لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 08-08-10, 07:25 AM   المشاركة رقم: 21
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,192
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

احمد رفع السرير شوي والتفت على بيان : الحمدلله على سلامتج



بيان تجوفه بعينه : الله يسلمك



احمد انحرج من نظرة بيان وظن نظرتهاله نظرة لوم : بيان انا انا اسف



بيان تقوم مرة وحده : وليش الاسف حبيبي كل اللي صار قسمه وقدر



احمد : بس نظرتج انتي قاعده تلوميني فيها



بيان : هههههه لحين ماعرفت حق نظراتي يا احمد



احمد يجوف السقف : ولا بعرف



بيان : هههههه أي صح احمد



احمد يجوفها بعينها نظرة العاشق



بيان بخجل من نظراته : اوهو لا تجوفني جذي ما زين نسيت اللي باقوله ههههه



احمد : لا حول ههههه ( جفها بنظرات عاديه ) كملي



بيان : تدري قال لي الدكتور انا بالشهر السابع مو الرابع مثل ماقالت لي الدكتوره



احمد قام بالقوه من مكانه ورجع لانه حس بألم فظيع في صدره : حللفي



بيان بخوف عليه : والله



عقب فترت صمت وبين الالم اللي قاعد يصيد احمد واحمد ساكت عنه



بيان : عمري شصار فيك ؟



احمد انقلب ويه من كثر الالم وسكت :....



بيان : احمد



احمد ساكت ويتألم :.....



بيان : لا حياه لمن تنادي



احمد طلعت منه كلمة : اااااااااااااه



بيان التفت له : احمد حبيبي شفيك



قامت من على السرير وراحت يمه : عمرري شفيك



احمد ماسك على صدره ويتألم وبيان خايفه عليه طقت الجرس ويات السستر ( مساعدت الممرضه اللي يلبسون ازرق هع )



السستر : خير ان شاء الله ( عنبوه قومي طقيهم بعد !!)



بيان : لا بس ( تجوف احمد )



السستر راحت صوب احمد وفتحت قميصه وبيان حست بغيره السستر حطت يدها على فمها : اووه



طلعت ونادت على الدكتور



الدكتور بسرعه راح لهم وخذ الابره حق الخياطه



احمد كان نازف والجرح متفتح والهوى يصيده والقميص اللي كان عليه شوي ضيج وضاغط من جذي حس بالالم القوي



الدكتور خيطه له : شتحس فيه



احمد متبنج بسبت الابره ومايدري شيقول : الياهل



الدكتور : أي ياهل



احمد : مادري



الدكتور ضحك لانه ماشه احمد عباله من صجه يتكلم واخر شي طلع بأثر البنج



طلع الدكتور من الغرفه وترك بيان واحمد

في لندن



يوسف: اقول خلوود



خالد ممبطح على الكرسي : قول



يوسف يتلفت يمين ويسار : جرب شوي



خالد راح صوبه : شفيك



يوسف : شسالفة امل ؟



خالد : بوو من زمان مادري عنها



يوسف : خالد ترى امل حالفه بتنتقم منك من جذي انا خربت شهر العسل مالي ويات لك



خالد تنرفز : ليش جايفني ياهل ما اعرف اتصرف



يوسف : مو جذي يا خالد بس



خالد يقاطعه عصب شوي : لا بس ولا تبسبست لو سمحت يوسف اذا كان هاي غرضك فالله معاك مشكور مو محتاج حق احد



يوسف حس انه خالد يطرده وعصب : انا ياي هني حقك يا الثور حق مصلحتك وانت قاعد وتطرد فيني لكن اذا صار لك شي لا اعرفك ولا تعرفني فاهم



خالد عصب اكثر : انا مو ياهل وانت مو مسؤول عني ومره ثانيه اقولك اذا ياي حق هاي السالفه الباب يوسع جمل



يوسف بصدمه : تطردني يا خالد !!



خالد حس بالذنب وهده شوي مسك كتف يوسف وقعده : يوسف اسمعني انا اعرف احل مشاكلي بروحي مو محتاج احد



يوسف لحين معصب : انت ثور غبي ( في هاي اللحظه مروة ودانة ياو على الصراخ ) ماتعرف امل شنو تبي امل يا الغبي ماخذه صورك وصورها وتبي تعطيها حق دانة افهم يا ريال افهم



خالد انصدم من كلام يوسف ودانة مثل الشي في باله ( صور !! صور شنو ؟وامل مره ثانيه!! )

مروة في بالها ( يمه اول مره اجوف يوسف معصب جذي )



وخالد في باله والصدمه على ويه ( معقوله امل بتعطي دانة الصور !! لالا يوسف يجذب بس لحظه يوسف مايجذب ليش يا امل ليش )



في هذي اللحظه انطق الباب والكل قعد على الكرسي بقوه ودانة راحت تفحه



دانة : منو ؟



الطرف الثاني : وحده



دانة بغباء : ومن هالوحده



امل بعصبيه : فتحي الباب باعطيج شغله



دانة فتحته لها وامل ببتسامه : شخبارج يا ( بكره ) دانة



دانة ابتسمت لها وكأنها نست كل اللي سوته فيها امل : بخير حبيبتي حياج



امل : لالا عاد جذي ما اقبل مطروده وتدخل ههههههه



دانة : لا حبيبتي مو مطروده



امل : على العموم انا يايبه لج شغله تحملي تراوين خالد اوكي



دانة تركب الافكار ( يعني يوسف الصور اللي قال لي عناه يمكن تكون في هذا الظرف ؟): وشنو هذا ؟



امل : اخذيها ويلا باي ياحلوه ايي صح دانة



دانة بهدوء : هلا



امل : قولي حق خالد اني اموووووووت فيه



دانة عصبت وسكرت الباب بالقوه



امل من وره الباب : ههههههههههههههههههههههههههههه يا حلوج ههههههههههههههه
__________________

عبدالرحمن : دكتور



الدكتور فيصل : هلا



عبدالرحمن : ممكن تقول لي شفيه ولدي



د.فيصل : الله يسلمك المريض صاده نزيف في الراس ونزيف صوب الصدر ويده انشقت بسبت شي حاد والقدم تفتت بس الحمدلله جمعناها والعمليه اللي سواها الطبيب له نجحت مع كل العمليات والخياطه الحمدلله سليمه بس احين خياطه وحده تفتحت بسبت السرعه اللي سوه فيها د. محمد بس الحمدلله ماصار الا الخير



عبدالرحمن : وشحال قدمه ؟



د.فيصل : انا ما اقول لك بتشفي عدل لحد احين مايبين بس اظنه حتى لو مشى بيبين اثر ومابيمشي عدل



عبدالرحمن بصدمه : حتى لو مشى ؟؟؟؟؟ ليش يعني في احتمال مايمشي ؟



د.فيصل ( اف شقلت انا ): لا اقصد يعني المريض بحاجه لتمارين للقدم واكيد بأذن الله بيقدر يمشي



عبدالرحمن : اهاا



مشى د. فيصل في الممر والافكار براسه تدور جاف العنود وكل شي طار من راسه نسى كل شي وتم يجوفها من بعيد ميزها عن الكل



العنود كانت لابسه برمودا وردي فاتح وتي شيرت بيضه وفيها حركات بالون الوردي الفاتح ولابسه جوتي (كرمكم الله ) وردي وصايره حلوه وناعمه وكانت ماسك سلاش في يدها ( يمدحون سلاش العسكري ^.^ هههههههه ) ( على فكره العنود مو متحجبه )



جافت د. فيصل واقف وقفت وقالت بتسلم عليه وفرصه تعطيه القميص اللي عطاها امس



العنود : د.فيصل



د.فيصل ياعيونه يا قلبه يا روحه امري انتي تدللي : هلا



العنود تبتسم : هذا قميص امس ومشكور ماقصرت



د.فيصل : افا ليش احين انا ماطالبتج ولا عايرتج فيه اخذيه يبه انا عطيتج عطيه والعطيه مايمنون فيها عدل



العنود ياربي شنو ذيه قطعه قطعه افف صبرني ياربي : هاا أي عدل كلامك مع السلاامه وشكراا



العنود راحت بسرعه صوب غرفة بيان واحمد



د.فيصل : والله انج حلوه



الممرضه : د. فيصل نحن هنا



د.فيصل انتبه لها : هلااا هلا فاطمه ههه لا بس اكلم روحي



الممرضه : هههههه المهم دكتور عندنا حالة المريض اذا تقدر تاخذها لانه دكتور محمد يقول عنده وةايد حالات



د.فيصل : جم رقم غرفته ؟



الممرضه : 6



د.فيصل يااسلام جمب غرفة المريض احمد يعني باجوفج يا العنود : اها اوكي بس حوليها لي



الممرضه : حاضر



مشى عنها الدكتور فيصل واهوه يفكر بالعنود اللي خذت عقله





دانة عصبت وسكرت الباب بالقوه



امل من وره الباب : ههههههههههههههههههههههههههههه يا حلوج ههههههههههههههه



دانة فضلت تخبي الظرف وراحت عندهم



خالد : من كان عند الباب



دانة اول مره بحياته بجذب : ياهل مضيع امه



خالد : اهاا



يوسف : عرفت احين ليش انا هني يا خالد



خالد : ايه



يوسف جاف ظرف ورا دانة وسكت علشان محد يشك

مريم يات تتحمد لهم بالسلامه وكان اخوها علي معاها ( رفيجت العنود اخت علي عرفتوها مو ؟ ^.^)



مريم تتصل للعنود : اقولج طلعي ... على الاقل انتي دخليني... لالا استحي ادخل بروحي.. انزين بانطرج ..باي

العنود تطلع لمريم والدكتور فيصل كان في ويها وبين طوله وعرضه بالنسبه لها العنود ابتسمت وراحت صوب مريم واخو مريم علي



العنود : حيااج مريوم



مريم : ويي استحي



العنود : من شنو محد فيه واذا عن احمدو عادي باسكر الستاره



مريم : اوكي



علي : شدعوه يا الحلوه ماتعطينا ويه



العنود اقتهرت من كلمة الحلوه : لو سمحت عدل الفاظك



مريم : اووش انتو الاثنين فضحتونا يلا عنودو خذيني داخل



علي يجوف السلاش اللي بيد العنود : اوه احبه عطيني



العنود : وخرر



علي : ههههههه



د. فيصل كان يجوف ملف ومتعمد واقف يم غرفة المريض اللي بجنب غرفة احمد وصادته حره وقهر وكره لعلي



العنود ماكنت تدري انه يجوفها لانه اول ما التفت كان منزل عينه بالملف اللي بيده



العنود سحبت مريم من يدها وابتسمت لدكتور فيصل بس استغربت بأنه ماعطاها ويه



علي جافها ابتسمت وحس بالغيره وبالكره لدكتور فيصل ( سبحان الله شعور متبادل هههههه )



مريم تحمدت على سلامة بيان وقدمت لها هديه بسبت السلامه وطلعت والعنود معاها

د.فيصل كان مشغول ويا الممرضه كانت تكلمه عن حالة مريض ومايدري في العنود


د.فيصل شسالفته مع العنود ؟

علي ليش يحس بالغيره من الدكتور فيصل ؟

العنود مو محدده موقفها بين د.فيصل ولا علي !!

احمد هل بيقدر يمشي ؟ او بيتم عاجز عن المشي طول عمره ؟؟

دانة ليش خبت الظرف ؟

يوسف ليش ماتكلم يوم جاف الظرف هل قرر يبتعد عن بنت عمه وما يحمي دانة وخالد من قهر امل ؟

خالد !! هل بيجرح امل ؟ ولا بيرضخ لها وبيرجع لحبها وبيترك دانة ؟

 
 

 

عرض البوم صور dali2000   رد مع اقتباس
قديم 08-08-10, 07:26 AM   المشاركة رقم: 22
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,192
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

علي جدم حق اخته لانه كان قاعد على احد الطاولات وتعمد يوقف يم د.فيصل



علي : ها مرايم خلصتي



مريم : ايي يلا مشينا ( تسلم على العنود وتبوسها ) بااي



العنود : الله معاج حبيبتي تعالي باجر



علي : ها يا العنيده وانا الله مو ويايي ؟



العنود : انت تنجب



علي : ههههههه حلوه منج الا عسل



مريم تسمت اخواه : اسكت انت



علي يبعث حق العنود بوسه بالهوى : باااي يا قمر



العنود اقتهرت : ســـــــخـــيـــــــف



د.فيصل اقتهر بعد من حركة علي من دون شعور : حـــده سخيف



العنود انتفضت والتفت وراها : د..د..دكتور فيصل



د.فيصل : هلاهلا العنود



العنود تجوف علي اللي مشى مع اخته مريم وتجوف د.فيصل



د.فيصل : استأذن منج



وراح للمريض علشان يعطيه الدوا



العنود واهيا تدخل : يعني كان يكلم علوي يقوله سخيف واي يعني منعجب فيني د.فيصل لا شاخربط انا هاي دكتور ينعجب في بنت لالا يمكن متزوج بعد لا مستحيل شكله حلو وصغير ويييي وانا شعلي منه ليش افكر فيه



بيان اللي كانت مع امها شيماء بالغرفه : عنيده شفيج



العنود : هههههه لا اكلم روحي



الام شيماء : وي بنتي ينت



العنود في بالها ( والله انا بنيت من هالدكتور واااي قمر الا قطعه جميييييييل وسييييييم ياارب شقاعده اقول استغفر الله ) : ههههه لا يمه انا بنتج مو مينونه



يوسف : مروي وينها دانة



مروة : في غرفتها



يوسف :وخالد ؟



مروة : اظنه طلع



يوسف : اهاا ,, انزين انا باطلع احين



مروة : وين



يوسف : اكتشف شوي



مروة : تاخذني معاك



يوسف : شفيج مروة تخلين دانة بروحها بالبيت ؟



مروة : أي صح اوكي الله معاك



يوسف طلع واتصل حق ايمان



يوسف : قوه



ايمان : هلا اخوي يقويك



يوسف: انا يت لندن بس اللي ابي اعرف وين تسكن امل ؟



ايمان ارتاحت يوم عرفت انه هاي يوسف: يوووسف الحق امل كانت متصله على خالد واظنها تبي تجوفه



يوسف: شنووووو ؟ وين تجوفه ؟



ايمان بعد تفكير : اظن في حديقة بوتنشيل الملكية



يوسف :اوكي يلا باي



ايمان : باي



دانة : خ .. خ .. خـالد هاي معقوله ؟؟؟؟ (بصراخ ) مـــــســــــتــــحـــيـــل هاي خالد ماغيره ياربي ليش جذي معقوله امل وخالد لهدرجه كان حبهم ؟؟

دانة تفتح ورقه كانت فيها كلمات اغنية وسيدي قعدت تقره الكلمات

تمنيتك تحس فيني ...
تناظر حبك بعيني ...
وتعرف كم انا احبك ...
وانت اشقد تعذبني ...
انا احبك انا اهواك ...
انا من قلبي اتمناك ...
وهل في يوم انا انساك ...
غرامك شمعة سنيني ...
تعال والمس احساسي ...
وهدي ثورة انفاسي ...
دخيلك حس يا قاسي ...
ترى قلبي يشقيني ...
لشوفك يا نظر عيني ...

دانة : هذا خط خالد ياربي ليش جذي انا حظي دايم طايح يارب صبرني



دانة راحت على اللابتوب وفتحت السيدي كانت الاغنيه وصور خالد واغنيه بصوت خالد وكانت هذي كلمات الاغنيه



احبك حب مالـه حـد احبك رغم هذاالبعـد
احبك لو يطول الصـد احبك مـوت يالغالـي
بدونك ضايـععمـري بدونك حايـراً امـري
وانا اتعذب ولاتـدري عن اللي صايـر بحالـي
رمتنـي قسـوةالايـام مابيـن الحـزن والألـم
اشوفك بـس بالاحـلام جنابـك دالـه وسالـي
همـومالوقـت تلعبـي ولأحـد واقفـاً جنبـي
واذا انت اقفيت عندربي ورحت تقول انامالـي
ياخوفـي بـستنسانـي وترافـق واحـداً ثانـي
واعيش العمروحدانـي يمـوت الحـب بالتالـي
انا برجـوكصارحنـي علامـك دوم ظالمـنـي
تـمـروماتكلمـنـي ولاتسأل عـن احوالـي
لأجل الحب انابرجـوك ترى العـذأل مايفـدوك
تعال النـاسلايغـروك تـرأ مازلتـي غـالـي


__________________

وسمعت دانه اغنيه بصوت امل تهديها لخالد

كل عذاب البيه منك
كل جروحي من ايديك
كرهتني بالمحبة الله لا يرضى عليك
كل عذاب البيه منك
كل جروحي من ايديك
كرهتني بالمحبة الله لا يرضى عليك


أنت الخيانة بدمك
ماتعرف الا تخون
عمر الوفى ما همك امنت بيك شلون
أنت الخيانة بدمك
ماتعرف الا تخون
عمر الوفى ما همك امنت بيك شلوون


وعدتني تكون ليا
تبقى ايدك بين ايديا
سلمتلك قلبي بيدي ما در يت تخون بيا
ياخسارة تعبي بيك
ولهفتي وخوفي عليك
جان حبي بقلبي عايش وانت موته بأيديك



أنت الخيانة بدمك
ما تعرف الا تخون
عمر الوفى ما همك
امنت بيك شلوون



أ،ت الخيانة بدمك
ما تعرف الا تخون
عمر الوفى ماهمك
امنت بيك شلون



كل عذاب البيه منك
كل جروحي من ايديك
كرهتني بالمحبة الله لا يرضى عليك



دانة جافت التاريخ : هذا التاريخ اللي اول مره جفت ايمان وامل ويوم امل تنصدم بخالد



دانة : مـــــــــو مــعـــــقـــــول



مروة دخلت على دانة بسبت الصراخ : دانوو شفيج



دانة تصيح صياح يقطع القلب



مروة : دانووو تكلمي لا تسكتين شفيج



دانة : تصدقين يا مروة كان يحبها وانا اللي خربت عليه انااااا خربت حيااة الكل اناا تعرفين انا وحده ما استاهل خالد مافي احد يستاهل خالد كثر امل



مروة مب عارفه السالفه وفي بالها ( من امل ؟ وشقاعده تقول دانو ؟ لا يكون اللي قالي عنها يوسف بالمطار ؟ لا حول ولا قوة الا بالله ): معليه حبيبتي هدي انتي شوي لا تصيحين والله تقطعين قلبي



دانة : مو قادره يا مروة مو قادره اااه ليش انا مبتلشه بهالحياه

مروة : لا تقولين جذي دانوو

مروة تحاول تتصل حق يوسف مافي ارسال واتصلت لخالد تلفونه مقفول


في هاي الوقت كانت حالة دانة مو احسن من حالة امل



امل : انت ماتفهم انا احبك



خالد : انا احب زوجتي



امل : جذااب انت تحبني انا



خالد :.......



امل والدموع تاره خدها وتصيح من قلب : خالد انا لحين احبك انت متزوج وهم انا احبك خالد انت تعرف معنى كلمة احبك تعرف يا خالد زين نقول انك ماتعرف خالد انا ( تشهق ) انا قلبي يتقطع ويرمي برماح وانت مو حاس



خالد : امل بس دانة بنت عمي واهيا يتيمه مو معقول اخليها بحالها



امل بعصبيه : شنو يعني هذي توقف بطريجنا هاليــتــيــمــه



يوسف وصل واول ماسمع امل تقول عن دانة اليتيمه عطاها سطار قوي خله خدها يحمر



خالد وقف وعصب: يوووسف



يوسف : صج انك جليل اصل يا خالد تارك زوجتك وياي ( بكل حقد وكراهيه يأشر على امل ) وياي حق هاذي



امل صادتهات حاله هستيريه : انا حبيبته مو هذي انا حبيبت خالد خالد لي وبس فـــــــــاهــم



يوسف :تنجبين خالد حق دانة وانتي مجرد نسمة هوى وبتنمحين اذا مو على يد خالد على يدي انا



خالد حس انه ضايع



امل بعصبيه : انت وبنت عمك وكل اللي يوقف بطريجي انا وخالد ماراح يحصل خير بينه فاااااااهم وخالد بيطلقها هذي اليتيمه



يوسف بيسطر امل سطار ثاني وخالد مسك يده : بــــــســــــك



يوسف : شنو راضي على اللي تقوله هاذي راضي تقول عن بنت عمك يتيمه



خالد: هااي الصج يا يوسف دانة يتيمه



يوسف انصدم : يعني انت ماخذ دانة مو حب لها لكن لانها يتيمه ؟



خالد : انا احب امل واموت فيها ودانة كسرت خاطري من جذي تزوجتها اهيا يتيمهع وقلت باحافظ عليها لانك انت ( بكل حقد وشوي خوف ) انت يا يوسف قلت لي انه امل ماتت جذبت علي ولعبة في افكاري وخليتني اخذ دانة لكن امل حبيبتي طلعت وانا راح اكون لها مو حق بنت عمك



يوسف حس روحه ضايع : خااااالد



خالد : خالد مات لا انت ولا ابوي بتردونه مثل قبل ابوي قصبني اتزوج دانة وانت قاعد تقصبني ادوس على نفسي وانسى حب عمري وحبي الاول امل علشان وحده يتيمه لا يات ولا راحت



يوسف فقد اعصابه لكن بنفس الوقت انكسر خاطره على ولد عمه خالد لانه كان يعرف شكثر خالد يحب امل : خالد اعقل



خالد : هههههههه ياحلوك وانت تقولها وشلون اعقل الميت يعقل يا ولد العم شلوون ؟



امل تمسك يد خالد وتديه : خالد حبيبي بس



خالد قعد على الكرسي وحط يده على راسه وصار شبه ميت قعد يصيح مثل الياهل على حاله وعلى حال امل وبنت عمه



امل مب عارفه شتسوي اهيا الموت ولا دموع خالد ضاعت خافت عليه وايد حست قلبه بيطيح يوم جافت دموعه



يوسف منصدم كل ذي فيك يا خالد وانت ساكت لحين تحب امل وتتهم بنت عمك انها خذتك منها افا يا خالد ماكان هاي العشم فيك



د.فيصل : الحمدلله مبرووووك ولدك راح يقدر يمشي وهذي اثباتات العلاج



عبدالرحمن بفرحه : والله ؟؟؟ بشرك الله بالخير يا دكتور



د.فيصل : ولو واجبنا

د.فيصل بحزن يخفيه : وان شاء الله جريب راح يترخص من المستشفى

عبدالرحمن بفرح : والله يا دكتور ما اعرف شاقولك وايد وقف ويانا

د.فيصل : لا تقول شي يا اخوي هاي واجبي


د.فيصل راح واهوه حزين اذا طلع احمد من المستشفى مابيقدر يجوف العنود مره ثانيه



عبدالرحمن راح بشر الاهل والكل استانس



حصه : فديتج بيووون متى بدخلين الشهر الثامن



بيان : وااي عقب اسبوعين هههههه سكتي حدي مستانسه ههههه



حصه تبتسم : ههههه والله انا بعد مستانسه بس تدري احس بشي قابضني في قلبي وكأنه صاير شي في دانو اختي



بيان تطمنها : ويي مو صاير الا الخير ماجفتي خالد شلون يحبها هههههه ما اظن يصير فيها شي



حصه تهدي من قلقها : ياارب احفظها ياااارب

حصه حاولت تتصل لدانة بس تلفون دانة كان يرن يرررن ومحد يشيله

حصه زاد خوفه بس بيان قعدت تهديها

ياترى شبيصير بين امل وخالد ويوسف .؟

اعترافات خالد قويه !! وصار بنفس الوقت نفس حال الميت جسد بلا روح

دانة شلون بتتقبل اللي جافته ؟؟

مروة حايره شبتسوي مع دانة اللي صارت شبه ميته وتحطمت كل احلامها

يوسف ياترى هل بيقدر يوقف هالمهزله عند حدها ؟

حصه باين انها حاسه في اختها بس شلون تعرف اللي يصير فيها ودانة ماتشيل التلفون ؟

احمد قدر يمشي لكن هل ياترى راح تجيه صدمه تقلب حياته ؟

العنود مع د.فيصل يوم عن يوم تقوى علاقتهم لكن الاثنين على بالهم حب من طرف واحد ومحد راضي ينزل عزته ويعترف لثاني هل خايفين لانه اول حب لهم اهمه الاثنين ؟

 
 

 

عرض البوم صور dali2000   رد مع اقتباس
قديم 08-08-10, 07:27 AM   المشاركة رقم: 23
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,192
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

العنود قاعده مع اختها ومضايقه



بيان لاحظتها : شفيج



العنود : ليش احمد بيطلع خل يقعد اكثر



بيان : بسم الله عليه لييش ههههههه د.فيصل هاا



العنود احمرت خدودها : هاا لا شسمه انزين باروح اشتري سلاش تبين



بيان : ههههههه أي ابي على فروت



العنود : اووكي



العنود راحت وشرت سلاش قعدت تدور في المستشفى ليما دار راسها ويأست قالت بترجع الغرفه



العنود توها بتدخل الغرفه جافت د.فيصل ابتسمت ووقفت لانه كان رايح لها



د.فيصل في باله ( مايصير لازم اتكلم ما اقدر اصبر او اسكت زياده باتكلم واللي فيها فيها )



العنود : هـ..هـ..هلا د.فيصل



د.فيصل : قولي فيصل



العنود استحت :ح..ح..حاضر



د.فيصل : العنود ممكن اتكلم معاج



العنود : أي ممكن



د.فيصل : عاد اهني



العنود تبتسم : اوكي خلنا نروح على البلكونه



د.فيصل :بلكونة غرفتي



العنود : هاا ليش



د.فيصل يبتسم : عيل تبين بلكونة غرفة اختج علشان تسطرنا وتطردنا



العنود : ههههههه لا ما بتسوي شي انزين مشينا



د.فيصل : تفضلي



العنود مشت جدام واهوه وراها



وصلو الغرفه العنود قعدت على الكرسي ود.فيصل وقف صوب الطاوله



حصه وصلت غرفة بيان : هااااااااااااااي



بيان : هايات هههههههه لي هالصراخ عبالج في البيت



حصه : بل فشلتيني



بيان : هههههه فديتج والله حياج



حصه : عندي لكم ضيف



بيان تجوف ورا حصه : مــن؟



سعد : تيييييييياه



بيان : وااااااي سعداااااوي حبيبي انت والله



سعد : خااااله



بيان : انا بيضه



سعد : خاااااله



بيان : انااا بيضه مو خاله يا الاسود



سعد يطلع لها لسانه : ويهج انا ابيض على امي يحصل لج



بيان : حصووو جوفي لسان ولدج شطول



حصه : ههههه عيب ماما عيب



سعد : ان ساء الله



بيان تسمت خدوها : ايه عليك خلاص انا حاجزتك حق بنتي الثانيه



سعد توه بيطبل على دبتها



حصه : ههههه لا سعداوي هني ياهل هههه لا تسوي جذي



بيان تمثل : اااه بطني خلاص انا باموت اشهد ان لا اله الا الله واشهد ان محمد رسول الله



حصه وسعد : هههههههههههههههههههههههه


في تركيا خالد قعد يجوف روحه بالشقه تذكر كل السالفه اللي صارت



راح خذ دووش سريع وطلع قال بيروح الفندق



مروة ودانة ويوسف كانو قاعدين بالصاله وياكلون سينابون رول



خالد جاف الباب مغفول قعد يطقه محد يرد



دانة : اناا بفتحه



دانة فتحت الباب وجافت خالد انصدمة من زمان ماجافته من زمان ماجافت ويه كل بنت تتمناه بس احين لا والف لا عقب اللي جفته مستحيل مستحيل ارد لك يا خالد

__________________

خالد كان واقف ومايل بجسمه وشكله يبين تعبان كان يجوف عين دانة وكأنه يكلمها بلغة العيون



دانة تلتفت الصوب الثاني : يوووسف



يوسف : هلا من عند الباب ... خـــالـــد



خالد نزل راسه



دانة مشت عن خالد واهوه كان يجوفها وكأنه يتوسل لها لا تروح بنظراته بس اهيا طنشت ومشت



يوسف : خالد شفيك



خالد : يوسف على ما اظن هذا الفندق فندقي



يوسف :حياك بس واللي يسلمك لا تجرب من دانة



خالد سكت عنه ومشى داخل الفندق قعد على الكرسي كان يبي يكلم دانة بس اهيا راحت الغرفه



دانة في الغرفه تصيح :مايصير يسوي فيني جذي انا احبه لكن ما احبه اهوه خاين حتى عقب الزواج يطلع معاها اوكي الماضي ونسيته بس لي يدخلها في مستقبلنا بعد



خالد يكلم يوسف : باروح غرفتي



يوسف : بس دانة هناك



خالد طنش كلام يوسف وراح لانه كان هدفه يجوف دانة ويعتذر منها



يوسف : ياخالد اعقل شبتسوي في البنت بعد



خالد دخل الغرفه وجاف دانة تصيح من قلب عوره قلبها عليه قعد يمها على السرير ويلعب بخصل شعرها الطويل



دانة كان ضنها انه هذي مروة ما توقعت خالد يدخل واهيا تصيح راحت بحضنه ولحين على باله مروة : تدرين مروو اانا ما اقدر اعيش معاه عقب اللي جفته تدرين احس انه انا مو مرغوب فيني بحياته انا والله والله لحين احبه بس من اجوفه اذكر ضحكات امل واكره ما اقدر اعيش مع انسان جذي حرام يسوي فيني جذي مروو تهقين اهوه يحبني مرووو تكلمي ( ترفع راسها وانصدمت بخالد )



خالد بحب وحنان يمسح على خدها : يحبج ويموت فيج



دانة : .......



خالد : دانة ما انكر اللي سويته غلط بس انا اختلط علي الماضي والحاضر يعني يا دانة الله يسامح اذا غلطنا انتي ماتسامحينا



دانة : عقب اللي جفته ( تشهق ) مستحيل اسامحك يا خالد حتى لو كنت احبك روح عني الله معاك



خالد عصب شوي : دانة مو انتي اللي تنهين كل شي بلحظه غضب



دانة : مو انت اللي فتحت الموضوع وخذتني لاني يتيمه خلاص يا خالد انا تعوديت على حيات اليتم بس واللي يسلمك انا ما ابي شي يخرب حياتك خالد انا احبك واتمنى لك الخير



خالد : لا تقولين جذي يا الغاليه ,, دانة الخير بحياتي بيكون وياج



دانة : الخير والحب وكل شي مع امل خالد روح ( تنزل دموعها بهدوء ) انا ما راح اعاتبك على شي انت تحب وحده ومن حقك وحقها تكون معاها بس انا مو من حقي شي ( تصيح ) ولا شي انا يتيمه وما استاهل شي



خالد : دانة لا تقولين هالحجي والله اني احبج يا بنت عمي ومستحيل اتركج



دانة تبتسم ابتسامه ميته : خالد انت ما جفت اللي جفته



خالد : شجفتي ؟



دانة تعطيه الظرف : تفضل ( وامطحت على السرير تصيح )



خالد فتح الظرف وانصدم من الصور والاغاني كل الاحلام والذكريات مال الجامعه اللي تجمعهم ميمعه في الظرف استغرب شلون امل تحط كلشي حتى الصور !!!



خالد يجوف دانة وفي باله ( والله يا دانة لو بنت غيرج من زمان قالت لي طلقني والله اج صبوره بس انا ماعرفت قدرج )



خالد : دانة اذا تأسفت تسامحيني



دانة تصيح



خالد : دانة صدقيني انا نادم



دانة تهدي روحها شوي



خالد : دانه انا احبج



دانة : خالد انا انا اكــرهــ ( نزلت راسها وصاحت



خالد : معقول تكرهيني يا دانة تكرهيني ؟؟



دانة تصيح : لالالا يا ولد عمي انا احبك



خالد يمسك يدها ويوقفها ودها الحمام غسل ويها وخلها تقعد على السرير : دانة احبج



دانة نزلت راسها



خالد حبها على راسها : دانة سامحيني انا غلطان واعترف



دانة ابتسمت



خالد : سامحتيني



دانة : سامحتك يا ولد عمي سامحتك

خالد طار وناسه : والله احبج يا الدانة



دانة استحت ونزلت راسها



خالد : دانة مو حلوه دايم نقعد في البيت وهاي شهر العسل قومي نطلع



دانة ابتسمت : اوكي



خالد : يوسف انا باطلع



يوسف :زين وينها دانة



خالد : بتطلع معاي



يوسف : شنو!! تراضيتو ؟



خالد ابتسم : ايه ليش في مانع



يوسف استانس لهم : لا والله تستاهلون بس يا خالد مو كل مره تسلم الجره



دانة كان في بالها ( اللي ماله اول ماله تالي يعني خالد اكيد راح يرجع بيوم للامل لكن قالت تطنش كل شي وتقطه وراها وتعيش يومها مع فارس احلامها خالد )

د.فيصل : العنود الصراحه وبدون لف ودوران انا منعجب فيج

العنود ابتسمت بس خابت ظنونها كلها ضنته يحبها

د.فيصل : العنود ( نزل الراسه بخجل ) انا احبج

العنود احمرت خدودها وحست روحها ضايعه تمنت توقف هالحظه بينهم بس لاحظت انه الدكتور اوه الثاني منحرج عرفت صفة الخجل فيه وابتسمت يحليله

د.فيصل : العنود اهوه حب من طرف واحد ؟

العنود ماقدرت تتكلم بس هزت راسها بـأنه (( لا ))

د.فيصل بسعاده : يعني تبادليني نفس الشعور

العنود تهز راسها بأنه (( اي ))

د.فيصل : عاد تكلمي

العنود بخجل : اي انا بعد

د.فيصل بمهاره: انتي شنو ؟

العنود ببراءه : انا نفسك الكلمة اللي قلتها لي من شوي

د.فيصل بغباء : كلمة قلتها من شوي وايد انا قلت فيج العنود خرفتي ؟

العنود ببراءه : انت مو قلت تحبني

د.فيصل : ايه

العنود ببراءه : اي انا بعد احبك

د.فيصل : واخيراااااااااا نطقتيها لالا يبي اليوم نذبح لنا ذبيحه

العنود : هههههههههههههههههههههه

خالد ودانة تصالو وتسامح خالد المغرور حق دانة لكن هل بيدوم هذا ؟

امل وينج يا امل عن هالبارت ؟ مالج حس ؟ معقوله تبتي وخلاص راح تخلين خالد ودانة يعيشون حياتهم ؟

يوسف ومروة يمكن يردون لشهر عسلهم ولا بيقعدون خوفاا ان امل اتيهم مره ثانيه ؟

العود ود.فيصل ايي يبه لعبها الفار والقطو وكونو حب ولكن هل بيخليهم قدرهم مع بعض ولا بيفرقهم .؟

 
 

 

عرض البوم صور dali2000   رد مع اقتباس
قديم 08-08-10, 07:28 AM   المشاركة رقم: 24
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,192
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

لقيت روحي .. بعدما انا لقيتك بعد اللقاء .. لا لا .. تغيبي
صعب علي ابقى وانا ما نسيتك احساسيكني بين ربعي غريبي

كل ما تبي من عمري ... انا عطيتك حتى الخفوق ينطق بكلمةحبيبي ..

ليت النجوم تقبلها مني ياليتك في كل فجر بقول يا شمس غيبي
كملي اصيح واقول ياني فديتك ماعاد شيء من نصيبي نصيبي

يا كل عمري لك .. بعهدوفيتك انتى حبيبي .. وباقي لي حبيبي

في هاجسي . وحلمي . ووهمي قليتك حتىالاماني في الامل لك تطيبي
ابد ما ظن اني في لحظه نسيتك وإن كان ذا ظني .. فالله حسيبي

وهاذي مناتي بعد ما انا لقيتك ابي حياتي .. تهتويني حبيبي



خالد كان يغنيها لدانة اللي كانت نايمه يجوف ملامحها ويغني بهدوء دانة كانت قاعده بس تسوي روحها نايمه خالد لبس تي شيرت وجينز ولبس عليهم جاكيت لانه الجو كان بارد داخل الفندق وبرع اكثر بروده

خالد : افف مافي امل تقعد شكله نومها ثقيل



طلع خالد ودانة نقزت من على السرير : اااااااه ياربي شنو ذي صوته رووعه



خالد حس بأنها قعدت لانه كان واقف يم الباب رد فتح الباب ويجوفها سيده شردة الحمام : هههههههه تسوين روحج راقده هاا هههههه



دانة خذت شور سريع ولبست جلابيه فاخره فيها الماس بأشكال وانواع, كان ابوها شاريها لها تذكرته يوم ايب لها طلعت من الحمام وراحت قعدت على طرف السرير ومرت الذكرى في بالها



عبدالعزيز : دندونه دندونه



دانة : هلا يبه



عبدالعزيز : فديتج والله هاي لج حبيبتي



دانة : بوو يبه هاي اهيا بتلبسني مو انا اللي بلبسها وايد فخمه



عبدالعزيز : هههههههه



دانة : مشكور يا الغالي ( حبته فوق راسه ) الله يخليك لي يا اغلى ابو في هالدنيا



عبدالعزيز يبتسم : العفو حبيبتي تستاهلين ,, ويخليج لي ولا يحرمني منج



دانة في هذي اللحظه ابتسمت الذكرى اللي كانت تجمعها بين ابوها شكثر كانت حلوه ومامرت ذكرى مع ابوها حزينه كانت دوم يا اهيا تضحك او ابوها او الاثنين مع بعض



دانة مسكت الجلابيه ومسكت الالماس ودموعها تنزل اربع اربع على خدها المورد مرت ذكره ابوها يوم كانت صغيره كانت وايد بريئه



دانة : بابا شنو هذا



عبدالعزيز : هذي فراشه حبيبتي



دانة : بابا ابيها لي وايد حلو لونها



عبدالعزيز : تبينها شرايج نسوي بستان ورد في الحديقه



دانة تناقز : اييه هياا بابا وايد حلو



عبدالعزيز : يبه الدانة قولي فكرة بابا وايد حلوه



دانة تمد بوزها : ....



عبدالعزيز : هههههه يالله امشي نزرع الورد مع بعض



دانة استانست : مشكوور يا احلى بابا في الدنيا احبك واااااايد قد السما



عبد العزيز يلعب بشعرها الطويل : ويخليج لي يا احلى دندونه في الدنيا وانا اموت فيج يابابا



دانة راحت يم المنظره وتنزل دموعها تحس روحها لحين ياهل تتمنى تكون في حظن ابوها وماتتركه لكن اهوه تركها في هالدنيا وخله اسمها يتيمه : لييييييش يا يبه لييش والله اني لحين احبك والله احبك يبه ارجع لي ليت دموعي ترجعك والله اصيح طول الدهر بس ترجع لحظه يا الغالي



في هاي اللحظه خالد دخل عليها وكانت ابتسامته شاقه حلجه جاف دانة وركض لها حتى نسى يصك الباب : داانة يبه شفيييييج تكلمي



دانة ماكانت تبي حظن خالد تعرف في قلبه حب ثاني كانت تبي حظن ابوها اللي يحميها من صغرها كانت تتمنى ابوها يرجع ويحظنه او تبوسه على راسه وتسأله اذا كان راضي عنها او لاء



خالد زاد خوفه لانه زادت دموع دانة : داااااانة تكملي شفيج



دانة تمسح دموعها بطراف يدها الناعمه: لالا ولا شي



خالد : ولا شي !!! وليش هالدموع ؟ عمري دانة تكلمي



دانة ماحبت تضايق خالد لانه جافت كان وايد مستانس قبل لا يطلع من الغرفه : خالد ولا شي واللي يسلمك خلني



خالد يمسك يدها واهيا تحاول تشيلها : هدني خاالد



خالد : مابهدج الا ليما تقولين لي شفيج



دانة : خ...خ..خــــالــد



وطاحت بحظنه تصيح وخالد حظنها بحب وحنان وقعد يمسح على شعرها يحسها طفله وضايعه دميتها تصيح وقاعده تصيح عليها

دانة في هالحظه اهيا بعد حست روحها ياهل وقامت عن خالد اللي حسه انها عرفت اللي يدور في باله :شفيج



دانة تمسح دموعها : لالا ولا شي ( تنزل راسها وبصوت هادي )اسفه خالد ضايقتك



خالد وكأنه اهوه بعد رجع ياهل لم دانة واهيا ردت تصيح واهوه يحس بحنان وحب اتجاها غريب ماحسه في امل كان يحس بطيبتها بس لكن ماكان يحس بهالاحاسيس اللي تتفجر داخله من يلمس ظفر من دانة



مروة اللي جافتهم استحت وراحت ركيض غرفتها واهيا تنافخ


__________________

في البحرين



د.فيصل تجرئ لاول مره ومسك يد العنود



بس العنود تتنرفز من هالحركات وطلعت من الغرفه واهيا معصبه بس ماقالت له شي



د.فيصل : يه انا شسويت توني مفسر لها حبي واروح اخربها صج اثول



العنود راحت حق اختها بيان وقالت لها اليوم بيرخصون احمد العنود حزنت لانها بتطلع واهيا معصبه وزعلانه على فيصل ( جوفوا صار فيصل احين بدل د.فيصل ^.^)



د.فيصل كان بنفسه يوقع على طلعت احمد من المستشفى وكأنه يوقع على فراقه مع حبيبته العنود حس الدنيا مو شايلته شلون اهوه بنفسه يوقع على فراقها يوقع على عدم جوفتها مره ثانيه لا مستحيل ما بيوقع



د.فيصل ضغط على يده وغمض عينه ووقع وعطاهم الورقه وراح بس في صوت خلاه يوقف



عبدالرحمن : مشكور يا اخوي ماقصرت والله



د.فيصل بضحكه مصطنعه على اللي فيه : العفو هاي واجبنا



والكل مشى والعنود معاهم ود.فيصل كان يجوفها بحب ولكن بحزن شلون تتركه وتمشي عقب ماحبها !! لا تروحين يا العنود دخيلج لا تروحين



العنود صارت اخر وحده لانها كانت تمشي بطيئ وقفت وتجوف الدكتور فيصل ونزلت دمعتها على رغم غضبها منه : مع السلامه يا فيصل



د.فيصل استانس لانه سمع اسمه دون دكتور بلسانه لكن حزن على الوداع اللي صار



العنود راحتت واهيا تجر الدموع اللي على خدها



د.فيصل استأذن وطلع تمنى يجوفها بس راحت خذ نص اليوم اجازه وراح الفلا اللي اهو البيت مالهم قعد على الاريكه وامه ياته



الام : فيصل حبيبي شفيك كأنك ياي من وقت



فيصل : لا يمه ولا شي



الام : تعلمني فيك قول يا وليدي



فيصل : يمه اللي قلت لج عنها احبها اليوم ترخص الموجود عندنا واهيا راحت ومابجوفها مره ثانيه يمه شوري علي شاسوي حتى قلت بلحقها ادل بيتهم ومالحقيت عليها يمه والله احس الدنيا ضايقه فيني



الام : اسمع يا ولدي لا تتكدر ولا تتزمر اذا كنتو تحبون بعض حب طاهر ومن قلبكم راح تلتقون صدقني



فيصل فاقد الام طفش وراح حب راسه امه ومشى



الام : فيصل فييصل



فيصل : هلا يمه



الام : ياوليدي اذا كنت تحبها هالكثر تقدر تاخذ رقم بيت المريض من الملف الخاص للمرضى



فيصل واهوه يرجع حق امه ركيض : والله ماخطر في بالي مشكوره يا الغاليه ( باسها على راسها وبيطلع )



الام : وين ؟



فيصل : بارد المستشفى



الام : هههههههههههههههه الله معاك





د.فيصل يمشي سرعه جنونيه وبكل فرح



وكان يفرر بالسيديات لين سمع اغنيه



رعش قلبي سحر عينك = وانا ما قدر على النسيان
ذكرت الله على زينك = يحفظك من حسد لعيان

إلى منك تخطيتي = ترى قلبي يسمي لك
وإذا عني تعديتي = لولا الخوف انادي لك

رعش قلبي ....

لشوفك شوقي يدفعني = لصوتك نفسي لو اسمع
كذا شيء عنك يمنعني = ولغير النظره ما اطمع

ترى عيني رأت حلوين = ومثلك في البشر نادر
في غاية روعة التكوين = هنيالك لها قادر

رعش قلبي ....

على كل البشر اغليك = وانا لك روح مرهونه
وإذا كان النظر يرضيك = عطاك العاشق عيونه

إذا غبتي عن عيوني = اعيش بحسرتي وينك
حياة من دونك و دوني = يباعد بيني و بينك



يوسف اللي كان يلبس التي شيرت : شفييج



مروة تنافخ : هه ولا شي هه



يوسف : مروووي



مروة لحين تحس روحها تعبانه : هلا



يوسف يصرخ في اذنها : احــــبــــــــج



مروة نقزت بس حست بشعور حلوو من زمان ماسمعت هالكلمة من يوسف تذكرت اخر مره سمعتها قبل مايوصلون لندن واهما عده لهم ثلاث ايام حست هالكلمه وحشتها واااايد

احمرت خدودها وسكتت



يوسف بنص عين : الله لنا



مروة : هههههههه انزين امش ننزل يمكن خلص الفلم الهندي



يوسف : أي فلم :؟



مروة : ههههههه ولا شي



عند امل تصيح بصياح يعور القلب



ايمان تهديها وتواسيها : بس يا امل والله ما اقوى اجوف دموعج تهدر جذي



امل : امانو حراام اخاف اخرب حياته والله اني احبه وما اقدر على بعده



ايمان : معليه حبيبتي ااذا كنتي تبين له الخير راح تبتعدين عنه



امل تذكرت تحديها لدانة : مستحيل ماراح اتنازل عن حبي الاول والاخير



ايمان : صلي على النبي وتعوذي من الشيطان



امل : اللهم صلي وسلم على سيدنا محمد وعلى اله اجمعين ( بقهر ) واعوذ بالله منج يا الابليسه يا دانة



خالد ودانة حبهم يزيد بكل لهفه وبكل لمه لبعضهم والكل يحس بشعور حلو اتجاه الثاني ويحسون روحهم يهال توهم



العنود ودكتور فيصل بيفترقون ؟ ولا بيرجع حبهم ؟



امل ممكن ترجع لطبيعتها حبها لخالد ؟ او يمكن تبتعد ؟



مروة ويوسف ؟ الله الله على الحب لكن هل يمكن يتغير ويزول ؟ الله لا يقوله ^.^

 
 

 

عرض البوم صور dali2000   رد مع اقتباس
قديم 08-08-10, 07:29 AM   المشاركة رقم: 25
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,192
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

العنود تكلم مريم في التلقون : مريووم تدرين هههههههه باروح المستشفى يزعم مريضه شراايج



علي رجع للبيت ووقف شوي بعيد عن مريم علشان يعطيها حريتها تتكلم في التلفون قلبه حس انه اللي تكلمها اخته العنود يجرب شوي شوي



مريم : واااي يا اخوي طاح حظك اقول هههههههههههههههههههههههه



علي في باله ( ليييييش ؟؟؟ )



العنود : جبي انتي تعرفيني اعتبر اخوج مثل اخوي



مريم : يااااااإلهي انه حب(ن) من طرف(ن) واحد(ن)



علي حس اخته تتكلم عنه ونزل راسه بيأس وحزن



العنود : هههههه شهاللغه



مريم تتكلم ولا تدري عن اخوها : ويييييي لغة معلمة العربي



العنود : وعيييييي سكتي سكتي خلينا شوي في البريك نستانس



مريم : هههههههههههههههه



العنود : يلا حبيبتي باخلي الدريول يمر عليج اوكي



مريم : اووكي



العنود : لج 5 دقايق



مريم : ههههههه ويهج هههههه يلا باي



العنود : هههههه باي



حصه كانت قاعده مع اهل زوجها زايرتهم



ام حمد : ها يابنيتي شخبارج عسى ماشر صرنا مانجوفج وايد



حصه : ماشر يمه بس خبرج ولد عمي وبنت عمي كانو بالمستشفى وكنت دوم ازورهم وسعداوي ياايبه معاي او مع حمد او ايكم علشان ماتقلون عنه قاطع ههه



سعد ياي ركيض حق ام حمد : ديده سوفي يهال وايد كله يسون لي دح انا ابي اسوي لهم دح يسيحون ساسوي ؟ ( الترجمه ^.^ديده >>يسمي ام حمد لانها يدته ,, شوفي اليهال وايد كله يطقوني انا ابي اطقهم يصيحون شاسوي ؟



ام حمد : فديتك يا دلوع يديده انت قول لهم الله يسامحكم



حمد واهوه ياي : لا سعود عطهم كف وسطار وارفسهم وتعال ركيض اوكي



سعد واهوه ضايع مايدري شالحل يسمع كلام ابوه ولا يدته



ام حمد تكلم حمد : يمه حمد شهالاسلوب اللي تعلم فيه الياهل

سعد يرفع التي شيرت ويراوي يدته عظلاته ( هههههههه )



سعد : انا كبير مو ياهل سفيج ديده



ام حمد : ربي يخلي لك هالعظلات خشهم خشهم لا احد يجوفهم يحسدك



سعد بسرعه ينزل التي شيرت ويدور : مافي احد لا تحافين



ام حمد : هههههههه انزين مابخاف



سعد راح وطق اليهال وعفس حالهم وعقب قال لهم الله يسامحكم وشرد عند امه حصه



حصه : شسويت فيهم



سعد يمثل على ابوه ويطقه ويرفسه وعقب عفس ملامح ويه : الله يسامحك



وراح حق امه : شذي



حصه : هههههههههههه فديت برائتك والله



حمد : يلا حصه نمشي



حصه : اممم اوكي يلا



حصه وحمد مشو وودو سعد السيف وخلوه يلعب بالالعاب



امل واهيا تصيح بالغرفه تسمع اغنية



تصوروني الناس أغني وآني من الداخل مجروح
روحي مثل الطير ترفرف شي رقص الطير المذبوح
الألم.. الحزن .. العذاب .. والجروح
تظلم لو ترحم يا زمن ما عاد يأثر بيه
إذا أغلى الناس خانوا ش تعوض إنت ليه
صدقني ظلمك يا زمن أهون إلي من جروحي

ع الأقل ظلمك ينسي وما يظل يعذب روحي
ضيعتني يا صديقي وظلمتني وجرحتني
وظلمت روحك وروحي وضيعت مني الأمان
إذا أنت بيه تغدر بعد ش يسوي الغريب
صديقي وجرحي منك وأني لجروحك طبيب



امل خذت نفس قويه : اااااااااااااااااه خنتني يا بعد عمري يا خالد بس بعد احبك ااااااااه يااارب صبرني



ايمان اللي واقفه على باب غرفة امل وتسمعها شلون تصيح عورها قلبها على رفيجت طفولتها ومرت ذكرى امل الصغيره والبريئه في بالها



ايمان كانت تصيح



امل : امانو لا تصيحين راح ايب لج حلاوه نفس لا تصيحين ما احب اجوف دموعج او دموع أي انسان ترى بصيح وياج



ايمان : ابـــــــي حلاوتي



امل راحت ركيض البراده وشرت 5 حلويات بنفس النوع اللي تبيها ايمان بفلوسها وراحت تركض لها : جوفي امانوو يبت لج الحلاوه



ايمان : ابي حلاوتي اللي باقوه مالي شغل



امل بترفيه لها : ايييي انتي لحين صغيره ماتشتغلين ههههههههههه



ايمان عصبت وطقت امل على راسها وامل نزلت دمعتها لكن سكتت : امانوو اسفه



ايمان راحت ولمتها وخذت الحلاوه وركضت



امل : تعالي باكل وياج



ايمان : مابي انتي شريتيه لي



امل : عليج بالعافيه ماابي بس لا تصيحين



ايمان راحت وقعدت مع امل وقعدو ياكلون ويا بعض



ايمان نزلت دمعتها يوم مرت هالذكرى في بالها كانو ياكلون ويشربون مع بعض واهمه الثنتين يهتمون ويربون بعض رغم انه عندهم اهل بس اهلهم دوم يسافرون ويخلونهم مع بعض يعني بالاصح هاملينهم



ايمان ماقدرت تقاوم نفسها وراحت للامل ضمتها وقعدت تصيح معاها



امل : امانوو قومي لا تصيحين شفيج



ايمان تذكر الطفوله كانت نفس هالكلمه تقولها امل لها قبل : امووول اتذكر طفولتنا



امل تنهدت : يااااليتها ترجع



ايمان تضم رفيجتها وامل تضمها واثنينهم يصيحون



العنود راحت المستفى وقالت يزعم راسها بس قالت لها مريم انه اهيا فيها صداع نصفي فخل تصير اهيا المريضه والعنود وافقة



راحو وكان الوقت عصر العنود جافت واحد بس كان ماعطها ظهره ويجوف اوراق الملف قلبه حس انه هذا د.فيصل وقفت وتجمدت مكانها



مريم : هييي تحركي



العنود : مريووم احس هاي اهوه



مريم : نطري باروح اطل ف يويه وبارجع



العنود تسبحها : هيييي تحملي



مريم : انزين



وقفو تقريبا ربع ساعه والدكتور فيصل ماعطهم ظهره



لف وكان حده مستانس لقى العنوان والارقام حق ابو بيان يعني ابو العنود لكن انصدم يوم جاف العنود في ويه قط كل شي في يده وتم يجوفها



في هالوقت المشاعر كانت تتحرك بين الطرفين



بس مريم ماحبت الحركه لانه جدام الكل



خذت العنود ونغزة دكتور فيصل يعني تعاال



واهوه خذ الاوراق ويات الممرضة فاطمة وقعدت تشيلهم معاه هدهم عليها وراح استأذن وطلع



العنود ومريم عند موقف السيارات العنود : يمه جفتي شلون انصدم احس الدم وقف في راسه هههههه



د.فيصل من وراها : أي والله وقف براسي



العنود تلتفت وتفشلت من قلب على كلامها



د.فيصل: العنود



مريم مشت شوي بعيد عنهم



العنود تجوف عينه ونزلت عينها : هـ..هـ... هلاا



د.فيصل ابتسم : ممكن اسمع اسمي منج



العنود : اكيد دكتور فيصل



د.فيصل : لالا شنو دكتور فيصل



العنود بخجل : فيصل



فيصل : ايه احين عدل



العنود استحت حييل من نظراته اللي اتيها كأنها رمح في الصميم ( خوش تعبير ههههههههههه



فيصل بهدوء وبحنان ودفى بصوته : العنود وحشتيني



العنود سكتت لانه شعور متبادل



فيصل : هههه تدرين رجعت الدوام اخذ رقم ابوج



العنود فتحت عينها : لييييييش



فيصل : العنود انا من صجي يوم قلت لج احبج ماكنت العب عليج وراح اخطبج من ابوج



العنود كانت رافضه فكرت الزواج نهائياا وحتى على الدكتور فيصل اللي تحبه
__________________

دانة اللي قعدت من النوم جافت انه خالد لحين ضامها استحت وابتعدت عنه وراحت خذت شور ولبست بدي كم طويل لونه ابيض وفيها تطريز وبنت تهدي ورد ولبست جينز ونزلت الصاله جافت يوسف ومروة



يوسف يمد يده حق دانة ومروة بعد





دانة : شفيكم ؟؟؟



يوسف ومروة مع بعض : نبي ورد



دانة تجوف البدي : هههههههههههههههههههههه



يوسف ومروة : هههههههههههههه



خالد قام وخذ شور ولبس جينز مايل لرصاصي وقميص رصاصي قال اذا بيطلعون بيبدل وبيلبس جاكيت ونزل لها واهوه حالق ومسوي ***وكه وطالع رووووووووعه ونزل



جاف يوسف ومروة ودانة كلهم بالمطبخ : شسالفه ؟؟



راح لهم :شفيكم كلكم في المطبخ ؟



يوسف : خلود احلف هاي انت



خالد يماشيه : والله



يوسف : لا ما اصدق فيك شي متغير



دانة جافت خالد بس بنظره وعرفت انها ال***وكه : بهدوء حالق ومسوي ***وكه



يوسف : اااااااه انا سنه اجوفه وانتي بنظره بس شالسر ؟



خالد يروح يم دانة ويبوس خدها : والله حبيبتي وتعرفني



يوسف يمسك مروة وطلع : احنا طالعين هاا خلكم انتو في البيت



خالد : اصلن احنا بعد بنطلع



دانة تجوف خالد ؟؟؟ ماخبرها ؟؟



يوسف : ههههه كله يقلد انزين يلا سلااام



خالد : يسلمك



راح يوسف مع مروة ولبس جينز ازرق مع بلوزه بيضه عليها يد تعطي بكس ولبس جاكيت وخله اليد تبين وراح خله شعره منثور لانه كان طولان وماعرف يسوي فيه قال بيحط جل شوي خله جل ووقفه شوي من الاطراف والباقي خلاه منثور لانه مبتل بالماي فصاير رووعه



ومروة لبست بلوزه حمره مع جينز اسود وفيهم شوي تطريز على ورد وكانت ناعمه حيييل فتحت كب الشيلات وطلعت يله نااعمه حمره وفيها تطريز على ورد لمت شعرها القصير الناعم والغليض وحطت ربطه وخلت الشيله وصارت حلووه



يوسف : ياويل قلبي من هالحمر



مروة ابتسمت بخجل



يوسف : مشينا حبي



مروة : يلا



يوسف راح مع مروة بالتاكسي حق Regent Park وكانو يمشون يد بيد وانعجبو بالمناظر كانت الالوان كلها ورديه وخضره واندهشو من الاشكال الغريبه والحلوه الموجوده فيها



خالد : دندون خلنا نطلع



دانة : اووكي دقايق واجهز



خالد راح وخله الجينز المايل لرصاصي ولبس بلوزه بيضه على كتابه بالحركات ولبس جاكيت ورش من العطر اللي تحبه دانة black ووقف يحرك في شعره : يبيله قص



دانة لبست تي شيرت ورديه مع جاكيت الى الركبه وردي فوشي ولبست جينز اسود وفيه وردي وحطت قبعه علشان تخش شعرها بدل الشيله



خالد : وين الشيله ؟



دانة : حطيت قبعه بدلها



خالد يجرب منها : بس انا اغار جذي



دانة : خاالد عااد محد بيحط باله لناا هني



خالد : اوكي بس اخر مره



دانة : هههه ان شاء الله



خالد راح مع دانة Piccadilly Circus وقعدو يجوفون المناطق والاكتشافات بلندن وخالد كان جايب كاميرا معاه وقعد يصور دانة من دون ماتدري عنه



دانة تلتفت له واهوه صورها وبلغلط خلاه فلاش دانة بسرعه سكرت عينها : خاااااااالد



خالد يضحك لها ويجوف صورتها صايره رووووعه وكأنها طفله صغيره ملامحها بريئه وحلووه



خالد : جوفي روحج كلج ياهل



دانة ما تحب احد يقول لها جذي سكتت ومشت



خالد : دندون شرايج نروح للبحر



دانة :........



خالد يمسك يدها ويشبكها بيده ويلعب بصابعها : الحلووه زعلااانه من يرااضيها



دانة تشيل يدها وخالد انحرج من هالحركه وشوي تنرفز ( يه احين زوجتي وحرام ايود يدها شفيها ذي صج ياهل )



دانة شالت يدها من خالد لانها ماتبي خالد ينزل عزته ويراضيها تعرفه مغرور واكره شي عنده يراضي احد



(( جفتوو يا جمااعه اهيا تفكر فيه واهوه يقول عنها ياهل يبيله شكوه امشوو اشتكو معاي ههههههههههه ))



المهم



دانة وخالد راحو London Eye وخالد ركب اهوه ودانة



دانة تصرخ من الخوف : يـــــــــــــمـــــــــــه



خالد يماشيها : يــــــــبـــــــه



دانة تمسك خالد وتحط ويها على صدره واهيا خايفه من هالعبه



خالد استانس على الحركه وقعد يوزع ابتسامات رضى عليها كل دقيقه ودانة ماتدري شالسبب



نزلو من اللعبه ودانة داير راسها خالد قعدها على الكرسي وشره ماي كته على ويها وعطاها تشرب



دانة : يمه كانت تخرع



خالد يكابر : ماتخرع بس انتي ياهل وتخافين



دانة الدموع انحبست بعينها ماتحب احد يقول لها يااهل الموت ولا يقولون لها هالكلمه



خالد ماحس فيها : امشي نروح على البحر



دانة مشت معاه دون ماتتكلم وخالد رد وشبك يده بيدها وقعد يلعب بصابعها واهيا ساكته لكن من داخلها هيهات تسكت كانت تقول ( قووم عني قووم ما ابيك يااربي ليش ماخذه لي واحد مغرور لييش انت عديم احساس ااه منك )



دانة وخالد يمشون على البحر والرومنسيه في كل مكان كل مايمشون يجوفون وحده مع واحد والرومنسيه تبتدي بينهم الا اهمه



خالد يجوف دانة



دانة في بالها ( ياااربي لا يكون بيسوي فيني نفس ذيلن لا عااد خالد والله استحي )



خالد شال دانة وحطها باعدال في البحر وتعلوزت كلها



دانة : خااااااالد تكفى لالالالالا



عقب دقيقه : الالالاي الماي مو بارد الا عجيب هههههه



خالد : اذا جذي السالفه ( شالها من البحر وصار ويه في ويها وكان جريب حيل منها خالد تونس على الحركه وماتمنه يوخر عنها ودانة حدهاااا مستحيه وتتنفس بصعوبه )



خالد ابتسم وحس بخوفها نزلها على الارض وسكت عنها وفي باله ( ماشاء الله وايد حلوه وعينها هالعسليه ذبحتني شنو ذي اية جمال والله توني منتبه لكل هالجمال الربااني )



دانة ( الحمدلله نزلني والله كنت بموت من الفشيله )



شبيصير للعنود ود.فيصل هل بياخذون بعض؟ ولا علي بيوقف في طريقهم ؟


خالد ودانة ياليت هالحب يستمر لنهاية القصه لكن وين تونا في بدايتها !! ؟

يوسف ومروة حبهم يزيد

ايمان ينكسر قلبها على رفيجت طفولتها هل بتنحني وبتوقف في ويه دانة مع رفيجتها امل ؟ ولا بتهديها ؟

 
 

 

عرض البوم صور dali2000   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الزمن يكسر غرورك للكاتبة : دانة الكون, الزمن يكسر غرورك ، للكاتبة دانة الكون, القسم العام للروايات, شبكة ليلاس الثقافية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:08 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية