البارت الرابع عشر

....: كنت افرح كل ماوصلت للدوام واشوفها يالسه ع مكتبها..ولا مره شفتها تكشر في ويه اي مراجع ايي يخلص معاملته..كل يوم يزيد اعجابي فيها...وفي يوم قررت ارمسها..خذت كمن معامله وسرتلها ..
..:السلام عليكم
....:وعليكم السلام ورحمة الله وبركاته
...: ممكن خدمه اختي
...: اذا اقدر ليش لا
...:تسلمين ..اذا ممكن تخلصين هالمعاملات عشان اليومين اللي غبتهم كثر عليه الشغل ..وبكون ممنون لج
..: هاتهم بخلصهم
...: تسلمين عن اذنج
...: تفضل
....: وبعدين شو ستوى؟
...:ولا شي خلصت المعاملات وطرشتهم مع العامل
....: اها طبعا تمنيت انها بنفسها تيبهم لك؟
...: اكذب عليج اذا قلت لا...بس هذا اللي صار
...:اقول...برمسك بعدين حد يدق ع الباب
...:اوكي اشوفج ع خير
...: مع السلامه
...:مع السلامه
هند: تفضل
تدخل ساره وياها ليلى بنت عمها
(ملاحظه: بسسبب تكرار الاسامي في القصه بغيير اسم ليلى خالة نوره الى ميره..وبيتم اسم ليلى بنت عم ساره وهند مثل ماهو)
ليلى:السلام عليكم
هند:وعليكم السلام هلا ليول
ليلى: الحين هذي اللي يايه اطلب منها العون
هند:شو هناك؟
ليلى: كنت اباج تيلسين ويا هاجر وتحاولين طلعينها من العزله ويلست النت وباين انتي بعد تبين من يساعدج
هند:حرام ليول مايلس وايد حتى سالي ساره....ساره صح؟
ساره: لا حرام ماتيلس وايد كلها كمن ساعه
هند: شبلاها هجور؟
ليلى: مادري ياهند بس احسها صارت بعيده عنا ولا همها غير النت ...قلت دامكم في مدرسه وحده تيلسين وياها
هند:ان شاء الله ياليلى بيلس وياها بس اذا امنتني ع شي ماقدر اقولج
ليلى: المهم طلعينها من الحاله اللي هي فيها

راح يشوفه حسب الموعد اللي بينهم دخل الكوفي واتجه صوبهم
عيسى:السلام عليكم
...:وعليكم السلام
سعود: هلا عواس شحالك؟
عيسى:هذا انته
سعود:هيه ياعواس انا سعود ولا نسيت اسمي مثل مانسيت الجرح اللي سببته
عيسى: سعود كان خطا مب مقصود
غانم:بس ماكلفت خاطرك تعتذر
عيسى: قلت بالغلط ياغانم
سعود: بالغلط؟..ياحيف ...
قاطعه بعصبيه: قل الحين شو تبا؟
وهو ينزل نظارته السوده عن عيونه قال: ابا ثمن هذا


يرن موبايله بس محد يشله كان محطاي ع التسريحه ..كان هو في الحمام ياخذ شور..طلع من داخل وهو لابس فانيله بيضه ووزار..وينشف راسه بالفوطه ..يتوح الفوطه ع الكرسي ..خذ موبايله وشاف ثلاث مكالمات من نفس الشخص ..مابغى يتصل به وحطه مكانه ..يندق الباب
محمد: تفضل.._ ينفتح الباب وتدخل امه..استقبلها بابتسامه عذبه_ هلا بام محمد
شيخه: هلا فيك ياميه
محمد: خير يالغاليه امريني بغيتي شي؟
شيخه: هيه ابا تحدث وياك
محمد:تامرين طال عمرج حياج_عقب مايلسو _ خير
شيخه: ياميه ترى حالكم مب عايبني
محمد: الحمدلله حالنا مافيه شي واذا على خواني مب ناقصهم شي
شيخه: انا ماتحدث عن خوانك اتحدث عنك وعن حرمتك
بان عليه الضيق :امايه...
شيخه: ياميه انته حتى ماتيلس وياها وترمسها
محمد: شايفتني فاضي..شغل الشركه ومتابعت فروعها وعقد الاتفاقيات والسفر واستقبال الوفود والمناسبات الرسميه ماعندي وقت لسوالف الحريم..مالقيت غير هالساعتين ييت ريحت والحين بطلع
شيخه: الله يكون في عونك
محمد: امايه اللي يهمني هو رضاج عليه والباجي يهون
شيخه:راضيه عليكم كلكم والله يوفقكم
محمد: تسلميلي يالغاليه
شيخه:انزين عيل_نشت واقفه_ الحين بودرك عشان تتجهز
يت ساعيه عسان تصلح بين ولدها وحرمته..وحرمته تسعى عشان تفرق بينها وبين ريلها ..تناقض غريب بين حب الام اللي تبا تشوف سعادة ولدها مع حرمته وحقد الكنه اللي تبا تهدم بيت صارله اكثر من 26 (وهذا هو عمر محمد) قايم على الحب والالفه بين افراده
(محمد:26 ,منى:25 ,سرور:23 ,ريم:22 ,خوله:20 :حمد:19 ,لطيفه:17 ,اليازيه:15 )

انصدم من اللي يشوفه ورجعت ذاكرته لذاج اليوم اللي صارت فيه ضرابه بينهم هم الاثنين
وعيسى دز سعود بقو وضرب في اليدار..نزف راسه بسبب الضربه القويه ودخل في غيبوبه ويوم نش صار اعمى....رجعه للواقع صوت سعود
سعود: عواس
عيسى وهو يحاول يكابر تاثره: والمطلوب
سعود: ابا الديه
عيسى_باستغراب_: اي ديه؟
سعود بابتسامه: مب انت السبب في اني فقدت بصري يعني لازم تدفع الديه
بدى عيسى يتملل : وجم تبي؟
سعود: كم بتدفع؟
عيسى: مية الف
سعود: موافق ..كلمة ريال
عيسى: اكيد بس خلني اجمعلك المبلغ
سعود: موافق جم بتاخذ
عيسى: اسبوع
سعود: اربعة ايام
عيسى:انزين اترخص
عقب مارح عيسى حطى غانم كفه ع كتف سعود: اخيرا بسوي العمليه
سعود: ان شاء لله خير
استغرب غانم من رده ..مب هذا اللي يباه انه يوصل لعيسى وياخذ منه حقه مع ان الطبيب طمنه وقاله يقدر يسوي العمليه اللي كانت نسبتها 99% بس هو اجلها لين يوصل لمراده والحين ماله عذر تحقق اللي يباه...


كل يمعه تكون الجمعه في بيت واحد من الاخوان وهذي اليمعه بتكون في مزرعة سيف وراح تقضي كل العوايل الجمعه والسبت في المزرعه ويردون عقب العصر لبيوتهم عشان الاحد بداية الدوامات (ملاحظه: الاجازه الرسميه في الامارات هي الجمعه والسبت ).
قرر سيف انه يسبقهم يوم الخميس ع المزرعه عشان يهتم بالترتيبات بنفسه ..عقب صلاة المغرب جهز نفسه وراح ع المزرعه وراحت وياه لطوف لانه وعدها انه بياخذها وياها عشان كل واحد منهم مايصبر عن الثاني ..لطوف شايفه ابوها مثلها الاعلى وتحب تكون مثله تحب تقلده في كل شي في الكشخه في التصرف في السلوك في التعامل مع الناس.. قوة الشخصيه ..الهيبه..الاعتزاز بالنفس من صغرها وهي متعلقه فيه ماتنام الا في حضنه وماتاكل الا وياه وان سافر تتصل به في اليوم اكثر من مره..وسيف توام روحها مثل ماهي توام روح محمد ..تعلمت من ابوها وايد وبعدها تتعلم منه باختصار هو مدرستها اللي تتعلم منها وهي الصوره المصغره من سيف...
سيف يملك الشركات والمال والعيال وعنده مزرعه... مزرعته كبيره فيها الفاكهه والخضار والمواشي من اغنام وبقر وماعز هاذا غير الخيول واللي لها اسطبلات خاصه لان سيف من صغره يعشق الفروسيه وتربية الخيل..
وبجانب المزرعه عزبة البوش (الجمال..والعزبه هي مكان مخصص لتربية الجمال والمواشي) والمزرعه مقسمه ومصممه بشكل حلو هاذا غير البيت اللي فيها هو اصغر بشوي عن البيت اللي يسكنه وهو مقسم القسم الرئسي له ولعايلته وكمن قسم في حال حب خوانه يباتون وياهم في المزرعه هاذا غير المظلات والاستراحات ..يعني مزرعه نموذجيه..سيف وايد يهتم بها وكل سنه يطلع عنها زكاه عشان جي تشوفها تكبر وتحلى...
الجمعة..عند الساعه 9 ..بدا الكل يوصل للمزرعه واول من وصل عايلة سيف..كان كل شي جاهز لاستقبالهم...وعقب ما ستراحو من طول الطريج ..كان محمد يتمشى مع ولد عمه خالد اللي دافن عمره في الشغل عمره يمضي والحياه تتغير من حوله وهو كل همه مهنته اللي اخذته عن دنياه اللي هي الطب كان يتمشي مع محمد وهو مستغرب من امره
خالد: الله جو المزرعه يرد الروح..من زمان شايفنها
محمد: انته اللي حارم نفسك ..طوال وقتك في المستشفى..
خالد: معاك حق بس شوا سوي واجب ..مب كانت المزرعه اصغر
محمد: هيه بس ابويه خذ الارض اللي حواليها ..
سيف ماكان في استقبالهم نش الصبح هو ولطوف وتريقوا وبعدين خذولهم جولها في المزرعه ع ظهر الاحصنه ..كان محمد وخالد سايرين صوب الاسطبلات وشافوهم وهم رايحين يوصلون الخيول
خالد: هذا عمي سيف...بس منو اللي وياه؟
محمد: هذي لطيفه اختي
خالد استغرب :اتذكر اخر مره شايفنها كانت باول ثانوي
محمد: ههههه ..ياحليلك ياخالد..الحين هي بثالث ثانوي
خالد: السنين تركض وانا مب داري بعمري (خالد هو اكبر واحد بين عيال عمومته الاولاد والبنات وهو الحين بالثلاثين من العمر..)
محمد: لازم تاخذ اجازه ياولد عمي
خالد: ان شاء الله

تجمع الريايل في بيت الشعر ..والحريم برع في الاستراحه التابعه للبيت ..والبنات داخل البيت...كانت عايشه يالسه تلاعب ايمان بنت اخوها ...تطلع منى وشمه كانن ناويات يروحن برع..وشافنها
شمه: ليش عواش مب يالسه مع البنات؟
منى:مادري..احسها وايد انطوائيه
شمه: هي تيلس وايد ع النت
منى: مها تقول عنها انها مب وايد
اتي يزوي وسلامه صوبهن وهن يضحكن
شمه:تعالن انتن الثنتين ليش ماتيلسن ويا بنت عمكن؟
يزوي:اي بنت عم؟
شمه: عواش
سلامه: مول ماترمس >>>سلامه من نفس عمر يزوي يعني 15
يزوي: مثل خوله
منى: روحن يلسن وياها
يزوي:انزين هاجر ولطوف من سنها يلسن وياها
شمه: سلامه روحن يلسن وياها
سلامه: انزين...ياللا يزوي
يزوي:افففف ياللا
شمه: حشا شو هذا
منى: ياللا خلينا نظهر



نشت من نومها وراحت للحمام ..بعدين طلعت..خذت فونها ولقت رسالها ..فتحتها وقرت شو مكتوب...
Happy birthday...Sweet heart
ابتسمت تعودت ع مثل هالرساله كل مامر عيد ميلادها بعدين بين عليها الحزن وقالت
""9\3 .._بالميلادي_..كيف انسى هاليوم وهو تاريخ مولدج ومولدي واليوم اللي فيه رحلتي وخليتيني فيه اعيش على الذكرى"".......
(ملاحظه:غيرت التاريخ عشان مجريات الاحداث)


دخلت للفيلا وقصدت الصاله حيث يالسه امها تتقهوي
سميه: السلام عليكم امايه
امها: وعليكم السلام ..هاه وين سرتي؟
سميه: ازور ناس
امها:ومن هالناس؟
سميه: مابقولج عن اخرب عليج يلستج
امها: ياميه قولي
سميه: مهره
حطت الفنجال ع الطاوله وقالت بعصبيه: مهره ماغيرها؟
سميه: هيه ماغيرها
امها: سميه ترا ابوج لو درى بيعصب وتعرفينه لعصب عشان جذا ماباج تزورينهم
سميه: امايه انتي تدرين بالسالفه وانا مخبرتنج كل شي
امها: هيه قلتيلي بس انا ماباج ترابعينها ورمسه في هالسالفه مابا
سميه: امايه تدرين مهره من مرابعه؟
امها: ومن مرابعه ان شاء الله؟
سميه: مرابعه لطيفه...لطيفه سيف محمد سرور مبارك ال.... واللي ابويه مشارك باسهم في وحده من شركاته
امها:وهذي كيف رابعتها؟
سميه:مادري..بس اكيد بعرف

9\3 اليوم حفلت ميلادها ..كانت تتمنى لو ابوها وامها وياها ..بس عشان راحوا للعمره اضطرت تحتفل بدونهم..هي ماعندها خوان غير ساميه ..كل ربيعاتها ين ..بس هي كانت تتريا ربيعتها اقرب وحده حقها.. كانت ساميه تباها طفي الشموع وتقطع الكيكه بس هي حبت تتاخر شوي...كانت واقفه مع ساميه ..يندق الجرس
ابتسمت: هذي هي
وركضت تفتح الباب قبل ماتوصل الشغاله
فتحته : اخيرا ييتي
...: هابي بيرث داي تو يو...هاج هديتج
...: تسلمين._.وخذتها عنها_...تعالي حياج
كانت ساميه تبى تشوف ربيعة اختها..كانت مبتسمه ..ويوم شافتها ياها شك
...:تعالي بعرفج على اختي_تجدمت وياها من ساميه_..ساميه اعرفج هذي ربيعتي بدريه...بدريه هذي اختي ساميه
مدت بدريه ايدها تسلم عليها ..ساميه من باب الذوق والادب سلمت عليها...بدريه كانت لابسه عباه مفتوحه وبنطلون جينز واسع وفانيلا وشعرها قصير لغاية كتفها ..وهذا اللي خلى ساميه تشك ان اختها مرابعه بويه ...كانت تراقبهن من بعيد وهن واقفات قرب الكيكه وياهن البنات الثانيات يضحكن ويسولفن ..صح انها باين عليها عاديه ولا عندها دفاشة البويات وشكلها ناعم بس لباسها وبعض الحركات اللي تخص البويات...خلصت الحفله وراح كل لبيته وساميه راحت لاختها في حجرتها اللي كانت يالسه تفتح الهدايا
دخلت وشافت هديه محطايه على صوب فوق السرير والباجي جدامها يالسه تفتح فيهن
ساميه: وهذيج بنت البطه السوده؟
...: هههههههههههههه لا بس هذي هدية بدور بفتحها اخر شي
تجدمت ويلست ع طرف السرير واختها يالسه ع الارض
ساميه: عذاري
عذاري:هلا
ساميه: بسالج عن بدريه
عذاري:وشو فيها؟
ساميه:هي بويه؟
عذاري:ههههههههههه ساميه حرام عليج الحين بدور بويه
ساميه:ليش انتي تعرفين كيف البويات؟
عذاري: هيه ..
ساميه: وكيف عرفتي انها مب بويه؟
عذاري: حبوبه طيوبه ..
ساميه: حبيبتي...ترا البويات مب بس اللي يلبسن لبس اولاد ..ويمشن مشيه غريبه ودوم متجهمات وصوتهن خشن ..هذيل المسترجلات وفي الصنف الثاني اللي الصنف الناعم اللي يخليج ماتشكين فيهن
عذاري: لا مستحيل تكون بويه
ساميه: هي وياج في نفس الصف؟
عذاري: لا هي سابقتني بسنه
ساميه:لاحظت انها اكبر عنج...انزين كيف تعرفتي عليها؟
ابتسمت وخذتها الذاكره لذاج اليوم اللي تعرفت فيه ع بدور
عذاري: ماراح انسى ذاج اليوم ...


سعود وصل لغريمه اللي هو عيسى فياترا بيكون عيسى عند كلمته وبيعطيه الفلوس؟
وشو بيصير ع سعود هل بيسوي العمليه ؟

ليلى راحت لهند عشان تساعدها فهل بتقدر تعرف شو اللي مستوي مع هاجر؟


ساميه يتها شكوك اتجاه بدريه فياترى وين بتوصل؟

ليش ابو سميه بيعصب اذا عرف ان بنته راحت لمهره وليش؟

البارت الخامس عشر

ابتسمت وخذتها الذاكره لذاج اليوم اللي تعرفت فيه ع بدور
عذاري: ماراح انسى ذاج اليوم ...كانت توها داخله المدرسه ..كانت تمشي وهي تسمع تمصخر وحده من البنات عليها مع انها شكلها عادي ولا ينقصها شي اوفيها عيب يخلي الغير يتمصخر عليها..ماقدرت تتحمل مصخرتها وقررت تروحلها...يت عندها
عذاري: ممكن تفهميني شو عندج من صباحة الله خير؟
البنت: ماعندي شي
عذاري:عيل شوفيج يالسه تعقين (ترمين) رمسه؟
البنت: انتي حد كلمج؟
عذاري: رمستج عليه؟
البنت: انا مارمستج؟
عذاري: كل كلمه قصدتيني بها
البنت: والله هذي مشكلتج
وصلت بدور عندهن: شو فيكم؟
البنت:هذي مادري شو فيها... معقده
عذاري: انا المعقده ولا انتي اللي تترمسين عليي وانا خاطفه
بدور _موجهه كلامها للبنت_: هذي مب اول مره سمعتج اكثر من مره تتمصخرين..واذا مايزتي (تركتي) عن هالسوالف ياويلج سامعه..خلج منها تعالي_راحن وخلنها_
عذاري: هذي شو مشكلتها؟
بدور: هذي وحده فاضيه لا تحطي راسج براسها ودريها عنج
عذاري بابتسامه: مشكوره على اللي سويتيه
بدور: لا شكر على واجب يو ولكم اني تايم
عذاري: اول شي كنا نتلاقى ونسلم على بعض بعدين صرنا ربع
ساميه: مادري مارتحت حقها؟
عذاري:سموي والله ان بدور طيبه وتنحب وماعليها كلام انتي بس يلسي وياها والله بتحبينها وتحبين سوالفها

نزلت دمعتها وهي يالسه متاكيه ع السرير وماسكه في ايدها السلسال الهديه اللي عطتها اياها...خذها الشوق والوله حقها بس القدر حط بصمته ع نهاية رحله مادامة وايد ..واللي يعرف فصولها هو بدور..

طلعت برع عشان تاخذ راحتها وهي تتحدث وياه ...
ابراهيم: منى انا ماصدقت اشوفج وايلس وياج ونفسي نيلس مع بعض مره ثانيه
منى: انا بعد ابى
ابراهيم: انزين متى؟
منى: خلها للظروف
ابراهيم: خليتها قبل للظروف بس الحين مابا اريد اشوفج وايلس وياج
منى:ان شاء الله_تسمع ريم تزقرها_ ابراهيم انا مستعيله لازم اسكر يبوني
ابراهيم:اتصلي عليي يوم تكونين فاضيه
منى:ان شاء الله...مع السلامه
ابراهيم: فمان الله ..مع السلامه

في مكان ثاني من المزرعه حب ثاني من نوع غير كانت تتمشى لابسه جاكيت اسود طويل وقميص وبنطلون من نفس اللون ونظاره شمسيه والشيله ع الكتوف والسماعات في اذنيها والموبايل في ايدها ..تسمع همساتها لها
امل: وحشتيني..مشتاقتلج وايد..ياريتني وياج الحين
لطوف: ياحياتي يا امول...اموله؟
امل: عيونها
لطوف:تسلملي العيون وراعيتها...حبي لو فرضنا في يوم افترقنا شو بيستوي؟
امل:الله لا ييب هاليوم ..اكيد يا اموت او انتحر اذا الحين وانا مب قادره على بعدج ..الله يخليج حقي... لطوف انا من غيرج عدم
لطوف: ياروحي .._ياها اتصال ثاني طالعت الشاشه_حبي ياني اتصال ثاني برمسج بالليل امل:اوكي ..باي
لطوف: سيات .._سكرت عن امل ..واتصلت على اللي يتصل فيها_ الو هلا
...:وينج طولتي
لطوف: كنت ارمس ع الفون..خير
...:فكرتي في طلبي؟
لطوف: لا ولا بفكر بعد
...: لطوف طلبتج وانتي لبيتي
لطوف: لا انا قلت اذا اقدر بشري باللي تبينه
...:وانتي تقدرين ولو ماتقدرين ماكنت طلبت منج
لطوف: وتبينلي اني ماقدر
...:الا تقدرين..لطوف..لطوف حرام عليج انا مشاعري نجرحت كله ولا جرح المشاعر
ضحكت لطوف من غير ماسمعها اياها_حطت ايدها في جيب بنطلونها_: سمعي بييبها لج من الاخر هذا مب اسلوبي واللي تبينه مستحيل ..اسلوب رخيص ماتعامل به ...بعدين اذا على حبيبتج راضيها بهديه وبترضى..وابوها ماله يد في السالفه..وانا مابستغل نفوذ ابويه لمثل هالشي
...:لطوف لطوف طلبتج
لطوف: الوقت بدا يليل وانا لازم اسير باي
..سكرت عنها..ومشت وفعلا المسا بدا يقترب عشان يبدا يمسح شوي شوي اللي صار بالنهار ويختم احداث يوم ويفتح صفحة يوم يديد...بس قبل مانختم اليوم ..في شي صار ..اسبح وتلبس كندورته وطوى الغتره على راسه..وتعطر ووتدخن وطلع راح يشوف ربعه اللي لزموا عليه يسيرلهم مع انه يبا ييلس مع عيال عمومته ..وعدهم انه مابيطول وبيرد المزرعه قبل العشا...

وصل الخبر لبدور اللي تصلت على لطوف ..اللي كانت في حجرتها منسدحه ع سريرها فاصخه بس الجاكيت ..وبدور بعد كانت في حجرتها يالسه جدام اللاب
لطوف: حشا مسرع ماتشكت
بدور:حرام لا تلومينها محتره من حبيبتها اللي زعلتها
لطوف: ياسلام يعني الحين كل وحده بتزاعل مع حبيبتها تصلت عليه جيه عايلتنا مافيا
ابتسمت بدور:لا محشومين ..باجر ترجع المياه لمجاريها بينهم وبتنسى السالفه
لطوف: اتمنى

وصل عند ربعه ودخل قبله جاسم ولد خاله مرحب فيه
جاسم: حياك حياك بو شهاب
دخل حمد بويهه البشوش:السلام عليكم
رد الكل السلام ..وبدا حمد يصافح الموجودين ..كان فهد ونواف موجودين وصل عندهم صافح فهد ومد ايده صوب نواف اللي كان يالس ولا نتبه على حمد يوم وصل كان منزل راسه وهو سرحان ..ماحس الا بفهد اللي واقف ينبهه
فهد: نواف الريال ماد ايده
وما ان رفع راسه صوبه الا وسعت عيونه وبانت عصبيته حتى حمد خاف وتراجع لورى صابته حاله هستيريه وماحس حمد الاوهو هاجم عليه وقام فيه ضرب بكل قوته وهو يسبه ويشتمه غضب حقد كره كل هذا تجمع فجاه في قلبه يوم شاف حمد ..ليش محد يدري..الكل مستغرب من تصرفه ..قام كل الشباب يبعدونه عنه عشان مايموت بين يديه وباقوى ماعندهم بعدوه في هذي اللحظه كانت قوته تفوق قوتهم وهم حسو بهالشي بس ماطلع خسران يت ضربه قويه منه ع قلب حمد اللي هو اساسا مريض بالقلب..جاسم وباجي الشباب كانو يحدثونه ويحاولون وياه بس الويع اكبر منه وطلبوا الاسعاف.

اما نواف خذه فهد بعيد عنهم ..كان بعده على عصبيته وهيجانه ..
فهد وهو يأنبه على فعله: شلسويته..انته تعرفه يعرفك بينك وبينه شي..تحدث رمس
نواف ماعلق على كلام فهد عشان النار اللي في قلبه بعدها مانطفت
فهد: خذ بنصيحتي يانواف وشرد (هرب) وندس (تخبى) لان اهله لو مسكوك اهلك مابيدلون مكانك ..تعرف هو من ولده ..ولد سيف محمد سرور ال..
طالع صوبه بعدين راح عنه من غير مايكلمه
فهد: وين ساير؟!
بس نواف مارد ولا لتفت صوبه وكمل طريجه...
ايي صوبه ربيعه: فشلتوني جدام جاسم وحمد..الحين وين اودي ويهي منهم ..هذي سواه يسويها ..الا هو وينه؟
فهد:راح
..:عساه مايرد

وصل الخبر للعايله ..وعشان انهم وايدين بس اهله اللي ساروا للمستشفى ..كان سرور واقف مع ولد خاله جاسم
جاسم: هذا كل اللي صار
سرور: انزين هو يعرفه؟
جاسم: ماظن عشان هو ربيع ربيعي وهذي اول مره يشوف حمد ..لو شفته ياسرور ماتقول بني ادم مثل اللي فيه لبس (مس) وقوته عادلت قوتنا كلنا
سرور: لا حول ولا قوة الا بالله
شيخه كانت يالسه ودموعها على خدها تحاتي ولدها اللي ماتعرف شي عنه كانت ريم عن يسارها ومنى عن يمينها يواسنها ويرفعن من معنوياتها ويزوي وخوله يالسات قرب بعض ولطوف واقفه ومتاكيه ع اليدار..ايي سرور صوبهن ويروح لطوف
سرور: ياكم خبر عنه؟
لطوف_وهي تحاول تقوي نفسها وماتنهار_لا
سرور: بروح اشوفهم
وقبل مايخطي خطوه وحده وصلو ابوه ومحمد عندهم..الكل فز من مكانه
شيخه: سيف شو قالولك؟
سيف:ادعوله الله يلطف بحاله
شيخه: ولدي شو فيه ياسيف؟
محمد _والغصه في حلجه_ حمد في العنايه وحالته خطره_خانته عبرته ونزلت_
شيخه انفجع قلبها وبدت تصيح وتدعي:حسبي الله ونعم الوكيل ع اللي كان السبب ..حسبي الله ونعم الوكيل
منى: امايه الله يخليج لا تسوين بعمرج جذا
ريم: امايه ان شاء الله بيكون بخير
سيف: ذكري ربج ياشيخه
لطوف سحبت نفسها من المكان ..خافت تنزل عبرتها مثل محمد

...: شحالج من زمان ماسمعت هالحس
...:هالكثر متوله
...:و مقصدي ياسيدي روياكم
..: مانع خل عنك الهذره وقول شو تبا
مانع:بلاج معصبه..اشوفج الليله مب ع طبيعتج
..:وانته شدراك فيني؟..المهم شو تبا؟
مانع:ابا الحلوه مشتاقلها
..:هي مب فاضيه لامثالك واسمعني زين خلها في حالها
مانع: ماقدر ..الا هي تذكرني؟
..:مادري ومالك خص
مانع:هههههههه بعدها مكبره راسها ..بصراحه خذت قرار وهو اني ارمس واحد من خوانها
...: انته واحد ماتستحي
مانع: خليت المستحى حقج وحقها ..بلغيها باللي سمعتيه ..اتريا ردها سلام
عقب ما انهى المكالمه: يسويها النذل ..بس لازم هي تتصرف ولا تصرفت بنفسي

في ركن من المستشفى وقفت تتريا اقرب الناس لقلبها الشخص الوحيد اللي مايتردد اذا نادته ..وصلت ووقفت حذالها
بدور_وبنفس نبرة الحب الرقيقه الهاديه اللي يكلمها بها محمد_قالت:الحلو شو فيه؟
طالعت صوبها وعيونها شايله الحزن: بدور خلينا نطلع من هنا حاسه عمري بختنق
بابتسامه رقيقه :اوكي ياللا _لفت بذراعها ع كتوف لطوف وسارن_
ركبن السياره وراحن بعيد عن المستشفى..وقفت سيارتها بعيد عن الشارع ..وهن يالسات فيها ..لطوف تفكر في اخوها حمد..وهي متاكيه ع الكرسي
لطوف:خايفه على حمد
بدور:لا تخافين ان شاء الله ازمه وبتروح وبيطلع منها
لطوف:ان شاء الله ..
اما شيخه فردت البيت وسارت حجرة ولدها ويلست ع سريره وبين يديها شماغه الابيض وتصيح تدخل ريم وهي شايله لها حبوب الضغط وكوب ماي..تجدمت ويلست
ريم: امايه حرام اللي تسوينه..دوج(خذي) حبوب الضغط..اكيد ضغطج ارتفع
شيخه:عساني الموت ..ولا اشوف واحد من عيالي فيه شي
ريم: الله يطول لنا في عمرج امايه ادعيله الله يشفيه
شيخه:الله يشفيه ويعفو عنه

في ملحق الفيلا المكون من اربع غرف وثلاث حمامات بالاضافه للمطبخ والمخزن هذا هو بيتها مع بناتها والفيلا بس لامها وابوها وخوانها ..البيت او الملحق اذا صح التعبير ناقصنه اغراض وايد طلعت وسارت للفيلا عشان تطلب السياره وتروح تشرى اللي ناقصها ...دخلت كانت امها وخواتها يالسات وياهن خالتها اخت امها في الصاله
..:السلام عليكم
ومن غير نفس ردن: وعليكم السلام
خالتها: جى مابسلمين عليه؟
...:شحالج خالتي
وبنرفزه ردت: بخير
حبت تخلص بسرعه عشان مالها خلج لهن: ابا الدريول بروح السوق
وحده من خواتها: الدريول مب فاضي اليوم ..اول شي بيوصل خالتي بعدين بياخذنا السوق
امها: هيه بعدين هو روح
بينت عليها ابتسامة سخريه وتهكم وبصوت خافت:روح...بس ابا افهم كيف انتي وخالتي..._زمت شفايفها وسكتت_
خالتها: شفينا انا ومج مب عايبينج
...: الحين بذلوني عشان طلبت الدريول؟
وحده من خواتها: التكاسي وايد طلبيلج تكسي
اختها: ولا خلي اللي ساعدج بنصاص الليالي اييج ولا ماعطاج رقمه؟
...:يعني دريتو ..ولا حد منكم كلف خاطره وسأل ...الام مدرسة _ابتسمت ساخره من العباره_ مادري كيف انتي ام..ويقولون الخاله حنانها بحنان الام ..والخوات الصدر الرأوم ..ما قول الا مالت
امها:سلمى قصري الشر وروحي بيتج
وحده من خواتها: ولا بس يايه تكدرين يومنا
سلمى:لا يومج ولا يومي
خلتهن وطلعت ..كان السواق يسقي الزراعه
سلمى:راجو
راجو:نأم ماما
سلمى:روح هاتلي تكسي
راجو:انا يوصلك ماما انته وين يبي يروه؟
سلمى:لا ياراجو.._في نفسها_مابا منتهم...روح هات التكسي
راجو:هادر ماما
راح راجو ييب لها التكسي...سلمى: قالي خليني اعلمج السواقه وبتاخذين الليسن بس انا ماطعت بس اذا فات الفوت ماينفع الصوت..وهذيل اهل وماهم باهل كأنه بايدي اللي صار واستوى

بصوت امر وهو يرمس ع الموبايل:باجر عقب المدرسه ابا اشوفج؟
...:هيه بس..
قاطعه: ماشي بس لازم...سمعي ..طلعي من المدرسه بكون موقف بعيد اتين عندي
...:انزين قول اللي تباه الحين
...:ماينفع لازم ارمسج ..ولا تراج بتشوفين اللي محد شافه انتي سامعه..وطبخ طبختيه لازم تذوقين منه
اضطرت توافق ..نبرة صوته خوف ويمكن مب تهديد يعني جايز يسويبها شي اذا رفضت



حمد دخل العنايه المركزه فهل بيعيش ولا لا؟
سلمى ليش تعيش في ملحق ومب مع اهلها وشو اللي صار وستوى؟
مانع بعده يهدد ويتوعد وين بيوصل والبنت اللي يرمسها شو بتسوي؟
من اللي يرمس ع الموبايل ومن اللي يرمسها وشو يباها فيه؟



يـــــــــــــــــــــــــــــــــتــــــــــــــب ـــــــــــــع

البارت السادس عشر


الاجهزه من حوليه وباين ع شاشة الجهاز ان نبضه ضعيف..بس بعده عايش..والكل في ترقب وعيون تكسيها الدموع وقلوب ترتفع نبضاتها بالخوف..واهلهم من حواليهم يواسونهم ويخففون عنهم ...

عقب الدوام طلعت من بوابة المدرسه والتفتت يمين ماشافت حد والتفتت يسار شافته موقف بعيد عند سور المدرسه كانت متردده وخايفه ..خايفه يشوفها حد وبعد خايفه منه بس لازم تسير عنده وتشوفه شو يبا ..كانت تمشي صوبه تقدم ريل وتاخر الثانيه..وصلت وفتحت الباب اللي جدام وركبت
..: نواف شو تبا
من غير مايطالعها والنار تشتعل في جوفه:سكري الباب
هي باستغراب: شو؟!
طالعه بنظرة غضب يقشعر منها البدن: قتلج سكري
ارعبتها نظرته وماقدرت تقول شي وسكرت الباب ..وساق باقوى ماعنده..وهي اللي ظنت انه بيخلص السالفه هنا وبيخليها تنزل

الكل في هالوقت اما مشغولين بشي او ماخذين قيلوله عقب الغدى يعني ممكن مايحتايونها في شي استغلت فرصتها وسارت للملحق تشوف سلمى اذا تبا شي ..دخلت كانن البنتين في الصاله يطالعن رسوم متحركه ع سبيس تون ..وسالتهن عن امهن خبرنها انها في المطبخ وسارت عندها..كانت توها مخلصه من تنظيف المواعين
سونيا:سلام اليكم ماما
سلمى:هلا سونيا وعليكم السلام ..شحالج؟
سونيا : الهمدلله..ماما انت يريد شي؟
سلمى: لا مشكوره..يايه من وراهم صح؟
سونيا:ايه
سلمى:سونيا اذا احتيت لاي شي بزقرج..مافي داعي اتين عشان المدام ماتسويلج زنجال
سونيا: هي ماما مال انته ليش يقول مدام مو ماما
ابتسمت بسخريه وقالت في نفسها:ماما......المهم سيري الحين يمكن يزقرونج
سونيا:هادر ماما
سلمى:مع السلامه_عقب ماراحت سونيا_ ..يالله ياالدنيا جيف تلعبين فينا

رجعن للبيت وغيرن ملابسهن وتغدن و العصر راحن المستشفى يطمنن على اخوهن ويلسن مع امهن ومنى..ماعدا حنان اللي كانت تفكر " اااخ يت طيحة حمد وخربت كل شي ولا كنت خبرت شيخه عن ريلها ... بس ماعليه اول ماتزول بخبرها "

فتح الباب ودزها _دفعها_بقو ..وطاحت وباين ع المكان انه ميلس من الكراسي اللي فيه...دموعها على خدها وتشاهق..
...:نواف حرام عليك شو تبا مني؟
اندفع صوبها ويلس مسك ذراعها بقو وصرخت.._ اااخ_ ..وتم يهزها بقو وهو يقول: ابا اذبحج وافتك منج..انتي السبب في اللي ستوالي..كله منج ..والله ياشرب من دمج ودمها _طلع موبايله من جيبه_ هاج اتصليبها خليها اتي
..:من؟
نواف: من غيرها ..معرفتها مايابتلي الا القهر والسبه انتي ..دقي دقي بسرعه

في المستشفى كانن يالسات مع امهن اللي من درت عن ولدها وهي لا تاكل ولا تشرب زين الا بالغصب ..موبايلها رن اكثر من مره وهي طنشت الرقم عشان غريب وهمها كله مركز على اخوها اللي بين الحياة والموت ..شوي وصلها مسج "اتصلي لموضوع ضروري"..اتصلت عشان تعرف السالفه وياها الرد
نواف:سمعي اذا ماييتي اخوج مابيظهر من المستشفى الا ع القبر...اتين الحين ولا مابيصير خير..تعالي ع المكان نفسه اللي شفتج فيه اول مره اضن تذكرينه ..واذا ماييتي اترحموا على حمد
سكر والتفتت على امها وخواتها ..بعدين سحبت عمرها من المكان من غير مايحسن عليها وراحت وهي تمشي في ممر المستشفى اتصلت
لطوف: صالح انته وين؟..اوكي شغل السياره الحين انا يايه
سارت للفت وتريته لين فتح ونزلت لتحت وطلعت من المستشفى وعلى طلعتها كانت بدور توها واصله يايه تشوفها وتيلس وياها ..شافتها وهي رايحه صوب السياره
بدور: لطوف شفيها عن يكون حمد ياه شي
مشوا ومشت وراهم.....


مغامره كبيره ماحسب حسابها ولا توقع ان نتيجتها بتكون عليه ..الطمع والجشع طغى على تفكيره ..خطوه غبيه وغير مسؤله خسرته وايد وخلته على شفير الافلاس وبدل مايزيد من رصيده في البنك البنك على وشك انه يطالبه بسداد ديونه المستحقه للدفع..

راشد: انته شو تقول متى صار كل هذا؟
...:مادري شوا قولك...الشركه المقاوله وقفت عن بناء المشروع..وتطالب بفلوسها..هذا غير ان العملاء اسحبوا تعاملاتهم ويانا..والبنك في اي لحظه بيتصل..هذا كله بسبب خسارتنا في البورصه
راشد: لازم في حل لهلمشكله
...: الحل هو اعلان الافلاس
راشد : لا هذا مب حل ...خلني افكر في شي ينقذ سمعتنا..
انهى المكالمه ويلس يفكر في المصيبه اللي حلت عليه ويدور له حل يطلعه منها

...وصلت لنفس البيت اللي قالت لها عنود ان الحفله بتكون فيه نزلت وطلبت من صالح يروح ..تجدمت ودقت ع الجرس ..ونفتح الباب كان وراه وطلب منها تدخل ..واول مادخلت سكر دفة الباب بقو
طالعت صوبه بكل هدوء ولا بين عليها الخوف: شو تبا؟
نواف: مابنتكلم في الحوش دخلي
مشت صوب الميلس وهو زلج الباب بالمزلاج ولحقها
بدور وصلت ونزلت كانت خايفه وتذكرت ذاج اليوم ..وخافت انه ممكن يصير شي للطوف ماقدرت تفتح الباب لانه مقفول وراحت دور مكان تدخل منه..دخلت لطوف للميلس ..تذكرت ذاج اليوم واللي صار فيه ولفت على زاويه وشافتها وهي تصيح
لطوف: روضه؟! انتي شو تسوين هنا؟
نواف: مب مهم هي المهم انتي ..
لطوف: انته اللي ضربت حمد
نواف: هيه انا_وهو يمشي صوبها_تعرفين ليش...لاني شفتج انتي مب هو
صكت في اليدار ..وهو قرب منها
نواف: كنت ابا اجتلج بس الحين اباج تذوقين طعم العذاب ..تعيشينه لحظه بلحظه ولا يفارق خيالج ولو لثانيه
لطوف وهي محافظه على هدوءها رغم قصر المسافه بينهم : ليش انا شو سويتلك؟
نواف: مب مهم المهم تفكرين باللي بيصيرلج
بدور عيت تحصل مكان تدخل منه ..ركضت لسيارتها وجدمتها من اليدار ورقت عليها عشان تدخل للبيت
لطوف: وشو اللي بيصيرلي؟
نواف _وهو يحاول يكتم غيضه وطريقتها اللي مب فاهمنها اللي ترفع الضغط المفروض اللي في مكانها ترتجف خوف قال عشان يخليها تخاف: تبين تعرفين شو اللي بيصيرلج بتخسرين شرفج تعرفين شو يعني شرفج يعني مابتكونين بنت يعني محد راح يرضى يزوج فاهمه ولا تبيني افهمج..ترا صبرى نفد والحين لازم اخذ حقى منج
..:في الاحلام
وماحس الا بضربه قويه على راسه خلته يطيح
بدور والحديده في ايدها: منهو هذا؟
مشت لطوف صوب الكنبه وعينها ع روضه: بعدين بخبرج من يكون_يلست وعينها عليها_المهم الحين نخلص من سالفه ثانيه

يالس مع ربيعه في الكوفي يشربون قهوه ..مب مصدق اللي سمعه
سعود: مب مصدق ياغانم معقوله نسبة نجاح العمليه نزلت جذا
غانم:لا تنسى ياسعود مرت سنه يعني كان لازم تحط في بالك هالشي
سعود: الدكتور بعد مانبهني
غانم:المهم الحين بسوي العمليه ولا لا؟
سعود:خل عيسى ييب الفلوس وبعدين بشوف
غانم: الله كريم

المكان مخيم عليه الصمت ..روضه يالسه في الزاويه تصيح ولطوف يالسه في الطرف الثاني ع الكنبه وطالعها بذيج النظره اللي تخلي اللي جدامها يحتار في امرها وبدور واقفه ومب عارفه شو السالفه..قررت تكسر حاجز الصمت ونشت من مكانها وسارت لها ووقفت جدامها
لطوف:شو علاقتج فيه؟_روضه سكتت _..سألتج جاوبي
روضه من غير ماترفع راسها:ولد عمتي
لطوف ولا مهتمه من جوابها:ولد عمتج...يعني انتي اللي دبرتي وهو كان عليه ينفذ ..ليش؟
رفعت راسها وطالعتها وتذكرت يوم لطوف صفعتها وهي ماسوت شي..قطعت عليها لطوف تفكيرها: انا بجاوبج عشان شو؟..عشان هذا.._رفعت ايدها وعطتها كف بكل قوتها_
صرخت روضه وحطت ايدها على خدها
لطوف :اشوفج رديه ليي وشوفي شو بييج
طالعت صوبها وزمت شفايفها بغيض بعدين وقفت ومشت تلف لطوف وتمسكها بشعرها وتسحبها صوبها
لطوف:وين رايحه ياحلوه بعدنا ماخلصنا
روضه: شو تبين؟
لطوف:لا تصرخين ولا بتشوفين لسانج في حلج جلب
روضه:لط.....
قاطعتها: لا تذكرين اسمي عشان هو انظف من ان ينطق ع لسان وحده مثلج_ودزتها لجدام وطاحت ..بعدين نشت وتوها وصلت الباب الا تحصلها جدامها ..
روضه: خليني اروح
ابتسمت: وجيف تروحين والحفله توها باولها ..يا روضه ولا عنود_ وقفت جدامها مباشره..وبصوت هادي قالت_ لا ذكيه ياروضه عرفتي كيف تلعبينها ..بس ابشرج خطتج فشلت وذاج الجلب ماجاسني (لمسني) ولا جرب من عذريتي ..وانتي سمعتيه باذنج ..ولو لمسني ماكان قال اللي قاله_وعطتها كف ثاني ..نزلت روضه ع الارض_.. حسابج بعده ماخلص..قومي وقفي لاني ما انحني لمن هم دوني
بدور طلعت من صمتها وتقربت منهن ووقفت قرب لطوف: شو السالفه؟!
طالعتها روضه والدموع في عيونها ونظرت ترجي: الله يخليج فكيني منها
تقربت منها بدور وساعدتها تقوم وقالت: انا ماعرفج ومب فاهمه اللي ستوى بس باين انج مسويه مصيبه ومصيبه عوده بعد_روضه ضنت انها لقت من راح تنقذها عصبت وتفلت في في ويه بدور..وماحصلت الا كف قوي من بدور طرحها ع الارض ..بعدين سارتلها ومسكتها بشعرها ووقفتها _..هذا يزاتي اللي كنت برحمج_مسحت ويها بشيلة روضه_..بس دامج جي ذوقي اللي بييج_طالعت لطوف_ لطوف...ستلمي
دفعتها صوبها ومسكتها :سمعي مابطلعين من هنا الا بشروطي..اول شرط عتبة المدرسه ماتعدينها ثاني شي تنثبرين في بيتكم ياتموتين او تعرسين
روضه:عشم بليس
وقفت بدور وراها: سمعي اذا سمعت ان شي من اللي صار طلع بذوقج امر من المر
لطوف:اذا نفذتي اللي قلناه بنخليج واذا لا بتلقينا جدامج ومابتنفعج كلمة لو
هذا كله صار ونواف ماصحى من الضربه القويه ....


وصلت لها كلام مانع اللي قاله لها اتصلت عليها ترمسها
....: الله ياخذه النذل
...: لازم نصرف عشان يمكن ينفذ اللي قاله
...: والحل شو اسوي؟
...: حاولت استدرجه بس للاسف نذل
...: خايفه انه يخبر اخواني والله بيذبحوني
...: بس انتي مالج خص ...الا اذا اللي قلتيه مب صج
...:والله صج...ساعديني عشان افتك من هالبلوه
..:اوكي ولا يهمج انا وياج وبفكر بشي يخلصنا منه


اخيرا لقت عنود او روضه وخلصت من هالسالفه اللي كتمت على قلبها وخلتها ماترتاح تبتسم للغير وتضحك وتسولف وفي داخلها نار اليوم قدرت تخمدها..بس بقى عليها الحين انها تفهم بدور اللي صار...عقب ماطلعن من البيت المشؤم ..راحن للكوفي وخذن لهن عصير..وهن يالسات
بدور: ممكن تفهميني كل شي؟
لطوف: تذكرين الحفله وكيف طلعت منها؟
بدور: هيه
لطوف_وهي تحرك الماصه في العصير:ماكان في حفله_تركتها _كان فخ من تدبير روضه
بدور:ليش؟
قربت العصير وشربت منه: شافتني ابوس امل
بدور: كملي
لطوف: ماسكت لها...وحطتني في راسها..وخططت مع ذاج الجلب ..رحت وفتحتلي الشغاله ودخلت وياها وصلتني للميلس ..دخلت ويلست بعدين راحت وتصلت عنود تقول انهم بيتاخرون شوي ..وانا يالسه انفتح الباب ودخل الجلب

...:هلا والله
حسيت انه ناوي على شي: خير منهو انته؟
نواف: انا واحد عطشان وييت اروي عطشي من هالجمال اللي جدامي
حسيت باللوعه من كلامه: احسنلك تروح
نواف: فديت اللي يهددون..كنت اشوفج وانتي داخله المدرسه وانتي طالعه بس ماتخيلتج بهالجمال كله اللي يتعدى الوصف ..وصلت للثماله وماعاد فيني صبر ..
لطوف: مب كل طير يتاكل لحمه...
نواف: بس انا بكل وبشبع منج
لطوف: كانت كلماته سم ينغرس داخلي...تاح الكاب وفصخ الفانيلا وحزام البنطلون ..طالعته بقرف ولوعة جبد ..حسيت بقوة عمري ماحسيت فيها ..ماعطيته فرصه يتجدم اكثر وبديت اضربه (لطوف مشاركه في نادي لتعليم فنون القتال والدفاع عن النفس)..بديت احس بالتعب ..اذا ماتصرفت بيتمكن مني ضربته المره الاولى ماياه شي والمره الثانيه قام يترنح ..كنت خلاص ماتم عندي طاقه بس مستحيل اخليه يلمسني..دزيته وطاح ع الكرسي ورفسته بكل قوتي..وماقام عقبها كنت خلاص مافيي حيل..والباجي تعرفينه.
بدور: الاهم انج طلعتي وماصابج شي
لطوف: ليش ماتدخلين نادي بتتعلمين كمن حركه بيفيدنج مع فهد
ابتسمت وشربت من العصير: لالا فهد مايباله ضرب يباله شي سبيشل من نوع ثاني..صارله شهر محد شافه ولا يا البيت
لطوف: على شو ناويه؟
بدور: خليه لوقته..المهم..تتعشين؟
لطوف: بروح المستشفى
بدور: اول شي نتعشى وبعدين نسير المستشفى...ها من وين تبينا نتعشا؟
لطوف:شتقت لطبيخ خالتي عليا
ابتسمت بدور:الحين بتصل عليها_حطت وحده من السماعتين في اذنها وتصلت _....الو ..هلا امايه شحالج غناتي ان شاء الله طيبه ...عن يكون الشياطين اللي عندج ماذينج...امايه ..فديتج حياتي ..تعشيتو...انزين شو مسويه ..._طالعت لطوف_ مرقوقه تبين؟..._هزت لطيفه راسها بمعنى نعم_ هيه لطيفه..تسلم عليج
لطوف:سلمي عليها
بدور: مايحتاي شوي وبتشوفينها..ههههههههههههههه لا لطوف مايخالف عندها ..عادي ..هيه..توصين على شي..ماتبين شي غير؟..تامرين يالغاليه,, في امان الله ..مع السلامه..._انهت المكالمه ونزلت السماعه وهي ناشه قالت_ ياللا قومي الوالده تتريانا بس اول شي بنخطف ع المخبز وبناخذ خبز ..ياللا مشينا؟
لطوف: ياللا

مضى يوم ويا يوم ثاني يحمل معه الكثير من الاحداث

دخلت للبيت والابتسامه على ويها ..كان اخوها يالس في الصاله ..اول ماشافها نش ومر من يمها وقبل مايبتعد قالت
منال:عزيز_ وقف بس ماطالع صوبها_..مابتبارك لاختك
يكلمها وظهره صوبها: على شو؟
منال: اخيرا بوصل للي اباه ..وعلى فكره اول ماحصله بسوي حفله كبيره
ماعلق ع كلامها وسار عنها
منال: ان رضيت ولا لا مب مهم عندي ومابخليك تفسد فرحتي بالخبر الحلو


حمد بعده في الغيبوبه وللحين ماشي خبر عنه؟
نواف بيسكت عن اللي صار وشو اللي ممكن يصير؟
راشد شو بيسوي بيحصل حل ولا بيستسلم وبيعلن الافلاس؟
مانع بدا يهدد ويتوعد ياترى بينفذ وشو اللي يهددهن فيه وهن كيف بيصرفن وياه؟
منال شو اللي وصلتلها وهل بيتحقق؟




يـــــــــــــــــــــــــــــــــــــــــــتـــــ ـــــــبــــــــــــــــــــع

البارت السابع عشر

اول اسبوع لها في مدرستها اليديده وبعدها ماتعودت ع الحياه فيها ..تفقت مع امها_خالتها ميره_ انها في البدايه بتيب اكلها من البيت لين تتعود ع البنات ويصير عندها صديقات يساعدنها ويعيننها كل ماحتايت شي..كان وقت الفسحه وهي يالسه في الصف في اخر الصف من الوسط عشان تقدر تحرك كرسيها بسهوله..طلعت اكلها ..كان في شي ناقص دورت في الشنطه بس ماحصلت شي..
نوره: ياربييه امي نست تحطلي عصير ..ماجدامي غير اروح واشتري ..
رجعت الاكل للشنطه وطلعت بوكها وحطته في حجرها ومشت...._نوره بيضه عيونها كبار وسود شعرها اسود كثيف وناعمو طويل قاصتنه مدرج ..رابطتنه ذيل حصان ونازله خصل كثيفه ع طرف .

كانت تتمشي وهي تكلم اختها ع الموبايل
لطوف: بشري شو اخبار حمد؟
منى: الدكتور بعده ماشافه ..وان شاء الله خير_تنبهت انها ترمسها من موبايلها_ لطوف انتي ماداومتي؟
لطوف: امبلا...ويالسه امشي في الساحه
تنرفزت: انتي ماتوبين ..تبين تاخذين انذار ثاني...خليني اطمن على حمد وبفضالج
لطوف:منوي اعرف ادبر عمري لا تحاتين _شد انتباهها شي_ منى
منى:نعم
لطوف: بخليج الحين حبيلي امي ياللا باي.._سكرت وراحت للجهه اللي كانت طالع صوبها_

كانت نوره يالسه ع كرسيها المكان كان زحمه
نوره: ماشاء الله ..انا شو بيدخلني بينهم ماشي جدامي غير اشرب ماي
وتوها بترجع بالكرسي ياها صوت لطوف
لطوف:سلام
نوره: هلا وعليكم السلام
لطوف: من متى داومين هنا؟
نوره: هذا اول اسبوع ..توني منتقله يديد
لطوف: اممم..اي صف؟
نوره: المفروض ثاني ثانوي بس الظروف خلتني اعيد
لطوف: تبين تشترين شي؟
نوره: لا خلاص
حست لطوف عليها ومدت ايدها: هاتي باخذلج
نوره: لا مايحتاي
لطوف: افااااا يعني ايدي بتم معلقه جي في الهوا
استحت نوره وفتحت بوكها وطلعت منه خمس دراهم وناولتها اياهن
لطوف: شو تبين؟
نوره: عصير مانجو واذا ماشي برتقال
لطوف: اوكي شوي وطلبج عندج
نوره: تسلمين
راحت لطوف تشتري العصير ونوره تترياها..ماتاخرت لطوف ويابت معها عصير مانجو_
لطوف وهي تناولها العصير وباجي الفلوس:هاج هذا العصير وهذي فلوسج
عقب ماخذتهم: مشكوره تعبتج ويايه
لطوف: افا عليج حاضرين للطيبين...انتي شو اسمج؟
نوره: نوره
في نفسها: اسم ع مسمى....عاشت الاسامي
نوره: عاشت ايامج
مدت لطوف ايدها تصافحها: وانا لطيفه واسم الشهره لطوف
نوره: اسم على مسمى..عاشت الاسامي
لطوف: عاشت ايامج...شكلي هذربت وايد على راسج
نوره: لا عادي خذي راحتج
لطوف: هذا طبعي احب اتعرف ...اوكي بخليج الحين ..بايات .._مشت شوي ووقفت ولفت صوبها_ ولاا نخليها سيات
نوره: اوكي سيات
لطوف: سيات
رجعت نوره لصفها وحصلت ثنتين من بنات صفها داخل
نوره:السلام عليكم
...:وعليكم السلام
وحده من البنتين : نبا نخبرج عن اللي كنتي تسولفين وياها من شوي
نوره:لطيفه؟
البنت الثانيه:هيه لطوف
البنت الاولى: حذري منها وحاولي ماتحتكين بها
استغربت من كلامهن:ليش؟!
البنت الاولى: عشان هي بويه
طلعة على ويها ابتسامه تدل على الاستغراب: شو هالرمسه..مستحيل اصلا مب مبين عليها
الثانيه: ليش تبيها تقولج انها بويه ولا تعلق بطاقه تقول فيها انها بويه
وهن ياخذن اكلهن من ع الطاوله: المهم نحن حذرناج والباجي بيديج
نوره: وين رايحين؟
..:عند ربيعاتنا
نوره: عادي اروح وياكن؟
وعشان يتخلصن من السالفه: ربايعنا فوق
نوره وكانها فهمت قصدهن:اها اوكي
...: ياللا نشوفج ع خير
نوره: مع السلامه..._عقب ماراحن_ الحين معقوله لطيفه بويه..لا مستحيل..يمكن عشان قصة شعرها..بس عاديه ..ولا انها رافعه كمام عباتها شوي..لا مايخصه..بس والله انها حبوبه وطيوبه وتدخل القلب

لطوف كانت ترمس بدور عن نوره كانن توهن مخلصات لعب كوره ويالسات متاكيات ع اليدار وفاردات ريولهن ..
لطوف: بنت يديده عندنا في المدرسه
بدور وهي تحاول تثبت الكوره على راسها: ادري..خبرج بايت>( مضت عليه ليله =بمعنى انه قديم)
ابتسمت لطوف: وتعرفين هي صف كم؟
بدور _كانت تقول كلمه وتسكت لان تركيزها ع الكوره_: اسمها..نوره..وهي ..باول ثانوي ..ومشلوله
لطوف: المفروض تكون بثاني
وقفت عن اللعب وطاحت الكوره بين ايديها: رمستيها؟
لطوف: من شوي قبل ما ييج.._شافت مهره تمشي_..هذيج مهير
بدور: مادري شبلاها... بزقرها..مهيييير
وقفت وطالعت صوبهن اشرت ليها لطوف بصبعها تناديها..مشت صوبهن ..كانت المسافه شوي طويله..وصلت ووقفت قبالتهن وكانن وسعن لها عشان تيلس بينهن
مهره: خير شو عندكم؟
بدور: يلسي
مهره:مابا
لطوف: سمعي الرمسه
مهره: عندي واجب ماكتبته
مسكتها لطوف بمريولها من تحت وسحبتها: يلسي بنسولف وياج
تاففت مهره في وتجدمت ويلست بينهن وهي مقرفصه
لطوف: ريحي
مهره:مابا
طلت لطوف برسها صوب بدور وبدور فهمت عليها..شوي ماحست مهره الا وهن ساحبات ريولها وطاحت وعورها(وجعها) ظهرها
مهره: ااخ الله ياخذكن ظهري
تضربتها بدور ع راسها: عشان مره ثانيه تسمعين الكلام
مهره وهي معصبه: الحين شو تبن مني؟
تحط بدور كوعها ع كف مهره: متغيره وحلانج حاله بلاج؟
مهره:مابلاني شي
لطوف وهي تلعب بشعر مهره: ماتسولفين وايد
طالعت صوبها: صدقني مافيي شي
لطوف: اوكي تقدرين تروحين
بدور: بس متى مابغيتي ترانا موجودين

قصة حب بدت تنسج خيوطها بين ابراهيم ومنى صار الاتصال ع الموبايل بشكل يومي ..كانت يالسه في المستشفى بعيد عن امها عشان ماتسمع الكلام
منى: عارفه انك تبا تشوفني ونتحدث ..بس ظروفي الحين ماتسمح
ابراهيم: عارف مافي داعي تبررين اي شي انا عاذرج ومقدر الوضع هذا اخوج ولازم تكونين وياه الله يقومه بالسلامه
منى: امين ..تعرف انته انسان شهم
ابراهيم: منى اللي اسويه بدافع الحب انا احبج واللي يحب بصدق يسوي اي شي بس يشوف حبيبه مرتاح
منى: ماتوقعت اني التقي بشخص مثلك يحبني وتهمه سعادتي
ابراهيم: الحب مشاعر ساميه بس تبي من يرعاها ويهتم فيها ومايهملها والله يقدرني واسعدج
منى: ماعندي اي شك في انك تقدر تسعدني _ شافت بنات عمها مها وشمه يايات صوبها_ ابرهيم مضطره اسكر الحين يالله اشوفك ع خير
ابراهيم:ان شاء الله... مع السلامه
منى: مع السلامه
وصلن عندها وسلمن ع بعض
مها: شحال حمد الحين؟
منى: نتريا الدكتور يشوفه
شمه : ان شاء الله خير
...:ان شاء الله
منى: خلونا نسير عند امي
...: ياللا

ركب سيارته المبرجيني وهو طالع من الجامعه ..وهو في الطريج اتصل ع ربيعه
بدر: الو..هلا هزاع
هزاع:هلا بدر خير امر
بدر: هزاع تكفى مالي غيرك
هزاع: هههه كل شي اوكي بس...
بدر: بس شو؟
هزاع: الفلوس
بدر: بتكون عندك بس فكني
هزاع: بس السعر زاد شوي
بدر: موافق متى اييك؟
هزاع:فلوسك جاهزه؟
بدر: بامنهم لك
هزاع:لا ياحبيبي اذا بيزاتك مب جاهزه خلك مكانك ومتى ماصار عندك هاتهم وتعال
بدر:هزاع لا تستوي نذل
هزاع:الحين هاي يزاتي اللي ابا اخدمك
بدر: سامحني ياخوك بس غصب عني
هزاع: مثل ماقلتلك الفلوس اول وفالك طيب
بدر: انزين اليوم راح تكون الفلوس عندك
هزاع:انزين اترياك في الشقه سلام يابطل

يالس بكل تكبر وغرور المكان بسيط واهله ناس ع قد حالهم هو باين عنده خير ..هي كانت يالسه ع مسافه منه ..تسمع كلامه اللي كل حرف يقوله يعيرهم بحالهم
..: انا مب ياي هنا اتقهوي ولا اتسامر انا ياي اذكرج من انا واقولج ان اللي صار دفناه ومافي داعي حد يعرفه ..واخويه الله يرحمه سمعته طيبه جدام الناس ..وانا طيب اخلاق مني تاركنكم تعيشون
...: تمون يابو غانم
...: سمعي عيل مابا اي مخلوق يدري باللي مضى واذا وصلني شي ياويلكم...وبنتج اذا مايازت عن سواياها بطلعها من المدرسه
...: ان شاء الله مالك الا طيبة الخاطر
..: انزين بشوف _نش واقف وراح من غير مايقول كلمه طيبه


راح يشوفها ويطمن عليها ويسال اذا ناقصنها شي ..شخصيته ضعيفه جدام حرمته ..وهي متاكده انه ياي عندها من وراها ومن غير ماتدريبه ...دخل الصاله ..وركضن صوبه وحبهن بعدين يت هي وسلمت عليه وحبته ع راسه
سلمى:هلا ابويه حياك ايلس
ابوها:الله يحييج ويزيد فضلج
سلمى: شحالك ابويه وشو مسوي؟
ابوها: الحمدلله بخير
وقفت : بسير اييب القهوه
ابوها: يلسي مابا قهوه انا ييت ايلس وياج
يلست وقالت في نفسها: اكيد ياي وهي ماتدري عنه..مثل كل اللي ايون هنا
طلع فلوس من جيبه: دوج هذا لج
سلمى: الحمدلله الخير وايد
ابوها: خليهم عندج بتحتاينهم
خذت الفلوس وقالت:تسلم عسى عمرك طويل
وقف: عيل اترخص
وقفت: بعدك مايلست
ابوها:ماعليه ان شاء الله المره اليايه بيلس اكثر..ياللا فمان الله
سلمى: مع السلامه

شافه الدكتور وطمنهم ان حالته تحسنت بس بيتم تحت الملاحظه وبعدين بينقلونه لجناح خاص ..فرحت امه بالخبر وصلت شكر ع سلامة ولدها واتصلت منى ع ابوها وخوانها وبشرتهم ان حمد بخير.... ونزاح هم عن عايلة سيف فهل هو نهايه ولا بدايه لهموم ثانيه.

نهاية هم وبداية هم ثاني رد البيت وتغدى ورتاح من تعب الشغل بس كان في شي لازم يعرفه ويدريبه ..يت عنده امه في حجرته وهي شايله له ظرف ..
خليفه: امايه في شي؟
فاطمه: وصل هالظرف اليوم
وقف وخذه منها: هذا من المحكمه.._فتح الظرف وطلع الورقه وقراها..عصب _ الخايسه الحقيره..سوتها سوتها يامايه.. النذله..._تاح الورقه وخذ موبايله و السويج وشماغه وطلع
نزلت امه وخذت الورقه ووقفت ..اتي مها صوبها
مها:امايه خليفه شوفيه؟
فاطمه: قرى الورقه وطلع...شوفي شوفيها
خذت الورقه من ايد امها وقرتها..حست بالغصه وطالعت امها
فاطمه: مها شو فيها الورقه؟
مها: هذا امر من المحكمه..حضانة إيمان صارت لامها
فاطمه: حسبي الله ع اللي غربلت ولدي..مافتك منها وهو ماخذنها(مزوجنها) لاحقتنه عقب ماطلقها ..الله ياخذها .


كان توه طالع من الكوفي شوب وقاصد سيارته..وسماعات الموبايل في اذنه والموبايل في ايده رن موبايله ..كان رقم غريب ..مارد عليه وركب وهو توه بيطلع سيارته من الباركن رن مره ثانيه كان نفس الرقم
عيسى: لا حووووول هذا شو يبا؟.._ساق ورد عليه_ الو نعم
...: السلام عليكم
عيسى:وعليكم السلام نعم اخوي امر
...: ماعرفتني؟
عيسى:لا والله ماعرفتك
...: انا منصور.... ربيعك
عيسى:منصور؟!
منصور: هيه...انته في البلاد (قصده الامارات)صح؟
عيسى:هيه في البلاد...انته وين؟
منصور: ثيبني..ابا ارد الامارات ساعدني
عيسى:منصور انته اللي ورطت عمرك ..سلم نفسك للسلطات واكيد بيخبرون السفاره وبيساعدونك
منصور:الحين هذا ردك..مثل ماطلعت عمرك ورديت الامارات تسوي نفس الشي معايه
عيسى: منصور عذرني ماقدر السموحه منك باي.._عقب ما انهى المكالمه_خلني اكنسل البطاقه وطلع رقم يديد
منصور وهو واقف في كابينة التلفون: ماعليه يا عيسى هذي اخرة الصداقه..خلني بعون الله ارد للامارات وبعدين نتحاسب_رجع السماعه لمكانها بقو وطلع_


هههههههههههههههههه..اخيرا راح انفذ اللي في راسي ههههههههههههه

نوره تعرفت على لطوف فهل بتاخذ براي زميلاتها وبتبتعد عنها ولا لا؟

منى وابراهيم هل بيتوج حبهم بالزواج ؟

مهره ربيعاتها لاحظن عليها التغير فياترى شو السبب؟

راح لبيتها مع انه مب من مستواه وهدد وتوعد ياترى شو السبب ؟

بدر شو اللي يباه من هزاع واللي لازم يدفع ثمنه عشان يحصل عليه؟

سلمى شو اللي صار عشان تبتعد عن اهلها ؟

خليفه نتقلت حضانة بنته لامها شو راح يسوي ومن هي ام بنته؟

منصور اتصل بربيعه عيسى وخذله فهل بيطلع من الورطه وبيرجع للامارات وبينفذ تهديده؟

من هو راعي الضحكه وشو اللي اخيرا بيحققه؟


يــــــــــــــــــــــــــــــتــــــــــــــــــ ــــبـــــــــــــــــع

البارت الثامن عشر

رجعت الحياه تنبض في جسمه بعد ماكان بين الحياة والموت ...طلع من غرفة العنايه الى جناح خاص كانت امه وخواته حواليه فرحانات بسلامته ..يوصل سرور ومحمد عندهم

محمد وسرور:السلام عليكم
...:وعليكم السلام
محمد: شحالك ؟
حمد :بخير الحمدلله
سرور: خوفتنا عليك ياريال....انزين اللي تهجم عليك تعرفه؟
حمد:لا والله ماعرفه اول مره اشوفه
شيخه:حسبي الله عليه
حمد: ماقال الدكتور متى بطلع؟
محمد:تونا مرينا عليه قال كلها يومين وبتطلع
شيخه:ماعليه ياميه تحمل
حمد: لا امايه عادي مب مشكله بس احاتي دراستي
سرور:لا تحاتي كل شي يتعوض

صدر قرار المحكمه بمنحها الحضانه على بنتها ..وصلت لبيت زوجها السابق ونزلت من سيارتها ..وقفت طالع الفيلا
....: طلعت من هالبيت وانته ذالني واليوم يايه اذلك ياخليفه....


يلس في مكتبه ولهم على راسه وعمله في مجال التجاره على المحك..يفكر في حل يطلعه من المصيبه اللي طايح فيها
راشد:شو الحل ياراشد تشهر افلاسك ..لا مابا فضايح ..هذا بياثر على عيالي لازم ماينتشر لخبر بس كيف ..ماشي جدامي غير اطلب من سيف يساعدني هو اخويه ومابيردني ..ماشي غير هالحل
اتصل على شركة اخوه وخذ موعد عشان يقابله .


افتحت لها الشغاله ودخلت ..مثل المنتصر في معركه ..كانت فاطمه ومها في الصاله ..ومن غير ماتسلم
..:وين بنتي؟
فاطمه: مالج بنات عندنا
...:غلطانه يافاطمه غلطانه..وين بنتي؟
مها: اضنج سمعتي امي شو قالت
...:مها روحي هاتي بنتي
مها:مابيبها يامنال واللي تبينه سويه
تجدمت من الكرسي وهي تقول: باين الطيب ماينفع وياكم_يلست وحطت ريل ع ريل_ سمعني عاد انا ييت اخذ حقي
فاطمه: قلتلج مالج حق عندنا وقومي روحي
ابتسمت وفتحت شنطتها وطلعت ورقة الحضانه وفتحتها :اضن وصلتكم مثل هالورقه ولا انا غلطانه يافاطمه
فاطمه:إيمان مابتطلع من هالبيت
منال:قصدج دانه
فاطمه: طلعي من بيتي
منال: سمعي انتي وياها اذا ماعطيتوني بنتي والحين والله بخلي المحكمه تخليه ييبها عندي
مها: منال ..طلعي برع
وقفت وقربت منهن _واقفات يمب بعض_: بطلع وانتوا اللي جنيتوا ع عماركم اذا ماذليتكم ذل عمركم مانذليتوه ماكون منال
مشت خذت شنطتها وهي توها بتطلع من الباب كان سلطان في ويها هي طلعت وهو دخل
يا صوبهن: منهي هذي؟
يلست: لا بارك الله فيها ولا في الساعه اللي شفناها فيها
مها:هذي طليقة اخوك خذت الحضانه ع بنته ويايه تاخذها
فاطمه: ياليتني مازوجته ياها نغشينا فيها حسبي الله عليها..قبل ماياخذها..خالتي فديتج والغاليه وماخلت هديه مايابتها وعقب ماخذها غربلته الله يغربلها دنيا واخره
مها: امايه لا تحرين عمرج
سلطان: وخليفه وينه؟
مها:مادريبه طلع معصب ومادل وين نهي(راح)
سلطان: امايه لا تعصبين وان شاء الله هالمشكله بتنحل
فاطمه: حسبي الله عليها

مايد 17 سنه ثالث ثانوي ادبي..متفوق في دراسته ومن صف اول لين ثالث ثانوي يطلع اما الاول او الثاني ..حلمه يصير انسان ناجح وهو مجتهد في دراسته ومايطلع وايد مع اصحابه ..وهم عيزو يغيرون طبعه عشان هم مب مهتمين بدراستهم ....اتصل عليه ربيعه عبدالله يقنعه انه يطلع وياهم
مايد: عبدالله قلتلك عندي امتحان وابا ادرس
عبدالله_حركه منه عشان يوافق_:ماينلامون عيل يوم يسمونك زلمه
مايد: زلمه ..زلمه ..مب مهم خلوها مره ثانيه
عبدالله: انزين نحن مابنتاخر بنرد وقت
مايد:عبود قلتلك مابروح
عبدالله:انزين انزين يامايد مع السلامه
مايد: في حفظ الله.._انهى المكالمه_ لا حول ولا قوة الا بالله

يلوموني حبيبي فيك صراحه قمت الروعه....وانا والله من شفتك دخلت بقلبي بسرعه
كانت هند ادندن بهالكلمات وهي يالسه جدام التسريحه تضبط مكياجها يندق الباب وتدخل ساره ..تجدمت منها
ساره: شو بطلعين؟
هند: هيه بطلع ويا ربيعتي
ساره: هي بالجامعه صح؟
هند:هيه بالجامعه مب شراتي مالت عليي الحين المفروض وياها
ساره: ربج كريم..اتذكر يوم طلعت نتيجة الدور الثاني تميتي طول الوقت والله ما اعيد السنه
هند:كنت مقهوره...بس الحمدلله على كل حال
ساره:الحمدلله
هند:انزين مابتين ويانا
ساره: امممممم لا
هند:ترا عادي حتى هي بروحها سالتني اذا بطلعين ويانا
ساره: مافيني ..المهم ..بخليج تكملين التعدل وانا بروح اكلي شي
هند: اوكي واذا غيرتي رايج وبغيتي اتين ويانا عطيني خبر
ساره:ان شاء الله

طلعت من بيت طليقها وسارت عند عمها كانت يالسه وياه في الصاله
منال: اطردوني
فهد: اني الغلطانه كان لاز ماتسرعين بروحتج عندهم
منال: ماضنيتهم بيطلعون جذا
فهد:وشوت وقعتي يرحبون فيج منال اصبري شوي وخليه بنفسه ييبها عندج ولا تذلين عمرج
منال: انزين.._وقفت_الحين بروح وبشوف اذا بيعطني اياها بالطيب ولا لا
فهد:انزين وانا تراني موجود متى مابغيتي شي
منال:ان شاء الله ..ياللا مع السلامه
فهد:مع السلامه_عقب ماراحت يلس _
هههههههههههههههههه..اخيرا راح انفذ اللي في راسي ههههههههههه


طلعت للصاله كان التلفزيون مشغل وهن محد ..وبدت تناديهن
سلمى: شهد.. عهود وين راحن
رفعت شيلتها_شيلة الصلاه _ ع راسها وتحجبت بها وطلعت دورهن من برع ..ياربي هاذيلا وين راحن عهود... شهد _سارت صوب الفله ودخلت من باب المطبخ الخلفي كان الطباخ والشغالات في المطبخ_ شهد وعهود مايوكم؟
...:لا ماما مايجي
خلتهم وطلعت من باب المطبخ الرئيسي ..وسارت صوب صالة الفيلا بس مالقتهن طلعت فوق دورهن وبعد مالقتهن ..نزلت وطلعت كانت امها وصلت بسيارتها..علاقة سلمى بامها متوتره ...نزلت امها وهي مرت من يمها
امها: اشوفج هنا...المره الدريول ولا الشغاله ولا الطباخ
لفت صوبها :مابا منج شي مشكوره
وسارت عنها وامها ماهتمت ودخلت الفيلا...شافت بناتها داخلات من باب الفيلا الرئيسي وسارت صوبهن
سلمى: مشن جدامي وهناك بتفاهم وياكن _دخلن قبلها ..دخلت وسكرت الباب وتاحت شيلتها ع الكنبه_شعرها كيرلي فلافل عسلي قصير بشرتها بيضه بس مب طويله وايد - ويت صوبهن وقفت جدامهن وتخصرت_وين كنتن؟
عهود وهي الاكبر(تشبه امها بيضه والشعر نفس الشي بس طويل): كنا نلعب مع بنات جيرانا
سلمى: وكيف طلعن من دون ماتخبرني..سمعن انتن الثنتين ..طلعه من غير شوري ماشي سامعات
عهود: انتي ماطلعينا مكان حتى يدتي مانروح عندها
عصبت من كلمتها: لا تقولين يدتي مالكن يده.._انتبهت انها لازم ماتقول هالشي حقهن وعشان تنهي الموضوع_ عهود خذي اختج وروحن داخل
راحت عهود وشهد للحجره وحست بندم ع كلامها اللي كان مب محسوب ولامت نفسها لانها قالته جدام بناتها فمهما كان تبقى يدتهم رغم اللي ستوى وصار.


طمنت على اخوها وماصارت تحاتي شي ..وبدا حبها يكبر لانها اخيرا تعرفت ع شاب يحبها وتحبه ولا حد يدري بهالحب حتى مها بنت عمها اللي هي اقرب وحده لها وبنفس السن بس منى اكبر عنها بكم شهر هي ومها تجمعهن القرابه والصداقه ..كانن رايحات المول يشرن ..وهن يمشن وشايلات كياس
مها: منى خلااااص مافيي حيل خلينا نروح ناخذ شي ناكله
ابتسمت منى: ماخابرتنج جي يامها
مها: لابسه كعب وانا ماحب البس كعب وانا يايه السوق..وانتي الله يهداج قلتي بس بتاخذين عطر وشوفي كم تشرينا
منى: ماخذنا وايد كلها كيستين
مها:ان شاء الله لو نص كيس
منى: يالله مشينا
وهن يمشن لمحت منى لطوف وهي واقفه مع ثلاث بويات وياهن بدور
منى: اقول مها..انتي سبقيني ع المطعم وانا بييج
مها:ليش انتي وين رايحه؟
منى: يوووووو يامها دوج_عطتها الكيس_ الحين بييج ياللا روحي
راحت مها وهي راحت وراهن بسرعه عشان ماضيعهن وتشوفهن وين رايحات شافتهن قاصدات المحلات الرجاليه ..ووقفت من بعيد وعينها على اختها اللي خايفه عليها من هالدرب اللي ماشيه فيه..بينها وبين نفسها توعدت انها مابتخلي الموضوع معلق وانها بتكلمها ما ان توصل للبيت ..رجعت لمها بوجه غير اللي دخلتبه للمول ..اول ماشافتها سالتها
مها: ها بلاج ؟ وين رحتي؟
يلست منى: ماشي بس شفت وحده وضنيت اني اعرفها بس مب هي..شو ماطلبتي؟
مها: امبلا ..صبري بروح اشوف الطلب
منى وهي تحدث عمرها: اااه منج يالطوف ..كيف اقدر اطلعج من اللي انتي فيه ..بس ماعليه مابخليج لين اطمن انج رجعتي لانوثتج
ترجع مها وياها الطلب وتحطه وتيلس
مها: منى بلاج؟
منى: مافيي شي خلينا ناكل ونروح

مره يدق ع الجرس ومره يضرب الباب بايده ..بس محد يرد شكله مب موجود بالشقه او انه نايم اتصل عليه بس موبايله مغلق رجع يدق ع الجرس تم اكثر من نص ساعه وهو ينتظر لعل وعسى حد يفتحله الباب بس للاسف محد فتحله ..وهو نازل من البنايه رن موبايله وقف عند مدخل البنايه
بدر: هزاع وينك؟..الحين انا عند البنايه ومعايه الفلوس
هزاع: السموحه منك يابدر بس الشباب حلفوا عليه اسير وياهم
بدر:وين؟
هزاع:البحرين
بدر: انته الحين في البحرين؟!...واتفاقنا؟
هزاع: باجر برد
بدر: وانا بصبر لين باجر
هزاع: لا تحاتي ..شوف انته سير بيتي ..وقول حق الوالده تعطيك الغرض اللي موصينها تعطيك اياه ..والحين بتصل عليها
بدر: بس انا مادل بيتكم
هزاع بعطيك العنوان وبقولك شو هو الغرض
بدر: اوكي ماشي..قول..انزين...اوكي..مع السلامه
مشى صوب سيارته وركب وساق قاصد بيت هزاع

بدر قاصد بيت هزاع وابوه قاصد شركة اخوه سيف ..كان سيف في انتظاره ..فتحله السكرتير الباب ودخل راشد ..المكتب فخم باثاثه وفي الواجهه صوره كبيره للشيخ زايد _الله يرحمه_ معلقه ع اليدار..تقدم ونش سيف وسلم على اخوه ورحب فيه ..سيف عارف ليش راشد ياي عنده ..لان اخبار شغله توصله اول باول فكيف مابيوصله خبر الخساره اللي تعرض لها..يلس وياه..في البدايه كان راشد متردد بس بعدين تكلم وقال اللي يباه وانه راد الشان في سيف... سيف من باب الشهامه والاخوه مارد اخوه ووعده انه بيسددله خسايره راشد كان بيرفض عرض اخوه وهو انه بيشتري ديون اخوه بمعنى ان حلال راشد كله بيصير لسيف...يعني راشد بيسدد الديون اللي عليه لاخوه بس راشد هو المحتاج واحسن يكون الحلال عند اخوه بدل مايكون في ايد الغريب سيف سوى هالشي لا هو نذاله او جبروت بس لمساعدة اخوه ثاني شي هذا بزنس وراشد هو المستفيد منه اكثر من سيف..عشان ماراح يتغير شي وراشد بيدير شركته بنفسه باشراف سيف وجذا راشد مراح يعلن افلاسه مع انه في الاساس مايملك شي بس هذا بيكون سر بينهم وبين المحامي الخاص بسيف اللي عقب الاتفاق مع اخوه استدعاه لمكتبه عشان ينهيلهم الموضوع .

اذا سيف بيحل مشكلة اخوه راشد فمنى تفكر كيف تساعد اختها...ارجعت للبيت وخذت شور وطلعت وجهزت عمرها كانت بنيولوك يديد شبابي..لابسه بلوزه سوده باكمام طويله وفاتحه الزرين اللي فيها ورافعه الاكمام وعلى معصمها اليمين ربطه سوده غليظه ولابسه بنطلون جينز ووجوتي ابيض ولابسه كاب اسود ولامه شعرها كله تحته ونظارات شمسيه سوده ..طالعت نفسها في المرايه بعدين حطت البوك في البنطلون وخذت فونها ..وهي طالعه تصلت عليها بدور كانت تترياها برع في السياره ,,نزلت بسرعه بس قبل راحت للصاله كانن خواتها وحنان يالسات
لطوف:هاي قيرلز
استغربن من اللي مسويتنه ومنى نشت من مكانها ويت صوبها
منى: لطوف ابيج الحين تروحين حجرتج وتغيرين هالملابس
لطوف: ماقدر
تجدمت منها: مستحيل اخليج تطلعين بهالشكل_شمت العطر _شو هالعطر اللي محطيتنه
لطوف: منى..اضن وضحت الموضوع وقلت بما اني مادخل في خصوصياتكم مابا حد يدخل في اللي يخصني اوكي؟
منى: لطيفه انا خايفه عليج بعدين لو حد شافج
لطوف: بهاللوك محد راح يعرفني _ضربت لها سلام بصبعين_سلام
ماقدرت تمنعها وهي راده صوبهن
حنان: المفروض تعطينها كمن كف يخلنها تصطلب
منى: حنان مب متفيجتلج
حنان _وهي تشدق في كلامها:وانا شعليه انتو اللي بتنفضحو مب انا
ريم: حنان بس
نشت واقفه: الحين مب قادرات ع البويه يايات عليه انه ماقول غير مالت _خلتهن وراحت_
منى: استغفر الله العظيم

نواف مانسى ثاره وراح ع المستشفى عشان يجتل حمد سال عنه وعرف الجناح اللي هو فيه ..كان عيال عمومته وجاسم ولد خالته يالسين عنده ..واول مادخل نواف اللي ماتوقع يلقى عنده حد تفاجأ بهم ..اللي اول ماشافوه بيهجم على حمد امسكوه وماخلوه يوصله واتصلوا ع الشرطه اللي يوا وخذوه وياهم عقب ماشرحلهم حمد اللي صار وياه وشهد وياه ولد خاله...تاحوا نواف في الحجز وزادت حالته سوءا طبعا هو ماخبرهم السبب ..وبعد ايام من وجوده في الحجز لقوه ميت والسبب انهيار حاد ادى الى وفاته...

لقتها فرصه تخبر فيها شيخه باللي سمعته راحت لها في حجرتها ..ويلست وياها
حنان: مادري شو اقولج ياعمتي يمكن مابتصدقيني عشان هو مايصدق
شيخه: حنان ياميه شو فيج؟
حنان: عمتيه انتي بحسبة الوالده ويشهد الله ان غلاتج من غلاتها_بدت تمثل عليها عشان تصدقها_ عشان جذا لازم اخبرج
شيخه: يابنتي قولي تحدثي ترا قلبي بدا يحاتي
حنان: عمتيه اللي بقوله هو عن عمي سيف
شيخه:عمج سيف شوفيه؟
حنان: قبل روحتنا للمزرعه بكمن يوم رحت لعمي سيف في الميلس عشان احدثه عن محمد وقبل مادخل سمعته يرمس ع الفون مادخلت بس وقفت اسمع
شيخه: انزين كملي
حنان: سمعته يرمس....
شيخه: حنان تراج عورتي قلبي قولي
حنان: سمعته يرمس....يرمس وحده ويغازلها.........


اللي كانت تخططله منال مع فهد هو الحضانه بس ولا في شي ثاني؟
خليفه شو ناوي يسوي مع منال وهل بيسمح لها انها تاخذ بنته؟
فهد هل بس هدفه يساعد بنت اخوه ولا في راسه شي ثاني؟
سلمى شو السر وراء علاقتها المتوتره بامها؟
راشد قصد اخوه سيف عشان يساعده فهل بيتم الوضع على ماهو عليه؟
شو اللي عند هزاع واللي يحتاج له بدر وين بيوصل؟
منى تحاتي اختها اللي تشوفها بدت تتغير فياترى شو بتسوي عشان تساعدها؟
لطوف هل هو تغيير نيولوك ولا هو بدايه لشي ثاني؟
شيخه سمعت من حنان شو بيصير بينها وبين سيف؟


يــــــــــــــــــــــــــــــــــتــــــــــــــ ــــبــــــــــــع