لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 08-08-10, 01:13 PM   المشاركة رقم: 16
المعلومات
الكاتب:
اللقب:
عضو فخري
✿ باذِخَةُ الْعَطَاءْ ✿


البيانات
التسجيل: Jun 2009
العضوية: 146680
المشاركات: 19,397
الجنس أنثى
معدل التقييم: ΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسيΑĽžαεяαђ عضو ماسي
نقاط التقييم: 4020

االدولة
البلدSaudiArabia
 
مدونتي

 

الإتصالات
الحالة:
ΑĽžαεяαђ غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

السلااااام عليكم ورحمة الله وبركاته

نهوووووووووووووورة مشكووووووووورة حبيبتي بااااارت روووووعة وعرفنا على اسراااار كثيرة واهم شيء انه طووووووويل ومرضي << فيس يطالع في الطول أول شيء خخخخخخخ
خلنا نجي على الاحداث



شمسة وطارق :: اليوم ما جبتي عنهم شيء غير انها راح توافق بس ما ادري ليش برضوا مو داخل مخي انها بترتبط بطارق وحكاية عبدالله وانه ممكن يأخذ وحدة فقيرة بس عشان يقهر امه خلتني اتخيلها هي في هالموقف وانها ممكن ترتبط بعدالله << فيس منتظر الاحداث عشان يعرف اكثر



عبدالله :: حب فاشل خلاه يضرب عن كل البنات ويمكن لو خذا وحدة يأخذها بس عشان ما يبي يرتبط ببنت خالته ويظلمها معاه واكيد هالوحدة راح تكون من طبقت اليل حبها قبل كذا يمكن يبي يتنقم منهم بس يا ترى من راح تكون هل هي شمسة والا اختها



غيث :: يعني المسج كان من اخته لطيفة والا انا فهمت غلط << فيس يحس انه ما صار يجمع خخخخخخخخخ محب لجواهر بس هالانعجام في الثقة هو اللي مخرب بينهم مع اني اشوف انه بالغ في موقف التلفون يعني عادي ما فيها شيء لو فتحت وشافت من ارسل بالعكس هالصياح هو اللي مخليها تشك فيه مو معقولة كذا << فيس ما عجبه الوضع .. محب لاخواته بشكل جنوني ويمكن انه ما فهم المشكلة بين لطيفة وناصر ولو فهمها صح راح يكون له رأي ثاي غير انفصالهم عن بعض بالذات وان في ولد بينهم ..


عذاري :: يا عيني يا عذاري شكلك كذا بتتقربين من كايد وبتكونين الحل لازمته ان شاء الله بس ما تفشلين معاه ..



كايد : ادمان للاسف انه ما يسوي شيء ولا ينسي الواحد الا لحظات يطيره فوق السماء وفي دقيقة يطيح على سابع ارض ويكون المه اكثر واكبر .. عبدالله راح يكون المنقذ مثل ما انت انقذته في فترة زواج حبيبته


احمد وندى :: شكل ابو ندى هو الللي عرض الزواج على احمد عشان بس يحقق احلام ندى ورجوعها للامارات بس هل يا ترى راح يقدر احمد يقوم بدوره .. يعني دلوع الماما ما راح ينرفض له مثل هالشيء وبالذات ان ندى مستواها عالي ومرتاحة يعني امه في الاخير بتقبل وهي فرحانه



نهووووووووووورة فيس يرد بسرعة بسرعة ما يبي ينسى شيء مشكورة حبيبتي الله يعطيك العافية بدأت خيوط الحكاية تتضح ومنتظرين البارت الجاي بكل شووووووووووق

زوزو

 
 

 

عرض البوم صور ΑĽžαεяαђ   رد مع اقتباس
قديم 14-09-10, 02:04 PM   المشاركة رقم: 17
المعلومات
الكاتب:
اللقب:
ليلاس متالق



البيانات
التسجيل: Jul 2009
العضوية: 147447
المشاركات: 317
الجنس أنثى
معدل التقييم: وجه النهار عضو بحاجه الى تحسين وضعه
نقاط التقييم: 40

االدولة
البلدUnited Arab Emirates
 
مدونتي

 

الإتصالات
الحالة:
وجه النهار غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

البارت الثالث





















يتحدثون كثيراً عن الصدمآت ..!


ياترى هل هُنآك شيء يفوق الصدمـه ,


لأنني اظن انني اعيش هذه الحآله ,


بكل ما تحمل من ألم ,,!!























فتحت عيني على صوت لامارا...هذي الي من صغري هيه الي تهتم فيني ...وللحين ...احس اني طفله ...


قالت : ندى حبيبتي ئومي تقبريني


فتحت عيني بكسل ...ابتسمت وانا اجوفها وهي ترتب العفسه الي فالغرفه ...سحبت نفسي من بين البطاانيات ودخلت الحمام ...جفت شكلي ...عيوني متورمه من كثر الصاااايح ...خذت شور ...وطلعت وانا لابسه شورت ابيض فوق الركبه ...وقميص عاااري الكتف ...صوفي لونه بيج ...مشطت شعري ...لامارا طلعت ...تعرفني يوم اكون مضااايجه ..مسكت الشال القطني الي لونه مثل لون القميص ..لفيته على جسمي يدفيني ...نزلت الحديقه تحت ...ابا اطلع من جو الكئابه ...نزلت بسرعه على الدري ...


سمعت لامارا تصرخ : البسي شي تقيل ...منشان لا تاخدي برد ..


قلت : لحقيني بكوب الكوفي


طلعت ولبست الشبشب ...تمشيت فالحديقه ...مسكت ورده الجوري الي لونها وردي ...ريحتها حلوه ..قطرات الندى على الورده شكلها تحفه ...نفخت فايدي احس بالبرد ...عن ازجم ...حسيت بايد تتلمس ايدي ...هو ...هذا آحمد ...غمضت عيني ..دايما جيه ضعيفه ..دايما ..حسيت فيه وهو يتقرب مني ...ايده على خصري ..قال وهو يحبني على كتفي : انآ اسف


ما قدرت ارد ..كنت بردانه ..خايفه...بس لما حسيت بوجوده وياي ...تغير كل شي ...هذي مشكلتي ...ضعيفه وااااايد ..لفني صوبه


: ندى والله عندي ظروف ..ومشاكل


ما ادري ليش اسامحه جيه ..قلت وانا احس بحب غير طبيعي يجرفني صوبه ..: خلاااص انا امس كنت متنرفزه ...


ما كملت كلامي لانه مسكني من ايدي وخطف يركض ويسحبني وياه ...ضحكت ..ركضت وراه وانا احس بايده على ايدي ...شعري يطاااير ..وانا اضحك بفرحه...كل هذا لانه هو وياي ....تبعته وين ما يروح ...راح صوب سيارته ...فتحها وانا وقفه ومستغربه طلع قفص فيه عصااافير اثنيين ...صرخت من الفرحه وحضنته ...هو يعرفني احب هالامور ...


قالي : من امس ما رقدت زين جيه


تقربت منه وحبيته على خده ...طالعني وقال : هيه جيه اباج


ضحكت ..التفتنا على صوت لامارا : مسيو آحمد هون ..ايه كتير منيح هلق راح نجهز لكن الفطور ...وبلالك هالكوفي على الصبــــــــــــــــح


قال : مبسوطه ؟؟


قلت :هيـــــــــــــــه ...بس..


طالعني وهو خيفانه : شو بس ؟؟


قلت : ابا ...ابا اغير لبسي بردانه


طالعني وضحك ..ووسحبني لحضنه ...ابا ارتاح ...ابا الكل يعرف انه زوجي ...واهم شي اهلــــــــــــــــــه ...انا ما يهني حد ...

















روضه



















آحمد طلع من الصبح ما عدا انها هب من عوايده ...دخلت غرفتي بعد ما تريقت وخذت شور ..يلست امشط شعري ...


التفت على صوت الباب الي يندق : ادخل


دخل عبدالله وهو لابس البجامه ضحكت على شكله ورحت صوبه ...حبيته على خده : شو بلاك جيه ؟؟؟ شكلك هب نااايم لا انته ولا آحمد ...


طالعني وابتسم : انا واعدنج اوديج المول ...بس امس ظهرت ...واليوم بنروح انا وانتي ...


طالعته وقلت : يلا ساعه وبجهز


قال : خيبـــــــــــــــــه ساعه كامل


ضحكت : عيل تباني اظهر هب حلوه


قال : اصلا انتي قمـــــــــــــــــــــــــــــــر


ياليته يحس هالهادف بس...ياليته يحس ..مول هب عاطني ويه ...والله تعبت ...احسني بصارحه قريب ..


قال : هيه وين رحتي يلا...عن اودرج ...


ضحكت : ههههههههههههههه


رحت وتعدلت ...كشخت تعطرت من مس ديور وطلعت اركض ...جفت مروان يالس يتابع مسلسل تركي فالتلفزيون قلت : وين عبدالله


قال بدفاشه : ما اعرف


شو بلاه هذا ...حشا ما يكلم حد ...بعيد عنا ...على الاقل انا وعبدالله دايما ويا بعض ....وعبدالله مع كااايد ...وآحمد فحاله بس بعده احسن من هذا ...رحت صوبه ابا افتح وياه اي موضوع ..هو الحين فسن المراهقه


قلت : بروح السوق تبا شي


طالعني بنظره ...ما عرفت شو افسرها ...قال : لا سلامتج


طالعته : اكيـــــــــــــــد


التفت على الشغاله الي داشه بالمكنسه الكهربائيه ..بلبسها القصيــــــــر ويالسه تدلع


قلت : مارينا روحي غرفتي قبل


طالعتني وهيه معصبه وراحت وانا اجوف مروان يطالعها ...قلت وانا اهزه : ما عليك منها ...هذي قليله ادب ...هاه ما تبا شي


قام من على الكرسي ..وقفت ...هو اطول مني ...احسني قزمه يوم اوقف جدام اي حد من اخواني وخصوصا كااايد ...


قال وهو يتقرب مني : لا


بلعت ريجي ...حشى التفت على صوت عبدالله : يا لهبله اترياج فالسياره انا ...


مسكت شنطتي وركضت صوبه ...والله انك شيخهم يا عبدالله..ركبت السياره


قلت : شو هذا عبدالله المكان كله اسود جنا داشين بيت اشباح


ضحك ..: ههههههههههههههههه


مسكت ايده : شو صار بينك انته وطيف امـــــــــس ؟؟


طالعني وخلى عمره هب مهتم : ماشي ...سلمت عليـــها بس


قلت : طيف تحبك يا عبدالله ؟؟


طالعني وقال: وانا ما احبها ...طيف ياهل انا عمري 26 سنه وهي 16 سنه يعني كبر مروان اخويه ...انتي شو تقوليــــــــــــــن


تاففت : شو يعني ...عااادي


قال : لا هب عادي ...ما بخذ انا ياهل


قلت بتهور : والبنت الي حبيتها جم كان عمرها؟!!


حسيته ارتبك ..والدليل انه ما قدر يسيطرعلى السياره ...طالعته وقلت : انا اسفه


قال وهو مركز على الطريج : عمرها ...20 سنه ..


قلت : وشو الي خلاك تحبها ؟؟


طالعني وقال : برائتها ...فقرها ...قوه شخصيتها


قلت : اهاا


دوم هذيل جيه يطالعون برع ...والله طيف جميـــــــــله ...بس شو اقول ...




















آحمد















حسيت بحد يهزني ...تقلبت على السرير ...فتحت عيني ...جفت ندى وهيه تقول : امك تتصل ..


قمت بسرعه وانا متروع ...خذت التلفون من ايدها ورديت وانا فعز نومي : الو


امايه : وينك انته ؟؟


توترت ...طالعت ندى وهي تلبس شبشبها وتلف الروب عليها وتدخل الحمام ...قلت : الا هنيه ويا الربع


قالت : تعال اباك الحين فالبيت


قلت : شي صااااير ؟؟


قالت : تعال انته وتطلع امره على غرفتي فااااااهم


قلت : ان شاء الله


سكرت التلفون ...شو تباني امايه ...وراها مصيبه وانا حاس بهالشي ....التفت على صوت ندى وهي زعلانه : بتروح ؟؟


قلت : هيه ...امايه تباني ..


طلعت من السرير ..جفتها وهي واقفه جدام المرايا تمشط شعرها ...رحت صوبها


: حبيبي لا تزعليــــــــــن برجع اليوم وببات عندج ..


قامت بسرعه ومسكت ايدي : وعد


قلت وانا اقرصها على خدها : وعد .....يلا بدش بخذ شور وبطلع


..خذت شور ...طلعت وانا احاتي ...شو تباني امايه ...لا يكون كااايد وراه سالفه والا سوى شي ...ما ادري ...دخلت البيت ..وجفت مروان فويهي


قلت : شو صاااير ..؟؟


قال : وانا شدراني عنكم


اوووه هذا ما منه مول فااااايده ..ودرته ورحت اركض صوب غرفه امايه ...دقيت الباب ...سمعت صوت ابويه ..: ادخل


بلعت ريجي ...لا يكون امايه عرفت بموضوع ندى ؟؟؟؟


روضه


لفيت السوق كااامل ...وشتريت الي اباه


قلت : مشكور عبدالله


قال :وانا منو عندي غيرج ...


ضحكت ...قلت :عبدالله


قال : لبيه


قلت : كاااايد من امس ما ظهر من غرفته


اعتفس ويهه عبدالله ...حسيته مخبي شي ...قال : لا تحاتيين ..كااايد تعبان شوي تعرفين من توفت منى وهو على هالحال


طالعته....حسيته يجذب ...


طلعنا من المول وردينا البيت ...دخلت البيت وانا اضحــــك وعبدالله يغايضني ...بس سكتنا يوم سمعنا صوت آحمد ...شكلها مشكله صااايره ..تروعت طالعت عبدالله ...ودرني عبدالله ودخل بسرعه ..التفت وجفت مروان..دزني وظهر من البيت وهو معصب ...شو مستوي ...حسيت عمري بصيـــــــــــــــح ...ركضت صوب الطابق الثاني ...سمعت آحمد يصااارخ : انا هب ياااااااااااااااااااهل تتحكمون فيني ..


وقفت اطالعهم ...امايه متنرفزه...وابويه واقف يحايز من بينهم ...















لطيفه




















طلع غيث من عندنا ...رجعت غرفتي ...ااه يا منصور تبي تاخذه انا متاكده


(( كنت كاشخه ومتعدله ما مر على زواجي اكثر من اسبوعين ..طلعت وجفت ام منصور ..رحت صوبها وحبيتها على راسها : صبااح الخير


قالت : قصدج مساء الخير


حسيتها تبين اني وااايد رقدت ...مسكت نفسي وابتسمت ماعدا ان الساعه 10 الصبح ..وخوات منصور للحين ما وعن ...قالت : وينه الغالي منصور؟؟


ما ادري ليش ما ارتاح لها قلت : يسبح وبيطلع ..


حاست بوزها : يسبح والا ما تبينه ييلس ويانا


انصدمت ...حسيت الدموع تتجمع فعيني ...ابا اتكلم بس ما قدرت ...جفت منصور وهو طالع من غرفته ...راح سيده صوب امه وحبها على راسها ويلس عدالها


: فديتك يالغــــــــــــــــــــــالي


طالعتني : خلي ريوج حقه


قمت من مكاني وانا احاول ابتسم ورحت صوب المطبخ ...دخلت وجهزت له الريوق ...رجعت وما لقيته ...انصدمت : عيل وينه منصور ؟؟


قالت : طلع


قلت : حراااااااااام


قالت : شو تبينه يستأذن منج ؟؟؟


قلت : لا بس انا سويت الريوج


قالت : خليه البنات بياكلنه


خليته ورحت صوب غرفتي ...شو هالحاله ...يالس اجهز صارلي ساعه واخر شي ..ياكلنه خواته ..انا عادي عندي ..بس ليش امه تعاملني جيه ما ادري ....سمعت الباب يندق ..مسحت دموعي وفتحت الباب


قالت : اليوم بنات خالت منصور بين واباج تيلسين ويانا


زين بعد بغير ويوه ...ابا اجوف بنات ايلس اسولف وياهن وارتاح لهن ..))


ما كنت ادري ان لما اجوف بنات خالته بتصير لي هالمصايب كلهـــــــــــــا









***







ما صدقت الكلام الي تقوله امايه ...التفت صوب ابويه ...انا اتزوج طيف ...


قلت : بس هيه تحب اخويه


قالت امايه بتسلط : سمعني طيف بتكون لك


صرخت : بس انا هب ياااهل تتحكمون فيني


امايه : وانا اقول محد بياخذ طيف الا انته


مسكت راسي وانا معصب ..طالعت عبدالله وقلت : جفت شو سويت فيني ...انا ما اباها انتو ما تفهموووووووون


ابويه : آحمد لا تعلي صوتك ونحن موجوديــــن


طالعته وانا اكتم غيضي ..التفت على امايه : سمعني يا آحمد كلامي انا الي بيمشي ...غصبا عنك ...فااااهم


وطيت راسي ...ما اقدر اقول لا ...انا معتمد على امايه ....مصروفي ...ومصروف ندى ...ندى بتزوج عليهــــــــا ..ومنو بخذ ...بخذ البنت الي تعشق الارض الي يمشي عليهـــــــــــــا اخويه


رفعت راسي وجفت عبدالله يطالعني منصدم ..طلعت وانا اجوف عيون روضه عليه ...وقفت عند الباب وانا عاطي امايه ظهري : امايه البنت تبا اخويـــــه


صرخت امايه : سمعني يا آحمد طيف بتكون لك انته فاااااااااااااهم


وطيت راسي ...شو اقول ..طلعت من غرفه امايه ...ما اقدر استحمل اكثر ..ركبت سيارتي ...وطلعـــــــــــــت من البيت ,,,,,ما حسيت بعمري الا عدال فلتي انا وندى ...نزلت ابا اجوفها ......













كايد




















فتحت عيني بتعب ...وين انا...غرفتي ...خليت ايدي على راسي ...ما اذكر شي من الي صااار امس ...التفت وانا اسمع صوت الباب ينفج بدفاااشه ...رفعت راسي وجفت عبدالله يطالعني بعتب ...بلعت ريجي لا يكون كشفوني ....


قال :وين كنت امس.؟؟


فريت البطاانيه وقلت : انتبه انته تكلم اخوك الي اكبر منك ..انا هب اصغر عيالك


سكت..نزل راسه وتقرب مني ..خلى ايده على جتفي : كايد ...شو صاير ؟؟


غمضت عيني ...عبدالله حاس فيني ...قلت برتباك : ما شي ...ما صاير شي


قال : بس انته متغير هالفتره


قلت : لا متغير ولا شياته بس انته.......


قاطعني : كااايد انته بعدك ما تخطيت وفاه منى


فتحت عيني على الاخر ...قلت وانا اباا اهرب : تخطيت هالشي ..واذا تباني اعرس باجر بعرس


طالعني وقال : حط عينك فعيني وقول هالكلام


رفعت راسي ...ما قدرت اقول له شي ...حسيت ان دمعتي بتنزل ..من وفاة منى ما صحت ...ولا حتى اول يوم فالعزا ...حسيت اني هب قادر اتحمل الموقف


تقرب مني عبدالله وانا جامد فمكاني ....حضني ...قال بهمس : طلع الي فخاطرك ...كااايد صيح ...نزل دموعك ...اغسل عقده الذنب الي تحس فيها ...عبر عن الي فقلبك


ارتجفت ...غمضت عيني وانا احس بدموعي تبلل ويهي ...صحت ..الا انهرت ...رصيت على عبدالله ...قلت : ســــــــــــــــــــــ..ــــــا...عـ....ـــــد نــ....ـــــي


مسح على راسي ..قالي : اهدى الحين ..


صرخت : كيف اهدى وانا السبب فموتها كيف


مسكت راسي وانا اتذكر كل الي صاااااااار ...ليش ...ليش ...يوم طلبت اني ابعدها عن امي ما رضيت , ليش ما خذت لها بيت بروحهـآ جرحوهـآ وقهروها , ورمسوا في شرفها ,, وانا ما ادري , رآحت مني


حسيت بايد عبدالله على جتفي ..: كااايد ما كنت انته الغلطااااااااااان


صرخت : لا انا الغلطااااااااااااااااان انا الي ذبحتها ...


ما قدرت استحمل ودرته ودخلت الحمــــــــــــام اباا اهرب ...خلاااااااااص اصلا انا انتهيــــــــــت ...














شمسه

























وعيت من رقادي ...قمت بسرعه تاخرت على الدوااام .، ماهي الا نص سآعه وانا واصله الدوآم , دخلت مكتبي الي اتقآسمه ويا " حميد "


اول ما دخلت قام ويا صوبي قلت : صبآح الخير


قال : صدق هالكلآم الي ينقآل بين الزملاء ؟


قلت وانا افر شنطتي على الطاوله : اي كلآم ؟؟


قال : انتي وطـآرق !!


هربت بنظراتي وقلت : هيييه صدق ... ليش ؟


تقرب وقعد مجابلني وقال : لانه مستحيل يكون صدق يا شمسه , مستحيييـل


انا اابا اعرف انتي اقل وحده هنيه , لا مكيآج ولا كشخه بس تعجبيني , ليش ما ادري .!


قلت بعصبيه , : وانت اكبر خقآق هنيييه , ولو سمحت ابا ابدى شغل .


ابتسم , ابتسآمه ما ريحتني وقال : يصير خيـر

















عبدالله

















وقفت مصــــــــــــدوم وانا اجوف كاايد يدخل الحمام ...بدا يوثق فيني ...بدا يخبرني ...اليوم قدرت اني اخليه ينزل دموعه ...التفت وجفت الدرج الي دايما مسكرنه وقافلنه ...رحت صوبه وانا اسمع صوت كاايد وهو منهار فالحمام عزكم الله ...رحت وحاولت افتح الدرج ...بس مقفول ...دخلت مفتاح سويج سيارتي ...على حافه الدرج ...وحاولت اكسره ...مره ...مرتين ...والثالثه انكسر ...التفت وانا خيفان ان كايد يجوفني ...فتحت الدرج ...وجفت الابر ...وقفت اطالع ...سمعت صوت باب ينفتح ...شليت الاكياس الي فيها الابر والحبوب .سكرت الدرج..وطلعت بسرعه ورحت صوب غرفتي ...بجوفه الحيــــن شو بيسوي ..


دخلت غرفتي ...خليت الحبوب فاخر درج من المكتب الي فالغرفه ...تنهدت ...مدمن يا كايد ...اخرتك مدمن....انفتح الباب وجفت مروان...بعد هالولد مراهـــــــــق ..الله يعين شو وراه


قال : دريت شو صار ؟


فريت عمري على الكرفايه : لا شو صااار ؟؟


قال وهو ييلس على الكرسي الي مجابلني : آحمد امايه تباه ياخذ طيف


قلت وانا اطالع السقف : هيه دريت


وقف : وما بتسوي شي ؟؟


قلت : لا شو تباني اسوي ...ما يهمني


طالعني وقال : على راحتك


طلع من الغرفه ...ورجعت اسرح ..اهم شي اني احاول اخلي كايد يدخل مركز العلاج ...هذا اهم شي الحيــــــــــــن
















ندى














طلعت من مركز التجميــــــــــــــل ...هذا آحمد فديته فجه لي,,,ركبت السياره ورحت صوب الفله ..الساعه اربع العصر ...اليوم تاخرت ...لبست نظارتي الشمسيه...وسرعت بالسياره ..وصلت البيت تفاجأت يوم جفت سياره آحمد ...غريبه ...دخلت البيت بسرعه وانا اركض ...جفت لامارا فويهي


قلت : آحمد هنيه ؟؟


قالت : ايه ..رجع بعد ما طلعتي


طالعتها وقلت : شوو ...وليش ما خبرتيني ..؟؟


قالت : مسيو آحمد هيك طلب


ودرتهأ وخطفت اركض على الدري وانا ارفع تنورتي البيج الي لحد الركبــــه ...انا جيه متعوده ...ولبسي دايما جيه ...فتحت الباب ...التفت وجفته نااايم على السرير ...رحت صوب السرير ...يلست على الطرف ....يلس امسح بايدي على شعره ...من ويهه مبين انه مضااايج وانا اعرفه آحمد ...


جفته فتح عينه ...مسك ايدي وحبها ...يلست اطالعه وقلبي يدق بقو ..


قلت بهمس : شو صاااااااااااير ؟؟


قال وهو يرفع جسمه ويجابلني : ندى ...انتي عارفه اني احبـــــــــج صح ..


طالعته وقلت : اكيــــد انته تتحسبني بعدني زعلانه


ما رد عليـــــه ...تم يطالعني .....مررت اصابعي على ويهه ...وانا اتذكر


(( طلعت وانا اسمع ابويه لآحمد يقول : لا ما بخليك تطلع


وقفت اطالعهم ...ابويه طالعني ...آحمد وقف مستغرب


قال : في خطر...حرب


شهقت ...خفت ..حرب..رحت بسرعه صوب ابويه : ابويه ...شو صاااير ..؟؟


قال : ما اعرف شي للحين بس انا بطلع...


راح صوب آحمد وقال : اذا صار شي طلعوا من لبنان ...انا بكلم واحد من المعارف يامن لكم تذاكر


آحمد : وربعي ...انا لازم اطلع اجوفهم


طالعته ...ومسكت ايد ابويه متروعــــه ...قلت : لا تودرني باباتي ...


قال وهو يحضني : لا تخافييين ..انا لازم اطلع الحيـــــــــــن


التفت وجفت هذا الي اسمه آحمد ...ماسك تلفونه ويكلم واحد ...ويقوله طلعوا من لبنان ... مسكت ايد ابويه ..سحب ايده وراح صوب مكتبه ...لحقته وآحمد ورانا ...


قلتـ : شو بتسوي ؟؟؟؟


قال : سمعي يا ندى هذا رقم حساب ...فتحته لج ..اذا احتجتي شي ...ساامعه


عطاني الورقه ,,,,تروعت ...مسكتها ...وجفت ابويه يلبس جاكيته ويطلع


التفت يوم حسيت بايد على جتفي : لا تخافين


ارتجفت ...كيف ماا اخاف ..صرخت : لامارااااا ...وينج


يت تركض ...قلت : فهموني شو صاااااااااااااير ؟؟؟


قالت : اهدي الحين ...


التفت وانا اسمع صوت التلفزيون اشتغل ...صرخت وانا اجوف هذا الي اسمه آحمد مشغل التلفزيون : انته فااااااااااااضي


جفته يقلب بين القنوات ..خلى على القنوات الاخباريه ...تروعت وانا اجوف الاخبـــــــــــار ...صحت : باباتي ...اباه الحين


قامت لامارا تركض : انا بتصل له هلق ...


طالعتها ...ما كنت ادري شو بيصير ........)))













كايد





















فريت عمــــــــري على الكرفايه ..جسمي بدا يطلب المخدر ...رفعت قميصي وجفت ايدي كيف صااااايره ...كلها علامات زرقا ...تعبت ...بس ما اقدر ...خلاص السم يجري فدمي ...فتحت الدرج ابا حبوب او اي شي ...انصدمت يوم ما حصلت شي ...بغيت اتخبل...مسكت راسي ..الدرج كان متروس ....وين رااااااح ...لا والله هب وقته ...جسمي يتشنج ...قمت بسرعه ..ورحت صوب شقه حســــــــــن ابا اخذ المخدرات باي طريقه .....











عبدالله















وقفت فالبلكونه ...اكيـــــــــــد بيطلع ياخذ المخدر ..ابا اعرف من وين ...ببلغ على المكان ..وبعدين بخذك تتعالج .....يلست اتريا .,,تاخر ...يلست على الكرسي ...شكله اليوم ما بيظهر ...مسكت تلفوني ..فتحت المسجات ...مسج من عند طيف ...ادري ...مستغربين ..بس هيه دوم ترسل لي ..بس ما ارد عليهـــــــــــا ...ماا ادري كيف اهلها معطينها تلفون ...هذا هادف كيف مخلي اخته جيـــــــــــــه ...


((يحـــــــــن قلبي للحبايب ويشتاق ...والشوق يرسم طيفهم في منامي ....احبـــــــــــــــــــــهم ...واسهر مع الحب تواق ...فيهم حديث النفس واحلى كلامي ...لو يعرف المحبوب قدره بالاعمـــــــاق ما يبتعد عن وصل اهله ثواني ))


هب عاارف كيف اتصرف وياها...شو اسوي بهالياهل ,,,,لو تعرف بس ان آحمد بيخطبها ...لا تقولون آحمد ما وافق ...آحمد ما يقدر يقول لا لمايه ...يمكن احسن له يعرس بدل لا يهيت ويا فلانه وعلانه شرات ماهو مسوي الحيــــــــــــــــــــن ...وهادف اشد عنه بعد ......فزيت من مكاني واناا اجوف كااايد شغل سيارته .,.ربعت شليت سويجي بلحقه .......
















أحمد















ابتعدت عن ندى ...وانا اجوف تلفوني يرن ...((( الحثاله 2 )) اووه مواعدنها فالشقه ..قمت بسرعه ..


ندى : عندك شي ضروري ؟؟


قلت : هيه حبيبتي .....ما اعتقد اني برجع هاليوميــــــــــــــــــن...


تقربت مني ...احسها صغيره ...قالت بهمس : كل مره اشتاقلك اكثــــــــــــــر


قلتلها وانا اللعب بخصل شعرها : وانا اكثـــــــــــــــر


تقربت مني وحبتي برقه على خدي ...يلست اتـأملها ...بتخونها يا آحمد ...انزين هذي هب اول مره ولا اخر مره ...تقربت منها ..مسكت ايدها وحبيتها وقلت : يلا انا الحيـــــــــــن بروح


طلعت بسرعه ...ما ابيها تشك للحضه اني اخونها ...











كايد















دخلت الشقه وانا متخبل ابي اي شي ...ابي شي يخليني انسى الي حولي ...


جفت حسن ياي صوبي وفحضنه بنت من اياهم : هلا والله


قلت وانا راص على اسناني وحاس بجسمي كله عرق : ابا اي شي


طالعني وقال : انزين تسلي ويا هالبنت لحد ما اطلع لك الي تباه ...


كمل وهو يترنج ...ترا اسمها : ميمي


التفت صوب البنت وانا في قمت الغضب ...تقربت مني بجسمها الي كاشفه ثلاث ارباعه ...نزلت عينــــــــــي ...يلست على الكرسي ..ما حسيت الا بهالبنت الرخيصه...تتقرب مني ..ويلست عدالي ...مالت بجسمها صوبي ...يلست تلعب بازرار قميصي ...دزيتها


قلت :روحي من جدامي


ضحكت : ليش يا حلو ..تصدق من اكثر من شهر وانا اجوفك كل يوم اتي هنيه ...واحلف لك محد لمسني ...ما ابا الا انت


طالعتها بحتقار ...وقمت وين راح هالحســـــــــــن ...مسكتني من ايدي : لا تعذبني انزين لا تطلـــــــــــــع ...ايلس املي عيوني من جوفتك ..


دخلت بنت ثاننيه ...قالت : اووه سوري ..شكلكم مشغوليـــــــــن


ميمي : لا تعالي ...


يلست عدالها ...جسمي يرتجف ..وينه هذا ...سمعت البنت الي دخلت علينا تقول : مواعده اليوم وااااحد اذا طاااح بنطيح على كنـــــــــــــــز


ميمي : تبينه يطيح بس فالدعااااره...والا ..المخدرات


ضحكت وردت : لا فالاثنين ...انا متاكده من الاولى ..بس الثانيــــــــه احس صعبه ...بس بخلي الحبوب له فالعصير..


قمت من مكاني بطلــــــــــــع ...خلاص ما استحمل ...هذيلا شو من البشـــــــر...قمت ودخلت الغرفه الثانيه...جفت حسن واقف ويا واحد


صرخت : حسن خلصني ..


قال : انزين بلاك جيه ...


عطاني فايدي ...قلت : هذا ما يكفيني


قال: هذا الي عندي


قلت وانا امسك ايده ..: دخيلك ...بموووووووووووت


دزني: انا ما يخصني


حسيت بالذل...هذي ااخره كل مدمن ...كنت بطلع بس وقفت يوم سمعت صوت هب غريب ...وقف الدم فعروقي ..ما عرفت شو اسوي ...آحمد ...اخوي الي اصغر عني ...وياي فنفس الدرب ...آحمد مدمن ...ما صدقت ...كذبت عمري ...اكيد تشابه اصوات ...ركضت صوب الغرفه الي ياي منها الصوت ...فتحت الباب ..وقف الدم فعروقي ..وانا اجوف بنت فحضنه ...البنت الي توها تتكلم عن المخدارت , هآي تبا اطيحه في نفس البلا الي انا فيه


فج عيونه : كااااااااااااااااااااااااايد


ما قدرت استوعب الي اجوفه ...مسكته من جتفه وسحبتــــــــــــــــه من الشقه ...مسكني حسن من ايدي : ما يخصك فزبايني


صرخت : زباينك يا الحقييييييييييييييييييييير ...هذاااااااااااااا اخوي


ما حسيت بعمري الا وانا اصفع حســـــــــــــن كف على ويهه ...صح انا ضعت خلااااااااااااص انتهيت ...بس اخوي كان بينتهي جدام عيني ...اخوي كان بيغرق فدناسه الدعااااره ...المخدرات ..الخمر ..والبنات .....لا لا لا يمكن اسمح بهالشي ...الكل التموا حولي ...سحبت آحمد وانا اسمعه وهو يقول : ودرنــــــــــــــــــــــــي


طلعت من الشقه وجفت عبدالله فويهي ...وعبدالله بعد ....لا لا ما اقدر استحمل الصدمه ...فريت آحمد عليه وقلت : الحقنــــــــــــــــــــــــي


ركبت السياره ...جسمي يتشنج اكثر واكثر ...خلاص ..دورت فجيوبي ...ما لقيت المخدر الي عطاااني اياه حسن الزبااااااااااااااله ...اكيد طاااح وانا اتضارب وياااهم


مسكت تلفوني وانا ارتجف : ..عبدالله الحقني بسيارتك ...ولا تخلي آحمد يروح مكااان


رحت اقرب مكان لي ...البحـــــــــــــر وقفت ...نزل عبدالله وآحمد ما نزل من السياره ...كنت اررتجف ما عدا ان الجو هب بارد ....


قال عبدالله : فهمني شو صااااااااير ؟؟


قلت وانا اصرخ عليـــــــــــــــه : شو الي خلاك تروح الشقه


قال وهو منرفز : اخـــــــــــــوي الكبير يروح هالشقه ...بغيت اجوف


صرخت : لا تغيـــــــــــــر الموضوع


صرخ عليه: انا ما اغير شي ...جفتك ولحقتك ...وعلى فكره ...كل الي فالشقه الحيــــــــــن بيكونون فالسجن لاني بلغت عنهم


نزل آحمد ويا صوبي وهو معصب ...مسكني من قميصي ...ما قدرت ادزه ...حسيت الدنيا ادور فيني ...اجوفه اثنين هب وااااااااااااااااحد ...قال وكلامه يتردد فاذني: مره ثانيه لا تدخل فيني ...ابتعد عني ...جفت عبدالله يركض صوبي وهو يصااااااااارخ : كااااااااااااايد كااايد ...ومن بعدها ما حسيت بشي














أحمد
















رجعت بيتنا وانا معصب ما يحق له يدخل فيني ..انا حر بتصرفااااتي ...فريت سويج سياره عبدالله الي ركبتها ورحت بعد ما تظاربت ويا كااايد ...ما كنت متوقع انهم يراقبوني ...شو يبون فيني ...ابا افهم ..انا مبتعد عنهم وعن صدعتهم ...جفت امايه فويهي ...لا حول..احين يتفتح سالفه طيف ...


قالت : رجعت الحييين نص الليل البيت


تقربت منها وحبيتا يدها : امااايه فديتـــــــ........


قاطعتني : اسمعني يا آحمد ...اذا ما نفذت كلامي انا لا امك ولا اعرفك


طالعتها منصدم ...لا ما اقدر على زعل امايه ...وهب قادر اقول لها اني متزوج ...قلت : امايه بس


قالت : لا بس ولا شي ...روح تسبح ...وارجع بنتفاهم على موضوع الخطوبه ...هاالاسبوع ان شاء الله بخطبها لك ...بنت خاللتك ما بياخذها الا واحد من عيال ...عبدالله الـ.............


طالعتها ...وطيت راسي وقلت : ان شأء الله ...خلاص الي تامرين فيـــــــــــــه بيصير


حضنتني ...وانا احس اني مجبور على هالشي ...سحبت عمري من حضن امايه وطلعت غرفتي..الله يغربلك يا كــــــــــــــــــــايد...ضيعت عليه بنت ما تتضيـــــــــــــــــــــع ....اااه من وين طاحت عليه العله طيف بس من وين ...













عبدالله

























دخلت البيت وانا واااصل حدي ...جفت آحمد يالس ويا امايه فصاله ..وهو يضحك ويخطط ويا امايه للخطوبه


قال : وينه اخوك ؟


قلت : منو منهم ...مروآآآآآآآآآآن واالا كاااااااااااااااايد ؟؟


طالعني بنص عين تقرب مني وهو ماسك الفوطه وينشف شعره ...: كااايد الي مخلي عمره شرطي يتبعني وين ما رحت


تنفست براحه ...يعني هو يتوقع ان كايد تبعه وطلعه من الشقه ...الحمد الله ...هذا الي كنت احاتيه ...: سيارتك فالحجز يا شاطر


طالعني شكله ما فهم ...انا بلغت على الشقه وقلت لربعي الي مداووومين فالمركز ياخذون سياره آحمد الحجز ...ويقولن انها موقفه بالغلط .......وساده الدرب ...


قال : طلعها بااااجر


قلت : ما مطلعنها


امــــــــــايه ..: صار لكم ساااعه تتكلمون ما خلصتوا


قلت : بالمناسبه امااايه كاااااااااااااايد سافر


قامت معصبه وآحمد التفت مستغرب : سااااااااااااااااافر ؟؟


دخل علينــــــــــــــا ابويه ...قال وهو مضااايج : شو هالمصايب الي تنزل على راسنا


طالعناه منصدمين ...امايه : شو صاااير ...؟؟


قال : بنات حمد الله يرحمه


طالعتهم مستغربين شو صاااير ..امايه : يلا كل واااحد منكم على غرفته


حسيت ان فيــــــــــــه سالفه ....وخصوصا ان ابويه معصب...منو هذيلا بنات حمد......














روضه





















ما طلعت من غرفتي ...ما فيني على المشاكل ..حسيت انه في شي صاااير ..عبدالله تبع كااايد وآحمد رجع البيت معصــــــــــــــب ...دخلت غرفتي...رن تلفوني ..هذي طيف ...هالبنت صح اصغر عنـــــــــــي ...بس افهم عليها وتفهمني ..ويكفي انها اخت هادف


رديت : آلو


قالت : هلا وينج انتي ؟؟


قلت وانا اضحك على خبالها :فالبيت


قالت بهمس : عبدالله موجود؟


تنهدت ...هذي لو عرفت ان آحمد بيخطبها ...عادي تنجلط ...قلت : هيه


قالت : فديـــــــــــــــته


دخل عليه مروان من غير لا يدق الباب ...قلت وانا ما عطيتنه سالفه : اقول لا تتفدينه مهير وااايد هو ما درى عن هوى دارج


صرخ مروان : ابا لابــــــــــــــــج الحيـــــــــــــــــــــــــــــن


اشرت عليه ...وقلت : خذه واطـــــــــــــلع برع ...ومره ثاانيه دق الباب


طلع وضرب بالباب بقو...رديت : طيف..ما بتين عندنا البيت ...


قالت : تولهت عليه


قلت : حشآ امس جايفتنه


قالت : صح ما خبرتج ...طرشت له مسج وما رد عليـــــــــــــه كسر خاااطري


قلتلها : اصلا هو اليوم مضايج ..


قالت : يعله فيني ولا فيه


لا هالبنت لازم تتغير ...شو بيصير اذا خذها آحمد ...لا مستحيل اتخيل الوضـــــــــــع .....


قلت ابا اغير الموضوع : طيف...ابا اغير تلفوني ...شو رايج نشتري نفس النوعيــــــــــــــــهـ


قالت : هيه صح


الحمد الله ..وبدت ترمس عن التلفونات وشو يديد ..وهالسوالف ...سكرت من عندها ..ورحت صوب غرفه كاايد ...اباا اطمن عليـــــــــــه .,..دقيت الباب ...


التفت وانا اسمع صوت مروان من الصاله : لا اتعبين عمرج ...هب موجود


قلت: ما رجع ؟؟


ما رد عليه ...جفت عبدالله ..رحت صوبه : وين كاااااااااااااايد ؟؟


قال: سافر ...خله يغير جو ...يبا يرتاح الريال..


قلت : طيف اتصلت تسال عنك........


قاطعني وصرخ :هالبنت ما بتعتقني لوجه الله ...خلااااااااااص ما ابيها


سكت ..ما عرفت شو اسوي يوم جفت آحمد واقف وراى عبدالله ...ويطالعنا بنظرات مافهمتها ......








نهـــــــــــــــــــــــــــايه البارت

 
 

 

عرض البوم صور وجه النهار   رد مع اقتباس
قديم 14-09-10, 02:06 PM   المشاركة رقم: 18
المعلومات
الكاتب:
اللقب:
ليلاس متالق



البيانات
التسجيل: Jul 2009
العضوية: 147447
المشاركات: 317
الجنس أنثى
معدل التقييم: وجه النهار عضو بحاجه الى تحسين وضعه
نقاط التقييم: 40

االدولة
البلدUnited Arab Emirates
 
مدونتي

 

الإتصالات
الحالة:
وجه النهار غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

السلام عليكم
كل عآم والجميع بخير , ادري متآخره ,
بس عذروني ,
كل خميس لنا لقآء , انتظر تفآعلكم

 
 

 

عرض البوم صور وجه النهار   رد مع اقتباس
قديم 14-09-10, 07:37 PM   المشاركة رقم: 19
المعلومات
الكاتب:
اللقب:
عضو فخري


البيانات
التسجيل: Apr 2009
العضوية: 142868
المشاركات: 11,327
الجنس أنثى
معدل التقييم: نوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسينوف بنت نايف عضو ماسي
نقاط التقييم: 3549

االدولة
البلدSaudiArabia
 
مدونتي

 

الإتصالات
الحالة:
نوف بنت نايف غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

السلام عليكم
مرحبا نهوره
بارتات روعه واحداث متشابكه
بصراحه ابداع جدا اندمجت مع هالعائله
الام وي وش هالتسلط من جد تقهر ومدري كيف عيالها متحملينها اكيد عشان فلوسها وبس
طيف وربي ازمه هالبنت لا ويبونها تاخذ احمد وهي مطيحه حب في عبد الله
صراحه ازمه بجد يعني لو له مشاعر خاصه بقلبها وبس كان فيها اخذورد انها تاخذ اخو بس العائله الكريمه كلهم يدرون بحبها لعبد الله
************
كايد والادمان والحل الجذري للسالفه بجد طلع عبد الله انسان روعه بالفعل ومو فاضي لطيف ولعبها بس الاكيد ان طيف راح ترفض احمد
**********
احمد وندى والخيانه والحب
احمد لو حب ندى بجد كان مستحيل يخونها بس واضح انه حبه لها مجرد كلام وبس
لا والاخ متحسف على البنت اللي ضيعها كايد عليه صدق انه رخمه ومايستاهل حب ندى له
**********
لطيفه وام رجلها شكلها السبب الاول بطلاقهم يمكن الغيره اللي خلت العجوز تعرفها على بنات اختها
والا من البدايه ماكانت موافقه على الزواج
*************
تطور ملحوظ نهارو باسلوبك
واتمنى لك التوفيق عزيزتي

 
 

 

عرض البوم صور نوف بنت نايف   رد مع اقتباس
قديم 15-09-10, 01:07 AM   المشاركة رقم: 20
المعلومات
الكاتب:
اللقب:
ليلاس متالق



البيانات
التسجيل: Jan 2010
العضوية: 155543
المشاركات: 248
الجنس أنثى
معدل التقييم: وديمه العطااء عضو له عدد لاباس به من النقاطوديمه العطااء عضو له عدد لاباس به من النقاط
نقاط التقييم: 101

االدولة
البلدUnited Arab Emirates
 
مدونتي

 

الإتصالات
الحالة:
وديمه العطااء غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته


كل عام وانتي بخير غاليتي وجه النهار

القصه روووعه وعجبتني واااايد وعجبني اسلوبج الي ذكرني بكاتبتنا العيناويه موفقه يا غناتي

كايد...

ياترا عذابه هذامن شدة حبه لمنى ولا لانه يحس بتانيب الضمير اعتقد عذاري بتقدر اطلعه من الي هو فيهويمكن يتعلق فيها


عبدالله فنان واحلى شي يوم رفس الكرسي كردة فعل بعد كلام امه عن ييت خالته...انا لومنه باخذ طيف هذي على جنب وبعطيها كف عشان تصطلب بس شو نقول سن مراهقه واعتقد مروان ايحبها بس مش عارف شو يسوي وهو يدري انها تحب اخوهتعال خذ كف انته بعد

احمد....عاده هذا قصه بروحه يعني يوم قالوله بنزوجك حس انه يخون زوجته ومن قبل عادي ايخونها مع بنات الحرام يا مااااااال ال...خلونيه ساكته


غيث....يعجبني الاخ الي يهتم بخواته ويحسسهن انه الامان بالنسبه الهن
غيث انسان فاهم وواعي مهتم باخته ويحاول ياخذ حقها من زوجها الي يمكن ظلمهاويمكن منصور نفسه ماضلمها بس انه سكت على معاملة امه الزفته لزوجته ماشالله بعض الامهات من يقعد ولدها عندها حشت راسه بمليون سالفه عن حرمتهوكله من الغيره انزين عيل ليش اتزوج عيالها

باقي منووو هيه شميس وعليوه واعتقد انهن هن بنات حمديمكن يطلعن من العايله

غناتي وجه النهار موفقه فديتج وننتظر البقيه

محبتك وديمه العطا

 
 

 

عرض البوم صور وديمه العطااء   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ولِ القلوبِ معـاركْ ..!, وجه النهار
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 07:41 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية