لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 31-12-10, 05:22 PM   المشاركة رقم: 21
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

البارت السادس

في السياره كان الصمت هو سيد الموقف يعم المكان كله الا من صوت مكيف السياره وهو يوزع البروده بأنحاء السياره

قرر يتكلم ويقتل السكوت الي مو عاجبه ابد
خالد: وش فيك ساكته
ساره:مافيني شي
خالد: يعني مو زعلانه
ساره:ليش ازعل هو في سبب يخليني ازعل
خالد: لا بس كنت ابشوف شفيك ساكته
ساره وهي تسند روحها اكثر على الكيشن : ابد سلامتك
خالد: ساره
ساره: نعم
خالد: ليش وجهك كان منتفخ يوم نزلتي تفطرين
ساره: عادي الواحد اذا نام وشلون يصير وجهه يعني؟
خالد: يعني تقنعيني انك كنتي نايمه؟
ساره: اوووه بسابع نومه ولو مو فطوم رشت علي ماي ماكان قمت تبي تقهره
خالد: مو انا الي تكذبين علي واصلا واضح انك كنتي تصيحين ومن قوة الصياح صار وجهك كذا
ساره بنفعال: وانت يهمك يعني اصيح ولا ما اصيح
خالد:..............................
ساره وهي تكمل: وبعدين ما اضن ان هامك اني اجي معاك ولا لا لان لو هامك على الاقل كان عطيتني خبر مو تخليني زي الهبله الي ماتدري عن شي
خالد: .................................................. ...........(الله ياساره كل هذا بقلبك وتقولين مافيني شي)
سكتت شوي وبعدين رجعت كملت: اصلا لو اني قاعده عند خالتي واجد احسن على الاقل قدرتني وجات قالت لي انك بتمشي مو مثلك ما تكلمت الا يوم خلاص ماكان فيه مجال اني اقول شي (ولفت عنه بقوه على الشباك)
خالد:والله ياساره انا ما ادري انها بتكلمك ولا ادري ان بيطلع لي الشغل والفكره كلها فكرة فارس هو الي قرر وقال لخالتي واذا انتي مو مصدقه الحين دقي على فارس وسأليه
ساره وهي تطالع الشارع: مو داقه على احد
خالد: يعني زعلانه للحين
ساره: ويهمك زعلانه ولا موزعلانه
خالد: وشلون ما يهمني يالغاليه كم عندي من اخت ماعندي الا انتي وشلون ما تبيني اهتم يا بعد عمري انتي
ساره:............................
خالد: ساره ما ابي ادعي على نفسي لاني اعرفك تكرهين هذا الشي
ساره:...................
خالد بمكر عشان تكلمه: اهااا يعني عادي ادعي طييييب ان شالله يارب اموو
قاطعته ساره وهي تضرب كتفه : ووجع ان شالله زييين يالسخيف تراك بايخ وسخيف وكل شي وصارت تبكي
خالديمثل ان الضربه عورته: اييييي وش ذا الوجع الي تدعين فيه وعلى طول يصيبني الله يخليك لا تدعين علي
ساره: بايخ والله
خالد وهو يضحك :ههههههه انا بايخ وسخيف وسامج ومليق بس اهم شي اغلى الحبايب ما تزعل علي
ساره: والله مازعلت بس انت عارف اني ما اقدر اخليك ترجع لحالك وخالتي احرجتني وفاجئتني ما قدرت اقول شي
خالد: والله ياسوسو ما ادري انها بتقولك قبلي
ساره بعتب: وانت ليش ما قلت لفارس لا
خالد: والله اني قلت له وقلت مستحيل ساره تقعد قالي ما عليك بتكلمها امي وبترضى سكت لاني عارف انك ماراح ترضين لكني تفاجئت يوم جيتي المجلس وانتي مسويه انك راضيه وعاجبك القعده
ساره:لانك قهرتني حسيتك متقبل وضع قعدتي حبيت انرفزك زياده
خالد: هههههههههههه مو تنرفزت كان وددي اصيح ههههههههههههههه
ساره: احسن تستاهل يالدب
خالد وهو يطالع نفسه: انا دب انـــــــــــــــــــا دب الله يسامحك بس حطمتيني
ساره: هههههههههههههههه بايخ
خالد: واحلى بايخ بس وكمل بجديه وهو يمسك يدها بس لا تخليني اشوفك حزينه لان هذا يجرحني يالغاليه
ساره بنبره كلها حنان وحب : بسم الله عليك يا خالد وطول ما انا معاك ماراح ازعل ولا احزن
كملووا الطريق ساره كانت دايخه لانها مانامت وخالد ما حب يسولف معاها يبيها ترتاح استسلمت للنوم
وصلوا لبيتهم وخالد هالكه التعب لانه مانام زين وفوق هذا هو الي يسوق وما ريح ابد
خالد: ساره ساره ترا وصلنا
ساره وهي تتمغط : الحمدالله على السلامه
خالد: الله يسلمك يله نزلي
ساره : طيب انزل غير وريح شوي بعدين روح
خالد:لا لا خليني اروح واخلص مره وحده وبعدين اجي اريح
ساره: طيب براحتك انتبه على نفسك
خالد وابتسامه : حاضر يا امي تبين شي بعد
ساره: لا ما ابي شي بس قبل لا توقع اقرا زينن وتوكل على ربك
خالد: ان شالله
ساره وهي تسكر الباب: يله حرك
خالد: دخلي البيت اول
دخلت ساره البيت وحرك خالد متجه لشغله وهو فكر يوديه وفكر يجيبه ومتخوف ان يصير شي ويخرب شغله كله

في البيت بالتحديد بغرفة ساره تمسك جوالها وتدق الرقم الي حافظته
ساره: الووو
يمنى: هلا والله كيفك
ساره: بخير الحمدالله انتي شلوونك
يمنى : بخير بس انتي ليش دقيتي انا دريت انك وصلتي من ارسلتي المسج
ساره: انا الحين بالبيت
يمنى: بالبيت؟!!!!!
ساره: ايه رجعنا بعد الفجر
يمنى: عسى ماشر وشوله رجعتوا توكم رايحين
ساره: خالد صار عنده شغل واضطر يرجع
يمنى: اهاااااااا الحمدالله على سلامتكم اجل
ساره: الله يسلمك وتوي داخله البيت قلت خلني اكلمك
يمنى: احم احم لهدرجه انا مهمه
ساره: يعني مسويه انك ماتدرين انك اختي الي احبها
يمنى: الا ادري بس استعبط
ساره: لا عاد تستعبطين مره ثانيه لا اسكر بوجهك
يمنى: ان شالله خلاص اتوب وش بتسوين الحين
ساره: ولا شي بنام لاني مانمت زين واحس اني تعبانه حيل
يمنى: اوكي نوم العوافي ان صحيتي كلميني
ساره: ان شالله مع السلامه
قفلت الخط ودخلت تروشت عشان يخف الم راسها شوي ولبست بجامتها ودخلت لفراشها الي ما طولت فيه الا وهي بسابع نومه
نوم العوافي يا عمري ^_^
في الشركه الي كانت ماشيه زي الالف والفضل يرجع لماجد الي ما يرضى الا بالكمال وما يبي اي شي ينقص ولا يقل عن مستوى الامتياز
دخل خالد لمكتبه: السلام عليكم
ماجد: وعليكم السلام ورحمة الله وبركاته عسى ما تعبت بالطريق
خالد: الحمدالله على كل حال تعرفني يا ماجد ما برتاح الا لمن يتسر كل شي ان شالله
ماجد:الله يكون بالعون ان شالله ثواني واجيب لك المعلومات الي جمعتها عن الشركه
خالد الي ضغط الانتر كوم وطلب من الفراش يجيب له قهوه تفكك الصداع الي شاق راسه من النص
خالد: اسرع يا ماجد ابي اقراه قبل لا يجي المندوب حق الشركه
ماجد:تفضل وهذا المعلومات وان شالله تكون وافيه
خالد الي بدا يفتح الفايل :الله يعطيك العافيه يا ماجد
ماجد: بالخدمه يا استاذي الفاضل ولا تنسى اني قبل لا اكون سكرتيرك انا صديقك واخوك والي يضرك يضرني
خالد: ونعم الاخوه والله الله لا يخليني منك
ماجد توجه لمكتبه ودخل الفراش وبيده القهوه
ايمن الفراش: تفضل يا استاز خالد(سوداني)
خالد: شكرا يا ايمن حطها على الطاوله من غير لا يرفع عينه عن الفايل الي بيده كيفك يا ايمن
ايمن: بخير يا استازي نشكر ربنا
خالد: عساك راضي عن شغلك معانا بس
ايمن: الحمدالله والله ما الاقي زيكوم ابدا لانكم مامقصرين معايا بحاجه ابدا
خالد: دامك مرتاح هذا اهم شي عشان نشرب المشروبات الذيذه من تحت يدينك وحنا متطمنين انك مرتاح
ايمن: الله يسلمك يا استاز ويعلي قدرك
خالد الي رفع عينه عليه : بس وجهك ما يقول انك مبسوط يا ايمن خير فيك شي محتاج شي؟
ايمن: لا داير الشتا قريب وبداية سخونيه بيعيد عنك
خالد بهتمام : خلاص اطلع ارتاح وكلم الفراش الهندي يجي مكانك
ايمن: لا يا استاز بأجلس الين ينتهي الدوام
خالد: اوكي الي يريحك بس بكره لا تجي صحيح ان بنفقد القهوه الحلوه بس راحتك تهمنا
ولف على الانتركوم : ماجد جيب الشروط الجزائيه الي حاطتها شركة الـــــ (الي بيجي المندوب حقها بعد شوي)
ايمن يكلم نفسه بصوت مسموع: معقوله نكون حنا المقصودين لالا مستحيل
طالعه خالد: حير يا ايمن فيك شي وكمل وهو يضحك ههههه ترا إجازتك براتب لا تحاتي اهم شي صحتك
ايمن:لا يا استاز ماكدا الموضوع وسكت
خالد: ايمن وش السالفه قولي يمكن اقدر اساعدك
ايمن : انا ابغى اقوليك بس اخاف انك تزعل مني ولا تضايق
خالد: لا ماراح ازعل منك ولا اضايق قول يا ايمن
ايمن: انت تعرف ايش عن هذي الشركه الي طلبت اوراقها من الاستاز ماجد
خالد: والله يا ايمن ما اعرف شي غير الي مكتوب بالفايل الي قدامي انها شركه كويسه ولها باع طويل بالعمل والحين ماجد بيجيب لي فايل الشروط الجزائيه ليش فيه شي؟
ايمن:لو طلبتك يا استاز انك ما توغع مع هزي الشركه عليك وجهه الله يا استاز ما توقع
خالد الي مستغرب من ردة فعل الفراش: خير يا ايمن وش فيه طيب علمني
ايمن: اي اي انا اقوليك السالفه شنو السالفه انوهزي الشركه عليها مديونيه كبيره وتبغى تورط الشركه الي بتعقد الاتفاغيه معاها بكل حاجه وتطلع هيا زي الشعره من العجينه عليك وجه الله يا ايستاز لا توغع
خالد الي من جد مستغرب: وانت شدراك يا ايمن الشركه شغلها نضيف وتاريخها مافيه اي انتكاسه تكلم يا ايمن شدراك
ايمن: يا استاز انا دايم اجلس مع صحابيي الفراشين ونسولف مع بعز والفراش الي بالشركه الي قلت اسمها هو الي داير يتكلم على هزي الشركه ويقول الي قلتوه ليك
خالد:..................
ايمن : عليك وجه الله يا استاز لا توغع
خالد اثار الصدمه ما راحت: خير ان شالله مشكور يا ايمن يعطيك العافيه
ايمن: لا يا استاز لا تشكرني انا اشكر ربي اني سمعتا اسم الشركه الحمدالله ياربي
خالد: تقدر تنصرف يا ايمن ولا تجي بكره خذ اجازه مفتوحه لين تصير كويس وتراه راتبك ماشي
ايمن: العفو يا استاز الله يبعد عنك ولادين الحرام ياربي ويخليك دايما غايضهم بزكائك وبتواجدك بالسوق
خالد الي طلع عنه الفراش وهو منصدم كيف كان راح يوقع وبيتوهق معاهم ماحس بماجد الي دخل ولكلمه وحط الفايل للشروط الجزائيه وطلع

في البيت وفي غرفة ساره الي كانت مسكره كل الستاير بضمير عشان ما يدخل نور الشمس لها لان النور بيزيد صداع راسها
حست على هز الجوال جنبها فتحت عينها بكسل وما ودها تفتحها رفعت الجوال وبدون لا تشوف الرقم
ساره: هممممم
يمنى: يالدبيه للحين نايمه وبعدين انا ماحذرتك كم مره لا تردين وانتي نايمه لا يطلع واحد ويغرم فيك وبصوتك
ساره:...................................... نايمه
يمنى: سويرررررررره بصوت عاله
ساره: اووف شفيك تصارخين خرعتيني ترا
يمنى: يله قومي خلصت صلاة العصر ترا وانتي ما صليتي الظهر
ساره الي استوعبت انها مسكره الستاير : طيب طيب باي بصلي وبكلمك
قامت تركض للحمام توضت وغيرت الي عليها ورجعت فتحت الستاير وهي تستغفر ربها انها نست توقت الجوال لصلاة الظهر صلت الظهر والعصر مع بعض وطلعت للصاله
جلست تدق رقم بيت يمنى : الوو
جاها صوت ولد صغير وعرفت انه اخو يمنى الصغير إبراهيم : الو نعم
ساره: هلا برهوم كيفك شخبارك
ابراهيم: بخير من معاي ولو سمحتي انا ابراهيم مو برهوم
ساره: يا حليلك اسفه يا ابراهيم وهي تمسك ضحكتها وين يمنى
ابراهيم وهو يقط السماعه: يمنى وحده تبيك
يمنى: مين
ابراهيم: مادري وبعدين قولي لصديقاتك اسمي ابراهيم مو برهوم
يمنى: هههههههههههههه ان شالله وراحت للتلفون الو
ساره: هههههههههههههههههههههههه شــــ هههه شــفيه اخوك ههههههه
يمنى: سويره يالهبلا بطلي ضحك ويقولك اخوي اسمه ابراهيم مو برهوم ههههههههههههه
ساره : يازينه يايمنى يوسع الخاطر عصب من جده هههههههههههههههههههه
يمنى : ماعلينا كيفك انتي بخير ان شالله خف عليك الصداع
ساره: ايه الحمدالله
يمنى: اخوك جا
ساره: لا والله ماجا غريبه تأخر قال بيخلص وبيجي
يمنى: طيب شرايك تكلمينه ونطلع السوق لاني ابي كم غرض وبعدها نمر عند البنات لاني ما ابي اروح لحالي
ساره: لا مافيني تعبانه خليها بكره
يمنى : لا ساااره ليه مو اليوم؟
ساره: يمنى والله تعبانه مافيني حيل اروح جسمي متكسر على الاخر انتي تعالي عندي
يمنى:لا مو جايه
ساره: ليش زعلتي يعني؟
يمنى: لا مازعلت بس انتي عارفه ان اوك بيجي ويبي يتغدا ويرتاح
ساره: اوكي براحتك
يمنى: خلاص اجل ان شالله بكره نروح للسوق
ساره : على خير
سكرت التلفون وذكرت انها ماسوت غدا وتمنت لو البيت فيه شغاله مالها خلق تنضف
دقت على المطعم وطلبت لها ولخوها غدا وصارت تمسح البيت وترتب الاشياء وتشيك على الثلاجه وش ناقصها عشان تسجله بورقه وهي تدندن
انا انا وانت انت لك كيانك لي كياني ماخضع لقانون كيفك سلطتك رايك هواك سلطتك رايك <<<<<جديده على الروايه ^_^

بالشركه وفي مكتب خالد


خالد: ماجد
ماجد: نعم استاذ
خالد: ماجا الاستاذ الي يبي يقابلني
ماجد: لا والله يا استاذ ماجا
خالد: ماعندك له ارقام
ماجد: الا الحين ادق واشوفه
خالد: ايه استعجله لاني حدي تعبان
ماجد: حاضر استاذ ان شالله
في الوقت الي بدا يدق الرقم ماجد دخل عليه الرجال : السلام عليكم
ماجدوهو يوقف وعليكم السلام توي بدق عليك
...: اسف على التأخير
ماجد : حصل خير تفضل المدير بنتظارك
ودخله على خالد الي كان سرحان بالشركه الي ماكان راضي عنها وانه بيرجع يكلمهم ويشوف اذا لقوا متعاقد ولا باقي
.....:السلام عليكم
خالد الي وقف بادره بالمصافحه: وعليكم السلام ورحمة الله وبركاته تفضل
....: زاد فضلك طبعا انا اسف اني تأخرت كل هالوقت
خالد: حصل خير وش تشرب
..... : شكرا جزيلا خلنا ابالعمل ما ابي اشرب
خالد: تفضل
بدا يشرح له وهو مو معطيه اهتمام لانه عارف نوايهم وهو يرفع وينزل ويعطيه الرطب بعز الشتاء عشان يوافق على التوقيع
...: وبس هذا الي عندنا
خالد:................... سرحان وتعبان
.....: لو سمحت انت مو معاي
خالد:الا معاك بس للأسف اعتذر لك ما ينفع نتعامل مع بعض
...: ليش بالعكس انتوا شركه راقيه جدا بالتعامل والكل يتمنى يتعامل معاكم
خالد بكبر: بس انتو ما عجبتوني
.... : لو سمحت عن الغلط
خالد: انا ما غلطت انت قلت رايك وانا قلت رايي وبين البايع والشاري يفتح الله على ما يقولوا وقبل لا يقول شي وقف خالد وقال له: شرفني مقابلتك
... فهم قصد خالد ووقف : لي الشرف شكرا لك
طلع من المكتب ولحقه خالد الي كان مو قادر يشوف الطريق من التعب
ماجد: استاذ خالد فيك شي؟
خالد: لا مافيني بس ابي ارتاح شوي احس تعبان يله بالاذن
ماجد: الله معاك
طلع خالد وهو منتهي يبي بس ينام من قو التعب الي يحسه بجسمه تمنى لو ان بيته ورا الشركه عشان يوصل بسرعه
مو قادر يفكر بأي شي ومايدري كيف تحمل بربرة الرجال
شغل سيارته ومشى للبيت

ياترا وش بيصير لخالد ؟
بيوصل البيت ولا لا سمح الله بيصير عليه حادث؟
قراءه ممتعه





همسه: لو اعجبتكم الروايه لا امانع نقلها ولكن أأمل ان لا تنسب لغيري

 
 

 

عرض البوم صور ({الحيرانه دوما})   رد مع اقتباس
قديم 01-01-11, 11:56 PM   المشاركة رقم: 22
المعلومات
الكاتب:
اللقب:
ليلاس متالق


البيانات
التسجيل: Jun 2010
العضوية: 174870
المشاركات: 941
الجنس أنثى
معدل التقييم: loubana عضو على طريق الابداعloubana عضو على طريق الابداع
نقاط التقييم: 181

االدولة
البلدMorocco
 
مدونتي

 

الإتصالات
الحالة:
loubana غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

السلام عليكم...
مشكوووووووووووووورة أختيي ..الحيرانة ... بارت روعة و الحوار بيجن الأخوين شيق
يسلموووووووووو بإنتظار القادم عزييزتيي ....قفلة محيرة و قوية ...يارب مايصيرلوو شي ..و يوصل بالسلامة
**أختك لبنى**

 
 

 

عرض البوم صور loubana   رد مع اقتباس
قديم 02-01-11, 03:23 PM   المشاركة رقم: 23
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

فديتك يالغلا يعطيك العافيه على اطلالتك على روايتي يسلمك ربي

 
 

 

عرض البوم صور ({الحيرانه دوما})   رد مع اقتباس
قديم 02-01-11, 05:05 PM   المشاركة رقم: 24
المعلومات
الكاتب:
اللقب:

البيانات
التسجيل: Sep 2010
العضوية: 193937
المشاركات: 63
الجنس أنثى
معدل التقييم: انثى تختصر النساء عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
انثى تختصر النساء غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

.:.خالد.:.
لن يصل لبيته
هكذا يقول عنوان الرواية

لكن كيف سيكون ذلك؟؟
وكيف سيكون تصرف .:. سارة.:. ؟؟؟

بانتظارك دائما

.:.دمتي بكل الود.:.

 
 

 

عرض البوم صور انثى تختصر النساء   رد مع اقتباس
قديم 04-01-11, 05:04 PM   المشاركة رقم: 25
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

البارت السابع


خالد الي شغل سيارته وهو مو قادر يحس تعب الدنيا كله بجسمه وراسه بينفجر من الصداع الي مخلي التفكير عنده صفر كان يتمنى ان بيته قريب عشان يوصل بسرعه شغل سيارته وما انتظرها لين تسخن وحرك على طول

بالبيت وساره الي خلصت من كل شي والبيت اصلا نظيف بس حبت ترتب وتضيع الطفش وخصوصا ان الكنكت ما شحنتها خلصت واسترخت تطالع التلفزيون وتقلب القنوات بلا مباله واخر شي استقرت على توم وجيري وقعدت تتفرج الحلقات الي تنعاد وتنزاد وهي تطالع وتضحك كأنها تشوفها اول مره
دخل عليها خالد والتعب هاد حيله
خالد: السلام عليكم
ساره الي وقفت وهي تشوف اخوها وجهه كيف منحقن : وعليكم السلام ورحمة الله خالد فيك شي
خالد: والله تعبان يا اختي حيل راسي بينفجر
ساره: بسم الله عليك ان شالله فيني ولا فيك
خالد لف عليها والكلام مو عاجبه : لا عاد اسمع هالكلمه مره ثانيه
وصل غرفته ودخلت وراه اخته وهي تتفحص شكله كانت شايفه التعب كيف منهكه بس ماتبي تزيد عليه
ساره: خالد ارتاح بجيب لك غداك هنا
خالد وهو يقاوم الصداع : لا يالغاليه تعبان ابي انام
ساره : والله ماتنام جوعان وكلمت بصيغة امر ادخل تروش على ماتطلع يكون غداك جاهز
خالد: ........(الله لا يحرمني منك يارب)
طلعت ساره تسخن الشوربه الي طالبتها وتسخن المشاوي لخوها على ما يخلص ترويشته
وما طلوت على اخوها الي رجعت لها بسرعه ولقته توه طالع من الحمام وقاعد ينشف شعره بالفوطه
ساره: وهذا غداك جاز
خالد وهو يبتسم: الله الشوربه الي احبها
ساره:اشربها كلها عليك بمليون عافيه يالغالي
خالد خذ الملعقه وقعد يشرب بس مو قادر الصداع شال راسه مو مخليه ستطعم بشي ساره كانت تتأمله وهو يشرب وعارفه ان فيه شي بس ما حبت تسأل لانها عارفه اخوها بنفسه بيجي يقولها من غير ما تسأل شرب شوي من الشوربه وحطها وسمعته يقول الحمدالله
ساره : سلامات خالد يعني انك شبعت
خالد: والله ياساره مالي نفس اكل تعبان والله
ساره: طيب بس شوي كل وبعدين نام
خالد: طيب خذ لها قطعة كباب وحطها بخبزه وصار ياكلها بشويش ومبين انه ماله نفس ياكل بس عشان يساير اخته الي عارف انها ماراح تخليه الا لين ياكل رن جوال ساره وشافت رقم يمنى وهي تقوم من عنده : يله اكل شوي واجي وعطت يمنى بزي عشان تكلمها من البيت
خالد: لا تطولين بسولف معاك
ساره: ان شالله شوي بس بشوف شفيها وبرجع
ساره وهي تدق رقم صديقتها: الو هلا يمنى
يمنى : اهلين سوسو شقاعده تسوين
ساره: ابد كنت قاعده مع خالد يتغدا
يمنى: امممم خلاص روحي كملي غداك
ساره: انتي من وين تسمعين اقولك هو يتغدا انا تغديت وخلصت
يمنى : طيب قلتي له عن بكره؟
ساره: لا ماقلت له جاي تعبان اذا قام ان شالله بقوله والحين يله قلبي يور فيس لانه يبيني
راحت تركض لغرفة اخوها لقته متمدد ونايم بدون لا يتغطى من قو التعب الي فيه والصنيه جنبه ماشالها
ساره: يا بعد عمري حتى ما كمل اكله شالت الصينيه وطلعت وسكرت الباب عليه وصلت للمطبخ وحطت الصينيه وتوجهت للصاله ودقت على صديقة عمرها
ساره: الو السلام عليكم خالتي
ام يمنى او بالاحرى ام ابراهيم: هلا وعليكم السلام هلا حبيبتي كيفك
ساره: بخير خالتي كيفك انتي ان شالله بخير وكيف السكر معاك
ام ابراهيم: الله يسلم قلبك ياربي ان شالله اني بخير وما اشكي باس
ساره: يارب دوم يا خالتي يمنى عندك
ام ابراهيم: دقيقه بس وصارت تنادي على بنتها
يمنى: الو
ساره: ووجع وشوله ما تردين تفشلت عند خالتي وانا اصرخ بذنها
يمنى: قلتي لي انك بتروحين عند اخوك وشدراني
ساره بنبره حزينه: نام المسكين حتى ماكمل اكله
يمنى: هو مارتاح لمن رجعتوا
ساره: لا والله على طول راح الدوام يخلص شغله
يمنى: الله يكون بعونه ان شالله الا ماقلتي لي انبسطتوا عند خالتك
ساره: والله ما امدانا نقعد الا احنا راجعين الصبح
يمنى: يله خيره
ساره بحماس : فااااتك يا ميمي والله صار شي ما توقعته
يمنى والي تحمست من حماس صديقتها : وشو قولي انخطبتي ولا وشو
ساره: ههههههههه لالالا يا الخبله اسمعي وصارت تقول لها عن سالفة خالد ورجعته وكيف خبو عليها بالتفصيل الممل طبعا بنات وفاضيات ماعندهم شي يعني اكيد بيفصلون بكل شي <<<<مو شغلك ^_^

في بيت ام فارس ولو احس اني من زمان ما تكلمت عنهم
فاطمه: يمه وين جوالي
ام فارس: وانا وش يدريني تقطينه وتقولين لي وينه
فاطمه: وين اقطه يمه كنت حاطته هنا وتأشر على الكنب ياربييييييييييييي وين راح وفارس مو هنا عشان يدق عليه
ام فارس: احسن عساك ماتلقينه اصلا مادري وش لك فيه
فاطمه الي شوي وبتصيح: يمه اقولك وينه وابيه تدعين اني ما الاقيه
ام فارس:....................مو مهتمه لحوسة بنتها على الجوال
فاطمه هي تنزل راسها تحت الكنب: ايييييييه الله ياخذك من جوال وش داسك هنا
ام فارس: الحمدالله والشكر بس يا مثبت العقل
بدخلة فارس وهو يشوف الصاله محيوسه
فارس: السلام عليكم ويحب راس امه وش ذا الحوسه يمه
ام فارس +فاطمه: عليكم السلام
ام فارس: اسأل هالخبله الي لها ساعه تحوس على ذا الغبر الي بيدها
فاطمه : جوالي ضاع ولازم اشحنه عشان الشغل وتوي لقيته يله سي يوو وبتتوجه للدرج
فارس: لحظه وهالحوسه من بيرتبها
فاطمه: بنادي الشغاله
فارس بحزم وبعصبيه من اهمال اخته : لا انتي الي بترتبين الحوسه ذي كلها مو الشغاله والحين بعد
فاطمه تطالع امها تبيها تشفع لها ام فارس ماعبرتها وتطالع التلفزيون
فاطمه : اووووف بس الله ياخذني زين
فارس وهو يجلس جنب امه ويشوفها ترتب عشان يقهرها ازيد: لا مو الحين بعد ماترتبين موتي براحتك هههههههه
فاطمه: سخييييييف وهي تغلي من داخلها
خلصت الترتيب والحين ممكن اروح يا سيدي لغرفتي
فارس ببرود وهو يمسح يده بكلنكس عن التفاحه الي كان ياكلها : تفضلي يا جاريه انصرفي
راحت تركض وهي تتحلطم عليه ويسمعون طقطقة شبشبها بالدرج الي يبين انها معصبه
ام فارس: يمه فارس تراك قاسي على اختك
فارس: يمه انتي تدرين اني احبها وما اقدر على زعلها بس ان عاملنها بهواها بيصير عاده عندها الاهمال
مو عدله يمه كل شي تخربه ويجي الغير يصلحه خلها شوي تتعب عشان تعرف ان الي ينظف يتعب بعد
ام فارس: والله يا وليدي انا ما ودي اضغط عليها صحيح انها موظفه بس ترا عقلها مو ذاك الزود ومتأكده انها الحين تصيح بالغرفه
فارس: يمه الله يخليك الله يخيلك لا شفتيني اتكلم معاها بشي يفيدها لا تسكتيني لانك بتقوينها علي انا مستحيل اضرها ومستعد افديها وافديك بعمري بس الغلط غلط
ام فارس بسم الله على عمرك يمه
فارس وهو يحب يد امه : وعمرك يالغاليه الله لا يحرمنا منك يارب

نرجع لسارونه الي بعد ما هذرت مع صديقتها وخلصت حست بالطفش بلحالها
ساره: اوووف لو النت عندي كان شفت المنتدى وش مسوين ياربي شسوي شسوي راحت لغرفتها وجابت منها دفتر صغير وقلم وصارت تكتب في دفترها الصغير
لا املك شيء كبير ولكني املك قلباً مليئاً بالحب لكل الناس
يجعلني اشعر بأني اميرة هذا الكون
يؤلمني كثيرا حين ارا نظرات من حولي وهي تصغر من قدري
ولكني اعلم ان الشجره المثمره دائما ترمى بالحجاره
لكي يجني الناس ثمارها لا يهمني ابدا ان ارى هذه النظرات
ولكن لو استطيع فقد التخلص من احساسي بالغلط تجاه نفسي
عندما ارا هذه النظرات
سأحاول وسأحاول جاهده وانا اعلم وايقن ان قمة الانتصار
ان ترسم البسمه حين يُنتظر منك ان تبكي <<<<<<بقلمي انا
صحت من اندماجها بالكتابه على صوت اخوها
خالد: ساره ليش ماصحيتيني
ساره : والله يا خالد ماشفت شكلك يكسر الخاطر ما حبيت ازعجك وماوراك شي خلك مرتاح
خالدبعتب: بس شوفي الساعه كم الحين يعني راحت علي صلاة العشا ومتى برجع انام بيتخربط نومي
ساره: لا ان شالله مو متخربط ولا شي
خالد: احس اني للحين تعبان مع اني نمت كثير
ساره: ايه لانك اجهدت نفسك ولا ارتحت اكيد بتتعب بسوي لي شاهي تبي؟
خالد: اي والله ابي اذا ما عليك كلافه
ساره: هههههههههههه خالد وش كلافته بشيل جبل ترا التعب على الغلايه
خالد: المهم ابي ولا تكثرين سكر
ساره : ان شالله راحت للمطبخ وجهزت اكواب الشاهي وشغلت الغلايه جهز الشاهي ورجعت للصاله
ساره: الا ما قلت لي وش صار على شغلتك المهمه ؟
خالد: والله يا اختي لو ربي مارحمن كان توهقت
ساره: خير ان اشالله وش صار
خالد: انكشف لي شي خطير كنت غافل عنه
ساره وهي تحط الكوب وتتربع على الكنب : وشلووووون
خالد: ابد شفت الاوراق وعجبتني الشركه وقبل لا يجي مندوبها كان عندي الفراش وسمعني اتكلم عنها وفهمني هم وش ناوين يسوون
ساره بعدم تصديق: يمكن يكذب عليك او متفق مع شركه ثانيه
خالد: لا ياساره هذا الفراش له عمر معي وانا ما جبرته يتكلم هو الي تكلم وبعدين لمن يكون الواحد صادق ينعرف من نبرة صوته وثقته بالكلام كان يترجاني اني ما اوقع ولو كان متفق مع اي شركه كان على الاقل قالي اسمها عشان احطها ببالي بين لي نوايا ذي الشركه وطلع من عندي
ساره: طيب هو شلون عرف
خالد: عرف وقطع عليه صوت جوال اخته
ساره:..........
خالد: ردي ردي
ساره: ماني راده كمل
خالد: ردي ماراح ازعل
ساره: خلاص كمل مو مهم
خالد: عرف من واحد من الفراشين الي يقعد معاهم ويشتغل بنفس الشركه
ساره:الله يبعد عنك عيال الحرام ويرد كيدهم بنحرهم يارب
خالد: امين ياربي الله يسمع منك
ساره وهي متجهه للمطبخ تودي كاسات الشاهي : خالد ترا بكره بطلع
خالد: وين على الله
ساره: البنات مسوين جمعه كالعاده وبمر السوق ابي اشتري اغراض ناقصتني
خالد:متى بتكون طلعتك
ساره:يعني يمكن ورا العصر
خالد: اوكي مو مشكله
ساره وهي تذكر: خالد الله يخليك الكنكت موقفه ابي شحن
خالد وهو متكيسل يطلع : سويره الحين تبيني اطلع وانا تعبان
ساره: الله يخليك والله طفشت ابي اشوف المنتدى وش مسوين
خالد: اوكي انا مو طالع بكلم البقاله بشوف اذا يوصلون
ساره: يارب يارب يوصلون
خالد:ههههههههههههههههه وان كانوا ما يوصلون اطلع مشي بعد كم ساره عندي
ساره: الله لا يحرمني منك يارب

ويمرباقي اليوم وكل واحد منهم بغرفته ساره على الانترنت تشوف منتداها وخالد بغرفته يشوف عرض الشركه الي رده
ويتمنى انهم ما اتفقوا مع احد عشان يحضى فيه هو
ويمر اليوم عليهم لتفتح عينها بتكاسل على صوت الاذان طالعت في الساعه لقت انها صلاة الفجر قامت من فراشها واتجهت لأخوها تصحيه للصلاه
ساره وهي تطق الباب: خالد صلاة الفجر
خالد:.....................................
ساره: خالد قوم صلاة الفجر
خالد:..........................في سبات
ساره: خالد ترا بفتح الباب يله قووووم
خالد:............. ايضا لا رد
ساره وهي تفتح الباب: خالد يله قوم ما يمديك ترا بتقام الصلاه
خالد: طيب طيب الحين
ساره: الحين الحين قوم لاني ان رحت ما بتقوم
خالد: لا هذاني قمت وقام على الحمام يتوضى ويجهز للصلاه
دخلت تتوضى هي بعد وتصلي طلع للصلاه مع الجماعه ويوم رجع كان يبي يشوفها صاحيه ولا نامت مر من عند الغرفه لقى النور والع طق الباب بشويش ماجاه رد وسع من فتحة الباب لقاها تقرا قران على سجادتها الله لا يحرمني منك يارب ويحفظك من كل شر كان يدعي لها بقلبه واتجه لغرفته يبي يريح لان الصداع موراضي يخف عليه من الضغط الي صار امس غافله النوم وراح بالنومه وماحس الا على صوت المنبه الي يشير له ان موعد الدوام
بتكاسل وبدون لا يفتح عينه مد يده على مكان المنبه وطفاه وانقلب للجهه الثانيه
دخلت عليه اخته: ما ادري وشوله حاط لك منبه دامك بتطفيه وبتكمل نومتك ترا الساعه 7 ونص يله صحصح
خالد: طيب ترا مو نايم بس مكسل اقوم
ساره: طيب قوم تروش على ما اجهز الفطور
خالد: ان شالله
طلعت منه وراحت للمطبخ تجهز الفطور وتحطه على الطاوله جاها بعد ما تروش ولبس ثوبه وشماغه وكان منظره ملفت وريحة عطره ماليه المكان
خالد: شرايك بخوك وهو يغمز لها
ساره: وش ذا الكشخه والله لو مو اني عارفه انك بتروح الدوام كان قلت بتروح تتزوج
خالد:ههههههههههههههه انا مدير ولازم اكشخ كذا ولا تبيني اروح ببجامه
ساه: هههههههههههههه وش بجامته يله بس تعال افطر تبي عصير ولا شاهي
خالد: ابي شاهي
فطروا وهم يسولفون وهو يحمد ربه ان ربي ما ضيعهم بعد موت امهم وابوهم اول شي بتربية خالتهم لهم وبعدها بالحنان الي غامرته ساره ومخليته كانه ولدها مو اخوها
ساره وهي تأشر قدام وجهه: هيييييي نحن هنا
خالد: ونحن ايضا

يتبع.................

 
 

 

عرض البوم صور ({الحيرانه دوما})   رد مع اقتباس
إضافة رد

مواقع النشر (المفضلة)

الكلمات الدلالية (Tags)
يا اخوي يا عزوتي يا ضحكتي وبكاي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t153358.html
أرسلت بواسطة For Type التاريخ
Untitled document This thread Refback 26-12-10 09:00 AM


الساعة الآن 09:45 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية