لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 28-12-10, 11:28 AM   المشاركة رقم: 51
المعلومات
الكاتب:
اللقب:
مشرفة منتدى الحوار الجاد


البيانات
التسجيل: Apr 2008
العضوية: 70555
المشاركات: 6,382
الجنس أنثى
معدل التقييم: شبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسي
نقاط التقييم: 5004

االدولة
البلدSaudiArabia
 
مدونتي

 

الإتصالات
الحالة:
شبيهة القمر غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

أدري الكاتبه غااايبه ...

بس فقدت القصه بالصفحاات الاولى ...>>السمووووووووووحه ..

يمكن يكون بااب خير وتطل عليناا الكاتبه ألحين ...>>فيس يتخيل ههه

 
 

 

عرض البوم صور شبيهة القمر   رد مع اقتباس
قديم 28-12-10, 12:22 PM   المشاركة رقم: 52
المعلومات
الكاتب:
اللقب:

البيانات
التسجيل: Dec 2010
العضوية: 208916
المشاركات: 109
الجنس أنثى
معدل التقييم: حلمي الضائع عضو له عدد لاباس به من النقاطحلمي الضائع عضو له عدد لاباس به من النقاط
نقاط التقييم: 105

االدولة
البلدSaudiArabia
 
مدونتي

 

الإتصالات
الحالة:
حلمي الضائع غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

في البدايه حبيت اعبر لك عن اعجابي بروايتك واللي باين من بدايتها انها جميله وشيقه وشخصياتها حلوه ,,
اكثر شخصيه استفزتني في الروايه وفي الوقع هي شخصية منصور يعني لما يكون الواحد اناني انا بموت من القهر كيف يعني يحب وحده ويموت فيها ويتزوج غيرها عشان يسرق ولدها ويعطيه حبيبته اذا كان فيه ناس تفكر كذا كثير فبقول انو الحياه صارت مخيفه بس المضحك لما ينصدم في ويلاقي انو تقبل الزواج بس بعد ماحصلت بلاوي ياااااه صراحه احس اللي عايشين على هالتفكير فيهم انصفام شخصيه عقله يشتغل وقلبه يشتغل والمفروض تكون لطيفه زوجه لواحد افضل منه ويبقى هو مع اللي مايتمنى على قوله غيرها,,

الروايه روعه ولها متابعين حتى من وراء الكواليس ويتمنون انك ماتوقفي كتابه ولك كل الود والتقدير

 
 

 

عرض البوم صور حلمي الضائع   رد مع اقتباس
قديم 28-01-11, 12:21 AM   المشاركة رقم: 53
المعلومات
الكاتب:
اللقب:
ليلاس متالق



البيانات
التسجيل: Jul 2009
العضوية: 147447
المشاركات: 317
الجنس أنثى
معدل التقييم: وجه النهار عضو بحاجه الى تحسين وضعه
نقاط التقييم: 40

االدولة
البلدUnited Arab Emirates
 
مدونتي

 

الإتصالات
الحالة:
وجه النهار غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 



البارت التآسع


































أحبك ,


وأنت لا تمنحني الا الألم ..!











































عبدالله





يلست برع اتريا .. شو بلاها .. تاخر الدكتـور .. رفعت راسي على صوت الدكتور .. قمت وسالته



: شو دكتور ؟؟!


قال : الظاهر انها تعبانه نفسيه .. القولون ملتهب .. والا انها خبصت بالاكـل .. لازم تنتبهون على اكلها وقفت مبهت .. فيها القولون ..اول مره اعرف .. تلومت ..انا دوم اتضارب وياها



قال : اناالحين صرفت لها ادويه وان شاء الله بتخف .. وبنومها ساعتين لحد ما يخلص المغذي .


هزيت راسي بتفهم... صح هيه قويه ولسانها طويله بس يوم شفتها ضعيفه تلومت فيها وااايد .. حسيت أني مسؤول عن الي صار .. دخلت الغرفه عليها كانت نايمه وشكلها تعبانه .. يلست على الكرسـي .. وطالعت المغذي ..من اليوم ان شاء الله بتغير وياها .. بحاول ما اضايجها .. طالعت ملامحها .. حلوه .. في قوتها وفي ضعفها ...ما حسيت الا بصوتها تقربت منها ابا افهم شو تقول


: امـايه


يلست اطالعها ..فقدت امها ومحد حاس فيها..اكيد تعاني .. في شي يشدني لها ...وهب قادر اقاومها ,, يمكن شخصيتها القويـه ...



" على الفير "



طلعنا من المستشفى كانت هاديه ما تتكلم.. استغربت .. اول ما ركبنا السياره التفت على صوتها الي مبين عليه التعب : بردانه ..


ما عرفت كيف اتصرف .. التفت على ورا وشفت جاكيتي مفرور على الكرسي ..سحبته وخليتها تتغطى فيه .. وشغلت الدفايه .. حسيتها بدت تنام براحه .. سرعت للبــيت ..






















كايد



























فتحت عيني على صوت الباب .. رفعت راسي شفت بو الهنوف جدامـي وهو يبتسـم قال : صباح الخيـر


قلت : صباح النور


قال : بسك نووم .. قوم نتريق وندخل صاله الرياضه بنتمرن شوي وبنظهـر ..


