كاتب الموضوع :
ROoOnQ
المنتدى :
القصص المكتمله
الجزء الـ|[19]|ـالتاسع عشر ..
جالسة على السرير اللي بحياتها ما تخيلت إنها بيوم بتجلس فيه ..!!
صدمتها بوجودها بهالمكان .. ما تجي شيء عند صدمتها باللي صار لها ..
تعلقت عيونها برجولها و هي تحركها بكل بطء وهدوء .. و الذكريات تمر على خيالها بشكل أبطء ..
..
ريتاج:قريبين بس لوجين قالت أنها شافت شيء تبيني أشوفه ..
..
قاطعتها البنت:لا تحاولين تطلعين نفسك كلنا في الهواء سوا يا – قالتها و الابتسامة الخبيثة ترتسم على وجهها:جنوو ..
..
سامية بكل غرور:يكفي عاد .. ترا لا دموعك ولا حتى حلفك بيطلعك من هنا .. أصلا غبائك اللي جابنا لهنا ..
..
بدر بعصبية:و هي خلت فيها بكرة .. البنت وش لها غير سمعتها ..؟!
..
بدر:أي ذكر و الشيطان بعينه واقف قدامي ..
..
قطع عليها .. صوت همسه:جنى ..!! .. جنى تسمعيني ..؟!
لمعة الدموع في عينه .. ما لفت تشوفه بس تعرف صوته ..
ما تبي تلف أو ترد لأنها عارفة إنها فـ الأخير محد مصدقها .. كلهم يسمعون لبدر و كلهم يثقون فيه .. أكيد قال لهم كل شيء ..
أبو بدر بنبرة ترجي:جنى .. ردي علي ..؟!
تنهد و هو يراقب الوضع من بعيد .. بنبرة كلها يأس:حاولوا معها الدكاترة قبلك بس ما نفع .. ما ترد على أحد ..!!
تنهدت بضيق أكبر .. رفع جسمه بعد ما كان منحني لها:طيب ما عرفتوا وش اللي صار معها ..
..
.. ألف على أبوه قصة ..! بس حتى لو كان يكذب المفروض يصدق كلام جنى .. بدر بكل ضيق:تبنيي أعيد لك نفس الكلام كل مرة ..؟!
ناظره بكل لوم:موب مصدق إلا لما أسمع منها كل شيء ..
حست بدموعها تخونها و تحرقها و هي تنزل على خدها .."لااااا يا بدر .. ليه .. ليه تقول له .. أنت أصلا تنتظر اللحظة اللي تحطمني فيها .. ليش يا بدر ليييييش" ..
قرب منها بدر و بكل خوف:جنى وش فيك ..؟!
نزل عيونه و بخوف أكبر من ولده:رح ناد له الدكتور .. أو شف لها أي سستر ..؟!
سارح بأفكاره و لا قاعد يسمع شيء من كلام أبوه .."و الله يا جنى مالي دخل .. ما كنت أبي شيء غير إني ..
قطع تفكيره صرخت أبوه:ما سمعت وش قلت لك .. أنا الغلطان أعتمد عليك ..!!- طلع أبو بدر من الغرفة بكل ضيق .. تلفتت يمين و يسار يدور أحد يساعد جنى ..
صحيح أنها مجرد دموع .. بس أكيد أنها ما جت من لا شيء .. زفر أبو بدر بضيق أكبر ..:من يومك و الهم مكتوب عليك ..!!
..
بعد لحظات الصمت الطويلة من طرف بدر .. قرب أصابعه المرتجف لخدها ..
مجرد ما لامست أطراف أصابعه خدها حست بشيء يحرقها .. لفت وجهها بعيد ..
..
ميل فمه بابتسامة استهزاء ما اخفت الحزن اللي بعيونه:يعني دارية عن اللي حولك بس متعمدة تسكتين ..؟!
خذت نفس .. و استمرت فـ طريق الصمت اللي اختارته من صحت من غيبوبتها ..
..
دخلت الدكتورة و قربت من جنى ..
أبو بدر بكل توتر:يعني هي تحس فينها ..؟!
الدكتورة و هي توجه نظرات تفحصية لجنى:أكيد تحس .. – قربت منها و حاولت تكشف على عيونها ..
بس جنى سحبت وجهها من بين أحضن يدها ..
لفت الدكتورة و بكل لوم:وعنيدة بعد ..؟!
أبو بدر بتردد واضح:طيب متى نقدر نطلعها ..؟!
الدكتورة:فـ أي وقت .. دامها طلعت من الغيبوبة سليمة و كل الإصابات اللي تعرضت لها مجرد رضوض و كدمات .. تقدر تطلع متى ما تحب ..؟!
لف بدر و كله رجاء يسمع ردها:ها وش رأيك جنى تحبين تطلعين و الا تقعدين كم يوم ..؟!
دقيقة .. ثنتين و ثلاث .. مرت طويلة على الكل لأنهم يتحرون ردها ..
بس جنى ... لا حياة لمن تنادي ..
لفت الدكتورة عليهم:فـ هالحالة محتاجة لدكتور نفسي ..؟!
بدر بكل عصبية:وش هالكلام دكتورة بنتنا موب مجنونة ..؟!
ناظرته مصدومة:معقولة في ناس للحين تفكر بـ الطب النفسي كذا ..!!
أبو بدر و هو معقد حواجبه:لا دكتور نفسي و لا غيره .. إنا نبي بنتنا فـ بيتنا ..
زفرت بكل ضيق و اليأس بصوتها:خلاص .. براحتكم .. أنا بشوف أوراقها و بكتب لها خروج .. عند أذنكم ..
فسح لها الطريق تطلع .. حتى هو مو طايق يسمع كلام زيادة يغث ..
ناظر فـ ولده و بكل تردد:أنا بروح للشركة .. برسل لك ريان تأخذونها للبيت ..
هز رأسه بالتأكيد من غير ما يرد ..
.._.._.._.._.._..
حطت رأسها بحضن عمتها و بكت بكل حرقة ..
ضمتها له أكثر و بنبرة لوم:يا يمة الدموع تعذب الأموات ما لك غير أنك تدعين له الله يثبتها عند السؤال ..
بكت و صوت شهقاتها يعلا .."أي سؤال و هي ميتة منتحرة ..!!" ..
مسحت عمتها نور على رأسها و همست:لا إله إلا الله .. لا إله إلا الله ..
..
بعدت عن باب لغرفة بكل هدوء ..
مشت مثل الحرامية و أخف منهم .. وصل لباب غرفتهم دخلت و سكرت الباب وراها ..
رافعة المرايا تتفحص بشرتها .. أسماء:ها بشري ..
نهى و هي متسندة جسمها ع الباب .. تنهدت بكل ضيق ..:على حطت يدك ..!
دفنت رأسه بالمخدة .. أميرة:ما تنلام البنت .. أول شيء أخوها الصغير و الحين أختها اللي ما لها غيرها .. و محد يدري عن أخوها الثاني ماصار له غير أسبوع طالع من المستشفى الله العالم يتقبل حياته و إلا يودع ..
قربت و جلست على طرف السرير و بنبرة أقرب للوم:وش الفال .. أعوذ بالله منك ..
تفاؤلوا بالخير تجدوه ..!!
لفت أسماء عليهم:بنات أنا صراحة طفشت كل شوي مأجلة فـ زواجي عشان عمي أبو ياسر ..
رفعت نهى رأسها مصدومة:وش هالكلام أسوم ..؟!
أميرة بكل اندفاع:و الله أختي صادقة كل ما ..
قاطعتها:هييي أنتي معها .. هاذي كتبت رب العالمين بتعترضون عليها ..!!
أسماء و لمعة الدموع بعيونه:والله حرام .. نفسيتي صارت فـ الأرض شوفي وجهي كله حبوب من القلق و التوتر كل ما عالجته يرجع ..
زفرت نهى بكل ضيق:وش نسوي يعني .. ما بيدنا شيء ..؟!
طقت الباب و دخلت بكل هدوء كعادتها .. الجوهرة:هااي بنات ..
ناظرتها أميرة بطرف عينها:وعليكم الهاي ..
دخلت و جلست على أقرب كرسي:وش فيكم متجمعين هنا ..!!
أسماء بكل ضيق و هي ترفع المرايا الصغيرة:نناقش قضية فلسطين ..
الجوهرة بكل ضيق:يوووه وش فيك أنتي و يا أختك أخلاق تجارية ..
فجرت ضحكة خلتها تطيح من على السرير .. أميرة:ههههههههههههههههههههههههه .. وين نوف عنك .. ههههههههههههههههههههههه ..؟!
ناظرتها بنص عين:مالت عليك بس ..
أميرة و هي تجلس ع الأرض:لا .. جوجو مو طبيعية ..؟!
ما عطتها وجه و لفت على نهى:نهوي و ينها نوف ..؟!
نهى ناظرت فـ ساعتها و هي توقف "الساعة 1 وين اختفت":رايحة أشوف وينها ..!! .. – ثواني بسيطة طلعت نهى من الغرفة و خيم الصمت ع الجو ..
.._.._.._.._.._..
رمت المخدة بكل طفش ..
من وراء السماعة .. فيصل:الحمد لله على سلامتها .. شفتي شلون الموضوع سهل ..!!
ريتاج بكل ضيق:أي سهل .. بدت يصعب اكثر و أكثر ..!!
فيصل بكل يأس:لييييش ..!!
ريتاج و هي تلعب بطرف المفرش بتوتر:لما ترجع للبيت ... بتعلمهم عن كل شيء ..!!
فيصل بقلة صبر:ايه عاد أنتي وش مسوية .. كذبة و ما توقعتيها تكبر ..
ريتاج:إن شاء الله أبوي و جدتي ما يكبرون الموضوع ..
فيصل بكل تفاؤل:خلاص .. دامها طلعت سليمة محد بيلومك ..!
زفرت بكل ضيق .."إن شاء الله يا رب ما تفضح اللي صار" .. كملت تسايره=تجاريه":الله يريح قلبك ..
فيصل:بعد عمري .. – لفت انتباهها هزت جوالها .. رفعته ..
حس بالمفاجأة و هي تقرا اسم "لوجين" على الشاشة ..
"هاذي للحين عايشة وينها فيه" ..
قاطعته:فصول .. لوجين تدق علي بـ رد أشوف وش تبي ..
فيصل بكل ضيق:لا تردين .. صار لنا فترة مرتاحين منها ما أبيها تسوي لنا مشاكل ..
ريتاج بكل توتر:ما عليه .. بـ رد .. إذا ما رديت بتحس ما أعرف أكذب عليها و بعدها بتسوي لي مشاكل ..
فيصل بكل استسلامية:خلاص .. خلاص .. أول ما تسكرين عطيني رنة .. و أرجع أدق ..
ريتاج:أوك حبي باااي .. – سكرت وردت بسرعة ..
لوجين بكل ضيق:سااااااااعة ..
ريتاج بكل توتر:كنت بعيدة ..!
لوجين بنبرة سخرية:من متى تصيرين بعيدة عن الجوال ..؟!
ريتاج:يوو .. داقة تتحرشين ..!!
لوجين بنبرة كلها هدوء:لا اشتقت لك .. -"إلا طفشانة"
ريتاج بكل تعجب: نعم ..!!
لوجين:ايه وش فيك .. بنكمل الشهر ما كلمنا بعض ..!! وين غاطة هااه ..؟!
ريتاج:أنتي عارفتني .. أنتي اللي وين غاطة ..؟!
لوجين:انا ويني يعني نفس الأماكن و نفس الناس و نفس المواعيد .. أنتي ما عاد تنشافين ..
ريتاج بكل خوف من ردة فعل لوجين:للحين شايل هم سالفة جنى ..؟!
لوجين و نظرة التفكير بعيونها:أي سالفة .. ايييييييييه .. للحين ..؟!
ريتاج:وش أسوي خايفة بكرة ..
قاطعتها:وش مخوفك .. سامية و خلينها تتراجع عن أقوالها و سكتنها بكم فلس وش اللي مشغلك بعد ..!!
ريتاج بكل صدمة:صدق .. متى هالكلام ..؟!
لوجين:من أسبوع وينك أنتي ..؟!
ريتاج:محد قال لي ..!!
لوجين بكل ضيق:تستهبلين من بيقولك .. الوحيد اللي متابع الموضوع بدر وهو ما يدري أصلا أننا نعرف عن هالموضوع ..
ريتاج بكل ضيق:و ليش ما قلتي لي ..!!
لوجين بعصبية:و هذا أنا قلت لك ..
ريتاج بعصبيةأكبر:الحين وش أستفدتي من هالموضوع هاااه ..؟!
لوجين بنبرة كلها غرور:اللي استفدت أن بدر و جنى صاروا بعاد من بعض ..
ريتاج و بعيونها نظرة تفكير:هم من يومهم مشاكل ..
ضحكت بكل سخرية:هههههههههههه .. يا حليلك يا ريتاج .. من جد نظرتك سطحية للي قاعد يصير حولك ..!
ريتاج و بعيونها نظرة توهان:وش قصدك ..؟!
لوجين بكل اندفاع:قصدي كل اللي قاعد يسويه بدر مجرد مسرحية .. عشان يجي اليوم اللي يكون فيه تحت سقف واحد مع جنى .. جولييت ..!!
ريتاج:هيييييي أنتي وش قاعدة تخرفين .. عمة وولد أخوها ..!!!!
لوجين بكل ثقة و غرور:أجل ليش يسوي مشاكل و يطلع كلام عنها أنها موب عمتنا عشانه يحبها ..!
ريتاج بكل صدمة:لوجين مستوعبة اللي تقولينه ..؟!
لوجين بكل غيض:نظرة الحب اللي بعيوني له ... شفته بعيونه لـ جنى ..
ريتاج و بدت تستوعب الموضوع:استغفر الله .. الله لا يخسف بنا وش هالكلام ..!!
لوجين:هاذي الحقيقة ..
ريتاج:لوجين لا تلعبين لي بمخي ..
لوجين:بكرة بيطلع كلامي صح و بتقولين لوجين قالت ..!!
ريتاج:طيب إذا ما طلعت جنى عمتنا وش تصير ..!!
لوجين:علمي علمك ..
ريتاج .. بدت تصدق القصة .. بكل حيرة:الشبه بينها و بين جدتي كبير ..!!
لوجين:أنا قلت مثلك كذا .. و صراحة ما تعبت نفسي بالتفكير .. بس أخوك ذيب و الذيب ما يهرول عبث ..!!
ريتاج:أنا مستغربة من هالشيء بدر جدّي و ما يحب يدخل نفسه بنقاشات و قضايا تافهة .. شلون ينزل عقله لعقل بزر و يقول لجنى هالكلام ..!!
لوجين:قلت لك الذيب ما يهرول عبث ..
سمعت صوت غريب من السماعة .. بعدت لوجين الجوال اتسعت ابتسامتها و هي تقرا اسمه ع الشاشة ..:رتوو باي باي ..
سكرت من غير ما تسمع ردها .. و ردت عليه:هلا والله بـ خلووود قلبي ..
..
نزلت ريتاج الجوال .. و كلام لوجين برن بأذنها .. هز جوالها و طلعها من دوامة التفكير ..
استغربت من الرقم .."بدون اسم" .. ردت و هي مترددة:ألوو ..
من وراء السماعة:الأخت ريتاج ..
ريتاج بكل ضيق .."رجال و يعرف أسمي ..!":نعم ..!
عيسى من وراء السماعة:العذر و السموحة منج أختي بس أنا دقيت عليك أسأل على لوجين .. صار لي فترةأكلمها ما ترد ..
ريتاج بكل خوف .."هذا عيسى .. يمة صوته يخوف وشلون تكلمه لوجين .. " بكل ربكة:مدري عنها .. صار لي مدة ما أكلمها .. صارت لنا مشاكل فـ عايلتنا ..
قاطعها:اهاا .. يعطيج العافية و سوري ع الاتصال المفاجئ ..
ريتاج:ممكن طلب ..؟!
ابتسم عيسى:آمري عيوني لج ..
ريتاج بكل غيض:ممكن تحذف هالرقم من عندك و ما عاد تدق عليه ..
عيسى:إن شاء الله تامرين آمر ..!!
سكرت الخط بوجهه .."هذا اللي كان ناقصني" .. طلعت نفس بكل راحة ..
همست:الحمد لله يا رب .. جنى طلعت منها .. و سالفة الهيئة انتهت ..!!
وقفت بكل حماس و توجهت للحمام .. توضت و صلت ركعتين شكر ..
.._.._.._.._.._..
رتبت الصحون فـ الصينية بكل ضيق .."اوووف .. أحد يجوع بهالوقت ..!!!" ..
..
دخل المطبخ من غير ما يتنح نح .. و لا فكر ولا واحد بالمية .. إن زوجة أخوه ممكن تكون ف المطبخ ..!
..
رفعت ريناد جلالها على رأسها و بكل عفوية ممزوجة بالعصبية:خير ..!!
وقف مصدوم فـ مكانه .. همس بعد ما استوعب:ريناد ..
..
ناظرته من وراء الجلال بكل غيض .. ما تشوف فيه غير الحقد و الغل ..
واللي يوضح بعيونه من يلتقي ببسام ..
..
نزل رأسه للأرض و تراجع للصالة ..
رمى نفسه على أقرب كرسي .. طلع باكيت السجاير .. "حتى لو خذيت سارة مستحيل أنساها" ..
ولع سيجارته .."ما عاد هي لي و لا في أمل أخذها .. !!" ..
خذا نفس .. و ارتسمت على وجهه ابتسامة شيطانية .."لا فيه أمل" ..
.
..
.
غطت نفسها زين و شالت صينية الأكل ... مشت بكل تردد ..
لمحته جالس فـ الصالة يدخن .. زفرت براحة لأنها معطيها ظهره ..
مرت بكل سلام و دخل الغرفة .. سكرت الباب و سندت كل ثقلها عليه ..
..
جالس على طرف الكنبة .. رفع رأسه أول ما سمع صوت الباب:ريناد ..؟!
ناظرته بكل لوم و كالعادة بنبرة حادة:من بيكون يعني ..؟!
ابتسم بإحراج:ما سمعت لك حس استغربت ..!!
قربت و نزلت الصينية بكل عصبية:وش تبيني أقول لك يعني ..!!
بسام و الإحراج بصوته:آسف تعبتك معي ..!!
ناظرته بكل تردد .. الأوقات اللي يأكل فيها تكون ليان صاحية و هي اللي تساعده ..
صح مر على زواجهم حول الأسبوع .. بس ريناد للحين مو مستعدة تسامح و تطيح الحطب ..
تكلمت بكل تردد:تبي شيء قبل ما أنوم ...!
ارتسمت على وجهه الف علامة استفهام .. نطق بعد دقايق صمت:سلامتك ..!
مشت بخطوات ثقيله لعند السرير و غطت نفسها و حاولت تنوم ..
..
تنهد بكل ضيق .."ياليتني انتظرت للصبح .. أنا تعمدت أطلب الأكل عشان توكلني بس الظاهر ما في فايدة ..!!!!!" ..
.._.._.._.._.._..
لبست مريولها و ضبطت شعرها .. بـ تسريحتها المعتادة ..
قربت من عند أمها و هي تلبس عبايتها ..:ها يمة تأمرين بشيء ..؟!
أم جمان و الابتسامة مرسومة على وجهها:سلامتس يا يمة ..
جمان و القلق بعيونها:متأكدة أنك بخير ..!!
أم جمان اتسعت ابتسامتها حتى تطمن بنتها:هذا قدامتس يا يمة ما فيني إلا كل خير ..
ابتسمت و القلق مسيطر على ملامح وجهها:أقدر أغيب اليوم .. ع ..
قاطعتها:وش تغيبين يا يمة .. موب كفاية الأيام اللي ضيعتيها على الفاضي ..
جمان بكل لوم:أي فاضي .. يا يمة .. أنتي عمري شوية عليك ..
ابتسمت بكل حب:روحي يا يمة .. الله يسهل دروبك و يوفقك ..
ابتسمت اخيرا:اللهم آمين ..- وقفت يا الله أنا طالعة ..
أم جمان:بحفظ الرحمن يا يمة ..
طلعت .. و رغم الابتسامة اللي ما فارقت وجهها .. إحساسها متخبط و كلها خوف على أمها ..
.
زفرت بكل ضيق .."وجودي بحياتها و عدمه واحد .. بس لو ما كنت أنا كان الحين هي بخير ..!!"
.._.._.._.._.._..
|
16-01-11, 05:47 PM
جديد مواضيع قسم القصص المكتمله
العرض العادي
