المنتدى :
الشعر والشعراء
يا حلم عمري ..
بنساك لكن دام هالجرح ماطاب
بنساك وارجع من وراء جرحي أذكرك
ماهو أمل, لن الأمل داخلي خاب
هذا مرار اليأس فيني.. وأبشرك
ماتت بي الشرهة ولا باقي عتاب
حتى المدامع تبتسم غصب, تشكرك
اللي يسلم (راحته) بين الأنياب
ذنبه على جنبه ولو تفركه..فرك
أرضيت بي ناسك وأنا وين وش جاب؟
أنا خسرت الناس من شان ما أخسرك
ما للولاء بإخلاص ميزان وحساب
في شرعك اللي أصغر ذنوبه الشرك!!
ياحلم عمري وأدري (الحكم) كذاب
إلا أنت مدري ليه دايم أفسرك؟
مهما تخالف واقعي فيك, وأرتاب
يبقى جنوني يعتذر لي ويعذرك
أزريت أجاوب حيرتي وأخلق أسباب
أنكرتني وشلون أنا ماقدر أنكرك؟
وخيرت قلب عن مماشيك ما تاب
أما يوخر عنك.. وإلا يوخرك
وأثرك محبة تعتلي حد الإعجاب
تضوي خفوقي لو عيوني تعدرك
النفس طابت.. لكن الجرح ما طاب
لو ماذكرتك يكفي الجرح يذكرك
هذي للشاعر : مشاري البواريد
حبيت أنقلها لكم ...
|
20-11-10, 03:31 PM
جديد مواضيع قسم الشعر والشعراء
العرض الشجري