قلت : اوك .. بخذ شور سـريع



بعد ما خذت شور .. طلعنا ..اول مره ادخل الصاله الرياضيـه .. انتبهت على الدكتوره عذاري تلعب على جهاز المشـي .. في كل مكان تحرص انها تتواجد ويانا .. ابتسمت يوم شافتني .. حاولت اتجاهلها ..التفت صوب ابو الهنوف ابا اشتت نظري .. بس صوتها وهيه يايه صوبي خلاني اعرف انها بتكلمني , ما اعرف شو سبب هالاحساس : كـايد


قلت بجديه : نـعم


حسيتها انصدمت من تعاملي وياها .. قالت بعجرفه : نظام كل يوم راح يوصلك مافي داعي ارسل ابو الهنوف لك .. وابو الهنوف هب مسؤل عنك .. سامع


ودرتني وراحت .. التفت على ابو الهنوف قال : شكلها اليوم معصبه الله يستر ..


قلت : وشو تقدر تسوي مثـلا ؟؟!!


طالعني وابتسم .. قال : تقدر تسوي وااايد ..


التفتنا على الدكتور محمد الي دخل الصاله وراح صوب عذاري يتكلم وياها


ابو الهنوف : يحبها


التفت بصدمه لابو الهنوف : قصدك دكتور محمد


هز راسـه : معقوله انته ما ملاحظ ؟؟!!


قلت : ما يهمني ..


رحت ادرب .. وخذت جدول كل يوم .. يعني كل يوم الصبح بعد صلاه الفير .. والريوق .. الصاله الرياضيه .. بعدها اليلسه فالحديقه ..قرايه جرايد وهالسوالف ,..غدا .. نوم ..العصر .. والمغرب .. لعب طايره وسله هالامور .. وعشا ..ونوم من الساعه عشـر .. يستهبلون من الساعه 10 ..ههههههههههههه مستحيل ...طالعتها وهيه تتجادل ويا د محمد .. خاطري اعرف شو يقولون .....






















روضه
























وعيت على صوت التلفون .. منو هالمليقه الي ادق من صباح الله خيـر ..شليته ورديت من غير لا اشوف منو الي متصل


: همم


ياني صوت خلاني انسى النوم وافز من على كرفايتي .. : صباح الخيـر .. قبل لا اروح دوامي حبيت اسمع صوتج .. يلا كملي نومج .. طوط طوط



فيــصل .. هذا فيصل ..هذا مصخها وانا بوقفه عند حده .. قمت وخذت شور ..ولبست وكشخت .. ملل ..فجيت التلفزيـون...وخليت على وحده من القنوات.. مسكت تلفوني ... كشخه التلفون.. لا يا روضه لازم ترجعينه ...



دقيت لطيف بشوف تجهيزاتها للملجه : الو


ردت : الو


قلت: طيف قلبي شخبارج


قالت : الحمد الله بخيـر


قلت : شكلج رضيتي بالواقع !!


قالت : خلاص ما اقدر اسوي شي .. ولا بسوي .. ما صار يهمني شي ..منو اخذ .. احبه ما احبه .. كل هالامور انتهت خلاص


كسـرت خاطري .. قلت : طيف آحمد زين بعد وان شاء الله بيخليج في عيونه..


قالت : بليز روضه خلاص انتهي الموضوع


قلت : تجهزتي


ضحكت بحزن : قصدج امايه زهبت كل شـي هب انا .. الفستان والي بتلبس الفستان تعرفين هب المهم انا المهم الحريم الي بيحظرن..



قلت : طيف....


شهقت وانا اشوف التلفزيون بندت في ويه طيف .. هو .. هذا فيصل ...رفعت على الصوت.. فتحت عيوني على الاخر من الصدمـه ..


























شمسه






























اول ما قمت من النوم سمعت صوت الباب ينفتح .. رفعت راسي وشفت عليا داخله وويها شاحب ومعاها كيس من المستشفى ...تروعت وقمت صوبها اركض : بلاج ؟!


طالعتني بنظره وقالت : ماشـي ..


فرت عمرها على السرير .. تبا تنامـ .. طلعت من الغرفه وانا حدي مضايـجه ... ليش تعاملني جيه .. شفت عبدالله فويهي .. عدلت شيلتي ..


قال : تراها تعبانه .. يلسي وياها


قلت وانا احاول ما ابين دمعتي :هيه ما تبا حد وماتباني انا..




















ندى

























لميت شنطه ملابسـي ..كنت خيفانه .. خيفانه وآآآآآآآآيــد شو بيصير وكيف بتستقبلني ام آحمد .. رن تلفوني ورديت.. ياني صوت عبدالله


الو


رديت بخوف : الو


قال : اذا من الحين خيفانه ...


قاطعته . : آحمد بيزعل منـي


قالي بحده وهالشي خوفني اكثر : كيف تخافين على زعله وهو هب حاسب لج حساب


قلت : انا ..


قاطعني : ندى .. هذي فرصتج تعالي المسـاء .. واذا ما يتي انا ما يخصني فيج بعدين


دمعت عيني ..شو اسوي وكيف اتصرف .. سكرت التلفون .. وانتبهت على صوت من ورايـه ..لامارا : ندى يلا




ما جدامي الا هذا الحل . . رفعت راسي على صوت لامارا : وصلناا العنوان


الوقت مسا.. والجو بارد .. كنت لابسـه بنطلون جينز .. وقميص لونه بني .. ناعم .. وفاجه شعري .. كنت خيفانه موووت .. ابا آحمد .. ولاني اباه اسوي هالشي بس خيفانه اخسره للابـد .. اذا خسرته اموت.. تقدمت بخطوات بطيئه وانا اسمع لامارا تكلم الخدامه وتسأل عن ام آحمد .. دخلتنا الخادمه.. تقدمت ببطى.. اول ما رفعت راسي اكتشفت اني في الصاله . وجدامي واااايد اشخاص ... خفت مسكت ايد لامارا ..

رفعت راسي على صوت حرمه : نعم انا ام آحمد


بلعت ريجي .. شوا قول .. حركت نظري ووشفت عبدالله .. طمني بعينه .. فيه ثلاث بنات يالسات ..ثنتين متحجبات .. وحده لا ..


قلت : انا.. انا ..


قالت : خير ؟!


قلت : انا ..ندى .. زوجه احمد


قامت وقالت : شكلج غلطانه


حسيت الدموع تجمعت فعيني : لا انا هب غلطانه هب هذا بيت محمد ال...


طالعتني الام بصدمه .. خفت .. وقفت ورالامارا لما حسيت نظراتها حاده .. صارخت وقالت : سمعي لا تتبلين على ولدي .. بعد يومين ملجته وانتي يايه تقولين هالرمسه


ما قدرت .. صحت .. الا انهرت .. ليش خليتني وخليت عمرك في هالموقف يا آحمد .. بس تدخل عبدالله قال : اماييه خلينا نتاكد


قالت: عندج عقد زواج


لامارا عطته .. وهنيه تمت تصاااارخ باعلى صوتها ام آحمد .. حسيت ان الي سويت مصيبه كبيره ..بنروح فيها انا وآحمد ..صحت بصوت عالي وقلت: دخيلج انا ابويه توفى ومالي الا انتو وآحمد ..دخيلكم بضيع من غيره.. انا احبه والله احبه ..مسكتها من ايدها ويلست اترجاها وهيه اطالعني.. جسمي يرتجف .. سكتنا كلنا لما سمعنى صوت الباب ينفج .. طالعت ومت فمكاني وانا اشوف آحمد .. خفت .. بيطلقني .. امه بتخليه يطلقني ..



كـايد



سمعت صوت باب غرفتي .. منو الي ياي الحين وقت النوم .. التفت وشفت احد العمـال الي يشتغلون فالمركز .. قالي : دكتوره عذاري تترياك فالمكتب ..


استغربت شوتباني .. ودرت الي فايدي .. ورحت صوب مكتبها .. دقيت الباب وسمعت صوتها وهيه تقول : ادخل كايد


حشى ساحره .. متاكده اني انا . .فتحت الباب ودخلت .. اشرت لي على الكرسي .. يلست جدامها .. قالت : شخبارك اليوم ان شاء الله احسـن


هذي اكيد فاضيه : هيه الحمد الله


قالت : كايد شو سبب هالعلامه الي فجبينك ؟؟!!


استغربت .. شو تبا هذي .. هالعلامه بسبب الحادث الي فقدت فيه منى.. قلت : ما يخصج


ضحكت .. وهالشي استفزني .. قالت : شو صار خبرني ..!


قلت : انتي لشو تبين توصلين ؟!


قالت : لسبب العلامه الي فويهك


تنرفزت قمت وتقربت منها وقلت : ليش لهدرجه عايبنج ويهي وقاعده تتاملين فيه


قامت وجابلتني وخلت عينها فعيني .. استغربت منها .. ما توقعتها قويه لهدرجه ..


قالت : تحس انك شريك في موتها , !! مسئول عن الي صار ,, و كيف ..!


ما قدرت استحمل صوتها والصور الي يت في بالي .. صرخت : سكــــــــــــــــــــــتي ..


طالعتني وقالت : على العموم اذا ما صارحتني اليوم بتصارحني غير اليوم .. تقدر تروح غرفتك ..


طلعت من مكتبها بسرعه .. دخلت غرفتي . فريت عمر ي على السـرير .. وفي بالي منى .. ليش ليش صار هالشي ... ليش ؟!!!

















آحمد










حسيت اني فكابوس يوم شفت ندى جدامي وهيه تكلم امايه .. عبدالله .. وشمسه .. وعليا .. وروضه يطالعوني مستغربين .. لامارا ..


امايه قالت : آحمد صدق الكلام الي تقوله البنت ؟؟!!


وقفت ما عرفت شوا قول .. خلاص انا بضيع .. بضيع .. صوت صياح ندى يقطع قلبي .. ما قدرت .. رحت صوبها وقفت جدام ندى .. بحيث اني اجابل امايه وقلت : هيـــــــــه


بعدها حسيت بكف على ويهي .. وصراخ امايه .. وشهقات الموجودين ومن بينهم ندى .. الي دفنت راسها فظهري ..


امايه : اطلع برع البيت .. ومن اليوم .. مالك عندي مصروف ,, تبا فلوس اشتغل .. شو بسوي انا الحيين بهالمصيبه . .. الناس بعد يومين معزومين لملجتك .. انته وطيف .. يا الفضيـــــــــــــــــحه ..


ما قدرت استحمل .. شليت بعمري وركبت سياااااارتي .. خلاااص انا ضعت ..















عليا




















صدمه على ويوه الموجودين.. حرمه عمي في حاله صدمه كبيره .. اليوم اهم فرصه لي اتقرب منها .. وبعدها اسيطر على هالبيت .. سمعتها تصارخ على الخدم ياخذون زوجه آحمد لغرفه والحرمه الي وياها فغرفه ثانيـه .. نزل مروان على صوت الصراخ.. وعبدالله شل بعمره وظهر .. خطرت في بالي فكره جهنميه .. روضه يلست تفهم مروانالسالفه .. وانا تبعت حرمه عمي ..


دخلت عليها الغرفه وهيه تصارخ .. وتقول شو اسوي .. رحت صوبها وقلت: كل شي له حل خالوه


قالت : شو الحل .. مااااشي حل .. الله يهديك يا اآحمد شو الي سويته كيف بنتصرف


قلت : خلي طيف ياخذها مروان..


طالعتني مستغربه .. ضحكت. : اذا تعايزتوا .. الناس بيتكلمون عن العايله .. والحين كل ربيعاتج .. يعرفن بموضوع الخطوبه .. ان ولد الـ### بياخذ طيف .. منو بالضبط ما يعرفون


طالعتني وقالت : انتي من وين يبتي هالفكره


قلت : ما احب اشوفج زعلانه


طالعتني وابتسمت .. ضحكت فخاطري .. ابا اكسب ثقتها وبعدين لكل حادث حديث ...


قلت : وبالمره .. فليله زواج طيف ومروآن.. زوجي ندى وآحمد جدام الناس ..وجيه تكونين حليتي المشكلــه ...


التفت على الخدامه : روحي زقري مروان بسرعه ...


















عبدالله











سرعت بسيارتي ورا آحمد .. هذا اكيد تخبل يسوق جيه .. اتصل له مغلق .. احسني اقوم بدور كايد .. وقفت يوم شفته وقف عند البحر ونزل .. توقعت انه ينكر زواجه من ندى .. الظاهر انه يحبها.. نزلت شفته متسند على السياره ويطالع البحر .. تسندت عداله ..


قال : ليش تبعتني ؟؟!!


قلت : ابا اطمن عليك


قال : لا ما بموت من كف من الوالده ..


طالعته وملامحه متغيره .. خليت ايدي على جتفه : بات اليوم بفندق وانا بتصرف ويا الوالده وبخليها تسمح لك ترجع البيت..

قال : ما فيه داعي يا عبدالله


قلت : آحمد لا تعاملني برسميه انا اخووك ..


حسيته يبا يسالني عن ندى ,, بس انا سكت اباه يسال عنها ..


قال : ندى ..!!


قلت : لا تخاف .. الوالده مهما كانت عصبيه بس تعرف الواجب ,, دخلتها فغرفه واللبنانيه الي وياها فغرفه


فتح تلفونه .. واول ما فتحه رن شكلها ندى .. بس هو سفه التلفون .. قلت له : آحمد لو ما تحبك ندى ما سوت الي سوته


قال : ادري .. وهالشي الي خلاني اسكت على فعلتها ..


قلت : ااذا محتاي شي خبرني ..


قال : توكل


طالعته .. طول عمره جيه .. هب ويانا .. منعزل .. ركبت سيارتي .. اكيد هو بيروح بيته .. احسه يبا ينفرد بنفسـه .. ما حاب وجودي ..وصلني مسـج من منصور (( اترياك في االقهوه .. ابا اسولف ويااكـ ))


مريت على قهوتنا المعتاده .. تنهدت من فتره ما دخلت هنيه .. كنت دوم اجتمع انا وربعي وكايد وربعه هنيه .. شفت منصور يالس ومن ويهه يبن انه يفكر


قلت :بلاك


قال : الحرمه , ما رضت علي ؟؟!


قلت : حاول تراضيها , ما يصرفني اجآبلك كل يوم وانت مبوز جيييه


قال :أنطب اقولك


طالعته مستغرب : لِ هدرجـه متضآيج !


قال : فوق ما تتصور , انا بروح البيت


رفعت حاجبي : صدق ما عندي سالفه .. ياي اركض القهوه واخر شي تودرني وتروح ,,

ما عطآني سالفه , طلع بسرعه ابتسمت , ,, منصور من يوم يومـه ما يصبر عن حريمه

.. برجع البيت بعد انا بتفاهم ويا الوالده ..كنت بظهر بس سمعت صوت لفت انتباهي ,,,


: عبدالله


التفت وانصدمت يوم شفت فيصل.. ابتسمت ورحت سلمت عليه ..


قال : وين كـايد ؟!


تلعثمت .. ما عرفت شو اقول .. فيصل من اعز ربع كايد مسافر من فتره وهالايام رجع البلاد ..شاعر معروف ..... ورجل اعمال ... وله مكانه ..


قلت : مسافر


قال : انشغل بالي عليه ادق له ما ير د .. ولا حتى خبرني وين هو .. هو من فتره متغير ..


قلت : لا تحاتي هو بخير .. وطلع رحله استجاميه تعرف من وفاه زوجته وهو متغير


قال : اها .. .زين والله اخليك عيل الحين



ودرته وركبت السياره ورحت صوب البيت






















ندى




























ما ابا اشوف حد نمت على السرير .. ليش ما يرد عليه آحمد احاتيه.. بتخبل .. يلست اصيح ..


قلت : لامارا روحي .. ما باا اشوفج خلاااص


سمعت صوت ثاني .. فزيت وانا ارفع شعري : منو ؟!


انفج الباب .. وشفت بنت جدامي .. ابتسمت وقالت : انا شمسـه ..


قلت : تفضلي


يت صوبي ويلست عدالي.. قالت : انا بنت عم آحمد .. على فكره انتي حلوه وآحمد عرف يختار ..


نزلت دموعي ..ما قدرت استحمل .. تقربت هيه مني وحضنتني .. قالت : ندى انتي الحين بين اهلج .. لا تصيحين ..


حسيتها طيبه وااايد.. قلت : زعل مني ما يرد


قالت : ما عليه الي صار هب هيـن يا ندى .. آحمد وااايد قريب من امه .. وزعل امه صعب عليه


مسحت دموعي .. قلت : مشكوره ..


ضحكت .. قالت : يلا الحين نامي ولا تفكرين .. وآحمد ما عليه شـر .. عبدالله تبعه


هزيت راسي واول ما ظهرت عفدت ومسكت تلفوني ودقيت لعبدالله ..


رد : ندى آحمد بخير وانا لازم ارمسج .. اول ما ارجع البيت نلتقي فالحديقه فاااهمه


قلت : فاهمه


احسني ياهل وهم يتصرفون عني.. قمت وخذت شور.. وطلعت لي بجامه لركبـه .. لبستها لونها وردي .. ورتبت شعري الكيرلي .. لاحظت بنات عمه يتحجبن .. بس انا ما متعوده .. من صغيره وانا جيه ..يلست اتريا اتصال عبدالله وانا افكر فآحمد ..




















مروان




























منصدم من الي صار . . وانا اقول اني حاس ان ورى آحمد مصيبه .. محد سمعني .. يت ميري صوبي وقالت امايه تباني .. ركضت صوب غرفتها واول ما دخلت قالت : اقعد على الكرسي مروان


رحت وقعدت قالت : انته عرفت الي صار ؟!


قلت : هيه .


قالت : وعشان الفضيحه .. ما نبا حد يتكلم فسمعه بنات العايله .. انته الي بتملج على طيف بعد يومين ..


فزيت من مكاني ..طالعت امايه منصدم .. ما رمت ارمس .. قالت : وانا تفاهمت ويا خالتك .. وخبرتها عن الي صار.. وهيه بتخبر طيف ..


ليش الزواج صار لعبه .. شو الي قاعد يصير جدامي ..


قالت : روح الحين غرفتك


طلعت من عند امايه هب مستوعب .. ليش ما رفضت .. ليش ما قلت لاااااا .. ليش .. هالشي خلاني استحقر نفسي .. انا احبها .. احبهااااااااا .. هاللحضه كانت صدمه . .لاني ولا مره حسيت اني اكن لها مشاعر الا هاللحضه .. شفت روضه اطالعني


قلت : امايه بتزوجني طيف


شهقت روضه ..


مشهد جديم يمر في بالي , هو سبب اصرار امايه ان طيف يآخذها وآحد من عيالها ، انا بس الي اعرف , طييييييف الي هي طيف ما تعرف ,,,!


=(

















روضه

































طلعت لغرفتي ..لا ما اصدق الله يعينج يا طيف.. لعبوا فيها لعبه يمكن انا فنعمه ..لازم احمد ربي عليها .. شفت تلفوني يرن .. مسكته هذا فيصل .. رديت وانا ناويه انهي كل شي


الو


قال : هلا والله


قلت : لو سمحت فيصل انته انسان معروف . ومتزوج وعيب الي تسويه


ضحك بصوت قوي .. ما عرفت شو اسوي .. انا ماقلت نكته


قال : ومنو قال اني متزوج


قلت : ما عندك بنت ؟!


قال : هذي اختـي


استغربت .. قلت : ولو ... باجر برجع لك تلفونك .. وخلاص انساني


قال : ما اقدر .. قلبي احتليتيه


دق قلبي بقو .. سكت ما عرفت شو ارد .. قال : روضه باجر عندي امسيه شعريه بينقلونها على التلفزيون .. واول قصيده اهداء لج .. تصبحين على خيـر



تميت واقفه مكاني.. هب عارفه الي قاعد اسويه شو .. وليش ما قدرت اقوله لا .. يااربي اذا عرف حد من اخواني بيذبحني .. بيذبحوني .. فريت التلفون .. سمعت صوت الباب .. دخلت شمسه ابتسمت .. يلسنا نسولف وخبرتني عن ندى .. شكلها طيبه يحليها .. باجر بقعد وياها حرم اخوي .. لا تستغربون اني تقبلت الفكره .. عائلتي غريبه عجيبه اتوقع اي شـي ...





















آحمد
















وعيت الصبح على صوت تلفوني .. رديت بسرعه : الو


عبدالله : ارجع البيت انا تفاهمت ويا امايه ... بس هيه تبا تكلمك قبل .. فااااهم


قلت : فاهم ؟


لبست وظهرت .. اول ما وصلت البيت صعدت لغرفه امايه .. دقيت الباب .. فتحته وشفت ابويه ..طالعني بعصبيه ودرني وراح ..


امايه : آحمد تعال


رحت صوبها .. حبيتها على راسها .. قالت : اسمعني .. بعد شهر من الحين بسوي عرس مروان وطيف ..(( انصدمت )) ونفس الليله انته وندى فاااهم ..


هزيت راسي بالايجاب .. كملت : الحين شل بعمرك وداوم فالشركه عند ابوووك ..
















غيث





















مررت ايدي في شعري بتعب ,


آآآآه , جسمي كله يعورني , قعدت افرفر بالسياره للفير , نمت جدآم البحر ,


من ضربة الشمس وعيت , شو الي قاعد اسووويه اذا حد يعرفني شآفني , شو بيقولون ,,


الكلام الي قالته لي هالحرمه ، يقهر


كنت ما بصدقها بس عقد جوآهر الي في ايدي يأكد على هالشي , رفض جوآهر لِ قربي منها ,


آكيد تحبه هو , تباه هو, ما تباني انا


آحس بجرح كبير في كرآمتي , انا احبها ,


وهي تخوني , صعببه والله صعبه ,


نفضت الغبار الي علق في كندورتي , وركبت السياره , في البيت بيكون اليوم الوضع غير ,


في طريقي للبيت , فكره توديني وفكره تيبني ,


شو اسوووي , كيف اعاملها ,


اقولها انا دريت عن خيانتها , مافي شي كآسر ظهري , الا وصيييه ابوها لي , لو بس اهلها موجودين بفرها عليهم والله يعيني انا على الجرح ,,


بس ما اقدر , ولا اقدر اطلقها , مالها غيري ,


حياتي , علمتني ما اتسرع , شغلي وكل شي


اسويه بهدوء , الا هالقرار , هب قادر اتخذه بهدوء وعقلانييييييييييه ,,,


وقفت السياره ونزلت , سمعت صوتها


: غيييييييييييييييييييييث


وقبل لا التفت , حسيت فيها ترمي بجسمها الصغير علي , وتحضني


: خووووووووفتني علييييييييييييك


ضربتي على كتفي , : حرآم عليييييييك لا تسوي جييه فيييني مره ثآنيه


غمضت عيني , تحبيني , مهتمه يعني ..!!


ما اعتقد , تمثلييين , اكيييييييييد ,


مسكت ايدها بقووو ,


طآلعتني وهي تبتسم : وين كنت ..!! تعال ارتاح , دش , ويهك ,,


بس فجأه قالت : تعورني , ودر ايدي


انا كنت بس اطالعها , التفت على صوت امايه : غيث جوآهر طآحت علينا من خوفها , عنبوه


وقبل لا تكمل امايه رمستها , سحبت جوآهر للغرفه بسرعه وسط استغراب اماااااااااااايه ,


سكرت الباب بقووو وهي اطالعني بخوف


دزيتها بقو على الباب , وتقربت منها , طآلعتني بخوووف


: شو فيييييييك .! غيث لا تروعني ..!


مررت ايدي على خصرها , قربتها مني , , حسيت بِ انفاسها المتضآربه , خوف , رغبه , ما اعرف , نزلت نظرها وقالت : مشتاق لي ..!!


اشحت بنظري عنها ورفعت العقد ,,,


عطيتها ظهري , مابا اشوف رداة فعلها , قالت برتبآك : وين حصلته , غااااااااااااايب عني من ..!


سكتت لما قآطعتها وقلت : ما حصلته , انياب لِ مكتبي


احتقن ويهـآ ، عطتني ظهرها بسرعه وهي ترتجف ,


قالت : غيث ,،، فهمني , انا ما فهمت ,,


صرخت : بسسسسسسسسسسسسسسسسس ،


شديتها لي , وانا كآره عمري , كيف ارغب فيها وهي تخوني , بس قلبي من يتسلل له صوتها , يرتجف , قلت وانا اهمس في اذنها


: مابا عيال منج , ما أأمن عليهم وانتي بتربينهم , شو بيطلعون ,,, من باجر , تخطبين لي , ابا اتزووووووووج والا ننفصل , أختاري حل ..


دزيييتها ودشيت الحمآم بسرعه ، فجيت الماي وانا اتنفس بسرعه ,,,,


انا قد هالقرار والا لا ..!!!!


















ندى























كلمات عبدالله ترن في اذني , قال لي : ذليه , اذا تبينه يصير ريال , ذلييييييييييه ,


بس هالشي ما اقدر اسويه في أحمد , أنا احبببه ,


لحظآت وسمعت الباب يندق , فجيته ,


اول ما شفت ويه آحمد , ما قدرت اتمآلك نفسي رميت نفسي في حضنه وبديت اصييييييح ,


دخلني في الغرفه , بعدني عنه وقال : آنتي كيف تتصرفين هالتصرف ..!


قلت وسط دموعي: سآمحني , سآمحني


رجعت لميته في حضني , بس حسيت فيه بارد , لٍِِ أقصى الدرجآت , ابتعدت عنه ,,,


رميت عمري على اقرب كنبه وهو رمى نفسه على السرير


حضنت نفسي , محتايه ابوي , صدق محتايتنه , خلاص تعبت من هالعيشه مع احمد


أعشقه وهو يصدني ,,,






.



.



.










شعور بِ اشمئزاز فضيع , كيف قلت نعم اقبل به , كيف قبلت بِ الانسان الي شوه سمعتي ,


عند عمي , كييف اتزوجـه


انتبهت على صوت عليـآ : تتزوجين شخص سآهم في موت امج ..! غريب امرج , هالكثر مستقطعه , وتبين تعرسييين .!!!


طآلعتها وسكت , روضه تحرك ايدها على جتفي في محاوله منها لِ تهديتي ,


قالت : يلا نزلي , ابويه دق تلفون يقول جآبر يبا يجوفج



تمالكت اعصابي , ونزلت , آحس اني مكسوره , طآرق كسرني , وعمي كسرني , وموت امايه كسرني ,,, بس ما بدخل على جآبر وانا مكسوره , بكون شآمخه مثل ما تعودت وتربيت ,


دشيت وكآن المكآن بآرد وهادي


رفعت نظري وجفته يالس , اول ما شافني قام بسرعه ويا صوبي ,


قال : وآخيراً ,


سكت , مابا ابدا وياه بدايه سيئه ,,,


مسكني من ايدي وسحبني لِ اقرب كرسي , وسط عدم اكتراثي ,


مررت ايده على ويهي بِ لهفه , : هب مصدق يا شمسه وآخيراً صرتي لي ,


رديت : بِطريقة غير مشروعه


تغيرت ملآمـحـه , قآم بسرعه وقال : سمعي , تراني بسآفر خلال اسبوع او اسبوع ونص , وانا قلت لِ عمج اني بخذج وياي , خلج مستعده


وقبل اي رده فعل مني , تسكر الباب , اول شي يا في بالي , عليا ,


كيف بتركها وهاي حالتها ..!!


كييييييييييييييييييف ....!!!






















نهآية البارت


أدرك ان انتظآركم طـآل


لِ ذلك وجب الاعتذار , نلتقي قريباً =)


 
 

 

عرض البوم صور وجه النهار   رد مع اقتباس
قديم 28-01-11, 02:07 AM   المشاركة رقم: 54
المعلومات
الكاتب:
dlo
اللقب:

البيانات
التسجيل: Feb 2008
العضوية: 64261
المشاركات: 305
الجنس أنثى
معدل التقييم: dlo عضو له عدد لاباس به من النقاطdlo عضو له عدد لاباس به من النقاط
نقاط التقييم: 131

االدولة
البلدSaudiArabia
 
مدونتي

 

الإتصالات
الحالة:
dlo غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاتة
يعطيك العافية عزيزتي
اتوقع عليا بيزيد حقدها على اهلها
ندى
اتوقع بتواجه صعوبه عشان تنفذ كلام عبدالله بس بالأخير بتسمع كلامه
شمسه
اتوقع بتطلع في راس جابر نجوم الظهر
لك ودي

 
 

 

عرض البوم صور dlo   رد مع اقتباس
قديم 28-01-11, 03:11 AM   المشاركة رقم: 55
المعلومات
الكاتب:
اللقب:
ملكة المرح


البيانات
التسجيل: Nov 2008
العضوية: 106580
المشاركات: 1,343
الجنس أنثى
معدل التقييم: NoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جداNoOoFy عضو سيصبح مشهورا قريبا جدا
نقاط التقييم: 528

االدولة
البلدSaudiArabia
 
مدونتي

 

الإتصالات
الحالة:
NoOoFy غير متواجد حالياً
وسائل الإتصال:

كاتب الموضوع : وجه النهار المنتدى : القصص المكتمله من وحي قلم الاعضاء
افتراضي

 

عالعاده جيجي بارت ماشاءالله صاروخ وربي انتس مبدعه تدرين جيجي قوة الروايه وعظم الاستمتاع فيه تكمن في كثر الاحداث اللي ناتج عن كثر الشخصيات وهذا انا بنظري يعطي الروايه درجه كبيره من الروعه
خليني اقولتس مثل فيه روايه شخصياتها كثيره بس ماتلم بكل الشخصيات تقريبن في بارت واحد بالعكس ياتهملهم ثم بعد كم بارت ترجع لهم او تحط لهم مواقف ماله داعي بس مجرد الاقحام للشخصيه عشان ماتهملها لكن انتي جيجي ماشاءالله عليتس غير كل شخصيه موقفها وحدثها الحاضر اقوى من الثانيه وانا اقراء عنه اكون بشوق كبير انهي موقف هذي الشخصيه
جيجي استمري الروايه قمة الروعه ولله انتس في مصف الكاتبات المبدعات بنسبه لي انا شخصين وروايتس وللقلوب معارك في قمة الرواعه



طبعن ببدا بلطيفه ومنصور
ابو عبود لطيفه ماتنالم في اللي سوته بصراحه وانا مع لطيفه باي تصرف تصرفه معك
حياة زوجيه من بدايتها خدعه الرجال تزوجها وهو متزوج ومخبي زواجه ويحب زوجته ومبيت النيه انه يخليها تحمل منه ثم ياخذ ولدها ويطلقه ومن يربيه زوجته اللي هي طبعن حبيبته باي منطقه هذا وفي اي مجتمع يصير هل حنا في غابه القوي ياكل الضعيف وانت والعنود وامك وش تحسبون ليه ماخذت ببنت اصل واجواد
ولها اهل بياقفون معها ومايرضون عليها ولا راح يخلونك تاخذ ولدها وتحرمها منه
ولادها ولامر ان لطيفه عارفه بالمخطط يعني شاقيل البنت بتثق فيك وتحبك اذا رجعت لك ولله نها حرمه وسنعه وقوي قلبها اللي رجعت لك وانت هذي سواتك حتى لو اشعلت اصابعك كلها وصبحتها ورد ومسيتها ورد وشلتها على كفوف الراحه اصبر ويمكن مع العشره تنسى

بصراحه انا مستغربه منك منصور ماتعرف ربك باللى سويته وين عقلك انت وامك مافيه بنت ترضى انها خليجيه لو فيها بلاوي الدنيا انها تتزوج عشان تولد ويوخذ ولدها منها
زين يوم هذي نيتك ياخي كان خذت هنديه سيلانيه اللي هي وعطيتها كم قرش وخذت عيالك ولا اخفها عن الناس وخلها تفرخ لك وانسب العيال العنودك مع اني اشك بعد انهم يرضون
بس تعال وشذا القلب عليك تحب العنود وتموت فيها ثم بعد ماتركتك لطيفه حبيتها وقعدت تلحق وراها وطلقت العنود
بس تدري تستاهل المرمطه اللي تمرمطك فيها لطيفه تحمل ماجالك بس تعال بقولك شي لالالااذنك اذنك قربها تدري لطيفه تموت فيك ومسيرها ترضى



حب فيصل الروضه
روضه سمي بالرحمن وفتحي قلبتس ترا فيصل شاعر والشاعر لين حب وخري عن طريقه
بس جيجي فيصل هو مشترك بشاعر المليون عمرنا شفناه عن كلامتس يشار له بالبنان ولا بعد راعي امسيات ودنيا تدرين الظاهر بدخل قوقل واسئل عنه
المتوقع من فيصل بيطيح روضه بحبه اول اسلوبه جد مؤدب وحاب البنت صدق ويبي شكله الارتباط
ثاني شي انت كبير 32سنه عندك من العمر والعقل اللي تقدر طيح فيه روضه وعشره من اشكالها بس شكلك تبي القرب والرزواج وماعندك خرابيط
اما انتي ياروضه شكلتس بتحبينه وبتموتين فيه وراح تنسين ولد خالتس وطوايف ولد خالتس



كايد شكلك حبيت عذاري
تدرين جيجي كايد شخصيه جد حلوه اعجبني مع انه الى الان مابان بعد بس بسبب الموقف اللي صار له وموت زوجته وغير كذا اللي بينه وبين امه شكل امه لها موقف كبير وماثر فيه مع زوجته ومعه وهذا اللي يخليه ماتقبل امه
اما عذاري اتوقع انه راح يحبها على ان الدكتور محمد يحبها بس عذاري قلبها راح يتعلق بكايد بس ياترا بيحبها وهو مريض ولا اذا تعافى وطلع فكر فيها



شمسه وعدم تقبلها الجابر
طبعن الواضح حب جابر الشمسه وهي ابد ماتبلعه ولا ينزل لها من زور
الوضح ان جابر يحب شمسه وسوى المستحيل عشان يتزوجها واتوقع هو السبب في اللي صار الشمسه وامها واختها ابتدا من انه هو اللي وش فيهم وياعالم وش قال فيهم حتى خلا عمهم ياخذهم وبسببه راحت فيها امهم
واتوقع له يد في سفر طارق وتركه بيته
هل جابر زين
مدري عندي احساس انه كويس وان اللي سواه من حبه الشمسه ويمكن ان طارق فيه البلا وبصراحه لو ان طارق كويس ماهرب وخلا شمسه وماوقف معها مهما كانت الاسباب




طيف وحب مروان
تدرني على اني اعتبره عرس بزارين بس الف مره مروان احسن من احمد
طيف زواجتس من احمد مقبره لتس اول الرجال صايع بمعن الكلمه ثاني شي مايحبتس ثالث شي متزوج ويموت في زوجته مروان قطوه مغمضه حياتكم
عندي احساس بتكون حلوه راح يتعب مروان من طيف في البدايه بس بعدين طيف راح تحبه
تدرين طيوف احس امتس مصليه تالي الليل وداعيه ربها وابعد عنتس شر احمد باخر لحظه



غيث وخيانة جواهر
بصراحه الله لايحط لي حبيب بموقف جواهر صدق جواهر انتي الحين في امتحان صعب ياتنجحين ولا ترسبين فيه الحين بس تقدرين تثبتين برائتس الغيث او تثبتين الخيانه
اكيد غيث مثل اي رجال خذه الحميه والدليل ثابت الحرمه لقت سلسلتها مع زوجها واقل شي سوته انها حرقت قلبها مثل ماحرقت هي قلبها مثل ماتتوقع وصر احه عجبني اللي سوته الحرمه لو كل وحده سوت زيها صدقيني ماراح ولا وحده تحاول تاخذ زوج من زوجته لان الان كثرت صياعة البنات ولاهل ياغفلين لكم الله
جواهر مافيه احسن من الحقيقه تبين تحافظين على زوجتس وبيتس صارحي غيث بكل شي ولا اطلعي منها بملعوب ذكي مع اني اشوف غيث مهوب غبي



ندى بعد اعلان زواجها باحمد
صدقيني ندى اللي سويته هو الصحه واحمد خلاص يبيله من يوقفه عند حده
ياخي خلاص عندك زوجه وتحبه وشله اللعب والخيانه تصدق انك ماتستاهله
تدرين ندى لو انا مكانتس وقفت احمد عند حده الحين خلاص مافيه شي في الخفا انتي زوجته رسمي وفي بيته واهله يعرفون فيتس يايمش عدل ولا خلاص يفارق
ندى اسمعي العبدالله وان شاءالله احمد يتسنع ويمشي عدل



عبدالله واهتمامه بعليا
احس راح تكون قصة حب بين عبدالله وعليا في البدايه بتكون من طرف واحد اللي هو عبدالله بعدين راح تدخل عليا لكن بعد مايكشف عبدالله نواياها
تدرين احس عليا بتسوي نفسها حبت عبدالله كجزء من خطتها واللي هي تقرب من ام كايد وشكلها تبي تسيطر على البيت وتاخذ اهل البيت تحت ابطها مهوب بالخلق الطيب لا شكل عليا بتستخدم ذكائه وبتستغل عبدالله وحبه
عبدالله وعليا وراهم قصه روعه ومشوار طويل



جيجي قصه في قمة الروعه وبارت ممتع بشكل خيال منتظرينتس
على فكره جيجي البارت مثل العاده الخميس ولا غيرتي

 
 

 

عرض البوم صور NoOoFy   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ولِ القلوبِ معـاركْ ..!, وجه النهار
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:36 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية