لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 31-08-10, 11:40 PM   المشاركة رقم: 21
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,112
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت التاسع عشـر

في صباح جديد

يوم الاحد

قـامت من نومهـا وهي حيـل تعبانه ,, شافت الجوآل كله رسايل من رقم وآحد

استغربت شلون جـاب رقم جوآلهـا

اخذته وفتحت اول رسـاله..

][يعني تتهربين من الواقع .. ليه ما تصدقين .. انتي للحين تحبيني لا تنكرين][

انعفس وجهها و رمت الجوال ع السرير قـامت دخلت الباث روم اخذ تشور سريع و لبست تنورهـ سودآء طويله شوي و بلوزهـ حمرآء و ربطت شعرها ذيل حصـان تحجبت و نزلت

(مع الايام صـارت ع خفيف تتغطى عن محمد)

هنادي:صبـاح الورد

الكل:صباح الفل و الياسمين

محمد حـس ان كلها وقت و يفقد وجه هنادي

ابو زياد ابتسم:تراا مشعل اليوم الفجر وصل .. واللحين نايم

هنادي حسست بدقات قلبها تزيد خلآص الليله جوآبها بيصير عند عمها .. انسدت نفسيتها و قامت

هنادي:الحمدلله

نجود كانت تدري بكل شيء:وانا بعد الحمدلله

ام زياد:هو توكم ما اكلتم شيء

نجود:أي صح بنروح نكمل اكل عند ريما .. ونغزت هنادي مع يدها

هنادي:أي خاله بنروح لريما مسكينه لحالها تلاقينها

ابو زياد:اجل يا محمد وصلهم لبيت اخوك

نجود:لا ما يحتاج كلها شوي نمشي برجلينا و نوصل

محمد تنهد:الي يريحكم

..

طلعوا من البيت و تجهوا لبيت ريمـا

..

في الشقه

سلوى:ايه ايه ياربييه اسمعي انتي بس .. صح صح .. لكن انتي قلتي لي تبينه يوم الاربعاء .. وانا بخلصه الاثنين يعني .. جربيه الاثنين و اذا ما ضبط جيبيه واضبطه وانتي عندي .. اوك .. باي

نجلى وهي تنزل بيالة الشاي:شكل شغلك كثير اليوم

سلوى وهي تكتب في الورق:مره مره متراكم علي .. ياربيه المشكله يجيبونه قبل العزيمه بـ اسبوع مدري شايفيني اله يعني

نجلى:طيب وش رايك تفتحين مشغل بدأل الشقه و تجيبين عملآت!!

سلوى:توني في اول الطريق بدري علي

نجلى:لك مني كل الدعم و بصير شريكه لك

سلوى:همم .. لا ما يصير شلون شريكه لي تتركين الطب و تجين للخياطه

نجلى:عادي انا اشتغل عشان اضيع وقتي يعني ما يفرق

سلوى:تعرفين تخيطين؟!

نجلى:أفـا عليك .. بس شويات اخربط يعني اول ايامي ابي ملاحظه

سلوى:واذا جبنا العملات علينا بـس الوقوف ع راسهم

نجلى:ليه لا ما فيه مانع

شوي رن الجرس


نجلى:تحترين احد؟!

سلوى بعدم مبلآة:يمكن احد الـزبونـات

قامت .. و افتحت ولقت آكبـر صدمـه

في بيت زياد

ريما وهي تبكي:بس قلبي بس هدي

هنادي:ياربي سامحني ياربي مقدر اسكت اكثر من كذا

نجود وهي تهدي في هنادي وتبكي:ياقلبي انتي هدي واكيد الكل بيتفاهم

هنادي:حتى محمد

نجود:حتى محمد اعرفه قلبه طيب و حبوب و مايحب يفهم احد غلط

ريما:يعني انتي للحين تحبينه

هنادي:ولا يمكن انساه و معقوله اصير ع ذمة غيره وافكر فيه حرام .. ومستحيل اخذه لو ما يبقىـآ احد غيره في الكون

..

زياد:ومن هذا!!!!

الكل في حـالة صمت

زياد وهو راص ع اسنانه:مييييييين هذا؟!

زياد مسك هنادي ورفعها بكل عصبيه:بتتكلمين ولا شلون

هنادي وهي تشاهق من الصياح:مـحد مـ .... مـحد

زياد بصراخ:تكلممي

ريما:حبيبي هد

زياد:انتي اسكتي .. وانتي تكلمي لا يجيك كف

نجود بسرعه:واحد تحبه من زمان و ما نسته

زياد فتح عيونه ع وسعهم:اسمعي ان رفضتي والله ثم والله ثم والله لآ يجيك شيء ما ترضينه سمعتي

هنادي بلعت ريقها و هزت راسها بالايجاب

شوي ما حسست إلا بكف يجيها و طاحت في حضن نجود تبكي

..

اذكريني لانتهت للشمس رحلة مع نهار
... واذكريني لا صحى للصبح ورد الياسمين
واذكريني لا لمحتي في ليالي البرد نار
... واذكريني لا سمعتي للمطر صوت حزين

عند جـاسم

جاسم كـانت صورتها في بـاله ما نساها ابد يحسس انها اخذت كل تفكيرهـ اجتاحت عألمه بكل سهوله

رنيم وهي مستغربه من حـالة اخوهـا

رنيم:جسومي .. وش فيك؟!

جـاسم:هلا رنوو .. ما فيني شيء .. و ابتسم بالغصب . حبيبي اطلعي وصكي الباب

رنيم بحزن لآن جـاسم من امس مو معطي احد وجه:ان شاء الله وطلعت

جـاسم قـام يعيد شريط لورآ

يتذكر يوم راحت اخته من الحديقه ونزل بسرعه

جـاسم:آوهـ اخت سلوى مشرفتنا

سلوى رفعت حاجبها: من الذوق ما تجي عند ضيفات اختك وهم لحـالهم

جـاسم رفع حاجبه:وش قصدك ما افهم للذوق يعني!

سلوى:ولا انت تستحي .. بنت لحالها ولا هي محرمك وش جايبك هنا ولا تحسبني من البنات الي في المستشفىـآ!

جـاسم تنرفز:مقبوله يا عسسل

سلوى قامت:قلة ادب .. ودفته ومشت

..

حسس انها كذا ترفضه .. ايه يعترف اسلوبه غلط بالمرهـ

بنت عفيفه او مؤدبه مستحيل بتوآفقه ع حركـاته .. يكفي جمألها الي جذبني

..

عند سلوى

كـانت منصدمه بقوهـ جـأي لعندهـا لهنا

......:الله يخليك الله يخليك ارجعي .. ارجعي .. معد اقدر خلآص تعبت خذيني انا عنهم كلهم ارجعي بـس

سلوى ما زالت ساكته

.....:تكفين وتراا تكفين تهز رجـال .

سلوى الي بدت تستوعب:راشد

راشد/ايه راشد

سلوى/تفضل

راشد دخل لمجلس صغير

سلوى رجعت للصاله الاساسيه

نجلى:ليه لونك انخطف

سلوى:اخوي هنا و ارتمت تبكي في حضن نجلى

نجلى برحمه:بس حبيبي اكيد جاي يرجعك موو

سلوى وهي تبكي:ايه

نجلى:وافقي

سلوى:مقدر

نجلى:انتي تبين تذلين امك وابوك وهذا ما يجوز

سلوى:بس مقدر اهين كرآمتي زياده

نجلى:الله يخليك تراا حـالة اخوك من سيء لـ سوء

سلوى:بـس ما راح احد يتقبلني

نجلى:طلبتك ارجعي

سلوى هزت راسها و راحت للمجلس الي فيه راشد و درا بينهم نقاش حـآد انتهى بموافقة سلوى

..

اول ما دخلوا االبيت

ام راشد وهي تبكي:سلوى .. وراحت ضمتها

سلوى استغربت

راشد:يمه علميها انتي انا مقدر اقول شيء

ورقىـآ تارك امه و اخته الي محتاره ما تدري وش الطبخه

ام راشد:ابوك في العنايه المركزه من امس .. ابيك تروحين وتسامحينه وتسامحينا كلنا

سلوى:ابوووووي ليه وش صار فيه وينه وليه توكم تقولون لي .. ودوني له اللحين

ام راشد:طيب يمه طيب

ركبت السياره مع امها و تجهوا للمستشفى

في مركز العنايه المركزه .. دخلت وشافت الاجهزه ع ابوها

حسست انها سبب كل شيء ما تدري ليه

راحت عند راس ابووها وقامت تمسح عليه وهي تقراء اية الكرسي

ام راشد:يسمعك قولي مسامحتك ريحيه و ريحينا

سلوى بلعت ريقها :مسامحتك .. بس ارجع لي .. يبه الدنيا بدونك ما تسوىـآ بالي فيها

ام راشد جلست ع الكرسي و بدت تبكي

سلوى:ابوي وش فيه!!

راشد وهو يدخل:ميت دمـاغي

سلوى انصدمت لالا مو انصدمت بـس لآ حست بدقات قلبها توقف بدت الدنيا تدور فيها لين طاحت بين يدين راشد

..

في بيت ابو زياد

هنادي تهمس بإذن عمها:

و ركضض مشت فوق و لحقتها نجود و ريما

ابو زياد ابتسم:يالله مبروك يا ابو حميد .. في افراح و عزآيم في الطريق

محمد مو مصدق قام بكل فرح ولم اخوه و ابوهـ وحب راس امه

ام زياد:وهـ يا حظي بس مرت ولدي هنادي شبي بعد ريما و هنادي يا زينهم من بنات

زياد:مبروك ؟؟ عن اذنكم

رقى عند البنات

زياد بصوت حاد: اذا قلتي ولا بينتي لمحمد شيء لا تتلوومين إلا نفسسك

هنادي هزت راسها بالايجاب

نجود:اسفه تراا ما كـان قصدي اقول

هنادي تبتسم غصب عنها/بالعكس ما سويتي شيء ومن بلقى احسن من محمد .. وبدت تبكي

وريما و نجود قلبهم يتقطع ع هنادي

..

نهاية البارت التاسع عشر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

 
 

 

عرض البوم صور بياض الصبح   رد مع اقتباس
قديم 31-08-10, 11:43 PM   المشاركة رقم: 22
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,112
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت العشرين

ساعدني إبي أنساك ..

إبي أنسى ..
أي ذكرى ..
جمعتني يوم وياك ..

أبي أنام الليل وأرتاح ..

ولا صوتك يجي يمي ..
ولا ذكرى تعيد جراح ..

.. أبي أنساك ..

كل ماحاولت أبنسى ..
يرجعني لك الماضي ..
يا خذني غصب يمك ..
ولو ماكنت أن راضي ..

نامت هنادي بعد بكاء طويل في حضن نجود

قامت نجود بهدوء و نزلت راس هنادي ع المخده لحفتها و طلعت من الغرفه بهدوء

محمد استغرب لما شاف اخته باين عليها تبكي و عيونها حمر

محمد: نجود!!

نجود بدون خلق:هممم

محمد:وش فيك؟!

نجود وهي تمشي لغرفتها:ما فيني شيء تصبح ع خير

محمد:وانتي من اهله .. ابتسم ابتسامة فرح حسس الدنيا مو سايعته لكن ما يدري ما وراء الكواليس

..

في بيت زياد

ريما:مو حرام عليك

زياد رفع حاجبه:انتي معها يعني ع الغلط

ريما:لا بس يا زياد البنت ما ارتكبت جريمه يوم حبت صح ولا لا!!

زياد"ادري و ربي ادري لكن مغصوب اعرفه ما يحبها":لا جريمه و نص وهي مهما كانت عايشه في أي دوله تبقى عروقها عروق سعوديه يعني انتي عارفه التقاليد

ريما تنرفزت قامت و شالت بنتها ورقت تنام

زياد تنهد بعتب ع الي سوآهـ لكن كل شيء لصالح هنادي

..

عند سلوى

نجلى كانت جـالسه تقراء ايات من القرآن

كانت الساعه 12:30 الليل

آومـا راشد و ام راشد كـانوا جـالسين عند ابو راشد

سلوى تفتح عيونها ع بطيء:آممم

نجلى:صدق الله العظيم .. الحمدلله ع سلامتك

سلوى:ويني فيه؟!

نجلى تبتسم:في المستشفى اغمىـآ عليك جتك نوبة قلبيه الحمدلله كانت خفيفه

سلوى نزلت دموعها:وابوي وش اخبارهـ!!!

نجلى بكت ع حـال سلوى صديقتها

نجلى:بس حبيبتي بس هدي ابوك ان شاء الله يقوم بالسلامه

سلوى تشاهق:يعني ..... ابوي .... بيرجع لنا!!

نجلى وهي تسمي عليها:ان شاء الله ان شاء الله .. انتي هدي بـس

..

عند راشد و امه

راشد يحضن امه: خلآص يمه خلآص

ام راشد وهي تبكي:اسمع اسمع وش يقولون..!! يقولون قلبه وقف .. وش معناهـ

راشد:يمه حبيبتي هذوليهم يسوون الي عليهم .. الله يرجعه لنا .. وبدآ يقول كلمـات لمـا هدآت امه

..

بعد نص ساعه


الدكتور يمسح العرق الي ع راسه:الحمدلله رجع نبضـه زي اول لكن يحتاج تنفس صناعي زيادهـ .. الله يصبركم

راشد حمد ربـه:الحمدلله

ام راشد سجدت سجدة شكر لـ ربها وكانت تتقطع من البكي

..

نجلى يوم شافت راشد و امه حسست نفسها اختنقت ركضت بسرعه لهم

نجلى كانت تشوف عيون رآشد تبيه يتكلم يقول شيء يريح

راشد فهم وش تبي:لا تخافين بخير .. شخبار سلوى اللحين؟!

نجلى:شتبي حـالها اكيد متدهور .. الله يعينها

راشد:نجلى انتي روحي ارتاحي و خذي امي وصليها البيت اذا ما عليك آمـر

نجلى:بجلس معها في البيت طيب؟!

راشد:خلآص لاني ما راح اجي بجلـس في المستشفى

نجلى:خالتي يالله نرجع

ام راشد:لا انا بجلس هنا عندهم ما ابي اخاف اصحى ومقدر اشوف منهم احد

نجلى:استهدي بالله يا خاله ان شاء الله مو صاير شيء تعالي نروح نريح وبكرا الصباح نجي اللحين الساعه وحده الليل

بعد اقناعات راحت ام راشد مع نجلى

دخلت نجلىـآ البيت و رقت ام راشد لغرفتها و هي انسدحت ع الكنب و نـامت

..

في صبـاج جديد

قـامت وتحس جسمها متكسر و خاصه انها نايمه في نص السرير و الغرفه كانت كلها مناديل و السرير معفوس قـامت تسترجع احادث امس الي أنهت حياتها

قامت و دخلت الحمام(عزكم الله) اخذ تشور سريع طلعت لبست تنوره اسود و بلوزهـ سودآء سادهـ لبست حجـابها الاسود و نزلت .. لقت نجود نايمه ع الكنب وكـانت تبكي .. وسمعت حس محمد فركضت للمطبخ

محمد ابتسم لآنهـا شافها وهي تركض وحب يحرجها

دخل المطبخ

محمد وهو مبتسم:أحلىـآ صباح لـ احلىـآ وردهـ خجلآنـه

هنادي كانت منزله راسها وخايفه انها تبكي:صباح النور

محمد:افطرتي؟!

هنادي:تبي اقولهم يسوون لك؟!

محمد:انا سألتك فطرتي؟!

حركت راسها بعلآمة النفي

محمد مسك يدهـا:روحي ألبسي عباتك و نزلي بنروح نفطر برآآ

هنادي: لا ما يحتاج

محمد مصر ع قراره: 10 دقايق و ألقـاك في السيارهـ

وطلع

هنادي نزلت دموعها وطاحت ع الارض تبكي تحس انها تظلم انسان .. بس مو بكيفها انجبرت 2 مرتين

..
وَحشنِيْ حِييييِلْ يآيمهْ/

ذِبَلْ قَلبِيْ مِنْ بعَآدَهْ ..!

وَحشنِيْ لِيتَهْ بـ قرْبِيْ........يِحَاكِينِيْ..
.........يِلَملِمْ مَابِقَى مِنيْ.!
يِطَيرْنِيْ مِنْ الفَرحَهْ..
.......بِـ مَزحَاتَهْ.. وضحْكَاتَهْ..!
...وحَشتْنِيْ يِمهْ ضِحكَاتَهْ..!
نجود قامت من النوم وسمعت صوت الباب يتسكر استغربت مين بيطلع هالخزهـ!!

قامت غسلت وجهها اتجهت تبي تشرب مويـه سمعت صوت بكي راحت ركض عند زآوية الثلاجه لقت هنادي لآمه رجولها و يدينها و متكورهـ ع نفسها و تبكي

نجود بخوف:هنود شفيك قولي؟! ليه تبكين؟! زياد سوآ لك شيء ؟! محمد عرف بشيء؟! قولي لي؟!

هنادي و تطلع وجهها المتفوخ من البكي و ارتمت في حضن نجود

هنادي مع شهقات البكي:انا اظلم محمد معي يا .. يا .. نجود .. تعبت .. ليه زياد يجبرني ع عذاب اخوهـ .. ليه .. و صارت تبكي بصوت اعلى وهي في حضن نجود

ونجود بدت تهديها

..

عند محمد

محمد:ياربيييييه وين حطيت المفاتيح فيه ياربيه وينهاااا .. وهو يتذكر .. اييييييييه صح في المطبخ.. وركض بسرعه لجوآ و اول ما دخل لقى اخـته و هنادي يبكون

محمد ركض لعندهم بسرعه و بنبرة خوف:وش فيكم؟!


نجود خافت و هنادي حاولت تسكت بس ما قدرت

نجود شافت جوآل هنادي الي عند رجلها دفته بخفيف لورآ الثلاجه و بدون ما يحس محمد ومسكت يد هنادي اليمنى وقامت تضغط عليها بقوهـ و هنادي تتألم لكن حـاولت ما تبين ..

نجود بكذب:جوالها دخل تحت الثلاجه و كانت بتجيبه و علقت يدها و يالله طلعناها و خفنا انا وياها و قمنا نبكي

محمد تنهد براحه:وريني يدك

هنادي و هي تمسح دموعها: لا ميحتـا....

محمد ما عطـاها مجـال و اخذ ايدهـا وشافها محمرهـ

محمد:تعورك؟!

هنادي هزت راسها بالنفي

محمد: طيب وخروآ

وخروا نجود و هنـادي .. و راح محمد عند الثلاجه و طلع جوال هنادي بصعوبـه

محمد:خذي .. و روحي ريحي فوق .. وانتي نجود بعد لان نومت الكنب ما تريح

نجود و هنادي:ان شاء الله

محمد اخذ مفاتيحه و طلع للصاله و ذب نفسه ع الكنب و غمض عيونه

..

عند جـاسم

جـاسم:من جدك!!!

ماجد:ايه من جدي شايفني آمزح

جـاسم:قلت السياراة بتشتري رنج اورنج؟!

ماجد:لا تنسىـآ الناس يموتون عليها وخـاصه اذا صـارت بهذا اللون

جـاسم:بالله عاد .. اللون يجيب المرض

ماجد:انت طول عمرك اصلا تكرهـ اللون الاورنج متى حبيته اصلاً

جـاسم:الحب من الله انا كذا من ربي ما حبيته

ماجد:آخونـا في الله ورآك ساكت؟!

ماهر وهو يشرب الكوفي:وش تبيني اقول!!!

جـاسم:ادخل معنا ..تكلم .. ترا كلها ساعتين وذا الخايس يروح

مـاهر:طيب .. شسوي .. 3 شهور وانا معه مو ضارني لو ما جلست معه شهر .. عن اذنكم

جـاسم وماجد:اذنك معك

جـاسم:وش فيه؟!

ماجد:وش يدريني انا

..
أَحبَهْ حِييييِييلْ يَآيِمهْ,,
رَغمْ حِزنَهْ وتَجرِيحَهْ
..........ورَغمْ ذَاكْ الَألَمْ الِليْ ..
............... لِمَحتَهْ بِينْ نَظرَاتَهْ}
..

عند سلوى

سلوى:ابي اشوف ابوي

نجلى:ان شاء الله بتشوفينه بـس انتي هدي شوي

سلوى:اقولك اللحين يعني اللحين

راشد:حبيبي سلوى خلآص اذا هديتي و ريحتي عمرك بنوديك آمـا اذا صـرتي كذا مافييه

سلوى سكتت

آم رآشد:فتحوآ الزيـارهـ

راشد:آوك يالله تعالي

..

سلوى:تحرك؟!

راشد هز راسه بالنفي

سلوى قربت من راس ابوهـا وبدت تتلوآ ايات القرآن عليـه و تصلي ع رسول الله في اذنه

آومـا راشد و الباقين فكـانت دموعهم تنزل اربع اربع

..

عند مشعل:أي أي .. طيب طيب .. خلآص انا وسامي وصلنا .. يالله .. باي

وصلوا ودخلوا

لقوآ بنت تقرآء قران و عمه مركبه عليه الاجهزه و راشد و ام راشد و بنت غريبه

مشعل:السلام عليكم

الكل :وعليكم السلام

سامي:السلام

الكل :وعليكم السلام

راشد وهو يضم ولد خالته:هلا مشعل

مشعل:هلا

راشد:هلا من انت؟!

سامي:انا زميل مشعل .. سامي

راشد:انت سامي الي كنت معنىـآ في الابتدائي؟!

سامي:ايه انا

راشد:هلا والله

سامي :هلافيك

مشعل:شخبارهـ اللحين

راشد:ع حاله ما تحرك

مشعل:كم صار له؟!

راشد:آسبوع ع ما اظن

سامي:طيب عرضتوا حالته ع مختصين!!

راشد:قالوا هذي االحـاله علآجها هنا

ام راشد:سلوى امي روحي ارتاحي ما يصير تتعبين روحك كذا

سلوى:ابي اجلس عنده يمكن يقوم .. الله يخليكم

مشعل" مستحيل تكون هذي سلوى الي قال لي عنها راشد .. باين عليها عايشه حياتها .. آوهـ صح نسيت هو قالي انها سوت مشروع مشغل في شقتها "

مشعل:يالله نجي في وقت ثاني .. مع السلامه

الكل:مع السلامه

وحَشتنِيْ يِمهْ نَظرَآتَهْ} جُروُحِيْ مِنهْ يَآيِمهْ..
......مِنْ غِيَآبَهْ وصَدآتَهْ..!
وكِذبَةْ حُب مَثلَهَا..
..........يِسَليْ فِيهَا أَوقَآتَه..!
خَدعنِيْ حِيلْ بِـ كِذبَآتَهْ}

في قصـر ابو زياد

آم زياد:محمد قوم

محمد:هممم.. سمي

آم زياد:ليه نايم ع الكنب؟!

محمد وهو يفرك عيونه:شكلي نمت بدون ما احسس

آم زياد ابتسمت:قوم كمل نومك في غرفتك تونا 9 الصباح

محمد : ان شاء الله .. رقى فوق و كمل نوومتـه

ابو زياد:لا حول ولا قوة إلآ بالله

ام زياد: وش فيك؟!

ابو زياد: ابو راشد!!

ام زياد: وش مسوي بعد؟!

ابو راشد:دخل غيبوبه و بعدهـا مات دماغي وهو اللحين في رحمة ربي .. بين الحياة و الموت

ام زياد:لا حول ولا قوة إلا بالله .. الله يعين اهله .. و يقومه بالسلامه .. بـس لا يكوون بسبة!!!!

ابو زياد:لآلآ وين اصلا تونا ما سوينا شيء لشركته

..


..

..

..

توقعاتكم

نهاية البارت العشرين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

 
 

 

عرض البوم صور بياض الصبح   رد مع اقتباس
قديم 31-08-10, 11:47 PM   المشاركة رقم: 23
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,112
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

ــ

البارت الواحد و العشرين

العصر الساعه 4:30

في حديقة قصـر ابو زياد

هنادي "انتي يا هنادي اللحين ملك محمد يعني انتي له .. طيب وحبي انساهـ .. لازم انساهـ المفروض احقد عليه بعد سبب موت امي و ابوي هو .. طيب لآزم اكلم زياد .. بس الغريبه ذاك اليوم ما سألني مين الي احب!! .. لا اشغل راسي بهذي الاشياء الي اعيشه اللحين .. يجي في العمر مره بعيش حياتي مثل كل بنت "

نجود:ياهووووهـ هناااااااادي

هنادي تستوعب:همم

نجود:اليم اخذ عقلك يتهنىـآ به

هنادي تنهدت:وييييه امين

ريما شهقت:هييييه .. ميييين اعترفي

هنادي وتسوي نفسها خجلآنه:حمودتي

نجود و ريما:نعم!!!!!!!!

هنادي وهي تاخذ جوالها من ع الطاوله:يوهـ اقولكم حمودتي ياربيه .. تشاو بروح اغير ملابسي

نجود و ريما:تشاو!!!!!!!!!!!!!

نجود:انهبلت صح!!

ريما"وش هالتغير يا هنادي":لالا ارتاجج في المخ اكيد

نجود:اكيد ميه بالميه

محمد:ياولد!!

ريما لبست جلآلها

نجود:تعال..


محمد"وين هنادي!! ليه مو معهم!!":من له الكوب الثالث!!

نجود:لهنادي بـس تو راحت تغير ملابسها

محمد"يعني قامت من شوي":اهااا .. نجود ابيك!!

نجود آستغربت:طيب

عند المسبح

محمد:هنادي مغصوبه علي!!!!

نجود ارتبكت"شقوله!!":وراك تقول هالكلام!!

محمد:نجود انتي اقرب و حده لها و تصرفات هنادي كآنها مغصوبه علي!!

نجود"ياربيه يا محمد وش تبيني اقولك":انت تعرف ان هنادي محد يقدر يغصبها

محمد:ليه الحركه الي سوتها اليوم االصباح شفتك وانتي تدفين الجوال و شفتك وانتي ترصين ايدها بقوهـ انا ما شفتها عشان اعلمك اني مصدق لا لآن بقوتك بغت تنكسر ايدها

نجود"محمد مدري اقولك ولا اسكت": يعني انت وش تبي بالضبط

محمد:هنادي مغصوبه علي ولا هي موافقه من نفسها

هنادي بهدوء و دموع تنزل:كذا تقول عني .. الله يسامحك ومشت ركض لعند ريما و جلست في حضنها

محمد"سمعت!!!!!!!!" ركض وراها بسرعه ولقاها في حضن ريما تبكي

محمد:احم احم

ريما وخرت هنادي عنها و راحت لجوآ الفله

محمد:هنادي

هنادي"اسفه يا محمد بس لآزم اصحح كل شيء":وخر عني .. مو تقول اني مغصوبه عليك ..وخر لا تلمسني

محمد:هنادي اسف ما كان قصدي

هنادي وهي تمشي:باين .. . و راحت ركض للجوا الفله و مسكتها نجود

نجود:هنادي قولي وش تخططين فيه

وقـالت لهم هنـادي الي في بالها

ريما:يعني ربي وعاك ع الطريق الصح

هنادي:انا اللحين كل همي خطيبي وحياتي

نجود:و الي ما ينتسمى تضنين بيتركك!!

هنادي:له فتره ما ارسل لي شيء يعني اكيد اختفى من حياتي

ريما:طيب .. ما تخافين لما يعرف بخطبتك يوصل شيء لمحمد!

هنادي:ما يقدر

....

جَرَحنِيْ حِيلْ يَآيِمهْ..!
بَعدْ عَنِيْ..
.....وحَبْ غِيرِيْ..
وصَآرْ الحُبْ واِحسَاسِيْ ..
.........فَقَطْ ذِكرَى~..
............ وَصَفحَهْ سَهلْ يَطويِهَا..
ويِنسَى كِلْ مَافِيهَآ,,!

مشعل:مين انا .. ما افكر حتى

عزآم:ليه؟!

مشعل:بـس و اذا فكرت بس تفكير آفكـر اخذ نجود

عزآم:بنت عمك هذيك الربشه

مشعل:آييه

عزآم:تحبها؟!

مشعل:لآ

عزآم:اجل؟!

مشعل:بنت عمي وانا آولىـآ من الغريب فيها

عزآم:يمكن تحب

مشعل:والله اذا تقدمت لها ترفضني او توافق علي شيء راجع لها

عزآم:ياوك والله انك بارد

مشعل بضحكه ساحره:ههههههههههههه وانت تصعب الامور

عزآم:هههههههه اقول يالله عن الفلسفه الزايده بتتزوج قبلي وهذا وجهي

مشعل:هههههههههههههههه نشوف

عزآم وهو ياخذ كاس العصير:نشوف الزمن بيننا

..

سلوى:نجلى ابي ارجع البيت

راشد بأستفسار:أي بيت؟!

سلوى:شقتي

راشد:بيتك فلة ابوي

سلوى:بس شغلي هناك

راشد:قلتيها شغلك .. تروحين وقت الدوآم

سلوى:لزوم انا اليوم هناك عشان ارتب الاوضاع و اخذ لبس لي

نجلى:اوك وانا معك .. وش قلت؟!

راشد تنهد:طيب انتبهوا لحالكم

سلوى و نجلى:ان شاء الله

بعد دقايق معدودهـ جـاء الدكتور يركض و ورآهـ نيرس

سلوى:وش فيهم؟!

نجلى:صبـر.. وراحت دخلت

بعد مرور 5 دقايق طلعت و لون وجهها اصفر

راشد:نجلى

نجلى بلعت ريقها:هلا

سلوى:وش فيك؟!

ام راشد:تكلمي!!!!

نجلى:راشد ابيك شوي


راشد:طيب

سامي جـاء

عزآم:وين راشد؟!

سلوى:مع د. نجلى

سامي:اها ..

كانت نجلى تهمس له و نزلت دموعها وراحت جري ع مكتبها

راشد للحين موقف من الي اسمعه

سامي راح بسرعه لرفيق عمره

سامي:عظم الله اجرك

راشد:دريت؟!!!!!!

سامي:سمعت الدكاتره يسلموا اسمه عشان ينقلوهـ للثلاجه

راشد:مات!!

سلوى نغزها قلبها:راشد وش فيكم؟!

راشد:ابوي.. ضحك ضحكه.. يقولون .. انه .. مـات و لف و عطاهم ظهر و صار وجهه للجدار وقام يبكي بصمت

ام راشد طاحت ع الارض تبكي

اما سلوى كانت ساكته

جـاسم"!! هذي وش جايبها هنا !!" صار ورآ سلوى:السلام عليـ.................... طاحت عليه سلوى و طاح هو ع ظهره و سلوى فوقه

راشد و سامي انتبهوآ

راشد:سلوى!!!!!!!!!!!!!!!!!!!!!

سامي:سلوى!!!

جاسم اغمى عليه و كان راسه ينزف بغزارهـ .. شوي جو النيرس و دكاتره و اخذوا الاثنين ع غرفة العمليات .. جاسم سووآ له خيـاطه في راسه بسبب سقوطـه .. آمـا سلوى اجروآ لها صعقات للقلب لآنه توقف عن النبض .. لكن بحمد من الله و رحمه رجع من جديد!!

راشد"يارب وش الذنب الي اذنبناهـ!"

ام راشد"يالله لا تفقدني بنتي .. يكفي فقداني لزوجي"

سامي"الله يصبركم .. آهـ .. كلن خذا جزاءهـ بالي سواه"

بعد دقايق طلع الدكتور و وراه الممرضين

د. غسان:الحمدلله مدام سلوى بخير ,, و د.كتور جاسم بعد ..و ابتسم و راح

..

الساعه 5 المغرب

ام زياد:لازم نقوم بالواجب لا تنسون هذول يصيرون اهل زوجة عمكم و يصيرون خوالك يا هنادي

هنادي:انا بروح لهم . وبخلي مشعل و اكيد مشعل ما راح يرفض

مشعل دخل وهو معصب ويكلم بالتلفون:مصعب الكلب هذا تجيبونه من تحت الارض هو و سامح "تذكرون في بداية الروآيـه يوم تفلس شركة ابو راشد!! .. مصعب و الرجال الي كان يكلمه"

مشعل بصراخ:تجيبوونه لوهـ تحت الارض سمعتوا ما ابي اشوف وجيهكم إلا وهو معكم وصك التلفون بعصبيه

هنادي بهمس:خاله حالته ما تسمح نقوله اللحين خليها لما يروق

ام زياد:شورك و هداية الله



مشعل حب راس ام زياد و جلس: السلام

الكل:وعليكم السلام

هنادي:عن اذنكم

الكل:اذنك معك

مشعل:عرفتوآ بخبر وآفآة خالي؟!

ام زياد:أي عرفنا يا وليدي تونا قبل تدخل كنـا نتكلم

مشعل:جهزوا حـالكم الي يبي يصلي عليه بكراا يجهز حـاله بعد صلآة الظهر

ام زياد:ان شاء الله يا وليدي .. من كنت تكلم؟!

مشعل:سالفه طويله بتكلم فيها مع عمي بعد العزآء واشياء كثيـره لآزم نسويها بعد توزيع الورث

ام زياد:اهم شيء لآ تنسون ان هذا خالكم اخو امكم و ان له فضل عليكم .. وعياله هم اخوانكم و زوجته هي امكم

مشعل:لا توصين حريص عمرنا ما نسينا بعض بس الفلوس هي الي اعمة عين خالي الله يحلله و يبيحه و يرحمة و يغفر له

الكل:آمين

..

بكرا وقت صلاة الظهر

ابو زياد:محمد و مشعل انا و زياد بنسبقكم خذوا الحريم وتعالوا

محمد و مشعل:ان شاء الله

هنادي وهي تبكي:خاله ابي اشوفه الله يخليك

ام زياد:ما تقدرين يابنتي

هنادي:آم بلى خاله الله يخليك بس اشوفه لو من بعيد

ام زياد:يا ماما كفنوهـ ما تقدري

هنادي وهي تبكي:لالالاع ابي اشوف خالي حرام عليكم ابي اشوفه


نجود و ريما كانوا يبكون ع حالة هنادي

شوي دخلت بنتين متغطين

.....:انتي هنادي!!

هنادي بأستغراب:مين انتوآ؟!

.....:اناا ... انااا

نجود:ايوهـ انتي مين؟!

....:هذي بنت خالك سلوى

الكل سكت

هنادي:بنت خــــالي!!!!!!!!!!!!!!! و خالي من متى عنده بنت اصلا؟!!


سلوى:انا اخبرك كل شيء بـس ما راح تصلين عليه معنا!!!!

هنادي:آمبلىـآ

نجلى:يالله الشباب تحت ينطرونكم

..

نزلوا و تجهوا للمسجد دخلوا الحريم المصلي و الرجال و بدوآ بالصلاة ع الاموات

و بدت مراسم العزاء .. كان العزاء في الرجال بيت ابو زياد والحريم في بيت ابو راشد

هنادي:معقوووله!!!

سلوى ابتسمت رغم المها من كل شيء صـار لها من الطرد و الذل الي جاها لين وفات ابوها الي مات ولا تدري هو راضي عنها او لآ

نجلى:بنات يالله خلونا ننزل مايصير تحت الحريم

البنات:يالله نزلنا

..

بعد مرور 3 ايام العزاء .. كانت صعبه بالنسبه للبعض . وعاديه بنسبه للبعض الاخر

بعد اسبوووع

مشعل:عمي .. فيه سالفه ابي اقولك اياها عن الشركه

ابو زياد:بعد ما تمر العده 40 يوم .. و يتوزع الورث تكلم معي

مشعل:بس هذا شيء ما يتأجل ابد

ابو زياد:خلاص بكراا انا اللحين مشغول

مشعل:ان شاء الله


ام راشد:يا بنيتي وين اخوك؟!

سلوى وهي تصب الشاهي لأمها:مدري الصباح جـاء صديقه سامي و راحوا

ام راشد:اجل وش رايك نطلع للسوق نغير جو


سلوى ابتسمت ومدت البياله لأمها:سمي .. وين يمه عندي شغل لين راسي ولا تنسين لو اترك المشغل يوم .. تحتاس الدنيا و انا ما اتوكل ع هالاجانب يخربون شيء و يطيح ع راسي

ام راشد:الله يوفقك
سلوى:آمين

..

هنادي:هاااااااه وشو؟!

نجود:اسم الله عليك وش قايله انا .. يقول ابوي حددي وقت الملكه

هنادي:ملكه .. بعد شهرين

نجود:ويييييييين بعد شهرين انهبلتي

هنادي:ايييي شلونا جهز عمري

نجود:هنوود ع غيري طيب .. كل شيء جاهز امس رحتي مع امي و شريتي الطقم و الفستان

هنادي قامت تقلب بالـt.v :ابيييه بعد شهرين .. هو قال متى تبينه وانا قررت

ريما:خلآص سمعتي البنت وش قالت

نجود:تسطفلي منك إلوهـ

هنادي و ريما:ههههههههههههه اروح ملح ع الكلام الشامي

نجود طلعت لسانها:رايحه اخبر البابا و حبيب الئلب

هنادي اختفت ضحكتها و رفعت حاجبها الايسر و اشغلت نفسها بالـt.v

...

محمد:وشو؟! شهرين !! واااجد

نجود:قلت لها لكن مصره

ام زياد:البنت حره تبي بعد شهرين وش حارق رزكم

ابو زياد:هنادي قالت بعد شهرين يعني بعد شهرين

محمد:يووووهـ 60 يوم والله واجد

ام زياد وهي تضربه:اثقل اثقل .. البنت موب طايرهـ

محمد مد بوزهـ

نجود و ام و ابو زياد:ههههههههههههههههههههههههههههههه

..

سامي:تراا اختي عذاري تقول انها شرهه عليك بأنك ما خليتها تجي العزاء ولا مريتها ايام مرض ابوك

راشد:ياربيه والله انشغلت و بعدين لو جت العزاء اخاف من امي تسوي سالفه

سامي:الله يعينك شايله في خاطرها عليك

راشد:ان شاء الله اليوم اروح لها و اعتذر و يارب تفهم موقفي

سامي:طيب قم خلنا نروح نلعب بلياردو

راشد:يوهـ مالي خلق

سامي مسك ايده وسحبه:قووم قووم يا العجاز .. ولا خايف اهزمك

راشد بغرور:لا انت ولا عشره من امثالك يقدرون يهزموني

سامي:يقلع ابو الوثوق طيب قم قم نلعب

راشد:يالله

توقعاتكم

نهاية البارت الواحد و العشرين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ


 
 

 

عرض البوم صور بياض الصبح   رد مع اقتباس
قديم 31-08-10, 11:51 PM   المشاركة رقم: 24
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,112
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت الثاني و العشرين


قام راشد يلعب مع سامي و اشوي دق جوال سامي

سامي:هلا عذاري!! .. تبيه اللحين!! .. طيب طيب .. خلاص انا اللحين جاينكم في الطريق .. يالله باي

راشد:وش فيهم؟!

سامي:تقول انها تبيك اللحين

راشد:يالله خل نروح

سامي:مشينا

..

وصلوا عند فله و دخلوا جوآ

سامي يصرخ:عذاري سوي درب

عذاري:تفضلوآ للملحق

راشد:بروح لها انا

سامي:طيب وانا احتريك هنا

..

دخل الملحق لقاها تبكي

مشى لعندها و باس راسها

راشد وهو يجلس جمبها:ليه ليه الغلا تبكي؟!

........:وخر عني .. اجل تحرمني اجي العزاء و لا تمرني ولا تسلم علي كذا .. صرت مثل ابوك .. و اخذت طبع امك وقسوتهم

راشد بنبرة حزينه:يمه لو جيتي خفت امي تسوي سالفه عند الناس .. و الايام الي ما جيت فيها كنت مشغول بأمور كثير تألم .. مرض ابوي و اختي الي طلعت فجآءه وانتي اكيد تعرفين لا قلتي لي

نزلت عيونها لتحت وسكتت

راشد:يعني تعرفين عنها

.......:اكيد بنت ولدي الي انطردت من البيت ما تبيني اعرف

راشد:آجــــل ليييش ما قلتي لي .. مو انتي جدتنا ليه خليتيني اعيش بدون ما ادري ان عندي اخت وليه عيشتيها برعب و بعالم ماله امان لحالها

الجدهـ ام ابو راشد:يا وليدي .. اختك شريت لها الشقه و شغلتها في محل .. لين صارت هي الي تدفع الاجار بعدين شريت لها شقه و استقرت حالتها الماديه . بس انت ما قدرت اقولك خفت تكره اهلك ما ابي ازرع فيك الحقد و قساوة القلب الي في ابوك

راشد:اهم شيء يا يمه رضيتي عني

الجدهـ:هو اكيد ارضىـآ والله يرضى عن وليدي و يكسنه فسيح جناته و يرضى عنك امك

راشد:آمين .. يمه انا اللحين بروح البيت .. وعذاري عندك اذا بغيتي شيء منها هي موجودهـ

الجدهـ:توك جاي ياوليدي

راشد:امي لحالها في البيت

الجدهـ:الله يرضى عليك .. في حفظ ربي

راشد حب راسها:مع السلامه

..

راشد:يالله

سامي:مشينا

..

وش جـاهـ محبوبي مشىـآ وخلاني

ما بين نيراني و بين احزآآآآآآني

والي يسوي سواته ماهو عاقل

][ يحبني موووت ][ ويصاحب ثاني

خلوهـ خلوهـ ع كيفه يدور غيري

يرتاح و ارتاح انا من تفكيررررررري

ما فاد لا حبي ولا تقديررررررري

ما ابيه حتى لو تعنى و جـاني

والله شكله من البدايه خــاين

خدآع ما فيه شيء من عينه باين

للحب و العشرهـ ابد مو صاين

ضحكته و يا للأســـف بكـــاني

...
في تركيا

في مزرعه فيها ابقار و اغنام جـالس ع كرسي قدام السور و يفكر

.........."لآلآلآ وين وصلت ,.. انا بـس ابي 4 ملايين .. ايه آصلا عمري ما حبيت ولا راح احب .. بـس ليه هي دايم ع بالي مستحوذه ع آفكـاري .. بـس .. مستحيل اكونا حبها ,, يارب ارحمني .. انا ابي 4 ملايين طالعه من عيونها بسبة الي سوته .. ما فيه بنت تجرآت و هجرتني .. من هي اصلا .. اقول اقوم احسن من جلستي وحوسة افكـاري"

قام ودخل الكوخ وجـلس ع الكرسي هالزاز مسك الاب توب وشغله وبدآء يشتغل ع ملفات ولكن فكـرهـ مو معه

..

في الرياض

بالتحديد

في قصر ابو زياد

ام زياد:هاه هنود

هنادي:خاله مو كآنه بكير كثير بعد 3 ايام!!!

ام زياد:يا قلبي انا مجهزين القاعه و مجهزين الكروت و مجهزين لبسك و الطقم حقك

هنادي:بس ما جهزت نفسيتي

ام زياد:3 ايام تكفي .. وش قلتي؟!


هنادي بيأس: الي تشوفونه

..

محمد من ورآ الباب"يالبيييييييييييييييييييه يا يمه االله يخليك لي"

تظرب محمد:وش قاعد تسوي

محمد نقز من الخوف:هاااااه نجييييييييد

نجود:ههههههههههههه وش قاعد تسوي

محمد:وانتي وش دخلك

نجود وهي متخصره:اها وش دخلني يعني تبيني ادخل واقول لهنادي انك كنت تتسمع؟!

محمد حط يدينه الثنتين ع كتوف اخته:لالا اختي نجوده حبيبتي ما يطاوعك قلبك

نجود:تتحداني

محمد:جوجو

نجود:قلي وش كنت تسوي!!!

محمد:امي غيرت راي هنادي بيوم الملكه

نجود بفرح:جددد ومتى الملكه؟!

محمد: بعد 3 ايام


نجود بصدمه:هاااااااااه ما بعد تجهزنا!!

محمد:بـس من اليوم لييييييييين الاثنين بنزلك للسوق من الصبح وما اردك للبيت إلا الليل وش تبين بعد

نجود لمت اخوهـا:الله لا يخليني منك

محمد:ابو المصلحه

نجود وخرت عنه وهي تسوي نفسها زعلآنه:الله يسامحك

محمد:ما يليق تراا .. روحي جهزي نفسك 5 دقايق اذا ما شفتك تحت ما راح اوديك

نجود:ون منت واكووون في السياره .. وراحت طيران لغرفتها

شوي انفتح الباب و محمد جري نزل مع الدرج

...

ام زياد:اجل اليوم بوزع الكروت عشان يمدي الناس تجهز حالها

هنادي:وانا ابي اروح اشتري مكياج جديد

ام زياد:بنجيب لك كوفيرهـ

هنادي:لآلآ الكوفيـره بس لشعري وجهي انا بسويـه

ام زياد:خلآص بعد شوي اقول لمحمد يودينا

هنادي بسرعه:لالا مع السواق

محمد كان يسمع كلامهم فتدخل

محمد وهو يرقى:ليه مع السواق وانا موجود .. واصلا انا بودي اللحين نجود

نجود وهي تلبس النقاب:خللصت

ام زيااد:اجل انا بروح البس عباتي

محمد:وانتي؟!

نجود:هنادي بسرعه يالله و عشان بعد تساعديني

هنادي استغربت:شلون عرفتوآ؟!!

محمد ارتبك:آآآآ .. آآآآ


نجود ترقع:محمد ما يدري عن شيء انا امي قالة لي انها بتحاول فيك

محمد يتدارك الوضع: وشو هو اصلا؟!

نجود بترقيع للسالفه:هو نسيت اقولك .. امي اقنعت هنادي ان المكله تصير بعد 3 ايام

محمد يمثل:جدد!!

هنادي استحت ودخلت .. تلبس عبايتها

نجود بهمس:آوف اشوى

محمد: ثانكس ما سيستر

نجود:ولكم

ام زياد:يالله .. وين هنادي؟1


نجود:دخلت تلبس

محمد:يالله ننزل وهي بتجي

الكل:يالله توهم نازلين إلا هنادي طلعت من غرفتها و لحقتهم

..

في قصـر ابو فيصل

وسام:رنيم هاتيه

رنيم:بليز بس لين يخلص الفلم

وسام:فيه مية دش في البيت

رنيم:بـس هذي شاشة البلازما الوحيده الموجودهـ في البيت

وسام:ما علي هاتي الريموت

نجلى وهي تنزل:يالله صباح خيـر لا شر فيه

وسام و رنيم:!!!!!!!!!!!

رنيم:أي صباح!!

وسام:الناس ظهر

نجلى:توني قايمه يعني صباح الخير اول كلمة تنطق .. المهم انا رايحه المشغل و برجع العصر

رنيم:خذيني معك ابي اشوف المشغل

نجلى:طيب وين مها؟!

رنيم:مع جنى بنت خالي

نجلى:ليه ما رحتي معها

رنيم:هديل تعبانه وماقدرت تجتمع عندهم وش يوديني

نجلى:طيب روحي لبسي عباتك وتعالي

رنيم:دقاااااااااااااااااايق

وسام:انتي من جدك تركتي الشغل عشان مشغل

نجلى:اصلا انا اشغل وقتي الفاضي في المستشفى يعني عادي الوضع

وسام:طيب جاسم ماخذ اجازتك بعد؟!

نجلى:اجازتي و اجازته و اجازهـ مرضيه .. يعني بعد 8 شهور يداوم هههههههههههههه

وسام:الله يعين البنات بيفقدونه

جاسم وهو ينزل:شفت عاد

نجلى:ههههههههههههههه جبنا سيرة الئط ئآم نط

جاسم:القطو وجهك وطسي بس

وسام:حتى وانت تعبان

فيصل وهو يدخل:السلام

الكل:وعليكم السلام

فيصل:انت تراا البنات اقلقوا راسي . وهو يغير نبرة صوته لنعومه (وين د.جاسم .. انا ما ابي الا د.جاسم هو المسؤول عني وينه؟! .. سلامت ما يشوف شر وصله سلامي) ورجع لنبرته .. لوك نجم من هوليود ما سألوا عنك كذا

الكل:ههههههههههههههههههههههههه

جاسم:يا بابا نجوم هوليود ما يجون نص نجوميتي ولا ربعها

رنيم:يقلع ابو الوثوق .. اقول جوجو يالله نروح مشغلك

نجلى:يالله

جـاسم بمكر:وديكم؟!

نجلى ارفعت حاجبها:من وين طالعه الشمس

جاسم:من الشرق

رنيم:ها ها ها بايخ

جاسم:تلايطي

رنيم:ان شاء الله

نجلى:طب ليه؟!

جاسم:منها اوصلكم ومنها اشوف شكل محلكم

نجلى:ما تقدر تدخل

جاسم:من قال بدخل بشوفه من براا الي جواا صوريه لي

نجلى:اوك قوم

جاسم :يالله

..

عند مشعل و عزآم

عزآم:طيب انا قلت لهم يدورونه هو و سامح

مشعل:زيين بكرآآ بفاتح عمي بالموضوع

عزآم:ابوي بـس ينطر توزيع الورث عشان يتشارك في شركة خالك

مشعل:عمي عنده علم؟!

عزآم:مدري والله

مشعل:آجل بفاتحه بالموضوع هذا بعد وبشوف

..

في المول

نجود:هنود وش رايك في هالفستان

هنادي:روووعه .. بـس هذا احلى مو

محمد من وراها:مثـل الي ماسكته

نجود بهمس:حمود عيب احنا في المول

هنادي حمر وجهها و نعقد لسانها وسكتت

محمد:ههههههه طيب كملوا وانا احتريكم براا

نجود تضحك ع هنادي:هههههههه طيب

هنادي:ياربيييه والله انجن لما اسمع همسه

نجود:اخصصصصص يعني حبيتيه؟!

هنادي تصرف:شرايك بهذا!!

نجود استغربت:حلوآآ .. تعالي ندور شوز و اكسسوارات له

هنادي:يالله

ام زياد:هنادي تعالي هنا يمه

هنادي:سمي خاله

ام زياد:سم الله عدوك .. وش رايك بهذا حلو؟!

هنادي:آصلآ انتي الي تزينيه .. حلو ولا اوب حلو

ام زياد:ياقلبي فديتك .. بس جد حلو

هنادي:يدنن مثـلك

ام زياد:يعني اخذه

هنادي:آكيد وانا نجود بنروح نشتري الشوز و الاكسسوارت تجين معنا!!

ام زياد:مشينا

نجود:يالله تراي حاسبت بسرعه

هنادي و ام زياد:يالله يالله

داروآ في المحلآت و شروآ اكسسوارات و شوز

محمد:ما خلصتو؟!

ام زياد:انا خلصت

هنادي:وانا

نجود:لاع انا ما خلصت باقي لي المكياج

هنادي:وليه ما شريتيه تو من كياجي؟!

نجود:مـا ابي من كياجي آبـي من برآآ

محمد:استخدمي الي عندك كلهم من امريكا

نجود:ابي جديد

محمد:آحلمي .. يمه هنادي يالله

نجود:ههههه امزح امزح بـس شفت محل مكياج قريب حلو بروح له

محمد:لـ..

قاطعته هنادي:بروح معك .. هاه؟!

محمد:آوك انتظركم

نجود:تو كنت بتقول لا واللحين يوم صار.,..

تدفها هنادي:آمشي ولا ركبنا السياره

نجود:هههههههههههه طيب

ام زياد ومحمد:هههههههههه

نجود:وش رايك

هنادي:حلو خذي طقم

نجود:بشتري كل شيء لحال

هنادي:قلت خذي طقم

نجود:آووهـ طيب

..

اخذوا الاغراض و طلعوا

محمد: ما بغيتوا يالله

..

ركبوا السيارهـ ..

وشغل السياره ومشى

اخذ تلفونه و قعد يلعب فيه

ام زياد:اترك الي معك وانتبه للطريق

محمد حط جواله و ابتسم:ان شاء الله

..

شوي جت رساله لـ هنادي

من الزوبعه(محمد)

استغربت!! و فتحتها

الرساله:

مجنوטּ بگ واعترفلگ // صـًـًـًـًـرتْ مجنونگ »

..

هنا ابتسمت هنادي من ورا النقاب .. ونزلت جوالها و ضيعت نظرهاا في المحلآت و المباني

..

وصلوا للباب

ام زياد طلعت من شنطتها كيـس مليان كروت وطلعت ورقه طويله

ام زياد تمد الكيس و الورقه لولدهـا:خذ عطها واحد من هالي عندنـا وخلهم يوزعونها ع العناوين وينتبه مو يلخبط

محمد:من عنوني يا الغلا .. وراح مسك واحد من هالحرس و قاله وراح الحارس ينفذ الطلب

..

محمد:هنادي ابيك

هنادي:نجود تعالي

محمد:لآ ابيك لحالك

نجود:تشـاو!


هنادي بخوف:همم

قرب منها محمد لين ما صـار بينهم مسـافه قرب شفايفه لأذنها

ارتبكت هنادي وما عرفت وش تسوي

همس في اذنها بصوت رايق يذوب الصخـر: مجنوטּ بگ واعترفلگ // صـًـًـًـًـرتْ مجنونگ »

..هنـادي ذابت مع الصوت

محمد مد ايدهـ ورآ راس هنادي وفكـ عقدة النقاب و نزل الطرحه و بدآ يتأمل وجهها

هنادي كانت ساكته ومنصدمه ذايبه ..

كـان يناظرها بعيونه الساحرهـ .. عض ع شفتـه قرب من شفايفهـا

هنادي غمضت عيونها بهدوء

شووي إلا سمعوآ صوت الباب ينصك

وخـر محمد وعدل بلوزتـه وضيع نظرآتـه في المكان

آمـا هنادي اخذت غطوتها و ركض لجوآآ

نجود وهي جالسه وحاطه رجل ع رجل وماسكه ضحكتها:كـان كملتوا ولا صكتي للباب خربت

هنادي ناظرتها بعصبيه و بعيون كلها شكر:نجووووووووود

نجود:عيونها

هنادي:برقىـآ انام

..

من بكرآآ

قـام مشعل اخذ شور سريع لـبس بنطلون جنز اسود و تيشيرت اخظـر وعليه رسومـات باللون الاخظر الغامق ولبس كوتش اسود.. لبس ساعته و تعطـر ونزل لمكتب عمه

مشعل:صباح الخير

ابو زياد:صباح النوور

مشعل وهو يحب راس عمه:شخبارك عمي؟!

ابو زياد:يسرك الحـال .. وش الموضوع!!

مشعل:عمي خـالي شركته ما تعرضت للأفلاس مثل ما قال لي .. انسرقت .. والي سرقها موظف اسمه سامح بمساعدهـ من مستشار خالي مصعب وهم اللحين هربانين ارسلنا حراس يدورون عنهم

ابو زياد:موب شيء جديد مصعب عندي في الاستراحه .. وننتظرهـ يقول لنا عن مكان سامح

مشعل:جد!!


ابو زياد:في شيء ثاني؟!

مشعل:ايه ابو عزآم بيشارك راشد بالشركه

ابو زياد:خبرني امس ابو عزآم .. فيه شيء ثاني؟!

ابتسم مشعل:سلآمتك .. تامر بشيء؟!

ابو زياد:لا سلامتك .. في حفظ الله

مشعل:باي

..

نجود وهي نازله كانت لبسه قميص لنص الفخذ ابيض وعليه رسومات دباديب وشعرها مفلول

انتبه لها مشعل .. وكـان يناظرها بأستغراب .

مشعل"مستحيل هذي نجود الي كانت في امريكا متغيرهـ حيل .. او يمكن عشاني لي فتره ما شفتها .. لآلآ وين يكفي اني ما اشوفها إلا بـس في عطلة رآس السنه "

حـس بعمرهـ ولف وجهه .. وتنحنح

مشعل:احم احم


نجود انتبهت له و جري رقت لغرفتها

طلع مشعل من البيت

..

طلع محمد من الحمام لبـس برمودآ رصاصي و تيشيرت اصفـر مكتوب عليه آسمه بالانقلش باللون الرضاصي .. لبس كوتش اسود و حط جـل في شعره لبس نظارته من ديور .. ونزل تحت

ام زياد:صباح الخير

محمد:صباح النوور

ام زياد:تبي احط لك فطور

محمد:تسلمين بطلع مع الربع

ام زياد: ع لحم بطنك

محمد:اشتري دونت و كوفي ع الطريق

ام زياد ابتسمت:جهز حـالك بعد بكرآ الملكه


ابتسم محمد:من عنوني .. حب راس امه .. يالله مع السلامه

ام زياد:رح الله يرضى عليك ويهديك .. في حفظ ربي

..

هنادي:يووووووهـ وخري عني يا نجود

ريما:نجود حرام عليك خليها تنام امس ما نمنا إلا 2 الفجر

نجود:محد قالكم اسهروا و نسوني .. قوووووووومي

هنادي وخرت اللحاف عنها وقامت

هنادي بصوت كله نوم:قمت ارتحتي

نجود:البسي وانزلي نفطر مع امي

هنادي:طيب اطلعوا

..

طلعت ريما و نجود

و رجعت هنادي تكمل نومهـا

..

سلوى: بالله يا نجلى عطيها فستانها

نجلى:طيب اختي عطيني رقم حقك واشوف وين فساتانك اذا جهز ولا لا

زبونه:تفضلي

دخلت نجلى تدور بين الفساتين لين لقته

نجلى:تفضلي .. حسابك 150 ريال

زبونه:تفضلي

نجلى:شكراً

سلوى:آوف

نجلى:وش فيك؟!

سلوى:راسي يعورني

نجلى:طيب ارجعي البيت ارتاحي

سلوى: واخليك لحالك

نجلى:اقول ما يليق تراا .. بعدين انتي كذا جلستك مثل عدمها ارجعي البيت وريحي

سلوى وهي تقوم:يالله اجل باي

.
.
.

توقعاتكم

نهاية البارت الثاني و العشـرين
ــــــــــــــــــــــــــــــــــــــــــــــــــ

 
 

 

عرض البوم صور بياض الصبح   رد مع اقتباس
قديم 31-08-10, 11:53 PM   المشاركة رقم: 25
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,112
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 

البارت الثالث و العشـرين

.

نجلى:اقول ما يليق تراا .. بعدين انتي كذا جلستك مثل عدمها ارجعي البيت وريحي

سلوى وهي تقوم:يالله اجل باي

توهـا بتقوم إلا تطيح ع الكرسي

ارتعات نجلى

نجلى:سلوى حبيبتي انتي بخير؟!

سلوى بتعب:أي بخير .. وين عباتي

نجلى:ليزاا ليزاا

ليزآ:ايوا مدام


نجلى:انتبهي للمحل لين ارجع

ليزآ:اوك مدام

سلوى:وين بتروحين؟!

نجلى:بوديك المستشفى


سلوى:لالا ما يحتاج

نجلى:اقوول قومي .

لبست سلوى عبيتها و جلستها ع الكرسي و دقت ع السواق لكن ما يرد

جآء في بالها اخوها المصون جـاسم


جـاسم وهو يطقطق ع الاب من الملل:ايوهـ وش تبين

نجلى بصوت بكي:سلوى تعبانه مدري وش فيها تعال بسرعه

جاسم حس بنغزهـ بقلبه .. رمىـآ الاب ع الارض و قام لبس الشوز حقه و نزل

ركب السيارهـ و راح جري ع المشغل

..

مشعل:بالله عاد

عزآم:والله

مشعل:آحلف

عزآم:قسم بالله

مشعل:لآ يشيخ

محمد و ناصر كانوا يشفون هالمسلسل وينتظرونه يخلص

ناصر:اللحين ممكن اعرف الحلف و القسم لوش؟!

محمد:ما ودكم تاكلون تبن حبتين و تقولون لنا وش السالفه!!

مشعل:والله مدري اسئله

عزآم:كذاب مدري وش السالفه

ناصر:حمود لو بنجلس مع ذولي هذا وجهي اذا انا رحت بكراا مبكر للدوام مثل ما طلب حظرت مديرنا ولا انت بتعرس

محمد:وشو اقوول قم إلا العرس اهم شيء قم قم

مشعل و عزآم:هههههههههههههههههههههههههه

مشعل:آووهـ لهذا الحد اختي موديتك الشام؟!

عزآم:وييييييييييييييين الشام قل الصين


محمد:هه هه هه .. ناصر امسكني لا اطيح من الضحك .. لوك منت اخوا زوجتي كان عرفت شسوي

عززآم:وانا

ناصر:صديقه نفس النمونه ما يقدر


مشعل:ع كيفك ما بعد صارت زوجتك

محمد:كلهـا ثلآث ايام و تصيـر حرمتي

مشعل:اذا مر اليومين و ملكت عليها تعال قل حرمتي

محمد:من اللحين حرمتي والي عندك طلعه

مشعل وهو يشرب القهوه:أي هين

محمد رفع حاجبه الايسر:ناصر قوم قوم قبل لا ارتكب جريمه

ناصر:يالله

مشعل:تعال وين رايح؟!

عزآم:بالله عاد لا تصيرون سخيفين

محمد:لا والله اللحين مين الي يتحرش بالثاني؟!


مشعل و عزآم:حقكم علينا .. وش تبون بعد

محمد:جلسنا نعم

عزآم:بنكمل الحلف

ناصر و محمد:آووهـ

مشعل و عزآم:هههههههههههههه نمزح

..

عند نجلى وسلوى

وصل جاسم و دق ع اخته وقال لها تطلع

طلعوا و ركبت سلوى و نجلى

جاسم وهو يسوق متجه للمستشفى ويتنفس بصعوبه:وش الاعراض الي جتك

سلوى وهي ياله تركز في الي قدامها:دوخه .. حرارهـ .. جسمي متكسر .. بـس

جاسم:آكلتي شيء!!

سلوى:اكيد... وسكتت لمدهـ

جاسم:طيب وش ماكله؟!

سلوى:........ لا رد

جاسم:اكلمك ردي

نجلى التفت لقت سلوى طايحه ع جنب

نجلى بخوف:جااااسم سلوى اغمى عليها

جاسم اسرع:اطمري و راا بسرعه

نجلى شلون؟!

جاسم بصراخ:ما تعرفين تطمرين اطمري

نجلى:ان شاء الله

..

وصلوا المستشفىـآ

دخلوها غرفة الكشف و طبعاً نجلى راحت للكفتريا جابت شاي و مويه لآخوهـا عشان يهدي اعصابه

نجلى:تفضل

جاسم:زآد فضلك

..

بعد نص ساعه طلعت الدكتورهـ

الدكتورهـ:د, جاسم .. الحمدلله البنت ما فيهاش حاقه .. بس شوي إرهاق و شكل المدام ما كلتش حاقه من فائت من النوم .. عشان كذا .. انخفض عندها الضغط

جاسم:طيب اللحين كيفها؟!

الدكتورهـ:بخير .. وتئدروآ تشفوهـا

جـاسم:روحي لها

نجلى:ان شاء الله

..

نجلى:سلاماتك قلبي

سلوى:الله يسلمك

نجلى:تبين شيء بروح المشغل

سلوى:سلامتك بس ابي اطلع

نجلى:انت تحت الملاحظه بكراا يطلعونك

سلوى:بـس!

نجلى:لا بس ولا مس خلآص

سلوى تنهدت بيأس


نجلى:بايو قلبو

سلوى/باي

..

جاسم:وين؟

نجلى:المشغل

جاسم:بجلس شوي يمكن تحتاج شيء

نجلى:خلآص اروح بتكسي

جاسم:اوك

..

دخل بهدوء

جاسم:السلام عليكم

سلوى رفعت حاجبها الايسر:وعليكم السلام

جاسم:اخبارك؟!

سلوى:بخيـر

جاسم بـ حب:كذا..اذا ما هتميتي بنفسك و مو هامتك روحك .. في غيرك يخاف عليك من نسمة الهواا طلعتي توا قلبه من مكانه من الخوف .. مو حرااام عليك

سلوى ساكته ومو مستوعبه

جاسم:ع العموم لا تعيدينها مرهـ ثانيه!!لآن ذاك الشخص مستحيل يتحمل مثل اليوم يمكن يصير له شيء المره الجايه و الذنب في رقبتك

قام و طلع لكن وقف ع صوتها

سلوى:جـاسم !!

جاسم بشوق:يالبيه

سلوى تكرتت هالكلمه في طبلة اذنها"يالبيه .. يالبيه .. يالبيه"

جاسم ارتبك و غير نبرته لثقه:نعم وش تبين؟!

سلوى"مسرع تغير الاسلوب":ابي اطلع

جاسم:ما قالت لك نجلى

سلوى:إلآ .. و بنبرة ترجي:ابي اطلع بليز

جاسم: لا تحاولي

وطلع

....

فكر فكر فكر هل الخطوهـ الي اتخذها جاسم لصالحه ولا ضدهـ؟!!!
..

بعد مرور يومين

اليوم المنتظر

يوم الملكه

...

الساعه الثانيه ظهراً

قامت هنادي من ع السرير جففت دموعها مسحت كحلها السايح بمزيل المكياج طلعت لها تنورهـ لتحت الركبه بشوي زرقاء و بلوزهـ ليموني .. دخلت اخذت شور سريع و بعدها طلعت .. كدت شعرها بهدوء و من بعدها لبست ملابسها و لبست شوز ابيض نشفت شعرها و حطت جل و حطت شريطه لونها ليموني اخذت جوالها و لبست عبايتها و راحت لفلة زياد

..

كانت ريما تآكل الاولاد الغداء

ريما:هلا بالعروس

هنادي بحزن:هلا فيك

ريما:لآلآ كذا ما يعجبني هذا صوت عروس او شكل عروس

هنادي:ومن قال اني عروس عاديه!! انا ما ابي هالزواج

..

زياد وهو داخل و بهدوء رقىـآ عند الدرج ,, و وقف في النص:بسوي كآني ما سمعت شيء ,, و انتي بعد سوي كآن هالشيء ما طرى ع بالك و زل لسانك فيه .. و رقى فوق

هنادي بلعت ريقها .. ما توقعت يتغير عليها زياد كذا عدلت حجابها و رقت فوق

طقت الباب 3 مرات

زياد وهو يسكر ازارير بلوزته ادخلي

..

هنادي:زياد

زياد بعدم مبالاة:نعم

هنادي:انا اختك الي ما جابتها امك مو هذا الي كنت تقوله لي

زياد:قبل لا اعرف بسواد وجهك اختي عمرها ما سوت شيء غلط كل شيء يجي لصالحها


هنادي:انت فهمت الموضوع اصلاً .. انا لا ابي الي كنت احبه ولا ابي محمد ما ابي احد ما ابي اظلم احد ولا ابي اعيش مع احد ابي اجلس كذا

زياد نزل راسه:اسمعي انتي اللحين ملك محمد ..


هنادي بصراخ:انا مو ملك احد ,, انا ملك نفسي مفهوم .. محد يقدر يمكلني غير الي خلقني

زياد:زييين عرفتي ان عندك رب .. والي تحبينه اعرفه .. نصاب لعاب وما خلى بنت اجنبيه او خليجيه بحالها و انتي كنتي من ضحياهـ لكن كنتي اشطرهم باللعبه تركتيه قبل لا يخلص الجوله الاخيره انسحبتي بكل صرامه وتركتيه لحاله بالحلبه

..

هنادي:اووووووووووص انت ما تدري عن شيء ابد ابد ابد .. وطلعت وهي تركض في الدرج و ارتمت في حضن ريما .. بس لما سمعت خطوات زياد العصبيه تظرب بالارض جري طلعت من البيت و راحت للقصر رقت لغرفتها غسلت وجهها و سوت لها قناع و حطته انسدحت ع السرير تريح ما درت إلا تغط في نوم .. بعد نص ساعه


نجود:هناااااااااادي قومي بسرعه

هنادي قامت وتحس بثقل ع وجهها:همممم

نجود:قومي وشيلي القناع و غسلي وجهك بسرعه بنروح الاستراحه

هنادي تستوعب الوضع:اللحين

نجود:لا بكراا ايه اللحين ع ما تزيني و ع ما تزين امي و ع ما تزينك و تزين ريما و شوق إلآ احنا عند صلاة العشاء و يمدينا نلبس فساتينا وتشوفين المكان ع راحتك

هنادي:يالله يالله قمت

قامت هنادي غسلت وجهها و لبست بنطلون و بلوزهـ بسحاب و لبست عبايتها اخذت جوالها و فستانها نزلوا

عند الشباب

مشعل:اوخص يا المعرس

جاسم:مبروك يابو حميد

وسام:مبروك مبروك عقبال عرسكم

ناصر:مبروك عقبال ما اخطب

مشعل:وافتك من الي جنبي

عزآم يرفع حاجبه الايسر:جالس ع كبدك اخاف

سامي:هههههههههه مبروك بو حميد

راشد:مبروك ياولد الخاله

محمد:هههههههههههههههه الله يبارك فيكم

فيصل وهو دآخل:يا اخي تراا وقسسم ما صارت ملكه ساعه ع ما لقيت الشبكه

محمد:هههههههه العذر و السموحه يا ابو خـالد تعبناك معانا

فيصل:اقووول تلآيط

محمد:ان شاء الله

الكل:هههههههههههههههههههههههههه

..
.
.
.
توقعاتكم..~

نهاية البارت الثالث و العشـرين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبه قمر مشتاقه, ليلاس, مشتاقه, الأخيرة, المدرسه, القسم العام للقصص و الروايات, تاج اليتيمه, يا يبه, روايات كاملة, رواياه خليجيه, روايه يبه تعال الحق اليوم في المدرسه عطتني المديرة تاج توجوني بتاج اليتيمه كاملة, روايه سعوديه, قمر
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:38 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية