كاتب الموضوع :
دَمعَةْ يتيِمةْ
المنتدى :
القصص المكتمله من وحي قلم الاعضاء
وش تقول بشخص مثلي .. { مات فيك
حب? لحد الجنون وما اكتفى ..!
لو نسى عمره وروحه // مانسيك
دام حبك نبع صافي للوفا ..!
[لو تكون ] باخر العالم يبيك
دام شوفك فيه للروح " الشفا "
كم تمنى في | عيونهـ | يحتويك
لجل يسري في حناياه الدفا ..!
جلست قدآم ابوها وهي تبتسـم برقة يعشقها : كيفه حبيب تآجه ؟
ابتسـم هو بعد وهو يقُول بصوته الثقيل : و الله دآمه يشوف هالتآج مآ هقيت يصير ازين !
ضحكت بخفة وهي تقول بصدق : يً عمري يا يبه ،، آمر يالغالي وش بغيتني فيه ؟؟
ابتسـآمته وسعت وهو يأشر لها تجي لـ حضنه : تعآلي يا بوك .. السالفة طويلة ،
هي على طول لبت طلبه و جت جلست على كنبته وهي مسنده راسها لـ كتفه : كلي آذآن صآغيه حبيبي يبه ،
هو حآوطها بذرآعه وهو يهمس : والله و كبرتي و صرتي عروسه يَ عمري ،،
رجف قلبها . . و حست الرعشه انتقلت لأطرآفها عشان كذآ قلصت عضلات جسمها كله خوف انه هالرعشه تبآن و يحس فيها ابوها ،،
رد قآل لمآ لآحظ صمتها : تآج يا قلب ابوك فيه حد خطبك مني على سنة الله و رسوله ،
غمضت عيونها وهي مآ تبي .. أبـــد ما تبيييي
فجأة ... تذكرت الدعآء الي دعته وهي مقهوره من المجرم الي كسر قلبها و دآسه ،،
دعت رب العالمين انه يبعث لها نصيبها قبله ، اييييه ،
يعني هالخآطب هالمره بيكون نصيبها ؟!
يمممممة لآآآ !!
مـآ تبي و الله ما تبي ،، خله يتزوج ولآ يعشق ولآيسوي الي يسويه ،
هي مالها شغل .. هي مو قده ابــد مو قده ،
حتى لو حآولت على قد ما تقدر ،،
ما رح تتحمل تعذب قلبها ،
خله يقسى و يجآفي مثل ما يبي ، هي ما رح تصير مثله ،
بس لـ متى ؟!
ابوها وش رح يقول وهو يشوفها كل مره ترد الي يخطبونها ؟
رح يبدآ يشك فـ موضوعها وهي الزم ما عليها ابوها ،،
مستحييييييل تطيح عمرها من عينه ،، كفآية انها طآيحة من عين نفسها بسبب هالتعلق الغبي بالـخبيث تركي !!
سمعت ابوها يقول من جديد لما لآحظ صمتها : ها يبه ؟ وش قلتي ؟؟
بلعت ريقها و سحبت نفسها منه بالزور وهي تآخذ انفآس هاديه : يبه بس انا مآ ابي !
ابتسـم وهو يقول بـ دهآء : مآ تبين الزوآج ولآ ما تبينه هُو ؟!
استغربت وهي تنآظره بطلب للأستفسآر .. وهو ابتسآمته وسعت وهو يرد بحبور : الرجآل ضمانتي ، ولو لفيت الدنيآ ما رح الآقي الاحسن منه عشآن اسلمه تآجي
لأأأأ ... بدت ترتجف بشكل وآضح ،
ابوها مقتنـــع بالرجآل ،
هالشي مصيييييبة ... كيف رح تقدر ترفض ؟
كييييييييف ؟!
ابوها لمآ لآحظ شحوب لونها على طول قال وهو يبي يرحم بحآلها : يبه انتي تعرفينه ، و ربيتي معاه .. و اظن انك عارفه قدره عندي ، ما عمري رديت له طلب ... و هالمره اتمنى بعــد ما ارده ، لأنه ذراعي اليمين يا بوك .. و ولدي الي مآ رزقني فيه رب العالمين
كآنت بآهته تبي تفهم الغرض ورآ هالكلآم لكنها مآ فهمت ولآ حرف وآحد ،،
هو من المقصود بقصيدة المدح هذي ؟!
ابوها مسك كف يدها وهو ينآظر بعيونها : يبه .. هالرجآل هو تركي !!!!!!!!!
فتحت فمها بذهول ودقات قلبها تتضآرب بعنف ،،
آنفـآسها بدت تتعالى بسرعه و هي مو عارفه شـ تقول ولآ شتـسوي و لآ اصلآ شـ تفكر ،،
يدها الي بكف ابوها صارت ترتجف بصدمة ،
مووووو مصدقة الي سمعته ، موو مصدقتتتته
بدون شعور همست وهي تنتفض : تركي ..... يبيني ؟؟؟!!
ابوها ابتسـم وهو يلاحظ التغييرات الي صابتها و سحبها له من جديد وهو يقول بـ صوت حآني : يا قلب ابوك .. ايه يبيك ليش هو رح يحصل اميره مثلك ؟؟
غمرت راسها بكتف ابوها اكثر وهي تتنفس بصوت مسموع و همست بشي مذهول ما فهمه ابوها وهو يمسد على ظهرهآ ،،
فجأه بدآ يسمـع صُوت شهقآت مكتومة طالعه من طفلته ،،
بعد راسها بشويش و تفآجأ من وجهها الاحمر و الدموع ماليته : يا بعدهم وشفيييك يبه ؟!
هزت راسها بـ " لأ " و وجهها محتقن بالدم وهي مو قادره تحرك فمها و تتكلم ،،
موووو مستووووووعبة للحيييييييين ،،
توووووووووووركي ... توووووووووووووركي خطبهااااااااااااااا
يااا فرحة قلبها ،، يا فرحـــة قلبها ،،
هي الي هقت انها لو تموت مآ حصلت ثانية من تفكيره ،،
يصدمها بهالخبر ؟!
ليش ما تقدر تستنتج الي يبيه ؟
ليش على طول تترجم افعاله حسب الي تشوفه صح ، و الي تشوفه صح دآيم يتعارض مع الي قلبها يبيه ،
ابوها ضحك وهو يمسح دموعها و بقلبه يتمنى تركي يقدر هالجوهره المكنونة الي رح يهديها له : يا بووك ورآه هالصيآح الحين ؟؟ وش فيك بكااايه ؟
ضحكت بين دموعها و ابوها ذكرها بكلمة تُركي لمآ كـآنت صغيره ،
كآنت تفقع مرآرته ببكيها الغبي على قولته ، و مره قال لها البكآيه و هالشي خلآها تجن بالصيآح اكثر ،،
يآآآه عليها من أيـآم !!
لكن دآمه خطبها فـ الايام الي جايه احلــى ان شاء الله
صحيح بخطبته مو يعني تغير ، ولآ صار يحبها ولآ أي شي
لكن المهم رح تكون له .. رح تقدر تشبع نفسها بشوفته ،
تقدر تسهر له وهي تعشق تفآصيله حتى لو كآن مو مهتم فيها ،
غصب عنه بتغييره ... لازم يلين قلبه ،،
بس 16 سنة ما كآنت كافيه انها تليين قلبه ؟
مو مهم .. ما رح تفكر بأنهزآمية ، الحين هي سعييييييييده لأبعد حد و ما تبي شي ينغص هالسعاده ،،
سمعت ابوها الي قال وهو ينآظر بعيونها الي يشع منها بريق الفرح : وش تبيني اقله يابوك ؟ موافقه ؟!
فجأة اختفت ابتسآمتها و قالت بـدون وعي : لأ ...!
اخترع ابوها لكن ما بين و قال بـ تعقل : وش يً بوك ؟ ليش لأ ؟
بلعت ريقها و نزلت راسها بخجل وهي تهمس : أأ... قصدي مووو الحين !
ابتسـم ابوها وهو يسحبها له من جديد : هههه لزوم التغلي يعني ؟ لا تخافين يَ بوك ، خذيت لك حقك منه ، والله اني خليته يعرف ان الله حق ، وانه الي عنده هالتآج ما يصير يفرط فيه لأنه رح يخسر عمره كله
جمدت بحضن ابوها وهي مو فااااهمه الي يقوله ،،
لكن ما يهم ... المهم انه خطبهااا .. يعني يبيـهآآآآ ،،
طيب و هذيك الي كآن ناوي يخطبها من شهور ؟
وخلاها طول الفتره هذي جالسه على نآر تخآف تسمع بطآريه لآ يكون معه كلمة خطب !!
يمكن رفضته ؟
يعني هي الخيآر الثاني بالنسبة له ؟
وهو طول عمره الاول الي لا يعلى عليه من بين البشر بعد ابوها ،
عورها قلبها على نفسها و لقت نفسها تقول بـ قهر : يبه من قال انه يبيني ؟ هو مو كآن يبي يخطب ؟!
ابوها حس عليها و لمها اكثر وهو يقول بمحبة : يا روح ابوك هو من الاول نآوي يخطبك انتي و عطآني خبر ، الا اني انـآ الي اجلت الموضوع كل هالشهور ، عشان يتعذب شُوي و يعرف انه الي يبيها غاليه بغلآة روحي !
شهقت بدون تصديق وهي تضحك بحبور : يبببببببة فدييييييتك
قال وهو يحتضنها اقوى : كلها كم شهر و يسرقك مني تريك ،، هذا حال الدنيا .. ويصير هالكلام الحلو بس له
الخجل قرآ عندها الف وهي تكتم صوتها اكثر : يبببببة استحـــي
.♪
.♪
.♪
وش سوآ ؟
كيف يتصرف بهالتسرع ؟
بهالبسآطة هو الموضوع عشآن يتصرف كذآ ؟!
باللا سيــف متسرع و متهور وكل همه الحين انه ينتقم لها ، عشان كذآ معذور لو تصرف بدون تفكير
لكن هُو .. وش الي قآعد يسويه ؟
لو درت امه رح ترضى ؟!
و جـــده ؟!
و الاكثر اعترآضا " هي " . .. لو عرفت انها صارت ملكه ،، وش رح تكون ردة فعلها ؟؟!
هو عارف انه كآن يقدر يسيطر على الوضع من غير هالورقة الي بيده ،،
لكــنه رح يتعب وهو يحآول يسيطر عليها ،،
و الحين خلآص ،،
ما صـآر أي عائق بوجهه ،،
يقدر يسوي الي يبيه ،،
عمته رآضيه على مضض ،،
لأنها تشوف انه ظلم نفسه معهم ،،
مـآدرت ... مـآدرت بشي ،
اصلا محد يدري بـ شي ،،
و هذا احسن ،، ضروري محد يعرف الي فيه ،،
خل الي بـ دآخله له ، محد له الحق انه يتطفل عليه ،،
لكن الحين هو دخل عمره بـ سالفة طويلة عريضه ،،
بدآيتها امه الي أكيد ما رح توافق لو خبرها برغبته ،، من غير لا تعرف طبعا انه الموضوع منتهي ،،
لأنها لو عرفت ممكن تقلب الدنيـآ فوق تحت ،، وهو رضآ امه عنده بالدنيـآ رغم كل عيوبها ،،
طيب هي من كم شهر و هي تجيب له بالعرآيس و هو يردها ،،
يجي فجأة و يقول ابي بنت عمتي ...؟!
وش رح تكون ردة فعلها ؟
أكيـــد ما رح توآفق ،،
لكنه بيسوي كل شي عشان يقنعها ،،
الموضوع هذا كبير ،، و يحتـآج انه يتعب عشآنه ،،
نغــم ما رح تطلع من هالحآلة الا اذا وآجهتها ،،
و ســيف و رغبته بالانتقآم مو مسآعدته انه يطلعها من الي فيها ،،
و فوق كل هذا بيروح بغــدآد من جديد و يحول هالرغبه لـ وآقع ،
بيآخذ لها بثآرها ،،
اشتعل صدره بالنـآر مثل كل مره ،
ما يبي يتخيل الي سووه فيها ،،
هالشي يحرررررررق .... يحـــرق حيييل ،
خصوصـآ بعد ما مسك هالورقة بيــده ،
غمض عيونه يكبت الحرآره الي لهبت بـ معدته و صار يتنفس بـ تسآرع ،،
مد يده لـ مخبآه و طلع بكيت مستطيل اعتآده بهالفتره ،
سحب له اسطوآنه رفيعه منه و شعلها بولآعة السيآره ،
يدري انه هذي اتعــس عاده ، الزقآير ،
لكنه وصل مرحلة اللآ أحتمآل للأفكآر المميتة الي تدور برآسه ،
من شهرين بدى يدمن على هالـ سم ،،
وهو مو عارف السبب ، أو بالاحرى عارف و مو راضي يقتنع ،،
سحب له نفس يبي هالنآر الخآرجية تقلل من حدة نآر صـدره ،
صار يكح بقوة و بصوت رجولي مرتفع ،،
طفآها بسرعه وهو يحط يده على صدره و يفركه بوجع ،
معـــدته صايره لآ تُحتمل ،
شكله يلزم له يروح للمستشفى يشوف شـ سالفتها ،،
فرك راسه بخفة وهو يتذكر الي سوآه من جديد ،، و الي كآن سيف الطرف الأنشط فيه ،
نقل ملكيتها له من غير شورها ،
و كيف يشورونها وهم متأكدين من الرفض ؟!
و دآم سيف خايف انه روحته تكون من غير ردة فـ يبي يأمن عليها مية بالمية ،،
لآزم يتطمن انها ما تضيع لو صار له شي ،
و اكيــد ما رح يأمن عليها عند احد غير ولــد خاله الي كآن شاهد المقتل كله ،،
سمــع صوت جوآله يرن و يقطع عليه افكآره ،،
رفعه وهو يفتح الدريشه يبي يغير جو السيـآره الكئيب بعد ما طفى على التكييف ،،
" البيت 2 " .. يعني افنآن ، شـ تبي بهالوقت ؟!
رفـعه وهو يحآول يخفف من حدة صوته : هلا ، السلام عليكم والرحمة
وصله صوتها الباكي وهي تشـآهق بطريقة افزعته : أحممممممد
تعدل بجلسته وهو يصرخ بحده : شفــــيك ؟؟؟
عرفت انها ارعبته .. لكن مو هامها ، المهم انها خلآص .. طآقة صبرها مع المجنون انتهت
و دآمها صبرت عليه بمآ فيه الكفآية .. و ما وصلت خبر لأي حد ،
جآ الوقت عشـآن تقول لأحمد .. هو الي يعرف يتصرف معه : تعــــآل ودني بيتــنآ .. ما ابي يوووووسف ما ابييييييييه !!!!
.♪
.♪
.♪
ع المسـآ /..,
دخل المجلس وهو يقول " السلام عليكم " بصوت ثقيل و فيه لمحة غضب
ما كان يبي يحضر لولا انه عمه اصر عليه ،،
بس هو ماااا وده ،
خلاص ... يعترف انه الي يصير له هو جزاه .. وهي قاعده تاخذ حقها منه من غير لا تدري
تحرك خطوة و انتبه انه المجلس مافيه غير ابوها .. و ابو مصطفى و مصطفـى ..!!
نآظر بو فيصل الي رحب فيه من جديــد و فـ عيونه نظرة تسآؤل وآضحة ، بو فيصل ابتسـم له ابتسآمة محببه و هو يقُول بثقل : وينك ابطيت وانا عمك ؟ ظنيتك مو جاي !
هز راسه هزه خفيفه و بشبه ابتسـآمة رد : ولآ شي طآل عمرك ، بس شوي تأخرت في المكتب
بو فيصل بعـد هز راسه و هو ينقل نظره لـ بو مصطفى : ها يابو مصطفى ، شرايك نقول له على قرارنآ ولآ لأ ؟
ابو مصطفى ابتسـم وهو ينآظر تركي الي جلس مقآبل لهم : الي تعملو حضرتك هو الصح .. بس انا شايف انه الاستاز تركي استنى كتير ، و الاحسن انك تئولو !
عقد حوآجبه بخفة وهو ينآظرهم بأستغرآب و بنفس الوقت منتظر طلة هالمطلق .. ضحيته الجديده بعــد فهـد .!
ابو فيصل نآظر نآحيته وهو للحين يكلم بو مصطفى : تهقى ؟
ضحك ضحكة خفيفه و هو يهز له راسه بالموافقة .. كل هذا و تركي سآكت ولآ كأنهم يتكلمون عنه ،،
هالشي خلآ بو فيصل يهز راسه بفقدآن حيله و هو يقول بـ خفوت : هالولد عمره ما رح يتعدل
لمآ حس انه المقصود بهالكلآم .. ضيق عيونه وهو يتسـآءل : عمي ؟ خير شالسآلفة ؟!
ابتسـم له وهو يحرك سبحته بيـده : كل خير وانا عمك ،، بس انت طآلبني و انا جبتك اليوم عشـآن اقلك ابشر بالي تبيه ، البنت تحت امرك ..!!
لمعت عيونه و حس بـ حرقة خفيفه بصدره ،،
قلبه نغزه وهو يقول بـ صوت خآفت : وشووو ؟؟
ابتسـم اكثر وهو يقول بأقرآر : وأنـآ عمك .. جب هلك و خل الخطبه تتم ،، ما تعبت 3 شهور ؟ و الله كآن ودي احرقك اكثر بالانتظآر لو لآ عمك بو مصطفى الي توسط لك عندي !
كح كحة خفيفه و وقف وهو يـقول بثقل : عمي ... السموحة لكني مو فاهم شي !
هالمره مصطفـى حب يتدخل وهو يشُوفه بآهت : تركي مااالك مفهمتش لحد دلوئتي ؟؟ معئووله ؟
ما اهتم انه ينآظره ، نظره كله عند بو فيصل الي اعتدل بجلسته وهو يقرر يتكلم : يبه شفيك ؟؟ خلاااص ، افهمها ، انـآ لو لفيت الديره كلها مب لآقي لبنتي شروآك ،، خذهآ وانـآ عمك .. بس امنتك الله تحطها بعيونك ، ترآها غاليه يا ولــدي .. غاليه بغلآة عمــــري !!!
صدمته كـآنت مو مخليته يقول شي ،
كل الي سُوآه انه جلس من جديد بمكآنه وهو يهز راسه و يحس صوته مبحوح ،،
كـآنت في نـآر بصدره ،،
مووو هو الي ينحط بهالموآقف التآفهة ،، مووووو هووو ،،
و السبب من ؟!
طفلته الغبيه ؟!
" طيب ....... طيـــب يآ تآجْ ،، بوريــك "
.♪
.♪
.♪
|