المنتدى :
أريد حلا
انا تعبانة اوى اوى قولولى اعمل ايه بالله عليكو
السلام عليكم
اولا كده كل سنة وانتوا كلكوا طيبين
ثانيا بقا
انا عندى مشكله ممكن تكون تافهه جدا بالنسبة للمشاكل اللى هنا
بس دى بجد بقت منكده عليا عيشتى كلها
معلش لو هطول عليكوا بس عشان تفهمونى كويس
اولا انا بنت وحيده عندى اخوات بس شباب
واتخطبت الحمد لله
بس بعد الخطوبة بعدت اوى اوى عن اصحابى
علشان خطيبى مش بيحب الزيارات ولا الخروج والحاجات دى
مشكلتى بقا انى بقيت منطوية جدا على نفسى
مبقتش بتكلم مع حد خالص
قبل الخطوبة كان عندى نشاطات كتير وكنت بحبها اوى
بس بعدت عنها عشان خطيبى ميتضايقش
كنت بتعلم الرسم ع الزجاج والجلود والقماش
وكنت بتدرب تنس
وكنت بكتب
بس حاسه انى كرهت كل حاجه
لان خطيبى بيخاف عليا اووووووووووووى
مش عايزنى اخرج من البيت اعمل حاجه
بيكون قلقان عليا
اتكلمت معاه وقولتله انى مخنوقه وانى مش واخده على قاعده البيت دى
لانى كنت بشتغل اصلا
وبرضو سيبت الشغل
يعنى سيبت كل حاجه
مبقتش بعمل اى حاجه ف حياتى
غير انى مستنياه لما يرجع من شغله ونتكلم
وهو على طول يقعد يقولى انتى مش بتعملى حاجه مفيده ف حياتك
انا حاسس انك مش متعلمه بسبب قعدتى دى يعنى
مع انه هو اللى خلانى اقعد من الشغل مش عايزنى اشتغل
وكل مااتكلم معاه ف الموضوع ده
نتخانق مع بعض ونقفل وانا معيطه
تعبت اوى ومش عارفه اعمل ايه
والله بقيت على طول قاعده ف اوضتى لوحدى
وبعيط ومخنوقه ومش طايقه اى كلمه من حد
ولدرجه برضو انى ساعات كتير لما ببص ليه عينى بتدمع وبيصعب عليا نفسى
ومش قادرة اقوله حاجه كل اللى قولتهوله بس انى مخنوقه وزهقانة من القاعده
وهو مش عارف يعملى ايه
ارجوكوا ساعدونى
انا تعبانة اوى
|
04-09-10, 01:20 AM
جديد مواضيع قسم أريد حلا
العرض الشجري
