لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 26-12-10, 05:37 PM   المشاركة رقم: 11
المعلومات
الكاتب:
اللقب:

البيانات
التسجيل: Dec 2010
العضوية: 209274
المشاركات: 4
الجنس أنثى
معدل التقييم: مدمنة روايات عضو بحاجه الى تحسين وضعه
نقاط التقييم: 10

االدولة
البلدQatar
 
مدونتي

 

الإتصالات
الحالة:
مدمنة روايات غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
Shakehands

 

يعطيك العافيه والجاي افضل انشاء الله

 
 

 

عرض البوم صور مدمنة روايات   رد مع اقتباس
قديم 27-12-10, 02:49 PM   المشاركة رقم: 12
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

يعافيكم ربيييييييي وان شالله ان بيكون تنزيل البارتات مو متباعد ما اقدر اعطيكم وقت محدد واخلف فيه

 
 

 

عرض البوم صور ({الحيرانه دوما})   رد مع اقتباس
قديم 27-12-10, 02:50 PM   المشاركة رقم: 13
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

البارت الثالث

خالد وهو معصب ان ساره ماجات له وهو قاعد ينزل الاغراض ويصفهم عند الباب
ساره: هات عنك يا اخوي <<قالتها بدلع
خالد: لاكان جيتي كان خليتيني اشيل الشناط والاغراض الى داخل
ساره: عطني هذي اييه هذي الشطنه وتأشر على شنطة ملابسها
خالد: بس هذا الي هامك يعني شنطتك تعالي شيلي الاغراض وديهم داخل ما ابي خالتي تقعد تهاوشني انا
ساره بثقه: جيبها انا ادخلها عادي ماعندي مانع
ساره وهي تدخل الاغراض من باب المطبخ الخارجي
فارس الي كانت بالمطبخ : يمه يمه تعالي شوفي عيال اختك وش جايبين
ام فارس وهي تدخل المطبخ وعيونها على فارس: خير يمه وش فيك تصارخ
فارس: شوفي عيال اختك وش جايبين معاهم
ام فارس وعيون العتب واللوم بعيونها: وش هذا يا ساره وش انتوا جايبين يعني انتوا ضيوف ولاكيف؟
ساره وهي تحط الاغراض على الطاوله وتأشر لفارس: اييي يدي يا اخي بدال ماتشيل عني قاعد تبربر شيله عني عور يدي
وتلف لخالتها يا خالتي يا عمري انتي والله مو كذا القصد وهذا لانه بيتنا جايبين معانا شوية اغراض ولا هذا مو بيتنا
قالت هالكلمه وهي ترص عليها وتطالع فارس
ام فارس: الا بيتكم يا يمه واذا ماشالكم البيت تشيلكم عيوني
ساره وهي تحب على راس خالتها : اجل يا خالتي مافيها شي اننا نجيب معانا اغراض لبيتنا ولا شرايك يا استاذ فارس
فارس : هههههههههههه ما تنقدرين ما اقدر اقول شي غلبتيني
ساره بكل ثقه: طبعا بغلبك والحين وخر عن الباب لو سمحت بروح لخوي
وخر فارس عن الباب ليترك المجال لساره انها تطلع
وطلعت تركض لخالد الي حست انه بيهزئها من جديد لانها بطت عليه وواقف بالشمس
خالد: لاكااان جيتي
ساره: شسوي فارس فتح لي موال على الاغراض
خالد: انا قايل لك بس انتي ما تسمعين الكلام
ساره بثقه : ما عليك انا ساره و حي الله اعرف ارد عليه
وبهذي الاثناء طلت عليهم خالتهم وهم بالحوش
ام فارس: خالد ساره يمه
خالد: نعم يا خالتي
ان فارس: يمه تعالوا عن الشمس خل الشغاله تدخل الاغراض
ساره : ان شالله يا خالتي هذا احنا جاين ساره وهي تلف على اخوها
يله خالد مانبي نتأخر على خالتي اكيد حطوا الغدا
خالد: اوكي بس بقفل السياره
توجهوا للداخل ولغرفة الطعام لان الكل كان هناك الا هم قعدوا على السفره وبدوا يسكبون لهم بصحونهم الاكل
وساره تصب لخالد كاس عصير وتحطه جنبه وبدا الكل بالاكل والجو هادي ماعدا صوت الملاعق
تقطع الهدوء فاطمه بسؤلها الموجه لخالد: خالد الا شخبار شركتك
خالد وهو يرفع راسه : بخير الحمدالله وش عندك تسألين خاطرك تتوضفين فيها
فاطمه الي حطت الملعقه وطالعته : خالد شفيك انت نسيت انا صحفيه قد الدنيا وعلامة الاعجاب بالنفس واضحه من صوتها
فارس: الا قولي صحفيه فاشله ما تنقل الا الاخبار البايته
فاطمه بعصبيه: يمممممه شوفي ولدك
ام فارس : فروس اعقل عن اختك
خالد: تصدقين راح عن بالي وكمل وهو يبتسم تبيني اتكلم لك عن الشركه عشان تحطيتنه بالجريده
فاطمه وعجبتها الفكره: والله اذا ما عليك كلافه
ام فارس: اقول يا صحفيتنا خلي الولد يتغدا وبعد الغدا اسأليه الي تبين
فاطمه : رحمتك امي ولا كان طلعت عيونك بكل شغلكم
خالد: نعم ما سمعت وش تطلعين عيوني عليه لا انا شغلي على السليم وما اخاف من شي مو زي بعض الشركات شغله فوق الطاوله والف تحتها
فارس: خلونا من الصحافه وغيرها وش رايكم نرتب طلعه حلوه كلنا نطلع فيها
ام فارس وهي تحط الملعقه معلنه انتهاء اكلها : انا اعفوني من طلعتكم
فارس: ليه يمه
ام فارس : مافيني شده يا وليدي وانتوا ما تلفون الا اخر الليل اعرفكم
ساره: وانا انسحب بعد
فاطمه بحسره: ليييه سويره
ساره: والله يا بنت خالتي العزيزه راسي مصدع وبعدين انا جايه اقعد مع خالتي مو اطلع
فاطمه : على كذا من بيطلع انا وهذولا الاثنين وتأشر عليهم
فارس : ومن قالك ان نبيك تروحين معانا اصلا احنا مو ماخذينك بنطلع بلحالنا
فاطمه بحسره: لانك نحييييييييس وانت توقعتك احسن منه بتطلعني معاكم
خالد وهو يبتسم : والله يا فاطمه انا مالي شغل اخوك الي قرر الطلعه وبروح بسيارته مو بسيارتي وهو ما يبيك تطلعين معانا تأذينه ههههههههه
فاطمه وهي تحرك يدها بلا مباله : اصلا انا ما ابي اروح معاكم خبلا انا اطلع مع حسب الله وصديقه عبد العال ههههههههههههههههههه
فارس : عفوا انتي قلتي نكته ولا وشو عشان افهم واضحك اقول عن الهذره الزايده وقومي نادي الشغاله تشيل الصحون وسوي لنا شاهي
فاطمه : يممممممه شوفي ولدك
ام فارس: فارس شفيك يمه
ساره : خلاص انا بسوي الشاهي وهي توقف


فاطمه وهي تمسك بنت خالتها وتوقف: لا والله انا بسويه ولا اقعد مع ناس مدري كيف وهي تطالع فارس وكملت لساره بس ماعندي مانع انك تجين معاي المطبخ
فارس بسخريه: ماناقص الا تقولين لها حضري الصينيه وكاسات الشاهي وبراد الشاي
فاطمه بجديه وهي تروح المطبخ : رجاءً فارس لا تقعد تمزح لاني بجد مالي خلقك
ساره: الله يهديك يافارس تراها حساسه
فارس: خليها تولي زيييين وتسوي الشاهي الي بيطلع علينا سم ههههههههههههههه
وقام الكل من على طاولة الاكل وتوجهت ساره للمطبخ عند بنت خالتها الي معصبه من حركت اخوها ومغايضه الدايم لها
ساره وهي تدخل المطبخ: اقول ساره
فاطمه وهي معصبه وتحط الصينيه على الطاوله بعصبيه: هلا
ساره: شخبار بنات المدرسه
فاطمه : مادري عن اي وحده فيهم ما كأنهم يعرفوني الا اذا بغوا شي دقوا ولا غيره ما وحده ترفع التلفون وتكلمني
وانتي شخبار جمعتكم البنات كيفهم شخبارهم وللحين تروحين جمعتهم ولا كيف
ساره: والله مرات ومرات مو دايم وانا ما احب اطلع من البيت كثير
فاطمه الي خلصت من الشاي وصفت الكاسات وشايله الصينيه : يله خلينا نروح لهم ونشوف وش يحشون فيه

قراءه ممتعه

 
 

 

عرض البوم صور ({الحيرانه دوما})   رد مع اقتباس
قديم 28-12-10, 04:26 PM   المشاركة رقم: 14
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

البارت الرابع


في الصاله

خالد: الا شرايك يافارس تجي انت وخالتي وفاطمه عندنا منها تغير جو ومنها تشوفون التغيرات الي سويتها بالبيت
ام فارس: اي والله يا فارس من زمان ما طلعنا من البيت خذ اجازه وخلنا نروح
فارس وهو يقلب الفكره براسه : اوكي خلني اشوف وضعي بالشغل وبعدين روحوا انتوا ونلحقكم
خالد: بل بل تبي الفكه اثاريك قالها بأسى باين على وجهه افا ياولد الخاله
بدخلة ساره على المشهد الدرامي الي مسويه خالد: خالتي شفتي ولدك كيف يبي يفتك منا ماهقينا خالد يله يقوم نجمع اغراضنا ونمشي <<<<<تهبل في فارس مع اخوها
فارس: شفيكم انتوا ماسكين لي على الكلمه يا كلمه ردي مكانك انا ماقصدي كذا
خالد وهو يضحك : هههههههههههههههههه بس حبيت اعلمك اني اعرف امثل واستحق دور البطوله بعد هههههههههههههههههههههههههههه
ساره: اي اي وانا دور البطله ولا شلون وتغمز لخالد
خالد وهو يطالع جواله الي صار يدق ويشوف رقم ماجد وقف بيطلع يكلمه برا : عن اذنكم شويات بس وطلع
ام فارس وهي قايمه لغرفتها تريح شوي: فارس يمه
فارس: هلا يا امي امري
ام فارس: تعال شوي ابيك وتقدمت عنه
فاطمه وهي مقهوره ان كلهم قاموا : يعني كييييف الشاهي محد بشاربه ولاشلووون
فارس: بسك يا ام لسانين بشوم امي وبرجع
فاطمه : لا ترجع احسن بعد بشربه انا وساره
وساره تطالعهم وتضحك عليهم وعلى حركاتهم
خالد الي رجع من مكالمته ووجهه مو على طبيعته قعد وكان سرحان بين ساره وفاطمه يعني كانوا يسولفون وهو مو جنبهم
فاطمه: شوفي اخوك شفيه امد له الشاهي موب حولي على ما اجيب الكوكيز واجي
ساره : طيب خالد خالد
خالد:........... مو معاها
ساره وهي تمسك يده : خالد شفيك
خالد: مافيني شي
ساره : ضحكتني ماتشوف وجهك وانت داخل ولا سرحانك
خالد: قلت لك مافيني شي الله يخليك خلاص
ساره: طيب براحتك تبي شاهي؟
خالد: صبي لي
ساره: فاطمه صابته لك ومدته وماعطيتها وجه انحرجت وراحت
خالد: لا والله ما انتبهت لها
دخلت فاطمه وبيدها صحن الكوكيز : لا عادي ولد خالتي مو مشكله
فاطمه بنظرات فهمتها ساره تستفسر عن الي في خالد
ساره: والله مادري مارضى يتكلم
فاطمه: طيب يمكن ما يبي يتكلم وانا فيه خليني اقوم وتكلمي معاه
ساره: لا تقومين ولا تعبين حالك دام قال مافي شي ماراح يتكلم لو شنو يصير
في غرفة ام فارس الي بأبعد مكان عن الصاله لان ام فارس ماتحب ترقى الدرج كثير
ام فارس: شرايك بساره يا وليدي
فارس بهتمام واستغراب من سؤال امه : بعد شرايي فيها يمه البنت مؤدبه وخلوقه وفوق هذا تربيت يدينك يعني وش بتكون غير نسخه من فطومه بس وشوله تسألين يالغاليه شايفه عليها شي؟
ام فارس: لا يمه بسم الله عليها يعني عاجبتك؟
فارس:بنت والنعم فيها
ام فارس والبسمه على وجها: يعني نتوكل على الله يمه
فارس وفوق راسه اكبر علامات التعجب: تتوكلين على الله على وشو يا امي وش تفكرين فيه
ام فارس : اقول يعني اسمها عاجبتك والبنت خوش بنت وعشان ماتروح للغريب نخطبها لك
فارس: يمه اسمحي لي
ام فارس بحسره: وليش يمه
فارس: يمه ساره رابيه معانا واشوفها مثل ما اشوف فاطمه ما عمري شفتها غير كذا
ام فارس والحسافه على وجهه: الله يوفقك يا وليدي ويسعدك واشوفك معرس يارب العالمين
فارس: اه يا يمه هذا الي محتاجه منك لا تبخلين علي فيه
ام فارس: جعلني ماذوق حزنك يا يمه
فارس : ولا حزنك يا احن واطيب قلب على وجه الارض يالغاليه
بالصاله والصمت يعم المكان ما عدا صوت الاذان الي يعطر كل مكان
خالد: وين فارس وخالتي
فاطمه : بغرفة امي نادته وراح
خالد وهو واقف : وانا بعد عن اذنكم
توه بيطلع من الباب لحقته ساره: صحيح خالد شفيك
خالد: مافيني شي والله
ساره الي كانت عارفه ان اخوها مو خالي فيه شي: طيب ليش بس كلمت انعفس وجهك
خالد بتنهيده: اخاتي الشغل يالغاليه
ساره:اكيد ولا تخبي علي ترا اعرفك
خالد: اكيدين يا يا عمري انتي لا تحاتين شي (وش اقولك يا ساره ما ابيك تنشغلين خلك كذا مبسوطه ) طبع بوسه على خدها والحين اخليك بروح اتوضى على ما يجي فارس
ساره : اوكي وانا بعد شكلي بروح اريح الصداع ذابحني
خالد : بسم الله عليك روحي
عند المغسله وخالد يتوضى جاه فارس
فارس: حي الله ولد الخاله
خالد الي انهى وضوئه وينشف المويه : الله يحيك ويبقيك ياربي
فارس: يله شرايك نصلي ونطلع مره وحده
خالد: على امرك ما عندي شي انا
فارس: اوكي بس اروح اقول لمي عشان ماتحاتي وارجع لك
خالد: الوجهه المسجد تشوفني هناك
فارس: اوكي
طلع خالد للمسجد واتجه فارس لأمه عشان يقول لها انهم طالعين ورا الصلاه يعني عشان ما ينشغل بالها عليهم
ام فارس وهي تدور على فاطمه بالصاله مالقتها وقفت عند الدرج : فاطمه يا فطووم
فاطمه وهي تركض على الدرج: نعم مامي شفيك
ام فارس: يا بنت بشويش لا تطيحين والله انك بتتكسرين ان طحتي
فاطمه بدلع وهي تبوس امها: ماما تخفين علي
ام فارس: اقول وين بنت خالتك
فاطمه: يمه توها نايمه تقول راسها يعورها تبينها اروح اقعدها
ام فارس والحسف على وجهها: لا ما ابيها خليها نايمه بس قلت لفارس عن ساره وعيا يقولي ما اشوفها الا زي فاطمه
فاطمه الي مقدره ان امها تبي ساره لخوها: ماما يا عمري انتي اصلا ساره ماتصلح لفارس
ام فارس: وشوله ما تصلح لوليدي يعني
فاطمه : يمه فارس عصبي وساره رقيقه وهاديه ولو احد عبس بوجها صاحت وانتي عارفتها
ام فارس: يله الله يوفقها يارب ويوفقك انتي بعد بولد الحلال الي يسعدكم ويهنيكم
فاطمه وخدودها محمره : يمممه استحي
ام فارس وهي تعدل جلستها: تستحي ومن داخل تقولين امين صح
فاطمه بزعل مصطنع: افا يا امي تبين الفكه مني ولا كيف
ام فارس: مازهقت ولا شي بس كل بنت ومصيرها تتزوج ومافي ام ماتبي الستر لبناتها
بعد الصلاه وهم يدورون بالسياره
خالد: والله يا فارس مدري وش اقولك
فارس بهتمام: وش فيك اصلا من اول ما استأذنت وانت مو على بعضك
خالد: والله لازم ارجع بأسرع وقت ممكن
فارس بزعل : ما امداك جيت عشان ترجع
خالد: والله ادري بس لومارجعت راح اخسر كثير
فارس: ليش؟؟؟؟
خالد: جاي عقد للشركه يمتد الى ست سنوات متكامل من جميع النواحي ولا اقدر ارفضه وانت عارف كيف الشركات قاعده تخرب على بعض عشان تكسب الشغل هي والي جايب العقد رافض ان السكرتير يوقعه يبي مني انا الموافقه الرسميه وتوقيعي
فارس: طيب على الاقل اقعد يومين وبعدين روحوا
خالد: لاني لو قعدت يومين زي ما تقول راح العرض لغيري وماجد يقول ان كل شي اوكي وما يتفوت وماني عارف وش اسوي
فارس: خلاص ريح اليوم وامشي بكره من الصبح
خالد: وخالتي اخاف انها تزعل وتحط بخاطرها اننا رجعنا بسرعه
فارس : تروحوون؟
خالد: ايه اننا نرجع واحنا تونا جاين
فارس: لا روح انت وخل ساره تقعد كم يوم وبعدين اجيبها انا وامي برسم الخدمه
خالد: فارس انا مااقدر استغنى عنها وثانيا حتى لو وافقت هي ماراح ترضى وبتجي
فارس: ما عليك من هذا الشي وانا اذا وصلنا البيت اقول لمي ومستحيل انها ترضى لك بالخساره وساره انا بخلي فطوم وامي تكلمها وما اضن تقول لا
خالد: مع اني اشك في ذالك لكن ان رضت ماراح امانع عليها
.................................................. .................................................. ...........
ويمر الوقت بسرعه لتعلن ساعة الحائط في صالة البيت عن انها اصبحت 10 ونص مسائا
دخل خالد وفارس الي ما خلووا مكان ما راحوا له
فارس وهو يحب راس امه : السلام عليكم
ام فارس وساره وفاطمه الي كانوا قاعدين بالصاله بعد ما صحت ساره وتروشت ولبست بجامه من قطعتين بأكمام طويله ساتره : وعليكم السلام ورحمة الله وبركاته
فارس وهو يتحرك متجه للدرج : يمه ممكن ابيك شوي
ام فارس : ان شالله يا وليدي وطلعت ورا ولدها لغرفته
وتفرق الكل خالد توجه للمجلس عشان يخلي فاطمه تتحرك براحتها بالبيت وفاطمه وساره راحوا لغرفة فطوم عشان يكملون هذرتهم
وفارس وامه راحوا لغرفة فارس

ياترا وش بيدور بين فارس وامه وش بيكون ردة فعلها لمن تعرف ان ولد اختها بيمشي
هل بتوافق على هذا الشي ولا بترفض وبتزعل ؟

 
 

 

عرض البوم صور ({الحيرانه دوما})   رد مع اقتباس
قديم 28-12-10, 04:27 PM   المشاركة رقم: 15
المعلومات
الكاتب:
اللقب:

البيانات
التسجيل: Dec 2010
العضوية: 208982
المشاركات: 42
الجنس أنثى
معدل التقييم: ({الحيرانه دوما}) عضو بحاجه الى تحسين وضعه
نقاط التقييم: 11

االدولة
البلدSaudiArabia
 
مدونتي

 

الإتصالات
الحالة:
({الحيرانه دوما}) غير متواجد حالياً
وسائل الإتصال:

كاتب الموضوع : ({الحيرانه دوما}) المنتدى : القصص المكتمله
افتراضي

 

تابع البارت الرابع

في غرفة فارس
ام فارس : خير ياوليدي وش فيك
فارس: يمه مافيني شي قعدي ابي اسولف معاك ولا مايصير يعني وهو يبوس خدها
ام فارس: خير يمه خوفتني ترا
فارس: يمه وش يخوفك انا بسألك سؤال وابيك تجاوبيني عليه
ام فارس: سم يمه اسأل
فارس: لو جاني شغل ضروري وأحنا رايحين لخالد وساره بيتهم وما امدانا نقعد حتى يوم واحد وش نسوي؟
ام فارس وارتاح قلبها ان ولدها مافيه شي: طبعا نرجع لان خالد وساره نقدر نرجع نزورهم من جديد لكن شغلك ما يتعوض ان اخرته وراح عليك
فارس وهو يبتسم كيف ربي عطاه مثل هالام الي الكل يتمناها: وهذا الي ابي اوصله لك يالغاليه وماشالله عليك الله لا يحرمني منك رديتي الرد الي متوقعه منك
ام فارس:..................... مستغربه وش فيه ولدها
فارس وهو يكمل كلامه: يمه الشغل داقين على خالد ويبونه ضروري وهو مستحي انه يقولك خايف انك تزعلين انه ما قدر يقعد حتى يوم واحد وانه بيمشي بكره
ام فارس بستغراب: بكره؟؟؟؟
فارس: ايه يمه بكره لان الشغل كثير ضروري ولازم يطلع بدري مع اذان الفجر عشان يقدر يوصل
ام فارس: يروح هو لشغله ويخلي ساره تقعد كم يوم تغير جو وبعدين نرجعها احنا
فارس : نفس الكلام الي قلته له انا
وتدخل فطوم الي ما تحملت انها تصبر لين يخلصون اجتماعهم : ومن قال لكم ان ساره بترضى تقعد
فارس: يالملقوفه انتي مالك شغل وتركي اللقافه عنك مره ثانيه بحط كلب حراسه عشان اذا جيتي تتسمعين ياكلك
فاطمه : هههههههههههههههههههه انا فاطمه انت ماتعرفني زين
ام فارس: اقول عقلي بس وعن الهذره الزايده ما عليك ساره بتقعد وانا بكلمها
فاطمه: يمه ان قعدت بتقعد وهي مغصوبه عشانك كلمتيها ولا هي ما تبي تقعد لانها تبي ترجع مع اخوها ماتبي تخليه لحاله
ام فارس وهي بتطلع من الغرفه : مو شغلك يا ام لسانين
فاطمه: كيفك انا قلت لك وانتي براحتك وتمددت على كرسي فارس وحطت رجل على رجل
فارس: خير يابو الشباب يله قومي بنام انا
فاطمه : فرووس شفيك علي كل هذا تكرهني
فارس: ايه تصدقين عاد واجد اكرهك اصلا انا كنت اكلم امي عشان نفتلك ونرتاح يكلمها وهو يضحك وصاد عنها يطلع له بجامته
فاطمه بشهقه: تقتلني يا فارس هين اوريك انا الي بقتلك ههههههههههههههه
فارس وهو يمسكها من كتفها ويقومها من الكرسي : يمه يمه شوفيني تراني مره خفت قومي بس وريني عرض كتافك بنام مالي خلق حنه ورنه
فاطمه الي شاتت الباب يوم سكره : هين يافروووووووس اوريك
اووووووف ياربي ما ابي اروح الغرفه وامي فيه خلني انزل تحت اشوف التلفزيون لين تخلص من ساره

في غرفة فاطمه ساره كانت تبي تنام لانها من جد تعبانه تحس انها متكسره وماشبعت نوم
دخلت عليها ام فارس: ساره يمه انتي نمتي؟
ساره : لا خالتي للحين مانمت سمي
ام فارس: ولا شي يا يمه بس قلت بسولف معاك شوي هالفطوم ما خلتك تقعدين معاي
ساره وهي تبتبسم وتقوم من السرير : سمي يالغالي وهذا انا قاعده قولي الي بخاطرك
ساره عارفه ان خالتها عندها شي بس ما حبت تستعجل
ام فارس: ابد يا بنيتي مافيني شي بس قلت اشوفك مبسوطه بالقعده هنا ولا تبين ترجعين
ساره: لا يا خالتي انا مبسوطه واتمنى اني اقعد معاكم زي اول
ام فارس وهي تبتسم: ايه انا قلت بنيتي سويره اعرفها ما بتقول ما ابي اقعد
ساره:....................لا تعليق مو عارفه شسالفه
ام فارس: انا قلت لهم ساره ما بترجع مع خالد وبتقعد معانا لانها مبسوطه بس كلهم قالوا انك يتروحين معاه
ساره وهي ترفع عينها بخالتها: خالد بيروح وين؟
ام فارس: خالد دقوا عليه الشغل ولازم يرجع الفجر عشان يخلص شغله انا قلت لهم يخليك هنا واحنا نرجعك بعد ما تغيرين جو
ساره مو مستوعبه ان خالد فعلا بيمشي الفجر يعني بعد اربع ساعات وهي ماتدري شسالفه وماتقدر تقول لخالتها انها تبي تروح ماتبي تقعد: سمي خالتي ان شالله وقلبها يدق بقوه توقعت ان خالتها تسمعه من كثر ما يدق
طلعت ام فارس من الغرفه وهي نازله الدرج وتشوف بنتها تقلب بالتلفزيون : انا قلت لك يا ام لسانين ان ساره مو مثلك
فاطمه بستغراب: وافقت تجلس؟
ام فارس : ايه ولا قالت شي والحين يله طسي اقعدي مع بنت خالتك وخلي التلفزيون عنك
فاطمه الي طفت كل شي: اوكي ماما مع اني مو مقتنعه وطلعت الدرج تركض لغرفتها
دخلت الغرفه وشافت ساره صاده وسرحانه
فاطمه: ساره ساره
ساره: همممم وهي تمسح دموعها
فاطمه : فيك شي ؟
ساره : لا مافيني شي
فاطمه : تكذبين على مين انتي شوفي عيونك
ساره: لا بس تذكرت امي
فاطمه : الله يرحمها يا عمري طلبي لها الرحمه ولبوك ان شالله
ساره والي سمحت لدموعها تنزل : ان شالله يارب
رن جوالها وشافت المتصل خالد : نعم وبقلبها تقول توك الحين تتصل ليش ماكلمتني من قبل لا تجي خالتي
خالد: ساره وشفيك
ساره: مافيني شي انت فيك شي
خالد: لا مافيني شي بس بغيتك تعالي المجلس
ساره: اوكي شوي واجي
قامت غسلت وجهها ولبست الايشارب ونزلت لخوها
بالمجلس وخالد قاعد يفكر ياربي شلون بقولها وشلون ياربي سهل علي انها ما ترضى تقعد واخذها معاي
سمع صوت الباب ....طق طق طق
خالد: ساره محد دخلي
ساره : وهي تدخل وخطواتها تحس فوقهم جبال
خالد: ساره فيك شي تعبانه الصداع زاد عليك؟
ساره: لا مافيني شي عادي
خالد: اجل عيونك ليش متنفخه كذا وحمرا
ساره الي نزلت دمعتها ومسحتها بسرعه وسوت روحها تتثاوب: لا ابد فيني النوم وكنت بنام ونزلت اشوف شفيك
خالد: انزين قعدي بسولف معاك شوي
ساره وهي تجلس : خير فيه شي؟
خالد: انا لازم بكره الفجر ارجع عشان عندي شغله مهمه وماتصير الا وانا موجود
ساره: اوكي مو مشكله
خالد وهو يكمل وما يطالع فيها: وتكلمت مع فارس وقال ان انا اروح وانتي تقعدين كم يوم وبعدين هم يرجعونك معاهم
نزلت دمعة ساره ومسحتها بسرعه وهو يكمل قال انه بيقول لخالتي عن الوضع وبيفهمها عشان انه شغلي وما اقدر اقعد وانك انتي بس الي بتقعدين واتوقع انه قالها الحين
ساره:....................
خالد: ساره وين رحتي تراني اكلمك
ساره: طيب خالتي درت وتراها قالت لي
خالد: يعني انتي تدرين (وقتها عرف ان عيونها من الدموع صارت كذا)
ساره: ايه ادري قالت لي خالتي
خالد: وش قلتي لها
ساره: انا موافقه اني اقعد
خالد مندهش ما توقع انها توافق ابد: انا قلت لفارس انك ما بتوافقين ابد وبتصرين تجين معاي
ساره: لا انا موافقه اني اقعد عادي وفكره مررره حلوه (هين ياخالد اوريك ليش ماقلت لي عشان اعرف ارد على خالتي)
خالد: يعني بتقعدين
ساره: ايه بقعد وهي ترص على الكلام
خالد: وش فيك تقولينها كذا
ساره: كيفي ولا بتتحكم بكلامي (يارب ما اصيح لالالا لاتنزل دمعتي بيشوفها وبيعرف ان الكلام من ورا قلبي)
خالد بصوت مترجي: يعني بتخليني ارجع بلحالي
ساره ودور القوه بدا يتفلت منها: زي ما وافقت فارس على فكرته ووقفت عشان تطلع من الباب
وقبل لا تطلع
خالد: ساره
فاطمه الي طفشت بلحالها بالغرفه نزلت لعند امها تحت ودخلت عليها
فاطمه : ماما نمتي
ام فارس لا مانمت للحين شفيك
فاطمه : مافيني شي بقعد معاك شوي
ام فارس: روحي قعدي مع بنت خالتك انا بنام
فاطمه: يمه ساره نزلت لخالد وانا طفشت بروحي ماتبيني خلاص بروح
ام فارس وهي تمسكها: وش فيك انتي انا لو ما انا متأكده انك بنتي كان عرفت انك ما قعدتي ببطن الي جابتك تسع شهور
فاطمه وهي تنام على رجل امها: فديتك يمه والله لو الف العالم كله ما بلاقي احد يحبني زيك
ام فارس: وبعد كلام المدح هذا وشو عندها بنيتي
فاطمه : ههههههههههههههه يمه وش فيك حرام عليك والله مابي شي بس بغيت اقولك اني دخلت على ساره بعد ما نزلتي ولقيتها تصيح
ام فارس : من جدك ولا تمزحين انا لمن طلعت منها كانت تبتسم وعادي
فاطمه : يمه انا قلت لك ساره مستحيل تقعد من غير خالد وتبي تروح معاه بس استحت منك
ام فارس الي تبي تقوم لبنت اختها: وخري خلني اشوفها
فاطمه : سوير عند خالد بالمجلس مو بالغرفه
نرجع للمجلس
خالد وهو ينادي اخته قبل ما تطلع: ساره
بدون لا تلف عليه ساره: نعم
خالد: ان شالله تتونسين هنا وتنبسطين تصبحين على خير
ساره ماردت عليه طلعت بسرعه لا يشوف انها مقهوره انه بيروح وبيخليها وراحت تركض لفوق عشان محد يشوفها ودخلت الحمام الي بغرفة فاطمه وحمدت ربها ان فاطمه مو فيه وقعدت تصيح
ام فارس وهي تطق باب المجلس : يمه خالد انت نمت
خالد وهو يركض للباب عشان يفتحه: لا يالغاليه تفضلي
ام فارس: زاد فضلك يمه وين ساره فطيم تقول انها هنا عندك
خالد: تو من شوي راحت فوق قبل لا تجين بشوي
ام فارس: انت قلت لها انك بتمشي الفجر
خالد: ايه خالتي قلت لها وقالت انك قلتي لها وانها موافقه
فاطمه من وراا الباب لانها مولابسه ايشارب : خالد اختك تنصب عليك مهي موافقه والدليل انها قاعده تصيح فوق بالحمام ومو راضيه تفتح لي الباب
ام فارس: خلاص يا يمه خذ اختك معك
خالد:............. (اجل ليش تقولي موافقه وعاجبتها الفكره )
ام فارس وهي تأشر قدام وجه خالد: يمه خالد وين رحت اقولك خذ اختك معك والله لا يحرمكم من بعض
خالد: بس ياخالتي
ام فارس: لا بس ولا شي خلاص روحوا وانا والله مو زعلانه بالعكس انا كثير فرحانه الله لا يخليكم من بعض
خالد وخطرت بباله فكره يرد فيها على حركة اخته: فاطمه انتي موجوده عند الباب
فاطمه : ايه امر
خالد: امانه عليك لا تجيبين طاري لها انها بتروح معاي ورتبي انتي اغراضها بالشطنه
فاطمه: اصلا ما طلعتهم من الشنطه هي
خالد:اوكي امانه لا تبين لها على اساس اني بروح لحالي اوكي
فاطمه : اوكيييي بس كم لي
ام فارس: شوفوا الي ماتستحي
فاطمه: يمه خليني كيفي
خالد وهو يضحك على خبالها: ههههههههههههههه خليها ياخالتي اممممممممممم لك لاب توبي بخليه لك حلال زلال لاني شاريه توني وما استخدمته عدل
فاطمه : يسسسسسسسسسسسسس اوكي ابشر بالي يرضيك
ام فارس: طسي فوق لا اطلع اكفخك الحين
فاطمه وهي تركض من عند الباب: اوكي ولد خالتي ابشر ههههههههههههه
ام فارس: ياوليدي خذ جهازك ما عليك منها تراها خبله واخوها وعدها بيجيب لها لانها كانت بتشتري وقصرت فلوسها
خالد: يا خالتي فاطمه مثل ساره بالضبط عندي وخلها حلال عليها الاب توب انا اصلا ما حطيت فيه شغلي باقي على الجهاز القديم
ام فارس وهي مفتشله من بنتها: والله ياوليدي انها ماتستحي
خالد: خالتي وش ذا الكلام عادي والله وهو يبوس راسها
ام فارس: الله يحفظك ياوليدي يله اخليك تريح شوي مابقى شي على الفجر
خالد: امين يا خالتي ويحفظك انتي لنا يا روح هالبيت
في غرفة فاطمه
فاطمه: سويره ماصارت كل ذا حمام (ترص على اسنانها عشان ما تبين الضحكه
ساره: اوكي شوي واخلص قاعده اتروش تروشت عشان اذا احد سألها عن عيونها الحمر تقول دخل فيهم شامبو
طلعت من الحمام : يله هذا انا طلعت نشبتي لي على هالحمام
فاطمه: وش عيونك كذا حمر
ساره: دخل فيهم شامبو
فاطمه:..............( علي انا تكذبين هع)
ساره لبست ونشفت شعرها واتجهت للسرير وهي ما تبي تبين انها متضايقه ماتبي تخلي خالتها تضايق
فاطمه: بتنامين
ساره: ايه تعبانه بنام
فاطمه:.... (كسرتي خاطري بس اخوك امني وفيها لاب توب واعرف ان لاب توبه مو رخيص سامحيني يا سوير) خلاص انا بنزل لأمي تحت كيد ماراح تنام لانها بتسلم على خالد قبل لا يروح توها بتطلع وسمعت شهقت ساره من الصياح وهي تحت الملحف
نزلت لأمها وهي عارفه انها ما بتنام لين تسلم على عيال اختها ويروحون
فاطمه: يمه نمتي
ام فارس : لا مانمت وطسي عن وجهي يالي ماتستحين وكفختها
فاطمه وهي تمسك مكان الضربه: يمه شفيييك انا شسويت
ام فارس: تاخذين جهاز الولد وتقولين وش سويت
فاطمه: يا مامي يا حبيبتي شي ببلاش ربحه بين وبعدين انا كنت امزح ويوم شفت السالفه لاب توب سكت
ام فارس: انتي اصلا ماتستحين
فاطمه بزعل: يمه انا بنت فطوم ما استحي والله يا ماما اني استحي
ام فارس: لو تستحي ما خذتي جهاز الولد
فاطمه : هو عرضه وانا وافقت يعني لو كان محتاجه ما عرضه لي
ام فارس وهي عارفه ان بنتها مابتتنازل عن الجهاز: والحين شتبين ؟
فاطمه : بقعد مع امي فيها شي هذي
ام فارس: امك ماتبيك روحي عند بنت خالتك فوق
فاطمه : ماما بنت خالتي ماتبيني قالت بنام وتلحفت وان قعدت عندها بقول لها وانا وعدت خالد اني ما بقول
ام فارس: وش تبين قاعده عندي قومي نامي
فاطمه : تطرديني وانا بنتك الوحيده افا بس ماهي الهقوه يا نونو
ام فارس : نونو بعينك انتي متى بتستحين على وجهك وبتكبرين
فاطمه وهي تبوس بأمها : نوال شفيييييك حرام الواحد يدلع امه ولا شنو
ام فارس وهي تضحك على خبال بنتها: فطيم ووجع يوجع العدو وخري طفشتيني
فاطمه الي جا على بالها شي: ان شالله يمه وتمددت جنبها على السرير
ام فارس : قومي على فراشك يله
فاطمه : يمه بقعد معاك ادري ما بتنامين لين يروحون عيال اختك
ام فارس: وش ورا هالقعده يله انطقي تراني مو غشيمه عنك
فاطمه : فديتك يا نونو طول عمرك فاهمتني
ام فارس: ههههههههههه فطوم عقلي
فاطمه وهي تضحك: ماما تستحين اذا قلت لك نونو هههههههههههههههههه
ام فارس: مو شغلك يله اخلصي وش عندك
فاطمه الي فاجئت امها بالسؤال: ماما كيف ماتت خالتي وزوجها
ام فارس:............................. سرحت بعيد
فاطمه : ماما شفيك اسألك انا
ام فارس: ليش يا فاطمه تقلبين علي المواجع الي عمرها ما اندفنت
فاطمه بإحترام لمها : يمه يا الغاليه والله مو قصدي بس ابي اعرف الله يخليك
ام فارس: فطوم وخري عني خليني ارتاح شوي
فاطمه : يمه ادري انك ما بتنامين ولا كان خليتك الله يخليك قولي لي
ام فارس: مو نايمه ولا قايله لك لاني ما ابي ساره تجي وتقد تصيح
فاطمه: ماما والله ساره ما بتنزل لانها قالت لي بنام الحين عاد قولي لي الله يخليك
ام فارس رجعت تسرح بعيد :................................................. .....
فاطمه : يمه لا تسرحين قولي لي
ام فارس : ابد كانوا عندنا زياره كلهم ووقت ما يبيون يرجعون صاروا العيال يصيحون نبي خالتي ومتعلقين فيني بالبدايه رفض ابوهم الله يرحمه قال لا ما استغني عن عيالي ومع صياحهم راح ابوك وكلمه وقاله كيف العيال متعلقين يبون يقعدون معانا واحنا بنرجعهم بعد يومين والله هداه ووافق، ويوم جات تطلع خالتك قعدت تحبب فيهم وتحضنهم كأنها تودعهم وتوصيني عليهم وتقولي وش ياكلون وش يشربون وش يمرضهم وش الي ابعده عنهم هم صحيح بالبدايه قالوا بنقعد بس يوم شافوا امهم وابوهم طلعوا خالد كان يبي يروح معاه وساره تمسكه تقوله لالا طلعوا من عندنا وكان الوقت صباح حول 10 ونص ورجعت تسرح بعييييد كأنها تعيش الوضع الحيييييييييييييين
وش سبب موتهم وهل بتكمل ام فارس قصة موت خالتها لبنتها ولا بتضل سرحانه ؟؟؟
قرائه ممتعه

 
 

 

عرض البوم صور ({الحيرانه دوما})   رد مع اقتباس
إضافة رد

مواقع النشر (المفضلة)

الكلمات الدلالية (Tags)
يا اخوي يا عزوتي يا ضحكتي وبكاي
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t153358.html
أرسلت بواسطة For Type التاريخ
Untitled document This thread Refback 26-12-10 09:00 AM


الساعة الآن 01:17 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية