المنتدى :
الشعر والشعراء
اعترفلك
اعترفلك
لا هي نار ولا هي ما
ولا هي غيمة ولا ضما
إن حكت.. غنت سنابل من رضا
والسكوت ان صار.. نيران الغضا
يا رضاها.. وقف وناظر شوي
شف غلاها.. كيف سوى بشخص حي
وكيف حي ولا لقاها
وان لقاها.. ما بقى في يدينه شي
غير أنه يحتريها
***********
سولفي للناس عني
قولي اني.. ما عرفت أختار من قلبي يحبه
سولفي للناس عني
ما عرفت أقرى وجوه الحاضرين من الأحبة
اعترفلك.. أني فعلا ما عرفتك
ما قدرت أوصل لحل وما فهمتك
تجمعين الضد في كل الأمور
غامضة مرة.. ومرة مثل نور
تشبهين أيام.. أوقات الخريف
وتمطرين أحيان.. احساسك زهور
***********
آه.. من قلبي نصحته
بس عيا ينتصح بنبضه يبيها
آه.. منه ليه عيّا
ليه عزّم يترك الكون ويجيها
ما قدرت ألقى لهذا القلب حل
الجواب أقفى بظله وارتحل
ما بقالي غير انتي يا غريبه
يا رحيل العمر فيني.. يا حبيبه
صدقيني صرت من بعدك أخاف
واعترف أن الخلاف واسع طريقه
واننا ما نلتقي.. في أي شي
فينا اختلاف.. فينا اختلاف
وللأسف هذي الحقيقة
|
10-08-10, 02:12 AM
جديد مواضيع قسم الشعر والشعراء
العرض الشجري
