلامي يعني حاسده ؟ هذا صاحبي … ﻻ مب حاسده لكن ودي أرجع لأهلي ايه والله مشتااااق لهم كثييييييييير مدري كيف بواجه أبوي و.. عمي وش صار معه أكيد صارت مشاكل بين أبوي وعمي وبسببي … !!!!!

انقهرت ضاق صدري .. أكثر شيء يوجع أنك تسبب بعذاب كل أهلك ايه من أبوي وأمي وعمي وحتى بنت عمي !!!!

ما أحد سلم مني وكله بسبب النذل تركي .. أنا خايف يكون ضرهم بشيء أكبر … الله يستر بكره بوقفه عنده حده ﻻزم يعرف حدوده ويعرف أنه مهما ظن نفسه ذكي فأنا بكون أذكى منه … !!!!!!!

تقدمت للفراش بتعب وانسدحت وأنا أترقب الغد .. بخوف بتوتر بسعاده ايه مشتاق لأهلي مشاعر كثيره مختلطه غمضت عيوني وأفكار تأخذني وأفكار تجيبني … !!!





// × // // × // // × // // × //



رفعت راسي لما حسيت بدخول شخص ؟! طالعته بنظره اندهاش استغراب مو معقول اللي أشوفه هذا ما غيره ؟! عمر !!!

تقدمت له وقلت " عمر وينك يااااااااخي مختفي لي فتره عنك … دورت بغيت أوصلك ليه يا عمر … أنا آسف ﻻ تروح غلطت سامحني بس صدقني مدري وشـ ...”

قطع كلامه وقال بتساؤل " عمر وش فيك تصيح ليه أنت كذا ؟! “

كان منظر عمر بالشماغ ملثم نفسه ودقنه غير مرتب كان وضعه غريب يدل على حزن عميق بداخله … تقدم بألم وجلس على الكرسي وقال " سعود أنا تعبت جيتك أبي تنصحني أبي أرتاح !!!!! “

جلست جمبه وقلت " عسى خير وش فيك وش اللي قالبك كذا وش صار لك ؟! “

عمر بألم واضح " أنا تعباااااااااان يا سعوووووووود والله مني قادر أرتاح كل يوم أشوفه في منامي كل يوم أحلم فيه تعبت حسيت أني خلاص انتهت المشكله لكن عمرها ما راح تنتهي !!!! “

استغربت كلامه مبهم وش يقصد وش بالضبط ؟! “ عمر مني فاهمك … " طالعني بنظره ثم همس بشكل غريب " أنا ياسعود قتلته بيدي هذي قتلته !!!!!!!!!!!!!!!!!!!!!!!!!!!!!!!!!!!!!!!!!! “
انصدمت من كلماته وقلت بخوف " قتلت ميييييين أنت وش تقول عمر انت واعي وﻻ وش بلاك ؟!!!!!!!!!!!! “
عمر بانهيار واضح " واعي وقتلته فقدت أعصابي جاء يقولي بنتي رفضتك وانه هو كان متقبلني هذا اللي توقعته فقلت عادي مب مشكله لكن بعدين وصاني على أغراض أجيبها ولما رجعت لقيته يكلم أحد جيرانه ويقوله عن خطبتي لبنته ويستهزء فيني يقول كيف يقبل إنسان فاشل مثلي عصبت فقدت أعصابي رحت البقاله انتظره ولما جاء سحبت أول غرض طاح في يدي وكسرته على راسه وقتلته ايه قتلته … !!!!!!!!!!!!!!!!! “

كمل بعصبيه " أنا قاااااااااتل يا سعود بقصون راسي تكفى سعود ما ابي أموت تكفى تكفى !!!!!!!! خايف والله خايف مدري وش أسوي "

انصدمت كلماته صادمه غمضت عيوني وأنا أحاول أجمع أفكاري هذا الأسبوع صادم بكل شيء وألحين انصدم برجوع عمر وبمصيبة معه … !!!!!!!!!!!!!!!!!!!!!!!!!!!!!!!!!!!!!!!!!!!!!



// × // // × // // × // // × //



كان المكان مزرعة موقعها مهمل وهي أصلا مهمله كان جالس هناك يفكر ويحاول يوصل لشيء … شعر أنه وصل لمرحلة عجز عن التفكير بشكل كبير … !!!

التفت وهو يشوف الكل يترقبه ينتظر منه إشاره .. له فتره ساكت ما صار شيء وﻻ خطط لشيء … خلاص يحس نفسه انتهى خططته انتهت وكل أفكاره وقفت غمض عيونه وهو يتذكر لحظه بلحظه كيف بدء الانتقام بدء من أبومالك وغيره وحتى أبوساره سالم … !!!!



كان يتجهز اليوم بكون هجومه على أبومالك وآخيرا ً بلتقي فيه بحطمه بدمره بخليه يتذوق كل لحظة ألم حست فيها وعد جاء يوم الإنتقام .. !!!!!!!!!!!!!!!!!!!!

تقدم مع عصابته للبيت بعد ما تأكد أنه ما فيه إﻻ أبومالك .. كان يدري أن أبومالك تربطه قرابة مع سعود حيث أنه متزوج أخت سعود وهذا معناه ألم لأبوفيصل ابتسم … من كل جهه يضرب أبوفيصل … !!!!

تقدم بهدوء للبيت ودخله بحرفنه بعد ما قدر يكسر الباب بهدوء وذكاء … وتقدمت من وراه عصابته ابتسم وقال بهمس " أبيكم تمسحون لي البيت وأنا علي صاحب البيت بتكفل فيه لأن بيننا حساب وبصفيه … !!!


بدا يمشي بهدوء ما كان يبي يستعجل يبي يحس بطعم كل لحظة وهو يشوف أبومالك يودع … ابتسم على الكلمه … تقدم لغرفته وفتح الباب بهدوء شافه نايم بهدوء بلا ألم بلا شيء حس بالحقد يغلي في قلبه وعد تألمت … وعد تعذبت … وعد انقتلت … وهذا المجرم نايم ببساطه كييييييييييييف ينام ما يحس ما فيه قلب بداخله !!!!!!!!!!!!!!!!!!!!!!!!!!!!!!!!!

تقدم بعصبيه عنده للفراش ثم دفه برجله ومن قوة الضربة انتفض أبومالك بخوف وقام ولاحظ وجود شخص وقبل ﻻ يفكر بشيء ﻻحظ المسدس في وجهه .. !!!!!!

أبومالك " أنــ.... … أنت مين أنا … ! “
ابتسم البوس وقال " أكيد خايف … أصلا مين ما يخاف من هذا " وأشر على المسدس " خايف تموت صدقني راح تتمنى تموت !!! “

ثم كمل بتساؤل " تذكرني يابومالك .. ما أظن أشكالك ما يذكرون المجرمين مثلك ما يذكرون شيء !!!!!!! طيب تذكر وعد أكيييييد ؟ "

أبومالك لحظتها طالع البوس بصدمه وبدا ينتفض وقال " ﻻ تقتلني ﻻ تقتلني مو أنا ﻻﻻﻻﻻﻻﻻﻻﻻ … " وبدا يحاول يهرب لكن لحظتها وبسرعة انقض عليه البوس وسحبه ورماه على الفراش وقال " وربي أنك نذل جبان !!!!!!!!! أنت إنسان مريض جبان " وهنا كمل بصراخ " تدري لييييييييييييييييييييييييه لأنك حاولت تعتدي على طفله !!! طفله ما كانت تفهم شيء ….. والله أنك مب رجال !!! ألحين أنا كبرت وأبي تسوي رجال قدامي اذا تقدر لكن ما تقدر لأنك جبان … أنا توعدتك أصفي حسابي رجعت يابومالك … وليد رجع وصدقني بتموت فلا تتعب نفسك شوي وبقتلك بس ﻻزم أتلذذ في عذابك !!!!!!!!!! “

أبومالك وهو يصيح " تكفى يا وليد انا اسف والله ما قصدت هي كانت تكذب علي .. سعاد المربيه كانت تخدعني صدقني ما كان قصدي أسوي شيء باحد "

ابتسم البوس باستهزاء وقال " ﻻ شيء طيب أجل اذا تبي تموت بدون عذاب راح تعترف ألحين بكل شيء … !!!!! “

أبومالك بصعوبه " أعتـ .. رف باللي تبي … بس ﻻ تقتلني "
البوس " يلا أنا أسمعك أعترف بكل شيء "
أبومالك بانهيار " أنا كنت في الدار مدير .. كنت مستغل منصبي … كنت أنا والمربيه سعاد متفقين أنها تجيب لي بنات في المخزن ولها نصيب مبلغ فلوس وكانت تقنع البنات عن طريق الفلوس كل البنات كان يجون برضاهم ما في بنت جت بدون رضاها يمكن كم مره بس كنت أقدر أسكتهم محد كان يقدر يتكلم … وسعاد كان تتكفل بصمته واذا صار شيء أو مشكله تبلغني لين طلعت لنا وعد كان بيدها السلسال اكتشفت لحظتها أنها كشفتنا لأن السلسال وجد في المخزن ووجوده كان معناه أنها عرفت المخزن وأكيد شافت كل شيء فكان ﻻزم أسكتها … و "

قاطعه البوس بعصبيه " والباقي أعرفه يالنذل لكن اللي أنت ما تعرفه وعد بحياتها ما كانت تدري عن شيء تدري مين اللي حصل السلسال أنا حصلته لقيته بالصدفه ولقيت المخزن بس ما كنت أدري عن اللي تسويه … لقيت السلسال ووديته لوعد هديه ما دريت أنه بسبب هالسلسال بتموت هي بتروح ضحية هديتي !!!!!! استانست قتلتها وعشان وﻻ شيء … "

أبومالك " ﻻ ما كنت أدري حسبتها تدري ﻻ تتهور وليد ترى بتروح في مشاكل ﻻ تتهور !!! “

لحظتها طلع البوس مسجل وقال " كل شيء صار هنا بس أنت ﻻزم تموت هذا حقك اللي مثلك ﻻزم يموتون … "

ولحظتها قام أبومالك حاول يبعد عن الفراش ويهرب لكن البوس أطلق الرصاصة على رجله ولحظتها غصب عن أبومالك طاح من الألم في الفراش وبدا يصرخ والبوس طلق الطلقه الثانيه على رجله الثانيه وهو يبتسم كان لحظتها ما يشوف شيء إﻻ الانتقام وبدا يطلق ويطلق ويطلق وهو ما يدري عن شيء لين شاف ابومالك جثه ميته ﻻ حياة فيها … !!!!!!!!!!!!!!!!!!!!!!!!!!!!!!

سلمان " بوس وش صاير ؟! “
البوس " يلا نمشي انتهت العمليه .. وصفيت حساباتي "



طلع من أفكاره وصل لهنا وبس تذكر الأشرطه اللي جمعها عن كل شخص قتله ﻻزم تتسلم كل شيء انتهى هو وصل لهنا ما راح يوقف لازم يخلص كل شيء ويضع النقاط على الحروف … !!!

قام من مكانه الكل التفت همس بهدوء " بكره موعد الرحله بكره تقدرون تسافرون وﻻ عاد أشوف أحد فيكم كل واحد يروح لحياته انتهى كل شيء "

سلمان بتساؤل " بوس وأنت وين راح ؟! “
البوس بغموض " أنا باقي لي حسابات أخيره ﻻزم أصفيها وبعدها بسافر … أنتم بعد خلاص ﻻزم تسافرون بكره الساعة 8 ما أبي أحد منكم يكون في هذي المزرعة لأني بحرقها ﻻزم نمسح كل أثر لنا وبعدها بسافر بس قبل ﻻزم أصفي آخر حساباتي "







// × // // × // // × // // × //



قلت بتساؤل " ووينه ألحين "
سعود " استآجرت شقه ووديته فيها يعني مؤقت يريح لين أشوف وش رايك صراحه أنا خايف يفكر يهرب يا عبدالرحمن … "

فكرت وقلت " القضية بيد زيد أنا ببلغه وأنت انتظرنا في الشقه وبجي هناك زيد ويقبض عليه والله يعيينه يعني مدري وش نسوي لكن نشوف بس هذا حدود وﻻزم تتنفذ العقوبه الله يهديييه كان مسك غضبه قبل ﻻ يتهور ويقتل !!!! “

سعود بتأكيد " صدقت والله … بس وربي جاني منهار مدري وش أسوي معه هو متعذب ضميره معذبه لذلك أحسه يبي يسلم نفسه بس خايف من العقوبه … الله يعيين أنا بروح له وأنت أرسل زيد وبحاول أهديه "

قبل ﻻ أتكلم دخل أحد الضباط وبيده كانت عدة أشرطه كاسيت صوتيه استغربت وقلت " وش هذا "

الضابط " هذا وصلنا وﻻ ندري مين ووين مصدره !!! “

استغربت أخذت الأشرطه وبديت أركز عليها لقيت أسماء مكتوبة أسماء أشخاص كانت أسماء أحسها مب غريبه ؟! قلت بتساؤل لسعود اللي شفته يطالع بفضول " سعود اسم زوج أختك أبومالك عبدالله صح ؟! “

سعود باستغراب " ايه "

استوعبت هذي أشرطة لأسماء الضحايا اللي قتلتهم العصابه .. غريبه كيف وصلت وايش في هذي الأشرطه ؟! انتبهت لجوالي يرن وكان رقم غريب توقعته هو أكيد ورديت وقلت " أكيد أنت "

قال بضحكه " ذكي ذكي يا حضرة النقيب صرت تفهم بسرعة .. صحيح هذا أنا بس حبيت أقولك كلمة أخيره لأن ما راح تشوف مني شيء وكل شيء بنتهي .. !!! “

قلت بعصبيه " تخسي بوصلك وبوصلك للقصاص فااااهمني يالجبان !!! “

قال بهدوء " مب فاضي لك عندي أمور أهم منك بس اسمع .. هذي أشرطة تثبت الكثير وبتكشف لك أمور كثيره ﻻزم تركز عليها وتعرف حقيقة الأشخاص اللي قتلتهم .. !!!! “

قطع الخط ببساطه ؟! استغربت وش يقصد وبسرعة بديت أشغل الأشرطه وسعود معي كنت أنصدم مع كل شريط هذا مب طبيعي كان كل الأشخاص في الأشرطه يعترفون بأمور رهيبه وشلون ووين ؟! وكيف كنت مصدوم معناها أن هذا الإنسان ما كان هدفه السرقه كان منصب نفسه جلاد على الناس كان يحاسبهم بطريقته هذا مريض مريض وتأكدت أكثر أنه ما أحد بيوقف في وجهه بسهولة ﻻزم أوصله أنا متأكد أنه ما انتهى كل شيء ببساطه أكيد في شيء باقي يسويه … هذا احساسي وﻻزم أوصله قبل ﻻ يهرب ﻻزم أوصله !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


// × // // × // // × // // × //



“ بس هنا وقف … الله يعطيك العافيه .. تفضل " نزلت من التاكسي بعد ما سلمته حقه .. وتقدمت لبيتنا … كنت حاس بارتباك بخوف .. كنت أطالع البوابه كانت مفتوحه مب على العاده لكن أكيد في عزيمة وﻻ شيء حسيت بخوف … !!!!

اذا عزيمه مستحيل أدخل كيف أواجه أبوي يمكن يطردني وﻻ راح ألومه لأني كنت نذل تركت بنت عمي وطيحت وجه أبوي عند عمي وليش كله بسبب تركي النذل يمكن يكون فيه ﻻزم أدخل وأقول لهم كل شيء ﻻزم يعرفون حقيقة تركي بس خايف تركي وقتها يفضحني بينهم أني كنت مدمـن !!!!!!

حسيت بخوف يمتلي في قلبي … وبهدوء التفت على ورا كنت بتراجع لكن اختفت سيارة التاكسي شيء طبيعي أخذ أجره وراح وليه ينتظرني ما قلت له ينتظرني … !!!

حسيت بتعب وقربت للجدار وتمسكت فيه كيف راح أواجه أبوي ما أقدر ما أقدر !!! حسيت بضعف وكنت أبي أتراجع لكن خلاص وصلت ما في مكان للتراجع فجأه انتبهت للحارس المصري اللي عندنا اسمه فارق … يقرب مني وهو مبتسم وبدء يرحب فيني ويهلي .. !!!

بدون ﻻ أهتم في كلامه قلت " مين موجود "
ابتسم وقال " العم أبوفيصل وأخوه كمان موجود "

وقفت بصدمه أخوه يعني عمي فيه عمي !!! كيف وشلون حسيت بخوف بقلبي يضرب بشكل سريع بديت أحس نفسي مب قادر أتحرك مستحيل أواجه عمي مستحيل أواجهه أنا مني قادر أواجه أبوي كيف عمي اللي كسرته اللي تركت بنته وكسرتها .. !!!

طلعت من أفكاري وشخص يحضني من تحت كان مهند كان يضحك ويناديني مهند أخوي كان يضمني ويصيح ويقول " ليه تتركنا كلنا نبيك حتى أبوي كلنا نبيك ليه تتركنا !!! “

ضميته لصدري يالله ياني مشتااااااااااااااق له حييييييييييييييييل وربي ما ودي أترك أهلي أتمنى أقعد معهم العمر كله لكني غبي انخدعت أنا اللي طيحت نفسي يوم خدعتني وعد وتركي كيف خسرت أهلي عشانهم والله ما راح أعديها لك يا تركي وربي لأحطمك والله لأعلمك معدنك يالنذل يالجبان والله اللي يمس أهلي بشيء أني مستحييييييييييل أتركه وأنت يا تركي تعديت حدودك معي مستحيل أخليه يتعدى حدوده مع أهلي !!!!!!

انتبهت لصوت شخص " فيـصـل !!!! “

رفعت راسي كان أبوي يطالعني بصدمه وبجنبه عمي … وقفت أطالعهم سكت وش أقول وش أبرر تبريراتي مب مقنعه مهما كانت أكيد ما كان عذر لي أني أصير غبي .. !!!!

وقفت أطالع أبوي .. وتركت مهند وقمت أطالعه بضعف هو وعمي وباندفاع تقدمت لأبوي وسحبت يده بستها وحبيت راسه وقلت " سامحني يبا سامحني تكفى "

والتفت لعمي وحبيت راسه ويده وقلت " سامحني يا عمي وربي مني كفو والله أني كنت مب كفو !!! سامحني سامحني تكفى سامحني "

سمعت أبوي يقول " وش تبي جاي ممكن أفهم لك ثلاث شهور تاركنا ألحين جاي بعد سواد وجهك تحب راسي وتقول سامحني !!! “

قربت من أبوي أبي أحب راسه لكنه دفني وقال " ﻻ تقرب مني ﻻ تظن حبة الراس تكفي ﻻ ياولدي لا أنت كسرت أبوك أنت فشلتني قدام أخوي أنت طيحت قدري قدام نفسي حسيت أني ما عرفت أربي !!! كيف ترمي بنت عمك عشان وحده ما يندرى وش أصلها !!!!! حسبي الله عليك من ولد حسبي الله عليـ "

قاطعه عمي " ﻻ تتحسب يا راشد هذا ولدك وأنا مب شايل عليه وهي بنتي مسامحه .. أنت مشتاق له ﻻ تنكر يا راشد هذا ولدك وغلط ﻻزم تسامحه مهما كان ﻻزم تسامحه !!!! “

قاطعه أبوي وقال " يخسى النذل أسامحه يخسى !!! “

قلت بألم " وربي يبا أني ما كنت بسوي اللي سويته بس انخدعت والله يبا انخدعت كله منه هو خدعني طيحني قدر يجبرني أسوي كل شيء !!!! “
أبوي بعصبيه " محد غصبك على شيء يكفي كذب لك ثلاث شهور مختفي وتجي تقول مب بكيفي وانخدعت ممكن تقول مين اللي خدعك مين السبب في أنك تطلق بنت عمك !!! وﻻ تقول لي أنها البنت اللي بعت بنت عمك عشانها "

قلت بضعف " ﻻ يبا … تركي كان ورا كل شيء " ولما شفت نظرة أبوي كملت بسرعة " وربي يبا وربي تركي كذب علي خدعني هو سبب زواجي من هذيك البنت قدر يخليها تغريني وتخدعني وأتزوجها تركي يبي فلوسنا يبا النذل وربي كذب علي أجبرني قدر يهددني اذا ما قلت اللي قلته بفضحني … والله يبا "

قاطعني أبوي بعصبيه " رجعت تقول تركي !!!!! أنت وش تبي فيه تركي وتركي وتركي يبي فلوسنا ياخي تحسبني ما عندي عقل تحسب أني مب واعي قلت لك مية مره ﻻ تركي وﻻ غيره يقدر يخدعني بس أنت شكلك كذبت الكذبه وصدقتها … أقول اطلع برا وﻻ أشوفك أنت مب ولدي سامعني مب ولدي !!! “

عمي قال بتهدئه " أفى وش ذا الكلام راشد !!!! “
أبوي بعصبيه " ما تسمعه كل ما قلت شيء قال لي تركي !!!!!!!!!!!!!!!!!! والله ما فيني حيل أسمع كذب منه أكثر من كذا "

قلت بتحدي " يبا وينه تركي والله أخليه يعترف لك وربي يبا هذا نذل وﻻ أستغرب اذا كان يسرق من الشركه "

أبوي بعصبيه " أنت ما تفهم !!!!!!!!!! قلت لك تركي ما له دخل بشيء … تركي أصلا استقال له ثلاث شهور مستقيييييييييييييييل !!!!!!!!!!!!!!! “

طالعت أبوي بصدمه كيف تركي استقال ؟! وشلون بس اللي شفته لحظتها حسيت أن ما لي شيء أقوله … خسرت الدليل اللي يثبت كلامي تركي استقال وشلون وكيف تذكرت بيته ايه بيته

قلت باندفاع " يبا أعرف بيته بروح أجيبه والله يبا أني صادق صدقني !!! وربي يبا ما كذبت عليك بشيء "

طالعني أبوي والتفت لعمي اللي قال " خله يروح يمكن يكون صادق أنا شايف بعيونه الصدق هالمره يا راشد "

أبوي باستسلام " رح شفه وجبه لكن ﻻ تسوي شيء له تجيبه هنا وبعدين يصير خير أصلا أنا كنت ابي أوصله لأنه استقال بدون سبب لكن شف يا فيصل والله اذا تبليته بشيء مب فيه ما راح تشوف مني خير وصدقني وقتها بيتي يتعذرك وﻻ لك مكان هنا أبد "

قلت بتأكيد " موافق يبا وربي أنا ولدك مهما صار صدقني مستحيل أفتري على شخص أنت علمتنا أننا ما نظلم الناس وصدقني هذا تركي مريض وﻻ أفتريت عليه وبثبت لك هالشيء "


// × // // × // // × // // × //


“ طيب وش بننتهي عليه يا عبدالرحمن "
قلت بضعف " والله مدري يا سعود … بس خايف يسوي شيء هو له ثلاث شهور وﻻ فكر يهرب مع أننا ما نقدر نوصله وبالعكس اتصل يبلغني أنه بهرب قريب يعني مدري هذا الإنسان مدري وشلون يفكر !!! “

سعود " الأكيد أنه يعاني نفسيا ً بس الأشرطه هذي مدري يا عبدالرحمن … هذي الاشرطه فيه كلام كبيييييييير بعدين مو معقول الكلام اللي أعترف فيه أبومالك معقوله أبومالك كان يعتدي على بنات الدار !!!!!!!!! معقوله كلامه يكون صحيح "

قلت بإصرار " ﻻزم نتأكد يا سعود هذا الكلام ﻻزم نوصله صحيح أنه في النهاية كلهم ماتوا لكن ﻻزم نعرف الحقيقة نبي نوصل لشيء عشان نعرف مين زعيم هذي العصابة وبعدين اذا هو منصب نفسه جلاد على الناس عصابته وش دورهم وهل في ناس تدعمه أنا صراحه أحس الموضوع أكبر من كذا وأنا خايف يسوي شيء ما ينضمن مريض مثل هذا ما تقدر تضمنه !!!!!!!! “

سعود بتأكيد " أكييييييد بس .. عبدالرحمن طلبتك هالأشرطه ﻻ تطلع لا تشهرون في أصحابها والله اذا درت مريم يمكن تروح فيها اذا كان اللي في الشريط صح … يعني أن زوجها كان !!!!! مدري وشلون أقولها وربي شيء كبييييييير يعني معقوله في ناس كذا معقوله ؟! صراحه مدري ﻻزم تتأكد لكن ﻻ تشهرون في أحد أفضل لأهلهم ما له داعي تقلبون أوجاع الناس "

عبدالرحمن " أكييييييد يا سعود وش ذنب أهلهم يتعاقبون بأخطأء هالناس خاصة أنهم ماتوا بس ﻻزم نتأكد لأن ممكن نوصل لشيء عن طريق هالأمور وببدء في مع أبومالك ودار الأيتام بروح أشوف ممكن أوصل لشيء هناك !!! “



// × // // × // // × // // × //



فتحت عيوني بصعوبه .. وقمت وأنا أحس بكسل تلفت حولي حسيت أني نايم وقت كثير .. مسكت الجوال وشفت الساعه وانصدمت كانت الساعة 12 الظهر لذي الدرجه نمت وﻻ أحد قومني يالله !!!

قمت بصعوبه ولبست واستحميت وطلعت لأهلي أشوف مين فيه و .. ذكرت اللي صار أمس حسيت بضيق ولكن غريبه للحين ما أحد قومني معقوله ما قالت لهم نجد شيء ؟! أكيد ما راح تقول خايفة نطردها تبي تسكت عشان تضمن ما نطردها .. !!!!

تقدمت للصالة ولقيت مريم تطالع التلفزيون وشكلها كانت مندمجه ابتسمت لها وقلت " أشوفك مندمجه "

التفت لي باستغراب وقالت " صح النوم أفطرنا وأنت نايم حاولنا نصحيك لكن أنت ما تبي تصحى !!! “
قلت بدون اهتمام لكلامها " وين أجل نجد ؟! “

طالعتني بنظره ثم قالت " راحت لشغلها !! “
قلت باستغراب " شغلها تستهبلين اليوم اجازة وﻻ ناسيه أنتي "
قالت لي " ﻻ أنت شكلك ما صحيت هي تقول تقدر تروح اليوم مع أنه إجازه ولكن يعني بحسبون لها دوامها اليوم وهي تقول تبي تغير جو وبعد قالت أنها استشارتك أمس وأنت وافقت بس شكلك مازال فيك النوم مب مستوعب شيء !“

انقهرت كيف تروح وتكذب وتقول أنا موافق شكلها ما راحت للشغل رايحه تشوف أحد الجبانه بكل وقاحه تروح وﻻ تهتم وﻻ كأن لي معنى وﻻ كأني قلت لها شيء خايف كلامي هو سبب طلعتها راحت بدون ﻻ تهتم أكيد وش بهمها وهي بنت حرام .. !!!!!!!!!!!!!!!!!!!!!!!!!!!!!

مشيت بدون تردد لمكتب أبوي بدون ﻻ أسأل هو هناك وﻻ ﻻ بس الأكيد ﻻزم أبوي يدري بكل شيء الموضوع ما ينسكت واذا تظن أنها بتلعب على راسي وربي أندمها واذا مب عاجبها الطلاق ينتظر صراحه مليت من هالتمثليه ترجيت فيها خير لكن طلعت مب كفو !!!!!!!!!!!!!!



// × // // × // // × // // × //


يارب وين اختفى هذا الإنسان ؟! ضربت الباب لين تعبت ما في أحد يرد !!! حسيت بضيق ما لي إﻻ أسأل الجيران … انتبهت لبيت أبوسالم حسيت بضيق !!!

وعد وين ممكن تكون الجبانه النذله صح اذا وصلت لها ممكن توصلني لتركي يمكن هي هنا .. !!! تقدمت بعصبيه وطقيت باب بيت أبوسالم … انتظرت وقت لين فتحت لي بنت وقالت " نعم "

قلت " ممكن أعرف وين وعد !!! أبيها "
البنت باستهزاء " نعم وعد ومين حضرتك ما تستحي جاي تطق باب بيتنا وتطلب بنت ياخي خف ربك !!! “

قاطعتها وقلت " أنا زوجها السابق فيصل وبعدين أبيها بسألها عن تركي قولي لها كذا وهي بتفهم !!!!!!!! “

سكرت الباب بقوه .. مين هذي الإنسانه .. حسيت بضيق لكن ما اهتميت انتظرت وانتظرت لين انفتح الباب وسمعت صوتها وهي تقول " فيصل ؟! “

قلت " ايه فيصل اللي دمرتيه أنتي وتركي … انسانه مريضه تافهه !!! ممكن تردين علي وين النذل تركي أكيد تعرفينه وﻻ تحاولين تغطين عليه !!!! “

انتظرت وﻻ سمعت رد وقلت " هي انت ممكن تردين ؟! “
قالت بهدوء " تركي ما أعرف وينه هو اختفى مدري ومب في بيته !!!! “

قلت بعصبيه " ﻻ تكذبين علي فاهمه أكيد عارفه وين مكانه .. وصدقني اذا ما تكلمتي ما راح يحصل خير وأنتي عارفه وش ماسك عليكم !!!!!! “

قالت بعصبيه " أنت وش تبي ما تفهم .. وبعدين تبيها بصراحه والله لو أعرف مكانه لك ما راح أقول !!! “

قلت بقهر " والله مب غريبه عنك يا بنت الحـرا.... “
قطعت كلامي لما صرخت " اسسسسسسسسسسسسسسسسسسسكت يكفي اسسسسكت ﻻ تغلط فاهم ﻻ تغلط انا ما سويت لك شيء مب ذنبي اذا تركي ضرك أنا ما قلت له يضرك … !!! وﻻ تقعد تسوي نفسك الشريف وأني أنا اللي لعبت عليك أنت لعبت علي !!! أنت تزوجتي تستانس فيني وبعدين ترميني تقدر تكذب هالكلام ياخي يكفي كذب مسوي نفسك مظلوم أنت ظلمتني وصدقني تركي أخير منك لأنه ما يكذب ما ينافق مثلك صح أني تضايقت على اللي سواه فيك لكن اللي مثلك يستاهلون !!!!!! حسافة فيك جاي هنا وتغلط علي ياخي ما قلت لك أحترمني بس أحترم أهل هالبيت متوفي أبوهم أتمنى تتركني وتفكني قلت لك ما أعرف مكانه ولو عرفته ما راح اقولك فلا تعب نفسك وتجي هنا وﻻ وربي يا فيصل لأتصل على الشرطه وأقول أنك مضايقنا واذا بيدك شيء تسويه روح سوه ﻻ تقصر تراك ما هميتني وﻻ خفت منك !!!!!!!!!!!!!!!! “

وسكرت الباب .. وقفت مصدومه من كلامتها أنا تقارنني فيها !!!! صح ما أنكر كنت بتركها لكن هي مب تركتني هي دمرت حياتي خلتني أدمن على مخدرات بدون ﻻ أدري تقارن نفسي بها !!!!! حسيت بضيق وبعدت عن بيتها .. ورحت لبيت تركي وقعدت أطالعه … !!!

وش أسوي يمكن يكون داخل وخايف صح ؟! طيب وش الحل كيف أوصله أبوي ما راح يقبل أي كلام مني اذا ما أثبت له … !!! ما لي إﻻ أدخل بيته بالقوه !!!!!!!!!!!!

ايه بدخل بيته برضاه وﻻ بدون رضاه يمكن يكون متخبي داخل وخايف ويمكن أوصل لشيء يوصلني له !!!!!!!!!!

ما لي إﻻ أنتظر الليل يعتم عشان أدخل بيته ألحين صعب أدخل ألحين ﻻزم أنتظر لين الليل بعدين أدخل بيته !!!



// × // // × // // × // // × //




حسيت بضيق من هذا الإنسان يجي ويقعد يغلط !!! الله ﻻ يسامحه وربي أنه ما ينعطى وجه !! لكن مستغربه وش جابه يبي تركي شكله يبي ينتقم منه على اللي صار شكله ما فيه شيء يمكن تعالج … لو أعرف مكان تركي كان نبهته مع كل شيء تركي وقف معي وقدر يوصلني لناس كانوا بمثابة أهلي ايه … !!!

طبعا من وفاة أبوسالم صرت أزور أخواني وأم سالم دايم وطبعا أبوي جراح أبوعبدالله ما كان يقصر معهم بشيء لأنهم بالنهاية عيال أخوه وﻻ كان يقصر معي كنت بمثابة البنت حتى صار يقول لي ناديني يبا ونفس الشيء أم عبدالله وصرت أناديهم بأبوي وأمي خاصة أني بنتهم بالرضاعة .. وطبعا أم سالم لما شافت وقفتي معها اعتذرت لي على كل شيء وقالت أنها ظلمتني .. !!!

ابتسمت لأم سالم لما شافتني وقالت بهدوء " مين كان اللي جاي "
قلت بدون اهتمام " واحد فاضي مضيع مب مهم ﻻ تهتمين يالغالية " طبعا ما حبيت أقولها فيصل لأن أعرف بتتذكر أنها سبب زواجي من فيصل وبتحس بتأنيب ضمير هي صايره دايم تصيح فراق أبوسالم كان موجع لهم كلهم البتول وأم سالم ومها الكل انهار كانوا محتاجين وقفة شخص فقررت أوقف معهم هالفتره صرت أزورهم دايم أشجعهم … حسيت أنه لي عائلة كبيره أبوعبدالله وأم عبدالله وأخوي عبدالله وبعد أم سالم وخواتي البتول ومها كلهم عائلتي وحسيت ﻻزم أكون قويه عشانهم عشان أهلي .. !!!!!!!!!!!!!!!!!




// × // // × // // × // // × //


“ وش أنت سويت حسبي الله عليك الله ﻻ يوفقك من ولد لييييييه ما تفهم ما تعرف تمسك أعصابك !!!!!!!!!!!!!! “
قلت بعصبيه " يبا أنت ألحين تحط الغلط علي !!!!!! ﻻ تلوميني أشوفها تنزل آخر الليل ومدري مين تنتظر يبا هذي بنت حرام والغلط منها وفيها لذلك أنا مني مستعد أتحملها وربي زين مني ما قتلتها الله ياخذها !!!!!!!! “

طالعني أبوي بعصبيه وصرخ " غبيييييييي ما يهمنا إﻻ الفلوس افهم … اذا فكرت تسحب فلوس أخوي ما قدر أقول شيء بنخسر بتآثر في الشركه أو بتشتري مني الشركه وأنا ما راح أبيع شركة تعبت فيها عمري كله !!!!!!! ما تفهم قلت لك أكثر من مره البنت كلها كم سنه وبتمووووووووووووووووووووووت !!!!!!!!!!!!!!!!!!! حسبي الله عليك من ولد الله ﻻ يبارك فيك يا ولد منيره .. !!!! “

حسيت بضيق بقهر لذي الدرجه أبوي ما يهمه إﻻ فلوسها يبيع ولده ويزوجني في بنت حرام وفوق كذا تلعب من ورا ظهري وللحين ما أدري وش كانت تنتظر أمس الليل وفوق كذا يبيني أسكت أتفرج عشان فلوسها بقلعتها هي وفلوسها والله إن جت أوريها ما راح أكمل معها بطلقها أنا مني مستعد أتحمل … قلت باندفاع " يبا بطلقها سمعت بطلقها صراحه مني مستعد أتحملها ولمعلوميتك ما قربت من البنت وﻻ لمستها وﻻ أبيها أصلا في حياتي ما بغيتها بس عشانك سكتت وتزوجتها شفت فيها الخير قلت يالله خير اكسبه من وراها بس بعد بان أنه وضعها مب زين !! البنت تنزل آخر الليل مدري وش تنتظر صراحه أنا رجال لي كرامه والله مني مستعد أتحملها لأن آخرتها بقتلها اذا بتقعد تلعب من ورا راسي فأحسن شيء أطلقها شف أحد عيال عمي يتزوجها وعطه نسبه من حلالها " وقلت بتأكيد " أنا مني مستعد أتحملها !!!!!!!!!!!!!!!!!!!!!!!! “

طالعني أبوي بعصبيه وقال " اسمع ﻻ يكثر هرجك بتراضيها وبتقول أن اللي قلته كلام فاضي وكذب وﻻ صدقني يا محمد ما راح تكون ولدي وﻻ لك مكان في هذا البيت !!!!!!! “

انقهرت لذي الدرجة قلت بقهر " خلاااااااااااص يبا حرام عليك تبيني أتعذب عشانك تبيني أعيش كذبه مع إنسانه عشانك يبااااااا تراني انسان … تركت بنت عمي اللي كنت أبيها عشانك وسكتت بس خلاص ما أتحمل أنا لي طااااااااااااااااااااااااقه !!!!!!!!! “

لحظة صرختي دخلت أمي وأخواني مريم وتركي … حسيت بضيقي يكثر وش يبون مب وقتهم .. !!

مريم " يبا وش فيكم ؟! “
أمي " يابومحمد وش فيك على الولد !!! والله كل هالمشاكل من وراها بنت ابليس من دخلة بيتنا والمشاكل تجي أكيد المشكله بسببها !!! “

مريم بعصبيه " يما وش فيك البنت ما سوت شيء تراها يتيمه تذكري حق اليتيم !!! “
اندفعت بعصبيه " ما في شيء بس أنا بطلق نجد ما بيها افهموني أبي بنت عمي بتزوجها افهموني !!!!!!!!!!!! “
ما أنكر أنها كذبة اختفيت خلفها بنت عمي راحت من قلبي لكن ضاقت بي الحلول ما عاد بتحمل نجد ايه هذي الإنسانة دخلت قلبي لكن يا حسافة طلعت مثل أمها مب بعيده عنها تنزل آخر الليل تنتظر حبيبها !!!!!!!!! كنت أحاول أرضيها وأشوفها ما تهتم أبد كل ذا عشانه يا ليت أعرفه والله أقتله !!!!!!!!!!!!!!!

طلعت من أفكاري على صوت أبوي معصب وهو يقول " البنت ما ترد من كلامك حسبي الله عليك … اسمع ان رجعت تعتذر لها تفهمها أن كلامك كله كان كذب فاهم يا محمد وﻻ بيتي يتعذرك تطلع برا وتروح تدور أحد يشيلك عنده !!!!!!!!!! “

انقهرت وسكتت والكل سكت الكل كان خايف من غضب أبوي بحياته ما عصب كذا حتى أمي راحت له وجلست جمبه تكلمه وتهديه وتقول له أني بسوي اللي أبيه … !!!

بسكت ألحين لين تجي وأعرف وين راحت له وبعدها أطلقها برضاها وﻻ بدون رضاها وأبوي ما همني بطردني يطردني بس قعده معها مستحيييييييييل أرضى … !!!!!!!!!!!!!



// × // // × // // × // // × //





تلثمت بهدوء وتقدمت بالسلم على جدار بيت تركي من قدام كان المكان فاضي وبهدوء طلعت فوق السلم ووصلت للسور .. جلست على السور وتلفت حولي أتأكد ما أحد يشوف .. وبهدوء تعلقت في السور ونزلت على حوش بيت تركي .. !!!

طبعا السور ما كان عالي على العكس كان يعتبر سور قصير .. لذلك ما وجدت صعوبه في النزول .. تقدمت للباب وفتحته بشويش وسحبت السلم لداخل وسكرت الباب … جاء وقت الحساب يا تركي وربي لأصفي حساباتي معك !!!
تقدمت للباب الداخلي لقيته مفتوح شوي استغربت مين فاتحه وتاركه كذا !!

ترددت من منظر الباب المفتوح لكن صعبه أتراجع ﻻزم أثبت للكل مين يكون هذا تركي … تقدمت بهدوء للبيت وأنا أتلفت حولي كثير خايف أنه حس فيني وبهجم علي فجأه هذا تركي ما تقدر تامن له .. !!!!

تقدمت ولكن ما كان في أثر لشخص .. كانت الغرف مقلوبه فوق تحت كأن البيت انسرق أو صار له شيء .. !!! تقدمت بهدوء لغرفه لقيت بابها مايل وشبه مكسور استغربت ولاحظت آثار غريبه على الباب مثل الدم ؟!

تقدمت للغرفه وانصدمت من منظرها كان منظرها يخوف فيها ملابس مرميه في كل اتجاه وو ؟! كان علامات مدري دم وﻻ ايش قربت بخوف ومديت ايدي ألمسه وكان جاف ؟! بس ايش دم .. !!

حسيت بخوف وفضلت أني أتراجع عن المكان لأن ما فيه أحد وشكل تركي هرب من المكان … !!! طلعت من البيت وأنا أحس بتوتر وعدم ارتياح .. مدري وش أقول لأبوي أكيد ما راح يقتنع أن تركي هرب وترك البيت !!! هذا اللي واضح بس وش هالحوسه اللي في البيت وهذا دم وﻻ ايش اللي كان مغطي أحد الغرف ؟!؟




// × // // × // // × // // × //

يتبع ...

 
 

 

عرض البوم صور ♫ معزوفة حنين ♫   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أحقاد تحت الرماد, أحقاد تحت الرماد ، للكاتب : aljeneral .., القسم العام للروايات, الكاتب : aljeneral .., شبكة ليلاس الثقافية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:32 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية