البآرت السآبع عشـــــر ..

وصلنيه آلخبـــــر و آللي هو آن عرس آلعآش بعد شهرين ..

يآلعآش آنتي شوه دمرتي في حيآتج ...
شوه آللي سويتيه بهآلقرآر ..
متآكده آنج قدّه .. ؟؟
متآكده آنج بتتحملين سلبيآته ... ؟؟
بتتحملين كل عوآقبه ... ؟؟
متآكده آنج بتقهرين آي شي بينتج عنه .. ؟؟

متآآآآآآآآكده ...!!

سرحت بي آلآفكآآآر ..
لوقت آتصلت بي فيه آلعآآآش ...
وهيه تصيح ..
لدرجــــة آنهآ خوفتنــــي ..
لآنيه آعرررف آلعآش مآكآن شي يصيحهآ غير سآلفة آلعرررس ..
و خص آنيه من بعد آخر آتصآل صرحت فيه بآلقرآر آللي هو آنهآ " موآفقه " مآسمعت صوتهآ آلآ يوم آتصلتبي في هآلمررره ..

آلعآش : حيوآآآآآآآن و حقيـــــــر قسسم بآلله .. حيوآآآآن .. على كثــر ذرآت آلحب آللي ولدهآ فيني من يوم مآعرفته .. آلآ بلحظــــه وحده تولدت ذرآت آلكرهه فيّه ..
تنهدت لهآ : آلعآش ..
آلعآش وهيه تصيح : مهآ رخصبي .. تعرفييين شوه يعنـــي رخصبي .. سمــــــع بموآفقتيه بس مآبآنت آي حجه منه .. مآبآنت آي ردة فعل منه .. وبعــــــــــد يبآ يحظـــر ملجتيه ... شوه من آلقلووب عليه يآمهآ .. برآآآيه آذآ هو فيه حيل يقهـــر هآللي يصير .. آنآ مآآقهـــر مآآقهـــــر ..

مآكآن في يدي آقول آي شي ..
آي شي موليه ..
آلعآش شبه منهآره ..
وآنآ لين آلحين مب فآهمه بعض آلنقآط ..
مآ فآهمه سبب موآفقة آلعآش دآم آنهآ تحبه ...
مآفآهمه سبب رضوووخ سيف لموآفقة آلعآش وعدم آحتجآجه على آلموضوع رغم آنه يحبهآ ..

: آلعآش غنآتي يوم آنتي مآتبين آلعرس شحقـــه وآفقتــي ..
آلعآش : مهآ هو يحبنيه .. يعرفين شوه يعنـي يحبنيه ...!! آنآ آبآ آرضي آبويه .. و في نفس آلوقت مآبآ آخســــر سيف ... فمهمتي عليه .. ؟؟ آبآ رضي آبويه بس مآبآ خسآرة سيف .. وآفقت على آسآس رضى آبويه ... وآنآ آدري آن سيف يبآني .. قلت بيحتج .. بيعترض على آللي يصير .. بيقول بنت عمتـــي و آنآ آبدآ بهآ .. بس صدمنـــــي برده .. صدمنــــي بكلمة مبرووك على آلخطبه .. ( وصآحت زود ) مآدريبه يهنّيني على آلخطبه .. و لآ يهنّيني على موتي بفرقآآآآه ..
رديت عليهآ بآنفعآل : بس آنتي مآكنتي تعرفين ردة فعله .. ليــــــــــــش تخآطرين بموآفقتج .. ليـــــــش تخآطرين ؟؟؟
آلعآش وهو تصيح زود : مآعرف .. مآعرف .. آنآ هذآ كآن تفكيري .. قلت آكييييد مآبيوآفق .. آكيييييد بيقول يبآني .. بس ..
قآطعتهآ : و آلحين هو بدآل مآيعآرض وآفق و بآرك لج .. شوه بتسوين ؟؟
آلعآش : مآعرف مآعرف ..
تنهدت : دوووم آقلج .. يآ آلعآش لآتتسرعين في قرآرآتج .. وفوق ذي دآيمآ متسرررعه .. آنآ مآبآ آلومج .. بس آنتي بروحج جوفي آلحآل آللي وصلتيله ..
آلعآش بهمس : آنزين شوه آسوي .. ؟؟
: لآتسوين شي موليه .. خلي كل شي على آللي آلله كآتبنه .. خلي آلآيآم هيه تكشف لج كل شي .. و مثل مآقلت لج قبل .. آللي آلله كآتبنه لج هو بيتجدّم ..

قمت من غفوتي و سرحآني ..
و آنآ آتنهد ..
مدري شوه حآل آلعآش بآلظبط ..
من بعد هآلمكآلمه مآسمت صوتهآ موليه ..
مآسمعت حسهآ موليه ..

قمت من على آلكرفآيه وآنآ آحس آن بطنيه قآم يكبـــــر عن قبل ..
و مدري شوه هو آلآحآس آللي ينتآبني بآلظبط ..
مدري شوه نوعه ..
مدري شوه آوصفه ..
مدري في آي قآئمه آدرجه ..

يمكــــــن آلخوف من آلمستقبل ..
يمكن آلخوف من آلمجهول .
يمكن .. يمكن .. يمكن .. مآعرف شوه هو بآلظبط ..

آتوجهت يدآ آلحمآم و تروشت على آلسريع ..
وطلعت و آنآ لآبسه آلروب مآليه وحآسه بآلبروده ..
وخص آن آلشتآ قآم يدخل علينآ ..
آتنهدت ..
ونشفت شعريه ..

آنتبت لتيلفوني آللي قآم يصدر ليت ..
وهذآ دليل على مكآلمه آو مسج وآصل و آنآ مب مجيكه عليه ..

آتجهت للفون ..
و وفجيته .. لقيت مسج وآصلني ..
من عند رآشد ..

يآآآه يهآلرآشد ..
مآيبآ يفج ..
خلآص آنآ مب من نصيبه ...
مب من نصيبه ..
ليــــــــــــش يعذبنيه جي ..

فريت آلتيلفون من غير آهتمآم ..
و شغلت آلتيلفزيون ..
و يلست آبدل بين آلقنوآت ..
بس آللي قطع عليه صوت آلتيلفون وهو يصيح ..
كنت متآكده آن آلمتصل هو " رآشد "
وخص آن هآلفتـــره صآر له آكثر من مره حآول يتصل فيني ..

طنشت آلآتصآل ..
و يلست آتآبع آلتيلفزيون .. لين مآغلبني آلرقآد ..
وقمت بندت آلتيلفزيون و بدلت ملآبسيه ببيجآمآ بسيطه ..
وآنخشيت تحت آللحآف ..
ومديت يدي للفون عشآ آركب آلمنبه ..
آنتبهت للمكآلمه آللي توّهآ يآيتني ..
وآللي صدمنـــي آكثر وجود مسج ...
فجيت آلمسج آللي كآن من عند آلعآش ..
و تقول فيه ..

" مهآ عرسيه آخر هآلشهـــــر .. "

صدمتـــــــــــــيه في آلمسج كآنت آعظم صدمه ..
كييف آخر هآلشهــــر ..
و هآلشهـــر آصلآ طآف منه 6 آيآم ..
كيييف آخر هآلشهــــر و هآلشهر بآجي منه حول 24 يوم ..

بغض آلنظـــر عن آشيآء وآيد ..
بس شقآ بتقدر على آلآقل تخلص زهآبهآ في هآلآيآم ..
شقآ بتقدر تنتهي من كل آلآشيآء آللي تعنيهآ في هآلآيآم ..

ولآ آرآدي رآحت يدي عند زر آلآتصآل و آتصلت بهآ ..
وردت عليه بعد ثوآني ,,,

آلعآش : هلآآآ ...
بصدمه : قولي آنج تجذبين عليه ..
آلعآش بنبرة حزن : آخآفنيه آقولج جي .. و آقوم آنآ وآصدق آللي قلته ..
: آلعآآآآآآش آمتـــى بتخلصين زهآبج ...
آلعآش : آممممم ...
: ليـــش هو مستعيل لهآلدرجه ...!! مب كآن عآطنكم موعد من قبل ..!! ليش يخلف في وعده ؟؟
آلعآش : مهووي لآتقهريني و تزيدين عليه ..
تنهدت : آنزين آمتــى نآويه تبدين زهآبج ؟؟
آلعآش : مآعرررررف ..
: عآشووه مآشي مآتعرفين .. عندج مده آقل من شهـــــر ..شوه بتخلصين فيهآ هآي ..

آتزمت آلعآش آلصمت ..
آدري مآتبآ تتزهب ..
آدري ..
آنآ مريت بنفس آلشعــــور ..
آنآ مريت بنفس آلآحسآس ..
بنفس آلموقف ..
بنفـــــس كل لحظـه تعيشهآ آلحين آلعآش ..
بس آلفرق آلبسيط ..
آن آلعآش روحهآ معلقه عند سيف ..
آمآ آنآ .. !!
فآلعوض لـ آلله ..

آحترمت سكوتهآ ..
مع آني متآكده آن دموعهآ منسآقه على خدهآ ..!!
وكآتمه على عمرهآ عشآن مآتصرح بصيآحهآ جدآميه ..

همست لهآ : آلعآش .. ترآنيه ختج .. ومتـــى مآبغيتيني آوصلج للسوق خبرينيه ... ترآنيه يآلسه في آلبيت بلآ شغل و لآ مشغله .. ومآعليج من آنيه آدآوم .. ترآنيه مآرقد آلعصر .. يعني آلوقت آللي يريحج آتصليبي و بشلّج آلسوق عآدي ..
آلعآش بهمس : مآعليه ..

وسكتنـآ لفتـــره ..

: شخبآر آهلج ..؟؟

تمنيت لو آنهآ بس تطري غآنم ..
تمنـــــــــــــــيت هآلشي ..
مآعرف علومه .. ؟؟
على كثـــــــــر مآهو قآهرني بسبب برودة دمـــه .. و غير آنه مب سآئل عن ولده .. بغيت آسمع آي عذر يشفعله عنديه ..
آي عذر .. !!


آلعآش : كلنآ تمآم .. مآحد يشتكــــي بآس فيهم ..

لآتزييدين حرقة آليوف يآ آلعآش ..
قولي آي عذر .. آي عذر .. حتـــى لو كآن آقبح عن ذنبه ..
بس قولي آي شي ..
خليني على آلآقل آفكــــر آنيه آشفع له ..

زفرت : آممم تمآم .. عيل بخليج آوك ..
آلعآش : آوك ..
: ومتــى مآبغيتينآ نروح آلسوق دقيلي آوك . .
آلعآش : آوك ..
: يآللله عيل ودآعة آلله ..

سكـــرت عنهآ .. و فريت آلتيلفون عنيه على آلكوميدينآ ..
وغمضت عيونيه معلنه بدآية صرآع بين آلرقآد ..

كآنت آيآمي عآديه ..
وآقل من كلمة عآديه ..

كنت دآيمآ آتلآقـى ويآ آلعآش في آلسوق .. آللي يكون آحمد هو من يآيبنهآ ..
و نتمــــشى في آلسوق .. ونحآول نخلص شي من آغرآض آلزهآب ..
حسيتهآ قآمت تتغير شوي شوي ..
قآمت تتقبل فكــــرة آلعرس من آلريآل آللي بتآخذه ..
حسيتهآ قآمت تحآتي زهآبهآ ..
على عكـــــس آول آلآيآم ..
مآكآنت مهتمه مووول ..
على آلرغم من قصــــر آلمده آللي تفصلهآ عن آلعرس ..
بس مآكآنت مهتمه موليه ..
بس آلحين ..
تغيّرت شوي ز صآرت تحآتي آنهآ مآتخلص و غيره ..
تغيرت و صآرت تختآر ملآبسهآ بروحهآ .. من بعد مآكآنن في آول آلطلعآت آغلب ملآبسهآ ذوقي آنآ .. >< ..

شطّبنآ على كل شي في آخر آلآيآم ..

مخآوير ..
جنّزآآآآت و تيشرتآت ..
ملآبس دآخليه ..
بيجآمآت ..
قمصآن نوم ..
مكيآج ..
كريمآت و لوشنآت ..
بوكسآت عشآن ترتب فيه آغرآضهآ .
نعل وجوآتي ..
شنط ..
وبعض آلآشيآء آلثآنويه ..

<< يآلســـــه آكتب وآطآلع زهآبيه .. ^ ^ .. هع ..


آبتسمت و آنآ آطآلع آلعآش ..
: و آلله و بتعرسين وبتستوين حرمة بيت ..
جفتهآ آبتسمت بآنكسآر .. و نزلت رآسهآ ..

مسكت آيدهآ : لآتضآيجين .. آن شآء آلله بتتقبلين حيآتج بس آنتي خلي هآلشي في بآلج ..

مآسمعت آي رد منهآ ..
كل آللي سمعته تنهيده آنصدرت ..

وصلتهآ لبيتهم ..
وكنت آحآول آنيه آلمح موتر غآنم ...
بس ..
بس عيآ هآلشي ينبآن في عيوني ..
مآبآن لآ غآنم .. و لآ حتـــى موتر غآنم ..

طآلعت آلعآش ..

: آممممم متــى آلملجه ..
آلعآش : آممم و رى بآجر .. بس مآبنسوي حفله .. بس عشآ آلمطوّع ..
: شي حيييلو ...

فجت آلعآش آلبآب و نزلت . و نزلت آغرآضهآ من آلبآب آللي ورى ,,,
وآنآ حركت موتريه معلنه خروجي من آلبيت ..
هآلبيت آللي يسكــــــنه غآنم ..
هآلبيت آللي آنآ سكنته حول آلآربع شهور ..
هآلبيت آللي يآمآ من آلمشآكل صآرت فيه ..
هآلبيت آللي يآمآ آنظربت فيه ..
هآلبيت آللي يآم تسآئلت بآشيآء وآيد فيه ..
هآلبيت آللي يآمآ ويآمآ صآر فيه ..

وصلت بيتنآ ..
و من نزلتي من آلموتر حسيت بآلتشنّجآت رجعت ليه ..
غمضت عيوني بقووه .. و شدّدت قبضتي على مقبض آلبآب مآل آلموتر ..
غمضت عيوني بقوه ..
مآآقهــــر هآلتشنجآت ..
مآآقهرهآ موليه ..
مدري جم طآف من آلوقت ..
بس آلثآنيه كآنت في نظريه مب آقل عن 10 دقآيق ..
بدت تخف عليه آلتشنجآت ..
وبدت عيونيه تعلن آلرآحه ..
بس ..
مآدريت آن بهآلشي يخلي هآلهمس يتسلل لمسمعي ..

: آلمهآ بلآج ؟؟

غمضت عيوني بقووه ..
غمضت عيوني بقوه من بعد آلرآحه آللي كنت آحس بهآ ..
غمضت عيوني وآنآ آحس آلرآحه تلآشت بسمعيه لهآلصوت ..

تدآركت عمريه ..
وحآولت آبين آلويه آلطبيعي ..

تنهدت ..

: ولآشي ..

صلبت عودي ..
ومديت يدي لرموت آلموتر عشآن يسكــر ..

سعيد : آنزين مآبتسلمين عليه ؟؟ ترآنيه بعدنيه ولد عمج ...؟؟
همست له : آنت آللي بغيتنيه آكون جي .. آنت آللي بغيتنيه آسوي بك جي ..
سعيد بهمس وصوت مبحوح : كنت حآط في بآلي آنج بتكونين من نصيبي .. كنت حآط في بآلي آنج بتكونين ملكيه مب ملك غآنم ..
حآولت آخفي آلآلم آللي فيني ... : وآلحين آنآ مب من نصيبك .. مب ملكك ..

دآم سكوته لفتـــــره ..
فتره تعدت شي من آلدقآيق ...
ولكـــن .. ختم سكوته بكلآمه ..

سعيد : آقدآر آلرب مآنروم نغيرهآ ... ( وتنهد ) آنســـــي كل آللي قلته لج .. آعتبريني من حآل حميد و عبيد .. وآذآ مآبغيتيني بهآلحآل .. خلينآ عيآل عم وبس ..
طآلعته : آنآ من زمآن عآدتنك في هآلحآل .. بس آنت .. آنت آللي كنت بآني صروووح بآلآوهآم ..
سعيد : كنت حآط في بآليه آنج بتكونين في يوم من نصيبي .. بس .. آممممم صآر آللي مقدر .. و مآنروم نغير شي ..
: وآلمطلوب منيه ؟؟
سعيد : آللي يريحج .. تبيني آخوج . ترآنيه آخوج .. وتبينيه ولد عمج .. ترآنيه ولد عمج ..

طآلعته لفتـــره من آلوقت و بعدهآ آبتسمت ..

: خلآص آللي تآمر به صآر .. آنت ولد عميه و آخويه .. و آهم ش آن ذيج آلنظـــره تبتعد عنيه ..

لمحت آبتسآمة آنكسآر آنبآنت على ويهه ..
مدري .. مدري وش سببهآ ..
يمكــــن تكون بسبب عدم آلرضآ بيني و بينه ؟؟
يمكـــــن تكون بسبب آلختآميه آللي ختمهآ ...؟؟
يمكـــن مآتوقع آن هآلحآل يكون بيني و بينه ..
يمكــن ..
يمكن كل شي ..

آتوجهت لغرفتيه ..
و فريت آغرآضيه ..
وحدرت آلحمآم آلله يعزكم ..
تروشت على آلسريع ..
و طلعت و آنآ آسمع آذآن آلعشآ ..
قمت ولبست ليه مخور .. و لبست جلبآب آلصلآه و صليت آلعشآ ..
و يلست آقرى جمن صفـــحه من آلقرآن ..

من زمآن مآقريت قرآن ..
من زمآن ..
يمكــــن آكثــــر من آسبوع ..
ونحن في معلومه تربت فينآ ومن نحن صغآر ...
من يهــجر آلقرآن 3 آيآم يعتـــــبر من آلكآفرين ..
ويــــــــن وآنآ صآر لي حول آلآسبوع هآجرتنه ..

من بعد مآخلصت قرآية آلقرآن .. نزلت تحت ..
لقيت مجآب آلعشآ ..
فجيت وحده من آلمجآب لقيت فيهآ صآلونة ديآي ..
خذت آلخبز .. و يلست آتعشـــــى ..

كآن روتيني شبه يوّمي متكـــرر ..
آدآوم آلصبـــح .. و آرجع آلظهــر جريب آلعصــــر ..
آريح في آلغرفه و آخلص شوي من آشغآلي ..
وآذآ آلعآش تكون متصله فيني عشآن آلسوق .. آروح لهآ آلعصــــر ..
و بعد آلمغرب دآيركت آتعشـــى ..
وآيلس في غرفتـــــــي لين صلآة آلعشآ ..
آصلـــي ودآيركت آرقد ..

يعنـــي تقدرون تقولون آن مهآ رجعت مثل لوّل ..
مثــــل مآعرفتوهآ قبل ..
مثــــل مآعرفتوهآ في آول آلبآرتآت ...

وآلآهم من كـــــــل ذآ آلروتين ..
آن قوتيه و كلمتـــيه رجعت مثل لوّل ..
دخلت آلبنك ..
و رحت آوقع على آلحظــور ..
صدمتـــني كلمة آلبنت آللي في آلرسبشن ..

آلبنت وهيه تبتسم : مبروك على آلترقيه ..
طآلعتهآ بآستغرآب : يبآرج في حيآتج ... بس آي ترقيه ؟؟
آلبنت : آممممم آمس نهآية آلدوآم وصلنآ تعميم ترقيتج .. ؟؟ معقوله مآجفتيهآ ..
آبتسمت لهآ : وغلآتج آنيه مآآنتبهت .. لغير يبآرج في حيآتج .. و عقبآلج آن شآء آلله ..
آلبنت : آلله يسمع منج ..

آتوجهت لمكتبــــــــي ..
وكنت في آثنآء سلك طريجي آي حد يمشي من حذآلي يبآرك لي ..
يآآآآآآآآآآآه يآمحلـــــــى هآلشعور ..
طعمه غيـــــــــر ..
طعم آلنجآح غير ..
طعم آلترقيه غيـــر ..

وصلت مكتـــــبي ..
وحطيت آغرآضي ..
وآتوجهت لمكتب آلمدير ..

دقيت آلبآب و دخلت ..

: صبآح آلخـــير ..
رفع عيونه ليه : هلآ .. صبآح آلنور ..
: آزعجتك ..!!
آبتسم ليه : لآ لآ آفآ عليج .. مبروك على آلترقيه ..
: يبآرج في حيآتك .. كله من فضل آلله ثم فضلك .. لولآ هآلدروه آللي خذتهآ جآن مآترقيت موليه ..
منصور : ههههه لآ لآ آنتي آللي شديتي حيلج فيهآ ..
آبتسمت له : يآلله آلحمدلله على كل شي ..
منصور : وينه غآنم .. مب على آسآس آنه بيرجع يدآوم آليوم ..

آرتبكــــــــــت ..
دووووومك يآمنصور توهقنـــي بآسآلتك عن غآنم ..
دوووووومك مخلنيه في حآلة آظطرآبآت من سببك وسبب آسآلتك ..

تدآركت آلوضع ..

: آمممم عرس آخته آليوم .. تلآقيه آنشغل ..
منصور : هيه لآنيه آستغربت .. آمس قآلوليه من بآجر بترجع لمكتبك .. و آليوم يقولوليه آن من بآجر مب من آليوم ..

كآنت صدمــــــــتي آقوى شي ..
كيف من بآجر بيدآوم ..
كيف من بآجر بيبدى دوآآم ..
كيف بتقبل وجوده في آلشركـــه ..!!
آقصد هو شقآ بتكون صدمته بشوفتيه في آلشركه ..
وخص آنيه يوم كنت عنده ..
كآن يحآول يمنعنيه من آلدوآم ..
شقآ بيكون آلوضع ..!!
شقآ بيكون آلوضع وآنآ في يدي شهآدة هير دبلوم ...!!
شقآ بيكون آلوضع وآنآ بمكآنه حيلوه في آلبنك من بعد آلترقيه ..

كآنت كل هآلتسآؤلآت آدور في بآلي من بعد مآآستآذنت من منصور وآنآ متوجهه يدآ مكتبيه ..


آنهيت كل هآلتسآؤلآت من بآلي و آنآ آحآول آبدى شغليه ..
وبمآ آنه آليوم عرس آلعآش ..
قررت آنيه آستآذن بدري من دوآمي ..

آتوجهت لمنصور عشآن يوقع على آستآذآني و آجآزة بآجر ..
لآنيه آكيد برجع من آلعرس وآنآ تعبآنه ..
بس صدمــــــــــــــــتي بكلآم منصور كآنت آكبـــــر ..
بسبب آلترقيه عطونيه آجآزه آسبوع مب يوم ..!!
شي حيييلو ..

آستآذنت من آلدوآم ..
وآتوجهت للصآلون ..
وقصيت شعريه آللي صآر آطول عن قبل ..
و قصته آلحرمه ليه بقصه حيلوه ..
و قلت لهآ تسويه ليه رول كله ..
ومآقصـــرت سوّته ليه مثل مآآمرت ..

من بعدهآ توجهت للبيت ..
كآنت آلسآعه تشيــــر لـ 4 آلعصـــر ..

آتصلت بـ آلعآش آجوف آخبآرهآ ..
صآح وصآح و صآح ..
ولكـــــــن لآ رد ..

آنتهدت ..
وفريت آلتيلفون من غير آهتمآم ..
وقمـــت يدآ آلكبت ..
فجيته ..
وطآحت عيوني على فستآنيه آلبيج ..
آمممم ... مدري آحس آنيه متردده فيه ..
مب لآنه مب حيييلو ..
بآلعكــــــس وآيد حيلو .. وينآسب وضعيه وكرشتيه آللي كبرت ..
بس مدري ..
آحسسسسه عآري وآيد ..
و آلنآس مآبتتقبل شكــــله .. و بترمس عليه ..

بس يآمهآ من متــى آنتي تحآتين آلنآس ..
من متـــى تحآتين كلآم آلنآس ..

آتنهدت .. وطلعته وعلقته على علآق آلكبت ..
آتوجهت يدآ آلتوآليت ...
رفعت قذلتيه بشبآص صغير ..
و بديت آوزّع آلفآونديشن على ويهيه ..
بديت آحط ليه مكيآج على عيونيه ممزوج مآبين آللون آلآسود و آلبيج و آلسلفـر ..
جحلــــت عيونيه بآلآسود .. وثجلت آلجحآل بشكــل ملحوض ...
لدرجـــة آن عيونيه مآبآن منهن شي موليه ..
حطـــيت ليّه بلآشـــر بآللون آلوردي ..
وختمـــت مكيآجي روج بآللون بآلبيج وآلمآيل للبنـــي ..
خوزت آلشبآص ..
وسشورت قصتيه آكـــثر ..
و خليتهآ حرة آلحركـة ..
وطلعت ليه تآج من آلدرج ..
وثبتّه على شعريه ..

على نهآية مكيآجي ..
لبست فستآني ..
وحسيت بآلوضع آلحــــين عدل ..
آلفستآن عآري بمعـــــــنى آلكلمه .
آلفستآن كآشف آكثــــر من آنه سآتر ..
آلفستآن بكل مآفيه مآيغطّي شي ..

فتحة آلصدر وسيعه ..
فتحـــة آلظهــــر آوسع ..
مآيمسكــــة غير حمّآله بسيطه بكرستآل نآعم على آلجتف آليمين ..
مدري ..
مدري ..
عآيبنيه ..
بس في نفس آلوقت متردده فيه ..
آخآف ..!!
آخآآف من آشيآء وآيد ..
آولهآ كلآم آلنآس و تعليقآتهم ... و خص آن آهل قوم آلعآش مآيتقبلون هآلآشيآء بهآلسهوله .. يعنــــي متشددين شوي ..
وتآليهآ آلحســــد و آلعين .. مب قصدي آي شي .. بس جد جد آلنآس مآتعطــي خير موليه ..

تشتت مآبين آنيه آبدله ..
آو آتم فيه ..
في آلنهآيه آستقريت آنيه آلبسه لكـــــــــــن آتم طول آلوقت بآلعبآه آلشّل .. ( عبآة آلآعرآس آللي تنحط على آلجتف بس ) ..

توجهت لطقــــــم آلذنب مآليه ..
مب مآل آلعرررررس ..
لآآآ طقم غيره خفيف وآيد ..
طقم آلعررررس عند غآنم ..

لبست ذهبيه ..
و تعطرت بدهن آلعود ..
و بعطـــر شآنيل ..
و لبست آلكعب ..
وحطيت عبآتي آلشل في شنطتيه ..
و لبست عبآتي آلسآتره ..
و حطيت آلغشوه على رآسي .

ونزلت تحت ..
وجفت آمآيه و عويش يآلسآت ...
وعويش تآكل تمـر وجآمي ..

سلمت على آميه وآسترخصت منهآ بروح للعرس ..
وقآلت بتلحقنيه هيه خلآف بعد صلآة آلمغرب ويآ عويش ..

آمآ آنآ ..
ركبت موتري ..
و آتوجهت لقآعة آلآفرآآح آلتآبعه لبوظبي ..
وبركنت موتري جريب آلقآعه بمآ آنه مآشي زحمة آلحيـــن ..

دخلت آلقآعه ..
وكآنت مآشآء آلله متروسه ..
مع آنهآ توهآ آلسآعه تشير لـ 6 آلمغـــرب ..

دخلت آلقآعه .. و لمحـــت عمتـــي " آم غآنم "
آتوجهت لهآ .. وسلمت عليهآ و بستهآ على رآسهآ ..

آم غآنم : يآمآيه شوه يآبج من آلحــــين .. آلآ جــــيس آتعبين عمرج و آنتي مآتقهـرين ..!!
آبتسمت لهآ من طيب خآطر : دآمنيه حذآلج آدريبج مآبتخلينيه آتعب ولآ آشتغل بحآيه ..

آبتسمت لي .. وقآدتني من آيدي وتوجهت بي يدآ غرفة آلعروس ..
ونآولتنـــي كيس ..

آم غآنم : سمحيليه آمآيه .. وآلله هآلصبي ترآنيه مآرمت آصلبه .. و لآ آنآ و لآ عمج رآظيين بآللي يسويه .. لغيــر غآنم من يومه رآسه يآبس ومآيطيع آلآ بآللي في رآسه ... سمحيليه غنآتي .. و هذآ ترآه ذهبج .. جآن بغيتي تلبسينه لبسيه .. و جآن مآبغيتيه بآللي يريحج ..

كآنت صدمتـــــــــــــي بآلموقف آللي يصير صدمه عظيمه ..
عمــــتي مآنستني ..
مآنستني موليه ..
مع آن لو عمه غيرهآ و آلله و عليه رفجـــه يآ آنهآ مآتهتم لهآلشي موليه ..
ويمكـــــــن حتـــى مآيخطر في بآلهآ موليه ..
تجدمت منهآ وحبيت رآسهآ ..

: مآعليه عمــــتي .. آنآ رآضيه بكل شي .. لآتهتمين موليه .. و لآتحفلين آلسآلفه ..
عمتي : و آلله مب هآين عليه حآلكم هذآ .. آنآ قلت زين يوم آلله هدآه و قآل بيعـــرس .. يقوم و يبهذلج بهآلحـآل .. ولآ مخلنآ ندخل من بينكـم .. و لآ حتــى حد يحآول يصلح آمآبينكم ..
آبتسمت بمرآره : عمـــتي آلصبر مفتآح آلفرج .. و دآم آن آليآهل آللي في بطنيه ولده .. لآبد آن آلآمور بتنحل من بينآ في يوم ..
عمتـي : بس يآ مآيه آنآ متلومه فيج وفي آهلج .. مآخذينج لولدنآ عشآن يصونج ويحفظج .. مب عشآن يبهذلج و يخليج في بيت آهلج ..
تنهدت : عمتـــي آللي آلله كآتبنه بيصير .. و آنتي لآتعكرين فرحتج آليوم بآلعآش بهآلسآلفه ..

لبســـت آلذهب آللي يآيبتنه ليه عمتيه ..
آللي كآن طقم آلعـــرس ..
وبدلت عبآتي ... بعبآة آلشل آلثآنيه ..
لآحظت نظرآت عمتـــي لي بآن مب عآيبنهآ فستآنيه ..
بس من لبست عبآة آلشل تغيرت نظرآتهآ آلي آبتسآمه طيبه ..

عمتــي : آلله يحفظج يآ آمآيه .. قري على عمرج آلمعوذآت .. ترآهآ آلنآس مآتعطـي خير ..
آبتسمت لهآ : لآتحآتين عمـتي ..

طلعنآ آنآ و عمتــــي ..
ولآحظـــت نظرآت آلكل تحولت علي ..
كنت آمشي بغرور من بين هآلنآس ..
شعوور حيلو ..
يوم تمشــي من بين آلنآس و آلنآس كلهآ آطآلعك ..
تحسسك بآنك شخصيه مهمه ..
تحسسك بآنك لك هيبه من بينهم ..
تمشيت ويآ عمـتي لين مآوصلتنـــي عند نسيبتهآ آليديده ..
آللي هيه آم آلمعرررس آللي لين آلحين مآعرف شوه آسمه ..

سلمت عليهآ ..
و عرفتنــي عمتي عليهآ .
و عرفتهآ عمتـــي عليه ..

مبين عليهآ آنسآنه طيبه و حبوبه و على نيآتهآ ..
ومآبتكون من آلعمآت آلعوفآت و يآ حريم عيآلهن ..
و شكلهآ بعد بتعد آلعآش مثل بنتهآ و بترآعيهآ ..

آذن آلمغرب ..
وآغلب آلمتوآجدين بدوآ بآلصلآه ..
ومن بعد مآخلص آلكل صلآه آشتغلن آلآغآني ..
وآمتـــلى آلمكآن بصوت آلآغآني ..

وقفت ويآ عمتـــي في آلآستقبآل ..
وآستقبلنآ آلمعآزيــــم ..

وقفــن حريم وآيد ويآنآ في آلآستقبآل ...
منهن عمة آلعآش " آم آلمعررس "
وجم حرمه غيرهآ يقولن آنهن خآلآت آلمعرس ..
وحريم خوآن آلمعررس ..

آستقبلنآ آلمعآزيم ..
وصآح تيلفوني معلن ظهــور رقم آلعآش على تيلفوني ..
آستغربت هآلشي ..

توجهت بعيد عن آلآزعآج ورديت عليهآ ..
بس آللي صدمـــني صوت آحمد على آلتيلفون ..

: هلآ آحمد .
آحمد : هلآ بنت رآشد .. شحآلج ؟؟
: بعآفيه .. و من صوبك .. ؟؟
آحمد : تمآم .. آممم آبآج تتلقين ليه على آلبآب آذآ في مجآل عشآن آدخلين آلعآش دآخل ..
: آوك .. ثوآني .. و بدقلك تيلفون ..

سكـــرت عن آحمد ..
وعدلت عبآتي ..
و لبست غشوتي ..
و طلعت للبوآبه ..

جفت آلعآش نزلت من آلموتر .. و هيه لآبسه عبآه عآديه .. و غشوه مسترتنهآ كلهآ ..
مسكـــت آيدهآ ... و دخلتهآ من غير لآحد يجوفهآ .. آو بآلآحـرى جآفوهآ بس مآحفلنآ حد ..
وصلتهآ لغرفة آلعروس ..
و سحبت آلعآش غشوتهآ و هيه تآخذ نفس ..

آلعآش بضيج : آففففففففففف حشآ و آلله آختنقت ..
طآلعتهآ و آنآ آبتسسسم : تبين آلصدق ..!!
آلعآش تتنهد : شوه ..
: طآلعه رووووعه مآ شآء آلله عليج .. آلله يحفظج ..
آلعآش : و آلله آنتي آللي طآلعه روووعه مآشآء آلله .. حسستيني آنج من ملكآت بريطآنيآ مب مهآ .. ههه ..

وفرت آلعآش غشوتهآ ..
وعبآتهآ ..
و بآنن ملآبسهآ آللي لآبستنهن " جينز سكـــني .. و قميص حرير لونه آخضـر غآمج "
وفرت عمرهآ على آلكنبه من غير آهتمآم .. وتنهدت ..

آلعآش بآسلوب مآعرف بآلشوه آوصفه : مآروم آتلبس آلفستآن ..
لآ آرآدي آبتسمت : شكـــــله آلعرس آثر على مخج بعد ..
مآسمعت غير تنهيدتهآ ..

طآلعتن بنص عينهآ .. : تعآلي شوي ..
بنظــرة آستغرآب : شوه ..!!
: تعآلي مآبآكلح ..

آتجدمت منهآ .
ويلست حذآلهآ ..

ومآحسيت بهآ غير محطيــــه آذنهآ على بطنيه ..
وهآلشي سبب لي رعشـــــة غريبه ..
يمكــن لآن آلعآش آو من يهتم و يسوي هآلحركه ..
يمكن لآنيه مآتعودت على هآلحركه ..!!
يمكن كل شي ..

آلعآش : يآوييلج آذآ مآشآبهنـــي .. سوآء كآن بنت و لآ ولد .. لآزم يشآبهني ..
آبتسمت لهآ : عآشوه بلآ آستعبآط ..
آبتســمت و آكتفت بآلسكـــوت ..

حسيت بآلحركه من آتجآه بطنيه من آليسآر ..
آكيد آن آلبيبي يتحررك ..
وخص آنيه من دخلت آلسآدس وهو آغلب يومه يتحــــرك ...
مسكت ييد آلعآش .. و حطيتهآ على آلمكآن آللي يتحرك فيه ..

طآلعتنـــي بصدمه : هو يتحرك ؟؟
هزيت رآسي بآلآيجآب و آنآ آبتســــم ..

آلعآش : آي شهــــر آنتي آلحين ؟؟
: آممم تقريبآ نص آلسآدس ..
آلعآش : وآآو .. بآجي 3 شهور وبيشرررف ولي آلعهد ..
: آهآ ..
آلعآش : قآلولج آذآ بنت و لآ ولد ..
بعد تفكير : آمممممم .. هيه ..
آلعآش بضحكه : مآبقولج خبريني بنت و لآآ و لد .. بس بقولج آذآ طلع مآيشبهنــــي بجتلج آنتي وولدج ..
ضحكـــت على خبآل آلعآش ..
آليوم آلعآش مب طبيعيه موليه ..
و آنآ آعرف ..
هيه تتصرف جي لآنهآ مرتبكـــه ..

طآلعتهآ بنظــــرة خبث : قومي لبسي آلفستآن يآلله ..
آلعآش بدلع : مآروووم و آلله تعبآنه ..
: عآشووه آنآ بطلع عند عمتــي .. ترآنيه مب يآلسه عندج .

سكتت فتـــــره ..
وطآلعتنـــي ..

: بتتبهذلين ترآج خلآف .. مآحد بيلبسج آيآه .. وآنآ مب يآيتنج ..
آلعآش بشهقه مضحكه : هييييييييييييييييييييييييه تبين تلسيني آنتي .. ليييييش آنآ مآآستحــي مثلآ ؟؟

كتمت ضحكتيه ..
وطآلعتهآ بنص عيني ..

: تبيني آزقر لج ريلج يلبسج مثلآ ؟؟

آرتسمت آبتسآمة آلآنكسآر على ويهآ وقآمت وآقفه ...

سآعدتهآ تلبس آلفستآن ..
وعدلت لهآ آلطرحه فوق رآسهآ ..
ولبستآ آلذهب مآلهآ .
آللي كآن فخـــــــــم بمعنــــى آلكلمه ..
ومن بعدهآ آستلمتهآ آلمصوره في آلتصوير .

آمآ آنآ طلعت عند عمتــــي ...
وقفت ويآهآ شوي ..

بعدين حسيتني تعبت من آلوقفه ..
يلست على وآحد من آلكرآسي ..
وجفت وحده من آلعآملآت ..

: دآرلينق .. بليز ...؟؟
آلعآمله : يس مدآم ..
: كآن يو قيف مي وتور بليز ..
آلعآمله : آوك مدآم ..

رآحت و يآبت لي كوب مآي ..
وطلعت دوآي من آلشنطه و شربت آلحبوب ...
وتميت يآلسه شوي و آنآ آلعب بآلفون ..

حطــوآ آلعشآ ..
و آتوجهت آتفقد آحوآل آلعآش ..
دخلت عليهآ ..
وجفتهآ يآلسه و آلمصوره تصورهآ ..

شكلهآ آلعآش آليوم كوول ..
مدري ... تجآملنــــي .. و لآ فعلآ هآلشي نآبع منهآ ..
يلست عندهآ شوي ..
خلآف دخلن ربآيعهآ ويآهآ .. و آنسحبت آنآ برى ..
يلست ويآ وحده من آلبنآت شوي ..
ليـــــن مآتسكــــرن آلليتآت كلهن . .
وآتوجهت آلآنوآر للبآب ..
وآعلنوآ عن دخول آلعآش مع خوآنهآ ..
مدري شوه سبب آلنفضه آللي يتنــــي ..
يمكــــن ..
يمكـــــــن لآنهم قآلوآ آن خوآن آلعروس بيدخلون ..
لبست غشوتي على رآسي .. لكن مآتغشيت بهآ..
آكتفيت آنيه آحطهآ على رآسي ..

لـــــــــــــــــــكن ..
آنتبهت لمهره يآيه و هيه مستعيله ..

مهره : مهوي بلييز تعآلي ظروري ؟؟
طآلعتهآ بآستغرآب : ليه ؟؟
مهره بترجي : مهووي تعآلي بليييز .. عآشوه نآويه تفضحنآ آلحين .. مب رآضيه تدخل آلآ وآنتي حذآلهآ ..
طآلعتهآ بصدمه : مهروووه ؟؟؟
مهره تمسك يدي : دخييلج مهوي ... فضيحـــة في آلنآس ..


آتنهدت .. و قمت وآنآ مستعيله .. و في نفس آلوقت آحآسب بآني آمشي بهدوء ..
آتوجهنآ لغرفة آلعآش ..
لكـن قبل دخولي ..
لمحته وآقف مجآبل آلغرفه ..
بس ..
بس ..
بس عآطي ظهره للبآب ...
يآآآآآآآآآآآآه يآ غآنم ..
نآوي على عذآبي آنته ..

دخلت آلغرفه و جفت آلعآش يآلسه وهيه معصبــــه .. و شوي و بتفجـــر عمرهآ بآلصيآح .. لآ آرآدي آبتسمت من سمعتهآ تقول ..

آلعآش : برآآآآيه مآيهمنيه .. مآبعـــــــرس .. مآبدخل كييييفيييييي .

دخلت عليهآ و آنآ آبتسسم ..

كلمت عمتي : خلآآص عمتـــي مآعليج ... لآ تحآتينهآ .. آلحين بتدخل .. رتبوآ آلوضع برى بس .. مهآري حيآتي آلزفه مآلتهآ جآهزه ..
مهره : يآبوج كل شي جآهز .. نآقصنآ دخول صآحبة آلسمو ..

يلست حذآل آلعآش وطآلعتهآ بعتب ..

آلعآش بعصبيه : برآيج قولي آللي بتقولينه .. بتهزبيني شرآتهم كيفج .. بس مآبدخل آلآ وآنتي حذآلي ..
آبتسمت لهآ : عن آلخبآل آلزآيد في آلعرررس .. وين تبيني آمشي حذآلج ... ( وقلت لهآ بمزح ) تبينيه آغطي عليج مثلآ ..
آلعآش بنفس آلعصبيه : برآيج غطــي عليه .. بس مآبطلع آلآ و آنتي حذآلي ..
: آلعآش خوآنج حذآلج ..
آلعآش بعنآد : مب مهمين ليه .. آهم شي آنتي ..

سكتنآ لفتره ثوآني .

: مآبآ آسمع حسج .. خوآنج بيمشون حذآلج .. و آنآ قريب منج .. و صدقيني كل مآ لفيتي بتلآقينيه حذآلج .. وبسسج دلع .. ترضيج يلستيه هذي .. يرضيج ولديه يتعذب بيلستيه هذي عشآن حضرة جنآبج .. ؟؟

وعلى نهآية كلآميه ..
مآحسيت غير بصوته متسلل لآذنيه ..
ولآ آرآدي غمضت عيوني ..

غآنم : عآشوه ترآج ذليتينآ .. يآلله حآرب مستعيل .. و رآكم درررب بعده . .
آلعآش بعنآد : خل حرمتـــــك توآفق على آللي قلته وبطلع ..

آمآ آنآ فقمت من على آلدعنه وآنآ في قمة آرتبآكي .. ووقفت بعيد شوي .. وآنآ منزله آلغشوه عليه بسبب قرب آحمد من آلبآب ..

غآنم بنبره خفيفه ممزوجه بآلتهديد : عآشوووه ..
: آلعآش آنآ كلآميه مب مغيرتنه .. تبين على مثل مآقلت لج يآلله قومي .. مآتبين بشل موتري و برجع للبيت ..

طآلعتنيه بنظـــرآت نذآله ..
وبعدهآ آبتسمت بخبث ..

آلعآش : آنزين .. بس جريييب منيه ..

سآعدوآ آلعآش يقومونهآ .. و طلعت من آلغرفه و غآنم على يمينهآ .. و آحمد على يسآرهآ ..
ومثل مآوعدتهآ ... كنت آتمـــشى جريب منهآ ..
وخوآنهآ مب مقصرين فيهآ ..
على ثجـــل آلفستآن .. بس كآنوآ مسآعدينهآ عليه .. و شآلينه عنهآ من كل يآنب ..
وآللي ريحهآ آكثــــــــر آن مآشي يهآل في آلممر آللي يمشون فيه ..

تمـــشوآ على موسيقى حيلوه كلآسك ممزوجه بآلزغآريد ..
كنت آلمحهآ دآيمآ توجه آنظآرهآ ليه و تبتسم ليه ..
آمآ آنآ ..
فكنت آحآول آسرررق بعض آلنظرآت لغآنم ..
يآآآآآآآآآآآآآآه شقآ تغير ..
يآآآآآآآآآآآآه شقآ آنجلبت كل ملآمحـــه ..
آنسآن ثآني ..
صح آن صحته آلحين آحســـن عن قبل ..
بس ..
بعده مب هو هآلحآل آللي عرفته بغآنم ..
وصلوآ للكوشه ..
وآصرت آلعآش آنهآآآآ دآيركت تيلس على آلكرسي ..
مآفيهآ حيل تتمشى فوق ..

طبعآ لآبد آن آلمصوره رجعت آستلمتهآ ويآ خوآنهآ ..
وصورتهم بجم صوره ..
ومن بعدهآ آعلنوآ طلعتهم من آلقآعه ...

آتوجهوآ آلنآس يسلمون على آلعآش ..
و آلعآش آلمجآمله مبينه في ويهآ ..
مبين عليهآ آنهآ مغصوووبه على آلمجآمله ..

رجعت آنآ مكآني ..
و يلست لآنيه آحس بتعب ..
شربت ليه عصير آورنج ..
وجفت صحن سمبوسه مب مفجوج ..
خذته .
و طلعت ليه حبه منه ..
ويلست آكل منهآ ..

آعلنوآ عن دخول آلمعررس ..
و لآ آرآدي بعد آبتسمت ..
آلحين صدق آلعآش بتشآعن و بتلآعن ..
آلحين صدق بتعصصصب آلعآش ..

يلســـــت .. ويتنــــي عمتــــي و يلست حذآلي ..

كآن مكآني بآلظبط ..
على آول طآوله على آلبآب من آليسآر ..
يعنــي قريبه من آلآستقبآل ...
يلست عمتــي ويآيه ..
وعطيتهآ تآكل لهآ شي ..
لآنهآ من يت مآكلت آي حآيه ..

دخلوآ مجموعة شبآب و شوآب ..
مآآنتبهت لآي حد منهم ..
لآن هآلشي مآيعنيني ..

لكــــن حآولت آنيه آنتبه للوقت آللي بيسلم عليهآ ..
آبآ آجوف ردة فعل آلعآش ...
لكـــــــن بسبب قل آلنظـــر مآقدرت آجوف آي شي ..
مآهتميت لذآج آلحد بهآلسآلفه ..
ويلست آسولف ويآ عمتــــي ..

وبعد فتـــره من آلوقت ..

مدري شوه آللي خلآني آرفع عيونيه للبيآض آللي حسيته يتقرب منآ ..
طآحت عيوني لمجموعه من آلشبآب ..

آحمد ..
آمممم ريآل مآعرفه ..
عمــــي ..
غآنم ..

آمممم ..
لآآآآ ..
لآآآ .
هآلويه مب غريب عليه ..
مب غريب عليه موليه ..
هآلويه آلوحيد آللي مآقدرت آشله من بآلي ..
هآلويه آللي يآمآ صوته تعلقت في بآلي ..
هآلويه آلوحيد آللي لين آليوم مستغربه آهتمآمي فيه ..
هآلويه آلوحيد آللي مآعرف شوه سبب توآجده هنآ .. ؟؟

معقوله ..؟؟
معقوله هذآ هو نفسسسه ..
معقوله هذآ هو نفسه ريل آلعآآآش ..
معقوله ؟؟

لآ مستحيييييييييييييييييييل ..

بلحظـــــه دآر في بآلي موقفه ويآيه من فتــــره ..
من فتـــرة مآيآني في آلشررركه ..
من فترة مآطلب آلقرررض ..

حآآرب ..
هذآ هو نفسسسه حآرب .
مستحيل عيوني تغلط في هآلآنسآن ..
مستحيل عيوني تغلط ف محلآمح هآلآنسآن ..

غمضت عيوني بقوه ..
وآنآ آمنع دموعيه تنزل ..
مب من شي ..
بس من آلصدمه آللي مآتوقعت آنصدم بهآ ..
من آلصدمـــه آللي صدمني بهآ هآلآنسآن ..

مآآقدر آيلس هنآ ..
مآآقدر آيلس في هآلمكآن ...
مآآقدر آخلي حد يجوفنيه بهآلحآل .. بهآلصدمه .. بهآلوضع ..
قمت بسررعه يدآ آلحمآمآت ..
بس ..
آستبعت آلحمآمآت .. ودخلت غرفة آلعروس ..
سكرت آلبآب عليه ..
و غمضت عيونيه و آنآ آترآخآ على ورآي ..

لآ ..
لآآآ ..
لآآآآآ ..
لآآآآآآآآ يآ مهآ ..
آنتي قلتي آنج على ذمة ريآل ..
على ذمة ريآل عآيش .. ولو آنه مآيسآل عنج ..
على ذمة ريآل وحرآم عليج تفكرين بغيره ..
حرآآآم عليج ..
لآتفكـــرين في غيره ..
مآتبين آلحرآم ..
مآتبين آلحرآآآآآآآم يآ مهآ ..
لآترجعين تضعفين من بعد مآرجعت لج قوتج ..
لآترجعين للصفـــــر و آنتي تعديتي كل آلمقآييس ..
لآترجعين ..
لآترجعين ..

بس ..
بس غصصصصصصصصصصبن عنيه ..
مهب بشوريه ..
صح مآآعرفه ..
صح مآعرفنـــــي ..
بس ... بس تعلقت فيني صروووح كثيره عليه ..
بس ... بس آنبنت فيني صروووح كثيره عليه ...

هزتنــــي دقة آلبآب ..
ومسحـــت دمعته بسرررعه من على خدي .. و فتحت آلبآب ...
وكآنت وحده من آلبنآت تبآ عبآتهآآآ ..
آتوقع آنهآ آخت آلمعررس ...
آقصد .. حآرب ..

آمآ آنآ فقرررت هآلقرآر آلسريع ..
وهو آنيه آرجع آلبيت ..
بسنيه تعبت من آلوقفه ..
بسنيه تعبت من كل شي ..
بسنيه تعبت من آلصدمآت ..
تعبت من كل شي .. كل شي ..

طلعت خآري آلغرفه .. و آنآ رآفعه آلغشوه عن ويهي ..
جفت عمتـــي . و قررت آروح آسترخص منهآ ..

آتوجهت يدآهآ .. و زقرتهآ ..

عمتـي : عونج آمآيه ..
قويت عزمي : عمــتي سمحيليه لآزم آسترخص آلحين ... تآمرينيه بحآيه ..
عمتـي : جيه آمآيه مآتعشيتي .. يلسي تعشي .
تنهدت : مآعليه عمتـي بآكل في آلبيت .. آنتي تآمريني بشي ..
:عمتي : سلآمتج آلغآليه .. آنتبهي لعمرج ..

طلعت من عند عمتــي ..
و آنآ نآويه آطلع ..
بدلت عبآتي .
ولبست عبآتي آلسآتره آكثـــر ..
وطلعت ..
لكــــــــن صدمتـــي كآنت آكبر من كل آلصدمآت ..
كيييف آطلع موتريه من بين هآلموآتر كلهآ ..
كييييييييييييييييييف آطلع موتريه و هآلموآت كلهآ مغطيه عليه ..
مستحيل آيلس زود .
مستحل ..

رجعت للآستقبآل ..
وآتصلت بحميد ..

حميد : هلآ و آلله ..
: هلآ حميد .. آممم وين آنت ؟؟
حميد : قريييب وآلله .. في آلعرس .. بغيتي شي ..؟؟
: وصلنـــي آلبيت .. مآروم آيلس زود .. و موتري مسكرين عليه بآلموآتر .. مآآقدر آطلعه ..
حميد : آممممم .. خلآص آوك .. يآينج طلعي ..

سكرت .. و تميت آحرك ريلي بتوتر ..
جفت ستيشن حميد وقفت جدآم آلقآعه .. و طلعت من آلقآعه للموتر ..

وركـــــبت آلموتر و آنآ آتنهد ...
آستغربت آلقرآن آلمشغل .. ؟؟
حميد عمررره مآشغل قرآن في موتره ...
لكـــن تجآهلت آلموضوع ..

: موترك فيه مخفي هيه ؟؟
: هيه ..


سمعت حس غير حس حميد ..
حس مب غريييييييييييييب عليه موليه ..
وآعرف و معآشره رآعيه تمآم آلتمآم ..

لكـــــــــن جذبت ذنيه ..
ورفعت آلغشوه عن ويهي .. و لفيت يدآه ..
هو ..
هو ..
هو نفسسسسسسسسسسسسه ..
نفسسسسسسسسسسسسسسسسه رآعي آلحس ..
مآجذبت ذنيه ..
ولآ حتــى جذبت عيونيه ..
آعرفه ..
آعرفه هآلشخص عززززززززز آلمعرفه ..
ولآيمكن آنيه في يووووم آغلط فيه موليه ..

همس بصدمه : غآنم ؟؟

لف عليه و طآلعنيه بنظــره مآعرف شوه نوعهآ .
وآبتسم بشبه آبتسآمه ..
مدري آي نوع ..
خبث ..
آستهزآء ..
كبريآء ..

مدري مدري ..

من صدمتــــي فيه مآقدرت آميز آي شي ..

رجعت آلغشوه على ويهي .
وهمست له برسميه : مآحيدنيه آنآ طلبتك ... رجعنيه ..

لكــــــنه تجآهلنــــي ..
وكمل طريجــــه ..
مدري ..
مدري آي مكآن ودآنيه له ..
لكـــــــنيه لآحضت آنيه طلعنآ من شوآرع بوظبي ..
ومب بس شوآرع بوظبي .. آلآ بوظبي بكبرهآ ..

همست له بنبرة عصبيه : غآنم .. ترآنيه مهب قهرآآآنه عمريه .. آذآ نآوي على آي حآيه غير آنك توصلنيه للبيت آلغآهآ من بآلك ورجعنيه آلبيت ..

لكــــــــــــــــن ؟
آلوضع موليه مآكآن لصآلحـــي موليه ..
كآن ملتزم آلسكوت و هو يسوووق ..
كآن ملتزم آلصمت وهو يسوق ..

صرخت عليه بنبرة كلهآ صيآح : غآآآآآآآآآآآآآآآآآنم ..

مآسمعت منه غير تنهيده ممزوجه بكل آلعذآب ..

من بعدهآ .. آنآ بروحيه آلتزمت آلصمت .
آلتزمت آلصمت لكــــن صوت صيآحيه و شهقآتيه هيه آللي طلعت ..
وملت حوآآآآجز آلصمت ..

دخلنآ مكآن ثآني ..
مكآن ثآني ..
عرفته من آللوحه آلآرشآديه آللي على آلشآرع ..
دبي ..
دبي ..
دبي .. هذآ هو آلمكآن آللي ودآنيه له ..
وقدت آعرفه ببرج خليفه آللي منور من مسآفه بعيده ..
مري في آي مكآن موقفنآ ..
لكـــــــن ..؟؟
همس لي بآلهمس آللي تعودت عليه : يآلله ننزل ..
: مآبنزل ..

طآلعني و آبتسم ..
وفتح آلبآب ونزل ..

آمآ آنآ ..
فكآن وضعـــــي حث و لآ حرج ..
قررت آنيه مآنزل من آلموتر ..
قررت آنيه آتم في آلموتر ..
وحتـــــى لو عسآني آبآت فيه ..

لكـــــن آللي هزّنيه ..
هو جوفته من مسآفه بعيده ..
جوفته من جدآم آلرسبشن و حذآله وآحد من عمآل آلآمن وهو يآشر على آلموتر ..
آرتجفت في دآخلي ..
ويمكـن حتـــى آلرجفه وصلت لخلآيآ جسميه آلخآرجيه ..
شديت على قبضة يدي ..
وآنآ مب عآرفه شوه آسوي ..
مب عآرفه شقآ آتصرف ..

يمعت قوتيه ..
وفجيت آلبآب ونزلت ..
وآتوجهت للرسبشن ..
جفت غآنم لآزآل وآقف هنآك و يخلص شي من آلآمور ..
كآن لو شوريه ذيج آلسآع آقوم و آترفس في بطنه ..
وقفت ورآه .
وآنآ مجسفه يديني جدآميه ...
آنتبهت له ف عليه ..
لكـــن مآطول بشوفتيه آبدآ ..
قوآن معدوده ..
ورجع يتفآهم و يآ آلموظفه آللي في آلرسبشن ..
من بعدهآ وقع على وحده من آلآورآق ..
و عطآهم بطآقه مآعرف شوه وظيفتهآ بآلظبط ...

ومن بعدهآ لف عليه ..
و طآلعنيه : لحقينيه ..

زفرت بمعنــــــى آنيه معصبه ..
ولحقته ..
ركبنآ آللفت ..
و كآن آلشي آلوحيد آللي ينسمع من بينآ ..
تنآهيد غآنم آللي مول مآوقفت ..

نزلنآ من آللفت ..
وتوجهنآ .. سوري آتوجهت ورى غآنم آللي كآن يدور على آلرقم ..
وآنتبه للرقم و دخل آلبطآقه في آلبآب و آنفتح آلبآب ..
وقف على ينب ...
و آشر لي آدخل ..
دخل بريول ترتجف .. و نبضآت قلب موووول مآكآنت في وضعهآ آلطبيعي ..
دخلت آلغرفه و آنآ آرتجـــف ..
بجذب عليكم آذآ مآقلت لكـــم آن آحسآسي آلحين بآلظبط كآن في قمة آلخوف ..
في قمة آلتوتر ..
دخلت آلغرفه ...
و كنت من بين نفس و نفس آلخوف يزيد فيني ..
بين نفس و نفس يشتعل آلتوتر فيني ..
بين نفس و نفس يتربـى آلآرتبآك فيه ..

دخلت آلغرفه .
ووقفت في وسطهآ ..
آلتفت بسرررعه على صوت تقفيل آلبآب ..
آلتفت بخوف للبآب ..
ولمحــــت طرف من كندورة غآنم ..
رجعت لوضعـــي آلطبيعي ..
و آنآ آحــــس بدموعي بللت كل خلآيآ خدي ..
بلحــــــــــــــظه ..
حسيت آن آلعآلم كله وقف ..
بلحظـــــــــــــــــــــة ..
حسيت آن آلدنيآ كلهآ وقفت ..!!

حسيت بلمسآته آختآلت كل خلآيآ جسميه ..
حسيت بخلآيآ يدينه بدت تتنآفر بين خلآيآ جسمــــي ..

غمضت عيونيه بقوه ..
وآنآ آمنع دموعـــــــــــــي ..
مآبآ آصيح ..
مآبآ آصيح ..

دآرت في بآلي ذكـــــرى يوم آلعرس ..
نفس آلذكــرى تتكـــرر آلحين ..
نفس آلذكـرى تتجدد بهآلموقف ..
نفس آلموقف يتكــرر بهآلموقف ..

غآنم نآوي يستعيد ذكــرى يوم زوآجي ..
نآوي يعيشني معآنآتي في ذآج آليوم ..
رصيت قبضة يدي وآنآ آحس آلعبآه قآمت تنزل من على جتفي ..
قآمت تنزل من على جتفي بسبب غآنم ..
آرتعش جسمي من حسيت آن آلعبآه طآحت من على جسمـــي ...
يعنـــــي آنكشف جسمي تقريبآ ..
يعنـــــــي بآنت كل ملآمح جسمـــــي ..
وخص آن آلفستآن كآن عآري ..

من حسيت آن لمسته تمكنت من جتفــــي ..
لآ آرآدي رفعت آيدي ليده و نزلتهآآآ .. و ولفيت عليه و آنآ آصيح ..

: بسسس ... بسسس يآغآنم ... لآتعذبنيه زود مآآنك معذبنيه ... روف بيه ... روف بيه و لآتعذبنيه .. ترآنيه مآآقهـــــرك .. مآآقهــــر قربك و لآ تعذيبك ..

كآن مكتفـــــي آنه يطآلعنيه وهو سآكت ..
كآن مكتفــــي بنظرآته ..
مكتــــفي بنظرآته آللي كآنت مخلتنــــــيه آتوجهه آلى عآلم ثآني ..
لآ ..
لآآآ .
لآآآآآآ مآبآ آضعف ..
مآبآ آضعف بشوفتيه لعيونه ..

نزلت عيونيه آتهرب منه و لفيت عنه ..

: لآتطآلعنيه بهآلنظرآت موليه ... لآتطآلعنيه جي .. نظرآتك مآتشفع لسويآك موليه .. موليه ..

آنهرت بآلصيآح ..
رغـــــــــم آنيه كنت آحآول آمنع صيآحيه ..
رغـــــــم آنيه مآكنت آبآ آصيح ..
رغـــــــــــم كل شي ..

آلآ آنهآ محآولآتي كلهآ فشلت ..
كلهآ فشلللللللللللللللللللللللت .. و فجّرت آصوآت صيآحيه جدآمه ..

همست له : لآتحآول تستغل ضعفــــي بنظرآتك ذي ..

لكــــــن بعديه عنه موول مآهزه ..
مووول ..
تقررررب مني زوود ..
ولم طرف جتفيه آليمن بيده ..

وهمس ليه : آلمهآ .. ؟؟
حآولت آكتم على عمريه .. : فجنــــي .. فجـــــــني ..
غآنم : مستحيــــــل .. مستحيل آفجج من بعد مآيبتج عنديه .. مستحيل آخليج ..

من صدمتـــــي مآقدرت آتحكم في عمريه ..
مآقدرت آرد عليه ..
حسيييت بيدينه وهي تلمنيه ..
حسيت بلمسآته وهيه تتلمس كل جسميه ..
حسيت بآنفآسه وهيه تحـــــرق شي من منآطق رقبتيه ..

يآغآنم آرحمنيه ..
آرحمنيه ... وآعتقنيه لـ آلله ..
ومن غير آي شعور صدرت منـــي ونه من شدة آلم آلتشنجآت آللي يتني بموقف مفآجئ ..

: آآآآه ..

رغم آنه كآآآن لآوي عليه ...
آلآ آنه قدر يرفع ويهي لآتجآه ويهه ..

غآنم بهمس : شيآج ..

غمضت عيوني بآلم ..
غمضت عيوني من شدة آلعوآر آللي يآني ..
وحطيت يدي على صدره آبآه يفهم و يفجنـــــــي ..
رصيت على شفآيفي آلتحتيه ..
وحطيت يدي على بطنــــيه ..
وترآجعت على ورآي ..
ويلست على آلكرفآيه ..
وتمت يدي مترركزه على بطنــــي ..
و شفآيفيه مرصوص عليهآ بآسنآنيه ..
وعيوني مغمضتنهن بآلم ..

في ثوآني ..
حسييييييت آن بيني وبين آلموت شعـــــره ..
في ثوآني حسيييييت آن بيني وبين موت آليآهل شعــره ..
شعره خفيفه ..
ويمكــــــــن في آي وقت آنهآ تنقطــــــع ..
يمكــــــن ف آي لحظه تنقطع و يروح فيهآ وآحد من آلآثنين ..
آنآ ؟؟؟
آو ....
آليآآآآآهل ..

لآآآ .. لـآآآآآ .. لآيموت آليآهل ..
آموت آنآ .. بس لآيموت هو .

زد آلويع بدرجــــه مآصرت آقهر آي شي ..
لكــــــــــن ؟؟؟
من بعد هآلويع ..
بدت آلتشنجآآآآآت تخف ..
تخف ..
تخف ...
لين مآحسيت آن مآبآجي منهآ غير آثر بسيط ..
حتــــــى يمكــــن مآآ كنت آحس بدرجة آلويع ..

آرتخت عضلآت جسمـــي ..
وفجيت عيوووونيه ..

لكـــــــــــــــن آلصدمه بسرررعه آرتسمت في ويهي من منظـــــر غآنم ..
من منظـــــر غآنم .. آللي كآنت آلصدمه آللي في ويهه سبب في آلصدمه آللي آرتسمت في ويهي ..

تجررررب منيه ..
تجـــــرب منيه ..
ليـــــن مآجفته يلس تحت عند ريولي ..
وتوجهـــــــــــت آنظآره على بطنيه و على عيونيه ..

غآنم بصوت شبه مسموع ممزوج بآلصدمه ... : آنتـــــــي ... حآمل ؟؟؟

؟؟

السلام عليكم و الرحمه ...

هذآ هو البارت مثل مآوعدتكو ,,,
بارت عباره عن بارتين ..<< تستاهلو الزود ..

والسموحه جان انيه تاخرت عليكم حبتين ...


موعدنآ اليآي الثلاثا ... ^ ^

خويتكو ..

طفطف ^ ^

تسلم أيديك طفطف على البارت الرائع الصراحة كنت ناويه ماأقرأ الرواية الا بعد ماتكتمل بس الصراحة ماقدرت أقاوم أسلوبك الرئع أتوقع غانم يزعل لأنه ماكان يعرف بحمل مها بس كيف يعني لما زارها بالمستشفى ما كان يدري ترى أنا كنت أقرأ مقتطفات>>>>>>>>>>>>>>>>>>>>>>>>> وأن شاء الله ما يجي الثلاثاء الا وأنا راجعه أقرا من البداية بشكل متواصل حتى اعطيك التحليل اللي هوا
تسلمييين ثم تسسسسسسسسسلمين