كاتب الموضوع :
دهــن الــعــود
المنتدى :
الارشيف
السلام عليكم
مساء الورد للجميع وسوري على التأخير بس النت علق معي
هالبارت ادري انه قصير بس والله مضغوطه
واسمحولي البارت الجاي راح ينزل تاريخ10\6
اللي هو آخر يوم اختباراتي
اتمنى لكم قراءة ممتعه
البارت الرابع والعشرون
......................................
دخل نهار بوجه مكفهر
نهار بصوت جهوري:ياجماعه ابومحمد آل دبيس جاي ذاالحين ويبينا كلنا
ابوسعد بغضب:وش هو يبغي سود الله وجهه هو وعواله
نهار بحيره:والله مدري يبه بس هذا اللي قاله
ابوفيصل بغضب مماثل لغضب ابو سعد:ماياتي من ورا تيك الوجيه الا الشين
ابولطام بتهدئه:ياجماعه اذكرو الله خلونا نشوف وش عنده
ابوناصر بتأييد:ابو لطام صادق خلونا نعرف وش يبي من ذا الجيه
ابوسعد بحزم:اجل اسمعو ماابي في المجلس الا انا واخي وسعد وسلطان وفيصل والباقي يروحون المقلط
الجميع:ابشر
وبعد مرور نصف ساعه كان ابو محمد يقف بسيارته امام المجلس ومعه حفيده صقر وهو اكبر احفاده وشخص ثالث لم ينزل معهم
نزل مع حفيده ليدخلو ذلك المجلس الذي تعدت مساحته الالف متر
وقف ابوسعد ببرود ومعه البقيه
ابومحمد بصوت عالي:سلام عليكم
البقيه:وعليكم السلام
ابوسعد:وراك يابو محمد قد قلت لك بيتي يتعذرك
ابومحمد بحزم:اللي عندي يمحي الاولي والتالي
ابوفيصل:ماظنتي ان به شي بيمحي اللي سووه عوالك
ابو محمد وهو يدخل رغماً عنهم:خلونا نتفاهم قبل
جلسوا مرغمين على تحمله
ابو سعد بكره:وش عندك يابو محمد
ابومحمد بتساؤل:وين ابو ضيدان
ابوسعد:ماعليك من ناصر قل وش عندك
ابو محمد بمفاجأه وتفجير قنابل الماضي في جروح بدأت تلتئم:مرتكم وولدي
وقف ابوناصر بغضب:اقطع واخس
صقر الصامت منذ دخل وقف بغضب:احشم ضيفانك
ابوسعد بهدوء:فيصل اقعد يابيك خله يكمل
ابومحمد وهو يمسك بيد حفيده:اقعد ياصقر
جلس صقر وهو ينظر لذلك الذي تطاول على جده بحقد وكره:ابشر يبه
ابو محمد:انا جاي اليوم وابي اعلمكم بعلم مادريتو به من قبل
ابوسعد باستغراب:ويش هو
ابومحمد بأسى وحزن:محمد ولدي سوى اللي سواه غصب عن بنتكم ومن غير ماتدري
استبشر وجه ابو فيصل وابنه واكفهر وجه ابوسعد حزناً
ابوفيصل بفرحه لم تبان في وجهه:شلون غصب
ابومحمد وهو يسترجع الماضي:محمد دخل على بيت ابو ضيدان مرتين المره الاولى دخل بيتكم يسرق عشان يشتري اكرمكم الله الوصخ اللي هو يشربه يوم حرمته انا الفلوس وضربه لطام بن سعد وعقبه المره التاليه طب على البيت بينتقم منه في المره اللي كانت في البيت بس ربي انجاها يوم دخل لطام مرة اخرى وحكيي ذا عليه شهود ودلايل كانكم ماصدقتوني
ابومحمد بلهفه:وين الشهود والدلايل
ابومحمد وهو يأمر حفيده:صقر يابيك جب اللي في السياره
نهض صقر:ابشر ........... واتجه للسياره ليحضر من فيها
ابومحمد وهو ينظر لابوسعد وابوفيصل:اما الدلايل
ادخل يده في جيبه ليخرج بعض الاوراق ويمدها لابو سعد:سم
ابوسعد وهو يأخذ الاوراق:تعال يافيصل اقرا الاوراق
قهو اراد فيصل لما في الاوراق من خصوصيه التي تخص شقيقته
اقترب ابوناصر ليأخذ الاوراق ويبدأ بالقراءه بنهب
دخل صقر وخلفه ذلك الوجه الاسود
ابو محمد وهو يشير لمن خلف حفيده:هذي خادمتكم ميري كانكم تذكرونها
ابولطام:اي بالله نذكرها بس وش ردها من ديرتها
ابومحمد:هي ماراحت لديرتها ميري كانت عندي
ثم اكمل بحزن:اشوفها واشين فالها لما سوته بولدي
ابوسعد بهدوء:ابومحمد وش تبي تقول
ابومحمد:ابي اقول ان هنديتكم هي اللي ادخلت ولدي واتفقت معه عشان يدخل على معزبتها عقب مايروح ابوضيدان لشغله
تجمد الجميع من هول مايسمعونه فقد اضاعو حياة الصغيرات والام بسبب تلك اللئيمه
اخرجهم من صدمتهم ابوناصر الذي هم لضرب تلك اللعينه بعد ان قرأ الورقه التي حوت حقيقه كتبها محمد قبل موته
اوقفوه الجميع ودخل نهار والبقيه من الشباب بعد سماعهم للصراخ
ابوسعد وهو يقف ومعه ابوفيصل:يابو محمد بيض الله وجخك فيما سويته لنا وجزاك الله خير ومثلك نادر ياخيك لكن ولدك اسمح لنا ياخيك والله مايغفرله واحد منه
ابومحمد بحزن:يابوسعد مانيب جايكم تبيحون من ولدي لكن انا جيت ابري ذمتي وجيت ارد مابينا وبينكم
ابو سعد وهو يجلس ويجلس الجميع معه بعد ان اعادوا الخادمه للسياره وهي في حالة انهيار لم تتبين بسبب اختفاء ملامح وجهها لضرب قد تبقى اثاره
ابومحمد باحترام:اللي ودك بع يصير يابو محمد
ابو محمد بفرح:ودي انكم تعطونا اكبر بناتكم لولدي صقر
اجابه صوت صارم حازم مبغض:ماحنا برياجيل ياعم ان ارخصنا خواتنا
ابوسعد وهو ينظر لذلك المرتعش غضباً:اقعد ولاتحكي
هو بغضب:يايبه ترا مانيب مرخص
ابوسعد بصرخه:انثبر
جلس بغيض وترقب وكره لهذا الوضع
ابوسعد:لكم مابغيتوا يابو محمد
ابومحمد باحترام:بس ياخيك ماحنا بمتعدين سلومنا الصبي يبي بنت عمه
ابوسعد بحزم:وانا قلت لكم مابغيتوا
فذلك الرجل ينوي ان يختبر ذلك الصامت دائماً ويريد ان يعطي حفيدته قدراً تتفاخر به امام الجميع
اما هو فقد خرج مسرعاً ليقف عساف ملحقاً به فأوقفه صوت ابو نهار:عود في مكانك جدك يحكي
عاد عساف بعصبيه لمكانه
ابوسعد:ترى عشاكم عندنا الليله
ابو محمد بحلفان:والله مانمالحك كون ليلة الملكه
ابوسعد بابتسامه فرح صادق:والله ياخيك مانيب غاصبك اما ليلة الملكه والله ان عشاك عندي انا واخي
ابومحمد وهو يقف هو وحفيده ليخرجوا:مافيها شكه يابو سعد يالله تمسون على خير
ابوسعد والبقيه:والساري في خير
لكن ماان وصل هو وحفيده عند الباب حتى رأو المسدس موجهاً لهم بيد نهار
.......................................................
في المستشفى
كانت لتوها تنام وهو يجلس بجانبها
لكن عرقل السكون دخول ابوضيدان عليهم
ابوضيدان بصوت منخفض:سلام عليكم
لطام وهو يقف ويقبل رأسه وانفه:عليكم السلام مرحبا
ابوضيدان وهو يجلس على احد الكراسي القريبه منها:ها شلونها اليوم
لطام بحيره:والله يبه طيبه الين قامت
ابوضيدان بجزع:ليه شفيها
لطام وهو يشرح له بألم:مدري قامت تصيح ولاتخليني لاتخليني واسكتها عيت تسكت الين عطوها ابره منومه ويوم قامت بالمثل والدكتور يقول متعرضه لصدمه قويه وراح تأثر حتى على كورس العلاج
ابوضيدان وهو يقترب منها ويقبلها:ان لله وانا اليه راجعون ياوش نكس ذا البنت
لطام بغيره لم تظهر للعيان:الله يشفيها
ابوضيدان برجاء:آمييييين
لطام وهو يحاول محو ذلك الشعور القاتل
لطام بابتسامة خبث:ها بشر سبع ولا ضبع
ابتسم ابوضيدان:تخسي الا سبع وسبع وسبع
لطام وهو يضحك بصوت خفيف:هههه كفو ابي
ثم اكمل:بس يقولون ان عمتي خسرتك
ابوضيدان بابتسامة:قل للي قالك الله يامر عليه مره تعزر بحاله قبل العرس
لطام بضحكه:يعني صدق
ابوضيدان بمزاح:عمتك خساير لعبت في حلالي اول كفاره وعقبه مهر وعقبه عرس وعقبه سفر
لطام:ههههههه مهيب هينه بنت ناصر
ابوضيدان:وترا بنتها نسختها
لطام:ههههه تخلعني يعني(تخلعني =ترعبني)
ابوضيدان بمزح:تهابها غصب مهوب طيب
لطام:اييه شختو علي في الغربه
ضحك الاثنان بصوت خفيف
لكن تلك التي تدعي النوم لم تضحك بل تخطط بحزن لما بدأته
فمامعلته اليوم حقيقي وغير حقيقي
فهو حقيقي انها كانت ستموت حين علمت بكرهه لها فهي تغار عليه بجنون هذا مااكتشفته لكن ماهو غير حقيقي فهو دموعها فهي ستجعله على لهيب لايطفئ ثم ستقذف به على جزيرة الهجران فمانوته ليس هو الا جزء ممااسقاها اياه فكيف لها ان تضيع تسعة عشر ربيعاً من عمرها قد اذبل هو زهورها قبل تفتحها فلن تجعله يقطف تلك الزهور حين اتمت التفتح
ونت بصوت خافت لكن مسموع
نهض الاثنان لها
شاهه بصوت خافت:لطام
اجابها باتزان لوجود والدها:نعم هذا انا موجود
فتحت عينيها ببطءلترى ذلك الوجه الذي تعشقه
فهمست بتعب كاذب:يبه
ابوضيدان:لبيه
شاهه وقد خرت دمعتها التي قد اخفتها عنه منذ صغرها فذلك العملاق قد جعلها هشه سهلة الكسر:وين امي
ابوضيدان ببرود:امش في الشقه الصبح ان شاء الله بتاتيش
شاهه وهي تنظر له بعينين حملت العشق والخوف الكاذبان الذين لم يرهما والدها:لطام انت بتعود الشقه
لطام بجمود عكس ماحملته اضلاعه:لا بقعد عندش بس انتي عودي ارقدي
شاهه بهدوء:ان شاء الله
وعادوا لأماكنهم وهي تتمدد على ظهرها ويدها السليمه من جهة والدها
قامت بمد كفها له دون انيراها والدها فهي تخجل منه بشده ولكنها فعلت هكذا لتثبت له انها باعت خجلها من والدها من اجله
امسك بها ليشد عليها بخفه وهو ينظر لوالدها فهو ايضاً خجل من والدها
.................................................
في لبنان
كانا يمشيان في احد الشوارع الفارغه من الماره لأن الوقت متأخر جدا ً فالوقت الان قريب الفجر
كن يضمها له وهما يسيران ويتهامسان
لكن حين رأيا مجموعة فتيات يقال لهن عاريات اكثر مماهن مستورات
فقالت احداهن بصوت منخفض:ياويل حالي على ذا الطول
فقالت الاخرى:لا ويمشي مع كيس ذا الزباله
تفجرت براكين الغيره والغضب مما حعل وجهها يحتقن بالدم
لتقول لهن:انا كيس الزباله يالزباله منش لها
اجابتها احداهن باستفزاز:هههههههه ماعاد الا البهايم يتكلمن
وضحه بغضب عارم:الله اعلم من البهيمه على ذا الشكل ويكفي اني عند ربي ابرك منش
فقالت احداهن:جاجا يازينه زيناه
نظرت له وهو يتقدم منهن ببطئ
وضحه بصوت هامس مصدوم:ناااصر
لم يجبها لكنه استمر في اتجاهه الى ان وصل لهن
وهن يستقبلنه بابتسامه واسعه
لكنه محا تلك الابتسامه حين قام بسكب علبة الماء على رؤوسهن
ناصر باستحقار:هذا مابغيتنه يابنات الحمايل
في هذا اللحظه ابتسمت هي فرحا وتقدمت لتقوم بضربهن
وقد اشتبكن في العراك
حتى قام هو بدفعهن بعيد عنها ونزعها من بينهن وهو تصرخ وترفس بأقدامها وتتخبط بيديها
وضع يده على فمها لكي يخفي صوتها العالي
وأخذ يركض بها بعيداعنهن وهو يقهقه
وضعها على الارض لتقف امامه بعصبيه:ليه تضحك
ناصر وهو مازال يضحك يقوه:اضحك لاني اول مره اشوفش مصارعه
وضحه وهي تبتسم على كلمته وترتب شكلها:مادون الحلق الا اليدين
اقترب منها وهو ينظر لها بحب:كل ذا غيره
وضحه وهي تنظر في عينيه بحب:ولاشفت شي بعد
اقترب لها ليقبلها فدفعته:لاتنسى ان حنا في الشارع يعني يجينا احد ويصورنا وينشر صورنا ويكتب تحتها بنت آل لطام قليلة الادب تبوس قليل الادب ولدآل لطام
ضحك بقوه:ههههههههههههههههههههههههههههههههه
وضحه وهي تبتسم له فتقول له بدلع قد اذابه من الاعماق:بس ترا عادي تشيلني
ناصر وهو يقترب منها:يعني كذا
فحملها وأخذ يركض بها الى فندقهم القريب
وهو يصرخ:احححببببببببببببببببش
وهي تضحك بهستيريه
....................................................
دخل للشقه متعباً
اتجه للغرفه مباشره لكن هناك مااشدهه عن العالم بأسره
فهي تجلس بقميصها الساتر الذي جعلها قمه في النقاء والجمال بلونه الاسود فهو فاصل في جسدها شديد البياض
اقترب منها وهي لم تنظر حتى اليه
جلس بجوارها بهدوء:وين ضيدان
ام شاهه بهدوء:راقد
ابوضيدان وهو يمسك بيدها برقه:وشعندش ذا الليل ياوضحه
ام شاهه وهي تبتسم دون النظر اليه:ماعندي الا الخير
ابوضيدان بهمس:ترا اللعب معي صعب
ام شاهه وهي تنظر اليه بعيون قتلت كل عزم لديه:مهوب اصعب من لعب معي
لم يجبها سوى بعنف
لكنها اوقفته بمثل عنفه لتقف وهي تعيد ترتيب ثيابها بسرعه وتقول له بخبث وحزم:مهوب كل مره انت اللاعب وانا اللعبه ياناصر
وتركته ذاهبه لغرفتها لتقفل الباب خلفها بالمفتاح
مماجعله يثور لانها تشعره وكأنه حيوان همجي
فاتجه لها مسرعاً لشدة غضبه فشرع يطرق الباب بقوه
..................................................
بـــــــــــــــــــــقــــــــــ شـــــــــــــادن لـــــــــــــــم
|
26-05-11, 09:34 AM
جديد مواضيع قسم الارشيف
العرض العادي
