الفصل الثاني
البارت الأول
بقصر بو فهد
بالديوانيه
فهد يكلم ابوه ويقنه انه مايبي جود وغير رايه بالهزواج كله
بوفهد : مجنون انت ... انا ماغصبتك عليها انت اللي اخترتها
فهد :ا دري يا يـــبـــه .... بس انا مو مرتاح لها ما ابيها الحين ببالي وحده ثانيه
بوفهد : وبنات الناس لعبه بيدك .. كل شوي بتختار وحده وبعدين تقول ما ابيها
فهد: لا يـــبه صدقني هذي غيــــــــر ما ابيها تضيع مني
بوفهد : مو بكيفك بتاخذ جود وغصب (ن) عنك
فهد : ليه يـــبه ؟؟؟ ما ابيها بظلمها انا اذا اخذتها
بوفهد : انا ماعندي خيار ثاني انت اللي حديتــني اسوي كذا
فهد : علشان عمي ؟؟
بوفهد : ايه علشان عمك انا ما اقدر ارجع بكلمتي معاه
فهد : طيب يبــه انت لاتقوله شي انا بتصرف
بوفهد صرخ: بتــــكـــــــلمه؟؟
فهد : لا مابكلمه بـــس عندي طريقه تلغي زواجي من جود
بوفهد : منت بولدي ولا انا اعرفك اذا كلمته وقلت لك انك ماتبي بنته
فهد : لاتخاف يبه مابكلمه
بوفهد : طيب نشوف ... من هي اللي بتاخذها بدل بنت عمك
فهد : هااه
بوفهد : اقول من اللي تبغاها؟
فهد : وحده اسمــــها ايمان الـــنجـــــ.....
بوفهد : والنعم والله.. هذي أخت سعود صديقك؟؟
فهد ابتسم : ايه طال عمرك
بوفهد : زين اخترتها .. فكرتك بتأخذ بنت أي كلام
فهد : ههه يلا عن اذنك توصي شي
بوفهد : سلامتك
طلع فهد لغرفته يدور جواله بيتخلص من اللي بلش نفسه فيها
.. مسك جواله ودور على رقم بيت عمه بوفارس واتصل وردت عليه الخادمه
وطلب منها تنادي له فرح ( اخت جود الصغيره)
فرح وهي ماتدري من اللي متصل: هاااه ... مين ؟؟
فهد : احم احم الووو السلام عليكم
فرح: وعليكم السلام ... خير من تبي حضرتك
فهد : كيفك فرووحه ؟؟
فرح( فروحه بعينك .. ) ردت بدفاشه : وجعــه توجعك قول آمين .
.. خير ان شاء الله (وقلدته ) كيفك فرووحه بزر انا عندك .. صدق ماتستحي على وجهك
فهد (هههه والله عربجيه ): اففف انا فهد ولد عمك
فرح : ههههه تشرفت بمعرفتك اخ فهد ولد عمك
فهد :ههههه فرح مو وقته ممكن طلب
فرح : يالييل ... انت تدري اني ما ارد اللي يطلبني
فهد : ادري بس يمكن هذا صعب عليك
فرح : خلاص ... ماعليك انت.. تــــــم
فهد : ابغاك تكلمي جود وتقولي لها اني ما ابغاها
فرح : هاااااه انا
فهد : ايه انتي اجل انا
فرح : يامال الماحي اللي يمحيك.. اجل انت ليه خاطبها هااه ؟؟
فهد : مو بكيفي انتي قولي لها كذا وبس
فرح فكرته مغصوب على اختها : طيب واذا ماصدقتني ؟
فهد : كلميني وحطيه سبيك روانا اقول لها
فرح : مو مشكله طيب .. انت ليه ماتقول لأبوي وخلاص ريح عمرك
فهد : عيب هذي فيها قبايل بيذبحوني لو اقول كذا خلي الرفض يجي منها قدام الناس
فرح : طيب ... طيب يلا روح ضيعت وقتي الثمين
فهد : آمانه بأسرع وقت
فرح : حاضر ... طس مع وجهك
فهد : باااي
فرح صرخت : تسبني هااه وانا اللي بساعدك
فهد : هههههه لا مو مسبـــه هذي يعني مع السلامه
فرح : حسبالي بعد كان رافست فيك واخليك نصين .. واحد مندي والثاني برياني
فهد : هههه مو بعيده يلا مع السلامه
فرح : مع السلامه
سكرت فرح منه وطارت فوق لأختها بتقولها وتفك عمرها مابتأجل الموضوع
وهي مابترد فهد لأن هي من طبايعها ماتحب ترد احد طالبها
وصلت لجناح اختها وفكت الباب ودخلت على طول من غير استئذان وشافتها جالسه
تتفرج على مجلات قدامها وراحت وقفت قدامها وسحبت
المجله من يدها بقوة كأنها داخله حرب
جود ماعصب متعوده على دفاشة فرح : خير شعندك مدرعمه وساحبه المجله من يدي في شي
فرح وعيونها بعيون جود : اسمعي يابنت انا بقولك شي يخصك انتي لوحدك
..وانا واحد موصيني عليه واني اقولك اياه ... وانتي عارفه اني مستحيل اضرك
... او حتى اكذب عليك بمواضيع مهمه وخاصه
جود فتحت عيونها( فرح شقاعده تقول ..هذي عمرها ماتعرف تصف حكي والحبن تتكلم زين وتصف
كلامها صف) : شفيك فرح خوفتيني
فرح : فهد مايبيك (ههههه ماشاء الله عليك ترمين قنابل مو كلام)
جود :خييييير
فرح : هذا اللي سمعتيه .. من خمس دقايق كلمني ..وقالي اقولك تقولي
.. لأبوي انك رافضه فهد وماتبيــــه هو قال كذا لأنه مغصوب عليك
ومايقدر يرفضك هو علشان كلام الناس
جود : هه فرح انت تتكلمي جد
فرح : شرايك يعني من متى وانا اكذب
جود انقهرت منه هو اللي يرفضها ليه من زينه اصلا : اسمعي تروحي تقولي له
تهنى باللي بتاخذها انا خلاص بقول لأبوي اني رافضته
فرح : خلاص ... افففف منكم
طلعت فرح وسكرت الباب بقوه طفشانه ماعندها شي تسوي
بس بتقول لفهد وبعدها ماهي عارفه
تستانس ابوها عازم ربعه للبيت ماتقدر تلعب على كيفها اليوم ونرلت تكلم فهد وتقوله
......................................
مفروض ماتسمح لأحد يتهمني ~~~~ تعرف غلاك وتعرف القلب ماخان
أنا من أول يوم شفتك وكني ~~~~ غريب لاقاله وطن بين الأوطان
...............................
(في ربوع بلادي )
محمد جالس مع اصدقائه بالقهوه يسولفون وهو متضايق
من البنات اللي وراه ظهره صار يألمه من كثر
ما رجعوا كراسيهم علشان يلصق بكرسيه ورن جواله وعرف
من المتصل من النغمه المميزه بعد عنهم ورد
محمد :هلاا مشاعل كيفك؟
مشاعل : الحمد لله بخير ... انت شخبارك
محمد : احسن مايكون مشاعل انا بقولك شي وابيك تفهي اللي بقوله لك زين
مشاعل : ولا يهمك حبيبي اكيد بفهمك
محمد : انا بسافر وبتركك اكمل دراستي برى بأمريكا انا وواحد من اصدقائي
(صدمه 1 لمشاعل )
ما انتظرها ترد وكمل : ومابتزوجك لأني بطول هناك
( صدمه 2 لمشاعل)
وكمل: لأنك وحده ماتستاهليني وانا مستحيل اخذ وحده ناقصه وعايشه قصه حب من قبل انتي وحده
رخيصه أي واحد يباك باخذك بس اللي ابيها غاليه موسهل احد يوصل لها
( صدمه 3 لمشاعل )
وقال علشان يعذبها اكثر: يا آنسه مشاعل ماتبي تسألي ليه انا سويت كذا
مشاعل ماردت لسانها مربوط كثير اللي قاله
محمد : اولا انا صديق طلال اللي لعب عليك وضيعك وثانيا انتي هددتيه
وان اهلك مابيسكتون عليه لكن هو حب يعلمك ان مو طلال
اللي يتهدد وانا وصلت لك هالشي يا ... يا مشاعل
(( الصدمه4لمشاعل ))
سكر محمد بوجهها ورجع لأصدقائه وبشر طلال انه خلص عليها
طلال: فديتك والله .. هذا اللي ريحني
محمد :هههههه ولا يهمك انت ارتاح خلاص اعطيتها القاضيه
طلال: كفو ... والله انك ولد رجال
محمد : يلا الحين ياشباب .. ابي كل واحد يمشيني ويطلعني
مكان انا وطلال في ربوع بلادي قبل نسافر
طلال : ايه والله خلنا نحفظ الديره اكثر قبل نطير
محمد : ههههه ليه عندك جنحان
...................
عند مشاعل قلبها مايستحمل اربع صدمات كيف صدقته ؟؟ كيف هو يحبها وقال انه بتزوجها
هذي هي تستاهل اللي يصير لها ماتتوب بعد اللي سواه فيها طلال طلع لها صديقه وكمل عليها
كانت بتضيع للمره الثانيه بسبب غبائها لكن خلاص هذي آخر مره مابتعيدها بترجع لربها وتستغفره
علشان يسامحها بعد غضبه عليها
.............................
فهد خلاص يـــبي ايمان وقرر انها له بتوافقي يا ايمان ولا لا؟؟
مشاعل بترجع كرامتها اللي محمد مسحها بالأرض ؟
سعود للحين ماشي مع غدير كويس بيسامحها ؟؟
...............................
الفصل الثاني
البارت الثاني
لاينشغل بالك حبيبي لأني ~~~~ ولهان بغيابك وإذا جيت ولهان
لواخسر العالم ابفرح واغني ~~~~ رابح أنا بحبك لو كنت خسران
.......................

بقصر بوفارس
بمكتب بوفارس
دخلت جود على ابوها من غير استئذان ما اهتم ابوها ولا رفع راسه
علشان يعرف من اللي داخل عليه انقهرت وراحت لعند راسه وتكلمت على طول
جود: يـــــــبــــه لاتقول لي مشغول لأني مابقتنع بالشي هذا
.... انا اللي بقولك اياه مايتأجل اكثر وانا مابطلع من هنا الا لما اقولك اللي براسي
بوفارس رفع راسه : اجلسي هنا وتكلمي
جود : اتكلم وانت تقعد تطالع بأوراقك ؟؟ اذا كذا مابتكلم
بوفارس : اقول اخلصي بسرعه وتكلمي
جود : انا ما ابي اللي اســـمه فهد
بوفارس : وليــــه ان شاء الله ؟؟
جود : انا استخرت اكثر من مره ... وقلبي ما ارتاح له .. خلاص يبه ما ابغاه
بوفارس : ليه بكيفك هو ترفضينه ؟؟ خلاص انا اتفقت مع عمك وحددنا كل شي وانتهى الموضوع
جود : اللي تحدد ينلغى انا مو مستعده اعيش مع واحد ما ابيه
بو فارس : انا قلت لك مافيه بتتزوجينه غصب مو برضاك
جود : انا ما احبه وما اطيقه كيف بستحمله ؟؟
بو فارس : اجل ليه كنتي موافقه عليه اول ماطلبك
جود : كنت ما افهم والحين فـــتحـــت
بوفارس : الحين انا ما اقدر اتراجع بكلامي وما اقدر اقول شي لأبو فهد خلاص كل شي بيصير رسمي
جود : يبـــه اذا انت ماتبي تكلمه عاادي اناا اكلمه مو مشكله
بوفارس : هذا اللي ناقصني انا ... انتي اللي تكلمين عمك وتقولي له ما ابي ولدك
جود :خلاص اجل انت تكلمه
بوفارس : اافففف خلاص روحي لغرفتك وانا بتصرف مع عمك وبقوله
جود : مشكور يــــبـــه ماقصرت
وطلعت من عند ابوها تبكي على اخر عمرها فهد اللي مايقدم ولا يأخر
صار هو اللي يرفضها ويهين كرامتها
طلعت لغرفتها وحلفت انها ماتخليه يتهنى بزواجه من أي وحده غيرها
.........................
زواج
سعود * غدير
عند الحريم كل وحده تحسد العروس على سعود
هذا اللي كل الأمهات يتمنونه لبناتهم دكتور وعنده
مستشفى خاصه فيه وابوه من اكبر هوامير السعوديه يعني حياة ولا احلا منها
سعود عند الرجال متضايق من اخوان غدير اللي يتحرشون
فيه ويضحكوا على وجهه الأحمر يحسبونه
منحرج او مستعجل وهم مايعرفوا اللي بباله وهو اللي يفكر بفارس
ويدوره ومالقاه خاف انه راح يقابل غدير
طلع سعود من مكانه يدور على فارس ومالقاه وراح عند مدخل العروس وفعلا فارس كان واقف
هناك ...عصب سعود يعني زي ماكان متوقع جاي يشوف غدير
صرخ سعود : فـــــــــــــــــــارس شنو تسوي هنا
ودخل فارس لداخل بقوه علشان يشوف غدير ويوريها شغلها لكن
تقلبت الوان وجهه اول ماشاف مين
اللي داخل
ماكانت غدير هي اللي داخل يعني مابعد توصل لكن (من هذي اللي بوجهي .. ياساتر... ظلمت الرجال
وش سويت )وماحس سعود الا بفارس ماسكه من ظهره ونازل فيه ظرب وسحبه لبرى واول
ماطلعوا لبرى فارس ترك سعود وقال :انا الحين مابسوي فيك شي مابخلي وجهك ازرق وفيه كدمات
حراام انت توك اليوم زواجك لكن استنى لبعدين اوريك شغلك
سعود سكت ماله وجه يرد عليه ورجع لعند الرجال وفارس دخل لعند زوجته
ريم : يمه شفيه هذا ... المعرس صح ؟؟
فارس : ايه هذا هو
ريم : طيب ليه داخل كذا معصب ويدفك
فارس : ماعليك منه ما الومه لأن هنا مكان العروس خاف اني شفت زوجت
ريم : اهااا
فارس : الا قولي لي كيف الجو عندكم داخل ؟؟
ريم : مرره وناسه ... كل شي مرتب وحلو مافي أي اطفال ... واهم شي المكان نفسه كبير اكبر من
قصركم اللي زوجتوا فيه شباب عايلتكم ثلاث مرات ومافي ناس كثير ومسرح واسع والكوشه مرره تجنن
ذوقها روعه غدير
فارس : الله ..الله انا قلت لك كيف الجو ماقلت اوصفي لي المكان
ريم : هههههههه ... انت بس لو شفت البيت اللي بتسكنه هي وسعود كان ماكنت مستانس هالكثر
فارس : لــــيه بعد شنو شكله بيتهم
ريم : شفت البيت اللي انت ساكن فيه هذا شقه بالنسبه للي هي بتروح له
فارس : لهذي الدرجه ؟؟
ريم : واكثر بعد ..اكيد بتعيش بعز وهي ماخده واحد بطران مايدري وين يفسفس فلوسه
فارس : ماعلينا منهم حنا .... اهم شي انتي يــــــاويلي على هاللون تدرين اني احب البنفسجي
ولابسته تعذبيني .... يلا روحي لداخل .. ولا ترقصي كثير علشان النونو
ريم : طيب ... طيب
طلعت ريم لعند الحريم وفارس لعند الرجال
وكان كل شي جاهز ومرتب وجا وقت الزفه ولازم يصير ازعاج قبل الزفه من جهة ام العروس وهي كل
شوي صرخت علشان يبعدون عنها ويكلمون منسق الدي جيه ويشغل الزفه
طلعت غدير بفستانها الأبيض الطويل الطرز بالكريستال وبدون اكمام على زفتها للجسر
انتي المــــلاك.. انتي المــــلاك
الى علي الارض يختـــــال
يمشى فخر والناس حوله ودونه
وانتي الملاك الى علي العرش ما زال
عرش الجمال الى يزلزل دكونه
من قال.... من قال زولك يحجب الشمس
من قال ....من قال قلبي يسحرنه عيونه
إاليا يا مشى فالارض صابه بزلزال
ول يا بحر للورد بانت فنونه
وصلت غدير للمكانها وقعدت تتصور كم صوره قبل يدخل سعود
..................................
عند الرجال
سعود حالته حاله وحده يكرب سيارته ويهرب لكن مايبي بخرب سمعته اهم شي عنده
جا لعنده صبي القهوه وقاله انه لازم يروح الحين بيزفونه
خلاص راح فيها هو اللي بلش نفسه وماطلقها من البدايه مشى للمدخل ومعه اخوانها يضحكون عليه
وابوها وابوه ودخل معه كل اعمامه وخوالها ماخذ معه جيش كامل بيستهبل عليها فيهم
زفوهم وجلسوا الشباب كل واحد فيهم يستعرض قدام الثاني وقدام الحريم وسعود مستانس عليهم من
دخل ماسلم عليها ولا عطاها وجه وجالس يضحك ويسولف مع خالها
ملت غدير منهم وقالت لسعود يخليهم يطلعون وعلشان امها وامه يفكون غطاهم
سعود :ما بيطلعوا الا وانا وانتي معهم ( خبل انا اجلس معك .. انت تخوفي بلد)
غدير : افففف طيب خلاص نطلع معهم
طلعوا كلهم دفعه وحده سوى كذا علشان مايخليها تفرح بزواجها وخلاها تستعجل وماخلاها تودع امها
وطلعها للسياره على طول ما انتظر لازم يربيها من جديد واخذها للفندق وهو رح يسود عيشتها
..............................................
الفجر بقصر بوفارس
فارس :يعني لازم ترجعيني بدري
ريم :مالي شغل انا تعبت ظهري يألمني
فارس :انا قلت لك لا تتحركي كثير انتي اللي تعبتي نفسك عالفاضي
ريم : انا ماسويت شي ...بس تعبت من جلسة الكرسي .. الا ماقلت لي شنو سويت بخصوص هالغدير
فارس : سويت شوي بس .... لسى باقي اشياء كثيره بسويها .. انا لازم اضيع حياتها مثل ماضيعتني
ريم : يعني مابتقول لي شنو سويت
فارس :لا حبيبتي بعدين تعرفي
....................................
انت الوحيد اللي بحبه شغلني ~~~~ عجزت توفيك القصايد والألحان
ما أشوف أنا غيرك حبك سكني ~~~~ ماكن فــ الدنيا ابد غيرك انسان
.......................
عند غدير وسعود بالفندق
سعود رمى البشت ( مشلح ) والثوب عالأرض ودخل ياخذ له دش سريع اما
غدير بدلت فستانها بسرعه قبل لا يطلع ويشوفها لسى ماغيرت
طلع سعود وشافها جالسه عند التلفزيون وبالها مو معه
اكيد قاعده تفكر بحبيبها فارس راح لعندها وسكر
التلفزيون ووقف بوجهها وقال : اسمعي انا بروح انام تعالي خذي لك مخده وبطانيه ونامي هنا انا ما
ابغاك تدخلي بعدين تاخذيهم وتطيري نومي خذيهم الحين احسن ونريحيني مره وحده
وراح سعود ودخل الغرف واما غدير فتحت عيونها شيقول هذا بيخليها نتام عالكنبه وهو عالسرير بينكسر
ظهرها تأأففت غدير هذي بدايتها وراحت اخذتهم من الغرفه
........................................
بدايه من سلسه عذاب سعود لغدير بتنتهي ولا لا ؟؟
ريم وفارس وحقدهم على غدير شنو بيسوي فارس لغدير ؟؟
جود ورفضت فهد اللي مايــبيها شلون بتكمل حياتها وهي اللي كانت تحبه من طفولتها ؟؟

الفصل الثاني
البارت الثالث
أحبك يا منا قلبي وبعشقي أبوح
إنت الشوق والذوق وأجمل البشاير
مجروح وين أروح وإنت الروح
يامن الحلا والغلا فيك ثاير
...........................
بالـــــمطار سعود وغدير ينتظروا الطياره ومعهم فهد
سعود : هههههه لا بعد شايفها ومفصل شكلها تفصيل
فهد : شسوي بعد ماقدرت ابعد عيوني عنها ... اختك تعذب
سعود : يلا مناك .... حلوه يتغزل بأختي قدامي
فهد : اجل من وراك ... لا مايصير كذا
: نلفت انتباه السادة المسافرين ان الرحله رقم ..... والمتجهه الى ....
سعود : يالله فهيدان هذي رحلتنا
فهد : تصدق اني ما بشتاق لك
سعود : ههههه ولا انا ..سبحان الله نفس الشعور اللي تحس فيه
ودعوا بعض وراح سعود مع غدير للطياره
................................
ركبت غدير مع سعود الطياره وهي تتمنى انه يموت وترتاح منه امس انكسر ظهرها من نومة الكنبه
سعود : اقول انتي تجلسي هنا.... وياويل اشوفك حاطه عيونك يمين ولا يسار اطلع عيونك من مكانهم
غدير : اففف منك ... انا شنو سويت لك علشان تعاملني كذا
سعود : انتي وحده بايعه عمرك ... ومو محترمه نفسك ولا محترمتني .. ياحلوه انتي من اليوم ورايح تخدميني وتدوري راحتي واذا كنت تعبان تجلسي تلبي طلباتي وكل شي ابغاه بالمختصر المفيد .... مثل الخدامه ماتتكلمي
غدير بغرور :لا ياعمري مو بكيفك اصير لك خدامه.... عندك مكاتب كثيره روح واخذ لك خدام ...انا طول عمري عايشه بعز وكل اللي اطلبه يوصل لي... مو انت اللي تخلينيي خدامه لك
سعود :لا بتصيري خدامه مو برضاك بالغصب ... واذا مو عاجبك مو مشكله قولي لي وانا اوريك شغلك
..............................
بقصر بو فارس
فرح جالسه بالمجلس مع 2 من صديقاتها يلعبوا (( بلاي ستيشن))
فرح بصراخ : هيييي انتي وياها ... الغش حراااام
الأولى : هع هع هع .. يلا مناك بــــس انتي ووجهك
الثانيه : هع هع آخر زمن ما غشينا ... انتي اللي لعبك مثل بزر يحبـــي
فرح : ههههههااا .... وانتي بزر يركض وطاح بحفــــريه
الأولى : لا هي مثل بزر يدور امه
فرح : هههههاااا .
الثانيه : فريييــــحــه .. انتي شلون تضحكي كذا ههههااا ... اضحكي مثل الناس
فرح : ايوا صح بضحك كذا هع هع هع
الاولى : ايه كذا احسن
شوي ويسمعوا صوت الباب
فرح : ياليييييل من اللي ناوي اني اذبحه
الأولى : قومي بس قومي فتـــــســــي الباب
قامت فرح تفتح الباب وتشوف مين
فرح طلعت وسكرت الباب وراها : هاااه وجعـــه ازعجتني شعندك
محمد : فرووحه حياتي ... اشتقت لك
فرح بعربجه : يامال بورمح اللي يمحيك ... استح عيب ... عيب
محمد :تعالي بس تعالي احظني اخوك قبل يسافر
فرح : يــــــــــاويـــــلي ويـــــــــــــلاه .. احظنك ليه ان شاء الله بزر
محمد : لا مو بزر ... بس مارح تشوفيني مره ثانيه الا بعد خمس او ست سنين
فرح : ابركها من ساعه .... يلا ظف وجهك انا عندي صديقاتي
محمد راح وحظنها غصب : افاااا صديقاتك أولى مني انا اخوك (وبخبث قال) الا ماقلتي لي هم حلوين
فرح بدلاخه : ميـــــن ؟
محمد : صديقاتك
فرح :أيـــــــــه حلوين
محمد يسحب منها الكلام : وش اسمائهم
فرح على نياتها : الاولى اسمها مطريه دغيمان الــــ....
والثانيه خلايفه مفحط الـــــ......
محمد : هههههههههه مثلك يعني خفيفين ظل
فرح : يلا مناك بـــــس أخرتني عليهم
محمد : يلا مع السلامه بعد ساعه طيارتي
فرح : اشتر لي بدله أرسنال
محمد باسها : هههههه حاضر
تركته فرح وراحت لصديقاتها
............................
سافر محمد مع صديقه لأمريكا علشان يكمل دراسته هذا الكلام اللي قاله لأمه وابوه لكن هو مسافر علشان يلعب بكيفه ويترك الدراسه ويتزوج وحده امريكيه
...................
مشاعل ماتقدر تكمل حياتها بشكل طبيعي صارت مريضه نفسيه وامها ماتركتها خلتها تروح لمستشفى الأعصاب علشان ترتاح اكثر من الضغوط اللي هي فيها
.................
أسبانيا – برشلونه
سعود حابس غدير بالفندق ولا طلعها وجالس يتفرج على فلم وغدير جالسه بالغرفه وقطع عليه صوت جوال غدير
سعود : مين اللي بيتصل عليها هالوقت
وراح على طول للغرفه يشوف من اللي يتصل عليها ووقف عن الباب يسمع
غدير : هلا فارس ... انا الحمد لله بخير انت شخبارك ....ايه والله شسوي ... هههههه اكييد لازم اشوفه
سعود ضرب عنده الطبلون يعني صدق كلامه فارس يكلم غدير ودخل لغدير على طول من غير يسمع باقي الكلام وظربها لحد ماصار جسمها احمر
.......................
وتبقى [ صرخة ] الدهشه تتـرجم للأسى عـنوان ..
تترجم ~ صدمتي ~ بـ إنسان هقيته / مخلص ووافي /
...................
بوفارس يكلم بوفهد بالجوال
بوفارس : والله كان ودي يكون نصيب بينهم لكن ربي ماكتب هالشي والله يوفق فهد ويوفق جود
بوفهد : آمين ... واذا مافي نصيب بين فهد وجود يمكن يكون نصيب بين منصور وفرح
بوفارس : ان شاء الله ..يلا انا بسكر الحين مع السلامه
بوفهد :مع السلامه
سكر بوفارس من عند بو فهد وهو يشوف جود نازله عالدرج ولابسه عبايتها
بوفارس : وين رايحه
جود : طالعه مشوار سريع للسوق ... وراجعه مابتأخر
طلعت جود من بيتهم وراحت على طول لبيت ام ماجد واول ماوصلت فتح لها بزر صغير ودخلها على طول
جود : السلام عليكم
ام ماجد : اهلآ .. آهلا وش عندك
جود : انا ولد عمي بيتزوج وحده غيري وانا ما ابغاه ياخذها
ام ماجد : اهااا يعني تبيني اسحره هو
جود : لالالا انا ما ابغاه يتعذب هو ابغى اللي بيتزوجها تسحريها سحر صرف
ام ماجد : طيب عطيني اسمها الكامل واسم ولد عمك
جود : مو اليوم ابغاك بيوم عرسهم تسحريها احسن انا بجيك
ام ماجد : لازم تاخذي موعد قبل تجي
جود : طيب ....بااااي
....................
بشركة بوفارس وبوفهد
بوفهد : شلون يعني مانقدر نغير شي..
فيصل : لا ... انت عارف الأسهم والخساره مستحيل تتعوض الا لما تجيب مبلغ ظعف اللي خسرته
بوفارس: طيب والعمل الحين
فيصل : انا بكلم المسؤل واخليه يبيع بأغلى ويعوض النقص ولو بشي بسيط
بوفهد : والله الشركه حالتها بدت تتدهور
بوفارس : الله يستر من الجاي
....................................
اوضاع الشركه ماتسر... بتخسر الشركه ولا بتقدر تتدارك الأخطاء بشكل سريع ؟؟
يمكن ينجح سحر جود لأيمان ولا لا؟؟
فرح والهبال اللي هي فيه ويخليها ماتهتهم بتضل كذا ؟؟
الفصل الثاني
البارت الرابع
حياتي لو تجاهلتي ...
**غلاك بقلبي المجروح **
ترى أغلى ماخلق ربي في هذا الكون
هو .. انتي .. }
...............................
بقصر بوسعود
بمجلس الرجال
بوسعود : والله والنعم فهد حنا عارفينه... ولدنا وواثقين فيه بس انت عارف يابوفهد انت الكلمه الأخير عند البنت وانا ما اقدر اجبرها على شي
بوفهد : اكيييد يابوسعود اكييد ..هذا زواج مو لعب .. واذا هي موافقه بنخلي الملكه والزواج بيوم واحد
بوسعود :ان شاء الله ... بعد نخليه زواج بسيط وعائلي
..................
بدايه الأختبارات النهائيه
عند فرح كان الاختبار عندها اسهل مايكون لأنها وببساطه ماذاكرت
((من قصيده الدين والخلق اشرحي الأبيات التاليه:
ـــ1/ الدين أفضل ما نبغيه والخلق هما لنا في حياة العمر منطلق
.. الدين هو الشي الذي يبغاه الواحد السعودي كان او من الدول الشقيقه او الأخوات..(طبعا الجواب غلط)......
ــــــ 2/ نبني لنا بهما دنيا وآخرةً على أساسٍ مكين ليس ينخرقُ
الدين مثل الطوب والأسمنت نبني فيه كل شي والدين اذا حافظت عليه بيساعدك على دخول الجنه بعد رحمة ربي.. ))
............................
سعود ماقدر يتحمل غدير اكثر من غير مايذبحها او يضربها ويجلس معها شهر كامل بأسبانيا ويحبسها وهو ما عنده احد هناك وحجر له ولها ورجعوا للسعوديه
وكمل تعذيبه لها ببيتهم
..................
زواج ايمان وفهد كان بسيط وعائلي... هذا كان طلب ايمان لأنها ماكنت تبي استعراضات تصير عندها اخذها فهد بنفس يوم الزواج للطياره يقضوا شهر العسل وفهد ناوي يخليهم شهرين ....ومن محاسن الصدف فارس ما حضر زواج ولد عمه لأن زوجته ولدت وجلس معها بالمستشفى مستانس يبغى يشوف بنته.... وجود نجحت بسحرها لأيمان وخلت ايمان تكره فهد وماتبغاه يقرب منها او يكلمها... وفهد مستغرب هالشي المغرب ماكان فيها شي فرحانه
............
أمريكا
بشقه محمد – طلال
محمد : هلا فهد كيفك ؟؟
فهد : الحمد لله بخير انت شخبارك ؟
محمد : تمام ... الف مبرووك زواجك
طلال : مبرووك فهد
فهد بضيقه : الله يبارك فيكم ... عقبالكم
طلال ومحمد : لا يـــــــــارب
محمد : شعندك شهر العسل هنا .... ولا بعد تاركها وجاي عندنا
فهد : هههههه حرام يعني اشوف اخوي
طلال : ههههه شوف وجهه كأنه واحد مطرود
محمد :ههههههه اجل منحاش
فهد ( ياحبي لكم كأنكم عارفين ان ايمان طاردتني من الغرفه .... وماتبيني اكلمها او اقرب منها )
محمد : لا الحبيب ... سرحان اجل صدق مطرود
فهدغمض عيونه واخذ نفس طويل : انا بروح الحين ..عندي شغل
محمد :فهد انت مغصوب تاخذها ... او هي مغصوبه عليك
فهد مافتح عيونه وقف وقال : اذا محتاجين أي شي .. انا بالفندق اللي على يمينكم تعالوا وقولوا لي .... مع السلامه
طلع فهد وتركهم وراح لعندها ودخل لغرفتها
ايمان صرخت اول ما شافته : نعم خييييير .... شتبي .. اطلع برى ما ابي اشوفك .... اكرهك .. اكرهك اطلع برى بسرررعه روح عني
فهد صرخ : لا مو بكيفك اطلع برى ...انا اللي اجلس وانتي تطلعي مو انا اللي تطرديني يا انسه ايمان
ايمان قامت بسرعه بتطلع ماتبغى تكلمه تحس ان سكاكين تقطعها اذا شافته وان روحها بتطلع كل ماقرب منها
فهد سحبها من شعرها وقربها لعنده : ويـــــن رايحه ... انا مستحيل اخليك تبعدي عني اكثر من كذا
ايمان : اكــــــرهـــ
ماكملت ايمان كلامها لأنها ماتتحمل قربه منها وهذي حالتها من اخذها وهي اذا فرب منها يغمى عليها واذا اخذها للمستشفى قالوا له مافيها شي
..........................
°ˆ~¤®§(§ لــو صـدقي بـيخسـّــرني .. تشرفنـــي خســارتي §)§®¤~ˆ°
بشركة بوفهد وبوفارس
الأحوال ماهي حلوه الشركه قريبه من الافلاس او بالأحرى فلست
بوفهد : شلوون كذا شلوون .... احنا شارين احسن الأنواع
بوفارس : انت يافيصل تقول ان نقدر نعوض ... كيف نعوض الحين خسرنا كل شي
فيصل : لا ماخسرنا كل شي ... انا حاسب حساب كل خطوه بنقدم عليها وهذي الخساره مالها أي معنى
بوفارس : كيف مالها أي معنى ؟؟ ...وحنا خاسرين كل فلوسنا
بوفهد : فيصل .. شلون مالها معنى فهمنا
فيصل : بكل بساطه انا متعاون مع مدير الماليه ...وأخذت ثلاث ارباع فلوس الشركه قبل مانشتري اللي الحين حنا خسرانين فيه .. وحطيت الفلوس ببنك من بنوكنا علشان لما نخسر اللي بدينا فيهم يكون عندنا شي نعوض فيه الخساره .... وامس عرفت ان الشركه خسرت وعوضتهم بجديد وبدلت الخساره بربح اضعاف
بوفهد : يعني ...؟؟
فيصل : الشركه ماخسرت أي شي ... بالعكس حنا ربحنا اكثر من اللي ضاع سبع مرات
بوفارس بفرح : الله يعطيك العافيه ياخوي ... الله يعطيك العافيه
بوفهد : الحمد لله يارب .. الحمدلله .. شكرا يافيصل انت انقذتنا من السجن ومن اشياء كثيره
فيصل : ولا يهمكم انتوا اخواني ولازم اساعدكم .. اذا ماساعدتكم ما اكون اخوكم
................................
((خِذْ بْقَاٌيَاٌ ذِكْرَيَاٌتِكْ وٌ اٌلأٌمَاٌنِيْ وٌ اٌلَوُعٌوُدْ وٌ أٌمْحِي أٌسَمِيْ مِنْ حَيَاٌتِكْ وٌ إِنْسَىٌ أٌنْيِ بَاٌلوجود))
بمستشفى سعود - غرفه سعود
سعود وعيونه على الأوراق : والله ماني عارف ايش اقولك يافارس
فارس: سعود لاتلعب بأعصابي ..انا فيني شي ؟؟
سعود : احنا يمكن نقدر نعالج هالشي
فارس : سعود لاتقعد تستهبل علي قول شنو فيني ؟؟
سعود : انت فيك .... سرطان بالدم
فارس : هاااه
سعود : وللأسف الحين هو بمراحله الأخيره .. يعني مانقدر نسوي أي شي
فارس : انت متأكد
سعود : ايه يافارس ولو اني مو متأكد ماقلت لك ... الايام اللي باقي هلك قليله وانا اعتقد انه مافي سبب لهذا المرض من داخل جسمك اظن انه بلاء من ربي اذا انت مسوي شي لناس او مأذي احد
فارس ماسمع شي وطلع : مع السلامه
.......................
بــــدايـه مالهـا مـعـنـى .. نـهـايـه مـالهـا مـضـمـون . هــلابـــك دامني مثلـك " كسـيـر ومـيّـت ومطـعـون"
بيت بوسعود
ايمان من رجعت من امريكا مع فهد وهي ببيت اهلها
وكل يوم يجي فهد يبغى يشوفها مايدخلونه عندها وماترضى الشيخ يقرى عليها تخاف واذا قرى عليها تقعد تصارخ وهذي حالتها كل يوم من لما قال لهم الشيخ انها مسحوره وهذا السحر قوي مايقرون يفكونه لأن السحر المشروب اقوى انواع السحر
وحاولوا يعرفوا مين اللي ساحرها لكن الشيخ قال لهم مابيعرفوا الا لما يفكونه عنها
..............................
بينفك السحر عن أيـــمان ولا بتضل وتطلب الطلاق ؟؟
فارس ومرضه بيخليه يتوب عن غدير وسعود ؟؟

الفصل الثاني

البارت الخامس

الحب هو عالم فيه تبحر الروح ... نحو الافاق الوردية ..

... فيتجدد الامل ... وتغني الحياة ..

.. ليبقى الحب عالما لاينتهي وربيعا لايذبله خريف
...................

للحين صوت القرآن يعذبها.... ماتبي تسمعه تسكر اذانها تبعد هالصوت اللي يعذبها ويقطع كل مافيها....

كل هالعذاب بسبب السحر اللي ماانفك عنها ...حتى اهلها مو قادرين يشوفوها او يكلموها ....قلبهم

متقطع عليها و هم كل يوم يدعون على اللي سحرها ويتحسبون عليه

...................

بقصر سعود

سعود يصرخ : ولا بعد تكذبي ... انا سامعك بأذني والحين تقولي لي مابيني وبينه شي

غدير تبكي : والله هو بينتقم مني علشان خليته يطلق زوجته من قبل

سعود : ايه ... ايه العبي علي بالكلام هذا وتحسبيني بصدقك

غدير : طيب انت ليه مخليني عندك .. طلقني وارتاح مني

سعود: اطلقك وتروحي انتي تفرحي .. وتتزوجيه مستحييييل

غدير : انا حلفت لك مليون مره اني مالي شغل فيه

سعود : قالوا للحرامي احلف قال جاني الفرج

غدير : والحين انا شنو ابي فيه وهو متزوج وعنده بنت

سعود : ولا ابشرك مرييييييض بالسرطان

غدير فتحت فمها : مريض؟؟

سعود : ايه اكيد متفاجأه مو هو حبيبك اللي بياخذك

غدير : افففف انت واحد مجنون

سعود صرخ : انــــــــــــا مــــــجـــــــــــنــــــــون

وضربها بعقاله وهذا حالها كل يوم تصحى على ضرب وتنام على ضرب صار جسمها متعود على الضرب

.......................................

مثلي قليل ونادر انكم تلاقون ..... قلبي نظيف و صحبتي ترفع الراس

بقصر بوفارس

فرح جالسه مع ابوها وتنصحه على قولتها

فرح : هههههههااا ... صدق يـــبه من جد اتكلم

بوفارس : ههه اغير اسمي ليه ان شاء الله

فرح : كل صديقاتي يعايروني بأسمك .. يقولون ان اسمك غريب

بوفارس: وشنو بسمي نفسي اجل؟

فرح : مزعل ... او صقر .. او شليويح ... او مدراكي

بوفارس : هههههه شنو الاسامي هذي اول مره اسمع فيها
...............................

بمستشفى سعود – بغرفه سعود

فارس صار له ثلاث اسابيع يراجع عند سعود ويتابع حالته

فارس : سعود انا عندي كلام ولازم اقولك اياه الحين واخلي ذمتي قبل ماموت

سعود : خير فارس شنو عندك ؟

فارس : غدير

سعود : شفيها ؟؟

فارس : انا مابيني وبينها شي وكل اللي قلت لك اياه كذب بكذب واذا تقول

كيف عرفت هي شنو تلبس او كيف شكلها

بقولك اني ولا مره شفتها وانا قلت لزوجتي تشوف هي شنو لابسه وتقول لي

سعود صرخ : وكل هالوقت انت تلعب علي

فارس هز راسه من غير لايتكلم

سعود صرخ : الله لا يوفقك ... تستاهل اللي جاك .. انتي ضيعتي وضيعتها
...........................

<< ذنـبي>> انـي لاعـشـقت أمـطـر احساس وشجون

<<وعيبي>> اني لاكرهت ابقى وافي ::.. لـلـحـبـيـب ..:::
.......................................
بقصر سعود

سعود دخل بيته يدور غدير يعتذر لها عن كل اللي سواه فيها ويقول

لها ان فارس السبب بكل اللي صار لهم

سعود : غدير ... غدير .. وينك

مالقاها ...وراح للخدامه يسألها عن غدير قالت له انها بغرفتها..... طلع لها بسرعه بيعتذر لها مليون مره

علشان تسامحه ... ومابيتركها الا وهي مسامحته ... وصل لغرفتها دق الباب ماسمع رد

دخل على طول >>> ههههه متعود دايم يسوي كذا

سعود : غديـــــر

ماكمل جملته لأنها كانت طايحه عند رجوله ومغمى عليها رفعها بسرعه

وخلى الخدامه تلبسها عبايتها واخذها للمستشفى
............................
ظهر الحق و انتهى موعد الباطل بحياتها

بعد معاناة طويله دامت 7 شهور انكشف كل شي وانفك السحر وبان الساحر

الكل كره جود وحقد عليها وابتعد عنها خايف انها تسحره

وايمان ماقصرت فيها اخذت حقها منها .. ورجعت لفهد

فارس كل يوم يزيد مرضه وهو محد يدري عنه حتى ريم ماقال لها
.................................

المستشفى عند سعود

من دخل وهو مخلينه برى مادخلوه يشوفها او طلع له الدكتور يقوله عن حالتها صار لهم نص ساعه داخل

ومو معطينه وجه او سامحين له يدخل ... طلع الدكتور من الغرفه اللي فيها غدير وتقدم لسعود

سعود : هااه يادكتور .. شنو فيها ؟؟

الدكتور : والله يا اخي انت عارف ان كل اللي على الأرض مش حيعيش كتير

... وان كل الناس حتموت لا محاله

سعود : هاااه .. شصدقك

الدكتور : مراتك .. ماتت

سعود : هههههه ... شكل غلطان يا اخي يمكن تقصد الرجال اللي هناك

الدكتور : هي اسمها غدير الــ ..

سعود : ايه هذي هي

الدكتور : يبقى انا مش غلطان بأي حاجه يا استاز ... هي مراتك

سعود صرخ : لا مو بكيفك .. تقول لي ماتت ههههههه اكيد هذا مقلب منها وانتوا متفقين علي

الدكتور : انا مقدر حالتك يا استاز .. وهو مش موت فجأه او حاجه متل كدا .. هو موت بسبب الضغوط

النفسيه والجسديه ... باين انها تعرضت للضرب كتتر

سعود : ههههه انا ذبحتها ... انا ضربتها ... انا خليتها تخدمني ههههه اكيد الحين هي بتطلع وترجع معي

البيت صح ؟؟

الدكتور : لا حول ولا قوة الا بالله

طلع الدكتور وطلع بعده سعود لبيت اهله يقول لهم انه ذبح غدير

بقصر بو سعود

بوسعود وام سعود وايمان وفهد كلهم جالسين ينتظروا سعود لأنه امس قال لهم بيجيب غدير معه

خمس دقايق ودخل عليهم سعود لوحده ووجهه احمر

بوسعود ابتسم : هلا سعود وينكم تأخرتوا ... وين غدير ماجبتها معك

ام سعود : لا تقول لي تعبانه .. كل مره كذا

سعود صرخ : غــــــدير مـــــــــــاتـــــــــــــــــــت ... انا السبب .. انا اللي صدقته صدقت فارس ... كذب علي

بكل شي وخلاني اكرهها واضربها واذبحها انا ابعدتها عني وكل يوم اصحيها بضرب وانيمها بضرب ... (

صرخ اكثر ) انـــــــــــــــــــــا اللـــــي لقيتها علشان اتزوجها ... اخذتها وذبحتها .. فارس جى لعندي

المستشفى وطلع مريض بالسرطان ...مرييض بيموت .. مابيعيش اكثر من شهرين ( طاح عالأرض

ودموعه بعيونه) قال لي ... قال لي ... الحقيقه اللي كانت غدير تقولها لي كل يوم وانا ما اصدقها

واضربها عناد فيها .. امنتوني ووصيتوني عليها .. وانا حالف اربيها . مادريت انها هي اللي بتربيني .. ماتت

يا يــبه ماتت ..وهي.. 16 سنه بعيده عني وضايعه واليوم اللي لقيتها فيه خنتها ..وخنت اهلها ...وخنت

الكل باللي سويته فيها .. رجعت لها .. رجعت لها ابغى اعتذر عن اللي سويته فيها .. تدرون شنو لقيتها ..

لقيتها ميته قبل اعتذر لها .. لقيتها ميته قبل ابوس راسها .. لقيتها ميته قبل تسامحني ... اآآآآه يـــاغدير

ياليتك تسامحيني على اللي سويته فيك وانتي مالك ذنب
...........................
لا تعليق