لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-04-11, 07:23 AM   المشاركة رقم: 51
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

العنود دخلت مع فيصل الفندق واهيا تحس الانظار اللي بالفندق كله عليها: فــيصل



فيصل يلتفت عليها : امري



العنود : ليش الكل يجوفني



فيصل بغيره : وانتي ليش ماتحطين الغشوه على ويهج



العنود : ماحب البس غشوه



فيصل : عيل استحملي



العنود وفيصل كانو داخلين الفندق وعلي كان طالع العنود ماجافته بس فيصل جافه عطاه نظره ومشى بس علي تم واقف وكانه صابين ماي بارد عليه تم واقف مده وعقب التفت جافهم ركبو الفت : لا العنود !!!!!



نزلت دمعته غصب وبسرعه راح السياره وقعد يمشي بسرعه جنونيه



فيصل : انا الهويه مالتي كلها عدله مع البيانات بس الاسم مستعار مثل ماتقولون



سيف واهوه يجوفه : كمل



فيصل يبلع ريجه : انا امي تبرت مني من يوم كنت صغير وابوي توفى بحادث



ناصر مصدوم معقوله ام تتبرى من ولدها ؟ : .......



فيصل : امي كانت تحب تمشي كلمتها على اللي بالبيت كامل وانا ماحب احد يتسلط علي قمت اعاندها واسوي اشياء اهيا ماترضى فيها وهاي السبب اللي خلاها تتبره مني



سيف وناصر بس يجوفونه :......





فيصل يكمل : انا كنت ضايع بس لقاني واحد وقلت له مشكلتي وقلت له اني ابي اغير اسمي علشان امي ماتدور علي بس المعلومات قالي صعب اغيرها فخليتها بس للاسف امي ماذكرتني ولا حتى حاولت تدورني وهاي الشخص اهوه انت يا عمي سيف



سيف ابتسم :.....



ايمان كانت نازله في هالوقت علشان تاخذ كاس ماي وجافتهم مجتمعين صادها فضول فتحت الباب شوي وقعدت تسمع بس محد لاحظها



فيصل ياخذ نفس : تربيت بين يدك يا عمي وكبرتني كنت كل يوم اصحى وانام واحس في اسماعي صراخ امي على اختي الاصغر مني كانت اكثر وحده بالبيت مظلومه لانها البنت الوحيده كانت دايم بالليل تصرخ وتصيح بس محد يسمعها غيري لاني اروح جنب غرفتها واقعد اواسيها بس ماقدر ادخل لانه امي كانت تغفل عليها الباب



ايمان مصدومه ودموعها تنزل على خدها :.....



ناصر فاج حلجه ومبطل عينه وسيف مندمج بالسالفه ويحدق بفيصل :...........



فيصل : عمي مثل ماتدري انا احين ابي اغير بياناتي وارجع اسمي وكل شي يخصني مابي اغير ويتهموني اني انا مابي اهلي عمي ابي اسمي يرجع

سيف : ان شاء الله يا حبيبي حصل خير



ناصر : أي اسم ؟



فيصل: اسمي الصجي فهد مب فيصل اللي الكل يضنه



ايمان تسندت على الباب وتفتح الباب وكلهم التفتو عليها



دانة صحت من النوم وجافت خالد حاط يدينه ببعض وقعضض في اظافره وكأنه يحاتي شي واهيا خلاص عندها عادي وجوده بحياتها والعدم دامه يبيعني برخص التراب علشانها خلاص انتهيت من حياتي يا خالد



خالد اول ماجافها راح لها بسرعه وقعد على ركبته اهيا ماتبي تسمع منه ولا شي غطت ويها وصدت عنه واهوه حس انه ضايع دانة تعامله جذي وبسبت من امل !! لالازم اتصرف انا



راح لها الصوب الثاني : دانة



دانة : شتبي بعد ياي تكمل علي خلاص خلني



خالد بحزن : دانة صدقيني فهمتي غلط



دانة تقوم عنه : اللي عرفته انك شريتني بالغالي لكنك بعتني برخص التراب



خالد : لا يـــا دانـــة لا تفسرين الامـ



دانة سكرت باب الحمام ( كرمكم الله )



خالد : لا حولو لاقوة الا بالله رضيتي احين يا امل



دانة سمعت اسم امل وصاحت : حتى واهوه معاي يذكر اسمها ياااربي ليش انا حظيي دووم عاثر ااه ياربي ساعدني وخلصني من خالد



سيف: امان يبه شفيج ؟؟؟؟



ايمان تصيح وتجوف فيصل : ...........



فيصل مستغرب من هالانسانه وايد تاخذ من اخته بس مستحيل تكون اخته لانه اهوه تركهم واكيد اهيا تغيرت :...



ايمان : فهد



فيصل يجوفها : امري



ايمان تجوفه : انت فهد اخوي



الكل انصدم شقاعده تقول ايمان ؟





فيصل : .............



ايمان : لا ماصدق انت اخوي !!!!!!!



فيصل مايعرف شيسوي او شيقول او حتى شيبرر مايعرف الا السكوت في هالحظه



ايمان توقف وتجرب صوب فيصل وتلتفت على ناصر : هذا اللي قلت لك عنه شخص غالي بحياتي



ناصر : يعني تقصدين اخوج ؟



ايمان تبتسم : أي



ناصر ارتاح اكثر



مع الاثباتات اللي صارت بالمحكمه والتعديلات بان انه فيصل اهوه فهد واهوه اخو ايمان وجاسم واهوه اكبرو احد من اخوانه



ايمان تلم فهد اللي اهوه فيصل : ماصدق يا اخوي اخيرا لقيتك



فيصل : سبحان الله جمعنا مره ثانيه



ايمان تبتسم



فيصل : هههههه اذكر يوم نشرد من البيت هههه



ايمان : ههههههههههه عاد الجلاب صادونا



سيف وناصر مرتاحين حيل لانه صار اللي في بالهم سيف كان يدري انه ايمان اخت فيصل ويدري بسر ثاني بعد بس مايبي يخرب فرحتهم ويقوله لهم



ايمان : فهد وين ابوي ؟ دورته ومالقيته



فهد ينزل راسه : ابوي مات



ايمان توقف :شنوو ؟



فهد : هاي اللي صار توفى بحادث وكان ( ياخذ نفس ويبلع ريجه ) سكران



ايمان : لا حول ولا قوة الا بالله



فهد يلطف الجو : شرايج نتصل حق جسووم



ايمان استانست : اييه وحشني



فهد يتصل لجاسم ويقلبه ( سبيكر )



جاسم رد على التلفون بدون لا يجوف الرقم ويبين صوته تعبان : ألو





فهد : قووه يا الجسمي



جاسم وكأنه الطفله ترد بعينه محد يسميه هالاسم الا اخوه اخوه فهد : فـــــــهــــــد .!!!



فهد يضحك : هههههه أي الا ناسيني

 
 

 

عرض البوم صور ♫ معزوفة حنين ♫   رد مع اقتباس
قديم 21-04-11, 07:24 AM   المشاركة رقم: 52
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 



جاسم يوقف : ماتصدق يا اخوي شكث مشتاق لك ( تذكر اخته ) بس عندي خبر مب حلو



فهد : وشنو اهوه ؟



جاسم : امي مثل ماتبرت منك تبرت من اختي امان ومادري وين راحت اظن مع واحد اسمه سيف



فهد يبتسم: اختك معاي واهيا مشتاقه لك



جاسم والفرحه مو سايعته : والله وينهاا اقول فهوود ليش ماتمرني



فهد : ههههه غالي والطلب رخيص وينك انت



جاسم : ههههههههه ويني بعد في الديوانيه من صغري وانا اهني ماغيرنا شي فيها كل شي مركب على ذوقك



فهد : الله صج ذكريات خلاص يايك احين



فيصل استأذن وخذ ايمان معاه وراحو لجاسم



اخيرا تجمع لقاء الاخوان من يديد السوالف خذت كل وقتهم حتى انهم نسو يرجعون البيت مانتبهو للوقت الا ليما انتصلت امهم حق جاسم



جاسم بتردد : هاي امي ارد او لاء ؟

فهد يبتسم : رد حبيبي



جاسم : هلا يمه



الام : وينك فهد لي هالحزه ؟



جاسم يجوف الساعه : اوه الساعه 7 الصبح !!



الام : ايه بس وينك



جاسم : انا ( يجوف فهد و ايمان وياخذ نفس ) مع اخواني



الام ضنت انه معا ايمان : رحت لها جليلة الحيا اللي ماتسمع كلامي



جاسم يقط التلفونه على فهد بحزن واهوه مشتاق لكلمة يمه بس لسانه يعز يقولها : هـ..هــ .. هلا



الام تبنجت ولدها حشاشة يوفها فهد ؟؟ يكلمها ؟ : فــهــد !!



فهد : فهد الاصلي مب فيصل



الام دمعة عينها : فهد يمه وينك ؟؟



فهد : ماعدتي امي



الام بصدمه : انت شتخربط



فهد : وينج يوم كنت محتاجج ؟ وينج يوم قطيتيني في الشارع وانا الاحقج اناديج يمه وانتي تتبرين عني جدام الناس كل ما اقول يمه تقولين روح ماعرفك وينج ذيج الحزه يا ( كان يبي يقول يمه بس ماقدر ) يا هيا



الام هيا : فهد يمه لا تقول جذي كل ذاك ماضي



فهد يبتسم ابتسامة سخريه : ماضي وصار يتجدد جدديتيه بأختي بدال لا تعتنين فيها طرديتيها من بيتج ونسيتي انها بنت خليتيها تسكن في بيت ريال غريب أي امومه اللي تتكلمين عنها



جاسم نزلت دمعته من كلام اخوه وايمان بعد



الام وكأنها تترجى : واللي يسلمك يا ولدي خلنا ننسى الماضي ونرجع مثل قبل



فهد : اسف .,, اللي هدمتيه مابيرجع وينبني على حسابنا ,, مع السلامه



الام : فــهــد



فهد حس انه عيب يصك التلفون في ويها : فهد ؟ أي فهد اللي تتكلمين عنه ؟ فهد اللي تركتيه وسط الناس ضايع ؟ ولا فهد اللي حرمتيه من حنان الام بصغره ؟ و فهد اللي ذبحتيه بكلمة ( تنزل دمعته) انت انسان من الشارع !! شلون اكون ولدج وتقولين لي هالكلام سمحيلي انا امي وابوي ماتو



الام واهيا تصيح بس ماتبي تبين له انها ضعيفه : ياولدي كل شي صار بحالة غضب



فهد : اسف .. و جاسم انا بربيه وبسنعه عدل مابي تتبرين منه وينقط بالشارع مثل ماسويتي فيني وفي اختي مع السلامه



قبل لا تقول أي كلمة صك التلفون وغمض عيونه بالقوى علشان ماتنزل دموعه جدام اخوانه ويبين انه ضعيف



جاسم لام اخته ويحاول يهديها واهوه يصيح معاها فهد راح جنبهم ولمهم اثنينهم صار جدامهم الام والابو واهوه فاقد كل هالاشياء ومب لاقي احد يعوضه ويوم لقى امل راحت لغيره قعد يلم اخوانه بكل خوف انه يفقدهم



اخيرا الاخوان تجمعوا من جديد



دانة تطع من الحمام ( كرمكم الله ) وتمسح دموعها : خالد ممكن اطلبك



خالد ابتسم : امريني



دانة : ممكن اروح بيت ابوي



خالد انصدم ماتوقعها تطلب هالطلب !!!



دانة : ممكن ؟



خالد : بس بيت ابوج محد فيه



دانة : بلى حصه وحمد وسعد كلهم هناك



خالد ماحب يعارضها : الله تجوفينه يا الغاليه



دانة ( هههه عباله مادري فيه يبي يهملني علشان يروح لها بس روح يا خالد دربك خضر ماعدت دانة اللي تموت في هواك انا تغيرت وكل مافيني تغير انت للامل وانا مصيري اكون مطلقه تراجع نفسها لا شنو مطلقه الكلمة مو حلوه يارب استر يارب استر يالله سترك )





خالد يجوف دانة وكانه تفكر بس ماعلق :.....


ياترى شنو مصير دانة وخالد ؟

وياترى الاخوان ( فهد وايمان وجاسم ) شنو بيصير فيهم ؟ هل بترد لهم امهم هيا وبتعذبهم ؟

سيف شنو السر الثاني اللي خاشه عنهم ؟ وهل ياترى بيفرقهم ؟ ولا بيجمعهم ؟

العنود بترتاح مع فيصل ؟

ناصر شعلاقته بإيمان ؟

 
 

 

عرض البوم صور ♫ معزوفة حنين ♫   رد مع اقتباس
قديم 21-04-11, 07:24 AM   المشاركة رقم: 53
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

علي كان يمشي بسرعه جنونيه وسرعته وصلت 200



كان يطق بالرصيف ويرجع بمساره كان مايجوف بعين وحده كلها يحسها ضباب لانه دموعه ينزلون وغطو على عينه يات سياره جدامه وصفقها وانقبت عليه السياره



العنود دخلت الحمام وبدلت ملابسها لبست فستان وردي حلو وناعم



فيصل : شفيج حبيبتي



العنود : مادري قلبي ينبض بسرعه احس صاير شي



فيصل يبتسم : مو صاير الا الخير حياتي



العنود تبتسم غصب عنها



فيصل : ويهج منخطف لونه شفيج تعبانه ؟



العنود : ايه وايد باروح انام



فيصل ابتسم : على راحتج



العنود راحت نامت وفيصل ضحك :هههههههه ياغباءك يافيصل دام هاي اول يوم في صفحة حياتك مع العنود



خالد يجوف دانه تحط في الشنطه ملابس : جم يوم بتمين ؟



دانة واهيا ماعطته ظهرها : ماقررت



خالد : يعني تقريبا ؟



دانة : اسبوع شهر جذي يعني



خالد بطل عينه : شنوو !!!!!!!



دانة : اللي سمعته



خالد : بس وايد



دانة : بالعكس شوي على الاقل ( تجوفه ) انت تستانس



خالد تنرفز من طريقتها عرف انها تقصد انه خالد يستانس مع امل : من قالج بستانس



دانة تجوفه وتحاول ترجع دموعها لعينها : بغيابي اكيد بتستانس معاها



خالد يجرب منها : لا يا دانة لا تفكرين بهاي الشي



دانة: وخر خالد خلاص مابينا حجي خلني ارتاح من عرفتك وانا مارتاحيت والله لو ابوي عايش ماصار فيني جذي كل يوم انام بدموعي



خالد ينزل غروره: انا اسف



دانة : شنو ؟؟؟؟؟؟؟ اسف ؟؟؟؟؟ شيفيد الاسف؟؟ عقب فواات الاوان ؟ تتأسف ؟



خالد حس انه الكلمه اللي طلعت منه غلطه وماكان لازم يقولها لانه بهالكلمه نزل غروره لها : صج انج وحده ماتستاهلين انه الواحد يتأسف لج ( مشى وصفق الباب وراه )



دانة طنشت كلامه وراحت نادت الخدامه تشيل الشنطه وقالت لسايق يوصلها بيت ابوها



شيخه : دانه ؟؟



دانة تلتفت : هلا يمه



شيخه : وين بتروحين حبيبتي



دانة تنزل راسه : يمه ابي ارتاح شوي



شيخه خافت عليها : ليش شفيج ؟؟؟



دانة : ولا شي يمه بس باروح بيت ابوي جم يوم



شيخه : تحملي بروحج حبيبتي ولا تطولين علينا



دانة ابتسمت غصب : ان شاء الله (باست راسها وراحت مع السايق الى بيت عبدالعزيز )



شيخه : الله يستر مع هالطلعه خالد معصب ودانة تستريح اكيد في شي حاصل بينهم ؟ الله يهديهم ويرجعون لبعض ان شاء الله



دانة راحت البيت وحست من الذوق تطق الجرس لانه حمد وحصه في البيت



الخدامه يات وحدها مستانسه : مدام دانــة ؟؟؟



دانة : هلاهلا شيلز



الخدامه : شنو انتي مدام زينه شخبار انتي .. انتي وايد في وحشه انا



دانة ابتسمت : حصه موجوده ؟



الخدامه : مدام حصه في موجود بس بابا حمد مافيه موجود



دانة : انزين شيلز الشنطه مالتي في السياره هاتيها اذا ماعليج امر



شيلز : ان ساء الله مدام



دانة دخلت البيت وجافت سعد في الصاله يلعب في لعبه تركيب البيت وكان مندمج



سعد التفت : ناااااااانه ( دانة ) وراح لها ركيض يضمها



دانة : يا عيون دانة انت



حصه تطل من الغرفه : دانووووووو ( وراحت لها )



دانة : هلاهلا حصيص شلونج



حصه : الحمدلله بخير دانووو خرعتيني فيج شي ؟



دانة ابتسمت : لالا بس ابي اقعد في البيت ( تبتسم ) يصير؟



حصه : اكيد حبيبتي غرفتج مثل ما اهيا ماتغيرت بس ليش تطقين الجرس البيت بيتج حبيبتي



دانة ابتسمت وقعدت تسالف مع اختها شوي تنسى اللي فيها

 
 

 

عرض البوم صور ♫ معزوفة حنين ♫   رد مع اقتباس
قديم 21-04-11, 07:24 AM   المشاركة رقم: 54
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 



امل : شقصدك يعني ؟



فيصل (فهد* : ليش جذبتي على خالد ؟



امل : مافهمت



فيصل : قصدي واضح قلتي له اني خطبتج وسويتي سالفه حق الريال واحين تبينه يطلق زوجته علشانج



امل : انا ليحين احب خالد سامع ومو من حقك تدخل بخصوصياتي



فيصل يسطرها : عمرج ما بتفهمين الحب انتي ( ومشى عنها )



امل : هين يا فيصل تسطرني !!



ايمان يات لها الغرفه مستانسه وتجوف امل على الارض : ههههههههههه شفيج في الارض



امل بكره : اخوج الحقير سطرني



ايمان حطت يدها على فمها : شنو ؟ ليييييش ؟



امل : مو مهم بس انا اراويه



فصيل ( فهد ) راح حق اخوه جاسم يفضفض له شوي اللي فيه وجاسم يواسيه معنى صغير بسنه



جاسم : شفيك يا اخوي



فهد : مضايق يا جاسم تخيل اني احب وحده تحب واحد ولا تكلمه من وراي ( يمسك يده المجروحه ) وتكلمه جدامي ومن وراي وعادي عندها كل شي ومو مهتمه لحبي الكبير لها والله اني احبها يا جاسم بس مب بيدي شي اذا كنت احبها والله يا جاسم احس اني اتنفس هواها بس اهيا في عالم ثاني وماتدري عني ماتحس شي اتجاهي جسوم حدي محتار مادري احبها ولا اقطع حبي لها واهيا مثل روحي



جاسم اول مره يدري انه اخوه يحب ومايعرف شيقوله : اممم اسمع يا فهد دامها ماتقدرك ليش تحبها خلها تولي



فهد بضيق : بس انا احبها



جاسم : والله انك تحيرني



فهد :انا بنفسي محتار



جاسم : اسمع يا اخوي خلها تولي انت ولا تهتم فيها وصدقني بترجع لك ذليله

فهد : احاول



جاسم : لا تنسى تخبرني بكل شي



فهد يبتسم غصب حق اخوه : ان شاء الله



جاسم قعد يسالف في وينكت ويخلي فهد يضحك والقصد انه ينسيه حزنه



امل قاعده بغرفتها : ليش يعني سطرني ؟ معقوله هالكثر يحبني فيصل ؟؟ انزين ليش مايصارحني اففف



ايمان : اموول تدرين



امل : شنو ؟



ايمان : فيصل اسمه فهد



امل : هاا ؟؟



ايمان تبتسم : واهوه اخوي



امل تبطل عينها وتجوف ايمان : يعني شلون



ايمان : تذكرين قبل يوم اقولج عن اخوي اللي امي تبرت منه من الصغر واهوه راح وماندري عنه



امل : ايي



ايمان : كان اسمه فهد وفيصل اسمه فهد وامعلومات والبيانات وفصيلت الدم تطابقنا



امل تبتسم : بوو امانو اخيراا حصلتي اخوج



ايمان تضحك : ههههههه اي والله انه واحشني



امل تبتسم لرفيجتها لانها تدري شكثر كانت تحب فهد



ايمان : اموول



امل : هلا



ايمان : ابي اعرف ليش تكرهين فهد



امل تنزل راسها : انا مااكره



ايمان : ليش عيل ماتتقبلين ولا شي منه



امل : لاني ماتوقعته يحبني وانا اعتبره اخوي مب شي ثاني



ايمان : اموول فهد جوهره لا تخسرينه



امل: انا ليحين احب خالد



ايمان : صدقيني فيصل بينسيج خالد بس انتي عطيه حنان وحب تراه محروم من هالاشياء من صغره



امل تبستم : ان شاء الله



ايمان : توعديني اذا يه تروحين تعتذرين منه



امل : انا مب غلطانه



ايمان : وعديني



امل : اوعدج



ايمان : زين قومي نروح تحت



امل قامت مع ايمان وتمو يجوفون الـT.V الى الساعه 2 الفير



في هالحظه فهد ( فيصل ) دخل البيت وايمان كانت في المطبخ جاف امل واهيا جافته ماكلمها سيده راح يركب فوق امل وقفت بحب: فهد



فهد وقف بس ما التفت لها :.........



امل قربت منه وراحت وقفت جدامه وصار يبعدهم بس عتبه وحده : انا اسفه





فهد راح عنها ومن دون مايتكلم



امل : سامحتني



فهد حن قلبه والتفت عليها : ماقدر ازعل عليج لو شنو سويتي



امل ابتسمت :.......



فهد ركب فوق ووقف مره وحده وكأنه تذكر شي : امل



امل تجوفه : هلا



فهد : شدراج بسالفة فهد ؟



امل تبتسم : لازم اعرف كل شي عن اللي ( تبلع ريجها وتطلع الكلمه غصب ) احـبه



فهد نزل عى الدري بسرعه واهوه مبتسم : هاا شقلتي



امل تبتسم : قلت لازم اعرف كل شي عنك



فهد : لالا عن شنو



امل استحت : هههه ولا شي



فهد : يلا عاد قوليها ماسمعت



امل تعطيه ظهرها : ولا شي هههه شفيك



فهد يحط راسه صوب كتفها : همممم ؟



امل استحت اكثر : هييي ولا شي



فهد : هههههه اللي تحبينه سمعت



امل : ايه ليش حراام ؟

فهد يغمز لها : لا اكيد مو حرام



امل استحت ومشت عنه



فهد : ياعيني على الخجوله



امل : ههههههههه لا



فهد : ابتسم وراح فوق ومايبي يصحى مع هالحلم اللي دام جم دقيقه راح غرفته وقعد يفكر بكلام امل وكل دقيقه يبتسم


 
 

 

عرض البوم صور ♫ معزوفة حنين ♫   رد مع اقتباس
قديم 21-04-11, 07:25 AM   المشاركة رقم: 55
المعلومات
الكاتب:
اللقب:
عضو فخري
♪ مُخْمَلٍيةُ آلعَطّآءْ ♦


البيانات
التسجيل: Mar 2010
العضوية: 157123
المشاركات: 30,332
الجنس أنثى
معدل التقييم: ♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع♫ معزوفة حنين ♫ عضو مشهور للجميع
نقاط التقييم: 13523

االدولة
البلدSaudiArabia
 
مدونتي

 

الإتصالات
الحالة:
♫ معزوفة حنين ♫ غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

مريم كانت راقده : هممم



الرسبشن : اختي اقولج الولد في المستشفى



مريم : ايه زين اي ولد ؟



الرسبشن: علي



مريم تنقز من الخرعه : اخووووي في المستشفى .؟



الرسبشن : ايه وحالته خطره تقدرون اتون المستشفى



مريم : اي مستشفى ؟ وغرفه جم ؟



الرسبشن مستشفى الـ... ولكن اهوه بالطوارئ مب بغرفه



مريم راحت وقالت حق امها وابوها وراحو المستشفى بسرعه



مريم قلبت المستشفى صيااح معنى ماتدري شفيه اخوها بس جافت الدم اللي كان على سرير الاسعاف وماتت خوف



علي كانت ريله شبه مشلوله لانها شارت عليه ومابيقدر يستخدمها مره ثانيه الا بعمليه ابوه وقع عليها وسواها له الدكتور بسرعه بس نسبة النجااح كانت 30%



امه كانت تصيح بهدوء ومريم ميته صياح والابو كل مانزلت دمعه كان يمسحها ومايبين لهم ضعفه لانه كان مؤمن بقضاء الله وقدره



علي كان مبنج بنج كامل وماكان يحس بولا شي



طلع الدكتور واهوه حزين : للاسف



الابو بسرعه راح : شصاير خير يا دكتور بشر



الدكتور : للاسف العمليه مانجحت



الابو تكدر حيييييل يعني بيتم طول عمره مشلول واهوه توه صغيره عمره 19 سنه حراام ينظلم لا حول ولا قوة الا بالله اللهم لا اعتراض



دانة سرحانه وحصه تسالف وتسالف وتضحك ودانه بس تجوفها واهيا بعالم ثاني





حصه : هاا شقلتي



دانة :........



حصه : هيي شقلتي



دانة : عن شنو ؟



حصه : عن السالفه



دانة : مادري كيفج



حصه : وييي دانوو ابي اسوي عيد ملاد سعداوي بس محتاره وين انا من مساعه اسالف واانتي ماتدرين عن هوى داري



دانة ابتسمت وردت سرحت كانت تسرح بخالد بذكرياتها الحلوه معاه وتقعد من السرحانه اذا تذكرت امل وخالد مع بعض



خالد يكلم امل : قلت لج خلاص انا مابيج انا ابي زوجتي خليني اعيش مرتاح يا امل واللي يخليج



فهد كان نازل من الدري مستانس جاف امل قاعده على العتبه وقال بيخرعها بس جافها تتكلم بالتلفون فوقف يسمعها



امل : بس خالد انا سمعتك وايد لازم احين انت تسمعني



فهد فتح عينه بعد مره ثانيه خاااااالد !!!!!!!!





خالد : تكلمي نطقي



فهد راح غرفته واهوه مضايق رجعت لحبها الاول خالد وانا ماتبيني ياربي ليش جذي حياتي ليش من صغري مو لاقي حضن يضمني ليييش ؟؟؟؟ ليش اللي احبهم كله يبعدون عني لييييش ؟!!!



امل تاخذ نفس : انا اسفه يا خالد ان كنت في يوم بعديتك عن دانه وانا مستعده ( تبلع ريجها ) اعتذر لدانة واوعدك ماتجوفني بحياتك مره ثانيه اوعدك



خالد حزن بس لازم يرجع دانة حقه وتعرف انه مظلوم : ابيج تكلمين دانة وتفهمينها اني ماي ذنب في شي



امل : ان شاء الله مع السلامه ( تاخذ نفس ) اخوي



خالد حز في قلبه كلمة اخوي من حبه الاول بس لازم يتحمل ويردها لها: الله يسلمج يا ( ياخذ نفس ) اختي



امل صكت التلفون ونزلت دمعه من عينها ماتدري دمعة حزن ولا فراق ولا حياه جديده لها



خالد يتصل في دانة واهيا ماترد عليه وقال بيروح لها البيت وبيعتذر ولازم يكلم امل ويخليها تكلم دانة



يوسف : مروووي متى الياهل بتي



مروة : عقب 2 شهرين



يوسف : ايه عليها ريموووو فديتها والله



مروة : هاا يسووف



يوسف : هههههههههه وفديتج انتي بعد



مروة : اي جذي ههههههه الخوف اتي ريموو وتنسى مروة وطوايفها



يوسف : لا حبيبتي انسى روحي وماانساج



مروة : ههههه فديت زوجي ماقدر عليه الرومنسي انا



يوسف : هههههههه تتمنين



احمد : نيوووف عورت راسي



بيان : هههههه توبه مابي ياهل بعد



نايف يجوف احمد ويضحك



احمد : تعال البس ثيابك



نايف يضحك : ......



بيان : ههههههههه فديت العنيد طالع على امه تعال حبيب ماما تعال خلني البسك



احمد ايود نايف ونايف ميت ضحك احمد لبسه التي شيرت مقلوبه والجينز بعد والجوتي اليمين خلها لليسار واليسار لليمين : اففففف واخيراا خلصت



بيان : ههههههههههههههههه شسويت في ولدي



احمد يجوفه : اوووه كل شي مقلوب ههههههههههههههههههههههههههههههههههههههههه



نايف يضحك



وجذي انتهت اعظم قصة حب بين خالد وامل



وابتدت امل وخالد حياه جديده مع اللي يحبونهم من قلب



علي راحت ريله بسبت حبيبته اللي مايدري عن اخبارها ولا يدري عنها



فيصل عايش مع العنود بس مايدري ان كان القلب ملكه ولا ملك لغيره يعني عايش بشك بين نفسه بس مايبينه



دانة تعيش مع الاحلام وتصحى بحلم يقومها بخوف



خالد يعيش بحياه تعيسه من دون دانة



يوسف ومروة واحمد وبيان حصه وحمد يعيشون قصة حب وان شاء الله ماتنتهي



امل تحاول تصلح كل اللي سوته لخالد وتحاول تبني قصه يديده مع فهد



فهد مضايق ومب شايلته الدنيا بسبت اللي يصيده يداوي جروح الكل وجرحه مايقدر يداويه جرح امل اللي تسببه له من دون مااهيا تدري

 
 

 

عرض البوم صور ♫ معزوفة حنين ♫   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الزمن يكسر غرورك للكاتبة : دانة الكون, الزمن يكسر غرورك ، للكاتبة دانة الكون, القسم العام للروايات, شبكة ليلاس الثقافية
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:50 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية