لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


 
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 16-04-11, 08:16 PM   المشاركة رقم: 241
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,208
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : دهــن الــعــود المنتدى : الارشيف
افتراضي

 

يسلمو على البارت اتوقع انو مااحد يتطابق بالتحاليل غير ام شاهة وهي الي بتسافر مع بنتها وبعد الي صار من ال دبيس يمكن لطام مايقدر يسافر مع شاهة الا لما يخلص الموضوع الي الله يستر منه

وبكذا يمكن ابو ضيدان يسافر مع بنته ولازم امها تسافر علشان النخاع لذلك مافي حل الا انها ترجع على ذمته علشان حياة شاهة ............... ومن هالحادث الي صار لال دبيس يمكن تظهر الحقيقة الي دمرت حياة وضحى قبل كم سنة


في انتظار البارت الجاي على نار

 
 

 

عرض البوم صور وردة الزيزفون  
قديم 16-04-11, 10:51 PM   المشاركة رقم: 242
المعلومات
الكاتب:
اللقب:
ليلاس متالق


البيانات
التسجيل: Dec 2010
العضوية: 207831
المشاركات: 167
الجنس أنثى
معدل التقييم: دهــن الــعــود عضو على طريق التحسين
نقاط التقييم: 71

االدولة
البلدQatar
 
مدونتي

 

الإتصالات
الحالة:
دهــن الــعــود غير متواجد حالياً
وسائل الإتصال:

كاتب الموضوع : دهــن الــعــود المنتدى : الارشيف
افتراضي

 

السلام عليكم
مسيكم بالخير اعذروني على بارت اليوم لأنه قصير لكن بارت يوم الاربعاء راح يكون طويل وفيه حماس اكثر
بالنسبه للبارت اللي فات البعض مافهمو وش سوا سلمان
سلمان كان مثل فئه في مجتمعنا دمار للشباب والبنات
سلمان كان يقوم بعمل قوم لوط وهالشي يهتز له عرش الرحمن توقعون ان سلمان مايستاهل الذبح؟
اتمنى لكم قراءه ممتعه
البارت السادس عشر
...............................
كانت احد المخافر تأججت بغضب الكثير من الرجال منهم من هو له حق ومنهم ليس له اي حق
كانوا آل دبيس يحتلون احد الصفوف المتقابله من الكراسي وآل لطام في الجهه المقابله
اقبل ثمانية شبان يمشون بكل فخر وعزه بعد ان اصبحوا قاتلي خصمهم وخصم الاسلام
وقف آل لطام ليقتربوا من هؤلاء الشباب ليقول ابوسعد:وش علمكم يالطام
لطام وهو ينظر لآل دبيس بكل احتقار وهو قد كشف عن ملامحه:علمنا ان حنا خذينا حقنا
ابوفيصل:ياولدي السالفه ذبح مهيب ضرب
لكام وهو يقبل رأس جديه:معليكم كلها ربع ساعه وبتشوفونا ظاهرين معكم
ابولطام وهو يقترب منه ليمسك بكتفه بغضب:من اللي ذبحه منكم
ناصر الذي اجاب بغموض:كلنا
ابوناصر بعصبيه:الحكي مهوب ذاالحين الحكي لاجينا البيت
ذهب الثمانيه بعد ان قام الحرس بسحبهم
تقدم ابومحمد بحزن قد اثقل كتفيه وهم ردع من بلغ غضبهم وحقدهم الذروه:ياابوسعد
ابوسعد ومن معه تقدموا وهم يحملون الغضب والكره في ملامحهم:نعم
ابومحمد بتعب:سكتنا من الاول والحقتوه بالتالي
أبو ضيدان بغضب جعله لايعي حدود الاحترام:تستاهلون اول وتالي
ابوسعد وهو ينهر ابنه:ناصر
ثم اردف:ياأبومحمد الاول حقنا وانتو دخلتو ايديكم في حلوقنا والتالي والله ماندري وش العلم لكن ماذبح ولدكم منا والطريق
ابومحمد بخجل:حنا عوال عود واحد واللي صار مايجوز بينا ياعوال العم كل ماهنا غرتوا علينا وذبحتو واحد من عوالنا(عود=الجد الاكبر)
ابولطام بغضب:انكم ماحشمتو القصره ولا الجد اللي جمعنا(القصره= المجاوره)
تقدم ابناء آل دبيس وقد تعالت اصواتهم بالقذف والشتم
اصمتهم جميعاً صوت الضابط:الضابط في انتظاركم
دخل ابوسعد وابوفيصل وابو محمد
دخل الثلاثه وهم يهتفون:السلام عليكم
الضابط:وعليكم السلام تفضلو
جلس الجميع وأمر الضابط بأحضار الثمانيه الجناه
دخل الثمانيه مكبلين الايدي لكن قد اخذهم الكبر والفخر بفعلتهم
الضابط:ممكن الحين تفهموني السالفه
ابومحمد بالم:ياحضرة الضابط العوال كانوا يرمون من الفرحه عقب الصلح اللي صار بينا وبالغلط ظربت وحدة من الفشق في ولدنا
الضابط بغضب: غير ذاالحكي ياعم
ابومحمد بغضب من تقلليل احترامه من قبل ذلك الشاب:ماجاك الا اللي صار
الضابط الذي رأى غضب ابومحمد فأجابه بهدوء:ياعم لاتهقى ان القانون بيتهاون في أخذ حقك ولا تظن انه راح يسمح لكم تأخذون حقكم بنفسكم فأحسن لكم تقولون لنا اللي صار
ابومحمد بأصرار:ماعندي غير ذاالحكي
الضابط وقد التفت للثمانيه الصامتين منذ اتوا:وانتو ماتبون تكلمون
الشباب:...............
الضابط بغضب:انا اوريكم
ابوسعد بصرامه:لاتهقوى على شي ياولدي
الضابط:تهددني ياعم
ابوسعد:انا مااهددك لكن انبهك
ابومحمد:ياولدي ولا عليك امر انا ابي اتخلوى بهم
الضابط وهو يقف:حاضر ياعم يمكن الله يهديكم وتقولون لنا اللي صار
وخرج الضابط ليلتفت ابو محمد بغضب للشباب العمالقه:علموني وش هو له تذبحون ولدنا
صمت الجميع ليحثهم ابوفيصل:ردوا على الرجال خلونا نعرف وش سبة اللي صار
بدأوا بالنظر لفهاد ثم تقدم لطام ليقول:العلم اللي بتسمعونه مايظهر لغيرنا وتموت السالفه في محلنا ذا
ابومحمد بلهفه:ابشر بس علمني
لطام:ياعم انا بعلمك بسبب بس اخواني كلهم يطلعون قبلي وثارك عندي انا لطام بن سعد
ناصر وهو يتقدم بغضب:لطام هذا مهوب اللي اتفقنا عليه
فهاد الغضب:اما نشلها كلنا ولا نبلس ونعلم
لطام بهدوء:ياابومحمد ماعليك منهم شرطي اللي قلت لك
ابومحمد باستعجال:والله انه صار بس علمني خلها تبرد ضو في كبدي
لطام بهدوء:ياعم ولدك ماذبح الا عشانه نشب في حلق واحد من اخواني
ابومحمد وهو يسأل سؤال كان مطلب الجميع اجابته:وشلون نشب في حلقه وش هو مسوي
لطام وهو يرمي قنبله قد اقشعرت منها جميع الابدان الحاضره:ولدك لوطي ياعم
بهت الجميع بل صعقوا فمن هذا الذي اقدم على هز عرش الرحمن
ابومحمد وهو يفتح عينيه لأقصى اتساع ويهمس:ليتك ماحكيت ليتك ماحكيت
ابوسعد وهو يقف بعنف وغضب قد محا كل ذرات العقل في رأسه:اخو ناصر
ثم التفت لابو محمد المفجوع:والله لو ان عوالي ماذبحوه كان ذبحته انا
ابوفيصل الغاضب:اسمع ياأبو محمد كل مابينا انقطع ولالكم ثار عندنا ولا ترا مايردنا منكم الا خشم البندق
ابومحمد الذي يمسح دموعه حسره على ذلك الذي كان نصيبه سوء الخاتمه ونار جهنم يتقلب فيها :مالنا ثار عندكم ياآل لطام وترانا متنازلين من عوالكم كلهم
ابوسعد بقسوه من حقه:غصب مهوب طيب
وقف ابومحمد وقد انحنى ظهره خجلاً من الناس وخوف من الله:لكم منا ماحد منا يتعرضكم
التفت الثمانيه لبعضهم فرحة من هذا الخبر فقد اخذوا حقهم نجوا من حبل المشنقه
.............................................
في المستشفى
منذ ان دخلت وهي سارحه ففجأها سؤال جواهر الهامس لها:يمه ماكنهم تأخروا
ام شاهه بهمس مماثل:توني مكلمه ابيش ويقول شوي وجايين
جواهر بقلق:الله يستر
ام سعد بتوتر:يابنات دقن على العوال تقطعت كبدي وانا احاتيهم
ام نهار ببكاء:اي والله احد يدق عليهم
قاطعهن استيقاظ تلك النائمه منذ فترة طويله:يم...يمممه
ام شاهه وهي تقترب منها بسرعه:لبيه
شاهه بوهن:اقعديني يمه
ام سعد بحنان:يمش ريحي عمرش ماعندش الا اماتش وخواتش
ام نهار:يامش ارتاحي ارتاحي
اسكتهم دخول ابوسعد وهو يتكأ على عصاه:السلام عليكم
وتبعه ابوفيصل بفرح يشع من عينيه التي احاطتها نتائج السنين:مسيكم بالخير
الجميع ردوا السلام
ام شاهه بلهفه:ها بشر يبه
ابوفيصل وهو يريح ظهره على الكرسي الذي وضعته له عليا:هذولا هم برا مافيهم الا العافيه
ماأن اتم جملته حتى بدأ ازعاج ازاحة الكراسي للأنطلاق ورؤية من استحلو قلوب جميع الجالسين ماعدا شاهه واخواتها ووضحه وشقيقتها
ابوفيصل بضحكه وهو ينظر لأبو سعد الصامت منذ دخولهم:انت تشوف كلهن قامن يجرن حتى عجوزك قمت تهذب
عليا بملامح تحمل الكثير من الحزن:الحمد لله على سلامتهم
الجدان:الله يسلمش
حصه بنفس ملامح شقيقتها:الحمدلله على سلامة العوال
الجدان:الله يسلمش
ابوسعد:شاهه شلونش اليوم يابيش
شاهه بصوت مرهق للغايه:طيبه ربي لك الحمد وظاهرين من الشر ان شاء الله
ابوفيصل وهو يقف ويقبل رأسها:وش قومش يابيش كانش بتخلين المرض ينخر عظمش
شاهه بصوت قد خرج بصعوبه:والله انه غصب يبه ماكن في جسمي عظم
ابوسعد وهو ينظر لها بكل حب:هانت وانا ابيش بكره ان شاء الله وانتي في لندن
ابوفيصل وهو يجلس بجانب اخيه:من اللي بيروح معها
ابوسعد بغموض:لطام
ابوفيصل باستغراب لايخلو من الغضب:ليه يروح معها وحنا ماسوينا عرس
ثم اردف:وابيها وينه
ابوسعد وهو مشغول البال:والله ياخيك مدري واللي بيروح معها رجالها مهوب غريب
........................................
في الممر المقابل لغرفة شاهه
كانت قد تعالت الشهقات وغضب الرجال
ام نهار وهي تقبل صدر ابنها وتمسك بيدي الثنين الباقيين:يامكم ليه تسوون بي كذا والله ماعاد فيني حيل لذا السوالف
نهار وهو يضمها لصدره هي واخته ليخفض صوتهن:يمه جعلني قبلش اقصري صوتش حنا في طبيب ماحنا في بيتنا
نوره وهي تبكي بصوت منخفض:والله انكم خبصتونا ولعبتو بنا
عساف وهو يسحب والدته لحضنه:يمه فديتش هذا حنا قدامش ولافينا الا العافيه
فلاح بابتسامه:والله امك باكيه باكيه اصلاً امك بئر لاينضب
والدته وهي تنظر له من فتحات برقعها بعينيها الدامعتين:جعلك السلال مانيب في حال الضحك
فلاح وهو يقبل رأسها:يمه يعني اللي مصاب فيهم انا وانتي من اليوم تلوين على ذا الخبلان
ام نهار وهي تضم ذلك المازح دائماً
.......................................
بجانب ام نهار كانت أم لطام تقف وتكفكف دموعها المنهمره بصمت بعكس ابنتها التي تعالى نشيجها
كان يقف امامها بداح وفهاد فقط
كانت تتلمس ذلك المصاب:تكفى يامك علمني وش يوجعك
فهاد وهو يضمها ويقبل رأسها:والله يايمه مابه شي يوجعني
فزاد نشيجها ليضمها اكثر لصدره
بداح وهو يقترب ليهدئ والدته المنفعله بشده:يمه جعلني الاول ترا بكاش ذا ماله خانه
ام لطام بصوت هامس خجل من ان يسمعها احد:يامك والله انه قده غصب غار وش اسوي بذا اللي تقطع عليكم
ثم اردفت:اخيكم وينه
بداح وهو يشير لمكان بعيد قليلاً:هذاك هو عند امي شاهه
.
.
.
.
.
.
كانت تتطمن عليه بطريقتها الخاصه فهي تنظر لعينيه لتعرف مدى تعبه كيف لا وهو اول صغارها وسندها الذي يتقرب لها يومياً بأفعاله رغم انه يحتل نصف قلبها فالنصف الاخر تحتله تلك الجميلة المريضة
كان يمسك بيديها ويقبلها:ماخليتي ذاالعاده
الجده:ولانيب مخليتها الين اموت انت ماتشكيلي ولانيب عارفه اللي فيك الين اشبح في عيونك
لطام بحنان يغمرها به هي ووالدته فقط:ها وش شفتي
الجده:اشوف الخير اللي جعله يكتسيك انت ومرتك
اصابته رعشه قذفت بقلبه على شطآن عينيها
الجده وهي تضغط على كفيه:اسم الله عليك شقومك فديتك
لطام:مافيني شي جعلني قبلش
الجده بحزم:قم روح لامك شوفها تخايلك من اليوم
وقف ليتجه لصاحبة العينين الدامعه ذات القلب المنفطر
ماان اقترب منها حتى شدته لصدرها لتهدئ رعشة مابين اضلاعها فهو له من الحب الكثير بل اكثر من الكثير
لطام وهو ينحني ويقبل رأسها:يمه شوفيني قدامش انا واخواني كلنا طيبين ولا فينا الا العافيه
ام لطام:ياقو قلبك يامك تعداني ماكنك تشوفني وانا قدني بصيح من خوفي عليك
صعق بشده فهي لأول مره تنزعج من قربي من جدتي فضمها بجزع وهو يقبل رأسها وكتفها:والله اني تعديتش وانا قلبي ماتعداش جعلني فداش
شدت من احتضانه:لاان شاء الله جعل ماانت بفداي مالي من الوالي الاانتو وخالكم جعلني انا اللي فداكم يأربعه
............................................
وبجانبهم كانت تتفقد الاثنين لكن دون سكب دموع بل بصمت مريع يحمل من الالم اكثر مماتحمله الدموع
ام ناصر وهي تمسك بيد نايف المكسوره:ياليته في عظمي ولا انسته
نايف بتعب:اسم الله عليش فديتش
ام ناصر وهي تنظر لناصر بغضب:وانت فيك شي
ناصر بضحكه فهو يعلم لما هي غاضبه:ههههه انا فيك شي وهو جعله في عظمي مقبوله منش ياام ناصر
ام ناصر وهو تصد بوجهها المحبوب لدى الاثنين لصغيرها:هو مضروب ومشين(ن) فاله ولاانت بلا نقص من عقلك واجد
ناصر وهو يقبل كفها:افا انا عقلي ناقص
ام ناصر بغضب مكتوم:ايه ناقص يومك طاوعت البزران في سواياهم
ثم اردفت:مانيب شارهه عليك انك اللي اعرست على وضحه مرتين
ناصر ونايف:ههههههههههه
ناصر:يايمه وش جاب ذاالطاري ذاالحين
قاطعتهم جمسات ام وضحه:ناصر ياناصر
ناصر وهو يقترب منها:لبيه يمه
ام وضحه قد بانت دمعات عينيها:الحمدلله على سلامتكم يامك
ناصر وهو يقبل رأسها:الله يسلمش يمه
ام وضحه بعتب:كذا تلعب بنا يامك والله ان امك قدها بتجر العوا عليكم(تجر العواء=نفذ صبرها)
ناصر:جعل ربي مايخليني منكن
ثم اردف:يمه ولاعليش امر صوتي لوضحه قد حنا بنسري
ام وضحه:ابشر
وذهبت لتنادي ابنتها
وبعد دقائق كانت تقف امامه تخبئ نفسها وقلقها في غطاءها
ناصر بهمس:مشينا
لم تجبه لكن اومأت برأسها بالموافقه
وذهبا يسيران متجاورين
همس لها وهو يمسك بيدها:وحشتيني
سحبت يدها وقد تحدر دمعها تحت غطاءها:تدري انه ودي اذبحك
صمت وهو يقاوم ضحكته:هذا يعني تعبير عن خوفش علي
وضحه:اشششششششش الكلام لاوصلنا البيت
.......................................................
كانت تجلس على سريرها وهي تضع صغيرها حجرها
كان ينظر لها ويقبل انفها كما تحب:ساهه متى تدين البيت
شاهه بابتسامه وحب خالص ليس الا لهذا الصغير:لما اصير زينه اجي البيت واشتريلك نطاطيه كبييره
ضيدان بفرح طفولي:والله
ثم اردف وهو ينظر لعليا:بس عليا ماتلعب معنا
شاهه:ههههههه ليه عليا مو اختنا
ضيدان بنفي:لا مواختنا
خرجت والدتها من الحمام بعد ان توضئت:كني سمعتش تضحكين
شاهه:ليه مااضحك وانا اشوف ذاالوجه الزين قدامي(ضمته بقوه آلمت الصغير كانت تريد ان تتشبع جيوبها الانفيه من رائحته التي تعشقها)
عاد الحزن على وجهها:يامش لاتسوين كذا تراش تذبحني لاشفتش شفقة علينا
شاهه وهي تمثل القوه:مانتيب رايحه معي عشان ارجهن
ام شاهه بحزم:انا قايله لش انا وابيش مانجتمع في مكان
عليا وهي تحاول محي الحزن من وجهها:المهم صدعي الرجال هبلي به ابيه لاجا سمونه عبدالحليم قطر
شاهه:هههههههه ماعينتي الا لطام ماكنش تعرفينه
عليا:الا والله اعرفه مااحد مهطني على علباي في الشارع الاهو
شاهه:ههههههه قومه شواهتش يومش صغيره
ثم اردفت وهي تنظر لامها:اجل يمه ام ثلاث تعش سنه تظرب العوال في الشارع وش هو عشانه عشانهم راضخين عساف
عليا وهي تمثل الحب:الله ياعصر لعساف فات
ثم اردفت بحماس:قبل لاشفته احسب حتى ابي مايقدر يضربه
ام شاهه وشاهه:ههههههههههههههه
ام شاهه وهي تنظر لحصه باستغراب:حصوص امي شفيش
حصه بارتباك:مافيني شي بس راسي يوجعني
عليا وهي تخرج حبوب البنادول من حقيبتها:هاش بندول خليه يريحش شوي
اخذت منها الحبوب وذهبت بخيالها لمن كان يأسره منذ رأته وهو مصاب وثيابه قد اتسخت بالدماء
..............................................
في منزل ابوفيصل
كانت تدخل شقتها لتوها وهو يتبعها بتعب
ماأن اغلق الباب حتى لكمته على صدره وقد تحدر صوتها لبكاء متجدد:انت ماتخاف على نفسك انت ماتخاف الله فيني ماتدري بغيت اموت وانا انتظر علم منك
اصمتها صدره الذي احتوى رعبها الذي امتد معها لفتره ليست بقصيره
ناصر يهمس في اذن تلك المرعوبه:حقش علي ادري اني غلطان بس وش عاد يفيد الحكي
انحنى ليقبل رأسها قبله عبرت عن مدى اسفه لما احدثه في قلبها من رعب
رفعت رأسها له وهي تمسح دموعها:تدري اني بغيت اجن اليوم كلن يريح عمره اما بمكالمه ولا نشده وانا لاذي ولاتيك عشان ماأفتضح قدام النسوان
ناصر وهو ينظر بعينيها:اليوم يوم صكو بنا الرياجيل ماطرا علي الا انتي جعلني ماخلا من ذا الوجه
احاطت عنقه بيديها بكل حب ولهفة الدنيا وهي تقف على رؤوس اصابع قدميها
ناصر وهو يحملها ويتجه بها لغرفتهم:هههههههههه ماطلتي يالقزمه
............................................
بــــــــــــــــقــــــــــــــــ شــــــــــــــادن لــــــــــــــــــــــــــم

 
 

 

عرض البوم صور دهــن الــعــود  
قديم 17-04-11, 12:20 AM   المشاركة رقم: 243
المعلومات
الكاتب:
اللقب:

البيانات
التسجيل: Feb 2011
العضوية: 218401
المشاركات: 1,450
الجنس أنثى
معدل التقييم: اثرني احبه عضو على طريق التحسين
نقاط التقييم: 56

االدولة
البلدBahrain
 
مدونتي

 

الإتصالات
الحالة:
اثرني احبه غير متواجد حالياً
وسائل الإتصال:

كاتب الموضوع : دهــن الــعــود المنتدى : الارشيف
Congrats

 

مرحبتين كبار كبار



بش شدووونه وين هالغيبه ماعاد شفناش تنزلين البارت وتطلعين اشتقنا لردودش علينا

نجي للبارت روعه مثل اي بارت انتي تنزلينه

شاهه احساس الفقد يوجع وخصوصا يوم ضمت ضيدان ولدها اعتبره وكأنها تبي تحتفظ بريحته والله يعينها كفايه انها مريضه والسفر للعلاج وشلون لو مرافقها لطام اكيد صعب مع اني عارفه انه بيصير جنتل معاها وبينسيها مرضها

ووش قصة ال دبيس متشوقين نعرفها يمكن عايروهم بسالفة وضحى هذا اذا كان ولدهم ماله يد

حصه لاتصدميني وتطلعين تبين حد غير فلاح فلاح لانه شكله بيحبش الله يستر لاتحبين فهاد

عليا هالبنت تدخل القلب بسرعه تجنن يالله شنسوي نبي حد يحبها خليه عساف مافيه الا هو الا اذا مجهزتلها واحد يجنن يصدعها راضين هههههه


ناصر ووضحى يهبلون ويصدعون الله لايغير عليهم وياجعل وضوح تطوول


نجي لتوحه ونصوري مثل ماسميتهم هههههههه الكبيره توحه والصغيره وضوح اشرايش؟؟؟ هههههههه اتمنى جد انهم يسافرون لها بلييييييز وتراها تهز البنات عجلي برجعتهم وابي توحه تجننه وتخليه ماعاد يمسي بسببها هههههه

سلمان انسان خسيس ويستاهل ماجاه بس احزني ابومحمد واااجد وشي محزن يوم تشوفين حد كبير في السن مكسوور



YSLMooooOOOOooo 8alby

 
 

 

عرض البوم صور اثرني احبه  
قديم 17-04-11, 12:27 AM   المشاركة رقم: 244
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,516
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : دهــن الــعــود المنتدى : الارشيف
افتراضي

 

هلا وغلا شادن
صبحك الله بالخير
تسلم يدك جعلها تنحرم من النار على البارت الرهيب
وجعل يمينكم تسلم يا آل لطام في الي سويتوه بالنجس
واكيد ابوه ماله وجه يطلب ثاره لان سواته تسود الوجه

وتاثرت كثير يلقاء الامهات مع عيالهم
وشاهه يارب انك تشافيها وتعافيه وتحنن قلب ابيها وامها وزجها عليها وخليهم يدحرون الشيطان ويسافرون معاها والمفروض في مثل هالمواقف ان ام شاهه ما تفكر الا في صحة ينتها ونفسيتها وتترك لك شيء وراها

وترا عاجبتني لهجتك حييييل

 
 

 

عرض البوم صور عبق الرياحين  
قديم 17-04-11, 12:33 AM   المشاركة رقم: 245
المعلومات
الكاتب:
اللقب:
عضو قمة


البيانات
التسجيل: Jul 2010
العضوية: 175470
المشاركات: 14,163
الجنس أنثى
معدل التقييم: الوزيره عضو متالقالوزيره عضو متالقالوزيره عضو متالقالوزيره عضو متالقالوزيره عضو متالقالوزيره عضو متالقالوزيره عضو متالقالوزيره عضو متالقالوزيره عضو متالقالوزيره عضو متالقالوزيره عضو متالق
نقاط التقييم: 2994

االدولة
البلدSaudiArabia
 
مدونتي

 

الإتصالات
الحالة:
الوزيره غير متواجد حالياً
وسائل الإتصال:

كاتب الموضوع : دهــن الــعــود المنتدى : الارشيف
افتراضي

 

يعطييييييييييك العافيييييييييه

شدوووووووونه

انا مااقول سلمان مايستاهل الذبح الا ويستاهل
اكثر من كذا بس انا اقوووول ان في جهات مختصه
بتاااخذ حقهم من سلمان ما لادااااعي العياااال يذبحونه
هم لان لو مثلا ابو سلمان ماتناآآآآآآآآزل كان راحو فيها

بااانتظآآآآآآآآآآر بآآآآآآآآآآآرت الاربعآآآآآآآآآآآآآآء

 
 

 

عرض البوم صور الوزيره  
 

مواقع النشر (المفضلة)

الكلمات الدلالية (Tags)
لطااام و شااههـ بـ المبااركـ ً, دهن العود, غضو النظر عني تراني حلاله, قصص من وحي الاعضاء
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t152932.html
أرسلت بواسطة For Type التاريخ
ط؛ط¶ظˆ ط§ظ„ظ†ط¸ط± ط¹ظ†ظٹ طھط±ط§ظ†ظٹ ط­ظ„ط§ظ„ظ‡ This thread Refback 12-09-14 10:59 PM
ط؛ط¶ظˆ ط§ظ„ظ†ط¸ط± ط¹ظ†ظٹ طھط±ط§ظ†ظٹ ط­ظ„ط§ظ„ظ‡ This thread Refback 30-07-14 02:51 AM


الساعة الآن 11:36 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية