كاتب الموضوع :
فراشة الحفر
المنتدى :
الارشيف
مرحبا
هذا البارت الثالث
\
\
\
انتشر خبر رجوع جود واللي صار لشوق
وبدوا يتزورونها بالبيت ويتحمدون لها بالسلامه
ورجع طلال يسكن بالرياض شرى بيت وآخذ اهله عنده واختفى بندر بعد آخر مره
"متعودين يختفي فجأه ويطلع فجأه"
في سيارة خالد
دق جواله ورفعه من على الطبلون شاف رقم البيت عرف انه امه:هلا يمه هلا بالغلاااا
ام فيصل:هاه وينكم جبتو العيال
خالد وهو يلف صوب بيت اخته ام سلمان:ابمر سلمان الحين ياجنتي وناري ونروح لمطار باقي ساعة على طيارتهم
ام فيصل:لاتلطعونهم وتغيرون تدوجون لاالتميتو نسيتو اعماركم واللي مرسلينكم له
ضحك خالد:لا افــــــــــــــا عليك ننسا واحنا نقدر
"يقصد امه من كثر ماتحن ماراح ينسون"
ام فيصل:كأنه مابجايزلك ياولد بطني
خالد وهو يضرب بوري لسلمان عشان يطلع: جايزلي ونص افا عليك بس"ويصغر صوته مثل البزارين"كم ميمي عندي انا"ويغني بصوته الشجي".
مليون احبك حبيبي
ياروحي وعمري انا
عايش في حبك ليالي
بحبك ياكل المنا
ام فيصل وهي تقاطعه:عجل علي بس خل المخاقه
ضحك خالد واشر على خشمه:على هذا الخشم يام فيصل
ناظر الجوال لقى امه قد صكرته
ضحك وهو يبوس الجوال في هذه اللحظه فتح سلمان الباب وشافه يبوس الجوال وضحك:مسخن
خالد وهو يرد جواله في مخباه ويضحك:في حبها متيم
سلمان وهو ياشر قدام:امش امش لاتسمعك عجوزك بس
خالد وهو مازال يضحك:غنيت لها من اغاني اليسا كان تصكر الجوال في وجهي"ويكمل"ياحليلك ياعجوزي اذا شافت اليسا في التلفزيون تقول اغير جاي الهيسا جت
هنا فطس سلمان ضحك:ياحليلك ياجده
خالد وهو يدمع من كثر الضحك ويتذكر كلام امه: توصيني من الصبح لاتغدون علينا انت وخويك وتنسون ورعانا في الماخوذ
تغديبهم النفخات مادرانا عنهم
هنا انفجر سلمان ضحك بصوت عالي وحط طرف شماغه على فمه يكتم ضحكته لاترتفع وعيونه ادمعت وتهتز كتوفه
خالد ماكان اقل منه الدموع ملت وجهه ويعض على كفه المجموع اصابعه من شدةالضحك
جلسو وقت على ماحسو انهم تعبو من كثر الضحك
خالد وهو يمسح دموعه بطرف شماغه:آآآآه يابطني عجزت اتحمل من الصبح وانا اضحك
سلمان وهو يكح من كثر الضحك:خلاص واللي يرحم والديك سق سق ماعاد فيني شده على الضحك
خالد وهو يتحرك والضحكه لسى ماراحت:اجل رياجيل صاكين الثلاثين تقول عنهم وراعين اما تغدي بهم النفخات كوم ثاني ياحليلك ياعجوزي
سلمان وهو يعدل شماغه ويضحك:ايو والله
في مطار الملك خالد الدولي
رائد وهو ياخذ نفس طويل:يازين هواءك يادار بومتعب
محمد وهو يضحك:مالك عنها الا اسبوعين ماسرع اشتقت اجل لوجالس سنتين وش تسوي
رائد:الله لايعوقني بشر مجنون اجلس سنتين
محمد: والله انك حاله مستعصيه
رائد بحب:في حبها لاتلومني
محمد:وانا اشهــــــــــــــد
خالد:شفهم هنااااك
راحو وضمو بعض بحراره
خالد وسلمان:على البركه التخرج يابوغانم عقبال الدكتوراه ان شاءالله
محمد وهو يقرص بعينه:لاتسمعكم امي بس تقوم الدنيا حالفه علي ماعاد اخطي برى السعوديه خطوه وحده
ضحكو وكملو سوالفهم وهم يمشون
وقالهم خالد سالفة امه
كلهم ضحكو الا رائد اللي اكتفى باابتسامه تبين طقم اسنانه البيضاء المصفوفه باتقان
خالد:من فجرالله روحو جبوهم روحو جبوهم
محمد وهو يضحك:وخالتي صادقه ورى ماستقبلتنا من فجرالله
خالد وهو يدف عربيةالشناط قدامهم:المنتخب على غفله
محمد وهويمشي بجنبه: المنتخب يستاهل واحنا نستاهل
سلمان بمزح وهو يتعداهم للسياره: آخذ في نفسك مقلب انت وشهادتك
محمد وهو يفتح الباب اللي خلف السواق ويقرص بعينه ويضحك:جب زيها ان كنت تقدر
سلمان بضحكه وهو يفتح الباب الثاني: لا خل الاوراق لك انا ماقول انا افعل
خالد وهو يحط الشناط في الدبه: والله لا انت ولا هو مانكم قدي اسوق النفخات
هنا فطسو ضحك
"خالد-مازن -رائد طيار"...( الرتبه)
في بيت ابوسمير
ليالي بتفف:ياهالطايل اللي ماعندكم سيره الا هو
منى وهي تطقق بجوالها:الحين وش اللي حارق رزك
ليالي معصبه:كلامكم طايل راح طايل جاء طايل سوى طايل شال
منى وهي تقرص عينها بختها: تحبينه
كشرت ليالي:لا والله وش لاقيه فيه يوم احبه
منى وهي تلعب كراش في جوالها: ياماما واضحه تحبينه ومقهوره منه ليش مايعطيك وجه
ام سمير وهي تدخل الصاله:دقيتن على عمكن وعمتكن ام طايل تباركولهم بترقيةطايل
"طايل مع سلمان في قوى الامن الخاص"
ليالي بطفش:بدت سيرة هالطايل
ام سمير وهي تمسك اذن بنتها على خفيف وتقرصها:صدق انك عوبا ياللي ماتستحين تهرجين على ولد عمك كذا
ليالي وهي ترفع راسها لامها عشان تكون القرصه خفيفه:آي يمه يعور
ام سمير بحزم:عشان ثاني مره تأدبين ولسانك هالطويل يبيله قص
ليالي وهي مغمض عين:توبه تــــــــــــــوبه
فكتها امها وجلست مقابله لهن
:قلتي لرجلك بتروحين معنا
منى وهي منشغله باللعبه:ايه يمه
على كلامها دخل ابوسمير وسامر جاين من المسجد
خبرهم ابوسمير ان اخوه ابوطايل مسوي عزومه كبيره بمناسبة ترقية طايل ورجوع محمد بالشهاده اللي تبيض الوجه وبجيةطلال واستقراره بالرياض
"كان بالشرقيه بس يجي يزور اهله ويرجع"
وبقومة شوق بالسلامه ورجوع جود بنتهم لهم
وقامن البنات يداومن على الاسواق
قبل العزومه بيومين العصر
واقف آخر الدرج وينادي
سامر: اخلصن علــــــــــــي
منى وهي نازله وتلبس العبايه: انا خلصت
سامر طفش وهو ينتظر:باقي العنر وينها
ليالي من غرفتها:عنـــــــــز بعينــــــــــك
سامر ومنى يتلفتون على بعض:بسم الله الرحمن الرحيم
ليالي وهي في غرفتها:شايفـــــــــين سكنـــــــــــي
وبعد دقيقه
نزلت وعبايتها بيد والنقاب والطرحه والشنطه بيد:ازعاج ازعاج ماتخلون الواحد يلبس على راحته
سامر وهو يسبقهم:ساعه تلبسين عشان تروحين لسوق حشى والله عجلي علي بس
منى وهي تلبس نقابها: انتي كيف سمعتينا
ليالي بعد مالبست عبايتها وتلف الطرحه زين:الله خلق لنا سمع"وتأشر على آذونها"
في الديره
بين النخل وعلى العشب
ابوطايل وهو ينادي على ولده
:يابوك اجلس تقهو ريح ظهرك من الصبح ماثنيت رجلك
طايل وهو يفك ثوبه المحزوم ويجلس متربع:وش اسوي لاماوقفت على رؤوس العمال مانجزو شغلهم
وانا رجال ابي كل شي خالص ومزين بوقت
ابوطايل وهو ياخذ فنجال القهوه من ولده:انت مايكفيك تجلس وتراقب الا لازم تحط يدك وحنا ليش جايبين عشرةعمال اجل صرف رواتب على الفاضي خلهم يحللون رواتبهم
طايل وهو ينزل شماغه"مسوي الحمدانيه" ويحطها على فخذه ويحرك شعره ورى وقدام: ماهم اتكانه قبل لاجيك لقيت نخله ماشالو الفرخ عنها والنخله السكريه ماحشو العشب عن حوضها
والساقي اللي يم النخله البرحيه منفجر ومازينوه
الا اهمال وتسيب وترى خصمت من راتب عامل النخل
ابوطايل:ايه هم اذا مانت هنا قامو يماطلون مايشدون
طايل وهو يشرب فنجاله هبت نسمةهواء بارده طيرت شعره ولوحت به وطاحت خصله على جبهته"طلع شكله يذذذذذذذذذذذذبح"
رفعها لورى بيده ورجع صب لنفسه فنجال ثاني ويقدع رطب
في بيت ام رعد
جود مع البنات في غرفتها اللي شرتها لها اختها ام رعد
"طبعا ماقدر اوصف لكم استقبال الاهل لجود دموع ومناحه ولهفه وسلام حار حتى اهل بيت ابوطايل كان في استقبالها في الطار هي ومازن جو يسلمون عليها ويتحمدون الله برجعتها لهم والفرحه موسايعتهم"
البنات جالسات على الارض
"ليالي-منى-روعه-شهد-سهير-البندري-شوق-تهاني"
وبينهن صياني الحلى وانواع الفطاير والقهوه والشاهي والنعناع
ليالي وهي تصب لجود فنجال قهوتها الثاني:والله انك قويه تعجبيني والله
جود وهي تاخذ فنجالها:تستاهل مايجيها نسره الرحمه فيها حرام
"تقصد مرة خالها "
البندري وهي تفصفص"حب":شكلها منقهره من جمالك وجمال شعرك بصراحه ياخالتي العزيزه مثل شعرك وجماله ماقد شفت
جود وهي تضحك"يوم تذكرت وهم صغار":اجل عجبك القرانيس
ضحكو البنات على ايام قبل وهم صغار كانو ماينادون جود الا ام القرانيس
سهير باعجاب:لا ذاك اول الحين ماشاءالله تبارك الله رهيييب وكثافته فظيعه وسواده يهبل
روعه وهي تشرب النعناع: اممم ايه ومع قصةالفراوله طالع خيييييال
منى:مافكرتي يوم تصبغينه
جود وهي تاكل بسبوسه: اذا امي خلت الصبغ صبغت انا
شوق بستغراب:ليش وش معنى
جود:انا اعاكس امي في كل شي مثلا هي تحب الجلابيات والتيورات الطويله انا لا هي تكره العطور العربيه ودهن العود والبخور انا لا احبهم هي تحب الحفلات والتجمعات انا لا هي تكره الفروسيه والخيول والابل انا لا احبهم هي تحب السمك والروبيان انا لا هي قهوتها تركيه انا قهوتي العربيه
البنات:ول ول كل هذا ليش
شهد:متعاكسين في كل شي
سهير بحزن:معليش قال لنا خالي مازن كيف امك تعاملك
جود رغم الغصه اللي فيها ابتسمت:عادي امي مهما سوت فيني ماقدر اكرهها بس في نفس الوقت عجزت احبها
تهاني بوجع:فيه ام بهالقساوه
تتبرا من بنتها وتنكرها قدام المجتمع عشان برستيجها معقوله مخليتك تعيشين عند خالك طول هالسنين وماتشوفك الا مره في السنه كيف قلبها يطاوعها
جود بآلم:يطاوعها ليش لا دامها طول عمري تلعن الساعه اللي جبتني فيها
البنات: اعوذ بالله ولايهمك يااصغر واروع واجمل خاله في الوجود احنا موجودين ونكفي ونزود وبين اهلك واحبابك
ضحكت جود وفرحت من قلب وحمدت ربها انه رجعها لاهلها وناسها واللي يحبونها ولايام طفولتها وذكرياتها
الاربعاء الظهر
مشت السيارات لديره واتفقو يتلاقون جميع عند محطةالقصيم اللي برى الرياض
في الديره
في حظيرةالغنم"الشبك"
طايل يكلم راعي الغنم وهو ماسك طرف ثوبه بيده: اسماعيل اعزل خمس الذبايح ذيك لحالهن واربط الشبك عليهن زين لايهجن
هز العامل البنغالي راسه وراح يمسكهن عشان يعزلهن عن باقي الغنم
طلع طايل من الشبك وصكره وراءه بيد وحده
وراح يشوف القعود اللي بيذبحونه مع ذبايح الغنم-القعود بمناسبةرجوع جود لاهلها-
طلع من غرفته بعد مااستحم ولبس ثوب ابيض وغتره بيضاء لفها حمدانيه
"اغلب لبسه لشماغ والغتره يسويها حمدانيه الا في المناسبات والاعياد والعزايم يلبسها عادي مع العقال"
ولبس كبكه الفضي وساعته الفضيه وخاتمه واخذ بوكه وجواله ومفتاحه في يده
لقى اخته منيره ونوره في المطبخ يصلحن القهاوي
:الله يعطيكن العافيه
خواته بحب:الله يعافيك تحصنت
طايل وهو يحط بوكه ومفتاحه وجواله بمخباه:مداوم على الاذكار الا ام لسان وينها
سمعو صراخها من الصاله
البنات:ذكرن القط جانا ينط
نوري من وراءه وهي تدخل تصفر:ياعينـــــــــــي عليك ياخوي تجنننننننننن خطيييير لاماتحمل انا
ابتسم:انتي متى تعقلين هاه
نوري وهي تاخذ المبخره تبخره:احد عنده هالزين وفيه عقل لو انك مواخوي كان خطبتك لنفسي
مسك طايل المبخره بعد ماتبخر واخذه من يدها ونزله على الطاوله ومسك آذنها وشدها صوبه وهو يبتسم:هالكلام من وين تعرفينه
نوري تسوي نفسها انه يعور: اخ اخ انتم ماعندكم رومانسيه ابد ولا حريه شخصيه ولا دومقراطيه ولا ولا
طايل بشويةجد ممزوج بضحك: بعــــــــــــد "ويطلعها من المطبخ وهو مازال ماسك آذنها" ونوري تسوي اني تعورت-تقلد البزران الصغار لبكو" وطايل ماسك ضحكته:يعور هاه يام الدومقراطيه
طلعها صوب دكة الحريم ويدفها بخفيف ويسوي نفسه معصب:يالله اغسليها الحين قدامي "وياشر براسه" ياللــــــــــــــه
نوري وهي تفرك آذنها وتضحك: اعوذ بالله تسلط ودكتاتوريه وعجرفه
قرب طايل منها بسرعه بيسوي انه بيضربها يبي يخوفها
:اعلمك الحين كيف التسلط والعجرفه يام لسانين
حطت نوري رجلها صوب لي الماء وهي ميته ضحك: توووووووبه علقني على الطوفه ان عدها توبــــــــــــــه
ضحك طايل على خبال اخته بس بعد ماعطاءها ظهره ودخل داخل البيت
بعدثلاث ساعات وصلو اهل الرياض
جلسوا في البدايه جميع في دكةالبنات عشان الشياب ياخذون علوم واخبار البنات
على آذان المغرب تفرقو
الرياجيل راحو يصلون في مسجد المزرعه الصغير
والبنات والحريم دخلو داخل يصلن
بعد الصلاه تجمعن البنات في غرفة نوري وكل وحده تطلع وش بتلبس
منيره شرت لامها وعمتها ام فيصل وبناتها وبنات عمتها ام مازن هنادي وحنان وحريم عمانها جلابيات من مكه"اعتمرت مع رجلها وامه وابوه" وشرت هدايا اخوانها شرت لهم ساعات وابوها وعمانها ورجل عمتها ام سيف"يصير للعائله ولد عمة ابوطايل واخوانه وخواته" شرت لهم كل واحد سبحه عراقيه وخنجر عسيري والبنات شرت لهم عطور من القرشي
شرت منيره لها فستان ابيض ساده طويل جبنيز من قماش التفته بحزام عريض من النحاس
ونوره بتلبس تنوره مدي بنيه فيها خرز اصفر صغار وبلوزه صفراء حلقها قارب جبنيز وعليه فرو بني
نوير فستان ابيض لنصف الساق جبنيز وبحدود الياقه والجبنيز شريطه حمراء وعلى الخصر بنفس الشريطه بس اعرض ومنتهي على جنب شكل ورده
ونوري فستان قرمزي من الساتان لنصف الساق وكت محزوم عند الخصر ومعه سلاسل طويله ملونه
منى تنوره رصاصيه لنصف الساق ومرفوعه شوي على الاطراف وبدي احمر طويل عليه كتابات بالرصاصي وجاكيت ربع كم رصاصي قصير
روعه فستان احمر كت ضيق من الجلد لنصف الساق وعليه محزم رفيع ذهبي وشرت معه سلاسل ذهبيه رفيعه
ليالي فستان بيج لنصف الساق على الخصر محزم من المخمل الاسود وعلى قصةالصدر زهور الجوبير السوداء وعليه جكيت مخملي بيج قصير
شهد فستان من الموسلين البني بقصة تحت الصدر عليها ورد من الفرو البني
جود فستان على شكل تونيك طويل لنصف الساق ازرق وعليه حزام من الجلد الفضي اللماع
سهير فستان كت من الجلد لونه رمادي لنصف الساق وعليه محزم عريض حديدي لونه رصاصي
البندري تنوره من الموسلين البنفسجي مدي وبلوزه بنفس القماش بقصة البوف كت
شوق تنوره مدي من الدنتيل الاورنجي وبلوزه جبنيز الصدر ونصف الظهر شفاف ومبطن من داخل بساتان لماع اورنجي مذهب
تهاني فستان اصفر مكسر تكسير عريض ضيق وقصير لنصف الساق وعلى الخصر محزم ذهبي عريض
جوري فستان نحاسي ضيق كت لنصف الساق كله قروش نحاسيه صغيره
سما فستان زيتوني من الجلد كت بازارير لنهايته وحزام من نفس القماش عريض
دلال تنوره كحليه كلوش من الدانتيل وبدي كحلي من الساتان وعليه جكيت قصير كحلي من الدنتيل
زهور تنوره حمراء من الساتان لنصف الساق وبدي كله تكسير وعليه ورد مذهب وجاكيت احمر محدد بذهبي
هلا تنوره فوشيه من الشيفون طبقات قصيره وبلوزه بوف فوشيه جبنيز
ليلى تنوره سوداء من الشيفون طويله طبقات والبلوزه شيفون عليه ورود بنفس اللون محدده بذهبي لماع
عاليه تنوره خضراء مدي شيفون مبطن بساتان اخضر لماع وبدي اخضر بقصة الحمالات ومنثور عليه احجار الفيروز وعليه جاكيت فيروزي قصير منثور عليه الاحجار لونها اخضر وعلى التنوره حزام رفيع فيروزي من الجلد
ساره فستان ارتكوازي لنصف الساق من الموسلين بقصه من تحت الصدر يلفه شريط فضي ومنثور عليه لؤلؤ وليت عليه جاكيت جبنيز ارتكوازي
اما عند الشباب فقامو يتمشون في المزرعه ويسولفون ويعلقون على بعض ويضحكون
سمير:لا طايل ورائد محد ينافسهم في الفروسيه
محمد:مافلحو الا فيها والا شفهم في الكوره مايعرفون مرماهم من مرمى الخصم
مازن:تذكرون رائد يوم يسجل في مرماه هدف على باله مرمى الفريق الثاني
نايف:لا ويوم يشوت طايل الكوره في العارضه ويكسرها
خالد:عليهم رجلين ياكافي تقول حديد
علي:ويوم رائد يشوت الكوره في راس فيصل جلس الرجال في المستشفى اسبوعين
والا طايل يوم يكسر رجل فارع ويجبسونه له
سليمان: اذكرو الله عليهم "ويلتفت يوجه الكلام لطايل ورائد اللي العيال يعلقون عليهم وهم بس يتبسمون":وانتم يالجثث تكلمو نعنبو دار عدوينكم بس فالحين توزعون ابتسامات كثيره عليكم
طلال:صراحه انا احسدهم على هدوءهم ياجبل مايهزك ريح ورى ماتوزعون شوي من هدوءكم على رعد ونايف وسلمان ذولي عصبيتهم نار ماتقرب عشان يكون فيه عدل ومساواه
عامر وسامر وطلال تقدمو على العيال:تدرون لعصبو كأنهم وش
مازن وخالد وعلي:وش
عامر وسامر وطلال:كأنهم بعارين حرش تبي تضارب
وحطو رجلينهم ماتشوفون الا غبرتهم
العيال ضحكو كلهم ماعدا سلمان ونايف ورعد اللي كل واحد مسك طرف ثوبه وانطلقو وراهم ماتعدو اربعين متر الا وهم ممسوكين
جمعوهم بجنب بعض وربطوهم بشمغهم يدينهم ورى ظهورهم وربطو رجلينهم معها فصار الواحد كانه ساجد
المربوطين:تكفون الفزعه الفزعه في وجيهكم"اول ماقربو باقي العيال منهم"
رعد وهو يضحك:بعارين حرش هاه وش رايكم "وهو يطلع جواله"ببلوتوث هالسنه
صاحو المربوطين وكل واحد يخبي وجهه ورى الثاني:تكفى لاتفضحنا تكفى يارعد
براك:واللــــــــه شي بتصيرون حديث التحليه بلوتوث شباب عائلة الــــــــــ
طلال:انت ساعدنا والا اسكت مافيك خير انت وياه ننخاكم من اليوم امحق مروءه ونخوه عندكم"يبي يشططهم عشان يساعدونهم"
سمير وهو يضرب صدره: افا بس حنا عندها وقدها
واتفقو باقي العيال على رعد وسلمان ونايف ماعدا رائد وطايل
وهجمو عليهم بيطرحونهم ويربطونهم بس انقلبت الطاوله وقدر سلمان ورعد ونايف يطرحون الباقين ويربطونهم
صاح عامر:امحق فزعه
سامر وهو يضحك:ياليتكم قعدو بس وماتعبتو اعماركم
طلع نايف جواله وهنا صاحو المربوطين كلهم لاااا يانايف تكفى
سلمان وهويجلس جنبهم:عندكم ثلاث خيارات مافيه مفر من واحد منهن
الاوله ياتخلونا نصوركم فيديو
ونفككم
العيال بصوت واحد:لاااااا
سلمان:طيب التاليه ننادي البنات يشوفونكم ويسلمون عليكم
العيال صاحو لا لا كلش ولاهذي
ضحكو كلهم هذي فيها قبايل
سلمان وهو يضحك:اجل اخرتها اطلبو من رائد وطايل يفكونكم"وهو يغمز لطايل ورائد اللي فهمو عليه" وهو يقوم: والا ترى احنا بنختار
المربوطين بصوت واحد:نار طايل ورائد ابرد
ضحك رائد وجلس جنبهم منزل رجل وموقف الثانيه:نفككم بس بشرط
العيال:موافقين عليه موافقين
رائد: موافقين بدون ماتسمعون وش الشرط والله انكم تنرحمون
العيال:وش نسوي حكم القوي على الضعيف
رائد وهو يضرب رووسهم في بعض ويضحك عليهم
:اجل عليكم تنظفون اسطبلات الخيل بكره الصبح
العيال بخيبه:ننظفها ليش لا ارحم من البلوتوث والبنات
لاعاده الله من بعارين حرش
الكل ضحك
ورفع طايل طرف ثوبه وجلس نفسةجلسة رائد وصارو يفكون ربط العيال وشمغهم وهم يضحكون
ورعد وسلمان ونايف يعلقون على اشكال المربوطين
بعدها راحو يسبحون العيال في البركه"مثل المسبح موجود في المزارع"
والكل نام بدري لان بكره فيه عزومه كبيره....
|
24-10-10, 02:10 AM
جديد مواضيع قسم الارشيف
العرض العادي
