لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 04-01-11, 05:06 PM   المشاركة رقم: 26
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

تابع


ساره: ماضنيت وين وصلت
خالد وهو يقوم : ولا مكان تعالي ابيك
ساره: خلني اشيل الصحون واجي
شالت الصحون وراحت له
ساره: خير خالد وش فيك
خالد: مسكي
ساره: خالد والله ما ابي عندي فلوس ترا
خالد:طيب وش بيضرك اذا خذتيهم
ساره: والله عندي فلوس والرصيد ترا ما قربته من زمان
خالد: ترا ماراح تنتهي صلاحيتهم ان ما صرفتيهم الي بالبنك خليهم وصرفي من ذولا
ساره:الله يخليك لي يارب وطبعت بوسه على خده
خالد: ويخليك يارب واذا بغيتي زياده كلميني
ساره وهي تطالع الي بيدها: من جدك انت لو اني بشتري ذهب لا يكفون ويزيدون بعد
خالدوهو يطلع : يله ديري بالك على نفسك
ساره: ان شالله وانت لا تنسى تتوكل على ربك بكل شي الله يحميك يارب
توجه لشغله وهو يطلب من ربه ان الشركه ما اتفقت مع احد وصل ودخل مكتبه بعد ما طلب من ماجد يجيب الاوراق الي يبي لها توقيع دخل ولحقه ماجد بالاوراق
ماجد: تفضل يا استاذ
خالد: شكرا الله يعطيك العافيه
ماجد : الله يعافيك ما سويت شي
خالد: ماجد تخبر شركة الـ الي كانت تبي تتعاقد معانا وانا ما اعرتهم ااهتمام
ماجد وهو يدور بنظره كأنه يسوي مسح بفكره : ايه ذكرتها وش فيها
خالد: انا ابيك تكلم واحد من مندوبيهم وتشيك اذا تعاقدوا مع غيرنا ولا لا
ماجد: ان شالله ابشر
خالد: الله يبشرك بالجنه ان شالله
ماجد وهو طالع : اجمعين
قعد خالد بمكتبه يوقع اوراقه ويشوف شغله على مايرد عليه ماجد

يمر الوقت بسرعه على ساره الي كانت نايمه ومستغرقه بالنوم لتفتح عينها على الساعه 11 وتبتدي تتقلب وكأن ماودها تقوم شافت ان التقلب طفشها قامت واتجهت للحمام وخذت لها شور سريع ينشطها ولبست بجامه ناعمه واتجهت للمطبخ تفكر وش بتطبخ هي ماكانت تطبخ بدري لان اخوها ما يجي الا على العصر فلو طبخت بدري بيبرد وهو ماجا قررت تطبخ مكرونه بالبشاميل لانها تحبها وتجيدها وخالد ما يمانع انه ياكلها جهزت الاغراض وكل شي وقالت تبتدي تطبخ بعد شوي صبت لها كاس عصير واتجهت للصاله تقلب بالتلفزيون رن جوالها الي كان بالغرفه
وراحت تاخذه
يمنى: لاكان رديتي
ساره: التلفون بالغرفه وكنت بالصاله
يمنى: كيفك ؟
ساره: زينه
يمنى وهي تقلدها : زينه وش فيك تردين بنفس
ساره: فيني النوم
يمنى: وليش تقومين دام فيك النوم
ساره: خلاص شبعه هي وبعدين صلاة الظهر مابقى لها شي
يمنى: طيب كيف على الطلعه؟
ساره: خلاص على العصر ان شالله
يمنى: ترا بنمر جمعى البنات الكل يسأل عنك يوم رحت هذيك المره وبصراحه ما ابي اروح لهم لحالي
ساره: اوكي مو مشكله بس مانبي نطول عندهم
يمنى: اوووك قلتي لخوك انك بتتأخرين
ساره: ايه عطيته خبر
يمنى: على خير يله مع السلامه
في المكتب ماجد يدخل على مديره
خالد: هاه بشر يا ماجد
ماجد: ردوا علي والحمدالله ما تعاقدوا مع اي احد
خالد وهو يبتسم: الله يبشرك بالجنه
ماجد: اجمعين
خالد: طيب كان قلت لهم يرسلوا مندوبهم عشان نتفاهم معاه
ماجد: هذا ما يفوتني كلمتهم ولمن تأكدت انهم ما تعاقدوا قلت لهم يرسلوا مندوبهم وان شالله انه بالطريق
خالد: يالله ياكريم ان شالله ربي ييسر
ماجد: ان شالله يارب
خالد: بالله ماجد خل ايمن يجيب لي قهوه
ماجد: بس ايمن عطيته اجازه ومافيه الا الفراش الهندي
خالد: ايه صح والله نسيت اوكي خله يسوي لي بس عساه يضبطها ما يحط فيها فلفل بدال السكر ههههههههه
ماجد: ههههههههههه ان شالله دقايق وهي عندك
طلع ماجد وانهمك خالد بشغله بدون لا يفكر يرفع عينه للساعه ما يبي الوقت يسرقه وهو ما خلص شغله قاطع انهماكه صوت جواله
خالد وهو يبتسم: اهلين وسهلين
ساره: هلا كيفك
خالد: بخير الحمدالله صحيتي من النووم
ساره: ايييه من 11 صاحيه بتجي للغدا
خالد: ما اتوقع اني اجي وش مسويه غدا
ساره: ليش مسويه بشاميل
خالد: يم يم بس بجي اكلها متأخر اتوقع بعد العصر اجي
ساره: الله واجد
خالد: ابي اخلص الشغل الي عندي كله ماابي يضل عندي شي متعلق وبعدين عندي مقابله مع مندوب ومستحيل ارجع قبل لا اقابله
ساره: الله يكون بعونك
خالد: متى بتطلعين انتي
ساره: يعني على 4 ونص 5 شفيك تسأل تبي شي
خالد: ما عندي شي بس اسأل حرام
ساره: لا مو حرام بس اذا عندك شي أأجل الطلعه
خالد: لا ماعندي شي طلعي
ساره: ترا الطلعه للسوق وللبنات
خالد: ساره شفيك اقولك يله مع السلامه حدي مشغوووووووووول
قفلت منه وفكرت انها تقعد على المنتدى شوي تشوف وتطوراتهم وش عندهم شي جديد دخلت اليوزر والباس وورد ودخلت واول ما دخلت طلع بوجهها رساله جديده فتحتها كانت من إحدى الاعضاء يثني على موضوعها الي كاتبته ويحثها تكتب وتبين مواهبها عشان الكل يستفيد وذيل الرساله ببريده الاكتروني
ساره : ههههههههههههههه مجنون هذا مايدري اني اقدر اعطيه باند على رسالته بس يله ماراح اسويها ولا انا راده عليه وكملت فرفره بالمنتدى وردت على مواضيعها طفشت توها بتسكر الجهاز طلعت لها من الجنب
:.....السلالالالالام
ساره الي كانت حاطه المسنجر بالخارج : اهليين هلا وعليكم السلام كيفك مها
مها كانت حاطه توبيك وصوره مو حلوه ماعجبت ساره: بخير كيفك انتي وشخبارك من جد لك وحشه هاه بتجين اليوم
ساره: ان شالله بجي اشوفك هناك والحين اخليك بطلع
مها: تو الناااااااااااس
ساره: من عمرك بس مشغوله (فاضية لك انا )
مها : اوكي سي يو
قبل لا تطلع عطتها بلوك سجلت خروج وطلعت من الانترنت كله خذت دفترها وقعدت تشخبط وترسم رسومات كتبت كم كلمه وسكرت الدفتر بعد وشغلت التلفزيون وقلبت بالقنوات وعجبها فلم هندي ولانها من النوع الي يبكي بسرعه خلته ..لووووول..

وبعد ما خلص الفلم سمعت صوت الاذان يعلن عن دخول وقت العصر تمددت على الكنب وهي ناويه تقوم تدخل صينية المكرونه عشان تتحمر حطتها بالفرن وراحت تتوضى وتصلي العصر
رن جواله وكان عنده المندوب ماقدر يرد عطها مشغول ارسلت له مسج
ساره: يالدب لا تعطيني مشغول ادري انك مشغول تراني خليت غداك جهاز بالفرن اذا جيت طلعه واذا تبيه ساخن اكثر حطه بالمكرويف شوي الله يعطيك العافيه طبعا ما قراه لانه كان منهمك مع المندوب وكل واحد فيهم يبي يبين ان الشي الي يقوله هو الصح.
ساره الي ارسلت المسج وبعدها راحت تتروش وتجهز نفسها عشان طلعة البنات لبست لبس ناعم مره طول عمرها تحب النعومه بلبسها والي مكسبها طله حلوه لبست تيشيرت رمادي تتوسطه ورده جوريه باللون الزهري الفاتح ومتناثر عليها فصوص كرستاليه بطريقه عارية الظهر ولكنها دخلت معها بدي باللون الزهري وجنز بأزرق فاتح جدا باقي ويصير ابيض درجتين او ثلاث ما حبت تحط مك اب لانها بتطلع للسوق وما تبي احد يقط عليها كلام رفعت شعرها بشكل حلو مرتب طالعت نفسها بالمرايه وهي تشعر بالرضى التام وطلعت من الغرفه
رن جوالها ساره: الوو
يمنى: جاهزه انتي تكلمها وهي تلبس صوتها مو واضح
ساره: ايه جاهزه بتجين الحين
يمنى: يبي لي عشر دقايق واكون عندك
ساره: اوكي
يمنى: بدق لك رنه واطلعي باي

وش راح يصير لهم بطلعتهم للسوق ؟:
وهل بيروحون لجمعة البنات ؟. وش راح يصير؟؟؟؟؟؟؟؟؟؟؟؟؟
توقعاتكم & قراءه ممتعه

 
 

 

عرض البوم صور ({الحيرانه دوما})   رد مع اقتباس
قديم 05-01-11, 02:58 PM   المشاركة رقم: 27
المعلومات
الكاتب:
اللقب:
ليلاس متالق


البيانات
التسجيل: Jun 2010
العضوية: 174870
المشاركات: 941
الجنس أنثى
معدل التقييم: loubana عضو على طريق الابداعloubana عضو على طريق الابداع
نقاط التقييم: 181

االدولة
البلدMorocco
 
مدونتي

 

الإتصالات
الحالة:
loubana غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

هلا و غلا أختي ...إنشاء الله تكووني بخيير

يسلموووو بارت رائع ..إبتدى يبين معالم الرواية ..

سارة و خالد ..ماشاء الله علاقة أخوة متينة...بس يا ترى شنو مخبيه لهم الأيام؟؟؟؟؟؟

مين مها؟؟ و ليش سارة ما تحبها أو ما تستلطفها ...وشو راح يصير بالجمعة البنات و مها موجودة..؟ ماأدري<<هههه أكيد ما تدري!!!بس لي أكيد تدري الوحيدة لي تدري هي ديووم ..
إسمحيلي أختي أناديكي **ديووم**

في إنتظار القادم ..سلمت يمينك أختي
أستودعكم الله
**أختكم لبنى**

 
 

 

عرض البوم صور loubana   رد مع اقتباس
قديم 07-01-11, 01:32 PM   المشاركة رقم: 28
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

البارت الثامن

في الشركه والي كان المندوب خارج لتوه من مكتب المدير العام خالد يضغط على الانتركوم وينادي ماجد

خالد: ماجد
ماجد: نعم استاذ
خالد: تعال ابيك شوي
ماجد : ان شالله
دخل ماجد وهو يناظر لمديره كيف مبسوط ويبتسم
ماجد: خير ان شالله طمني
خالد وهي يدور بالكرسي : ابشرك الحمدالله تم عقد الاتفاق بس ابي اسألك وش رايك بهذا السعر
ماجد وهو يطالع الاوراق : مره كويس وما بيضر ميزانية الشركه ان شالله
خالد: واذا قلت لك ان اقنعته العقد يتم بنص هذا المبلغ
ماجد وهو يبتسم: والله خير وبركه من الله بس كيف
خالد: هم شركه توها ومحتاجين لنا اننا نتعاقد معاهم وقعدت اقوله المبلغ مره مرتفع وانت عارف مديرك اذا حط شي براسه قالي بيكلم المسؤل المباشر وبيرد علي وما اتوقع ان المسؤل بيرفض
ماجد: الحمدالله ياربي بس خوفي ما يطلعون كفو
خالد: من هذي الناحيه لا تشيل هم انا قريت كل الشروط الجزائيه الي عندهم وعطيته نسخه من شروطنا الجزائيه يعني اي خلل منهم بنسترد فلوسنا وفوقها المبلغ الوارد حسب الشرط الي ما نفذوه
ماجد: اذا كذا الحمدالله ياربي على كل حال ما تنسد من باب الا تنفتح من باب
خالد: اي والله انك صادق الحمدالله يارب والله يوفقنا يارب الحين بس اقدر ارتاح

رن جوالها ومن غير لا تطلعه من الشنطه قامت بتطلع من البيت مرت على المرايه القريبه للباب طالعت نفسها وطلعت
يمنى: وشوله ما تردين يا قرده
ساره وهي تركب السياره: ليش ارد هاويه خساير انتي ادري انه انتي وانك عند الباب يعني المفروض اني اطلع مو ارد عليك
وتحركت السياره بعد ما سكرت الباب
يمنى: اسمعي ترا اول بنمر على البنات بعدين نروح السوق لاني ماودي اطول وخصوصا ان السخيفه مها موجوده
ساره : ههههههههههه شفتها بالمسنجر حاطه توبيك وصوره الله لا يوريك قبل لا اطلع عطيتها بلوك لاني ما ابي اسولف معاها
يمنى: محد قالك عطيها انا فحطت عندي قلت لها ما عندي مسن ما ادخل النت كثير
ساره: صعبه هي تدري اني ادخل ومعاي بالمنتدى يعني بتشوفني داخله وانا اقولها ما ادخل خله عندها عطيتها بلوك
يمنى: احسن
كملووا مشوارهم وهم يسولفون عن البنات الي بيروحون لهم يوم قربوا عند البيت الي فيه الجمعه
يمنى: الله يعينك الحين على وينك وليش ماتجين ومدري وشو
ساره: عادي بقول لهم انا ما احب طلع الا مع اخوي
يمنى: والي يرحم والديم لا تجيبين طاري اخوك
ساره بستغراب : ليش عاد؟؟؟؟؟
يمنى: لانك ان فتحتي سالفة اخوك ما بتخلصين من السنتهم ومن اسألتهم الي مالها داعي
ساره: طيب وش اقول
يمنى: اي شي غير انك تجيبي اسم اخوك
دخلوا البيت لان الباب كان مفتوح معروفه ان اي وحده منهم تدخل من غير لا تدق الجرس لان هذا المكان الوحيد الي يجتمعون فيه البنات بدون لا يخافون ان فيه رجال لان صاحبة البيت ساكنه بلحالها بعد ما تطلقت من زوجها وما عندها الا ولدين وكلهم صغار ما تجاوز اكبر واحد فيهم سادس ابتدائي
لطيفه الي هي صاحبة البيت شافتهم وهم داخلين: هلا هلا يا مرحبا شوفوا بنات من جانا
كلهم لفوا على مكان الباب وقاموا يسلمون
مها: اهلييين هلا والله شخباركم وش مسوين
ساره : بخير الله يسلمك كيفك انتي
لطيفه : لالا ما اصدق ان ساره ويمنى تعطفوا على الشله وجاوا يزورونا
يمنى: شدعوه عاد بس ترا الدنيا مشاغل
دلال وهي تسلم: الا انتوا ماتبون تجون ولا كل يوم تقريبا احنا نجتمع
ساره: شدعوه دلول ترا انا توني راجعه من عند خالتي يعني مالحقت ارتاح وجيتكم
سلموا على باقي البنات وقعدوا ياخذون علوم بعض
ساره: غريبه ما اشوف ديمه بالعاده ماتترك الجمعه لو فيها امراض الدنيا
لطيفه: لا ذاك اول من تزوجت ورجلها ما يبيها تجي عند وحده مطلقه ورصت على الكلمه
ساره تبي تضيع السالفه : شخبار عيالك لطيفه
لطيفه: تمام والله مدخلتهم نادي يتعلمون السباحه ويحنون يبون مسبح بالبيت قلت لهم ان نجحتوا شريت اكبر واحد لكم
يمنى: الله يخليهم يارب وان شالله تشوفينهم رجال
لطيفه : الله كريم ان شالله يارب وسرحت بعيد
مها ولقافتها الي الكل عارفها: ساره وش اخبار اخوك؟
ساره: بخير الحمدالله
مها وتتصنع الدلع: ماتزوج ؟
ساره : لا ماتزوج ما يبي يتزوج الحين يقول تو الناس
مها: اهاااا الله يوفقه
ساره: اجمعين ان شالله
دلال وهي تضحك: تذكرين ايام المدرسه ساره يوم كنا نوقف عند الباب عشان نطالع اخوك اذا جا
ساره وجع يشيل العدو: ههههههه ايه اذكر (تسلك لها ) وكملت واذكر لمن خليتي الشرطي شوي ويسحب خالد كأنه مسوي جريمه
دلال وهي تفتح عيونها على الاخر:وانتي مانسيتي
ساره ببتسامه بارده: لا مانسيت
قاطعتهم لطيبفه لانها بداية الحرب الكلاميه بينهم: اقول ماودكم بعصير يروق الاعصاب
طالعوها وردت دلال: ماهي شينه
قدمت لهم العصير وكملوا سواليف ودخلت عليهم ريم هذي البنت مدري شتبي من الدنيا ماخذتها بطول وعرض ولا عليها من احد مساعدها انها وحيدة ابوها ومدلعها مايدري ان كثر الدلع بيدمرها
ريم: هاااااااااااااااااااااااااااي يا حلوين
لطيفه: ريمووه ووجعه خرعتينا
ريم: هههههههههههههه وهذا الي ابيه كيفكم وش اخباركم وش مسوين
مها : بشويش علينا وحده وحده عشان نرد لك
ريم : اهلييييييييييييين ساره ويمنى هنا والله انكم قطوعين
يمنى : هلا فيك ووقفت تسلم عليها ووقفت ساره تسلم بعد
ساره: انتي الي ورا الثنوي اختفيتي مررره ويوم سألت بنات عمك قالوا انخطبت
ريم وهي تضحك : هههههههههههههههههههههههههه اتزوج لا ما ابي اتزوج خلني كذا احسن
ليش اعل قلبي وهو صحيح اني انخطبت بس وهي تأشر بيدها فركش ما ابيه ماجاز لي
ساره: الله يكون بعونك دام هذا تفكيرك
مها: وش فيه تفكيرها والله فله شكلي بلحقك يا صقيقتي هههههههههههههههه
ريم: حياك مانقول لا

