كاتب الموضوع :
dali2000
المنتدى :
القصص المكتمله
امل وايمان وصلو المطار وامل جافت فيصل ويا ابوها كان بيغمى عليها من الخوف مسكت يد ايمان : امانو اكيد قال حق ابوي وخلاه يجوف الصور امانووو خلاص ابوي بيذبحني اليوم
ايمان : صلي على النبي وذكري ربج ويلا امشي
امل كانت ماسكه يد ايمان وكانت واقفه وراها ويبين عليها خايفه وفيصل واقف يم ابو امل ومبتسم
بو امل : هلا ببنتي شخبارج يبه
امل : بخير يبه
بو امل : شدعوه يبه 3 اشهر ماجفتج وماتضمين ابوج
امل حست بالحب اتجاه ابوها وراحت ضمته بكل قوتها وحست انها صغيره اهيا دلوعته
بو امل يشيل امل عن حضنه و يجوف ايمان : شلونج يبه ؟
ايمان : الحمدلله بخير عمي سيف
سيف ابو امل : اوه نسيت اعرفكم هاي ولدي فيصل
امل بقت عينها : شنووو ولدك ؟؟؟؟؟ يعني اخوووي ؟
سيف :ههههههههههه لا يابنيتي اهوه يشتغل معاي بالشركه وانا اعده ولدي
امل ارتاحت لانه تكره فيصل من قلبها : اهاا
سيف : يلا يبه امشو نركب السياره امل ركبت
فيصل كان يمشي ومشغل الاغنيه ويخز في امل وامل ميته خوف
تنتظر كلمة احبك .. شايفك مشغول فيها
كل شي في وقته حلو .. ليش مستعجل عليها ؟
بكره هـي اللي تجيكـ .. وتمر كل لحظه عليك
انت بس طول لي بالك .. وكل شي بوقته حلو
في ثواني في دقايق في شهر ولا سنه..
القلوب هي اللي تحكم ماهو انت او انــا
وينولد حبك وحبي واعشقك يا روحي قلبي
انته بس طول لي بالك وكل شي بوقته حلو ..
سيف : امووله شخبار لندن
امل : بخير يبه واايد حلووه
سيف : هاا وين تبين تروحين بعد
امل تجوف فيصل وبتحدي تهوس على اسنانها بقوه : باقعد بالبحين يبه
سيف يجوفها : هههههه غريبه ليش
امل : يبه ابي اغير شوي مو كله اسافر
سيف : اللي يريحج يبه ,, ( يلتفت على ايمان ) اماني يبه ترى ابوج في الشركه مشغول من جذي يت خذيتج
ايمان بحزن : لا عادي عمي
سيف يجوف ملامحها الحزينه : يابنيتي انا بعد ابوج ولا نسيتي
ايمان ابتسمت : عدل يبه
سيف : أي جذي سميني يبه مو عمي مو حلوه عليج عمي ههههه
ايمان : ههههه ان شااء الله
امل تمسك ايمان : بارتكب جريمه
ايمان تلتفت عليها بسرعه : هاااا
امل : جوفي نظراته والله يخوفني هالانسان
ايمان تجوف فيصل : اموول اذا رحنا البيت باقولج شي
امل : اوكي
يوسف : تذكرين امل
مروة عفست ويها : أي
يوسف : ماكان لها صديقه اسمها ايمان
مروة تذكر : امممممممممممم ايي
يوسف : اهيا اللي اتصلت لي وخبرتني عن خالد وامل
مروة فتحت عينها وانصدمت : كلمتها ؟؟؟؟؟؟ من وين لها رقمك ؟؟؟؟؟ وشعرفها فيك
يوسف يهديها : حبيبتي شوي شوي علي راح اجاوب على اسألتج كلمتها أي بس كل شي دار بينا بخصوص خالد وامل مافي شي ثاني صدقيني ومن وين لها رقمي اظن امل تعرف اشخاص واهمه عطوها رقمي وشعرفها فيني كنت انا وايمان وخالد وامل كلنا في جامعه وحده
مروة منصدمه لحين شلوون يوسف يكلم بنات غيرها وتوه يصارحه ؟؟؟: ومتى كلمتها
يوسف : يوم كنا بلندن
مروة :يعني استغليت وجودنا
يوسف : لا تفهميني غلط انا كنت اكلمها بس علشان احمي ولد عمي خالد من هالامل
مروة : ليش امل وحش ولا شنو
يوسف تنرفز من طريقت مروة معاه : لا مو وحش دراكولا
مروة سكتت ويوسف سكت خذ نفس : ومرة طلعت معاه
مروة بصدمه وبقلة حيله : لالا لا تقول عاد متى ؟
يوسف تنرفز من مروة ومن هالاسلوب اللي تستخدمه معاه : ابي وعد ماتقولين لدانة او أي احد شي
مروة بتجاهل : وعد تكلم انطق قوول
يوسف عصب : تكلمي عدل
مروة : وشلوون تبيني اكلمك ؟؟
يوسف : نفس الناس
مروة : سووري
يوسف يهدي روحه : لا اله الا الله
مروة : محمد رسول الله
يوسف يجوفها ويكمل : طلعت معاه مره بروحنا بس كلامنا كان كله بخصوص خالد اهيا خذت الصور من امل بالخش وعطتني اياهم لكن امل كانت مسويه كوبي لهم ومثل ماجفتي عطت دانة وصاارت ذيج المشكله
مروة تتجاهل يوسف تحس روحها كرهت هالانسان يخونها من وراها وقاعد يصارحهاو مايبيها تغير اسلوبها معاه : اخلص
يوسف : ومرة طلعت وبالصدفه جفت امل مع خالد وانا عصبت على خالد وبغيت اسطره بس امل مسكت يدي علـ...
مروة تقاطعه واهيا واصله حدها : خووووووش خووووش كملت
يوسف يوقف : مروة تكلمي عدل
مروة توقف : شلون تبيني اتكلم يعني
يوسف :تكلمي معاي مثل مروة اللي اعرفها انا ما اعرفج جذي
مروة بستحقار : خلاص اعرفك على روحي اسمي مروة و
يوسف عصب عدل وسطرها سطار خلاها تطيح على السوفا
مروة تصيح وتجوفه : تسطرني يا يوسف
يوسف حن قلبه عليها وقعد يجوف يده وخدها اللي صار احمر بسبب السطار القوي وبسرعه طلع برع مروة من كثر الصياح غمى عليها ومحد كان معاها بالغرفه
|
21-04-11, 07:10 AM
؟
جديد مواضيع قسم القصص المكتمله
العرض العادي
