المنتدى :
الشعر والشعراء
قريتَ الشـــوقَ في عيــونكـ
قريت الشوق في عيونك وفي ونّة تراتيلك
أثاري الحبّ يا عمري توسّد وسط أوصالك!
هقيتك ما تعبّرني ولا تكشف تفاصيلك
ولكنّ الهوى جبّار وطيبه عطّر أقوالك
تلاقيني بدمع الشوق اذا ما جيت ببكيلك
حروف القاف لا شافتك من فرحه تغنّيلك
تهلّي بك وتنشد عنك يا قلبي: وش احوالك؟
عساك الدّوم بوصالي ولا تقطع مراسيلك
ولو دهري يطاوعني أقضّي عمري اقبالك
على همس الهوى والشوق راح اضوي قناديلك
واخلّي الوقت بالأفراح والبسمات يصفا لك
مع النجمات والدلّه أبسهر في تعاليلك
أناظر وجهك البدري وخمر الشوق فنجالك
تعال اقرب هنا عندي وسمّعني مواويلك
وخلّ الحلم يسرح بي ويمسي بجنة اظلالك
انا ادري العين ما تشبع تناظر في تهاويلك
ولا القيفان لا هلّت تفارق مفرق اقذالك
فديتك لا تجافيني ولو تهجر أبا افيلك
ودمعي لا تظنّه يوم يودّعْ طلّة اطْلالك
|
02-10-10, 12:55 AM
جديد مواضيع قسم الشعر والشعراء
العرض الشجري
