بارت ممتع صحيح مافيه احداث قويه وتقهر وتخلينا نطلع من طوارنا ونكتب والقهر قالب شيفتنا
حتى هوشت رائد وعليا هاديه مثلهم مهيب مثل الباقين مدري ليش كنت منفعله من فارس وفعلته مع خلود ومشاري واللي سواه الحسنا ومترك وسواياه مع منيره لبي قلب المطوع حتى زعله بعقل



تصدقين ام المزيونه ولبي قلب المزيونه تقوله خالتها تراني خالتها ام زوجها تراتس عطيتي وحنا قلنا قبلنا باقي الشوفه
ايه نسيت وش بقول ذكرت فارس تتوقعين فعلته سهله اشوف غرنوقه انتس ماتحمستي على السالفه مدري عادي عندكم فعلت فارس انا عارفه فيه كثير رجال بخونون وخيانه اكبر وقدام زوجته
بس وش مكبر فعلت فارس انه توه عريس وزوجته ماقصرت معه ولا في عقر دارها كبيره ولله تجرح وخاصه ان البنت كانت تحاتي فعلته
وتدرين غرنوقه بتصير بقلب خلود جرح ماراح تنساها مهما برر لها فارس فعلته


فارس باستسلام,,
:تراني شاري ياهادي

وش انت شاري بلوزه مثلاً ولا تحفها ولا مبايل تكلم خايساتك
لاتقول شاري مره لالالالالالالالالا هذي كبيره اللي شاره حرمه يكلم غيرها ولا يعترف انه ماحبها بس معجبته وتعود عليها تصدق كل ماذكرت كلامك انقهرت انا وشلون خلود


هادي:علميني تبينه او لا00؟؟خلود ببكاء,,:ماابي اتطلق بس هو جرحني هادي بابتسامه,,:اهااا يعني تبين
خلود ,,:لاتقول تبينه تحسسني كاني ميته عليه انا بس ماابي الطلاق توني بسم الله معرسه ماابي الناس تحكي عني بس هو جرحنيي

خلود يغصبوني واتغيصب يوم شفتي الجد ذليتي وحبيلوه
وين اللي تقول الخواتها مابيه وطلقوني منه ماعلينا حقتس تبين فويرس تراه ماينترخص فيه خاصه انه ذوقتس الرومنسيه اللي على اصوله ايه مغازلحي اكيد يعرف يتغزل فيتس
وبعدين تلعبين على من هويدي بعننب مابيه بس النقود لا خلود انتي تحبينه وحقتس هذا زوجتس ومحد ناقد عليتس وماعليتس من احد بس عاد لا تسكتين عنه ادبيه لين يتربا ولا يعيدها حتى لو كان بعيد عنتس فالمريخ وانتي ماتشوفينه بيخاف يكلم بيحس بعيونتس تراقبه


لو كانت المكالمه بالفعل لما ركن الغضب وحل مكانه هذا الهدوء المتعب,,
اه كم اتمنى ان تهشم وجهي لايهم المهم ان تخبرني لما تلك الصغيره حزينه مني00؟؟
ولما هجرت مكانها ومسكنها وجعلته هجير من الدفء والحنان يعقبها عليه البرد والقسوه00؟؟

تحبها يوفويرس وتبي هادي يفقع وجهك بسببها
اجل وش الكلام اللي قلته البنت الشوارع انك ماحبيتها بس زوجتك وعاجبتك
تصدق هذا اللي يقهر بذا الشباب يصير يموت بزوجته واذا خانها يطلع بلاوي الدنيا عليها تقولين عنه مسكين عايش مع قرده مهيب مره
بس درس خلود لك مابعده درس



:((طلي من الغرفه انا تحت بالسياره ان ماطلعتي لي والله ثم والله ثم والله لاافضحكم وادق هرنات
وشوفي كلام الناس رجال البيت مسافر ومافيه الا نسوان ورجال عندهم انا اشهد انها فضيحه))
:((اعتقد ماانت ببزر على هالحركات والساعه وحده من الليل خلني ممسيه لاابيتك صدق اليوم
وتعرف منهي خلود),,
:((طلي وشوفيني),
:((لااا انت استخفيت لاتحدني ادق على هادي00؟؟)),
:((ترا بادق يلا انطرج دقيقه وعقبها بادق هرنات)),
:((انتي شتبييي00؟؟))
:((تعرفين شبي ويلا بدا العد التنازلي))


حوار المسجات هذا تحفه تدري حسيتك ذاك اللي جالس تحت الشباك بقصص الاجانب وعلى خيل ومعه ورده الله فويرس منتب سهل
تبي طيح الحطب معها بذا الحركه يقدع على مين
حامظ على بوزك خلود باسها قوي مدري احس انها بتهيل فيك وماراح تسامحك لين تقول ربي الله
بس خلود لاتلينين من كم كلمه يقولها ترا هذا هم الرجال اذا شافو فيتس رجى قالو ايه بترضى وبيسويها ثانيه وثالثه وربعه
خليه يترجاتس يتاسف ويقول توبه



............................................................ .......
فهد لحق بسارا وامسكها وهو يضحك,,
:يابنت الحلال كلها كم اسبوع الا انتي رايحه لبيت عويمر تعالي خلينا نشبع منج
:السوري ارتاحي ولو تبينا ناجل العرس بناجله
:لا فهد كيفه انا بروح انام,
ام ناصر بتانيب,,
:يعني جايزا لكم كذا احرجتوها00؟؟
ابا ناصر بعد تفكير,,
:ياربي وش الحل مع ذا البنيه لاهي اللي خفت رجفتها ولاااحنا اللي عرفنا حتى سببها
مشعل وقف بضيق,,
:لاتحاتونها انا بروح لها وان شالله تلقى عند عامر اللي ماعينته عندنا وتفكها ذاالرجفه


تصدقين عاد غرنوقه اتوقع ان كلام مشعل هو اللي بيصير ساره ماراح تخف رجفتها الا بعد زواجها
لو مثلاً صارت شخصية عامر قشرى بتاثر على ساره
بس اللي اتوقعه ان عامر بيكون القلب الحنون الساره خاصه انه عارف بمشكلتها
تدرين غرنوقه يمكن الثقه في النفس لها دور ساره فقدتها وخلتها متوتره وكثر التوتر زادها رجفه
خاصه ان السبب اللي خلاها ترتجف يخليها تستحي من ذكره قدام اهلها وخاصه مشعل لانها تشوف الشين بفعلتها وماراح تتحرر منها الا اذا ربي ستر عليها وتوفقت مع الزوج
يمكن عامر وتقربه منها وحنيته عليها تزيل التوتر وتزيدها ثقه


............................................................ ...........
مشعل رفع وجهها بيده اليمنى,,
وهو يمسك بطنها بيده اليسرى,,
:ان ربي كتب يضم ذاالحشا مني بزر بيجي الحين والا بعد عشرين سنه
راضي بحكمه بس مانيب راضي بتفكيرج
عبير والدموع تغالبها,,
:اي بس ان00
اصمتها بقبله هادئه,,
:انتي انا وانا انتي ان كنتي السبه فانا السبه بانه يطيح وبالاول والاخير هذا قضاء الله وقدره
خليني فيج يابنت ليش محلوه!!

اعجبني حداً تفهم مشعل للي صار ومازعل على عبير او اتهمها بسبب التسقيط مع انه كان يحذرها من اهمالها ورقلتها والخفه اللي هي عليها
شفقت مشعل على البيبي وهو بذا العمر ماخلاه يحمق على عبير
تصدقين غرنوقه انا احس ان مشعل هو بيده غير بنفسه لانه يشوف ان كثير اخطاء ارتكبها بزواجه الاول مع حسنا والحين تغير مهوب عشان عبير او انها غير وحسنا غير لا شاف انها اخطا والواجب عليه تغيرها
وين عصبيته الاوله اللي مع حسنا وخوف حسنا منها
هل اللي صار الساره دور فيه شاف الرعب اللي سببه للبنت صار فيها مرض مزمن يعني شاف خطورة عصبيته على اللي حوله وخاصه جنس الحريم
الاكيد ان عبير هي الوحيده اللي استفادت من هذا كله


............................................................
هيفا بضيق,,
:اي مخليني اسافر وادوج برا وامي رايحه تعالج00؟؟هقيتها من الكل الا منج انتي يامنور اصير اخر من يعلم00؟؟تعرفوني اكره ذاالطبع الخشاش اللي ماله داعي ان كان انا بنتها مادريت من يدري اجل00؟؟
منيره بهجوم جديد من نوعه لم تعهده هيفا,,لاتسوين فيها مادريتي قبل تسافرين ياهيفا
وانتي سامعه هادي يطري واسطات ومعه خاتم اصبعج طلال اللي يدري بكل اخبار هدوي
وعارف بسفرتهم واكيد انه مايسمع شي الا ويبثه مثل وكالة كونا لج
هيفا بعصبيه,,
:هيي انتيييي عدلي اسلوبج معاي نسيتي اني اختج الكبيره00؟؟طال لسانج يامنيره00؟؟
لاابد حطي جيدج على متيريك
منيره بعصبيه اشد,,
:شوفي تدرين ماتدرين الله ربي وربج بس متيريك على قولتج له اسم يتسما به
لاتقللين احترامه واختي الكبيره على عيني وراسي بس لاتفلمين علي هيفا ببكاء من الصدمه,,
:انا 00؟؟انا يامنور افلم00؟؟ياحسافة حبي لج من بد خواتي طول عمري احسبج فاهمتني صح طلعت غلطانه بذمتج امي بتسافر ومريضه بسافر ادوج برا واهملها من عقلج00؟؟

اب اب اب ياحلو خناق الخوات وجدالهم تصدقين ضحكت على ثورت منيره ثم مقابلها قورت هيفا
بس هيوف معقولك ملاسنتس على اختس عسا مهوب قدام طلال فشله ولله
غرنوقه ذكروني بناس نعرفهم ولله انتس تموتين ضحك اذا جلستي معهم الخوات يتناقرون ولله اني اقول الحين الوحده منهم بتصك اختها بفنجال الشاهي من الناقر والهواش وبعد دقيقها تشوفيتها تضحك معها وتخمها كن ماصار شي واذا قلت خوفتوني ولله قلت بتطاقون الحين ضحكو علي وقالوا هذي سوالف ماشفتي الهوش
بدقيقه يرجعون وهذي هي هيفا ومنيره بس ذولي فيها دموع يعني خنقه صدق
بس تدرين وش الحلو في الموضوع كلام كل وحده عن زوج الثانيه
يحبي المنور اعجبتني قولت خاتمتس طلال يويلي لو هو سمعها
ولا هيوف تعيب على ضعفها مع مترك وتبي تحط شطارتها والسانها الطويل عليه



منيره ببكاء وندم,,:هيوف سامحيني والله موب مني هالحكي بس ضايقه تكفين لاتزيدينها علي
هيفا بتساؤل,,:شفيج ياقلبي00؟؟
منيره صمتت,,فكيف تخبرها بماحل باخواتها’’’احداهن تلتزم منزل اختها وتنوي الطلاق,,
والاخرى بين خطر ان تفقد جنين كادت تجن حتى تحمله باحشائها’’’
وبين خطر غضب زوجها عندما علم بما جنت على نفسها,,

بس اللي يفرق بين رضوة هبفا ومنيره ان منيره تحت ضغوط وهيفا استغربت ردة فعلها
منيره تشوف وضع امها وخواتها وهي مطلعه على هذا كله
وهيفا منصدمه من اختها اللي عمرها ماسوتها معها
ودليل ان مافي القلوب شي انتها الخلاف قبل نهاية المكالمه
وترا لو اللي مكلم منيره غير هيفا مراح يشره وبيتغاضى على حمق منيره بس شخصية هيفا القويه وبحكم مركزها عند اهلها ماتعديه سبحان الله شخصيتها تذكرني بوحده اعرفها كثير ماترضى احد من خواتها يغلط عليها وماتبي اي شي عند اهلها يعدي من دون ماتطلع عليه وتكون هي اللي تمر وتنها فيه


............................................................
تبكي بقوه وهي تتالم منه قبل الام بطنها,,
:بس بس تكفا لو ادري مارحت هبله انا00؟؟
رائد بعصبيه ووجهه يحتقن بالدماء من الغضب,,
:اطلعي من المستشفى ياعليا والله ثم والله ان تبيتين وعقبها فارقي لبيت اهلج
عليا بصدمه,,:رائد من صجك00؟؟
رائد بحرقه وهو يقترب منها ويمسك المفرش بقوه لاظهار غضبه العارم عليه,,:اسكتيي انتي خليتي فيها صج والا كذب00؟؟قلنا بلا طفاقه حملتي والا ماحملتي اللي كاتبه الله بنرضا فيه
مع كل هذا رحتي لمره ماادري وش ملتها من ورا ظهري كاني طوفه ماكاني برجلج
لااا ومهببه ماادري وش مسويه بغيتي تطيحين البزر ماتخافين ربج انتي00؟؟مافيج ذرة عقل00؟؟
عليا تبكي خوفا بل رعبا منه,,:مادريت والله مادريت ولو دريت مارحت انت تدري اني بموت على بزر ومنك
ائد يقترب اكثر منها وبصراخ,,:كذااابه ماهميتج لو اهمج كان نفذتي كلامي اللي قطيتيه ورا ظهرج ورحتي تتبعين شور الخبل اللي مثلج ولعبتي بالجنين عنبو غيرج بغيتي تزهقين روح00؟؟
ماخفتي ربج يبتليج بعقم ماعاد تحملين عقبه00؟؟
عليا وضعت يديها على وجهها,,:بسس بسسس واللي يرحم لي والديك اسكت
رائد وهو يفتح باب الغرفه للخروج,,:موب الحين بس ياعليا موب الحين على طول ولاعاد راح تشوفين او تسمعين مني حاجه اطلعي من المشتفى على بيت اهلج مالي ببزر حاجه


صحيح عليا غلطت بارائد لانها راحت ماشارتك مع ان ريمه هي اللي منعتها
وانا ماعطيها الحق ولا اقول هي صح لا هي اخطت انها ماخذت شوره
بس البنت بتموت على طفل ومشفيه عليه وغيرانه من اللي حملو كلهم اللي تزوج معها واللي بعدها وهي لا واكيد ماغباك الشي هذا يارائد البنت نفسيتها تبن والسبب الحمل
الحمدالله الوضع صار زين والطفل ماطاح ولا صابه شي ليش بعد تتعب نفسيتها وتحسسها بالذنب
هي ميته خوف منك بدال ماتحمد الله اللي سلمها هي والبيبي تسوي كذا فيها
هذا كتب الله ولا عتراض عليه
ليه ماشفت مشعل اللي اكبر منك ومشفي على الولد اكثر منك ومع ذالك مابغى يضيق بخلق عبير وقال صحتها الزم والطفل لو بعد عشرين سنه
تصدق رائد على هدوء عليا ورمنسيتها احسك جاف معها مهوب كل مطوع مثلك ياخي كان قلت اهم شي سلامتس والحمدالله ان الطفل ماراح
طيب وش ايتفدت من انها تروح بيت اهلها يعني هذا عقاب لها على فعلتها تروحها بيت اهلها ليش مازعلت عليها وهي عندك وتحت نظرك بصراحه انا انقهر من سالفة الطرده هذي ليش كل ماتمشل الرجال م زوجتها قال روحي بيت اهلتس لو مكان عليا مارديت له ههذي اهانه يناس الطرده اهانه للمره ليش نرضى فيها
اعجبتني عليا يوم ماقالت لاحد سبب وجودها عند اهلها ولا بغت احد يتدخل بحياتها لانها تشوف نفسها مشتركه بالخطا بس بتعجبين اكثر يعليا اذا سفهتي اتصالته وعلمتيه ان الله حق وان مهيب كلمت روحي بيت اهلتس تقال كل شوي قفلي جوالتس وخليه ينحرق دمه شوي ولا تعلمينه وتوصلين اخبارتس له


............................................................ ..............

مشكوره ام المزيونه على هيك بارت ونبي عاد بارت طويل ونبي هديه ياختس من متى ماعطيتي هدايا
وبعدين جيت اللي خبري خبرتس ماتستاهل هديه
الله يريح بالتس يارب وبخلي لي ولتس وكل قارء ماعطا ويحفظ علينا نعمة الصحه والعافيه

غرنوق اسمحيلي اجاوب عنج فديتج
هلااافيج جيز كيك ومرحبااا مكانج وبين خواتج

البارتات كل سبت بارت واغلب اوقات التنزيل الفجر على طلعة الشمس
وفيه احيان بارتات مفاجئه تنزل خلال الاسبوع
وتبارك الرحمن الالتزام عند وجهج بالتنزيل الله لايضرها
بإستثناء الظروف اللي يمر فيها البني ادم فهي تكون معذوره
وكثرة الهرج بس كنت بخليج معانا بالصوره

وهلافيج مره ثانيه وانا أمون على غرنوق لذلك رديت عنهاr\\\\




عيونك اختي


قديت الله دعيتلك من قلب ربي يوفقك صراحه استانست يوم رديتي علي انا توني مبتديه في نت اسمحولي علي الاخطاء