بالشركه وبعد ما خلص الي بيده كله رفع عينه للساعه يشوفها الساعه 5 الا ربع يعني باقي على الدوام الثاني ساعتين وربع ويخلص قرصه الجوع توه يتذكر انه ما تغدا ولا طلع من المكتب اصلا
خالد وهو يلم اوراقه ويطلع من المكتب اتجه على ماجد: ماجد انا طالع ان صار شي جديد كلمني طيب
ماجد: اوكي ان شالله ما يصير الا الخير
طلع من الشركه كلها وفتح سيارته وقط الشنطه بأهمال بالكشين الخلفي للسياره وركب وكالعاده شغل لسياره بدون لا ينتظرها مشى جوعان يبي يروح البيت يتغدا ويرتاح شوي نسى ان ساره مو في البيت وهو يمشي بأمان الله طلع له طفل يلحق كورته ما عرف وش يسوي غير انه رص على الفراااااااااااااااااااااااااامل بكل قوته وغمض عينه ويوم وقفت السياره فتح الباب ونزل يشوف الطفل لقاه يصيح شاله وسكته طلع الطفل مايصيح من الخوف يصيح لان الكوره صارت تحت السياره جا ابو الولد يركض على صوت الفرامل سلمه خالد ولده وصار يكلمه
خالد: سلامات ان الحمدالله ماصار شي
ابو الولد: الحمدالله يارب الله يهديه ما يحلى له الا اللعب بالشارع ما يبي يلعب بالحوش
خالد: قدر ولطف وتراه يصيح لان الكوره تحت السياره ولو ولدك بيطلع قوي وما يخاف
ابو الولد: ههههههههه الله يجزاك خير واسفين يالاخو
خالد:حصل خير بس انتبهوا له مره ثانيه وركب سيارته وهو يتخيل كيف لو انه صدم الولد نفض الافكار من راسه وهو يهز راسه بالنفي وكمل طريق البيت

عند البنات الي كانت الجمعه مو كثير عاجبتهم وخصوصا ان ثنتينهم يتفقون بعدم حبهم للبنت الي دخلت عليهم
ومو حابين تصرفاتها
منال الي كانت متحرره زياده عن اللزوم وتؤمن بالعلاقات بين البنات بالطرق المشبوهه كانت تتكلم مع لطيفه ورجعت تكلم ساره: اقول سوسو كانك ضعفانه صح
ساره: لالا ابد هذا جسمي ماتغير
منال: لا متأكده انك ضعفتي لاني اذكر جسمك كنتي املا من كذا
ساره بشمئزاز : لا يتهيء لك
يمنى عرفت على صديقتها وتكلمت هي: الا منال وش جديدك
منال: ابد توني راجعه من السفر ماصار لي اسبوع
يمنى وهي تحمد ربها انها سكتت عن ساره لانها لو متماديه معها بتنقلب هوشه: ماشالله وين كنتي
منال: مسافره سوريا قلت ابي اغير جو طفشت
يمنى: اها مع مين رحتي
منال: ابد مع وحده من البنات ماتعرفينها
ييمنى: ماشالله كويس الله يهنيك
منال: يسلموووووووو
دخل خالد البيت وبدا ينادي على اخته خاف عليها لانه راح عن باله انها بتطلع ينادي بس مافي حس لها ابد دور بالبيت كله مافي فايده
دق على جوالها وهو شياطين الدنيا بوجهه
عند ساره الي ماكانت مسجمه كثير معاهم سمعت صوت جوالها استأذنت منهم وراحت بعيد عن صوت الازعاج والسواليف
ساره: هلالالا خلود كان يصارخ عليها طيب انا قايله لك ليش تقعد تصارخ الحين طيب خلاص مايحتاج تصارخ انا معطتك خبر اني طالعه وبروح للسوق وبعدين شوف الساعه ترا للحين ما اذن العشا خالد بليز لا تصارخ خلاص انتهى برجع البيت سكرت وهي كل قهر الدنيا فيها ما تحب احد يصارخ عليها حتى لو كانت غلطانه وهي ما غلطت معطته خبر ورجعت للبنات ماتبي شي يبين عليها
ساره: يمنى كلمي السواق يجي
لطيفه: لالالالالا تو الناس بعد العشا بنشغل المسجل وبنستانس قعدي
ساره: لا معليه ورانا سوق ويالله يمدي على مانوصل بيأذن العشاء نبي نخلص بسرعه قبل لا يتأخر الوقت
يمنى: كلمته قالي هو برا ماراح
ساره: يله مع السلامه اشوفكم على خير سلمت عليهم وطلعت ولحقتها يمنى
ركبوا السياره وقالت للسواق يروح للمجمع قاطعتها ساره: لا روح بيتنا
يمنى: شفيييك على اساس بنروح السوق وش صار
ساره دمعت عينها: قهرني يا يمنى والله قهرني انا قايله له
يمنى: اخوك دق عليك
ساره: قعد يصارخ كأني بزره شلون لو اني ما عطيته خبر
يمنى: تعوذي من الشيطان
ساره: ماسمعتيه شلون كان يصارخ توقعت ان الكل سمعه ونا بعيده شلون لو راده عليه جنبهم بس تدرين خلاص روح ياغلام السوق
يمنى: اقول بلا هباله وروحي البيت وشوفي اخوك وش فيه والسوق لاحقين عليه
دخلت البيت فاجئها منظر اخوها الي كان مبين انه معصب حده ماعطته مجال انه يوقفها عن الباب لانها دخلت
خالد: لاكان جيتي
ساره: اللهم طولك ياروح
خالد: شوفي الساعه كم
ساره: انت الي شوف الساعه كم وبعدين انا معطيتك خبر اضن اني بروح السوق وبمر للبنات فالحركه الي سويتها مالها داعي
خالد: الحركه الي سويتها وش سويت ؟
ساره: اي طبعا ماسويت شي الغلط كله انا الي اسويه انت ما تسوي شي ياحرام وهي تمر قدامه
خالد: وين رايحه؟
ساره: رايحه غرفتي ولا هذا الشي لازم استأذن عشان اروح بعد
خالد: لا تطولين لسانك واحترمي نفسك
ساره: والله لا تقعد تحط ضغوط العمل علي انا لاني ماعندي استطاعه اني اتحمل ترا
خالد: تعالي هنا ومسك يدها الظاهر ان الكلام اللين مايفيد معاك
ساره: هد يدي لو سمحت ترا خلاص عاد ماصارت وخر وفكت يدها منه وراحت لغرفتها سكرت الباب بقوه وقفلته وقعدت وراه تبكي<<<<<الله يهديك يا خالد البنت قالت لك
على صفقة الباب حس على عمره انها فعلا معطته خبر انها بتطلع وبتروح للسوق وبتمر صديقاتها حس انها ماغلطت وماكان له داعي ان يكلمها ويصارخ عليها اذا هو نساي هي مالها ذنب راح عند الباب وصار يدق عليها ويناديها تفتح له
خالد: ساره افتحي الباب
ساره: ........................لا رد مجرد شهقات مسموعه
خالد: الله يخليك ياساره افتحي الباب
ساره : وش تبي
خالد: ساره افتحي
ساره: وش عندك بعد خاطرك تكسر يدي ولا كيف لو سمحت وخر عن الباب
خالد: ارجوك افتحي الباب
ساره: لو تدق من اليوم الى بكره مابفتحه
خالد: لا تصيرين كذا افتحيه عاد خلي العناد
ساره: ايه لأنه على كيفك تعصب وتقلب الدنيا وخلي الكل يسمع صراخك علي الي يسوا الي ما يسوا
خالد:انا ماكلمتك عند احد
ساره: ليه وصوتك العالي الي كان واصل للكل
خالد: انا اسف
ساره: مايهمني اسفك
خالد: يعني انا ما اهمك
ساره: ايه ما تهمني روح عني وصارت تصيح
خالد: يومي ما اهمك وشوله تصيحين افتحي الباب عاد
ساره:........................................ لارد
قطع عليه صوت جواله راح ياخذه من الصاله
خالد: هلا ماجد
ماجد: اهلين انت في البيت ولا برا
خالد: في البيت امر
ماجد: لا بس بجي اعطيك اوراق ومعلومات وافيه عن الشركه تبين كل تعاملاتها
خالد: اوكي حياك الله
ماجد : الله يحيك انا قريب للبيت تقدر تفتح لي الباب
خالد : ان شالله

 
 

 

عرض البوم صور ({الحيرانه دوما})   رد مع اقتباس
قديم 07-01-11, 01:34 PM   المشاركة رقم: 29
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

تابع البارت الثامن

ماجد : الله يحيك انا قريب للبيت تقدر تفتح لي الباب

خالد : ان شالله
دقايق ووصل ماجد عند البيت ودخل
خالد: هلا ماجد حياك الله تفضل
ماجد: هلا بك المهلي ما يولي والله ماكنت بجيك بس قلت اقولك اليوم لان ماابيك تفكر اكثر
خالد:عن وشو تقولي
ماجد: بعد ما طلعت من الدوام رحت اتطقس واشوف امور الشركه وجمعت لك معلومات عنها وكيف تعاملاتها وجبتها لك بهذا الفايل
خالد: اوكي مو مشكله خله اطلع عليه وباين على وجهه التعب وهو يتكلم
ماجد: خالد شفيك
خالد: سلامتك بس ماريحت زين
ماجد: انا ماجد يا خالد ماجد الي اعرفك عدل فيك شي واذا ماتبي تقول براحتك بس لا تمشيها علي انك مانمت زين
خالد وهو يتنهد : اختلفت مع اختي وعورت يدها
ماجد: ليييه عسى ماشر
خالد: طلعت ونسيت انها قايله لي ولمن رجعت البيت خفت ان صار فيها شي تناقشت معاها بحده وعورت يدها والحين ماهي راضيه تفتح الباب
ماجد: غريبه يا خالد تتصرف كذا وصراحه ما الومها انها ماتفتح لك الباب لان حركتك هذي مو عدله
خالد:...... مو عارف وش يرد عليه
ماجد: طيب ما عندك نسخه ثانيه للمفتاح لاني اتوقع انها ما بتفتح لك
خالد : اي والله جبتها الحين اروح اطلعه وادخل عليها غصب
ماجد وهو قايم للباب : وطمني والله يكون بالعون
خالد: خلك اقعد تو الناس
ماجد: خلها مره ثانيه وطلع من عنده وهو على طول راح يدور المفاتيح
في غرفة ساره قطع عليها بكاها صوت جوالها الي على طول رفعته
يمنى: الو
ساره وهي تعدل صوتها: هلا
يمنى: شفي صوتك؟
ساره: مافيني شي
يمنى: على مين صوتك مليان صياح
ساره: اختلف مع خالد تهئ تهئ تهئ
يمنى: كنت متوقعه خلاص يله باي بجيك
ساره: لا تجين انا قافله الباب وماراح افتح كانت بتقوم وطقت يدها بالارض وصرخت اااه
يمنى: ساره شفييك
ساره: مافيني شي يدي تعورني وطقت بالارض
يمنى: شفيها طايحه عليها
ساره: لا شد عليها خالد وصارت تعورني
يمنى: طيب خليني اجي اشوف يمكن يبيلك مستشفى
ساره: لا لا لا تجين انا اصلا بنام واذا صحيت اكيد بتصير احسن
يمنى : اوكي اذا صحيتي كلميني
وصل خالد عند الغرفه وحاول يفتحها وبالفعل فتحها ساعده على انه يفتح الباب ان الاقفال الموجوده من النوع الي ما تنشال من الباب يعني لمن ينقفل الباب ما ينشال المفتاح <<<اكرهم
خالدوهو يدخل للغرفه : ساره ساره ماشافها بالغرفه
ساره وهي طالعه من الحمام : خير بأي حق تدخل ولا حتى الغرفه مالي حق اني امتلك خصوصيتي فيها
خالد: ساره انتي شتقولين
ساره وهي تصد وتتوجه لسريرها: مالك حق تدخل بدون لا اسمح لك
خالد : ساره اسمعيني انا اسف
ساره:بليز لو سمحت ابي انام دخلت بفراشها وهي تبكي بهدوء
خالد:طيب انا اسف
ساره: خلاص تراني مليت من هذي الكلمه
خالد: طيب لا تصيحين خلاص ردي علي بدون لاتصيحين
ساره وهي ترجع تقعد على السرير : خلاص يا خالد الله يخليك ابي ارتاح ابي انام خلاص كانت تمسك يدها لان الالم زاد عليها
خالد: مستعد ما اوريك وجهي بس انا اعتذرت لك خلاص لا تصيرين قاسيه كذا
ساره:........................لارد سوا الدموع
خالد: تكلمي ردي علي
ساره: وش تبيني اقول ؟
خالد: قولي سامحتك وأنا اطلع على طول
ساره:....................
خالد: اوكي الي يريحك بس لا تزعلين من اي شي اسويه
ساره: وش بتسوي؟
خالد: يهمك تعرفين؟(وضحك بخاطره لان عارف انها مهما زعلت الا ان قلبها ما يطاوعها وترضى بسرعه)
ساره: بتتكلم ولا شلون نفذ صبرها
خالد: بطلع من البيت ولا عاد تشوفين وجهي
ساره طارت عيونها: وانا تخليني لمين؟
خالد وهو يقرب عندها : علاج هذا الشي انك تقولين انك مسامحتني
ساره: ومن قالك اني زعلانه
خالد وو يمسح دمعتها: دموعك تقول لي
ساره: لا مو زعلانه بس يدي تعورني
خالد:الله يريحك يارب شفيها يدك الله يقطع يدي ان شالله
ساره : لا بسم الله عليك لا تقول كذا
خالد: قومي نروح المستشفى
ساره: لا ما ابي ودموعها تنزل
خالد: ساره لا تعاندين
ساره: لا لا ما ابي وصاحت اكثر
خالد: لا تصيحين شفيك هالكثر تعورك وحضنها
ساره: ابي امي
خالد: أشششش خلاص ارتاحي ما بيصير الا الخير
نامت بسرعه كأنها طفل محتاج للنوم عشان يريح جسمه ونام هو معاها وهو يفكر بيدها ويدعي ربه ان ما يكون فيها الا الم بس وما صابها شي ثاني ومتأثر كيف قالت ابي امي معناها انها مو مرتاحه وودها تكون امها موجوده عشان تشيل عنها التعب نام وماحس على نفسه لانه من اساس هو تعبان

ياترا وش راح يصير هل بتضل يد ساره توجعها ؟
وش راح يصير بحياتهم بعد هذا الخلاف؟
قراءه ممتعه

 
 

 

عرض البوم صور ({الحيرانه دوما})   رد مع اقتباس
قديم 08-01-11, 06:23 PM   المشاركة رقم: 30
المعلومات
الكاتب:
اللقب:
ليلاس متالق


البيانات
التسجيل: Jun 2010
العضوية: 174870
المشاركات: 941
الجنس أنثى
معدل التقييم: loubana عضو على طريق الابداعloubana عضو على طريق الابداع
نقاط التقييم: 181

االدولة
البلدMorocco
 
مدونتي

 

الإتصالات
الحالة:
loubana غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 



* * هلآآ و غلا أختيييييي يسلموووووووووووووو ...**

شكل خالد مرات يجيه زهايمر ههه مسكينة قالتلوو إنها خارجة و فوقها بعتتلوو مسج ...
بس الله يهديه ليش يصرخ عليها و عارفها حساسة...

مشكوووووره حبيبتي بإنتظار القادم واصلييييييييييي

** أختك لبنى**

 
 

 

عرض البوم صور loubana   رد مع اقتباس
إضافة رد

مواقع النشر (المفضلة)

الكلمات الدلالية (Tags)
يا اخوي يا عزوتي يا ضحكتي وبكاي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t153358.html
أرسلت بواسطة For Type التاريخ
Untitled document This thread Refback 26-12-10 09:00 AM


الساعة الآن 12:16 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية