| المعلومات |
| الكاتب: |
|
| اللقب: |
ملكة جمال ليلاس وملكة سحر الخواطر   |
|
| مدونتي |
|
 |
| الإتصالات |
| الحالة: |
|
| وسائل الإتصال: |
|
|
كاتب الموضوع :
بياض الصبح
المنتدى :
القصص المكتمله
البارت الواحد والاربعين,,
////////////////////////////////////////////
عادل/ههههههه شسوي في ها العلة بو عبدالله اللي ماهو محرك لي ساكن ابدا!!!ناسي افضالي عليه؟
خالد/بتعايرني انت بافضالك علي!!!
عادل/لاوالله مو القصد بس مللت عيشتي انت واختك وكانكم بتسوون فيني المستحيل؟؟؟يااخي ابيكم بس تشورون علي ببنت حلال وبس!!!
محمد/اذا بتعتمد على خالد تراها مطولة اكثر من قضية فلسطين؟؟
عادل/ههههههه أي وانت الصادق؟
خالد/افا ياخال ولدي افا؟؟؟؟ليش كذا عاد؟؟؟
محمد/هههه خلني اروح اعرض موضوعك عند الحريم واخليهم يستعجلون فيه؟
**********************************هيفاء/وش عندكم انتي وهي تتكلمون بهمس وماتبوني اسمع؟
فاتن/سلامتك بس شوي نحش باخوك؟
هيفاء جمدت عيونها على مها اللي كانت تبكي بصمتوسكتت ماعرفت شتقول لها...
فاتن/يالله قوموا نستهبل ,,اليوم عيد والبكي ممنوع والزعل مرفوض ومافي غير الوناسة والخبال؟
هيفاء تنهدت/على قولتك....يالله عبود قمنا؟
مها /متة بيشيلون الجبيرة من على رجله؟
هيفاء/يمكن بعد اسبوعين....
مها/مسكين مو قادر يدخل ويطلع مثل الاول يامن يشيله ويامن يحطه؟؟؟
فاتن/وش رايكم نركب ددسسن ونفحط شوي؟
هيفاء/الله يرحمك ياجدي ددسنه دفنوه معه ؟
فاتن/ههههه اتكلم من جد؟
مها/واحنا مانمزح!!!من وين لنا الددسن؟؟ومنو اللي بيرضى نركبه؟
فاتن/كلنا بالغات عاقلات راشدات فاهمات؟؟؟؟
مها/نعرض الموضوع على بو حميد ونشوف هو يدبرنا.......احمد..تعال شوي هنا الله يخليك؟
وصل احمد بقربهم وخالد ومحمد كلا في مكانه ميت يبي يعرف وش عندهم مع احمد!!!!وقبالهم كانت نظرات هند بعد تتسال في صمت!!!
مها قالت لااحمد عن طلب فاتن...
احمد بصوت عالي/اخر جملة عيديها لوسمحتي؟
فاتن/بالغات عاقلات راشدات فاهمات!!!
احمد/مااتوقع !!!في شي غلط؟؟؟
هيفاء/ههههههه ماتستحي انت...
احمد بضحكة/وهذا الصدق في شي غلط بالموضوع مو معقولة كل شي ينطبق عليكم؟؟
خالد وهو في مكانه/وش عندكم؟
فاتن/اشتغلت اللقافة؟؟؟
قالتها بصوت عالي وسمعها خالد وضحكوا الباقيين؟...
خالد/وش عندهم يااحمد..وش يبون منك؟
احمد/يبون يفحطون بددسن ويقولون هم عاقلين فاهمين بالغين وراشدين؟
خالد/لامااظن في شي مايركب معهم!!!
مها/حتى انت بعد!!!
هيفاء/ههههه على فكرة انا مالي شغل؟
عادل/ام عبدالله بتنسحب خلاص !!!!
هيفاء/لامو كذا بس انا مو تابع ها الحركات بس هم كانوا بيقومون فقلت انا معهم بس اني اسوق بروحي مستحيل؟
احمد/انا اروح لذيك المزيونة ابرك لي؟؟؟اخليها ترقص لي اللحين ...وينك ياجدتي قومي ارقصيلي وارفعي البوشية؟؟؟
فاتن/هههه ضحكتني هاذي فيها حييل بعد ترقص وترفع البوشية؟؟؟بس لا هاذي عافيتها اصح مني ومنك وتقدر على كل شي؟؟؟
خالد متعمد/صلي على النبي يالله لاتحسدين جدتي ترى ماعندنا غير جدة وحدة بس!!!!
فاتن/من زينها عاد ها الجدة؟؟؟
خالد بنفخة/هاذي احسن جدة بالعالم!!!!
فاتن بمسخرة/قلت لي عاد!!!!
عادل/هههههه
خالد/انتي شرايك ياهيفاء؟
هيفاء وهي صادة بعيونها عنه وتضحك/اخاف اقول راي بصراحة وتخسر المعركة؟؟؟خليني ساكتة احسن!!!!
احمد وعادل/ههههههه
عادل/شكلك بتنسحب ياخالد؟
خالد/تعال عبود خل نغايظ امك مدامها ماوقفت معي!!!!
هيفاء تكلم عبود اللي كان يلون بالدفتر/تبي تروح تقعد عند بابا خالد؟
عبود وهو مندمج بالرسمة/لا..
فاتن/مايبيك...
خالد يكلم عبود/قوم تعال عندي وبركبك السيارة بخليك تسوقها بروحك؟
عبود/ماما وديني عند بابا خالد,,
هيفاء/انت تحبني ولاتحب بابا خالد؟
عبود/احبك انتي؟
خالد/تحب منو انا ولاماما هيفاء؟
عبود/احبك انت بابا خالد,
فاتن/حتى الولد منافق على ابوه؟؟؟
احمد/وين ماتستدعي مصالحه انه يكون بتلاقونه موجود؟
هند ومرام قربوا
مرام/انا سمعت سالفة سيارة وتفحيط؟؟شصار؟
مها/مارضوا اخوانك لادباب ولاسيارة؟
مرام/اوووووووووف لاتخلونا نصيع ونروح نبوق سيارة ونسوي جريمة؟
عادل/لااله الا الله؟؟؟؟وش فيك انتي متلبسة؟؟؟
فاتن/هههههههه
عادل قام يطالعها وغمزت له بعيونها وهو استحى ونزل راسه....,,,,
هند بصوت واطي/يعني مافي تفحيط ولاجو حلو ووناسة؟
احمد بسرعة/ومن قال عاد تبون يالله انا وسيارتي تحت الخدمة؟؟هي مو ددسن بس تقوم بالواجب واكثر,,,,,,
مها فهمت عليه وقالت له تعايره/يمه منك يالعيار؟؟؟توك مانت راضي اللحين تغير رايك؟؟؟؟؟
خالد بعد فهم عليه/أي والله!!!!بس سبحان مغير الاحوال؟؟
هند وقف قلبها وحست انها مستحية ماتدري عن شي وجاية بالنص ويمكن مها وخالد يدرون عن سالفتها مع احمد وتغيرت الوانها من مجرد ها الفكرة,,,,,,,
مشاري تقرب منهم ونادى هيفاء وقامت له وعيون خالد عليها وهي تمشي...
عادل همس له/ترى الجماعة كلها تناظرك؟؟؟مايصير اكلت البنت بعيونك درينا انها كانت زوجتك بيوم من الايام ياخالد!!!!
خالد استحى ونزل راسه,,,,,,
عادل/صدقتك عاد استحيت؟؟؟؟توك بتاكلها بعيونك؟
خالد بهمس/وانتوا وش عليكم مني !!!!صدق انكم عواذل؟؟؟؟
********************************الليل خلصوا عشاهم وصارت اكثر من مشادة كلامية بين الجدة وام عادل كالعادة دائما بس ها المرة الجدة تكون منسحبة لتدخل مشاري بالموضوع وخوفها لايطير العريس!!!!!
البنات قعدوا عند خيمتهم حوالين النار اللي شابينها علشان يتدفوا بالدرجة الاولى,,,,
(فاتن وهيفاء ومها بس)
فاتن/وش فيكم كل وحدة سرحانة بجهة وانا صايرة كني الطوفة الهبيطة بينكم؟؟
هيفاء/ها لاانا مو سرحانة؟
فاتن/عارفة انك سرحانة بوجه العنز خالدوا!!!ومسوي روحه متشوفق على العشى كل شوي واتصل اكلي زين ترى ملاحظك ماتاكلين!!!خلي عنك عبود انا بعشيه ومدري وشو؟؟؟صدق مغثة؟
هيفاء بزعل/فاتنوا!!!ترى بجد بزعل خالد مو كذا!!!!
فاتن/على بابا ياماما؟؟؟
هيفاء/مها شوفيها وش تقول عن اخوك؟
مها كانت تناظر بالشباب اللي غاروا منهم وحطوا لهم بساط وراهم وشبوا لهم نار وقعدوا حواليها بنفس طريقة البنات..
فاتن وهي تناظر وين ماتناظر مها/صدق مايعرفون يقلدون ابدا؟؟؟
مها/طنشي وسوي روحك ماتشوفينهم ماله داعي تلفين عليهم وتراوينهم ان احنا انتبهنا لوجودهم قربنا!!!
فاتن/مالت عليهم كلهم الاولد خالتي؟
مها/يعني اخواني ثنينهم وصديق اخوي؟
فاتن/ههههه احتمال صديق اخوك ينشال من القائمة بس اخوانك أي مالت عليهم؟
هيفاء/نام عبود وصرنا محررين..وش نسوي وش رايكم نلعب منوبولي؟
مها/فكرة مش بطالة جيبي جوالي بدق على مرام تجيبها لنا هنا؟
هيفاء/لابقوم ادخل اجيبها تبون شي من داخل؟
فاتن/شيبسات وبيبسيات لتكملة اجواء المتعة؟
مها/بيبسي بها الجو بالبارد؟
فاتن/زين بس جيبي لي شي اشربه مااعرف اكل بدون مااشربظ
هيفاء/طيب...
خالد قبالهم ميت على قومتها يبي يعرف هي بترجع ولا لا بس مو قادر يتكلم ومحمد معهم بنفس القعدة؟؟؟
مها بدت تترنم/وش مسوي مع غيري . وش الدنيا بدوني قول..ياروحي انت متهني ولا بشوقك لي مشغول!!!
انا مازلت افكر فيك واموت بحبك وطاريك...الله عليك وعلى طاريك...
فاتن/ههههه وش ها المداخلات بعد!!!
مها ضحكت وكملت غنيتها/رجعت اسال غصب عني جبرني الشوق واعذرني انل مقدر على قلبي..عجزت القى لووفاه حلول,,انا لازالت افكر فيك واموت بحبك وطاريك ولكن هاذي اطباعي اخبي الحزن بي مااقول...وش مسوي مع غيري وش الدنيا في بعدي قول ياروحي انت متنهي..اكيد ومافيها شك...
فاتن/ههههههه موتني ضحك والله..
محمد كان يبتسم داخله عليها بس بعد مو عارف شيسوي ولاشنو يقول؟؟؟هي اللي باعت حبه ورفضته؟؟؟؟كيف ممكن يسامح بنت ترفض حبه والقرب منه وهي عارفة شقد هو ميت عليها!!!!الله يسامحك يامها كيف كنا وكيف صرنا!!!حتى العيد مو قادر افرح فيه ولاانتي بعد قادرة تفرحين فيه؟
عند باب خيمة البنات..
كانت هيفاء بتدخل وناداها احمد....
هيفاء/هلا حمادة؟
احمد بزعل/بطلي تقولين لي حمادة لابجد بزعل منك ترى مااحب ها الاسم ابدا!!
هيفاء/ههه ماشي ياعم وش بغيت؟
احمد/شوفي الثنتين المجانين اللي هنا وقولي لهم احمد يبيكم؟
هيفاء/وش تبي فيهم؟
احمد/ماخبري فيك ملقوفة يعني ياهيفاء؟؟؟
هيفاء/هههه ماشي بناديهم ودخلت تنادي مرام وهند...
وبعد شوي طلعت مرام..
مرام/احمد بغيتنا...
احمد/أي تعالي انتي وبنت خالك بكسب فيكم اجر وبمشيكم شوي بالبر وباخذ لكم شي على الطريق كسرتوا خاطري؟؟
مرام بفرح/جد والله!!!
احمد بنفخة/شسوي بعد!!!مافي غيري قلبه رحيم ويفكر فيكم...يالله خلصي علي لااغيرراي؟؟
مرام/يالله بسرعة...
احمد/يالله انا بسيارتي لاتطولون....ولاتجيبين لي البزارين كلها جيبي بس عبود وسارة....
مرام/منو ظل غير هبة وجود؟
احمد وهو ميت ضحك/بقت جدتي البزر الكبير هههههههه
البنات دقوها سوالف ولعب منوبولي والشباب وراهم بس يتسمعون عليهم وعلى سوالفهم وهم لاشغلة ولامشغلة بس سوالف خفيفة مالها أي اساس بس كل واحد كان معاند ويبي يقعد بها المكان كان مافي اماكن غير ها المكان بطول البر وعرضه!!!
واحمد طلع مع البنات وعبود لان سارة قعدت مع ابوها وامها مارضت تروح...
في سيارة احمد..
مرام/تصدق يااحمد انك احلى اخو بالدنيا؟
احمد وعيونه على المرايا يشوف اللي جالسة ورى/ماقلتي شي جديد من زمان وانا احلى اخو بالكون؟
مرام/بجد اتكلم مهما سويت مااقدر اوصف لك مدى حبي لك يااخوي الغالي عسى الله يبلغني وارقص بعرسك واشيل عيالك يارب..
احمد/امين.....انتي ورى ماقلتي امين؟
هند استحت وسكتت..
احمد/هههههه يالله ماشي مانبيك ترقصين بعرسنا.....
مرام/ماعليك بترقص وغصبا عنها...؟
احمد/أي والله بترقص وغصبا عنها!!!!ورفع عيونه لهند اللي بعد رفعت عيونها له وكانت عيونه ملايانة كلام استحت منه هند ونزلت راسها بسرعة..
احمد/عبادي شلونك حبيبي..
عبود كان بحضن مرام/ابي دانيت؟
احمد/وش ها المصيبة دانيت بالبر!!!!!
عبود مسوي حركات بوجهه علشان يكسر خاطر عمه احمد ويشتري له واحمد مات عليه..
احمد/يابعد قلبي انت...زين في بليلة عادي تاكل بليلة بدل الدانيت!
عبود/أي...
احمد/يالله ناخذ بليلة....انتوا وش تبون؟
مرام/ذرة....اكواز ..
هند/لاانا ماابي....
احمد/وش تبين...
هند/ماابي شي....
احمد/ياذا الدلع...تبون تركبون دباب من صدقكم؟
مرام/أي والله...
احمد/خلاص بكرة الصبح بعد الصلاة خلكم جاهزين انتوا بس مو تروحون تجيبون لي العالم كله ؟
هند/لاانا ماابي اركب اخاف؟
احمد لف لها لانها رفعت ضغطه/انتي كل شي لا؟؟؟؟وش تبين اجل خلنا نفهم؟
هند ارتبكت وقربت تبكي/ماابي شي...
احمد وهو يناظرها/يالله اللحين بتبكي ها البزر؟
هند بصوت واطي/ماني بزر؟
احمد/متاْكدة؟
عبود/عمي احمد هنا البليلة؟
احمد/قومي مراموه اشتري له واشتريلي بعد؟
مرام/مو من عيوني تعال عبود ننزل,,,,,
ونزلوا من السيارة وهند عدلت نفسها علشان تنزل وراهم بس يد احمد مسكتها..
هند بخوف/احمد شيل يدك عني؟؟؟
احمد بهمس/ابي اعرف شي واحد بس..انتي ليش تخافين مني ومن ان احنا نكون مع بعض بروحنا؟؟
هند وهي مقربة تبكي/اسال نفسك وش تسوي؟؟؟انت تخوفني بتصرفاتك؟؟؟
احمد/انتي عارفة اني احبك واللي يحب مستحيل يضر الانسان اللي يحبه ياهند؟
هند/...........
احمد/ابي اعرف بس شي واحد اذا ممكن..انتي تبادليني شعوري ولالا؟
هند رفعت راسها وصارت عيونهم تحكي مع بعض فترة لين كرر عليها احمد نفس السؤال..
احمد/هند انتي تبادليني شعوري ولالا؟
هند بارتباك/احمد ...احمد انا...
فتحت مرام الباب بها اللحظات واحمد قام يسب فيها وهي مانتبهت بس هند انتبهت عليه...
احمد بعد ماركبت مرام وعبود/تصدقين خاطري في شنو؟
مرام وهي مادة له يدها بالبليلة/في شنو يالغالي؟؟؟
احمد بقهر/في اني ارميك بها البر وامشي عنك؟؟؟؟؟
//////////////////////////////////////////////////////////////عادل/خلاص انا بقوم امشي شوي وبرجع انام ...
خالد/خذني معك وش بقعد اسوي....بتقوم محمد
محمد /بروح عند ابوي وبعدها بمشي لي شوي....
وقاموا ثلاثتهم محمد دخل خيمة ابوه اللي كان نايم وهو عارف انه نايم وخالد وعادل قاموا يتمشون ويوم صاروا جنب البنات خالد غمز لهيفاء انها تقوم وتلحقه وتترك البنات....
عادل بعد مابعدوا/ياسلام عليك واظل امشي بروحي ؟
خالد/ههههههه
عادل/انت ماتخاف علي يطلع لي وحس ياكلني؟؟
خالد/ههه مو مشكلة جيب لك سبايدرمان على قولة عبود ينقذك من الاشرار؟؟؟
عاتدل/تسخر انت ووجهك؟؟لكن زين....كاهي شرفت ست الحسن والدلال نلتقي بعدين لو صار شي لو شي بعطيك اشارة....
مها/قومي يالله.....النكابة نكبت فينا وراحت له؟
فاتن/حسابها اذا رجعت ناخذ منها التقرير كلمة كلمة قالوها؟
مها/هذا وجهي اذا قالت شي؟
فاتن/وهم يمشون للخيمة /تصدقين احس نفسي سكرانة...
مها/هههه الله ياخذك على ذا احساس.....
فاتن/وهندوا ومراموه طلعوا.....شوفي مشاري قاعد بالخيمة المفتوحة مع جدتك خلنا نروح لهم...
مها/بس ندخل اغراضنا شوي.....
دخلت مها وبقت فاتن عند الباب ومحمد طلع من خيمتهم وظل واقف ومغطي الباب بس يشوف فاتن واقفة وهو عارف ان مها بتطلع باي لحظة وكانوا الخيمتين جنب بعض....ومافي أي احد غير مشاري والجدة اللي قاعدين بالخيمة الاخيرة...
مها طلعت وهي فاتحة وجهها لانها عارفة ان مافي أي احد...
مها/يامحمد الدنيا والعمر........انا ادفع شبابي والعمر....لو يرجع لي اضمه واعتذر...ويشوف شسوى فيني القهر....
فاتن حطت يدها بيد مها ومشوا وكملت عنها/فص ملح وذاب مابين يدي وراح.....شبابي وراح...ماتهنى يامرتاح.....
مها وهي مسوية روحها ترقص بالهوا,,,/تحرميني ليه يادنيتي....ايدي بيد محمدهي فرحتي..تالا لالا لالالالا...
محمد وقف قلبه وهو يشوفها ويسمعها...
ها الانسانة احبها وحبها قاعد يكبر بقلبي يوم ورى الثاني بس مو قادر اسوي شي.....هي اللي رفضتني وهي اللي جبرتني اشيلها واسوي روحي اني شلتها من بالي!!!!احبك يامها احبك....فرحتي بتكون وانتي جنبي ماابي غيرك بها الدنيا صدقيني....ياانتي ياقبري؟؟؟؟؟
تنهد وظل واقف يشوفها وهي راجعة وكانها نست شي لانه سرح وماانتبه على كلامها وفاتن كملت طريقها لخيمة مشاري والجدة...
ورى خيمة ام خالد اللي كانت ابعد خيمة عنهم كانت هيفاء واقفة ومتسندة على الخيمة ووقبالها واقف خالد...
خالد/وحشتيني؟
هيفاء/خالد اعقل صاير كنك مراهق؟
خالد/حرام عليك؟
هيفاء/كل شوي وناط لي ...وهم طول الوقت تعليق عليك علشان وقت العشى؟
خالد/هذولا ناس غيرانين من حبنا؟؟؟واحد ويبي يتطمن على مرته تعشت زين ولالالا هم شيدخلهم بالله؟
هيفاء/لاتعليق؟
خالد/خفت ان عبود يكون ماشبع وياكلك عني!!!
هيفاء/والله ان جبت طاريه كذا مرة ثانية لااذبحك؟؟؟
خالد/ههههههههه معناته بقولها مليون مرة؟
هيفاء/يعني منت خايف على نفسك تومت؟؟
خالد برومنسية وهمس/احلى موتة والله اللي انتي بتذبحيني بيدك!!!!
هيفاء بهمس/خالد...
خالد بنفس الهمس بعد ماتقرب منها اكثر/يابعد طوايف خالد....
هيفاء ذابت/خالد متى بنتزوج؟؟؟والله مقدر امسك نفسي اكثر من كذا!!!
خالد بعد تنهيدة طويلة/هانت حبيبتي هانت!!!ان شاءالله بعد العيد تكون الامور احلى واركد...
هيفاء بزعل/لمتى ياخالد..,الله ماعاد فيني صبر حبيبي؟
خالد حط يده على خدها وصار يلعب فيه/قلت لك هانت صدقيني هانت....يعني على بالك اني مابموت؟؟؟انا اموت الف مرة ومتحمل واقول اللي جاينا بالطريق خير....
هيفاء/ان شاءالله حبيبي ان شاءالله.....
/////////////////////////////////////////
في خيمة مشاري والجدة.....
مشاري/اللحين وقفي وتلثمي؟
الجدة/شلون يعني؟
مشاري بملل/يعني سوي أي شي يعجبك؟
مشاري/هو قال لك كم صورة يبي لي؟
فاتن كتمت ضحكتها وقالت/البوم كامل يبي يختار على كيفه؟
الجدة/امري لله والله لو انه يبي صوري القديمة كان عطيته ذيك الصور النارية بس هو مايبي الا صور ها الايام؟؟؟
فاتن/وش رايك ياام عبدالله لو تفتحين شعرك ونصورك وانتي تاركته يطيح على كتوفك علشان يشوف طوله؟؟؟
مشاري بصرخة زين انها ماقعدت اهل البر/لالالالالا مستحيل الا هاا الشي؟؟؟شعرها مايحتمل شكله وهو مفتوح!!!
فاتن تهمس لمشاري/انت مو تقول اعمى يعني مافرقت عنده مفتوح ولامسكر؟؟؟
مشاري/الخوف علينا احنا من الصدمة اخر اللي مو عليه هو؟
فاتن/ههههه قلت لي؟؟
الجدة/شعنه تتهامسون انتي وولد خالتك؟
فاتن/سلامتك بس يقول انه شاف عبود ومات عليه وكل يوم يكلم مشاري ويقول بوس لي ها الحلو اللي عندكم؟
الجدة/وليش ماقلت لي يامشاري؟؟؟روح جيب عبود ببوسه انا بعد!!!
مها كانت راجعة للخيمة بتاخذ شي واول ماوصلت لباب الخيمة طلع محمد ونادها ووقفت مكانها من الخوف ووقف قلبها لفت له لاشعوريا وهي عارفة انها مو مغطية وجهها...
مها بارتباك/محمد...وش تبي؟
محمد بدون مايرفع عيونه عنها/كنت بكلمك بسالفة لو ماعندك شي؟
مها تنهدت وهي تذكر كلام الاغنية اللي غتاها اليوم وكيف انه نسى حبه وودع الماضي وماقوت ترفع راسها ووتواجه معه ظلت منكسة راسها بالارض
مها/خير..
محمد/كنت بسالك عن....
************************
وش تتوقعون يصير بين محمد ومها؟؟؟وعن شنو بيسالها؟؟
اذا بعدك قدر هذا نصيبي؟؟منو اللي بيقولها لمنو؟؟؟
كنت مترددة بين اقولك وبين اني اسكت...وهذا انت عرفت؟؟منهي اللي بتقولها وليش؟
بلا حب بلا وجع قلب..وش جانا من ورى ها الحب غير التعب غير الالم وش جانا!!!منو اللي بيقولها؟؟
|
17-08-10, 06:22 AM
جديد مواضيع قسم القصص المكتمله
العرض العادي
