لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 04-08-10, 02:22 PM   المشاركة رقم: 11
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 


< ( الفصل الثااني )>


عبدالعزيز قبل لا يروح غرفته خذ جوله في البيت عشان يدقق في التغيرات اللي صارت .. على الرغم من محاولاته طول هالوقت لأقناع نفسه بأنه مايهتم بأي شيء الا انه يلقى نفسه عكس ذالك .. والدليل انه ماقدر يستحمل البعد ووقر يزور اهله .. والدليل الثاني جولته ..

كل زاويه في البيت على الرغم من التغير اللي طالها لها ذكرى مميزه عنده .. بعد انتهاءه من الجوله في الطابق الاول .. صعد الدري وانتقل للطابق الثاني .. الطابق الثاني كان فيه تغيرات بسيطه عكس الطابق الاول .. عبدالعزيز ماكان مستانس من التغيرات .. البيت على الرغم من الديكورات والتصميمات اللي فيه كئيب وموحش ..

بعد مانتهى من جولته في الطابق الثاني راح غرفته وتفاجأ باللي لقااه .. ولا شي تغير .. كل شي في مكانه .. " معقوله محد جاس الحجره من هديت الديره .. "
عبدالعزيز دخل الغرفه وهو نااسي نفسه .. نقدر نقول رجع طفل صغير .. ولا حس بعمره الا لما مبطح على السرير .. ولقى ريله طالعه بره .. ماات من الضحك .. " ياربي لهدرجه انا كبرت " ..

قام من مكانه .. وقف عند المنظره .. لقى برواز زجاجي روعه فيه صوره جماعيه ( بوعبدالعزيز .. ام عبدالعزيز .. نوره .. عبدالعزيز ) ..
في هاللحظه استرجع كل ذكرى مؤلمه .. ومن الألم والقهر اللي كان حاس فيه قط البرواز بالقوه على الارض .. صوت ارتطام الزجاج بالرخاام كان قوي لدرجة ان نوره اللي غرفتها مجاوره لغرفة عبدالعزيز سمعت الصوت .. طلعت ركيض وفتحت الباب بدون لا تطقه ..
نوره وهي خايفه : شصاااااااااير ؟
عبدالعزيز سكت ..
نوره نزلت عيونها عالارض وشافت الزجاج المتناثر .. والصوره اللي طايحه بالنص .. ناظرت لعبدالعزيز باحتقار وعصبيه ..
نوره وهي طالعه : عمرك مابتتغير ..
عبدالعزيز لحقها ومسكها بالقوه : نوره ..
نوره : نعم ؟
عبدالعزيز " ماعرف شنو يقول .. كفايه الزعل اللي شايلته اخته بقلبهاا " : ترا البرواز طاح بالغلط ..
نوره تتصنع الامبالاه : انزين شسوي لك ؟
عبدالعزيز : شفيج تحاجيني جذي ؟
نوره ببرود: فيني اللي فيك ..
عبدالعزيز عصب بس مسك نفسه .. كلمها وهو يضغط على اسنانه بالقوه : نوره عيب اتكلمين معاي بهالاسلوب .. لا تنسين اني اخوج الكبير ..
نوره باسلوب استفزازي : ماعندي اخو .. اخوي مات من زماان ..
عبدالعزيز صرخ : ياليت يمووت ويرتاح من هالدنيا ..

"تركها وراح غرفته "


نوره ماعرفت شلون تتصرف تلحق اخوها وتتكلم معاه .. ولا تتجاهله .. في البدايه كانت وايد متأثره وحاسه انها غلطانه .. بس لما راجعت نفسها حست نفسها مو غلطانه .. "هو يستاهل هالاسلوب اللي اعامله فيه "

تمددت على السرير وبعد تمت تفكر .. كان ضايق خلقها ومو عارفه شلون تتصرف .. ولا لمن تشكي ..
وما لقت نفسها الا واهي ماسكه التلفون وقاعده تتصل في عبدالرحمن
" عبدالرحمن واحد تعرفت عليه نوره من شات .. وهو اول انسان في حياتها .. يوم دخلت الشات كانت اول مره لها .. وبعد كانت المره الاولى اللي يدخل فيها عبدالرحمن "
نوره : ألوو ..
عبدالرحمن مايتكلم ..
نوره : حمااانيي .. بابا وينك ؟
عبدالرحمن : نوره أحبج والله أحبج .. حبيبتي لا تخليني ..
نوره عرفت ان عبدالرحمن ناايم : حمانو انا خلاص قررت نهد بعض لان ماعاد نصلح لبعض ..
عبدالرحمن فز من مكاانه : هاا .. شنووو .. ليش ؟ شلون تهون عليج العشره ؟
نوره ببرود : توني مكتشفه ..
عبدالرحمن يصاارخ : يعني ماعرفتي ان مانصلح حق بعض الا عقب سنتين ..
نوره ميته من الضحك
عبدالرحمن عصب : انتي تبين تستفزيني يعني
نوره : أوويه علييك يالحلوو انته .. ابي اقعدك من الرقاد شسوي ..
عبدالرحمن : تقعديني من الرقاد بهالطريقه ؟ شنو ناويه علي .. تذبحيني وانا توني صغير ..
نوره : ويي ارجووك ..
عبدالرحمن : نوروو شسالفتج اليوم متسببه ؟
نوره وهي تضحك : لا بابا اتغشمرر ..
عبدالرحمن : لا انا زعلان ..
نوره : صج ؟
عبدالرحمن : ايي .. يلا راضيني ..
نوره : افا علييك من عيووني ..
صكت التلفوون ..
وردت اتصلت وهي ميته من الضحك ..
عبدالرحمن : قسماً بالله اني احب وحده مينونه ..
نوره : فديت الينون اذا طالع مني ..
عبدالرحمن : جب جب .. يام الخضر والليف
نوره : انا ام الخضر والليف .. يا بوحمار
عبدالرحمن : على كيفج اتألفين اصلاً مافي بو حمار .. في ام حمار ..
نوره بدلع : لا امبله فيه .. كيفي ..
عبدالرحمن : اويه عليها ام حمار لين تتدلع ..
نوره : هههههههههههههههه .. من اللي متسبب الحين ؟
عبدالرحمن : انتي ..
نوره بنبرة جاده : حماانيي اسمع ..
عبدالرحمن : كلي أذان صاغيه .. تفضلي ..
نوره : تدري من رد من السفر ؟
عبدالرحمن يتطنز : خدامتكم ؟
نوره تضايقت : مو وقت خفة الدم ..
عبدالرحمن : نواارتي .. حياتي احد يزعل من غشمره حمااني ..
نوره : عبدالعزيز رد ..
عبدالرحمن : عبدالعزيز أخوووج ؟؟
نوره وهي تاخذ نفس عميق : ايي .. من بعد غيره ..
عبدالرحمن : اووه .. عيل حمدالله على سلامته .. بس انا متعجب .. شلي ذكره فيكم بعد كل هالسنين ..
نوره : ماادري .. انا اصلا مااكنت عارفته يوم دش البيت .. لدرجه اني لبست شيلتي على بالي حد غريب ،، كملت نوره لعبدالرحمن السالفه .. وخبرته بكل اللي صاار ..
عبدالرحمن تم سااكت فترره بعد ماخلصت نوره كلامهاا ..
نوره : عبدالرحمن .. وينك ؟
عبدالرحمن : سمعي .. دام اخوج رد الديره فأنا متاكد انه تغير .. وانتي ياحيااتي عدلي من اسلوب تعااملج ويااه .. لا تنسين انه مهما يكوون هااذي اخووج ..
نوره : يخسسي اهوو يستااهل هالمعاامله ..
عبدالرحمن : حياتي .. اخووج صبي .. واي صبي في مكانه يتصرف بهالطريقه .. واهو الحين عارف غلطته .. والدليل انه يحااول يصلح الامور .. حبيبتي عدلي اسلووبج وحسسيه انج تبينه وسطكم .. ترا باسلوبج ذي تخلينه يندم على رجعته للديره ..
نوره فكررت في كلااآآم عبدالرحمن حست كلاامهـ عدل ..

ناصر سهران .. يفكر بالسبب اللي مخلي محمد يعاارض فكرة زواجه من بنت عمه وحبيبته .. في وايد اشياء ممكن تخليه يرفض زواج ناصر من اخته .. خصوصا ان تاريخ ناصر مليان بالاخطاء اللي معظم النااس ماتغفرهاا .. سوالف بناتيه !! .. شم غراء !! .. وغيرها وغيرها .. بس شنوو اللي محمد عارفه بالضبط .. هااذي اللي ذابح ناصر وحارمه من النوم .. " مالي الا اتصل في محمد واشوف شنو السبب اللي عنده بالضبط "
الساعه 2 ..
محمد كان تعباان من زود مايحااتي ابوه لين ما استسلم للنوم .. وفي الوقت اللي اتصل له نااصر كااآآن في عز نومه .. بس طبعاً صوت رنين التلفون قومه من نومه ..
محمد قحص من النووم : من متصل هالحزه .. (طالع الشاشه لقااه ناصر) .. افف شيبي ذي بعد ..

ناصر : ألوو ..
محمد بخياس نفس : نعم ..
ناصر : شفيك ترد بخياس نفس ..
محمد : انت ماتطالع الساعه كم ؟ هاذي وقت يتصلون في احد ؟؟
ناصر : اذا الموضوع يستاهل اكيد أي ..
محمد : قولي موضوعك خلي اشوف اذا يستاهل ولا لاء ..
ناصر : ممكن اعرف سبب اللي بيمنع زواجي من بنت عمي ..
محمد : هااذي اللي مخليك سهران وذابحك ؟ انا قلت يمكن قصدك بالموضوع اللي يستاهل ابوي اللي طايح بالمستشفى .. طلعت لاااء .. تبي تعرف السبب
كلام محمد خله ناصر يحس بالخجل من نفسه ..
ناصر بارتباك : أي انا سهران احاتي عمي .. بس تذكرت الهوشه اللي صارت بالمستشفى .. وانك قلت ان ماباخذ الزين عشان سبب .. بدون لا توضح ولا تقول شنو هالسبب ..
محمد : والله أنك فاضي .. يلا تصبح على خير .. وصك التلفون ..

ناصر حس بقهر عمره ماحس فيه بسبب الاسلوب اللي عامله محمد فيه .. واللي كان بعد قاهره ازيد انه محمد صك التلفون بدون لا يقووله السبب ..

ناصر يكلم نفسه : مالي شغل .. لو شنو الشي اللي عرفه محمد .. بعد باخذهاا حتى لو بالغصب ..
__________________

 
 

 

عرض البوم صور dali2000   رد مع اقتباس
قديم 04-08-10, 02:23 PM   المشاركة رقم: 12
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

الجزء الرابع

>( الفصل الثالث )<



بينما كانت عايشه تتصفح الجريده بعد رجوعها من المدرسه لفت نظرها مربع اسود ماخذ نص الصفحه تقريباً .. تمت تقرى اللي فيه ..



بطلت عيونها : زوجته !! يعني ام مريم توفت !! عشان جذي اليوم مريم غايبه .. لاحول ولا قوة الا بالله .. لازم اكون الحين يم رفيجتي في هالوقت



عايشه راحت عند ابوها تطلب منه يوديها بيت مريم وهي خايفه من ردة فعله .. خصوصاً انه وايد متشدد ومايرضى انها تروح بيت أي احد من صديقاتها .. ولا حتى في المناسبات ..



عايشه : يبه اذا احد من اصدقائك محتاجك شتسوي ؟

بوعايشه : اوقف وياه اكيد ..

عايشه : انزين .. يبه اناا ماعمري حنيت عليك توديني بيت احد من ربعي بس

بوعايشه قاطعها : بس لا تكملين كلامج .. عارفه انتي الجواب ..

عايشه : يبه .. ام رفيجتي متوفيه .. وانا اقرب وحده لهاا .. لازم اوقف وياها

بوعايشه : من ذي رفيجتج ؟

عايشه : مريم ..

بوعايشه : بنت من ؟

عايشه : تعرف وكيل وزارة ----- , دكتور سعيد احمد

بوعايشه : هااذي اللي مرته امريكيه ؟

عايشه : لاا .. استراليه ..

بوعايشه : كلهم واحد .. كفاار ..

عايشه : يبه اهي اسلمت من يوم ماتزوجت بومريم ..

بوعايشه : اسلمت عشاان تتزوجه ..

عايشه عصبت : كانت تلبس حجااب .. واذا مريم تتأخر عن الصلاه تزفهاا ..

بوعايشه ببرود : رووحه هناك مافي ..

عايشه ماتت من الصياح .. وصرخت : حتى رفيجتي واهي محتاجتني مايصير اروحلها .. شهالعيشه

بوعايشه صطرها : احترمي نفسج .. وصوتج مايعلى علي ..

عايشه راحت غرفتها واهي تصيح ,, وبعد ماراح بوعايشه الشغل ,, ام عايشه راحت عند بنتها ..

ام عايشه : بس ياعايشه لا تصيحين ,, انا بخلي خليفه يوديج ,,

عايشه : خليفه ولد خالتي ؟

ام عايشه : اي بعد من غيره ..

عايشه : ابوي اذا درى بيسوي سالفه ..

ام عايشه : ماعليج مابيدري .. بس انتي لا تطولين ..

عايشه باست راس امهاا : الله يخليج لي ياأحلى ام في الدنياا ,,

عايشه على طول اتصلت في مريم .. لقت تلفونها مغلق ،، فقررت تتصل في الزين ..

الزين : ألوو ..

عايشه : هاا زيوون ..

الزين : هلا عايشه ..

عايشه : ام مريم متوفيه ولا تقولين لي ؟

الزين : اسفه كنت مشغوله ..

عايشه : شفيج تتحجين جذي ؟

الزين وهي تااخذ نفس : من اللي فيني ..

عايشه : شلي فييج ؟

الزين خبرت عايشه باللي صار .. وعايشه تمت تكلم رفيجتها وتهون عليهاا .. واتفقوا يروحون بيت مريم يعظمون الأجر ..



عبدالعزيز قااآم من النوم وهو حاآآس براحه مو طبيعيه ,, راحهـ مااحس بطعمهاا مده طويله ,, نزل الصاله تحت لقى نوره اخته واقفه وتبتسم : صبااح الخيير ,,

عبدالعزيز وهو مستغرب : صبااح النوور ,,

نوره : شلوونك ؟

عبدالعزيز : والله يوعاان ..

نوره : افاا علييك .. الحيين اطبخ لك احلى مجبوس

عبدالعزيز ساكت وعلامات الاستغراب والدهشه مبينه على ويهه

نوره : شفييك ؟

عبدالعزيز : مستغرب منج .. امس غير واليووم غير ..

نوره : امم .. انزين يلا بروح اقول حق الطباخ يطبخ لك ..

عبدالعزيز : توج قايله انتي اللي بتطبخين ..

نوره : ههههههه اناا اطبخ يعني اقول حق الطبااخ يطبخ ..

عبدالعزيز وهو يضحك : أي انا اقوول نورو من وين يابت السنع ..

نوره تسمت شعر عزيز : اروويك يالدب ..

نوره راحت عن الطباخ وقالته يسوي لعبدالعزيز اكل .. ردت لقت اخوها قاعد عند التلفزيون يطالع الجزيره ..

نوره وهي تسحب الرموت من يد عبدالعزيز : شهالسخاافه اللي تطالعهاا ..

عبدالعزيز : الاخبار سخاافه ؟

نوره حطت كارتوون نيتورك : طاالع هااذي الاشيا اللي اوادم يطالعوونها ..

عبدالعزيز ميت من الضحك ..

نوره : شفييك ؟

عبدالعزيز : يااهل انتي تشوفين كارتون ؟

نوره وهي مبوزه: الكارتوون مو بس حق اليهاال ..

عبدالعزيز : لا عدل كلاامج .. الكاارتون مسوينه للكبار

نوره وهي تسمت شعر اخوها : تتطنز

عبدالعزيز بطل عيونه : تسمتين شعر من انتي ؟

نوره تركض : شعر عزوز الهيس ..

عبدالعزيز يلحقها : اناا اروويج من الهيس ..

نوره وعبدالعزيز تموا يركضون ويلعبون مثل ماكاانوا صغااار .. يضحكون يتغشمررون ..



خليفه مشغل اغنية مشكلتي اهوااه ,, علياء قاعده جدام يم اخووها .. وعايشه قاعده وراا ..

عايشه : عليااء لو سمحتي صكي المسجل .. اناا رايحه خلف ام أعز رفيجااتي .. مالي خلق اسمع اغااني ..

علياء يات بتصكه خليفه يود يدها : لا اناا ابي اسمع ..

علياء : شعاجبك في الاغنيه ؟

خليفه : تذكرني في حالي ..

عليااء : ومن اللي معذبتك ياحظي ..

خليفه : عارفه روحهاا ..

عايشه ويهه انصفق ..

علياء ماتت من الضحك على بنت خالتهاا .. خليفه وهو يطالع عايشه من المنظره اللي موجوده فوق : عوااشي انا بعد بردج لا ؟

عايشه : لاء بخلي رفيجتي تقطني ... انزين اكاا هاذي اهو بيتهم ..

بطلت الباب وطلعت ..



خليفه يطق السكان بالقوه : شالحل وياها ؟

علياء : انت تصرفاتك غلط .. مفروض

قاطعها خليفه : انزين بلا تفلسف .. قعدي ساكته ..



عايشه دخلت بيت مريم سلمت على الكل .. بدون لا تلاقي أثر لمريم ..

شافت جواهر " اخت مريم الصغيره " وسئلتها عن مريم .. أشرت لها على الصاله الثانيه اللي عايشه مادخلتهاا ..

مريم قاعده في الزاويه .. ساكته والدموع تتساقط على خدهاا .. عايشه راحت عند مريم ..

عايشه : عظم الله اجرج ..

مريم ساكته ولا تتكلم ..

عايشه : مريووم ..

مريم رفعت راسها وعيونها ملياانه دمووع : أجرنا واجرج ..

عايشه : احبج رفيجتي ..

مريم قامت وحظنت عايشه وهي تصييح ..

عايشه : بس حبيبتي خلااص ..

مريم ميته من الصياح .. والكل قااعد يطالعها ..

عايشه تعرف ان مريم ماتقدر تتكلم والكل قاعد يطالعهاا : مريم نروح غرفتج احسن ؟

مريم هزت راسهاا بالقبول ..



الزين ماراحت عند ابوها لأن محمد مو راضي .. خايف المواقف اللي صارت اخر مره ترد تتكرر ،، تمت قاعده في الصاله تنتظر رجووع محمد وامها من المستشفى عشان يوديها بيت مريم ،،

تلفونها رن " ناصر متصل " ..

الزين : نعم ؟

ناصر : حبيبتي اسف

الزين : حبك برص .. لا حبيبتك ولا احبك ولا اعرفك .. وصكت التلفون في ويهه ..
__________________

 
 

 

عرض البوم صور dali2000   رد مع اقتباس
قديم 04-08-10, 02:24 PM   المشاركة رقم: 13
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

في غرفة الامن ,,

السكيورتي "2" دخل بعد ماطلع عبدالعزيز بفتره .. وقعد يكلم السكيورتي "1" على جنب بعيد عن ناصر وربعه ..

السكيورتي 2 : سجلت اساميهم في البلاكـ لست ؟

السكيورتي 1 : ليييش ؟

السكيورتي 2 : شنو ليش .. لازم تسجل اسااميهم .. عشاآآن مايقدرون يدخلون المجمع مره ثانيه

السكيورتي 1 : انزين ذلين اللي قاعدين باخذ اساميهم واللي طلع شلون اعرف اسمه ؟

السكيورتي 2 : طلع ؟؟ من اللي طلعه ؟

السكيورتي 1 : انااا ..

السكيورتي 2 رفع صوته : وشلوووون تطلعه ؟

السكيورتي 1 وهو خايف : انت ماجفته شلون كاان يصارخ ..

السكيورتيه 2 : حتى لو قام يطق ماتخليه يطلع قبل لا تاخذ اسمه وتحطه في البلاك لست .. وتخليه يوقع على تعهد .. وبعدين تحوله على المركز ..

السكيورتي 1 بضيقه : والحل ؟

السكيورتي 2 : لا تشيل هم .. اناا بطلع اسم الصبي اللي طلع .. والباقي الحين بحولهم على مركز الشرطه ..



بيت بوعبدالعزيز :

بوعبدالعزيز كاآآن قااعد في الصالهـ يووم نوره وصلت ..

نوره : السلام علييكم ..

بوعبدالعزيز : وعلييكم السلااآآم ,, شلونج ؟

نوره : بخيير ..

بوعبدالعزيز : وشلون الوضع ويا اخووج ؟

نوره : تماام .. اهو اللي مطلعني اليووم ..

بوعبدالعزيز وهو مستاانس : زيين زيين ..

نوره : انزين يبه بروح غرفتي تامر بشي ؟

بوعبدالعزيز : سلامتج .. بس اخوج وينه ؟

نوره ويهه اعتفس : عزيز ؟

بوعبدالعزيز : أي عزيز .. وينه ؟

نوره بتوتر : مااادري ..

بوعبدالعزيز : شلون ماتدرين وهو توه موصلج ؟

نوره ماقدرت تجذب على ابوهاآ وقالتله كل اللي صار ..





عند بيت عايشه :

الوضع متوتر .. بوعايشه يصرخ .. والجيران بدوا يطلعوون ..

محمد : وين ادش ؟

بوعايشه بصراخ : ادخل داخل البيت بكلمك

محمد وهو مستغرب : انـ شالله ..

دخلوا الحوش ..

محمد : عمي .. هديي وصل على النبي .. ولو اني مو غلطان حقك علي وسامحني ..

بوعايشه : عليه الصلاة والسلاام

محمد : عمي انت فاهم الموضوع غلط ..

بوعايشه معصب : شنو اللي فاهمه غلط .. مركب بنتي السياره ويااك .. شلون ترضاها واهي ماتقربلك ولا تعرفهااآ ..

الزين تدخلت : عمي .. محمد ماله دخل .. اناا قلت لعايشه نوصلها البيت لأنهااآ كاانت متضايقه من ولد خالتها ؟

عايشه نغزت الزين ..

بوعايشه : ولد خالتهااا ؟؟؟

ام عايشه كاانت في الصاله وقتهاا وسمعت كل الكلام اللي صار بالحووش : أي ولد خالتهاا .. انا مخليه خليفه يوصلهاا ..

بوعايشه : انتي شلون تخلينها تطلع بدون شور؟

ام عايشه : انا راضيه

بوعايشه : الشور عندي مو عندج .. مو بكيفج تخلينها تطلع ..

أم عايشه : شلون مب بكيفي .. مو اناا امهاا ..

عايشه منحرجه من الموقف .. و واقفه ساكته ..

محمد حس ان الموقف راح يتعقد أكثر .. فخذ اخته وطلعوا من البيت ..



بيت بوعبدالعزيز :

بوعبدالعزيز يصارخ : يعني لازم تسوي مشاكل في كل مره تشوف فيها ناصر .

عبدالعزيز قعد على الكرسي .. وقال بكل برود : انزين خلااص .. السالفه الحين انتهينا منهاا ..

بوعبدالعزيز : لاا ماانتهينا ،، فشلتني سود الله ويهكـ .. يومين ماخذلك في الديره ودخلت مركز الشرطه .. عيل لو قعدت هني بعد شهر شبسوووي ..

عبدالعزيز عصب وقام من مكانه: أففف .. اناا اللي غلطاان اصلا أني رديت ..

بوعبدالعزيز : أقعد للحين ماخلصت كلاامي ..

عبدالعزيز : اكااني قعدت خلص ..

بوعبدالعزيز : فهمني شسالفتك ويا نااصر ..

عبدالعزيز : خله يولي الكلب ..

بوعبدالعزيز : عييييب .. بدال لا تقول يزااه الله خيير أنه تناازل ..

عبدالعزيز : اهو مااتناازل عشااني .. تناازل لأنكـ كلمت ابووه .. وابووه اقنعه يتناازل ولا اهوو .. مافييه خيير الوصخ ..

بوعبدالعزيز : عبدالعزييييز .. هااذي رفيجك ..

عبدالعزيز : يخسيي يكوون رفيجي .. ماتشرف بهالاشكاال ..

بوعبدالعزيز : فهمتي شسالفتك ويااه ؟

عبدالعزيز : ماتشرف ارابع بنااتيه ..

بوعبدالعزيز : شنو ؟

عبدالعزيز : اللي سمعته .. واذا مو مصدق اسئل أي احد عنه .. المهم يبه بروح اناام ..





في السياره :

محمد : زيوون اناا خاايف على عاايشه ..

الزين : اناا بعد .. أنت مااتعرف ابوها شنو ممكن يسويي ..

محمد : شنو ممكن يسوي ؟

الزين وهي خايفه على عايشه : ماادري .. بس ذي مادري شلوون .. مره عشاان عاايشه يابت في مااده 15 كاان بيخليها تهد المدرسه ..

محمد استغرب : من صجج انتي ؟

الزين : والله العظييم ..

محمد : لاا عيل بررد اكلمه ..

الزين : محمد شفييك انت مينوون .. جذي بتكبر المشكله ..

محمد : لاا يالزيين لاازم اكلمه وافهمه ان مافي شي بيني وبينهاا .. حراام اسوي مشااكل للبنت ..

الزين : جذي بتسويلها مشكله اكبر .. اناا بانطر لي باجر بكلمهاا .. وانشالله ماايكون ابوهاا سوى بها شي ..

محمد وهو يتنهد : الله يسترر ..
__________________

 
 

 

عرض البوم صور dali2000   رد مع اقتباس
قديم 04-08-10, 02:27 PM   المشاركة رقم: 14
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

عاآآيشه دخلت البيت بعد ماراحوا الزين ومحمد .. وحبست روحها في غرفتهاآآ وتسندت على الباب وهي تصييح.. هواآآش امهاا وابوها للحين مستمر .. وكل مايعلى صوتهم بالهوااش يزييد صياآآح عاايشه لين مااحست نفسهاآآ بتموت من التعب .. مبطحت عالسرير وغمضت عيونهااآآ وناآآمت .. والا بصوت طق بااآآب قووي خلااهاا تقحص ..

عاايشه : م ممن ؟

بوعايشه يصرخ : بطلي الباب ياسودة الويه ..

عايشه بطلت الباب : هلاا يبه .. آمرر

بوعايشه وهو يطق بنته بالقوه : كله بسبب سوااد ويهج .. امج طلعت من البيت

عايشه بهدوء : اسفه يبه حقك علي .. وامي انشالله بترضى وبترد البيت .. انت تعرف ماتقدر تبعد عنك ..

بوعايشه عصب من هدوء عايشه وتم يضربهاآآ لحد مانزل الدم منهاا .. وانشق برطمهاا .. وماقدرت تخلص روحها الا بصعووبه وركضت بسرعه على غرفتهااآآ .. واتصلت بالزين ..

الزين كانت تووها واصله البيت وبتنزل من السياره يوم عايشه اتصلت ..

الزين : ألوو ..

عايشه : زيون حبيبتي .. ادري اني ازعجتج ولوعت جبدج .. بس مو قادره اقعد ويا ابوي في مكاان وااحد .. " عايشه وهي متردده " اذا تقدرين تاخذيني توديني بيت يدتي اقعد عند امي ..

الزين : اخااف ابووج يستحمق ازيد اذا درى انج شردتي من البيت ..

عايشه : واذا استحمق .. شنو بيسوي ازيد من اللي سوااه الحين فيني ..

الزين : شسووى بعد ؟

عايشه : ولا شي .. ولا شي ..

الزين : معلييه .. انشالله دقايق وبكون عندج ..





عبدالعزيز كان عالسرير يحارب الارق اللي فيه و يحااول يناام .. والا نوره تبطل الغرفه ..

عبدالعزيز : الاواادم يطقوون الباب ..

نوره : قوولي شصاار .. رحت الدختر ؟

عبدالعزيز : لا ماارحت ..

نوره : ليييش مارحت ..

عبدالعزيز : بس مافيني شي يستاهل اروح المستشفى عشاانه ..

نوره تهوس على خشم عبدالعزيز ..

عبدالعزيز صرخ من الالم ..

نوره : ماافيك شي يستاهل ؟ طالع خشمك بروحه شلون صاير ؟ شكله مسكوور

عبدالعزيز : مافيه شي ..

تلفون نوره محطوط عالهزاز وكاان يرن .. ونوره كانت عارفه ان عبدالرحمن كان يتصل فما شالته ..

عبدالعزيز : تلفونج يرن ..

نوره ارتبكت : اي ادري ..

عبدالعزيز : انزين ليش ماتشيلينه ؟

نوره : هااي وحده من البناات تسندرني .. مالي خلق ارد عليهاا ..

عبدالعزيز سحب التلفون من يد نوره .. وشاله ..

عبدالرحمن : الووو ..





محمد : شصاير ؟

الزين : عايشه ابوها طاقها .. ومو قادر تقعد في البيت .. طلبتني نوصلها بيت يدتها لأن امها هنااك ..

محمد : اوكي معليه ..

الزين : محمد اناا خايفه من ابوها يسوي لنا مشااكل اذا درى ان احنا اللي وصلنااهاا ..

محمد : خله يسوي اللي يسويه .. اهم شي خلنا نودي البنيه عند امهاا .. لا يسوي فيهاا شي ..



عبدالعزيز يطالع نوره بغضب ّ!!

عبدالرحمن : حبيبتي وينج ؟

عبدالعزيز : حبيبتك يالكلب .. ياقليل الادب .. تغازل في بناات النااس ..

عبدالرحمن عرف ان هاذي عبدالعزيز وتم ساكت ..

عبدالعزيز : ليش سااكت يالكلب .. ماتعرف ترد ..

عبدالرحمن : لاا تغلط ..

عبدالعزيز : الا اغلط واغلط بعد .. تكلم اختي يالخسيس وتبيني ماغلط عليك .. خله اكلم اختك وبطالع شبسوي ..

عبدالرحمن : تخسي الا انت .. أكسر راسك وراسهاا ..

عبدالعزيز : دامك ماترضها على اختك .. شلون ترضاها على بناات النااس ..

عبدالرحمن : اناا غير .. انا أحب اختكـ .. وابيهاا ..

عبدالعزيز : وبعد تقولي احبها ياجليل الاصل .. لا ترد تتصل على هالرقم .. وانسى اي شي يخص اختي ..

عبدالرحمن : اسمع .. " عبدالعزيز صك التلفون "



الزين تكلم عايشه عالتلفون ..

الزين : يلا طلعي ..

عايشه : انزين بس دقايق .. خله لين حسيت ابووي راح يرقد بطلع ..

الزين : اووك ..

محمد : هاا وينهه ؟

الزين : تقول لين حست ابوها رقد بتطلع ..

محمد : حياتهااآآ عذااب .. شلون مستحمله هالعيشه ؟

الزين : مادري .. يمكن لانهاا ماعرفت غير هالعيشه فمتعلمه على الوضع ..

محمد : اكاا شكلهاا طلعت ..

الزين : ايي هااذي اهي ..



عبدالعزيز رقع تلفون نوره في الارض بالقوه .. وصرخ : هااذي عماايلج .. تكلميين وااحد ..

نوره ساكته وهي تطالع الارض ..

عبدالعزيز رفع ويهه : لين اكلمج طالعيني .. وردي علي ..

نوره : شتبيني اقول ..

عبدالعزيز يصطرها : شنو ابيج تقولين ؟ ابيج تقولين لي ليش تكلمين صبي ..

نوره وهي تصيح : احبه ..

عبدالعزيز يودها من شعرها ورقع راسها بالأرض : وتقولينهاا جذي بعد ..

نوره وهي تصيح : آآي رااسي ..

عبدالعزيز وهي يرفسها : انتي للحين ماجفتي شي ..

نوره تصرخ من الالم وهي تصيح ..

عبدالعزيز في هاللحظه حس ان اسلوبه غلط ويا اخته ..

نوره بطلعت الزور قامت وراحت على غرفتهاا .. عبدالعزيز لحقهاآ ..

نوره وهي تصيح : ياي تكمل الطق ؟

عبدالعزيز قعد يمها وكان يحااول يكلمها بهدوء وتفهم : انتي تشوفين الشي اللي سويتيه سهل ؟

نوره : أدري .. بس كان لازم ماتمد يدك علي ..

عبدالعزيز : يصير اعرف ليش تكلمينه ؟

نوره سكتت ..
__________________

 
 

 

عرض البوم صور dali2000   رد مع اقتباس
قديم 04-08-10, 02:29 PM   المشاركة رقم: 15
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,193
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : dali2000 المنتدى : القصص المكتمله
افتراضي

 

في السياره ..

عايشه دخلت السياره : السلام عليكم ..

الزين التفت على عايشه وشافت برطمهاا : ويي .. ويي .. هااي ابووج مسوي فيج جذي ؟ شفييه ذي ؟

عايشه انحرجت وابتسمت .. على الرغم من الدموع اللي تارسه عيونهااآ ..

الزين حست انهاا احرجت عايشه فسكتت لفتره ..

محمد : عايشه ..

عايشه : نعم ..

محمد : امج عندها خبر انج رايحه لها ؟

عايشه : لاا ..

محمد : مو جنه المفروض تخبرينها ..

عايشه : لي وصلت عند باب بيت يدتي بقولهاا ..





عبدالعزيز ماقدر يمسك اعصابه فصرخ عليها : سئلتج سؤال .. ردييي عليه ..

نوره تمت ساكته ..

عبدالعزيز صطرها : ردييي اقوولج ..

نوره وهي تصيح : مادري .. كنت محتااجه حناان .. ابي احد يهتم فيني .. امي توفت .. وانت محد .. وابوي وقتهاآآ كان مو مهتم فيني .. اهو اللي وقف وياي .. اهو اللي كان يحبني ويهتم فيني .. اهو اللي كان يخفف علي لين انا متضايقه ..

عبدالعزيز كان مستحمق .. وكاان وده يقوم يكفخهااآآ زوود .. بس كان يدري في داخل نفسه ان كلامهاآ صح .. والموقف اللي كانت فيه خلاها تسوي هالشي .. فمثل ماكاان اهو محتاااج يبتعد عن اهله .. اهي كانت محتاجه احد يوقف يمهاا .. فتم ساكت فتره مو عارف يرد عليها .. وبعدين قالها : اصلاً ذي يلعب عليج .. واحد عيار مستغلج .. واكبر دليل يوم قتله بكلم اختك قالي تخسي باكسر راسك .. يعني يرضاها عليج ولا يرضاها على اخته .. شفتي شلوون ..

نوره

على العموم .. الموضوع من اليوم منتهي .. هالمره بسامحج .. بس والله ثم والله اذا صدت عليج شي مره ثانيه مابيصير طيب .. الطق اللي خذتيه ولا شي بالنسبه حق اللي بيصديج

نوره : ان شالله مابيتكرر .. اوعدك

عبدالعزيز شال تلفون الثابت اللي موجود بغرفة اخته .. وخذ الابتوب .. وشاآآل حتى مفتااح غرفتهاا .. وطلع ..

نوره لحقته : عزيز مو انا وعدتك ان مابكرر هالشي .. ليش شايل كلشي عني

عبدالعزيز : كلمتج ماتكفيني .. لازم اتأكد ان هالشي مابيتكرر ..

نوره : انزين عالاقل عطني مفتااح غرفتي ..

عبدالعزيز : لااء ..



عند باب بيت يدة عايشه ..

عايشه وهي منحرجه : آسفه غربلتكم ويااي ..

الزين : طالع ذي اللي بكفخها .. محمد زفهااآآ

محمد : شدعووه يالغاليه .. انتي مو غريبه انتي وحده مناآآ وفيناآآ ..

الزين : سمعتيي كلامه ؟ يعني حجي غربلتكم ومادري شنوو مفروض ماتقولينه

عايشه وهي مستحيه : انشالله .. يلاا مع السلامه ..

محمد نطر لين مادشت عايشه بيت يدتهااآآ وبعدين مشى ..



نوره : اوكي معليه .. تصبح على خير ..

عبدالعزيز : وانتي من اهله ..

نوره نطرت اخوهاآآ يناام .. ونزلت الطابق الاول وخذت تلفون الثابت الموجود في الصاله وركبته في غرفتها .. واتصلت في عبدالرحمن ..

عبدالرحمن بلهفه : الو ..

نوره تصيح : حمااني

عبدالرحمن : حبيبتيي شفييج ؟

نوره : تعباانه .. متضاايقه .. بمووت ..

عبدالرحمن : اسمله علييج .. فيني ولا فييج .. قوليلي فيج شي ؟ اخوج طقج ؟

نوره : انت ليش تحتقرني ؟

عبدالرحمن باستغراب : احتقرج ؟ شهالكلام ؟

نوره وهي تصيح : اي تحتقرني .. عزيز قال هلون ..

عبدالرحمن : شفيج مينونه تصدقينه ؟ ماتعرفيني ؟ في احد يحتقر انسان يحبه ؟

نوره : اهو يقول جذي .. حتى يوم قالك ترضى اكلم اختك قتله تخسي اكسر راسك وانا عادي عندك ..



محمد والزين وصلوا البيت ,, ام محمد كانت في الصاله تنتظرهم ..

محمد : السلام عليكم ..

ام محمد : وعليكم السلام ورحمة الله .. وينكم انتوا ؟ واايد تأخرتوا ..

الزين : امم شسمه .. محمد كان عنده شغله يبي يسويها ..

ام محمد : شهالشغله اللي اتم هالكثر ..

محمد " يغير الموضوع " : فديتج يمه .. ليش قاعده لهالحزه ؟ روحي نامي وارتاحي .. عشان باجر من الصبح نروح المستشفى ..

ام محمد : معليه يمه .. الزين باجر بتروحين المدرسه ..

الزين : لا يمه مابي .. ابي اروح المستشفى وياكم باجر ..

ام محمد : وراج دروس .. مو كل يوم تغيبين ..

الزين : اذا رديت بتودوني حق ابوي ؟

ام محمد : اي ان شاء الله ..

الزين ابتسمت : يلا عيل تصبحون على خير ..






عبدالرحمن : يا حبيبتي .. اكيد مارضى اختي تكلم واحد .. نفس اخوج مايرضى انج تكلمين احد ..

نوره : عيل صح كلامه انت تحتقرني ..

عبدالرحمن : اووووووه .. شنو احتقرج ..

نوره : عيل ليش ماترضى انها تكلم احد ؟

عبدالرحمن : يعني لو واحد بيكلم اختي شبيضمني انه زين .. شدراني انه مايكلمها في اشيا مو عدله .. وثاني شي حتى لو انه مافي احسن منه .. الاهل عمرهم مايرضون يشوفون الغلط ويسكتون عنه .. مادري ماعرف شلون اشرحلج

نوره : اوكي ..

عبدالرحمن : انزين قوليلي .. اخوج طقج سوالج شي ..

نوره : مالت عليه .. 8 سنوات مايدري عنا .. والحين ياي يتفلسف ويطق .. والله لو اني مو خايفه انه يقول حق ابوي جان طولتي لساني عليه

عبدالرحمن : يـه .. شهالحجي .. شقلناا احناا .. اللي فات ماات ..

نوره : مادري .. منقهره منه .. مايبيني اكلمك

عبدالرحمن : هااي اخوج حبيبتي .. ومثل ماقتلج الاهل عمرهم مايرضون يشوفون الغلط ويسكتون عنه ...

نوره : آآخ .. مادري شلون بعيش بدونك ..

عبدالرحمن : شنو تعيشين بدوني .. تبين اذبحج ..

نوره : اي خلاص مابقدر اكلمك لا ..

عبدالرحمن : مؤقتاً .. لين ماتخلصين دراسه .. وأول ماتخلصين بايي باخذج .. وتصيرين حرم الكواري ..

نوره بخجل : احم ..

عبدالرحمن : انزين يلا صكي التلفون .. مافينا شده تردين تنصادين .. ويصير فيج شي .. بعدين محد بيتعذب غيري ..

نوره : اوكي .. يلا باي ..





ام عايشه : قوليلي من يايبج ؟

عايشه :رفيجتي ..

ام عايشه : بعد .. ناقصين مشاكل ياعايشه ..

عايشه : يمه شسوي .. والله ماقدرت استحمل .. ذبحني .. طالعي ويهي شلون صار ..

ام عايشه : معليه .. باجر بوديج المستشفى ناخذ تقارير طبيه ؟؟

عايشه: ليش ؟

ام عايشه : عشان اثبت ان ابوج مايعاملج زين ..

عايشه : موفاهمه ..

ام عايشه : انا برفع قضية طلاق ..

عايشه : لااااااااااااا .. شنو طلاق .. شفييج يمه ..

ام عايشه : خلاص ماعدت استحمل اعيش وياه ..

عايشه : يمه انتوا مو يهال .. شهالحجي ..

ام عايشه : بس تعبت .. يلا روحي نامي ..

عايشه : انشالله ..
نهاآآية الجزء الرابع
__________________

 
 

 

عرض البوم صور dali2000   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة تاج راسكم, مشاوير الزمن, قصة مشاوير الزمن, قصة مشاوير الزمن للكاتبة تاج راسكم
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:04 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية